&nbsp;<a href="https://kyzylorda-news.kz/">Kyzylorda-news.kz</a> &nbsp;Жаңақорған елді мекендерге қатынайтын жолдардың мәселесін шешкен бірден-бір аудан. 26 ауылдық округ пен кенттегі облыстық, аудандық маңызы бар автожолдар қайта жаңарды. Жаңақорған ауданы аумағында автомобиль жолдарының жалпы ұзындығы 451 шақырымды құрайды. Оның 101 шақырымы республикалық, 157,9 шақырымы облыстық және 192,1 шақырымы аудандық маңыздағы автомобиль жолдары санатында. Ауданның 526 көшесінің ұзындығы 593,8 шақырым. Аудандық бюджеттен 6 елді мекеннің 7,5 шақырым құрайтын 7 көшесін орташа жөндеуге 189 547,0 мың теңге қаралып, іс жүзеге асқалы отыр.&nbsp;Негізінен аудандағы барлық елді мекенге баратын жолдардың барлығы асфальттанған. Тек кейбірі сын көтермей, көлік жүруге көп кедергі келтіруде. Осыны ескерген аудан әкімі бастаған жауапты сала мамандары биыл автомобиль жолдарын ретке келтіруге кірісті. Тау беткейдегі ауылдар арасынан Қыраш, Құттықожа мен Талап елді мекені тұрғындарының басты талап-тілегі болған жол мәселесі кезең-кезеңімен шешімін тапты.<blockquote>Ауылдың негізгі тіршілігі мал шаруашылығы, сонымен қатар шағын кәсіптер бар. Біз көптен күткен жол мәселесі шешімін тауып жатқанына қуаныштымыз. Аудан басшысы, жауапты сала мамандары мен ауыл әкіміне алғысымыз зор. Енді осы жолдың сапалы жөнделуіне бақылау жасауымыз керек. Өйткені мұндай ауқымды жұмыс жыл сайын жасалына бермейді, – дейді Талап ауылының ақсақалы Жалғасбай Нарынбетов.«Биыл 4 аудандық маңыздағы жол жөнделеді, «Тау самалы» лагеріне кіре берістегі 6 шақырым жол, «Самара-Шымкент-Қыраш» (4 шақырым), «Самара-Шымкент-Талап» (5 шақырым), «Самара-Шымкент-Аққұм» (10,37 шақырым) жолына орташа жөндеу жұмыстары жүргізіледі. Өтпелі кезеңмен республикалық, облыстық бюджеттен қаржы бөлініп, мемлекеттік сатып алу жұмыстары жүргізіліп, жеңімпаз мердігерлер анықталды. Бүгінгі таңда, Талап бекеті жол құрылысы басталды. Қалған жолдар үстіміздегі жылдың шілде айында аяқталады», – деді бөлім басшысы.</blockquote>Негізінен аудандағы барлық елді мекенге баратын жолдардың барлығы асфальттанған. Тек кейбірі сын көтермей, көлік жүруге көп кедергі келтіруде. Осыны ескерген аудан әкімі бастаған жауапты сала мамандары биыл автомобиль жолдарын ретке келтіруге кірісті. Тау беткейдегі ауылдар арасынан Қыраш, Құттықожа мен Талап елді мекені тұрғындарының басты талап-тілегі болған жол мәселесі кезең-кезеңімен шешімін тапты.<blockquote>Ауылдың негізгі тіршілігі мал шаруашылығы, сонымен қатар шағын кәсіптер бар. Біз көптен күткен жол мәселесі шешімін тауып жатқанына қуаныштымыз. Аудан басшысы, жауапты сала мамандары мен ауыл әкіміне алғысымыз зор. Енді осы жолдың сапалы жөнделуіне бақылау жасауымыз керек. Өйткені мұндай ауқымды жұмыс жыл сайын жасалына бермейді, – дейді Талап ауылының ақсақалы Жалғасбай Нарынбетов. Былтыр «Самара-Шымкент-Аққұм» автомобиль жолының құрылысына облыстық бюджеттен 10 млн теңге бөлініп, тегістеу жұмыстары жүргізілсе, жақын арада асфальт төселеді. Тағы бір жаңалық, 2022 жылдан өтпелі кезеңмен іске асырылған аудандық маңызы бар «Самара – Шымкент – Екпінді» автомобиль жолының бойындағы көпірді қайта жаңғырту жұмыстары жүргізілуде.Ауданның Сыр беткейінде 11 ауылдық округ бар, барлығы кент орталығына Ы.Алтынсарин және З.Мұсаханов көшесі арқылы қатынайды. Жыл соңына дейін Алтынсарин аумағындағы жолдар жаңаратын болады. Ал, Мұсаханов көшесіне орташа жөндеу жұмысы тәмамдалды. Көпшіліктің қуанышына орай жол сапалы, әрі мерзімінен бұрын аяқталды. Бұл турасында көше тұрғындары мен жауапты сала мамандары, мердігер мекеме не дейді? Ұзындығы 2,4 шақырым болатын аудан орталығындағы негізгі көшелердің бірі Мұсаханов көшесінің жөндеу жұмыстары жайында нақты мәліметті жауапты кент әкімдігінен білдік.«Орташа жөндеу жұмыстарына аудандық бюджеттен – 50 млн 761 мың теңге қаржы бөлініп, «Мемлекеттік сатып алу» Заңының ашық конкурсы өткізілді. Нәтижесінде «Altimus LTD» ЖШС 40 млн 600,0 мың теңгеге жеңімпаз болып танылып, 13 сәуірде №37 келісімшарт жасалды. Асфальт төселіп тұрғындардың пайдаланылуына берілді», – деді кент әкімінің орынбасары Нұржан Сүлейменов.</blockquote>Шыны керек, бұл көшеге төселген асфальттің сапасы аудан орталығындағы басқа көшелерге қарағанда теп-тегіс. Оны күнделікті көріп жүрміз, бұл жұмысты техникалық қадағалаушы «Әсем-құрылыс-Қызылорда» ЖШС, авторлық қадағалаушы «М.Мамуов» ЖК. Елдің де тілеуі сапалы жол ғой, осындай етіп асфальт төселсе ұзаққа жарары анық. Енді жол жиегін тегістеп, ретке келтірсе болғаны.«Рас, жол сапалы, енді тек қайта қазбаса дейміз. Газ, су кіргізу үшін жыл сайын қазылады. Шүкір, ауыз суымыз келді, газ үйге кіріп тұр. Сондықтан әкімдік тарапынан жасалып жатқан жұмыстарға алғыс білдіреміз. Енді кенттегі қалған көшелер осылай уақыт күттірмей жөнделсе», – дейді кент тұрғыны Ақылбек ақсақал.