Жаңақорғанда жұмыс орны көп, жұмысшы тапшы

<a href="https://kyzylorda-news.kz/">Kyzylorda-news.kz</a> «Адамның сүйеніші – отбасы» деп жатамыз. Соған сай, отбасынан бақыт тауып қана қоймай, кәсіп ашып, дамып та жатқан жайымыз бар. Оған көптеп аргумент келтіруге болады. Жұмысым жоқ екен деп қарап отырмай, отбасында балаларының несібесіне «қазан аузы жоғары» деп тәуекел етіп кәсіп бастаған жанның бірі – Қармақшы ауданы, ІІІ Интернационал ауылының тұрғыны, «Күміс алқа» иегері Самал Қожаева.&nbsp;«Көз қорқақ, қол батыр» деген осы. Күні кеше бастаған секілді еді, жыл өтпестен-ақ кәсібінің нәсібін көре бастаған көпбалалы ананың сол кездегі қабылдаған шешімінің дұрыстығына өзі ғана емес, сонымен қатар оған тілеулес болған жандардың да қуанышы іспетті. Себебі отбасында балалары көмекшісі болса, жан жары үнемі қолдап, жәрдемін аямайды.Самал Сабытбекқызы өткен жылы мемлекет тарапынан кәсіп ашушыларға қолдау ретінде ұсынылып жатқан «Ұлттық жобаға» қатысып, бизнес жобасын сәтті қорғап шыққан. Қазір мал шаруашылығын дамытумен бірге, құс шаруашылығын ілгерілету де маңызды саналады. Құс еті мен жұмыртқасының дәруменге бай және табиғи өнім екенін ескерсек, &nbsp;оған тұтынушы тарапынан сұрыныстың ешқашан жоғалмайтыны анық. &nbsp; Міне осындай қажеттілікті ескерген кәсіпкер мемлекеттен берілетін қайтарымсыз қаржыға ие болып, грант жеңімпазы атанған.&nbsp;<img src="https://knadmin.beoblood.kz/uploads/cfe693aa_06e3_4a66_b173_b1f77f067424_0b613accc9.jpg" alt="cfe693aa-06e3-4a66-b173-b1f77f067424.jpg"><blockquote>– 2-3 жылдай «Достық» балабақшасында тәрбиешінің көмекшісі болып еңбек еттім. Тұрмыс жағдайына байланысты ол жақтан жұмыстан шығып, бала тәрбиесімен айналыстым. Үй шаруасында болдым. Біреуден-біреу естіп, былтыр қайтарымсыз грантқа құжат тапсырып, &nbsp;жеңімпаз атандым. Қолға алған кәсібім – құс шаруашылығы, оның ішінде қаз өсіруді таңдадым. 1 млн 380 мың теңгеге кәсіпке қажетті балапан шығаратын инкубатор құрылғысын, мұздатқыш және 300 қаз сатып алынды. Жалпы ауылда қаз асырап жатқандар бар. Бірақ көп емес. Қаздарды балапан, үлкен күйінде де сатып алдық. "Линда", "Томбов", "Халмогор" сорттары өсімтал келеді дегесін осы түрлеріне маңыз бердік. Олардың сорттары әртүрлі болғанымен құстар бір-бірімен сыйыса береді. Түске дейін бір мезгіл кепеде ұстаймыз, сонда жұрытқалайды, жем жейді. Түскен кейін есіктің алдына шығарып, жайып аламыз. Қаз – судың құсы болған соң шомылғанды, көкке жайылғанды жақсы көреді. Суға түсетінін орын белгілеп қойғанбыз. Жеміне келсем, асбұршақ араласқан бидай береміз. Дәрумендерін де қадағалап тұрамыз. Жазды күндері жоңышқаға жайылады. Көбіне-көп бұлардың қорегі шөп болып келеді. Мал секілді жайылады ғой. Қуараған шөптердің тамырымен де қоректенеді. Қазды біз ет бағытында да, жұмыртқа бағытында да пайдаланып отырмыз. Инкубатор аппаратынан балапандарды көбейтіп, ет бағытын ұстансақ, &nbsp;күтіп-баптағанымыздан жұмыртқаны да жақсы беріп отыр. Пайдасы бар. Жұмыртқаның бір данасын 250 теңгеге сатудамын. Күндігіне 14-17 данаға дейін жұмыртқалайды. Тұрақты тұтынушыларымыз қалыптасқан. Қаздарды семіртіп, қыста бірқатарын сойып саттық. 4-5 келі аралығында салмақ тартып, ет берді, – дейді кәсіпкер еңбегінің жемісіне марқая. &nbsp;</blockquote>"Кәсіпті жеке істегеннен гөрі, отбасымен істеген әрине, әлдеқайда тиімді" дейді көпбалалы ана бізбен әңгімелескенде. Ол ойы орынды да сияқты. Көп болып, жабылып істеген шаруаның күшке де, уақытқа да салмақ түсірмейтіні онсыз да белгілі ғой. Бүгінде Мұхтаровтар жанұясында өсіп келе жатқан балалардың алды студенттер болса, одан кейінгілері мектеп оқушылары. Кішкентайлары 2 жасқа толмақ. Отағасы Дархан Мұхтаровтың жеке шаруа қожалығы бар. Еңбекпен өсіп-өніп отырған ауыл азаматы бақша егуді кәнігі кәсібіне айналдырған. &nbsp; &nbsp;&nbsp;– Кәсіп десе, қорқа соғатын едік. Тәуекел етсең, істеуге болады екен. Алда жоспарымыз көп. Бұйырса кәсібімізді кеңейтіп, әлде де құстардың санын көбейтсек пе дейміз. Көктем басталғалы инкубаторда балапан шығаруды қолға алғанбыз, – дейді «Күміс алқа» иегері.&nbsp; &nbsp;Фото: pixabay.com

