<a href="https://kyzylorda-news.kz/">Kyzylorda-news.kz</a> &nbsp;Сөз бен бейненің құдіреті шексіз әлемде инклюзивті білім беру және әлеуметтік теңсіздікпен күресуге бағытталған жобалар көбеюде. Қызылордалық оқушылар ерекше білімді қажет ететін баларға арналған инновациялық жоба ұсынды.<h2 style="text-align:justify;">Ерекше білім беру қажеттіліктері бар балаларға арналған жоба</h2>«Байтерек School» дарынды балаларға арналған мектеп интернатының 9-10 сынып оқушылары Нұрсана Серікқызы, Гүлдерайым Тәжібай, Назгүл Жұмағалиева ерекше білімді қажет ететін баларға арналған инновациялық жоба ұсынды. Жоба атауы&nbsp; «Literabot: жарқын болашаққа үміт». Мақсаты&nbsp; жасанды интеллектінің көмегімен жазылған комикстер арқылы Қазақстанда әлеуметтік жетімдік, тенсіздік пен буллингті түбегейлі жою. Осы мәселелердің статистикасын азайту мақсатында «АНА ҮЙІ» қоғамдық қоры мен Inclusive.people демеушілік жасауға дайын екенін жеткізді жоба жетекшісі әрі орыс тілі мен әдебиет пәні мұғалімі Гүлнар Серікболова.Комикстер&nbsp; өзіңізді білдірудің және идеяларды жүзеге асырудың өзгеше құралы. Ерекше білім беру қажеттіліктері бар балалар бұл жанр арқылы жаңа оқу тәсілін меңгереді. Комикс жасау жобаға қатысушылардың шығармашылық ойлауы мен өзін-өзі көрсетуіне ықпал етеді. Комикстерді әлеуметтік медиа арқылы жариялау оларға кең аудиторияға қол жеткізуге мүмкіндік береді. Бұл жоба қатысушыларына қарапайым аудиториядан асып, өз идеялары мен тәжірибелерін бөлісуге көмектеседі. Жасанды интеллектінің көмегімен жазылатын комикстер арқылы Қазақстанда әлеуметтік жетімдік, тенсіздік пен буллинг туралы әңгімелейтін комикстер жасау арқылы әдебиеттер жобасы әлеуметтік теңсіздікті жоюға және қорқытуға қарсы тұруға бағытталған.Айта кетейік, осыған дейін қызылордалық стартапердің алғаш рет комикс кітабын жарыққа шығарғанын хабарладық.&nbsp;«Innofest-2022» конкурсының жеңімпазы атанған София Темірболат тұңғыш рет комикс форматында кітап шығарды. Облыс әкімінің қолдауымен өткен идеялар байқауында қызылордалық өрен үздік атанып, конкурстан ұтып алған 500 мың теңге қаржысына өз идеясын іске асырып, виртуалды ортамен қауіпсіз байланыс дағдыларын дамытатын кітап жазып шықты. «Cyber City» хикаялары атауындағы жаңа кітап арқылы оқушылар цифрлық қауіпсіздікті қызықты қысқа комикс əңгімелер арқылы меңгерте отырып, олардың технологиялық жəне дүниетанымдық салалар бойынша білімін қалыптастырады.«Комикс кітабы балаларды интернеттегі қауіпсіздік ережелерімен, жаңа терминдерден хабардар болуына, ақпараттық мəдениетті жетілдіруге көмектеседі. Басқа да бөлімдерін жазамын. Келешекте кітапты әрі қарай дамытатын боламын», деді София Темірболат.Таяуда Қорқыт Ата атындағы Қызылорда университеті «Информатика» мамандығының 2-курс магистранты София Темірболаттың «Cyber city хикаялары» комикс кітабының екінші бөлімі жарық көрді. «Cyber City» хикаялары атауындағы жаңа кітап арқылы оқушылар цифрлық қауіпсіздікті қызықты қысқа комикс əңгімелер арқылы меңгерте отырып, олардың технологиялық жəне дүниетанымдық салалар бойынша білімін қалыптастырады. Комикс кітабы балаларды интернеттегі қауіпсіздік ережелерімен, жаңа терминдерден хабардар болуына, ақпараттық мəдениетті жетілдіруге көмектеседі. Жоба – Біріккен Ұлттар Ұйымының Балалар қорының арнайы «Қауіпсіз интернет», «Кибербуллинг – ол не және оны қалай тоқтату қажет?» кибербуллингке қарсы бағдарламасы мен зерттеулері аясында жасалған. Кітап арқылы балалар қауіпсіз киберкеңістікті оқып, цифрлық иллюстрациялар мен комикстерді кәсіби оқуға мүмкіндік алады. Автор өз еңбегінде шетелдік мамандардың пікірі мен зерттеулерін негізге ала отырып, 10 бөлімнен тұратын кітаптар сериясын әзірледі. Комиксті құрастыру үшін Жапон, Корей, Еуропа елдерінің суретшілерінен дәріс алып, шеберлігін шыңдаған. Кітап білім беру ұйымдарында киберқауіпсіздік білімін ілгерілету үшін педагогтар пайдалана алатын стратегияларды ұсынады. Комикс авторлық құқықпен қорғалған.

