&nbsp;<a href="https://kyzylorda-news.kz/">Kyzylorda-news.kz</a> &nbsp; Кеше Қазалы ауданы әкімі Мейрамбек Шермағанбет Әйтеке би кентіндегі Жанқожа батыр көшесіне жүргізіліп жатқан қайта жаңғырту жұмыстарымен танысты. Жанқожа батыр көшесіндегі жол жөндеу жұмыстары 2023 жылы басталып, 691 метрге асфальт қабаты төселген болатын.Орталық көшедегі жасалып жатқан жұмыстардың жайын аудан басшысына мердігер мекеме «Строй Модуль Астана» жауапкершілігі шектеулі серіктестігінің директоры Жасұлан Шамұратов баяндады.Аудан әкімі былтыр басталған қайта жаңғырту жұмыстарына байланысты жауапты сала басшыларына Жанқожа батыр көшесінің Т.Бөріқұлақов және Қ.Пірімов көшелерінің қиылыстарына жол айрықтарын салу, Жанқожа көшесінің жаяу жүргіншілер жолын жаңарту, аяқ су трубаларын орнату, көше бойындағы электр бағаналарын ауыстыру және басқа да, жобада қаралмаған жұмыстарға толықтырулар енгізуге қатысты нақты тапсырмалар берді. Сондай-ақ, аудан орталығындағы Әйтеке би көшесін мүмкіндігінше, кеңейту және Қазалы қаласы мен Әйтеке би кентінің аралығында орнатылған жарық шамдарды тексеріп, тиімділігін анықтау жөнінде тапсырма берді.Айта кетейік, бүгінгі таңда Жанқожа батыр көшесіндегі жаяу жүргіншілер жолындағы бордюрларды ауыстыру жұмыстары жүргізілуде. Орталық көшедегі қайта жаңғырту жұмыстары жыл аяғына дейін аяқталады деп жоспарлануда.

Қазалыда Жанқожа  батыр атындағы көше қайта жаңғыртылады

<a href="https://kyzylorda-news.kz/">Kyzylorda-news.kz</a> Жасы 60-тан асқан сала ардагерлері мен этнос өкілдері және қоғам белсенділерінен тұратын Шиелі аудандық ақсақалдар кеңес мүшелері өткен жылы 4 мәрте жиын өткізіп, 10 мәселе қараған. Дені – әлеуметтік салаға қатысты. Сонымен қатар жастар тәрбиесіндегі олқылықтың орнын шешуге атсалысты. Денсаулық саласы мен баға нарығының өсу себептерін анықтауға да септігін тигізді.Өткен жылы Шиелі аудандық Жастар ресурстық орталығында ақсақалдар кеңесі қоян жылын қорытындылап, алға қойған жоспарларын пысықтаған-ды. Қорытынды отырысқа мұрындық болған Қоғамдық келісім КММ Шиелі ауданы бойынша этносаралық сарапшысы Біржан Бақтыбайұлы. Айта кетейік, ақсақалдар кеңесіне 14 адам мүше. Жыл бойы кеңес отырысында түрлі бөлімдермен қатар, Шиелі кент әкімдігінің, жұмыспен қамту және әлеуметтік бағдарламалар бөлімінің баяндамалары тыңдалып, жан-жақты талқыға түсті. Одан бөлек тұрғындардың өтініш-тілектері де ескерусіз қалмады.Қоян жылын қорытындылайтын соңғы кеңес отырысына Шиелі аудандық Қоғамдық кеңес төрағасы Қаблеш Бекішев, Б.Қабылұлы атындағы мәдениет үйінің директоры Зульфия Шалабаева, Шиелі аудандық орталық кітапханалар жүйесінің директоры Гүлдана Жақыпова, «Демеу» спорт клубының директоры Нұрлан Зермұхамедов, «Нартай» өнер мектебінің директоры Мұхамедәлі Бекпейісов, Ақсақалдар кеңесінің мүшелері, Шиелі аудандық қоғамдық даму бөлімінің әдіскері Гүлжанат Сейтова, аудандық «Өскен өңір» газетінің тілшісі Сұлушаш Мадиярова қатысты.&nbsp;Әдеттегінше бұл қорытынды отырыста аудандық ақсақалдар кеңесінің төрағасы Исабек Байкенжеев модератор болып, келелі мәселелерге тоқтады. Кеңес отырысында үш маңызды мәселе қаралған болатын. Бірінші – аудандық мәдениет және спорт бөлімінің жұмысы, екінші – мемлекеттік мекемелердің қысқа дайындығы, жылу маусымы, ал үшінші – қоғамдық кеңестің жылдық жұмыстары талқыланды.Бірінші мәселе бойынша Шиелі аудандық мәдениет және спорт бөлімінің бас маманы хабарлама жасады.&nbsp;«Аудан өнерпаздары 62 облыстық, 37 республикалық, 19 халықаралық байқауларға қатысып, барлығы І, ІІ, ІІІ орындарды қоспағанда 42 бас жүлдемен марапатталды. Республикалық дәрежеде өткізілген әнші, композитор, тәуелсіздік құрбаны Иманжүсіп Құтпанұлының 160 жылдығына орай «Қазаққа аты мәшһүр Иманжүсіп», талантты актер, қазақтың күлкі керуені көшбасынан орын алатын Мейірман Нұрекеевті еске алуға арналған «Мінекей, Мейірманның ізбасарлары» байқауы мен ән-күй өнері тарихында ең алғаш дауысы граммофонға басылған әнші-сазгер Шолпан Жанболатқызын еске алуға арналған «Сырдың қараторғайы» атты сырнаймен орындаушылардың республикалық фестивальі жоғары деңгейде өтті. «Сырдың қараторғайы» әнінің шығу тарихы мен авторы туралы толық мәлімет Өзбекстан Республикасының мемлекеттік мұрағатында сақтаулы тұр. Бұл құнды жәдігерді алдыру үшін Мәдениет және ақпарат министрлігі тиісті жұмыстар жүргізуде. Осыған орай, мәдениет бөлімі келер жылы дәстүрлі әншілер мен ғалым этногрофтардың қатысуымен «Сырдың қараторғайы» атты ғылыми-танымдық конференция өткізуді жоспарлап отырмыз» – деді.Баяндама жасаушыға кеңес мүшелері өзекті деген спорт кешендерінің жай-күйі, тарихи орындарды кеңінен насихаттау, ескерткіштерді қарау, кітапхананың жағдайы, спорт ардагерлерін дәріптеу, өнерпаздарды қолдау, спектакль қойылымдары, шағын спорт алаңдарының жағдайы туралы&nbsp;сұрақтар қойып, оған сала маманы өз деңгейінде жауап қатты.Кеңестің екінші мәселесі төңірегінде аудандық тұрғын үй коммуналдық шаруашылық, жолаушылар көлігі және автомобиль жолдары бөлімінің сектор меңгерушісі Жомарт Баядилов айтып берді. Ол&nbsp;«Жылу маусымына дайындық қызу. Төтенше жағдай орын алған жағдайда да әзір екендіктерін». Қатысушылар тарапынан электр бағаналары, газ мәселесі, қоғамдық көлік пен аудан тұрғындарының жағдайын жақсарту туралы сауалдар қойылып, тиісінше жауап берілді.Ал үшінші мәселеде аудандық Қоғамдық кеңестің төрағасы Қаблеш Бекішев жыл көлемінде атқарған жұмыстарын баян етті. Білгеніміздей, 16 отырыс өткізіліп, бірнеше мәселе өз шешімін тапқан. Отырыс нәтижесінде хаттама рәсімделіп, тиісті мемлекеттік органдарға мерзімінде орындау үшін ұсыныстар жолданбақ.&nbsp;Осылайша, артта қалған жылға есеп беріп, жұмысын қорытындылаған аудандық ақсақалдар кеңес мүшелері келе жатқан ұлу жылына жоспар құрып, бағытын жүйелеп алды.

