<a href="https://kyzylorda-news.kz/">Kyzylorda-news.kz</a> Бүгін «AMANAT» партиясы Жалағаш аудандық филиалы және және «Дарын», «Халыққа қызмет» БПҰ бірлесіп ұйымдастыруымен «Кедергісіз келешек» партиялық жобасы аясында балаларға арналған «Тең мүмкіндіктер» атты инклюзиялық спорт фестивалінің аумақтық кезеңі өз мәресіне жетті.Бұл фестивалдің мақсаты - инклюзиялық қоғамды дамыту және насихаттау және инклюзиялық спорт-мәдени іс-шараларды өткізу арқылы ерекше білім беру қажеттіліктері бар балалар мен олардың құрдастарымен достық байланыстарын нығайту, олардың әлеуметтік белсенділігін, сенімі мен өзара сыйластықтарын арттыру.&nbsp;Аталған фистивальді «AMANAT» партиясы Жалағаш аудандық филиалының Атқарушы хатшысы Қаншагүл Мұстафаева ашып, фестивальдің мақсатын айта отырып, қатысушы барша командаға сәттілік тіледі.Аудандық іріктеу жарысына қатысуға ниет білдіріп, асқақ абыройдың биік шыңынан көрінуді мақсат еткен оқушылардан құралған 7 команда қатысты.Мектеп оқушылары арасындағы «Тең мүмкіндіктер» атты аумақтық спорт фестиваліне «Дарын» БПҰ төрағасы, аудандық білім бөлімі басшысы Садықов Талғат, аудандық жұмыспен қамту және әлеуметтік бағдарламалар бөлінің басшысы Бөлембаев Қанат, «Қазақ Зағиптар Қоғамы» қоғамдық бірлестігі Жалағаш аудандық бастауыш ұйым төрағасы, «Ұлы Орда күші» ҚБ басшысы Айдынбай Сейфумәлік, Жалағаш ауданы бойынша этносаралық қатынастар жөнінде сарапшы Балмурзаева Әсел, этнос өкілдері Пак Лилия, Шарипова Айзан және аудандық дене тәрбиесі, спорт және туризм бөлімінің мамандары қатысты.&nbsp;Сайыс қорытындысы бойынша жүлделі ІІІ орынды Әл-Фараби атындағы №201 мектеп-лицейінің «Жас спортшылар» командасы мен А.Бисенов атындағы №38 орта мектебің «Біз мықтымыз» командасы иеленді. Өз мықтылықтарын көрсетіп жүлделі ІІ орынды №124 орта мектебінің «Қыран» командасы мен Әл-Фараби атындағы №201 мектеп-лицейінің «Жас дәурен» командары қанағат тұтты. Бағы мен бабы келісіп жеңіс тұғырынан көрінген №124 орта мектебінің «Қыран» командасы, №202 З.Жарқынбаев атындағы орта мектебінің «Жас өркен» командасы және М.Байділдаев атындағы №232 орта мектебінің «Мардан спортшылары» командалары І орынға ие болды.«Тең мүмкіндіктер» атты инклюзиялық спорт фестивалінің аумақтық кезеңіне қатысушы барша командалар «AMANAT» партиясының арнайы дипломдары мен бағалы сыйлықтарымен мараптталды.Бүгінгі сайыста жеңіс тұғырынан көрініп, үздік нәтиже көрсетіп І орын алған командалар «Тең мүмкіндіктер» атты инклюзиялық спорт фестивалінің облыстық кезеңіне жолдама алды.&nbsp;Жеңімпаздарымыз Қызылорда қаласында өтетін облыстық спорт фестивалінде Жалағаш ауданының намысын қорғайтын болады.&nbsp;

«Тең мүмкіндіктер» инклюзиялық спорт фестивалі

Арал ата кәсібінің келешегі қандай?

