<a href="https://kyzylorda-news.kz/">Kyzylorda-news.kz.</a> Қазгидромет алдағы үш күнге арналған ауа райы болжамын жариялады. Алдағы күндері ел аймақтары жылынғанымен жауын-шашын мен қар жаууы мүмкін.&nbsp;Синоптиктердің болжамынша, батыс, солтүстік және орталықта біртіндеп жылыну күтіледі.Өткен апта еліміздің солтүстік аймақтарында қыс мезгілі байқалған еді. Мұнда қар жауып, ауаның орташа тәуліктік температурасы нөлдік белгіден төмен болды.Алайда мамандар жаңа аптада синоптикалық жағдайдың өзгеретінін айтты. Атлантикалық циклондар сериясы жылну әкеліп, ауа температурасы көтерілгенімен жауын-шашын қар аралас жаңбыр күтілмек. Тек республиканың батысында ауа-райы негізінен жауын-шашынсыз болжанады.Күндізгі ауа температурасы батыста 12-20 градусқа дейін, солтүстікте және орталықта 5-10 градус жылыға дейін күтіледі. Ал еліміздің шығысы мен оңтүстігінде суық фронттың өтуімен түнде 0-5 градусқа дейін, таулы және тау бөктеріндегі аудандарда 2-7 градусқа дейін аяз күтіледі. Күндіз 10-15 градус таулы және тау бөктеріндегі аудандарда 0-5 градусқа дейін күтіледі.

Синоптиктер алдағы күндерге арналған ауа райы болжамын жариялады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен өткен актив отырысында әріптестері ҰҚК Қызылорда облысы және Байқоңыр қаласы бойынша департаментінің бастығы Болат Қалмырзаевты жаңа қызметке шығарып салды. Департамент бастығы ротация тәртібімен басқа өңірге қызмет ауыстырды.Актив отырысына ҚР Ұлттық қауіпсіздік комитеті төрағасының орынбасары, ұлттық қауіпсіздік генерал-майоры Бақытбек Қосжанов арнайы қатысты.Аймақ басшысы Болат Аюбайұлына өңірдегі нәтижелі жұмысы үшін алғысын білдірді.«Болат Аюбайұлы аймақтың қауіпсіздігі, қоғамдық-саяси ахуалдың тұрақтылығын қамтамасыз етуде табанды еңбек етті. Мемлекеттік маңызы бар іс-шаралар мен саяси науқандардың жоғары деңгейде өтуіне белсене атсалысты. Республикалық референдум, Қазақстан Республикасы Президентінің сайлауы, Қазақстан Республикасы Парламенті Мәжілісі және мәслихат депутаттарының сайлауында кәсіби шеберлігі, мол тәжірибесінің арқасында көптеген мәселенің орнықты шешілуіне өз үлесін қосты. Болат Аюбайұлы Президенттің «Халық үніне құлақ асатын мемлекет» қағидасына сай барлық аудан және қаладағы ашық форматтағы қоғамдық қабылдауларға арнайы қатысып, жеке қабылдаулар өткізіп, халықтың толғандырған сауалдарына жауап берді. Жұмыс барысында өзіңізді іскер, ұйымдастырушылық қабілеті, жауапкершілігі жоғары, білімді, білікті, қызметкерлерді мемлекеттік маңызды істерге жұмылдыра білетін басшы ретінде көрсеттіңіз», – деді Нұрлыбек Машбекұлы.Болат Қалмырзаевқа Сыр жұртшылығы атынан Қызылорда облысының Құрмет грамотасы табысталды.Актив отырысында ҰҚК төрағасының орынбасары, ұлттық қауіпсіздік генерал-майоры Бақытбек Қосжанов, облыстық сот төрағасы Әділхады Шығамбаев, облыстық ардагерлер кеңесінің төрағасы Серік Дүйсенбаев Болат Аюбайұлын құттықтап, жаңа қызметінде сәттілік тіледі.<figure class="image"><img src="https://knadmin.beoblood.kz/uploads/397095970_634793895508525_9077213854211408217_n_3fd002d12b.jpg" alt="397095970_634793895508525_9077213854211408217_n.jpg"></figure>&nbsp;<figure class="image"><img src="https://knadmin.beoblood.kz/uploads/397001527_634793942175187_8944160564459362179_n_d567928725.jpg" alt="397001527_634793942175187_8944160564459362179_n.jpg"></figure>&nbsp;<figure class="image"><img src="https://knadmin.beoblood.kz/uploads/397087117_634794152175166_2979871310953955383_n_f8ea266a2d.jpg" alt="397087117_634794152175166_2979871310953955383_n.jpg"></figure>

