<a href="https://kyzylorda-news.kz/ru">Kyzylorda-news.kz.</a> Өнерге әркімнің-ақ бар таласы. Алайда бір терінің пұшпағын илеп жүргенмен, маңдай тері мен уақытын осы салаға арнауға, ел мені елесе демей-ақ еңбек етуге дайын шын таланттар аз. Соның бірі - қазалылық әнші, облыстық, республикалық, халықаралық конкурстардың жеңімпазы, бүгінде вокал бағыты бойынша шәкірт тәрбиелеп жүрген жас ұстаз - Рақымжан Мақсатбаевпен сұқбаттасқан едік.- Рақымжан, өнерге қалай келдіңіз? Кім немесе не мұрындық болды?- Өзім Қазалы ауданы, Әйтеке би кентінде дүниеге келдім. Мектепте 4 сынып оқып жүргенімде алғаш рет әннен конкурсқа қатысып жүлделі 1- орын алғаным есімде.Бала кезімде бұл тек хобби деп қарап, кез келген жерде ән айт десе айта кететінмін. Есейе келе мектеп табалдырығын тәмәмдап, Алматыдағы Қазақ ұлттық Аграрлық колледжінің “Метрология, стандарттау және сертификаттау” деген мамандыққа оқуға түстім. "Мысық сойса да қасапшы сойсын" деген сөз бар. Оқып жүріп аталған саланың менікі емес екенін түсіндім. Сонда да жақсы нәтижеде аяқтап, сүйікті ісіммен айналысу үшін Ж.Елебеков атындағы эстрада-цирк колледжіне “Эстрадалық вокал” мамадығына түстім. Бұл колледж менің музыкаға деген ынтамды ашты. Колледжді 2017 жылы тәмәмдап, Абай атындағы Қазақ ұлттық педагогикалық университетінің “Музыкалық білім” мамандығында жоғары білім алдым. Сүйікті ісің болса, оқудан, жаңа қырын білуден жалықпайсың. Осыны анық түсіндім. Кейіннен туған жерге оралып, аудандық мәдениет саласына үлес қосуды жөн санадым. Осылайша 2019 жылдан бері Әйтеке би кенттік мәдениет Үйінің “Музыкалық жетекшісі” қызметін атқарып келемін.Өнерге келуіме аға әпкелерім мұрындық болды десем, артық емес. Әкем 11 ағайынды. Барлығы да өнерге жақын, бір-бір аспапты жанына серік еткен жандар. 6 жасымда сол аға-әпкелеріммен “Мақсатбаевтар” отбасылық ансамблінің кезекті бір концертінде алғаш рет бірге сахнада өнер көрсеткенім бар. Сол сәттен бері сахнадамын.&nbsp;- Қазіргі таңда шәкірт дайындап, конкурстан жүлдемен оралатын жас әншіден кәсіби білікті маманға айналдыңыз. Орталықтың жұмысына тоқталсаңыз...&nbsp;- 2021 жылы Мемлекет басшысы Қ.Тоқаевтың қолдауымен балалар мен жасөспірімдерге арналған тегін мемлекеттік шығармашылық және спорттық үйірмелер ашуға мүмкіндік берілген болатын. Бұл мүмкіндікті мен де пайдаланып 2022 жылдың Наурыз айында “Адиля” өнер орталығын ашқан едім. Қазіргі таңда шағын орталықта “Ұлттық (халықтық) билер”, “Дәстүрлі ән”, “Домбыра” және “Вокал” үйірмесі жұмыс жасап тұр. Шәкірттеріміз бір жылдың ішінде ұстаздарының кәсіби біліктілігі мен тыңғылықты дайындығының арқасында түрлі Халықаралық, Республикалық, Облыстық, Аудандық конкурстардың жүлдегерлері. Орталық 150 баланы үйірмемен қамтып отыр. Оның ішінде тегін оқуға 100 бала тіркелген болса, қалған балаларға ақша бөлінбесе де құқығығы тең болсын деп тегін оқытудамыз. Шәкірттеріміз ауданымызда түрлі іс-шараларда өз өнерін көрсетіп, халықтың ықыласына бөленіп жатыр. Ұстаз үшін осыдан артық бақыт жоқ.- Ауылдық жерде мәдениетке миллиондап ақша құйылмаса да тасада қалған таланттар көп. Баланың бойындағы дарынын байқап қоятын сіз секілді ұстаздар шығар..? Ауыл балаларымен қандай жұмыстар атқарылуда?- Балалар біздің болашағымыз, өзім өнерді жақсы көрген соң осы балалардың өнерін шыңдауға кішкене болса да көмегімді тигізгім келеді. Бірақ аймақта жалға берілетін ғимараттың болмауына байланысты балалар орталыққа баруға алыссынады. Әйтпесе, баян, гитара үйірмесін ашқан едік. Бала санының аз болуына байланысты үйірме жабылып қалды. Ол үйірмелерге ақша бөлінбесе де, өз айлығымнан ұстаздарға жалақы беріп, үйірмені көбейткім келді. Орталықтың болашағы алда. Талай шәкірттің талантын шыңдап, кәсіби бағыт берерімізге сенемін. Себебі орталықты ашу мақсатым байып кету емес, ақша үшін емес. Бастысы ауыл балалары тасада қалмай, өнермен айналысса, бос уақытын тиімді өткізсе, бұлақтың көзін аша алсақ деген ниет бар.- Өзіңіз талай рет республикалық, халықаралық конкурстарда жеңімпаз атандыңыз. Дегенмен өнер жүлдемен, ақшамен өлшенбесе керек. Өнер немен өлшенеді?- Мен үшін өнер шәкірттерімінің жетістігімен, қол жеткізген мақсатпен, халықтың ыстық ықыласымен өлшенеді. Сахнадан биік табалдырық жоқ. Тек осы биіктен түспейік…- Рақмет!

Қазалылық жас вокал бағыты бойынша шәкірт тәрбиелеуде

<a href="https://kyzylorda-news.kz/">Kyzylorda-news.kz.</a> Сейсенбіде Ғанижан Піртазаұлы ауданға жұмыс сапармен келді. Сапар барысында ауданда жүргізіліп жатқан құрылыс нысандарын аралады.Алдымен Байқоңыр қаласында салынып жатқан бес қабатты тұрғын үй ғимаратының құрылысын көріп, мердігерге сапалы және уақытында бітіруді тапсырды. Мұнан соң басқарма басшысы аудан әкімі Жандос Еркінбек және аудандық мәслихаттың төрағасы Әділ Қошалақовпен бірге облыстық маңызы бар Жосалы – Жалағаш тас жолы бойындағы су басу салдарынан зақымданған көпір мен су өткелін көрді. Қазіргі таңда аталған жерді қайта қалпына келтіру бойынша облыстық бюджеттен тиісті қаржы бөлініп, мердігер «ДорСтрой-Тауекел» ЖШС мекемесі жөндеу жұмыстарын бастады. Бақылау барысында мердігерге жұмыстың сапалылығына басымдық беруді нық тапсырды.Одан кейін Ғанижан Піртазаұлы жұмыс сапарымен Көмекбаев ауылына барды. Онда су қабылдайтын құрылғының құрылыс жұмысымен танысты. Ауылда жоба бойынша қайта құру жұмысы былтыр басталған. Мұнда сыйымдылығы 250 текше метр екі су қоймасы салынған. Бас мердігер «Корпорация Әлем Құрылыс» ЖШС келісім-шарт бойынша биыл жұмыстарын толығымен аяқтап, тұрғындарға пайдалануға бермек.

Қармақшыдағы  құрылыс нысандарын аралады

<a href="https://kyzylorda-news.kz/">Kyzylorda-news.kz.</a> Бүгін Сырдария ауданына қарасты Тереңөзек кентінде облыстық мәслихат депутаты Айда Абибулаева жергілікті азаматтардың қатысуымен жеке қабылдау өткізді. Негізінен, жеке қоғамдық &nbsp;қабылдау «Amanat» партиясының Сырдария аудандық филиалында жүзеге асты.&nbsp;Өз кезегінде &nbsp;халық қалаулысының жеке қоғамдық қабылдауына аудан тұрғындары арнайы келіп, өз мәселелерін жеткізді. Бұл ретте, көтерілген мәселелер қатарында &nbsp;Тереңөзек кентіндегі А.Иманов көшесіндегі көппәтерлі тұрғын үйлердің ауласын абаттандыру, &nbsp;Аманкелді және Шаған ауылдарының ауыз су жүйелерін жаңғырту, апаттық үйлерде тұратын тұрғындарды үймен қамтамасыз ету және Тереңөзек кенті орталығындағы О.Мәлібаев көшесін жөндеу секілді маңызды дүниелер болды.<blockquote>Сырдария ауданы берекесі тасыған, күріші ырысты аудан саналады. Қазіргі уақытта аталған ауданда құрылыс жұмыстары қарқынды жүзеге асырылуда. Бұл ретте, жоғарыда көтерілген мәселелер назардан тыс қалмайды. Біз қашанда тұрғындардың талап-тілегін ескереміз. Және де, &nbsp;маған айтылған мәселелерді мұқият тыңдап, жазып алып, жұмыс жасауға қабылдап алдым. &nbsp;Алдағы уақытта заң шеңберінде қарастыратын боламын. Әрине, ауданның экономикалық әлеуетін саралай келе, жүйелі жұмыстар жүргізуге мүдделеміз. Ел Президенті айтқандай, халық үніне құлақ асатын боламыз, – деді облыстық мәслихат депутаты Айда Абибулаева. &nbsp;</blockquote>

