<a href="https://kyzylorda-news.kz/">Kyzylorda-news.kz.</a> Қазалы ауданында бау-бақша өнімдерін өсірумен айналысып, жерден несібесін теріп жүрген жандар аз емес. Соның бірі – Майдакөл ауылындағы зейнеткер Алмасбек Нәуке.&nbsp;<blockquote>«Баптай білсең, жер жомарт. Еңбегіңе қарай өнімі де болады. Қазір көп адамға оңай жұмыс қажет. Бәрі бірден бола қалса дейді. Алайда қашанда ер еңбекпен көгереді. Маңдай тердің жемісін уақыты келіп, өнімді жегенде сезесің. Жастарды еңбекқор болуға ерте жастан баулу керек. «Еңбек ерінбей, тояды қарның тіленбей» деген аталы сөзді балаларымның құлағына үнемі құйып отырамын», – дейді еңбекқор жан&nbsp;</blockquote>Ата кәсіпті қолға алған зейнеткер ауыл іргесінде орналасқан «Құлпыбай» учаскесінде 4 гектар жерге қауын-қарбыз, картоп, жуа және асқабақ дақылдарын егіп отыр.Бүгін бақшалық басына арнайы барған аудан әкімі Мұхтар Оразбаев ақсақалдың еңбегіне ризашылығын білдіріп, бақша өнімі мол болуына тілектестігін білдірді.<blockquote>«Еңбектің наны тәтті» демекші, көктем мезгілі келгеннен бақша басына шығатын Сіздің еңбегіңіз көпке үлгі. Бейнетіңіздің зейнетін көріңіз», – деді аудан басшысы өз сөзінде.&nbsp;</blockquote>Қызу жұмыстың басына аялдаған аудан әкіміне алғысын жеткізген Алмасбек ақсақал, кәсіпті одан әрі үлкейту жоспарында бар екенін жасырмады.