Әріптестері Болат Қалмырзаевты жаңа қызметке шығарып салды

<a href="https://kyzylorda-news.kz/">Kyzylorda-news.kz.</a> Мессенджерлер мен әлеуметтік желілерде Қарағандыдағы Костенко атындағы шахтада түсірілді деген өрттің видеосы таратылуда. Stopfake.kz видеоның Қазақстанға қатысы жоқ екенін анықтады.&nbsp;Ақпараттың шынайылығын тексеретін сайттың жазуынша, желіде тарап жатқан видео – фейк.&nbsp;Сайт дерегінше, бұл видео Қазақстанда түсірілмеген. Ол бірнеше жазбадан тұрады. Олардың бірі – желіде 2022 жылдың маусымында тараған. Видеода Севильяда (Испания) Дос-Эрманастағы алюминий зауытында болған өрт көрсетілген.&nbsp;Ал видеодағы ақ-қара кадрлар – бұл 2014 жылдың мамырында Түркияның Сома қаласындағы шахтада арты өртке ұласқан жарылыс кезінде бейнебақылау камераларына түсіп қалған кадрлар.&nbsp;<blockquote>"Тағы бір видеода Қытайдың Шаньси провинциясында Лулян көмір шахтасында болған апат көрсетілген. Таралған видеоның Қазақстанға қатысы жоқ", - делінген жазбада.&nbsp;</blockquote>Сонымен қатар Қарағанды облысының әкімдігі қазақстадықтарды ресми дереккөздерге ғана сеніп, жалған ақпарат таратпауға шақырды.&nbsp;

Костенко шахтасындағы апат: желіде фейк видео таралуда 

<a href="https://kyzylorda-news.kz/">Kyzylorda-news.kz.</a> Белгілі айтыс ақыны, “Алтын домбыраның” бірнеше дүркін жеңімпазы Мұхтар Ниязов Қарағанды оқиғасына қатысты пікір білдіріп, кеншілердің жан-айқайын жеткізді.&nbsp;Бұл оқиға айтыскердің Жезқазған қаласына барған сапарында болған. Ақын бұл туралы Instagram парақшасының “сторис” бөлімінде жазды. Желіде ақынның өнердегі әріптестері бөлісіп жатыр. Біз жазбаның мұртын бұзбай, қаз-қалпында беруді жөн көрдік.<blockquote>“Өткенде Жезқазған қаласында айтысқа барғанда маған бір жігіт келді. Шахтада құтқарушы екен. Аты-жөні мен нақты қызметін жазбай-ақ қояйын. Біраз уақыт сөйлестік. “Аға, жұмысымыз барынша қауіпті, құрылғыларымыз тозған, айлығымыз өте мардымсыз. Мықты жігіттердің көбі басқа салаға алмасып кетіп жатыр. Алла сақтасын, мына шахталардың бірінде төтенше жағдай бола қалса, жанын салып құтқаратын құтқарушылардың техникалық та, әлеуметтік те хәлі мүшкіл. Сіздер жеткізіп айта аласыздар ғой, осы мәселені көтеріңізші. Жаздағы Семей өртінде де құтқарушылардың жағдайы белгілі болды. Бізде де сондай жағдай болып жатса, қайтпекпіз?!. Оқыс оқиғаны күтіп отырмай қолға алып, жоғары жақтағылар назарға алса екен”деді. Бір адамның сөзі толық жағдайдан хабар бермейтін шығар, бірақ бүгінгі Қарағандыда сұқбат беріп тұрған құтқарушының дәрменсіз күрсініске толы кейіпте сөйлеп тұрғанын көріп, сол жігіт есімнен шықпай қойды. Құдай ақырын берсін”, – дейді айтыскер ақын.&nbsp;</blockquote><h2><a href="https://stan.kz/">Stan.kz</a></h2>&nbsp;

