<a href="https://kyzylorda-news.kz/">Kyzylorda-news.kz</a> &nbsp; Мемлекеттік бюджетке заңды және жеке тұлғалардан белгілі бір мөлшерде түсетін міндетті төлемдер бар. Жалпақ тілмен айтқанда салық деген ұғым бар. Оның экономикалық мәні халық табысының белгілі бір мөлшерін мемлекет үлесіне жинақтау.2023 жылдың 20 наурызында бөлшек сауда салығының мерзімі шектеусіз және арнайы салық режимін қолдана алатын қызмет түрлерінің тізбесі кеңейтілген болатын. Осыған байланысты Салық кодексінің 696-3 бабы, 5 тармағын негізге ала отырып, аймақ кәсіпкерлерінің бизнесін қолдау және салық ауыртпалығын жеңілдету мақсатында бөлшек салық мөлшерлемесін облыс көлемінде 50%-ға, яғни 4 пайыздан 2 пайызға төмендету мүмкіндігі қарастылған еді.Осы ретте «Қазалы ауданы бойынша бөлшек салықтық арнаулы салық режимін қолдану кезінде мөлшерлеме мөлшерін төмендету туралы» Қазалы ауданы мәслихатының 2023 жылғы 30 маусымдағы №52 шешімімен бекітіліп, нормативтік құқықтық актілерді мемлекеттік тіркеудің тізіміне №8437-11 енгізілді.Ауданымызда осы жеңілдікті пайдаланып отырған 14-тен астам кәсіпкер бар. Солардың бірі қазалылық 2001 жылдан бері жеке кәсіппен айналысып жүрген «Азиза М» ЖШС-нің директоры Махантаева Аққағаздан жеңілдікті қашаннан бері қолданып жүргендігі туралы сұрап көрген едік.– Мен жалпы 1993 жылдан бастап кәсіпкермін. 2001 жылға дейін кішігірім әр түрлі кәсіптермен айналысып жүрдім. Осы ізденісімнің арқасында көп жетістіктерге жеттім деп айтсам артық етпейді. Білім алу, іздену өмір бойына жасалыну керек әрекеттер деп білемін. Міне осы жеңілдікті алғашқылардың бірі болып пайдалануым да осы үздіксіз ізденісімнің арқасы деп ойлаймын. Салықты 2 пайызбен төлеуге мүмкіндігім барда не үшін 3 пайыз төлеп жүрмін деп осы ақпараттарды естіген бойда, 2023 жылдың қараша айының бірінен бастап осы мүмкіндікті пайдаланып отырмын. Осы орайда кәсіпкерлікті қолдау мақсатында жұмыстанып жүрген барша азаматтарға алғыс білдіремін,– дейді кәсіпкер.&nbsp;Қазалы ауданы бойынша шағын және орта кәсіпкерлікті дамыту саласындағы атқарылған жұмыстарға тоқталып өтсек.Бүгінгі таңда, ішкі нарықта азық-түлік қауіпсіздігін қамтамасыз ету Мемлекет Басшысы қойған басты міндеті болып табылады.Бұл ретте Қазақстан Республикасының Сауда және интеграция министрлігі "Сапалы өнім" жобасының тұжырымдамасын әзірледі.Жобаның міндетіне тұтынушыларды қорғау жөніндегі үкіметтік емес секторды, жергілікті атқарушы және өкілді органдардың, сондай-ақ, кәсіпкерлік қоғамдастықтың өкілдерін ішкі нарықта отандық өндірушілер мен тұтынушыларды қауіпті және сапасыз өнімдерден қорғауды қамтамасыз ету жөніндегі жалпыұлттық мүдделерді іске асыру, сондай-ақ, адал бәсекелестікті дамытуға жағдай жасау болып табылады.Сонымен қатар, «Сапалы өнім» жобасын республика бойынша одан әрі кеңінен іске асыру мақсатында «Сапалы өнім» қоғамдық қоры ашылып, жұмысын бастауда. Аталған қордың негізгі қызметіне ішкі нарықта отандық өндірушілер мен тұтынушыларды қауіпті және сапасыз өнімдерден қорғауды қамтамасыз ету жөніндегі жалпыұлттық мүдделерді іске асыру, сондай-ақ адал бәсекелестікті дамытуға жағдай жасау болып табылады.Статистикалық мәліметтерге сәйкес, 2024 жылдың 1 наурызына тіркелген шағын және орта кәсіпкерлік (бұдан әрі – ШОК) субъектілерінің саны 5 786 бірлікті құрады. Оның ішінде: 292 заңды тұлға, 4132 жеке кәсіпкер, 1362 шаруа қожалығы болып табылады.Жұмыс жасап тұрған ШОК субъектілерінің саны 5611 бірлікті құрады. Белсенділік көрсеткіші 97,0 пайыз.2024 жылдың 1 наурызына ШОК субъектілерінің салық түсімі – 144,8 млн.тг. құрап отыр.«Бизнеске арналған үкімет» КММ-сі арқылы аудан кәсіпкерлеріне 2024 жылдың 2 айында 341 қызмет көрсетілген.Өнеркәсіп өнімі 3 800 миллион теңге болып, өткен жылдың тиісті кезеңімен салыстырғанда нақты көлемінің индексі 100,3%- ды құрады.Өңдеу өнеркәсібінде 3 239 миллион теңгенің өнімі өндіріліп, өткен жылдың тиісті кезеңімен салыстырғанда нақты көлемінің индексі 100,2%-ды құрады.Бөлшек сауда көлемі 1 868,0 миллион теңге болып, өткен жылдың тиісті кезеңіне нақты көлемінің индексі 106,3 %-ды құрады.2023 жылғы 1 қазандағы жағдай бойынша шағын кәсіпкерлік субъектілерінің өнім шығарылымы 16 909 миллион теңге, өткен жылдың тиісті кезеңіне 102,8%-ды құраса, жұмыспен қамтылғандар саны 10 265 бірлік, өткен жылдың тиісті кезеңіне 105,7%.Кәсіпкерлікті қаржылай қолдауға қатысты да тың ақпаратты бөлісуді жөн санадық. Мәселен, Қазалы ауданы кәсіпкерлеріне сауда айналымын және өндіріс түрлерін ашу мен дамыту мақсатында қаржы ұйымдары тарапынан 35 жобаға жалпы көлемі 262,0 миллион теңге болатын несие қаражаты берілген.