<a href="https://kyzylorda-news.kz/">Kyzylorda-news.kz.</a> Мемлекеттік ту, елтаңба, әнұран – елдің тәуелсіздігі мен егемендігінің айқын көрінісі. Қазақстан республикасының бұл басты нышандарының эталондары республиканың тұңғыш президенті мұражайында сақталуда. Біздің еліміздің жаңа тарихының беттерінде мемлекеттік нышандардың орны ерекше.&nbsp;Мемлекеттік рәміздердің ресми бекітілуінің өз саяси тарихы бар. 1992 жылы 4 маусымда ҚР Президентінің Жарлығымен ҚР Мемлекеттік нышандары туралы заңға қол қойылды. 6 маусымда Президент резиденциясының және Жоғарғы кеңестің ғи-мараты үстінен Мемлекеттік ту көтеріліп, Елтаңба орнатылды. Дәл осы күні сол кездегі Алматы опера және балет театрында олардың тұсаукесер салтанаты өтті. 6 айдан соң, яғни 1992 жылы 11 желтоқсанда Мемлекеттік Әнұранның да мәтіні бекітілді. Бүгінде еліміздің жер-жерінде Рәміздер алаңы бой көтеруде. &nbsp; &nbsp; &nbsp; &nbsp;&nbsp;Тәуелсіздік – халқымыздың баға жетпес асыл қазынасы, ұрпақтан-ұрпаққа мұра болып қалар теңдессіз байлығы. Осы орайда Тәуелсіздіктің 30 жылдығына тату ретінде Дәуімбай елді мекенінде елдің басты нышанына деген құрмет пен отансүйгіш азаматтардың көмегі арқылы жабық бассейн жанынан Рәміздер аллеясы салынды.&nbsp;4 маусым – Қазақстан Республикасының Мемлекеттік Рәміздері күні. Бұл күн – халқымыздың мұқалмас рухы мен ежелден келе жатқан басты құндылықтарымызды айшықтайтын қастерлі күн. Осы ретте аудан жұртын ортақ мақсатқа біріктіруге және олардың патриоттық рухын көтеруге бағытталған бірқатар шара өтті. Шаралар легі 3 маусым күні мәдениет және спорт бөлімі, «Наркескен» спорт клубының ұйымдастыруымен ересектер арасында Жалағаш аудандық «ZHALAGASH MARATHON - 2023» &nbsp;жарысынан бастау алды. Марафонның басты мақсаты – жастарға спортты насихаттай отырып, салауатты өмір салтына баулу, спортқа қабілетті жастардың өмірлік салтын қалыптастыру.Таңмен таласа оянып, жүгіруге келген 120-ға жуық жас марафонға қатысып, бұқаралық спортты қолдайтынын көрсетті. Жүгіру ерлер мен әйелдер арасында ұйымдастырылды. Шараға аудан әкімінің орынбасары Ғани Сүлейменов қатысып, спортшыларға сәттілік тіледі. Бұл спорттық шараға аудан жастары мен мекеме қызметкерлері, жоғары оқу орындарының студенттері мен оқушылар қатысты. Қатысушылар марафонды орталық стадионнан бастап, 3,5 шақырым қашықтыққа жүгіріп өтіп, орталық стадионға қайта табан тіреді. Ерлер арасында ІІІ орынды Махмуд Ермак, ІІ орынды Таң ауылынан келген Аслан Тұрсынбай, І орынды Жаңа¬лап ауылының спортшысы Еркін Әбжамилов иеленді. Сағи Хамит, Жомарыс Ыбырай, Дамир Базарбайұлы, Нариман Батишев, Дидар Сегізбайұлы, Марлан Зәкір, Алихан Төлеген, Нұрдәулет Жұбатхан, Данияр Есбол, Байбөбек Жақсылық, Салауат Досым, Диас Қобыланбек сынды бірқатар қаты¬сушы «Белсенді қатысқаны үшін» номинациясымен марапатталса, әйелдер арасында «Ең жас спортшы» номинациясын Айым Мұнайтпас, «Үздік ұжым» номинациясын «Білім» саласы иеленді. &nbsp;– Көңіл-күйім керемет. Мәреге алғашқы болып мен келдім. Өте керемет шара болды. Спорт – салауатты өмір кепілі. Спортпен шұғылданайық, – дейді ерлер арасында І орынды иеленген Еркін Әбжамилов.Сондай-ақ бұл марафонда «Ең жас спортшы» номинациясын иеленген Айым әйелдер арасында екінші келіп, үздіктер қатарынан көрінді.&nbsp;– Бүгінгі марафонды ұйымдастырушыларға алғысымды білдіремін. Алдағы уақытта осындай жаппай марафондар жиі ұйымдастырылса екен. Себебі бұл – &nbsp;жастар үшін үлкен мүмкіндік, – &nbsp;дейді Айым.&nbsp;Ұйымдастырушылардың айтуынша, биыл бұл шараға қатысушылардың саны жылдағыдан көп болыпты. Салауатты өмір салтын ұстанған марафон жеңімпаздары аудан әкімінің алғыс хаты, бағалы сыйлық және медальдарымен марапатталды. &nbsp;

«Zhalagash marathon - 2023»  жарысы өтті

<a href="https://kyzylorda-news.kz/">Kyzylorda-news.kz.</a> «Денсаулықтың қадірін ауырғанда білерсің» деп бекер айтпаған. Расында, қай адамға да денінің саулығынан артық бақыт пен байлық, қазына мен құндылық жоқ. Ал, «басың ауырып, балтырың сыздаған» сәтте ақ халатты абзал жандардың алар орны ерекше екенін түсінесің.&nbsp;Өз мамандығы бойынша жүйелі жұмыс істеп, шеберлігі шыңдалған, халыққа қалтқысыз қызметімен, адамгершілігі, асқақ парасатымен танылған, ел сенімін ақтай білген ардагер дәрігер – Рыскүл Нұрманқызы Исаева жұртшылық ерекше құрметтейді.Рыскүл Нұрманқызы 10 жылдық мектепті үздік бітірген соң, Алматы мемлекеттік медициналық институтының «Емдеу ісі» факультетіне оқуға түседі. Алғашқы еңбек жолын 1971 жылы Қызылорда облыстық туберкулезге қарсы диспансеріне дәрігер-фтизиатр мамандығы бойынша жұмысқа қабылданған. Ұжымда біліктілігімен, іскерлігімен көзге түсіп, 1977 жылы осы ұжымның бас дәрігерінің емдеу ісі жөніндегі орынбасары, 1985 жылы №2 өкпе-терапия бөлімінің меңгерушісі, 2005 жылы орталықтандырылған дәрігерлік бақылау комиссиясының төрайымы, 2007 жылы облыстық клиникалық үйлестіруші, 2014 жылы қалалық туберкулезге қарсы диспансерінің аймақтық фтизиатры болып жұмыс жасайды.&nbsp;Өзі таңдаған сүйікті мамандығы бойынша бір ұжымда 47 жыл тұрғындар денсаулығын сақтауда тынбай еңбек еткен ардагер дәрігердің облыстың медицина саласын дамытуға, оның ішінде қауіпті де, қатерлі ауру – туберкулезден қорғауға өзінің &nbsp;саналы ғұмырын арнаған.&nbsp; Осы еңбек жолында Рыскүл Нұрманқызы қаншама қиындықтан өтті, науқастар үшін қаншама күндерін ұйқысыз өткізді. Соның нәтижесінде мыңдаған науқастың алғысына бөленді. Туберкулезбен ауырып келген әрбір науқаспен сөйлесу, ортақ тіл табысу, оны емдеу, жылы сөзбен сүйеу болу оңай емес. Науқастарды емдей отырып, өз өмірін қатерге тігіп, осынша жыл халыққа қызмет еткен дәрігер-фтизиатрдың жұмысын нағыз ерлікке теңеседе болады.Дәрігерлікке тән жоғары жауапкершілік пен терең білімді, үздіксіз ізденісті қажет деп білген , соның арқасында зор абыройға ие болған Рыскүл Нұрманқызы әрқашан үлкен құрметке лайықты жан.&nbsp;Денсаулық саласында атқарған еңбектері жеміссіз емес. Ол «Денсаулық сақтау ісінің үздігі» белгісімен және облыстық денсаулық сақтау басқармасының алғыс хаттарымен марапатталды. Отбасында 1 ұл, 2қыз өсіріп, тәрбиелеген аяулы ана. Еңбекпен шыңдалған ардагер дәрігер Рыскүл Нұрманқызы қазіргі таңда зейнеткерлікте.