Мұхтар Ниязов кеншілердің жан-айқайын жеткізді

<a href="https://kyzylorda-news.kz/">Kyzylorda-news.kz.</a>&nbsp; Венгрия астанасы Будапештте каратэден өткен Әлем чемпионатында 50 келі салмақ дәрежесінде өнер көрсеткен қызылордалық Мөлдір Жаңбырбай Әлем чемпионы атанды.Мөлдір өзінің Алжир, Жапония, Словакия, Венесуэла елдерінен келген қарсыластарын ойсырата жеңіп, ақтық ойында Италия спортшысын басып озып, алтын жүлде иеленді.&nbsp;Мөлдір Жаңбырбай жуырда ғана Қытайда өткен байрақты бәсеке - Жазғы Азия ойындарынан күміс жүлде иеленген болатын. Енді міне, әлем алдында өзінің қайсарлығы мен жеңіске деген ынтасының арқасында еліміздің көк туын желбіретіп, әнұранын шырқатты.&nbsp;

Мөлдір Жаңбырбай Әлем чемпионы атанды

<a href="https://kyzylorda-news.kz/">Kyzylorda-news.kz.</a>&nbsp;МӘМС жүйесінің өзекті мәселелері, ауыл тұрғындарын сақтандыруды өзектендіру бойынша жергілікті атқарушы органдармен өзара іс-қимыл ақпараттық-түсіндіру тобының назарында. Оның құрамында Әлеуметтік медициналық сақтандыру қоры филиалының, облыстық денсаулық сақтау басқармасының өкілдері бар. Шиелі ауданында аудан әкімінің орынбасары Алмат Алдабергеновтың төрағалығымен активпен жиын өтті.Ауданда 78 мыңнан астам адам тұрады, халықтың 13,9 % МӘМС жүйесінен тыс. 11 мыңға жуық сақтандырылмаған ауыл тұрғындарының басым бөлігін 12 айға төлемдері жоқ тұрғындар мен ұйымдар мен мекемелердің қызметкерлері құрайды.<blockquote>«Сақтандырылмаған тұрғындардың арасында ай сайынғы төлемі жоқ азаматтар бар. Олардың арасында МӘМС жарналарын мемлекет төлейтін азаматтардың 15 жеңілдік санаты бар, бірақ олар бұл туралы білмейді. Және &nbsp;жүйеден тыс ұзақ еңбек демалысына шыққан мұғалімдер, сондай-ақ маусымдық жұмысы бар шаруа қожалықтарының қызметкерлері. Оларды МӘМС жүйесінде өзектендіру қажет», - деп атап өтті Бақыт Исмаханбетов.</blockquote>Осыған орай аудан әкімінің орынбасары Алмат Алдабергенов ауылдық округ әкімдеріне, салық органының мамандарына, әлеуметтік сала қызметкерлеріне ауыл тұрғындарын МӘМС жүйесіне тарту бойынша нақты жұмыс жүргізуді тапсырды. МӘМС-ке уақтылы және ай сайын төлеген жағдайда мәртебе үнемі «сақтандырылған» болатыны баса айтылды.<figure class="image"><img src="https://knadmin.beoblood.kz/uploads/4_62da2e82d9.jpg" alt="4.jpg"></figure>

Шиелі ауданы халқының 14 пайызы МӘМС жүйесінде сақтандырылмаған

<a href="https://kyzylorda-news.kz/">Kyzylorda-news.kz.</a>&nbsp; <a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana">«Қазгидромет»</a> РМК-сы қазанның 30-ы күнгі ауа райы болжамын жариялады.Кәсіпорын таратқан деректерге қарағанда, республиканың басым бөлігінде атмосфералық ағындардың өтуімен күн қбылмалы болады. Жауын-шашын (жаңбыр, қар), көктайғақ, күндіз республиканың шығысында – қатты жауын-шашын (жаңбыр, қар) жауады. Қазақстан бойынша тұман түсіп, жел күшееді.

