&nbsp; <a href="https://kyzylorda-news.kz/">Kyzylorda-news.kz.</a> Негізінен, Сырдария ауданы бойынша халық саны 37890 адамды құраған болатын. Бір қызметкердің орташа айлық жалақысы 273142 теңге, өткен жылдың тиісті кезеңімен салыстырғанда 129,0 пайызға өсіп отырғандығын жеткіземіз.2024 жылдың қаңтар-наурыз айында ауданның өнеркәсіп орындары қолданыстағы бағамен 20339,0 млн. теңгенің өнімін өндіргені мәлім. Бұл көрсеткіш – 2023 жылдың осы деңгейіне қарағанда 55,8 пайызға ұлғайған. Оның ішінде өңдеу өнеркәсібі 3674,0 млн. теңгені (146,6 пайыз) құрап отырған жайы бар. Ауыл, орман және балық шаруашылығының жалпы өнімі көлемі 2024 жылдың қантар-наурызында 1878,9 млн. теңгені құрап, 2023 жылдың тиісті кезеңімен салыстырғанда 1,4 пайызға артып отыр. Есепті мерзімде өткен жылдың тиісті кезеңімен салыстырғанда мүйізді ірі қара басының саны 106,6 %-ды (40203 бас), оның ішінде сиырлар 101,2%-ды (22374 бас), жылқы 120,1%-ды (23513 бас), түйе 100,7%-ды (1593 бас), қой мен ешкі 95,3%-ды (32125 бас), құс 110,7 % -ды (13456 бас) құрады. &nbsp;Ағымдағы жылдың қаңтар-наурыз айында аудан экономикасына 18458,0 млн.теңге негізгі капиталға инвестиция тартылды, бұл өткен жылдың тиісті кезеңімен салыстырғанда 56,4 есеге ұлғайған. &nbsp;2024 жылдың қаңтар-наурыз айында 4386,0 шаршы метрге тұрғын үй салынып, 2023 жылдың тиісті кезеңімен салыстырғанда 130,3 пайызды құрап отыр. Құрылыс жұмыстарының көлемі 2024 жылдың 3 айында 3575,0 млн. теңгені құрап, 3,2 есеге артты. Бөлшек сауда айналымының нақты көлемі 2024 жылдың қаңтар-наурызында 600,8 млн теңгені құрап, 2023 жылдың тиісті кезеңімен салыстырғанда 102,4 пайызды құрады.2024 жылдың 1 сәуіріне 2709 шағын және орта кәсіпкерлік субъектілері тіркелді. Оның ішінде 151 шағын және орта кәсіпкерліктің заңды тұлғалары, 1179 жеке кәсіпкерлер, 1379 шаруа және фермер қожалықтары бар.Жұмыс жасап тұрған кәсіпкерлік субъектілерінің саны 2620 болып, тіркелгендерге үлесі 96,7 пайызды құрады. Өз кезегінде&nbsp;Сырдария ауданының 2024 жылдың қаңтар-наурыз айындағы әлеуметтік-экономикалық даму қорытындысы бойынша аудандық экономика және қаржы бөлімінің басшысы &nbsp; Ерлан Ахетов өз пікірін білдірді.<blockquote>&nbsp; &nbsp; &nbsp; &nbsp; – Сырдария ауданында биылғы жылы барлық салада айтарлықтай өсім бар. Шын мәнінде, біз халықтың әл-аухатын жақсарту мақсатында кешенді бағдараламаларға иек артамыз. Сан салада өсім болу үшін ауданның экономикалық әлеуетін арттыруға күш жұмсау керек. Әрине, аудан дамуы – әлеуметік, экономикалық тұрғыдан оң динамика қалыптастырғанын көрсетеді, – деді бөлім басшысы.</blockquote>

Сырдарияда өнеркәсіп орындары өнім шығаруы ұлғайған 

&nbsp; <a href="https://kyzylorda-news.kz/">Kyzylorda-news.kz.</a> Шаған ауылында Айдос Ермахановты еске алуға арналған волейболдан аудандық жарыс өткізіліп, командалар өзара бақ сынады.Аталған сайысқа 9 ел­ді мекеннен 10 коман­да қатысты. Айдос Болатбекұлын еске алуға арнал­­­­ған жарыс­тың негізгі мақсаты бұқаралық спорт­­ты дамытуға бағыт­тал­ған. Турнир­дің ашы­лу салтанатында аудан­дық мәслихат депу­та­ты Әбдікәрім Серікбаев алғысөз сөйлеп, жа­­рыс­­­­қа қатысу­шыларға сәт­тілік тіле­ді. Сонымен қатар мар­құм­­­­­ның ата-анасы мен бауырлары мен жарысты ұйымдас­тырушы достары ақжар­­ма тілектерін жеткізді.Айдос Ермаханов – бала күнінен спортқа бейімделіп, облыс­­тық, аудандық сайыстардан жүлделі орындарды иеленіп жүрді. Волейболдан команда жасақтап, елді мекен абыройын асқақтатқан жас жүйрік еді. Ажалдың алып кемесі оны 2009 жылы сырқаттан алып кеткен еді. Бүгінгі күні артында бауырлары мен ата-анасы қалғаны көпшілікке аян.Спорттық сайыстың финалына Шаған ауылы, Ақжарма және Бесарық ауылы шығып, басты жүлдеге талас­ты. Қоры­­тын­ды бойынша жүлделі ІІІ орынды Бесарық ауылы­ның командасы қанжығасына байласа, ІІ орынға Ақжарма ауылы­ның командасы тұрақтады, ал тартысты додада Шаған ауылының волейболшылары үздіктер қатарынан көрініп, жүлделі І орынды алды. Ұйымдастырушылар атынан қаржылай сыйақы мен кубоктар табысталды. Бұдан бөлек үздік үйлестіруші, шабуылшы және қорғаушы номи­нация­­лары бойынша жарыстың озаттары анықталған болатын.