Облыстық мәслихат депутаты жеке қоғамдық қабылдау өткізді

<a href="https://kyzylorda-news.kz/">Kyzylorda-news.kz.</a> Осыдан он жыл бұрын Сыр өңірінде алқалы жиындардың бірінде жастар тарапынан «төл газетіміз болса» деген ұсыныс айтылған. Көп ұзамай облыс әкімі ұсынысты қолдап, &nbsp;2013 жылдың күзінде Сыр журналистикасы тарихында алғаш рет &nbsp;«Ақмешіт жастары» газеті жарық көрді. Осы тұста &nbsp;Тараз қаласы мен шығыс қазақстандықтар қалыс қалмай &nbsp;аймақтық жастарға арналған газетін шығара бастады. Осылайша «Ақмешіт жастары» газеті &nbsp;республика бойынша жастарға арналған облыстық үш газеттің бірі болды.«Ақмешіт жастары» газетінің ең алғашқы ұжымы жастардан құралған. Бас редактор – Айжан Абдуллаева, бастап жаңа басылымда жұмыс істеген алдыңғы лек қатарында Гүлбану Мақажан, Құралай Рахымбаева, Ақмарал Олжабаева, Дастанбек Садықов, Сара Омарова, дизайнер Мұстафа Байходжаев газеттің алғашқы нөмірінен бастап жастар тақырыбында қалам тартып, газеттің бет-бейнесін қалыптастыруға үлес қосты.Жастар басылымы А3 форматпен, аптасына бір рет, 12 бет болып, алғашқы санынан-ақ 5000 таралыммен тұңғыш 2013 жылдың 7 қыркүйегінде жарыққа шыққан. Жастарға арналған газет дегенімен, мазмұны жағынан үлкен де, кіші де, жас та, кәрі де оқитын газет. Тіпті кез келген жастағы адам өзінің мақаласын, шығармашылық туындысын &nbsp;газет бетіне шығара алды. Себебі газетте «Ардагер», «Студент», «Бота» арнаулы беттері болды. Басылым алғашқы күннен бастап әрбір арнаулы бетке ой саларлық дүние жариялап, оқырман тартып тұратындай, жастардың білімін арттырып, тіл байлығын кеңейту үшін &nbsp;ізденген жас журналистердің еңбегі басылым бетінен-ақ сезіле бастады.Сондай-ақ жастар басылымының журналистері оқырмандармен тығыз байланыс орнату мақсатында жыл сайын түрлі байқаулар өткізуді дәстүрге айналдырған.Алғаш күннен-ақ өз оқырмандарының жүрегінен орын алған «Ақмешіт жастары» газеті &nbsp;жарыққа шыққанша биыл 10 жыл толып отыр. Осы жылдар ішінде басылымның аға буыны ауысып, құрамы жаңа жастармен толықты. Жастар құрамы жаңарған сайын, газеттің өз кеңейіп, сапасы көтеріліп, &nbsp;шығармашылығы жыл сайын артып, таралымы көбейіп, мазмұны да, айтар ойы да, беделі де көтеріліп келеді. Алғашында басылым А3 форматпен шықса, кейін газеттің форматы D2 болып өзгеріп, арнаулы беттер саны мен айдарлар саны көбейген. Қазіргі таңда оқырманның іздеп оқитын басылымына айналған газет те заман талабына сай электронды нұсқасы яғни «Ақмешіт жастары» ақпараттық агенттігі құрылды.Басылымның ең алғаш халық жүрегінен орын алып, газеттің сәтті шығуына, жастар саясатын жүзеге асыруға, басылымның өз оқырмандарын табуына үлес қосқан облыстық «Ақмешіт жастары» газетінің алғашқы бас редакторы, бүгінде «Сыр медиа» ЖШС бас директорының орынбасары Айжан Абдуллаева газет облыстағы жастарды елге таныстырып жатқанын айтты.<blockquote>«Біздің «Ақмешіт жастары» газеті аймақ жастарын танытуда, өз ісінің үздіктерін насихаттауда, үлгі-өнеге етуде, жастарға арналған мемлекеттік бағдарламалар мен гранттар туралы кеңінен ақпараттандыруда өзінің миссиясын 100 пайыз орындап отырған газет деп сеніммен айта аламын. Бүгінгі заманауи гаджеттер газеттердің орнын басып келе жатыр деген күннің өзінде «Ақмешіт жастары» газетіндегі кейбір танымдық мәліметтерді, мөлтек әңгімелерді, жастардың өзіндік көзқараспайымын газеттің өзінен ғана тұшынып оқуға болатынын байқаймын. Сондықтан жарық көргеніне 10 жыл толып отырған жастар басылымының болашағы жарқын, оқырманы көп болсын деген тілек білдіремін», - дейді Айжан Абдуллаева.</blockquote>Сондай-ақ басылымның қазіргі жас буынын басқарып, өзінің тың идеяларымен, шығармашылығын арттырып келе жатқан «Ақмешіт жастары» газетінің бас редакторы Мөлдір Қалымбет басылымның алға қойған мақсат үлкен екенін айтады.<blockquote>«Ақмешіт жастары» газеті – Сыр журналистикасы тарихында жастарға арналған тұңғыш басылым. Басылымның мақсаты айқын, аудиториясы да белгілі. Қаламы қуатты журналистер жастар ұйымдастырған іс-шараларды және жастарға қатысты мәселелерді бүкпей баяндап, көшбасшы, іскер, өз ортасында жетекші жастар жайында жазылған мақаласын оқырман қауымға ұсынды. Зияткерлік қабілетке ие, өнертапқыш жастардың жаңалығын үздіксіз жариялап, дерек пен дәйекке сүйеніп журналистік зерттеулер де жүргізді. Жетістікке жетіп, дамудың даңғыл жолына түскендердің тасада қалмай, еңбе-гінің еленуіне титімдей болса да үлес қосу, дарындының дара жолын көпке үлгі ету жастар басылымының негізгі миссиясы еді. Сондықтан артылған жүкті абыроймен атқарып келеміз деген ойдамын. Биыл басылымның 10 жылдығын атап өтпекпіз. Газет жарыққа шыққан сәттен бастап оқырманмен тығыз байланыс орнатып, ой-пікір алмасуды тоқтатқан емеспіз. Ұйымдастырған әр байқауымызға қалмай қатысып, жарыса материал жазып жолдайтын жастардың көптігі соның айғағы. Жазуға бейім, журналистикаға қызығушылығы жоғары жастарға ылғи есігіміз айқара ашық. Қысқасы оқырманның қатары көбеюі – газетіміздің өз жұмысын жүйелі атқаруында. Осы тұста редакция ұжымы үміт пен сенімді ақтауда аянып қалмаймыз, – дейді Мөлдір Қалымбет.</blockquote>«Ақмешіт жастары» газетінің 10 жылдығына орай еңбек жолын «Ақмешіт жастары» газетінен бастап, бүгінде «Кызылординские вести» газетінің жауапты хатшысы Ерхан Ақын басылымның қолына қалам ұстаған жастар үшін жақсы мектеп болғанын айтады.<blockquote>«Ақмешіт жастарына» – 10 жыл. Алғашқы он жылдық белес. Ең бастысы басылым тақырыпты жастар тақырыбын үлкен мақсат-міндеттермен &nbsp;қозғап келе жатқан үлкен белді, басылымдар қатарынан келе жатыр. &nbsp;«Ақмешіт жастары» әлі де талай шығармашылық белестерді бағындырып, асулардан асу қажет! – деп өз пікірін білдірді.</blockquote>Жастардың үніне айналған «Ақмешіт жастары» газетінің көтерер жүгі жеңіл емес. Жаңашылдыққа ұмтылған басылымның оқырманы жылдан-жылға көбейе беретініне сенім мол.

