&nbsp;<a href="https://kyzylorda-news.kz/">Kyzylorda-news.kz</a>&nbsp; Жәнібек бала күнінен теміржол саласында еңбек етуді армандады. Болашақ мамандығын оқушы күнінен таңдаған бозбала оқу бітіре салысымен Ақтөбе қаласына жол тартты. Арманы – асқақ, мақсаты – айқын Жәнібек Ілиясов Ақтөбе коммуникациялық транспорт және жаңа технологиялар колледжіне оқуға түсті. Бүгінгі таңда өз қалаған теміржол саласының ыстығына күйіп, суығына тоңып жүрген жас маман аталған саланың қыр-сырын біркісідей меңгеріп қалған.Еліміздің өзге мемлекеттермен терезесі тең дәрежеде дамуында қазақ жастары белсене қызмет атқаруда. Жастардың жалынды талпынысы мен еңбекке ынталары елдің өркендеуіне үлкен үлес қосуда. Дәл осылай, білімі мен адамгершілігі, талпынысы мен жауапкершілігі ұштасқан жастардың қатарында Жәнібек Тимурұлы да бар.Өз ісінің шебері атанған жас маман Қызылорда облысы, Арал қаласында туып өскен.&nbsp;Мектептен соң Ақтөбе коммуникациялық транспорт және жаңа технологиялар колледжінде оқыды. Отан алдындағы әскери борышын өтеп келген соң М.Тынышбаев атындағы қазақ көлік және коммуникация академиясында жоғары білім алды.Темірдей тәртіпті талап ететін теміржол саласында табандылығымен көзге түсіп жүрген Жәнібек алғашқы еңбек жолын Атбасар теміржол станциясының жол жөндеушісі болып бастаған. Жұмысқа деген жауапкершілігі мол жас маманның уақыт өте келе кәсібилігі шыңдалып, қызмет сатысымен жоғары өрлеп келеді. Жол жөндеуші болып жұмысқа кірген Жәнібек оператор, аға оператор және жол шебері операторы дәрежесіне көтерілдіТуған жердің өсіп-өркендеуіне өз үлесімді қоссам деген Жәнібек Тимурұлы бүгінде Қазалы жол дистанциясына жол диспетчері қызметін абыроймен атқарып келеді.– Шынайы талпыныс, нық қадам жасасаңыз, үздік нәтиже көресіз. Мен мамандығымды мақтан тұтамын әрі өзіме артылар жауапкершілік жүгінің салмағын сезінемін. Өзіңді жетілдіріп, жан-жақты байыту бүгінгі қоғамның басты талабы», – деген Жәнібек Тимурұлы бірнеше тренингтік орталықтар, семинарлар мен академиялық конференцияларға қатысып, біліктілігін арттырып отырады. Ол «Қазақстан Ұлттық теміржолының 100 жас есім» жеңімпазы, «Қазақстан темір жолы» ұйымдастыруымен Республикалық жастар форумының активті қатысушысы, VII сессиялық жастар лагерінің белсендісі, үздік әлеуметтік корпоративті волонтер, «Қазақстан темір жолы» ұлттық компаниясына адал еңбегі үшін алғыс хат иегері секілді қол жеткізген жетістіктері де аз емес. Заман талабымен қатар дамып, ағылшын тілінен біліктілік курстарына да белсенді қатысып келеді. Жас болса да жан-жақтылығымен ұжымда өзіндік орны бар маман кейінгі толқынға білгенін үйретуден жалықпайды.

Қазалы: Теміржолда тер төгіп жүрген жастар көп

<a href="https://kyzylorda-news.kz/">Kyzylorda-news.kz</a>&nbsp; &nbsp; Аудан әкімі Берік Сәрменбаев аудандағы «Қызылдихан», «Ақжарма және К», «Ақжарма-2» шаруа қожалықтары мен «Мағжан және К», «Шаған Жер», «Абай-Дәулет» серіктестіктерінің ұжымдарына барып, облыс әкімі Нұрлыбек Машбекұлы Нәлібаевтың Наурыз мейрамына арналған мерекелік Құттықтауын табыс етті.«Сіздерді жақсылықтың жаршысы, жаңа жылдың бастауы Ұлыстың ұлы күні – Наурыз мерекесімен шын жүректен құттықтаймын! Айтулы мерекеге сырбойылықтар берекелі бірліктің арқасында толайым табыстар және жақсы жетістіктермен жетуде. Сыр елінің экономикалық, әлеуметтік жағдайының жақсаруына бар күш-жігерлеріңізді арнап, аймақтың береке-бірлігін арттыру жолындағы еңбектеріңіз үшін риясыз алғысымды білдіремін. Әрдайым ұжымның ауызбіршілігі мен жауапкершілігі артып, ырыс-несібесі еселенсін деп тілеймін» делінген аймақ басшысының Құттықтау хатында.Өз кезегіндеи аудан әкімі Берік Сәрменбаев шаруаларды егін науқанының басталуымен құттықтап, жұмыстарына табыс тіледі.Диқандардың шаруасы – &nbsp;қашанда ширақ. Маңдай термен жасалған жұмыстың арқасында қамба астыққа толатыны сөзсіз. Өз кезегінде барша еңбеккелердің алдағы&nbsp;уақыттағы еңселі қызметтеріне әрқашан сәттілік тілеймін, – &nbsp;деді аудан басшысы. &nbsp;Кездесулерде еңбек ұжымдары алдағы жоспарларымен бөлісіп, облыс әкіміне шынайы ризашылықтарын білдірді.