Шағанда волейболдан аудандық турнир жалауын көтерді

&nbsp; <a href="https://kyzylorda-news.kz/">Kyzylorda-news.kz.</a> Кеше &nbsp;№35 Иса Тоқтыбаев атындағы мектеп-лицейі базасында Сырдария ауданы бойынша білім бөлімінің басшысы Берік Жанібеков һ білім бөлімінің сектор меңгерушісі, аттестацияға жауапты маман Ләззат Мығымбаева және аудан мектептеріндегі директордың бағдарлы оқыту жөніндегі орынбасарларының қатысуымен семинар өткізілді.&nbsp; Семинарда Қазақстан Республикасы Білім және ғылым министрінің 2016 жылғы 27 қаңтардағы №83 бұйрығына енгізілген өзгерістер бойынша түсіндірме жұмыстары жүргізілді. Семинарға қатысушылар толғандырған сұрақтарына толық жауап алып, өзара пікір алмасты. – Білім саласының мамандары алдағы уақытта аттестация бойынша біліктілігін қайта шыңдаудан өтеді. Әрбір ұстаздың сынаққа жауапкершілікпен қарап, сынықтан өтуі жіті қадағаланады. Өз кезегінде сала мамандарының білімін, тәжірибесін назарға алып, жан-жақты жұмыс жасауға мүдделіміз. Балаға сапалы білім беретін ұстаздар қауымына сенеміз. Аудан көлемінде әрбір мектеп бойынша &nbsp;сала мамандары сынақтан өтеді. Біз қашанда педагогтарды қолдаймыз. Жан-жақты бағдар береміз, – деді білім бөлімінің басшысы. &nbsp; Алдағы уақытта мектеп педагогтарына түсіндірме жұмыстарын жүргізу жөнінде бағдарлы оқыту жөніндегі орынбасарларға нақты тапсырмалар берілді.

Сырдарияда білім қызметкерлерін аттестациялаудан өткізу барысы талқыланды

&nbsp; <a href="https://kyzylorda-news.kz/">Kyzylorda-news.kz.</a> Ол Грейг қызғалдақтары заңмен қорғалатын сирек өсімдіктер екенін білмесе керек. Бұл туралы <a href="https://oimaqnews.kz/602/bir-sho-yz-alda-ty-ny-student-11-million-t-leydi?fbclid=IwAR2mG2OcFpRQkZ8KG6Nd69UTCpmmHoFJdPrk8HGgIMatD6qBRSAN14fyVk8">oimaqnews.kz</a> ақпарат агенттігі хабарлады.&nbsp;Түркістан облысының 22 жастағы тұрғынына TikTok видеосы қомақты шығын әкелуі мүмкін. Әдемі кадрлар үшін қыз Қызыл кітапқа енгізілген Грейгтің қызғалдақтарын таңдаған. Түркістан облысы ДПП баспасөз қызметі қыздың әлеуметтік желідегі парақшасында сирек кездесетін қызғалдақ гүлінің тұтас бір шоғын ұстап тұрған сәті &nbsp;бейнеленген видео жариялағанын хабарлады.Ордабасы ауданынан келген оқушы Ұялыжар ауылдық округінде орналасқан егістік алқабында гүл теріп жүр. Ол Грейг қызғалдақтары заңмен қорғалатын сирек өсімдіктер екенін білмесе керек.фото: скрин

"Бір шоқ қызғалдақтың құны": Студент 11 миллион төлейді

Арал ауданына мемлекеттік жобалардың пайдасы тиюде ме?

