<a href="https://kyzylorda-news.kz/">Kyzylorda-news.kz</a> Мемлекеттің мәдени кеңістігін кеңейтіп, халықты ұлы құндылықтармен қуаттап, қазақтың ұлт болып қалыптасуында қазақ театрыныңалар орны орасан. Осынау саф өнердің мәртебесін шырқау биікке көтерген сахна әлемінде&nbsp;Сәбира Майқанованың сан қырлы дарыны әртүрлі жанрда жарқырап көрінді. Ол – мәңгі өлмес өнердің иесі, халқының мақтанышы. Театр өнерінің құдіретін ел аймағында ғана емес, дүниежүзілік шеңберде мойындатқан сахна саңлағы, Қазақстан және КСРО халық әртісі, Мемлекеттік сыйлықтың лауреаты атанған Сыр Сәбирасының туғанына биыл 110 жыл. Ұзақ жылдарды артқа тастап, сахна сырлары жаңа үлгіде жаңғырса да, актрисаның талант қуаты, адами болмысы мен азаматтық тұлғасы ұлы өнер шежіресінде мәңгі сақталып қала бермек.Жарқын ғұмырын халқына, өнерге қызмет қылуға арнап, театр анасына айналған талантты тұлғаны шиеліліктер де сағынышпен еске алды. 10 сәуір күні Шиелі&nbsp;ауданы әкімдігінің қолдауымен, аудандық мәдениет және тілдерді дамыту бөлімінің ұйымдастыруымен&nbsp;Сәбира Майқанованың 110 жылдығына арналған «Сырдың Сәбирасы» атты қыз-келіншектер арасында монолог оқушылардың облыстық байқауы өтті. Төл өнерді дәріптеген бұрымдылар сайысында Қызылорда облысына қарасты Қазалы, Жалағаш, Жаңақорған, Қармақшы, Сырдария және Шиелі ауданынан 18-45 жас аралығындағы 9 үміткер бақ сынасты. Қатысушылар «Таныстыру» бөлімі және халық әртісі Сәбира Майқанованың репертуарынан монолог оқуға құрылған 2 кезең бойынша өнер көрсетті.&nbsp;Рухты өнердің үлгісін жаңғыртқан аруларға&nbsp;Қызылорда облыстық халық шығармашылығын дамыту және мәдени продюсерлік орталығының «Мәдени-демалыс жұмыстарын ұйымдастыру» бөлімінің меңгерушісі, Қазақстан Республикасы мәдениет саласының үздігі Ғазиза Жүнісова, Қазақстан Республикасы мәдениет саласының үздігі, айтыскер ақын Кенжебай Жүсіп, аудандық «Өскен өңір» газеті бас редакторының орынбасары, Қазақстан Журналистер одағының мүшесі Гүлнәр Дүйсебай қазылық етіп, әділ бағасын ұсынды.Байқаудың алғы сөзін мәдениет жанашыры Ғазиза Жүнісова алып, қонақтарды Ораза айт мерекесімен құттықтап, үміткерлерге сәттілік тіледі.<blockquote>–&nbsp;Бүгін халық әртісі, ел анасына айналған Сәбира Майқанованың 110 жылдығына арналған айтулы шара өткелі тұр. Әлемдік деңгейде үздік бейнелерді сомдап, халықтың оң бағасын алып, ыстық ықыласына бөленген жерлесіміздің көптеген теңдессіз рөлдері бүгінгі таңда ұлттық сахна өнерінің алтын қорына енді. Осындай тұғырлы тұлғаның ізін жалғаушы, бүгінгі сайысқа қатысушы қыз-келіншектерге сәттілік тілеймін,&nbsp;– деді ол.&nbsp;</blockquote>Сайыс барысында Сәбира Майқанованың өмір кезеңдерінен бейнедерек көрсетіліп, Меруерт Жомартованың әйел-ана тақырыбында сахналаған прологына ұласты. Қатысушылар байқау кезеңдері бойынша өздерін таныстырып, ғұмырлы өнер жолына құрмет білдіріп,&nbsp;Саид Ахмадтың «Келіндер көтерілісі», Ғ.Мүсіреповтің «Қозы Көрпеш – Баян сұлу», Д.Исабековтің «Мұрагерлер» пьесасынан үзінділер оқыды. Көрерменді қошеметке бөлеген қойылымдардың қатарында С.Майқанова шығармашылығының шыңы болған Ш.Айтматовтың «Ана-Жер-Ана» трагедиясындағы Толғанайдың монологы да бар. Сайыскерлердің бәрі де әйел-ана рөліне жүрегімен еніп, шынайылықпен сомдап шықты. Өз кезегінде мәдениет үйінің өнерпаздары да әннен шашу шашып, кеш қонақтарын қуанышқа бөледі.Табиғи дарынымен көрерменін сүйсінткен арулар арасындағы бәсеке нәтижесінде бас жүлдені қармақшылық Гүлфариза Шакарова, I орынды жалағаштық Шынар Қоқымбай, II орынды шиелілік Айнұр Ысқақова иеленсе, жүлделі III орын қазалылық Динара Сапар мен жаңақорғандық Балжан Сәдуоваға бұйырды.