Ел сенімін ақтай білген ардагер дәрігер 

Жаңақорғанда су тапшылығын тоспа салу арқылы шешуге болады

<a href="https://kaz.tengrinews.kz/kazakhstan_news/kazakstanda-bukaralyik-sporttyi-damyitu-ushn-ne-jasaladyi-336329/">ФОТО</a><a href="https://kyzylorda-news.kz/">Kyzylorda-news.kz.</a> Ұлттың сөздік қорында "Жүзден жүйрік, мыңнан тұлпар" деген сөз тіркесі бар. Бұл – саңлақ спортшылардың болмыс-бітімі мен қабілет-қасиетін ашатын оймақтай ой. Расында, спортшы жүйрік болмаса қалай дараланады? Жаңақорған топырағында осындай дара спортшылар мен талапты бапкерлерді көптеп санауға болады. Жаңақорған ауданында осы бағытта тындырымды тірліктер бар. Оның дәлелі, ауданның көптеген спорт түрлерімен даңқы шықты. Соның ішінде еркін күрестің бәсі биік.&nbsp;Олай болмаса 2008 жылы өткен Пекин Олимпиадасына Жасұлан Мұхтарбекұлы, 2012 жылы байрағы көтерілген Лондон Олимпиадасына Дәулет Ниязбеков, 2016 жылы төрткүл дүниенің саңлақ спортшыларының бабы мен бағын сынаған Рио-де-Жанейро Олимпиадасына Ғалымжан Өсербаев қатысар ма еді?! Әрине, ауданда еркін күрестің даму жолы болғандықтан балуандар елдің намысын төртжылдықтың басты бәсекесінде қорғады. Біздің жігіттер Олимп шыңына шыға алмағанымен Әлем, Азия чемпионаттарында сәтті өнер көрсетіп, елдің байрағын биік көтеріп, аудандағы күрес залдарына жүздеген жасөспірімдердің келуіне септігін тигізіп жүр. Ауыл жастарының биіктен көрінуінде Әбутәліп Амановтың еңбек жолы таңқалдырмай қоймайды. Ол аудан және облыс орталығында жүріп-ақ "Қазақстанның Еңбек сіңірген жаттықтырушысы" атанған санаулы бапкердің бірі.&nbsp;Халықтың бұқаралық спортпен айналысуы дені сау ұрпақтың қалыптасуына ықпал етеді. Ал сау денелі, сапалы ұрпақ қана Мәңгілік ел мұратын орындай алады. Алдымызда салауатты өмір салтын ұстанып, бұқаралық спортпен шұғылданатын қазақстандықтардың санын 30 процентке жеткізу міндеті тұр. Әбдісаттар Садықов жаттықтыратын белбеу және дзюдо күресі балуандарының атақ-даңқына қанықпыз. Әсіресе, Мереке Құдайбергенова, Арайлым Қанзада, Меруерт Әбубәкір Диана Ғайбулла мен Алиса Нұртас және т.б балуан қыздардың есімі көпке белгілі. Сонымен қатар, Параолимпиадада дзюдодан чемпион атанған тұңғыш қазақ баласы Олжас Оразбайұлы біздің мақтанышымыз.Жаңақорған ауданында бокс өнері тарихын тереңнен алатынын жақсы білемін. ХХ ғасырдың 80 жылдары Құрбаш Сарқұлов ағамыздың жетекшілігімен қалыптасқан бокстың бүгінгі жарқын жұлдыздары Олжас Мүтән, Азамат Бектас, Қуандық Жүсіп республикалық, халықаралық айтулы аламандарда лайықты өнер көрсетіп, жеңісті жолын жалғастырып келеді. Халықаралық дәрежедегі АИБА төрешісі Дінмұхаммед Абайханның да жетістіктерінен хабарым бар.&nbsp;Жаңақорғандық футболшылардың бірнеше буыны қалыптасуында Тұрсынхан Мұсаев ағамыздың еңбегі сіңгенінен хабардармын. Бүгінде Тұрсекеңнің шекпенінен шыққан Ерболат Рүстемов, Нұрхан Байзақов, Абай Жамалдин елдегі кәсіби футбол клубтарында өнер көрсететіні қуантады. Тұрсекеңнің төл шәкірті Ерлан Аптаевтің да ойын өрнегі көптің көңілінен шығатынын естіп, біліп жүрмін.Ардагерлер арасында Еуропа және Әлем чемпионы атанған Серік Ибрагимов ағамыздың жетістігімен мақтануға болады. Бүгінде даңқты спортшының ізін басқан гір тасын көтеру және қол күрестен жастар буыны қалыптасты. Шыңғыс Азнабаевтың қол астында жаттығатын білекті жігіттердің әлеуеті жоғары.Ұлттық ат спорты түрлері бойынша жаңақорғандық шабандоздар облыс құрамасын құрайтынын мақтанышпен айтуға болады. Оның ішінде, Ислам Борамбаев баптайтын көкпар, аударыспақ, жамбы атудан біздің жігіттердің өресі биік... Жаңақорған ауданында гандбол, баскетбол, волейбол, ауыр атлетика және т.б спорт түрлерінің қалыптасу кезеңі, даму межесі бар.&nbsp;Облыстық деңгейде өтетін Спартакиада мен Алтын күз спорттық мерекесінде Жаңақорған ауданының құрама командасы үздіктердің қатарынан тұғырлы орны бар. Содан болар Жаңақорған ауданының спорт және денешынықтыру бөлімі республика бойынша 2015 жылы, Сыр өңірінде 2016, 2017, 2018, 2019 жылдың қорытындасымен "Үздік спорт бөлімі" атанды.&nbsp; Жаңақорған ауданында бұқаралық спорт түрлері қарқынды дамып, алдағы жылдары бұқаралық спортпен айналысушылардың саны 30 процентік межеден де артып, чемпиондардың жаңа буыны шығатынына сенемін. Бұған толық мүмкіндік бар. Неге десеңіздер, Сыр өңірі бойынша Жаңақорған ауданы спорттық кешендерді пайдалануға беру жөнінен көш бастайды. Мәселен, 2019 жылдың басында Сүттіқұдықта спорт кешені ашылып, онда еркін күрес, әйелдер күресі, тоғызқұмалақ, бокс, гандболдан жасөсіпірімдер спорттық шеберлігін шыңдауды бастаса, Жаңақорған кентіндегі "Айсұлу" мейрамханасы спорт кешеніне бейімделіп қайта жасақталып, онда дзю-до, қазақ күресі, ауыр атлетика, шахмат, таэквон-до бойынша жасөсіпірімдерге тәлім беруде.&nbsp;2019 жылдың аяғында пайдалануға берілген Қожакент пен Сунақата ауылдық округіндегі қос спорттық нысанда балалар спорттың 5 түріне қатысуда. Мәселен, Қожакенттегі спорт кешенінде 350 жасөспірім спорттың 5 түрі – ауыр атлетика, қазақ күресі, самбо, бокс, волейбол, Сунақата ауылында 800 бала спорттың 4 түрі – самбо, қазақ күресі, таэквондо, волейболмен шұғылдануда.Одан бөлек, Жаңақорған кенті (Хорасан ата көшесінің бойындағы), Төменарық, Ақүйік, Қандөз, Жаңарық, Қыркеңсе ауылдық округіндегі спорт кешені қосылуға әзір, ал Қожамберді ауылдық округіндегі спорттық нысанның құрылысы да аяқталуда. Аққорған ауылдық округіндегі №8 спорт мектебінің ғимараты заманауи талаптарға толық жауап береді. Орталық станионға толық қайта жаңғырту жұмыстары жүргізілді. Осылайша футбол және жеңіл атлетиканың түрлері бойынша спортшылардың шеберлігін арттыруға мүмкіндік туады. Сонымен қатар Орталық стадион мен Хорасан ата көшесіндегі спорт кешенінде облыстық, республикалық деңгейдегі турнирлерді қабылдауға болады.&nbsp;Бұл ауданда дәстүрлі қалыптасқан турнирлер де бар. Мәселен, Еңбек ардагері Машбек Сапарбайұлын еске алуға арналған халықаралық турнирдің бәсі биік. Еркін күрестен Серік Әбдрахманов атындағы және қазақ күресінен Ұлы Отан соғысының ардагері Ахмет Шынтайұлын еске алуға арналған турнир тұрақты өткізіліп келеді.Мұның бәрі елді мекендерде бұқаралық спорттың дамуына септігін тигізіп, "жүзден жүйрік, мыңнан тұлпар" саңлақ спортшылардың шығуына септігін тигізетіні анық. Алдағы уақытта қаржыландыру көздері шешілген жағдайда гандбол спорты Келінтөбеде, баскетболмен мақтана алатын Бесарық ауылдық округінде спорт кешенін салуды ойластырамыз. Жалпы тоқсаныншы жылдарды зерделеп қарасам, ауданда үш спорт мектебі болғанын көруге болады. Ол – Жаңақорған кентіндегі спорт мектебі және Төменарық, Ақүйік ауылдық округіндегі спорт мектептері. Қиын кезде ауылдық жердегі екі спорт мектебі оңтайландырылды. Қазір осыны қайта жаңғыртуға әбден болатын сыңайлы.Мемлекет және қоғам қайраткері, жерлесіміз Сейілбек Шаухаманов ағамыз айтқандай, Жаңақорған ауданының қыр беткейі және Сыр беткейі бар. Оған Төменарық аумағындағы алты ауылдық округті қосыңыз. Сонда бізге Сырды жағалай қоныс еткен аумақта бір спорт мектебі керек. Ол – Түгіскендегі №8 спорт мектебі. Сондай-ақ, тау беткендегі Қыраш, Қосүйеңкі, Манап, Талап, Бесарық елді мекенін біріктіретін Ақүйікте бір спорт мектеп және Жайылма, Сүттіқұдық, Қожамберді, Сунақата, Екпінді ауылдық округтерін біріктіретін Төменарықта бір спорт мектебін ашу орынды секілді. Сонда аудан бойнша барлық елді мекен бұқаралық спортпен қамтылар еді. Бұл жөнінде алдағы уақытта бюджеттің мүмкіндігіне қарай тиімділігін талқылайтын боламыз.&nbsp;Осындайда классик жазушы Ғабеңнің (Ғабит Мүсірепов) "Дұрыс жолға қойылған дене шынықтыру ойындары оқу-білім алуға бөгет емес, қайта бойды сергітіп, ойыңа жәрдем ететін нәрсе" дегені ойға келеді. Орыс педагогы Антон Макаренконың "Біздің жастарымыз төзімді, батыл болып өсуі керек, олар тек барлық футбол матчтарына баруға ынталанып және барлық рекордсмендердің аттарын біліп қана қоймай, сонымен қатар іс жүзінде дене шынықтырумен, спортпен шұғылдануы керек" дегені өте орынды сөз. Яғни жасөспірімдер спортпен шұғылдануы тиіс. Ал Анатолий Луначарский айтқандай, спорт – оптимистік мәдениетті, сергектік мәдениетін қалыптастыратын құрал. Елдік жолында бұқаралық спортты дамытуды басты назардан түсірмеуіміз керек.