Анықтамалық: екінші деңгейлі банк арқылы (бағдарламадан тыс – 25 жоба 103,2 млн.теңге, бағдарлама арқылы – 5 жоба 124,8 млн.тг.) 30 жоба 228,0 млн.теңге;Бірыңғай кешенді бағдарламасына орай, «Бизнестің жол картасы 2025» бизнесті қолдау мен дамытудың мемлекеттік бағдарламасы бойынша ауданымыздағы 6 жобаға құны 124,8 млн.теңге несие қаражаты берілген.«Іскер», «Агробизнес» бағдарламасы аясында ауданымызда құны 34,0 млн.теңгені құрайтын 4 жоба қаржыландырылды.Атап айтқанда, «Қызылорда» Өңірлік инвестициялық орталығы «Іскер» бағдарламасымен құны 14,0 млн.тг., 3 жоба (1-мал шаруашылығы, 1-дүкен, 1-жүк тасымалы); «Сырдария-1» Кредиттік Серіктестігі «Агробизнес» бағдарламасымен құны 20,0 млн.тг. 1 жоба (мал шаруашылығы). Сондай-ақ, мемлекеттік бағдарламадан тыс, яғни екінші деңгейлі банктің ішкі жобалары бойынша 25 кәсіпкер құны 103,2 млн.теңге болатын несие қаражатына қол жеткізген.Шағын индустриялық аймақҚазалы ауданы, Әйтеке би кентіндегі Қ.Пірімов көшесінің солтүстік-батыс бағытында Шағын индустриялық аймақтағы жер көлемі 10,01 гектар.Оның ішінде, шағын индустриялық аймақта орналасатын жобалар көлемі 8,74 гектар (табысталғаны 7,94 гектар, табысталатыны 0,8 гектар), инженерлік инфрақұрылым жүйесінің жер көлемі 1,27 гектар.Шағын индустриялық аймақта орналасатын жобалардың жер көлемі 8,74 гектар (17.01.2024ж. Әйтеке би кенті әкімінің №29 шешімі).Шағын индустриялық аймақта құны 497 млн.теңгені құрайтын 15 жоба бастамашыларына көлемі 7,94 гектар жер учаскесі табысталған.Оның ішінде, жеке меншікке табысталғаны 11 учаске, уақытша жер пайдалану құқығымен берілгені 4 учаске (мерзімдері ұзартылған немесе жеке меншікке аударады).Өнеркәсіптік-инновациялық жобаларИндустрияландыру бағдарламасының І бесжылдығы аясында 2010-2011 жылдары 2 жоба іске қосылып, өнім шығарып тұр.«Рза» АҚ-ның «660 басқа арналған ірі қара өсіру кешені және сүт өндеу зауыты» жобасы;«СПК Қызылорда Балық» ЖШС-нің «Балық өңдеу зауытының құрылысын іске асыру» жобасы.Бағдарламаның ІІІ бесжылдығы аясында 2 жоба облыстың кәсіпкерлігін қолдау картасына енгізілді.«РЗА» АҚ-ның «1200 басқа арналған ірі қараны өсіру кешенінің және сүт өңдеу зауытының ІІ кезеңін іске асыру» жобасы;Жеке кәсіпкер Т.Игликовтің «Балық қалдықтарынан балық ұнын өндіру» жобасы енгізілді. Мемлекеттік қолдау шарасы ретінде «Бизнестің жол картасы-2025» бағдарламасы аясында инженерлік инфрақұрылым (электр, газ, су желілері) жеткізу шешімі қабылданған.Жалпы Индустрияландыру бағдарламасының үш бесжылдығы аясында (2010-2025ж.ж.) Картаға 4 жоба енгізілген, оның 3-уі іске қосылып, 1-уі кезең-кезеңмен жүзеге асырылатын болады.Жалпыұлттық бірыңғай жобалар пулы2023 жылы Жалпыұлттық бірыңғай жобалар пулы аясында іске қосылуы жоспарланған жобалар тізіміне Қазалы ауданынан «Жанкент Агро» ЖШС-нің құны 501 млн. теңге «Күріш өңдеу зауыты» жобасы енгізілген болатын (қуаттылығы - &nbsp;жылына 5000 тонна, жұмыс орны - 10).Жобаның қаржыландыру көзі: 69,1%-ы өз қаражаты (345,8 млн.тг), 30,9 %-ы (155,2 млн.тг) «Аграрлық несие корпорациясы» АҚ арқылы.Серіктестік зауытқа қажетті құрал-жабдықтар алу мақсатында 2023 жылдың шілде айында «Аграрлық несие корпорациясы» АҚ-на құны 155,2 млн.теңге құрайтын жобасы бойынша өтінімін тапсырып, 2023 жылдың желтоқсан айында зауытқа Қытай Халық Республикасынан жеткізілген қажетті құрал-жабдықтары монтаждалып, іске қосылғаннан кейін &nbsp;жобаның 100 пайызы (2024 жылдың ақпан айында толық төленді) қаржыландырылды.Жоба бастамашысы зауытты 2024 жылдың 20-шы ақпанында іске қосты.Бөлшек салықтың арнаулы салық режимі2023 жылы Салық кодексінің 696-3 бабы, 5-тармағын негізге ала отырып Қазалы ауданы мәслихатының 2023 жылғы 30 маусымдағы №52 шешімімен бөлшек салық мөлшерлемесін 50%-ға, яғни 4%-дан 2%-ға дейін төмендетілді.Арнаулы салық режиміне ауыстыру туралы аудан кәсіпкерлерін ақпараттандыру үшін әлеуметтік желілер арқылы посттар жариялануда. Одан басқа, а.ж. 3 сәуірінен бастап ауылдық округ тұрғындары мен кәсіпкерлеріне түсіндірме жұмыстарын жүргізу кезінде аталған арнаулы салық режимі туралы да аудандық кәсіпкерлер палатасының тарапынан ақпараттандыру жұмыстары жүргізілуде.Қазіргі таңда, Қазалы ауданында мемлекеттік кірістер басқармасының мәліметі бойынша бөлшек салықтың арнаулы салық режимін қолданатын 19 субъекті тіркелген.2024 жылы 23 адамды жұмыспен қамтитын 3 кәсіпкерлік нысан пайдалануға берілді.1. Жеке кәсіпкер Ж.Кеулімжаевтың «Ақниет» балабақшасы &nbsp;– 20 адам; Әйтеке би кенті;2. Жеке кәсіпкер Д.Ыбырайдың кәсіпкерлік нысаны «Bella» сауда орнына жалға берілді - 2 адам; Әйтеке би кенті;3. Жеке кәсіпкер Г.Аймишевтің &nbsp;«Ризық» кондитерлік цехы – 1 адам; Әйтеке би кенті.

