<a href="https://kyzylorda-news.kz/">Kyzylorda-news.kz.</a> Көларық ауылының тарихы Қазалының тарихымен шамалас. Ол Қаракөл болыстығы 10 ауылға бөлінген. Мұнда қиын-қыстау уақыттары Ерғали Палуанов деген кісі болыс болған.Көларық ауылы о баста Домақ ауылы атанған. Бұл Құттықтан тараған Домақ руының, меншік жері еді. Кеңес үкіметі тұсында ауылды басқарған Айғазы ақсақал «Домақ атауы рушылдықты насихаттайды, көпшілігімізге зиян тиюі мүмкін» деп ауыл тұрғындарына соңғы «Қ» дыбысын «Н» дыбысына өзгертуге ұсыныс жасайды. Асыра сілтеу заманынан сескеніп, ауыл халқы Айғазының айтқанына келіседі. Сөйтіп «Доман» келе-келе «Томан» ауылы болады. Сол кезде Томанда, Жалайыр серіктестігінде 16 ауылдық совет болған. Репрессия жылдары Корей ағайындарының көшіп келуіне байланысты Томан, Жалайыр жерлері қосылып «Көларық» ауылы болып аталған. Көларық ауылымен қатар, Амангелді колхозы іргелі ауыл еді. Ауыл мектебі орталықта, яғни, Амангелді колхозында. Аудан әкімшілігінен екі ауылды орталықтандыру үлкен жауапкершілікті талап етті. Екі ауылдағы отырықшы ел бірден келісе қоймады. Ақырында Көларық ауылына орналастыру туралы шешім шығады. Кеңес үкіметінің саясатымен шағын елді мекендерді біріктіру мақсатында 1961 жылы Көларық КОКП-ның ХХІІ съезі атындағы совхоз болып құрылады. Осылайша алас-қапаста шаруашылықты өркендету кезеңі басталды. Ауылдың негізгі бағыты – күріш егу болғандықтан ауылшаруашылық мамандары жаппай көшіп келді. Осында тұрақты еңбек етіп, ауыл көлемі ұлғаяды.Белсенділігі жоғары ақтандықтарБүгінде Көларық ауылдық округі Ақтан батыр ауылында 270 отбасы күн кешуде. Барлығы 1512 адам тұрады, оның 746-сы экономикалық белсенді топ саналады. Мұнда көпбалалы аналар қатары басым. «Батыр ана» атанған 1, «Алтын алқа» иегерлері 18 және «Күміс алқа» иегерлері 26 адамды құрап тұр. Сонымен бірге Ұлы Отан соғысына қатысқандарға теңестірілген еңбек ардагерлерінен 9 адам, зейнеткерлерден 134 адам бар.Биыл «Көларық ауылдық округі әкімінің аппараты» коммуналдық мемлекеттік мекемесіне жылдық жоспар бойынша қажетті қаржы бөлінді. Оны тиісті деңгейде игеріп, орындалу көрсеткіші 99,6% процентті құрады. Ақтан батыр елді мекенін көркейту-көгалдандыру, абаттандыру жұмыстары толығымен орындалуда. Сонымен қатар, ауылдың санитариялық тазалығына қажет 3 дана қоқыс жинайтын контейнерге тендер жарияланды. Қазіргі таңда жеңімпазы анықталып, мемлекеттік сатып алу жұмыстары жүргізілуде.<blockquote>«Ауылдық округ бойынша барлығы 100 шағын және орта кәсіпкерлік субъектісі тіркелген. Оның ішінде, 5 жауапкершілігі шектеулі серіктестік, 17 шаруа қожалық және ауылшаруашылық, құрылыс және қызмет көрсету сынды тағы басқа да салаларда 78 кәсіпкеріміз бар. Белсенділік көрсеткіші 100 процент болмаса да, соған жете қаба», – дейді ауыл әкімі.</blockquote>Шаруасы шалқыған мекенАуыл шаруашылығын дамыту мақсатында «Аграрлық несие» корпорациясынан құны 21,5 миллион теңгелік жоба ұсынылды. Оған «Табанкөл» шаруа қожалығының иесі Асылхан Бисенов қол жеткізіп, өз кәсібін бастауда.Сонымен қатар бұрынғы қолданыста болған «Еңбек» мемлекеттік бағдарламасының орнына «Кәсіпкерлікті дамытудың 2021-2025 жылға арналған ұлттық жобасы» негізінде ұсынылған теңгемен есептегенде 1,5 миллиондық жобаны Света Райс ұтып алды. Бағдарламалардан тыс екінші деңгейлі банк және қаржылық ұйымдар арқылы «Стартап грант» жобасы бойынша 6 адам шаруаларын айналдыруда. Кәсіпкерлікке баулитын «Бастау Бизнес» жобасы бойынша 11 адам кәсіпкерлік негізінде оқып, сертификаттарын алды.Нәтижелі жұмыспен қамту және жаппай кәсіпкерлікті дамытуға арналған «Еңбек» мемлекеттік бағдарламасының үшінші бағыты бойынша ақылы қоғамдық жұмысқа 22 адам және жұмыссыз 7 маман жастар практикасына жіберілді. Тек қана 37 адам жұмыссыз ретінде тіркелді.«Сыр маржаны» жауапкершілігі шектеулі серіктестігі осы жылы Ақтан батыр ауылында 2195 гектар жерге күріш екті. Одан әр гектардан 31,0 центнерден егін алынып, барлығы 6804 тонна центнер өнім жиналды.Сонымен бірге 83 гектар жерге бидай, 78 гектар жерге арпа, 78 гектар жерге мақсары, 342 гектар жерге жаңа жоңышқа және 900 гектар ескі жоңышқа егілді.Серік Өмірзақовтың мәлімдеуінше, ауылдық округ бойынша биыл жұртшылық пен шаруа қожалықтарын қоса алғанда, сиыр – 2879, жылқы – 2313, түйе – 212, уақ мал – 5714 басты құрады. Сонымен қатар 150 құс тіркелген. Ірі қара және уақ малдар бірдейлендіріліп, компьютерлік базаға түсірілген және жұқпалы ауруларға қарсы мал дәрігерлік шаралар жоспарлы ветеринариялық іс-шараға сай өз уақытында жүргізілді.Білімге құштар бала, саулықты ойлар маманАқтан батыр ауылындағы №190 орта мектепте 17 класс комплектісі бар. 58 мұғалім және техникалық қызметкерлермен 96 адам жұмыс жасайды. Мектепте негізінен 293 оқушы бар. Биыл 13 оқушы бітіріп, оның ішінде 1 оқушы Айзат Оңдасын «Алтын белгі» иегері және 1 оқушы Айгерім Бақытжанқызы «Үздік аттестат» иегері атанды.Мектеп жанынан ашылған «Мерей» шағын орталығы бар. Шағын орталығында 50 бала 2 топта тәрбиеленіп жатыр және орталықта 8 педагог – 10 тех қызметкер жұмыс атқарады.Ақтан батыр дәрігерлік амбулаториясында 1 дәрігер, 10 мейіркеш, 4 техникалық қызметкер халыққа қызмет етуде. Округтегі дәрігерлік амбулаторияда 6 төсектік стационар қызмет көрсетеді. Ақтан батыр ауылдық кітапханасында 19321 кітап қоры бар. Жыл басынан бергі оқырмандар саны 518 адам, оның ішінде 274-і мектеп оқушылары. Ауылдық клубта 8 қызметкер жыл басынан бері жоспарға сәйкес түрлі форматта 45 мәдени іс-шара өткізді.Көларық ауылдық округі, Ақтан батыр ауылына қарасты «Әзілхан ишан» мешіті 2016 жылы жаңадан салынып, халық игілігіне қызмет ету мақсатында пайдалануға берілді. Қазақстан мұсылмандары діни басқармасының төрағасы, бас мүфти Серікбай Қажы Ораздың бұйрығымен Бауыржан Жайлыбайұлы имам болып тағайындалған. Ол екі жылдан бері жас ұрпақты имандылыққа, тәрбиелікке насихаттап, елге абыройлы қызмет атқарып келеді.<blockquote>«Бүгінгі күнге дейін ауыл тұрғындарының әсіресе оның ішінде жастарының және кәсіпкерлердің демеушілік көмегімен мешіт жанынан асхана, дәрісхана бөлмесі, неке қию залы, от жағу, құрал-жабдық және қатты отын жинау орнына арналған сарайлар, сонымен қатар дәретхана бөлмесі салынып жатыр. Сонымен қатар 1973 және 1985 жылы туылған түлектер мешітке қажетті ыдыстар тарту етті. «Әзілхан ишан» мешітінің намаз оқу бөлмесіне бейне камера орнатылған. Ауыл тұрғындарының мешітке келіп құлшылық жасауға мүмкіндіктері бар. Мешіт имамы өткізілген жұма намаздарының уақытында және мекеме қызметкерлері арасында Қазақстан мұсылмандары діни басқармасының тапсырмалары мен іс-шара жоспарларына сәйкес түрлі тақырыптарда уағыз-насихаттар жүргізіліп келеді», – дейді ауыл әкімі.</blockquote>Ауқымды жобалар жоспарланудаЖылдың он екі айында ауылдық округ әкімінің есігі әрдайым тұрғындар үшін ашық. Оның жеке қабылдауына 40 адам қабылданып, барлығы да өз шешімін тапқан. Жер беру мәселелері бойынша жеке тұлғалардан «е-лицензия» бағдарламасы арқылы 3 өтініш және «е-өтініш» бағдарламасы арқылы 14 өтініш тіркелген. Сонымен қатар елді мекен шегінде объект салу үшін жер учаскесін беру мәселелері бойынша жеке тұлғалардан 2 өтініш тіркеліп, заңға сәйкес қаралды.Мемлекет меншігіндегі жер учаскесін немесе жер учаскесіне меншік құқығын сату жөніндегі сауда-саттыққа, конкурстарға, аукциондарға ұсынылатын жер учаскесіне 3 өтініш қабылданған. Қазіргі таңда алдын-ала таңдау схемасы және аукционға ұсынылатын жер учаскелерінің жобасын белгілеу туралы ауылдық округі әкімінің шешімі шығарылды. Құжаттары аукционға ұсынылып, нәтижесінде ауыл тұрғыны Данабек Күнікейұлы 3 жер учаскесіне де аукционға қатысып жеңімпаз атанды. Жыл көлемінде сыбайлас жемқорлыққа қатысты арыз-шағымдар түспеген. Сыбайлас жемқорлыққа қарсы құқықтықтық оқу және дөңгелек үстел өткізілді.Ауыл орталығы А.Құнанбаев көшесіндегі тозығы жеткен электр таратқыш КТПН қондырғысын жаңадан ауыстыру жұмыстары бойынша жеңімпазы анықталып, мемлекеттік сатып алу жұмыстары жүргізілуде. Ақтан батыр ауылындағы бұрыннан асфальт төселген көшелердің шұқырларын тегістеу жұмыстары толығымен аяқталды. Десекте ауылда атқарар қыруар шаруа бар. Түсін түстесек, Қазақстан Республикасы Президентінің стратегиялық бағдарламаларын ауылдық округ көлемінде іске асыру жолға қойылуда. Азаматтардың әл-ауқатының өсуін қамтамсыз ету, округ тұрғындарының тұрмыс жағдайының жақсаруына ықпал етілмек. Шағын кәсіпкерлікті дамыту арқылы жаңа жұмыс орындарын ашып, жұмыссыздық деңгейін төмендетуге жұмыс жасалмақ. Ұзындығы 600 метрді құрайтын А. Құнанбаев көшесін асфальттауға және Ә.Дінісламов мен Б.Машенбаев көшелеріне қиыршық тас төсеу жұмыстарына аудандық бюджеттен қаржы көздері қарастырылуда. А. Құнанбаев көшесіне асфальт төсеуге жоба сметалық құжат әзірленген. Жоба құны 20 миллион теңге. Сонымен қатар Ә.Дінісламов мен Б. Машенбаев көшелеріне қиыршық тас төсеу жұмыстарына жоба сметалық құжат әзірленген. Ж.Өтепберген және орталық көшелерде ауыстыруды қажет етіп тұр. Электр бағаналарын ауыстыруға бюджеттік өтінім ұсынылмақ. Әзілхан Ишан көшесіне түнгі жарықшам орнату жұмыстарына қаржы көздерін қарастыру жоспарда бар.

