<a href="https://kyzylorda-news.kz/ru">Kyzylorda-news.kz.</a>&nbsp; Әр кәсіпкердің кәсіп ашудағы өзіндік ерекшеліктері бар. Ал біздің бүгінгі кейіпкеріміздің кәсіп ашудағы әдісі мүлде бөлек. Себебі оған кәсіп ашу үшін ата-енесі қолдау білдірген. Сіз «ата-енемнің арқасында кәсібім өрледі» деген кәсіпкерді көрдіңіз бе? Ал біз Динараны кезіктірдік. «Тәтті әлем» цехы «tаtti_alem-kzo» инстагам парақшасы арқылы танымал.<blockquote>– Ең алғаш торт пісіруге әуестігімді енем байқады. Яки кәсіп бастауыма ата-енемнің ықпалы зор. Енем кәсіп ашуға қажетті жабдықтарды алатын қаржыны қолыма ұстатты. Ал атам болса: «Қызым, міне құжаттарың. Енді тортыңды емін-еркін пісіре бер» деп құжаттарымды қолыма берді. Осылайша отбасылық шағын бизнесімізді бастадық. Осындайда арқасүйер ата-енем барда мен қалайша құлшынып қызмет етпей, қол қусырып отырамын? Бәрінен бұрын селкеусіз сенімді айтсаңызшы, – дейді Динара.</blockquote>Бүгінде әлеуметтік желі арқылы кәсібін жүргізетіндер көп. Кейіпкеріміз де солардың қатарында. Ал оның ерекешілігі парақшаны сауатты әрі қызықты етіп жүргізуінде. Динара тек жарнама жасап қоймайды, тұтынушыларын қызықты әңгімемен таңғалдыруда.&nbsp;<blockquote>«Мен Динараға үйде отырып торт пісірген сәтінен бастап тапсырыс бердім. Әлі де тапсырыс беріп келемін. Торттың дәмі бөлек әңгіме, ал дизайны қатты ұнайды. Динара адамдарды таң қалдырудан жалықпайды. Әлеуметтік желідегі парақшасын әдейілеп қараймын, жақсы жүргізеді. Әңгімесін &nbsp;оқыған сайын бір күліп қоямыз», – дейді Әйгерім есімді тұтынушысы.&nbsp;</blockquote>Динара алғаш үш торт пісіреді. Таңғы 8-де соны сатуға алып шығады. Азық-түлік дүкендерін аралайды. Бір тортты көршісі «сенің көңілін үшін алайын» деп алып қалады. Кейін тұрақты түрде тапсырыс беріп тұрады. Ал бір торт үйге қайтып келеді. Осылайша үйден тапсырыс ала бастайды.Үш торттан бастау алған цехтың бүгінде ауқымы кең. Күніне 10-15 торт пісіреді. Оның ішінде вупи-пай, медовик, қызыл бархат, сүтті қыз, глазурь, үйлену тойларына арналған және миндаль-вишня секілді торттар бар. Сондай-ақ кекстердің түр-түрін жасайды. Қазіргі таңда ұл мен қыздың туған күніне арналған торттар сәнде. Көлік пен қуыршаққа арналған торттарға тапсырыс көп. Кейіпкеріміз мұндай торттағы қыздың қазақша үлгісін де дайындаған.&nbsp;<blockquote>– Негізі менің торттарымның бағасы қымбат емес. Қызылорда қаласындағы мастикамен, креммен жасайтын торттардың ең арзаны деуге болады және дизайн торттарды үйден сататындар жасай бермейді. Мастикамен болсын, креммен жасалатын тортттар болсын безендіруі де уақыт алады. Мысалы, шахматтың хрусталь фигураларын жасау үшін 9 сағат уақытым кетті. Әрбір торт бір-біріне ұқсамаса екен, тапсырыс жасаған адамға ұнаса екен деген толқуда боламын, – дейді ол.</blockquote>Көп &nbsp;адамды жұмыспен қамтып отырған кейіпкеріміз шеберлік сағатын да өткізеді. Оның шәкірттері көп. «Шеберлік сағатын жасауды әдетке айналдырдым. Торттың жасалу тәсілін сұрайтындар көбейді. Сөйтіп шеберлік сағатын өткізуді ойладым. Бүгінде менен үйреніп, кәсіп ашқандар бар. Одан бөлек үйде жасап жүргендері қаншама» дейді кәсіпкер.&nbsp;Кәсіп бастау үшін көп ойланамыз. Себебі кәсіпті игеріп әкету қиын. Сондай-ақ «ондай кәсіп түрі көп қой» деп тартыншақтап жүреміз. Менде де солай болған. Қызылордада екінің бірі торт пісіреді, қалай сатамын деп ойладым. Отбасым қолдап тұрған соң тәуекел деп бастап кеттім», – дейді бізбен әңгімесінде.&nbsp;Кәсіпкерден «мемлекеттен қандай көмек алдыңыз?» деп сұрайтынымыз ақиқат. Бұл сауалды Динараға да қойдық.&nbsp;<blockquote>«Осы уақытқа дейін мемлекеттен ешқандай көмек алғаным жоқ. Бағдарламаларға да қатыспадым. Егер мемлекет қолдау білдірер болса, кондитерлік мектеп ашқым келеді. Осылайша торт пісірудің қыр-сырын үйретер едім. Торт пісіргісі келетін жастар қатары көп. Цех үлкейіп жатқан соң кадр жетіспейді. Үйде отырғандар «қолымнан келер» &nbsp;деп жұмыс іздеп келеді. «Менің қолым емес» деп кетіп қалады. Анда-санда бір торт істегенге риза болады. Ал мұнда күніне 10-15 торт пісіреміз», – дейді.</blockquote>Динараның өнімдерін тек қызылордалықтар алмайды. Алматы, Астана қалаларынан да тапсырыс түседі екен. Динараға қарап тіпті бәсекеліс көп болса да, кәсіп бастау қорқынышты мес екенін түсіндім.