 Салықты уақытылы төлеу екі тарапқа да маңызды 

<a href="https://kyzylorda-news.kz/">Kyzylorda-news.kz</a> &nbsp;Қазақ халқының дәстүрлі, ұлттық ойыны – асық ату. Ұсақ малдың (қой, ешкі) асықты жілігінен алынған жұмыр сүйек – асықтай ойналады. Иіргенде түскен алпына қарай асық – алшы, тәйке, бүк, шік деп, ал атуға арналған арнайы қорғасын құйылып жасалғаны – сақа, оң қолмен атуға ыңғайлысы – оңқы асық аталады. Асық ойынының құмар, тәйке, омпы, алшы, хан, қақпақыл деген түрлері бар.2024 жылы ұлттық спорт түрі асық ату және бес асықтан Қазақстан Республикасының чемпионаты өтті.Үстіміздегі жылдың 12-15 ақпан айында асық ату мен бес асықтан өткізілген облыстық іріктеу кезеңінен Қазақстан чемпионатына жолдама алған жерлестеріміз Ақтау қаласында 2008-2010 жылы туылған жасөспірімдер арасында өткізілген Қазақстан чемпионатында чемпион атанды.Асық атудан жарысы бойынша Мырзахмет Аңсар – №165 орта мектебінің оқушысы чемпион атанып, Қазақстан Республикасының ұлттық құрама сапына енді.Бес асықтан Тұрсынбай Аяна – №134 орта мектебінің оқушысы чемпион атанып, Қазақстан Республикасының ұлттық құрама сапына енді. Сонымен қатар, Наурызбай Дана – №97 орта мектебінің оқушысы екінші орын иеленсе, Әзілхан Нұрсая – №134 орта мектебінің оқушысы екінші орынды қанжығалады. Топтан оза шабуына үлкен ықпал тигізген жаттықтырушылары: Набиев Пайзулла – Қазалы спорт клубы, Үсентай Мұратбек – №165 орта мектебі, Өмірзақов Нұрлыбек – №134 орта мектебі, Қожақметов Болатбек – №97 орта мектебі.