Аудан әкімі диқандармен кездесті

<a href="https://kyzylorda-news.kz/">Kyzylorda-news.kz</a>&nbsp; &nbsp;«AMANAT» партиясының «Ардагерлерді ардақтайық», «Бақытты отбасы» және «Кедергісіз келешек» партиялық жобалары аясында ауданда бірқатар кездесулер өткізілген болатын.Ізгілігі мол&nbsp;іс-шара барысында «AMANAT» партиясының Сырдария аудандық филиалының төрағасы, аудандық мәс­лихат төрағасы Ержан Әжікенов бастаған аудан­дық мәслихат депутаттары Алмас Есназар, Еркебұлан Жақып және Ақтөре Ибрагимұлы қа­тысып, аудан тұрғындарымен кездесті.Депутаттар ең алдымен Тереңөзек кентіне қарасты Бауыржан&nbsp;Момышұлы көшесінде тұратын көпбалалы ана Ж.Елубаеваның отбасында болды. Мұнда отбасы мүшелерімен пікірлесіп, Наурыз мейрамымен құттықтаған депутаттар күнделікті тұрмысқа қажетті ұн, күріш, май, қант секілді азық-түлік өнімдерінен әзірленген азық-түлік себетін табыс­тады. Өз кезегінде ардагер О.Тұңғышбаев депутаттарға батасын беріп, жұмысына сәттілік тіледі.Аудандық мәслихат депутаттары сондай-ақ кенттің А.Сырғабаев, Қызылдихан тұйығында тұратын М.Аймырзаева мен Ш.Қалмағанбетованың үйіне барды. Мүмкіндігі шектеулі азаматы бар әрі әлеуметтік аз қамтамасыз етілген қос отбасыға күнделікті тұрмысқа қажетті ұн, күріш, май, қант секілді азық-түлік өнімдерінен әзірленген азық-түлік себеті табысталды. Өз кезегінде қос ана ризашылығын білдіріп, наурыз мерекесімен құттықтады.Партиялық жобалар аясында ұйымдас­ты­рылған іс-шара қарияларға құрмет көрсетумен жалғасты. Депутаттар көпбалалы ана, «Күміс алқа» иегері А.Мырзабекова мен еңбек ардагері Ә.Сүлейменовті шуақты мерекемен құттықтады.– Биыл Мемлекет басшысының тапсырмасы­мен Наурыз мерекесі елімізде жаңа үлгіде тойлануда. Бұл игі бастамаған қазақылықтың қай­мағы бұзылмаған Сыр өңірінің жұртшылығы да өз қолдауын білдіруде. Біз де сол үлгілі үрдісті жалғастырып, ардагерлердің батасын алуды жөн көрдік. Түркі халықтарына ортақ мереке құтты болсын, – деді Ержан Ертарғынұлы.Мәслихат төрағасының тілегін аудандық мәслихат депутаттары Алмас Есназар, Еркебұлан Жақып және Ақтөре Ибрагимұлы жалғап, арда­гер­­лерге құрмет көрсетті. Өз кезегінде көпбалалы ана, «Күміс алқа» иегері А.Мырзабекова мен еңбек ардагері Ә.Сүлейменов еңбек еткен жылдары жөнінде естеліктерімен бөлісіп, депу­таттарға алғысын білдірді. Сонымен қатар ау­данның әлеуметтік-экономикалық, қоғамдық-сая­си, рухани-мәдени дамуына тілектестігін білдірді.