Шиелі: Ақсақалдар кеңесі қоян жылын қалай таразылады?

&nbsp;<a href="https://kyzylorda-news.kz/">Kyzylorda-news.kz</a> &nbsp;Байжанов Бишімбаев сияқты емес –&nbsp;ол бәрін соның ықпалымен істеген.Бұл жайлы журналистерге сот кулуарында&nbsp;Салтанат Нүкенованың ағасы Қайрат Нүкенов айтқан, деп хабарлайды&nbsp;<a href="https://sn.kz/sn-akparat-agyny/111592-keshiruge-daiynbyz-nukenovanyn-agasy-baizhanov-turaly">Skifnews.kz</a>&nbsp;ақпарат порталы.Оның айтуынша, Байжанов&nbsp;бәрін ағасы Бишімбаевтың ықпалымен істеген.Ол бүгінгі таңда тек ағасының кесірінен тергеліп жатыр. Ол бес ай бойы тергеліп жатқаны үшін ағасына “көп рақмет” айтуы керек. Оның балалары барын білеміз. Әйелі, әке-шешесі бар. Әке-шешесімен кездестік. Өте жақсы отбасы. Маған солай көрінді. Байжанов Бишімбаев сияқты емес –&nbsp;ол бәрін соның ықпалымен істеген. Ол сотта шын жауап берсе, біз де адамбыз ғой –&nbsp;кешіруге дайынбыз, – деді Қайрат Нүкенов сот кулуарында.Фото: Жоғарғы сот

«Кешіруге дайынбыз»: Нүкенованың ағасы Байжанов туралы

<a href="https://kyzylorda-news.kz/">Kyzylorda-news.kz</a> “Қазавтожол” ҰҚ” АҚ-ның 10 сәуірдегі мәліметінше, еліміздің республикалық маңызы бар 8 жол жүру учаскесі жабық,- деп хабарлайды<a href="https://kaz.zakon.kz/kogam-tynysy/6040887-respublikaly-mayzy-bar-bratar-trassalardy-su-shayyp-kett.html"> Zakon.kz</a>.Ведомства автомобиль жолдарын су шайып кетудің бірден-бір себебі - күннің күрт жылып, қардың тез еруі салдары екенін атап өтті.<blockquote>2024 жылғы 10 сәуірдегі сағат 09:00-дегі жағдай бойынша халықаралық және республикалық маңызы бар автомобиль жолдарында ауа-райының жылынуы мен қардың тез еруі салдарынан 4 облыста (Ақмола, СҚО, Атырау, Қостанай) 8 жол жүру учаскесінде су тасқыны орын алды."Қазавтожол" ҰҚ" АҚ</blockquote>Сурет: pxhere