Асық ұлттық спортынан қазалылық жасөспірімдер чемпион атанды

<a href="https://kyzylorda-news.kz/">Kyzylorda-news.kz</a>&nbsp; Мемлекет тарапынан шағын кәсіпті дамытуға жасалған қолдау – мүмкіндік көзі. Әсіресе, азаматтарға кәсіптік бағдар беру, құқықтық көмек көрсету, қаржылай демеу саланың алға жылжуына ықпал етуде. Сырбойылықтар арасында жыл сайын жеңілдетілген несие алып, бағдарлама игілігін көргендер саны басым. Олар экономиканың түрлі бағытын өрістету арқылы берілген мүмкіндікті толық пайдаланып келеді. Бүгінгі кейіпкеріміз Ақбала Шүйіншәлі де қолдауды сәтті пайдаланып, табысқа жеткен кәсіпкер қатарында.Кәсіпкерлікке икемі бар адамдарға өзіне деген сенімін күшейтіп, ойындағы жоспарын жүйелі жүзеге асыру үшін қаржы керегі түсінікті. Ал көп кәсіпкер нарықтағы қаржы ұйымдарының талап үдесінен шыға алмай, бизнесін дамыту мүмкіндігінен қағылып келеді. Оның үстіне несиенің пайыздық үстемесі қарызды жабуға қолбайлау екені анық. Міне, осы кедергілерден айналып өтудің бір тәсілі – жеңілдетілген несие бағдарламасы. Кейіпкеріміз де осы жолды таңдап, «Ауыл аманаты» жобасы аясында жеңілдетілген несие алған. Қолға түскен қаржыға жаңа кәсіп бастап, пластик бөтелке әзірлеу ісіне ден қойды.Оның сөзінше, мұндай бизнеспен айналысуға нарық талабы түрткі болған. Қазір Арал мен Қазалы аудандарындағы кәсіпкерлер құйылмалы сусындарға құтыны өзге өңірден немесе облыс орталығынан тасымалдайды. Бұл уақыттан ұтылу әрі шығын көлемін ұлғайтады. Сондықтан тиімді шешім ретінде Қазалы ауданынан пластик бөтелке шығаруды қолға алған.<blockquote>Аудан мен көршілес Арал қаласында құйылмалы сусын кәсібі кең тараған. Бәрі дерлік қажетті пластик бөтелкені шалғайдағы Қызылорда қаласы, тіпті Алматыдан алдырады. Ал мұндай құтыны Қазалыдан шығарсақ, шығын азайып, аз уақытта керекті өнімді алуға болады.Осы мақсатта «Ауыл аманаты» жобасы арқылы 6 млн 900 мың теңге жеңілдетілген несие алдым. Бұл қаржыға Ақтөбеден пластик бөтелке құятын құрылғы сатып әкелдім. Ресейлік «Техноиндустрия» компаниясының өнімін өңірімізге әкеліп, жуырда іске қостық, – дейді кәсіпкер.</blockquote>А.Шүйіншәлі 10 жылдан астам кәсіпкерлікпен айналысып келеді. Жеке аралас дүкені халыққа қызмет көрсетіп тұр. Онда құйылмалы сусын сататындықтан, сырттан пластикалық ыдысқа тапсырыс беретін. Әр данасы 65 теңгеден болғандықтан, қалтаға ауыр тиеді. Сондықтан ізденіп, өзі осы дүниелерді шығаруды ойлады.Ақбала жаңадан алған құрылғының жұмыс механизмін бөлісіп, өнімділік көрсеткішін айтып берді. Оның сөзінше, цех алдағы құйылмалы сусын науқаны кезінде қос ауданды керекті пластик ыдыспен қамтуға толық қауқарлы.<blockquote>Негізі 0,5 пен 5 литр аралығындағы пластик бөтелкелер. Алғашында 1,5-2 литрлігінен 500 данасы шығарылды. Жалпы бұл құрылғы 1 сағатта 500-600 данасын өндіреді. Бір күнде 3000-ға дейін басып шығара алады. Бөтелкелерге арналған қақпақ пен шикізатты Алматыдан тапсырыспен алдырамын, – дейді ол.</blockquote>Қазір іскер кәсіпкер 2 адамды жұмыспен қамтып отыр. Кәсібін кеңейтуді де ойлайды. Жаңа идеялары көп еңбекқор жан алдағы уақытта дәмхана мен өзге де өндіріс орнын ашуға құштар екенін жасырмады.Мемлекет халықты кәсіпкерлікке тартып, қоғам үшін пайдалы істің көбеюіне мақсатты түрде мүмкіндік беруде. Ақбаланың бизнеске бет бұрып, тың өндірістің тұтқасын ұстауына да жарқын жоба сеп болғаны анық. Ендігі мақсат – қолдаудан нәтиже шығарып, табыс көлемін ұлғайту. Бұл орайда кейіпкеріміздің әлеуеті мен арманы жағымды жаңалыққа бастарына сенім мол. &nbsp;