<a href="https://kyzylorda-news.kz/">Kyzylorda-news.kz</a> &nbsp;13-14 сәуір күні Түркістан қаласында «Respublica» партиясының ұйымдастыруымен өткен «Recodetau»&nbsp; республикалық хакатонында қызылордалық жастардан құралған «NeoNomad» командасы&nbsp; 1&nbsp; орын иеленіп, Үндістан мемлекетінде 10 күн тағылымдамадан өтуге жолдама жеңді.Сырбойының намысын қорғау үшін хакатонға қатысқан 3 команда финалдық кезеңге өткен.Бір команда жеңіс биігінен көрініп, қалған команданың жобаларын қазылар алқасы жоғары бағалады. Жаңа жобаларды жүзеге асыру,бизнес жоба жасау, шетелдік компанияда тәжірибеден өту мүмкіндіктері қарастырылған байқауға 18 бен 25 жас аралығындағы 150-ге жуық&nbsp; адам&nbsp; қатысты.«NeoNomad» командасы хакатон байқауына «ReDabyl» жобасын ұсынды.&nbsp;<blockquote>-«ReDabyl»&nbsp;-су тасқыны секілді табиғи апат кезінде жұмыс істеуге арналған мониторинг және алдын ала болжаудың кешенді жүйесі. Жобаның міндеті&nbsp; – сенсорлар нақты уақыт режимінде өзен арналарының бойында орналасқан су деңгейін және басқа параметрлерді үздіксіз бақылайды. Су тасқынын көрсететін шекті мәннен асқан кезде сенсорлар автоматты түрде жауапты органдарға дабыл туралы ақпаратты жібереді. Осылайша мамандандырылған бригадаларды дәл қажет жерге жіберу арқылы жұмыс күшін азайтуға және автоматизациялауға көмектеседі. Біздің зерттеуіміз бойынша, мұндай цифрланған комплексті жүйе Қазақстан аумағында жоқ және ашық түрде ақпараттың базасы мен анализін бере алмайды. Ал біз пайдаланған сервер мен телефонға дабыл жіберу ашық түрде болады, - деді команда мүшесі Ж.Мұңайтбасова.</blockquote>Республикалық хакатон екі күнге созылды. Бірінші күні қатысушыларды тіркеу, танысу, өзара байланыс орнату жүрді. Сонымен қатар, ашылу салтанаты мен алғашқы кезең өтті. Байқаудың екінші күнінде финалистердің тізімі жарияланды. Коворкинг құру мақсатында Retime диалог алаңы ұйымдастырылды. Байқаудың бас серіктестері – «Codetau»&nbsp; және «Respublica»партиясы.&nbsp;Айта кетейік, Қызылорда облысында жастарға арналған хакатон байқауы дәстүрлі түрде жыл сайын ұйымдастырылады. Өткен жылы Қызылорда облысы әкімінің қолдауымен «SmartCityKyzylordaHackathon» идеялар байқауы өтті. Бесінші мәрте өткізілген байқауға 350 қатысушы, 120-ға жуық жоба тіркелді. &nbsp;3 секция бойынша әр жеңімпазға 1 орын - 150&nbsp;000 &nbsp;теңге, 2 орын - 100&nbsp;000 теңге, 3 орын - &nbsp;50&nbsp;000 теңге сертификаттары табысталған болатын. Сонымен қатар, біршама оқушылар Қорқыт ата атындағы Қызылорда университетінің білім грантын иеленді.