ШИЕЛІ: Сахнада Сырдың Сәбирасын сомдады 

<a href="https://kyzylorda-news.kz/">Kyzylorda-news.kz</a> Шиелі аудандық маңыздағы «Самара-Шымкент» автомобиль жолының қайта құрылымдау жұмыс барысына зерделеу жұмыстары жүргізілді. Арнайы құрылыс барысымен танысып, зерделеуге Шиелі аудандық мәслихат төрағасы Айтбай Жандарбеков, аудандық қоғамдық кеңес мүшесі Насыр Мырзабеков, аудандық мәслихат депутаттары Д.Досмағанбетов пен Қ.Жүсіпов, сонымен қатар аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Ғ.Аманжолов қатысты.Сметалық құны 1&nbsp;888&nbsp;570,0 мың теңгені құрайтын құрылыс-монтаждау жолының ұзындығы – 7,9 километр. Бүгінде ені 3 метрден тұратын 2 жолақты жолдың қайта құрылымдау жұмысы қарқынды жүргізілуде.&nbsp;Құрылыс жұмыстарына 2023 жылы ҚР Ұлттық қорынан барлығы 416&nbsp;123,0 мың теңге қарастырылса, 2024 жылы республикалық бюджеттен 50,0 млн теңге қаржы бөлінген. Бас мердігер «Ақ Тоған» ЖШС-мен барлығы 1&nbsp;712&nbsp;427&nbsp;757,38 теңгеге, техникалық қадағалаушы «Аймереке» ЖШС-мен 52&nbsp;563&nbsp;519,86 теңгеге, авторлық қадағалаушы «Димаш-Сервис» ЖШС-мен 20&nbsp;188&nbsp;621,60 теңгеге келісімшарт жасалған.Айта кетейік, жұмысшы топ құрылыс объектісін зерделеу барысында тапсырыс беруші мекеме мен мердігер мекеме өкілдеріне зерделеу жұмыстары тұрақты түрде жүргізілетінін айтты. Жауапты мамандарға келісімшартта көрсетілген мерзімде жұмыстарды аяқтап, ел игіліге сапалы түрде беру қажет екенін ескертті.

