<a href="https://kyzylorda-news.kz/">Kyzylorda-news.kz.</a> Қызылорда облысында 25 фельдшерлік-акушерлік бекет бар. ФАБ-те қандай медициналық көмек көрсетіледі, ауыл тұрғындары ауруды анықтау, дәрігердің кеңесін алу немесе қымбат ота жасау қажет болса, қайда бару керек? Осы және өзге де сауалдарға тілшілер Шиелі ауданындағы баспасөз туры барысында жауап алды. Баспасөз турын Әлеуметтік медициналық сақтандыру қорының Қызылорда облысы бойынша филиалы ұйымдастырды.Жиделіарық ауылында мыңға жуық халық тұрады. Құрметті агроном Есімұлы Әбусағи ФАБ-қе жүрек және қан қысымының жоғарылауы шағымдарымен жүгінді. 75 жастағы еңбек ардагеріне алғашқы медициналық-санитарлық көмек көрсетіліп, қосымша медициналық тексеруден өтуге кеңес берілді.<blockquote>«Зоб, жоғары қан қысымы мазалайды. Жұбайымның да қан қысымы көтеріледі. ФАБ мамандары кәсіби медициналық көмек көрсетеді. Дәрі-дәрмектерді де уақытылы алып тұрамыз», - деді ардагер.</blockquote>Пациент Еңбекші ауылының дәрігерлік амбулаториясына жіберілді. Мұнда қабылдауды жергілікті дәрігер жүргізіп, жоспарлы медициналық көмекке жолдайды. Негізгі шарт - пациент МӘМС жүйесінде сақтандырылуы тиіс.<blockquote>«ФАБ дәрігерге дейінгі алғашқы медициналық-санитарлық көмек көрсетеді. Еңбекші ауылының дәрігерлік амбулаториясында жергілікті дәрігер ауылдың тұрғындарды консультациялық-диагностикалық қызмет алуға, күндізгі және тәулік бойы стационарларда емделуге және т.б. медициналық қызметтерге жібереді. Ауылдың 118 тұрғыны диспансерлік есепте тұрады. Көбінесе жүрек-қан тамырлары аурулары, қант диабеті, бронхитпен ауырады», - деді Жиделіарық ауылының фельдшері Дархан Сәрсенбаев.</blockquote>Науқастың жағдайын бағалағаннан кейін, жергілікті дәрігер ем тағайындайды немесе аудандық ауруханаға мамандырылған дәрігерінің кеңесіне жібереді. Төтенше жағдайда, сақтандыру мәртебесіне қарамастан, пациент жедел жәрдем көлігімен ауруханаға жеткізіледі. Осылайша, бас миы шайқалған Жиделіарық ауылының тұрғыны Анар Сармақова аудандық ауруханаға түсті. 53 жастағы әйелге компьютерлік томография тағайындалды.<blockquote>«Басым айналып, есінен танып қалдым. Содан сон құсу басталды. Қазір денсаулық жағдайым жақсы, ем қабылдап жатырмын. Менде анемия бар, бірақ диспансерлік есепте тұрмаймын. Мұғалім болып жұмыс істеймін. Енді медициналық тексеруден өтіп, әрі қарай емделемін», - дейді Анар Сармақова.</blockquote>Айта кетейік, қазір ауыл тұрғындары КТ-дан аудандық ауруханада өтеді. Бұрын олар облыстық медициналық ұйымдарға жүгінуге мәжбүр болды.<blockquote>«Компьютерлік томография бойынша зерттеу осы жылдың наурыз айынан жүргізілуде, кәзірдің өзінде 500-ге жуық пациент тексеруден өтті. КТ тәулік бойы жұмыс істейді. КТ нәтижелерін аудандық аурухананың рентгенологы жүргізеді және КМАЖ-ге (кешенді медициналық ақпараттық жүйе) жібереді, содан кейін Қызылорда қалалық ауруханасының маманы қорытынды береді», - деп түсіндірді Шиелі аудандық ауруханасы бас дәрігерінің орынбасары Гүлмира Құрбанғалиева.</blockquote>Биыл Шиелі ауданының тұрғындарына медициналық көмек көрсету үшін Әлеуметтік медициналық сақтандыру қорынан 6,7 млрд. теңге бөлінді.<img src="https://knadmin.beoblood.kz/uploads/1_8c67ee1159.jpeg" alt="1.jpeg"><img src="https://knadmin.beoblood.kz/uploads/4_87a976d6aa.jpeg" alt="4.jpeg">

Қымбат медициналық қызметтерді ауыл тұрғыны қалай алады?

Қызылорданың тазалығы – басты назарда

<a href="https://kyzylorda-news.kz/">Kyzylorda-news.kz.</a>&nbsp; Жақында Астана қаласында Мемлекет басшысы Қасым-Жомарт Тоқаев пен Германия Президенті Франк-Вальтер Штайнмайердің қатысуымен «Қазақстан – Германия» бизнес-форумы өтті.Форумда Қызылорда облысының әкімдігі, «Медаль Групп» және «Самга Евротрэйд КЗ» ЖШС арасында, Қызылорда облысының әкімдігі, «Хорн» фирмасы және «ЕвроГлас Индастриз» ЖШС арасындағы үшжақты меморандумдарға қол қойылған болатын.Аталған келіссөздердің жалғасы ретінде бүгін облысқа германиялық «Medal Group GmbH» компаниясы мен «Samga Eurotrade» ЖШС өкілдерінің іссапары басталды.Іссапар аясында қарастырылған жобалар қатарында Wehrhahn корпорациясының фирмалық жабдықтары мен технологиялары негізінде фиброцемент, газбетон және құрғақ құрылыс қоспаларын шығаратын «Көпфункционалды инновациялық индустриялық парк» жобасы бар. Оған қоса HORN корпорациясының фирмалық жабдықтары мен технологияларын қолдана отырып, «Шыны ыдыстарды өндіру зауыты» жобасын іске асыру мәселелері талқыланды.