Қызылордалық жастар Үндістанға жолдама ұтып алды

Жоғары әскери оқу орындарына талапкерлерді іріктеу жүргізіліп жатыр

<a href="https://kyzylorda-news.kz/">Kyzylorda-news.kz.</a> Су тасқыны салдарынан еліміздің 10 өңірінде жарияланған төтенше жағдай бүгінгі күні барша қазақстандықтардың бірлігін көрсетті. Мемлекет тарапынан берілетін көмектен бөлек еліміздің түкпір-түкпірінен еріктілер мен кәсіпкерлер көмек көрсетуде.Осы орайда, Қызылорда облысы кәсіпкерлер палатасының Өңірлік кеңес мүшесі, «Абай Дәулет» ЖШС басшысы, өңірімізге өз қайырымды істерімен сыйлы азамат Сәрсенбаев Мұрат Абайұлы су тасқынынан зардап шеккен аймақтарға, дәлірек айтсақ Ақтөбе облысының Ойыл ауданының тұрғындарына &nbsp;20 тонна жем-шөп жіберді.<blockquote>«Ел басына ауыр күн туғанда мүмкіндігінше көмек беру әрбір азаматтың парызы деп білемін. Соңғы болып жатқан жағдайлар тұтастай қазақ еліне ауыр тиді. Осы орайда, мен зардап шеккен аймақтарға барып, ерікті түрде өз көмегін ұсынған және алыс аймақтардан гуманитарлық, материалдық тұрғыда көмек жөнелтуге атсалысып жүрген барша жанға алғысымды білдіргім келеді. Бұл күндер артта қалып, еліміз аман болсын!» деді Мұрат Абайұлы.</blockquote>Сонымен бірге, «Абай Дәулет» ЖШС су тасқынынан зардап шеккен аймақтарға көмек көрсету мақсатында Қызылорда қаласынан кеше жолға шыққан 10 жүк көлігімен бірге тағы да 20 тонна жем-шөп пен азық-түлік жіберді.

Қызылордалық кәсіпкер су тасқынынан зардап шеккендерге қолдау білдірді

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда педагогикалық жоғары колледжінде педагогтерге арналған «Бала тәрбиесіндегі ата-ананың рөлі» тақырыбында шеберлік сағаты өтті. Шараны «Физика-математика және ақпараттық жүйе» бөлімінің информатика пәнінің оқытушысы&nbsp; Тоты Султанова жүргізді.&nbsp;Бала тәрбиесіндегі ата-ананың рөлін дәріптеу және баламен жағымды қарым-қатынас құру, екі жақты тәрбиелеуді қолға алу мақсатындағы шеберлік сағатында бірқатар әдіс-тәсіл түрлері айтылып, қатысушы оқытушылармен түрлі тәжірибелер жасалды. Бала тәрбиесінде мұғалімнің рөлі мен қатар ата-ананың рөлі насихатталып, шеберлік сағатының басы психологиялық ахуал құрастырумен бастау алды. «Сәлемдесу» әдісі арқылы жағымды көңіл-күйді қалыптастыра отырып, жағдаяттарды шешу арқылы қиындықтан шығу жолдары көрсетілді. Сонымен қатар, «Губка» әдісі арқылы бала бойынша берілетін тәрбиеде жақсы мен жаманды ажырата отырып, эксперименттер жасалды.<blockquote>«Отбасы – адамның жақсылық жасауға үйренетін ең бірінші әлеуметтік ортасы», – деген В.А.Сухомлинский.&nbsp;</blockquote>Үздіксіз тәрбиенің басты сатысы – отбасы тәрбиесі. Отбасында бала еңбек етуге,жақсылық жасауға, өмір сүруге әлеуметтік қатынас тәжірибесін игеруге үйренеді, отбасында өзіндік өмірлік көзқарасы қалыптасады. Балалардың мінез-құлқына кері әсер ететін ата-аналардың қарым-қатынас типтері: орынсыз қамқорлық (бала ата-анасының орынсыз қамқорлығына еті үйреніп, дағдыланғаны сондай, өз бетімен шешім қабылдай алмайды); орынсыз&nbsp;жұмсақтық (көнгіштік) (баланың мінез-құлқын бүлдіреді, басқаларға түсіністікпен қарамайды); орынсыз қорқыныш, үрей (баланы мазасыз етеді, тіпті психосоматикалық ауруларға апарады).Балалардың махаббаты таза, риясыз. Олар өздерінің ата-аналарын бар жан-тәнімен жақсы көреді және оларға еліктейді. Кей-кейде балалар ата-аналарының тілін алмайды. Бірақ олардың мінез-құлықтарын, іс-әрекеттерін зер сала бақылайды. Бұл балаларға үлкен әсер етіп, ықпалын тигізеді. Олар ата-аналары өтірік айтып, алдап тұрса, екіжүзділік таныса, оны байқап қояды. Бала тәрбиесіндегі ананың рөлі бөлек екені айдан анық.&nbsp;Әйелдің басты миссиясы бар: барлық отбасы үшін сарқылмас энергетикалық қуаныштың, сұлулықтың, жарықтың көзі бола білуі. Қашан ана отбасында бақытты болса, онда барлық адам бақытты.Қатысушы ұстаздар барлық ойын-жаттығуларына белсене атсалысып, шара соңында Тоты Сұлтановаға зор алғыстарын білдірді.