Қызылордалық кәсіпкердің тәттілері Астана, Алматы қалаларында сұраныста

Сыр елі – өнер ордасы

<a href="https://kyzylorda-news.kz/">Kyzylorda-news.kz.</a> Былтыр Мемлекет басшысы Қасым-Жомарт Тоқаев Қазақстан халқына Жолдауында еліміздің әкімшілік-аймақтық құрылымын жетілдіру мәселесіне ерекше назар аударып, жаңа үш облыс құру туралы ұсыныс білдіргені есімізде. Көп ұзамай былтыр маусымда республика картасында Абай, Ұлытау және Жетісу атты жаңа үш аймақ пайда болды. Міне, содан бері 1 жыл уақыт өтті. Осы тұста жаңа облыстардың даму қарқыны көңіл көншітеді.Президент бастамасымен құрылған аймақтардың қадамы оңды болып жатқанын аңғару қиын емес. Бұрынғы Семей облысы ШҚО құрамынан бөлініп шығып, Абай облысы болды. Қазір оның құрамына сегіз аудан және облыстық маңызы бар екі қала – Семей және Курчатов кіреді. Мәселен, облыста 2023 жылдан 2027 жылға дейінгі кезеңге 3,4 трлн теңгеге бағаланған жобалар жоспарланып отыр. Одан бөлек, тек Семей қаласына ғана тартылған инвестиция көлемі артып келеді. Осының &nbsp;барлығы аймақтағы экономикалық көрсеткіштің біршама жақсаруына септігін тигізген. Былтыр облыстағы өнеркәсіп өндірісінің көлемі 750 млрд теңгеге жуықтаса, жыл басынан бері аймаққа 197 миллиард теңге инвестиция тартылған. Сондай-ақ өңірде тұрғындарды баспанамен қамту мақсатында да маңызды шаралар жүзеге асып жатыр. Биыл жыл басында Үкімет осы аймақтың 2023-2027 жылдарға арналған әлеуметтік-экономикалық даму жоспарын бекітті. Әлеуметтік-экономикалық дамудың кешенді жоспарында 9 бағыт бойынша 102 іс-шара көзделген. Өнеркәсіпті дамытуға 8 іс-шара, оның ішінде тау-кен байыту комбинатын салу және «Айдарлы» мыс кен орнын өнеркәсіптік игеру бар. 2028 жылға қарай облыс экономикасына 1,3 трлн теңге инвестиция тартылып, өнеркәсіп өнімін өндіру көлемі 1,5 есе өсіммен 1,4 трлн теңгеге жетеді деп жоспарланған.Жаңадан құрылған аймақтың бірі – Ұлытау облысы. Оның құрамына үш қала – Жезқазған, Қаражал, Сәтбаев, екі аудан – Жаңаарқа және Ұлытау кірді. Облыстың жалпы ауданы – 18 893 661 гектар. Ел Үкіметі Ұлытау облысын дамыту мақсатында 2022-2026 жылдарға арналған әлеуметтік-экономикалық кешенді жоспар бекіткені есте. Көз жүгіртер болсақ, қазір өңірді жандандыру жолында атқарылуы тиіс жұмыстар жоспарға сәйкес жүзеге асырылуда. Өңірге республикалық бюджеттен 375 млрд теңге тартылған. Оның ішінде 144 млрд теңге жергілікті бюджеттен, ал 1,8 трлн теңге – инвестиция. Бөлінген қаржы негізінен металлургия өнеркәсібі мен ауыл шаруашылығы кәсіпорындарын дамытуға бағытталған.Алдағы уақытта облыста 9 жаңа зауыт пен өнеркәсіптік кешен, ауыл шаруашылығы өнімдерін өндіру және қайта өңдеу бойынша 11 инвестициялық жоба іске қосылмақ. Тұрғын үй-коммуналдық шаруашылық саласында 130 шақырым жылу желілерін, 300 шақырым су құбыры желілерін және 127 шақырым су бұру желілерін салу жоспарланған. Сондай-ақ, облыста медициналық мекемелердің жетіспеушілігі проблемаларын шешу үшін 5 денсаулық сақтау объектісін салу және күрделі жөндеуден өткізу көзделген. Ал білім беру саласында 880 орындық 4 жаңа балабақша мен 1100 оқушыға арналған 4 оқушылар сарайын іске қосу жоспарланған. Өңірді дамыту мәселесінде мәдениет және спорт саласы да назардан тыс қалмады. Облыс бойынша 6 мәдениет нысаны, оның ішінде музыкалық драма театры, амфитеатр және 10 спорт нысанын салу және реконструкциялау туралы жоспар әзірленген. Ең бастысы, облыс 2026 жылға дейін 9,5 мыңға жуық жаңа жұмыс орнын құрмақ. Бұның өзі – ауыз толтырып айтар дүние.Ал Жетісу облысының құрамында 10 аудан мен екі қала бар. Жаңадан құрылған Жетісу облысы халқының саны – 667 мың адам. Облыс әкімдігінің 2025 жылға дейінгі жоспарында жалпы сомасы 640 млрд теңге болатын ауыл шаруашылығы секторына бағытталған 178 жобаны іске асыру көзделген. Өңірдің жер көлемі 11,8 млн гектарды құрайды. Оның 4,5 млн гектарға жуығы ауыл шаруашылығы мақсатындағы жерлер, 3,7 млн гектар жайылым жер. Қазір өңірде ауыл шаруашылығы өнімдерін қайта өңдейтін 165 компания жұмыс істейді. Ал былтыр жыл аяғына қарай АӨК кәсіпорындары құны 476 млрд теңгеден астам сомаға тең болатын өнім өндіріпті. Ел Президенті Қасым-Жомарт Тоқаев Жетісу өңірін дамытуды тікелей өз бақылауына алып, кейбір мәселелерге арнайы назар аударды. Өйткені Жетісу облысының ауыл шаруашылығы саласындағы әлеуеті зор.<blockquote>«Бүгінде Жетісу облысы бойынша 100 мың гектардан астам пайдаланылмай жатқан жер анықталды. Жер – халықтың байлығы. Ол барлық азаматтың игілігіне жарауы керек. Облыстың суармалы жерлерді игеруге зор мүмкіндігі бар. Бүгінде аймақтағы жер суаратын желілердің 70 пайызы тозып тұр. Оның бәрін жаңғыртып, қалыпқа келтіру керек. Ақсу, Алакөл және Сарқан аудандарында суармалы жердің көлемін 18 мың гектарға ұлғайтуға болады», – деген еді Мемлекет басшысы өз сөзінде.</blockquote>Абай, Ұлытау және Жетісу өңірлерін жаңа әкімшілік орталықтарға айналдыру, оларға мемлекет бюджетінен қаржы бөліп, арнайы инвесторлар тарту әлеуметтік-экономикалық жағдайы әлсірей бастаған аймақтардың қайта дамуына ықпал ететіні сөзсіз. &nbsp;