Халық қалаулылары жергілікті халықпен кездесті 

<a href="https://kyzylorda-news.kz/">Kyzylorda-news.kz</a>&nbsp; Сыр өңірінің мақтанына айналған қайраткер тұлғалардың қатарында есімі де, еңбегі де ерекше құрметпен аталатын айбатты да айбарлы, текті де тегеурінді, қайратты да қажырлы азаматтардың бірі де бірегейі – Болат Нұрсейітов атамыз еді. Шаңдайкөлдің табанында туып-өсіп, қасиетті дарияны жағалай қоныстанған өлкеде азамат болып қалыптасқан ол елді аузына қаратқан игі жақсының басы болған Нұрсейіт биден, малын үйірлеп санаған бай, қуатты Жанәбілден тараған ұлағатты ұрпақ еді.Жалынды жастық шағы екіншідүниежүзілік соғыспен тұспа-тұс келген Болат Нұрсейітов ел мүддесін бәрінен биік қойған майдангер екенін де айтып өтуіміз қажет. Соғыстың өрті мен отын көзбен көріп, жаны да, жүрегі де жараланған азаматтың елге аман-есен оралып, жүйелі де жемісті еңбек етіп, абырой биігіне көтерілгені бір кітапқа жүк боларлық тарих...Адал еңбекті ту ету арқылы маңдай терін сарқып, тарихи маңызы бар жұмыстарды атқара жүріп өзі де тарихи тұлғаға айналған Болат Нұрсейітовті сырбойылықтар ұмытқан жоқ. «Таулар алыстанған сайын биіктей береді» демекші уақыт өткен сайын қайраткер тұлғаның есімі де, еңбегі де еленіп, ел-халықтың құрмет-қошеметі артуда. Бүгін сондай бір игі істің куәсі болып, Нұрсейітовтер әулетінің ұйытқы болуымен өткен Б.Нұрсейітовті еске алуға арналған облыстық мүшәйраға және ауызашарға қатыстық.Текті әулеттің түлегі, елдің жанашыр азаматы, «Құрмет» орденінің иегері, «Сырдария ауданының Құрметті азаматы» Қайрат Нұрсейітов ағамыздың шақыруын қабыл алып, аудан ардагерлері де қайраткер-тұлғаны еске алу іс-шарасына келді. Тереңөзектен Қызылордаға дейінгі бір сағаттық жолда ардагерлер естеліктер айтып, жақсының жақсылығын, жомарттығын, жайсаңдығын тілге тиек етті. Өзім де жақында Сырдағы жас ақындардың ақылшы данасы, жанашыр панасы Дүйсекең – Дүйсенбек Аяшұлы ағамыздың облыстық «Сыр бойы» газетіне жариялаған авторлық мақаласын зор тебіреніспен оқыған едім. Сол мақаладан үзінді келтіре кетейін....1958 жылы колхоз шаруашылықтарын ірілендіру туралы СОКП ОК пленумының Қаулысы шығады. Ел осы тұста екіге жарылды. Әркім өзіне тартты. Отырған орындарын суытқысы келмеді. Сол кезде бұрынырақта қосылған бірнеше майда колхоздардың бірі «Абай», бірі «Молотов» болатын. Техникалардың басын біріктіретін «Аламесек» МТС-і Шағанда, «Абайға» жақын. Колхозда техника болмайды, олар оны МТС-тен «натура платаға», яғни, жалға алады. Ал «Ақжарма» арнасы «Комсомолдың» үстімен өтеді. Айтысушылардың негіздемесі осындай. Бұл айтыстың шешуші жиынына аудандық партия комитетінің бірінші хатшысы Нұрқасым Бердіқұлов келеді. Сонда Тоқымбай деген кісі сөз алады. «МТС бізге жақын, техниканы тартқыштап жүрмейміз. Оның үстіне данышпанның атындағы ауылдың солай қалғаны дұрыс» дейді ол. «Тоқымбай айтса, тоқта» деген ел бас шұлғып қалады. Осы кезде Болат Нұрсейітов былай дейді. «Бүгінмен өлшеп, ертеңмен піш» деген, бұрынғылар. Бүгінмен өлшемейік, ертеңге көз жіберген адам бұл өлшемнің екі кез кем екенін көрер еді. Плотина суы тек «Шіркейлі», «Ақжарма», «Іңкәрдарияға» ғана бұрып отыр. Келешек жоғары жақтан үлкен су тоспасының түсетіні анық. Бұл аталарымыз Ұшан деп атаған кең далаға беталды жайылып жатқан көлдердің құрғауына сеп. Сосын үлкен егін алқаптары пайда болады. Колхозды үлкейткен үкімет МТС-тің бір мәселесін шешер. Сондықтан жаңадан бөлініп, үлкейетін ауылды егіске қолайлап, атын «Абай» дейік, бұл ауыл ескі Абай болып қалсын».Ел ішінің айтысы осымен бітіпті. Болат Нұрсейітов болжағандай, 1962 жылы «Шардара» су қоймасы салынады. Ол жайында дәл сол уақытта әлі ешкім қозғамаған екен. Сонымен бірге, МТС-тер тарап, техникалар колхозға таратылып беріледі де, РСТ-тар құрылады. Міне, бұл заманынан озық туған Болат Нұрсейітовтің көрегендігі еді.Мұндай мысалдарды, көзі тірі ардагерлер тебірене айтатын естеліктерді ізденген адам табады. «Адамның есімі – оның жарты ғұмыры» десек Болат Нұрсейітовтің өзімен тектес Жаппасбай Нұрсейітовпен кездесуі тіпті ерекше оқиға. Ол кісі Кеңес Одағының Батыры. Бір қызығы қос тұлға соғыс кезінде Уфа қаласында бір рет кездескен екен. Ел аңыз қылып айтатын бұл кездесу олардың екінші кездесуі болса керек-ті.– Жүр, сені сыйлайын, – дейді Жаппасбай Нұрсейітов.– О не дегенің, біз сені бүкіл халық болып сыйлауымыз керек!, – дейді Болат Нұрсейітов інілік ізет танытып.– Бөке, мен ғана емес, сен де батырсың. Өзінің соры болатынын біліп фашистер сенің дәл оң қолыңнан атқан ғой. Міне, енді колхоз командирісің, еңбек батырысың! – деп ризалық білдіріпті Жаппасбай. Жаужүрек Жаппасбай батыр айтқандай, Болат Нұрсейітов шын мәніндегі еңбек батыры бола білді. Ол елдің арқасүйер азаматы, жұрттың жанашыры атанды.Болат әке мен Жаңыл анадан үш ұл, төрт қыз тараған. Бүгінде өмірден өткен үйдің үлкені Айтмағанбет Қызылорда пединститутын бітіріп, облыстық саяхат бюросының бастығы, Амангелді кинотеатрының директоры, қалалық, аудандық атқару комитеттерінде нұсқаушы, тәуелсіздік жылдары «Ақжарма» ауылының әкімі, мектеп директоры секілді жауапты қызметтердің тізгінін ұстады. Мен Айтмағанбет Нұрсейітов туралы бірер жыл бұрын аудандық газетте кең көлемді мақала жазғанмын. Текті тұлғаның ұрпағы Қанат Нұрсейіт қазір атасының, әкесінің абыройлы жолын жалғап, аудандық ауылшаруашылығы және жер қатынастары бөлімінің басшысы қызметін атқаруда. Қанат Айтмағанбетұлы бұрын аудан әкімінің көмекшісі қызметін де атқарғанын айта кетейін. Қанекеңнен кейін бұл қызметті 2017-2019 жылдары мен атқардым. Ағамыздан білмейтінімізді сұрап, тәжірибесіне сүйендік. Болат Нұрсейітовтің екінші ұлы Марат Болатұлы да жоғары білімді, мамандығы бойынша абыройлы қызмет атқарып келе жатқан азамат. Қасиеттің қанмен келетіні анық. Болат әкенің елге жасаған жақсылығы да, жомарттығы да, ағайынға алтын діңгек болған адал болмысы да кенже баласы Қайрат ағамыздың бойынан көрінді. Ісі мен сөзі үйлескен іскер азаматты бүгінде сырдариялықтар түгел таниды. «Сырдария ауданының Құрметті азаматы, «Құрмет» орденінің, «Ерен еңбегі үшін» медалінің иегері, облыстық мәслихаттың депутаты Қайрат Нұрсейітов ағамыз бүгінде ел сыйлаған іскер, туған жерінің жанашыр тұлғасы. Қайрекең «Далакөлдің» ізіндегі бүгінгі «Ақжарманың» дамуына айрықша үлес қосып келеді. Ауылға мешіт, монша, дүкен, дәмхана салып, ауыл ортасынан Болат Нұрсейітов атындағы саябақ ашты. «Ақжарма және К» серіктестігінің төрағасы еңбеккерлеріне көлік мінгізіп, шамасы жетпегендерге үй салып берді. Ол туралы біз бір емес бірнеше рет жазып, ер еңбегін дәріптеп, насихаттадық.«Менің ұстазым да, маңдай тірейтін ұлы тұлғам да – әкем мен анам. Жыл сайын бауырларыммен бірігіп, ата-ана аруақтарына арнап ас беруді айнымас дағды қылғанбыз. Мен үшін әкем – тірі адам. Істеген ісімнен кемшілік жіберіп қойған жоқпын ба деп күн сайын оңаша қалғанда әкеммен «сырласамын». Бір жұмысты бастасам да, аяқтасам да әке аруағының алдында есеп беремін…» деп тебіренеді Қайрат Болатұлы. Әкеге құрмет, ата-ана алдындағы перзенттік парыз туралы бұдан асырып не айтуға болады. Бүгінгі жыр мүшәйрасына қатысқан ақындар осыны жырлады. Ер еңбегін өлеңге арқау етті. Айдар Сайлауов, Ұлықбек Тәңірбергенов, Биболат Сәтжан үшінші орын иегері атанса, Назгүл Бердіқожа екінші орынмен марапатталды. Бірінші орынға Ақжол Түменбай лайықты деп танылды. Ақындардың туындыларын ақын, Қазақстан Жазушылар одағының мүшесі Ғазиза Әбілда, ақын, Қазақстан Жазушылар одағының мүшесі Дүйсенбек Аяшұлы, айтыскер ақын Нұрмат Мансұр бағалады. Ауызашарда да игі жақсылар есті естеліктерін айтып, әулеттің бірлігі бекем, тірлігі көркем болуына тілеулестік білдірді.&nbsp;