Педагогтерге арналған шеберлік сағаты өтті

<a href="https://kyzylorda-news.kz/">Kyzylorda-news.kz</a> Әдетте мемлекет ішіндегі шағын мемлекет деп әспеттейтін отбасының берекесіздігі бүгінде қоғамды кәдімгідей ойлантты. Өйткені жыл өткен сайын шаңырақтағы бала-шаға мен ананы шырылдатқан зорлықшылар қатары кемімей тұр. Бұл, шыны керек, мемлекеттік маңызды іске айналды. Сол себепті де, Президент ҚасымЖомарт Тоқаев әйелдердің құқығын қорғап, балалардың қауіпсіздігін қамтамасыз ететін заңға қол қойды. Заңның мақсаты – әйелдер мен балаларға қатысты зорлық-зомбылық үшін жазаны қатаңдату.Әйелдер – қоғамдағы нәзік топ. Осы нәзіктігін әлсіздік деп қабылдайтын қауымнан жиі зәбір көретіні бар. Дүниежүзілік денсаулық сақтау ұйымының дерегіне сүйенсек, әлемде әрбір үшінші әйел зорлық-зомбылықтың құрбаны болады екен. Ал елімізде бейресми статистика әрбір оныншы әйел осы қиындыққа ұшырайтынын көрсетеді. Міне, осындай жантүршігерлік деректердің жыл өткен сайын көбеюі қалың қазақтың бас көтеріп, Заңды күшейтуіне алып келді.&nbsp;«Енгізілген түзетулер қоғамда қызу талқыланды. Парламент палаталарының отырыстарына Ұлттық құрылтай мүшелері, үкіметтік емес ұйымдардың, Президент жанындағы Әйелдер істері және отбасылық-демографиялық саясат жөніндегі ұлттық комиссияның, адам құқықтары жөніндегі ұлттық орталықтың өкілдері және балалар құқықтары жөніндегі уәкіл қатысты» делінген Ақорданың баспасөз қызметі таратқан хабарламада.&nbsp;Заңға әйелдер мен балаларға қатысты кез келген сипаттағы зорлық-зомбылық үшін жауапкершілікті қатаңдататын, сондай-ақ отбасы институтын, кәмелетке толмағандардың қауіпсіздігін нығайтатын нормалар енгізілген. Мәселен, денсаулыққа қасақана жеңіл зиян келтіру және ұрыпсоғу қылмыстық құқықбұзушылық ретінде танылды.Денсаулыққа қасақана ауырлығы орташа және ауыр зиян келтіруге қатысты жауапкершілік қатаңдатылды. Сондай-ақ тұрмыстық зорлықзомбылықтан зардап шеккендерге арнаулы әлеуметтік қызмет көрсету үшін отбасын қолдау орталықтарын құруға және олардың жұмысына қатысты мәселелер заңнамалық тұрғыдан бекітілді. Бұл отбасында зәбір көретін әйелдер үшін қолдау десек те