Айта кететіні, жыл басынан бері осы уақытқа дейін орташа жөндеуден өткен көшелер мен маңызды жолдар жүйеленіп келеді. Жақында ғана аудан басшысы Алтынсарин аумағына қатаң бақылау жасаған еді. Аудан бойынша 57 көше жөнделетінін тағы да параққа түртіп алдық. Аудан әкімі Мұрат Жолкелдіұлының бастамасымен 2023 жылы аудандық маңыздағы және елді мекендегі ауылішілік көшелерді салу, сондай-ақ күрделі және орташа жөндеу жұмыстары бойынша 23 елді мекенде бір-бір көшеге орташа жөндеу, яғни асфальттау жұмыстары жүргізіледі. Аудандық маңызы бар «Самара - Шымкент - Жайылма» 3 шақырым, «Самара - Шымкент - Бесарық» 1 шақырым, облыстық маңызы бар «Самара - Шымкент - Түгіскен - Келінтөбе» 6 шақырым жолды орташа жөндеу жұмыстары жүргізілуде.Кент бойынша Ж.Тағаев, З.Мұсаханов, Қ.Сағырбаев, Е.Белсенбаев, О.Қашқынов, Ы.Алтынсарин, А.Абуталипов, А.Сүлейменов, Т.Шалапов, А.Еламанов, Ипподром 26/2, Ипподром 24, С.Құрымбеков, Д.Романов, А.Исаев, С.Сапарбаев, Қоңқабаев, Өркендеу, Ы.Скендиров, М.Есболғанов, Жібек жолы көшелері жаңғырады. Бұл мәліметтер аудан әкімдігінің ақрпарат көзінен алынды. Төменарық ауылдық округі бойынша Д.Нұрпейісова, Алтыбаев, Пашаев, Елтай 2, Р.Құдайбергенов, М.Махатаев, Ә.Молдағұлова, Б.Момышұлы көшелері жөнделеді. Бесарық ауылдық округінен С.Таңқиев, Б.Шалғынбаева, Ж.Қыдыров, Байкенжеден С.Алдабергенұлы, О.Палуан көшесі, М.Нәлібаевтан А.Иманов көшесі, Сүттіқұдықтан Ш.Торғаев көшесіне асфальт төсеу жұмысы басталады.Сол секілді, Қожамберді, Манап пен Талап ауылдық округінен екі көшеден, Кейден, Шалқия, Аққорған, Жаңарық, Қаратөбе, Өзгент, Сунақата, Келінтөбе, Көктөбе, Қандөз және Қыркеңсе ауылында бір-бір көшеден жөнделеді. Қожакент ауылдық округінен 5 көше, барлығы 57 көшеге асфальт салынады. Ал ауылдық округтің ішінде Қыраш, Қосүйеңкі және Ақүйік ауылдық округтерінде газ жүйесі құрылысының басталуына байланысты ауылішілік жол құрылысы тоқтатылады делінген. Жалпы алғанда, тұрғындардың көптен күткен тілегі орындалуда. Әсіресе, кент ішінде көліктер көбірек жүретін көшелерге асфальт жұмысы жүргізілгеніне қуаныштымыз. Қалғаны уақыт күттірмей жүзеге асатынына сенімдіміз.Сонымен қатар, биыл кенттегі «Саяжай» аумағына көбірек көңіл бөлінгелі тұр. Көшеден бөлек, бұл аймақта 600 орындық мектеп құрылысы басталады.<blockquote>Жалпы алғанда «Саяжай» аумағы шағын мөлтек ауданға айналып, инфрақұрылымға басымдық берілуде. Демек алдағы уақытта инвестиция тартылып, шағын кәсіп көздері осы маңнан табылады деген сөз. Ол уақыттың еншісіндегі шаруа. Жаңақорған кентінің «Дәруіш 1», «Дәруіш 3», «Дәруіш 5», «Саяжай» ықшам ауданының көше қиылыстары, Сүттіқұдық ауылдық округінің Аманжолов көшесі, Келінтөбе ауылдық округінің Әль-Фараби көшесі, Қыркеңсе ауылдық округінің Тәшібай, Қапанов көшелерін орташа жөндеу жұмыстарына конкурс жүргізілуде екен. – Облыстық бюджеттен 2 елді мекеннің 9,5 шақырым құрайтын 6 көшесін орташа жөндеуге 280 948,0 мың теңге қаралған. Оның ішінде, Жаңақорған кентінің М.Абдуллаев пен Тәуелсіздік көшесінің аралғындағы айналма жол және МАИ бекеті ықшам ауданының көше қиылыстары, Байкенже ауылдық округінің А.Мустиярұлы, А.Дүйсенұлы, А.Еламанов, Байдалиев-Жарылғапов қиылысы да бар. Қазіргі уақытта 5 көшенің мердігері анықталды. Жаңақорған кентінің Маи бекеті ықшам ауданының көше қиылыстарын жөндеу жұмыстары бойынша конкурс жүргізілуде, – деді жауапты сала маманы.&nbsp;</blockquote>Аудандық бюджеттен 6 елді мекеннің 7,5 шақырым құрайтын 7 көшесін орташа жөндеуге 189 547,0 мың теңге қаралған. Қандөз ауылына кіре беріс көше, Қожакент ауылының А.Құнанбаев көшесі, Талап бекетінің Ж.Сейдалиев көшесі, Жаңарық ауылының Ә.Тәжібаев, Өзгент ауылының Б.Төлегенов және К.Сейтмуратов, Қыркеңсе ауылының Д.Еркішев көшелерін орташа жөндеу жұмыстары жүргізіледі. Қазіргі уақытта 5 көшенің мердігері анықталды. Қандөз және Қыркеңсе ауылдық округінің көшелері бойынша конкурстық жұмыстар жүргізілуде екенін білдік. Жалпы жауапты мекеме 2023 жылдың қорытындысымен елді мекен көшелерінің жақсы және қанағаттанарлық жағдайдағы үлесі 49,6 пайыздан 55,9 пайызға жоғарылайтын жеткізді.Айта кететіні, Сыр өңірі бойынша Жаңақорған ауданының жолдары сапасы жөнінде көш ілгері. Тек Аққұм елді мекеніне баратын жолды орташа жөндеу керек. Бұл мәселенің де шешімі тарқар уақыт жақын. Биыл Жаңақорған кентінде – 7, Төменарықта – 8 көше орташа жөндеуден өтеді. Мұндай қаржыға Қожакентте – 5, Жаманбай батырда – 3, Байгенже, Манап және Қожамбердіде – 2 көше жөндеуден өтеді. М.Нәлібаев, Сүттіқұдық, Талап, Кейден, Өзгент, Сунақата, Келінтөбе, Қандөз, Көктөбе және Шалқия кентінде бір-бір көше орташа жөндеуден өтеді.Бұл – Тәуелсіздік жылдары аудан көлемінде жол құрылысына салынған ең ауқымды қаржы болмақ. Ең бастысы, ауыл келбеті көркейіп, иинфрақұрылым дамып келеді, ендігі елдің тілеуі бір, ол – сапалы жол. &nbsp;Фото: Жаңақорған тынысы