Мемлекеттік қолдауды сәтті пайдаланған табысты кәсіпкер

<a href="https://kyzylorda-news.kz/">Kyzylorda-news.kz</a> &nbsp;Құтқарушы мамандығының ең басты міндеті адам өмірін құтқару, бұл жоғары және жауапты миссия. Халықтың бейбіт өмірі, тұрмыстағы, өндірістегі қауіпсіздігін қамтамасыз етіп, апаттық жағдайға жол бермеуде сала мамандарының басты парызы. Апат айтып келмейді. Тосыннан болған оқыс оқиға кезінде азаматтарға бірінші болып көмекке ұмтылатын төтенше жағдайлар қызметінің құтқарушылары. Оған үлкен жүрек, машық, білім мен білік және тәжірибе керек. Осындай кез келгеннің қолынан келе бермейтін жауапкершілік жүгін арқалаған азаматтардың жұмыс күні қалай өрбейтіні кім-кімді де қызықтырмай қоймайды. Қиын саланың қыр-сырын көзбен көріп, өрт сөндірушінің бір күндік жұмысын оқырманға жеткізу мақсатында Әйтеке би кентіндегі №9 Өрт сөндіру бөліміне бардық.Алдымен бөлім туралы айтсақ, Қазалы ауданының №9 Өрт сөндіру бөлімінің ғимаратында төтенше жағдайлар және өрт сөндіру бөлімі орналасқан. 2008 жылдың 22 маусымында құрылған Төтенше жағдайлар бөлімінде бөлім бастығы азаматтық қорғау подполковнигі Алтынбек Қалиев, бас маман, азаматтық қорғау майоры Шапағат Ермекбаев, аға инженер, азаматтық қорғау капитаны Серікбол Ізімов, аға анықтаушы азаматтық қорғау капитаны Нәбиев Қайрат, инженер азаматтық қорғау аға лейтенанты Бүркіт Сұлтанай жұмыс істейді. Мекеме табиғи және техногендік сипаттағы төтенше жағдайлардың алдын алу және оларды жою, Азаматтық қорғаныс, өрт қауіпсіздік саласындағы жоспарлар мен бағдарламаларды іске асырумен айналысады. Сонымен қатар жылдық жұмыс жоспарына сәйкес тұрғындарға түсіндірме шараларын жүргізіп, қоғаммен тығыз байланыс орнатқан. Қазалы ауданы №9 өрт сөндіру бөлімінің тарихы 1964 жылдан басталады. Сол жылдары кәсіби өрт сөндіру бөлімінің тұрағы Жаңа Қазалы қыстағындағы бұрынғы Большевик көшесіндегі шағын ғимаратта орналасқан. Әр жылдар түрлі өзгерістер болып, бірнеше ғимаратқа көшірілген бөлім қазір Әйтеке би кентіндегі Жанқожа батыр көшесінде орын тепкен. Үш өрт сөндіру автокөлігіне арналған өрт депосы, сондай-ақ Қазалы қаласында екі өрт сөндіру автокөлігіне арналған сөндіру бекеті бар.Қазалы ауданы №9 өрт сөндіру бөлімінде 4 өрт сөндіру автокөлігімен қамтамасыз етілген. Мұнда 57 қызметкер еңбек етеді. Мекеме ғимараты 2011 жылы кеңейтіліп, күрделі жөндеуден өткен. Бөлім бастығы Азамат Жұмағулов.Бұндағы жұмыс күні қызу тірлікпен басталады. Егер белгілі бір жерде тілсіз жаудың ұшқыны шықса, ең бірінші қоңырау дабылы осы мекемеге түседі. Арнайы тұтқада отырған кезекші диспечер оқиға болған орынды анықтап, жақын маңдағы өрт сөндіру көлігін жіберуді жедел қолға алады. Лаулаған оттың көп аймақты шарпымағаны анықталса бір ғана көлік жетіп барады. Себебі, тонналап су тиеген бір көліктің күші жалынның бетін қайтаруға қауқарлы. Үй, қойма, зауыт секілді үлкен ғимараттар мен орманды алқаптар өртене бастаса көптеген көліктер, сонымен қоса өзге де қауіпсіздік техникалары жөнелтіледі. Дабыл қоңырауы түскен жерге бірінші болып жеткен өрт сөндірушілер ең бірінші арнайы құбыршекті жақын маңдағы су ағатын құбырларға болмаса көліктің су сақтайтын бөлігіне қосады. Қызыл жалынның беті қашан қайтатынын ешкім білмейді. От ортасында қалып қойған жандарды құтқару үшін өрт сөндірушілер лаулаған жалынға кіруге тура келеді. Осы тұста өрт сөндіруші болу үшін ең бірінші сіз детектив секілді жұмыс жасай білуге машықтанған маңызды. Қайда бара жатқаныңызды, қандай құжаттарды алу керегін және қандай алғашқы көмектерді жасау керек екенін білу басты міндетіңіз. Бойдағы шыдамдылық пен күш-қайраттың да құтқару шаралары кезінде маңызды рөл атқаратыны анық.Ғимарат ішін аралатып, өрт сөндіру құрылғыларының қызметімен таныстырған бөлім инженері азаматтық қорғау аға лейтенанты Серікбол Ізімов мән-жайды түсіндіріп өтті.<blockquote>– Бұл мамандық иелері мынадай қағидалардан сүрінбей өтуі тиіс. Номативтерді жақсылап тапсыру, шыдамды әрі күшті болғаныңыз дұрыс. Кейде, биік ғимараттардан тек заттар ғана емес адамдарды да түсіруге тура келеді. Сондықтан, қандай күш керектігін бағамдай беріңіз. Арнайы техниканың барлық қыр-сырын меңгеру керек. Алғашқы көмек көрсетудің жолдарын білу маңызды. Өз денсаулығыңыздың үнемі бақылап отыру қажет, – деді Серікбол Ізімов.</blockquote>&nbsp; Қай уақытта болсын, құтқарушы мамандығының мәртебесі биік. Өйткені, олар адам өмірін құтқарумен айналысады. Су тасқыны, өрт, түрлі апаттар, тіпті қарапайым тұрмыстық жағдайларда орын алатын тосын оқиғада ең бірінші құтқарушылардың көмегін сұраймыз. Лаулаған оттың ортасына кіреді, қансыраған адамды құтқарып, қатыгез қыстың аязында қалғандарға қолұшын созады. Алайда, олар мұны ерлік деп есептемейді. Күнделікті қызметіміз деп қарайды.Фото: Нұрболат Нұржаубай