Жастар газеті: 10 жылдық белес

<a href="https://kyzylorda-news.kz/">Kyzylorda-news.kz.</a> &nbsp;&nbsp;Халық тұрмысын энергия өндіру, жылу, электрмен жабдықтау, су және газсыз елестету мүмкін емес. Бұл қызметтердің тариф бағасы әркез елдің басты назарында. Кейбір тариф түрлері жыл басынан бастап өзгерді. Алдағы уақытта да өзгеруі мүмкін екені даусыз. Осы мәселелер турасында табиғи монополияларды реттеу департаментінің басшысы Айбек Егембергеновпен тілдескен едік.– Табиғи монополияларды реттеу департаментінің құзырына электрмен және газбен жабдықтау саласындағы бағаларды мемлекеттік реттеу ісі кіретінін білеміз. Кейінгі кезде тарифтерге қандай өзгерістер енгізілді?– Департамент жылу энергиясын өндіру, газ тарату жүйелері арқылы тауарлық газды тасымалдау, электр энергиясын беру, суды таратушы желілер арқылы беру тәрізді қызметтердің 54 түрі бойынша 34 табиғи монополия субъектісінің жұмысын реттейді. Биыл облыс аумағында электр, газ және су бұру тарифтері өзгерген жоқ, былтырғыдай қалды. Ал 1 қаңтардан бастап сумен жабдықтау қызметтері 1,6 пайызға төмендеді. Десек те, жылумен жабдықтау қызметтерінің тарифтері 2021-2026 жылдарға ұзақмерзімді кезеңге бекітілгенін ескере отырып, қаңтар айынан бастап 11,4 пайызға өзгерді. Өткен жылдың қыркүйегінде Мемлекет басшысы өз Жолдауында «Тарифтерді күшпен ұстап тұрудың ақыры соның бәрін кезекпен өшіруге және түрлі апатты жағдайлар туындауына әкеп соқтырады. Осының салдарынан азаматтардың денсаулығына және өміріне қатер төнеді. Монополиялы нарықтарда «Тарифті инвестицияға айырбастау қажет» деп жаңа тариф саясатына көшу керек екенін атап өтті. Жаңа тарифтік саясат желілердің тозуы, ысырап пен апаттың алдын алып, қызмет көрсету сапасын арттыру мақсатында инвестициялар тартуды көздейді. Осы бағдарлама аясында инвестициялық бағдарламаларға ғана емес, коммуналдық саланың тарифтеріне де өзгерістер енгізіледі деп күтілуде.– Желілердің тозуы мәселесі барын айтып қалдыңыз. Оны инвестиция арқылы шешу көзделген екен. Бұл бағытта қанша қаражат тартылып жатыр?– Мемлекет басшысының тапсырмасын орындау мақсатында бірінші жартыжылдықта департамент облыстық энергетика және тұрғын үй-коммуналдық шаруашылық басқармасымен бірлесіп, ұзақмерзімді тарифтер бойынша жұмыс істейтін субъектілердің 4 инвестициялық бағдарламасын қарап, бекітті. &nbsp;Атап айтқанда, биыл желілер мен жабдықтарды жаңартуға бюджеттен 8878,9 млн теңгеге жуық, 0,8 млрд теңге қарыз қаражаты, субъектінің өз қаражатынан 2,6 млн теңге тартылды. Инвестициялық бағдарламаларды іске асыру аясында 31,6 шақырым электр желілерін, 8,9 шақырым жылу желілерін, 8,1 шақырым сумен жабдықтау желілерін жаңарту және жөндеу жұмыстары жүргізілетін болады. Осы арқылы желілердің тозуын жылдың соңына дейін орташа есеппен 2 пайызға төмендетеміз.– Желтоқсан айының соңында Мемлекет басшысы кейбір заңнамалық актілерге, соның ішінде табиғи монополиялар саласындағы заңнамаларға өзгерістер мен толықтырулар енгізуді көздейтін заңға қол қойды. Ол қандай нәтиже бермек?– Бір жұмыскердің бір жылдағы статистикалық деректері бойынша қалыптасқан орташа айлық номиналды жалақысының өзгеруіне байланысты тарифтердің қолданылу мерзімі аяқталғанға дейін оны қайта қарау мүмкіндігі бар. Осы негіздер бойынша жаңа тарифтер бекітілмек. Нақтырақ айтсам, «Қызылорда электр тарату тораптары компаниясы» АҚ-ның электр энергиясын беру қызметтері үшін 1 кВт/сағ құны 5,676 теңгеге (16,2 пайыз) өзгереді. «Қызылорда жылу-электр орталығы» МКК-ның жылумен жабдықтау қызметтері үшін 6582,01 теңге көлемінде, халыққа орташа босату тарифі 1 Гкал үшін 2800,51 теңгені құрады. Оның ішінде жылу есептегіш құралы бар тұтынушыларға 1 Гкал үшін 1764,51 теңге, есептегіш құралы жоқ тұтынушыларға 1 шаршы метр үшін 96,79 теңге бекітілген. «Нұра топтық су құбыры» РМК «Арал» СЖКБ филиалының сумен жабдықтау қызметтері үшін, оның ішінде магистральдық құбырлар арқылы су беруге 1 м3 үшін 438,30, суды таратушы желілер арқылы 1 м3 үшін 380,51, сарқынды суды бұруға 1 м3 үшін 235,03, тұрғындарға 1 м3 үшін 106,19 теңгені құрады.– Өзгеріссіз қалған тарифтер де бар. Алдағы уақытта бұл ұйымдар қызметінің құны құбылуы мүмкін бе?– Қазір 3 субъектінің өтінімі қаралуда. «Теміржолсу-Қызылорда» ЖШС сумен жабдықтау қызметіне, «Қызылорда су жүйесі» МКК сумен жабдықтау және су бұру қызметтеріне және «Қазалы су» МКК сумен жабдықтау қызметі тарифтерін өзгерту туралы ұсыныс берген. Сондай-ақ «Қызылорда газ тарату жүйесі» МКК-ның Жосалы, Жалағаш және Тереңөзек елді мекендеріндегі тауарлық газдың көтерме бағасының 1 шілдеден бастап өзгеруін ескере отырып, тауарлық газды бөлшек саудада өткізудің шекті бағасын өзгерту туралы ақпарат қаралуда. Бұл ретте бірінші жартыжылдықта энергиямен жабдықтаушы 3 ұйымның электрмен жабдықтау қызметтерінің бағасы өзгеріссіз қалғанын айта кеткен жөн. «ҚазТрансГаз Аймақ» АҚ Қызылорда өндірістік филиалының газбен жабдықтау қызметтерінің бағасына келетін болсақ, газдың шекті бағасы 2022 жылдың тамыз айындағы баға деңгейінде өзгеріссіз қалды, мұнда халық үшін баға 1000 м3 үшін 13 043,49 теңгені құрайды. Бұл бағаның ішіне шілде айында аяқталатын тауарлық газды тасымалдауға 1000 м3 үшін 3320,45 теңге тарифі және 1 тамыздан бастап бұрын бекітілген 1000 м3 үшін 5941,35 теңге көлеміндегі тариф енгізілуі қажет болатын. Онда соңғы тариф халық үшін 1000 м3 үшін ҚҚС-сыз 16496,52 теңгені құрауы тиіс болған. Алайда субъекті 2021 жылдың бірінші жартыжылдығында бекітілген тарифті қолданбағанын ескере келе, 902,6 млн теңге негізсіз алынған кіріс тұтынушыларға қайтарылмақ. Сол үшін 1 шілдеден бастап тасымалдау тарифі 1000 м3 құны 4453,57 теңге көлемінде болып келісілді. Бұл тұста Энергетика министрінің бұйрығымен 1 шілдеден бастап тауарлық газды көтерме сатудың шекті бағасы бекітілгенін ескерген абзал. Оған сәйкес өңірімізде тауарлық газдың көтерме бағасы 1000 м3 үшін 9194 теңгеден 10113 теңгеге, яғни, 10 пайызға көтеріледі. Соңғы бағаға әсер ететін екі факторды ескеріп, биыл шілдеден бастап тауарлық газдың түпкілікті бағасы өзгереді деп күтілуде.– Осы мәселеде тұтынушылардың, яғни, халықтың пікіріне де құлақ асқан жөн тәрізді. Осындай талқылауларға жұртшылық араласа ала ма?– Әрине, тұрғындардың пікірі әркез ескеріледі. &nbsp;бірінші жартыжылдықта департамент арқылы қабылданатын шешімдердің ашықтығын, жариялылығын және тұтынушылардың хабардар болуын қамтамасыз ету мақсатында 2 жария тыңдау, табиғи монополиялар саласында тарифті қалыптастыру мәселелері бойынша өңірлік комиссияның 2 отырысы, 6 тұтынушылардың &nbsp;қоғамдық қабылдауы өткізілді. Енді департаменттің алдында тұрған келесі міндеттерді де атап өту қажет. Біріншіден, тарифтер мен бағаларды қалыптастыруға жұртшылықты тарту. Екіншіден, негізсіз тарифтерді белгілеуге жол бермеу. Үшіншісі, жүргізіліп жатқан тарифтік саясатты және субъектілерге қатысты қабылданған шараларды кеңінен қамту. &nbsp;