Бүгін Қазақстан бойынша жел күшейіп, тұман түседі 

Kyzylorda-news.kz. Костенко атындағы шахтада қаза тапқандардың саны 38-ге жетті.29 қазан Астана уақытымен сағат 14:00-дегі жағдай бойынша, Костенко атындағы шахтада 38 адамның денесі табылды, 8 кенші іздестіріліп жатыр.Іздеу жұмыстарын жүргізу қираған шахта жабдықтарының, сондай-ақ жекелеген жерлерде үйінділердің болуымен қиындай түскен.Ақпараттық және психологиялық қолдау көрсету үшін Қарағанды қаласында (ТЖД 8-7212-51-72-23, АрселорМиттал Теміртау 8-7212-49-72-70) және Астанада (8-7172-70-41-08) "жедел желі" телефондары жұмыс істейді.

Шахтада қаза тапқандардың саны 38-ге жетті

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a>&nbsp;Бұл туралы Ұлттық экономика министрі Әлібек Қуантыров Сенатта өткен Салық кодексіне арналған Үкімет сағатында мәлімдеді.</h4>&nbsp;<blockquote>Бұдан басқа ЕАЭО шеңберінде келісімдерді іске асыру үшін темекі өнімдеріне акциздер мөлшерлемелерін кезең-кезеңмен арттыру ұсынылады. Сондай-ақ «сән-салтанат» заттарына қосымша акциз енгізу мәселесі бойынша жұмыстар жүргізіліп жатыр, - деді министр.</blockquote>Сондай-ақ құнының 10% мөлшерінде қымбат тұратын алкоголь және темекі өнімдеріне акциздер енгізу ұсынылады.Оның сөзінше, мүлікке салық салудың жаңа тәсілдері ұсынылып отыр.<blockquote>Біріншіден, яхталарға, жеке ұшақтарға салық мөлшерлемелерін арттыру. Бұған ауыл шаруашылығында қолданылатын ұшақтар жатпайды. Екіншіден, барлық ЖТ объектілерінің жиынтық құны 130 мың АЕК шегінен асқан жағдайда салықтың жоғары мөлшерлемелерін белгілеу ұсынылады. Бұдан басқа, қымбат жылжымайтын мүлік объектілері үшін «сән-салтанат коэффициентін» белгілеу бойынша ЖАО құзыретін белгілеу ұсынылады, - деді Әлібек Қуантыров Сенатта.</blockquote>

Енді қымбат көлігі барлар көп салық төлейді

Kyzylorda-news.kz. Сағат 10:00-дегі ақпарат бойынша, Костенко атындағы шахтадағы өрт салдарынан 36 кеншінің мерт болғаны анықталды, деп хабарлайды ҚР ТЖМ баспасөз қызметі.<blockquote>"Қазіргі уақытта 36 адамның денесі табылды, 10 кеншіні іздеу жалғасуда.Авариялық-құтқару жұмыстарына «Кәсіби әскерилендірілген авариялық-құтқару қызметтерінің республикалық орталық штабы» ЖШС Қарағанды филиалының тау-кен құтқарушыларының 10 бөлімшесі жұмылдырылды. Газ жағдайын бақылау жалғасуда" делінген хабарламада.</blockquote>Ақпараттық және психологиялық қолдау көрсету үшін Қарағанды қаласында (ТЖД 8-7212-51-72-23, АрселорМиттал Теміртау 8-7212-49-72-70) және Астанада (8-7172-70-41-08) «жедел желі» телефондары жұмыс істейді.