Жаңақорғанда жолдар жаңаруда

&nbsp; <a href="https://kyzylorda-news.kz/">Kyzylorda-news.kz</a> &nbsp; Бұл кітаптың орны бөлек. Атының өзі кітап қолға тигенше қызықтыра түседі. Цифрландыру әлемінің тұрғындары үшін бұл еңбектің маңызы зор. Яғни әркім де оқуға тиіс. «Cyber City хикаялары» комикс кітабының авторы София Темірболат Қорқыт Ата атындағы Қызылорда университетін «Есептеу техникасы және бағдарламалық қамтамасыз ету» мамандығы бойынша білім алған. Қазіргі кезде Қорқыт Ата атындағы Қызылорда университетінде Информатика мамандығы ғылыми-педагогикалық бағыты бойынша магистрант. Қоғамдық жұмыстарға белсенді араласады. &nbsp;IТ-park резиденті, «Jastar Ruhy» жастар қанатының мүшесі.2022 жылы «Innofest» Qyzylorda инновациялық идеялар фестивалі «Контент &amp; Медиа» секциясының І орын жеңімпазы атанып, жобамыз қаржылай қолдау тапқан еді.«Cyber City хикаялары» комикс кітабының баспадан шығуына Қызылорда облысы әкімі аппаратының цифрлық технологиялар бөлімінің басшысы Ибадулла Сәбит Ибадуллаұлы, Қорқыт Ата атындағы Қызылорда университетінің «Информатика және ақпараттық-коммуникациялық технологиялар» кафедрасының аға оқытушысы, «Қазақстан IT мамандары ассоциациясы» директоры Құлмырзаев Нұрлан Серікұлы бағыт-бағдар берді.Кітапты алдағы уақытта Smart Qyzylorda мобильді қосымшасынан, It-park сайтынан жүктеп алуға болады. Қазіргі кезде мектепте киберқауіпсіздікті оқыту мәселелеріне жеткілікті көңіл бөлінбейді. Балалар смартфондарды, планшеттер мен компьютерлерді бірінші сыныптан бастап қолдана бастайды. Дәл осы кезеңде олардың дүниетанымы қалыптасады. Сондықтан киберқауіпсіздік негіздерін, ғаламторда өзін-өзі ұстау мәдениетін, теріс мазмұндағы ақпаратты қарауға жол бермеу туралы комикс кейіпкерлерінің мысалдарына негізделген комикстерді бірінші сыныптан бастап оқыту маңызды. Қазіргі балалар күн сайын кибер-объектілермен, кибер-қауіптермен тап болуда, себебі олардың өмірінің көп бөлігі ғаламторда өтуде. Олар ғаламторды мектеп үй тапсырмасын дайындауда, көркем фильмдерді онлайн тамашалағанда, онлайн ойындарда, әлеуметтік желілерді пайдаланғанда қолданады. Сондықтан мұғалімдер, ата-аналар, балаларға киберкеңістікте сауатты мінез-құлықты үйрету керек. Комикстер белгілі бір ерекше педагогикалық әлеуетке ие. Комикс кітапшасының өзі оқушылардың зерттелетін материалға эмоционалды қосылуын білдіреді. Комикстерді қолдану жаңа тақырыпқа, сонымен қатар, оқу материалдарын бекіту сатысында да орынды болуы мүмкін. Бірінші жағдайда, комиксмен танысу белгілі бір мотиватор ретінде әрекет ете алады; екінші жағдайда - зерттелген тақырып бойынша қосымша материал бола алады.Соңғы жылдары балалардың ақпараттық қауіпсіздігінің қауіптері смартфондар мен компьютерлердің жаппай таралуына, сондай-ақ интернет-ресурстардың қол жетімділігіне байланысты өзекті бола бастады. Балаларды интернеттегі киберқауіпсіздікті үйрету кезінде мұғалім комикстерге жүгініп оқулық мәтінін көрнекі ақпаратпен суреттей алады. Зерттеу барысында шетелдік мамандардың пікірі мен зерттеулері негізге алынды. Интернетті пайдаланушылардың киберқауіпсіздіктен хабардар болуы мен білімін қамтамасыз ету үшін оқушылар ең алдымен киберкеңістікте қауіпсіз жұмыс істеуді үйренуі қажет. Бұл білім олардың киберқылмыстан қалай қорғану керектігін түсінуін қамтамасыз етеді. Бұл жоба мектептердегі киберқауіпсіздік бойынша білім берудің мәнін зерттейді және білім беру ұйымдарында бүкіл әлем бойынша киберқауіпсіздік білімін ілгерілету үшін педагогтар пайдалана алатын стратегияларды ұсынады. Зерттеуде киберқауіпсіздік бойынша білім беруді оқу орнында қалай жүзеге асыруға болатыны туралы қорытынды жасалады.Бастауыш сыныпта мұғалімнің алдында бірқатар нақты міндеттер тұр. &nbsp;Бұл оқушылардың интеллектуалдық және шығармашылық қабілеттерін дамыту, әр оқушыға жеке көзқарас, оқушылардың сыни тұрғыдан ойлауын қалыптастыру, т.б. Бастауыш мектеп жасында оқушылардың зейіні жеткілікті болуы мүмкін, бірақ бұл жас категориясы да болып жатқан нәрсеге қызығушылығын тез жоғалтуға бейім, сондықтан білім берудің бұл кезеңінде стандартты емес және қызықты оқу құралдарын пайдалану өте маңызды. Бұл міндеттерді орындау үшін мұғалім әртүрлі әдіс-тәсілдерді, көрнекілік құралдарды пайдаланады. Ақпараттық технологиялардың дамуымен мұғалім жұмысында оқу-тәрбие мәселелерін шешудің жаңа, стандартты емес құралдары пайда болып, қолданыла бастады. Осы стандартты емес ақпарат құралдарының бірі комикс болып табылады.Комикс кітабын жасамас бұрын 6 мен 14 жастағы балалар мен ата-анадан сауалнама алынды. Сауалнама нәтижесінде алынған мәліметтерді пайдалана отырып, негізгі проблемаларын комикс арқылы салынды.Жоғарыда айтылғандарға сәйкес мектептегі киберқауіпсіздік негіздерін оқытудың мақсаты тұжырымдалып, балаларда киберкеңістіктің құрылымы, ондағы жұмыс принциптері, Интернет пайдаланушыларына төнетін қауіптер туралы түсінік қалыптастыратын, ғаламторда, әлеуметтік желіде өздерінің жеке деректерін қорғауды қамтамасыз етуге мүмкіндік беретін ережелер қамтылған комикс кітабы жасалды.Комикс авторлық құқықпен қорғалған. Авторлық құқықпен қорғалатын объектілерге құқықтардың мемлекттік тізілімге мәліметтерді енгізу туралы авторлық құқықты растайтын куәлік 2023 жылғы «24» қаңтар № 31981 берілген.Комиксті жасау барысында:- оқушылардың жас ерекшеліктеріне, танымдық және коммуникативтік ерекшеліктеріне сәйкестігі;- оқушылардың тілдік деңгейіне сәйкестігі;- тақырыпқа сай келуі;- мәтіннің лексикалық және грамматикалық құрамы;- мәтіннің танымдық құндылығы;- мәтіннің оқушылардың мүдделеріне сай болуы ескерілді.«Cyber City хикаялары»© комикс кітабының келесі бөлімдерінде кибербуллинг жайлы ақпараттар қамтылған. Сонымен қатар, әлеуметтік желідегі қудалауға тап болмау жолдары мен кибербуллинг терминдерімен таныса алады.Кибербуллинг – бұл киберкеңестіктегі шешімін таппай жүрген ең өзекті мәселе. Жалпы, цифрландыру адам қызметінің барлық салаларын сөзсіз түрлендіруде, соның ішінде қорқыту мен қудалау ерекше дамыды. Егер бұрын қорқыту ғана болса, қазір оған қоса бізде кибербуллинг – интернетте агрессивті қудалау пайда болды. Осыған байланысты зардап шеккендерге, әсіресе осал жасөспірімдерге агрессорларға қарсы тұру қиындай түсті. Дәлірек айтсақ, жасөспірімдер ортасында кибербуллинг жиі кездеседі. Көбінесе әлеуметтік желілер кибербуллинг алаңына айналады, бірақ агрессор басқа байланыс арналарын да пайдалана алады: электрондық пошта, мессенджер, SMS, бейне платформалар. Сонымен қатар, кибербуллердің қудалау объектісіне тікелей хабарлама жіберуі мүлдем қажет емес. Ол өз парақшасында қорлайтын және ар-намысына тиетін мәлімдемелерді фотосуреттер, бейне және аудио жазбалар сияқты жариялай алады. Осы мәселе бойынша арнайы комикс бөлімдері дайындалуда. Яғни, бала кибербуллингке тап болса, содан кейінгі қандай іс-әрекет ету керектігі жазылған. Ата-анаға айту, сол жазбаларды суретке түсіріп көрсету, сол жазбаларға сөз қайтармай, өзінің буллерге айналмауына жол бермеу сияқты кеңестер бар.Кітапта жеке деректер құпиялығы туралы да сөз қозғалған. «Вирус» атты комиксте белгісіз сайттарға жеке және құпия деректерді толтыруға болмайтынын, қиын құпиясөздерді пайдалану мен қауіптерді алдын алу жолдары көрсетілген.Балаларға киберқауіпсіздік негіздерін оқытудың маңыздылығы айқындалып, алдағы жұмыс жоспары жасалды. Комикс кітабын дайындау үшін арнайы шетелдің Жапон, Корей, Еуропа елдерінің суретшілерінен үйреніп, шеберлікті шыңдадым. Комиксті салу ережелерін ескере отырып, 10 бөлімнен тұратын кітаптар сериясы әзірленді.XXI ғасырда киберкеңестікте қауіпсіздікті сақтау, құпия мәліметтердің алаяқтар мен хакерлердің қолына өтіп кетпеуі және оларға тап болмау өте қиын. Осы бағытта автор арнайы зерттеу жүргізген. Кибершабуылдар түрлері және оны жасау мақсаты өте көп. Мен балалардың кибершабуылдардан қорғау мен ата-аналардың балаларын кибершабуылдан қорғау жолдарын зерттедім. Жалпы, киберәлемінің қауіпсіз болуы ең алдымен өзімізге байланысты екенін ұмытпау қажет.Балаларға арналған «Cyber City хикаялары» &nbsp;комикстер кітабының 1 бөлімі жарқын иллюстрациялар мен кейіпкерлердің қызықты оқиғаларын ұнататын оқырмандардан жоғары баға алды және кітаптың екінші бөлімін асыға күтті. Киберқауіпсіздік жайында балаларға кеңінен ақпарат беретін екінші кітаптың тұсаукесерінде техника ғылымдарының кандидаты, PhD, Қызылорда облысы әкімі аппаратының цифрлық технологиялар бөлімінің басшысы Ибадулла Сәбит Ибадуллаұлы, экономика ғылымдарының кандидаты,&nbsp;Қорқыт Ата атындағы Қызылорда университетінің «Информатика және ақпараттық-коммуникациялық технологиялар» кафедрасының аға оқытушысы, Жасанды интеллект институты директоры, «Қазақстан IT мамандары ассоциациясы» директоры Құлмырзаев Нұрлан Серікұлы, «Информатика және ақпараттық-коммуникациялық технологиялар» Білім беру бағдарламасының жетекшісі, педагогика ғылымдарының кандидаты, қауымдастырылған профессоры Тілеубай Сарсенкул Шайкамалқызы, «Сенімен Болашақ» Республикалық қоғамдық бірлестігі Қызылорда облыстық филиалының басшысы Қаратайұлы Шәкизат, «Ұстаз мәртебесі» Республикалық қоғамдық әлеуметтік, ғылыми көпшілік газетінің Бас редакторы Нұрлан Көбегенұлына сөз алып, кітаптың уақыт талабына үн қосатынын айтты.«Cyber Qala» хикаялары – киберқауіпсіздік пен кибербуллингтен қорғау туралы көбірек білгісі келетін балаларға арналған пайдалы және қызықты кітап. Бұл – интернетте, әлеуметтік желіде көп уақыт өткізетін, кибербуллинг құрбаны немесе куәгері болуы мүмкін замануи әлемнің балаларына арналған өзекті және маңызды туынды. Комикс – «Cyber City хикаялары» &nbsp;кітабының 2 бөлімі. Кітап бірнеше оқиғалардан тұрады, ондағы басты кейіпкерлер әртүрлі жастағы мектеп оқушылары, кибермоббингтің әртүрлі жағдайына тап болып, нетикет ережелерін білу және қолдану арқылы шешу жолдарын іздейді. Комикс кітабында бірнеше киберқаһармандар бар. Бұл балалардың ақпаратты оңай түсінуіне мүмкіндік береді. Сондай-ақ куітапта киберқорқытудан, кибермоббингтен қалай аулақ болу керегі, егер ол орын алса, оған қалай әрекет ету керегі және қажет болған жағдайда кімнен көмек сұрау қажет екені туралы практикалық кеңестер мен нұсқаулар келтірілген. Кітап балаларға интернетті пайдалануға байланысты тәуекел мен жауапкершілікті түсінуге көмектеседі, сонымен қатар желіде қауіпсіз және құрметпен сөйлесу дағдыларын қалыптастырады. Кітап балаларға ғана емес, цифрлық әлемде болып жатқан жаңалықтардан хабардар болғысы келетін ата-аналарға да пайдалы.

