<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде «Мамандығым – болашағым» өңірлік жобалық кеңсесінің ашылу салтанаты өтті.&nbsp;«Мамандығым – болашағым» жобасы Қазақстан Республикасы Үкіметінің қаулысымен қабылданған «Халық табысын арттырудың 2029 жылға дейінгі бағдарламасы» аясында жүзеге асырылуда. Оның негізгі мақсаты – аймақтағы еңбек нарығындағы өзгерістерді болжау және студенттерге ерте кәсіптік бағдар беру.Кеңсенің тұсау кесерін Қазақстан Республикасының Ғылым және жоғары білім министрі Саясат Нұрбек жасады. Министр кәсіптік-техникалық білім беру жүйесін кадр қажеттілігіне неғұрлым нақты бағдарлау үшін жұмыс берушілермен диалогта болып, кадрларға қажеттілікті алдын ала болжау маңыздылығын атап айтты. Сонымен қатар, жастарды ғылымға баулу, жоғары білімді интернационалдандыру және цифрлық экожүйені қалыптастыру қажеттілігінің маңыздылығына да тоқталды.<blockquote>«Қазіргі таңда ең үлкен мәселенің бірі – еңбек нарығы мен жоғары кәсіптік білім беру жүйесінің ұштасуы болып тұр. «Жоғары білімді адамдар неліктен жұмыссыз, білім беру мазмұны жұмыс берушілердің көңілінен неге шықпайды» деген сұрақ бар. Бұл мәселе бойынша бірнеше жыл қатарынан ауқымды жұмыстар атқарылды. Нәтижесінде, тек салалық &nbsp;атластар емес, өңірлік атластар жасалуы керек екені белгілі болды. Әр өңірдің өз ерекшелігі бар. Сондықтан 2021 жылы алдымен Павлодарда мамандықтардың өңірлік картасы жасалды. Нәтиже өте жақсы, өңірге қажет ең негізгі 40-қа жуық мамандық анықталды. Мұнан кейін Маңғыстауда өңірлік атлас жасалып, өңірлік экономиканың талабына сай 39 жаңа мамандық айқындалды. Қазір бұл жұмыстар басқа қалаларда да жалғасуда. Бұл жұмыстар бойынша жобалық офистар – өңірлік жоғары оқу орындары», – деді министр Саясат Нұрбек.&nbsp;</blockquote>Іс-шараға «Мамандығым – болашағым» бағдарламасы жобалар тобының жетекшісі Самғат Ермекбаев, Қызылорда облысының білім басқармасы басшысының орынбасары Бағдат Бердаулетов, Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова, Жоғары білім беруді дамыту ұлттық орталығының жобалық кеңсесінің өкілдері және университеттің оқытушы-профессорлық құрамы қатысты.Университет ректоры Бейбіткүл Кәрімова жобаның маңыздылығына тоқталып, 2022 жылы Ғылым және жоғары білім министрі С.Нұрбектың қатысуымен &nbsp;Қорқыт ата атындағы Қызылорда университеті және облыстық білім басқармасының ұйымдастыруымен «Мамандығым – болашағым» тақырыбында І облыстық форум өткенін атап өтті.«Мамандығым – болашағым» жобасы шеңберінде университет қызметкерлері 5 күн бойы интенсивті режимде форсайттық зерттеу әдістемесі бойынша сертификаттау курсынан өтеді. Тренинг нәтижелері бойынша университет қызметкерлері аймақтық жобалық кеңсе командасына қосылып, Қызылорда облысының кадр қажеттілігінің өңірлік картасын жасауға бағытталған аймақтағы негізгі сала мамандарының қатысуымен форсайттық зерттеу жүргізеді. &nbsp;<figure class="image"><img src="https://knadmin.beoblood.kz/uploads/5be7d37f_ebff_4f25_9824_3c942606e0db_99ce15fc12.jpg" alt="5be7d37f-ebff-4f25-9824-3c942606e0db.jpg"></figure>&nbsp;<figure class="image"><img src="https://knadmin.beoblood.kz/uploads/5d64b966_1da3_4275_9742_2855ab2f488c_18551ea190.jpg" alt="5d64b966-1da3-4275-9742-2855ab2f488c.jpg"></figure>