Қызылордада 9,5 мыңға жуық жаңа жұмыс орны құрылмақ

<a href="https://kyzylorda-news.kz/">Kyzylorda-news.kz.</a> Қорқыныш пен батылсыздық - ағзаның қалыпты реакциясы. Себебі бұл сезімдерсіз адамзатқа қауіп төнер еді. Бірақ өмір бойы батылсыз болып жүруге де болмайды. Жылдам шешім қабылдай алмау психологиялық проблемаларға, мүмкіндіктерден айырылып қалуға және деградацияға ұшырауға әкелуі мүмкін. Қалай батыл болуға және өмірді жақсы жағына өзгертуге болады?Кей адамдар жұмысын мінсіз етпейінше, қандай да бір әрекетін кейінге қалдыра береді. Бірақ кейде біз кемелдікке ұмтыламыз деп уақыт жоғалтамыз және өз дамуымызды тежейміз.Маңызды нәрсеге назар аударып үйреніңізБатылдық - адамға маңызды шешімдерді жылдам қабылдауға мүмкіндік беретін қабілет. Егер бұл қабілетті дамытқыңыз келсе, басыңызды артық ойлардан босатып, маңызды тапсырмаларға назар аударып үйренуіңіз керек.Қорқыныштарыңызбен күресіңізОл үшін фобияларыңыздың тізімін жасаңыз және олардың әрқайсысына қарсы тұруға тырысыңыз. Мысалы, ұсақ жәндіктерден қорқатын болсаңыз, олар жайлы мағлұмат оқыңыз немесе мұражайдан барып көріңіз.Ортаңызды кеңейтіңізЖаңа таныстармен сөйлесуге ашық адамдар батылырақ болып келеді. Жаңа таныстармен араласу шынымен де сізді батылырақ етуі мүмкін. Әсіресе, табысты, саяхатты жақсы көретін немесе білімқұмар адамдар ортасына түссеңіз, олар сізге үлгі бола алады."Жоқ" деген жауапты қабылдап үйреніңізБатыл адамдар ойлағанының болмай қалуынан қорықпайды. Олар оның өтініші біреуге ыңғайсыз болуы мүмкін екенін түсінеді, бірақ өз бағын сынап көруден қорықпайды. Сондықтан батылырақ болу үшін өз қажеттіліктеріңіз жайлы айтып үйреніп қана қоймай, "жоқ" деген жауапты естуге де дайын болу керек. &nbsp;Басқа адам бас тартса, сіз тұлға ретінде нашарлай түспейсіз. Адамдар әртүрлі және олардың қызығушылықтары да әртүрлі болуы мүмкін екенін есте сақтаңыз.Өзіңізді мақтаңызМақтау - батыл болуға көмектесетін мотивацияның бір әдісі. Мақтау ұзақмерзімді артықшылықтар береді. Өз жетістіктеріңізді ескеріп отырсаңыз, өзін-өзі бағалауыңыз артады, сол үшін де өзіңізге күмәнданбайсыз.Өзгерісті жақсы көріңізБіздің өмірімізде күнде қандай да бір өзгерістер болып тұрады. Олардың ұсақ-түйек түрлеріне мән бермеуіңіз мүмкін. Ал үлкен өзгерістер өміріңізге айтарлықтай әсер етеді. Бұл жағдайда сергек болып қалудың және батыл болудың жалғыз әдісі - өзгерістерге бейімделіп үйрену.Ол үшін өміріңізге саналы түрде жаңа нәрселерді енгізіңіз. Сол кезде бір жағдайдан екіншісіне өтіп үйрене бастайсыз.&nbsp;Білім алуды тоқтатпаңызТабысқа жетудің бір талабы - үздіксіз әрі сапалы білім алу. Сондықтан батыл болғыңыз келсе және өз-өзіңізге сенімді бола түскіңіз келсе, білім алуды жаңа әдетіңізге айналдырыңыз.Тек өз жұмысыңыздың саласына қатысты жаңа нәрселер білу міндетте емес. Өзіңізге бұрын таныс емес тақырыпты зерттеу арқылы ой-өрісіңізді дамытасыз және өміріңізді жаңа әсерлермен толтырасыз.

Қалай батыл болуға болады?  