Қызылордалық жас «Cyber City хикаялары» комикс атты 2-ші кітабын жарыққа шығарды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы еліміздегі cу тасқынына ұшырамаған облыстар мен қалалардың әкімдеріне көшелерді тазарту, көгалдандыру және елді мекендердің аумақтарын абаттандыру науқанын бастауды тапсырған болатын.Кешеден бастап Президенттің бастамасымен елімізде «Таза Қазақстан» экологиялық акциясы басталды. Аталмыш акция асында Сыр өңірінде де «Таза Қазақстан – таза аймақ» атты экологиялық науқаны бастау алды.Осыған орай бүгін Қазалыда аудан әкімі Мейрамбек Шермағанбеттің төрағалығымен аудандағы санитарлық тазалыққа қатысты кеңейтілген мәжіліс өтті. Жиынға аудандағы барлық мекеме, кәсіпорын ұжымдары, көше комитеттері мен аудан тұрғындары қатысты.Басқосуда аудан басшысы аудан көлемінде жүргізіліп жатқан тазалық жұмыстары мен алдағы жоспарлар жайында айтып өтіп, туған жерді көркейту-көгалдандыру бағытындағы жұмыстарға бірлесе атсалысу керектігін жеткізді.Жиында аудан әкімінің орынбасары Дәурен Тлеумбетов Әйтеке би кентіндегі 7 аймақ бойынша атқарылып жатқан тазалық жұмыстары бойынша хабарлама жасады. Ал, аудандық полиция бөлімі бастығының міндетін атқарушы Ғанибек Құрманалиев тазалық мәселесіне қатысты тұрғындар тарапынан орын алған құқық бұзушылықтарға қатысты қабылданған іс-шаралар туралы баяндады.Кеңейтілген мәжілісте аудандық ардагерлер кеңесінің төрағасы Оразғали Бекпановта сөз алып, елдің бірлігін, абыройын көрсететін үлкен істе ауызбірішілікпен танытуға шақырды. Сонымен қатар көше комитеттерінің төрағаларымен аудан тұрғындары да тазалық мәселесіне қатысты өз ұсыныс-пікірлерін жеткізді.Жиын соңында аудан әкімі қоршаған ортаның, туған жердің тазалығы әрбір ауладан, әрбір көшеден басталатындығын жеткізіп, ауданды көркейту бағытындағы жұмыстарға жауапкершілікпен қарауға шақырды. Сондай-ақ тазалық жұмыстарына тек мекеме, кәсіпорын ұжымдары ғана емес барлық аудан тұрғындары, көше комитеттері, кәсіпкерлер өз аулаларынан бастап атсалысу қажет екендігін айтты.