Қызылорда облысы мен Германия арасындағы ынтымақтастық мәселелері талқыланды

<a href="https://kyzylorda-news.kz/">Kyzylorda-news.kz.</a>&nbsp;Сырдария ауданында құрылыс жұмыстары қарқынды жүрігізіліп жатқандығын бұған дейін айтқан болатынбыз. Өз кезегінде біренеше жылдан бері тозығы жетіп, күрделі жөндеу көрмеген аудандық спорт клубы қайтадан қалыпқа келтірілуде. Осы айдың басында басталған күрделі жөндеу жұмыстары &nbsp;қыркүйек айында аяқталатын болады. Осы күні &nbsp;мердігер мекеме «Жылу-ХХІ» ЖШС-нің бастамасымен жүргізіліп жатқан тиісті құрылыс жұмыстары бір сәтке бәсеңдеген емес.&nbsp;Ең алдымен, құрылысшылар тозығы жеткен ғимараттың қас беттерінің қабырғасын толықтай түсіріп, сылақ жұмыстарын жасауда. Өз кезегінде ғимараттың 9 бөлмесіне қайтадан сылақ жүргізілетін болады. Сонымен қатар ескі ағаш терезелер толықтай алынып, пластикалық терезеге өлшемдер жасалынды. &nbsp;<blockquote>– Қазіргі уақытта аудандық спорт клубына мердігер мекеме «Жылу-ХХІ» ЖШС-і жүргізуде. Алдағы үш айда тозығы жеткен спорт клубтың &nbsp;ғимараты жаңа сипатқа енбек. &nbsp;Күрделі жөндеу барысын мұқият бақылауда болады. Өйткені, бізге сапалы және ұзқ жарамды құрылыс жұмыстары жасалғаны дұрыс. Біз қай кезде халықтың баласы сапалы спортпен шұғылдануына жағдайы жасай білуіміз керекпіз. Қашанда ел алғысына бөленіп, спорт майталмандары жоғарғы жетістікке қол жеткізе берсін демекпіз, – дейді аудандық спорт клубының директоры &nbsp;Диас Әлжанов. &nbsp;</blockquote>&nbsp;&nbsp;

Сырдарияда спорт клуб күрделі жөндеуден өтуде

<a href="https://kyzylorda-news.kz/">Kyzylorda-news.kz.</a> Бүгінде Қызылорда облысында 3 мыңнан астам мемлекеттік қызметші бар. Оның 1490-ы нәзік жанды болса, ал 342-сі 29 жасқа дейінгі жастар. Олар &nbsp;өңірдің әртүрлі саласында еңбек етіп, экономикалық дамуына сүбелі үлес қосып келеді. Бүгін Өңірлік коммуникациялар қызметінде өткен брифингте ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиев мемлекеттік қызметшілер күніне орай саладағы жаңашылдықтарды баяндады.<blockquote>«Мемлекетіміздің тыныштығы мен халқымыздың бейбіт өмірі бәрінен қымбат. Осы себепті мемлекеттік қызметшінің қызметі – туған елі мен халқына адал еңбек етуімен бағаланады. Қазіргі таңда облыстағы мемлекеттік қызметшілердің штат саны – 3 318 бірлікті құраса, онда жұмыс істейтін 3 232 қызметкер бар. Мемлекеттік қызметшілердің білімін жетілдіріп отыру өте маңызды. Тиісінше, осы жылы жергілікті атқарушы мемлекеттік органдарда қызмет ететін 804 қызметшінің білімін жетілдіру жоспарлануда. Бұдан бөлек, мемлекеттік қызметшілердің оң имиджін қалыптастыру мақсатында жыл басынан бері 160-тан астам мәдени-көпшілік іс-шаралар ұйымдастырылды. Сондай-ақ, департаменттің әлеуметтік желілердегі ресми парақшаларында «Сіз білесіз бе?» танымдық айдары жүргізіліп келеді. Мемлекеттік қызметшілердің кәсіби мерекесіне орай спорттың 7 түрінен спартакиада ұйымдастырылатын болады. Сонымен бірге мемлекеттік қызметшілер арасында «Бақытты отбасы», «Үздік мемлекеттік қызметші», «Үздік ауыл әкімі», «Үздік мемлекеттік қызмет көрсетуші» &nbsp;«Үздік әдеп жөніндегі уәкіл» конкурстары өткізіледі. Барша мемлекеттік қызметшілерді кәсіби мерекесімен құттықтай отырып, қызметтеріне табыс тілеймін!», - деді Ерлеген Жәрдемұлы.&nbsp;</blockquote>

Қызылордада 3 мыңнан астам мемлекеттік қызметші бар

<a href="https://kyzylorda-news.kz/">Kyzylorda-news.kz.</a> Шәкәрім қажы өзінің бір еңбегінде «Адам баласын бақытты ететін арлы ақыл, адал еңбек, ақ жүрек» деп жазады. Ғұламаның осы сөзінде керемет ақиқат бар. Ал, енді таңның атысы, күннің батысы еңбек етіп, қарақан басынан гөрі халқының қамын жеген азаматтар қашанда абыройлы болған. Сондай асыл жандардың бірі – Қасымхан Маханбетов. Иә, «Табиғат тосын мінез танытып, биылғы жазда Аралда қуаңшылық орнағаны мәлім. Қуаңшылық қыспаққа алған тұста өңірдегі барлық шаруашылықтар өз көмектерін берді.Қуаңшылықтан қиналған құмды өлкеге бүгінгі күнге дейін шиеліден 65 тонна шөп жөнелтілді. Сондай-ақ, алдағы уақытта «Балаби-2004», «Мақсат», «Алтын дән» шаруа қожалықтары аралдықтарға көмек беруді көздеп отыр.«Қайырымдылық жасасаң, қайырымын өзің көресің» деген екен дана халық. Әрбір жақсылықты Жаратушымыз еселеп қайтаратыны баршамызға мәлім. Осы орайда, екінші орымнан таза жоңышқа шөбінің 730 данасын аралдық ағайындарға үлестірген «Бидайкөл» шаруа қожалығы болатын. Бұл қайырымдылыққа толы жұмыстарды осы ауылдағы шаруашылықтың шөп бригадирі Қасымхан Маханбетов ұйымдастырған болатын.Ол 1979 жылы Шиелі ауданы, Бидайкөл ауылында дүниеге келген. Әкесі қарапайым малшы болған. Қасымхан әкесінің тынымсыз еңбегін көріп қана өскен жоқ, қолғабыс жасап жүріп, біліп те өсті. Еңбектің наны тәтті болатынын сол кезден-ақ түсінген. Алғашқы еңбек жолын 2007 жылы Алматы қаласында құрылыс бөлімшесінде бастап, Алатаудың баурайында 10 жылға жуық жұмыс жасап, туған ауылына келеді. Содан егіс даласында еңбекке белсене араласады. 2017 жылы «Бидайкөл» шаруа қожалығында сушы қызметін атқарды. Ұжымда ұйымдастырушылық қабілеті жоғары бағаланып, бүгінгі таңда шөп бригадирі болып еңбек етіп жүр.Мақаламызға арқау кейіпкеріміздің жұмыс уақыты әрқилы. Таңсәріде үйден шығып, тас қараңғыда қайтқан кездері де аз емес. Іскер бригадирдің ұжымында еңбекқор азаматтар да баршылық. Атап айтар болсақ, механизатор Бақыт Пәрімбеков, шөп тасымалдаушы Мақсат Пәрімбеков, комбайншы Темірбек Мырзалиев сынды азаматтар өз ісінің шебері. Техника тіліне жетік мамандар мұнда жыл он екі ай тұрақты жұмыста. Уақытылы жалақы, малына керекті шөбін, өніміне қарай жылдық сыйақы алады. Көктемде далалық жұмыстарға қызу кірісіп, егін алқабына тұқым себеді. Жер жыртып, оны өңдеп, шөп тасумен айналысады. Күзбен қатар келетін орақ науқанының орны мүлдем бөлек. «Бидайкөл» ШҚ төрағасы Т.Байдалиевтың басшылығымен берекелі істердің басы-қасында жүретін бригадир Қасымханның шөпшілері ауыл халқына 100 дана пресс жоңышқа түсіріп берді. Сондай-ақ, арнайы шөпті жүк көліктеріне басатын 6 бала жұмыс істеуде. Оларға еңбек ақысына 30 теңгеден төленеді.Әр бейнеттің түбінде зейнеті бар. Бақыт та, еңбек те маңдай термен келетінін жас¬тайынан түсінген. Еңбегі – ерек, болмысы – бөлек ағамыз өзіне тән қарапайымдылықтың арқасында ауыл азаматтарының ілтипатына бөленіп жүр.

