Құрылысты қарқындатқанның қаласы көркейеді

<a href="https://kyzylorda-news.kz/">Kyzylorda-news.kz</a>&nbsp; Арал ауданы - өңірдегі білім деңгейі бойынша алдыңғы қатардағы үздік аймақтардың бірі. Бүгінде теңізді өлкеде мектепке дейінгі 60 білім беру ұйымы қызмет етеді. Тиісінше, онда 4 мыңнан астам бүлдіршін тәрбиеленуде. Ал, Арал ауданына қарасты 48 жалпы орта білім беретін мектепте 17 мыңнан астам оқушы қамтылған. Осы білім ошақтарындағы орны ерекше саналатын Арал қаласындағы Ұ.Қараманов атындағы №262 мектеп - гимназиясы білім саласындағы озық тәжірбиелерді енгізіп, оқушылардың жан-жақты дамуына қолайлы жағдай жасап келеді. Күні кеше Өңірлік коммуникациялар қызметі мен облыстық білім басқармасының ұйымдастыруымен арнайы баспасөз туры өткізіліп, БАҚ өкілдері теңізді өлкеде білім маржанын сүзіп жүрген оқушылардың жетістігімен жақын танысты.Жалпы, Ұ.Қараманов атындағы №262 мектеп - гимназиясы "100 мектеп, 100 аурухана" бағдарламасы бойынша іргетасы қаланып, 2009 жылы ел игілігіне пайдалануға берілген болатын. Алғашқы жылы 600-ге жуық оқушымен есігін айқара ашқан білім ошағында бүгінде барлығы 1242 оқушы қамтылған. Оларға 117 мұғалім білім береді.– Ұлттық бірыңғай тестілеу көрсеткіші бойынша соңғы 5 жылдықта облыстағы жоғары нәтижелерге қол жеткізіп келеміз. Оқушыларымыз түрлі деңгейдегі жарыстарда өз білімдерін көрсетіп, жүлделі орындарға да ие болуда. Біздің мектеп әрқашан оқушылар мен ұстаздардың тың жобаларына қолдау көрсетіп, сапалы білім алуына жағдай жасайды, - деді мектеп директоры Руслан Сисенов.Сондай-ақ, мұнда балалардың қосымша үйірмелерге қатысуына да толықтай мүмкіндік қарастырылған. Атап айтқанда, «Ұлттық мектеп лигасы», «Дебат» клубы, «Оқуға құштар мектеп», «Мектеп театры» сынды 41 үйірме жасақталған. Бұдан бөлек, білім алушылардың заманауи үлгідегі озық тәжірбиелерін одан әрі дамыту мақсатында киностудия, жас мобилографтар үйірмесі жұмыс істеуде. Бұған қоса, ұлттық ойындарымызды жаңаша тәсілмен жаңғыртқан «Ақ сүйек», «Қыз қуу», «Көкпар» ойындары да оқушылардың қызығушылығын ерекше арттыруда.– Өзім дене шынықтыру пәнінен сабақ беремін. Оқушылардың бос уақытын тиімді пайдалану мақсатында өзіміздің ұлттық ойындарымызды түрлі бағытта жаңғыртуға тырысудамыз. Қазіргі таңда мектеп оқушыларының бұл ойындарға қызығушылығы жоғары. Дене саулығымен қатар ой-танымын дамытуға қолдан келгенше өз үлесімізді қосудамыз, - деді мектеп мұғалімі Д. Сағымбаев.<img src="https://knadmin.beoblood.kz/uploads/435336790_1979998472395655_2955867863760237035_n_0340335da2.jpg" alt="435336790_1979998472395655_2955867863760237035_n.jpg"><img src="https://knadmin.beoblood.kz/uploads/435315424_1979998485728987_5295128014957546616_n_254127a3e7.jpg" alt="435315424_1979998485728987_5295128014957546616_n.jpg">Фото: Қызылорда облысының Өңірлік коммуникациялар қызметі&nbsp;