Қазалыда санитарлық тазалық мәселесіне қатысты кеңейтілген мәжіліс өтті

&nbsp;<a href="https://kyzylorda-news.kz/">Kyzylorda-news.kz</a> &nbsp;Кеше Роза Бағланова атындағы Қазалы аудандық мәдениет орталығында «Жастар ресурстық орталығы» коммуналдық мемлекеттік мекемесінің тапсырысы аясында «Жас Арал өрендері» жастар қоғамдық бірлестігінің ұйымдастырумен «Жаңа дәуір – Жаңа Қазақстан» атты фестивалдің қорытынды кеші өтті. Салтанатты шараны Қазалы ауданы әкімінің орынбасары Дәурен Тлеумбетов сөз сөйлеп ашып, жастарға деген жыл сайын жаңа мүмкіндіктерге жол ашып келе жатқан фестивальдің маңызына тоқталды. &nbsp; &nbsp;– Елімізді өркениетке апарар жолдың бастауында білім тұрады. Білімділігі мен біліктілігін байқатқан аудан жастары «Жаңа дәуір – Жаңа ғасыр» атты фестивальде өздерін басқа қырынан көрсете білді. Еңселі елдің болашағы өскелең ұрпақтың қолында екенін ескерсек, жердің де, елдің де иесі – жастар. Сондықтан, елдің ертеңі болған аудан жастарының келешегіне сәттілік тілегім келеді, – деді Дәурен Оңғарбайұлы. Мұнан соң, «Ғылыми жоба» бағыты бойынша үздік болған жастарға Қорқыт Ата атындағы Қызылорда университетінің оқу грантының сертификатын табыстады. Сондай-ақ, «Интеллектуалдық сайыс» бағыты бойынша жүлделі орын алған жастарға «РЗА-АГРО» жауапкершілігі шектеулі серіктестігінің басшысы, Имандосов Нұрлан Самұратұлының қаржылай сыйлығы табысталды. Ал, «Жаңа дәуір – Жаңа ғасыр» фестивалінің “Патриоттық әндер” байқауы бойынша жеңіске жеткен жастарды «Ақжол құрылыс Қазалы» жауапкершілігі шектеулі серіктестігі Ақжолова Сания Нұржаубайқызы марапаттап, ақшалай жүлдесін тарту етті. «Бақдәулет» жауапкершілігі шектеулі серіктестігінің қолдауымен өткізілген «Шахмат» бағыты бойынша, «Бақдәулет» жауапкершілігі шектеулі серіктестігінің басшысы Шәміл Ырысты Бақдәулет Асылханұлы жүлдегер жастарды марапаттап, сыйлықтарын табыстады. Сонымен қатар, ауданда «Жастар бастамаларымен өткізіліп келе жатқан ауқымды іс-шараларға қолдау көрсетіп жүрген біршама кәсіпкерлер аудан әкімінің алғыс хатымен марапатталды. Айта кетейік, Қазалы ауданы жастары төрт бағыт бойынша бақ сынайтын фестиваль ауданда дәстүрге айналып, жыл сайын ұйымдастырылып келеді.

Жаңа дәуір – Жаңа Қазақстан» атты фестивалі қорытындыланды

&nbsp;<a href="https://kyzylorda-news.kz/">Kyzylorda-news.kz</a> Қызылорда облысының «Нұра топтық су құбыры» ШЖҚ РМК «Арал» СЖКБД филиалының суды магистральдық құбыр жолдары және таратушы желілер арқылы беру қызметтеріне бекітуге берілген тарифтерінің жобасын талқылау бойынша жария тыңдау өткізілді.Жария тыңдауға аудан әкімінің орынбасары Ш. Сыдықов, «Нұра топтық су құбыры» ШЖҚ РМК «Арал» СЖКБД филиалының директоры Н. Шамұратов, ҚР ҰЭМ Табиғи монополияларды реттеу комитетінің Қызылорда облысы бойынша департаменті басшысының орынбасары К. Кеншембаева және аудандық мәслихат төрағасы Ә. Қошалақов, ардагерлер кеңесінің мүшелері, депутаттар, жергілікті атқарушы, мемлекеттік органдардың, бұқаралық ақпарат құралдарының өкілдері, тұтынушылар қатысты.Жиында «Нұра топтық су құбыры» ШЖҚ РМК «Арал» СЖКБД филиалының директоры Н. Шамұратов филиалдың атқарған жұмыстары мен қазіргі жағдайы туралы хабарлама жасап, тұрғындар тарапынан қойылған сұрақтарға заңға сәйкес жауап берді.Сонымен қатар, жария тыңдауда Қазақстан Республикасы Ұлттық экономика министрінің 2019 желтоқсандағы №90 бұйрығымен бекітілген тарифтерді белгілеу қағидасына сәйкес, Филиалдың суды магистральдық құбыр жолдары және таратушы желілер арқылы беру қызметтері бойынша тарифтерді, тарифтік сметаларды бекітуге берген өтінімдері 2023 жылғы 29 желтоқсанда келіп түсті, соған сәйкес Филиалдың өтінімі уәкілетті органмен 90 жұмыс күн ішінде қаралады.Филиалдың жобалық орташа босату тарифі 1 текше метрге ҚҚС-сыз: суды магистралдық құбыр жолдары, таратушы желілер арқылы беру қызметіне: 2024 жылға – 956,72 теңге, 2025 жылға – 1112,92 теңге, 2028 жылға 1162,31 теңге, 2029 жылға – 1243,30 теңге, ал суды таратушы желілер арқылы беру қызметіне: 2024 жылға – 725,54 теңге, 2025 жылға – 753,38 теңге, 2026 жылға – 753,39 теңге, 2027 жылға -777,90 теңге, 2028 жылға – 829,02 теңге, 2029 жылға – 869,21 теңге ұсынылды.Департамент қазіргі таңда қолданыстағы нормативтік-құқықтық актілерге сәйкес, филиалдың тарифтерін бекітуге ұсынған құжаттары қаралуда, атап айтқанда: «шикізат және материалдар», «жанар-жағар май», «энергия», «жалақы», «әлеуметтік салық», «ағымдағы жөндеу» және т.б баптары бойынша түзетпелер қарастырылуда.Өткізіліп отырған жария тыңдаудың қорытындысы бойынша айтылған сын-ескертпелермен, ұсыныс-пікірлерді ескере отырып, Департаментпен соңғы шешім 2024 жылдың 15 мамырында қабылданады.

Тариф жайы талқыланды

&nbsp;<a href="https://kyzylorda-news.kz/">Kyzylorda-news.kz</a> &nbsp; Сырдария аудандық кәсіпкерлік және өнеркәсіп бөлімінде бөлім қызметкерлерінің қатысуымен кезекті құқытық оқыту өткізілді.Оқыту барысында «Сыбайлас жемқорлыққа қарсы іс-қимыл туралы» Қазақстан Республикасы Заңына сәйкес сыбайлас жемқорлыққа қарсы мәдениетті қалыптастыру және сыбайлас жемқорлыққа қарсы стандарттар анықтамалары беріліп, осы тақырыптарға ұжым қызметкерлерінің арасында талқылау жүргізілді.Сонымен қатар,&nbsp;бірыңғай кешенді бағдарламаға сәйкес (әрі қарай -&nbsp;бағдарлама) «Моно және шағын қалаларда, ауылдық елді мекендерде кәсіпкерлікті қолдау» бағыты аясында жобаларды субсидиялау шарттары жөнінде айтылды.Жеке және тиімді жобаларды іске асыратын және іске асыруды жоспарлайтын кәсіпкерлер бағдарлама қатысушылары болып табылатындығы, сонымен қатар, республикалық маңызы бар қалаларды (облыс орталықтарын қоспағанда) елді мекендерде, оның ішінде моно және шағын қалаларда, ауылдық елді мекендерде іске асырылатын жобалар іске асыру орны мен кәсіпкердің тіркелген жерін ескере отырып, салалық шектеусіз жүзеге асырылатыны, несиелендірудің ең жоғарғы сомасы, субсидиялау мөлшері, Бағдарламаның т.б талаптары ұжым қызметкерлерінің тарапынан талқыланды.Бөлім басшысы А.Садуақасов өз кезегінде сыбайлас жемқорлыққа қарсы мәдениетті қалыптастыру&nbsp;– білім беру, ақпараттық және ұйымдастырушылық сипаттағы шаралар кешені арқылы жүзеге асырылатындығын, сондай-ақ, бөлімнің алдағы жұмысы барысында жоғарыда аталған&nbsp;бағдарламаның талаптарын кәсіпкерлерге жеткізу маңыздылығына тоқтап, іс-шараны қорытындылады.