Қармақшылық кәсіпкер қаз өсірумен айналысуда

<a href="https://kyzylorda-news.kz/">Kyzylorda-news.kz</a>&nbsp; Былтыр оқу жылында Жалағаш ауданында 356 түлек мектеп бітірсе, оның 329-ы&nbsp; ұлттық бірыңғай тестілеуге қатысқан. Білім беру гранты конкурсына қатысқан 302 талапкердің 260-ы мемлекеттік грант жеңіп алды. Бұл көрсеткіш бойынша аудан облыста екінші орында. Талапкерлердің 113-і педагогикалық бағыттағы мамандықтарға басымдық берген. Оқу жылының қорытындысымен 17 түлек «Алтын белгі» иеленді. Жалағаш аудандық мәслихаттың сессиясында білім бөілімінің басшысы Талғат Құрақбайұлы осылай деді.&nbsp;&nbsp;Спикер мұнан бөлек білім берудің әрбір деңгейі бойынша атқарылып жатқан жұмыстар мен проблемалық мәселелерге тоқталды.&nbsp;Бүгінде ауданда 62 білім беру ұйымы жұмыс жасайды. Яғни 20 мектеп, 3 қосымша, 37 мектепке дейінгі білім беру ұйымы, педагогикалық-медициналық, психологиялық кон­суль­та­ция және педагогикалық-психо­логиялық түзету кабинеті балалар мен жасөспірімдерге қызмет көрсетуде. Жалағаш ауданындағы 20 мектептің&nbsp;19-ы қазақ тілінде, 1-еуі орыс тілінде жұмыс жа­сайды.&nbsp;<blockquote>– Былтыр оқу жылында мектепті 356 түлек аяқтап, оның 329-ы&nbsp; ҰБТ-ға қатысты. Білім беру гранты конкурсына қатысқан 302 талапкердің 260-ы мем­лекеттік грант иегері атанды. Бұл көрсеткіш бойынша ауданымыз об­лыс­та ІІ орынға тұрақтады. Бітіруші та­лапкерлердің 113-і педагогикалық бағыттағы мамандықтарға басымдық берген. Оқу жылының қорытындысымен 17 түлек «Алтын белгі» иеленді, – деді Тал­ғат Садықов.&nbsp;</blockquote>Жалпы пәндер бойынша рес­пу­бли­калық олимпиадаға аудандық кезеңге 387 оқушы қатысып, 122-сі жүлделі орындардан көрінген. Облыстық кезеңге 32 оқушы қатысып, 16 оқушы жүлделі орындар иеленген, республикалық ке­зең­де ауданнан 2 оқушы бақ сынаған. Сонымен қатар өткен жылы құрылған «Сыр дарыны» білімділер академиясы ая­сында 8-9 сыныптардан 138 оқу­шы «Қамбаш» облыстық лагерь база­сында дайындық бойынша оқыту кур­­старынан өткізілген. «Мың бала» олим­­пиадасына&nbsp;2022-2023 жылы 58 оқу­­шы&nbsp;қатысып, 16 жеңімпаз атанып, ма­­ман­дандырылған мектептерде оқуын жалғастыруға мүмкіндік алған. Ау­­дан мектептеріндегі 8-9 сынып оқу­­шылары арасында «Iganat» олим­пиадасының қорытындысымен Респуб­ли­калық кезеңге 4 оқушы&nbsp; жолдама алып, дәстүрлі түрде өткізілетін пре­зиденттік олимпиадамен ғылыми жо­баларға облыстық деңгейде был­­тыр­ оқу жылында 82 оқушы қатысып, 38-і жүлделі орын иеленген. Ал республикалық кезеңге 11 оқушы қа­ты­сып, 8-і білім бәйгесінде жеңіс тұғы­рынан көрінген. Жалпы білім беретін пәндер бо­йынша республикалық олим­пиа­да­ның қорытындысымен 2022-2023 оқу жы­лында «Ең үздік 100 мектеп» қа­тарына Темірбек Жүргенов атындағы №123 мектеп-лицейі енген.&nbsp;Былтыр ПМПК қорытындысымен ауданда 343 ерекше білім беруді қажет ететін балалар анықталған. Оның ішінде 169 бала мектепте, 22 бала арнайы психикалық дамуы тежелген сыныпта, 54 бала үйден оқытылуда, 60 бала балабақшада, 43 бала психологиялық-педагогикалық түзе­ту, 45 бала ресурстық орталықта,&nbsp; 30 ба­ла логопедиялық пункте түзету сабақтарын алуда.&nbsp;Айта кетейік, соңғы уақытта облыс, рес­публика көлемінде кәмелетке тол­­­ма­ғандар арасында қылмыс пен құ­қық бұзушылық, топтық төбе­лес, қыз балалар арасында әлім­жет­­тік, буллинг, кибербуллинг, элек­­т­рон­ды темекі ше­гудің белең алу­ы­на бай­ланысты тәрбие жұмыс­та­ры күшейтілді.Әйтсе де бұл оң нәтиже бермей тұр. Себебі 2022-2023 оқу жылында 1 қылмыс (ұрлық) бойынша 2 мектеп оқушысы полиция бөлімінің профилактикалық бақылауына алын­­­ды. Облыс әкімінің тікелей тап­сыр­ма­­сы­на сәйкес аудан әкімдігі жа­ны­­­нан жұмысшы топ құрылып, күн­­­де­­лікті жасөспірімдер арасында құ­­­қық бұзушылықтың ал­дын алу мақ­­­са­тында түнгі рейд жұ­мыстары ұйым­­дас­тырылуда. Онда жас­өс­пірімдер мен олардың ата-ана­ларына түсіндіру жұмыстары жүр­гізіліп, кей оқушылардың ата-ана­ла­ры әкімшілік жауап­кершілікке тартылған. Десе де бей­мезгіл уақытта ата-аналары немесе заң­ды өкілдерінсіз оқушылардың кө­шеде жүруі толастамай тұр.&nbsp;Жалағаш ауданында жасөспірімдердің қоғамда теріс қылық жасауына жол бермеуге қатысты атқарылып жатқан шаралар легі көп. Десе де жасалған жұмыстар әлі де жеткіліксіз. Бұл сөзімізді оның нәтижесі қуаттайды.Сессияда ауданда мемлекеттік жас­тар саясатының іске асырылу барысы да қаралды. Бұл жөнінде аудандық қоғамдық даму бөлімінің басшысы Жасұлан Еспенбет баяндады.&nbsp;<blockquote>– Жалағаш ауданында жастар арасында жұмыссыздық деңгейі – 4,2 пайыз. Былтыр «Мансап» орталығына 1 341 жас жұмыс іздеуші ретінде тіркелген, оның&nbsp;968-і ұлттық жобаға қатысушылар құрамына енген. Жастардың мем­ле­кеттік бағдарламаларға қатысу бел­сен­­ділігі артып келеді. Жастарды әлеуметтендіруге бағытталған, оның ішінде жұмыссыз және&nbsp;NEET сана­тындағы жастарды тарта отырып, «Tulga&nbsp;bol» жәрмеңкесі және «Мүмкіндіктер алаңы» кеңес беру шарасы Жалағаш кентінің орталық базарында және ауылдық округтерде өткізілді, – деді Жасұлан Ерданұлы.&nbsp;</blockquote>Мемлекеттік және өңірлік бағдар­ламалар аясында шағын және орта кә­сіп­ті бастау немесе жұмыс істеп тұрған кәсібін әрі қарай дамыту бағытында ау­данда биыл 206 жоба 4809,3 млн теңгеге қаржыландырылған. Оның ішінде 80 жас кәсіпкердің&nbsp; жобасы 378,3 млн теңгеге қаржылай қолдау тапқан. Былтыр «Zhas&nbsp;Project» жобасы бойынша 2 жас дәнекерлеу мен той­ларға қызмет ету жобасы жүзеге асы­руға 2 млн теңге грант алған.Айта кетейік, биыл жастарды дамыту мен қолдауға мемлекеттік әлеуметтік тапсырыс шеңберінде 4 жобаны жүзеге асыруға жергілікті бюджеттен 10 млн 692 мың теңге бөлінген.&nbsp;Сессияның күн тәртібінде ұсыныл­­ған мәселелер талқыланып, тиісті ше­шімдер қа­былданды. Со­ңында аудан әкімі Ардақ Әбді­ғаппарұлы ат­қа­рылып жатқан жұмыстарға оң баға бе­­ріп, алдағы жұмыстарға сәттілік тіле­ді.Фото: Нұрболат Нұржаубай