Қасымхан Маханбетов жоңышқа шөбінің 730 данасын аралдықтарға үлестірген

<a href="https://kyzylorda-news.kz/">Kyzylorda-news.kz.</a> Құқық қорғау саласының ардагері марқұм Абдраманов Абусейт атамыздың қылмыс ашудың түрлі тәсілі және, тәжірибесі жайлы, бір күндік қызмет бабындағы оқиғаларын еске алғанды жөн көріп, жас полиция қызметкерлерінің қылмыс ашу тәжірибесін арттыру, жетілдіру мақсатында кеңес бергенді дұрыс деп ұғындық. Ары қарай тізгінді кейіпкеріміздің өзі болып сол салада қызмет етіп жүрген немересі полиция капитаны Әбдраманов Ермуханбет жалғасын...1957 жылы әскери міндетімді өтеу үшін Белоруссияға аттандым. 3 жыл бойы орманды батпақты жерлерді кезіп, партизан соқпақтарымен оқу-әскери жаттығулармен шыңдалдым. 1961 жылы міндетті өтеп, елге оралдым. Сол жылдың маусым айында аудандық ішкі істер бөліміне қызметке орналастым. 1962 жылы аудан Шиелі ауданымен біріктіріліп ішкі істер бөлімі Шиеліге көшірілді.1966 жылдан бастап Жаңақорған ауданы қайта ашылып, ішкі істер бөлімі қайта жасақталды. Бастығы соғыс ардагері подполковник Махатаев еді. Мен Төменарық учаскесіне инспектор болып тағайындалдым. Бірде Махатаев маған «сыған деген халық бар, адал еңбекпен айналысуға құлықсыз, заңға сәйкес оларды да қылмыстық жауапқа тарта бастағанда бір бала және бір шал шекарадан жасырын өтіп кетті. Біріккен Ұлттар Ұйымына барып Совет үкіметінің үстінен шағым түсіргені жайлы айтқан. Совет үкіметі сығандар жөнінде заңды өзгертуге мәжбүр болып, оларды қудалауды тоқтатты» деді.Сығандар 20-30 жанұядан тұратын топ-топқа бөлініп, «табор» атанып өмір сүреді, өздерінің ішкі заңдары көп болып сайлаған басшысы болады. Қыздарын 13-14 жастан тұрмысқа бере береді. Олар ат желіген арбамен үлкен топ болып көшіп жүретін, ер-азаматтары жұмыс істемей шатырда жатады, әйелдері, бала-шағасы ел аралап дуанашылық жасап, ілінгеннің бәрін қағып кетеді.1967 жылы көктемде Комунизм елді-мекеніне жолым түсіп, 20-дай ат арбамен сығандар тобыры келгенін көрдім. Арбада ер-азаматтар отыр, әйел балалары бір легі ауылға ағылып бара жатса, екінші легі ауылдан келе жатыр. Бос келе жатқаны жоқ, бірі тауық ұстап, екіншісі қаппен күріш, сеткаға салған ет, киім-кешектер тағы басқа заттары бар. Қарап тұрсаң ерсілі-қарсылы ағылған құмырсқаға ұқсайды. Жалпы саны 50-60 адамдай. Бұл халықтың салт-дәстүрі ешбір халыққа ұқсамайды.1974 жылы Омск қаласындағы жоғарғы милиция мектебінде қылмыс әрекеттермен күрестің әртүрлі тәсілдері жайлы арнайы дайындықтан өттім. Бізге осы мамандықтың білгір мамандары полковниктер Ленинград, Москва, Одесса, Хабаровскіден келіп дәріс оқып, тәжірибелерімен бөлісетін. Сол оқу орнында оқытушы полковник Степанов деген кісі дүние жүзіндегі 400 мыңдай сығандарды зерттеп, арнайы кітап жазған.Оның айтуына қарағанда цыгандар ерекше халық, жасалған қылмыстарды ашу көптеген кедергілерге кездеседі екен. Қылмыстыны барлық табор болып өлген-тірілгеніне қарамай қорғап, жанжал төбелестер тудырады. Оған негізінен әйелдері жас балаларын сирағынан ұстап, қарсыласын баласымен ұрып, шамасы жетсе киімін тартып, тісімен тістеп жарақат салуға тырысады. Дауды сығандардың жиналуына мүмкіндік бермей, кінәлілерді ұрлап кетіп, жасырып, табор басшысымен келіссөз жүргізу арқылы шешкен. 1987 жылы Бесарық учаскесіне инспектор едім. Бесарық заготзернасына арғы беттегі совхоздардан күніне мың тонналап күріш жеткізіліп жатқан кез, қыркүйек айы әрі қауын қабылдау пунктінде күніне ондаған вагон қауын тиелетін уақыт. Заготзернода жүріп түнгі сағат 10-да Шымкент жақтан бір топ сыған келе жатыр деген хабар алдым. Уақыт оздырмай дереу қауын базасына барып, жергілікті тұрғындарға ескерту жасап сығандардың үйлерін тонап кетпеуін ескерттім. Түнгі сағат үште Талаптағы үйіме қонып азанғы сағат 9-ға жуық Бесарыққа келе жатсам үлкен жолдың қиылысында бірқара сығандар жүр, жалпы қарасы 70-тей адам. Олар Шиелі бағытына көлік тоқтатып, мініп кеткісі келсе көліктер олардан айнала өтіп жатыр екен.Бесарық станциясы жақтан бір жас келіншек пен орта жастағы әйел келді. Жас әйел жақында Бесарыққа келін болып түсіп едім, түнде артымнан келген киімдерді мына цыгандар келіп ұрлап кетіпті, мына әйелдердің үстіндегі киіп жүрген киімдері менің артымнан келген киімдер деп 5-6 әйелді көрсетті. Үш-төрт сыған әйелдердің киімдерін шештіріп иесіне қайтардым.Еңгезердей дәу елулерге келген қара әйелдің үстіндегі жемпірді шештіруге келгенімде, ол жемпірдің алдын жыртып сені өлтіремін деп маған тұра ұмтылды. Жас әйел ілінген киімдерін алып дереу кетіп қалды. Мен бір топ сығанға тәртіпсіздікті жалғастыратын болса көліктен мықты жігіттерді алдыртып, аяқ қолдарын байлатқызып, таудың сусыз жыраларына апарып тастайтынымды ескерттім. Олар бір сағат шамасында көлікке мініп, Шиелі бағытына қарай жолға шықты.Сол күннің ертесіне азанда волга көлігі келіп, бір полиция майоры, бір аға лейтенант түсті. Олар үйге кірген соң сығандар қайда кетті деп сұрады, өздерімен келген жас әйелді көрсетіп. Түркістан қаласының тұрғыны осыдан үш күн бұрын үйіне 6-7 сығанды қондырса, олар 25000 сомын ұрлап кетіпті. «Бұл әйел үйіне кірген әйелдерді тани ма?» деп едім, таниды деді. Мен олардан сығандардан ұрлаған нәрсесін қалай қайыру тәсілін түсіндірдім. Сыған таборына барып, үйге кірген әйелдерді ақша беремін деп алдап, оңаша шығарып ұрлап басқа жерге тығып тастау керек. Табор басшысымен келіс-сөз жүргізу керек, ол келіспеген жағдайда ол әйелдерді таудағы шопандарға сатып ақшаны өтейміз деп қорқытпаса қайтармайтынын айт деді.Шиеліге телефон соғып түркістандық полиция қызметкерлер барғанша жібермей тоқтата тұруды ішкі істер бөлімінің бастығынан өтіндім. Кейін естідім түркістандық полиция қызметкерлері мен үйреткен тәсілді қолданып, қолды болған жиырма бес мың сомды қайтарып алыпты. Бұл ақшаға су жаңа екі жигули көлігін алуға болады.Міне, біздің бүгінгі кейіпкеріміздің бір күндік қызмет тәжірибесі. Әр елдің салты басқа, иттері қара қасқа, деген осы шығар. Қазір қарап тұрсаңыз, қоғам тәртіпсізденіп барады, өзге өңірлерде өз ұлтымыз емес, өзгелер өзегінен өріп, тәртіпке бағынуды қойды. Қылмыстық іс қозғамай-ақ, Әбдіраман атамыз сөзге тоқтауға тырысқан мәселе осы. Өнеге өрімі осы шығар…