Қазалы ауданының басшысы Майдакөл ауылындағы бақшалықтың жұмысымен танысты

<a href="https://kyzylorda-news.kz/ru">Kyzylorda-news.kz.</a> Жаймашуақ жаздың келуіне де бір ғана күн қалды. Содан кейін шомылу маусымы әдеттегінше ашық. Бірақ күн райының құбылуына байланысты жұрттың өзен-көлге беттей алмауы мүмкін. Күн сәл ысыған соң, жағажай маңын қара-құрым халық басатыны сөзсіз.<blockquote>«Шомылу маусымының ашылуымен бірге біздің жаз бойғы тынымсыз әбігеріміз де басталады», – дейді аудандық төтенше жағдайлар бөлімінің бас маманы, азаматтық қорғау аға лейтенанты Әділет Баяхметұлы.</blockquote>Иә, жаз мезгілінің бір қызығы да осы емес пе?! Аптап ыстықта суға түсетіндердің саны артқан сайын құтқарушылардың тынымсыз жұмысы басталады. Абайсызда ажал құшып, жағажайда бақытсыз жағдайға душар болғандарды да естіп жатамыз. Мәселен, өткен жылы ауданда 2 адам қаза болған.Мұндай қайғылы жайттың орын алуының бірден-бір себебі – ата-анасының қарауынсыз баланың тыйым салынған жерлерге суға түсуінен болатынын айтады мамандар. Оған спирттік ішімдік ішіп суға түсетін үлкендерді қосыңыз. Сонымен қатар сала мамандары қайғылы жағдайлар орын алмас үшін судағы қауіпсіздік ережелерін үнемі ескеру қажет дейді. Егер балалар жүзу білмесе, белден жоғары деңгейде түспеуі қажет. Ата-аналар да балаларын қараусыз қалдырмағаны абзал. Тағы бір ескертетін жайт – суы бар жердің бәріне шомылуға болмайды. «Сырын білмеген аттың сыртынан жүрме» дейді қазақ. Асау өзеннің ағысы ағызып алып кететіні яки тұңғиық көлдің тартып алатынын қаперден шығармаған жөн.<blockquote>«Біз өткен жылы аудан бойынша су айдындарында полиция бөлімі, аудандық қоғамдық даму бөлімі қызметкерлерімен бірлесіп 100 рейдтік тексеріс жүргіздік. «Суға шомылуға тыйым салынады» белгісімен 35 дана тақтайша, 2 мәрте облыстық телеарнада сөз сөйлеу, 150 рет дауыс зорайтқыш құрылғы арқылы сөз сөйлеу, 10 көрнекі стендттер мен 24 дана билбордтар орналастырдық. Сондай-ақ өткен жылы аудан бойынша 33 суға түсуге қауіпті учаскелердің саны анықталды. Алайда ескертуді елемейтіндер көп. Тыйым салынған жерлерге суға түскендерге әкімшілік айыппұл салынады. Ал балалар суға түссе, оларды бірден полиция алып кетеді. Полиция бөлімшесінде ата-аналар мен балаларға ескерту түріндегі әкімшілік жаза қолданылады. Ал екінші рет қайталанса, әкімшілік айыппұл салынады. Биыл да тиісті жұмыстарға сақадай-саймыз», – дейді Ә.Баяхметұлы.</blockquote>Су жағасында орналасқан елді мекеннің бірі – Бәйгеқұм. Балалар жаз басталып, күн төбені тескенде аптап ыстықтан қашып, көлге ағылады. Ханқожа көлі маңында тұратын тұрғындар балаларының қауіпсіздігіне алаңдайды.<blockquote>«Балаларымыз жаз басталғанда көл жағасынан шықпайды. Күн ұясына батқанша көлге шомылады, қызықтайды, ойнайды. Көл жағасына түгел отбасымызбен барамыз. Алайда кішкентай балаларды көз алдымыздан қалт жібермейміз. Олар суда жүзе алмайды. Қолынан ұстап өзіміз жүзуді үйретеміз. Су жағасында тұрған соң қорқыныш та бар. Балаларымыз ес біліп, есейгенде достарымен бірге көлге барып, ойнап жүріп, қауіп-қатерге душар бола ма деген уайым басым. Достарының «Алысқа барып, жүзе алмайсың» деген сөзіне намыстанып, қаншама бала суға кеткенін көріп жүрміз», – дейді Гүлсінай есімді Бәйгеқұм ауылының тұрғыны.</blockquote>Расымен, бір кездері дәл осындай оқиғалар болған. Ойнаймын деп, от басып, абайсызда ажал құшқандар да болды. Сақтық шараларын сақтау – судағы басты қауіпсіздік талабы болмақ. Балалардың қауіпсіздігін қамтамасыз етуде ата-аналардың да үлесі басым. «Сақтансаң, сақтаймын» деген сөзді ұқтыру – үлкендерге міндет.Бүгінгі күннің батыры«Ел – құлағы елу». Ауыл ішінде жақсы болсын, жаман болсын әйтеуір хабар тез тарайды. Бірақ суыт хабарға қарағанда жанды жадырататын жаңалық естігенді жөн санаймыз бәріміз. Сол секілді есіктен біреу кірсе елеңдеп, «Не айтады екен?» деп отыратынымыз да өтірік емес. Жақында осындай бір жаңалық елдің ішінде желдей есті. Әркім әңгімені өзінше алып кетіп, өз ыңғайына қарай өрбітіп жатыр. Сондықтан мәселенің мәнісін білейік деп оқиға орнында болған кісімен сөйлестік. Иманәлі Абызбайұлы 1966 жылы Шиелі ауданында дүниеге келген. Ұл-қызына өнеге көрсетіп отырған үлгілі әке, абыройлы отағасы. Ауыл ішінде де өзіне тән қарапайымдылығымен және адамгершілігімен жақсы таныс. Енді міне, игі мінездеріне тағы бір жан сүйсінерлік қасиет қосылды. Ол – батырлық. Иә, И.Абызбайұлын «Бүгінгі күннің батыры» десек артық айтқандық емес. Себебі суға түсу маусымы басталған шақта бір емес екі бірдей жеткіншекті құтқарып қалу, сол екі балаға қайтадан өмір сыйлағанмен тең. Су тіршілік көзі болғанымен сақтық шараларын сақтамаса тілсіз жауға айналып кетуі қас пен көздің арасында.«Екі баланың періштесі қаққан екен» дейді көпшілік. Иманәлі Бексейтов санаулы секундтарға кешіксе не боларын елестетудің өзі қиын. Себебі өзінің айтуы бойынша малды кейін қайтарып жатқанда, «Р-7» каналына шомылып жатқан 8-сынып оқушыларын байқайды. Сол мезетте 2 баланы тек қолы ғана шығып тұрғанын көріп, қайырып бара жатқан малын тастай сала, сол күйі суға сүңги түсіпті ағамыз. Шапшаңдығы мен ептілігінің арқасында екі бала да аман. Алайда осы оқиғаны баяндай отырып, әр ата-ана баласына суға түсу қауіпсіздігі мен ережесін үйретсе екен дейміз. Ойын баласы болғандықтан жиі қадағалауды да қажет етеді. Әрине, «Жазмыштан – озмыш жоқ». Бірақ бала – бізге берілген аманат. Жұмыс, үйдің тірлігі деп жүріп қалмай бір сәт балаңызға назар аударып қойыңыз, құрметті ата-ана!