Өңірлік жылу тарифінде өзгеріс бар

<a href="https://kyzylorda-news.kz/">Kyzylorda-news.kz.</a>&nbsp; Жыл сайын шілденің бірінші жексенбісінде елімізде «Ұлттық домбыра күні» мерекесі аталып өтіледі. Бұл ретте, &nbsp;аталған мереке қарсаңында Сырдария ауданына қарасты ақиық ақын Асқар Тоқмағамбетов ауылында тағылымды концерт өткізілді. Жас пен жасамыс жиналған кеште ауылдық клуб үйінің ұжымы мен аудандық өнер мектебінің А.Тоқмағамбетов филиалының өнерпаздары көпшілікке мерекелік көңіл-күй сыйлады. Осы ретте, «Күмбірле, күй – домбыра» тақырыбында өткізілген концертке А.Тоқмағамбетов ауылының әкімі Ғабдолла Алданазаров, жергілікті тұрғындар қатысты.Ұлттық мерекемен құттықтаған ауыл әкімі Ғ.Алданазаров аудандық өнер мектебінің А.Тоқмағамбетов филиалының ұстазы, «Сұлу-ай» шығармашылық өнер орталығына қарасты «Домбыра» үйірмесінің жетекшісі Гүлназ Сералиеваға Алғыс хат табыстады.<blockquote>– Осыдан 5 жыл бұрын шілденің бірінші жексенбісі ұлттық домбыра күні ретінде бекітілген еді. Ауылымыздың мәдениет саласының мамандары жыл сайын айрықша атап өтеді. Ұлтымыздың ең қасиетті аспабы саналатын домбыраның тарихы тереңде жатыр. Ықылым заманнан домбыраның үніне құлақ түрген ата-бабамыздың қазыналы ғұмыры, жүріп өткен жолы ғибратқа толы. Әрбір өңірдің өзіндік сарыны қалыптасқан. Сыр мәдениетінің мызғымас бөлігі саналатын дәстүрдің ішінде домбыраның алатын орны зор. Біздің ауылымыздан жұлдыз болып жарыққа шыққан өнерпаздар жеткілікті. Бұл ретте, ұстаздар мен балғын өнерпаздарға қолдау көрсете береміз, – деді ауыл әкімі Ғабдолла Алданазаров.</blockquote>Тағылымды кеш барысында «Сұлу-ай» шығармашылық өнер орта-лығының «Домбыра» мен «Эстрадалық вокал» үйірмесінің мүшелері өнер көрсетті. Бұл ретте, қасиетті домбыраны серік еткен өнерпаздар «Қосбасар», «Торы жорға аттың бөгелек қағуы», «Нәр ағашы», «Ақжелең», «Ерке сылқым» секілді бірнеше күйді тамылжыта орындады. Ал «Домбыра туралы баллада» сынды дәстүрлі және патриоттық әндер жиналған жұртшылық көңілінен шықты.<blockquote>– Біз «Күмбірле, күй – домбыра» тақырыбындағы мерекелік концертке жоғары деңгейде дайындық жүргіздік. Топырағы киелі ауылдан түлеп ұшқан талантты өнерпаздар өнер көрсете білді. Айта кетейік, сахна төріне мәдениет саласының майталманы, қолөнер шебері Жәнібек Маханбеттің қолөнер туындысын іліп қойдық. Өз кезегінде жас ұрпақ санасына ұлттық өнерімізді дәріптеу – маңызды рөл ойнайды, – деді ауылдық клуб үйінің меңгерушісі Әсел Ибраева.</blockquote>Танымы бөлек кеште «Сұлу-ай» шығармашылық өнер орталығының құрытайшысы Анар Қалдыбаеваның демеушілігімен үздік оқушы, «Домбыра» үйірмесінің мүшесі Арайлым Бағдатқызына «Қамбаш» лагеріне және қосымша білім беру орталығына жолдама берілді.<blockquote>– «Сұлу-ай» шығармашылық өнер орталығының өнерпаздары жыл көлемінде орасан зор жетістіктерге қол жеткізіп келеді. Қазіргі таңда мемлекеттік «Art sport» бағдарламасы шеңберінде 8 ауылда, яғни атап айтқанда, Асқар Тоқмағамбетов, Ақжарма, Іңкәрдария, Нағи Ілиясов, Шіркейлі, Бесарық, Жетікөл, Айдарлы ауылында 25-тен аса үйірмелер жұмыс жасауда. Негізінен, &nbsp;Асқар Тоқмағамбетов ауылында 3 үйірме жұмыс жасайды. Қай кезде де, біздің тарапымыздан балаларды қолдау толықтай жүзеге асырылады. Өз кезегінде, үздік өнерімен дараланған Арайлым Бағдатқызына Арал ауданындағы «Қамбаш» лагерь және қосымша білім беру орталығына жолдама беруге ұйғарым жасадық, – деді аудандық мәслихат депутаты Анар Қалдыбаева. &nbsp;</blockquote>

 Сырдария аудандық мәслихат депутаты үздік оқушыға «Қамбаш» лагеріне жолдама берді

<a href="https://kyzylorda-news.kz/">Kyzylorda-news.kz.</a> 23 маусым жыл сайын Қазақстан полициясы күні ретінде аталып өтіледі. Қазақстан Республикасы Жоғарғы Кеңесі «Қазақстан Республикасы ішкі істер органдары туралы» Заң 1992 жылдың 23 маусымда қабылданды. Бұл−Қазақстан полициясының қызметі мен міндетін айқындайдын алғашқы құқықтық акт. Жарлыққа сәйкес 2007 жылы 5 маусымда, 23 маусым Полиция күні болып ресми түрде бекітілген.Күні кеше әділдікті ту етіп, ел тыныштығы мен халықтың қауіпсіздігін сақтайтын, еліне адал қызмет атқаратын құқық қор­ғаушылар мерекесі аталып өтті. Ел қауіпсіздігі үшін аянбай қызмет ететін құқық қорғаушылар қашанда құрметке лайық. Кәсіби мерекеге орай&nbsp; қызмет барысында ерлікпен пара-пар еңбек етіп жүрген полиция қызметкері туралы&nbsp;жазғанды жөн көрдік. Бектұр Сатенов екі бірдей бүлдіршінді және қарт кісіні өрттен аман алып қалған азамат.Ол Қызылорда қалалық по­лиция басқармасының Жергілікті полиция қызметі бөлімінің патруль­дік полиция батальоны саптық бөлінісінің взвод команди­рі Бектұр Сатенов Қызылорда облысы, Шиелі ауданы, Тартоғай ауылында 1978 жылы 9 маусымда дүниеге келген. 2009 жылдан бастап&nbsp; Қалалық Ішкі істер басқармасы патрульдік полицияның аға сер­жанты қызметін 2014 жылға дейін&nbsp; атқарған. 2015 жылы&nbsp; лей­тенант &nbsp;қызметкері болған. 2016 жылы Б.Бисенов атындағы ҚР ІІМ Қарағанды академиясын бі­тірген. Қазіргі таңда Қызылорда қалалық Полиция басқармасының Жергілікті полиция қызметі бө­лімінің патрульдік полиция ба­тальоны саптық бөлінісінің взвод командирі қызметін атқаруда.<blockquote>«2009 жылдың қараша айында кешкі уақытта, қаланың орталық Әйтеке би көшесі 40 үй жанынан өтіп бара жатып,&nbsp; үйлердің бірінен өрт шығып, көмек сұраған дауысты естідім. Ойланбастан су құбыры арқылы екінші қабаттың балконына жылдам көтеріліп, пәтердің ішінен екі және бес жастағы кішкентай бала мен екі қарт кісіні құтқардым. Осы оқиғадан кейін 2010 жылы 7 мамырда «Ерлігі үшін» медальмен марапаттады. Одан бө­лек, 2021 жылы «Жауынгерлік ерлігі үшін» деген медальді қара­мағымдағы үш қызметкермен бірге алдық. Қуанышымда шек болмады. Жалпы қандай оқиға болса да біз медаль алу үшін немес мақтаса екен деп жасамаймыз. Әр істің бағасын халық береді, біздің міндетіміз тұрғындардың тыныштығын сақ­тап, оқиға барысында адамды аман алып қалу. Тіпті қарамағымдағы жеке құрамға да, ең алдымен адамның амандығын ойлау ке­рек­тігін үйретеміз. Қызметімнің ауырлығына қарамастан мен әлі де өз мамандығымды жақсы көремін. Себебі бұл менің бала күннен армандаған мамандығым», – деді взвод командирі Бектұр Сатенов.</blockquote>