Қазалыдағы құтты мекен

<a href="https://kyzylorda-news.kz/">Kyzylorda-news.kz.</a> Кеше облыстық денсаулық сақтау басқармасының басшысының орынбасары &nbsp;Жангелді Шаймбетов арнайы іс-сапармен келді. Іс-сапар барысында Жангелді Шаймбетов денсаулық сақтау саласының кәсіби мерекемен құттықтап, алдағы жұмыстарына сәттілік тіледі.&nbsp;<blockquote>Медицина саласының мамандары – адам жанының арашасы саналады. Күні-түні дамыл таппайтын медицина мамандары бар құрметке лайық. Сіздердің халық үшін жасаған еңбектеріңіз елеулі. Сондықтан медицина мамандарының кәсіби біліктілігін арттыру – маңызды рөл онайды. Өз кезегінде науқастардың жағдайын біліп, материалдық базаның әлеуетімен таныстық. Әрине, жаз мезігілінде науқастар саны артады. Осындай уақытта созылмалы дерті азаматтарды профилактикалық емдеуден өткізу керек. Сонымен қатар арушаңдық деңгейін анықтап, қарт кісілерге барынша емдеу іс-шаралары жүргізілген дұрыс. Шын мәнінде, аудандық аурунаға қарасты барлық бөлімшеде сапалы жұмыс үйлестірілген дұрыс. Тазалық сақталса деген талап бар. Дертті ерте кезден анықтау арқылы &nbsp;Д есепте тұратын азаматтарды ұмытпағанымыз жөн, – облыстық денсаулық басқарма басшысының орынбасары. &nbsp;</blockquote>Бұл ретте, аудандық аурухананың бас дәрігері Жалғасбек Үсенов &nbsp;жыл көлемінде медицина саласында атқарылып жатқан жұмыстарға тоқталды. Сонымен қатар жергілікті халықтың денсаулығын жақсарту, тегін дәрі-дәрмекпен қамтамасыз ету бойынша атқарылған жұмыстарға тоқталды. Ал денсаулық сақтау басқармасының басшысының орынбасары &nbsp;Жангелді Шаймбетов іс-сапар барысын қорытындылап, сала мамандарына тиісті тапсырмалар берді.&nbsp; &nbsp;

Басқарма басшысының орынбасары Сырдарияға іс-сапармен келді

<a href="https://kyzylorda-news.kz/">Kyzylorda-news.kz.</a>&nbsp; Бүгін «AMANAT» партиясы облыстық филиалының төрағасы Наурызбай Байқадамов бұқаралық ақпарат құралдары өкілдеріне &nbsp;партияның 2023-2027 жылдарға арналған «Халықпен бірге!» сайлауалды бағдарламасын орындауға бағытталған облыстық Жол картасын таныстырды.Жол карта бағдарламаны іс жүзінде тиімді іске асыру үшін «Аймақ экономикасын дамыту», «Инфрақұрылымдық жүйелерді жақсарту», «Білім беру, денсаулық сақтау, мәдениет және спорт салаларының қолжетімділігін арттыру», «Әлеуметтік санаттағы азаматтар мен жастарды қолдау» және «Экологиялық жағдайды жақсарту» секілді &nbsp;5 бағытқа топтастырылып, бағдарламада көзделген барлық іс-шаралар мен көрсеткіштер ескерілген.Мәселен, «Аймақ экономикасын дамыту» шеңберінде 32 іс-шара көзделген. Облыс индустриалды-аграрлық өңір және халықтың 53%-ы ауылдық елді мекендерде тұрғандықтан, аймақтың өнеркәсіп және ауыл шаруашылығы салаларын одан әрі дамыту өзекті мәселе. Осы ретте, өңірде мұнай қорының сарқылуына орай 2 учаскеге геологиялық зерттеу жүргізіліп, аймақ экономикасын әртараптандыру мақсатында тау-кен өнеркәсібіне 237,5 млрд. теңге инвестиция тартылып, &nbsp;мырыш, қорғасын және ванадий өндіретін 2 ірі жоба жүзеге асырылмақ.Мұнан бөлек агроөнеркәсіп кешенін дамыту үшін 2 су қоймасының құрылысы жүргізіледі. 28,9 млрд. теңге инвестиция тартылып сүт, томат пастасы, құс еті, күріш өңдеу, құрама жем шығару және тағы басқа өнімдер шығаратын ірі инвестициялық жобалар іске асырылмақ. &nbsp;«Бұл шаралар нәтижесінде инвестиция көлемі 2 есеге артып, өңдеу өнеркәсібіндегі өндіріс көлемі 28% өседі.Сонымен қатар 100 мыңнан астам жұмыс орындары құрылып, шағын және орта бизнесте жұмыспен қамтылғандар саны 130 мың адамға жететін болады»,- деді партия филлиалының төрағасы.Жол картада «Инфрақұрылымдық жүйелерді жақсарту» мәселесі де шет қалмаған. Атап айтсақ халықты тұрғын үймен қамту мақсатында қаржыландырудың барлық көздері есебінен 3 554 мың ш.м. тұрғын үй салынбақ. Осы ретте ағымдағы жылы халықтың әлеуметтік осал тобындағы 1100 азамат тұрғын үймен қамтамасыз етіледі, оның ішінде 100 жастар.Жол қатынастарын жақсарту үшін алдағы 5 жылда 700 км-ден астам жергілікті маңызы бар автомобиль жолдары, 800 км-ден астам елді мекендердің ішкі жолдары жөндеуден өтіп, 18 көпір қайта жаңартылады. &nbsp;Нәтижесінде, жақсы және қанағаттанарлық жағдайдағы жергілікті маңызы бар жолдардың үлесі 96%-ға жеткізіледі.2027 жылы облыстағы барлық елді мекендер таза ауыз сумен 100% қамтамасыз етіледі. Ол үшін 8 ауылда сумен жабдықтау жүйесі жақсартылады және 24 ауылда су тұшытқыш қондырғылар орнатылады. Атап өту керек, облыс тұрғындарының 97,8 пайызы орталықтандырылған сумен қамтамасыз етілген. Елді мекендерді газдандыру бойынша 64 жоба іске асырылып, тұрғындардың газбен қамтылу үлесі 68%-дан 80%-ға артады.Бүгінгі күні электрмен және жылумен жабдықтау желілерінің тозуы жоғары. Бұл бағытта 3 жоба жүзеге асырылады. Қызылорда қаласында 28 км жылумен жабдықтау желілері қайта жаңғыртылады. Бұл жұмыстардың нәтижесінде электр желілерінің тозу деңгейі 69%-дан 65%-ға, жылу жүйелерінің тозу деңгейі 46,9%-дан 39,8%-ға дейін төмендетіледі.&nbsp;«Білім беру, денсаулық сақтау, мәдениет және спорт салаларының қолжетімділігін арттыру бойынша да жоспар ауқымды. Мәселен, мектептердегі орын тапшылығы мен апатты мектеп мәселелерін шешу мақсатында аймақта 26 мектеп салынып, 4 мектепке қосымша құрылыс жүргізіледі. 17 мектепке күрделі жөндеу, және материалды-техникалық базасын нығайту көзделіп отыр. 5 жылда 15 спорт, 32 медицина, 10 мәдениет нысаны салынады. &nbsp;&nbsp;Брифингті қорытындылаған партия филиалының төрағасы наурызбай Байқадамов Жол карта аймақты дамытудың жоспарлау құжаттарымен үндестірілгенін және қаржылық жағынан қамтамасыз етілгенін тілге тиек етіп, көздеген нәтижеге қол жеткізу үшін Жол картаны іске асыруға партияның аймақтағы барлық әлеуеті жұмылдырылатынын атап өтті.<figure class="image"><img src="https://knadmin.beoblood.kz/uploads/7c5d3417_211b_45c3_8111_24937f5c7d19_52e25e251c.jpg" alt="7c5d3417-211b-45c3-8111-24937f5c7d19.jpg"></figure>