Шиелінің су айдындарында рейдтік жұмыстар жүргізілді

<a href="https://kyzylorda-news.kz/ru">Kyzylorda-news.kz.</a> «Ұра берсең, шайтан да өледі» демекші, тазалық тақырыбы ­аудан халықының санасын оятып &nbsp;жатқандай. Тазалық жөнінде талай айттық та, жаздық та. ­Аудан ардагерлер кеңесі үндеу де көтерді.&nbsp;Шындығында ауласын, есік алдын, көше маңын таза ұстау – әрбір тұрғынның міндеті. Әлияр ақсақал дұрыс айтып отыр. Біздің Ш.Уәлиханов көшесіндегі көршіміздің Балжан есімді бір келіні бар. Түркістан облысының қызы. Таңертең сағат 6:00-де тұрып, күнде есігінің алдын да, көше жағын да жылан жалағандай етіп сыпырады да жатады. Сырттан қарап риза боласың. Оны ешкім зорлап жатқан жоқ. Өзі әдетке айналдырған. Ауласы, көшесі түгіл үй ішін сыпырмайтын келіндер бар екенін естігенде жағамызды ұстаушы едік. Ал Балжандай келіндер көп болса, кенттің тазалығына үлес қосып жатқандықтарын білдіргені деп есептейміз. Оларға Алланың нұры жаусын дейміз. Маржан журналист жұртты қонақ арқылы ұялтып жатыр. Расында, ыбырсып жатқан үйге кіруге адамның көңіл-күйі де болмас.Жалғызбасты аналар мен әкелер болса, әрине, көмек берген дұрыс. Жарымжан, мүгедек отбасыларға қарасу – азаматтық борышымыз. Онсызда аудан көлеміндегі барлық мекемелерге тазалық сақтап отыруға көшелер мен аумақтар бөлініп берілген. Онда үйлердің ауласына дейін тазалаңдар деген талап болмаған шығар. Керісінше, түсінігі мол саналы адамдар тұрған үйінің көшесіне дейін сыпырып-сиырып, мұнтаздай таза етіп тастайды. Қазір тазалықтың не екенін көпшілік түсіне бастады. Мен тазалық жөнінде тағы бір мысал келтірейін. Менің әкем Әзімхан Исмаил бірде «Өркен, анау шалбардың артқы қалтасы не үшін берілген?» деді. «Білмедім» деп жауап қаттым. Мектеп оқушысы кезім болатын. Сонда айтқан «Пиджагіңнің төс қалтасы бетіңді, қолыңды сүртіп жүруге беторамал салып қоюға, ал шалбарыңның артқы қалтасы шүберек салып, аяқ киіміңді сүртіп отыру үшін жасалған қалта. Сонда аяқ киімің де, бетің де таза болып жүреді. Аяқ киіміңді сабақтан келсең де, жұмыстан оралсаң да келісімен сүртіп, шөткілеп қой. Таңертең уақыт алмайды. Киіп кете бересің» дегені әлі есімде. Мен сол күннен бастап шалбарымның артқы қалтасына масаты шүберек салып жүруді әдетке айналдырдым. Осы жасыма дейін қалтамда шүберек жүреді. Аяқ киімім үнемі жылтырап тұрады. Өйткені, сәл шаң болса, ерінбей тұра қалып сүртіп аламын. Сонымен қатар ол кісінің тазалықты мықты ұстанатыны өзімді де, айналамды да таңқалдыратын еді.Дүкеннен ішкиім сатып алып келсе, сол жаңа киімді жууға тастайтын. Анам да «бұнысы несі?» деп сөйлеп жататын. Сондағы жауабы «Бұл киімдер қоймада жатады. Одан дүкенге жетеді. Оны ол жақта тышқан аралайды. Енді оны қалай киесің? Ол таза емес. Ауру жұқтыруы да мүмкін» деп отыратын. Қызмет кабинетінің сейфі мен шкафтарын бір уыс кілттерін жұмыстан келісімен жуып іліп қоятын. Түскі тамаққа келгенде бір жуса, кешке тағы жуып орнына ілетін. Анам «Онысы несі, ей?» деп одан сайын күйіп-пісетін. Жауабы біреу-ақ. «Кілт те таза болуы керек. Ол жатқан микроб емес пе?» деп күлетін. Қызмет көлігінің іші шаң болса, жүргізушісіне сүрткізбей отырмайтын. Оны білетін шопыры көлігін қайта-қайта сүрткіштеп, өте таза ұстайтын. Сондай-ақ Маржан айтпақшы, тазалық табалдырықтан басталғаны өте дұрыс. Тазалықтың үлкен кішісі болмайтынын мен әкемнің ұстанған тазалығынан үлгі алып, өз табалдырығымнан басталғанын еске алып отырмын. «Тазалық – денсаулық кепілі» деп бекер айтпаған. Өзің таза, жаның таза, киімің таза, мекемең таза, айналаң таза, көшең таза болғанына не жетсін! Ал ауыл тазалығы, аудан тазалығы – бүгінгі өмір талабы. Аймақ, аудан, ауыл басшыларының алға қойып отырған қазіргі айшықты мәселе де тазалық екені аудан жұртшылығына аян.Облыс әкімі Нұрлыбек Нәлібаев тазалыққа байланысты облыстық конкурс жариялап, таза аудан, үлгілі ауыл атанып жеңімпаз болғандарға тазалық көліктері сыйға берілетініндігі айтылған еді. Біздің ¬аудан, сондай-ақ ауылдық округтер тазалық байқауына қатысып, жүлделі орын алуға бақтарын сынамақшы. Бүгінде осы бағытта көптеген іс-шаралар атқаруда. Ойшыл жазушымыз Мұхтар Әуезов «Өзіңе сенбе, ісіңе сен» дегендей, аудан халқы жұдырықтай жұмылып, атқарған істеріне сенгелі отыр. Оған апта сайын өтіп жүрген сенбіліктер куә болса керек. Нәтижелі сенбіліктер өтіп жатыр. Сенбілікке қатысушыларға аудан ардагерлері батасын беріп, игі істеріне береке, бірлік пен ынтымақ тілеуде.Аудан әкімі Нұржан Ахатовтың туған жеріне, еліне деген ыстық ықыласын, аудан орталығын, елді мекендерді көгалдандыру, абаттандыру және тазалық сақтау жөніндегі бастамасын қолдай отырып, баршамызды осындай өзімізге қажетті, халық үшін маңызды шараларға атсалысуға шақырамын. Гүлденсе ауыл – гүлденеміз бәріміз. Гүлденсе аудан – қуанамыз үлкен-кіші, кәріміз!