Бектұр Сатенов: Марапат үшін еңбек етпейміз

<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің орынбасары Дінмұхамед Ермеков – елордадан елге қызмет етем деп келген жастың бірі. Бұған дейін бірнеше министрлікте қызмет сатысынан өтіп, жас та болса, мемлекеттік қызмет мектебінен өткен жаңа орынбасар қала дамуына нендей жаңа бастама алып келді? Өзі жетекшілік ететін салада жаңашылдық лебі сезіле ме? Қызылорда қаласы әкімінің орынбасары Дінмұхамед Ермековпен сұхбаттасудың сәті түсті.– Дінмұхамед Жандарбекұлы, әлгінде ғана тұрғындар үшін кезекті қоғамдық қабылдау өткізгеніңізді байқадық. Қала әкімі орынбасарының қабылдауына келген тұрғындар қандай мәселені жиі айтады?– Негізінен тұрғын үй мәселесі. Әр қабылдауға кел¬ген тұрғындардың басым көпшілігі баспана мәселесін айтып келеді. Бірі кезек жайын сұрап келсе, енді бірі апатты үй мәселесін, тағы бірі өзі тұратын үйдің жаңғыртудан өткенін қалап ұсыныс айтады. Сондай-ақ баласына жұмыс сұрап келетін ата-ана да аз емес. Қабылдауға келген әрбір тұрғынның айтарын тыңдап, сол жерде нақты жауабын береміз немесе бұл мәселені зерттеп, мәселенің түйткілін шешуге ықпал етеміз. Бір айта кетерлігі, баспана сұрап келген адамға бәрі кезекпен, заң аясында берілетінін, кезектен тыс пәтер берілмейтінін айтып түсіндіреміз. Орайы келгенде айта кетейін, қалада бүгінде пәтер кезегінде 5 санат бойынша 28195 адам кезекте тұр. Тұрғын үйге кезекке қою қызметі бүгінде толықтай автоматтандырылып, kezekte.kz сайтына орналастырылған. Бұл жерден кез келген адам тұрғын үй кезегін көре алады. Авто¬маттандырылған жүйе азаматтардың меншігінде үй бар-жоғын, табысын, жұмыс орнын, санатын тексеріп, кемшіліктер болған жағдайда автоматты түрде шығарады. Бұл өз кезегінде сыбайлас жемқорлық тәуекелдерінің алдын алып, сыртқы факторлардың орын алуын тежейді.– Демек, кезексіз үй алғысы келетіндер бар ғой…– Бәрі де тезірек баспаналы болғысы келеді ғой. Ең қиыны, хлықтың көзі ашық, көкірегі ояу десек те, «кезексіз үй алып беремін», «кезегіңді жылжытып беремін» немесе «таңдаған үйден пәтер алып беремін» деген алаяқтарға алданып, несие алса да сұраған ақша¬сын беріп, соңында жылап, әкімдікке келетіндер бар. Халыққа ешкім кезекті жылжыта алмайтынын, ешкім де кезексіз үй алып беруге шамасы келмейтінін қанша түсіндірсек те, алаяққа алданатындар азаймай тұр. Әлі де халыққа заңсыз ешкім де пәтер ала алмайтынын түсіндіре беру керек.– Тұрғын үйге қатысты басқа да мәселелер аз емес екені белгілі…– Ең қиыны, өзінің жекеменшік үйін ортақ мәселе еткісі келетіндер көп. Көпқабатты үйдің тазалығы, коммуналдық мәселесі, өжіресі, суы және басқа жеке мәселені, тіпті қолынан келетін болмашы нәрсені қабыл¬дауға айтып келетіндер де жоқ емес. Көпқабатты үй тұрғындарында ортақ мүлікті күтіп ұстау түсінігі әлі де қалыптаспай келеді. Мәселен, бір жылда қаншама аулалар, ойын алаңдары салынды. Көп уақыт өтпей, сол жерге барсаң, танымай қаласың. Бәрін қиратып, жарамсыз етіп тастаған жағдайларды көріп жүрміз. Мұнан бөлек, айналасын таза ұстау секілді қарапайым нәрселерді айтудың өзі кейде ұят. Алайда біз сол мәдениетке де жете алмай келеміз. Биыл 27 көпқабатты үйдің қасбеті демеушілер есебінен жасалды, мұнан бөлек тағы да 32 көпқабатты үйдің қасбетін жөндеуге облыстық бюджеттен қаржы бөлінді. Тағы бір жаңалық енді үйлердің қасбеті жөнделгенде, сол үйлердің аулалары да қоса жөнделмек. Яғни көпқабатты үй ауласындағы жолдар, жарық бағаналары, ойын алаңдары қоса жөндеуден өтеді.– &nbsp;Еңбек жолыңызға қарасақ, бұған дейін үш министрлікте, Президент аппаратында қызмет еткен екенсіз. Үлкен ортаны көрген тәжірибеңіз бар, Қызылорда қаласының әлеуметтік-экономикалық дамуына серпін берер жаңашыл жобаларыңыз бар болар деген үміттеміз…– Иә, бұған дейін жинаған тәжірибем бар, әлі де үйренеріміз көп. Мемлекет басшысының орталық атқарушы органда қызмет еткен мамандарды елге қызмет етуге жіберу, халықтың, ауылдың тыныс-тіршілігін көзбен көру, көңілге түю қажеттігі жөнінде тапсырмасымен елге келдім. Азды-көпті тәжірибем мен біліміммен Сыр елінің бас шаһарын дамытуға титтей де болса үлесім тисе екен деген ниетпен келдім. Қала-ауылда да ең бесты қажеттілік инфрақұрылымды дамыту мәселесі болса, бұл мақсаттағы жобаларды қорғап, орталықтан қаржы тартуға, инвесторлар әкелуге жұмыс істеудеміз. Аймақ басшысының да, қала әкімінің да тапсырмасы осы. Себебі тұрғындардың жол, су, жарық секілді мәселе болмайтын, қауіпсіз қалада өмір сүргісі келетіні анық. Әрине, уақыт озған сайын, қала үлкейіп, ескісі тозып дегендей, қажеттілік арта беретіні сөзсіз. Дегенмен мүмкіндігінше тұрғындарға өмір сүруге қолайлы қала жасау – негізгі жұмыстың бірі. Жаңа айтып өткендей алдағы міндеттің бірі – инвесторлар тарту. Мұның нәтижесін уақыт көрсетеді. Тың жобаларды жүзеге асыру жоспарымызда бар.– Сіз жетекшілік ететін саланың бірі – кәсіп¬керлік. Облыс орталығы аудан-ауылдарға қара¬ғанда кәсіпкерлікті дамытуға қолайлы орта екені сөзсіз. Жалпы қаладағы кәсіпкерліктің даму деңгейі қалай?– Қаламызда шағын және орта кәсіпкерліктің даму деңгейі көңіл толарлықтай деп айта аламын. Бұған дейін де кәсіпкерлікті қарқынды дамытуға, қолайлы жағдай жасау жұмысы жүйелі жүргізілген. Қызметке келгелі орта және шағын кәсіпкерлікті әлі де дамытуға баса назар аударып, жұміс жүргізудеміз. Шағын және орта кәсіпкерлік даму жағынан Қызылорда қаласының облыстағы үлесі – 48 пайыз. Қазір қаладағы халық саны 350 мыңдай болса, соның 35 мыңнан астам тұрғынның шағын кәсібі бар. Дегенмен әлі де қалада кәсіпкерлік саласын дамытуға қолдау жасай береміз. «Ауыл аманаты» бағдарламасы ауыл тұрғындарының кәсіппен айналысуына, жаңа жұмыс орнына ашуға бірден-бір мүмкіндік дер едім. Алдағы уақытта осы бағдарлама аясында кәсіпті дамытуға бөлінетін қаржыны 4-5 есеге көбейтіп, халықтың төмен пайызбен несие алып, кәсіп бастауына жағдай жасауына барынша қолдауға қала әкімінің тапсырмасы бар. Бұл ауылды дамытуға, ауыл халқының жұмыспен қамтылуына жақсы мүмкіндік.– Әрине, сандарды сөйлетсек, кәсіпкерліктің қарқынды дамып келе жатқанын аңғаруға болады. Дегенмен бұл салада өнім өндіру жағы әлі де кенжелеп қалғаны жасырын емес. Мәселен, күні кеше қалада нан зауытының ашылуы да бір жаңалық. Яғни кәсіпкерлікті дамытуға келгенде сан емес, сапа жағына мән беретін кез келген сияқты…– Қала әкімі ай сайын кәсіпкерлермен кездесуді дәстүрге айналдырды. Кездесуде кәсіпкерлік сала¬сының мәселесі, кәсібін жаңа бастағандарға қандай қолдау қажеттігі ашық айтылады. Нәтижесі де жоқ емес. Осындай кездесудің нәтижесінде бірнеше кәсіп¬керлерге кәсібін жүргізу үшін инфрақұрылымы жүргізілген жер мәселесі шешімін тапты. Мұндағы мақсат – кәсіпті қолдау, жаңа кәсіп бастағандарды қолтықтан демеу. Мәселен, қазір сол жағалау жақсы дамып келеді, сол себепті сол жақта жұмыс істесек, кластер құрсақ деген ұсыныстар бар. Осыны ескеріп, алдағы уақытта шағын кәсіпкерлік алаңын құру жобасын жүзеге асырсақ дейміз. Мұндағы мақсат шағын кәсіпкерлікті бір ортаға топтастырып, оларға көмектесу жағын ойластырып жатырмыз. Осындай қолдаулардың нәтижесінде бүгінде қалада 4 кәсіпкер лимон өсіріп жатыр. Алдағы екі жылда жемісін беріп қалады. Сонымен қатар &nbsp;«Өнеркәсіптік-инновациялық жобалардың бірыңғай индустрияландыру» картасы аясында Қызылорда қаласы бойынша «Бірыңғай индустрияландыру картасына» енгізілген жалпы құны 68,2 млрд теңгені құрайтын 12 жоба жүзеге асырылуда. Оның ішінде: «Orda Glass LTD» ЖШС-ның «Қызылорда қаласында қуаттылығы жылына 197 100 тонна табақша шыны шығару және өңдеу зауыты» жобасы 2021 жылдың желтоқсан айында «Orda Glass LTD» ЖШС-ның Қызылорда қаласында қуаттылығы жылына 197 100 тонна табақша шыны шығару және өңдеу зауыты іске қосылды. Сонымен қатар &nbsp;«Ақселеу» жеке кәсіпкерлгінің «Күйдірілген қыш шығару шағын зауыты», «ТриМо» серіктестігінің «Қуаттылығы жылына 500 &nbsp;тонна екі окись молибден ұнтағын үшокись молибден ұнтағына техникалық айналдыру өндірісін ұйымдастыру», «Poom Trade KZ» ЖШС-нің «Қызылорда қаласында «КОМАЗ» шағын арматура зауытын салу», «Orda TEXC» ЖШС-нің «Түйе жүнін өңдеу және көрпе тігу цехы», «Қызылорда композиттік материалдар зауыты» ЖШС-нің «Шыны талшықты және композитті материалдарды өндіру зауыты», «Dana Quartz» ЖШС-нің «Айна шығару зауыты» жобалары бар.– Сізді ойлантатын мәселе…– &nbsp;Бір нәрсені айта кету керек, бүгінде кәсіпкерлерге барынша қолдау жасалуда. Сол сияқты кәсіпкерлер тарапынан да бизнестің әлеуметтік жауапкершілігін сезіну, қаланы көркейтуге үлес қосу, ең болмағанда айналасына, қоршаған ортаға зиян тигізбеуді түсінсе екен дейміз және талап етеміз. Мысалы, жаз мау¬сымында кәсіпкерлерге кәсібін емін-еркін жүргізу үшін Президент саябағына сауда-саттық жасауға рұқсат берілді. Сол жерде тегін тұрып, кәсібін жүргізуде. Бір өкініштісі, ертесіне саябаққа барсаң, кәсіпкерлердің сол маңды қалай ластап кеткенін көріп, жүзің ұялады. Қоқыс-қалдықтар бір кеште үйіліп қалады. Мұны талай ескерттік те, алайда нәтиже аз. Бізде тазалықшылар тазалап алады деген қате түсінік бар. Бір қиыны, бізде сауда-саттық мәдениеті қалыптаспаған екен. Сонымен қатар кез келген жерге сауда жасауға да тыйым салып жатырмыз. Бұл мақсатта күн сайын рейдке шығамыз. Әсіресе, «Универсам» маңын әлі де тазарта алмай жатырмыз. Саяжайдан, есік алдындағы бау-бақшасынан өнім әкеп сататындар үшін арнайы орын дайындап берілген. Біз қаланың барлық жерін базар ете алмаймыз ғой, халық та, өнім сататындар да соған бейімделу керек.– Облыс орталығында туризмді дамыту бойынша қандай жоспарлар бар?– Ұлттық статистика бюросының ресми сайтының статистикалық деректеріне сәйкес Қызылорда қала¬сында шетелдік туристер саны өткен күнтізбелік жылдың ұқсас кезеңімен (2021-2022 жылғы қаңтар-маусым) салыстырғанда 676 адамды құрады.Қызылорда қаласы бойынша 48 қонақ үй (оның ішінде 5 хостел) жұмыс жасайды. «eQonaq» ақпараттық жүйесіне бүгінгі күнге 26 қонақ үй тіркеліп тұр, қалған қонақ үйлердің ақпараттық жүйеге тіркелуі бойынша сала мамандары тарапынан түсіндірме жұмыстары жүргізіліп, аталған бағытта тиісті жұмыстар атқарылуда. Қаламызда туристік қызметті 12 турагенттік жүзеге асырады.Жазғы демалыс маусымында қала аумағында 13 шағын және 2 ірі демалыс орындары жұмыс істейді. «Батыс Еуропа-Батыс Қытай» халықаралық автомобиль дәлізінің бойында 52 жол бойы сервистік нысаны болса, қала аумағында 10 кешен жұмыс істеп тұрса, 1 жоба құрылысы қайта салынуда. Өткен жылы автожол дәлізінің бойында 3 жаңа жол сервистік нысаны пайдалануға берілді.– Сұхбатыңызға рақмет.