&nbsp;<a href="https://kyzylorda-news.kz/">Kyzylorda-news.kz.</a> Бұған дейін Тереңөзек кенті орталығының көркейіп, кезекті жөндеу жұмыстарының жүргізіліп жатқанын хабарлаған&nbsp;болатынбыз. Күн жылысымен кезекті жөндеу, құрылыс жұмыстары ауылдық округтерде де қолға алына бастады.Аудан көлемінде атқарылып жатқан жұмыстар аудан әкімінің тікелей бақылауында. Берік Сәрменбаев жұмыс жоспарына сәйкес құрылыс жұмыстары жүргізіліп жатқан аумақтарды аралап, мердігер мекемелерге жұмыстың сапалы орындалуын тапсыруда.<blockquote>– Аудан көлемінде құрылыс жұмыстары қарқынды жүргізілуде. Өз кезегінде ауданнан шалғайда орналасқан Қоғалыкөл ауылына атбасын бұрып отырмыз. Елді мекендегі бірнеше жөндеуден өтіп, халық игілігіне беріледі. Әрине, дарияның арғы бетіндегі ауылдарға ұдайы қолдау көрсетіледі, – деді аудан басшысы.</blockquote>Қазіргі таңда Қоғалыкөл ауылында алты көше күрделі жөндеу жұмыстарынан өтуде. Аудан әкімі жұмыс аптасын аудан орталығынан шалғайда жатқан ауылдық округтегі жұмыстармен танысудан бастады. Аудан басшысы мердігер мекеме өкіліне жұмыстарды сапалы және мерзімінде атқаруды ескертті. Тиісті сала басшысы мен ауыл әкіміне жұмысты тұрақты бақылауда ұстауды тапсырды.Елді мекендегі А.Құнанбаев, И.Мақсұм, Ә.Айзунов, А.Есмахов, Шымбай, С.Майқанова көшелерін жөндеу жұмыстарын «Қызылорда жолдары» ЖШС атқаруда. Жалпы 2,8 шақы­рым жол жөнделіп, тұрғындар үшін жақсы жағдай жасалмақ. Қазіргі таңда көшелерді асфальттау жұмыстары жүргізілуде.

Қоғалыкөлде 6 көше жөнделуде 

&nbsp;<a href="https://kyzylorda-news.kz/">Kyzylorda-news.kz.</a> &nbsp;Қараөзек ауылындағы №39 «Қызылөзек» орта мектебінде «Ұлттық құндылықтар негізінде білім мен тәрбие беруді жаңа идеялармен ұштастыра отырып, шығармашылыққа баулу» тақы­ры­бындағы семинар аясында «Өткен­нің іс-тәжірибесімен бола­шақ­қа көз­қарас» атты Жәнібек Махамбетпен кездесу кеші өткізілген болатын.Тағылымы терең кездесуде сөз алған №39 «Қызылөзек» орта мектебі­нің директоры Жасұлан Байжанов кештің мән-мағынасына тоқталып, құрметті мейманға ілтипат көрсете білді.<blockquote>– Бүгін біздің ортамызға өлке­танушы, қолөнер шебері Жәнібек ағайымыз келіп отыр. Өткен ғасырдың соңғы жылдарында алтын ұя мек­тепте қызмет атқарып, шәкірт тәр­биелей білген еді. Оның қолынан шыққан әрбір құнды туындысы мектеп қорындағы жәдігерге айналғаны мәлім. Өз кезегінде біз қашанда өлке тарихына барынша үңіліп, оқушыларға білім нәрімен сусындата білген ел ағасын құрмет тұтамыз. Оның еңбектерін жас ұрпаққа кеңінен насихаттай береміз, – деді мектеп директоры.</blockquote>Кездесу барысында қолөнер шебе­рінің еңбектері негізінде арнайы бейнеролик көрсетілді. Сонымен қатар сыр-сұхбат форматта жүзеге асқан кездесу кешінде мәдениет майталманына ұстаздар сұрақ қойып, білім саласына қатысты толғандырған мәсе­лелер бойынша ой бөлісті. Айта кетейік, Жәнібек Асанұлының шәкірті Бану Ахметова арнайы келіп, өлең жолдарын арнады.<blockquote>– Мен білім және мәдениет саласында қатар еңбек ете білдім. Қараөзектегі мектебімде қызмет еткен жылдарды әлі күнге сағынамын. Ұстаздар қауымы мені жылы қарсы алып, айрықша құрмет көрсетіп жат­қанына дән ризамын. Осыған дейін әріптестерім кездесу ұйымдастыру жөнінде ойларын ортаға салған еді. Міне, сәті бүгінге түсіп тұр екен. Ауыл өмірімен біте қайнасқан жергілікті халықты әлі күнге іздеймін. Осында үй көтеріп, қоныс тойын жасаған едік. Осы мектептегі миссиям аяқталған сәтте мұражайды жасақтап берген едім. Әлі күнге сақталған еңбегімді көріп, қуанып қалдым. Барша әріп­тестеріме алғыс айтамын, – деді ардақты азамат.</blockquote>Кеш соңында ұстаздар қауымы ардақты азаматпен қызмет еткен жылдардағы естеліктерді көпшілікке айтып берді. Ән айтылып, күй төгілді. Ал Жәнібек Асанұлы өз қолымен жасаған жаңа туындысын мектеп ұжымына табыстады.