<a href="https://kyzylorda-news.kz/">Kyzylorda-news.kz.</a>&nbsp; Гастрольдік сапар шығармашылық ұжымға, театрларға айтарлықтай серпін береді. Әр театр өзінің қойылымын еліміздің қалаларында көрсету арқылы ең алдымен көрерменнің ризашылығына бөленіп, өнердің жаңа кеңістігін қалыптастыруды мақсат тұтады. Кейінгі кезде бұл дәстүрді аздап қолдан шығарып алған едік. Себебі пандемия халқымыздың барлық театрларын осы гастрольдік жүйеден ажыратып жіберді. Сол олқылықтың орнын толтыру, сахна салтын қайта қалпына келтіру үшін Алатаудың асқақ төріне Сыр елінің театр актерлері шығармашылық сапарға шықты.М.Әуезов атындағы қазақ ұлттық драма театрындағы Н.Бекежанов атындағы қазақ академиялық музыкалық драма театрының шығармашылық сапарының шымылдығы И.Ғайыптың «Мәңгілік елдің алтын адамы» атты тарихи дастанымен ашылды. Ашылу салтанатында облыстық мәдениет және спорт басқармасының басшысы Мира Қазбекова, Қазақстанның Халық артисі, профессор Есмұхан Обаев, Қазақстанның еңбек сіңірген қайраткері Әубәкір Рахимов құттықтау сөз сөйлеп, Сыр сахнагерлеріне шығармашылық жетістіктер тіледі.Аймақ басшысының қолдауымен араға 17 жыл салып, Сыр театры алматылық талғампаз көрерменмен жүздесіп, театр репертуарындағы үздік қойылымдарды ұсынды.Театрдың әдебиет бөлімінің меңгерушісі Ұлболсын Қылышбаеваның айтуынша, бұл – театр тарихындағы Алматы қаласына ұйымдастырылып отырған бесінші гастрольдік сапар. Тарихқа көз жүгіртсек, ең алғаш рет 1967 жылы ұжымды гастрольдік сапарға, Қазақстанның еңбек сіңірген қызметкері Сақтаған Тұрлымұратов пен бас режиссер, Қазақстанның Халық артисі Маман Байсеркенов бастап барған болатын. М.Әуезовтің «Қаракөз», К.Гольдонидің «Қонақ үйдің қожасы», Ш.Айтматовтың «Ана – Жер ана», А.Тоқмағамбетов пен О.Бодықовтың «Арман азабы», В.Вишневскийдің «Оптимистік трагедиясы» сол кездегі астаналық көрермендердің талқысына ұсынылды. Гастроль қорытындысында Ш.Бәкірова Қазақстанның Халық артисі, Ж.Бағысова, Т.Айнақұлов, О.Әбдімомынов Қазақстанның Еңбек сіңірген артисі деген атақтарға ие болған еді.Ал 1979 жылы 15-25 тамыз аралығында театр директоры, Қазақстанның еңбек сіңірген артисі Шайтұрсын Әбдібаев пен бас режиссер, Қазақстанның еңбек сіңірген қайраткері Хұсейн Әмір-Темір бастап Алматының талғампаз көрермендеріне М.Әуезовтің «Түнгі сарын», И.Эркеннің «Сау басыма сақина», У.Шекспирдің «Король Лир», Қ.Мұхамеджановтың «Өзіме де сол керек», Ә.Тәжібаевтің «Майра», Ш.Құсайыновтың «Біздің Ғани», Ғ.Мүсіреповтің «Ақан сері – Ақтоқты» секілді күрделі дүниелерді апарды. Осы спектакльдерімен театр ұжымы өздерінің жеткен биігін, шығармашылық мүмкіндіктері мен кәсіби сипаттарын анық таныта алды.Бертін келе, яғни 1990 жылы Алматы қаласына гастрольдік сапарды директор Асқар Кіребаев пен бас режиссер, Қазақстанның халық артисі Ерғали Оразымбетов ұйымдастырып, Ғ.Мүсіреповтің «Қозы Көрпеш – Баян сұлу», Ш.Айтматовтың «Жанпида» романы бойынша қойылған «Ақырзаман», Иран-Ғайыптың «Күшігінен таланған», Қ.Сүйенішовтің «Сен де жалғыз, мен де жалғыз» спектакльдерін ұсынды.Театр тарихындағы Алматы көрерменіне есеп берген үшінші гастроль қорытындысымен Серік Шотықов Қазақстанның халық артисі, Әлия Арысбаева, Бақытбек Алпысбаев, Асқарбек Сейілханов Қазақстанның еңбек сіңірген артисі деген құрметті атақтарды иеленді.2006 жылы Алматыға төртінші сапарды театр директоры, Қазақстанның еңбек сіңірген артисі Бақытбек Алпысбаев пен Хұсейн Әмір-Темір бастап барды. Театр репертуарындағы үздік қойылымдар У.Шекспирдің «Макбет» трагедиясы, Т.Әліпбайдың «Исатайдың барында», А.Сейдімбеков пен Б.Ұзақовтың «Қош бол, ардағым», Р.Отарбаевтың «Қандыөзек», Б.Майлин мен Ж.Аймауытовтың «Аласапыран», Иран-Ғайыптың «Қорқыт», С.Балғабаевтың «Ғашықсыз ғасыр» спектакльдері ұсынылды.<blockquote>– Осы жолы театр Алматы қаласына үш күндік гастрольдік сапармен төрт қойылымын алып барды. Майталман режиссер Хұсейн Әмір-Темір және көркемдік жетекші Ақтөре Оразалы бастаған театр ұжымы Иран-Ғайыптың «Мәңгілік елдің алтын адамы», А.Володиннің «Кездесу мен қоштасу», Ш.Айтматов повесінің желісімен қойылған «Жәмилә», А.Кашьяптың «Кім?» спектакльдерін ұсынды. Залда ине шаншар орын болған жоқ. Халық лық толы. Ел ағалары біздің сахнагерлерге жоғары бағасын берді, – деді театр директоры Мұхтар Ниязов.</blockquote>Айта кетейік театр ұжымы бұған дейін де халықаралық, республикалық театр фестивальдеріне қатысты. Бірнеше мемлекеттерге гастрольдік сапармен барып, қазақ өнерінің мәртебесін көтеріп, мерейін асқақтатты. Атап айтқанда Ресей, Қарақалпақстан, Татарстан, Түркия, Әзербайжан, Ұлыбритания, Шотландия, Өзбекстан елдерінде өткен өнер додаларына қатысып, үлкен жетістіктермен оралды.