Республикалық маңызы бар бірқатар трассаларды су шайып кетті

&nbsp;<a href="https://kyzylorda-news.kz/">Kyzylorda-news.kz</a> &nbsp;Атырау облысы Құлсары қаласындағы дүкендердің бірінің маңындағы судан ер адамның мәйіті табылды. Бұл туралы<a href="https://stan.kz/atirau-oblisinda-taskin-sudan-er-adamnin-mayiti-tabildi-398222/"> Stan.kz </a>ақпарат агенттігі хабарлайды.Мәйітті төтенше жағдай&nbsp;қызметкерлері тапқан. Облыстық полиция департаменті жағдайға қатысты түсініктеме берді.<blockquote>"Құлсары қаласында табылған мәйітке қатысты&nbsp;су тасқыны бейіттерді шайып кеткені туралы хабарланды. Табылған мәйіттің су тасқыны кезінде жоғалып кеткен іздеудегі&nbsp;әке мен балаға қатысы жоқ", –&nbsp;делінген полиция хабарламасында.</blockquote>Қазір қала сыртындағы екі зират&nbsp;су астында қалған.Еске салсақ, бұған дейін&nbsp;Құлсарыда су астында қалған үйін көруге кеткен әкесі мен ұлы іздестіріліп жатқаны туралы жазған едік.&nbsp;Фото:&nbsp;azh.kz

Құлсарыда тасқын судан ер адамның мәйіті табылды

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы Қасым-Жомарт Тоқаев Ораза айт мерекесімен құттықтады.Қадірлі отандастар!Баршаңызды Ораза айт мейрамымен құттықтаймын!Бұл – мұсылман қауымының ерекше ықыласпен қарсы алатын ұлық мерекесі. &nbsp;Қасиетті Рамазан айында жұрт адамгершілік құндылықтарға баса мән береді, рухани тазаруға ұмтылады. Мұқтаж жандарға қол ұшын созып, айналасына қайырымдылық көрсетеді. Отыз күн оразадағы сабыр мен қанағатқа негізделген игі амалдың бәрі Айт мерекесінің шынайы болмысын айшықтай түседі.Ата дініміз адамзатты татулық пен тыныштыққа, қамқорлық пен мейірімділікке, жанашырлық пен жасампаздыққа үндейді. Адал еңбек етіп, адал табыс табуға шақырады. Мұның барлығы, түптеп келгенде, бүкіл еліміздің ырысты ынтымағын арттыруға ықпал етеді.Халқымыздың салт-дәстүрі Ислам дінінің, Рамазан айының және Айт мейрамының ұлағатымен ұштасып жатыр. Бұл сабақтастық берекелі бірлігімізді нығайтып, әділетті қоғам құру жолында маңызды рөл атқарады.Еліміз аман, жұртымыз тыныш болсын!Әр шаңыраққа бақ-береке және толағай табыс тілеймін!Айт қабыл болсын, ағайын!&nbsp;

Мемлекет басшысы Қасым-Жомарт Тоқаев Ораза айт мерекесімен құттықтады

<a href="https://kyzylorda-news.kz/">Kyzylorda-news.kz</a> &nbsp;Қазақ пен қолөнер егіз ұғым. Тамыры тереңге жайылған ұлттық құндылықтарымызды қолөнермен біріктіріп, оны өзгеге үйрету шын мықтының ғана қолынан келеді. Туындыларымен таңғажайып дүниелерді жасайтын қолөнер шеберінің бірі – Бақытгүл Сатыбалдиева 14 жылдың ішінде 200-ге жуық шәкіртке бар білгенін үйретіп, өнерге баулыған. Кәсібінен нәсібін тауып жүрген шебер бүгін Өңірлік коммуникациялар қызметінің ақпарат алаңында қонақ болып, БАҚ өкілдеріне өз қолынан шыққан керемет туындыларын көрсетті.<blockquote>– Қолөнер – қазақтың төл өнері десем артық айтқандық емес. Себебі, біздің аналарымыз сонау ғасырдан бері бұл істі жанына серік етіп, күнделікті тұрмыста қолданатын болған. Мен де бала кезімнен түрлі қолөнер бұйымдарын жасап көріп, ерекше қызығып өстім. Бойжеткен шағымда кесте тігуді меңгердім. Уақыт өте келе сол қасиеттерімді дамытып, бүгінде киізден киім тігіп, оны бастырып, өрнектеу арқылы қабырғаға ілетін түрлі картиналар жасаймын. Осы қолөнер бұйымдарын жасаумен айналысып келе жатқаныма бүгінде 14 жылдан асыпты. Осы уақыт аралығында 200-ге жуық шәкірт тәрбиелеп, бар білгенімді үйретудемін. Уақыт өткен сайын қолөнер бұйымдарын жасаудың сан түрлі әдісі шығуда. Оның барлығын лезде меңгеріп алуға ең бірінші уақыт одан кейін ұқыптылық қажет. Мен қолөнердің бұйымдарын жасаудағы ең сүйікті жұмысым – киізбен және кестемен өрнектеу. Осы екі өнерімді терең дамыту үшін барымды салудамын Жалпы 2020 жылдан бастап өзімнің «Art dizain» деп аталатын курсымды ашып, қыз-келіншектерге қолөнер бұйымдарын жасаудан сабақ өткіземін. Қыз-келіншектердің осы іске қызығушылығынан шабыт аламын. Олардың қолынан шыққан туындыларын барынша елге көрсетуге тырысамыз. Бұрын аналарымыз киіз басу ісіне аса ден қойып, күнделікті тұрмыс-тіршілігі үшін көп пайдаланған ғой. Ал, қазір бұл үрдіс бәсеңдеп қалды. Яғни, киізді, киізден жасалған бұйымдарды қолданатындар саны азайды. Мен керісінше, осы киізден киіп тігіп, түрлі қабырғаға ілетін ұлттық нақыштағы суреттерді басып, дайындаймын. Одан бөлек, бас киімдерді қазіргі сән үлгісіне сай тоқимын. Алдағы уақытта ерекше қолөнер бұйымдарын жасауды мақсат етудемін, - деді Бақытгүл Өтеубайқызы.</blockquote>Фото: Қызылорда облысының Өңірлік коммуникациялар қызметі