Жаңақорған ауданында бұқаралық спортты дамытуды назарға алды

<a href="https://kyzylorda-news.kz/">Kyzylorda-news.kz.</a>&nbsp;«Гежуба Шиелі Цемент ­Компаниясы» ЖШС – «DANAKE Корпорациясы» ЖШС мен қытайлық «Gezhouba Group Cement Co Ltd» компаниялары бірлесіп құрған инвестициялық жоба.Зауыт 2019 жылы сынама ретінде, 2020 жылы толық іске қосылды. «Гежуба Шиелі Цемент» зауыты – еліміздегі ең жаңа технологияларға негізделген құрылғылармен жабдықталған құрылысқа қажетті портланд және тампонажды цемент шығаратын зауыттардың бірі.Зауыттың жобалық өндірістік қуаты жылына 1 000 000 тонна цемент шығару. Зауыт толық қуаттылығында жұмыс істеп келеді. Зауыт облыс пен ауданды цементпен толықтай қамтамасыз етіп отыр. Қазақстанның бірнеше қалаларына, сондай-ақ сырт елге Өзбекстанға өз өнімін экспорттап отыр. Сонымен қатар жабдықтарды жаңғырту арқылы цемент зауытының қуаттылығын клинкер өндіруден 2500 тоннадан 2900 тоннаға дейін арттыруға қол жеткізу үшін жоба әзірленуде.&nbsp;Кәсіпорында өндірілетін өнім цементтің сапасын бақылау басты міндеттердің бірі. Барлық өндірілген өнімдер сертификатталған, жоғары сапа көрсеткішіне ие. Өнімнің сапасын бақылауды шикізат пен қосалқы материалдардың сапасын үнемі бақылауға мүмкіндік беретін, сонымен қатар клинкер мен цементтің талаптар мен ГОСТ стандарттарына сәйкестігін талдайтын озық жабдықтармен жабдықталған өз зертханасы қамтамасыз етеді.&nbsp;Өндірістік бақылау Орталық басқару пункті (ЦПУ) арқылы жүзеге асады. Зауытта технологиялық процестер жоғары автоматтандырылған жүйемен жабдықталған. Шикізат салмағы, температура, ылғалдылық барлығы жіті бақылауда. Өндірістік бақылауға үлкен мән беріледі, оның барысында шикізаттың сапасы мен олардың стандарттар мен техникалық шарттарына сәйкестігі анықталады. Белгіленген режимдерде құрылғылардың, механизмдердің және қондырғылардың жұмысын білікті мамандар бақылайды. Өндірістік бақылау заманауи әдістер мен құралдарды қолдану арқылы барлық кезеңдерде жүйелі түрде жүзеге асырылады.«Гежуба Шиелі Цемент Компаниясы» зауыты цемент өндірудің ең заманауи әдісі болып табылатын цемент өндірудің құрғақ әдісін қолданады. Бұл әдіс әлемде ең өнімді, шығыны аз және қоршаған ортаға әсер ету тұрғысынан ең таза әдіс ретінде танылған.&nbsp; Зауыт цемент өндіруге шикізат ретінде жергілікті жерде өндірілген өнімді пайдаланады. Негізгі шикізат көзі әктас зауыттан қырық шақырым жердегі кен орнында өндіріледі және өндірісті шикізатпен үздіксіз қамтамасыз етіп отыр.&nbsp;«Гежуба Шиелі Цемент Компаниясы» ЖШС қоршаған ортаға қамқорлық жасайды және оны қорғауға ерекше көңіл бөледі. Өнім көлемінің ұлғаюы аясында ластаушы заттар шығарындыларының деңгейін төмендету «Гежуба Шиелі Цемент Компаниясы» ЖШС-нің қоршаған ортаға теріс әсерін азайтуға бағытталған мақсаттарының бірі болып табылады. Қазақстан Республикасының экология заңнамасы талаптарының сақталуын және өндірістік процестердің қоршаған ортаға және адам денсаулығына әсерін барынша азайтуды қамтамасыз етеді. Ол Өндірістік экологиялық бақылау арқылы жүзеге асады. Өндірістік экологиялық бақылау арқылы ластаушы шығарындылардың қоршаған ортаға жол берілетін теріс әсер ету нормаларының белгіленген лимитін, биологиялық/физикалық әсер ету деңгейін, табиғат ресурстарын ұтымды пайдалануды бақылайды.&nbsp;Жабдықтарды жаңғырту жобасы бойынша жылдық шығарынды көлемі 8263 тоннадан 6228 тоннаға дейін азаяды.&nbsp;Өндіріс және тұтыну қалдықтары мамандандырылған ұйыммен келісім-шарт негізінде қоршаған ортаның ластануын болдырмайтын арнайы жабық автотранспортпен уақытылы шығарылады. Зауыт аумағын көгалдандыру мәселесі де басты назарда. Былтырғы жылы зауыт сыртын айналдыра бес мыңға жуық көшет отырғызылып, баптау жұмыстары жалғасуда.Зауыттың экологиялық саясаты – цемент зауыты қызметінің қоршаған ортаға және тұрғындарға теріс әсерін азайту болып табылады.