Құтқарушы мамандығының мәртебесі биік

<a href="https://kyzylorda-news.kz/">Kyzylorda-news.kz</a> &nbsp;Жақында Қазалы ауданы әкімінің орынбасары, мерзімді әскерге шақыру комиссиясының төрағасы Дәурен Тлеумбетовтің төрағалығымен көктемгі мерзімді әскерге шақыру жұмыстарының барысы туралы жиын өтті. Жиынға Қызылорда облысының қорғаныс істері жөніндегі департаментінің Жұмылдыру, жоспарлау бөлімінің бастығы Ерлан Абуллаев арнайы келіп қатысты.Дәурен Оңғарбайұлы кәмелет жасқа толған жастардың әскери борышын өтеуге жіберу күн тәртібінен түспейтін өзекті мәселелердің бірі екендігін айтты. Сондай-ақ өткен жылғы мерзімді әскерге шақыру жұмыстарында орын алған кемшіліктерге тоқталып, бұл бойынша жауаптыларды қатаң сынға алды. Мұнан соң көктемгі әскерге шақыру кезеңіне дайындық шаралары бойынша аудандық қорғаныс істері жөніндегі бөлімінің бастығы Нұрлан Көлбаев хабарлама жасады.Жиында Ерлан Абуллаев сөз алып, облыстық қорғаныс істері жөніндегі департаментінен берілген тапсырысты өз деңгейінде орындау жөнінде облыс тарапынан тиісті әдістемелік көмек көрсетіп, бірлесе жұмыс жасайтындығын жеткізді.Мәжіліс соңында Дәурен Тлеумбетов тиісті сала басшыларына 2024 жылғы көктемгі мерзімді әскери қызметке шақыру жұмыстарын жоғары деңгейде ұйымдастырып, қатаң бақылауға алу, әскери қызметке шақырылушылардың уақытылы медициналық сараптамадан өтуін қамтамасыз ету, жастарды, әскерден жалтарып жүрген азаматтарды әскерге тарту және әскери қызмет етудің маңыздылығын насихаттау шараларын күшейту жөнінде нақты тапсырмалар берді.

Көктемгі мерзімді әскерге шақыру жұмыстары пысықталды

&nbsp;<a href="https://kyzylorda-news.kz/">Kyzylorda-news.kz</a> &nbsp; Президент Қасым-Жомарт Тоқаев өзінің Қазақстан халқына Жолдауында: «Халықтың денсаулығын жақсарту мәселесі айрықша назар аударуды талап етеді. Барлық жастағы ел азаматтары арасында бұқаралық спортты дамыту маңызды. Спорт инфрақұрылымдарының балалар үшін барынша қолжетімді болуын қамтамасыз ету керек. Бұқаралық дене шынықтыруды өркендету ісі жаңа чемпиондар шыңына шығатын пирамидаға айналуы тиіс. Бұл саламатты әрі белсенді жастардың, түптеп келгенде, қуатты ұлттың негізін қалыптастырады» – деп атап өткен еді.Қазалы ауданы бойынша білім бөлімінің ұйымдастыруымен 11 қараша – 30 наурыз күндері аралығында білім қызметкерлері арасында спорттың бұқаралығын арттыру, Президент жолдауын одан әрі ілгерлету, дене шынықтыру және спорт арқылы саламатты өмір салтын қалыптастыру, мұғалімдер арасында спорт түрлері бойынша аудан құрама командасын жасақтау мақсатында «Сұлтан Бейбарыстың туғанына 800 жыл толуына» орай білім қызметкерлерінің аудандық спартакиадасы өтті.Жарыс бағдарламасында жоспарланған іс-шара бес айға созылып, спорттың 10 түрінен, яғни, кіші футбол, волейбол, баскетбол, тоғызқұмалақ, шахмат, үстел теннисі, дойбыдан, гір тасын көтеру, қол күрес және арқан тарту жарыстары бойынша бәсекеге 800-ден астам білім қызметкерлері қатысты.Спартакиаданың қорытындысымен жалпы командалық есепте жеңімпаз және жүлдегер атанған мектептер Аудандық білім бөлімі мен білім және ғылым қызметкерлерінің кәсіподағы комитетінің дипломымен, арнайы кубоктармен марапаттады.