Дінмұхамед Ермеков: «Қаланың бәрін базар ете алмаймыз»

<a href="https://kyzylorda-news.kz/">Kyzylorda-news.kz.</a> Аудан әкімі Берік Сәрменбаев Бұқаралық ақпарат құралдары күніне орай аудандық «Тіршілік тынысы» газеті редакциясы ардагерлері мен ұжым қызметкерлерін арнайы қабылдады. Сондай-ақ Қазақстанның құрметті журналисі Мұхтар Сақтаповты арнайы барып мерекемен құттықтап, сый-құрмет көрсетті.Мерекелік іс-шарада аудан басшысы сала қызметкерлерін кәсіби мерекемен құттықтады.&nbsp;<blockquote>– Алаш ардақтысы, көрнекті ағартушы Міржақып Дулатов «Қай елдің баспасөзі мықты болса, сол елдің болашағы да мықты» деген болатын. Сондықтан баспасөз – қызығы мен қиындығы мол, зор жауапкершілікті талап ететін сала. Аудандағы жалғыз басылым «Тіршілік тынысы» газеті редакциясында қажырлы қызмет еткен Мұхтар Сақтапов, Сергей Тоқсанбаев, Асқар Кіребаев, Мүсілім Қалмұратұлы, Сәуле Ерімбетова және басқа да қарымды қаламгерлер, елге белгілі аға буын өкілдері әркез құрмет төрінде. Сонымен бірге өз ісінің маманы болып өсіп келе жатқан жас журналистердің де еңбектері елеулі. Аудан көлемінде болып жатқан қоғамдық-саяси іс-шаралар мен игілікті істер үнемі газет бетінде жарық көруде. Ауданның тілшілер қауымы қоғам тарапынан артылған маңызды жауапкершілікті абыроймен атқарып жүр және олар қашандақұрметке лайық. Сондықтан Сіздерге айтар алғысымыз шексіз, – деген аудан басшысы сала ардагерлері мен қызметкерлеріне «Құттықтау» табыс етіп, сый-құрмет көрсетті.</blockquote>Мерекелік қабылдауда аудандық ардагерлер кеңесінің төрағасы М.Келдібаев та әріптестерін мерекемен құттықтады. Қызмет жолында аудандық газетте корректорлық жұмыс атқарған ол бұрынғы кезеңдегі газет жұмысының ауыртпалығын атап көрсетті. Ол шақта жергілікті газет аптасына 3 рет халыққа тарайтын болған. Ал газеттің жарыққа шығуы қазіргідей заманауи технологияның арқасында емес, әріптер қорғасынмен басылып, бір газетті шығарудың машақаты көп болыпты. Міне, осыларды айтқан Мұса Алпысбайұлы газет ұжымына шығармашылық табыс тіледі.<blockquote>– Ертеректе аудандық басылым ұжымының жұмысы қауырт болатын. Қаншама қаламгерлер иық теңестіре еңбек ете білді. Негізінен, журналистика саласы &nbsp;мәртебелі мамандық болғанымен, қиындығы мен қызығы қатар жүретіндігі мәлім. Өз басым іргелі ұжымның қатарынан табылып, баспасөз саласында қолтаңбам қалғаныма қуаныштымын. Қазіргі уақытта өткен уақыттарды сағынышпен еске аламыз. Өз кезегінде бүгінгі күні қалыптасқан редакция ұжымы қырық мыңға жуық халыққа қалтқысыз қызмет ете берсін, – деді Мұса Келдібаев. &nbsp;</blockquote>Өз кезегінде облыстық мәслихат депутаты Жұмабек Ембергенов құттықтау лебізін білдіріп, сала ардагері ардақты анасы Кеңескүл Жұмабаева редакцияда қызмет еткенін, сол себепті де ұжыммен әркез тығыз байланыста болып келе жатқанын тілге тиек етті. Сондай-ақ мерекелік қабылдауда сала ардагерлері Мүсілім Қалмұратұлы, Шаһарбек Нұрсейітов, Сәуле Сұлтанқызы да әріптестерін мерейлі мерекемен құттықтап, ұсыныстарын жеткізді.&nbsp;<blockquote>– Менің бала кезімде баспасөз саласында еңбек еткен аға-апаларды құрмет көрсету – негізгі міндетім саналды. Себебі, анам осы мекемеде қызмет етті. Балалармен талай мәрте редакция мен баспаханаға келетін едік. Газеттің дайындару барысын өзіміздің көзімізбен көретін едік. Анамыз таңға жуық уақытта қайтатын еді. Әріптестерімен бірге газеттің сапалы шығуына &nbsp;өзіндік үлес қосты. Анам қызмет еткен қарашаңырақты қашанда құрмет тұтамыз. Сала мамандарының жұымысын жоғары бағалаймыз, – деді облыстық мәслихат депупаты Жұмабек Ембергенов.&nbsp;</blockquote>Іс-шара қорытындысында аудандық «Тіршілік тынысы» газетінің бас редакторы Ақтөре Ибрагимұлы арнайы қабылдаған аудан басшылығына алғыс білдірді. Ақын, сала ардагері Мұхтар Сақтапов та арнайы құттықтаған аудан басшысына алғысын жеткізді.&nbsp;<blockquote>– Маған көршілес аудандағы әріптестерім «Таралым санын қалай көбейттіңіздер?» деген сұрақты жиі қояды. Бұл сұраққа жауап беру үшін көп ойланудың қажеті жоқ секілді. Біз газет тиражын арттыруды екі бағытқа, яғни жоспарлы және жоспардан тыс жұмыс ретінде қарастырдық. Жоспарлы жұмыс ресми мекемелер арқылы үйлестірілсе, жоспардан тыс жұмыс жанашырлықпен, іскерлікпен, келісіммен және ортақ мәмілеге келумен реттеледі. Мысалы, 2019 жылы Сырдария аудандық «Тіршілік тынысы» газетінің таралымы шаруа қожалықтарының қарызға жазылғанын қоса есептегенде небәрі 3094 дана болса, екі жылдың ішінде газет тиражы 853 данаға артып 3947 дана болды. Таралым санының артуы – біздің бірлесе атқарған жұмысымыздың жемісі. Осы ретте, газет абыройының жоғарылауы бас редактордан бастап редакциядағы барлық қызметкердің кәсібилігіне, жан-жақтылығына тікелей байланысты екенін атап өткен жөн.&nbsp; Ұжым жұмысын тиімді әрі ұтымды ұйымдастыру үшін мекеме қызметкерлерін марапатқа ұсынудың орны ерекше. «Уақытылы бағаланбаған еңбек – жаза» демекші әр қызметкердің еңбегін бағалап, ынталандырып отырған дұрыс. Өйткені, редакция – қажырлы еңбектің, үздіксіз ізденістің ордасы. Сондықтан түрлі тақырыпта зерттеу жүргізіп, сала мамандарымен пікірлесіп, қоғамның өзекті мәселелері жөнінде сараптамалық мақала жазып жүрген тілшілерге ерекше құрмет көрсетуді назарда ұстаудың маңызы зор. Бұл ретте, ерекше құрмет көрсетіп, &nbsp;аудандық басылымының төрге оздырған &nbsp;аудан басшысына ерекше алғыс айтамыз, – дейді Ақтөре Ибрагимұлы.</blockquote>&nbsp; &nbsp;