«AMANAT»: Жол картасы таныстырылды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы Полиция департаментінің бастығы полиция генерал-майоры Аблазимов Махсудхан Нұғманұлының төрағалығымен Жедел кеңес өтіп, биылғы жылдың 5 айындағы жедел-қызметтік жұмыстың нәтижесі қаралды. Алдын алу жұмыстарын күшейту нәтижесінде қылмыс деңгейі айтарлықтай азайып, қазіргі уақытта өңірдегі криминогендік ахуал тұрақты. Бұл кешенді әрі уақтылы қабылданған шаралардың нәтижесі. Мысал ретінде айтар болсақ, аса ауыр қылмыстар - 61,3, ұрлық - 28,5 %, пәтер ұрлығы - 24 %, мал ұрлығы - 53,8 % төмендеді.Бүгінгі Жедел кеңесті бастамас бұрын Махсудхан Нұғманұлы «Қоғамдық қауіпсіздікті азаматтық қоғаммен серіктестікте қамтамасыз етудің 2024-2028 жылдарға арналған тұжырымдамасын» жеке құрамға таныстырып, басты талаптарына тоқталды.Жалпы, бұл жобаның үш стратегиялық бағыты бар: азаматтардың өмірі, денсаулығы, мүлкін қорғау деңгейін арттыру, құқық бұзушылықтардың алдын алудың тиімді жүйесін құру; полицияны қауіпсіздікті қамтамасыз ететін заманауи тиімді ұйымға айналдыру. Бұл тұжырымдамада «Халық үніне құлақ асатын мемлекет» қағидатына сәйкес келетін қоғамның нақты сұраныстары да ескерілетін болады. Департамент бастығы жеке құрамның назарына тұжырымдаманың маңызын, мақсатын және іске асыру тәсілдерін жеткізіп, құжаттың маңыздылығын атап өтті.Бүгінгі Департамент бастығының төрағалығымен өткен кеңесте атқарылған жедел – қызметтік жұмыстың қорытындысы мен жеке құрам арасындағы тәртіптің, заңдылықтың және сыбайлас жемқорлыққа қарсы іс – қимылдың жай – күйі талқыланды. «Жеке құрам арасындағы заңдылық пен тәртіпті сақтау, сыбайлас жемқорлық сипатындағы әрекеттердің алдын алу, анықтау жұмыстары ерекше назарда.&nbsp;Күн тәртібінен түспейтін мәселенің бірі - сыбайлас жемқорлықпен күрес. Сыбайлас жемқорлықтың туындауына ықпал ететін себептерді анықтау және жою үшін сыбайлас жемқорлық тәуекелдеріне талдау жасауға баса назар аударылып отыр. Қазіргі қазақстандық полицияның өзекті міндеті қолжетімділік пен ашықтықты арттырып, тұрғындармен кері байланыс орнату. Өз кезегінде, полицияның ашықтығы сыбайлас жемқорлықпен күресте негізгі қағидаттардың бірі болып отыр.2022 жылғы қаңтардан бастап Мемлекет басшысы бекіткен Сыбайлас жемқорлыққа қарсы саясат тұжырымдамасын іске асыру үшін Ішкі істер органдарының қызметкерлерін Integrity Check парасаттылығына тексеру бойынша пилоттық жоба іске қосылғаны белгілі. Бұл жобаның жүзеге асырылуы полиция қатарындағы сыбайлас жемқорлықтың төмендеуіне септігін тигізбек» деді Департамент бастығы. Сондай – ақ, Махсудхан Нұғманұлы қазіргі уақытта алаяқтық, интернет алаяқтық қылмыстарының жұртты алаңдатып отырғандығын да айтты. Тіркелген алаяқтық қылмыстарды талдасақ, «Несие алуға көмектесемін», «Кезексіз жер алып беремін», «Кезектен тыс пәтер алып беремін» деп үйіп-төгіп уәде беріп, сенгіш адамдардың сеніміне кіріп, ақшасын алғаннан соң зым-зия болатын алаяқтар көп. Интернет желісі немесе ұялы телефон арқылы есеп шотына ақша салдырғаннан кейін ізін жасыруға тырысатын алаяқтар да аз емес.Президент Ішкі істер министріне интернет алаяқтыққа қарсы шараларды жандандыруды тапсырды. Бүгінгі күнге алаяқтық қылмыстардың алдын алу мен болдырмау бағытында Қызылорда облысы Полиция департаменті кешенді іс-шаралар атқарып келеді. Бұқаралық ақпарат құралдары арқылы облыстың тұрғындары арасында түсіндіру жұмыстары жүргізіліп, алаяқтардың арбауына түсіп қалмау жайлы қандай сақтық шараларын сақтау керектігі түсіндірілуде.Бұдан бөлек, Департамент бастығы қазіргі қоғамның басты індеті есірткі мәселесіне де тоқталды. Жастардың осы індетке әуестенуі қазіргі кезде үдеп бара жатыр. Ұрпақ қамын ойлаған әрбір азамат есірткіге қарсы қолдан келгенше барлық шараларды жасау қажеттігі дөп басып айтылды.Қазір барлық сала ашықтық пен жариялылық қағидатын ұстануда. «Жұртқа жақын полиция» қағидаты Жергілікті полиция қызметінің жұмысына жаңа серпін берді. Қоғаммен ашық тіл табысу, азаматтардың сеніміне ие болу, атқарылған жұмыстарды ашық көрсету және көпшілікпен бірлесе қылмыстың алдын алу жұмыстары әрбір учаскелік полиция инспекторының басты мақсатына айналғанда ғана бұл сала жұмысы нәтижелі болатыны белгілі.Бұл ретте Департамент бастығы учаскелік полиция инспекторлары, ювеналды полиция инспекторлары және патрульдік полицейлердің құқық бұзушылықтың алдын алудағы рөліне баса мән беріп, қызметін күшейтуді тапсырды.Махсудхан Нұғманұлы кейбір қызмет салаларының жұмысына қатысты сын – ескертпе айтып, бүгінгі таңда тек халықтың сенімін арттыруға ғана басымдық берілуі тиіс екендігін басып айтты.&nbsp;Сонымен қатар, кеңес барысында полицияның жұмысын жақсарту, ішкі істер органдарын цифрландыру, полицияны халыққа жақындату, оң имиджін нығайту, халықты жан-жақты және шынайы ақпараттандыру, полиция қызметін жетілдіру бағытындағы шаралар жөнінде де сөз қозғалды.Кеңес қорытындысы бойынша департамент бастығы полиция генерал-майоры Аблазимов Махсудхан Нұғманұлы жедел-қызметтік жұмыстарды қорытындылап, алдағы уақытта бұл жұмыстардың тиімділігін арттыру бойынша нақты шараларды белгіледі. Бүгінгі Жедел кеңесте қызмет басшыларына берілген тапсырмалардың орындалуын Департамент бастығы ерекше бақылауға алды.<figure class="image"><img src="https://knadmin.beoblood.kz/uploads/db728195_96bc_4b11_b5b5_b9c9b0998c7a_e6a62d7eac.jpg" alt="db728195-96bc-4b11-b5b5-b9c9b0998c7a.jpg"></figure>