Аудандық спартакиада өтті

<a href="https://kyzylorda-news.kz/">Kyzylorda-news.kz</a> «Сәуір болмай, тәуір болмас» дегендей, күн жылып, нағыз көктем орнаған шақта шиеліліктер ауласы мен көше бойын тазалап, көгалдандыру жұмыстарына қызу кірісті. Бұл уақытта Шиелі аудан бойынша түрлі сенбіліктер мен жасылдандыру шаралары жыл сайын дәстүрлі түрде жүргізіледі.Сәуірдегі дала жұмыстары, ең алдымен, Шиелі ауданы әкімі Нұржан Сәбитұлының бастамасымен даңғайыр диқан, ақ күріштің атасы, екі мәрте Социалистік Еңбек Ері атанған Ы.Жақаевтың атына берілген саябақта көгалдандыру, тазалық акциясын өткізумен бастау алды. Қара жердің қадірін білетін текті халық үшін Жер-Ананы құрметтеу, ағаш отырғызып, жасыл желекке айналдыру жат іс емес.Қызу дала жұмыстарына кіріспестен бұрын есімі әлемге әйгілі атамызға құрмет көрсетуден басталғанының өзінде үлкен мән жатыр. Игі шараға ауыл шаруашылық төрағалары, қызметкерлер, еріктілер мен БАҚ өкілдері қатысты.Көгалдандыру жұмыстарына арнайы техникалар әкелініп, жер жыртылып, су арналарына тазалық жүргізілді. Қазақ халқы «көп түкірсе, көл болар» деп айтқандай, бірі саябақты қураған қамыс пен шөптен тазартса, енді бірі ағаш түптерін бояп, залалсыздандыру жұмысын жүргізді.Осындай дала жұмысына белсенді атсалысқан азаматтар мен тұрғындарға аудан әкімі Нұржан Ахатов:<blockquote>– Аумақты көгалдандыру – пайдалы іс. «Ауылына қарап, азаматын таны» дегендей, жасыл желекті күтіпбаптау мен көгалдандыруда атқарған тыңғылықты жұмыстарыңыз үшін барлықтарыңызға алғыс білдіремін, – деп өз ризашылығын жеткізді.</blockquote>Шежірелі өлкенің көркеюіне бастайтын берекелі шараға қатысқан Сәрсенбек Баймағамбет, Аятжан Есжанов, Әлияр Сейітов, Бауыржан Көпеев, Пернебай Күзембаев сынды азаматтар техникаларын жұмылдырып, акцияға қолдау білдірді. Шараның басы-қасында жүріп, тұрғындармен біте қайнасып, көгалдандыру жұмысына кіріскен Ақмая шаруа қожалығының директоры, облыстық мәслихат депутаты Дәулет Жұмбеков былайша пікір білдірді.<blockquote>– Бүгінде Ы.Жақаев саябағы ауданның бетбейнесіне айналып отыр. Дәстүр бойынша өткізілетін акцияға үлес қосуды азаматтық міндетім деп білемін. Себебі туған жердің көркейіп, жасыл желекке айналуы – барлығымыздың ортақ мүддеміз. Сондықтан барлық аудан тұрғындарын көктемгі көгалдандыру жұмыстарына атсалысып, Табиғат-Ананы аялауға шақырамын, – деді қожалық төрағасы.</blockquote>Иә, «Атадан мал қалғанша, тал қалсын» деген сөздің түпкі мәні тереңде жатыр. Қазақ әуел бастан өскелең ұрпақты тәрбиелеуде тек сөзімен емес, үлгі етер ісімен де өнеге қалдырып отырған. Егілген ағаштың, өскен өсімдіктің қоршаған ортаға тигізер пайдасы зор. Алдағы уақытта Ы.Жақаев саябағында арнайы дайындалып, тазаланған жерге шие көшеттері отырғызылып, ел игілігіне берілмек.Сонымен қасиетті Рамазан айында барша жұртты жұмылдырған тазалық акциясы одан әрі өз жалғасын табатын болады. Шара соңында осынау ізгі іске жәрдем берген жандарға ас беріліп, дұға жасалды.

Шиелі: Дала диқанының саябағы абаттандырылды

<a href="https://kyzylorda-news.kz/">Kyzylorda-news.kz</a>&nbsp;Италия мен Германияда күйеуінің қолынан қаза тапқан Салтанат Нүкенованы қолдау мақсатында бейбіт митинг өтті. Олар Қазақстанда тұрмыстық зорлық-зомбылыққа қарсы заңды күшейтуді талап етті, деп хабарлайды <a href="https://stan.kz/italiya-men-germaniyada-saltanat-ushin-beybit-mitingi-o-398076/">stan.kz</a>.&nbsp;6 сәуірде Италияның Сицилия провинциясындағы Мессина қаладасында оқитын қазақстандық студенттер өз әйелін аяусыз ұрып өлтірді деп сотқа тартылған Бишімбаевтың сотына қатысты бейбіт жиын жасады.<img src="https://knadmin.beoblood.kz/uploads/full_17125478121b1e64edcca4049c97f0c159547cbd3b_webp_afe4ad63b1.webp" alt="full_17125478121b1e64edcca4049c97f0c159547cbd3b_webp.webp">30-ға жуық адам мерт болған Салтанат Нүкенованың фотосы бар плакаттарды ұстап шықты. Қазақстандық студенттермен қатар Италияның феминистік ұйымы және қырғызстандықтар қолдады.7 сәуірде Германияның Берлин қаласында 120-ға жуық адамның қатысуымен митинг өтті. Олар Қазақстанда тұрмыстық зорлық-зомбылықты криминализациялауды талап етті. Сөздерінше, Салтанат Нүкенова Қазақстандағы күйеуінің қолынан қаза тапқан бірінші әйел емес. Германиядағы қазақстандықтардан бөлек үндістандық, әзірбайжандық, қырғызстандық, түркісменстандық, өзбекстандық, украиналық және оңтүстік кореялық азаматтар да митингке қатысты.&nbsp;<img src="https://knadmin.beoblood.kz/uploads/full_1712547828021e6ddef8b8795a6960ebde389ce2d7_webp_d35a45cfd6.webp" alt="full_1712547828021e6ddef8b8795a6960ebde389ce2d7_webp.webp">