Сырдария ауданында журналистерге арналған мерекелік жиын өтті

<a href="https://kyzylorda-news.kz/">Kyzylorda-news.kz.</a> Жалағаш аудандық басылымның тарихы тереңде. Ғасырға жуық тарихы бар басылым халықтың қоғамдық-әлеуметтік ой-пікірін оятуға, мәдени-әдеби дүниетанымын қалыптастыруға, кеңейтуге жүйелі жұмыс жасап келеді. Қашанда билік пен халық арасында алтын көпір бола білген, жаңалық жаршыларының қаламынан туған тың дүниелер, өңірдегі жарқын жобалардан жұртты хабардар етудегі елеулі еңбектері ескерусіз қалмақ емес. 90 жылға жуық тарихы бар «Жалағаш жаршысы» газеті жаңалықтың жаршысы болып, бүгінде өңірдің төл басылымына айналды. Мереке аясында төртінші билік өкілдері аудан әкімі Асқарбек Есжановтың қабылдауында болып, лайықты құрметке ие болды.&nbsp;Бүгінде газет қаламгерлері – аймақта атқарылып жатқан толымды істерді өз мақаласына арқау етіп қана қоймай, елдің мұң-мұқтажын да қағаз бетіне түсіріп, билікке жеткізіп жүрген алтын көпір. Сүбелі де сүйекті мақалалары арқылы, сөз маржанын терген өлең жолдарымен де бардың бағын асырып, жоқтың жоғын жоқтай білетін ерекше маман иелерінің руханият әлеміндегі орны бөлек. Қалам иелеріне жүктелер жүк ауыр. Ол жүктің ауыр болары хақ та. Өйткені төртінші билік өкілдері қашанда елмен бірге, халықтың жетістігін де, кем-кетігін де, жалпы елдегі барлық мәселені көтеріп, тиісті деңгейде, қажетті орынға жеткізе алатын да осы қызметте жүргендер екені мәлім. Сол үшін Журналистер «билік пен халық арасындағы алтын көпірге» теңеледі.Мереке қарсаңында аудан әкімдігінде бас қосқан жергілікті ақын-жазушылар, сала ардагерлері мен бүгінгі «Жалағаш жаршысы» газетінің ұжымы аудан басшылығының ыстық ықыласын сезінді. Қаламгерлер қауымы бұл кездесуде емін-еркін елдің жайын, руханият әлемінің озығын да, тозығын да ортаға салды. Ақпарат майданында иықтаса қатар жүрген сала қызметкерлерін, осы саланың өркендеп дамуына өзіндік үлесін қосып, ғұмырын сарп еткен ардагерлерін кәсіби мерекемен құттықтаған аудан әкімі Асқарбек Есжанов «Жалағаш жаршысы» газетінің қашаннан ешкімге ұқсамайтын өз жолы бар екенін жеткізді. – Сыр өңірі, оның ішінде Жалағаш ауданы – қаймағы бұзылмаған тіл мен рухтың, қазақылықтың қайнаған ортасы. Қазіргі таңда ауданның медиа кеңістігінде аудандық «Жалағаш жаршысы» газеті жұмыс жасап келеді. Аудандық газет қай уақытта да елдi бiрлiкке шақырып, қиын шақтарда елдiң патриоттық рухын көтерiп, халық шаруашылығын дамытуға, еңбек қаһармандарын халық арасында насихаттауға қызмет етіп, елдің көкейіндегісін айтатын, еңбек-керлердің ерен еңбегін жариялаған басылым бола білді. Қазіргі таңда «Жалағаш жаршысы» газеті – аудан халқының басты газеті, барлық тіршілікті хабарлап отыратын айнасы. Аудандық газетте қарымды қаламгерлер қалыптастырған дәстүрді қазіргі таңда кейінгі толқын журналистер лайықты жалғастырып келеді. Аудандық басылым бетінде елдің мұң-мұқтажы, ойы мен пікірі, талабы мен тілегі, қоғам дамуының тынысы айқын көрініс тауып, мемлекет мүддесі, ұлт мұраты мен ұрпақ болашағының маңызды бағыттары жайлы мақалалардың көкжиегі кеңейіп, деңгейі көтерілуде.Сіздердің салмақты сөздеріңіз бен салиқалы пікірлеріңіздің арқасында халық билікке өз сөзін жеткізіп отыр. Сіздердің тынымсыз кәсіптеріңізге деген адалдықтарыңыз үшін алғысымды білдіремін, – деді Асқарбек Есжанов.Мерекелік қабылдауда сала ардагерлері тарих еншісіндегі естеліктерден сыр шертіп, кәсіби мерекенің маңызы мен мазмұнын ашты. Ауданның төл басылымында қызмет еткен ардагерлер кезінде заманның әлі дами қоймаған уақытында қазіргідей ғылыми технологиялардың жоқтығы былай тұрсын, тіпті газет қызметкерлері айлап айлық, жалақысыз да еңбек еткенін жасырмады. Баспахана жұмысының қиындығына қарамастан барлығын еңсеріп шыққан сол кездегі қызметкерлердің еңбегі кейінгіге үлгі. Сонымен қатар мерекелік жиында сөз алған аудандық ардагерлер кеңесінің төрағасы Садық Әлиев, кезінде «Жалағаш жаршысы» газетіне басшылық еткен, аудан¬дық алқа билер кеңесінің төрағасы &nbsp;Кенжеғара Сүлейменов, Қазақстан Журналистер одағының мүшесі Рысбай Кәрімов «Жалағаш жаршысы» газеті аймақта өзіндік өрелі тарихы бар, бағыт-бағдары айқын, аудан жұрты сүйсіне оқитын, тамыры тереңнен бастау ала¬тын беделді басылымдардың бірі екенін атап өтті. Расында ақпарат айдынында ғасырға жуық абырой биігінен түспей, кеңінен қанат жайып келе жатқан аудандық газеттің өресі биік. Бүгінгі таңда алдыңғы буынның салып кеткен сара жолын жалғайтын, оқырманның талабына сай жағымды әрі шынайы ақпараттардың, тың туындылардың жариялануына күш салып жүрген ұжымдағы әрбір қызметкердің еңбегі елеулі. Қаламгерлер қауымы да аудандағы жылт еткен жаңалықты, жарқын жобаларды мақаласына арқау етіп, жалағаштықтардың құнды дүниелерге қанық болуы үшін қызмет етуде.&nbsp;Мұнан бөлек аудан әкімі Асқарбек Темірбекұлы ұлт болып ұйысуға, мемлекет болып ілгерілеуге бағытталған елдік шаруаға қосып жатқан үлесі үшін шын жүректен алғыс айтып, сала ардагерлері мен газет қызметкерлеріне арнайы алғыс хат пен гүл шоқтарын және сый-сияпатын табыстады. Сондай-ақ «Жалағаш жаршысы» газетінің ұжымына арнайы қаржылай сертификат берілді.&nbsp;Айта кетейік, мереке қарсаңында «Жалағаш жаршысы» газетінің ұжымын «Amanat» партиясы аудандық филиалының атқарушы хатшысы Қаншагүл Мұстафаева да қабылдап, құрмет көрсетті. Бұқаралық ақпарат құралдары ауданның әлеуметтік-экономикалық дамуының, бүкіл тыныс-тіршілігінің шынайы жанашыры, жалынды жаршысы екенін жеткізген Қ.Шоңмұрынқызы бірқатар қызметкерге алғыс хат пен гүл шоғын табыстады.