«Гежуба Шиелі Цемент» зауытының аумағын көгалдандыру мәселесі де басты назарда

<a href="https://kyzylorda-news.kz/">Kyzylorda-news.kz.</a> Кітапхана – құтхана. Ілім-ғылымның жаршысы. Ал кітапханашы – елді мекендердегі тұрғындарды кітап оқуға қызықтыра алатын бірден-бір зиялы тұлға. Біле білген адамға нағыз кәсіби кітапханашы ұстазбен тең. Себебі кітап пен кітапхананың тіршілігіне жан беретін, ұлттық құндылық пен оқырмандар арасын жалғастырушы – кітапханашы. &nbsp;Расында кітапхана – ақыл мен білім ордасы. Содан болар «Кітап – білім бұлағы, білім – өмір шырағы» дейтіні.&nbsp;Бұл турасында Президент Қасым-Жомарт Тоқаев: «Кітапсыз, кітапханасыз адам ойдағыдай дамуы мүмкін емес. Кітапхана – білім мен мәдениеттің ошағы, жаңаша, тың идеялардың мекені. Электронды формат қанша қарқынды дамығанмен дәстүрлі кітапхананың ағартушылық қызметі ешқашан мәнін жоғалтпақ емес» деп кемел ой айтты. Бұл мамандық туралы бір-ақ ауыз сөзбен жеткізу мүмкін емес. Маман иесі болу үшін біліктілік пен төзімділік қажет. Бүгінде кітапхана саласында рухани биікке жеткен еңбекқор жандар аз емес. Гүлназ Ешниязова соның бірі. Ол Ақтөбе ауылындағы №109 орта мектептің кітапханашысы. Қазақтың жазушысы Әбіш Кекілбаев, «Мен кітапхананы ақыл-білім, адамгершілік ордасы деп білсем, ал кітапханашыларды ешқашан жоғалмауға тиісті сол қазынаның сақшылары санаймын» дейді. Бүгінгі кейіпкеріміз де отыз жылға жуық еңбегімен асыл қазынаның сақшысына айналған білікті маман. Жұрт көп біліп, елей бермейтін салада үздіксіз қызмет атқарып, дүйім оқырманның кітап жайлы жақсы бағыт-бағдар алуы үшін жан-тәнімен беріле еңбек етуде.<blockquote>«Кітап – жансыз болғанымен рухани бағыт-бағдар берер ерекше құндылық. Ал кітапханашы – өмір сүру дағдыма айналған мамандығым. «Адамды адам еткен – кітап, адамзат еткен – кітапхана» демекші, өз қызметіміз арқылы оқырманды жақсылық пен рухани құндылыққа жетелеп келеміз. Осы салада еңбек жолым 1995 жылы басталды. Жұмысқа сол кездегі мектеп директоры Асқар Тұңғышбаев ағамыз қабылдады. Өзім осы мектепті бітіргесін ұстаздарым көп көмектесіп, білмеген жерімді үйретіп жол көрсетіп отырды. Ол кезде кітапханаға 1 жылға дейін айлық төленбегесін келгендер тастап кеткен. Сөйтіп маған мектептен ұсыныс түсіп, жұмыс істеуге шақырды. Әлі есімде оқушыларға таратылған оқулықтың қоры 12480 дана болса, көркем әдеби кітаптардың саны 4850 еді. Соның бәрін оқу аяғында қабылдап алғаным бар. Кейін бәрін үйреніп, 2001 жылы сырттай «Кітапхана ісі» мамандығын меңгеріп, білімімді жоғарылаттым. Аудандағы мамандармен етене жұмыс істеп қызметімді шыңдадым», – дейді кітапханашы.</blockquote>Кітапхана жұмысы сырттай қарағанда көзге көрінбейтін сала. Қара жұмысының өзі оңай емес. Кітапханашыны да көп ешкім біле бермейді. Алайда көзбен көріп шын түсінген адамға олардың жұмысы ауқымды. Қоғам мен мемлекеттің дамып өркендеуіне қосар үлесі зор. Кітапхана мәңгілік парасаттың ең биік, ең киелі ғимараты болса, кітапханашы сол рухани қазынаның шырақшысы мен ақыл-ой әлеміндегі жол сілтеушісі.Қазір аудандағы барлық кітапханаларда коворкинг орталығы бар. Мектеп кітапханаларының материалдық-техникалық жағдайын жақсарту жолға қойылып, оқушылардың кітап оқуына қолайлы оқу залдары ашылған. Мектеп ұстаздарымен де бірлесе түрлі іс-шаралар ұйымдастырылып, танымдық сағаттар мен кездесу кештер өткізілуде.<blockquote>«Кітапхана есігі оқырманымыз үшін әрдайым ашық. Мұнда оқушылар әр үзілісте келіп сабақтарына дайындалады. «Кітап сыйлау» акциясына үлестерін қосып, өздері жақсы көретін кітаптарын кітапханаға сыйлайды. Одан бөлек, оқушылардың кітапқа деген қызығушылығын арттыру мақсатында түрлі ойындар ойнатып, іс-шаралар ұйымдастырамыз. Жақында оқушылармен «жасырын кітап» бұрышы өткізілді. Онда кітаптың мазмұны сыртқы бетіне жабыстырылады. Егер бала сол кітапты оқыған болса мазмұнына қарап атын толық табады. Бала еркін өсіп, ойын ашық айтуға дағдылану үшін іс-шараның барлығын өз еріктеріне саламын. Олардың идеяларын тыңдаймын, «тыныш отыр», «шуламаңдар» деген секілді шектеулер қоймаймын. Қазіргі баланы тыңдай білсең айтар ойы бар. Министрдің коворкинг бұрышы оқушының ғылыми жобаға дайындалатындай болуы керек деген тапсырмасы бар. Сол секілді кітапханамыз жайлы, оқушыларымыз үшін бар мүмкіндік жасалған», – дейді Гүлназ Асарбайқызы.</blockquote>

Ауыл кітапханасының ахуалы қандай?

<a href="https://kyzylorda-news.kz/">Kyzylorda-news.kz.</a> Мектеп – келешек ел басқарар, жер басқарар, елі мен халқын гүлдентер, мейірін өсіріп, мәртебесін биіктетер жасампаз жандарды тәрбиелейтін киелі де қасиетті ұя. Болашақ үшін орны бөлек орынның жанға жайлы болғаны бұл бір бақыт.&nbsp;Талай шәкіртке алтын ұя атанып, олардың өмірден өз орнын алуға қолдау көрсеткен білім ордасының бірі – Байқоңыр қаласындағы №274 орта мектебі. Бүгінде білім ошағына білікті маман Аманжан Жиенбаев басшылық етеді. Бұл өзіндік тарихы, халық ағарту саласында дербес орны бар білім ошағы.&nbsp;Мектептің тарихына келер болсақ, 1970 жылы Ленинск қалалық комитетінің 15 шілдедегі шешімімен Қазақстанның 50 жылдығы атындағы № 222 орта мектебі ашылған болатын. Мектеп 1994 жылдың 1 қыркүйегінде қала әкімінің қаулысымен қазақ тілінде оқытатын №6 орта мектеп болып қайта жасақталды. 1997 жылы Мұхтар Әуезовтың 100 жылдық мерейтойына орай, мектепке ұлы жазушының есімі берілді. Мектеп 2010 жылдың қараша айынан Мемлекеттік білім беру мекемесі Мұхтар Әуезов атындағы № 6 жалпы білім беретін орта мектеп болып аталды.&nbsp;Мектеп Қазақстан Республикасының Үкіметі мен Ресей Федерациясының Үкіметі арасындағы Байқоңыр қаласында орналасқан қазақ тіліндегі жалпы орта білім беру, мектепке дейінгі білім беру ұйымдарын Қызылорда облысының әкімдігінің теңгеріміне беру туралы 2014 жылғы 23 желтоқсандағы келісімге сәйкес, «Қазақстан Республикасында жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 20 қаңтардағы, «Мемлекеттік мүлік туралы» Қазақстан Республикасының 2011 жылғы 1 науырыздағы, «Білім туралы» Қазақстан Республикасының 2007 жылғы 27 шілдедегі заңдарына сәйкес 2015 жылдың &nbsp;23 маусымында Қармақшы аудандық әкімінің &nbsp;№744 қаулысы бойынша №274 коммуналдық мемлекеттік мекемесіне айналды.Осы жылы мектепте 58 сынып бойынша 1314 оқушы бітірді. Мұғалім саны – 125; Педагог зерттеуші – 17; педагог сарапшы – 43; педагог модератор – 42; санаты жоқ – 24; психологтар – 2, әлеуметтік педагог – 1, педагог-ұйымдастырушы – 1, аға тәлімгер – 1, музыкалық жетекші – 1; дефектолог – 1; кітапханашы – 2, техникалық қызметкер – 48.Мектепте 32 оқу кабинеті, 2 спорт залы, мәжіліс залы, кітапхана, 2 компьютерлік кабинет, 1 лингофон кабинеті, 2 оқу-өндірістік шеберханасы, асхана, медкабинет және егу кабинеті, мұражай жұмыс жасайды. 2021-2022 оқу жылының қорытындысы бойынша екі оқушы Фарида Сергеева мен Ақтоты Жолдыбаева «Алтын белгі» белгісіне бітірді. Жалпы 23 бітіруші аттестат алды, оның 23-і ҰБТ тапсырды. ҰБТ-дің қорытындысы бойынша орта балл 90,4 пайыз көрсеткіш көрсетті. «Алтын белгі» иегерлері ұстаздарының сенімін ақтап шықты. Түлектердің орналасуы 100 пайыз болды, 18 түлек грант иегері болды. Республика бойынша «Үздік 100 мектеп» топ қатарына кірді. Сондай-ақ өткен оқу жылында Қармақшы ауданы бойынша «Үлгілі мектеп –2022» номинациясын жеңіп алды.Оқушылардың жетістігіне келер болсақ, 5-6 сынып &nbsp;оқушыларына &nbsp;арналған республикалық пәндік олимпиаданың &nbsp;облыстық кезеңінен биология пәнінен Альбина Пауадинова ІІІ орын (жетекшісі А.Бисембаева), 9-11-сынып оқушыларына арналған Қазақстан тарихы пәнінен республикалық байқаудың облыстық кезеңінен Даулет Нұрболатов І орын (жетекшісі Р.Ильясова), «Алтын сақа» олимпиадасының облыстық кезеңінен математика пәнінен Ислам Жақсылықов ІІ орын (жетекшісі Е.Айболат) иеленді. Ал 9-11-сынып оқушыларына арналған Қазақстан тарихы пәнінен республикалық байқаудың Республикалық кезеңінен Даулет Нұрболатов І орын (жетекшісі Р.Ильясова) жүлделі ІІ орынды қанжыасына байлады.&nbsp;Биылғы жылы мектепті 50 түлек бітірді. 11 «А» сынып білім алушысы Мырзабекова Алина, 11 «Ә» сынып білім алушылары Нұрай Болатова, Аружан Өміртаева жалпы орта білім туралы «Алтын белгі» аттестаты және «Алтын белгі» белгісіне, 11 «Ә» сынып білім алушысы Ерсултан Каниев, 11 «Б» сынып білім алушылары Расул Съездов, Улжан Жеткергенова жалпы орта білім туралы үздік аттестатқа үміткер. республикалық жалпы білім беретін пәндік олимпиададан Қазақстан тарихы пәнінен республикалық кезеңнен 2 орын иеленген түлегіміз Даулет Нұрболатов (жетекшісі Роза Ильясова) екі университеттің (Қорқыт Ата атындағы Қызылорда мемлекеттік университеті және Семей қаласындағы Шәкәрім университеті) грант иегері.