Өңірдегі криминогендік ахуал тұрақты

<a href="https://kyzylorda-news.kz/">Kyzylorda-news.kz.</a> Он алты жылдан бері ауданға көршілес Асқар Тоқмағамбетов атындағы ауылдық округті басқарып, нәтижелі еңбек үлгісін көрсетіп келе жатқан Ғабдолла Алданазаров туралы ауылдастары да, былайғы танитын кісілер де жақсы пікірде. Қай-қайссынан сұрасақ та, «Ғалекең деген адалынан еңбек етіп, ауылды көркейтіп-көгалдандыруға үлес қосып келе жатқан жан. Еңбекқорлығы мен айналасын нұрландырып жүретіндігі және бар. Ауылдың жан-жақты дамуына көп көмегі тиюде» деп мақтай жөнеледі. Иә, басшымын деп бұйрық беріп қана отыруды білмейтін Ғабдолла ағаның еңбекқорлығын сұхбат құруға барғанда ауланың тазалық жұмыстарына белсене кірісіп кеткенінен-ақ аңғардық. Үлкеннің де, кішінің де көңілін тауып, мемлекеттік қызметкердің нағыз үлгісін көрсетіп жүрген ауыл әкімі туралы жылы лебізді еңбек ардагері Манат Есенбаева білдірді.<blockquote>Ғабдолла осы ауылда туып, ауыл мектебін бітіріп, кейін Алматы ауылшаруашылығы институтының ауылшаруашылығын механикаландыру факультетін бітірген инженер-механик. Институтты бітірісімен туған жерге келіп бригада механигі болып жұмысқа араласып кетті. Кейін шеберхана меңгерушісі, бас инженер-механик қызметтерін абыроймен атқарды. Аудандық мәслихат депутаты болған жылдары да ауыл мәселесін жоғары жаққа жеткізе алды. Яғни ауылдың жай-күйімен бала күннен таныс, осы ауылдың сайы мен ойын түгел білетін адам. Көпбалалы отбасынан шыққан. Әкесі Рүстем Алданазаров – өте білікті, білімді, бүкіл ғұмырын ауыл мектебіне арнаған азамат. Анасы Зейнеп – он бір баланы дүниеге әкелген алтын жұлдызды «Батыр ана». Осындай ұлағатты отбасынан тәрбие алған Ғабдолла өзінің бар күш-жігерін ауылға жұмсап келе жатыр. Ғабдоллаға қызмет бабында жоғарылауға көп мүмкіндік болды. Тіпті ауданға жақсы қызметке ұсыныс болғанына өзім куәмін. Бірақ ол ауылдан кіндік үзгісі келмеді. Бар еңбегін ауыл халқының жағдайын жақсартуға арнап келеді. Ауыл әкімі қызметіне сайланғалы бері де талай шешуі қиын шаруа өз жолын тауып жатты. Оның еңбегін ел-халық біліп отыр. Адам жасаған өмірінің ұзақтығымен емес, елге сіңірген еңбегімен бағаланады, – дейді еңбек ардагері.</blockquote>Өзі де кезінде ауылсоветтің председателі қызметін атқарған Манат Есенбаева ауыл әкіміне жүктелер міндет көп болғанымен, оны жүзеге асырудың толық мүмкіндіктері бола бермейтінін және айтып өтті. Осы ретте талай басшының ебін таппаған шаруаларын үйлесімді реттеп, ауылды көгалдандырған Ғабдолла Рүстемұлын «ауыл тарихында өзінің жақсы қолтаңбасын қалдырып үлгерген азамат» деп бағалайтынын айтты.Көптің алғысы мен ризалығына ие болған Ғабдолла Алданазаров расында да ауылдық округтің жаңа заман талабына орай жаңаруына қолынан келгенше тиісті жұмыстарды жасап келеді. Сөзімізге дәлелді ақын атын иемденген ауылдың облыс бойынша ең бірінші болып ауыз суды әр үйге кіргізуге жағдай жасауынан аңғарсақ болады.<blockquote>&nbsp;Ауыл тұрғындары ауызсуды орталықтан тасып ішетін еді. Бұл шет жақтарда тұратын тұрғындар үшін қиындық туғызатын. Жақын жердегілерге де, әрине, оңай емес. Осы мәселені көтеріп облысқа жеті рет барыппын. Ешқайссы өнімсіз болды. Сол кезде Алмагүл Божанова апайымыз облыстық мәслихат депутаты еді. Ниетің түзу болса, Жаратқан да жақсы адамдарды жолықтырып қояды ғой. Алмагүл апайдың көмегімен мәселе оңтайлы шешім тауып, ауыл облыс бойынша ауызсуы әр үйге жеткізілген бірінші ауыл болған, – дейді өткен кезеңге көз жүгірткен Ғабдолла аға.</blockquote>Одан бөлек қазір ауылдық округте интернет желісі де орнатылған. Көгілдір отынмен қамтамасыз ету үшін де тиісті жұмыстар жасалуда. Ауылдық амбулаторияның жаңа заман талабына сай жөндеуден өтіп жатқаны да үлкен жұмыстың нәтижесі деп білеміз. Мемлекеттік қызметкердің Әдеп Кодексін қызмет барысында қатаң ұстанатын білікті басшы мемлекеттік қызметтің оңай сала емес екенін айтады.<blockquote>&nbsp;Оңай жұмыс емес. Мемлекеттік қызметшіге ең алдымен мәдениеттілік, сыпайылық керек. Жауапкершілік пен ерік-жігердің мықтылығы да қатар жүруі тиіс қасиеттер. Тілектес адамдармен қатар сыншылар да жиі ұшырасып жатады. Жан-жақты болып, барлығына үлгеріп отыру қажет. Кейінгі буынға айтарым, жұмыстан, қиыншылықтан, жауапкершіліктен қашпау керек, – дейді тәжірибелі маман.</blockquote>Көпбалалы өнегелі отбасынан тәлім мен тәрбие алып өскен Ғабдолла Алданазаров – қарапайым жан. «Әке көрген оқ жонар, Ана көрген тон пішер» демекші, әке мен ананың үлгісін көріп өскен азамат бүгінде өзі құрған отбасын да айрандай ұйытып, ұл-қызы мен немерелерінің қызын көріп отырған жайы бар. Жұбайы Кенжегүл апамыз – жоғары санатты ұстаз, бүгінде білім саласының ардагері. Екеуі екі ұл мен екі қызды тәрбиелеп өсірген. Ұлдың үлкені әке жолын қуып мемлекеттік қызмет саласында абыройлы еңбек етуде. Екінші ұл – әскери қызметкер. Қыздар анасына қарап бой түзеген. Екеуі де ұстаздық ұлы жолды өмірлік мамандық етіп таңдаған. Көпбалалы ұлағатты жанұяны ұл мен қыздан тараған он немере мен жиеннің күлкісі қуанышқа бөлейді.Қызметтен бөлек ұсталық өнері бар Ғабдолла аға құрылыс жұмыстарына да епті екенін айтып қалды. Одан бөлек ауласындағы төрт түлік пен бау-бақшаны баптауға да уақыт табады. Ауылды көркейту жолындағы еңбегі басшылық тараптан еленіп, «Сырдария ауданының 90 жылдығы» төсбелгісімен, облыс, аудан әкімдерінің арнайы марапаттарына ие болған. Сондай-ақ 2010 жылы «Сырдария ауданының үздік ауыл әкімі» атағын алуы да лайықты марапат деп білеміз.Өмірі, отбасы, қызметтегі адалдығы, еңбексүйгіштігі мен жауапкершілігі кейінгі буын жастарға үлгі болған азаматты мемлекеттік қызметшілердің кәсіби мерекесіне орай көпке өнеге етуді жөн санадық. Адал еңбегімен ауыл тарихында өзіндік қолтаңбасын қалдырып үлгерген Ғабдолла Рүстемұлының алдағы жоспарларына сәттілік тілей отырып, кәсіби мерекемен құттықтаймыз!&nbsp;&nbsp;

Мемлекеттік қызметшілер ашықтық пен адалдықты басты ұстаным етуі тиіс

<a href="https://kyzylorda-news.kz/">Kyzylorda-news.kz.</a> Денсаулық сақтау саласы үшін халыққа сапалы медициналық қызмет көрсету – басты міндет. Бұл тұрғыда облысымызда атқарылып жатқан жұмыстар да жетерлік. Мәселен, алдағы екі жылда аймақта 27 денсаулық сақтау нысаны бой көтереді. Бүгінде шаһардың сол жағалауында заманауи &nbsp;облыстық қан орталығының, 100 келушіге арналған емханасы бар 300 төсектік көпбейінді аурухананың құрылысы қарқынды жүріп жатыр. Бұл туралы Өңірлік коммуникациялар қызметінің ақпараттық алаңында өткен баспасөз конференциясында облыстық денсаулық сақтау басқармасының басшысы Олжас Искаков мәлімдеді.<blockquote>-Саланы қаржыландыру жыл сайын артып келеді. Осы жылы сала бюджеті- 104,1 млрд. теңгені құрады. Осыған сәйкес аймақтың медициналық мекемелерін заманауи техникамен қамтамасыз етуге 3,4 млрд теңге бөлініп отыр. Өткен жылы жабдықталу 83,5 пайызды құрап, медициналық мекемелерге 20 санитарлық автокөлік беріліп, шалғай елді мекендердегі тұрғындарға қызмет көрсету үшін 5 жылжымалы кешен ұйымдастырылды. Бүгінде аймағымыздың 18 стационарлық және 26 амбулаториялық медицина ұйымдарында екі жарым мыңнан аса дәрігер, он мыңға жуық орта буын маман &nbsp;адамның денсаулығы мен өмірін сақтау жолында адал еңбек етуде. Аймақтағы жеткен жетістікте алтын жүректі дәрігерлердің &nbsp;әрқайсының маңдай тері, ерен еңбегі, жоғары жауапкершілігі жатыр. Әлемде қанша мамандық болса, олардың әрбірінің адам үшін маңызы зор. Әйтсе де, адам жанының арашасы болған ақ халатты абзал жандардың орны ерекше екені белгілі.Осы орайда, медицина қызметкерлерінің күні қарсаңында ардақты әріптестерімді келе жатқан кәсіби мерекелерімен шын жүректен құттықтаймын,-деді Олжас Ермекұлы.</blockquote>Айта кетейік, биыл «Ауылда денсаулық сақтауды жаңғырту» жобасы бойынша елді мекендерде 15 дәрігерлік амбулатория, 1 МП пайдалануға беріледі. Ал қалған 11-і 2024 жылы іске қосылмақ.