Қызылордалық қолөнер шебері 200-ге жуық шәкірт тәрбиелеген

&nbsp;<a href="https://kyzylorda-news.kz/">Kyzylorda-news.kz</a> &nbsp;Қашан көрсеңіз де, бір қалыпта жүретін осы бір замандастың мінезіне іштей қызығатындар көп. Білесіз, медицина саласының жұмысы қай кезде де қат-қабат, қым-қуыт шаруадан тұрады. Бір орында отырып істейтін жұмыс емес. Ол медбике қызметі болса тіпті де екі еселенеді. Бұлай айтуымыздың өз себебі бар. Үй аралау, науқастардың жағдайын білу, қабылдауға келгендердің құжаттарымен айналысу да – осы нәзік те жауапкершілігі жоғары мамандық иелерінің құзырында.&nbsp;Біз сөз еткелі отырған мамандық иесінің бірі – Ләззат Пірманова Тұрмағамбет ауылының тумасы. Сонда 1968 жылы дүниеге келген. Ол Жосалы кентіндегі &nbsp;жүз жылдан аса тарихы бар Шоқан Уәлиханов атындағы №26 орта мектепте білім алған. Сол мектеп қабырғасында жүріп, оның медицина саласына қатты қызығушылығы басталады. Өйткені саланың қай маманын көрсе де мұнтаздай тазалық, аппақ түсті киім үлгісі мен темірдей тәртіп жасөспірімнің медицинаға деген көңілін біржолата аударып жіберген-ді. Ақ халатты ару болуды қалаған бойжеткен 1984 жылы Қызылорда медициналық училищесіне оқуға түсіп, оны «Медбике» мамандығы бойынша жақсыға бітіріп шығады. Бітірген 1987 жылдың шілдесінен бастап аудандық Балалар емханасына учаскелік медбике болып жұмысқа орналасып, осы уақытқа дейін сәбилердің денсаулығы үшін аянбай күресіп келеді. Қазір қарап отырсақ, содан бері де арада өткен 37 жылда тынымсыз еңбек етіп, бір дамылдауды білмепті. Жүрегі жұмсақ, жүзінен мейірім самалы есіп тұратын маманның осынау жылдары ізденіске, зор қарбаласқа, маңдай терге толы. Олай дейтініміз – қырық жылға жуық еңбек өтілінде талапқа сай, үнемі білімін жетілдіріп, халыққа сапалы қызмет көрсетуде өзін қамшылап отырыпты. Негізгі жұмысымен қатар, емхананың қоғамдық істеріне де белсене атсалысыпты.&nbsp;Қай жұмыста да аға буынның өзінен кейінгі жас толқынды мамандыққа баулып, оның сыры мен қырына үйрету – қадірменді іс саналған. Біздің кейіпкеріміз де ұжымдағы жастарға осы кезге дейінгі қызметінен жинаған тәжірибесін іспен көрсетуден де, ауызбен насихаттаудан да шаршаған емес. Уақыт бір орында тұрмайды. Жылжып жатқан сағаттар. Өзі де кеше ғана емханаға сымдай тартылған балауса бойжеткен болып келсе, бүгінде ұжымның аға буынының алды. Жастар бой түзейтін, жақсы көріп, сыйлайтын, құрметтейтін әпкесі, кейбіреулеріне екінші анасы іспетті. Сол үшін де білгенді ұжымға беру, жас мамандарға қолдау білдіру – Ләззат Бостанқызы адамгершілігі алдындағы адал парызы есептейді. Ұрпақтармен сабақтасып жататын өмірдің заңдылығы да осы деп ұғады ол.&nbsp;Ол еңбек ететін «Шипагер» емханасында болып, білікті маманның қазіргі таңда атқарып жүрген шаруасы, елге көрсететін қызметі жайлы өз аузынан сұрап білген едік. &nbsp;<blockquote>– Сырт көзге қарағанда медбикенің жұмысы елеусіздеу көрінетіні бар. Бірақ оның атқаратын жұмысы аз емес. Өз аймағымызда жас сәбилердің денсаулығын бақылап, түрлі аурудың алдын алу іс-шаралар жүргіземіз. Жас аналармен сырласып, аурудың алдын алуда екпелер жасаймыз. Манту сынамалары, қандай да бір науқастылықтың алдын алуда скринингтік профилактикалық тексерулерді жүзеге асырамыз. Оның уақытында жүргізілуі де біздің қадағалауымызда болады. Қазір «Әмбебап-прогрессивті» модель әдісімен 5 жасқа дейінгі балалардың дұрыс өсіп, психо-социалдық дамуы мен отбасындағы әлеуметтік жағдайының оң болуына насихат жүруде. Баланың &nbsp;дұрыс тамақтануы, жанұяда қауіпсіз болуы, зорлық-зомбылық және жүкті әйелдер денсаулығындағы қауіп-қатерді анықтап, профилактикалық жұмыстар жүргізу де медицина бикесінің міндетіне кіреді. Тәжірибеміз бар, қолдан келгенді аяп қалып жатқанымыз жоқ. Бастысы – халықтан алғыс арқаласақ, – дейді өз ісінің шебері.&nbsp;</blockquote>Алғыс демекші, білікті мейірбикеге тұрғындар арасынан алғыс айтушылар да жетерлік. Солардың қатарында Мұстафа Шоқай көшесі, №5 үйдің тұрғындары, Қалдашбаевтар отбасын айтқан болар едік. Олар – «Денсаулық – &nbsp;зор байлық» дегенді халқымыз бекер айтпаған. Немерелеріміздің денсаулығы отбасы үшін маңызды. Осы ретте аймақтық мейірбикеміз Ләззат Бостанқызының еңбегін бағалауды жөн санаймыз. Маманның елгезектігі, мейірімділігі, сәбиге деген сүйіспеншілігі бөбектерді ауруынан тез сауықтыруына септігін тигізуде. Уақытпен есептеспейтін маманға біз отбасымызбен ризашылығымызды айтып отырамыз» десе, осы көшенің тағы бір тұрғыны Роза Бақтыбаева да алғысын былайша жаудырады.&nbsp;<blockquote>«Ләззат Бостанқызы біздің аймақтық медбике. Жас пен кәріге, жалпы адамзаттың бәріне көмек қолын созып, жанын қоярға жер таптырмай азаптаған ауруынан айықтырып, ақ халатты періштедей көз алдында көлбеңдей жүріп, жанына дауа, тәніне шипа болардай ем беріп жүрген мықты маман. Жылы сөзімен науқастың көңілін көтеріп, өмірге деген құлшынысын арттырып, ертелі-кеш ерінбей, барлық адамдар үшін еңбек етіп жүрген жан. Халықтың алғыс-сауабын арқалаған ақ халатты абзал медбике. Біздің учаскенің барлық тұрғынын түгендеп, отбасылық медбике ретінде жанын беруге әрдайым дайын адам. Еңбегінің жемісін көріп, биік белестерді бағындыруына шын жүректен тілектеспіз», – дейді ол.&nbsp;</blockquote>Ләззат ұжымында сыйлы әріптес болса, жанұясында ардақты жар, аяулы ана. Жұбайымен бірге отбасында 3 бала тәрбиелеп өсіріп отырған бақытты жан. Ұлдарын ұяға қондырып, бүгінде шаңырақта көз қуанышы болған &nbsp;немерелерінің асыл әжесі. &nbsp; &nbsp;