Байқоңырлық оқушы елдегі екі университеттің грантын жеңіп алды

<a href="https://kyzylorda-news.kz/">Kyzylorda-news.kz.</a>&nbsp;Еліміздің дербестігі мен тәуелсіздігін бүкіл әлемге танытушы әрі мемлекетіміздің өткені мен бүгіні және болашағы арасындағы сабақтастықтың жарқын көрінісі – мемлекеттік рәміздер. Ту, Елтаңба, Әнұран – халқымыздың мұқалмас рухын, қаһармандығы мен даналығын, асқақ арман-тілегін жеткізетін құнды белгілер.Мемлекеттік рәміздер қай елдің болсын ең басты құндұлығы, мызғымас тірегі, оны сол елде тұратын әр азамат құрмет тұтуы керек. Осы орайда ақын Алмас Ахметбекұлының қасиетті көк байрағымыздың желбірегеніне қарап, ерекше тебіреніспен «Көк тудың желбірегені» атты өлең шығарғанын дүйім жұрт біледі. Бүгінде алпыс екі тамырыңды итіп, патриоттық сезімді тұтатып, кеудеңе толқыныс пен тебіреніс сыйлайтын осы ән әр қазақтың құлақ құрышын қандырып жүр.&nbsp;«Елге оралып келе жатқанымда «Қорғас» бекетінде желбіреп тұрған көк Туымызды алғаш рет &nbsp;көрдім. Шағын ғана шатырлы үй болатын. Соның төбесінде Туымыз желмен лапылдап, өз тілінде дыбыс шығарып тұрған сияқты көрінді» деп Алмас ақын осы әннің шығу тарихымен бөліскен болатын. &nbsp;Бір қарағанда-ақ патриоттық әнді Атамекенге деген ыстық сағыныштан туғанын байқау қиын емес. Әсіресе «Көк тудың желбірегені, Бақыттың елжірегені, Қиырда қалған қазақтың, Көзінің мөлдірегені» деген жолдар жүрек түкпірінде «қазақ» болып туғанымызды сездіріп тұрғандай. Алмас ақын дер кезінде көк туға қарап, жыр маржандарын төгілтсе, композитор Ермұрат Зейіпхан ән жазып, оны әнші Ибрагим Ескендір орындап, күллі Алаштың жүрегіне жол тапты. Шыны керек, қазіргі кезде қандай да бір іс-шара болсын осы әнсіз өтпейді. Бүгінде көптің көңілінен шыққан «Көк тудың желбірегенін» бекерден-бекер әңгімеге арқау қылып отырған жоқпыз. Ойлы оқырман байқағандай бүгінгі мақаламыздың мәйегі мемлекеттік рәміздер жайында болмақ. Себебі күнтізбеден ойып тұрып орын алатын рәміздер күнін ескерусіз қалдыра алмаймыз. «Туым – теңдігім, Елтаңбам – ерлігім, Әнұраным – айбыным» деп білген қазақ халқы үшін бұл күн – ерекше.&nbsp;Мемлекеттік рәміздер – тек төрге іліп қою үшін ғана жаралмаған, ол сонау ғасырлар қойнауынан сыр шертер тағылымды тарихымыздың шынайы көрінісі. Оның мазмұнды нышандары кешегі өткенімізді айшықтап, ертеңгі мақсатымызды айқындап тұрғандай әсер береді. Аспан түстес көк Туымыз, айбынды Елтаңбамыз, асқақ Әнұранымыз – Алаш баласының баға жетпес байлығы. Осындай құндылықтарға қарапайым халықтың құрметін қалыптастырып, жастарды патриоттық бағытта тәрбиелеу – басты мақсат. Мақсат дейміз-ау, парыз десек те жарасады. Осы тұрғыда жұмыстардың тасқыны жыл сайын аудан көлемінде толастаған емес. Сөзіміздің айғағы ретінде 4 маусым күні Рәміздер алаңында өткен іс-шараны атап өтуімізге болады. Салтанатты жиынға аудан әкімінің орынбасары, мемлекеттік қызметкерлер және аудан тұрғындары қатысты.&nbsp;Мерекелік жиынның шымылдығы Әнұранмен түрілді, сондай-ақ шараға қатысушылар Тумен келіп, көк байрағымызды биікке көтерді. Әрмен қарай шара аудан әкімінің орынбасары Ерсұлтан Апетовтің құттықтау сөзімен жалғасты.&nbsp;<blockquote>«Сіздерді 4 маусым – Мемлекеттік рәміздер күні мерекесімен шын жүректен құттықтаймын. Тәуелсіздігімізді тұғырлы, егемендігімізді еңселі қылған мемлекеттік рәміздеріміз – Елтаңба, Ту және Әнұран дүниеге келген сәттер «мың өліп, мың тірілген» қазақ елінің тарихында ерекше орын алады. Мемлекет басшысы Қасым-Жомарт Тоқаев «Өз елінің қара тасын мақтан ете алмаған, өзге жердің алтынын да жарытпақ емес». Мемлекеттік рәміздерімізді қастерлеу – әр азаматтың перзенттік парызы» деп атап өткен болатын. Сондықтан еліміздің, оның ішінде аудан тұрғындарының патриоттық рухын арттыру, туған жерге және оның Рәміздеріне деген құрметін, мақтанышын ояту үшін бәріміз бір адамдай атсалуымыз қажет», – деп өз ойын білдірді Ерсұлтан Апетов.&nbsp;</blockquote>Шара барысында бірнеше мемлекеттік қызметкерлер мен құқық қорғау органдарының қызметкерлері ант қабылдады. Ал мерекенің мазмұнын айшықтап, патриоттық көңіл-күй сыйлаған әндердің орны бөлек. Атамекен, Отан, туған жер тақырыбындағы сазды әуендер сезімдердің қылын шертіп, шараға қатысушыларды өзгеше күйдің иіріміне жетелегені сөзсіз.&nbsp;Мемлекеттік маңызы бар шара мұнымен тоқтап қалмай, әрмен қарай автошерумен жалғасты. Автошеру Шиелі кентінің ҚР Рәміздер аллеясынан бастау алып, орталық көшелерімен жүріп өтіп, М.Шоқай атындағы орталық алаңға дейін жалғасты.&nbsp;Көк тудың желбірегенін көрген аудан тұрғындары да тебіреністерін жасыра алмай, әрқайсысы әлеуметтік желіде өздерінің ішкі сезімдерімен бөлісуде. Солардың бірі – Жансая Сәдуақасова. Ол өзінің инстаграм парақшасында «Көк тудың желбірегені – Қазақтың асқақ беделі. Махаббат, қайрат екеулеп, Шымырлатқаны денені» деп бекер айтпаса керек-ті. Бүгінгі рәміздер күніне орай ұйымдастырылған автошеруді көріп, ерекше сезімге бөлендім. Аудан әкімшілігі де осы шараны ескерусіз қалдырмай, барынша атап өтуде. Бір емес бірнеше көліктен көк тудың желбіреп өткенін көргенде көңілінді бір сәтте қуаныш пен толқыныс кернейді екен. Мен осындай бейбіт елде туғаныма мақтанамын» деп пікірімен бөліскен.&nbsp;Бұдан бөлек фейсбук желісін белсенді қолданушылар да «Менің туым», «Рәміздер күні» хэштегімен мерекенің маңызын айшықтап көрсетуде. Айтулы күнде ұйымдастырылып жатқан бұл шараның барлығы – рухымызды аспандатып, көк байрағымызды жоғары көтерген өскелең ұрпақтың бойына патриоттық сезім ұялату болып табылады.

Шиеліде рәміздер күні аталып өтті

<a href="https://kyzylorda-news.kz/">Kyzylorda-news.kz.</a> Бүгін елдің кей өңірінде 41 градусқа дейін ыстық болады, деп хабарлайды Қазгидромет.&nbsp;Қызылорда облысында 40 градус қатты ыстық болады. Төтенше өрт қаупі сақталады.&nbsp;