Қызылорда облысында денсаулық сақтау саласы серпінді дамуда

<a href="https://www.hse.ru/news/communication/540067377.html">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Мемлекеттік саясаттың басым бағыттарының бірі – &nbsp;жемқорлықпен күрес екені жасырын емес. Оның алдын алу немесе жолын кесу қазіргі таңдағы мемлекеттік органдардың қызметіндегі басты басымдыққа айналды десек болады. Аудан бойынша «Қоғамдық санада сыбайлас жемқорлықтың көріністеріне жол бермеуді қалыптастыру» жобасы 2014 жылдан бері жүзеге асырылуда. Жыл сайын ҮЕҰ-дар және құқық қорғау органдары, тиісті жергілікті атқарушы органдар арасында өзара меморандумға қол қойылып, &nbsp;аудан тұрғындары арасында сыбайлас жемқорлыққа мүлдем төзбеушілікті қалыптастыруға және ақпараттық-насихаттық жұмыстар, тұрғындарға құқықтық кеңестер мен түсіндірме жұмыстар жүргізілуде.2022 жылы жергілікті бюджеттен «Қоғамдық санада сыбайлас жемқорлықтың көріністеріне жол бермеуді қалыптастыру» әлеуметтік жобасы жүзеге асырылды. Жоба бойынша «Сырдария-Нұрдария» қоғамдық қоры жыл көлемінде профилактикалық іс-шараларды жүргізді.<blockquote>– Жоба аясында 14 кездесу, 4 акция, 5 қоғамдық қабылдау, 1 байқау, 10 мақала, 100 әдестемелік нұсқаулық таратылды. Биылғы жылы, облыс әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссия отырысының хаттамалық тапсырмасына сәйкес сыбайлас жемқорлыққа қарсы мәдениетті қалыптастыру саласындағы әлеуметтік жобаның қаржысы қайта қаралып, аудандағы жалпы жобалардың қаржысының 5 пайызына дейін ұлғайтылды. &nbsp;Қазіргі таңда, жергілікті бюджеттен бұл бағыттағы жұмыстарға 3 млн.теңге қаржы қаралып отыр. Жобаның техникалық ерекшелігіне ҚР Үкіметінің 2021 жылғы31 мамырдағы №358 қаулысының №4 Үлгілік базалық бағытының «Сыбайлас жемқорлыққа қарсы мәдениетті нығайту» жобалар тобының іс-шаралары бойынша жасақталды, – деді аудандық қоғамдық даму бөлімінің басшысы Бейбіт Смайлов.</blockquote>«Қоғамдық санада сыбайлас жемқорлықтың көріністеріне жол бермеуді қалыптастыру қызметі» аясында аудан көлемінде Сыбайлас жемқорлыққа қарсы тақырыбында &nbsp;заңнамалар жиынтығы және құзыретті органдардың сенім телефондары көрсетілген ақпараттық 500 дана таратпа материал шығарып тарату, құқықбұзушылық, қылмыстылық, сыбайлас жемқорлық көріністерін алдын- алу бойынша 3 бейнеролик дайындау, аудан тұрғындары арасында сыбайлас жемқорлыққа қарсы қағидатын қалыптастыру бойынша 13 ауылда кездесу, кентте 1 семинар өткізу жоспарланған. Сонымен бірге «Парасатты отбасы» байқауын ұйымдастыру қолға алынады. «Жемқорлықсыз әлем!» тақырыбы бойынша сурет салудан байқау, «Сыбайлас жемқорлық – қоғам дерті» тақырыбында үздік мақала байқауы, Сыбайлас жемқорлыққа төзбеушілікті қалыптастыру бағыты бойынша БАҚ өкілдері арасында шағын футболдан облыстық турнир, баннер мен посттерлер дайындау, интелектуалдық сайыс ұйымдастыру жүзеге асырылатын болады.<blockquote>«Мемлекеттік сатып алу туралы» Қазақстан Республикасының Заңына сәйкес, мемлекеттік сатып алу порталына жарияланды. Құжаттары тексеріліп, «Сырдария-Нұрдария» қоғамдық қоры жеңімпаз деп танылды. Қолданыстағы заңдылықтарға және техникалық ерекшеліктерге сәйкес жұмыстарын бастауда. Аудандық «Тіршілік тынысы» газетінде арнайы тақырыптық айдар ашылып, «Сыбайлас жемқорлықтың алдын алу» тақырыптарында мақалалар тұрақты жариялануда. &nbsp;Барлық ауданға қарасты әр ауылда тақырыптық 1 билбордтан орнатылса, аудан орталығында 2 билборд орнатылды. Сонымен қатар барлық аудан әкімдігіне қарасты мемлекеттік қызмет көрсетілетін мекемелерге «1424» сенім телефоны, «Адалдық алаңы» жобасының «Пайда ойлама, ар ойла», «Пара алма, пара берме», «Жемқорлыққа жол берме» ақпараттық материалдары орнатылды. Бұл бағыттағы жұмыстар жыл соңына дейін жалғасын табады, – деді қоғамдық даму бөлімінің басшысы Бейбіт Смайлов.</blockquote>&nbsp;&nbsp;