Шиелі: Гүлденсе аудан – қуанамыз бәріміз

<a href="https://kyzylorda-news.kz/">Kyzylorda-news.kz.</a>&nbsp; &nbsp;Қорқыт ата атындағы Қызылорда университетінде «Open talk» форматында «Дизайн және технологиялар» кафедрасының бітіруші түлектері жұмыс берушілер кеңесінің мүшесі Дина Махатовамен кездесті. Жиынға оқу ордасының профессор-оқытушылар құрамы мен бітіруші түлектері қатысты.Шарада Қызылорда облысының жеңіл өнеркәсіп бірлестігінің төрайымы, Қорқыт ата атындағы Қызылорда университетінің жұмыс берушілер кеңесінің мүшесі, «АС-КА» ЖШС директоры Дина Махатова студенттерге мамандықтар туралы кеңінен айтып берді. Білім алушыларды тәжірибе жинақтауға, ал бітіруші түлектерді жұмыс істеуге шақырды.<blockquote>«Алдағы уақытта университетті бітіргеннен кейін қосымша курстарға қатысып, біліктіліктеріңізді арттыруға талпыныңыздар. Гранттық конкурстарға қатысып, жоба ұсынуларыңызға болады. Қазіргі таңда, мемлекет тарапынан қарқынды жастарға көптеген қолдау бар. Осы мүмкіндікті пайдаланып, жеңіл өнеркәсіпті бірге дамытуға атсалысайық», - деді Дина Ордабекқызы.</blockquote>Жиында Қорқыт ата атындағы Қызылорда университетінің «Дизайн және технологиялар» кафедрасының профессоры, техника ғылымдарының кандидаты Ләззат Шілдебаева осы салаға қатысты мамандықтар жайлы айтты. Сонымен қатар, білім алушылар мен кафедра жетістіктеріне тоқталды.Кездесу соңында қатысушылар пікір алмасып, сұрақтарына жауап алды.&nbsp;