Қолөнер шеберіне лайықты құрмет

<a href="https://kyzylorda-news.kz/">Kyzylorda-news.kz</a> Шиелі ауданы бойынша өткен жылдан 62 азаматтық іс, 11 арыз қалдырылып, барлығы 462 арыз, 7 азаматтық іс түскен. Оның ішінде 35 арыз кері қайтарылған, 7 арыз қабылдаудан бас тартылған және 323 талап қою бойынша азаматтық іс қозғалған. Бұл туралы Шиелі аудандық сотының 2024 жылдың I тоқсанындағы есебінде баяндалды.Шиелі аудандық сотының төрағасы Нұржан Бекетаевтың мәлімдеуінше, есептік кезеңде 355 азаматтық іс аяқталған, оның ішінде 150 іс бойынша шешім қабылданса, 46 іс бойынша сот бұйрығы шығарылған, 30 іс бойынша талап қою қараусыз қалдырылса, 119 іс тоқтатылған (113 іс медиация арқылы тоқтатылса, 3 іс бітімгершілік келісім бекітілуіне байланысты), 10 іс соттылығы бойынша басқа сотқа жолданған, 1 іс біріктірілген, келесі тоқсанға 82 іс, 62 арыз қалдық қалған.&nbsp;Өткен жылмен салыстырғанда ағымдағы жылдың I тоқсанында түскен арыздар мен талап қоюлар саны 105-ке артқан. Сонымен бірге бұйрық шығару арқылы аяқталған істер өткен жылдың I тоқсанымен салыстырғанда, 8-ге азайған, ал шешім шығару арқылы аяқталған істер 52-ге, тоқтатылған істер 52-ге артқан.&nbsp;Сонымен қатар аталған уақыт ішінде азаматтық істер бойынша 46 іс, азаматтардың талап қоюы бойынша 267 іс, ерекше іс жүргізу бойынша 42 іс қаралып аяқталған. 2024 жылдың I тоқсанында талап қою тәртібімен түскен ең көп арыз келісімшарт негізінде қарыз ақша өндіру санатында және неке бұзу санатында тіркелген. Мерзімі бұзылып қаралған азаматтық істер болмаған.&nbsp;Әкімшілік істер бойынша өткен жылдан 1 іс қалдықта болып, барлығы 12 талап қою түскен. Оның 3-і есептік кезеңде кері қайтарылған. Алдын ала тыңдау тағайындалып қаралған 7 іс бойынша тараптар арасындағы дауды медиация тәртібімен реттеу туралы келісімдері бекітіліп, ӘРПК-нің 138-бабының 2-бөлігінің 9-тармақшасына сай, талап қою қайтарылған. Келесі тоқсанға 3 әкімшілік іс қалдыққа қалған.&nbsp;Қылмыстық істер бойынша аудандық сот өндірісіне барлығы 29 адамға қатысты 22 іс келіп түсіпті. Өткен жылдан 4 адамға қатысты 4 қылмыстық іс қалдықта қалдырылған. Осы мерзімде 30 адамға қатысты 24 іс қаралып аяқталған. Оның ішінде 20 іс бойынша 20 адамға айыптау үкімі, 4 іс бойынша 10 адам қылмыстық жауаптылықтан босатылып, іс өндірістен тоқтатылған. Келесі айға 2 адамға қатысты 2 іс қалдыққа қалдырылған.&nbsp;Ағымдағы жылдың бірінші тоқсанында сыбайлас жемқорлық санатында қылмыстық істер түспеген. Ал есірткі айналымына қатысты 3 іс бойынша 3 сотталушыға айыптау үкімі қабылданған. Қысқартылған тәртіппен 9 іс қаралған болса, медиаторлардың қатысуымен аталған мерзім ішінде қылмыстық істер аяқталмаған.&nbsp;Аталған уақыт аралығында сотқа түскен қылмыстық істердің ішінде ең көп тіркелгені Қазақстан Республикасының қылмыстық Кодексінің 188-бабында (Ұрлық, яғни бөтеннің мүлкін жасырын жымқыру) көзделген қылмыстық құқық бұзушылықтар болып отыр. Бұл бап бойынша сотқа 13 адамға қатысты 6 қылмыстық іс түсіп, 5 іс бойынша айыптау үкімі қабылданса, 1 іс бойынша сотталушының жәбірленушімен татуласуына байланысты тоқтатылған.&nbsp;Жаза тағайындау ісі бойынша айыптау үкімі шыққан 20 адамға қатысты қылмыстық іспен 4 адамға айыппұл, 6 адамға бас бостандығынан шектеу, 7 адамға бас бостандығынан айыру жаза тағайындалса, 1 адамға байланысты шартты жазасы, 2 адам тараптардың татуласуына байланысты тағайындалған жазадан босатылған.&nbsp;Аудандық сот есебінше, сот актілерінің орындалуына қатысты 9 құжат тіркеліп, оның 2-і келесі айға қалдыққа қалған. 7-і қаралып аяқталған, оның ішінде 6 ұсыныс қанағаттандырылса, 1 ұсыныс қанағаттандырудан бас тартылған. Сондай-ақ бұл мерзімде айыпталушыға қамауға алу түріндегі бұлтартпау шарасын қолдануға санкция беру туралы 14 өтініш келіп түсіп, бұл өтініштердің 12 қанағаттандырылса, 2-і бас тартылған.&nbsp;Әкімшілік құқық бұзушылық істер бойынша:&nbsp;<blockquote>– Барлығы 337 іс түсіп, оның ішінде 1 іс ведомстволық бағыныстылығы бойынша жолданған, есептік кезеңде 323 адамға қатысты 323 іс қаралып аяқталған. Аяқталған істердің ішінде 244 іс бойынша әкімшілік жаза қолдану жөнінде қаулы қабылданса, 79 іс бойынша әкімшілік жауаптылықтан босату және істі өндірістен тоқтату туралы қаулы қабылданған, 1 іс біріктірілген. Әкімшілік жаза қолдану жөнінде қаулы қабылданған 323 адамның ішінде 28 адамға ескерту жазасы, 106 адамға айыппұл салу жазасы, 107 адамға әкімшілік қамаққа алу жазасы, 3 адамға көлік құралын жүргізу құқығынан айыру жазасы қолданылған, – дейді сот төрағасы.&nbsp;</blockquote>Биыл 3 ай көлемінде істердің артуына ҚР ӘҚБтК-нің 73, 73-1, 73-2-баптарымен әкімшілік құқық бұзушылық туралы хаттама толтырылған әкімшілік құқық бұзушылық істердің өткен жылдан көбеюі себеп болған. Бұл баптармен 2024 жылы 112 іс, ал 2023 жылы 44 іс келіп түскен көрінеді.