«Literabot: жарқын болашаққа үміт»

<a href="https://kyzylorda-news.kz/">Kyzylorda-news.kz</a>&nbsp; &nbsp;Байқоңыр қаласындағы «Академик С.Жиенқұлов атындағы Байқоңыр жоғары колледжі» білім беру мекемесінің акт залына облыс әкімі Нұрлыбек Нәлібаевтың басшылығымен, облыстық мәдениет басқармасының ұйымдастырумен тағылымды іс-шара өткізілді.&nbsp;«Туған жерге тағзым» атты онкүндік аясында &nbsp;Жаңақорған ауданының тумасы, елімізге белгілі сазгер, әнші, ғалым Жаңақорған ауданының және Түркия мемлекеті Афион қаласының «Құрметті азаматы», Бүкілодақтық халық шығармашылығы фестивальдарының екі дүркін лауреаты, Республикалық «Жігер» фестивалінің дипломанты, Саратов қаласында өткен Жас сазгерлер байқауының жүлдегері, Қазақстан Республикасының мәдениет министрлігімен Қазақстан Республикасы мәдениет пен өнерді қолдаудың мемлекеттік қорының «Мәдениет қайраткері» құрмет белгісінің иегері, Түркістан қаласындағы Қазақ-Түрік Халықаралық университетінің доценті, жүзге жуық әндердің авторы әрі орындаушысы Сауранбек Елеуов пен Шиелі ауданының тумасы, Бүкіл одақтық, республикалық ән-термеші байқауы «Жігер» фестивалінің лауреаты, Қызылорда облысының Қарақалпақ Республикасында өткен онкүндігіне қатысушысы, термеші, мамандығы ауыл шаруашылығының маманы болғанымен өнерді жанына серік еткен азамат Сәрсенбек Баймағамбетов ат басын тіреп, шығармашылық кеш тарту етті.Кешті Жаңақорған ауданының тумасы, бірнеше жыл Жаңақорған аграрлық-техникалық колледжін басқарып, қазіргі таңда зейнеткерлік демалыстағы қоғам белсендісі, «Денешынықтыру саласының үздік қызметкері» төсбелгісінің иегері, Қызылорда облыстық белбеу күрес федерациясының Президенті Мадияр Ахметов жүргізіп отырды.Өз кезегінде Сауранбек Еркінбекұлы баян аспабының сүйемелдеуімен және эстрадалық бағытта «Апатайы анашым», «Айналайын», &nbsp;«Армысыңдар адамдар», «Әке даусы», «Ғанидың жұлдызы», &nbsp;«Сырдария», «Жаным-ау түсінбедің» әндерін нақышына келтіріп орындаса, ал Сәрсенбек Сәбекұлы қазақтың қара домбырасымен «Жел және мен», «Таң қалма», «Тайбурылдың шабысы-ай», «Білмейді», «Қара мең» әндерін шырқады. Колледж оқытушылары мен студенттері өнер қайраткерлері орындаған туындыларға тәнті болып, тамсана қол соқты.&nbsp;Колледж ұжымы өнер иелерінің жанды дауыста шырқаған әндеріне сүйсініп, өз ризашылықтарын білдірді. Өз кезегінде колледж директоры Әнуар Дауленбаев өнер қайраткерлеріне рухани демалыс сыйлағаны үшін алғыс айтып, шапан жауып, колледждің 20 жылдық мерейтойына орай шығарылған «Білім әлеміндегі – 20жыл» атты кітапты тарту етті. Кеш соңы естелік суретке түсумен жалғасын тапты. &nbsp;