Теңізді өлкедегі іргелі білім ордасы

Ерекше күтімді қажет ететін балаларды жан-жақты қолдау, оларды қажетті құрал-жабдықтармен қамту және тиісті деңгейде сапалы оқыту - білім саласындағы маңызды бағыттардың бірі. Бұл ретте Арал ауданы ерекше бастаманы қолға алды. Сөзімізге дәлел ретінде, Арал қаласындағы “Мейірім” арнайы бөбекжай-балабақшасын ерекше айтуымызға болады. Аталмыш жобаны жеке кәсіпкер, Арал аудандық мәслихатының депутаты Л.Мамитанова өз қаражаты есебінен жүзеге асырып, бүгінде бөбекжай іші толығымен заманауи үлгіде жабдықталуда. Бұл туралы Қызылорда облысының Өңірлік коммуникациялар қызметі хабарлады.&nbsp;Жеке кәсіпкердің айтуынша, ерекше күтімді қажет ететін балаларға арналған бұл балабақшада балаларға тірек-қимыл бұзылысын қалпына келтіруге арналған спорттық құрал-жабдықтар, сондай-ақ, арнайы тұз шахта және шунгит бөлмелері мен бассейн қарастырылған. Жаңа нысан ашылған жағдайда 4 топта 50 бүлдіршін тәрбиеленіп, 30-дан аса қызметкер жұмыспен қамтылатын болады. - Өздеріңіз білетіндей, тірек-қимылы бұзылған және дамуында кінәраты бар балаларды емдеу және оларды тұрлі әдіс-тәсілдер арқылы білімге баулу оңай шаруа емес. Сондықтан да ауданымызда аталған санаттағы балаларды қолдау мақсатында инклюзивті бөбекжай ашуды қолға алдым. Қазіргі таңда барлық керекті құрал-жабдықтар әкелініп, талапқа сай жабдықталуда. Сонымен қатар, арнайы тұз шахта бөлмесін де дайындадық. Бұл тұз балалардың тыныс алу жүйесін қалыпқа келтіруге өте пайдалы, - деді Л.Мамитова.&nbsp;<img src="https://knadmin.beoblood.kz/uploads/435300329_1980008762394626_794566837498524454_n_5e73ce2d8b.jpg" alt="435300329_1980008762394626_794566837498524454_n.jpg"><img src="https://knadmin.beoblood.kz/uploads/435322999_1980008795727956_3889705884584092946_n_847ab70e73.jpg" alt="435322999_1980008795727956_3889705884584092946_n.jpg"><img src="https://knadmin.beoblood.kz/uploads/435393201_1980008809061288_2444282438686780393_n_0bd698dc97.jpg" alt="435393201_1980008809061288_2444282438686780393_n.jpg"> Фото: Қызылорда облысының Өңірлік коммуникациялар қызметі

Аралда ерекше балаларға арналған инклюзивті жаңа бөбекжай ашылады

<a href="https://kyzylorda-news.kz/">Kyzylorda-news.kz</a> &nbsp;25 сәуірде Қызылорда облысынан ҚР Парламенті Сенатының шығып қалған депутатының орнына сайлау өтеді.Сайлауды ұйымдастыру және өткізуге арналған Күнтізбелік жоспарға сәйкес, 4 сәуір сағ: 18.00-де кандидаттарды тіркеу уақыты аяқталды.Әрбір кандидаттың құжаттарының талапқа сай сәйкестігі тексеріліп, тіркеу қорытындысы айқындалды.Осылайша ҚР Парламенті Сенатының депутаттығына 3 кандидат тіркелді.Енді кандидаттар үшін үгіт кезеңі жүруде. Үгіт 24 сәуір күнге дейін жалғасады.Айта кетейік, Сайлау заңнамасына сәйкес Сенат депутаттары жасырын дауыс беру арқылы жанама сайлау құқығы негізінде сайланады. Жанама сайлау құқығы Парламент Сенатының депутатын сайлауға дауыс беруге тек сайлаушылар – мәслихат депутаттары ғана қатысатынын білдіреді.<img src="https://knadmin.beoblood.kz/uploads/432922739_386760107650211_675916277643732233_n_82d1d98093.jpg" alt="432922739_386760107650211_675916277643732233_n.jpg">&nbsp;<figure class="image"><img src="https://knadmin.beoblood.kz/uploads/434273075_386760144316874_2633371458908007933_n_a1e3f0fe57.jpg" alt="434273075_386760144316874_2633371458908007933_n.jpg"></figure>&nbsp;<figure class="image"><img src="https://knadmin.beoblood.kz/uploads/435666519_386760104316878_5028319200883422269_n_bcbbca9485.jpg" alt="435666519_386760104316878_5028319200883422269_n.jpg"></figure>