Костенко атындағы шахтадағы апат: 36-шы кеншінің денесі табылды

<a href="https://www.ferra.ru/news/techlife/paracetamol-sdelal-lyudei-riskovannee-10-09-2020.htm">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Қазір Қазақстанның кез келген дәріханасынан "парацетамолды" оңай табуға болады. Басқа дәрі-дәрмектер сияқты бұл дәрінің де ағзаға жанама әсері бар. Дәрігер Дебора Лидің айтуынша, парацетамолды қабылдайтын кейбір адамдардың ішек жұмысында өзгеріс болуы мүмкін, - деп хабарлайды Massaget.kz.Диарея және іш қатуМаман мәліметінше, танымал дәрінің жанама әсері болып саналатын диарея мен іш қату препаратты қолданушылардың 1-10 пайызында кездеседі.&nbsp;<blockquote>"Сонымен қатар, пайдаланушылар іштің ауруы, жүрек айнуы, құсу және асқазанның бүруіне шағымданады", - деді дәрігер.</blockquote>Бір қуантарлығы, рұқсат етілген доза сақталған жағдайда, парацетамол жанама әсерді сирек тудырады. Білмеген болсаңыз, стандартты порция 24 сағат ішінде 500 мг парацетамолдың 1 немесе 2 таблеткасын ішуге болады.Дәрігер аурудың бетін тезірек қайтару үшін бірнеше таблетканы бірден ішу өте қауіпті, деп ескертті.<blockquote>"Бірнеше артық таблетка тіпті өлімге әкелуі мүмкін", - дейді Дебора Ли.</blockquote>Егер сіз дәріні тым көп қабылдасаңыз, сізде бауыр жеткіліксіздігі пайда болуы мүмкін, ал бұл дәретханада сезілетін мәселеге алып келеді.Балшық түсті нәжісДәрігер парацетамолдың артық дозасы теріні және көздің ағын сарғайтуы мүмкін екенін түсіндірді. Оған қоса, ол түсі балшыққа ұқсайтын ашық, сұр не ақ болып көрінетін нәжіске де әсер етеді. Дәрігер мұндай белгілер әдетте парацетамолдың дозасы артық қабылданғаннан кейін бірнеше күн ішінде пайда болатынын айтты.Қара түсті нәжісЕкінші, парацетамолға қатысты тағы бір мәселе - мелена.<blockquote>"Мелена - сирек болса да, парацетамолды үнемі қолданатындарда байқалатын қара, шайырлы нәжіс.&nbsp;Нәжіске асқазан-ішек жолдарының жоғарғы бөлігінде (әдетте өңеш немесе асқазанда) пайда болатын қан араласады, қызыл қан ішек арқылы өткенде өзіне тән қара түске өзгеретіндіктен, нәжіс қара болып көрінеді", - деді маман.</blockquote>Дәрігер егер танымал ауырсынуды басатын дәрі қабылдаған кезде ішектің жұмысындағы өзгерістерді байқасаңыз, оны қабылдауды тоқтатуыңыз керек, деп кеңес берді.<blockquote>"Егер нәжістің түсі қара болса немесе қызыл қанды көрсеңіз, бұл туралы дереу дәрігерге хабарлаңыз. Себебі мелена шұғыл медициналық көмекті қажет етеді", - деп ұсынды ол.</blockquote>Айта кетейік, бұған дейін дәретханада байқалатын өлімге әкелуі мүмкін қатерлі ісіктің 3 белгісі туралы хабарланған еді.&nbsp;&nbsp;&nbsp;

Дәрігер парацетамолдың қаупі туралы ескертті  

Kyzylorda-news.kz. Игі іс пен қол ұшын созатын жандарды анықтауға, адамгершілік пен ізгілік құндылықтарын нығайтуға арналған «Қайырымдылық керуені» республикалық &nbsp;байқауы биыл алтыншы рет өткізілуде.Аталған байқаудың негізгі бағыты - ел дамуына үлес қосқан қамқор жандар мен елжанды азаматтарды, меценаттарды анықтау болып табылады. Осыған байланысты өңірлік коммуникациялар қызметінің ақпарат алаңында Қызылорда облысы іскер әйелдер қауымдастығының басқарма мүшесі Гүлнұр Жолдыбаева қайырымдылық шарасының негізгі мақсатына тоқталып өтті.<blockquote>- Қазақстанның іскер әйелдер қауымдастығы жүзеге асыратын додаға әлеуметтік, қоғамдық мәселелерді шешуге үлестерін қосатын және өзгелерді өздерінің игі ісімен ынталандыратын жеке және заңды тұлғалар қатыса алады. Қайырымдылық шарасына «Асар» , «Туған жер», «Батыл жүрек», «Мейірім жолында», «Қайырымдылық тарихы» номинациялары бойынша өтініш қабылданады. Байқауға қатысуға өтінімдер 2023 жылдың 20 желтоқсанына дейін жалғасады. Байқау жеңімпаздары ақпан айының соңында немесе Алғыс айту күніне орай белгілі болады, &nbsp;- деді Гүлнұр Жолдыбаева. &nbsp;</blockquote>Айта кетейік, 2022 жылы “Қайырымдылық керуені” байқауына 78 өтініш түсіп, 35 қатысушы республикалық байқауға жолдама алды.

Қазақстан және Қызылорда облысының жаңалықтары