«Open talk»: Студенттер жұмыс берушілермен кездесті

<a href="https://kyzylorda-news.kz/">Kyzylorda-news.kz.</a> Қазалы аудан әкімінің орынбасары Жалғас Сүйеубаев Әйтеке би кентіндегі бірқатар құрылыс нысандарын аралады.&nbsp;Жалғас Оңғарұлы ең әуелі В.Счастнов және Желтоқсан көшелеріндегі көппәтерлі тұрғын үйлердің күрделі жөндеу жұмыстарымен танысты. Аталған тұрғын үйлерге жауапты мердігер «N строй сервис» ЖШС қызметкерлерімен кездесіп, тиісті тапсырмаларды жүктеді. Сонымен қатар нысанның сапалы әрі уақытылы аяқталуын айтты.&nbsp;Қазіргі таңда көппәтерлі тұрғын үйлердің шатыр жабыны толықтай ауыстырылып, қасбеттері сыланып, кіреберістерін жөндеу жұмыстары жүргізілуде. Жауапты қызметкерлердің айтуынша, бүгінгі таңда жоба сметалық құжаттама бойынша құрылыс монтаж жұмыстарының 70 проценті орындалып тұр.&nbsp;Мұнан соң аудан әкімінің орынбасары Жалғас Сүйеубаев Жетес би дәрігерлік-амбулатория (көне емхана) мен аудандық ұлттық сараптама орталығы ғимараттарының күрделі жөндеу жұмыстарымен танысты. Жауапты қызметкерлерге аудандағы бюджет қаражатына жүргізіліп жатқан кез келген жұмыстар аудан әкімдігінің тікелей бақылауында болатынын ескертті.&nbsp;Сонымен қатар Ғ.Мұратбаев елді мекеніне кіреберістегі жолға да барып, мамандарға жол сапасына баса мән беріп, уақытылы аяқтауды тапсырды.Сондай-ақ аудан әкімінің орынбасары Жалғас Сүйеубаев Қазалы қаласы мен Алға ауылдық округіндегі бірқатар көшелердің жол құрылысымен танысты.&nbsp;Биыл “Шағын және моноқалаларды дамыту” бағдарламасы бойынша &nbsp;Қазалы қаласындағы 15 көшеге қайта жаңғырту жүргізілетін болады. Мердігер мекеме - “Қыран” ЖШС.&nbsp;Қазіргі таңда аталған көшелердің бұрыңғы топырақ қабатын қазып алып, қайта топырақ төсеу жұмыстары жүргізілуде. Сондай-ақ, құрылысқа қажетті ауыр техникалар жеткізілген.Құрылыс басына арнайы барған Жалғас Оңғарұлы мердігер мекеме қызметкерлерімен кездесіп, құрылыстың сапалы әрі уақытылы аяқталуын тапсырды. &nbsp;Сонымен қатар аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтановқа тиісті тапсырмаларды жүктеді.Мұнан соң аудан әкімінің орынбасары Кеңес Одағының батыры Ү.Түктібаев атындағы ауылға ат басын бұрды. Бірқатар көшелердің жұмысымен танысып, мердігер мекеме қызметкерлерімен сөйлесті.&nbsp;Жол құрылысының басты назарда болатынын айтқан Жалғас Оңғарұлы жауаптыларға жолдың сапасы мен уақытылы аяқталуын қатаң тапсырды. Сондай-ақ, қажетті техникалардың жеткілікті болуы бақылауда болатынын ескертті.

Құрылыс нысандары қатаң бақылауда болады

<a href="https://kyzylorda-news.kz/">Kyzylorda-news.kz.</a> Әйтеке би кентіндегі Е.Бозғұлов атындағы №249 мектеп-лицейде оқушылар мен педагогтардың экономикалық білімдерін жетілдіру, қаржылық сауаттылығын қалыптастыру мен кәсіптік бағдар беру, сондай-ақ, бизнес және экономика саласында қабілетті тұлғаларды анықтау мақсатында сайыс өтті. Көрме-сайыс бизнес идеяларды қолдау және ерекше жұмыстарды насихаттау мақсатында білім бөлімінің жоспарына сәйкес аудандық «Өнертапқыштық және шығармашылық жобалар» тақырыбында ұйымдастырылды.Көлемді жиынның «Рухани құндылықтар – жаңа бастамалар жолы», «Ғылыми техникалық прогресс және математикалық модельдеу», «Экологиялық, психология және денсаулық сақтау», «IT технологиялар жобасы» &nbsp;атты 4 бағыты бойынша 65 қатысушы жобаларын қорғады.Олардың жұмысын көруге «Намыс-Құрылыс» ЖШС-нің директоры Өтеулі Әбдімәлік, Қазалы ауданық кәсіпкерлік, өнеркәсіп және туризм бөлімінің бас маманы Байденесова Ардақ, Қазалы аудандық қоғамдық даму бөлімінің жастар ресурстық орталығының Алпамыс &nbsp;Азамат, Жеке кәсіпкер Ашрафина Гүлназ арнайы келді. Мамандар сайысқа қатысушылардың еңбегін жоғары бағалады.&nbsp;Жиын қорытындысына сәйкес, ГРАН-ПРИ-ді Ерлан Өтепбергенов бастаған Қазалы аудандық Оқушылар үйінің ұжымдық жобасы жеңіп алды. Айтулы жеңісте «Туристік- өлкетану» үйірмесінің жетекшісі- Алишева Жанаркүл мен «Авиамодельдеу» үйірмесінің жетекшісі Алматова Ұлбосынның үлесі басым. Бұдан бөлек барлық қатысушыларға арнайы сертификат табысталды.