Ақжарманың ақберен азаматы

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданы орталығынан шалғай жатқан Тәйімбет Көмекбаев ауылы мал шаруашылығы, жүк тасымалы, такси қызметімен айналысады. Сонымен қатар, балық өндіруді де кәсіп етеді. Ауылдағы екі бірдей балық бригадасы жұмыс істеп, тұрғындарды адам денсаулығына пайдалы балық өнімімен қамтып отыр.&nbsp;Осы бригадалардың бірінің бригадирі – Түрікпенбай Исаев. Ол 2009 жылы Т.Көмекбаев ауылына Қарақалпақстанның Төрткүл ауданынан отбасымен қоныс аударған. Бұған дейін мал шаруашылығы, оның ішінде жылқы малын өсірумен айналысқан шаруа Қазақстанға келгеннен кейін де еңбекқорлығына салып, балық аулап отбасына нәпақа табуды қолға алады. Туған топыраққа оралған қандасымыз үшін бұл кәсіп оған жастайынан таныс-ты. Шекараның арғы бетінде жүргенде де талай мәрте су жағалап, ау құрған болатын. Былай айтқанда, балықшылық бүгін істеп тұрған тірлігі емес. Бәлки содан болар, "Өзен жағалағанның өзегі талмайды" дегендей, көп ойланбай жарамды &nbsp;жігіттерді жанына жинап, балық бригадасына топтасты.&nbsp;<blockquote>– Қасымда Қанжар, Рүстем, Азамат есімді азаматтар бар. Бәрі балық аулаудың шебері. Кәсібімізге пайдаланатын 2 резеңке қайық, 20-дай көлге тастайтын ау бар. Әр кәсіптің өз сыры мен қыры болатыны сияқты, балық аулау да өзінше бір әлем. Ебін тауып, ретін келтірмесеңіз, олжасыз қалуыңыз да ғажап емес. Табиғаттың тосын мінездері болады. Онымен де санасуға тура келеді.&nbsp; Ауды бірер күн ілгері бір жерге тастасақ, келесіде басқа жерге құрамыз. Әрбір тастағанда орнын ауыстырып, көшіріп отырамыз. Бұл – балықтың мол қабуына сеп. Желді, дауылды күндері көлге шықпауға тырысамыз. Себебі өмір қауіпсіздігі бірінші орында. Шүкір дейік, осыған дейін қолайсыз жағдай орын алып көрген емес. Тыйым салынғандықтан балық уылдырық шашатын мезгіл – сәуір-маусым айларында мүлде ауламаймыз. Алдымен көлдің иесінен рұқсат қағазын алып барып жұмысқа кірісеміз, – дейді кәсіп иесі.&nbsp;</blockquote>Қытайдың жілкі аулары дүкенде толып тұрғанымен, одан табиғатқа келетін зияндылық шаш-етектен. Су түбіне түскен мұндай аулардың жүз жылға дейін сол күйінше сақталатынын ескерсек, жәндіктерге де келтірер зардабы аз емес. Осы жағын ескерген жергілікті балықшылар өздері ауды қолдан тоқып, оған жіп пайдаланады.&nbsp;<blockquote>– Бізде ауды Азамат тоқиды. Қытайдың ауын қолданбаймыз. Қайықтарымыз бен ауларды екі жыл сайын ауыстырып, жаңалаймыз. Балықтың бағасы көлеміне қарай қойылады. Неғұрлым үлкен болса, соғұрлым бағасы өседі. Негізгі тұтынушымыз ауыл тұрғындары. Көтерме саудамен де, жекелей де жұмыс істей береміз. Балықтың өнімі несібемізге қарай әркезде әртүрлі. Бірде мол олжаға кенелсек, кейде бос қайтатын уақыттар болады. Бірақ қалай десек те, осы кәсіппен жанұямызды асырап қоймай, елді мекен халқын да дәруменге бай, денсаулыққа шипалы өнім түрімен қамтамасыз етіп келеміз. Ауға көбінесе сазан, амур, карас ілігеді. Тәжірибемізде 80 келі салмақ тартатын кісі бойындай жайын алған кездеріміз де болды.&nbsp; Келешекте өзіміз балық өсіріп көрсек пе деген ойымыз бар. Сол үшін бір жігітімізді арнайы оқуға жібердік, – дейді бригадир балықшылық кәсіпті кеңейтудегі жоспарымен бөлісіп.</blockquote>