Сыр театры талғампаз көрермендерді таңғалдырып қайтты

Өңірде мал ұрлығы азайған

<a href="https://kyzylorda-news.kz/">Kyzylorda-news.kz.</a> Қазақстанның Халық Қаһарманы, ғарышкер, Айдын Айымбетов - белсенді TikTok қолданушысы. Авиация генерал-майоры бейнежазбаларды жүктеп қана қоймай, өз жазылушылары үшін байқаулар, челлендждер және тікелей эфирлер өткізеді.Қазақстанның Халық қаһарманы өзінің аккаунтын салыстырмалы түрде жақында тіркегеніне қарамастан, оның қазірдің өзінде 80 мыңға жуық жазылушысы бар және оның видеолары жиі «рекке» шығып, миллиондаған көрілім жинайды. Бұл ретте Қазақстанның Ұлттық қаһарманы «миллионер» блогер болу мақсатын көздемейді. Айымбетовтың айтуынша, ол TikTok-қа адамдарға ғарыш туралы көбірек мәлімет беру үшін ғана тіркелген."Мен көбірек ақпарат бергім келеді. Салмақсыздық дегеніміз не, ғарышқа ұшу шарттары, тамақтану туралы болды... Өскелең ұрпақ білсін", - дейді Айдын Айымбетов.Ғарышкердің айтуынша, ол TikTok-ты таңдаған себебі бұл әлеуметтік желі басқаларға қарағанда жаңа және танымал.– Осы желіні енді ғана меңгеріп жатқандармен бөлісетін «қулықтарыңыз» бар ма?– Жоқ, менде әзірге арнайы әдістер жоқ.– Осы TikTok-та Жерді тегіс деп санайтындар көп. Сіз оларға не деп жауап бере аласыз?– Жер тегіс? (таңданумен). Жарайды, олар сене берсін. Әркімнің өз таңдауы бар.– Әйеліңіз сізге аспаннан жұлдыз алып беруіңізді сұрады ма?– Жұлдызды бәріміз алып береміз.– Сіз ғарышты сағынасыз ба? Қайта ұшқыңыз келе ме?– Әрине, бұл қызық жұмыс.– Сіздің ойыңызша, Қазақстанның толыққанды ғарыштық державаға айналып, өзі «Байқоңыр» ғарыш айлағын игеріп, пайдаланатын уақыты келе ме?– Бәрі алда.