Қазалыда тың жобалар сынға түсті

<a href="https://kyzylorda-news.kz/">Kyzylorda-news.kz.</a> Қызылорда облыстық жастар денсаулығы орталығы қалаға қарасты Қарауылтөбе ауылында N179 орта мектебінің жоғары сынып оқушылары арасында «Темекі, есірткі сынды зиянды әдеттердің, жұқпалы аурулардың алдын алу» тақырыбында семинар-тренинг өткізді.Салауатты өмір салтын қалыптастыру үшін зиянды әдеттерден бас тарту қажет. Зиянды әдеттерге темекі, алкоголь (ішімдік) ішу, есірткі және уытты заттарды тұтыну жатады. Бұл заттарды ұзақ уақыт, ал кейде тіпті, аз ғана уақыт пайдаланғанда ағзамызда психикалық және тәндік тәуелділік дамиды. Зиянды заттарға әуестенудің барлық түрі ақырында ауыр науқасқа шалдықтырады. Мұндай аурулар ұзақ әрі арнайы емдеуді қажет етеді. Адам зиянды заттарды пайдаланудан сақтану үшін олардың кейінгі зардаптарын білу керек.&nbsp;Зиянды әдеттермен күресу – осы құбылыстың себептері белгілі болған жағдайда ғана табысты болады. Темекі тарту, яғни, никотинизм – зиянды әдет және нашақорлықтың бір түрі. Бүгінгі күні осы зиянды әдет медициналық қана емес, сонымен қатар әлеуметтік проблемаға да айналды.Ғасыр дерті болып, қазіргі таңда ең зиянды әдеттің бірі – ішімдік ішу. Ішімдік – бұл орталық жүйке жүйесіне әсер ететін есірткілік. Ішімді жүрек –қантамырлар, жүйке жүйесі, ас қорыту мүшелерінің созылмалы аурулардың және жарақаттанудың, иммундық жетіспеушіліктің, сүйек ұлпалары өзгеруінің және тағы басқа да аурулардың пайда болу себебі болып табылады. Алкогольді өнімді тұтынатын адамдардың балаларында туа біткен кемістіктермен кемтарлық, дене және ақыл-ой дамуы байқалады. Ішімдік барлық өмірлік маңызы бар мүшелер мен жүйелерге зиянды әсерін тигізеді. Ішімдікті ұзақ пайдаланғанда бауыр ұлпаларының өзгеруі, асқазанның қабынуы, асқазан жарасына айналатын гастрит және басқа да аурулар пайда болады.Зиянды әдеттерге әуестік кезеңі мектеп қабырғасынан басталады. Айналадағы достары, қоршаған ортасы салауатты өмір салтын ұстанбайтын болса, жаман әдетке бой алдыру оңай. Семинар-тренингтің мақсаты өрендерге мұның салдарын жіті түсіндіру.

Қызылордалық оқушыларға салауатты өмір салтын ұстануда семинар өтті

Зульфия Шалабаева: Төрт айда төрт спектакль қою – үлкен жетістік

<a href="https://kyzylorda-news.kz/">Kyzylorda-news.kz.</a> Аудандық жастар ресурстық орталығының ұйымдастыруымен Қазалы аудандық Қоғамдық Даму Бөлімі, «AMANAT» партиясының аудандық филиалының қолдауымен бүгін Әйтеке би кенті жастары арасында кіші футболдан ”Жастар кубогының” ашылуы болды. Шараның ашылуына «AMANAT» партиясы аудандық филиалының Атқарушы хатшысы Жалғасбаев Нұрғиса Жаппарбергенұлы, аудандық қоғамдық даму бөлімінің басшысы Қайрат Әбубәкірұлы және аудандық жастар ресурстық орталығының директоры Нұрбек Ақпанбетұлы қатысып, команда ойыншыларын турнирдің басталуымен құттықтап, қатысушыларға сәттілік пен жеңіс тіледі.Бұл футбол бәсекесін өткізудегі мақсат - жастардың бос уақыттарын тиімді өткізу мен оларға қолдау көрсету, түрлі салалар бойынша бағыт-бағдар бере отырып, жастардың спортқа деген қызығушылығын арттыру, жастарымызды бұқаралық спортқа тарту, жастардың бойында жігерлілік пен жеңіске деген ұмтылысты қалыптастыру болып табылады.Жарыс әр аймақ жастарымен жеке өткізілетін болады. Бүгін алғашқы болып турнир Әйтеке би кентінің, Жаңауыл аймағындағы жастар арасында басталды. Жарысқа 6 команда қатысып, қорытындысы бойынша «1998 жылғы жастар» командасы турнир жеңімпазы атанды. Жүлделі екінші, үшінші орындарды «2006 жылғы жастар» және «2004 жылғы жастар» командалары өзара бөлісті.Жеңімпаздар мен жүлдегер командаларға медальдар мен кубоктар табыс етілді. Сондай-ақ, турнирде үздік деп танылған Талғат Теңелбекұлы «Үздік қақпашы», Дербисалиев Жасұлан «Үздік қорғаушы», Ғасырбек Қайратұлы «Үздік ойыншы», Едігеев Әділет «Үздік сұрмерген» арнайы бағамдарымен, белсенді ойын көрсеткен қатысушылар алғыс хаттармен марапатталды.