Байқоңырлық студенттер өнер қайраткерлерімен кездесті

Шымкентте жекеменшік балабақшалардың бірінде тәрбиешінің балаларды ұрып, кейін шыбын-шіркей өлтіретін шыбықпен қорқытып, қатарға тұрғызғаны бейнебақылауға түсіп қалған. Мұны білген ата-аналар шу шығарды. Бұл туралы <a href="https://stan.kz/balalardi-teuip-shibikpen-korkitkan-shimkentte-balabaks-398892/">Stan.kz </a>ақпарат агенттігі хабарлайды.&nbsp;Фото&nbsp;<a href="https://otyrar.kz/2024/04/posle-skandala-v-chastnom-detskom-sadu-pomoshhnitsa-vospitatelya-uvolilas/">Оtyrar</a> порталынанАта-аналар бұл кадрларды TikTok желісіне жариялап жіберген. Кейін олар балабақшаға полицейлерді шақырып, құжаттарын алып кеткен. Айтуларынша енді төленген төлемді қайтара алмайжүр екен.Деректерге сай қазір балабақша да бос тұр. Басшылықтың да, тәрбиешінің де қарасы көрінбейді екен.Шымкент қаласының білім басқармасы жарияланған кадрларда тәрбиешінің көмекшісі бейнелен. Оқиға Наурыз мерекесі кезінде болған. Тәрбиеші әрекетін тек балалардың шулағанын басу үшін жасағанын айтып ақталған. Бұл жанжалдан соң тәрбиешінің көмекшісі өз еркімен жұмыстан шығып, жеке балабақша меңгерушісі қатаң сөгіс алған."Жекеменшік балабақша мемлекеттік-жекешелік әріптестік аясында жұмыс істейді.&nbsp;45 бала қарауында. Әлеуметтік желілерде тараған видеода-тәрбиешінің көмекшісі түскен. Оның білімі жоқ, ол балабақшада 2023 жылдан бері жұмыс істейді. Басшылық оның балаларды теппегенін, тек тым шулап кеткесін осылай қорқытқысы келгенін айтты. Балалар физикалық жарақат алмаған, бірақ психологиялық жарақат алғаны белгілі болды. Қазіргі уақытта ата-аналар бізге шағымданбады”,- деді&nbsp;Шымкент қаласы білім басқармасының мектепке дейінгі мекемелер бөлімінің басшысы&nbsp;Әйгерім Ерсаева.Видеоға құқық қорғау органдары да жауап берді. Шымкент қаласы полиция департаментінің баспасөз қызметі факт бойынша тексеріс жүріп жатқанын хабарлады. Сараптамалар тағайындалып, соның нәтижесі бойынша процестік шешім қабылданатын болады екен.