Ғарышкер Айдын Айымбетов TikTok-та Жерді тегіс дегендерге жауап берді  

<a href="https://kyzylorda-news.kz/">Kyzylorda-news.kz.</a>&nbsp;Қазір жаз мезгілі. Жаздың сәні – суға түсу. Ми қайнатар ыстықта бір мезгіл шомылып, сергіп алған жақсы-ақ. Бірақ суға түсу­дің соңы кейде қайғылы жағдайға душар ететінін естен шығар­мауымыз керек. Олай дейтініміз, суға түсу маусымы басталса болды кем дегенде екі өлім тіркеледі. Әрине, ажал – айтып келмейді. Бірақ суға шомылар кезде ережелерді қатаң сақтап, өз өміріңді аман алып қалуға болады. Төтенше жағдайлар бөлімі тарат­қан деректерге сүйенсек, көбінесе үлкендердің балаларды қараусыз қалдыруы, жүзе алмау және ересектердің белгіленбеген, зерттелмеген жерге түсуі, спирттік ішімдік ішіп, суға түсу оқиғалары жиі кездеседі. Демек, бізге де балаларға суға түсу қауіпсіздігі туралы жиі айтып, ескерту керек деген сөз.Су айдындарында адамдардың қаза болуының себептері де әртүрлі. Олардың біразы қауіпсіздік қағидаларын қатаң бұзса, енді бірі тыйым салынған орындарда суға шомылғаны белгілі болды. Бұл нені білдіреді? Яғни суға түсу қауіпсіздігін өрескел түрде бұзып, тілсіз жауға өзіміз барып ұрынатын болып тұрмыз. Суға түсуге барған адам ең құрығанда қарапайым қағидаларды ескеруі керек. Ол адамның өзінің бас амандығы үшін қажет. Ережелерді сақтай отырып қана қайғылы жағдайлардың алдын алуға болады. Ол қандай ережелер? Демау орындарының су айдынына барғанда мас күйде суға түсуге, қайықтардан, катерлерден, өткелдерден суға секіруге, тексерілмеген, жабдықталмаған жерлерде суға сүңгуге, жүзу шегін білдіретін қалтқы белгілерден асуға, жүзуге арналмаған заттармен жүзуге болмайды.Одан бөлек су айдындарын ластауға жол берілмейді. Ең бастысы, &nbsp;балаларды ересектердің қарауынсыз суға жібермеу қажет. Балалардың судан ажал құшу фактілерінің жиілеуі ересектермен бірге бармауынан шығып жатыр. Баласының болашағын ойлаған әр адам осыны есте сақтауы керек. Жоғарыдағы ережелер тектен-текке айтыла салған жай сөз емес. Оның бәрі де төтенше жағдайлар бөлімі арқылы бекітілген ережелер. Алайда, адамдар суға түсерде бұл ережелерді ескермейді де, іс насырға шапқанда құтқарушыларды кінәлап жатады. Аталған бөлім қызметкерлері суға түсу маусымы басталғалы табанынан тозып, түрлі тиімді шараларды жүзеге асырып жатыр. Судағы қауіпсіздікті қамтамасыз ету, су айдындарында адамдардың қаза болуына жол бермеу мақсатында суға шомылу кезеңінде азаматтардың қауіпсіздігін қамтамасыз етуге бағытталған шараларды атқаруда. Сондай шаралардың бірі – &nbsp;8 маусым күні Шиелі ауданы Төтенше жағдайлар бөлімі бастығының міндетін атқарушы азаматтық қорғау капитаны Бағлан Әбсаттаров өткізген брифинг. &nbsp;«Жыл сайын жазғы суға шомылу маусымында азаматтардың суға кету фактілерінің орын алып жататыны жиі кездесетін жағдай. Су – тіршілік көзі. Дегенмен, оның тілсіз жау екенін азаматтарымыз әрдайым есте ұстамайды. Өкінішке қарай, Шиелі ауданының аумағында 2022 жылдың жазғы суға түсу маусымында 2 суға кету жағдайы тіркеліп, салдарынан 2 адам қаза тапты», – деді Б.Әбсаттаров брифинг барысында.&nbsp;Ауа температурасы неғұрлым жоғары болған сайын құтқарушылардың жұмысы соғұрлым қиындай түседі. Сондықтан төтенше жағдайлар бөлімінің қызметкерлері де суға шомылу маусымы басталғалы тынымсыз жұмыс режиміне көшті. Қазіргі таңда аудан бойынша су айдындарында полиция бөлімі, қоғамдық даму бөлімі қызметкерлерімен бірлесіп 15 рейд жүргізілді. «Суға шомылуға тыйым салынады» белгісімен 35 дана тақтайша, 2 облыстық телеарнада сөз сөйлеу, 150 радио сөз сөйлеу және 10 көрнекі стендтер мен 24 дана билбордтар орналастырылды. Кент және ауылдық округтер, мекеме басшыларына 10 ұсыным хаттар жолданды. Білім беру, басқа да мекемелермен 5 онлайн са¬бақ¬тар өткізілді. Су айдындарында үгіт-наси¬хат жұмыстарын жүргізуге Шиелі ауданы Төтенше жағдайлар бөлімі және №13 Өрт сөндіру бөлімінің барлық жеке құрамы, аудандық жастар ресурстық орталығынан 15 еріктілер жұмылдырылу арқылы 1050 дана үгіт-насихат парақтары таратылып, жергілікті «Өскен Өңір», «Шарайна-Сейхун» басылымдарында да 2 мақала жарияланды. Кент, ауылдық округ әкімдерінің мәліметіне сәйкес, аудан бойынша 33 суға түсуге қауіпті учаскелердің саны анықталған. Осылайша суға түсушілерге судағы қауіпсіздік ережелері мен суға кеткен кезде көрсетілетін алғашқы көмек туралы мағлұмат берілуде. Құтқарушылар суға түсу маусымы аяқталғанға дейін мұндай рейдті тоқтатпауға бекініп отыр.Адамның өмірінен артық құндылық жоқ. Сондықтан да суға түскен кезде қарапайым ережелерді сақтау керек. Сонда ғана тілсіз жаудың алқымынан аман қалуға болады. Қазақтың «Сақтансаң, сақтаймын!» деген аталы сөзінің төркіні де осы.

Суға түскенде сақтық керек

<a href="https://kyzylorda-news.kz/">Kyzylorda-news.kz.</a> Оқу-ағарту министрлігінің техникалық және кәсіптік білім департаменті сұранысқа ие бағыттардың рейтингін жасады. Бұл туралы Stan.kz ақпарат агенттігі хабарлайды.&nbsp;Биыл мемлекеттік білім беру тапсырысы бойынша 130 мыңнан астам талапкерді қабылдау жоспарлануда, оның ішінде кәсіпорындардың өтінімдері бойынша 10 мың студент бар.Қазіргі уақытта еңбек нарығында келесі бағыттар сұранысқа ие:<ul><li style="text-align:justify;">ақпараттық технологиялар;</li><li style="text-align:justify;">құрылыс және коммуналдық шаруашылық;</li><li style="text-align:justify;">геология;</li><li style="text-align:justify;">тау-кен өнеркәсібі;</li><li style="text-align:justify;">энергетика;</li><li style="text-align:justify;">металлургия және машина жасау;</li><li style="text-align:justify;">көлік;</li><li style="text-align:justify;">байланыс;</li><li style="text-align:justify;">педагогика;</li><li style="text-align:justify;">медицина және т.б.</li></ul>"Еліміздің колледждерінде барлығы 517 мың студент оқиды, оның ішінде 312 мыңы тегін техникалық және кәсіптік біліммен қамтылған. Биыл мемлекеттік білім беру тапсырысы 50 мың орынға артады. Сонымен қатар жаңа оқу жылынан бастап колледж студенттерінің стипендиясы 50% - ға көбейеді", - деп жазды министрліктен.Мемлекеттік тапсырыспен&nbsp;білім алатын студенттер әлеуметтік қолдаумен қамтылады. Оған стипендия, тамақ және жолақы кіреді.