Шиеліде тоқсандық есеп тыңдалды

<a href="https://kyzylorda-news.kz/">Kyzylorda-news.kz</a> &nbsp;Ақпараттық технологиялар саласы белсенді дамуда. Бүгінде IT бағыты үздіксіз жаңа жұмыс орындарын ашатын саланың біріне айналды. Мемлекет басшысы ақпан айында өткен Үкіметтің кеңейтілген отырысында елімізде ІТ саланы серпінді дамытуға бағытталған жобалардың қолданысын кеңейтуді тапсырған болатын. Бұл бағытта облыста көптеген игі істер атқарылуда. Қызылорда да ІТ саласын қолдауға үлкен басымдық берілген. Өңірде дәл осы саламен айналысамын деген жастарға мол мүмкіндік қарастырылған. Жыл өткен сайын салаға қызығушылық танытатын оқушылар мен студенттердің саны артып келеді. Олардың тың жобасы оң нәтижесін көрсетуде. Бұл туралы Өңірлік коммуникациялар қызметінің ақпарат алаңында Қорқыт ата атындағы Қызылорда университеті Kyzylorda Hub&nbsp; бизнес-инкубаторының жетекшісі Тубекбаев Жанарыс Алтынбекұлы мәлімдеді. Сонымен қатар мамыр айындағы іс-шаралар легіне тоқталды.<blockquote>– Мамыр айындағы іс-шаралардың біріне тоқталсам. Қызылорда облысының тұрғындары арасында «KyzylordaHack»&nbsp;облыстық білім технологияларының хакатоны өтеді. Өту мерзімі – 3 мамыр. Жеңімпаздарға&nbsp; 500 000 теңге және 1 оқу гранты табысталады, – деді Жанарыс Алтынбекұлы.</blockquote>Kyzylorda Hub бизнес инкубаторының резиденті, Қорқыт ата атындағы Қызылорда университетінің студенті Урикбаев Саят Қанатұлы Елордада өткен республикалық конференция туралы баяндады.&nbsp;<blockquote>– 4-5 сәуір күні Назарбаев Университетінде «Sustainability Living Lab» бағдарламасының конференциясы өтті. Конференцияға республика бойынша 12 университеттің студенттері қатысып, бағдарлама аясында іске асқан инновациялық экологиялық жобаларын таныстырды. Конференцияның алғашқы күні қатысушылар баяндамаларын ұсынып, гидропоникалық қондырғы жасау бойынша шеберлік сағатына қатыстық. Сондай-ақ жасыл жобалардың көрмесі ұйымдастырылып, қатысушылар қайта өңделген материалдардан күн панельдерін, жасыл шатырларды, гравитациялық генераторларды, биологиялық ыдырайтын каппа-карраген пленкаларын, су қоймаларынан пластмасса ұстайтын құрылғыларды жасау әдістерін көрсетті. Көрмеге келушілер түрлі экологиялық бастамаларды көріп, студенттердің атқарған жұмыстарымен танысуға мүмкіндік алды.&nbsp;Бұл жыл сайынғы конференция университет қауымдастықтарының тұрақты шешімдерін қолдап, оларды нақты жобаларға айналдыратын SLL бағдарламасына бағытталған.Бұл шараны Тұрақты даму офисі, «National Conservation Initiative»корпоративті қоры мен «Шеврон» компаниясы ұйымдастырды, – деді Саят Қанатұлы.</blockquote>Айта кетейік, Сыр елінің қара шаңырағы Қорқыт ата атындағы Қызылорда университетінің студентті Темірлан Абжанов пен Саят Урикбаев Өткен жылы «Сhevron» компаниясы ұйымдастырған «Sustainability Living Lab» жобалар сайысында 2 млн 600 мың теңге грант жеңіп алған болатын. Экологиялық инновациялық 2 жоба бүгінде жүзеге асуда.&nbsp;<blockquote>−&nbsp; «Smart Bench» жобасы − университетіміздің бас оқу ғимаратының алдына күн панельдері орнатылған смарт орындықтар қоюға бағытталған жоба. Негізгі мақсаты − кампус ландшафтарын өзгерту, экологиялық мәселелерді тұрақты шешіммен қамтамасыз ету, университетіміздің инфрақұрылымының дамуына үлес қосу. Жалпы айтқанда күн сәулесінен қуат алатын «ақылды» орындық. Ол әдеттегі орындықтардан зарядтау станциясы ретінде жұмыс істейтін кіріктірілген күн панелімен ерекшеленеді. Олардың көмегімен бір уақытта бірнеше телефонды қуаттауға болады, − деді жас стартапер.</blockquote>Сырбойылық жастардың келесі жетістігі – Үндістан мемлекетіне 10 күндік тағылымдамаға жолдама ұтып алды. Бұл туралы «NeoNomad» командасының мүшесі Раушан Тұрғанбай айтты.&nbsp;Түркістанда өткен республикалық байқауда студенттер мен оқушылардан құралған команда «ReDabyl» жобасын ұсынған.&nbsp;<blockquote>– Бұл су тасқыны секілді табиғи апат кезінде жұмыс істеуге арналған мониторинг және алдын ала болжау кешенді жүйесі. Жобаның міндеті&nbsp; – сенсорлар нақты уақыт режимінде өзен арналарының бойында орналасқан су деңгейін және басқа параметрлерді үздіксіз бақылайды. Су тасқынын көрсететін шекті мәннен асқан кезде сенсорлар автоматты түрде жауапты органдарға дабыл туралы ақпаратты жібереді. Осылайша мамандандырылған бригадаларды дәл қажет жерге жіберу арқылы жұмыс күшін азайтуға және автоматизациялауға көмектеседі. Біздің зерттеуіміз бойынша, мұндай цифрланған комплексті жүйе Қазақстан аумағында жоқ және ашық түрде ақпараттың базасы мен анализін бере алмайды. Ал біз пайдаланған сервер мен телефонға дабыл жіберу ашық түрде болады. Жобаның идеясы хакатон ережесі бойынша берілген тақырыптарды көргеннен кейін туындады. Екі күн ішінде жүйенің аппараттық бөлігін, веб сайт пен бизнес анализін жасап үлгердік, – деді Раушан Тұрғанбай.</blockquote>&nbsp;Фото: facebook.com/rskkzo