Шиеліде зерделеу жұмыстары жүргізілді

<a href="https://kyzylorda-news.kz/">Kyzylorda-news.kz</a> Сайып келгенде, жақсы адам – &nbsp;жарты ғалам. Ол өзінің игі істері арқылы өмірінде өзгеріс жасайды. Қай кезде болса да, адамға қол ұшын беріп, көмектесіп, жанашырлық танытады. Міне, осындай кеңпейіл жандардың бірі – Шиелінің «Атымтай жомарты» атанған Әбдіманап Шорабаев еді. Халқына адал қызмет етіп қана қоймай, көпшілікке қуаныш сыйлап, қамқорлық көрсететін. Осы тұста жанымызда қатар жүріп, жарты ғасырға ғана жуық ғұмыр кешкен Шиелі ауданының «Құрметті азаматы» Әбдіманап Дүйсенұлының жақсылығын айта кеткеніміз жөн болар. Қазақ елі енді егемендігін алып жатқанда, нар тұлғалы азамат кәсіпкерлікті бастап, елге тұтқа, халқына пана болды. Өз кәсібінен береке тауып, туған жердің гүлденуіне күш-қайратын сарп етті. Ол досқа қайырымды, жақынға бауырмал, айналасына үлгі-өнегесімен шуақ нұрын төккен, жұртшылықты жанына үйіре тартатын ұйымдастырушы, айтулы да арқасүйер нағыз мырза бола білді.Тұлғасы бөлек, тумысы ерек жан, еліміздің абзал азаматы Әбдіманап Дүйсенұлы өзі бар болғанда, биыл 63 жасқа келген болар еді. &nbsp;Көзі тірісінде көмек сұраған адамның қолын қайтармай, иманды істердің ұйытқысы бола білген арда азаматтың есімі ел-жұрттың санасында мәңгі сақтала бермек. &nbsp;РЕСПУБЛИКАЛЫҚ ТУРНИР МӘРЕСІНЕ ЖЕТТІӨздеріңізге белгілі, сәуір айының сегізінші жұлдызында аудандық спорт мектебінде Ә.Шорабаевты еске алуға арналған 2008-2009 жылы туған жасөспірімдер арасында бокстан Х республикалық турнир бастау алды. Ал оның марапаттау рәсімі 10 сәуір күні қорытындыланды. Қолғапты бәсекегеде &nbsp;9 облыстан 250-ге жуық спортшы бақ сынасты. Финалдық бәсекеде кіл мықтылар жарысты. Қарсыластың мүмкіндігін дәл анықтап, оған тойтарыс бере білген, өзі сенімді әрі әдіс-тәсілі жетілген боксшылар жарыс жеңімпазы атанды. Ендеше, тартысты турнир қорытындысына шолу жасап шығайық.&nbsp;Турнир нәтижесінде, қарсыласқа қарсы тұрып, жеңімпаз атанғандардың қатарынан Алихан Зайып (№5 Тасбөгет, 42 кг салмақ), Диас Алпысбай (№5 Тасбөгет, 44 кг салмақ), Мадияр Адрисов (Атырау облысы, 46 кг салмақ), &nbsp;Тәңірберген Абдилдаханұлы (№10 Шиелі, 48 кг салмақ), Сұңқар Әутен (Түркістан облысы, 50 кг салмақ), Ильнус Төремұратов (Сәтбаев қаласы, 52 кг салмақ), Ерасыл Мейрамхан (Түркістан облысы, 54 кг салмақ), Мейіржан Хусайнов (Сарыағаш ауданы, 57 кг салмақ), Оңдасын Асылбеков (Түркістан облысы, 60 кг салмақ), Оразалы Көбей &nbsp;(Жамбыл облысы, 63 кг салмақ), Думан Анарбек (Сарыағаш ауданы, 66 кг салмақ), Фараби Ақылбек (№15 Қармақшы, 70 кг салмақ), Алдияр Рахатұлы (№12 Сырдария, 75 кг салмақ), Мұхамедали Тортай (Қызылорда облысы, спорт-интернаты 80 кг салмақ), Ерасыл Бақытжан &nbsp;(Түркістан облысы, 80+ кг салмақ) көрінді.&nbsp;Жеңімпаз және жүлдегер атанған жас спортшылар салтанатты түрде арнайы дипломмен, медальмен және арнайы сыйлықтармен марапатталды.Осылайша, республикалық турнир жоғары деңгейде мәресіне жетті. Бір қуантарлығы, спорттық шараға еліміздің түкпір-түкпірінен командалар қатысып, жарыстың ұлғайып келе жатқанын көрсетті. Әдемі күн мен тарихи сәтке толы болған жарыс үш күнге созылып нәтижелі аяқталды.&nbsp;ЖАҚСЫ АДАМНЫҢ ШАРАПАТЫ – ӘР ЖҮРЕКТЕӘбдіманап Дүйсенұлының Шиелі ауданы үшін еткен еңбегі ерен. Өйткені ол ауданның орталық базарын республика көлеміндегі алдыңғы қатарлы ірі сауда орындарының біріне айналдырды. Алайда елім деп еміренген ердің ғұмыры қысқа болды. «Жақсы адамның шарапаты&nbsp;– әр жүректе» демекші, оның інісі Әбдіғани Шорабаев 10 сәуір күні «Әбдіманап» орталық базарында ағасына арнап ас берді. Құран бағышталды. Ораза айт мерекесімен тұспа-тұс келген бұл күні ауа-райы жылы болып тұрды.&nbsp;Жүрегі кең, мейірімге толы адам болатын. Сауданың сиқырлы жақтарын тоқып, күндіз-түні әкесінің жанында жүретін. Адамдардың сан қырлы қарым-қатынасын түйіп, жан-жақты аңғарып, әке жолымен алға ұмтылды. Өмірдің өзі бір тіршілік екенін бірден ұғынды.&nbsp;Байқасаңыз, Шиелі жұртшылығының жарты өмірі осы орталық базарда өтеді. Құжынаған халық. Қайнаған өмір. Күйбең тіршілік. Жапырлаған адам. Сауда-саттық. Бәрі осында. Керегіңізді осы жақтан таба аласыз. Ерекшелігі –&nbsp;тап-таза.&nbsp;Базар ішінің тазалығын сақтау – бірінші кезектегі талап. Сатушылардың тұрақтылығы – базардың кені, жергілікті халықтың азығы, &nbsp;салықтың қайнар көзі. Осының бәрін көріп-біліп, байқаған орталық базардың директоры болған Әбдіманап Шорабаевқа қандай сый көрсетсек те жарасады. Халық құрметіне бөленген, ел үшін туған, елім деген &nbsp;абзал азаматтың есімі мәңгі жүректе. Ол туралы көп айтылды, әлі талай айтылады. Тау алыстаған сайын биіктей беретіні сөзсіз.

Шиелі: Туған елі арда азаматын еске алды

<a href="https://kyzylorda-news.kz/">Kyzylorda-news.kz</a> Дене шынықтыру және бұқаралық спорт академиясының Қоғаммен байланыс және маркетинг департаментінің директоры Абзал Орынбасаров М.Мәметова атындағы Қызылорда педагогикалық жоғары колледжінде оқу орнының бітіруші топтардағы білім алушыларына кәсіби бағдар жұмысын өткізді. Мақсаты – мамандық бойынша жоғары білім алу ерекшеліктерін түсіндіру.Шара барысында университет өкілі колледж түлектеріне жоғары оқу орындарына түсу ерекшеліктері, құжаттарды қабылдау, жұмысқа орналасу және қосымша білім алу мүмкіндіктері турасында толыққанды мағлұмат беріп, өзара пікір алмасты. Сонымен қатар, бітірушілердің сұрақтарына нақты жауап беріп, түсіндіру жұмыстары жүргізілді.Кәсіптік бағдар беру – қоғамның қажеттілігіне қарай әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыру мен болашақ мамандығын саналы түрде таңдауға көмектесу мақсатында атқарылатын жұмыс. Кәсіптік бағдар беру жұмысы жас ұрпақтың саналы түрде болашақ мамандығын қателеспей таңдауға үлкен мүмкіндік жасайды. Сондай-ақ, колледж бітіруші түлектерге оқуын әрі қарай жалғастыруына мол мүмкіндік береді. Сондықтан да мамандық туралы білім және түсінік жүйесін қалыптастыруда кәсіби бағдар берудің қызметі орасан зор.&nbsp;