Министрлік Қазақстанда сұранысқа ие он мамандықты атады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев Астана қаласында өткен Орталық коммуникациялар орталығында облыстың әлеуметтік-экономикалық дамуы жайында баяндама жасап, есеп берді.Сыр елінің жыл сайын әлеуеті артып, бұрынғысынан да көркейіп, көгалданып жатқандығы мәлім. Соңғы жылдары бірқатар маңызы бар істер атқарылып, жылдан-жылға күрмеуі шешілмеген түйіткілді мәселер де оң шешімін табуда. Халықтың өмір сүру сапасы жақсарып, әлеуметтік-экономикалық бағыты да дамып келеді. Бұдан бөлек, Сыр өңірінің барлық аудандарында түрлі әлеуметтік нысандар бой көтеріп, озық технологиялық үлгідегі жаңа жұмыс орындары ашылуда. Денсаулық, спорт саласында да айтарлықтай өзгерістер көп. Бұл – Қызылордалықтар үшін үлкен жетістік.Осыған байланысты елордада өткен брифингте облыс әкімі Нұрлыбек Нәлібаев өткен жылы атқарылған жұмыстар мен алдағы уақытта қолға алынатын жобалар жайлы мәлім етті. Қызылорданың барлық ауданындағы өзгерістерге тоқталып, өңірлердің даму жолындағы қолға алынған іс-шаралар жөнінде баяндады. Мәселен, Арал теңізі мәселесі – күн тәртібінде тұрған өзекті тақырыптың бірі екені айтылды. Ел дамуы үшін жасалған 8 нақты қадамның жұмыс жоспары қазіргі таңда Сыр өңірінде қарқын алған. Соның ішінде агроөнеркәсіп саласында айтарлықтай өзгерістер бар.Аймақ басшысы ауданға басымдық бердіАстана қаласында өткен Орталық коммуникациялар орталығындағы есеп беру жиынында аймақ басшысы Шиелі ауданына да айтарлықтай басымдық берді. Брифингте өңір халқының жылдан жылға дамып жатқандығы, тың өзгерістер, іске асырылып жатқан жұмыстар, аспанмен таласқан ғимараттар, құрылыс жұмыстары, көгілдір отын сынды маңызды ақпараттар айтылды. Нақтылайтын болсақ, облыс әкімі биыл Шиелі ауданында 6 елді мекен көгілдір отынға қосылатынын, сондай-ақ «Нұрлы жер» мемлекеттік тұрғын үй құрылысы бағдарламасы аясында Көкшоқы мөлтек ауданында 18 пәтерлі 4 тұрғын үй құрылыс жұмыстары аяқталып, тамыз айында 72 отбасы жаңа пәтерге қоныс аударатынын жеткізді. «Жайлы мектеп» ұлттық жобасы аясында 2024 жылы Шиелі ауданында 900 орындық мектеп құрылысының жұмыстары жүргізіліп, білім ғимаратының бой көтеретіні жайлы мәлімдеме жасалды.Иә, кез келген өңірдің дамуымен қоса тұралап қалған өткір де өзекті мәселелерінің болатыны мәлім. Әсіресе, елімізде жұмыссыздық – басты проблемалардың бірі. Сондықтан Мемлекет басшысы бұл мәселені шешу үшін көптеген жобалар әзірлеп, жұмыссыздық деңгейін қолға алған болатын. Ал Сыр өңірінде дәл қазіргі уақытта жұмыссыздық деңгейі 4,9 процентті құрап отыр. Демек, бұл – облыс көлеміндегі жұмыссыздық деңгейін әлі де азайту керектігін айқындайды. Бірақ Президенттің 10 мың адамға 100 жаңа жұмыс орнын құру тапсырмасына сәйкес, былтыр Қызылордада 12 мыңнан астам жұмыс орны құрылып, жылдық жоспар 263 процентке орындалған болатын. Соның нәтижесінде жұмыссыздық деңгейі 4,9 процентке төмендеген. Ал елордада өткен брифингте Н.Нәлбаев Шиелі ауданында ағымдағы жылы 3096 жаңа жұмыс орындарын құру жобасы жоспарланып, 4 айдың қорытындысы бойынша 1549 жаңа жұмыс орны құрылып, аталған меженің 50 процентке орындалғанын айтты.<blockquote>«Бүгінде Сыр өңірінде бірқатар ауқымды жобалар іске асырылып, өңір халқының әлеуеті артып келеді. Биылдың өзінде көптеген нысандар бой көтерді. Ал өткен жылы Қызылордаға 400 млрд теңгеден астам инвестиция тартылып, осы көрсеткіш бойынша үздіктер қатарынан көрінді. Ал биыл бұл көрсеткіш 593 млрд теңгені құрап отыр. Ауыл шаруашылығының жалпы өнімі 1,6 процентке артса, өңдеу өнеркәсібінің көлемі 1,9 есе көбейді. Пайдалануға берілген тұрғын үйлер көлемі 2,4 процентке еселенсе, сауда көлемі 2,5 есе дамыды. Инвестиция мен құрылыс жұмыстары да қарқын алды. Соның арқасында жұмыссыздық мәселесі де төмендеді. Ал Қызылордаға қарасты барлық аудандар өздігінше дамып, өндірістік салада көптеген жетістіктерге жетуде. Әсіресе, Шиелі ауданының жыл сайын бәсекеге қабілеттілігі артып келеді. Осы жылддың өзінде бұл өңірде 1500-ден астам жаңа жұмыс орны ашылды», – деді облыс әкімі Нұрлыбек Нәлібаев.</blockquote>