Айла-амал – қылмыс ашудың тиімді тәсілі

<a href="https://kyzylorda-news.kz/">Kyzylorda-news.kz.</a> Қоғам тынышын сақтау, елдегі тәртіпсіздікті түзеу, жол ережелерінің бұзылмауын қадағалау, көлік қозғалысының ахуалын реттеу құқық қорғау саласы қызметкерлерінің міндеті. Полицейлердің күні-түні табанынан тік тұрып, тұрғындар тынышын қамтамасыз етуі үлкен жауапкершілік жүктейді. Оны кешегі төтенше жағдай кезінде тағы бір байқадық. Осындай қызметте еңбек етіп келе жатқан Мейіржан Айтбекұлын жаңақорғандықтар жақсы таниды. Өзі ғана емес, жары Айтолқын Мейрамбекқызы да осы саланың жүгін бірге көтеріп келеді.Жалпы салмағы ауыр салада еңбек ететін ерлі-зайыптылар біздің елде аз емес. Десе де құқық қорғау мамандығы, әсіресе нәзік жандылардың көп қажыр-қайратын сарп етеді. Қызығынан қиындығы мол қызметте жүрген Айтолқынның арманы тек жұмыста ғана емес, жалпы өмірде де өнегелі отбасыға айналу. Бұл кез келген арудың бәрінен биік қоятын арман-тілегі.Отағасы Мейіржан 1988 жылы мамырдың 18-і күні М.Нәлібаев ауылында туылып, мектеп табалдырығын №196 қазақ орта мектебінде аттайды. 2005 жылы мектепті бітіріп, 2006 жылы Арқалық қаласындағы «Мемлекеттік педагогикалық» институтына оқуға түседі.<blockquote>«2010 жылы осы институтты «Биология» мамандығы бойынша бітірдім. Әскери міндеттімін. 2010-2011 жылдар аралығында Қарағанды облысы, Теміртау қаласындағы №55/16 әскери бөлімінде азаматтық борышымды өтеп шықтым. 2011-2013 жылдар аралығында Қарағанды қаласындағы Қарағанды экономикалық университетінде «заңгер» мамандығы бойынша білім алдым. Менің құқық қорғау саласындағы қызметім осылай басталды», – деді ол.</blockquote>Ішкі істер саласындағы еңбек жолын Қызылорда қаласындағы патрульдік полиция батальонында бастайды. 5 жыл еңбек еткеннен кейін Жаңақорғанға жұмыс бабымен ауысады.«2019 жылы Жаңақорған аудандық полиция бөлімі, жергілікті полиция қызметінің патрульдік полиция тобының аға инспекторы қызметіне орналастым. Жалпы менің қызметтегі міндетім – қоғамдық қауіпсіздікті қамтамасыз ету, жол қозғалыс ережелерінің өрескел құқық бұзушылықтарын анықтау, қылмыс болған жағдай оны дер кезінде ашу болп табылады. Жұбайым Айтолқын Мейрамбекқызы да осы саланың жүгін көтеріп жүр.<blockquote>«Бұл мен таңдаған, бала кезден арман еткен мамандық. Адам табиғатына жақын саланы таңдайды, шыны керек, бұл қызмет мен үшін қиындық тудырмайды, қайта ел үшін еңбек етудің жолын тапқаныма қуанамын. Атқарар жұмыс жетеді, ең бастысы халықпен дұрыс жұмыс жасай білген абзал», – деді отанасы.</blockquote>Жалпы құқық қорғау саласында Мейіржан Айтбекұлы сынды қаншама жастар қызметтің жүгін көтеріп, елдік мүдде жолында еңбек етіп келеді.Қай сала, қандай мамандық болмасын кез келген тұлға өзіне артылған сенімді, жауапкершілікті зілдей болса да көтере білу керек. Сын мен сапалы қызмет қашан да адам мерейін үстем етеді, халық атынан шынайы бағасын алады. Осы жолда еңбек етіп келетін полицейлердің бір ғана міндеті бар, ол – қоғам қауіпсіздігін қамтамасыз ету. Түйіндей айтқанда, бүгінде полиция қызметкерлеріне деген сын аз емес, әрине орындысы да бар. Сын түзелмей мін түзелмейді демей ме? Дегенмен әрекеті ізінен ерген жастарға үлгі бола алатын жандарға осылай құрмет білдіріп, еңбегін елге кеңінен көрсетіп, тереңірек насихаттасақ жарасады. Әсіресе бүгінгі кейіпкерлеріміз секілді бір шаңырақтың түтінін түтетіп, бір саланың жүгін көтеріп жүрген жандардың қоғамдағы алар орны бір бөлек.