302 талапкердің 260-ы мемлекеттік грант иеленген

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласына алғаш келгендер көше тазалығына таңдана қарайтыны рас. Күл-қоқысы тазарған, түбі ақталған ағаштар мен жол жиегіне отырғызылған әсем гүлдер. Бұл – Қызылорданың көркем бейнесі.Адам баласы әсемдік пен әдемілікті жаны қалайтыны анық. Осы ретте Ақмешіттің таза қалалар тізімінің алдыңғы сапында екені қуантады. Бүгінде қоғамда көтеріліп жүрген көптеген түйткілді мәселелер шешімін тапқан. Қала көшелері тегістеліп, жарықтандырылып, жол жиегін бойлай ағаштар мен гүлдер егіліп, абаттандырылып жатыр. Жаңадан ғимараттар бой көтеріп, қалаға көрік беріп тұр. Сырдария өзенінің сол жағалауы да үлкейіп, дамып келеді. Қоғамдық көлік мәселесі де жолға қойылып, өткен жылмен қоса алғанда қаламызға 150-ге тарта жаңа автобус әкелінген. Сонымен қатар қала тазалығын қамтамасыз етуде жүйелі жұмыс атқарып келе жатқан «Қызылорда тазалығы» мекемесіне қарасты жүк көліктері де жаңарған. Өткен жылы мекемеге облыс әкімінің қолдауымен 20 дана арнайы техника алынған. Оған облыстық бюджеттен 742,8 млн теңге бөлінген. Қажетті техникалармен қамтамасыз етілген серіктестік қызметкерлері тәулік бойы тазалық шараларын жүргізіп, халықтың ықыласына бөленудеБұдан бөлек, қала тазалығын сақтау үшін облыстың қоғамдық даму басқармасының мемлекеттік әлеуметтік тапсырысы аясында жыл сайын «Жасыл ел жастарды көркейту, көгалдандыру және абаттандыру жұмыстарына тарту» жобасы жүзеге асырылып келеді.«Жасыл ел» жастар еңбек жасағының мақсаты – жастарды тек қана еңбекке баулу емес, сонымен қатар жастар арасында достық қарым-қатынасты нығайту, жастардың табиғатқа қамқорлықпен қарауын, өзінің жеріне, еліне деген сүйіспеншілігін қалыптастыру.Бұл ретте, туған өлкемізді көркейту, көгалдандыру жұмыстарына жыл сайын 1000- нан астам жас үлес қосып келеді.Аудан орталықтары мен ауылдық елді мекендердегі әр түрлі санаттағы жастар, оның ішінде оқушы, студент және жұмыссыз жастар бағдарлама мүмкіндігін кеңінен пайдалануда.2024 жылы әлеуметтік жоба арқылы маусым-тамыз айларында 16-35 жас аралығындағы түрлі санаттағы 1200 жас маусымдық жұмыспен қамтылып, 100 мың теңге мөлшерінде еңбекақысы өтелген.Сонымен қатар «Жасыл ел» еңбек жасағының облыстық штабының жұмысын ұйымдастыру үшін 8 маман 5 айға жұмысқа қабылданбақ.Айта кету керек, өткен жылы жоба аясында 1871 жас маусымдық жұмысқа тартылған. Оның ішінде 15%-ы (280) жұмыссыз жастар болса, қалған 85%-ы (1591) оқушылар мен студенттер.Жасылелдіктермен 12 гектар аумақ тазаланып, 4 мыңға жуық ағаш отырғызылған. Облыс көлемінде орналасқан 118 мәдени-демалыс орындарында (аллея, сквер, алаңдар, парктер) көгалдандыру жұмыстары жүргізілген.Қала тазалығына ел болып, қоғам болып атсалысуымыз қажет. Қала тазалығы әрбір тұрғынның ауласынан басталады. Осы ретте қызылордалықтар өз аумағына жасыл-желек отырғызып, көгалдандыру жұмыстарын жүргізгені жөн. Қоғамдық орындарда да қала тазалығын сақтайтын жандардың еңбегін еш кетірмеу үшін, көшеде жүру әдебін сақтау керек. Жаздың аптап ыстығымен, қыстың қақаған суығында да тынбай жұмыс істейтін тазалық қызметкерлерінің еңбегі ерен.