Қызылорда облысында «Мамандығым-болашағым» жобасы іске қосылды

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Әлихан Смайыловтың төрағалығымен өткен Үкімет отырысында өңдеу өнеркәсібін дамыту, жол қозғалысы қауіпсіздігі мәселелері қаралды.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, өңдеу өнеркәсібі өнімінің көлемін арттыруға арналған жобаларды уақытылы іске қосудың маңыздылығын атап өтті.<blockquote>«Биылғы 8 айда Қызылорда облысы бойынша өңдеу өнеркәсібі саласында 192,5 млрд.теңгенің өнімі өндіріліп, өткен жылдың осы кезеңімен салыстырғанда 3,6%-ға артты. Тек, Қызылорда қаласында 99,1%-ға орындалды. Осы ретте, 9 ай қорытындысымен Қызылорда қаласы және аудан әкімдеріне, облыстық кәсіпкерлік және өнеркәсіп басқармасына облыстық статистика департаментімен бірлесіп, аймақтағы өңдеу өнеркәсібі өнімінің көлемін арттыру бойынша тиісті жұмыстарды күшейтуді тапсырамын», – деді аймақ басшысы.</blockquote>Айта кетейік, өңдеу өнеркәсібі пулы аясында аймақта 715 млрд. теңгенің 46 жобасы жүзеге асырылуда. Оның ішінде жыл соңына дейін құны 7,2 млрд. теңгеге жуық 7 жоба іске қосылуы жоспарланған. Қазір 2 жоба нәтижеге жетіп, өнім шығара бастады. Облыстық кәсіпкерлік және өнеркәсіп басқармасына Қызылорда қаласы және аудан әкімдерімен бірлесіп, жыл аяғына дейін қалған жобалардың іске қосылуын қамтамасыз ету тапсырылды.Күн тәртібіндегі екінші мәселе бойынша облыстық полиция департаменті бастығының бірінші орынбасары Шамшадин Амитов жол қауіпсіздігін қамтамасыз ету бағытында атқарылған жұмыстарды баяндады.Аймақта жол-көлік оқиғаларының салдарынан соңғы бес жылда және биылғы 8 айда 668 адам қаза болып, 3 323 адам жарақат алған. Маусым айында облыс әкімдігі жанындағы құқық бұзушылық профилактикасы жөніндегі ведомствоаралық комиссия отырысында осы мәселе арнайы қаралып, құзырлы мемлекеттік органдарға тиісті тапсырмалар берілді. Дегенмен, 8 айдың қорытындысымен облыс көлемінде 306 жол-көлік оқиғасы тіркеліп, көрсеткіш 24 пайызға өскен.Облыс әкімі жол қауіпсіздігін сақтау деңгейін арттырып, жағдайды түзеу үшін жүйелі шаралар қабылдау керек екенін айтты. Облыстық полиция департаментіне электр самокаттарын және басқа да жеке көлік құралдарын пайдалану тәртібін реттейтін заң қабылдануына байланысты көліктің жаңа түрлерін қауіпсіз пайдалануды қамтамасыз етуді тапсырды. Жол апаттарының алдын алу мақсатында автомобиль жолдарындағы авариялық қауіпті учаскелерді анықтауды, кемшіліктерді жою және сол аумақтарды жетілдіру бойынша тиімді ұсыныстар енгізуді, мүдделі органдармен бірлесіп, қалаішілік және облысаралық бағытта заңсыз жолаушылар тасымалдаумен айналысатын тұлғаларға қатысты тиісті шаралар қабылдауды ескертті.«ҚазАвтожол» акционерлік қоғамының облыстық филиалына облыстық полиция департаментімен бірлесіп, «Батыс Еуропа - Батыс Қытай» автодәлізін тексеріп, қауіпті аймақтарда жүргізушілер үшін арнайы құралдар мен жол белгілерін орнату тапсырылды.

Өңдеу өнеркәсібі өнімін ұлғайту жолдары талқыланды

<a href="https://kyzylorda-news.kz/">Kyzylorda-news.kz.</a> Жаңақорғандағы Жайылма ауылы халқының тұрмыстық әл-ауқатын, тыныс тіршілігін жақсарту мақсатында биылғы жылы ауылымыздағы барлық көшелердің ауыз су жүйесін жаңарту жұмыстары жүргізілуде. Сонымен қатар орталықтанған су жүйесіне жөндеу жұмыстары жүргізілуде.Орталықтанған су жүйесінің сыртқы қоршаулары жаңаланып, су сақтайтын қойма толықтай сырланды. Ауыз су жүйесінің жүргізілуі барысында асфальттанған көшелердің бұзылмауын қамтамасыз ету мақсатында арнайы техникалардың(рутор) көмегімен қазылды.Қазіргі таңда Қ.Оспанов,С.Бөкеев, Мырзатай, Жиделі, Т.Құдиярұлы. Орталық Б.Жүсіпов көшесінде жұмыстар жүріп жатыр. Ө.Рақышұлы және Шыңырау көшелеріне алдағы күндері су құбырларды жаңарту жұмыстары жүретін болады.Бүгінгі күні аталған жобаның құрылыс жұмыстарын “Дәнекер” ЖШС мердігер мекемесі қарқынды жүзеге асыруда.