Бір саланың жүгін бірге көтеріп келген Жандарбековтер отбасы

<a href="https://kyzylorda-news.kz/">Kyzylorda-news.kz.</a> Қызылорда қаласы полиция басқармасының Жедел басқару орталығында полицейлер тәулік бойы үздіксіз өз жұмыстарын атқарып келеді. Қоғамдық қауіпсіздікті қамтамасыз ету мен тәртіпті сақтау мақсатында анықталған құқық бұзушылықтар бойынша жедел жұмыстарды жүзеге асырады. Бір аптада 102 нөмеріне 1224 хабарлама келіп түсті.Ал Жедел басқару орталығының көмегімен 681 құқық бұзушылық анықталды. Оның ішінде ҚР ӘҚБтК-нің 593-бабымен (Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау) 116 жүргізуші, 591-бабының 1-бөлігімен (Көлiк құралын басқару кезiнде жүргiзушiнiң телефонды не радиостанцияны пайдалануы – бес айлық есептiк көрсеткiш мөлшерiнде айыппұл салуға әкеп соғады) 22 жүргізуші, 596-бабының 1-бөлігімен (Көлік құралын жолдың жүру бөлігінде орналастыру, қарсы жүріп өту немесе басып озу қағидаларын бұзу) –16, 600-бабының 1-бөлігімен (Жол жүрісінде басымдықты пайдаланатын көлiк құралдарының жүргiзушiлерiн қоспағанда, жол жүрiсi қағидаларының жаяу жүргiншiлерге немесе жол жүрiсiнiң өзге де қатысушыларына жол беру талаптарын орындамау) 48 жүргізушіге әкімшілік хаттама толтырылды.&nbsp;Сонымен қатар, ҚР ӘҚБтҚ-нің 440-бабы (Алкогольдік ішімдік ішу немесе қоғамдық орындарға масаң күйде жүрген) бойынша 2 хаттама рәсімделді. ҚР ӘҚБтК-нің 434-бабы (Ортақ пайдаланатын қоғамдық орынды ластау) бойынша 4 құқық бұзушылық анықталып, шара көрілді.<blockquote>«Біздің орталық өз жұмысын ешқашан кідірткен емес. Сондықтан сеніммен айта аламын, Қызылорда қаласы тұрғындарының тыныш ұйқысы мен қоғамдық қауіпсіздікті қамтамасыз ету мақсатында өз жұмысымызды одан әрі де жалғастыра береміз», – дейді Қызылорда қаласы полиция басқармасының Жедел басқару орталығының бастығы Берікбол Ерімбетов.</blockquote>