Балаларды теуіп, шыбықпен қорқытқан: Шымкентте балабақшада тәрбиеші көмекшісінің әрекеті шу шығарды

<a href="https://kyzylorda-news.kz/">Kyzylorda-news.kz</a> &nbsp; Аудан медицинасы сан тарапқа бөлінген сала ретінде көпшілікке мәлім. Денсаулық сақтау қызметін жан-жақты үйлестіру, емделушілерге қолайлы орта қалыптастыру – аурухана ұжымының негізгі мақсатының бірі саналады. Аптаның бейсенбісінде үнемі көзге көрінбейтін қажырлы еңбектерімен даралана білетін «Асхана» бөлімшесінің мамандарымен жолыққан едік. Бізді жайдарлы мінезімен бөлімшенің ем-дәм мейіргері Ләззат Әубәкірова қарсы алды.Бөлімшеде 2 ауысым бойынша аспазшылар 8 бөлімшеге тәуліктің 3 мезгілінде тағам әзірлейді. Әрбір бөлімшеден күн сайын науқас санына байланысты тағам алу үшін сала мамандарына сұраныс жолданады. Әрине, емделушіге арналып тағам дайындалатын болғандықтан, «Асхана» бөлімшесінің мамандары санитарлық тазалыққа жіті көңіл бөледі. Бірнеше жылдық тәжірибесі бар ас әзірлейтін аспазшылар тағамның мөлшерін анықтап, науқастар үшін белгіленген диеталық норманы сақтайды.<blockquote>– Біздің тағамдарымыз таңғы 8.00-де пісіріліп, бөлімшелерге таратуға дайын болады. Таңертең және кешкі уақытта сүтті тағамдар жасаймыз. Сонымен қатар түскі тағамдардың етін асып, диеталық үлгіде әзірлейміз. Бүгінгі кешкі тамаққа арнайы ас мәзіріне сүйене отырып, сүтті қарақұмық тамағын науқастарға беруге ұйғарым жасадық. Біздің бөлімшеде 3 аспазшы, 2 жұмысшы, 1 қоймашы бар. Осы сәтте науқастарға тағам дайындап жатқан Гүлмира Дүйсенбай мен Шолпан Аманжол екенін айта кетейін. «Ас – адамның арқауы» деген тәмсіл бар. Әрине, ем қабылдаушы жандарға сапалы қызмет етуге барымызды саламыз, – деді ем-дәм мейіргері Ләззат Әубәкірова.</blockquote>&nbsp;

Емделушілерге тағам әзірлеу – асқан жауапкершілікті жүктейді

Қызылордадағы қалалық кітапхана сандық форматта қызмет көрсетеді

Батыс Қазақстан облысында 11-ден астам елді мекенді су басу қаупі төніп тұр. Бұл туралы <a href="https://stan.kz/batis-kazakstan-oblisinda-11-den-astam-eldi-mekendi-su-398897/">Stan.kz</a> ақпарат агенттігі хабарлайды.Төтенше жағдайлар министрлігінің мәліметінше, бұған Жайық өзеніндегі су деңгейінің көтерілуі себеп болған.&nbsp;Осыған байланысты ТЖ министрі Шыңғыс Әрінов өңірде екі тәулік бойы әр ауылды аралап, үйінді бөгеттердің жай-күйін&nbsp; тексерген.“Күні бойы ведомство басшысы Бөрлі, Январцево, Рубежинское, Озерное, Володарское, Байқоныс, Жайық және т.б. ауылдарда болды”, –&nbsp;делінген 20 сәуірде шыққан ақпаратта.Су тасқыны кезеңі басталғаннан бері өңірде 100 шақырымнан астам қорғаныс жер бөгеттері салынғаны атап өтіледі.Айта кетейік, кейінгі&nbsp;мәліметтер бойынша&nbsp;Ақмола, Ақтөбе, Қостанай, Атырау, Солтүстік Қазақстан облыстарында 5,8 мыңнан астам жеке тұрғын үй және 1350 аула әлі су астында қалып отыр. 9,8 млн текше метр су сорылған. Су тасқыны аймақтарынан 116 мың эвакуацияланған.ТЖМ видеосынан жасалған скрин