Жас ғалымдардың жетістіктері

&nbsp;<a href="https://kyzylorda-news.kz/">Kyzylorda-news.kz.</a> &nbsp;Ұлт рухының темірқазығы саналатын мәдениет саласы сан тарапқа бөлінген. Мәдениеттің мәйегін сарқыған нағыз таланттар ауыл топырағынан шығатыны жасырын емес. Бүгінде әрбір ауылдағы өнер ошағы жергілікті халық үшін қалтқысыз қызмет етіп келеді. Талай марқасқаларды дүниеге әкелген Бесарық ауылындағы мәдениет үйі жөнінде ақпар бермекпіз.Бесарық ауылдық мәдениет үйінің ғимараты осыдан 45 жыл бұрын пайдалануға берілген екен. Типтік жобада салынған өнер ордасында жыл көлемінде танымдық, мәдени-көпшілік іс-шаралар тұрақты өткізіліп &nbsp;тұрады. Іскер басшы Абзал Молдашев 2005 жылдан бері ауыл мәдениетін көтеруге барын салуда.<blockquote>– Аудан орталығынан шалғайда орналасқан Бесарық ауылында өнерді шын бағалайтын, мәдениет саласына айрықша қолдау көрсететін мейірбан жүректі халық тұратыны баршаға аян. Жыл көлемінде жоспарға сәйкес, сан түрлі іс-шаралар жүзеге асуда. Өнерпаздарымыз аудандық, облыстық республикалық байқаулардан топ жару үстінде. Негізінен, мәдениет үйі жанынан ән, би, домбыра, көркемсөз, драма үйірмесі және «Шырайлы келіндер» ансамблі, «Жаншуақты» халықтық әжелер ансамблі жұмыс жасайды. Үйірмелерге 100-ден аса өнерпаз тартылған. «Сұлу-ай» шығармашылық өнер орталығының қос үйірмесі бесарықтық балғындарды өнерге баулуда. Өнер мен мәдениеттің киелі ошағында 11 маман қызмет етуде. Оның ішінде, әдіскер Маржан Дүйсенбаева, мәдени ұйымдастырушы Сұлушаш Пірназар, көркемдік жетекші Мөлдір Жүнісбаева, «Жаншуақты» халықтық әжелер ансамблінің жетекшісі Гүлзада Бердібекова бар, – деді сала басшысы.</blockquote>Мәдениет ошағында білім мен өнерді ұштастырған майталман мамандардың тәлімін алған өнерпаздар көптеген байқаулардың жеңімпазы атанып жүр. Мәселен, «Әсем-ай» ән үйірмесінің мүшесі Мағжан Әбдіғалиұлы Қазалы ауданының құрылғанына 95 жыл толуына орай жүзеге асқан «Менің елім» атты облыстық онлайн патриоттық ән орындаушылар байқауында, халықаралық «Turkesnan fest» көп жанрлы өнер байқауына «Дәстүрлі ән» жанры наминациясы бойынша өнер көрсетіп, «Бас жүлдемен» марапатталды. Ал Қазына Жылқайдарова «AMANAT music» ІІ халықаралық конкурс-фестивалінің І орын жүлдегері атанды. «Жас қалам» көркемсөз үйірмесінің мүшесі Нұрдәулет Айтбай қоғам қайраткері, педагог-ұстаз Ахмет Байтұрсынұлының туғанына 150 жыл толуына орай өткізілген «Тіл білімнің атасы» атты облыстық байқауға қатысып, ІІ орын иеленді. Жас өрен Дильназ Айтбаева «Алтын ғасыр» шығармашылық орталығының М.Мақатаевтың шығармашылығына арналған республикалық «Жырласам ба екен» атты байқауда І орынды жеңіп алды. Ұлыстың ұлы күнінде «Наурызым – нұрлы ырысым» атты республикалық балалар мен жасөспірімдер арасындағы қашықтықтан өткізілген өнер байқауына Ерсұлтан Қайратұлы «Көркемсөз» оқу жанры бойынша «Бас жүлдені» қанжығасына байлады. «Бейбіт күн жасасын әлемде» атты республикалық балалар мен жасөспірімдер арасындағы өнер байқауында Ұлболған Сәдірхан жеңімпаз ретінде биік тұғырдан көрінді. №147 орта мектеп оқушыларынан құралған «Демеушіміз болашақ» командасы аудандық «Жайдарман» сайыстарының бірнеше дүркін чемпионы бола білген. «Парасатты отбасы» аудандық отбасы байқауында «Остаевтар отбасы» жүлделі І орынды алды. Қалтай Мұхамеджановтың 95 жылдығына орай «Қазақтың дара Қалтайы» атты драма үйірмелерінің аудандық байқауында «Шамшырақ» драма үйірмесі мүшелері жеңістің үшінші орынға жайғасты. Шаған ауылдық мәдениет үйінде өткен «Біздің ауыл...» атты аудандық өнерлі ауыл байқауында «Берекелі Бесарық» ауылдық мәдениет үйінің қызметкерлері Бас жүлдені еншіледі.«Ауыл іші – өнер кеніші» деп бекер айтылмаса керек-ті. Бесарықтық аналар бос уақытын немере тәрбиесіне арнап қана қоймай, ән айтуға да жұмсайтыны анық. Осыдан 15 жыл бұрын құрылған «Жаншуақты» халықтық әжелер ансамблінің Сыр өңірінің мәдени өмірінде алатын орны бөлек болып отыр. Бүгінде қоржындарында 40-қа жуық ән бар ансамбль құрамында 12 ардақты ана өнер көрсетеді. Осыдан 2 жыл бұрын «Абай-Дәулет» ЖШС директоры Мұрат Сәрсенбаевтың демеушілігімен «Жаншуақты» әжелер ансамблі жайында жазылған «Әжелер ән салғанда» атты кітап жарыққа шықты. Үнемі халық әндерін шырқайтын аналар қауымы көптеген байқаулардың жеңімпазы саналады.<blockquote>– Бесарық ауылының қойнауында небір құнды дүние жеткілікті. Мәдениет саласында қызмет ете жүріп, өз уақытысында жергілікті халықпен біте қайнасып жұмыс жасаған болатынбыз. Қазіргі уақытта мәдениет саласынан алыстаған емеспін. Абзал інім бастаған ұжым жемісті еңбек етуде. Ауылымызда 400-ге жуық жәдігер бар арнайы мұражай бар. Аудан, облыс көлемінде жүзеге асатын барлық іс-шараның басы-қасынан табылатын сала мамандарының жұмысына сәттілік тілеймін, – деді мәдениет саласының майталманы Жұмабай Байзақ.</blockquote>Ауылдық мәдениет үйінің ұжымы «Өнерге қанат қаққандар» атты гастрольдік сапармен бірнеше ауылға, қайырымдылық жобасы бойынша «Қарттар үйіне», «Оңалту» орталығының мүмкіндігі шек­теулі жандарға арналған концерттік бағдарламасын ұсынды. Қашанда өнер арқылы елдің берекесін келтіріп, нағыз дарынды, талантты шә­кірт­тер шоғырын қа­лыптастыра біл­ген ауылдағы мәдениет үйі – ел үшін өлшеусіз еңбек ете бермек.