Қызылорда облысынан Сенат депутаттығына кандидаттар белгілі болды

<a href="https://kyzylorda-news.kz/">Kyzylorda-news.kz</a> Мемлекет басшысы отбасылық тұрмыстық зорлық-зомбылық қатынастарда әйелдер мен балалардың (өзге де отбасы мүшелерінің) құқықтарын қорғауға ерекше көңіл бөлуде.Ардагерлер мен ақсақалдардың бірлік пен келісімді нығайтуға, мәдени-адамгершілік құндылықтарды сақтауға қосқан елеулі үлесі орасан зор. Олардың өмірлік тәжірибесі, салт-дәстүр, әдет-ғұрып туралы білімдері барлық ұрпақ санасында ерекше орын алады.Отбасын нығайту, ана мен баланы қорғау – мемлекеттің басымдық беретін бағыттарының бірі. Бұл ретте қоғамда әйелдердің орындаушылығы, ұқыптылығы жоғары бағаланады.Әйелдер кеңесінің жұмысы отбасындағы тұрмыстық зорлық-зомбылықтың алдын алу, ана мен бала құқығын және денсаулығын қорғау бағытындағы маңызды істерді ілгерілетуге зор үлесін қосары анық.&nbsp;Осыған орай аудан прокуратурасы Ардагерлер және Әйелдер кеңесімен меморандум жасады.Меморандумның негізгі мақсаты – отбасылық тұрмыстық зорлық-зомбылықтың алдын алу шараларын күшейту, әйелдер мен балалардың құқықтары мен заңды мүдделерін, қауіпсіздігін қорғау шараларының тиімділігін арттыруға бағытталған ықпалдасу және кеңесу түріндегі іс-қимылдарды жүзеге асыру. Осыған орай аудандық прокуратураның ұйымдастыруымен мемлекеттік органдар, қоғамдық бірлестіктер мен үкіметтік емес ұйымдардың өкілдерінің қатысуымен іс-шара өткізілді. Оның барысында аудан прокуроры Мейрамбек Маханбетжанов, аудандық Ардагерлер кеңесінің төрағасы Асқар Мереков және Әйелдер кеңесінің төрайымы Гүлжауһар Раева арасында ынтымақтастық туралы Меморандумға үш жақты қол қойылды.&nbsp;&nbsp;&nbsp;&nbsp;&nbsp;

Қармақшыда үш жақты  бірлескен ынтымақтастық туралы меморандумға қол қойылды

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев Батыс Қазақстан облысына жұмыс сапары кезінде ішкі істер органдары, Төтенше жағдайлар департаменті, Ұлттық ұлан қызметкерлерінен құралған құтқарушылар тобымен және су тасқынына қарсы шараларға белсенді қатысып жатқан еріктілермен жүздесті, деп хабарлайды Ақорданың ресми сайты.Кездесу барысында Президент табиғи апатпен күреске атсалысқан барлық азаматқа ризашылығын білдіріп, олар бүкіл еліміз үшін өте маңызды, игі іс атқарып жүргенін атап өтті.<blockquote>– Көп ұзамай бұл жұмыстар да аяқталады. Қиындықты қалай да еңсереміз. Осында еңбек етіп жүрген құтқарушылар, полицейлер, еріктілер лайықты деңгейде марапатталады. Бұл міндетті түрде &nbsp;менің бақылауымда болады, – деді Қасым-Жомарт Тоқаев.</blockquote><img src="https://knadmin.beoblood.kz/uploads/1712235851_KZ_1_1824_2_2549d08a21.jpg" alt="1712235851_KZ1_1824_2.jpg">

Мемлекет басшысы құтқарушылармен және еріктілермен кездесті

<a href="https://kyzylorda-news.kz/">Kyzylorda-news.kz</a> Қазгидромет синоптиктері 5 сәуір, жұмаға арналған ауа райы болжамын жариялады.&nbsp;Қазақстан аумағы бұрынғысынша антициклонның ықпалында болады, сол себепті жауын-шашын жаумайды.Тек елдің батысында, оңтүстігінде атмосфералық фронттардың ықпалымен жаңбыр жауады.Оңтүстікте найзағай ойнап, жаңбыр жауады.&nbsp;Қазақстан бойынша тұман түсіп, оңтүстік-батыста, оңтүстікте жел күшейеді.Түркістан облысында дауыл соғады.&nbsp;Фото: Нұрболат Нұржаубай

5 сәуірде ауа райы қандай болады?