Батыс Қазақстан облысында 11-ден астам елді мекенді су басу қаупі төніп тұр

Тарихы терең білім ордасы

<a href="https://kyzylorda-news.kz/">Kyzylorda-news.kz</a> Сырдария ауданына қарасты Қалжан Ахун ауылында орналасқан №126 орта мектепке&nbsp;оқу жылын аяқтау шаралары мен ҰБТ-ға дайындығын тексеру мақсатында Сырдария аудандық білім бөлімінің басшысы Берік Жәнібеков іс-сапарға барды.&nbsp; &nbsp; &nbsp; Іс-сапар барысында &nbsp;бөлім басшысы мектеп бітіруші түлектермен арнайы кездесті. Сынама тест нәтижелерін оқушылармен бірлесе отыра талдап, мектеп бітіруші түлектердің ұсыныстары мен пікірлерін тыңдады. Пән мұғалімдерінің ҰБТ дайындығы бойынша бірнеше мәселелер қаралып, пысықталды.&nbsp; &nbsp; &nbsp; – Білім сапасын көтеру басты міндетіміз. Осы тұста білім сапасын арттыру аясында әркез жүйелі жұмыстар атқарылып, бірқатар мәселелер міндетті түрде қаралып отырады. Осыған байланысты кеңейтілген алқа мәжілісінде 5 мәселе қаралған болатын. Атап айтқанда:1. Білім сапасы, мемлекеттік аттестаттау барысында өткізілген кешенді тестілеу нәтижелері;2. Білім алушылардың білім жетістіктеріне мониторингке дайындық барысы;3. Пәндік олимпиадалар қорытындысы ;4. ҰБТ-ның ақылы кезеңдерінің қорытындысы;5. Kundelik.kz электронды журналының жүргізілуі.&nbsp; &nbsp; &nbsp; &nbsp;Аталған мәселелер бойынша жан-жақты терең талдаулар жасалып, мектеп директорларына нақты тапсырмалар берілді. Білім сапасын арттыру мақсатындағы жұмыстар әркез білім бөлімінің бақылауында болады.&nbsp; &nbsp; &nbsp; Биылғы &nbsp;оқу жылында 442 оқушы мектеп табалдырығынан түлеп ұшқалы отыр. Оның 404-і немесе 91 пайызы Ұлттық бірыңғай тестілеуге қатысуға ниет білдірген болатын. Жалпы саны 28 түлек "Алтын белгі" белгісіне үміткер. 2024 жылдың &nbsp;наурыз айында өткізілген ақылы ҰБТ-де ауданның орташа көрсеткіші 77 балды құрады. ҰБТ-ге дайындық жұмыстары жоспарға сәйкес жүйелі түрде жүргізілуде. Аталған мәселе білім бөлімі басшысының басты назарында.