Сала мамандары кәсіби бағдар берді

<a href="https://kyzylorda-news.kz/">Kyzylorda-news.kz</a> &nbsp;Қазалы ауданында жаңа аурухана салынып, заманауи медициналық құрал-жабдықтармен қамтамасыз етілді. Ондағы Ангиограф аппараты Қазалымен бірге Арал, Қармақшы аудандары және Байқоңыр қаласы тұрғындарына да қызмет көрсетеді. Денсаулық сақтау ордасындағы кардиология бөлімінің меңгерушісі, кардиолог дәрігер Ләззат Жұбанова жаңадан құрылған ұжымды ортақ іске жұдырықтай жұмылдырып, науқастардың жағдайын жасауға күш салып келеді.Жетпістің желкенін көрген тұста жүрек қыспасына ұшырап, аталған ауданаралық Орталық ауруханасына жедел жәрдем көмегімен келіп түсетіндер қатары қалың. Тіптен, өрімдей жап-жас тепсе, темір үзетін жігіттер де, жүрек қан тамыры ауруына ұшырауда. Осы ауыр халде түсетін науқастарды қара торы, жүзі жарқын, сөзі майда дәрігер қабылдап, өзінің аты-жөні мен қызметін айтып, таныстыруды әдетке айналдырған абзал жан жылы шыраймен қарсы алады.«Жақсы сөз – жан семіртеді» дегендей, дәрігер Ләззат Жұбанованың жылы сөзі, келіп түскен аурудың дертін сейілткендей болады. Палатаға жатқызып, толық тексеруден өткізіп, каронография жасауға рұқсат береді. "Осыдан бес жыл бұрын &nbsp;жүрекке ота жасайтын жерде облыстық медицина орталығының рентген-эндоваскулярлы хирургия бөлімінің меңгерушісі Нұрлан Исмайыловтың жетекшілігімен жоспарлы емдеу шаралары жүргізіліп, қасында жергілікті аурухананың дәрігерлері Кенесары Баспаев, Аян Қазиұлы, фельдшер Қасқырбай Молдабаев, мейіркеш Әлия Сүлейменова, рентген лаборант Ғалымжан Жайылқановтар болды. Білікті дәрігерлердің арқасында ота жеңіл өтті. Бұрын да, облыстық ауруханада Нұрлан Тоқтағұлұлы маған екі рет ота істеген. Бұдан кейінгі ахуалды қолына алған Ләззат ақауы бар жүректі емдей бастады.Біздей қариялардың еркелеген баласындай, өзінен кейінгі жастарға ақылшы анасындай болып жүреді. Әрине, бұндай биязы мінез, тұла бойындағы тектілік бір өзіне жарасып-ақ тұрады. Өз ісіне тиянақты, жауапкершілігі жоғары маман расында үлкен құрметке лайық.Аурудың беті қайтып, сауыққаннан кейін Ләззаттан өмірдерегі жайлы сұрағанымда 1979 жылы 14 сәуірде Қазалы ауданында дүниеге келгенін білдім. 1996 жылы Қ.Сәтбаев атындағы №216 мектепті үздік бітіріп, Ақтөбе қаласындағы медицина институтына түскен. 2004 жылы жоғары оқу орнын ойдағыдай бітіргеннен кейін, Жетес би ауылдық емханасына учаскелік дәрігер болып орналасады. Жаңадан келген жас маманға учаскелік дәрігер болып жұмыс істеу біраз қиыншылықтар туғызады.<blockquote>Аудандық емханаға кардиолог дәрігері болып ауысып, 4 ай Алматы қаласында УЗИ жүрек мамандығы бойынша оқып келіп, 2018 жылы сәуір айында аудандық аурухананың терапия бөлімінде терапевт дәрігер қызметін атқарады. Сол жылы Облыстық кардиология орталығында тәжірибеден өтеді. Ізденімпаздығымен танылған жанға тиісті орындар ауданаралық ауруханадағы жаңадан ашылған кардиология бөлімі меңгерушілігі қызметін сеніп тапсырған", – дейді КСРО Денсаулық сақтау саласының үздігі, Жаңақұрылыс ауылдық ардагерлер кеңесінің төрағасы Сердалы Шалбаев.</blockquote>Сердалы Шалбаевтың айтуынша, сол уақыттағы мезетті еске алған ол ауруханадан шығар кезінде, оның палатасына келген науқас Бердібай Тілеков: «1952 жылғымын, Арал қаласында тұрамын, бұрын ауырмағанмын. Түн ортасында ауа жетпей кеудем қысып жатыр екен. Шұғыл жедел жәрдем шақырттым, кардиолог дәрігер Лайық Бижанова көмегін көрсетіп, осы ауруханаға жедел жәрдеммен әкелді. Бұнда келгеннен кейін Ләззат қызым күтіп алып, тексеруден өткізді. Жүрек тамырым 98 процент бітіп қалыпты, бір ажалдан қалдым. Екі күн жансақтау бөлімінде емдеді, міне, палатаға шықтым, Ләззатқа айтар алғысым шексіз» – деп риясыз пейілін ақтарыла ортаға салған.Осылайша, жүрегі жылы, емі шипалы жандардың басын қосқан Қазалы ауданаралық ауруханасының кардиология бөлімі ұжымының қалтқысыз қызметіне көпшілік дән риза екендігі байқалды.