Қазалы: Футболдан «Жастар кубогы» басталды

<a href="https://kyzylorda-news.kz/ru">Kyzylorda-news.kz.</a> 31 мамыр – саяси қуғын-сүргін және ашаршылық құрбандарын еске алу күні. Бұл күн – күллі қазақ жұртының көкірегін қарс айырып, бір сәт күрсінетін күн. ХХ-ғасырдағы саяси қуғын-сүргін – мыңдаған жазықсыз жандардың қаны мен көз жасына жуылған тәуменді тарихтың шерлі беттерінің бірі. Бүгінгі ұрпақтың борышы – осы жылдары жазықсыз құрбан болған азаматтардың есімін ұмытпау және оларды мәңгі есте сақтау.Қазақ ұлт болып қалыптасқан кезден бастап талай зобалаң мен дүрбелеңді бастан өткерді. Тарих қойнауында төгілген қан мен ащы тердің, азапқа толы кезеңдердің бізге жетпеген белгілері жатыр. Баяғы жылдарды былай қойғанда өткен жүз жылдықта қазақ халқының басынан кешірген ең бір ауыр зұлматы – ашаршылық пен қуғын-сүргінге ұшырауы еді. Қазаққа қасірет әкелген сол бір аумалы-төкпелі жылдарда мыңдаған адам жазықсыз түрмеге тоғытылды, жазықсыз атылды, туған жердің топырағынан кетіп, айдауға ұшырады. Қаншама ұлтжанды азаматтар тоталитарлық жүйенің құрбанына айналды.&nbsp; Зиялы қауымды, ауқатты адамдарды қуғын-сүргінге түсірген зұлмат жылдардың біз біле бермейтін тұстары жетерлік. Әлі де қасірет құрбандары жайлы шындық толықтай ашыла қойған жоқ. Тарихқа зер салсақ, 1927 жылдан 1953 жылға дейін Кеңес Одағында 40 миллионға жуық адам репресияға ұшыраған. Бұдан бөлек, 3 миллион 770 мыңнан аса адам сотталған болса, 642980 адам ату жазасына кесілген, 2 миллион 369 мың адам 25 жыл бас бостандығынан айырылған. Ал, елімізде 103 мың адам қуғынға ұшыраса, 25 мың адам атылған. Қызылорда облысында да қаншама жан қуғын-сүргін құрбанына айналды. Облыс бойынша &nbsp;жалпы саны 4 мыңға жуық адам «халық жауы» атанды. Қуғын-сүргіннің зобалаңын қазақтар ғана емес, Қазақстанға еріксіз, күшпен жер аударылып келген 1,5 миллион өзге этнос өкілдері де көрді. Қазақ халқының жанашырлығы мен көмегінің арқасында олар жан сақтап, аман қалды.Шиелі ауданында мыңнан аса адам қамауға алынып, бұлардың көбісі жазықсыз атылып кетті. Шиелі аудандық атқару комитетінің берген мәліметтері бойынша, 1944 жылы 95, 1945 жылы 681 азамат жер аударылған. &nbsp;Ал 2021 жылдың 13 сәуір күні Қ.Мүмбәраковтың басшылығы кезінде Саяси-қуғын сүргін құрбандарын толық ақтау жөнінде өңірлік комиссияның жұмысына қажетті мәліметтерді жинақтап ұсынатын жергілікті жұмысшылардан құралған топ құру туралы арнай үкім шықты. Қазіргі таңда аталған топ құрамында 14 комиссия мүшесі, топ төрағасы, төраға орынбасары мен хатшы, сондай-ақ 11 мүшесі жұмыс істеуде.&nbsp;Кеңестік қызыл империя қазақтың қасіретіне айналды. Жазықсыз атылғандардың басым көпшілігі қазақтың бетке ұстар, көш бастаушы ағартушы, ұлт көсемі болуға лайықты Алаштың арда азаматтары еді. Қаншама нәубет жылдарды бастан кешірген мықтылардың айтқан зары мен кешкен мұңы, жүріп өткен жодары – бүгінгі ұрпақтың мәңгі есінде сақталмақ. Қазақ халқы сол жылдарда орасан шығынға ұшырағанына қарамастан, өзінің бірегей ұлттық болмысы мен асыл қасиеттерін сақтап қалды. Қатыгездікке бой алдырмай, қанша ғасырлық даналығын да, пайымы мен парасатын жоғалтпады. Ал мұндай ұлттың тәуелісіздіктің шынайы бағасын білмеуі, жүрекпен сезінбеуі мүмкін емес. Сондықтан кейінгі жастар мына бейбіт күннің қандай шығынмен, қанмен келгенін ұмытпауы тиіс.