ҰБТ дайындық жұмыстары басты назарда

<a href="https://kyzylorda-news.kz/">Kyzylorda-news.kz</a> «AMANAT» партиясының «Кедергісіз келешек» жобасы аясында аудан мектептерінің оқушылары арасында эстафеталық жарыс ұйымдастырылды. Жарыстың ашылу рәсіміне аудандық мәслихаттың және «AMANAT» партиясының аудандық филиалының төрағасы Ержан Әжікенов қатысты.Жарысқа қатысушылар ең алдымен Мемлекеттік Гимн орындады. Мұнан кейін жүргізуші жарысқа қатысушы командалар мен жарыстың ережесін таныстырды.– Партияның «Кедергісіз келешек» жобасы аясында «Тең мүмкіндіктер» атты облыстық инклюзивті спорт фестивалі ұйымдастырылуда. Біз осы іс-шараның аудандық іріктеу кезеңіне жиналып тұрмыз. Жарыстың басты мақсаты – ерекше білімге мүдделі балалардың спортпен шұғылдануына жағдай жасау. Оқушылардың қоғамнан шет қалмауы үшін білім беру ұйымдарында, мәдениет мекемелерінде нақты жұмыстар атқарылуда. Бүгінгі фестивальге ауданымыздағы 9 білім беру ұйымдарынан 27 оқушы қатысуда. 9 команда спорттың эстафета сайысынан бақ сынамақ. Бүгінгі аудандық іріктеу кезеңінде жақсы нәтиже көрсеткен 4 команда облыстық фестивальге жолдама алатын болады, – деді Ержан Ертарғынұлы.Өз кезегінде төреші Дәрмен Жұмабек жетекші партияның қолдауымен өткізіліп жатқан жарыстың жоғары деңгейде ұйымдастырылып, қорытындыланатынына сенім білдірді. Сондай-ақ командаларды топқа бөліп, жарысқа қатысушыларға сәттілік тіледі.Бірнеше сағатқа созылған жарыстың қорытынды марапаттау іс-шарасында облыстық мәслихат депутаты Жұмабек Ембергенов пен аудандық мәслихаттың депутаты, білім және ғылым қызметкерлері кәсіподақ коммитетінің төрағасы Алмас Есназар сөз сөйлеп, жеңімпаздарды марапаттады.&nbsp;Оқушыларға арнайы алғыс хат пен бағалы сыйлықтар берілді.Ақтөре ИБРАГИМҰЛЫ