Қызылордада қатты ыстық болады

<a href="https://kyzylorda-news.kz/">Kyzylorda-news.kz.</a> Осы бір аты жаман дерт туралы соңғы жылдары жиі еститін болдық. Еңбектеген баладан еңкейген қартқа дейін осы кеселдің құрығына ілігіп жатады. Байқасақ, бұл – әлем елдерін толғандырған түйінді мәселе. Аурудың батпандап кіріп, мысқалдап шығатынын ескерсек, қатерлі дерттің де ағзаға орныққанын әуелден-ақ аңғару қиын. Сондықтан кеселдің кесірі ауыр тиіп жатады. Айтуға ауыз бармайды, дегенмен, еліміз қатерлі ісік ауру дендеген 50 елдің қатарында екен. Оған шалдыққандарды емдеуге жыл сайын бюджеттен қыруар қаржы қаралады. Қымбат дәрі-дәрмектер әкелінеді. Ал нәтижесі көңіл көншітпейді. Адамзат дәуірінің шарықтап дамыған тұсында оны емдеп жазудың амалы табылмағаны ма?Облыстық онкологиялық орталықтың дәрігер-онкогинекологы, тәжірибелі маман Алма Бапанова қатерлі ісіктің пайда болуын былай түсіндіреді.&nbsp;<blockquote>«Медицина саласында атипиялық клетка деген ұғым бар. Адам ағзасы жалпы өздігінен зат алмасу процесін жасайтын, қалыптасып, дамитын түрлі клеткалардан тұрады емес пе? Осы клетка сыртқы факторлардың әсерінен өзгеріске ұшырайды. Мәселен, күйзеліс, дұрыс тамақтанбау, темекі, алкагольді жиі тұтыну – олардың бақылаусыз бөлініп, өсіп, тарауына себеп болады. Салдарынан атипиялық клеткалар пайда болады. Ол қан арқылы басқа органдарға тарап, орналаса бастайды. Сөйтіп шоғырланған жерінен қатерлі дерт тудырады», – дейді маман.&nbsp;</blockquote>Кез келген ауру өздігінен туындамайтыны белгілі. Қатерлі ісік те солай. Жылдар бойы мазалаған түрлі дерттер уақытында ем қабылдамаудың, денсаулыққа атүсті қараудың салдары жақсылық әкелмейді. Мәселен, өкпеге – бронхит, асқазанға – гастрит, жатырға – эндометрит, бүйрекке – пиелонефрит сынды диагноз қойылады. Көбіміз бұған қалыпты жағдай сияқты қараймыз. Екінің бірінде бар, экология, тамақ дұрыс емес деген сылтау айтамыз. Ал олардың асқынуы түбінде кеселге шалдықтырады-мыс. Сол себепті адам ауруды түбірімен емдегені жөн. Осы орайда онкогинеколог маман «обыр үндемейді, метастаз айқайлайды» дейді. Бұл аурудың алғашқы белгілері білінбей, ісіктің ағзаны тез дендейтінін білдіреді. Өкінішке орай науқастардың көбі солай дерті асқынғанда келеді. Қазір онкологиялық орталықта 5 мыңнан аса адам тіркеуде тұр. Олардың ішінде асқазанның қатерлі ісігі басым. Одан кейінгі сатыда сүт безі, өңеш, өкпе, жатыр мойны обыры орналасқан.&nbsp;<blockquote>«Бүгінде қатерлі ісік ауруы туралы бүкіл әлем дабыл қағуда. Ғаламдық мәселеге айналған дерттің дауасын табудың жолы әлі де зерттелуде. Десе де оны түбегейлі жою әзірге мүмкін болмай отыр. Бірақ бұл қатерлі кесел жазылмайды деген сөз емес. Арамызда онымен күресіп, ауруын жеңген қаншама жан бар. Мамандар тарапынан тұрғындар өз денсаулығына жауапкершілікпен қараса екен дейміз. Себебі көпшілік жыл сайын өтуі тиіс скринигтік тексеруге де келмейді. Ауру асқынғанда сан соғып қалады», – дейді маман.</blockquote>Өкініштісі сол, қазіргі таңда ауру жасарып барады. Соңғы жылдары онкологиялық ауруды интеграцияланған басқару моделін енгізуде «Жол картасы» әзірленді. Сол бойынша медициналық мекемелерде онкология кабинеті, паллиативтік көмек бөлімдері ашылды. &nbsp;Мамандар шет елде білімі мен біліктілігін арттырды. Қазір барлық аудан мен қаладағы емханаларда тексеру кабинеті ашылған. Оны онкологиялық орталықтың бөлімшесі деуге негіз бар. Емханаға келген науқастардың сол жерде тексеруден өтуі міндетті саналады. Онда мамандар басынан-бақайшағына дейін қатерлі дерт туындатуы мүмкін жараларды, сүт, қолтық асты бездерін басқа да ішкі құрылысты қарайды. Бұл өз кезегінде қатерлі ауруды алдын ала анықтауға мүмкіндік береді.&nbsp;<blockquote>«Обыр дерті 4 сатыға бөлінеді. Оның алғашқы екі сатысы жеңіл, асқынуы ІІІ-IV сатыға жатады. Егер жеңіл түрі анықталса оны емдеп-жазу әлдеқайда тиімді, нәтижелі болмақ. &nbsp;Негізінен операциялық жолмен немесе сәулелі терапиямен ем жасалады. Жалпы сәулелі терапия 98 процент жағдайда оң нәтиже береді. Сондай-ақ емдеу процесі операциялық, сәулелі, сәулелі-химиялық, химиялық терапия негізінде жүргізіледі. Егер дертке шалдыққан науқас сәулелі терапияны да, операцияны да көтере алмайтын халде болса, оған химиялық жол таңдалады. Мұның ешқайсысынан ем қонбайтын, өте ауыр халдегі жандар тек дәрі-дәрмектің күшіне сүйенеді. Бұл жағдайда аурудан айығуы жайында сөз қозғау артық шығар», – деді онкогинеколог дәрігер Алма Бапанова.&nbsp;</blockquote>Дәрігерлер орталықта тіркеуде тұрған науқастарды 4 клиникалық топ бойынша қабылдайды. Мәселен, 2 топтағы науқас айыға алады. Үшінші топта – дертті жеңгендер, олардың тұрақты бақылауында болады. Ал 4 топқа ем қонбайтын ауыр науқастар жатады екен. Оларға паллиативтік бөлімде көмек &nbsp;беріледі. Бұдан бөлек үй жағдайында ем алатындары да бар. Оған мобильді жедел-жәрдем қызметі ем-дом жасайды.&nbsp;<blockquote>«Осындай қиын жағдайға ұшырамас үшін денсаулықты ерте жастан күткен абзалырақ. Бұл – физикалық, психикалық тұрғыда өте қиын жағдай. Дертке шалдыққандар диагнозын естігенде есеңгіреп, ауыр қабылдайды. Санасында осымен болды, бітті деген ой тұрады. Ол дұрыс емес. Біз әуелі психологиялық көмек беруге тырысамыз. Адам аурумен күресуі тиіс. Кеселдің ағзаны игеруіне жол бермеу керек. Кез келген аурудан құлан таза айығуға мүмкіндік бар. Тек уақытылы дәрігерге қаралып, нұсқамасын орындау шарт. Сондай-ақ салауатты өмір салтын ұстану – әрбір адамның басты қағидасына айналса екен деймін. Дұрыс тамақтанып, темекі, насыбай, ішімдікке әуестенбей, спортты серік етіңіз. Жеміс-жидек, көкөністі жиі тұтыныңыз. Болмашы нәрсеге ашуланып, күйзеліске берілудің де салдары осы жағдайға әкеледі. Сондықтан өмірдің өз қолыңда екенін жіті сезініп, салауаттылыққа бет бұрған дұрыс. Барлық кеселдің алдын алу осындай қарапайым дүниеден басталады», – дейді білікті дәрігер бізбен әңгімесінде.</blockquote>Бүгінде денсаулық сақтау басқармасымен бірлесіп орталық мамандары онкологиялық көмек көрсетуді ұйымдастыру бойынша қаладағы барлық емдеу орындарында тұрақты түсіндірме жұмыстарын жүргізуді қолға алған. Онда онкологиялық қызметте туындайтын мәселелер талқыланып, жұмысты жақсарту мақсатында тапсырмалар беріледі. Сонымен қатар жалпы тәжірибелі дәрігерлер, онколог, акушер-гинекологтармен кездесіп «Қатерлі ісікті ерте анықтау», «Онколог дәрігердің жұмысын ұйымдастыру тәртібі», «Д» есепке қою, диспансерлеу мәселелері», «Ауырсынуға қарсы терапия» тақырыптарында дәрістер оқылуда. Бұдан бөлек жоспарға сәйкес «әйелдер мен ерлерді қарау кабинеті және оның жұмыс жасау алгоритмі», «Онкоқырағылық» тақырыбында оқыту жұмыстары жүргізіледі.Ал маман тұрғындарға денсаулығына немқұрайлы қарамауды ескертеді. Ол үшін уақытылы скринингтік тексеруден өтіп, қандай да бір ауру белгісі анықталса, дәрігерге қаралып, уақытылы ем қабылдау керегін айтады.