Қармақшылық тұрғындар балық шаруашылығын қолға алды 

<a href="https://kyzylorda-news.kz/">Kyzylorda-news.kz</a>&nbsp; Экономиканың басты тірегі – өнеркәсіп. Онсыз өсу де, өркендеу де болмақ емес. Ал халықтың әлеуметтік әлеуетін жақсартуда өңдеу өнеркәсібінің ықпалы өлшеусіз.&nbsp;Президент Қасым-Жомарт Тоқаев «Әділетті Қазақстанның экономикалық бағдары» атты өткен жылдың 1 қыркүйектегі Жолдауында «жаңа экономикалық бағдар» аясында өңдеу саласын жедел дамытуға баса мән беруді жүктеді. Былтыр бұл салада бірнеше салмақты жоба іске қосылды. Ал биыл серпінді жобалардың үлкен тобы өмірге жолдама алмақ. Қазірдің өзінде сала қарқыны жақсы. Үкіметтің дерегінше, өткен жылы шикізаттық емес сектор экономикалық өсудің негізгі драйверлерінің біріне айналды.Ел Президенті шикізаттық емес салаларды өркендетуде бірнеше мақсат-міндет белгіледі: осы арқылы біріншіден, еліміздің мықты өнеркәсіптік негізі қалыптастырылады, екіншіден, қажетті тауарлармен өзімізді толық қамти алатын жағдайға жетуіміз қажет. Үшіншіден, жаһандық мамандануда Қазақстан тез таусылатын шикізаттың қоймасы болып қалмайды, дүниежүзілік нарықтарды дайын өнімдерімен жаулайды.Қармақшы ауданында қазіргі таңда кәсіпкерлікті дамытуда ең бірінші басымдық өңдеу өнеркәсібі саласына берілуде. Оның ішінде тамақ өнеркәсібі, жеңіл өнеркәсіп, жиһаз және құрылыс материалдар өндірісін айтқан жөн. Мемлекет басшысы халыққа арнаған Жолдауында елде сапалы ет, сүт, астық өнімдерін терең өңдеуді дамытуға бағытталған жобаларға басымдық беруді тапсырған болатын. Мәселен, облыста құс етіне қажеттілік жылына 14,1 мың тонна. Осыған дейін оның барлығы сырттан келді. Енді өнім өзімізде өндірілетін болды. Өткен жылы жұмысын бастаған Ақтөбе ауылындағы «Қармақшы құс» ЖШС құс фабрикасы іске қосылып, алғашқы өнімі шығарылды. Азық-түлік қауіпсіздігін қамтамасыз етудегі маңызды жобаны қолға алған кәсіпкер, «Ақтөбе и К» ЖШС директоры Нұрлан Іздібаев. &nbsp;Жалпы 3 млрд теңгеге іске асқан жобаның бастапқы 456 млн теңгесі «Байқоңыр» әлеуметтік-кәсіпкерлік корпорациясынан бөлінді. Кәсіпкер 2022 жылы «Аграрлық несие корпорациясынан» 880 млн теңге жеңілдетілген несие алып, құс фабрикасын жабдықтады. Жергілікті атқарушы орган инфрақұрылым жүйелерін тартуға қолдау көрсетті. Индустрияландыру бағдарламасы аясында республикалық және облыстық бюджеттен 443,2 млн теңге бөлініп, инженерлік инфрақұрылымы толық жеткізілді.Сонымен қатар, Жосалы кентіндегі «АНК-Дәулет» жауапкершілігі шектеулі серіктестігі газоблоктар өндіретін шағын зауытының құрылысы басталды. Жобаның жалпы құны 200 млн теңге. Жобаны жүзеге асыру мақсатында Өңірлік Инвестициялық орталығы арқылы 60 млн теңгеге несиелендірілді. Жоба іске қосылғанда 10 жаңа жұмыс орындары ашылады. Өндіріс желісінің құрал-жабдықтары жеткізіліп, өндіріс желісін орнатып, жақында іске қосуды жоспарлауда.Мұнан өзге ІІІ Интернационал ауылдық округінен жеке кәсіпкер Г.Рагибованың мал бордақылау алаңы және сою цехының құрылысын салу жоспарлануда. Жоба құны – 300 млн теңге. Жобаны іске асыруға қажетті 2 гектар жер телімі берілді. Мал бордақылау алаңында бір мерзімде 100 бас жылқы, 100 бас мүйізді ірі қара және 200 бас қой бордақылау жоспарланған. Сонымен қатар, перспективада ет өңдеу цехын (шұжық цехы) ашу көзделуде.Өңдеу өнеркәсібін өзектендіру – уақыт талабы. Мемлекет басшысының серпінді жобаларды, өңдеу өнеркәсібін шикізатпен жеткілікті көлемде және тиімді бағамен қамтамасыз ету тапсырмасы орындалу үстінде. Мұның бәрі табысты жүзеге асса, өңдеу өнеркәсібінің өнімі «жас өскіндей» өнуі мүмкін.