Жайылмадағы жөндеу жұмыстары қарқынды

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінің студенттері Өзбекстан Республикасында «Академиялық ұтқырлық» бағдарламасы бойынша білім алуда.&nbsp;2023 жылдың қыркүйек айынан бастап «Ташкент ирригация және ауыл шаруашылығын механикаландыру инженерлері институты» Ұлттық зерттеу университетінде 15 студент оқуын бастады.&nbsp;Білім алушылар көршілес мемлекетте «Су ресурстары және суды пайдалану», «Кадастр және жерге орналастыру» білім беру бағдарламасы бойынша 1 семестр оқитын болады.Айта кету керек, ҚР Президенті Қасым-Жомарт Тоқаев халыққа Жолдауында «Жалпы, біз – трансшекаралық су көздеріне тәуелді елміз. Еуразия құрлығындағы өзендер мен каналдар – баршамызға ортақ табиғат байлығы. Осы су көздері біздің халықты, экономикамызды жақындастырады. Сондықтан көршілес әрі достас елдермен бұл мәселе бойынша әрдайым өзара түсіністікке және келісімде ынтымақтаса жұмыс жасауымыз керек» деп атап өтті.&nbsp;Аталған Жолдау еліміздегі барлық ЖОО үшін де аса маңызды. Білім алушылар қазіргі уақытта су шаруашылығы бойынша екі елдің оқу үдерісімен және ғылыми жетістіктерімен танысуда.&nbsp;Осы ретте студент Дильяра Асанбек шетелде оқудың артықшылықтары туралы айтты.<blockquote>«Академиялық ұтқырлық» бағдарламасы екі елдің білім беру жүйесімен танысуға мүмкіндік берді. Әр университеттің өз ерекшелігі болатыны рас. Біз сабақ барысында өзбекстандық ғалымдардың зерттеу нәтижелерімен, кітапханадағы құнды еңбектерімен таныстық. Апта сайын практикалық жұмыстарға қатысып, жаңа әдіс-тәсілдерді үйренудеміз. Ғылыми жетістіктер – адамзат баласына ортақ игілік. Басқа мемлекеттерде тәжірибемізді шыңдау арқылы ғылымға деген құлшынысымыз одан әрі артатыны анық», – деді Дильяра Есболқызы.</blockquote>Айта кету керек, Қорқыт ата атындағы Қызылорда университетінде «Академиялық ұтқырлық», «Қос диплом» бағдарламалары бойынша студенттер жаңа оқу жылында Қытай Халық Республикасы, Польша, Түркия Республикасы, Оңтүстік Корея Республикасында білімін жетілдіреді.&nbsp;

«Академиялық ұтқырлық» бағдарламасы бойынша студенттер Өзбекстанда білім алып жатыр

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев Қалжан ахун ауылын газдандыруға байланысты атқарылып жатқан жұмыстардың барысын көрді.Биыл Қалжан ахун ауылын табиғи газға қосу жұмыстары жүргізілуде. Бүгінде ауылішілік газ құбырларын жүргізу жұмыстары аяқталуға жақын. Қазіргі таңда Тереңөзек кенті мен Қалжан ахун ауылы арасындағы жоғары қысымды газ құбырлары жалғануда. Жол қиылыстарындағы газ құбырлары бұрғылау әдісімен асфальт жолдардың астымен өткізілуде. Бұл жұмыстарды "Ремстрой" ЖШС атқаруда.Аудан басшысы мердігер мекеме өкілімен сөйлесіп, елді мекен тұрғындары табиғи газдың игілігін көруді асыға күтуде екенін атап өтті. Сондықтан жұмыстарды жылдам әрі сапалы аяқтауды ескертті.Мұнан соң Берік Әбдіғаппарұлы Тереңөзек кентіндегі ауыз су құбырларын жаңғырту жұмыстарымен танысты.Тереңөзек кентіндегі көшелердің ауыз су құбырларын жаңғыртуға байланысты 2 жоба әзірленген. Биыл бірінші жобаның жұмыстары басталып, бүгінгі таңда А.Алиакбаров көшесінің ауыз су құбырлары жаңартылуда. Ал екінші жоба 2024 жылға өтпелі.Тұрғындарға сапалы ауыз су беруде жобалардың маңыздылығын айтқан аудан басшысы мердігер мекеме – "Жаңарту" ЖШС өкіліне жұмыстарды сапалы және мерзімінде атқаруды айтты. Тиісті салалық орынбасары мен бөлім басшыларына нақты тапсырмалар жүктеді.