«Кедергісіз келешек» жобасы аясында жарыс ұйымдастырылды 

&nbsp;<a href="https://kyzylorda-news.kz/">Kyzylorda-news.kz</a> &nbsp;Биыл жыл басынан бері кәмелетке толмағандар арасындағы құқықбұзушылықтың алдын алу жұмыстарының нәтижесінде қадағалаусыз жүрген мың жарымға жуық дерек тіркелген. Оның ішінде түн мезгілінде қараусыз жүрген 83 жасөспірім кәмелетке толмағандарды бейімдеу орталығына орналастырылған. Бұл туралы Қызылорда қалалық полиция басқармасының басшысы Айдар Қасанов айтты.Қазіргі таңда жасөспірімдер арасындағы құқықбұзушылықты болдырмау, алдын алу, кәмелетке толмағандардың арасындағы қылмыстың өсуіне жол бермеу полиция мамандарына қойылған басты талаптың бірі. Бұл бағытта аталған басқарманың ювеналды полиция бөлімшесінің қызметкерлері тұрақты рейд шараларын өткізіп келеді.Қалалық полиция басқармасының басышысының айтуынша, жоғарыда тіркелген деректер негізінде 2 кәмелет жасқа толмаған балаларға қатысты қала әкімдігі жанындағы кәмелетке толмағандардың ісі және олардың құқықтарын қорғау жөніндегі комиссия отырысында қаралып, комиссия мүшелерінің шешімімен «Девиантты мінез-құлықты балаларға арналған облыстық мектеп-интернатына» орналастыруға Қызылорда облыстық кәмелетке толмағандар істері жөніндегі мамандандырылған ауданаралық сотына құжаттары жолданған. Нәтижесінде 1 жасөспірімге қатысты сот шешіміне сәйкес Тараз қаласындағы девиантты мінез-құлықты балаларға арналған облыстық мектеп-интернатына жолданса, екінші жасөспірімнің ісі сотта қаралуда.Бұдан бөлек мамандар тарапынан құқық бұзушылыққа бейім ретінде танылатын 86 жас пен жасөспірімнің тізімі жасақталған. Сондай-ақ басқарманың біріктірілген деректер базасына әртүрлі санатта 28 жасөспірімді профилактикалық тізімдік есепке алып, олармен тиісті жұмыстар жүргізілуде.Бала тәрбиесі қай кезеңде де өзекті. Бүгінде жасөспірімдердің қатысуымен орын алатын құқықбұзушылықтар, қылмыстық оқиғалар, &nbsp;топтық төбелестер мен өзара жанжалдар дендеп барады. Қоғамның базынасы болған мәселе полиция басқармасы тарапынан үнемі бақылауда.Қызылорда қалалық полиция басқармасының басшысы Айдар Қасанов жыл басынан бері кәмелетке толмағандармен жасалған қылмыстардың статистикалық есебіне сәйкес 2 қылмыстық іс тіркеуге алынғанын айтады.<blockquote>– Жалағаш ауданының 1999 жылғы тұрғыны өткен жылы түнгі сағат 01-10 шамасында Қызылорда қаласында белгісіз біреу ұялы телефонын қоңырау шалуға сұрап, алып қашып кеткендігі туралы шағым түсірген. &nbsp;Іздестіру жұмысы барысында осы қылмысқа қатысы бар ішкі істер органдарының есебінде тұрған Титов қыстағының 2007 жылы туған тұрғыны ұсталып, қылмыстық іс тіркеуге алынды. Сонымен қатар, биыл қаңтар айында кәселеттік жасқа толмаған М.Мәметова атындағы педагогикалық колледждің 3 курс студенті қатарласына белгісіз үшкір затпен дене жарақатын салғаны үшін ҚР Қылмыстық Кодексінің 106 бабы, 2 бөлігімен қылмыстық іс тіркеуге алынды, – дейді басқарма басшысы.</blockquote>Жасөспірімдер арасындағы қылмыстың өршуі ата-ананың баланы қараусыз, қадағалаусыз жіберуі, тәрбиедегі олқылық салдарынан болып отыр. Қазіргі таңда полиция басқрамсының мамандары жыл басынан бері жасөспірімдердің қатысуымен орын алған қылмыстық оқиғаларға байланысты тергеп-тексеру жұмыстары жүргізіліп жатқандығын айтады. Мәселен, көпшілік арасында шу болған белкөл кентіндегі №189 мектептің 9-10 сынып оқушылары арасындағы орын алған ауыр қылмыс санаты бойынша ҚР Қылмыстық кодексінің 106-бабы 3 – бөлігімен тіркеуге алынған іс бойынша тергеу жұмыстары жүргізілуде. Бұдан бөлек, ағымдағы жылдың ақпан айының 12-сі күні инстаграм әлеуметтік желісінде М.Мәметова атындағы жоғары колледжінің 2 курстың бірге оқитын екі студенті бір-бірімен жанжалдасып, аяғы оқу орны алдында пышақ жарақатын салғаны үшін ҚР Қылмыстық Кодексінің 293-бабы, 3 бөлігімен тіркеуге алынғанқылмыстық іс бар. &nbsp;Сондай-ақ биыл ақпан айында Абай даңғылы №30 мекенжайда орналасқан гараждар арасында 6 жасар балаға қатысты зорлық-зомбылық әрекет жаса әрекеттерін жасаған №282 мектептің 9 сынып оқушысы екені анықталып қамауға алынған.Осы орайда қалалық полиция басқармасы мамандары әрбір ата-ана баласының араласатын ортасын біліп, оның күнделікті білім мен тәрбиесіне, тәртібіне мән берсе, мектептегі сынып жетекші, тәрбие орынбасарларымен өзара байланыс орнатса түрлі қылмыстар мен құқықбұзушылықтардың азаюына сеп болатынын жеткізді.А.ӘлімФото: Нұрболат Нұржаубай