&nbsp;<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаевтың төрағалығымен өткен мәжілісте тұрғындарды сапалы ауызсумен қамту, су бұру мәселелері талқыланды. Аймақ басшысы ауыз сумен қамтамасыз ету және су бұру мәселелері өңір жұртшылығы үшін зор маңызға ие екенін атап өтті.<blockquote>«Мемлекет басшысы Қасым-Жомарт Кемелұлы 2021 жылғы Қазақстан халқына Жолдауында Өңірлерді дамытудың ұлттық жобасы аясында бес жылда халықты 100 пайыз таза ауызсумен қамтамасыз етуді тапсырды. Қазір облыс аумағында 4 қала және 230 ауылдық елді мекен бар. Қалалардың барлығы ауызсумен толық қамтылған. Өткен жылы Арал ауданы «Көктем» елді мекеніне ішкі су жүйесі салынды, «Құландыға» су тұщытқыш қондырғы орнатылды, «Мойнаққа» шахталық құдық қазылды. Шиелі ауданы «Қосүйеңкі» және «Қызылқайың» елді мекендеріне ішкі су жүйесі жүргізілді, «Жуантөбеге» су тұщытқыш қондырғы қойылды. Осылайша халықты орталықтандырылған ауызсумен қамту үлесі 98,4 пайызға жетті. Қазіргі таңда облыс аумағында орталықтандырылған ауызсумен қамтылмаған адам аз қоныстанған 26 елді мекен бар. Ендігі кезекте алдымызда Мемлекет басшысының тапсырмасына сәйкес осы елді мекендерді 2025 жылдың соңына дейін орталықтандырылған сапалы ауыз сумен қамту міндеті бар. Бүгінде бұл бағыттағы жұмыстар қарқыны атқарылуда», – деді Нұрлыбек Машбекұлы.</blockquote>Тұрғындарды ауыз сумен қамту мәселелеріне орай облыстық энергетика және тұрғын үй-коммуналдық шаруашылық басқармасының басшысы Медет Усаин, «ОДСП Арал» мекемесі басшысының міндетін атқарушы Серікбай Жәлелұлы, қала, аудан әкімдері баяндама жасады. Мұнан бөлек, орталықтандырылған ауыз суды пайдаланушы нысандарды есепке алу, қызмет сапасы, су ресурстарын үнемді әрі мақсатты пайдалану жолдары талқыланды. Жауапты мекеме басшыларына тиісті тапсырмалар берілді.<img src="https://knadmin.beoblood.kz/uploads/435061249_721589240162323_456351831332195652_n_92d8d710d9.jpg" alt="435061249_721589240162323_456351831332195652_n.jpg"><img src="https://knadmin.beoblood.kz/uploads/435048231_721589123495668_6342807619102749181_n_b6af37809a.jpg" alt="435048231_721589123495668_6342807619102749181_n.jpg"><img src="https://knadmin.beoblood.kz/uploads/434654621_721589216828992_2328288670579324441_n_a4bd72d506.jpg" alt="434654621_721589216828992_2328288670579324441_n.jpg">&nbsp; &nbsp;Фото: Облыс әкімінің баспасөз қызметі