Қызылордада жедел басқару орталығының «102» арнасына 1224 хабарлама келіп түсті

<a href="https://kyzylorda-news.kz/">Kyzylorda-news.kz.</a> Тарихымызға тың серпін беріп, құнды мұраларды еркін ел тұрғысынан тану, қолдағы бар құндылықтарды бағамдау барысындағы бастамалар байыпты жүргізіліп келеді. Осы тұрғыда толымды еңбек етіп жүрген жастардың бірі – Анкара қажы Байрам Вели университеті «Түрік фольклоры» кафедрасының аға оқытушысы, PhD доктор, ақын Бекарыс Нұримановпен сұхбатымызды оқырман назарына ұсынамыз.– Бекарыс, ел өзіңізді алғашында ақын ретінде таныды. Ал ғылымға қызығушылығыңыз қалай басталды? Әңгіме әлқиссасын осыдан бастасақ…– Рас айтасыз. Ең алғаш елдің алдына қара домбыраны арқалап, ақын ретінде шықтық. Айтыс оң-солымызды тануымызға, жетілуімізге, қалыптасуымызға өте үлкен септігін тигізді. Әлі де айтыстан қол үзіп қалдық деп айта алмаймыз. Айтыс, өлең-жырды зерттеп келеміз. Сырт елде де қазақтың атынан халықаралық ақындар айтысына қатысып, өзге елдің ақындарымен де сайысқа түсіп жүрміз. Мүмкін бір үзіліс болған шығар. Ал ғылымның өзі де айтыстан алыс емес сөз өнері. Көнеден жеткен бабалардың мұрасын зерттеуді барынша қолға алғым келді. Сонау сақ, ғұн дәуірінен, көне Күлтегін, Көктүрік кезеңі, одан бері қарай Қарахан заманынан Қазақ хандығына дейінгі көненің мұралары қызықтырды. Сол сәттен ғылымға деген қызығушылығым басталды десем де болады. Қалам тартып, қадам жасамас бұрын жан-жақты ойланып, табанды түрде алдыма жоспар құрып, 2012 жылы магистратураға түстім. Ал оның алдында ұзақ және қысқа мерзімді жоспар құрып, біржақты бетбұрыс жасаған едім. Мұның барлығы – біреумен ақылдасып жасалған жоспар емес, өзімнің ішкі шешімім.– Өзіңіз аударма жасаған Жүсіп Баласағұнның «Құтадғу білік» туындысы ең күрделі шығарманың біріне жатады. Мұны таңдауыңызға не себеп болды?– «Құтадғу білік» – әрине, күрделі шығарма. Әуелі магистратурада айтысқа қатысты зерттеу жүргіздім. Өзіміз ішінде жүргеннен кейін болар, аса қиындық туғызды деп айта алмаймын. Сол уақытта Германияға тағылымдамаға бардым. Ол жақтағы дамыған ғылымның нәтижесін көрген кезде бұл салаға біржақты өту керегін толық сезініп, түсініп келдім. Докторантура оқып жүргенімде әртүрлі тақырыптар ұсынылды. Дегенмен осы «Құтадғу білік» шығармасын таңдадым. Себебі, бұл – он ғасыр бұрын жазылған шығарма. Ал мен үшін сол замандардағы бабаларымыздың не істегені, адамдардың ойлау жүйесі, дүниені, табиғатты қалай танығаны қызық болды. Бабаларымыздың танымын түсінсем, меңгерсем деген ойдан шықты. Сөйтіп, «Құтадғу білікті» толық зерттеуге кірістім.–Аударма барысында қандай да бір қиындық болды ма? Кітаптың мазмұнын бөлісе отырсаңыз…– Әрине, кез келген істің өзіне тән қиыншылығы болады. Түсіну басқа да, ойыңа сіңіру мүлде басқаша. Әуелі аудармаға дейін диссертация ретінде қорғадым. Диссертация жазу барысында «Құтадғу біліктің» алғашқы бәйіттерін аудардым. Оның да өзіндік себептері болды. &nbsp;Осыдан он ғасыр бұрынғы тілдік қолданыс, оны осы дәуірге сәйкестендіру, тікелей сөзбе-сөз аудару немесе жалпы мағынасын беру керек. Ұстаздарым түпнұсқаны, яғни сол дәуірдің тілін, жазба графикасын толық тануды тапсырды. Көне дәуірдің графикасын тану маған аса қиынға соққан жоқ. Өйткені оған дейін төте жазуды үйренген болатынмын. Төте жазудан кейін аударма жасау жеңілірек. Кітаптың мазмұнына келсем, жалпы шығарма рухани білім мен адами ізгілікті үйрететін насихат жанрындағы дидактикалық кітап ретінде көбірек таныстырылған. Солай екені рас. Бірақ бір мәселесіне назар аударып көрейікші. Мысалы, насихатты қарапайым адамға айтатын болса, ол бір жай насихат болуы мүмкін. Ал сол насихатты билеушіге айтатын болса, онда оның мазмұны өзгереді. Аударма барысында ойыма «бұл кітап насихат ретінде неге көбірек танылып қойды?» деген сұрақтар келді. Бұл негізіне келгенде саяси тақырыптағы насихат екен. Осы жерде мен үшін жаңалық болған, көңіліме ерекше әсер еткен сол дәуірдегі мемлекетіміздің құрылымы, басқару жүйесі, қызметкерлер этикасы, ел басқарудағы ұстанымдар. Қарасаңыз, бұл жерде Қарахан дәуіріндегі он ғасыр бұрынғы бабаларымыздың құрған мемлекетінің құрылымы жүйесі бар. Халықпен қарым-қатынасы орныққанын және заң шығарушы ел екенін көрсетеді. Біздің мемлекетіміз кеше ғана құрылып, тәй-тәй қадам басып жатқан жас мемлекет емес, тамыры сонау тереңде жатқанын түсіндім. Жүсіп Баласағұн он ғасыр бұрын «бізге дейінгі бектердің сөзі, бізге дейінгі жазып кеткендер болмаса, біз қайдан білер едік» деп өзіне дейінгі бірнеше ғасырлық мұраға сүйеніп отырғанын жазады. Билеушілердің, ғалымдардың пікіріне сүйеніп отырады. Демек, біздің он ғасыр бұрын жазылған деп отырған шығармамыз – оның да ар жағындағы тарихымыздан хабар беретін құнды дүние.– Бұл кітап бұған дейін үш мәрте қазақ тіліне аударылып, оқырманға ұсынылды. Алдындағы еңбектерден ерекшелігі неде?– Дұрыс айтасыз, бұл кітап бұған дейін үш мәрте аударылды. Мұны зерттеулерімде де, мақалаларымда да айтып жүрмін. Өздеріңіз білетіндей, ең бірінші 1986 жылы Асқар Егеубаев есімді түрколог-ғалым, ақын ағамыз аударды. Ол «Құтадғу біліктің» толық нұсқасын өлең түрінде аударып шықты. Бұл нұсқа поэтикалық көркем аударма болып есептеледі. Екіншісін 1991 жылы Берікбай Сағындықұлы аударды. Ол екі жүз бәйітті таңдап алып, әр жерінен үзінділерінен қара сөз түрін жолма-жол мағынасында аудармасын жасады. Бұл да &nbsp;ғылымға қосқан үлкен үлес деп есептеймін. Үшіншісін &nbsp;белгілі түрколог-ғалым Әбжан Құрышжанұлы аударды. «Құтадғу біліктің» үш қолжазбасы болса, соның Ташкентте сақталған нұсқасын өлеңмен поэтикалық аударма жасады. Мен кейбір сөздердің мағынасын ашу үшін қара сөз түрінде аудармасын жасадым. Бұған белгілі ғалым, профессор, академик Сейіт Қасқабасов, Аманжол Әлтаев, түркітанушы ғалым Өжал Оғуз профессор, доктор Хүлия Касапоғлу Ченгел сынды ұстаздарым қолдау көрсетті. Еңбекті дайындау барысында жұбайым Гүлжан Қайырбекқызы екеуміз бірлесе отырып жазып шықтық. Аударма барысында оқиға желісін сақтауға баса назар аудардым. Біздің еңбектің басқа аудармадан ерекшелігі осы. Бағасын халық береді деп ойлаймын.&nbsp;– Өзіңіз дәріс беретін оқу орнында қазақ жастары көп пе?– Түркияның Анкара қаласында қажы Байрам Вели университетінде &nbsp;«Түрік фольклоры» кафедрасының шақыруымен дәріс беріп жүрмін. Ол жерде Орта Азияға қатысты сабақтарға ғана кіремін. Дәл осы кафедрада докторантурада оқып жатқан қазақ балалары бар. Өз еліміздің жастары осындай іргелі білім ордаларында оқып жатқанына ерекше қуанамын. Білімді жастардың көп болғаны әрине, қуанышты.– Қазақ ғылымын қалай бағалайсыз?– Ең бірінші қазақ ғылымында іргелілеу бар. Жастардың қызығушылығы басым екенін айтқым келеді. Жетіспей жатқан тұстары да жеткілікті. Ол жөнінде аға буын өкілдері де айтып жүр. Бұл жөнінде сын айтудан гөрі кемшін тұсы болса жетілдіруге жұмыс жасасақ дұрыс сияқты. Ең бастысы соған заңдық тұрғыда мүмкіндіктер жасалып, зерттеуші ғалымдардың жолын ашса, көп жетістікке жетеміз деп ойлаймын.&nbsp;