Қызылордада ювеналды полиция қызметкерлері тұрақты рейд жұмыстарын жүргізуде

&nbsp; Ақжарма ауылдық №9 кітапханасы мен мәдениет үйінің ұйымдастыруымен «Адал адам» мәдени-тәрбие орталығы «Әлем BOOK» жобасы аясында «Ескерткіштер ел тарихы» атты танымдық сағат ұйымдастырылды. Шара барысында Көтібар мұнарасы жайлы мағлұмат берілді.Ескерткіш – өткен тарихымыздың белгісі, келешегіміздің де көрінісі.Әрбір ескерткіштің – тарихи мағынасы зор Тарихи орындар мен ескерткіштерді қорғаудың халықаралық күні Көтібар мұнарасы маңында «Ескерткіштер ел тарихы» атты танымдық сағаттың өткізілуінің болашақ ұрпақ үшін маңызы зор. Орта Азияның жазық даласындағы сирек кездесетін мұнаралы деп аталатын ескерткіштер Қазақстан бойынша Сыр өңірі аумағында көп шоғырланған. Қазіргі таңда Қызылорда облысының тарихи мәдени ескерткіштер тізімінде жалпы 20 мұнаралы ескерткіш есепке алынған. Олардың ішінде Арал ауданы бойынша Бегім ана мұнарасы және Қазалы ауданында Сараман Қоса мұнарасы сонымен қатар, Қызылорда қаласы территориясында Көтібар батыр мұнаралары республикалық маңызы бар ескерткіштер қатарына жатады. Мұнара шикі кірпіштен қаланған, ішінде айналып шығатын баспалдағы бар. Ірге тасының диаметрі 4 м, биіктігі 10 м. Көтібар мұнарасы жоғары қарай өтетін есіктері бар 4 қабаттан тұрады. 1982 жылы республикалық маңызы бар тарих және мәдениет ескерткіштерінің тізіміне енгізілді. Ескерткішке қатысты материалдар Қызылорда облыстық тарихи-өлкетану музейінде сақтаулы.Шара соңында мұнара жанына тазалық жұмыстары жасалып,құран бағышталды. Оған мәдениет, кітапхана, ауыл әкімшілігі және қоғамдық кеңес мүшелері қатысты.

Ақжармалық оқушыларға «Әлем BOOK» жобасы аясында танымдық шара өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда қалалық орталықтандырылған кітапханалар жүйесіне қарасты №18 кітапханада батыр Жанқожа Нұрмұхамедұлының туғанына 250 жылдығына орай №197 мектеп оқушыларының қатысуымен «Халқын азаттыққа бастаған Жанқожа батыр» атты ерлік сағаты өткізілді.17-19 ғасырларда Сыр мен Арал теңізі жағалауларындағы, Қарақұм мен Жайық бойындағы қазақ жерлерін отарлап, басқыншылық саясат жүргізген Хиуа, Қоқан хандықтарына, патшалық Россияға қарсы ұлт-азаттық күрестің тізгінін ұстаған Жанқожа Нұрмұхамедұлы - дала батыры. Ол- саналы өмірінің жетпіс жылға жуығын халық азаттығы жолына арнаған, кедей-шаруалардың қолбасшысы, осы жолда ешқандай сый-сияпатқа сатылмаған батыр.Ерлік сағаты барысында балаларға Жанқожа батырдың ерлігі мен күрескерлігі туралы кеңінен айтылды. Жас оқушылар Жанқожа батыр және оның қолбасшылық шеберлігі, жанарынан от шашқан батырлығы, адалдығы, қара қылды қақ жарған әділдігі туралы ойларын ортаға салып, батыр бабаның бойындағы асыл қасиеттерін бүгінгі ұрпақтың бойындағы мінез – құлықтарымен ұштастыра отырып пікірлерін білдірді. Ерлік сағатының қонағы №43 мектептің қазақ тілі мен әдебиеті пәнінің мұғалімі Жұмағалиева Гүлзия балаларға Жанқожа батыр туралы жазылған шығармалардан мағлұмат беріп, бабамызға арналып өткізіліп отырған ерлік сағатының бүгінгі ұрпаққа берер мәні мен мағынасы туралы кеңінен әңгімеледі. Балалар ерлік сағатынан жақсы әсер алды.

Қазақстан және Қызылорда облысының жаңалықтары