Алма Бапанова, дәрігер-онкогинеколог: Қатерлі дерт  жасарып барады

<a href="https://kyzylorda-news.kz/">Kyzylorda-news.kz.</a> Бұрынғылардан қалған «той – халық қазынасы» деген сөз бар. Өйткені ертедегі қазақтың үлкен тойлары даланың сәнді сахнасы секілді көрініс берген екен. Тамылжыған табиғат ақшаңқан киіз үйлермен әдіптеліп, бірін-бірі көптен көрмеген жандар той үстінде табысып, мал-жанның амандығын сұрасып, шұрқырасып жатады. Ел өміріндегі жаңалықтар да той арқылы көпке тараған. Үлкендер жағы сөз жарыстырса, жастар жағы да өзінше өнер жарыстырып, осы арқылы өсіп келе жатқан таланттар, өткір жігіт, сүйкімді бойжеткен халыққа танылған. Ат жарыс, көкпар тарту, қыз қуу, балуан күрес, ақындар айтысы секілді халықтың бүкіл өнері, болмыс-бітімі мен ұлттық ерекшелігі осы той үстінде көрініс берген. Міне, осыдан кейін той – халық қазынасы болмай не болады?!Содан да болар Шиелі ауданында тойды дүркіретіп жасауға арналған мейрамханалар, түрлі дизайндағы көздің жауын алатын шақыру қағаздары мен сан алуан камераларымен қуанышты күніңізді кинофильм секілді сапалы әрлеп таспаға түсірумен айналысатын той орталықтары мен қалыңдықты әрлейтін сұлулық салондары күн санап көбеюде.&nbsp;Қаражат болса керемет асаба, әнші мен бишілерді де табу қиын емес. Жалпы, өңірімізде той көбейген сайын ондағы көрсетілетін қызмет түрлерінің саны мен сапасы да артып келеді. Алайда, қуанышты күндегі маңызды сәттер мұнымен бітпейді.Одан бөлек тойға бет алған жастар қауымы серуен сәтін асыға күтеді. Кез келген некелесу рәсімі мұнсыз болмайды. Кентімізде жастар баратын орындар жоқтың қасы болса да әйтеуір көшені бермей, шулатып жүргенге мәз. Той алдында 3-4 сағат бойы күйеу жігіт пен қалыңдық достарымен бірге орталық алаңға, Жақаев атындағы саябақ пен Шиелі паспортының жанына барып суретке түседі, жас жұбайларға тілек айтылады.&nbsp;Жалпы, той тек көңіл көтеру, бар тапқанын шашып, жұртқа мақтану үшін ғана емес, аз да болса қоғамға ой салатын, жастарға тәрбие беретін деңгейде өтуі тиіс. Біздіңше некелескен жұбайлар бірнеше сағат уақытын анда-мұнда барып босқа өткізгенше тағылымы мол, өткені мен келешегін байланыстырып тұратын жақсы бір рәсімді дәстүрге айналдыруы қажет секілді. Осы орайда ұсынысымыз да жоқ емес. Егер көпшілік құптап, басшылық қолдап жатса ауданнан «Неке бағы» ашылса жөн болар еді. Жастар уақыттарын босқа өткізбей, қыдыру кезінде сол жерге барып тал отырғызса керемет емес пе? Мәселен, күйеу жігіт терек, қара тал, ал, қалыңдық жеміс ағаштарын ексін. Кейін ерлі-зайыптылар отбасылық өміріміз осы талдай жайқалсын деген ниетпен ағаштарды суарып, қурап қалмауын қадағалауды өздері-ақ әдетке айналдырады. Кім өз қолымен еккен ағашының өміршең болғанын қаламайды дейсің? Оның үстіне дәл көшет отырғызатын мезгіл күз бен көктем – нағыз тойдың қызатын шағы. Ал, қыста немесе жазда некелескендерге қобалжудың қажеті жоқ. Ерте көктемде арнайы бір күндерін «неке бағына» баруға арнаса еш сөкеттігі бола қоймас. Есесіне, кентімізде көпшілік демалатын тағы бір орын пайда болады. Пайымдауымызша, бұл орынды ашуға көп қаржы да жұмсалмайды. Тек алаңды қоршап, «Неке бағы» деп белгілеп, бағбанын сайлап қойсақ болғаны. Осылайша жайқалған «Жасыл елге» жетуге бір қадам жасар едік.Қазақтың сөз қоржынында «Атадан мал қалғанша, тал қалсын» деген тәмсіл бар. Ал ислам діні «Ағаш отырғызған адамға ағаштан жиналатын жеміс-жидектің мөлшеріндей сауап беріледі» деп көшет егудің тағы бір пайдасын көрсетеді. Бұдан бөлек ғылыми зерттеулер де әлдеқашан ағаштың адамзат баласына берері ұшан-теңіз екенін дәлелдеп қойған. Ғалымдардың айтуынша, орта көлемдегі бір ағаш 24 сағатта үш адам тәулік бойы дем алған оттегінің орнын толтырады екен. Ашық шуақты күні бір гектар жасыл желек 220-280 келі көмірқышқыл газын сіңіріп, 180-220 келі оттегі бөліп шығарады. Осыдан кейін ағашты тіршіліктің табиғи өкпесі деп атасақ та артық етпейді. Қазіргі таңда берері мол ағашқа әлем назары ауып отыр. Айталық, Жапон үкіметі Токио қаласын ыстық ауадан қорғап, оттегіні молайту үшін үйлердің төбесіне ағаш егу мәселесін көтеруде. Себебі, соңғы жүз жылда ауаның температурасы 2,9 градусқа жылынған. Әрине, оның қасында Қазақстандағы жағдайға «тәубе» дейміз. Алайда, ауданда көшет егуге қатысты әттеген-ай дейтін тұстар кездесіп жатады. Иә, ауданда көктем сайын көк шыбықты отырғызамыз. Бірақ нәтижесі көңіл көншітпейді. Бірді-екілі жерде ғана жасыл желек жайқалып тұрады. Ал, кентке кіреберіс жерде, ауданның теріскей жағында, я болмаса Көкшоқы елді мекеніндегі сыммен қоршалған жерде еккен көшет өнбей қалып жатқаны биыл ғана емес. Сондықтан, көшет егіп, көгалдандыру мәселесінде жаңа идея ұсынбасақ болмас. Бұл бір жағынан көгалдандыруға бөлетін миллиондаған қаржыларды үнемдеуге де сеп болар ма еді…Мәселен, жыл сайын Шиелі ауданында &nbsp;600-ден аса отбасы шаңырақ көтереді екен. Әр жұп 2 көшеттен отырғызғанда өңірімізде қаншама жайқалған талдар болады. Осылайша көрікті кентіміз одан әрі әрлене түсіп, дәстүріміздің жаңаша жаңғыруына алғаш болып жол ашар едік. Бұлай дейтініміз осыған дейін еліміздің ешбір жерінде «Неке бағы» болмаған.&nbsp;Кім біледі, уақыт өте жұбайларға арналған мұндай орындарды әр ауылдан да аша жатармыз. Мұның пайдасы болмаса, зиянын байқамадық. Оған қоса, тұрғындар бақтағы талдардың көлеңкесіне демалып, жемісінен дәм татқанда оны еккен жандарға сауаптар еселеп жазылады емес пе? Кейін жас жұбайлар балаларына, немерелеріне «мынау біздің неке қиғандағы еккен талымыз» деп көрсетіп отырса қандай керемет. Өз-өзімізді қолға алмасақ, өзге келіп көсегемізді көгертпейтіні анық.

Шиеліде «Неке бағы» ашыла ма?