 Тұрғындарды ауызсумен қамту мәселелері қаралды

<a href="https://kyzylorda-news.kz/">Kyzylorda-news.kz</a>&nbsp; &nbsp;Биыл Қызылорда қаласында көшелерді жарықтандыру үшін барлығы 1 миллион 281 мың теңге қаражат бөлінген. Атап айтқанда, Қызылорда облысының бас шаһарындағы 52 көшеге жарық бағаналарын орнату үшін республикалық және облыстық бюджеттерден 1 миллион 262 мың теңге бөлініп, мердігер мекеме «Энерго Мера» ЖШС-мен келісім шарт жасалып, бүгінгі таңда құрылыс-монтаж жұмыстары жүргізілуде. Бұл туралы Қалалық тұрғын үй коммуналдық шаруашылығы, жолаушылар көлігі және автомобиль жолдары бөлімі» КММ-нің басшысы Жеңісбек Файзуллаев айтты.Бөлім басшысы бұдан бөлек, қаламыздың шет аймағындағы Бокин және Сығанақ көшелеріне жарық бағаналарын орнату үшін қалалық бюджеттен 18,9 миллион теңге бөлініп, мердігер мекеме «Айсұлтан Компания» ЖШС-і және «Энергиянұр» ЖШС-мен шарт жасалды. Құрылыс жұмыстары жақын арада басталады деп жоспарлануда.Қала көшелерін, көпқабатты тұрғын үйлерді және аулаларын абаттандыру үшін облыстық бюджеттен 3 миллион 972 мың&nbsp;теңге бөлінді. Атап айтсақ, құрылысы өткен жылы бастау алған қаладағы19 көпқабатты тұрғын үйдің ауласына күрделі жөндеу жұмыстарын аяқтау үшін облыстық бюджеттен 237,1 миллион теңге бөлініп, мердігер мекеме «ДаренСтрой» ЖШС-і құрылыс жұмыстарын жүргізуде. Жоба құны 403,5 миллион теңгені құрайды.<blockquote>– Сонымен қатар, облыс орталығы аумағындағы 10 көпқабатты тұрғын үйдің (Әйтеке би №5, Төле би №114, 139, Торайғыров №55, Сырдария №19, Титов №28, 30, 31, Мүсірепов №20, Сол жағалау 28) ауласындағы балалар ойын алаңдарына күрделі жөндеу жұмыстарын жүргізуге облыстық бюджеттен 375,4 миллион теңге қаралып, мердігер мекеме «Авангард ПГС» ЖШС-мен шарт жасалды. Құрылыс жұмыстары сәуір айында басталатын жобаның құны – 510 миллион теңгені құрайды. Бұдан бөлек, облыстық бюджеттен бөлінген 686,7&nbsp;миллион теңгеге қосымша 15 көпқабатты тұрғын үйдің (Әбуов к-сі 3 укр. квартал №8, Әйтеке би №36, 38, 42, Ақмешіт №2, 3, Бегім ана №10, 12, 12 А, Титов, Жаңақұрылыс №11, 15, 19, 22, Желтоқсан №104А, Ілясов №18, 31, Қоғалы №1,2,3,5, Қорқыт ата №15,17,21, Мерей №4,6, Пәрімбетов №2, 5, 29, Тоқмағанбетов №1,22, Толыбеков №14,45,53, Өсербаев №15,17,17 А, 21) ауласындағы балалар ойын алаңдары қайта жаңғырту бойынша мердігер мекеме «Азамат Құрылыс» ЖШС-мен шарт жасалды. Құрылыс жұмыстары сәуір айында басталады деп жоспарлануда. Ал жоба құны 1,1 миллиард теңгені құраған. Сонымен қатар, облыстық бюджеттен бөлінген 140,3 миллион теңгеге жоба құны 215,8 миллион теңге болатын 4 көппәтерлі тұрғын үйдің ауласына күрделі жөндеу жұмыстарын жүргізу үшін мемлекетттік сатып алу конкурсы ұйымдастырылуда. Сондай-ақ, құрылыс жұмыстары өткен жылы бастау алған қала орталығында орналасқан 16 көпқабатты тұрғын үйдің (Д.Қонаев к-сі №24, Абай даңғылы №34, 28 «А», Тоқмағамбетов к-сі №3, 18, 25, А.Байтұрсынов к-сі №44, 42, 40, Қазыбек би к-сі №22, 24, 43, Яссауи к-сі №24 «А», 24 «Б», 44, 45) қасбеттеріне күрделі жөндеу жұмыстарын аяқтау үшін облыстық бюджеттен тағы 236,6 миллион теңге бөлініп, қазіргі таңда мердігер «Асар» ЖШС, «Даренстрой» ЖШС, «СП Бірлік» ЖШС мекемелері жұмыс жүргізуде. Құрылыс жұмыстарын ағымдағы жылдың сәуір айында аяқтау жоспарлануда, – деді бөлім басшысы.</blockquote>Сала басшысы бұдан бөлек көппәтерлі тұрғын үйлердің қасбеттері мен шатырына ағымдағы жөндеу жұмыстарын жүргізу үшін 697,1 миллион теңге бөлінгенін атап өтті. Сонымен қатар, Қожа Ахмет Яссауи көшесін абаттандыруға облыстық бюджеттен 72,5 миллион теңге қаралып мердігер мекеме «Бест Групп Инжиниринг» ЖШС-мен келісім шарт жасалған. Биыл сонымен қатар Н.Назарбаев даңғылын абаттандыру жұмыстары қолға алынбақ. Ол үшін облыстық бюджеттен 262,9 миллион теңге бөлініп, мердігер мекеме «Дарен Строй» ЖШС-мен келісім шарт жасалған. Сондай-орталық алаңды абаттандыруға меценат Асқар Әубәкіровтың демеушілігімен 1 миллиард теңгеге және облыстық бюджеттен 1 миллиард теңге қаржы бөлініп, .«Техоснастка Ремсервис» ЖШС мердігер мекемесі құрылыс жұмыстарын жүргізуде. Замануи дизайнмен абаттандырылып жатқан орталық алаңда мамыр айында пайдалануға беріледі деп күтілуде.сурет egemen.kz