Ләззат Жұбанова:  Жүрегі ауыратындар аса сақ жүруі керек

Ғылым айлығы аясында Қорқыт ата атындағы Қызылорда университетінде аймақтағы алғашқы Халықаларлық экологиялық марафон өтті. Марафонның мақсаты – қоршаған ортаның қолайсыз факторларының салдарын азайту жөніндегі мәселелерді талқылау, қоршаған орта, сумен жабдықтау және Арал өңірінің әлеуметтік-экономикалық дамуы саласындағы жобаларды іске асыруға жәрдемдесу, сондай-ақ экология және табиғи ресурстар саласындағы халықаралық ынтымақтастықты дамыту. Экомарафонның жұмысына Дүниежүзілік денсаулық сақтау ұйымының эксперті, шетелдік және отандық ғалымдар, университеттің көптен бергі серіктестері және Арал өңірінің экожүйесін зерттеушілер қатысты.<blockquote>«Биылдан бастап Қазақстан Республикасы 2024-2026 жылдар ішінде Халықаралық Аралды құтқару қорында төрағалық етеді. Құрамына Қазақстан, Тәжікстан, Түрікменстан және Өзбекстан кіретін Халықаралық Аралды құтқару қоры Арал теңізін құтқаруға және өңірдің экологиялық жағдайын жақсартуға, сондай-ақ жалпы әлеуметтік-экологиялық проблемаларды шешуге бағытталған бірлескен мемлекетаралық экологиялық және ғылыми-практикалық бағдарламалар мен жобаларды іске асырумен айналысады. Міне Ғылым айлығы аясында орындалып жатқан бүгінгі іс-шарамызда тек қана өңіріміздің экологиялық мәселелеріне &nbsp;арналмайды жалпы жаһандық әлемдегі экологияның жағдайында &nbsp;қозғайды» деді алғы сөзінде Қорқыт ата атындағы Қызылорда университетінің Басқарма Төрағасы-Ректор Бейбіткүл Каримова.</blockquote>Жиынның басты міндеті – Халықаралық Аралды құтқару қорының құрамына кіретін мемлекеттер ғалымдарының өзара іс-қимылы мен ынтымақтастығын одан әрі нығайту, оның ішінде Орталық Азияның су ресурстарын тиімді пайдалану, болашақтың тұрақтылығын дамыту. Арал өңірінің қолайсыз аймағының экожүйелерін талдау, Арал теңізі бассейніндегі экологиялық жағдайды жақсарту үшін ғылыми ынтымақтастықты арттыру. Сонымен қатар жиынға Қызылорда облысы бойынша экология департаментінің басшысы Нұржан Өмірсерікұлы, Экологиялық мәселелер жөніндегі Дүниежүзілік денсаулық сақтау ұйымының эксперті Али Осама, Польшалық лимнологиялық қоғамның президенті, &nbsp;Познань қаласындағы Адам Мицкевич университетінің профессоры Петр Климашик, Оңтүстік-Батыс Цзяотон университетінің (ҚХР, Чэнду қ.) профессоры, экологиялық инженерия институты деканының орынбасары Жао Цзяоян, Оңтүстік-Батыс Цзяотон университетінің профессоры (ҚХР, Чэнду қ.) Сергей Кривоногов қатысты. Экологиялық марафон өткізу эстафетасы Өзбекстандық ғалымдарға жолданды. Мұнан соң Оңтүстік-батыс Цзяотун университеті мен Қорқыт ата атындағы Қызылорда университеті арасында ынытмақтастық туралы меморандумға қол қойды.<img src="https://knadmin.beoblood.kz/uploads/FB_IMG_1713028595423_b62a7b1980.jpg" alt="FB_IMG_1713028595423.jpg"><img src="https://knadmin.beoblood.kz/uploads/FB_IMG_1713028592959_fd6ecbe40c.jpg" alt="FB_IMG_1713028592959.jpg"><img src="https://knadmin.beoblood.kz/uploads/FB_IMG_1713028587326_90b3f43a3e.jpg" alt="FB_IMG_1713028587326.jpg">

Халықаларлық экологиялық марафон өтті

Kyzylorda-news.kz. Қызылорда облысы әкімдігінің ұйымдастыруымен су тасқыны болған аймақтарға көмек жіберу жалғасуда.Бүгін Батыс Қазақстан облысына 106 арнайы техника жөнелтілді.Арнайы техникалар бір тәулік ішінде әзірленіп, теміржол &nbsp;арқылы жолға шықты.&nbsp;Еске салсақ, осы уақытқа дейін су апаты болған аймақтарға 296 қызылордалық құтқарушы, 135 техника жіберілді.