Бекарыс Нұриманов «Құтадғу білік» шығармасын қазақ тіліне аударды

<a href="https://kyzylorda-news.kz/">Kyzylorda-news.kz.</a> Жастарды еңбексүйгіштік пен тазалыққа тәрбиелейтін «Жасыл ел» бағдарламасының болашағы баянды. Жастар жасағы қатарында еңбек етіп, қосымша қаражат тапсам дегендердің дені жас буын. Бағдарламаның да мақсаты – елді мекен ішін жасыл желекке көмкеріп, туған жерге деген патриоттық сезімін арттыра отырып, жұмыссыздық деңгейін төмендету. Жасақ мүшелерінің басым бөлігі студенттер мен жұмыссыз жастар. Жазғы демалыста бос уақытын тиімді өткізіп, оқу ақысына тамшыдай болса да қаражат табуға мол мүмкіндік. Бұл мемлекеттің ел ертеңіне де деген үлкен қамқорлығы.Бағдарлама бастау алғалы жүз мыңдаған жастардың күшімен миллиондаған жасыл желек отырғызылып, көгалдандыру жұмысына қомақты үлес қосқан. Хош. Аудандағы жастар жасағының жайына ойыссақ. Кент орталығында «Жасыл ел» жастар жасағы өз жұмысын бастап кетті. Маусым айының алғашқы күндерінен-ақ 38 жас жасақ құрамына алынып, кент көшелеріндегі жасыл желекке күтім жасауда. Тәуелсіздік көшесінің бойындағы жаңа отырғызылған көшеттердің арамшөптерінен тазалап, топырағын қопсытып жүр. Бұл жөнінде біз «Жасыл ел» жастар жасағының аудандық жетекшісі, жастар ресурстық орталығының басшысы Наурызбай Орынбасаровтан мән-жайды білдік.<blockquote>«Бүгінгідей аптап ыстықта саябақты тазартып, көгалдандыру оңай шаруа емес. Десе де, жаңақорғандық жастардың туған жерді жасыл желекке айналдыруға деген ықыласы зор. Олар түйір нан тамшы терден тұратынын жақсы біледі. Еңбекке деген құлшыныстары кісі қызығарлық. Қазір 50 жасты маусымдық ақылы жұмыспен қамтыдық. Бастысы – ерінбей еңбектене жүріп, кенттің көркеюіне өзіндік үлесін қосады», – дейді.</blockquote>Айта кетейік, жаз айларында 200-ден аса жас маусымдық жұмыспен қамтылады. Аудандағы студент жастар мен жұмыссыз жастарға маусымдық табыс табуына мүмкіндік бар. Жаңа оқу жылына дейін қосымша табыс табамын деген ниеттілер болса аудандық жастар ресурстық орталығына келіп тіркелуге болады. Ал, бізді «Еңбек жасағы» құрамына кімдер тартылды деген сұрақ қызықтырды. Оның жауабын жасақ жетекшісінен алдық. Бүгінде өздеріңізге белгілі, қоғамда маргинал және NEET санатындағы жастар деген түсінік бар. Алғашқысы, ортадан оқшауланған, кейінгісі жұмыссыз. Міне, «жасыл елдіктер» қатарында мұның екеуі де қамтылған. Оған қоса, қарапайым ауыл жастары да осы еңбек қозғалысынан жұмыс тапқан.&nbsp;<blockquote>«Өзім Көкшетау қаласындағы Қатаркөл ауылшаруашылығы колледжінің студентімін. Жазғы демалысқа ауылға келгеннен кейін қоғамдық іске араласып, әрі қосымша қаржы табу мақсатында осы жасаққа мүше болдым. Кенттегі бас көшелердің бойына &nbsp;тазалық жұмыстарын жүргіздік. Сауапты да жауапты шараның ортасынан табылғаныма ризамын. Мемлекеттің жастарға жасап жатқан жасампаз жобаларына алғысым зор. Өлке тазалығы мен көгалдануына бар күшімізді салатын боламыз», – дейді 4-курс студенті Жандос Асылбек.</blockquote>Иа, жастарды еңбексүйгіштік пен тазалыққа тәрбиелейтін «Жасыл ел» бағдарламасының болашағы баянды. Жастар жасағы қатарында еңбек етіп, қосымша қаражат тапсам дегендердің дені жас буын. Бағдарламаның да мақсаты – елді мекен ішін жасыл желекке көмкеріп, туған жерге деген патриоттық сезімін арттыра отырып, жұмыссыздық деңгейін төмендету. Жасақ мүшелерінің басым бөлігі студенттер. Жазғы демалыста бос уақытын тиімді өткізіп, оқу ақысына тамшыдай болса да теңге табуға мол мүмкіндік. Бұл мемлекеттің ел ертеңіне де деген үлкен қамқорлығы. Бағдарлама бастау алғалы жүз мыңдаған жастардың күшімен миллиондаған жасыл желек отырғызылып, көгалдандыру жұмысына қомақты үлес қосқан. Хош. Республикадан ауданға ойыссақ.&nbsp;Иә, екі айда жетпіс &nbsp;адамды жұмыспен қамту қуантарлық жайт. Осы орайда, бізді «Еңбек жасағы» құрамына кімдер тартылды деген сұрақ қызықтырды. Оның жауабын жасақ жетекшісінен алдық. Бүгінде өздеріңізге белгілі, қоғамда маргинал және NEET санатындағы жастар деген түсінік бар. Алғашқысы, ортадан оқшауланған, кейінгісі жұмыссыз. Міне, «жасыл елдіктер» қатарында мұның екеуі де қамтылған. Оған қоса, қарапайым ауыл жастары да осы еңбек қозғалысынан жұмыс тапқан.<blockquote>«Өзім Көкшетау қаласындағы Қатаркөл ауылшаруашылығы колледжінің студентімін. Жазғы демалысқа ауылға келгеннен кейін қоғамдық іске араласып, әрі қосымша қаржы табу мақсатында осы жасаққа мүше болдым. Кенттегі бас көшелердің бойына &nbsp;тазалық жұмыстарын жүргіздік. Сауапты да жауапты шараның ортасынан табылғаныма ризамын. Мемлекеттің жастарға жасап жатқан жасампаз жобаларына алғысым зор», дейді.&nbsp;</blockquote>Түйіндей келгенде, «Жасыл ел» бағдарламасы жастар қауымының Отанға деген сүйіспеншілігін арттырып, тазалық сақтауға, экологиялық тәлім алуға таптырмайтын жоба. Оған қоса, ата-анасына демеу болып, қосымша қаржы табуына мол мүмкіндік ашады. Әрине, ең бастысы, елдік мүдде жолында адал еңбектенудің ерен үлгісін паш етеді.