Қызылордада 52 көше жарықтандырылады

<a href="https://kyzylorda-news.kz/">Kyzylorda-news.kz</a>&nbsp; &nbsp;Биыл да аймақ басшысының қолдауымен қалада ауқымды жұмыстар жүргізілуде. Соның бірі – Қожа Ахмет Яссауи көшесін қайта жаңғыртуға арналады. Бүгінде аталған көшені қайта жаңғырту жұмыстары басталған.Жалпы көктем басталысымен облыс орталығында құрылыс жұмыстары қыза бастайды. Бұл жылдағы дәстүрге айналған. Аймақтың бас шаһарының инфрақұрылымдық жүйесін қайта жаңғырту жұмыстары былтырдан бастап қарқынды жүргізіліп келеді. Соның аясында бұған дейін 2 жолақты болған жалпы ұзындығы 3 шақырымға жуықтайтын Қожа Ахмет Яссауи көшесінің Ә.Бөкейхан көшесінен Әйтеке би көшесіне дейінгі аралығы қазіргі таңда жүргізіліп жатқан қайта жаңғырту жоспарына сәйкес 4 жолақты көше болып кеңейтілуі қажет. Бұдан бөлек, аталған көшеге жаяу жүргіншілер жолы да салынады. Көше жарықтандырылып, абаттандыру жұмыстары толығымен жүргізілмек.Қазіргі таңда, Қожа Ахмет Яссауи көшесінің қайта жаңғырту жұмыстарын жүргізуге «Қыран» ЖШС мердігер мекемесі жауапты деп танылған. Ал құрылыс-монтаж жұмыстары өткен айдың басында басталған болатын. Мамандар төрт жолақты жаңа көшенің құрылысы күз айларына дейін аяқталады деп жоспарланғанын айтады.Қала әкімі Серік Қожаниязов бұған дейін қоғамдық кеңес алдында берген есебінде қаланың негізгі көшелерінің бірі болып саналатын2 жолақты көшелерді 4 жолақтыға кеңейту жұмыстары жалғасатынын айтқан болатын. Бүгінгі таңда, аталған жоба құны – 3 миллиард теңгені құрайды. Ол үшін республикалық &nbsp;және облыстық бюджеттен 951,4 миллион теңге қаржы бөлінген.

Яссауи көшесі жаңғыртылуда

<a href="https://kyzylorda-news.kz/">Kyzylorda-news.kz</a>&nbsp; 85 жылдық тарихы бар Жалағаш кенттінің келбеті күннен-күнге көркейіп, көгалданып келеді. Күрмеуі шешілмеген түйіткілді мәселер де кезең-кезеңімен оң шешімін табуда. Солардың бірі – құрылыс жұмыстарының қарқынды түрде жүруі.&nbsp; Иә, құрылыс саласының дамуы елдің экономикалық, әлеуметтік жағдайының арта түсуіне тікелей әсер етеді.&nbsp;Соңғы жылдары жалағаш ауданында құрылыс саласы қарқынды дамып келеді. Бірнеше құрылыс нысаны пайдалануға беріліп, жұртшылық үлкен қуанышқа бөленуде. Биыл да бұл жарқын жобалар жалғасын тауып, жалағаштықтардың қуанышын еселемек. Аудандық құрылыс бөлім басшысының айтуынша биыл алғашқы тоқсанда 3 нысанның құрылыс жұмыстарын жүргізу жоспарланған. Қазіргі таңда 2 нысанның құрылыс-монтаждау жұмыстары жүргізілуде. Олардың бірі – Есет батыр елді мекенінің тұрғын үй секторларының инженерлік-коммуникациялық инфрақұрылымын салу жұмысы. Яғни ауылдағы электр желілерін жаңғыртуға 338,8 млн теңге қаралған. Мердігер мекеме «Сәт Сервис» ЖШС қазіргі таңда құрылыс жұмыстарын бастап кетті. Сондай-ақ Темірбек Жүргенов елді мекенінің