Сыр өңірінен Батыс Қазақстан облысына арнайы техникалар жіберілді

<a href="https://kyzylorda-news.kz/">Kyzylorda-news.kz.</a> 12 сәуір – ғарышкерлер күніне арналған іс-шаралар Байқоңыр қаласында жоғары деңгейде өтті. &nbsp;Мереке күні Байқоңыр қаласында ғарыш саласы қызметкерлерінің, ардагерлерінің және тұрғындарының қатысуымен мерекелік салтанатты шара өтті.Гагарин ескерткішінің алдынан бастау алған мерекелік шараға Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, Байқоңыр қаласы әкімшілігі Басшысының міндетін атқарушы Никоай Адасев, мекеме басшылары қатысып мерейлі мерекемен шын жүректен құттықтап, ізгі тілектерін білдірді.Митингке қатысушылар мен Юрий Алексеевич Гагарин және ғалым – конструктор, КСРО Ғылым академиясының академигі Сергей Павлович Королевтің ескерткіштеріне гүл шоқтары қойылды.Сондай - ақ мереке күні аясында Қайрат Нұртай ғарыш айлағының №1 алаңы, «Гагарин стартында» өткен салтанатты шарада «Кеңес адамының ғарышқа батыл қадамы басталды» ескерткішіне гүл шоқтарын қою рәсіміне қатысып, ғарыш саласы қызметкерлерін құттықтады.Мұнан соң Байқоңыр қаласы орталық алаңында концерттік бағдарлама ұйымдастырылды. Оған Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, қала әкімшілігі басшысы Константин Бусыгин, Қазақстан велосипед спорты Федерациясының бас хатшысы, Қазақстан Республикасының еңбек сіңірген жаттықтырушысы Ж.Сүлейменов қатысып, &nbsp;қала тұрғындары мен ғарыш саласы қызметкерлерін мерекемен құттықтап, игі тілектерін білдірді.<blockquote>– 63 жылдан бері әлемдегі ең бірінші және ірі ғарыш айлағы болып саналатын «Байқоңырдан» бүгінге дейін 133 ғарышкерлер көкке көтеріліп, ғаламның шексіз кеңістігін бағындырып қайтты. Олардың қатарында қазақ ғарышкерлері Тоқтар Әубәкіров, Талғат Мусабаев және Айдын Айымбетов еліміздің мақтанышына айналды. Қазіргі таңда ірі «Бәйтерек» ғарыш жобасы қолға алынуда. Жұлдызды қалашықты дамыту ісіндегі барлық маңызды жобалар Қазақстан Республикасы Президенті Қасым-Жомарт Тоқаевтың қолдауымен іске асырылуда. Ғарышты игеру бізге байланыс пен телехабар ұйымдастыруда, Жерді қашықтықтан зондтауға, әртүрлі объектілердің тұрған жерлерін жоғары дәлдікпен анықтауға, метеорологияны және көптеген басқа салаларда да жаңа міндеттерді шешуге мүмкіндік ашады, сондықтан, «Байқоңыр» ғарыш алаңын одан әрі пайдалану бойынша стратегиялық маңызы зор. Сіздерді бүгінгі мерекемен құттықтап, аманшылық, бақ-береке, бірлік тілеймін, – деді облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі &nbsp;Қайрат Нұртай.&nbsp;</blockquote>Мерекелік жиында айтулы күнге орайластырылған велосипед спортынан Қазақстан Республикасының Чемпионатының бірінші кезеңі &nbsp;жасөспірімдер арасындағы 50 км топтық-айналмалы жарыс жеңімпаздары марапатталды. Атап айтсақ, «Белсенді шабандоз» болып Даниил Зинкевич пен «Жарыс көшбасшысы» ретінде Мансұр Бисембай танылды.&nbsp;Кеш соңында «Жұлдыздарға қадам» вокалдық шығармашылықтың халықаралық фестиваль-байқауының жеңімпаздары жиналған қауымға мерекелік концерттік бағдарламаларын ұсынды. &nbsp;

Байқоңырда ғарышкерлер күні аталып өтілді

<a href="https://kyzylorda-news.kz/">Kyzylorda-news.kz.</a> Халқымыз қыз баланың тәрбиесіне ерекше көңіл бөлген. Қыздың ибалы, инабатты болуымен қатар, оның бойындағы табиғи дарынын ашу, ісмерлікке баулып, білімді, жан-жақты болуға үйретудің астарында үлкен мән жатыр. "Университет аруы - 2024” байқауының мақсаты да қыз баланың тәрбиесіне үлес қосу.Байқауда бақ сынауға іріктелген 11 бойжеткен «Ас - адамның арқауы” атты I-кезеңге қатысты. Онда арулар өздері пісірген түрлі дәмдерді жәрмеңкеге әкелді. Бүгінгі бойжеткен - ертеңгі алтын ұясының ұйытқысы, ұлтымыздың анасы. Бірінші кезеңде ұйымдастырушылар қыздардың асты шебер әзірлеудегі іскерліктерін байқады. “Университет аруы - 2024” байқауында жеңіске жеткісі келетін ақылына көркі сай сұлуларымыз әрі қарай екінші кезеңде бақ сынайтын болады.