Бесарықта үйірмелерге 100-ден аса өнерпаз тартылған

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев АҚШ-тың Қазақстандағы Төтенше және Өкілетті Елшісі Дэниел Розенблюммен және USAID Халықаралық даму агенттігі өңірлік миссия директорының орынбасары Моник Мосольфпен кездесті.Басқосуда аймақ басшысы Қазақстан мен Америка Құрама Штаттары арасында 30 жылдан бері ашық әрі сенімді өзара қарым-қатынас қарқынды дамығанын атап өтті.<blockquote>«Бүгінгі күні Қазақстан мен АҚШ арасында екіжақты қарым-қатынастың барлық бағыттары бойынша кеңейтілген стратегиялық серіктестік орнатылған. Жоғары деңгейдегі тұрақты ресми кездесулер, өзара сауда-экономикалық қатынастың қарқынды дамуы оның айқын дәлелі деп білеміз. Өткен жылдың қорытындысына қарағанда, Қызылорда облысы мен Америка Құрама Штаттары арасындағы тауар айналымы 10,1 млн. АҚШ долларын құрап, алдыңғы жылдың сәйкес кезеңімен салыстырғанда 3,7 есе өскен.Әлемдік қауымдастық Арал теңізінің тартылуын адамзат тарихындағы экологиялық дағдарыстың бірі ретінде бағалады. Құрғаған теңіздің зардабы тек өңірге немесе бір елге ғана емес, барша әлемге тиюде. Осы іссапарда Аралдың қазіргі жағдайымен және атқарылған жұмыстармен арнайы танысқандарыңыз, Аралды құтқару ісіне қосқан елеулі үлестеріңіз үшін алғысымызды білдіреміз», – деді облыс әкімі.</blockquote>Айта кетейік, 2021-2023 жылдары USAID Халықаралық даму агенттігінің «Оазис» жобасы шеңберінде Арал теңізінің құрғаған ұлтанындағы экожүйені қалпына келтіру мақсатында 150 гектар жерге сексеуіл тұқымы себіліп, көшеттер отырғызылды, 500 метр тереңдікте су ұңғымасы қазылып, пайдалануға берілді.Еске салсақ, Мемлекет басшысы 2021-2025 жылдар аралығында Арал теңізінің құрғаған ұлтанындағы 1,1 млн. гектарға сексеуіл екпелерін егуді тапсырған болатын. Биыл 276,2 мың гектар аумақта осы бағыттағы жұмыстар жоспарланған. Қазір 65 мың гектар ұлтанға 19,4 млн. сексеуіл көшеті отырғызылды, алдағы жылы 280 мың гектар алқапқа егіледі.Бүгінгі кездесуде АҚШ елшісі Америка мен Қазақстанның өзара тиімді әріптестігін әрі қарай дамытуға мүдделі екенін жеткізді.Өңірге жұмыс сапары барысында Дэниел Розенблюм Қызылорда облысының су шаруашылығы нысандарымен, USAID Oasis жобасының жүзеге асырылу барысымен танысты.