электр желілерін жаңғыртуға 435,1 млн теңге қаралған. Мердігер мекеме – «Энергомера» ЖШС. &nbsp;<blockquote>– Үшінші нысан бойынша келісімшарт мемлекеттік сатып алу порталынан түзетулер енгізілуде. Ол – Мырзабай ахун елді мекенінің тұрғын үй секторларының инженерлік-коммуникациялық инфрақұрылымын салу жұмыстары. Яғни ауылдың электр желілерін жаңғыртуға 148,4 млн теңге қаралған. Мердігер мекеме – «Нұрай Ақжол РГ» ЖШС. Құрылыс монтаждау жұмыстарының мерзімі – 6 ай. Яғни барлығы да қыркүйек айында толық пайдалануға беріледі, – деді құрылыс бөлімінің басшысы Ғалымжан Қайназаров.&nbsp;</blockquote>Жалағаш ауданындағы дене шынықтыру – сауықтыру кешенінің құрылыс жұмыстары 2021 – жылдан бері сақалды құрылыс&nbsp;болып тұрғаны аудан тұрғындарына аян. Осыдан 3 жыл бұрын бастау алған құрылыс жұмыстары әлі күнге дейін аяқталмаған.Осы тұста бөлім басшысы жақсы жаңалығымен бөлісті. Яғни спортсүйер қауым асыға күткен ғимарат осы айда ел игілігіне беріледі. Азаматтарды баспанамен қамтамасыз етіп, әлеуметтік экономикалық жағдайын жақсарту үшін былтыр Ұлттық қордан 538,5 млн теңге бөлінген. Оған ауданнан 51 тұрғын үй сатып алынып, кент әкімі аппаратының теңгеріміне өткен. Биыл Ұлттық қордан тағы 5 тұрғын үй сатып алуға 63,5 млн теңге қаралды. Қазіргі таңда жер телімін орналастыру бойынша жұмыстар жүруде. Облыстың мемлекеттік сатып алу басқармасы арқылы қаңтар, ақпан, наурыз айларында конкурстар жарияланған. Олардың қатарында ауданнан емдеу мекемелерінің жаңадан кәріз жүйесі құрылысы бар. Жобаның жалпы құны – 1 млрд 290 млн теңге. Мұнан бөлек «Ақтерек» учаскесіндегі 170 гектарға тұрғын үй секторының инженерлік инфрақұрылым құрылысы да бар. Жоба құны – 1 млрд 72 млн. теңге. Алдағы уақытта мердігер мекемелер анықталса, мұнан бөлек Есет батырда ауыз су жүйесін жаңғырту және кеңейту, жалпы ауылды дамыту және құрылысын салу схемасына түзету енгізу, Аққырда «Аққыр» каналын қазу, Мәдениет, Бұқарбай батыр елді мекендерін дамыту және құрылысын салу схемасына түзету енгізу, кенттің бас жоспарына түзету енгізу жұмыстары жүргізіледі.&nbsp;Бөлім басшысы тиісті сала басшыларымен бірге кенттің келбетіне кері әсерін тигізіп тұрған жеке меншік және кәсіпкерлік нысандарды қалыпқа келтіру мақсатында бірқатар шаралар қолға алынғанын және олар әлден нәтижесін беріп жатқанын айтады. Яғни аудан орталығындағы кәсіпкерлік нысандардың сәулеттік келбетін жақсарту мақсатында, меншік иелеріне бөлім тарапынан әзірленген эскиздер ұсынылған. Мұнан бөлек ретсіз жатқан құрылыс материалдарын алып тастау барысында 30 меншік иесіне ескерту беріліп, ішкі істер бөлімі қызмектерлері арқылы 5 меншік иесіне айыппұл салынған. Бұл жұмыстар әлі де жалғасады. Ғалымжан Қайназаров әлден меншік иелері оларды реттеуге ниет білдіріп жатқанын айтады.&nbsp;