«Жасыл ел» еңбек жасағының көмегімен 4 мыңға жуық ағаш егілді

Жалағаш ауданы: Салада серпін бар

<a href="https://kyzylorda-news.kz/">Kyzylorda-news.kz</a> Халық тұтынатын ауызсудың сапасы біздің денсаулығымызға тікелей әсер етері белгілі. Ал денсаулық арқылы өмір мәнді де мағыналы болары анық. Сондықтан да ауызсуға санитарлық талаптар қойылады. Иісі, дәмі, түсі, лайлылығы сол сияқты оның қасиеттеріне әсер ететін заттардың мөлшері бойынша бағаланады. Мәселен, темір, марганец, мыс, сульфаттар, хлоридтер, т.б. Судың бетінде түрлі қабыршақтар болса, онда таза емес деген күдік ұялайды.Қазіргі кезде Жаңақорған аудандық санитариялық-эпидемиологиялық бақылау басқармасының бақылауында 37 сумен жабдықтау нысаны жұмыс істейді. Оның ішінде ҚР Экология, геология және табиғи ресурстар министрлігі Су ресурстары комитетінің «Нұра топтық сумен жабдықтау» РМК «Арал салынып жатқан кәсіпорындардың бірлескен дирекциясы» филиалы «Жиделі» топтық су құбырын пайдаланушы Жаңақорған өндірістік бөлімшесіне 9 елді мекеннің су құбыры қарасты. «Жаңақорған ауданының оқшау сумен жабдықтау жүйелерін пайдаланушы» өндірістік бөлімшесіне қарайтын 28 елді мекен су құбыры бар.Аудандық санитариялық-эпидемиологиялық бақылау басқармасының мәліметінде аудан халқының 99,9 пайызы орталықтандырылған ауызсумен қамтамасыз етілгені айтылады.<blockquote>– Су химиялық құрамы жағынан зиянсыз болуы үшін табиғи судың құрамында кездесетін заттарға, өңдеу үрдісінде қосылатын реагенттерге, адамның іс-әрекеті нәтижесінде кездесетін заттарға арнайы нормативтер бекітілген. Көрсетілген нормативтен ауытқуы оны тазарту технологиясының қажетті дәрежесін айқындайды, – дейді Жаңақорған аудандық санитариялық-эпидемиологиялық бақылау басқармасының басшысы Шынар Айдарова.</blockquote>Су арқылы жұғатын аурулардың негізгілері – А, В паратифтер, дизентерия, А вирусты гепатиті, тырысқақ.Рас, бақылауға алынып, тазартылмаған ауызсуды пайдалану және құрылыстардағы, құбырдағы техникалық апаттар, қарапайым жеке гигиена ережелерін сақтамау салдарынан түрлі жұқпалы аурулардың пайда болуына әкелуі мүмкін. Сондықтан жұқпалы аурулардың таралуының алдын алуда мемлекеттік санитариялық-гигиеналық шаралардың орны ерекше. Осы талапқа сай су сапасын зертханалық зерттеулер арқылы тұрақты бақылау, жабдықтау нысандарына мерзімінде дезинфекция жасап тұру керек. Жаңақорған аудандық санитариялық-эпидемиологиялық бақылау басқармасы үнемі мониторинг жүргізіп отырады.<blockquote>– Басқарма мониторингтік бақылау бойынша «Ұлттық сараптама орталығы» облыстық филиалының Жаңақорған аудандық бөлімшесіне өткен жыл көлемінде ай сайын сынамалар алынған. Былтыр санитарлық-химиялық зертханаға 354 ауызсу сынамасы, микробиологиялық зертханаға 411 ауызсу сынамасы алынып тексерумен қамтылды, сәйкессіздіктер анықталған жоқ. Ал биылғы бірінші тоқсанда санитарлық-химиялық және микробиологиялық зертханаға 122 ауызсу сынамасы алынып, тексеру кезінде сәйкессіздіктер анықталмады, – дейді Ш.Айдарова.</blockquote>Сондай-ақ басқарма емдеу-сауықтыру орындарынан, аудандағы 107 балабақша мен мемлекеттік және жеке 51 мектеп, олардың асханаларынан, сондай-ақ әлеуметтік маңызы бар басқа да нысандардан сынама алып отыруы керек. Бұл талап ауданда өз дәрежесінде жүргізіліп келеді. Елді мекендердің ауызсу сапасы үнемі басқарма бақылауында. Бұл жұмыстар күнделікті және ай сайын қадағаланады.Фото: Нұрболат Нұржаубай

Аудан халқы орталықтандырылған ауызсумен қамтамасыз етілген

<a href="https://kyzylorda-news.kz/">Kyzylorda-news.kz</a> Қазгидромет Қазақстанда су тасқыны жағдайы күрт нашарлауы мүмкін екенін хабарлады, - деп хабарлайды Tengrinews.kz тілшісі.Синоптиктер мәліметінше, Жайық өзені ағынының қалыптасуының жоғарғы аймағындағы бақылаулар деректеріне негізделген Росгидромет болжамдарына сәйкес, көктемгі су тасқынының күтілетін көлемі 2023 жылғы орташа көпжылдық мәндер мен көрсеткіштерден 2-2, 5 есе асатын болады.Қазақстан аумағында Орал-Көшім (Батыс Қазақстан облысы) гидропосты бойынша өзенді ашудың күтілетін мерзімдері 2024 жылғы 7-12 сәуір аралығында болжанады.<blockquote>"Орал-Көшім учаскесіндегі көктемгі су тасқыны көлемі 11.0-ден 15.0 текше километрге дейін болады деп күтіледі, бұл былтырғы көрсеткіштерден едәуір асып түседі және рекордтық мәндерге жақындайды", - деп қосты "Қазгидромет" РМК.</blockquote>