Сырдарияда сыбайлас жемқорлықтың алдын алу жұмыстары жүргізілді

<a href="https://kyzylorda-news.kz/">Kyzylorda-news.kz.</a> Қоғамда адамдарды еліктіру, олардың сенімін баурау қарқын алып барады. Және бұл барлық саланы қамтып келе жатқаны қобалжытады.«Ауруыңнан айықтырады, көзіңді шайдай ашып, аяғыңнан тік тұрғызады» деп не түрлі дәрі дәрмек, қоспалар және әдіс-тәсілдер ұсынады. Тіпті ел аралап қызмет көрсетіп жүргендер қаншама?!«Санаңды өзгертем, ақылыңды толтырам, керемет бақытты боп кетесің» деген уәжбен тренерлер мен коучтар да самсап жүр. Ал енді «ештеңе істемей ақша табасың, байып кетесің» деген ұсыныстар түрлі ойындар мен күмәнді жобалар арқылы азаматтарды қаржылық банкроттыққа ұшыратып отыр.Бүгінгі ақпарат азаматтарды бейнетсіз тез табыс табуға үндейтін, қызықтырып еркін алатын қаржы пирамидасы, қаржылық алаяқтық және заңсыз ойын бағыты бойынша.2023 жылдың 26 сәуірінде шыққан Қазақстан Республикасының Заңдылықты, құқық тәртібін және қылмысқа қарсы күресті қамтамасыз ету жөніндегі Үйлестіру кеңесінің шешімімен кәсіпкерлерге қатысты басталған қаржылық пирамиданы құру және оған басшылық ету, алаяқтық және өзінше билік ету бойынша қылмыстарды тергеу құзыреті толығымен Қазақстан Республикасы Қаржылық мониторинг органдарына берілді.&nbsp;2023 жыл басынан бері Агенттік еліміздің әр аймақтарынан 30-ға жуық қаржы пирамидасын анықтаған.&nbsp;Қызылорда облысы бойынша экономикалық тергеп-тексеру департаменті соңғы айларда қаржы пирамидасын құрып, оған басшылық жасады деген күдікпен екі факт бойынша сотқа дейінгі тергеуді жүргізуде. Оның бірі – «Chia Tai Pharmaceutical» компаниясының қызметіне қатысты. Адамдарды «www.kzccttqql.com» қосымшасы арқылы медициналық мақсаттағы «CP Pharma» өнімдеріне қатысты салымшы ретінде тартуды жүзеге асырған бұл компания қызметі бойынша арызданған жерлестердің саны 100-ге жуық. Олардың салымы түріндегі залал сомасы – 100 млн теңгеден асып жығылды.&nbsp;Қазақстан Республикасы Қылмыстық кодексінің 207 бабы 2 бөлігі 1 тармағымен және бір сотқа дейінгі тергеу басталды. Облыс аумағында «Qnet» қаржы пирамидасын құрып, оған басшылық жасады деген күдікпен басталған бұл тергеуде анықталғандай қаржы пирамидасының қызметіне 17 азамат тартылған және залал көлемі 17 млн теңгені құрап отыр.&nbsp;Осы орайда айта кету керек, біздің органның міндеті – қылмысты анықтау, оны тергеу ғана емес, заңбұзушылықтың алдын алу.&nbsp; Қаржылық алаяқтық деген қоғамға, адамдарға зардабын көп тигізіп отырған құбылыстың бірі. Сондықтан бүгінгі күннің мәселесі – осындай қаржылық алаяқтықты тоқтату, оны болдырмаудың шарасын жасау.&nbsp;Осы мақсатта 2022 жылы Қазақтан Республикасы Қаржылық мониторинг агенттігі – қаржы пирамидалары мен алаяқтық сайттарын анықтау бойынша әлеуметтік желіге мониторинг жүргізе бастады. «Кибернадзор» ақпараттық жүйесі арқылы қаржы пирамидасы белгісі бар сайттар мен сілтемелерді бұғаттау үшін Қазақстан Республикасының цифрландыру министрлігі жанынан арнайы эксперттік топ құрылған. Жүйе іске қосылғаннан бастап қаржы пирамидасы белгілері бар 4000-ға жақын сайттар мен аккаунттар бұғатталды. Оның ішінде, қызылордалық мамандардың жұмысы нәтижесінде осы эксперттерге 284 сайттар мен сілтемелерді бұғаттауға жолдама берілген, оның 129 сілтемесі бұғатталды, 73 сілтеме эксперттің бақылауында, 47 сілтеме «қол жетімсіз», яғни бұғаттауға берілгеннен кейінгі сәтте &nbsp;жабылып қалған.Қолға алынған және нәтижесі көріне бастаған келесі жоба – жастарды қаржылық алаяқтықтан сақтандыру мақсатында оқулар жүргізу. Қызылорда қаласындағы мектептер мен колледждерде 2022 жылдың қазан айынан бастап «Қаржылық сауаттылық негіздері» тақырыбында семинар-сабақтар өткізу &nbsp;қолға алынды. Осы оқу жылында 32 мектепте, 11 колледжде және «Қорқыт Ата» атындағы Қызылорда университеті мен «Ашық» университетінде барлығы 48 кездесу өткізілді. Мұндай кездесулерде алаяқтықтың түрлерін көрсетеміз, олардан сақтану жолдарын және алгоритмін түсіндіреміз. Видеороликтер мен фильмдер көрсету арқылы түрлі оқиғалардан сақтануға шақырамыз.&nbsp;Қызметкерлерден құрылған спикерлер тобы барлық аудандарда болып, еңбек ұжымдарында, жастар орталығында кездесулер өткізді. Және аудандық мектептер мен Шиелі, Арал, Қазалы аудандарындағы аграрлық-индустриялдық колледж оқушыларымен де осындай түсіндірме семинарлары жүргізілді.Биылғы жылдың бұл бағыттағы тағы бір жаңалығы – Қаржылық мониторинг агенттігі Білім министрлігімен бірлесіп, 10-11 класс оқушылары арасында «Қаржылық қауіпсіздік» тақырыбында алғаш рет олимпиада өткізді. Облыстық білім басқармасы арқылы барлық мектептерге хабарлама жасалып, бірқатар қызылордалық оқушылар осы олимпиадаға қатысуға тіркелді. Алғашқы онлайн өткізілген тест тапсырмаларынан жоғары балл жинаған қаладағы №3, №9, №112 және №144, жеке «Мансап» мектептерінің оқушылары Астана мен Алматы қалаларында өткен екінші кезеңге оффлайн қатысты. Екі оқушымыз жүлделі 3-орынды иеленіп қайтты.Олимпиаданың мақсаты – қаржылық-құқықтық сауаттылықты көтеру, қаржылық қауіпсіздіктің заманауи трендтерін көрсету, қаржы саласындағы тәуекелдер мен қауіпке қарсы тұруды үйрету. &nbsp;Балалар қаржылық қауіпсіздік туралы кеңірек білетін болады, одан сақтану үшін әрі қарай тақырыпты зерттей алады. Жас балалар жеңімпаз болып жетістікке жетеді, сонымен қатар басқаларға қаржылық сауаттылықты үйрететін болады.Қаржы пирамидасынан сақтандыру шаралары барынша пайдаланылуда. Үстіміздегі жылдың мамырында ҚР ҚМА қаржы пирамидасы ретінде әрекет етеді деген күдікке ілінген, сондай ақ сот үкімі шыққан ұйымдардың кеңейтілген тізімін жариялады. Сонымен қатар, қаражатын инвестициялау кезінде азаматтар білгілі бір компанияда қаржылық пирамида белгілерінің бар-жоқтығын тексеру үшін Агенттіктің телеграмм ботын пайдалана алады. Жыл басынан бері бұл ботқа 3511 өтініш келіп түскен.Десе де, қаржылық алаяқтық жобалары таусылар емес, және адамдардың «жылдам әрі еңбек етпестен табыс табуға» деген құлшынысы да олардың өмірін ұзартып отыр.Жарнамасы мықты, ұсынысы көз қызықтырып қол бұлғап шақырып тұрған саланың бірі – заңсыз құмар ойындар. &nbsp; &nbsp; &nbsp; Өткен 2022 жылы Қызылорда облысы бойынша экономикалық тергеп-тексеру департаментінің өндірісінде 18 қылмыстық іс болды. 18 ойын орны жабылды. 17 қылмыстық іс аяқталып, соттың шешімі шықты. Заңсыз ойын орындарын ұйымдастырған азаматтар, заң шеңберінде, түрлі көлемде айыппұлға тартылды, 6 айдан 2 жыл 6 айға дейінгі әртүрлі мерзімге бас бостандығын шектеу жазаларын алды. Айта кететін бір жағдай, жалға берілген ғимарат пен пәтер иелеріне бұдан әрі «заңсыз ойын қызметіне үй-жайларын берген жағдайда» қылмыстық жауапкершілікке тартылатыны туралы жазбаша ескерту тапсырылды.Жергілікті телеарнамен бірлескен бірнеше талдау материалдарын жасап, оған осы ойынқұмарлықтан зардап шеккен адамдарды, психолог-дәрігерді қатыстырдық. Мұндай шаралар адамдарға ой салады, &nbsp;оң нәтижесін береді деген мақсатпен жасалады. Заңсыз ойын орындары құрықталу барысында &nbsp;олардың кассасынан дәл сол сәттегі ақшалай табыс тәркіленеді. Мұндай орындарда ойыншылармен көбінесе қолма қол ақшамен есептесетін болғандықтан заңсыз ойын нүктесінің нақты табыс көлемі анықтала бермейді.&nbsp; Мысалы, үстіміздегі жылдың қаңтар айында Қызылорда қалалық сотының үкімімен 2 жыл мерзімге бас бостандығын шектеу жазасына кесілген азаматша У.А. заңсыз ойын кәсібін жүргізген алты ай ішінде 8 млн 190 мың теңге табыс тапқан. Бұл ірі мөлшерге жатады. Ойын орнын ұйымдастырушы Алматы қаласының тұрғыны болғандықтан, оның барлық есеп-қисабы жазбаша жүргізіліп отырған. Сондықтан ғана сарапшылардың барлық құжаттамалық негізбен жүргізген есебі арқылы ойыннан түскен табыс көлемін анықтау мүмкін болды.&nbsp; Мұндай көлемді қаражат ойынға қатысушы азаматтардың отбасылық бюджетіне келтірілген залал екені түсінікті.&nbsp;Қазіргі кезде, сонымен қатар, жастар арасында ерекше танымал және белсенді – «Тик Ток» желісінде таратылған құмар ойындар да құрықталуда. Бұлар, негізінен, карта ойыны, сүйек лақтыру және онлайн рулетка («тринька», «свара», «кубики» и онлайн рулетка) болып келеді. Барлық ойынның принципі бірдей: оның төрттен бірі ұйымдастырушыда қалады, қалғанын жеңімпаз алады. Бәс тігулерді қабылдау және ұтыстарды беру банктік онлайн аударымдар арқылы жүзеге асырылады. Өткен жылы жүргізілген желілік талдау нәтижесінде эксперттер 100-ден астам осындай аккаунттарды анықтады. Жақында ғана осындай «Тик Ток» желісінде құмар ойын ұйымдастырған Алматы қаласының 2 тұрғыны 1,5 жыл мерзімге бас бостандығын шектеу жазасын алды. Тергеу барысында анықталғандай олар бұл қызметтен 4 айда 13 млн теңге табыс тапқан.&nbsp; Бұл – заңсыз әрекет!ҚР ҚК-нің 307 бабында заңсыз ойын бизнесін ұйымдастырғаны үшін жауапкершілік қарастырылғанын ескерте отырып, азаматтарды қырағылыққа шақырамыз.