болады. Өйткені зәбір көретін әйелдердің басым бөлігі барар жер, басар тауы болмағандықтан аяусыз ұрып-соққан еркектің әрекетіне амалсыз көндігумен күн кешеді. Тіпті, арты қайғылы жағдайларға алып баруда. Оған қоса өзін-өзі өлтіруге итермелегені және ықпал еткені, сондай-ақ өзін-өзі өлтіруді насихаттағаны үшін қылмыстық жауапкершілік енгізілді.&nbsp;БАЛАЛАР ҚАУІПСІЗДІГІ ДЕ НАЗАРДАБала – бақытым, барым деуші еді аналарымыз. Ендеше өз бақытын ұрып-соғып, жәбірлеуді қайдан шығардық? Кішкентай ғана сәбиін шыбықпен шыпқыртқанда шырылдаған дауысынан қалай ғана жүрек езіліп кетпейді? Осындайда хакім Абайдың «Ашу – дұшпан, ақыл – дос» дегені еріксіз еске орала кетеді. Азаматынан ажырасқан әйелдің бар ашуы балаға түсіпті-мыс. Жазықсыз баланы жазалаумен жан жарасы емделер ме? Жоқ, керісінше тағы бір жаралы жанды, өмірге өкпелі баланы өсіретінімізді ойлап та жатпайды екенбіз. Бұлай деуімізге әлеуметтік желідегі аналардың кішкентай бүлдіршіндерді аяусыз соққылап жатқан бейнероликтері себеп болды. Толық отбасындағы жылуды сезіне алмай жүрген сәбилерді балабақшадағы тәрбиешілер де аяп жатқан жоқ. Таяқпен тұрғызып, қабақпен жүргізген қатыгез кадр, мейірімсіз аналардың көбеюі де заңның тым жұмсақтығынан шығар, бәлкім.&nbsp;Мемлекет басшысы Қасым-Жомарт Тоқаев балалар қауіпсіздігіне де баса мән берді. Заңға енгізілген түзетулерде 16 жасқа толмаған адамдарға сексуалдық сипатта тиіскені үшін қылмыстық жауапкершілік енгізілгендігі айтылды. Кәмелетке толмағандарды ұрлағаны және заңсыз бас бостандығынан айырғаны үшін жаза айтарлықтай қатаңдатылды. Айта кетейік алғаш рет кәмелетке толмағандарды жәбірлегені (буллинг, кибербуллинг) үшін әкімшілік жауапкершілік енгізілді. Білім беру ұйымдары кәмелетке толмағандар жасаған немесе оларға қатысты жасалған заңға қайшы әрекеттер туралы құқық қорғау органдарына дереу хабарлауға міндетті. Сондай-ақ 16 жасқа дейінгі балалардың қауіпсіздігін қамтамасыз ету мақсатында жол ақысын төлемегені үшін оларды қоғамдық көліктен мәжбүрлеп түсіруге тыйым салынды. Осылайша, шаңырағының шырқын алғандардың «алды – жар, арты – соқпақ» екені заң негізінде нақтыланды.