Қызылордалық арулар ас дайындап сынға түсті

Сыр елінде &nbsp;"Таза Қазақстан" республикалық акциясы аясында апта сайын жалпыоблыстық сенбілік ұйымдастырылуда. &nbsp;Осы уақытқа дейін облыстың елді мекендеріне 28 мыңнан астам саялы ағаш көшеті отырғызылды.&nbsp;Бүгін облыс әкімі Нұрлыбек Нәлібаев сенбілікке қатысып, Тұңғыш Президент атындағы саябақ пен Рәміздер алаңы аумағына ағаш екті.&nbsp; Еске салсақ, Мемлекет басшысы Қасым-Жомарт Кемелұлы Тоқаевтың бастамасымен еліміздің бірқатар аймағында «Таза Қазақстан» экологиялық акциясы өтуде. Науқан 5 аптаға созылады. Әр аптаның өзіндік тақырыбы мен нақты мақсаты белгіленген. Мәселен, науқанның бірінші аптасы "Таза өлке" деп аталып, тұрғындар, қоғам белсенділері мен мекемелер өз аула-жайын тазартты. Одан соң "Киелі мекен" апталығы кезінде қала аумағындағы тарихи-мәдени ескерткіштер аумағы абаттандырылады. Ал "Жасыл аймақ" апталығында ағаш егу жұмыстары жүргізіледі. Жас буын "Өнегелі ұрпақ" апталығы кезінде ардагерлер мен Қарттар үйінің ауласын жинап, қолғабыс жасайды. Ал акцияның соңғы аптасы "Мөлдір бұлақ" тақырыбымен өтіп, өзен-көл жағасы тазартылады. Осы ретте, аймақ басшысы Нұрлыбек Нәлібаев Сыр өңірінде «Таза Қазақстан» республикалық акциясы аясында «Таза Қазақстан – таза аймақ» экологиялық науқаны басталғаны туралы үндеу жариялап, тұрғындарды тазалық жұмыстарына ұйытқы, жақсы істерге дәнекер болуға шақырды.Бүгінгі сенбілікте Қызылорда қаласы аумағына 2000-ға жуық &nbsp;түп көшет отырғызылды. Студенттер, мемлекеттік мекемелер қызметкерлері, еріктілер Тұңғыш Президент, Денсаулық және демалыс, Б.Шөкенов атындағы саябақтар мен С.Айтбаев атындағы көркемсурет галереясының, бірқатар мектеп пен балабақша аумағын тазартты. Іс-шараға барлық елді мекен тұрғындары, еңбек ұжымдары мен белсенді жастар қатысуда.&nbsp;Акцияға облыс бойынша 1119 мекемеден 14611 адам үлес қосты, қоқыс жинауға 219 арнайы &nbsp;техника тартылды. Жұмыс аяғында полигондарға 300 тоннаға жуық қоқыс шығарылды. Айта кетейік, өткен жылы абаттандыруға республикалық және облыстық бюджеттерден 6,2 млрд. теңге қаржы бөлінді. Бұған 51 жоба жүзеге асырылды, 77 шақырым болатын 58 көше жарықтандырылды, 39 көшеге жаяу жүргіншілер жолы салынып, 6 көпқабатты тұрғын үйдің қасбеттері жаңартылды. Тағы 17 көпқабатты тұрғын үйдің 5 аулаішілік аумағы абаттандырылды.Демеушілер есебінен қаладағы 26 көпқабатты тұрғын үйдің қасбеттері қапталып, 1 млрд. теңгеге Қызылорда қаласының орталық алаңы көркейтілуде.<img src="https://knadmin.beoblood.kz/uploads/IMG_20240413_WA_0003_5a2d344c21.jpg" alt="IMG-20240413-WA0003.jpg"><img src="https://knadmin.beoblood.kz/uploads/IMG_20240413_WA_0009_d9cd5ab7c3.jpg" alt="IMG-20240413-WA0009.jpg"><img src="https://knadmin.beoblood.kz/uploads/IMG_20240413_WA_0005_b9b61b0b34.jpg" alt="IMG-20240413-WA0005.jpg"><img src="https://knadmin.beoblood.kz/uploads/IMG_20240413_WA_0008_5c254e6df3.jpg" alt="IMG-20240413-WA0008.jpg"><img src="https://knadmin.beoblood.kz/uploads/IMG_20240413_WA_0004_86ac766196.jpg" alt="IMG-20240413-WA0004.jpg"><img src="https://knadmin.beoblood.kz/uploads/IMG_20240413_WA_0006_059e3d8a78.jpg" alt="IMG-20240413-WA0006.jpg">