ІІІ интернационалдық антына адал мейірбике

<a href="https://kyzylorda-news.kz/">Kyzylorda-news.kz</a> &nbsp;Қоғамда әртүрлі жадайларға тап болған небір мұқтаж жандар бар. Бірі тағдыр тауқыметіне ұшырағандар болса, енді бірі табиғи апаттан, тілсіз жаулардан зардап шеккендер. Көмекке зәру адам кезіксе, қол ұшын созар жандардың жолығары анық. Олар еш ақыны талап етпейтін, қандай іс қылса да, жан қалауымен жасайтын жақсылар.Ғалам тұрғындарының сегізден бірі, осы еріктілер ретінде қоғамдық жұмыспен айналысады екен. Олардың саны тұтас әлемде бір миллиардқа жуықтайды. Ал, еліміз бойынша мемлекет басшысы Қасым Жомарт Тоқаев 2020 жылды «Еріктілер жылы» деп жариялағаннан бастап, волонтер саны көбейе бастады. Бұл шешім оларға қолдау болып, еріктілердің еңбегі еріккеннің ісі емес екендігіне дәлел бола алды.Елімізде орын алып жатқан табиғи апатқа ұшыраған аймақтарға көмектің кез келген түрін жолдап жатқан еріктілер аз емес. Осы ретте, аудан тұрғындарының демеуімен Қазалы ауданының қайырымдылық керуені Қобда ауылына жолға шықты.Әлеуметтік желіге тараған жылы бейнеден кейін еріктілерден нақты қандай заттармен көмек көрсетіп жатқандығын білгім келіп, аталмыш жұмыстың басында жүрген аудандық жастар ресурстық орталығының директоры Нұрбек Ақпанбетовпен хабарласқанда:<blockquote>– Қазір қасымда он шақты жігіт бар. Елдің аманатын тапсыруға және қолдан келген көмекті көрсету үшін арнайылап бара жатырмыз. Ал, ауданнан жалпы, еріктілердің санын нақты айту қиын. Осы жұмылған үлкен істе әрбірінің үлесі зор. Тіпті, базардан зат алуға барғанымызда кәсіпкерлер өздерінің атынан деп, киім мен азық беріп жатты. Қолымызда 2,3 тонна ұн, 3,3 тонна күріш, 1 жарым тоннадай сұйық май мен картоп, бір тоннадан аса макарон және тағы да басқа азық-түліктеріміз бар. Сонымен қоса, гигиеналық заттар мен балаларға қатысты жүргектер, тіпті, ойыншықтарға дейін жиналды. Кәсіпкерлер мен белді азаматтар арасында 100 мыңдап ақшалай көмек көрсеткендер де болды. Сол жиналған қаржыдан қолымызға 1 миллион теңге қоса алып бара жатырмыз. Ауданнан тағы да еріктілер хабарласып, екінші жүк көлігін толтыруға қамданатындарын айтты. Қиын-қыстау заманда бауырларымыздың жанынан табыла білу бізге парыз іспеттес. Ел жұмылса, ойлағанның бәріне жетуге болады деп ойлаймын, – дейді.</blockquote>Елдің тұтастығымен қатар, ел ішіндегі тыныштықпен қамсыз өмір де маңызды. «Он адам жүрген жерде із қалады, жүз адам жүрген жер – соқпақ, мың адам жүрген жерде жол қалады» деген еліміздің даналық сөзі бар. Еріктілердің біз білетіннен бөлек жасырын қалыпта сауапты іс жасап жүргендері қаншама? Жүректеріне жылулық ұялаған еріктілердің жасырын яки, жария жасалған істері қашан да үлгі жол. Әрқайсысымыз ел қамы үшін үлес қосуға тырысайық.