Жалағашта журналистер алғысқа бөленді

<a href="https://kyzylorda-news.kz/">Kyzylorda-news.kz.</a> Бүгін Сыр өңірінде ақын, жырау Жүсіп Қадірбергенұлының 150 жылдығына арналған «Қара өлеңнің шебері – Қаңлы Жүсіп» атты республикалық ақындар айтысы басталды. Айтысқа Петропавл, Алматы, Тараз, Шымкент, Түркістан, Қызылорда қалалары мен Арал, Қармақшы, Шиелі аудандарынан 12 ақын қатысты.Облыс әкімі Нұрлыбек Нәлібаев сөз шеберлерін құттықтап, сәттілік тіледі.<blockquote>«Мемлекет басшысы Қасым-Жомарт Кемелұлы жақында ғана өткен Ұлттық құрылтайдың отырысында «Ұлттың жаңа болмысы білім, ғылым және мәдениет саласын дамыту арқылы қалыптасады. Осы үш бағыт — рухани даму саласындағы жұмыстың мызғымас үштағаны» деген болатын. Аймақ мәдениетін дамытуда ауқымды бастамалар бар. Биыл облыс орталығынан 1000 орындық «Өнер орталығын» ел игілігіне табыстаймыз. Бұл зәулім сарай таланттардың бұлақ көзін ашып, халық мұрасын жаңғыртатын өнерлі ұрпақтың жетілуіне қызмет етпек. Биылдан бері 20 мәдениет және әдебиет өкіліне облыс әкімінің арнайы «Тұран» сыйлығын табыстауды бастадық. Бұл сыйлық әдебиет пен өнер өкілдерінің шығармашылығын шыңдауға септігін тигізетініне сенімдімін. Игі бастаманы жыл сайын жалғастырамыз», - деді аймақ басшысы.</blockquote>Айта кетейік, Сыр бойында өнер өкілдерін қолдау, шығармашылығын шыңдау үшін бірқатар тың бастамалар мен жобалар жүзеге асырылуда. Жыл сайын тұрақты түрде кемінде 1 мәрте республикалық аламан айтыс өткізу жолға қойылмақ. 29 маусымда «Айтыс олимпиадасы» атты облыстық жасөспірімдер айтысы өткізіледі. Алғаш рет туы көтерілгелі тұрған бұл жоба Қаңлы Жүсіп пен үш дүркін «Алтын домбыра» иегері, жерлесіміз Мұхтар Ниязовтың жас ізбасарларын табу мақсатында ұйымдастырылуда.Бүгінгі айтыстың қазылар алқасының құрамында төрағалық еткен ҚР Мемлекеттік сыйлығының лауреаты, Қазақстанның еңбек сіңірген қайраткері, ТҮРКСОЙ Жазушылар одағының төрағасы Ұлықбек Есдәулет, Қорқыт Ата атындағы Қызылорда университетінің профессоры, А.Байтұрсынов атындағы Алтын медаль иегері Ғабит Тұяқбаев, ақын, Қазақстан Жазушылар одағының мүшесі Елубай Әуезов, айтыскер ақындар Бекарыс Шойбеков және Мамыр Байдәулетов бар. Сайысты Қазақстанның еңбек сіңірген қайраткері, республикалық және халықаралық ақындар айтысының жеңімпазы Аманжол Әлтаев жүргізуде.Айтыс нәтижесінде бас жүлде шымкенттік ақын Нұрлан Есенқұловқа бұйырды. Бірінші орынды жерлесіміз Мұхтар Ниязов алса, екінші орын шиелілік айтыскер ақын Иранғайып Күзенбаевқа берілді. Ал, үшінші орынды қызылордалық Нұрмат Мансұров пен аралдық Бексұлтан Орынбасаров өзара бөлісті. Мұнан бөлек, павлордарлық Жігер Бөкенге, өскемендік Серік Қуанғанға, қармақшылық Сырым Әділбековке, алматылық Нұрзат Қаруға және шиелілік Ержігіт Бекжанға ынталандыру сыйлықтары табысталды.<figure class="image"><img src="https://knadmin.beoblood.kz/uploads/356649942_567659735555275_648579330792488701_n_9d68cfdacd.jpg" alt="356649942_567659735555275_648579330792488701_n.jpg"></figure>&nbsp;<figure class="image"><img src="https://knadmin.beoblood.kz/uploads/356812037_567659305555318_4808409413148043528_n_f90d859547.jpg" alt="356812037_567659305555318_4808409413148043528_n.jpg"></figure>&nbsp;<figure class="image"><img src="https://knadmin.beoblood.kz/uploads/356389780_567659405555308_5274754123381823750_n_d4f484253f.jpg" alt="356389780_567659405555308_5274754123381823750_n.jpg"></figure>

Қызылордада «Қара өлеңнің шебері – Қаңлы Жүсіп» атты республикалық ақындар айтысы өтті

<a href="https://kyzylorda-news.kz/ru">Kyzylorda-news.kz.</a> Адам өмірінде екі нәрсені бағалау керек. Ол – Алланың берген өмірі мен денсаулығы. Бақытты ғұмыр кешу денсаулыққа байланысты. Сондықтан «Денсаулықтың қадірін ауыр-ғанда білерсің» деп халық бекер айтпаған.Бізің бүгінгі кейіпкеріміз – денсаулық сақшысы, мамандығын сүйікті ісіне арнаған ақ халатты абзал жан Салтанат Рүстембекқызы. Дәрігер Салтанат Рүстембекқызы аудандағы қыз-келіншектердің нағыз жанашыр досына айналғанына біршама жыл болды. Акушер-гинеколог ретінде өзінің дәрігерлік кеңесін беруден жалықпайтын Салтанатпен мереке қарсаңында әңгімелесудің сәті түсті.Акушер-гинеколог, ана денсаулығын жіті &nbsp;қадағалап, әйел адамның саулығын арттыру үшін күні-түні қызмет атқаратын маман иесі. Жүктілікті жоспарлап, әйелдің босанғанға дейінгі ахуалы мен күтімі дәл осы абзал жандардың &nbsp;жауапкершілігіндегі шаруа.&nbsp; Әр ісіне осындай жауапкелшілікпен қарайтын маман иесі – Салтанат Рүстембек. Ол 1992 жылы Қызылорда облысы, Қармақшы ауданында дүниеге келіп, 1998-2007ж аралығында дарынды балалар мектебінде оқыған. 2005 жылы Сырдария ауданына қоныс аударып, № 210 О.Абдулпаттаев &nbsp;атындағы қазақ орта мектебіне оқуға қабылданып, &nbsp;2009 жылы бітірген. 2009-2016 жж БҚМУ акушерия гинекология саласы бойынша білім алып, 2016-2019 жж осы мамандық бойынша резидентураны жалғастырған. Сонымен бірге 2019 жылы Сырдария аудандық ауруханасының Шаған елді мекенінде аймақтық акушер-гинеколог қызметін атқарған. 2020 жылы &nbsp;«Перзентхана» бөлімішене акушер-гинеколог, және «Гинекология» бөлімшесінің меңгерушісі қызметіне алмасып, қазіргі уақытта қызметін абыроймен атқаруда. Негізінен, «Жатыр мойны патологиясы», «Интимді эстетикалық гинекология» тақырыбында білімін жетілдірген. 2021 жылдан &nbsp;бері Қалалық көпбейінді аурухананың гинекология бөлімінде кезекші дәрігері болып қызметін атқаруда.<blockquote>– Дәрігер – кең ұғым, қастерлі мамандық. Ауырған сәтте адам жанына араша, кісі денсаулығы үшін жауапты болатын жандардың атқаратын жұмысы да ауқымды. Саланың қызығынан шыжығы көп десек те, дәрігерлікті жан қалауымен таңдаған жан үшін адамдарды емдеу ісі қуаныш сыйлары анық. Шын мәнінде, аудан әйелдерімен сырласып, денсаулығына жеті көңіл бөлуді назарына саламыз. Шын мәнінде, ана мен бала бала денсаулығына аса күтім керек. Сондықтан аналарға барлық жасаймыз, – дейді білікті дәрігер.&nbsp;</blockquote>Қызмет пен отбасын қатар алып жүрген ақ халатты абзал жанды төл мерекесімен құттықтаймыз! Адам өміріне арашашы абзал жанды төл мерекемен құттықтай отырып, отбасына амандық, деніне саулық, кәсіби біліктіліктеріңіздің арқасында биік асулардан көріне беріңіз деген тілегімізді білдіреміз. &nbsp;

Қазақстан және Қызылорда облысының жаңалықтары