Сыбайлас жемқорлық – қоғамның өзекті мәселесі

&nbsp;<a href="https://kyzylorda-news.kz/">Kyzylorda-news.kz</a> &nbsp; Сырдария аудандық "Тіршілік тынысы" газетінің мерейлі 85 жылдық мерейтойы аясында аудандық дене тәрбиесі, спорт және туризм бөлімінің және аудандық білім бөлімінің бірлесе ұйымдастыруымен «Төл басылымның тұрақты оқырманымын» атты эссе байқауы өткізілді.&nbsp;Оқушылар арасындағы аудандық байқауға Сыр өңіріне белгілі ардагер-журналист Мейрамбек Шілдебаев бастаған азаматтар қатысып, талапкерлердің шығармашылығын бағалады. Қазылар алқасының құрамында аудандық білім бөлімінің қазақ тілі мен әдебиеті пәні бойынша әдіскері Қаракөз Қалжанова мен аудандық газет бас редакторының орынбасары Аружан Мұханбетқали болды. Байқаудың ашылу салтанатында аудандық спорт клубының директоры Диас Әлжанов сөз сөйлеп, талапкерлерге сәттілік тіледі:<blockquote>– Аудан айнасы биылғы жылы мерейлі 85 жылдығын атап өтуде. Осыған орай аудан оқушылары арасында «Төл басылымның тұрақты оқырманымын» тақырыбында эссе жазу байқауын ұйымдастыруды жөн көрдік. Байқаудың мақсаты: Ойлы оқырман үшін бағасы биік басылымның мерейтойына арнап басылым жайлы, ардагер немесе жас тілшілер, билік пен халық арасындағы алтын көпір саналатын журналистер жұмысына деген құрметін, ел тағдырына, ел тарихына қатыстылық сезімін жандандыру, ел арасында белсенді шығармашылық адамдарын халыққа кеңінен насихаттау, – деді Диас Жасұланұлы.</blockquote>Байқауға ауданның 17 мектебінен 16 оқушы қатысып, ережеге сәйкес эссе жазды. Қортындысында қазылар алқасы үздік шығармаларды анықтады.<blockquote>– Оқушылар жазған эссенің барлығын жеке оқып, танысып шықтым. Ізденісті серік еткен озат оқушылардың ұстаздарына, ата-аналарына алғыс айтамын. Байқау жеңімпаздары жөнінде арнайы мақ ала жарияланатын болады. Аудандық газет редакциясы тарапынан жыл көлемінде оқушылардың шығармашылығына ақпараттық қолдау көрсетіледі.</blockquote>Бүгінгі іс-шараның жоғары деңгейде өткізілуіне жанашырлықпен атсалысқан аудандық спорт клубының директоры Диас Әлжановқа, аудандық дене тәрбиесі, спорт және туризм бөлімінің әдіскері Жадыра Бағдатқызына, аудандық мәдениет және тілдерді дамыту бөлімінің әдіскері Әсел Қошпановаға ерекше алғысымды білдіремін.Эссе байқауының ұйымдастырылуына ұйытқы болған, ережесін бірлесе бекітіп, жан-жақты қолдау білдірген бөлім басшылары Бағдат Мырзалыұлы мен Берік Съездұлына да редакция ұжымының атынан ризашылығымды айтамын, – деді аудандық газеттің бас редакторы Ақтөре Ибрагимұлы.Айту керек, байқау нәтижесі бойынша бас жүлдені №37 мектеп-лицейінің 9-сынып оқушысы Алтыншаш Арыстанбек, жетекшісі Алтыншаш Оразалиева, 1 орынды №147 орта мектебінің 9-сынып оқушысы Шахназ Меңлібек, жетекшісі Нейла Торғаева, 2 орынды №42 Қ.Баймағанбетов атындағы &nbsp;мектеп-лицейінің &nbsp;9-сынып оқушысы Гүлім Қылышбек, жетекшісі Перуза Миянова, 3-орынды №139 орта мектебінің 10-сынып оқушысы Айзере Сағатқызы, жетекшісі Өскен Сейдахмет жеңіп алды.Барлық байқау жеңімпаздары мен қатысушыларға газет редакторы мен Сырдария ауданының Құрметті азаматы, ҚР Журналисттер Одағының мүшесі Жәнібек Махамбет Алғыс хат пен сый-сияпат тапсырды.Мерейтой аясында іс-шаралар жыл бойы жалғасатын болады.

«Төл басылымның тұрақты оқырманымын» атты эссе байқауы өтті

&nbsp;<a href="https://kyzylorda-news.kz/">Kyzylorda-news.kz</a> &nbsp; Облыс әкімі Нұрлыбек Нәлібаевтың төрағалығымен өткен мәжілісте жылу беру маусымының қорытындысы, келесі жылу беру маусымына дайындық және коммуналдық мекемелердің қарыздары бойынша мәселелер қаралды.Күн тәртібіндегі мәселелер жайында облыстық энергетика және тұрғын үй-коммуналдық шаруашылығы басқармасының басшысы Медет Усаин баяндады.&nbsp;Аймақ басшысы жауапты маусым тұрақты өткенін айтты.<blockquote>«Жалпы өңірде жылу беру маусымы тұрақты өтті деуге болады. Дегенмен 29 наурыз күні Қызылорда қаласы Тасбөгет кентіндегі газ құбырында апаттық ақау болып, салдарынан 6 мыңға жуық абонент және 4 әлеуметтік нысан он екі сағат газдан ажыратылды. Оның ішінде облыстық балалар ауруханасы, «Ана мен бала» орталығы, туберкулезге қарсы диспансер бар. Мұндай жағдай жеке мекемелердің іс-әрекетінен екінші рет қайталануда. Құрылыс мекемелері көп жағдайда жер қазу, инженерлік инфрақұрылым жүйелеріне қосу жұмыстарын жауапты мекемелердің қатысуынсыз жүзеге асыруда. Бұған қатаң бақылау қажет. Алдағы жылу беру маусымына дайындықты бүгіннен бастауымыз керек. Барлық әлеуметтік нысандар қазан айына дейін, ал мектептер тамыз айының соңына дейін дайын болуы тиіс», – деді Нұрлыбек Машбекұлы.</blockquote>Мұнан бөлек, жиында бюджет қаржысын игеру, коммуналдық кәсіпорындардың өзара берешектерін өтеу және штаттық кестесін оңтайландыру, әлеуметтік нысандарды табиғи газға ауыстыру жайлы талқыланды.Мәжіліс қорытындысымен Қызылорда қаласы және аудан әкімдеріне, бюджеттік бағдарлама әкімшілеріне, жылу-энергия нысандарының басшыларына 1 мамырға дейін алдағы жылу беру маусымына дайындық жөніндегі қалалық және аудандық штабтар құрып, іс-шаралар жоспарын бекіту тапсырылды. Облыс орталығы мен аудандардағы әлеуметтік нысандарды газға көшірудің жоба-сметалық құжаттамалары да 1 мамырға дейін әзірленуі тиіс. Мұнан бөлек, «Қызылорда жылу электр орталығы» мекемесіне қазандықтар мен жылу желілерін жөндеуді 1 қазанға дейін аяқтау міндеті қойылды.Фото: Қызылорда облысы әкімінің баспасөз қызметі