Су тасқыны жағдайы күрт нашарлауы мүмкін: Қазгидромет хабарламасы

<a href="https://kyzylorda-news.kz/">Kyzylorda-news.kz</a> &nbsp;Бүгінгі таңда Қызылорда қаласында 7 203 адам ресми жұмыссыз ретінде тіркелген. Ал, өңірдегі жұмыссыз азаматтардың санын өсірмеудің бірден-бір тиімді жолы «Бос жұмыс орындары» жәрмеңкесін ұйымдастыру болып отыр. Аталған шара ай сайын өткізіледі. Бұл өз кезегінде жұмыссыз азаматтардың жұмыс берушілермен тікелей кездесіп, сұхбаттасуына мүмкіндік береді. Бүгін Өңірлік коммуникациялар қызметі көшпелі брифинг ұйымдастырып, «Мансап» орталығында «Мүмкіндіктер алаңы» деген атаумен өткізілген бос жұмыс орындарының жәрмеңкесіне қатысты.– Бүгін «Қызылорда қалалық Мансап орталығы» филиалы, «Қызылорда қалалық жастар ресурстық орталығы», «Қызылорда қаласының прокуратурасы» және «Қылмыстық жазасын өтеген адамдарды әлеуметтік бейімдеу мен оңалту орталығымен» бірлесіп «Бос жұмыс орындары» жәрмеңкесін ұйымдастырып отырмыз. Жыл басынан бері 4 рет бос жұмыс орны жәрмеңкесі өткізіліп, 67 мекемеден 501 бос жұмыс орны ұсынылды. Нәтижесінде 51 адам тұрақты жұмыспен қамтылды. Ал, бүгінгі іс-шарада 32 мекемеден 231 бос жұмыс орны ұсынылып отыр. Жәрмеңкеге медицина саласы бойынша дәрігер-педиатор, стоматолог және медбике мамандықтарына, білім саласы бойынша жеке оқу және одан бөлек, аспаз, тігінші, жүргізуші мамандықтарына да сұраныс түсті. Өткен жылы «Ұлттық жоба» шеңберінде 1 625 азамат жұмыспен қамтылса, биыл сол жоба аясында 1 238 азаматты жұмыспен қамту жоспарланып отыр, - деді Қызылорда қаласы «Мансап» орталығы филиалының директоры Жақсылық Төлегенов.Фото:&nbsp;Қызылорда облысының Өңірлік коммуникациялар қызметі