Қармақшыда өндеу өнеркәсібі дамып келеді

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінің Археология және этнография ғылыми орталығының ғылыми қызметкері Жетесби Сұлтанжанов Германияның Тюбинген университетінде ғылыми тағылымдамадан өтіп, елге оралды. Осы орайда шетелде біліктілігін шыңдаған ғалыммен тағылымдаманың маңызы, археологияның даму барысы жөнінде әңгімелестік.– «500 ғалым» бағдарламасы аясында Германияда ғылыми тағылымдамадан өттіңіз. Бұл елдегі білім беру жүйесінің ерекшелігі неде? Германияны таңдауыңызға не себеп болды?<blockquote>– Германияның жоғары оқу орындары әлемдегі ең үздік, яғни ТОП – 200 университеттің қатарында. Бұл елді таңдауымның себебі білім берумен қатар, ғылым саласы, оның ішінде археологиясы жақсы дамыған. Эберхард Карл атындағы Тюбинген университеті мен Қорқыт ата атындағы Қызылорда университеті бірнеше жылдан бері әріптестік байланыс орнатып, археологиялық бағытта бірлескен жұмыстар атқаруда. Екі елдің ғалымдарын біріктірген жобаларға өзім де қатыстым. Сонымен қатар, бұл білім ордасынан бөлек Неміс археология институтындағы Еуразия департаментінің материалдарымен таныстым.Тағылымдама алты айға созылды. Оқу орындарының кітапхана қорымен қатар Еуразия департаментінде Өзбекстан, Қырғызстан, Ресей сияқты бізге жақын орналасқан мемлекеттер туралы мәліметтер базасы бар. Бұл тақырыпты тереңірек тануыма жол ашты. Тюбинген университетінде негізінен ғылыми жұмыс жүргізудегі еуропалық әдістерді меңгердім. Еуропалық зерттеушілердің монография, диссертацияларының өзіндік ерекшелігі болатыны рас.</blockquote>– Бұл сапардың маңызы, жинақтаған тәжірибеңіз туралы айтып берсеңіз…<blockquote>– Осы кезде Сырдың төменгі ағысындағы ортағасырлық қалалар, соның ішінде Жанкент қалашығының инфрақұрылымы, қаланың жоспарлануы, ғимараттардың орналасу реттілігі, дамуын зерделеп, сол уақыттағы өзге шаһарлармен салыстырудамын. PhD докторантурадағы бұл зерттеу жұмысымды Тюбинген университетінде жалғастырдым. Шешімін таппаған сұрақтардың жауабын іздеу барысында еуропалық ғалымдардың зерттеулеріне назар аударып, өзіміздікімен салыстырдым. Ғылым үшін әрбір жаңалық құнды. Сондықтан алдағы жұмыстарымызға серпін беретін мол материал жинақтадым. Берлиндегі музей аралы, Штутгард қаласындағы және Тюбинген университетінің археологиялық, палеонтологиялық музейлеріндегі жәдігер мен құнды деректер тағылымдаманың табысты өтуіне ықпал етті.</blockquote>– Оқу процесі қай тілде жүргізілді?<blockquote>– Оқу процесі өз таңдауыңызға қарай неміс немесе ағылшын тілінде жүргізіледі. Мен ағылшын тіліндегі деректермен танысып, ғалымдармен осы тілде байланыс орнаттым.</blockquote>– Университет ғалымдары ұзақ уақыттан бері Жанкент қалашығында, Жетіасар ескерткіштерінде зерттеу жүргізуде. Тың жаңалық бар ма?<blockquote>– Оқу орны зерттеу жұмыстарын көптен бері жүргізіп келеді. Кейінірек шетелдік ғылыми орталықтармен байланыс орнату, ғалымдарды тарту арқылы экспедиция халықаралық деңгейге жетті. Оның құрамында Қазақстаннан бөлек, Германия, Ұлыбритания, Ресей, Өзбекстан мемлекеттерінің зерттеушілері бар. Әрине, көпшілікке айтар жақсы жаңалықтарымыз жетерлік. Кеңес үкіметінің тұсында Хорезм археологиялық-этнографиялық экспедициясы біздің территорияда 80 жылға жуық жұмыс істеген. Көптеген ескерткіштерді анықтап, тек археологиялық әдістермен зерттеген. Бүгінде кешенді түрде жаңа технологиялармен, айталық радиокөміртектік талдау жүргізудеміз. Жанкент қалашығында 200-ге жуық радиокөміртектік талдау жасап, нәтижесінде төменгі қабаттарынан VІІ ғасырдың, жоғарғы қабаттарынан Х ғасырдың белгілерін көріп отырмыз. Көне шаһар әлі де зерттелуде. Соның арқасында Жанкент қалашығының VІІ – Х ғасырда өмір сүргені анықталды.Жетіасар және Жанкент ескерткіштерінде қазба және қайта қалпына келтіру жұмыстары қолға алынған. Қазір Жанкент қалашығында тұрғындардың бет әлпеті қалпына келтіріліп, сол замандағы үш үйдің орны, суфалар, ошақтар мен ыдыстардың көшірмелері қойылды. Бұл – Жанкентті аспан астындағы ашық музейге айналдыру мақсатындағы жұмыстар.Жетіасар бойынша айтар болсақ, Алтынасар қалашығының үлкен-кіші үйін, керуен сарайының қабырғалары қайта қалпына келтірілді. Бұл ескерткіштерді сақтау мақсатындағы негізгі шаралардың бірі десек болады.</blockquote>– Жуырда Мәжілісте депутаты Еркін Әбіл жыл санап тарихи-мәдени мұралар жойылып бара жатқанын атап өтті. Археология саласының маманы ретінде бұл пікірмен келісесіз бе?<blockquote>– Депутаттың айтқан сөзі орынды. Егемендік алғалы ғылымымыз жаңару процесінен өтіп, қайта басталды десек болады. Жыл өте келе ғылымда жіберген қателіктерді байқап, оның орнын толтырып, жүйелендіруге тырысудамыз. Археология саласында ескерткіштерді қорғау, экспертиза жүргізуге байланысты жаңартылған заңдар жарық көрді. Қоғамда осындай мәселелерді жиі қозғауымыз керек. Бүгінде елімізде көптеген ескерткіш жойылу үстінде. Оған табиғи факторлармен қатар антропогендік факторлар да әсер етуде. Тарих және мәдениет ескерткіштерін қолдану мен сақтау шараларын заңмен жүйелендіру арқылы мұндай жағдайдың алдын алуға болады.</blockquote>– Қазір бұл салада қандай өзекті мәселелер бар? Археолог болуға қызығатын жастар көп пе?<blockquote>– Тарих және мәдениет ескерткіштерін пайдалану мен сақтау туралы заңның өзгеруі саланың дамуына оң ықпал етуде. 2019 жыл ескерткіштерді қорғау мен пайдалану туралы заң жаңартылды. Сонымен қатар 2020 жылы ескерткіштерге ғылыми экспертиза жүргізудің әдістері жаңартылып, бекітілді. Бұл ғылымды дамыту бағытындағы ізденістердің нәтижесі деуге болады. Ел ғалымдары бас қосқан конференция, жиындар барысында өз ұсныстарымызды жеткіземіз. Саланы дамытуға қатысты ойымыз көбіне қолдау тауып жатады.Археологияға қызығатын жастар жеткілікті деп ойлаймын. Елімізде ондаған ғылыми мекеме археологтарды дайындайды. Өзім де Қорқыт ата атындағы Қызылорда университетінің 2012 жылғы түлегімін. Магистратурада білім алып, докторантураны Еуропада жалғастырудамын.Әлемдік практика бойынша, қазір археология саласына тек кәсіби археолог мамандар емес, сонымен қатар биология, остелогия, антропология т.б. сала мамандары қажет екені белгілі. Қазір ұшқышсыз басқарылатын аппаратты археологияда пайдалану IT мамандардың да қажеттілігін көрсетуде.</blockquote>– Уақыт бөлгеніңізге рахмет!

Жетесби Сұлтанжанов: «Сырдың төменгі ағысындағы қалаларды зерттедім»

<a href="https://kyzylorda-news.kz/">Kyzylorda-news.kz</a> Литваның Каунас қаласында бокстан Альгирдас Шоцикас атындағы халықаралық турнирде Қазақстан құрамасы олжалы болды. Бұл туралы <a href="https://stan.kz/kazakstan-boksshilari-halikaralik-turnirde-6-altin-zhen-397382/">Stan.kz</a> ақпарат агенттігі хабарлайды.Финалда 9 қазақстандық боксшы шаршы алаңға шықса, соның алтауы алтын медаль жеңіп алды.Бұл қатарда 57 келіге дейінгі салмақта Асылжан Серікбай украиналық Денис Роздольскиді екі рет нокдаунға жіберіп, айқын басымдылықпен ұтты.Сонымен қатар ирландиялық Паул Хэйл Джон жекпе-жектен бас тартқандықтан, Жандос Қыдырәлиев (63,5 келі) тағы бір алтынға қол жеткізді. Қорғаныста сауатты қимылдап, шабуылда ширақтық танытқанйінбай Елнұр Сүйінбай (67 келі) польшалық Кирилл Глобенкодан айласын асырды.Фарух Тоқтасынов (71 келі) соңғы бәсекесін де қарқынды өткізіп, украиналық Максим Молоданға еш мүмкіндік берген жоқ. Азамат Бектас (75 келі) поляк Михал Ярлинскидің әлсіз тұсын тауып, жүлделі болды. Тұрсынбай Құлахмет (80 келі) ағылшын Рамтин Мусадан бір бас жоғары екенін дәлелдеді.Бұдан бөлек Нұрсұлтан Алтынбек (54 келі) соңғы айқаста украиналық Иван Завадскийге, Алмат Әбдуәли (60 келі) латвиялық Матвейс Прокудинске, Абзал Құттыбеков (86 келі) ағылшын Исаак Охоға төрешілер шешімімен жол берді.Нәтижесінде, қазақстандық боксшылар бұл&nbsp;жарыста 6 алтын, 3 күміс, 2 қола жүлдені иеленді.Еске салайық, бұған дейін Даниял Сәбит (51 келі) пен Аманат Сабырғали (+92 келі) қоламен шектелген еді.Фото: Stan.kz коллажы