«Жайлы мектеп»: Шиеліде 900 орындық мектеп бой көтереді

<a href="https://kyzylorda-news.kz/">Kyzylorda-news.kz.</a>&nbsp;Дана халқымыз «Ас тұрған жерде – ауру тұрмайды» дейді. Ақиқат, ас бар жерде ешқандай ауру жоқ. Бірақ мына заманда олай айтуға болмайды. Өйткені қазір тауарлардың ғана емес, тамақ өнімдерінің де сапасы сын көтермей тұр. Жуырда осыған байланысты және 7 маусым Дүниежүзілік тамақ өнімдерінің қауіпсіздігі күніне орай «Қауіпсіз тағам таңда» атты акция өтті. Акцияны аудандық санитариялық-эпидемологиялық бақылау басқармасының мамандары да жүйелі түрде жүргізіп, он күндік науқан аясында түрлі шаралар өткізіп, аудан тұрғындарына түсіндірме жұмыстарын жүргізді.«Ауру – астан». Әсіресе, елімізде орын алған эпид ахуалдан кейін тамақ өндірісіне қауіп жоғарылады. Қазір дүкен сөрелерінде самсап тұрған азық-түлік тауарларын да, көкөністер мен жеміс-жидектерді де емін-еркін жеуге қорқасың. Себебі олардың құрамында нитрат бар. Нитрат – көбінесе көктем мен жаз айларында сатылатын құлпынай, қарбыз, қауын, қызанақ пен қиярда көп болады. Ал мұндай өнімдердің сырты тәбет тартарлықтай көрінгенімен, адам ағзасына өте қауіпті. Әрине, олардың барлығы арнайы қаптамада, дәрі-дәрмектер арқылы егілетін болғандықтан, ерте піседі. Жер ананың көмегінсіз, мезгілсіз піскен жемістер мен көкөністерге деген сұраныстың қашан да жоғары болатыны белгілі. Сондықтан оларды тұтынбас бұрын әуелі арнайы тексерістен өткізген абзал. Осыдан бірнеше күн бұрын аудандық санитариялық-эпидемиологиялық бақылау басқармасының мамандары Ұлттық сараптама орталығының аудандық бөлімшесімен бірлескен бұйрыққа сәйкес, сондай-ақ онкүндік акция аясында азық-түлік тауарларының сапасын анықтау мақсатында арнайы тексеру жұмыстарын жүргізді.Санитарлық-эпидемилогиялық тексеру жұмыстары ең әуелі «Сыр Ұланы» тынығу лагерінен бастау алды. Мұнда жазғы лагерге келген балалардың күнделікті тұтынатын тағамдары, көкөніс пен жеміс-жидектер экспресс әдіспен нитратқа тексерілді. Сондай-ақ сала мамандары балаларға тамақ өнімдерінің қауіпсіздігі, тағамнан улану, сапасыз өнімдерден қорғау, жеке бас гигиенасын сақтау, жедел ішек инфекцияларының алдын алу жөнінде түсіндірме жұмыстарын жүргізіп, дәрістер оқыды.Науқан бұдан әрі «Әбдіманап базары» атындағы орталық базарда өз жалғасын тапты. «Қауіпсіз тағам таңда» атты акцияның барысында базарға келген тұрғындарға, сатып алушыларға арнайы үн парақтар таратылды. Бұдан бөлек тамақ өнімдерінің бөлшек сауда нысандарының жеке кәсіпкерлері арасында үгіт-насихат жұмыстары жүргізілді. Сондай-ақ радиоәдіс арқылы қауіпсіздіктің алдын алу жүйесі баяндалды. Ал аталған тексеру жұмыстары кезінде базарда сатылатын көкөніс пен жеміс-жидектерден 75 үлгі, сүт өнімдерінің қышқылдығынан 10 үлгі, ет өнімдерінен 15 үлгі алынып, тексерілді. Даброраториялық зерттеулер жүргізіліп, үлгілік зерттеу алынды.&nbsp; Нәтижесінде базарда сатылып жатқан қарбыз, құлпынай, өрік, пияз сынды өнімдердің қауіптілігі жоғары екендігі анықталды. Осы іс-шара жосарына сәйкес, кент орталығында орналасқан «Қазына» сауда үйінде басқарманың, аудан¬дық сала мамандарының қатысуымен зерттеу жұмыстары өз жалғасын тапты.<blockquote>«Қазіргі таңда Дүниежүзілік тамақ өнімдерінің қауіпсіздігі күніне орай «Қауіпсіз тағам таңда» атты халықаралық ауқымдағы түрлі іс шаралар акциясы жүргізілуде. Аталған акция Шиелі ауданында да қарқынды жалғасын тауып жатыр. Өздеріңіз білетіндей, азық-түліктің сапалы болуы – аса маңызды. Сондықтан әрбір тұтынушы дүкендерден, немесе сауда орындарынан өздеріне қажетті тамақ өнімдерін сатып аларда сақ болған жөн. Біз осы тақырыпқа байланысты аудан халқына арнайы үн парақтар таратып, түсіндірме жұмыстарын жүргіздік. Сонымен қатар, жемістер мен көкөністерден экспресс тексеру сынамасын алдық», – дейді аудандық санитариялық-эпидемиологиялық бақылау басқарма басшысының орынбасары Гүлстан Болатова.</blockquote>Иә, «Сақтансаң – сақтаймын» деген сөз де жан бар. Басқа айларды есепке алмаған күннің өзінде, жаз – түрлі дәрумендерге бай болатын мезгіл болғанымен, өте қауіпті ай. Өйткені – жаңа піскен өнімдерде түрлі инфекциялық вирустар болуы әбден мүмкін. Оның үстіне жуылмаған жемістерде қауіп жоғары. Ал мезгілінен бұрын пісетін көкөністердің құрамында нитрат жоғары. Мұның барлығы асқазанның жарасы, бауыр, өт жолдарын нашарлатуы бек мүмкін. Сол үшін ас ішерде абай болайық, қымбатты оқырман!

Шиеліде «Қауіпсіз тағам таңда» акциясы өтті

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Есжанов Асқарбек Темірбекұлы кезектілік тәртібімен тұрғындарды жеке мәселелері бойынша қабылдады.Тұрғындар тарапынан жұмыссыздық және тұрғын үй мәселелері көтерілді.Аудан әкімі кәсіпкерлікті дамыту мақсатында жер алу үшін сала басшыларына сүйемелдеу жұмыстарын жүргізу қажеттігін айтты.Азаматтарды жеке-жеке қабылдаған Асқарбек Темірбекұлы жауапты сала басшыларына бірқатар тапсырмалар берді.

Қазақстан және Қызылорда облысының жаңалықтары