Қасірет құрбандары – қазақтың құрметтілері

<a href="https://kyzylorda-news.kz/">Kyzylorda-news.kz.</a>&nbsp; Президент 31 мамыр – Саяси қуғын-сүргін және ашаршылық құрбандарын еске алу күніне орай <a href="https://twitter.com/tokayevkz">Twitter</a>-де арнайы жазба жариялады.<blockquote>«Біз бүгін саяси қуғын-сүргін және ашаршылық құрбандарын еске аламыз. Тоталитаризмнің бұл қырғыны халқымызға орасан зор қасірет әкелді. Тарихымыздың қайғылы кезеңдерін терең зерделеп, жазықсыз жапа шеккен боздақтарды ақтау ісін жалғастыру – өте маңызды мәселе», – деп жазды Қасым-Жомарт Тоқаев Twitter-де.</blockquote>Президенттің пікірінше, азалы күндерден сабақ алып, мұндай нәубеттің келешекте қайталануына жол бермеу – баршамызға ортақ парыз. Біз ауыр сынаққа төтеп берген, ұлт бірлігін сақтап қалған және асыл қасиеттерін жоғалтпаған ата-бабамыздың үмітін ақтауымыз қажет. &nbsp;

Президент: Біз ұлт бірлігін сақтап қалған ата-бабамыздың үмітін ақтауымыз қажет 

<a href="https://kyzylorda-news.kz/ru">Kyzylorda-news.kz.</a>&nbsp; Бүгін қазақ халқының даму әлеуетін ондаған жылдарға кешеуілдетіп, адами капиталын орны толмас шығынға ұшыратқан ХХ ғасырдағы саяси нәубеттердің құрбандарын еске алу күні. Тарихтағы бұл қаралы күн 1997 жылдан бастап аталып өтеді.КСРО республикаларында репрессия 1928 жылдан басталды. Қазақ елінде алдымен Алаш қайраткерлері тұтқындалды. Оларға "ұлтшыл" деген айып тағылды. Салдарынан Әлихан Бөкейханов, Жақып Ақбаев, Әлімхан Ермеков, Санжар Асфендияров, Ахмет Байтұрсынов, Бейімбет Майлин, Мағжан Жұмабаев, Абдулла Розыбақиев, Тұрар Рысқұлов, Мұхамеджан Тынышбаев, Ілияс Жансүгіров және тағы басқа зиялылар ату жазасына кесілді.Ресми деректерге сәйкес, Қазақстанда 103 мыңнан астам адам қуғын-сүргінге ұшырады. 25 мыңнан астам адам ату жазасына кесілді. Олардың арасында ғалымдар, мәдениет және саясат саласының қайраткерлері, дәрігерлер болды.Репрессия жылдары Қазақстанға 800 мың неміс, 102 мың поляк, 19 мың корей, 507 мың Солтүстік Кавказ елдерінің өкілдері жер аударылды. Сондай-ақ қазақ жеріне күшпен қырым татарлары, түріктер, гректер, қалмақтар мен өзге де ұлт өкілдері көшірілді. Жалпы елімізге 1 миллион 500 мың адам жер аударылды."Халық жауларын" анықтау бойынша қатаң саясаттың салдарынан қуғын-сүргінге ұшырағандардың өздері ғана емес, олардың жақындары да зардап шекті. Олар үшін Қазақстанда АЛЖИР (отанына опасыздық жасағандардың әйелдері қамалған Ақмола лагері), Карлаг (Халықтық ішкі істер комиссариатының Қарағанды еңбекпен түзеу лагері), Степлаг (саяси тұтқындарға арналған лагерь) арнайы лагерьлері құрылды.Ең ірі лагерь – АЛЖИР, бұл жерде "отанына опасыздық жасағандардың" әйелдері қамалды. Талайдың тағдырын тәлкек еткен мекеме КСРО ішкі істер халық комиссариатының бұйрығымен 1937 жылы 15 тамызда Ақмола қаласының жанындағы Төңкеріс (Малиновка) елді мекенінде құрылды. "АЛЖИР" лагері 30 га жерді алып жатты. Оның Қарағанды және Ақмола облыстарында бірнеше бөлімшелері болған.Жаппай саяси қуғын-сүргіндер құрбандарын ақтау туралы Заң алғаш рет 1993 жылдың 14 сәуірінде қабылданған болатын. Содан бергі 30 жылдың ішінде құжат 7 рет жаңартылыпты. Соңғы жаңарту 2023 жылдың 19 сәуірінде қабылданған.&nbsp;Ол редакция 1920-1950 жылдардағы саяси қуғын-сүргін құрбандарын толық ақтау жөніндегі мемлекеттік комиссияның қорытындысынан кейін қабылданатыны айтылған еді.

Қазақстан және Қызылорда облысының жаңалықтары