Қазақстан боксшылары халықаралық турнирде 6 алтын жеңіп алды

<a href="https://kyzylorda-news.kz/">Kyzylorda-news.kz</a> Еліміздің басым бөлігінде тұрақсыз ауа райы сақталады."Қазгидромет" 24 наурызға Қазақстан аумағындағы ауа райының жалпы болжамын жариялады,&nbsp;деп хабарлайды&nbsp;<a href="https://sn.kz/sn-akparat-agyny/111106-24-nauryzda-kazakstannyn-keibir-kalalarynda-zhanbyr-men-kar-zhauyp-koktaigak-bolady">Skifnews.kz&nbsp;</a>ақпарат порталы.Синоптиктердің болжамынша, еліміздің басым бөлігінде тұрақсыз ауа райы сақталады.<blockquote>Бұрынғыдай, Қазақстан Республикасының басым бөлігінде атмосфералық фронтальды бөліктердің өтуімен тұрақсыз ауа райы сақталады, жаңбыр мен қар түріндегі жауын-шашын, көктайғақ күтіледі, тек республиканың батысында, солтүстігінде және оңтүстік-шығысында. ауа райы негізінен жауын-шашынсыз, Қазақстан Республикасында тұман күтіледі, солтүстікте, оңтүстік-шығыста жел 15-20 м/с күшейеді, - деді "Қазгидромет" РМК</blockquote>Фото: Pixabay

Бүгін еліміздің кей қалаларында жаңбыр мен қар жауып, көктайғақ болады

<a href="https://kyzylorda-news.kz/">Kyzylorda-news.kz</a> Жеке дара өнер көрсету мен топ болып төбе көрсетудің айырмасы жер мен көктей. Бір ғана өнер иесі сахнада талантын танытса, оркестранттар «өзім-өзімге» салынбай, шығарманы шыңына жеткізіп орындау үшін барын салады. Бір орындықта тапжылмай отырып, екі көзін дирижер қимылына бағыттап, өзі де ырғақтан ыршып түспей, нотаны жүрегімен сезінуі шеберлік. Бұл – тәжірибемен келетін кәсібиліктің көрінісі. Музыка саласының сырына терең үңілу үшін өңірдегі камералық оркестрдің көркемдік жетекшісі Анар Жаңбырбаевамен әңгіме құрған едік.– Өңіріміз өнер өкілдерінен кенде емес. Сондықтан камералық оркестрдің құрылу тарихына тоқталсаңыз. Жалпы құрамда қанша адам бар?<blockquote>– 2014 жылы облыстық филармонияда камералық оркестр ашылды. Содан бері киелі сахнаның киесін ұғынып, өнер көрсетіп жүрміз. Қазіргі таңда құрамда 27 адам бар. Жеткен жетістігіміз де аз емес. «Әуен Фест» камералық оркестрлердің республикалық фестиваль-конкурсында екі рет лауреат атандық. Бұдан бөлек, еліміз бен Еуропада, Венгрия мен Түркия, Босния мен Герцеговинада гастрольдік сапарда болдық. Көппен бөлісетін ақжолтай жаңалығымыз – симфониялық оркестрдің құрылуы. Бас дирижер – Қазақстанның еңбек сіңірген қайраткері, профессор – Мүсілім Әмзе. Сәрсенбінің сәтті күнінде салтанатты кешті өткізіп, концерттік маусымның ашылуын абыроймен атқардық.</blockquote>– Сазгердің сырлы әуенін орындауда талғам керек. Сахнада қай шығармалар орындалады?<blockquote>– Музыка өнерінің майталманы Ахмет Жұбановтың «Абай» сюитасы орындалды. Бұл туынды 1941 жылы жарық көрген. Десе де біраз орындалмай, архивте тұрып қалған. Көңілге түрлі ой салатын шығарманың шаң басып қалуына жол бермей, қайта жаңғырту керегін әркез қаперде сақтаймыз. Сондықтан талғам мен таңдау осы туындыға түсті. Лирикалық саз бен трагедиялық әуеннің тоғысуы тыңдарман көңілін толқытып, жүрегін тебірентетіні анық. Дирижер Мүсілім Әмзе кітапханадан оркестрге жазылған ноталарын тауып, Алматы қаласында бірінші болып орындаған. Негізі қазақстандық және шетелдік композиторлардың шығармасы көпшілік назарына ұсынылады.</blockquote>– Әуен әуезді, ырғақ пен дыбыс таза қалыпта шығу үшін аспаптың сапалы болғаны маңызды. Құрамның аспаптармен жабдықталуы қай деңгейде?<blockquote>– Филармония аспаптарды тапсырыс беріп немесе тендерге түсіп сатып алады. Бірақ тендерден алу тиімсіз. Өйткені, басты мәселе тендерге аспаптың арзаны қойылатындығы. Сондықтан, үн үздіксіз мөлдір шығу үшін аспапты ойнап, тексеріп таңдау керек. Десе де облыстық филармонияның басшысы Талғат Мақашов пен орынбасар Азиза Іздіқұлова жұмыстың жандануына жұмыла кірісіп, дамуы үшін дамыл таппай еңбек етеді. Мұның өзі оркестрді өрге сүйрейді.</blockquote>– Қазір ұлан-асыр той мен мерекелік кеште классикалық музыканың орындалуына қалай қарайсыз? Сіздің ше бұл өнердің ұлықталуына әсер ете ме?<blockquote>– Тойға шығатындарды оркестр емес, кіші ансамбль деген жөн. Себебі, оркестрде 28-30 немесе 120 адамға дейін өнер көрсетеді. Ансамбль құрамында квартет – 4 адам, арасында квинтет – 5 адам немесе сестёр – 6 адам болады. Бірақ қай-қайсысы да адамның қызығушылығын оятып, классикалық музыкаға құлақ түруге бейімдейді. Сондықтан көпшілік жиналған жерде музыканың орындалуын қолдаймын. Бұл өнерді өміршең етеді. Демек, мұны классикалық музыканың жарнамасы деп қарастыруға негіз бар.</blockquote>– «Титаник» трагедиясында өлім алдында өнерін тоқтатпаған сегіз музыкант жайында айтылады. Жалпы оркестр мен музыканың құдіреті жайында не дейсіз?<blockquote>– Иә, кеме суға кетіп, адам жанын мұң кемірген сәтте музыканың үнін үзбегендер жұрт жадында. Өмір мен өлім арасындағы қыл көпірде көптің қайғысын әуенмен ұмыттырғысы келуі ерекше, әрине. Кейбірі аман қалудың амалын іздегенде, аспабын тастамай әуелетуі әсерлі. Бәлкім, бұл өнерге деген құрмет! Сайып келгенде, классикалық музыка – адам жанының емі. Музыка – мәселені ұмытуға, тыныштық табуға, сананы серпілтуге ықпал етеді. Сондықтан оның құдіретіне күмән келтіруге болмас.</blockquote>– Үнде үйлесім болғаны маңызды. Сонда туынды тыңдарман құлағыңа жетеді. Орындау кезінде оркестрдгі өнер өкілдері бір-біріңізді қалай ұғынасыздар?<blockquote>– Орындауда іркіліс байқалмасы үшін әрбір маман бір-бірін сөзсіз түсіну керек. Ол жерде дабырлап сөйлеп, белгі беріп, ым-ишара жасалмайды. Әркім өзінің түйсігіне, сосын дирижердің қол қимылына мән береді. Яғни, шатасу мен жаңылуға мүмкіндік бермейтін математика деп айтар едім. Оркестранттар секунд сайын санап отырады, соның нәтижесін дирижер көрсетіп тұрады. Дирижердің басты рөлде болатыны да сол. Демек, оркестранттар бір сәтте тұтас ағзаға айналады.</blockquote>– Біразы ән айтуға құмар, әнші болуға әуес. Қалай ойлайсыз, жастар оркестр музыканты болуға қаншалықты қызығады?<blockquote>– Өмірінің өзегін музыка деп білетін жас өнер өлкесіне енуге асығады. Талант пен талаптың үдесінен шыққан шын өнерлінің өрге жүзетіні де ақиқат. Егер оркестрге қызықпайтын адам болса, біз бүгінгі жетістікке жете алмас едік. Тек өнер мектебін жандандырып, жастарды тартуға атсалысу керек. Алғашқыда аймақта камералық оркестр Қырымбек Көшербаевтың қолдауымен ашылды. Бүгінде жұмыс жүйесіз емес. Бірақ, штатты толықтырып, қадр мәселесін реттеу маңызды. Мәселен, музыка мектебінде скрипкада оқығысы келетіндер көп. Дегенмен дәріс беретін мұғалім аз. Өңірдегі музыкалық колледж бен өнер мектебі, филармония берік байланыстамыз. Енді штат пен кадр ісін жолға қойсақ, талай дарынды өнерпаз дайындауға қауқарымыз жетеді.</blockquote>– Мамандар қай жақтан жиналған?<blockquote>– Бір қызығы, кейде дайындық жұмысын желіге жүктейміз. Сонда кері байланыстың болатыны бізді қуантады. Яғни шебер музыканттар оркестрімізде өнер көрсеткісі келетінін айтып, жылы лебізін білдіреді. Сондықтан үй мәселесі шешімін тапса, олар өңірде өнер көрсетуге дайын. Біз тарапымыздан аймақ басшысына осы жайында ұсыныс айтып жатырмыз. Облыстық мәдениет және спорт басқармасының басшысы Мира Қазбекова да бұл ойды құптап отыр. Жалпы атқарылған ауқымды істер оң нәтиже беруде. Аймақ басшының қолдауы мен қамқорлығы өнер саласын ілгерітуде.</blockquote>– Әдемі әңгімеңізге рақмет! &nbsp;