Әйел мен бала қауіпсіздігі басты назарда

<a href="https://kyzylorda-news.kz/">Kyzylorda-news.kz.</a>Танымал продюсер Гүлзира Айдарбекова су тасқынынан зардап шеккен өңірлерге әріптестерімен барды. Бұл туралы Stan.kz ақпарат агенттігі хабарлайды.&nbsp;Бір топ өнер иелері Атырау өңірінде халықпен бірге болып, көмектесіп жатыр. Продюсер жеке парақшасында өңірдің жай-күйін баяндап, есеп берді.<blockquote>“Санаулы күндері қалған жерлерді су алып кету қаупі бар екен. Атырау өңірінің айналасы ауыл-аймақ бәрі дайындалып жатыр. Үйге қайта ораламыз ба жоқ па деген уайымымыз да болды. Бірақ халыққа үндеу жасап, 15 сәуір сіздермен ақылдаса отырып, жиналған ақшамызға керек заттарды алып келдік. Тұрғындарды өз көзімізбен көріп, қолдан келген көмегімізді беріп кетеміз деп, уәде берген болатынбыз. Не де болса "Көппен көрген ұлы той" деп жолға шығып кеттік. Әдейілеп шеттегі ауылдарға да арнайы соға кеттік. Ешқандай көмек берілмегендіктен, тұрғындар өздері іске кіріскен. Ауыл адамдары жиналып ортаға киіз үй тігіп ортақ ас ішіп, күн-түн демей топырақ толы қапшықпен айналаны қоршап жатыр. Арасында оқушылар да жүр”, – баяндап берді өнер өкілі.</blockquote>Продюсердің айтуынша, халыққа көмек бірдей берілмей жатқан көрінеді. Жиналған ақшаны ауыл тұрғындарына көзінше қолына ұстатқанды жөн көреді.<blockquote>“Құрметті оқырман! Менің түсінгенім, ауыл-ауылды жинап, көздерінше ақшалай берген дұрыс екен. Керосинге дейін өздері сатып алып, тракторлар жалдап, қапшық, күрек жетпей қиналып жатыр. Болжам бойынша, 19 сәуірден бастап су алып кететін көрінеді. Тіптен көшейін десе жер жоқ, көшіңдер дегенмен, көшіріп жатқан ешкім жоқ, ақшалары жоқ, сайдағы кішкентай ғана ауылдардың тұрғындарында ес жоқ. Ол жерлердің толық суға кететіндеріне көздері жетіп отыр. Телефондарын алып алдым, көмек қолын созамын деушілер болса тікелей хабарласып, көздеріңізбен көре аласыздар. Қоймаға жеткізілген қаншама дүниелерден бір жүк көлік те келмеген, бұл жақтарға бөлінбеген. Біз қай өңір не сұрады, қолымыздан келгенше резеңке етіктен бастап, шұлық, іш-киімдерге дейін, тіптен фонариктермен, суға киетін киімдерге дейін алып келдік. Барған жерлерімізге дастархан жайып, ас беруге де қаржылай ақша бөлдік. Алла берекесін берсін! Ал жылжымалы үйлерді Атырау, Ақтөбе, Орал, Ақтөбенің Ойыл ауданына түгел жеткіземіз деп сатып алдық. Енді жүк көліктерін барлық аймаққа іздеп жатырмыз", – деп жазды продюсер.&nbsp;</blockquote>Фото: https://www.instagram.com/gulziraaidarbekova/

"Қоймадағы жүк барлық ауылға бірдей бөлінбеген": Гүлзира Айдарбекова дабыл қақты

<a href="https://kyzylorda-news.kz/">Kyzylorda-news.kz.</a>Салтанат Нүкенова өлтірілген "Гастро-Площадь Центр" гастроорталықтың құрылтайшылары өзгерген. Бұл туралы Stan.kz ақпарат агенттігі хабарлайды.&nbsp;4 сәуірде "Ezy Park" ЖШС құрылтайшыларының тізімінен Қаныш Төлеушин (ЦДИАӨМ бірінші вице-басшысы), Тасболат Абдуллин және Альмира Нұрлыбекова (Салтанат Нүкенованы өлтірді деген күдікті Қуандық Бишімбаевтың анасы) шықты.Қалған құрылтайшылар қатарында Сержан Мәдиев пен Алий&nbsp;Оспанов бар, сондай-ақ Қайрат Мәлік пен Азамат Ахметжанов есімді жаңа тұлғалар пайда болған. Қайта тіркеу 4 сәуірде өтті.Гастроорталықтың аумағында 30 мекеме орналасқан, олардың бірінде (Bau мейрамханасы) Салтанат Нүкенова өлтірілді.Kompra.kz дерегі бойынша, Оспанов – бірқатар ЖШС құрылтайшысы және басшысы, олардың кейбірі гастроорталықтың бұрынғы және қазіргі құрылтайшыларымен байланысты.Мәдиев – Alzhan қоғамдық қорының, "Нұр-Сұлтан баскетбол федерациясы" ҚҰ&nbsp;және "Wowkz" ЖШС құрылтайшысы. Сондай-ақ, Мадиев басшы Ибраев Қанат саналатын Alawwal Partners Ltd компаниясының құрылтайшысы.2023 жылғы 9 қарашада гастроорталықта&nbsp;орналасқан астаналық Bau мейрамханасында экс-экономика министрі Қуандық Бишімбаев азаматтық әйелін ұрып-соққан. Салтанат Нүкенова жедел жәрдем келгенге дейін қайтыс болды. Ғимарат осы&nbsp;уақытқа дейін 4 акционерге тиесілі болды, оның ішінде Қуандық Бишімбаевтың анасы бар еді.Фото: Давай Сходим