«Бос жұмыс орындары» жәрмеңкесі – жұмыссыз азаматтарға үлкен мүмкіндік

Қазалыда «Жасыл Қазақстан - жасыл  балабақшадан басталады» жобасы жүзеге асуда

Қызылорда қалалық мәслихат төрағасы қоғамдық кеңес алдында есеп берді

<a href="https://kyzylorda-news.kz/">Kyzylorda-news.kz</a> Кейінгі уақытта&nbsp;қазақ&nbsp;көрерменінің&nbsp;қазақша&nbsp;контентке сұранысы байқалады. Саны көбейгенмен, сапасы сынға&nbsp;қалып&nbsp;жүрген дүниелерге&nbsp;қарап,&nbsp;қазақ&nbsp;фильмдері мен мультфильмдерін кім жасап жүр деген сұрақ еріксіз туындайды. Жерлесіміз Бағлан Төлебай – 3D графика арқылы түрлі жобаларды іске асырып,&nbsp;ұлттық&nbsp;рухты оятатын ойлы дүниелер&nbsp;ұсынып&nbsp;жүрген IT маман. 3D анимация саласының эксперті, аға оқытушы, жас та болса біраз биікті бағындырған Бағланмен сұхбаттасудың сәті түсті.–«Мұзбалақ» фильмін, «Ер Төстік» ертегісінің желісімен&nbsp;ұлттық&nbsp;ойынды анимацияладыңыз. Бұл идеялар&nbsp;қайдан,&nbsp;қалай&nbsp;келді?– &nbsp;Ертегіні де, ойынды да құрастыруға ұлттық фактор әсер етті деуге болады. Басқалар секілді мен де бала кезімнен мультфильмді жақсы көріп, асыға күтетінмін. Мысалы, «Наруто» анимесі, «Аватар» мультфильмін әлі күнге дейін сүйіп қараймын. Кейіннен анимациялық туындыларды кімдер, қалай жасайтыны қызықтыра бастады. Кинотуындылардың жасалу жолы, кәсіби камераға түсірілетіні түсінікті. Ал мультфильм қалай жасалады деген сұрақ туындайтын. Әкем – ұлтжанды кісі. Оқушы кезімнен ұлттық рухың әлсіз, санаң дамымай жатыр деп қинап болса да «Алпамыс батыр» жырын, «Ер Төстік» ертегісін, өзге де жыр-дастандарды оқытатын. Әрине, сол сәтте ескі жыр-дастандарды осыншама қиналып оқудың не керегі бар деп ойлап, қадірін түсінбедім. Аса қызық болмады. Ал кейін ержете келе, тарихта болған кейіпкерлер туралы жыр-дастандарды, батырлар жырын оқудың маңызын, құндылығын түсіне бастадым. Әлем балаларының, тіпті, ересек көрерменнің назарын жаулаған «Наруто» секілді ұлттық болмыстағы анимациялық фильмдер жасау керек деп шештім.Бұрынғы уақытта әжелер институты болған. Неге бізде батырлар көп десеңіз, ұлан-ғайыр даланы ұрпағына мұра етіп сақтап қалған бабалардың барлығы да кішкентайында құймақұлақ болып, ата-әжесінің аузынан батырлар жырын тыңдап, жаттап өскен. «Өскенде мен де батыр боламын, елді қорғаймын» деген ұлттық рухты бойына сіңіретін болған.Қазіргі балалардың ата-анасы, ата-әжесі бар болғанмен, олардың көбісінің бала тәрбиелеуге уақыты жоқ. Бүгінгі күні баланың тәрбиешісі – смартфон. Демек ұлттық болмыстағы қазақ тілді контенттерді мейлінше молайтып, сұранысқа сай түрлі бағыттағы ақпарат көзімен қамтамасыз ете алуымыз керек. Сондықтан жобаларым қазақ ауыз әдебиеті кейіпкерлерімен тікелей байланысты.Мультфильмдер – ертеңгі ел басқаратын, елімізді алға жылжытатын жас ұрпақты тәрбиелеуші негізгі құрал. Ондағы кейіпкерлерге ұқсап баққысы келетіндіктен өмірдегі адалдық пен ерлікке құштар болады. Өкінішке қарай, кішкентайымыздан «өрмекші адам» сияқты кейіпкерлерге еліктеп өстік. Қазіргі күні ол туындылардың терең мағынасы жоқ, тек анимациялық тұрғыда шебер жасалғанын түсіне бастадым. Енді менен кейінгілер өзгенің дүниесіне телмірмесе деймін.– IT саласына&nbsp;қалай&nbsp;келдіңіз?– IT саласына келуіме түрткі болған – 3D анимация. 7-сыныпта Қызылордадағы дарынды балаларға арналған мектеп-интернатқа түстім. Ол жақта 5 жыл білім алдым. Ал туған ағам қазақ-түрік лицейінде оқыған еді. Ол кезде технология жағынан ең үздік мектеп сол болатын. Осылайша ағам бағыт-бағдар көрсетіп, «3D макс» деген бағдарламаның кітабын сатып алып берді, яғни, кітаптан алғаш рет осы анимация түрінің алгоритмі мен бағдарламасын үйрене бастадым.&nbsp;2010 жылдардың шамасы болу керек. Интернет те нашар, ноутбук те тапшы. Соған қарамастан ішкі қалауым мен болашақта қол жеткізуім керек деген мақсаттарым нөлден бастап үйреніп алуыма, ізденуіме түрткі болды. Осылайша 13 жасымда болашақта қазақтың болмысын, ұлттық танымын әлемге танытатын, әдебиетінің жауһарларын көрсете алатын анимациялық туындыларды жасаймын деген мақсат қойдым. Әлі күнге дейін осыған қол жеткізу, қазақша анимациялық контентті дамыту жолында еңбек етудемін.