Қызылордада жалпыоблыстық сенбілік ұйымдастырылды 

<a href="https://kyzylorda-news.kz/">Kyzylorda-news.kz</a> «Қызылорда облысы бойынша әйелдер күштері Альянсы» қоғамдық бірлестігі мен М.Мәметова атындағы Қызылорда педагогикалық жоғары колледжі ынтымақтастықты нығайту мақсатында әріптестік меморандумға қол қойды.Шараға «Қызылорда облысының әйелдер күштері Альянсының» төрайымы Ахметова Рахима Қаржаубайқызы, «Қызылорда облысының әйелдер күштері Альянсының» саяси көшбасшылық мектебінің басшысы Бихожа Сәрсенкүл Байдешқызы, қалалық маслихат депутаты Мусабаева Айгүл Нажмадинқызы, Сырдария аудандық мәслиханың депутаты Ибадуллаева Динара Дүйсенбекқызы, оқу орны басшысы Тоғанова Жақсыгүл Қоханқызы, колледж оқытушылары және «Көшбасшы мектебі» клубының қыздары қатысты.&nbsp;<blockquote>«Көшбасшы мектебі» клубының мақсаты – қыз балалар бойындағы көшбасшылық қасиетті дамыту, зияткерлік және тұлғалық даму, интеллектуалдық деңгейін арттыру. Жиында аймақтық Аналар кеңесі төрайымы Рахима Ахметова бүгінгі қыздар ертеңгі әйел-аналардың қоғамдағы рөлі, қыз балалардың бойындағы көшбасшылық қасиеттің маңызы туралы кеңірек айтып өтті.</blockquote>Білім ордасының бірлескен әлеуметтік жобасы болып табылатын «Көшбасшы мектебі» қыздар клубы 2 жылдан бері жұмыс жасап келеді. Сондай-ақ, «Көшбасшы мектебі» ұйымына білім ордасындағы 30 студентіміз мүше. Оқу орнымыздың қазақтың батыр қызы – Мәншүк есімінде болуы да біздер үшін мақтаныш, әрі үлкен жауапкершілік. Рахима Қаржаубайқызы бастаған облыстық Аналар кеңесі осы жұмысымызды бір жүйеге келтіріп, ауқымын кеңейтіп оны насихаттауға үлкен қолдау жасап келеді. Осы орайда «Көшбасшы мектебі» клубының мүшелері де клубтың ашылғанына ризашылықтарын білдіріп, өздерінің ұсыныстары мен алдағы жоспарларымен бөлісті.&nbsp;Тағылымы мол шарада колледж басшысы Жақсыгүл Қоханқызы ұлттық құндылықтар дәріптеле түсетін аталмыш шараның маңыздылығын атап өтіп, қонақтарымызға колледж тарихы, ұлағатты ұстаздардың еңбек жолы жайлы «Білім шамшырағы» және «Ерлік шамшырағы» атты кітаптарын тарту етті.&nbsp;Танымдық кеште колледждің «Өнер» бөлімінің оқытушылары қонақтарымыздың құрметіне әннен шашу шашты. Кеш қонақтары әлеуметтік әріптестік үшін колледж басшысы Жақсыгүл Қоханқызы мен колледж ұжымына жылы лебізі мен ризашылықтарын білдірді.&nbsp;Заман талабына сай қиындығы мен қызығы қатар жүретін отбасы және қызмет жолдарын шебер үйлестіре жолатын апаларымен кездесу - қызғалдақтай құлпырған қыздарымызға ұмытылмас өнегелі сәт болары анық.

Меморандумға қол қойды

<a href="https://kyzylorda-news.kz/">Kyzylorda-news.kz</a> Өзі тұратын аймақты, қоршаған ортаны қорғап, таза ұстау – әр адамның ішкі мәдениетінің белгісі. Ал игі шараны тұтас ел болып ұйымдастыру – табиғатқа деген жанашырлық, экологиялық жағдайды жақсартудың бірден бір жолы. Биыл да Қызылорда облысындағы Барсакелмес мемлекеттік табиғи қорығы РММ-де "Парктер шеруі" акциясы аясында жүйелі жұмыстар қолға алынды.&nbsp;Елімізде жыл сайын наурыз айынан бастап қорықтар мен ұлттық парктерде, резерваттарда "Парктер шеруі" экологиялық акциясы тұрақты түрде өткізіледі. Инспекторлар ерекше қорғалатын аумақтағы өсімдіктер мен "Қызыл кітапқа" енген жануарлар жөнінде дәріс өткізумен қатар, қоршаған ортаны тазартып, көпшілікті көгалдандыру жұмысына атсалысуға шақырады.&nbsp;Акцияның мақсаты – жергілікті тұрғындар мен мемлекеттік органдардың бірлесіп табиғатты қорғауы, осы бағыттағы өзекті мәселелерді шешуге үлес қосуы.Халқымыз қашанда табиғат сыйын аялай біліп, ысырап пен ашкөздікке жол бермей, обал мен сауапты ойлаған. Жаратушы берген нығметті бағалап, себепсіз көкті жұлмаған, жануарға тиіспеген. Жылу мен жер, су тірліктің бастауы деп біліп, көктем шығысымен бұлақтың көзін ашқан.&nbsp;Ал халықаралық акцияның шығу тарихына тоқталсақ, 1840 жылы АҚШ-та ағаш егу күні ретінде басталған шара 1882 жылы мемлекеттің ресми мерекелерінің қатарына енді. 1970 жылдан бастап "Жер күні" мерекесі болып өзгерді. Қоғамды игі іске жұмылдырып, табиғатты аялауға шақыратын акция 1990 жылдың 22 сәуірінен бастап "Парктер шеруі" деген атауға ие болды. Әлем бойынша бір мезгілде ұйымдастырылған ағаш отырғызу акциясына 141 мемлекеттен 200 млн адам қатысқан.&nbsp;Еліміз "Парктер шеруі" акциясына 1997 жылдан бастап қосылды. "Табиғатыңды таза ұста!" деген ұранмен өткен жалпыхалықтық шараның жыл өткен сайын ауқымы кеңейіп, мектеп оқушысынан бастап зейнеткерге дейін атсалысатын игі бастамаға айналды. Расымен де наурыз айы туысымен ауыл-аймақ, мегаполистерде тазалау, көгалдандыру жұмыстары ерекше қарқын алады. Ал білім беру ұйымдарында экологиялық бағыттағы тәрбие беру жұмыстары, байқаулар жиі өткізіледі. Бұл – жас ұрпақтың танымын кеңейтіп, ізгілік пен сүйіспеншілікке баулитын шара.&nbsp; Фото: egemen.kz

Қазақстан және Қызылорда облысының жаңалықтары