Жаңақорғанда «Жасыл ел» жастар жасағының жұмысы жүйелі

<a href="https://kyzylorda-news.kz/">Kyzylorda-news.kz.</a>&nbsp; Медицина қызметкерлерінің кәсіби мерекесіне орай Сырдария ауданының әкімі Берік Сәрменбаев жиын өткізді. Жиынға облыстық мәслихат депутаты Жұмабек Ембергенов, аудандық мәслихат хатшысы Ержан Әжікенов, аудандық аурухананың бас дәрігері Жалғасбек Үсенов, аудандық ардагерлер кеңесінің төрағасы Мұса Келдібаев, аудандық қоғамдық кеңес төрағасы Марат Еспенбетов, аудандық әйелдер кеңесінің төрайымы Ұлмекен Жанәлиева мен сала ардагерлері мен қызметкерлері қатысты.Алдымен төл мереке иелерін құттықтаған аудан басшысы ізгі тілегін жеткізді.<blockquote>Құрметті сала ардагерлері, медицина қызметкерлері! Сіздерді кәсіби мерекелеріңіз – медицина қызметкерлері күнімен шын жүректен құттықтаймын! Бұл мереке – адам жанын жүрегімен сезінетін денсаулық сақтау саласының барлық қызметкерлерінің ерен еңбегі бағаланатын күн. Сіздердің еңбектеріңіздің өлшемі – өмірмен қайта табысқан адамдардың тағдырымен тікелей байланысты. Дәрігер – адам жанының арашасы, жер бетіндегі сан алуан кәсіптің ішіндегі ең ізгі, ең қастерлі мамандықтың иесі. Ал оның иесі болу – үлкен мәртебе. Әрдайым адамзат баласы тағдырын сеніп тапсыратын мамандықтарыңызды абыроймен атқарып, халық сеніміне ие болып жүре беріңіздер. Ел мүддесі жолын¬дағы қиындығы мен қуанышы мол еңбектеріңізге табыс, отбастарыңызға амандық тілеймін, – деді Берік Әбдіғаппарұлы.</blockquote>Мерекелік құттықтаудан соң аудан басшысы сала ардагерлері Рүстем Садықұлына, Астрахан Қожақовқа, Нұрипа Оралбаеваға, Тәжігүл Жорабекқызына алғыс хат тапсырып, сый сияпат көрсетті.&nbsp;Ақ халатты абзал жандарды аудандық мәслихат хатшысы Ержан Әжікенов құттықтап, мамандықтың ішіндегі ең қиыны да жауапты дәрігерлікті таңдаған, адам жанының арашасы болған ақ халатты абзал жандарға ізгі тілегін жеткізді.&nbsp;Мерекелік құттықтауларды аудандық әйелдер кеңесінің төрайымы Ұлмекен Жанәлиева, аудандық ардагерлер кеңесінің төрағасы Мұса Келдібаев жалғастырды. Сала ардагерлері Рүстем Садықұлы мен Астрахан Қожақов аудан әкіміне ардагерлерді төрге шығарып, құрмет көрсеткеніне алғыстарын айтты.<blockquote>&nbsp;Ауданда аурухана құрылысы 1993 жылы басталды. Елдегі қиыншылық, қаржы тапшылығы болған кез еді. Осындай күрделі уақытта жаңа аурухананы салып бітіруге күш салдық. Қазіргі дәрігерлерге айтпағым, адам жанына араша түсу үшін өміріңнің көп уақытын ауруханада, науқас жанның жанында өткізуің керек, бір ауыз жылы сөздің өзі жаны жабырқаулы адамға күш береді. Абыройлы болу үшін жұмысты күшейту керек, – деді саланың байырғы басшысы болған, ардагер Рүстем Садықұлы.&nbsp;</blockquote>Ауданның медицина саласында ұзақ жыл қызмет етіп, еңбек кітапшасында бір ғана жазбамен зейнеткерлікке шыққан ардагер Астархан аға Қожақов та &nbsp;қиын кездегі қызметі жайында естелік айтып, аудан басшысына өз ұсынысын жеткізді.<blockquote>Дәрігерлікке 1966 жылы институтты бітіріп келіп, кірістім. Сол жылы аудандық туберкулезге қарсы диспансерге жұмысқа қабылданып, өмір бойы сонда жұмыс істеп, зейнеткерлікке шықтым. Медицина өте қиын сала екені белгілі, абыроймен жұмыс жасау үшін науқастың жанын түсіну керек. Қай кезде дәрігерден көмек сұрап келетін адамға жылы шырай танып, білгеніңді айтсаң, одан артықтың керегі де жоқ. Науқастың қолынан ұстап, "кешегіден бүгін тәуірсіз" деп айтқан сөзіңіздің өзі науқастың бетіне қан жүгіртеді. Сондықтан әрдайым алақандарыңыз шипалы болсын. Ал аудан әкіміне айтатын ұсынысым, ауданда радиобайланысы қайта іске қосылса, халық радионың үнімен оянып, онда айтылатын керемет тағылымды әңгімелерді естіп, бір сәт мына қолдағы ұялы телефоннан бас тартатын еді, – деді ардагер.</blockquote>Мерекеге орай өткен жиын соң аудандық мәдениет үйінде салтанатты іс-шарамен жалғасты. Іс-шарада саланың үздіктері марапатталып, құрмет көрсетілді. Концерттік бағдарламаға ұласқан жиында әннен шашу шашылды. &nbsp;

Қазақстан және Қызылорда облысының жаңалықтары