Оқушы кезде балалар алдына нақты мақсат қоймайды. Армандай алуы мүмкін. Алайда мақсат – жоспарлы түрде ұзақ не қысқа мерзімде іске асатын адамның ішкі қалаулары. Тіпті кей 11-сынып оқушылары да өзінің кім боларын, нені қалайтынын білмейді. Бұл – қалыпты дүние. Дегенмен болашағына нық қадам баса алуы үшін мектеп кезінен баламен сөйлесіп, ішкі қалауын, шешімін өзінен сұрау керек. Елде университет бітіргеннен кейін де 3D анимацияны оқытатын арнайы оқу орны жоқ. Сол үшін де С.Демирел университетіне IT мамандығына түстім. Қызығушы жас толқынға анимациямен айналысу үшін осы мамандықты меңгеріп шыққаны жеткілікті екенін айта кетейін. Анимацияның тілін түсінсе, әрі қарай адамның шығармашылық идеяларының жемісіне байланысты.– Арнайы академияңыз бар. Ал шәкірт тәрбиелеуді&nbsp;қашан&nbsp;бастадыңыз?– Шын мәнінде оқушы кезімнен-ақ шәкірт тәрбиелеп келемін. 10-сыныпта жүргенде Халықаралық INFORMATIC конкурсына қатысып, күміс медаль иегері атандым. Нәтижесінде Қазақстанның кез келген ЖОО-ға тапсыра алатын грантқа ие болдым, яғни, грантқа ие болу 11-сыныпта информатика сабағынан босатылып, оқымауға рұқсат етілді деген сөз. Алайда сабақтың орнына көшеде қыдырып, ойын ойнап жүрмедім. 11-сыныпқа көшкен соң мектеп директорына кіріп, ұсыныс жасап, өзімнен төменгі сыныптарға IT саласы бойынша бар білетінімді үйреткім келетінін айттым. Осылайша директор Балзия апайдың қолдауымен мектепте арнайы үйірме ашылып, 2 ай бойы балаларға сабақ бердім. Курс соңында арнайы диплом бергенім де есімде. Алғашқы курсымның сертификаттарына директордың, менің қолым қойылып, мектеп мөрі басылды. Кейін сабақ берген оқушыларымның арасында дәл осы бағытты таңдап, IT мамандығына грантқа түскендер де болды. Қазір Нархоз университетінде аға оқытушы қызметіндемін. 3D анимация бойынша осы кезге дейін 200-ден аса шәкірт даярлап шықтым. Сонымен қатар С.Демирел университетінде экспертпін.Қазір «Дансай академия» деп аталатын онлайн анимация академиям да бар. Академиядағы анимация курстарына кез келген жастағы қазақстандық қатысып, сала бойынша қазақша білім алуына мүмкіндік бар. 3D анимация бойынша алғашқы қазақша кәсіби курстарды дайындап, білімімді бөлісіп жүргенім, «болмасаң да ұқсап бақ» дегендей қазақ балаларының қазіргі жетілген технологияларды максималды дәрежеде меңгеруіне септігімді тигізе алуым – мен үшін үлкен бақыт. Себебі өзім анимацияны ағылшын тілінде оқып, үйренгенмін. Базалық білім, теорияның барлығы ағылшын тілінде жазылған. Қазақ тілінде оқулықтар жоқ. Сондықтан қазақ тілінде қазақ балаларына үйрете алғаныма, әсер еткеніме шын жүректен қуаныштымын.Студенттердің көбісі ағылшын тілін білмейді. Сондықтан мен екі ортадағы көпір сияқтымын. Неге қазақ тілінде үйренуі керек? Себебі болашақ қазақ балаларына контент ұсынатын әрбір аниматордың өзінің болмысы, жаны қазақ болуы тиіс. Жапондықтардың анимелерін көрсеңіз, тіпті орыс кейіпкерлер де жапондық бейнемен салынады, яғни, контенттің қайдан шыққанын, кім жасағанын бірден біліп отырасыз. Біз де жапондықтардың тәжірибесіне сүйеніп, ұлттық болмысы бойында қалыптасқан қазақ балаларына қолдау көрсетіп, қазақша мультфильмдердің санын да, сапасын да арттыруымыз қажет. Мәселен, өзіміздің «Алдар көсені» жасап шыққан – Краус Артур есімді еврей азаматы. Өн бойында да, жанында да қазақылық жоқ. Ешкімді сөгіп, кінә артпаймын. Алайда ел боламын, әлемде қазақ деген ұлт болып қаламын десек, әрбір қазақша фильм, анимациялық туындыларды жасауда қазақтың тұрмысын білетін, қазақтың тілінде сөйлейтін, ата мен әженің тәрбиесін көрген жастарға сенім артып, олардың қолынан шыққан дүниелерге қолдау білдіргеніміз жөн.– Бағлан, сүбелі сұхбат&nbsp;үшін&nbsp;рақмет!