Келесі жылу беру маусымына дайындық қазірден басталмақ

<a href="https://kyzylorda-news.kz/">Kyzylorda-news.kz</a> Көңілін кір шалмаған, жүрегіне дақ түспеген, кіршіксіз таза кішкентайлардың күлкісі – кемел келешегіміздің кілті. Қауіптен қаперсіз, қайғысыз, қамсыз, құлдыраңдап өсіп жатқан балдырғандарға қарап қаншалықты ізгі қоғам құрғанымызды бағамдауға болады. Бұл ретте болашақ қамын әуелден басшылыққа алған Президент Қасым-Жомарт Тоқаев балаларға мемлекет қамқорлығы сезілетіндей жан-жақты жағдай жасауды көздейтін пәрменді бастамалар көтеріп келеді.Өздеріңізге аян, Мемлекет басшысы 2022 жылға "Балалар жылы" деп айдар тақты. Осы жылдың аясында балаларды қорғау, олардың білімін арттыру және сауықтыру мақсатында түрлі жобалар да қолға алынды. Ендеше, балалардың тынығу лагерлерінің жай-күйін білу мақсатында қаламға салмақ салдық.Жадыраған көк майсалы жаздың салтанат құрар кезі таяп қалды. Тиісінше жазғы демалысқа шыққан мектеп оқушылары үш ай демалысты мағыналы әрі мәнді етіп өткізуге тырысады. Бірінің аңсары ауылға ауса, енді бірі – қалаға қарай асығады. Ал кейбірі жазғы лагерге барғанды құп көреді.&nbsp;Жазғы лагерь – тек демалыс орны ғана емес, тәрбие мен насихат құралы. Балаларды жан-жақты дамытып, зейіндерін ашып, еңбекке баулитын орта. Шиелі ауданына қарасты "Сыр ұланы" лагеріне жергілікті бюджеттен өткен жылы 15 341,0 мың теңге қаралған. Жазғы лагерь барысында балаларға медициналық қызмет көрсетуге, олардың сауықтырылуына барынша көңіл бөлінген-ді. Жасөспірімдердің денсаулығын қадағалау мақсатында демалыс базаларының әрқайсына арнайы тексеріс те жүргізілген. Оны білу үшін Шиелі аудандық санитариялық-эпидемиологиялық бақылау басқармасының бас маманы Ш.Нұржановаға байланысқа шықтық.<blockquote>– "Сыр ұланы" тынығу лагері және ауданымыздағы мектепішілік лагерлеріндегі балаларды демалдыру іс-шарасы маусымның 1-нен басталды. Шиелі ауданындағы мектепішілік тамақсыз лагерлерде өткен жылы 12 190 бала қамтылу жоспарланып, 15 күндік лагерде балалар демалды. «Сыр ұланы» лагерінде 553 бала демалдыру жоспарланып, 6 кезеңде 511 бала демалысын қызықты өткізген болатын. 7 кезеңде 70 бала демалса, оның 26-сы демеушілердің көмегімен уақыттарын тиімді пайдаланды, – дейді бас маман.&nbsp;</blockquote>Лагердің салтанатты ашылуы ылғи халықаралық балаларды қорғау күнімен&nbsp; тұспа-тұс келетін. Қоян жылында да тура солай болды. "Сыр ұланы" 2000 жылдан бері бейімделген балабақша ғимаратының бір бөлігінде орналасып жұмыс істеуде. 100 орынға арналып 4 топ жабдықталған. Бізге жеткен мәлімет бойынша, 2023 жылы мамырдың 30 күні аудандық СЭББ, білім бөлімі және «Сыр ұланы» тынығу лагерімен 3 жақты келісім меморандумға отырған.<blockquote>– Лагердің медициналық талаптарға сәйкес, жұмыс істеуіне арнайы «Шиелі аудандық көпбейінді орталық ауруханасы» ШЖҚ КМК мекемесінің 24.05.2023 жылғы №183 санды бұйрығына орай (балалар дәрігері, тіс дәрігері, аймақтық дәрігер) мамандары бекітіліп, іс-шаралар жоспары бойынша жұмыстар атқарылды. Аккредиттелген «ҰСО» ШЖҚ РМК Қызылорда облысы филиалымен 30.05.2023 жылы №35 санды келісім шарт арқылы тағам өнімдерінің қауіпсіздігін аспаптық және зертханалық зерттеулерді қоса алғанда, өндірістік бақылауға, 25.05.2023 жылғы №31 санды «Дезинфекция, дезинсекция және дератизация» жұмыстары бойынша келісім шарттар жасалынып, әр ауысым сайын жұмыстар жүргізілді. Аудандық көпбейін орталық ауруханасымен «Балаларды сауықтыру ұйымдарында балалардың демалысын, тамақтануын, медициналық көмек пен сауықтыру шараларын ұйымдастыру туралы» бірлескен бұйрығы бойынша 7 рет семинар өткізілді. Семинарға 164 мектепішілік лагерьлер қызметкерлері, лагерь аспаздары мен медицина қызметкерлері қатысты. Тиісінше, әр кезеңде өткізілген семинарлар фэйсбук әлеуметтік желісіне жарияланды. Өндірістік бақылаудың келісім шартына сәйкес, бактериологиялық зерттеуге 18 тағам үлгісі, 2 ауыз су, 120 шайынды, санитарлық-химиялық зерттеуге құнарлылыққа 30 тағам үлгісі, 2 ауыз су, 2 залалсыздандыру ерітіндісі зертханалық зерттеуге алынды, – дейді Ш.Нұржанова.</blockquote>Шиелі аудандық санитариялық-эпидемиологиялық бақылау басқармасының мамандары берген мәліметке қарап, балалардың тынығуы үшін тыңғылықты тексерістің болғанын бағамдауға болады. Бір ұққанымыз, жазғы тынығу лагерлері мектеп оқушыларын қуантуға қашан да даяр. Балалар демалысының дұрыс ұйымдастырылуы жайлы сөзімізді қорыта келгенде, біз көп нәрсені ұсақ-түйек деп елемейтін сияқтымыз. Ал тереңірек ойлап қарасақ, жазғы лагерлер – тек демалыс орны ғана емес, үлкен тәрбие мен шыңдалу орталығы. Себебі балалар онда жай демалып қана қоймай, әрі денсаулығын түзейді, қоршаған ортаны танып, еңбекке, достыққа бейімделеді.

Шиелі: Балалардың лагерьдегі демалысы

&nbsp;<a href="https://kyzylorda-news.kz/">Kyzylorda-news.kz</a> Көшоқы кентінде орналасқан футбол алаңында Қазақстан Республикасы Чемпионатының екінші лигасында өнер көрсететін Қайсар-Шиелі және Оңтүстік Академия командалары ойын көрсетті. Ойынға жергілікті команданы қолдап келген жанкүйерлердің қарасы қалың болды. Сондай-ақ, ойынды тамашалау үшін арнайы аудан әкімі Нұржан Ахатов, облыстық дене шынықтыру, спорт және туризм басқармасының басшысы Жанмұрат Сейілов, Қазақстан Республикасының Еңбек сіңірген жаттықтырушысы Садық Мұстафа және т.б спорт саласының ардагерлері келіп қатысты. Ысқырық шалынған сәттен бастап қос ұжым кезек-кезек қарымта шабуылдар жасаумен болды. Дегенмен екі ұжымның да сұрмергендері қақпаның кілтін таба алмай, алғашқы 45 минуттық 0-0 есебімен аяқталды. Үзілістен кейін қайта оралған команда ойыншылары алдымен Қайсар-Шиелі командасының қақпасына орнығып, бірнеше қауыпты шабуылдар жасаса, соңғы 10 минутта Қайсар-Шиелі командасы есеп ашатын бірнеше мүмкіндікке ие болды. Алайда, қақпашылар қырағылық танытып, таблода есеп өзгеріссіз қалды. Яғни қос команда бір-бір ұпайдан еншілеп, 0-0 есебімен тең тарқасты. Айта кетейік, бұл ойын QFL Екінші лигасының маусымашар ойыны болатын. Алдағы уақытта да жергілікті ұжым бірнеше ойындарды осы алаңда өткізетін болады. Сондықтан баршаңызды жерлестерімізді қолдауға шақырамыз! &nbsp;