Қазалылық еріктілердің сауапты ісі жүректерге жылулық ұялатты

&nbsp;<a href="https://kyzylorda-news.kz/">Kyzylorda-news.kz</a> &nbsp;Көктемнің жайма шуақ уақыты, керемет көріністер мен жанға жылу сыйлайтын шаралардың бастау алатын кезі ғой. Жаңақорған ауданында «Әлем сұлу әйелмен» атты жас келіндер арасында керемет байқау болып өтті. Шараны ұйымдастыруға атсалысқан, Жаңақорған аудандық ішкі саясат бөлімі мен «Жастар Ресурстық Орталығы Жаңақорған» белсенділік танытып, көпшілікке көтеріңкі көңіл күй сыйлады. &nbsp;Аудан көлемінде ұйымдастырылған шараға 7 әулеттің келіндері қатысып, бақ сынасты. Байқаудың ережесі бойынша қатысушылар бірінші кезеңде «Әдептілік белгісі, иіліп сәлем бергені» тақырыбында өз отбасын, барған жерін таныстырса, екінші кезеңде «Дана әйел-дамыған ел негізі» атты сұрақ-жауап кезеңі өтіп, салт-дәстүр бойынша білімдерін ортаға салды. Үшінші кезеңде «Қол өнері-кілемде, сөз өнері-өлеңде» шартымен бойда бар өнерлерін ортаға салды. Соңғы қорытынды кезеңде «Әйелдің астанасы – асхана» қамыр жаю бойынша сынға түсті.Алғашқы таныстыру кезеңінде қарасөзбен келістіріп жеткізген Манап ауылынан келген Ақбота мен Құттықожалық Жансаяның жыр жолдары мазмұнды, мәнді өрілсе, Айдана мен Ақниет бұл ережені әнмен әрлеп жеткізуге күш салды.«Дана әйел – дамыған ел негізі» сайысында қатысушылар ұлттық салт-дәстүрді насихаттайтын сұрақтарға жауап іздеді. Оның ішінде әлі де қолданыста жүрген, ұғымға жақын, құлаққа таныс жөн-жоралғылармен қатар мүлдем естімеген көне заманмен бірге көміліп кеткен салт түрлері де кездесті. Көңіл көкжиегі кеңдігімен танылған келіндеріміз бұл сыннан да мүдірмей өтті. Соңғы сайыс қамыр жаю қарапайым болғанымен, үй шаруасының қазығы болуға тиіс қаракөздеріміз үшін әжептеуір сын болды.Байқау қорытындысы бойынша, Құттықожа ауылынан қатысқан Қалдыбекова Жансая «Инабатты келін» номинациясы, Ақүйік ауылдық округінен Ғалымдоллақызы Ақниет «Дәстүрлі келін» номинациясы, Машбек ауылдық округінен Нұрлыбай Гүлзат «Өнерлі келін» номинациясы, Қыраш ауылдық округінен Хияшова Гүлдана «Парасатты келін» номинациялары бойынша марапатталды. Ал III орынды Машбек ауылының келіні Тасболатова Айдана иеленсе, II орынға Манап ауылының келіні Асанхан Ақбота лайық деп танылды. Үздік атанып, I орынды Төменарық ауылының келіні Тасболат Гүлшырын иеленді. А.Д.Романов атындағы 53-орта мектептің орыс тілі және әдебиеті пәнінің мұғалімі Гүлшырын өнерімен, салт-дәстүрді жетік меңгергендігімен, үй шаруасына бейімділігімен қарсыластарын басып озып, жеңіс тұғырынан көрінді.Әділқазылар құрамы төрайымы «Жаңақорған тынысы» газетінің қаламгері Баян Үсейінова сөз алып, жүрексінбей байқауға қатысып, бар өнерін ортаға салған келіндерге шын жүректен ризашылығын жеткізді.<blockquote>«Адам ұрпағымен мың жасайды», – деп халық тегін айтпаған. Осындай ұрпақ жалғастығы ақ жаулықты аналарымыз аман болсын. Әрбір ұлттың сан ғасырдан бері ұрпақтан-ұрпаққа мирас болып келе жатқан ізгі мұраларын және ұлттық салт-дәстүрлердің құндылықтарын, ұлттың бойындағы ұлттық үрдіс пен ұлттық рухты жас келіндердің бойына сіңіру, жас келіндерге адамгершілік, ұлттық, ізеттілік, имандылық тәрбие беру мақсатында ұйымдастырылған іс шараны ұйымдастырушыларға ел атынан үлкен алғысымызды білдіреміз», – деп жүлдегерлерді арнайы дипломмен және ақшалай сый-сыяпатпен марапаттады.</blockquote>Байқау мақсаты – маңызды отбасылық құндылықты сақтайтын қазақ келіндерінің тәрбиесін, ізгілікті жолын сақтай отырып, болашақ ана, асыл жар, қазақ келіндерін ұлттық рухта тәрбиелеу, ана тілін, ұлттық мәдениетін құрметтеу, жас отау тәрбиесін ұғындыру, қазақ әйелдерінің қоғамдағы рөлін арттыру, қазақы қалыптарды сақтап, заман талабына сай жан-жақты дамыған тұлға етіп, болмысын қалыптастыру тақырыбында көздейді. Оған әр аймақтан қатысушы талапкерлер арасынан жерлесіміз Рауан Қалманованың мерейі үстем болып оралғаны бізді де қуантты.Кейіпкеріміз Түгіскен ауылында көп балалы отбасында өмірге келіпті. Әкесі қарапайым күрішші, ал анасы сауыншы болып еңбек еткен. Отбасында сегіз қыз, бір ұл тәрбиеленіп, жастайынан &nbsp;анасының жанында шаруашылықтың жайын толық меңгеріп шығады. Әйтсе де, әкесіне жақын болып, айтқан ақылын көкейіне тоқып, үнемі сырласатынын да айтып кетті. 2005 жылы Қосүйеңкі еліне келін болып түстім. Атам мен енем мені өз перзенттерінен кем қылмай, әулетінің ұрпағын жалғастырар, жанұя бағына жаралған жан ретінде қабылдай білді. Мен осы отбасына әкемнің ақ батасын алып келген жанмын. Жолдасым Жеңіс қой шаруашылығымен айналысады. Отбасылық өмірге араласып, үйренісуіме оның көп көмегі тиді. Қазіргі таңда Қосүйеңкі ауылында "Балбұлақ" балабақшасында тәрбиеші болып жұмыс жасаймын. Қыз баланың арманы ана болып, бала тәрбиелеу ғой. Өз балаларыммен қоса баласын тәрбиелеп отырған бақытты жанмын. Аллаға шүкір жолдасым екеуміз үш ұл , екі қыз өсіріп отырмыз. Екі ұлым студент, ал қалғандары мектепте оқиды. Ал байқауға келетін болсам, кітапханашы Перизат апайдың айтуымен, сол кісінің ықпалымен қатыстым. Сайыстың шарты бойынша ауылдың тіршілігінен ролик түсірдік, сол арқылы іріктеліп өттім.Үлкен сахнада таныстыру, қазақтың салт-дәстүріне байланысты психологиялық сұрақтарға жауап беруден сынға түстік. Өз өнерін көрсету, ұлттық тағам дайындау да кірістірілген екен. Бағым шауып бірінші орынға ие болдым. Бұл мен үшін үлкен жетістік.Байқауда қазақы тәрбиені бойына сіңірген, өмірде тәжірибесі бар, болашақ жас келіндерге айтары, үйретері бар қазақ келіндері бар білгенімен бөлісті.Қатысушылар салт-дәстүрі мен сәлем салу, орамал тарту үрдістерін көрсетті. Әрбірі төрт кезең бойынша сынға түсіп, бақтарын сынады. Байқаудың бірінші кезеңінде қысқаша бейнеролик арқылы таныстырылып, екінші кезеңде ұяшық таңдап, салт-дәстүрге байланысты және отбасылық өмірден логикалық сұрақтарға жауап бердік. Байқаудың үшінші кезеңінде келіндер өз өнерлерін ортаға салып, ән айту, би билеу, домбыра тарту, ақындық секілді қырларынан сынға түсті. Аталмыш байқауға қатысушылар қазақ келініне тән түрлі номинацияларда топ жарып, заттай бағалы сыйлық иегерлері атаныпты. Қазіргі таңда жас отбасылар арасында кездесетін қиындықтар, әсіресе, ене мен келін арасындағы келіспеушіліктер көптеп орын алуда. Шаңырақтың ұйытқысы саналатын әйел затының қарым-қабілеті мен білімін, танымдық көзқарасын шыңдап, әрбір шаңырақты үлгілі, өнегелі отбасы болуға насихаттауға арналған осындай шара дәстүрлі түрде жыл сайын өткізіп отырса құба-құп.Бүгінгі қоғамда келіннің рөлін, мәртебесін көтеретін керемет бастама жалғасын таба берсе екен дейміз. Жалпы осындай қазақтың салтдәстүрлерін паш етіп, насихаттайтын байқауларды өткізуге билік тарапынан аялы қамқорлық қажет-ақ. &nbsp;