Ауыз су құбырларын жаңғырту жұмысы жүргізілуде

<a href="https://kyzylorda-news.kz/">Kyzylorda-news.kz.</a>&nbsp;Мамандар елімізде алаяқтардан қорғану үшін цифрлық егізін дайындау керегін айтады. Мәселен, онлайн сервистерге тіркелу үшін арнайы SIM-карта алып, бұл қызметтерді төлеу үшін арнайы банк қызметін рәсімдеу керек дейді. Бұл туралы Stan.kz ақпарат агенттігі Astana арнасына сілтеме жасап хабарлайды.&nbsp;Сонымен қатар ұмытылмайтын, бірақ күрделі құпиясөз орнату керек екен. Әрі ашық Wi-Fi-ға қосылуға кеңес берілмейді.&nbsp;<blockquote>“Интернетте төлем жасау үшін цифрлық карта ашқан жөн, мұны кез келген банкте 1 минутта жасауға болады. Бұл негізгі есепшот және депозитке байланысты болмауы қажет", – деді киберқауіпсіздік бойынша сарапшы Евгений Питолин.&nbsp;</blockquote>Мәжілісмендер қазір жеке деректерді қорғау туралы заң жобасын әзірлеп жатыр. Егер қабылданса, азаматтарға жеке деректерінің жария етілгені туралы хабарлама келіп отырады. Сондай-ақ жеке деректерді жариялағаны үшін айыппұл да өседі.<blockquote>"Мұнымен қатар мәжілісте Әкімшілік кодекс қаралып жатыр. Біз мұнда айыппұлды 3 есеге өсіруді ұсындық. Қазір оның көлемі 50 АЕК-тен 5000 АЕК-ке дейін. Біздің ойымызша, айыппұл жеке деректерді қорғау үшін оператор жұмсайтын шығындардан көп болуы қажет", – деді мәжіліс депутаты Екатерина Смышляева.&nbsp;</blockquote>

Мамандар елімізде алаяқтардан қалай қорғану керегін айтты

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбекұлы жаңа жұмыс аптасын кенттегі құрылыс нысандарын аралаудан бастады.Ең бірінші аудан басшысы жөндеу жұмыстары жүргізіліп жатқан Жосалы кенті әкімдігіне барып, ғимараттың ішкі жұмыстарымен танысты. Кент бойынша қойылған бейнетаспалардың жұмысын қарап, ауданның 95 жылдығына арналған шаралары өтетін орталық алаңның жай-күйін көрді.Мұнан соң Жандос Еркінбекұлы Көшербаев көшесін абаттандыру жұмыстары бойынша өткен аптада нысандарды аралағанда берілген тапсырмасы бойынша орындалу жұмыстарын тексерді. Кент әкіміне әлі де кемшін тұстарды қалыпқа келтіру туралы тапсырма берді.Қайта жөндеу жұмыстарын талап етіп тұрған аудандық орталық емхананың сыртқы жұмыстарымен танысқан аудан басшысы келесі нысан 50 жалдамалы тұрғын үйлердің аяқталуға жақын құрылысының барысын бағамдап, мердігер мекеме басшыларына 10 қазанға дейін үйлерді кезең-кезеңімен тапсыруды міндеттеді.Келесі нысан " Шығыс" каналын абаттандыру жұмыстарының жақсы жүргізіп жатқанын көрген аудан әкімі бұл жұмыстарды да 95 жылдық мерейтойға тарту етуді тапсырды.Аудан әкімі есепті кездесулерінде айтып жүрген аудандағы ескі спорт кешенінің бу қазандығын табиғи газге ауыстыру жұмыстарының баяу екендігін ескертіп, сала бойынша орынбасарына қатаң бақылауға алуын талап етті.Биыл жылу жұмыстары қайта жаңғыртудан өткен спорт кешеніне күрделі жөндеу жұмыстары алдағы жылдары жасалатын болады деп күтілуде.