Бишімбаевтың анасы гастроорталық құрылтайшыларының құрамынан шықты

<a href="https://kyzylorda-news.kz/">Kyzylorda-news.kz.</a> "AMANAT" партиясы облыстық филиалының төрағасы Наурызбай Байқадамов Шиелі ауданында жұмыс сапарымен болып, партияның Сайлауалды бағдарламасы аясында салынып жатқан жол, білім нысанының, сонымен қатар «Руханият» орталығының құрылыс жұмыстарымен танысты.Партия төрағасы алдымен кенттегі күрделі жөндеу жүргізіліп жатқан Шәкәрім көшесіндегі жолдың сапасын көрді.Жалпы кентте орталық 9 көшеге күрделі жол жөндеу жұмыстары жүргізілуде. Сонымен бірге, кент ішілік 49 көшеге орташа жол жөндеу жұмыстары жүргізілген.Жоғарыда айтылған Шәкәрім көшесінің ұзындығы 2900 метрді құрайды. Жол жөндеу жұмыстарына 1 млрд 421 млн теңге мемлекеттен қаржы қаралған. Мердігер мекеме «Қызылорда Жолдары» ЖШС.Әрі қарай төраға Иіркөл ауылдық округі, Жансейіт елдімекеніндегі 100 орындық білім нысанының құрылыс сапасын көрді. Білім ордасының құрылыс жұмысына партиялық бақылау бекеті орнатылып, партиялық бақылауға алынған. Қазіргі таңда іргетасы қаланып жатыр. Келісім бойынша жыл соңына дейін аяқталу керек. Құрылыс басында 20 жұмысшы еңбек етуде. Жергілікті әкімдік пен мердігер мекеме өкілдерінің айтуы бойынша жергілікті жерден тағы 20 -ға жуық азамат жұмысқа тартылмақ.Мұнан соң партия филиалының төрағасы «Руханият» орталығының құрылыс жұмыстарын көрді. Бұл нысан аймақ басшысының бастамасымен қолға алынуда.Әрбір әлеуметтік нысанның құрылыс жұмыстары қарқынын бағамдаған партия филиалының төрағасы халық игілігіне бағытталып отырған жұмыстарда ар мен ұят бірінші орында болуы керектігін тілге тиек етіп, құрылыстың сапасына аса мән беруді тапсырды.Сонымен қатар партияның облыстық филиалының төрағасы Наурызбай Байқадамов Жаңақорған ауданына барды. Жұмыс сапары барысында аймақ басшысының бастамасымен кент орталығында салынып жатқан «Оқушылар үйі» мен «Руханият» орталығы құрылысының барысымен танысты.«Ипподром» мөлтек ауданында 200 орынға шақталған оқушылар үйінің құрылысы өткен жылы желтоқсан айында басталған. Мұнда қосымша 50 орын өнер мектебіне арналып отыр. Қазіргі таңда құрылыс қарқынды жүруде. Жоспар бойынша қазан айында аяқталуы тиіс. Мердігерлер уақытылы бітіретіндіктерін айтып отыр. Ал «Руханият орталығы» жыл соңына дейін толықтай аяқталып, пайдалануға берілмек.Құрылыс жұмыстары қарқынын көзбен көрген филиал төрағасы құрылыс сапасы аймақ басшысының да, «AMANAT» партиясының да қатаң бақылауында екенін айтып, мерзім қумай, сапаға мән беруді тапсырды.