<a href="https://kyzylorda-news.kz/">Kyzylorda-news.kz.</a>&nbsp;Бүгінде инженерлік-инфрақұрылымнан шет қалсаң, тірлігіңе тосқауыл болғандай әсер беретіні рас. Өркениетті елдердің қатарына қосылып, дамыған елдермен иық тіресе қатар тұрамын десең бұл бірінші кезекте қажетті дүние. Сондықтан қаланың инженерлік – коммуникациялық инфрақұрылымын дамыту күн тәртібіндегі басты мәселе.&nbsp;Қазір бұрынғыдай суды бұлақтан тасып, құдықтан тартатын заман артта қалды. Жарықтың да сағат санап өшіп қалатын әдеті жоқ. Діттеген жерге жету үшін қоғамдық көлігің, теп –тегіс асфальт жолың дайын. Десе де, тіршілік бар жерде не нәрсенің де тозығы жетіп, қайта салу, жаңғыртуды талап ететіні бар. Бір қуанарлығы, қазір бұрынғы кездегідей жер алып, үй салып, содан кейін ғана су мен жарық, жол іздеп жүрмейсің. Баспана салу үшін берілетін жердің инфрақұрылымдық жүйесіжүрргізілген, дайын болуы тиіс. Бұл да өз кезегінде халықтың игілігі үшін жасалып жатқан жұмыс.&nbsp;Биыл қаланың инженерлік – коммуникациялық инфрақұрылымын дамыту және жайластыру мақсатында Ұлттық қордан, сондай-ақ, республикалық, облыстық бюджеттерден барлығы 4790,9 миллион. теңге қаражат бөлінген. Аталған қаржыға қала және оған қарасты кенттер мен ауылдық елдімекендерді көркейту жұмыстары жүргізіледі.&nbsp;Атап айтқанда:1. Ұлттық қордан 299,8 миллион теңгеге Қарауылтөбе ауылдық округіне қарасты кіре беріс жолдың бойында орналасқан жаңа қоныс аумағына қиыршық тас төсеуге бөлінген.&nbsp;2. Тасбөгет кентіндегі Сабалақ саяжайына қиыршық тас жолының құрылысына 211,5 миллион. теңге;3. &nbsp;Тасбөгет кентіне қиыршық тас жолға 248,5 миллион. теңге;4. Бірқазан елді мекеніндегі орталық көшелерінің жол құрылысына 38,3 миллион. теңге;&nbsp;5. Республикалық және облыстық бюджеттен СПМК-70 ауданындағы №3 тұрғын үйінің, сумен жабдықтау және кәріз желілеріне 23,2 миллион. теңге;6. Республикалық және облыстық бюджеттен СПМК-70 ауданындағы №3 тұрғын үйінің, жылу желілеріне 27,4 миллион. теңге;7. Республикалық және облыстық бюджеттен СПМК-70 ауданындағы №3 тұрғын үйінің, &nbsp;электр желілерін қоса қаржыландыруға &nbsp;98,9 миллион. теңге;8. Республикалық бюджеттен, Ақжарма ауылдық округіне электрмен жабдықтауға 278,3 миллион. теңге;9. Облыстық бюджеттен СПМК-70 ауданындағы №3 тұрғын үйінің, бас жоспар және телефон желілеріне 235,9 м миллион. теңге;10. Облыстық бюджеттен СПМК-70 ауданындағы №3 тұрғын үйінің, газбен жабдықтау желілеріне 3,1 м миллион. теңге;11. Бәйтерек тұрғын ауданындана ұңғымалар бұрғылаумен су жинағыш салу" жобасын қоса қаржыландыруға 111,8 миллион. теңге;12. Қарауылтөбе ауылдық округіне, электр жеткізу желілерінің құрылысы" жобасын қоса қаржыландыруға 34,5 миллион. теңге;13. Жас алаш және Теректі көшелерінің инженерлік-коммуникациялық инфрақұрылымы. Ауыз су жүйесінің құрылысы" жобасын қоса қаржыландыруға 4,2 миллион. теңге;14. "Қызылорда қаласы, СПМК аумағы Болашақ баубақша серіктестігінің инженерлік инфрақұрылымы. Ауыз су жүйесінің құрылысы" жобасын қоса қаржыландыруға 8,9 миллион. теңге;15. "Қызылорда қаласы, Еңбек аумағындағы жеке тұрғын үйлер секторының инженерлік-коммуникациялық инфрақұрылымы құрылысы. Ауыз су жүйесі" жобасын қоса қаржыландыруға 14,8 миллион. тенге;16. Қызылорда қаласы, Эдельвейс аумағы жеке тұрғын үйлер секторының инженерлік инфрақұрылымы. Ауыз су жүйесінің құрылысы жобасын қоса қаржыландыруға 14,0 миллион. теңге;17. "Қызылорда қаласы, Орбита аумағындағы жеке тұрғын үйлер секторының инженерлік инфрақұрылымы ауыз су жүйесінің құрылысы" жобасын қоса қаржыландыруға 21,1 миллион. теңге бөлінді;18. Қызылорда қаласындағы, Ақжарма ауылдық округіндегі тұрғын үй секторының инженерлік инфрақұрылымы құрылысы. Электрмен жабдықтауға 10,9 миллион. теңге;19. Қызылжарма ауылдық округіндегі Р.Батырбаев №2 көшесінде орналасқан 5 қабатты жатақананың кәріз желісін орталықтандырылған кәріз желісіне қосуға 8,6 миллион. теңге;20. Қызылорда қаласындағы СПМК-70 ауданындағы № 2 тұрғын үйдің инженерлік инфрақұрылымының құрылысы. Бас жоспар және телефон желілеріне 115,2 миллион. теңге;21. Қызылорда қаласы Сырдария өзенінің сол жағалауындағы 50 көппәтерлі №32, 34 тұрғын үйлердің сыртқы инженерлік желілері. Абаттандыруға 24,8 миллион. теңге;22. «Қызылорда қаласы Әл-Фараби ауданындағы тұрғын үй секторының инженерлік инфрақұрылымы. Су желілері» жобасын қоса қаржыландыруға 2,0 миллион. теңге;23. «Қызылорда қаласы Талдыарал елді мекенінде тұрғын үйлердің электр желілері құрылысы» жобасын қоса қаржыландыруға 4,1 миллион. теңге;24. "Қызылорда қаласы, Сабалақ елді мекеніндегі тұрғын үй секторының инженерлік-коммуникациялық инфрақұрылымы құрылысы. Электрмен жабдықтау" жобасын қоса қаржыландыруға 28,3 миллион. теңге;25. "Қызылорда қаласы, Еңбек аумағындағы тұрғын үй секторының инженерлік-коммуникациялық инфрақұрылымы құрылысы. Электрмен жабдықтау" жобасын қоса қаржыландыруға 7,4 миллион. теңге;26. "Қызылорда қаласында Орбита ауданындағы тұрғын үй секторының инженерлік инфрақұрылымы құрылысы. Электрмен жабдықтау" жобасын қоса қаржыландыруға 4,0 миллион. теңге;27. "Қызылорда қаласы, Тасбөгет кентінде тұрғын үй секторының инженерлік-коммуникациялық инфрақұрылымының құрылысы. Электрмен жабдықтау" жобасын қоса қаржыландыруға 1,2 миллион. теңге;28. Қызылорда қаласы, Арай Шұғыла ауданындағы тұрғын үй секторының инженерлік инфрақұрылымы құрылысы. Электрмен жабдықтау" жобасын қоса қаржыландыруға 1,5 миллион. теңге;29. Қызылорда қаласындағы Сырдария өзенінің сол жағалауындағы № 2 шағын ауданында орналасқан 5 қабатты, 10 &nbsp;тұрғын үйлердің инженерлік инфрақұрылымы. Электр желілеріне 342,2 миллион теңге;30. Қызылорда қаласындағы Сырдария өзенінің сол жағалауындағы № 2 шағын ауданында орналасқан 5 қабатты, 10 &nbsp;тұрғын үйлердің инженерлік инфрақұрылымы. Жылу желілеріне 349,0 миллион. теңге;31. Қызылорда қаласындағы Сырдария өзенінің сол жағалауындағы № 5 шағын ауданы инженерлік инфрақұрылымы. Электр желілеріне 260,2 миллион. теңге;32. Қызылорда қаласындағы апатты тұрғын үйлерде тұратын тұрғындар үшін Жаппасбай батыр көшесі бойындағы екі 40 пәтерлі және бір 60 пәтерлі тұрғын үйдің инженерлік инфрақұрылымын салуға (Ауыз су және кәріз желілері) 8,9 миллион. теңге;33. Қызылорда қаласындағы апатты тұрғын үйлерде тұратын тұрғындар үшін Жаппасбай батыр көшесі бойындағы екі 40 пәтерлі және бір 60 пәтерлі тұрғын үйдің инженерлік инфрақұрылымын салуға (газбен жабдықтау) 6,1 миллион. теңге;34. Қызылорда қаласындағы апатты тұрғын үйлерде тұратын тұрғындар үшін Жаппасбай батыр көшесі бойындағы екі 40 пәтерлі және бір 60 пәтерлі тұрғын үйдің инженерлік инфрақұрылымын салуға (жылу желілері) 7,9 миллион. теңге;35. Қызылорда қаласындағы апатты тұрғын үйлерде тұратын тұрғындар үшін Жаппасбай батыр көшесі бойындағы екі 40 пәтерлі және бір 60 пәтерлі тұрғын үйдің инженерлік инфрақұрылымын салуға (электр желілері )18,6 миллион.теңге;36. Қызылорда қаласы Қызылжарма аумағындағы 1,2,3 ауданында тас жол құрылысы (35 көшеге)100,0 миллион.теңге;37. "Қызылорда қаласы Сырдария өзенінің сол жағалауында орналасқан №4 тұрғын кварталында 40 пәтерлі №16 тұрғын үйдің инженерлік инфрақұрылымының құрылысы. Аулааралық жұмыстары мен телефон желісі» 70,2 миллион теңге;38. "Қызылорда қаласында Сырдария өзенінің сол жағалауында №2 шағын аудандағы 5 қабатты 10 тұрғын үйдің инженерлік инфрақұрылымын салу". Газбен жабдықтау желілері» 38,4 миллион теңге;39. "Қызылорда қаласы Сырдария өзенінің сол жағалауындағы №2-ші шағын ауданында орналасқан 5 қабатты, 10 тұрғын үйлердің инженерлік-инфрақұрылымы. Ауыз су және кәріз су желісінің құрылысы" 90,4 миллион. теңге;40. "Қызылорда қаласы Сырдария өзенінің сол жағалауындағы №5 тұрғын кварталының инженерлік инфрақұрылымының құрылысы. Жылу желілеріне 210,9 миллион теңге;41. "Қызылорда қаласы Сырдария өзенінің сол жағалауындағы №5 тұрғын кварталының инженерлік инфрақұрылымының құрылысы. Бас жоспар және телефон желілеріне 264,0 миллион. теңге;42. «Қызылорда қаласы инженерлік-коммуникациялық инфрақұрылымын дамыту және жайластыру. Қызылорда қаласы Қорқыт Ата аэропорты терминалы құрылысының сыртқы инженерлік жүйесі. Жылумен жабдықтауға 311,7 миллион. теңге;43. «Қызылорда қаласы инженерлік-коммуникациялық инфрақұрылымын дамыту және жайластыру. Қызылорда қаласы Қорқыт Ата аэропорты терминалы құрылысының сыртқы инженерлік жүйесі. Электр желісімен жабдықтауға 1 043,7 миллион. Теңге қаржы бөлінген.

Қазақстан және Қызылорда облысының жаңалықтары

«Zhalagash marathon - 2023» жарысы өтті