Абаттанған «Шығыс» каналы мерейтойға тарту етілмек

<a href="https://kyzylorda-news.kz/">Kyzylorda-news.kz.</a>&nbsp;Жаңақорған ауданының тұрғыны Әділет Әдірбек 4 жыл бұрын кір сабын шығаратын шағын кәсіп бастаған.&nbsp;Мемлекеттік бағдарлама аясында қолдау алып ол бүгінде өз кәсібін дөңгелетіп отыр. Қазір Әділеттің шағын цехы бір күнде орта есеппен 1000 дана сабын шығаруға қауқарлы.<blockquote>«Кәсіп бастау жайлы ұсыныс ағамнан болды. Бизнес жайлы көп ойландық. Бизнес түрлерін интернет желісінен қарап көрдік. Нәтижесінде, неге сабын шығару бизнесін қолға алмасқа деген ой келді. Сабын жасау техникасын Жетісай қаласына арнайы барып үйреніп келдік. Қазір тек қана кір сабын шығарып жатқанымызбен, болашақта бұл кәсіпті кеңейткіміз келеді. Дәл осы кір сабынның ұнтақ түрін, бірнеше иіс сабын, түрлі сусабын шығару ойда бар», - деді кәсіпкер.</blockquote>Қазіргі таңда цехта 3 адам жұмыс істейді. Сабын бағасы 130-200 теңгеден сатылады. Кір сабын жасау үшін тоң май мен сода керек екен. Бастысы – табиғи таза өнім, сапасы жоғары.&nbsp;Кәсіпкердің айтуынша, сұраныс негізінен Жаңақорған ауданының тұрғындары арасында, бірақ болашақта қосымша жұмыс орындарын ашып, еліміздің басқа да өңірлеріне өнімдерді тасымалдағысы келеді.

Жаңақорғандық кәсіпкер күніне мың дана сабын шығарады

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданының әкімі Мұхтар Оразбаев пен Бақытжан Дүзелбайұлы Қазалы қаласы мен аудан орталығы - Әйтеке би кентінің аралығындағы тұрғын үйлердің құрылысын көрді.Әлеуметтік осал топтар үшін салынып жатқан тұрғын үйлердің құрылысы қазіргі күні аяқталуға жақын.Нысанның сырты қапталып, ауыз су, газ және жарық мәселесі шешілген. Әрбір үйдің жұмысына асқан жауапкершілікпен қарау қажет екенін айтқан аудан басшысы тез арада тұрғынжайды ел игілігіне беру қажеттігін ескертті.Сонымен қатар, аудандық құрылыс, сәулет және қала құрылысы бөлімінің басшысы Нұрбек Күзембаевқа барлығын бақылауда ұстап отыруды тапсырды.

Қазалыдағы тұрғын үйлердің құрылысы аяқталуға жақын

<a href="https://kyzylorda-news.kz/">Kyzylorda-news.kz.</a>&nbsp;Республиканың басым бөлігінде күн райы тұрақсыз болады. Жаңбыр жауып, найзағай ойнайды, екпінді жел соғады, деп хабарлайды Қазгидромет.Солтүстік антициклонның ықпалымен Қазақстанның солтүстігінде, оңтүстігінде және орталығында ғана күн жауын-шашынсыз болады, республиканың барлық аумағында тұман күтіледі.Болжам бойынша, түнде еліміздің солтүстігінде, орталығында және шығысында -1-3°С дейін аяз болады.

Сейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Қызылордалық аманаттықтар ізгіліктің ізетті жолын көрсетіп отыр. Олар 1 қазан қарттар күніне орай партияның «Ардагерлерді ардақтайық» жобасы аясында түрлі іс шаралар өткізді. Мәселен, партияның Қазалы аудандық филиалына қарасты «Шипагер» бастауыш партия ұйымының мүшелері ардагерлерге бір күндерін арнады. Ақ халаттылар ардагерлердің үйлеріне барып, денсаулық күтіміне байланысты медициналық көмектер көрсетіп, кеңестер берсе, Партияның қалалық филиалының «Шұғыла» бастауыш партия ұйымында Қарттар күніне орай мерекелік шара өтті.Жалпы «Шұғыла» бастауыш партия ұйымы орналасқан №1 арнаулы көмек көрсету орталығы 2012 жылдан бері жемісті жұмыс жасауда. Бүгінде қарияларға жайлы жағдай жасалып, олардың бос уақытын тиімді өткізуі үшін түрлі шаралар ұйымдастырылады. Мерекелік шарада сөз сөйлеген партияның қалалық филиалының Атқарушы хатшысы Гүлшат Мұсаева көнекөз қариялардың қоғамдағы алатын орны мен, жас ұрпаққа беретін тәлім-тәрбиесі, бағыт-бағдарының өте маңызды екенін атап өтті.Партияның «Ардагерлерді ардақтайық» жобасы аясында ардагерлерге құрмет көрсету бағытындағы жұмыстар аманаттықтармен жыл бойына жүргізіліп келеді. «Қарттарым - асыл қазынам» деген ұстанымды ұстанатын «Жастар рухы» ЖҚ-ның белсенділері де бүгін қала, аудан орталықтарындағы көмекке мұқтаж қарттардың үй жұмыстарына қолғабыс етті. Сондай-ақ қарттарға көмектесіп қана қоймай, үлкендердің әңгімесін тыңдап, ақыл-кеңестерін де алады. Ал зейнеткерлер өз кезегінде жас еріктілерге үлкен алғыстарын білдіріп, баталарын берді.Жалпы өңірде «Қарттар күні» мерекесіне орай партияның «Ардагерлерді ардақтайық» жобасы аясында партияның аймақтық және аумақтық филиалдарының ұйымдастырумен 71 түрлі бағыттағы іс-шаралар ұйымдастырылып, 300- ден аса ардагерді қамтыды.<figure class="image"><img src="https://knadmin.beoblood.kz/uploads/6346c969_8c96_49c2_9ccd_2f4fc49d2f1a_e16b5a9ab5.jpg" alt="6346c969-8c96-49c2-9ccd-2f4fc49d2f1a.jpg"></figure>&nbsp;<figure class="image"><img src="https://knadmin.beoblood.kz/uploads/72606d02_1e9f_4bc6_aa7f_9e2197363e40_b76ee52522.jpg" alt="72606d02-1e9f-4bc6-aa7f-9e2197363e40.jpg"></figure>&nbsp;<figure class="image"><img src="https://knadmin.beoblood.kz/uploads/8bffe903_4dba_4bee_a629_757f3be15bb4_d278989590.jpg" alt="8bffe903-4dba-4bee-a629-757f3be15bb4.jpg"></figure>

Қарттарын қадірлеген ел ардақты

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы облыстық филиалы жанындағы «Miras» аймақтық кеңесінің отырысы өтті.Жиынға партияның облыстық филиалының Атқарушы хатшысының орынбасары Алтынбек Жарылқасынов, кеңес төрағасы Баймырза Қожамберлиев, аймақтағы кітапхана меңгерушілері мен кеңес мүшелері қатысты.Кеңестің күн тәртібінде өңірдегі кітапханалардың жай-күйі қаралып, «Кітап-AMANAT» жобасы туралы кеңінен айтылды.<blockquote>«Отанын сүйетін, жан-жақты дамыған адамды тәрбиелеу, бәсекеге қабілетті адами капиталы бар білімді және кітап оқитын ұлтты қалыптастыру мақсатында жастарды жүйелі түрде кітап оқуға баулу партия міндеттерінің бірі болып табылады. &nbsp;Тұжырымдама «AMANAT» партиясының «Халықпен бірге!» сайлауалды бағдарламасының Жол картасының «Құндылықтары ортақ, біртұтас қоғамның мүшесі болу» атты 7-бөліміне сәйкес, сондай-ақ «Білімді ұлт» сапалы білім беру» ұлттық жобасын жүзеге асыру контекстінде басталып, іске асырылуда. «AMANAT» партиясы 2024 жылды «Отбасылық кітап оқу жылы» деп жариялауға бастамашылық етеді.»-деді Атқарушы хатшының орынбасары Алтынбек Жарылқасынов.</blockquote>Мұнан соң аймақтағы кітапханалардың жай-күйі туралы Ә.Тәжібаев атындағы облыстық әмбебап ғылыми кітапханасының директоры Нұрлыбек Мыңжас баяндама жасады.Кеңестің отырысына ұсынылып қаралған мәселелер бойынша қатысушылар тарапынан ұсыныстар айтылып, хаттамаға енгізілді.<figure class="image"><img src="https://knadmin.beoblood.kz/uploads/2d427f66_e5a5_4c17_8955_66b503fe9506_870eaa4628.jpg" alt="2d427f66-e5a5-4c17-8955-66b503fe9506.jpg"></figure>

Қазақстан және Қызылорда облысының жаңалықтары