Партия филиалының төрағасы сайлауалды бағдарламаның орындалуына бақылау жасады

<a href="https://kyzylorda-news.kz/">Kyzylorda-news.kz</a> Ақын, журналист, қоғам қайраткері Мәлік Аяповтың 80 жылдық мерейтойына орай, аудандық білім бөлімінің іс-шара жоспарына сәйкес Темірбек Жүргенов атындағы №123 мектеп-лицей базасында «Жүрегі шуақты, ізгі мұратты қаламгер» тақырыбында жас тарихшы ұстаздардың ашық пікір алаңы болып өтті.Ақынды еске алуға арналған шарада Мәлік Аяповтың күнделігіндегі естелік жазбалар оқылып, тарихи деректер мен ақын өміржолынан сыр шертетін бейне көрсетілім ұсынылды.Мәлік Аяпов 1944 жылы Жалағаш ауданы, Мырзабай ахун ауылында өмірге келген. Ол Қазақ Ұлттық университетінің журналистика факультетінде дәріс алып, өмір бойы шығармашылық жолмен жүрді. Айта кету керек, ол кісі еңбек жолын Жалағаш аудандық газетінде әдеби қызметкер болудан бастап, 40 жыл бойы осында еңбек етіп, редакторы болуға дейін жеткен. Осы жылдары "Көктем тынысы”, "Дала туысқандығы” атты жыр жинақтарын өмірге әкелсе, 2003 жылы Алматыдағы "Үш қиян” баспасынан "Киелі мекен” атты өлеңдер жинағы жарық көрген.Шара барысында аудандық білім бөлімінің әдіскері Г.Қопаева және аудан тарихшылары руханият әлеміндегі шоқтығы биік ақын, жазушы, жерлесіміз Мәлік Аяповтың шығармашылығына тоқталды.Шара соңында Мәлік Аяповтың дүниеден өткен соң ақынның артында қалған әдеби мұрасын көзінің қарашығындай сақтап, оны жүйелеп, жинақтап, кітап қылып жарыққа шығуына жол көрсеткен, ақынның жары, Жақсыгүл апай барша тілеулес жандарға алғысын білдіріп, аяулы жанның естеліктерімен бөлісті.

Жалағаштық жүрегі шуақты , ізгі мұратты қаламгер

&nbsp; &nbsp;Қызылорда қалалық «Ақмешіт апталығы» газетінің жарыққа шыққанына және «Абзал және&nbsp; К» компаниясының құрылғанына 30 жыл толуына орай&nbsp; шығармашылық байқау өткізілді.&nbsp;Жарыста&nbsp;&nbsp; 30-дан астам үміткер бақ сынап, байқау шартына сәйкес әлеуметтік желіде өз бейне материалдарын ұсынған болатын.&nbsp; Солардың арасынан &nbsp;&nbsp;оқ бойы озып шыққан үздіктер құрмет төрінен көрінді.&nbsp; Олардың қатарында «Күріш хикаялары» &nbsp;аталымына Мөлдір Қалдыбек, «Мен «Ақмешіт апталығы газетін оқимын» аталымына Әсел Жұмабек, «Диқан мен журналист» аталымына Гүлдана Жұмадин&nbsp;&nbsp;лайық деп танылып, «Сыр Медиа» ЖШС-ның Алғыс хатымен және «Абзал және К» компаниясының бағалы сыйлығына ие болды.Сурет: Н.Нұржаубай

Қазақстан және Қызылорда облысының жаңалықтары