Италия мен Германияда "Салтанат үшін" бейбіт митингі өтті

Кері байланыс: Егер белгісіз тұлға жіберген сілтемеге өтсе не болады?

<a href="https://kyzylorda-news.kz/">Kyzylorda-news.kz</a> Бүгінде балалар киімі өте көп. Десе де оның ішінде сапалысын таңдап алуда ата-аналар қиналып жатады. Қала тұрғыны Перизат Ашықбаеваның төрт баласының да аллергиясы бар. Балаларына денеге ыңғайлы үй киімдерін бұрын сырттан тапсырыспен алдыратын. Енді көпбалалы ана мұндай киімдерді өз тігіп сатуға қол жеткізді. Ол жаңа бизнес идеяларды жүзеге асыруға арналған мемлекеттік грант иеленіп, «Құлыншақ» атауымен балалар киімін шығаруда.Үйде бала күтімімен отырған жас ана осы уақытқа дейін де тігіншілікпен айналысқан. Бірақ арнайы тігін машиналары мен құрал-жабдықтары, сапалы мата мен жіп болмаған соң тапсырыс алмайтын. Қайтарымсыз грант арқылы өзінің идеясын іске асырғанына қуанышты.<blockquote>Қазір байқасаңыздар, балаларға арналған сапалы киімдердің көбі Түркия елінен келеді. Оның бағасы да қымбат. Көп ата-ананың қалтасы көтере бермейді. Бір жағы балаларымның киімге аллергиясы бар-тұғын. Мен секілді аналардың мәселесін шешу үшін осы идеяны жүзеге асырып, үй және спорттық киімдерді шығаруды қолға алдық. Матасы мен жібінің өзін Түркияның ең мықты деген зауыттарына тапсырыс беріп, алдырып жатырмыз. Бояуы шықпайтын сапалы матадан тігілгендіктен, денеге де ыңғайлы. Жатарда киетін киімдер 4-6 мың теңге аралығында болса, спорттық киімдер 6-8 мың теңгеден. Бұл киімдерге «Құлыншақ» деген атау бердік. Оның заттаңбасын алматылық дизайнерлер жасады, – дейді Перизат.</blockquote>Тігіншінің айтуынша, балаларға арналған киімді таңдағанда, матаның сапасына және оның құрамына назар аудару керек. Мақта, зығыр, жүн және жібек денсаулыққа ең қауіпсіз болып саналады. Табиғи материалдардан жасалған киімдер терлетпейді. Денеге ыңғайлы, жұмсақ. Әзірге ол өзімен бірге тағы бір адамды жұмыспен қамтып отыр.&nbsp; &nbsp;

Мемлекеттен грант алған кәсіпкер «Құлыншақ» атауымен балалар киімін шығаруда

Арал ауданының келешегі қандай болады?

<a href="https://kyzylorda-news.kz/">Kyzylorda-news.kz</a>&nbsp; &nbsp;Танымал әнші Нұрболат Абдуллин су басқан өңірлердегі жергілікті билікке ұсыныс тастады. Бұл туралы Stan.kz ақпарат агенттігі хабарлайды.Сәуір айының басында еліміздің солтүстігі мен батыс өңірін су басып, халық әбігерге түсті.“Су астында қалған ағайындар жаппай мектепке орналастырылған. Неге қонақүйге емес? Апартментке немесе демалыс орталықтарына орналастыруға болады ғой. Үйі салынып біткенше не істейді?! Омыраудағы бала, ата мен әжелерге қиын.&nbsp;Табиғи апат қауіпі бар болсын, жоқ болсын эвакуация пункті салынуы міндетті деп ойлаймын. Азаматтық жеке ойым”, – деп жазды әнші.Айта кетейік,&nbsp;Ақтөбе облысы Ойыл ауданы жағынан Жем өзені деңгейінің көтерілуіне байланысты Жылыой ауданы Құлсары қаласын су басып,&nbsp;28 551 адам эвакуацияланды.Бұған дейін,&nbsp;Құлсары қаласының бес мың тұрғыны Маңғыстау облысына эвакуацияланғанын жазған едік.Еске салайық, синоптиктер су басқан аймақтарға арналған ауа райы болжамын ұсынған еді.Фото:&nbsp;https://www.instagram.com/nurbullin/

Қазақстан және Қызылорда облысының жаңалықтары