Бағлан Төлебай: Менің жобаларым ауыз әдебиеті кейіпкерлерімен байланысты

<a href="https://kyzylorda-news.kz/">Kyzylorda-news.kz</a>&nbsp; Қазалы ауданы әкімі Мейрамбек Шермағанбеттің тапсырмасына сәйкес, «Ауыл аманаты» пилоттық жобасының алғы шарттарын, жергілікті тұрғындардың шамадан тыс төрт түлік малдары жайылымдық және егістік жерлерге зиян тигізбеу үшін елді мекеннен тысқары жерлерге көшіру, шығару жұмыстарын ұйымдастыруға және салық базасын ұлғайтуға байланысты тұрғындар мен кәсіпкерлер арасында түсіндірме жұмыстарын жүргізу мақсатында арнайы жұмысшы топ құрылған болатын. Осыған орай, аталмыш жұмысшы топ өкілдері ауданға қарасты Өркендеу, Бірлік, Аранды, Бозкөл, Кәукей және Тасарық ауылдарының тұрғындарымен кездесіп, түсіндірме жұмыстарын жүргізді. Осы ауылдардың жергілікті халқымен кездесу барысында тұрғындар тарапынан «Ауыл аманаты» жобасы аясында 2,5 пайыздық несиелендіру, төрт түлікті егістіктерге түсірмеу мәселелеріне қатысты сауалдары жолданып, толықтай жан-жақты тұшымды жауаптарын алды. Айта кетейік, жұмысшы топтың түсіндірме жұмыстары алдағы уақытта басқа да, ауылдық округтерде жалғасатын болады.&nbsp; Негізгі дақыл күріш – 6 200 гектар аумаққа егіледі. Биыл Қазалы ауданы бойынша барлығы – 17377 гектарға ауыл шаруашылығы дақылдарын орналастыру жоспарлануда. Негізгі дақыл күріш – 6 200 гектар аумаққа егіледі деп жоспарлануда. Сонымен қатар, осы жылдың егісі үшін – 1 746 тонна күріш, 31 тонна бидай, 21 тонна арпа, 32 тонна жоңышқа және 4,2 тонна мақсары тұқымдары дайындалды. Көктемгі дала жұмыстарына барлығы – 289 дана ауыл шаруашылығы техникалары жұмылдырылып, жеңілдетілген – 894 тонна дизель отыны бөлінді. Айта кету қажет, аудан бойынша ерте егілетін ақ егіс егу жұмыстарына шаруашылық құрылымдары осы жылдың наурыз айының 29-нан бастап, кірісті. Қазіргі таңда аудан бойынша – 4832 гектар ескі жоңышқа толығымен тырмаланып, 1300 гектар суғарылса, межеленген – 2843 гектар жаңа жоңышқаның 611 гектары, 362 гектар жаздық бидайдың – 80 гектар егілсе, 50 гектар мақсары және 60 гектар арпа дақылдарын егу жоспарда бар. &nbsp;Бұл ретте сала мамандары «Агро Өркен» жауапкершілігі шектеулі серіктестігінің егістігінде болып, ақ егіс егу жұмыстарымен танысты.<img src="https://knadmin.beoblood.kz/uploads/ee1c25ed_becd_4845_85a6_a382dfd2782d_3de74e03f7.jpg" alt="ee1c25ed-becd-4845-85a6-a382dfd2782d.jpg">

Қазақстан және Қызылорда облысының жаңалықтары