Жыл басынан бері 30-ға жуық қаржы пирамидасы анықталды

<a href="https://kyzylorda-news.kz/">Kyzylorda-news.kz.</a> Шаһар басшысы Асылбек Шаменов халықпен тығыз байланыста болу, олардың мұң-мұқтажы мен ұсыныс-тілектерін жүзбе-жүз тыңдау мақсатында тоқсан сайын кездесу өткізіп, көтерілген мәселелер ескерусіз қалмай кезең-кезеңімен шешілуде.Қала әкімінің елдімекендерді аралау сапары бүгін де өз жалғасын тауып, Қызылөзек, Талсуат, Ақжарма және Ақсуат ауылдық округтерінің тыныс-тіршілігі мен қазіргі атқарылып жатқан жұмыстар барысы сараланды.Қызылөзекте «Ауыл – ел бесігі» бағдарламасы аясында 173 млн 832 мың теңге бөлініп, 6 көшеге орташа жөндеу жұмыстары жүргізілуде. 2 көшеге жаяу жүргіншілер жолын салу және 2 көшеге түнгі жарық бағаналарын орнату бойынша мемлекеттік сатып алу конкурстары жүруде.Асылбек Өмірбекұлы кездесуде ауыл әкіміне мемлекет ұсынған бағдарламаларға көбірек қатысуды, елдімекеннің тыныс-тіршілігін әлде де ширатуды тапсырып, ауыл тұрғындарының ұсыныс-тілектеріне құлақ түрді. Ауылдағы ағайын өзекті мәселелердің шешімін тауып келе жатқандығын айтып, қоғамдық көлік қатынасын реттеуді сұрады. Бұл талап қыркүйек айына дейін орындалатын болды.Содан соң Талсуат ауылына ат басын бұрған қала басшысы елдімекен ажарын келтіруге бағытталған жұмыстармен танысты. Жергілікті бюджеттен бөлінген қаражатқа елді мекендегі көшелердің түнгі жарық бағаналарын күтіп ұстау жұмыстары жүргізілуде. Ауылдық округтегі 13 көшені электрмен жабдықтау үшін жобалау-сметалық құжаты әзірленіп, «Ауыл-Ел бесігі» жобасымен қаржысы шешілді.Сондай-ақ, «Қызылорда-Траст» және «Орда Автодор» ЖШС конкурс жеңімпазы деп танылып, ауылдағы 8 көшені асфальттау жұмыстары басталып кетті. Ауыл тұрғындарының мемлекеттік бағдарламаларға қатысу көрсеткіші артып, жыл басынан 13 тұрғын жылқы, қой, түйе, шаруашылығы, жылыжай құрылысы, жүк тасымалдау жобасымен жалпы сомасы 77 млн.760 мың теңге несие алды.Өткен жылы құрылысы басталған 150 орындық клуб ғимараты тамыз айында пайдалануға беріледі. Ойын алаңдарына ағымдағы жөндеу жасалынып, түнгі жарықтандыру сияқты инфрақұрылымды жаңғыртуға бағытталған жоспарлары бар ауылдың тұрғындары қала әкімімен кездесуде елдімекендегі жүйелі жұмыстарға көңілі толатынын айтып, бірқатар көкейде жүрген мәселелерін жеткізді. Шаһар басшысы ұсыныстардың оң шешу жолдарын қарастыруды тиісті сала басшыларына жүктеді.Қала әкімінің жұмыс кестесіндегі келесі елдімекен - Ақжарма ауылдық округі. Ауылда көптен бері өзекті мәселенің бірі саналып келген дәрігерлік амбулаторияның құрылысы басталды.Округте бұқаралық спорт түрлері жақсы дамуда. Спорттық үйірмелерде 192 жасөспірім спортпен шұғылдануда. Қазіргі кезде «Талдыарал» футбол клубы облыстық «В» тобында ойын көрсетуде. Ақжармалық жасөспірімдер өнерде де оқ бойы озық атанып келеді. Мәдениет үйіндегі Гүлназ Рысбекова «Қазақстан дауысы» балалар мега жобасына 6000 қатысушы арасынан жолдама алып, көрмей таңдау кезеңінен жекпе-жек сынына өткен.Ауылдың инфрақұрылымын жаңғырту мақсатында ауқымды жұмыстардың жобалы-сметалық құжаттары дайындалып, оң шешімі күтілуде. Яғни, Баймұрат батыр ауылындағы арықтарға науа салу, 3 көшеге орташа жол жөндеу, Талдыарал елді мекеніне тренажер жабдықтары мен футбол алаңын салу, елдімекенге газ жүргізу секілді жұмыстар атқарылады.Елдімекендегі өзекті мәселе ұялы байланыстың, интернет жылдамдығының төмендігі. Оған қатысты шұғыл шаралар қабылданып, жауапты мекемемен бірлесе жұмыстар жасалынады.Қала әкімінің жұмыс кестесін түйіндеген келесі елдімекен Ақсуат ауылдық округі. Мемлекеттің шағын және орта кәсіпкерлікті дамытуға жасап жатқан қолдауының арқасында бұл ауылда 524 кәсіпкерлік субъектісі тіркеліп, жаңа жұмыс орындары ашылды.Ең өзекті мәселелердің бірі саналған табиғи газбен қамтамасыз ету шешімін тапты. Жыл басынан бері «Өңірлік инвестиция орталығы» микро қаржылық ұйымы арқылы «Іскер» бағдарламасымен 42,1 млн. теңгені құрайтын 7 жоба, «Аграрлық несие корпорациясы» АҚ арқылы «Іскер» бағдарламасы аясында 10,9 млн.теңгені құрайтын 2 жоба қаржыландырылды. Сондай-ақ, «2021-2025 жылдарға арналған кәсіпкерлікті дамыту жөніндегі ұлттық жоба» бағдарламасымен 4 жоба қайтарымсыз грантқа ие болды.Ауылдық округ тұрғындарының табысын арттыруға арналған «Ауыл аманаты» жобасына 127 жоба ұсынылды. Бұқаралық спортты дамыту мақсатында 3 спорт ойын алаңы, көше тренажеры және мектептерде спорттық үйірмелер жұмыс жасауда. «Samruk-Kazyna Trust» корпоративтік қоры ауыл орталығынан 239 млн. теңгеге спорт кешенінің құрылысын жүргізіп, биылғы жылы пайдалануға бермек.Ауыл халқымен кездесуде шаһар басшысы тұрғындардың өзекті ұсыныстарын тыңдады. Асылбек Өмірбекұлы мемлекеттік бағдарламалардың мүмкіндіктер ағынын ауыл әкімдері тиімді пайдалану қажеттігін айтып, жауапты сала басшыларына жоспарланған жұмыстарды жүйелеуді тапсырды.<blockquote>«Өздеріңізге белгілі, ауылда бүгінгі күнге дейін шешімі табылған және алдағы уақытта жүзеге асырылатын жұмыстардың барлығы өткен жылғы кездесуімізде көтерілген өзекті мәселелер. Бұл халықтың ұсыныс-тілектері ешқашан назардан тыс қалмайтынының айқын дәлелі. Барлық жұмыс тікелей өз бақылауымда болады»,- деді қала әкімі Асылбек Шаменов.</blockquote>Тоғыз жолдың торабында орналасқан шаһар мен оған қарасты кент және ауылдық округтердің күрмеулі мәселелерін шешіп, даму қарқынын бәсеңдетпеу мақсатында жүйелі жұмыстар жалғаса бермек.<figure class="image"><img src="https://knadmin.beoblood.kz/uploads/354527742_3383154188617982_6558343915202934075_n_ec2fdd0b04.jpg" alt="354527742_3383154188617982_6558343915202934075_n.jpg"></figure>

Ақсуат ауылында 524 кәсіпкерлік субъектісі тіркеліп, жаңа жұмыс орындары ашылды

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев сыбайлас жемқорлықпен ымырасыз күресу мемлекеттік саясаттағы негізгі басымдықтың бірі екенін атап өткен болатын. Ел Президентінің пікірінше, заң үстемдігін орнатып, нағыз құқықтық мемлекет құру үшін, ең алдымен, жемқорлықтың тамырына балта шабу керек. Қазіргі уақытта сыбайлас жемқорлыққа қарсы күресті күшейту бойынша жұмыс жалғасуда және үнемі жетілдіруде.&nbsp;Осыған байланысты біздің елімізде Қазақстанның сыбайлас жемқорлыққа қарсы саясатының 2022-2026 жылдарға арналған тұжырымдамасы бекітілді. Негізінен, тұжырымдаманың мақсаты – мемлекеттің сыбайлас жемқорлыққа қарсы саясатының тиімділігін арттыру, сыбайлас жемқорлықтың кез келген көріністеріне «мүлдем» төзбеушілік атмосферасын қалыптастыру, сыбайлас жемқорлықтың деңгейін төмендету арқылы сыбайлас жемқорлыққа қарсы қозғалысқа бүкіл қоғамды тарту болып табылады. Аудандық құрылыс, сәулет және қала құрылысы бөлімінде жемқорлықпен күрес мемлекеттік саясаттың және сыбайлас жемқорлыққа қарсы іс-қимыл жөніндегі салалық бағдарлама аясында тиісті жұмыстар атқарылуда. Өз кезегінде аудандық құрылыс, сәулет және қала құрылысы бөлім басшысының міндетін атқарушы Сабит Аймаханов аталған салаға байланысты бөлімде атқарылып жатқан жұмыстарға тоқталды. &nbsp;&nbsp;<blockquote>Аудандық құрылыс, сәулет және қала құрылысы бөлімінің бағынысты қызметкерлеріне &nbsp;қолданыстағы заңнамаларда көзделген шектеулердің қатаң сақталуын қамтамасыз ету, орындаушылық тәртібіне, жүріс-тұрысына бақылау күшейтілді. Сонымен қатар сыбайлас жемқорлықтың кез-келген фактісі төтенше жағдай ретінде қаралып, оның орын алуы себеп-салдарын анықталуын қамтамасыз ету мақсатында Бөлім қызметкерлері арасында түсіндірме жұмыстары, құқықтық оқытулар жүргізіліп, бөлімнің (фейсбук) ресми парақшасында жарияланып, қатаң бақылауға алынған. Бөлімде өткізілген жиналыс отырысында айтылған сын-ескертпелерден қорытынды шығарып, ұжымда сыбайлас жемқорлық фактілеріне жол бермеу іс-шарасы бекітілді. Сыбайлас жемқорлыққа қарсы күресті жетілдіру мақсатында Бөлім ғимараты ішінде жемқорлыққа қарсы агитациялық стендтер ілінген, жеке және заңды тұлғалардың өз мұқтаждары мен көзқарасын бiлдiргісі келген жағдайда бөлім басшылығының «Жеке және заңды тұлғаларды қабылдау кестесі» бөлімнің көрнекі жерінде ілінді және «Азаматтар мен заңды тұлғалар өтініштерін қабылдау» жәшігі орнатылған, интернет желісінде бөлімнің арнайы Фейсбук әлеуметтік парақшасы тұрақты түрде жұмыс жасауда. Фейсбук әлеуметтік парақшасы арқылы Сыбайлас жемқорлықтың алдын алу мақсатында түрлі тақырыптағы бейне роликтер мен материалдар жарияланды. Алдағы уақытта белгіленген мақсат-міндеттерді орындауға бар күш-жігерімізді жұмылдырып, құрылыс, сәулет және қала құрылысы аясындағы жемқорлыққа қарсы жүргізіліп жатқан жұмыстарды жалғастыратын боламыз, – деді Сәбит Аймаханов.</blockquote>Жалпы, биылғы жылы бөлім арқылы жалпы құны 2,4 млрд.теңгеге &nbsp;11 жобаның құрылысы іске асырылуда. Оның ішінде, 2,1 млрд.теңгеге 8 жобаның құрылыс жұмыстары жүргізілуде. Мәселен, Айдарлы, Аманкелді, Қоғалыкөл, Жетікөл елді мекенін электрмен жабдықтау, Бесарық спорткешені, Жетікөл елді мекеніндегі 3 бөлмелі екі тұрғын үй құрылысы, Тереңөзек кентіндегі инфрақұрылым қиыршықтас жолының құрылысы (100 және 35 га) жүргізілуде. 246 млн. теңгеге 3 жобаға облыстық мемлекеттік сатып алу басқармасы арқылы мемлекеттік сатып алу жұмыстары жасалуда. Біздің мекеменің мамандары комиссия құрамында төраға, мүше болып қатысып жүргені мәлім. Бөлім тарапынан құрылысы жүріп жатқан нысандардың бөлінген қаржының уақытылы игерілуі, сыбайлас жемқорлыққа жол бермей, тұрақты түрде құрылыс жұмыстарының сапасы қатаң бақылауға алынған.&nbsp;Мемлекеттік көрсетілетін қызмет бойынша бөлім тарапынан 5-мемлекеттік қызмет көрсетіледі 2023 жылдың 5-айында 418 қызмет көрсетілді. Оның ішінде 62-і қызмет халыққа қызмет көрсету орталығы арқылы көрсетілсе, 356-і «Электронды үкімет» веб-порталы арқылы көрсетілді. Сондай-ақ, бөлім ғимаратында «Өзіне-өзі қызмет ету бұрышы» &nbsp;орнатылып, тұрақты түрде жұмыс жасауда.&nbsp; Сырдария ауданы бойынша нысаналы индикаторларының 2023 жылдың 5 ай қортындысымен орындалуы бойынша, аудан көлемінде 6453,3 шаршы метрге тұрғын үй салынып, 2022 жылдың тиісті кезеңімен салыстырғанда 136,8 пайызға орындалды.Сонымен қатар, Сырдария ауданы әкімдігінің 2023 жылға арналған №4 «Сыбайлас жемқорлықтың алдын алу және оған қарсы іс-қимыл» үлгілік базалық бағытын іске асыру жобалар картасына сәйкес, бөлімнің Сыбайлас жемқорлық тәуекелдеріне ішкі талдау жүргізу туралы бұйрығымен бөлімнің қызметтерін қозғайтын нормативтік құқықтық актілерде және ұйымдастырушылық-басқарушылық қызметінде сыбайлас жемқорлық тәуекелдеріне ішкі талдау жұмыстары жүргізіліп, талдау анықтамасы мен іс-шаралар жоспары Әкімдіктің ресми сайтына мерзімінде жарияланды. Бұл да бір сыбайлас жемқорлықтың тәуекелдерін болдырмау мен алдын алуға бағытталған тиісті шаралар жиынтығы деп ұғынуға болады. &nbsp;