Облыс әкімі АҚШ Елшісімен кездесті

&nbsp;<a href="https://kyzylorda-news.kz/">Kyzylorda-news.kz.</a> &nbsp;Бесарық ауылдық мәдениет үйі жанынан «Сұлу-ай» шығар­машылық өнер орталығының «Ұлттық би» үйірмесі жұмыс жасайтыны мәлім. Орталықтың құрамына кіретін үйірменің шәкірттері үлкенді-кішілі байқау­лардан топ жарып жүр. Мәдениет ошағында алғаш би үйірмесін ашқан уақытта Гүлсара Байғабылова ауыл жастарын би өнеріне тартқан еді.Өмірде біз ойлай бермейтін сан түрлі тосын жағдайлар орын алады. Әрқашан әріптестерінің ортасында жарық жұлдыздай жарқырап жүретін Гүлсара Байғабылова 2022 жылы кенеттен дүниеден озғаны баршаған аян. Үнемі ақкөңіл қалпынан таймайтын өнер иесі ауылдық мәдениет үйінде 8 жыл қызмет атқаруда. Оның мәдени ұйымдастырушы ретінде қол жеткізген жетістіктері зор. Өткен жылы мәдениеттің шынарының құрметіне арналып, жас бишілерден тұратын «Гүлсара» би тобы құрылды. Орталық құрылтайшысы Анар Қалдыбаева жаңадан топ құрылған сәтте өз пікірін білдіріп, әріптесінің еткен еңбегін жоғары бағалаған еді.– Ең алғаш Бесарық ауылынан би үйірмесін ашуға ниет еткен кезімізде мінезі жарқын, кәсіби маман Гүлсара әріптесіміз басы-қасынан табылғанын жақсы білеміз. Үнемі жадыраған жүзінен жақсылық нұры есіп тұратын әріптесіміз ауыл балаларының бимен айналысуына жағдай жасады. Әрине, аяулы жаннан қапияда айырылып, қабырғамыз қайысты. Өзі негізін салған би үйірмесінің мүшелерінен құралған шығармашылық топқа Гүлсараның есімін беруді жөн көрген едік. Алдағы уақытта «Гүлсара» би тобы ел игілігі үшін қызмет ететін болады. Біз мамандарымызға еркіндік береміз. Шығармашылық әлеуетін бағамдаймыз. Жұмысын саралаймыз. Бесарық­тағы үйірмені жүргізіп отырған Шапағат Жар­қын­бек бар мақтауға лайықты. Әрептестері оның болашағынан зор үміт күтеді, – дейді Анар Қалдыбаева.Бүгінде жас та болса, талапты, кәсіби шеберлігі мол ұстаз Шапағат Жарқынбек үш топқа дәріс береді. 50-ден аса би өнерінің өрендері кіші, орта, үлкен топқа бөлінген. Жыл көлемінде республикалық, облыстық байқаулардың жүлдегерлеріне сах­на­лық киім демеушілер есебінен тіктіріліп берілген болатын.<blockquote>– Мемлекеттік бағдарламаның шапағатын көрген бишілеріміздің алар асуы әлі алда. Ауыл балалары өнерге жақын екендіктерін алғаш келген сәттен байқата білді. Күн­де­лікті сан халықтың биін балаларға мең­гертіп, ауылдың мақтаныштарын тәр­бие­леп шығу­ға барымды саламын. Біз 27 сәуір күні өткізілетін облыстық «Боз­торғай» бай­қауында бақ сынаймыз. Осы бастан қыздарымыз да­йын­дық­ты бастап кетті, – деді жас ұстаз.</blockquote>Былтыр «Q-ART FEST» тақырыбындағы VIII рес­­пуб­ли­ка­лық өнер бай­қа­уында же­ңімпаздар қатарынан кө­рін­ген «Гүлсара» би то­бының аяқ алысына ата-аналар дән риза.&nbsp;

Қазақстан және Қызылорда облысының жаңалықтары