Анар Жаңбырбаева: «Герцеговинаға да гастрольдік сапармен бардық»

Қырғыз Республикасының Ұлттық қауіпсіздік мемлекеттік комитеті (ҰҚК) Қырғызстан басшылығына қастандық жасамақ болған трансұлттық ұйымдасқан қылмыстық топ мүшелерін ұстады. Бұл туралы&nbsp;<a href="https://stan.kz/news-397377/">Stan.kz</a>&nbsp;ақпарат агенттігі&nbsp;хабарлайды.&nbsp;Агенттіктің мәліметінше, шетел азаматтары мен мемлекетаралық іздеуде болуы мүмкін тұлғалардың арасынан ұйымдасқан қылмыстық топтардың заңсыз әрекеттерін анықтау және жолын кесуге бағытталған жедел іс-шараларды ұйымдастыру барысында трансұлттық ұйымның мүшелері саналатын Әзербайжанның 5 азаматы анықталды.Алынған жедел дерекке сенсек, қылмыс әлемінде «қаңғыбас» деген лақап атымен белгілі М. О. Асгаров қылмыстық ортаны нығайту және ұрылар идеологиясын тарату, сондай-ақ өзінің мәртебесін арттыру мақсатында мемлекет жүргізіп жатқан ОПГ-ға қарсы белсенді күрес саясатына байланысты ел басшылығына қастандық жасау үшін серіктестерімен қырғыз аумағына келген.Осыған байланысты Қырғыз Республикасының Ұлттық қауіпсіздік мемлекеттік комитеті 2024 жылғы 22 наурызда жедел-іздестіру шараларын жүргізіп, нәтижесінде жоғарыда аталған тұлғалардың барлығы ұсталды. Қазіргі уақытта оларды Қырғыз Республикасының заңнамасына сәйкес жауапкершілікке тарту бойынша жедел-іздестіру шаралары жүргізіліп жатыр.Фото: stan.kz

Қырғызстанның басшылығына қастандық жасалмақ болған – ҰҚК

<a href="https://kyzylorda-news.kz/">Kyzylorda-news.kz</a> Мемлекет басшысы терроризмге қарсы күресте Ресеймен бірге екенін тағы да&nbsp;растады.Мемлекет басшысы Ресей Президенті Владимир Путинмен телефон арқылы сөйлесті. Әңгімелесу барысында Қасым-Жомарт Тоқаев Мәскеу облысындағы лаңкестік әрекет салдарынан көптеген адамның қаза табуына байланысты қазақстандықтардың атынан Владимир Путинге және бауырлас Ресей халқына қайғырып көңіл айтты,&nbsp;деп хабарлайды&nbsp;<a href="https://sn.kz/sn-akparat-agyny/111102-tokaev-resei-khalkyna-konil-aitty">Skifnews.kz&nbsp;</a>ақпарат порталы.Мемлекет басшысы бейбіт тұрғындарға қатысты зорлық-зомбылықты қатаң айыптайтынын, терроризмге қарсы күресте Ресеймен бірге екенін тағы да&nbsp;растады. &nbsp;Өз кезегінде Владимир Путин қолдау көрсеткені үшін Қасым-Жомарт Тоқаевқа алғыс айтты — делінген хабарламада.Сондай-ақ&nbsp;Ресейде 24 наурыз ұлттық аза тұту күні ретінде жарияланды.Фото: Ақорда

Қазақстан және Қызылорда облысының жаңалықтары