Жалағашта құрылыс жұмыстары қарқынды жүріп жатыр

<a href="https://kyzylorda-news.kz/">Kyzylorda-news.kz</a> &nbsp;Орта Азиядағы драма театрлар арасынан ойып орын алған, халық мақтанышына айналған Мұхтар Әуезов атындағы қазақ ұлттық драма театры – сахна саңлақтарының бағын ашқан қасиетті мекен. Майталмандармен бірге сахна сәнін келтіріп, қазақ мәдениетіне үлес қосып жүргендер қатарында Әлсейіт Жалғасұлы да бар. Жас талантпен жақында тілдескен едік.&nbsp;– Образдан ұзақ уақыт шыға алмай қалатын кез бола ма?– Өнер күшінің құдіреті пәрменді. Образбен өмір сүру туралы өнер жолындағы аға-әпкелерден естіп жүреміз. Образдан шыға алмай, бірер сәт кейіпкердің мінезін жібермей, өмірді сол бейненің болмысымен сүретін шақтар болды дегеннен де хабардармыз. Кейбір актерлар психологтың да көмегіне жүгініп, қатты күйзеліс үстінде болатынын білемін. Бұл – күрделі процесс. Алайда ондай сәтті басымнан кешпедім. Әйтсе де бұл өнер, жолында түрлі жайтты бастан кешуге болады. Кейде рөлді жақсы сомдағаның сонша ақиқат пен шындықтың аражігін ажырата алмайтын сәт бар. Бұл – әрбір өнер өкілі бастан кешуге тиіс тәжірибе. Өз басым театрға жұмыс ретінде қараймын. Қиялға ерік беріп, кейіпкеріме еніп кететін сәт сирек. Актер болған соң көбісі кейіпкерді жан тәнімен сезінетін шығар деп ойлайды. Шынайы өмір мен рөлдің арасындағы шекарадан асып кетпеуге тырысамын. Ол менің кәсіби актерлық шеберлігімді шыңдайды.&nbsp;– Ұлттық театрда жұмыс істеу нендей артықшылық береді?&nbsp;<blockquote>– Жауапкершілік зор. Әуезов театрында Қазақстанның еңбек сіңірген мәдениет қайраткерлері жұмыс істейді. Көркем көріністерді бірге сахналаймыз. Олар – өз ісінің шебері. Олардың жолын, әсте қайталай алмаспыз, алайда абыройын әрқашан асқақтатып, аға-әпкелерден қалған асыл мұраны дәріптеуге міндеттіміз. Тарихта аты қалған тұлғалардың жолын қуып, айтқан әрбір салмақты ойын санаға құюға тырысамыз. Сонымен қатар өткен жылы Мұхтар Әуезовтың 125 жылдық мерейтойы қарсаңында қасиетті мекенге «ұллтық театр» мәртебесі берілді. Бұл – ұжымға артылған жауапкершілік.&nbsp;</blockquote>– Станистлавскийдің «Театр киім ілгіштен басталады» деген қанатты сөзін білеміз. Ол көрерменнің әуелгі әдебі мен көзқарасын меңзеген ұғым екені даусыз. Осы орайда қазақ қоғамындағы театр мәдениеті қаншалықты қалыптасты деп санайсыз?<blockquote>– Театр – нағыз өнерді ардақтайтын мәдени орда. Сахна төрінде тұрған актердің еңбегінің жемісі қошемет арқылы бағаланады. Қойылымға кедергі келтіріп, мәдени этиканы сақтамау өрескел қате екенін білеміз. Олқылық орын алмас үшін алдын-ала ескерту де айтылады. Қазір киелі сахнаны сыйламайтындар саны жоқтың қасы. Барынша баппен спектакльге алдын-ала дайындалатын жандар көбейді. Байқағаным, қазір бұрынғыға қарағанда адамдар мәдениетке аса көңіл аударады. Баяғыдай спорттық емес, сәнді киіммен зал көркін ашады. Сыртқы киімді залға емес, гардеробқа іліп кетеді. Театр этикасын сақтап,&nbsp;спектальге кешікпейді. Артық эмоция көрсетіп,&nbsp; кедергі келтіргісі жоқ. Мұның бәрі мәдени тұрғыдан өскенімізді білдіреді. Әрбір көрермен біз үшін құнды. Біздің&nbsp; өнерді де дәл солай бағаласа деген ниетіміз бар.&nbsp;</blockquote>– «Театрға баланы мәжбүрлеп әкелмеу керек» деген пікір бар. Осыған алып-қосарыңыз бар ма?<blockquote>– Баланың мәдениетке ерте кезден қызығушылығын ояту керек деп есептеймін. Театр – рухани құндылыққа толы тәрбие ошағы. Адами жақсы қасиеттерді дәріптейтін орданы аттаған баладан жаман адам шықпайды. Балалардың таным-түйсігін кеңейту, патриоттық сезімді ояту, сүйіспеншілік пен мейірімділікке дағдылайтын қойылымдар тәрбиеде керек терапия. Оларға арнайы әр қалада қуыршақ театры жұмыс істеп тұр. Құр телефоннан мультфильм көре бергеннен, мәдени азыққа толы театрға келіп бірер сәт миды тынықтырған жақсы ғой. Бір өкініштісі, қарбаласқа толы күндері балаға назар аударудың өзі де қиын болып кетті. Алайда барлық тірлікті ысырып қойып, қойылым көріп қайтқанға не жетсін?!</blockquote>– Театр өзін-өзі асырай ала ма?<blockquote>– Бұрынғыны еске алатын болсақ, өнерге бөлінетін қаржы мардымсыз еді. Қазіргі күннің өзінде жалақы ауыз толтырып айтарлықтай көп емес. Десек те, билік биыл мәдениет саласына жақсы назар аударып, гастрольдік іс-сапарлар санын көбейтті. Негізі танымал актердың&nbsp; еңбекақысы да жоғары болады. Қаншалықты бағың жанып, өзіңнің кәсіби шеберлігіңді дәлелдей алсаң, соншалықы абырой саған жұмыс істейтіні рас. «Ұлттық» статусы бар театрларда жалақы жоғары.</blockquote>– Еліміздегі қай театр ұжымын ерекше атап өтер едіңіз?<blockquote>– Жалпы, Қазақстанда 60-тан астам театр болса, оның елу шақтысы мемлекеттік. Біздің театр ұжымы барығымен дерлік жақсы қарым-қатынаста. Ерекше атап өтетін шығармашылық ұжымдар – Ғабит Мүсірепов атындағы балалар және жасөспірімдер театры, елордадағы Жастар театры, Ақтаудағы Нұрмұхан Жантөрин атындағы ең жас театр, сондай-ақ Нартай Бекежанов атындағы драма театры. Оған ұлттық театрдың гастрольдік іс-сапармен ат басын Сыр елінің киелі сахнасына бұруы дәлел. Нартай Бекежанов атындағы драма театрда бірқатар танымал қойылымдарды сахналап, көрермен қошеметіне бөлендік. Бұл осындағы жас актерларға жақсы тәжірибе жинап, өнердегі алпауыт тұлғалардан сабақ алуға мүмкіндік болды деп ойлаймын. Қызылордалық әріптестерімізбен әріптестік байланыс алда да узілмейді.</blockquote>

Қазақстан және Қызылорда облысының жаңалықтары