Қайсар-Шиелі мен Оңтүстік академия командалары арасындағы ойын тең аяқталды

<a href="https://kyzylorda-news.kz/">Kyzylorda-news.kz</a> Жалағаш ауданында аудан әкімі Ардақ Ибраимов Жалағаш кентіндегі көше комиттерімен кездесу өткізді. Жалпы Жалағаш кентінде 2018 жылы көше комитеттері құрылып, жұмысын бастаған. Аталған құрылым арқылы кент тұрғындары мен жергілікті билік арасындағы қарым-қатынас нығайып келеді.&nbsp;<blockquote>– Бүгін өздеріңізбен пікір алмасып, сұрақтарыңыз бен ұсыныстарыңызды тыңдау мақсатында кездесіп отырмыз. Жиынға ардагерлер, кент тұрғындары, көше комитеттері, аудандық мәслихат депутаттары, аудандық қоғамдық кеңес мүшелері, кәсіпкерлер мен жергілікті қоғамдастық жиналысы мүшелері қатысып отыр. Үстіміздегі жылдың наурыз айынан бастап аудан көлемінде көркейту және көгалдандыру жұмыстарының іс-шаралар жоспары бекітіліп, тиісті жұмыстар жүргізілуде. Әр күні жылға азық болатын берекелі мезгілде еңбекқор шаруаларда уақыттың қадірін біліп, еңбекке ерте кірісті, – деді Ардақ Әбдіғаппарұлы.&nbsp;</blockquote>Қазіргі таңда аудан тұрғындары көктемгі көркейту жұмыстары, ауладағы бау-бақшаны күтіп-баптау секілді жұмыстарды жүзеге асыруда. Аудан тұрғындарының мұндай белсенділігі бізді қуантады.&nbsp;<blockquote>– Жалағаш – біздің туған жеріміз. Туған жердің көркеюіне, гүлденуіне үлес қосу әрбірі тұрғынның азаматтық парызы деп есептеймін. Көктемнің жайма-шуақ күндерінде ауылдарда, кентте көркейту жұмыстары жүруде, бұл шаруаны әрбір азамат өз ауласынан бастағаны жөн. Өз ауламызды ғана емес, үйіміздің көше бетіне де тазалық жұмыстарын жүргізіп, саялы ағаш отырғызып, гүлдер егіп, үйімізді ақтап, қақпамызды сырлап қойсақ үй-жайымыз да жаңарып қалады, екінші жағынан кенттің тазалық жұмыстарына да үлесімізді қосқан болар едік. Таяуда ғана Мемлекет басшысы елімізде «Таза Қазақстан» экологиялық акциясы аясында аумақтарды абаттандыру, көгалдандыру жөнінде бірқатар тапсырмалар жүктеп, аймақ басшысы да өз Үндеуін жариялады. Осы арқылы экологиялық акция барысында аудан тұрғындары қоғамдық мәдениет деңгейін арттыру арқылы республикалық деңгейдегі акцияға қолдау көрсететін болады, – дейді Жалағаш ауданының әкімі.</blockquote>Иә, тазалықты сақтау, оған айрықша мән беру – әрбір адамның туған жеріне деген жанашырлықты қажет етеді. Әсіресе, кенттің тазалығын сақтау – өте маңызды шаруа. Тазалық – әркімнің ауласынан, табалдырығынан басталуы тиіс. Қоршаған ортаның тазалығына жауапкершілікпен қарау – әрбір азаматтың басты міндетті. Сондықтан әрбір тұрғын өз үйінің жан-жағын таза ұстауға, кентті көркейтуге үлес қосуы керек.&nbsp;Сондай-ақ, тұрмыстық қатты қалдықтар мен күл-қоқыстарды арнайы белгіленген орындарға шығарып тастау жөнінде тұрғындарға ескертілуде. Десе де бұл жұмыстар толық жасалмай отыр. Осы ретте аудан әкімі мұндай жұмыстарға көше комитеттерін, мәслихат депутаттары мен жергілікті қоғамдастық жиналысы мүшелерін де белсенді атсалысуы қажеттігін ерекше атап өтті.&nbsp;Жалағаш кенті ардагерлер кеңесінің төрағасы Құлмахан Қожатай расында тазалыққа тастай талап қажет екенін тілге тиек етіп, бұл ретте әрбір тұрғында жауапкершілік болуы қажеттігін де жасырмады.&nbsp;

Жалағаш ауданы: санитралық-тазалық жұмыстары пысықталды

&nbsp;<a href="https://kyzylorda-news.kz/">Kyzylorda-news.kz</a> Аудан әкімі Ардақ Ибраимов көп балалы аналарға Қазақстан Республикасы Президентінің №497 Жарлығымен «Күміс» алқа наградасын табыстады.«Өздеріңізге белгілі, ел Президенті Қасым-Жомарт Кемелұлы Тоқаев жыл сайынғы Қазақстан халқына арнаған өз Жолдауларында ана мен бала жағдайына, еліміздегі демографиялық ахуалына ерекше көңіл бөледі.Президент жолдаулары аясында 2023 жылғы 1 қаңтардан бастап бала күтімі үшін төлемақы төлеу мерзімі сәби бір жарым жасқа толғанға дейін ұзартылса, 2024 жылдың 1 қаңтарынан бастап айлық есептік көрсеткіш өсіп, жәрдемақылар көлемі де арттырылды.Сондай-ақ, мемлекет басшысының бастамасымен «Ұлттық қор – балаларға» атты жаңа бағдарламаға сәйкес, Ұлттық қордың жыл сайынғы инвестициялық табысының 50 пайызы балалардың арнаулы жинақтаушы есепшотына аударыла бастады.Қаржы әр бала 18 жасқа толғанға дейін аударылып тұрады. Жинақталған қаржы балалар кәмелет жасына толғаннан кейін олардың баспана немесе білім алуына жұмсалады. Бұл қаражат өскелең ұрпақтың үлкен өмірге қадам басуына мүмкіндік беріп, барлық аналарға көрсетілген көмек деп есептеймін»,-деді Ардақ ИбраимовСондай-ақ, бейбіт тірлік пен берекелі бірліктің, жарқын болашаққа деген сенімнің ұйытқысы болып отырған барша қыз-келіншектерге, апа-қарындастарға, аяулы аналарға шынайы ризашылығын жеткізді.Қуанышты сәтке куәгер қонақтар отбасының түтінін түзу ұшырып қана қоймай, ел болашағы – жас ұрпақты тәрбиелеуде шексіз еңбегі бар нәзік жандылар қауымын наградаларымен құттықтады.Бүгінде ауданымызда 1382 көп балалы отбасылар есепте тұрады. Көп балалы ана, наградталғандар саны – 1026. Оның ішінде 44 ана І және ІІ дәрежелі «Ана Даңқы» орденімен марапатталса, 40-ы Кеңестер Одағының «Батыр ана» атағына ие болған аналар, 304-і – «Алтын алқа», 638-і «Күміс алқа» иегерлері.

Қазақстан және Қызылорда облысының жаңалықтары