 Сырдария ауданында 11 жобаның құрылысы іске асырылуда

<a href="https://kyzylorda-news.kz/">Kyzylorda-news.kz.</a>&nbsp; Жақсы немесе жаман дәрігерлер болмайды, тек дәрігерлікті таңдаған жандар болады. Бұл Сыр елінің танымал травматологы, Денсаулық сақтау ісінің үздігі Бауыржан Бекпановтың пікірі. Жоғары санатты хирург, Ауған соғысының ардагері Әлеуметтік медициналық сақтандыру қорының Қызылорда облысы бойынша филиалында қызмет етеді.Жас кезінен дәрігер болуды армандағанмын, - дейді Бауыржан Төлепбергенұлы. Бірақ медициналық институтқа түсу әрқашан оңай болған емес. Бірінші кезекте Ж. Жабаев атындағы 411 орта мектептің түлегі өзінің әскери интернациналдық борышын өтеуге шешім қабылдады. 1986-88 жылдары Кеңес әскерлерінің шектеулі контингенті қатарында, Ауғанстан Республикасының Лашкаргах қаласында, арнайы мақсаттағы бригаданың 22 әскери бөлімінде қызмет етті. Көрсеткен батылдығы мен батырлығы үшін мемлекеттік наградалармен, «Ауғанстан халқының ризашылық білдіргені», «Жауынгерлік еңбегі үшін» медалімен және көптеген марапаттарға ие болды.&nbsp;Әскерде қызмет еткеннен кейін жауынгер-интернационалист Бауыржан Төлепбергенұлы Қызылорданың өнеркәсіптік ұйымдарында жүргізуші болып жұмыс істеді. 1990 жылы Алматы мемлекеттік медицина институтының дайындық курсына, одан кейін осы жоғары оқу орнына түсті. Аяқтағаннан кейін, 1997 жылы кәсіби еңбек жолын Қызылорда медициналық колледжінде оқытушы болып бастады. Кейінгі он жыл ішінде колледж директордың орынбасары болды.Одан әрі 2007-2012 жылдары №1 қалалық емханада травматолог-хирург, 2012-2018 жылдары қалалық ауруханада травматолог-дәрігер, бас дәрігердің орынбасары болып жұмыс істеді. Сол жылдары Қызылорда, Жамбыл және Түркістан облыстары бойынша қоғамдық денсаулық сақтау департаментінің штаттан тыс сарапшысы болды. Содан кейін бірнеше жыл №3 қалалық емхананың бөлімшелерінің бірін басқарды, қалалық әскери комиссариаттың медициналық комиссиясының төрағасы болды. 2018 жылдан бастап бүгінгі күнге дейін Әлеуметтік медициналық сақтандыру қорының облыстық филиалында бас сарапшы болып жұмыс істейді.Кәсіби дәрігердің еңбегі ҚР Денсаулық сақтау министрлігінің, облыстық денсаулық сақтау басқармасының алғыс хаттарымен марапатталды. 2014 жылы «Үздік тәуелсіз сарапшы» номинациясының иегері атанды.&nbsp;Бауыржан Төлепбергенұлының отбасында барлығы осы асыл және сұранысқа ие мамандыққа қатысты. Студенттік жылдары жұбайы Әлия Әбілдашевамен шаңырақ көтерді. Әлия Шазатқызы орталық қалалық емхананың кардиолог-дәрігері болып жұмыс істейді. Түнғышы Мақсұт - стомотолог, киелі Түркістан қаласының Халықаралық Қазақ-Түрік университетін бітірген соң, &nbsp;стомотология кафедрасында қалып, студенттерге дәріс беруде және стомотологиялық емханада халыққа қызмет көрсетіп отыр. Отбасылы. Жары Айжан Қадырқызы да жалпы тәжірибелі дәрігер. Екеуі Әзима және Бақберген есімді ұл мен қыз тәрбиелеп отырған жас отбасы. Екінші ұлы Мағжан мен кенжесі Жасұлан С.Асфендяров атындағы Қазақ ұлттық медицина университетінің студенттері.&nbsp;Балалардың өздері дәрігер мамандығын тандағанын айта келе, еңбекке, білімге деген сүйіспеншілікті оятқан ата-анасын ерекше жылы лебізімен еске алады. Әкесі Төлепберген Бекпанов 30 жылдан астам Қызылорда теміржол депосының тепловоз машинисінің көмекшісі болып жұмыс істеді. Анасы Жазық темір жолының ОРС НОД-1 сауда саласында көпжылдар бойы қажырлы еңбек етті. Бекпановтардың көп балалы отбасында төрт ұл, төрт қыз бар.Жоғары санатты хирург өзінің көп жылдық тәжірибесін Әлеуметтік медициналық сақтандыру қорының жұмысында да қолданады. Облыстық филиалда тәжірибелі дәрігер Бақыт Исмаханбетовтың жетекшілігімен 35 маман жұмыс істейді. Қордың жүрегі - медициналық көмек көрсету сапасын бағалау және шарттық міндеттемелерді бақылау бөлімі, деп атап өтті Бауыржан Бекпанов. Мұнда 12 кәсіби дәрігер жұмыс істейді. Олар халыққа көрсетілген медициналық қызметтердің сапасы мен көлемін қадағалайды. Бұл әрбір медицина қызметкерінің жұмыс принципі болуы тиіс, деп атап өтті Бауыржан Төлепбергенұлы. Басты міндет – деңсаулықты қорғау және сақтау!<figure class="image"><img src="https://knadmin.beoblood.kz/uploads/3_e3955e1db0.jpg" alt="3.jpg"></figure> &nbsp;<figure class="image"><img src="https://knadmin.beoblood.kz/uploads/4_d3f7c6d45e.jpeg" alt="4.jpeg"></figure>

Дәрігерлер династиясы

<a href="https://kyzylorda-news.kz/">Kyzylorda-news.kz.</a> Сыртқа шыққанда Сыр бойы, Шиелі туралы әңгіме айтыла қалса кешегі тарих есінде қалған елдің «Е-е, жарықтық Ыбекең түлеткен топырақ қой» деп жататыны бар. Еңбек бағаланатын кешегі кезеңде Қазақстанда осындай жоғары марапатты қатарынан екі рет иеленгендер санаулы ғана. Сондықтан болар, Сыр күрішін жайқалтып, дән атасы атанған Ы.Жақаев атындағы күріш өсіру тарихы музейіне қадам бассаңыз қара күш пен адал еңбекті сезінесіз.&nbsp;Ескіріп, ел жадынан өше бастаған әрбір құнды дүниеге қайта жан бітіріп, жаңғыртып, жаңарта білетін музей директоры Құттықыз Ыханованың еңбегін елемеу мүмкін емес.Қырық жылға жуық тарихы бар музейдің іші екі мәрте Еңбек Ері атанған Ы.Жақаевтың қолынан еңбек аттестатын алған «Коммунизм» колхозындағы күріш звеносының жетекшісі, Еңбек Ері Ш.Қазанбаева, З.Ержанова, күрішші Д.Сейітова т.б Жақаевшылар жайлы мәліметтерге толы. Сондай-ақ туған жердің тарихынан сыр шертетін қасиетті мекенге келген қонақтар табан тіремей кетпейді. Онда бас сұққан жанның ерекше әсермен, жаңаша қарқынмен шығатынын да аңғарамыз. Әрбіржанға жайлылық сыйлайтын даңқты диқаншының ауылынан салынған жаңа ғимараттың сәні мен сымбаты да келісіп тұр.Музей алдын жасыл желекке айналдырып, сан түрлі гүлдермен көмкерген Құттықыз Ықанова жыл сайын жаңашылдығымен таңқалдырып келеді. Бір жылдары шырмауық гүлдермен паравоз жасаса, енді бір жылдары 10 шыршаны қаз-қатар тізілтіп қойды. Тіпті, музей алдындағы арнайы гүлден жасалған орындыққа отыру үшін баратындардың қарасы да қалыңдаған еді. Міне, осындай әсемдік пен әдемілікпен көркейту-көгалдандыру басында жүруі тиіс жанның бірі – Қ.Ыханова десек жаңылыспаймыз.Кент ішінде халыққа қызмет көрсететін қаншама мекеме бар. Соның ішінде Шиелі ауданаралық аурухана алдын да осылай жасыл желекке айналдырса нұр үстіне нұр емес пе? Жаңа аурхананың бой көтергеніне 3 жылдай уақыт болды. Алайда, әлі күнге көгалдандыру жұмыстарына толық ден қойылмай келеді. Таза ауа, жайлылық пен жылылық дерті дендеген адамдарға керек-ақ.

Қазақстан және Қызылорда облысының жаңалықтары