Жаңақорғанда «Әлем сұлу әйелмен» атты келіндер байқауы өтті

<a href="https://kyzylorda-news.kz/">Kyzylorda-news.kz</a> &nbsp;Әлеуметтік желіде Алматыда әйелді аяусыз соққыға жыққан видео тарады. Бұл туралы <a href="https://stan.kz/almatida-ayeldi-ayausiz-sokkiga-zhikkan-er-adam-kamauga-398214/">Stan.kz </a>ақпарат агенттігі хабарлайды.Кадрлардан әйел мен ер адамның алдымен сөйлескенін, содан кейін ер азамат жұдырығымен әйелді ұрып соққанын байқауға болады.Алматы полиция департаменті Әуезов ауданында сотқа дейінгі тергеу амалдары жүргізілгенін, мән-жай анықталып жатқанын хабарлады.“Қылмыстық іске қатысы бар тұлғалар полицияға жеткізілді. Тиісті сараптамалар тағайындалды. Аталған&nbsp;факті бойынша қылмыстық іс қозғалды. Күдікті ұсталып, уақытша ұстау изоляторына қамалды. Сараптама тағайындалды. Тергеу жалғасуда", - делінген хабарламада.Айта кетейік, бұған дейін Маңғыстауда ер адамның әйелін балалар алаңында соққыға жыққаны туралы жазған едік.Полицияның&nbsp;мәліметінше, оқиға&nbsp;7 сәуір күні Маңғыстау облысында болған.Видеодан әйелдің жанында баласының&nbsp;ойнап жүргенін көруге болады. Ер адам әйеліне жақындап, жұдырығымен соққы жасайды. Сосын жағасынан ұстап, итеріп жібереді,&nbsp;әйел жерге құлайды.Құқық бұзушы анықталып, Мұнайлы аудандық полиция бөліміне жеткізілген.&nbsp;Фото: Видеодан скрин

Алматыда әйелді аяусыз соққыға жыққан ер адам қамауға алынды

<a href="https://kyzylorda-news.kz/">Kyzylorda-news.kz</a> &nbsp; Бүгін облыс әкімі Нұрлыбек Нәлібаев Қызылорда қаласындағы Қожа Ахмет Яссауи көшесін қайта жаңғырту және абаттандыру жұмыстарымен танысты.Қожа Ахмет Яссауи көшесінің Ә.Бөкейхан көшесінен Әйтеке би көшесіне дейінгі аумағын қайта жаңғыртуды мердігер мекеме «Қыран» ЖШС наурыз айында бастады, жоба құны – 3 млрд. теңге. Ұзындығы 3 шақырымға жуықтайтын көше 4 жолақтыға ауыстырылып, толығымен жарықтандырылады, арық қазылып, жаяу жүргіншілер жолы төселеді және жарық шамдары орнатылады.Мұнан бөлек, көшені абаттандыру жұмыстарына 725 млн. теңге бөлінді. Мердігер мекеме «BSG Инжиниринг» ЖШС жұмысты жуық арада бастап, қараша айында аяқтамақ. Жоба бойынша теміржолдың екі бетіне тұрғындардың серуендеуіне ыңғайлы аллеялар, жаяу жүргіншілер жолы салынады. Бұл көше халыққа қолайлы болуымен қатар, Қызылордаға жеткен пойыз жолаушыларының қаланың көркі, тазалығы туралы алғашқы ойын қалыптастырады. Осылайша қаланың орталық көшелері ғана емес, шет аймақтағы көшелер де кеңейтіліп, көркейтіледі.Сондай-ақ, қарқынды құрылыс алаңына айналған Қызылорда қаласының сол жағалауындағы жаңа автовокзал ғимаратының аумағына ағаш көшеттері отырғызылып, барлық ауданда елді мекендер көгалдандырылуда.«Қорқыт ата» әуежайының жаңа терминалының құрылысы қарқынды жүргізілуде. Нысан таяуда ел игілігіне табысталмақ. Жобаға бағытталған 20 млрд теңгенің 15 млрд 700 млн теңгесі Болат Өтемұратов қорынан бөлінген. Жергілікті бюджеттің 4 млрд 300 млн теңге қаржысы инфрақұрылымды дамытуға, абаттандыруға, яғни жылу, су, электр, телефон және кәріз, желілерін, автожол жүргізуге жұмсалды. Қазір әуежай және оған іргелес аумақ абаттандырылуда. Осы аумаққа 615 шаршы метр гранит жабыны, 16,2 шаршы метр асфальт, 4038 шаршы метр кеспе тас және 3630 шаршы метр қиыршық тас төселетін болады. «Қызылорда қаласындағы әуежайдың іргелес аумағын абаттандыру құрылысы» жобасына 634 050 млн теңге бөлініп, 4 жолақты, ұзындығы 480 метр, әр жолақтың ені 3,5 метр болатын жол салынуда. Құрылыс-монтаждау жұмыстары осы айдың соңында аяқталады.Еске салсақ, облыста өткен жылы 38 млрд. теңгеге 671 шақырым жол жөнделіп, жақсы жағдайдағы жолдар үлесі 87,5 пайыз болса, осы жылдың қорытындысымен бұл көрсеткішті 92 пайызға жеткізу жоспарлануда. Қазіргі таңда жергілікті жол инфрақұрылымын дамыту бағытында ұсынылған 61 млрд. теңге бюджеттік өтінімнің 30 млрд. теңгесі қолдау тауып, 215 шақырым автомобиль жолдары, көпір өткелдері және көшелер жөнделмек. Жыл соңына дейін қаржыландыру көлемі тағы да ұлғайтылады. Оның ішінде Қызылорда қаласының жол-көлік инфрақұрылымын дамытуға республикалық және облыстық бюджеттерге 28,3 млрд. теңгеге бюджеттік өтінім беріліп, оның 12 млрд.теңгесі қолдау тапты. Айта кету керек, өткен жылы Қызылорда қаласында 11 млрд теңгеге 82 шақырым болатын 267 көше жөндеуден өтті.<img src="https://knadmin.beoblood.kz/uploads/424851692_724410353213545_3441728837124182171_n_5923df534f.jpg" alt="424851692_724410353213545_3441728837124182171_n.jpg"><img src="https://knadmin.beoblood.kz/uploads/424859384_724410379880209_8283840456171835195_n_842e959a98.jpg" alt="424859384_724410379880209_8283840456171835195_n.jpg"><img src="https://knadmin.beoblood.kz/uploads/434588485_724410406546873_233093357744175146_n_67a7f5c692.jpg" alt="434588485_724410406546873_233093357744175146_n.jpg">Фото:&nbsp;Қызылорда облысы әкімінің баспасөз қызметі &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;

Қазақстан және Қызылорда облысының жаңалықтары

Қазалыда Жанқожа батыр атындағы көше қайта жаңғыртылады