<a href="https://kyzylorda-news.kz/">Kyzylorda-news.kz.</a> Қызылорда облыстық прокуратурасында студенттерге арналған «Ашық есік күні» өтті. Қорқыт ата атындағы Қызылорда &nbsp;университетінің құқықтану кафедрасының &nbsp;3-4 курс студенттерін прокуратура органының құрметті ардагері, қазіргі таңда &nbsp;осы университеттің құқықтану кафедрасының &nbsp;«Прокурорлық қадағалау» пәнінің оқытушысы Ш.Дарбаев бастап келді.Прокуратура ғимаратына алғаш рет келген студенттер құзырлы органның қызметімен танысып, &nbsp;мұражайын аралап, естелік фото суретке түсті.&nbsp;Студенттермен кездесуде &nbsp;облыстық прокуратураның басқарма аға прокуроры М.Әлиева &nbsp;мұражайдағы барлық жәдігерлерге арнайы тоқтап, барлығын жан-жақты түсіндіріп, көрсетті.Прокуратура мұражайының ашылуына 2013 жылы облыс прокуроры болған &nbsp;С.Нұрпейісовтың атқарған еңбегі зор.&nbsp; Сол уақытта Республиканың тұнғыш дербес прокуроры Сүлеймен Есқараевтың 115 жылдық мерейтойын атап өтуге арналған іс шаралар өтті.&nbsp;Облыстық прокуратура ғимаратында С.Есқараевқа арналған ескерткіш-бюст орнатылды, мұражай &nbsp;ашылды. «Сүлеймен Есқараев: Тәуелсіз Қазақстан прокуратурасының қалыптасуы мен дамуы» атты ғылыми-танымдық үлкен конференция өтті.С.Есқараевтың өміржолына арналған «Тарланбоз» кітабының және &nbsp;«Сүлеймен Есқараев» атты деректі фильмнің тұсауы кесілді. Студенттерге осының барлығы мұқият түсіндірілді. &nbsp;Мұражайда Қызылорда облысы прокуроры қызметін атқарған &nbsp;тұлғалардың фотосын көрсете отырып, олардың атқарған кезеңдегі жұмыстарына, сақтауда тұрған ұлы тұлғалардың құнды заттарына, фото, бейне жазбалары да көрсетілді.&nbsp;Сонымен қатар, прокуратура органдарына жұмысқа қабылданатын үміткерлер үшін алғашқы кәсіптік даярлыққа іріктеудің тәртібі, &nbsp;атқаратын қызметтің жалпы функционалдық міндеттері, қажетті құжаттарды тапсыру жайы түсіндірілді.&nbsp;Облыстық прокуратурамен ұйымдастырылған «Ашық есік күні» шарасына 50-ге жуық студент қатысты және олар өздерін қызықтырған барлық сұрақтарына жауап алды.&nbsp;<figure class="image"><img src="https://knadmin.beoblood.kz/uploads/953358d3_7014_4d4d_927b_a411de6e0d33_4c732a1ce8.jpg" alt="953358d3-7014-4d4d-927b-a411de6e0d33.jpg"></figure>&nbsp;<figure class="image"><img src="https://knadmin.beoblood.kz/uploads/7ac256d1_c7fb_45cb_8194_86cc9c445535_36addfc1e2.jpg" alt="7ac256d1-c7fb-45cb-8194-86cc9c445535.jpg"></figure>

Прокуратурада студенттерге арналған «Ашық есік күні» өтті

<a href="https://kyzylorda-news.kz/">Kyzylorda-news.kz.</a> Қызылордадағы отбасы үлгісіндегі «Атамекен» балалар ауылы жетім және ата-ананың қамқорлығынсыз қалған балаларға сапалы біліммен қатар саналы тәрбие беруге бағытталған мекеме. Балалар ауылында түрлі ұлт өкілдерінің балалары тәрбиеленуде, олар орыс тілімен қатар қазақ тілін де жетік меңгерген.&nbsp;Балалар ауылы өз жұмысын 2015 жылы 1 маусымда бастаған. Содан бері 72 түлек түлеп ұшты. Түлектердің өмірін жоспарлау мен жұмыспен қамту бойынша жасалынған жұмыстардың нәтижесінде 20 бала жоғарғы оқу орнымен қамтылған. &nbsp;Ал, 52 бала орта арнаулы оқу орнына түскен. Бұл шаңырақта түлеп ұшқан 44 тәрбиеленуші тұрғын үйге ие болды. Сонымен қатар 20 жас шаңырақ көтерді.&nbsp;<blockquote>««Атамекен» балалар ауылында негізгі 5 міндет бойынша жұмыс жүргізіледі. Жетім балалар мен ата-анасының қамқорлығынсыз қалған балаларды отбасыларға орналастыру. Балалар ауылының тәрбиелік қызметін актуализациялау және білім беру. Тәрбиеленушілердің өмірін жоспарлау және жұмыспен қамту. Тәрбиеленушілердің құқықтары мен мүдделерін қорғау, &nbsp;тәрбиеленушілерді әлеуметтік қорғауды, медициналық, психологиялық, психологиялық-педагогикалық жағынан оңалдыруды, балалар денсаулығын сақтау мен нығайтуды қамтамасыз ету. Жеке тұлғаның ақыл-ой, эмоциялық және денелік дамуына себеп болатын үй жағдайларына жақындатылған &nbsp;қолайлы жағдайлар жасау», - дейді балалар ауылының директоры Лиза Скакова.&nbsp;</blockquote>Қазіргі таңда өмірден өз орнын тапқан түлектердің көпшілігі ата-аналарын қолдарына алып, бір дастарқан басында жиналған ұйымшыл отбасы болып отыр. &nbsp;Бүгінде «Атамекен» отбасы үлгісіндегі балалар ауылында 3 жастан 18 жас аралығындағы 47 бала тәрбиеленуде.&nbsp;<blockquote>«Атамекен балалар ауылында үздіксіз жүргізілетін жұмыстың бірі-тәрбиеленушілерді отбасына орналастыру. 2015-2023 жылдары 36 тәрбиеленуші отбасына қосылды. Олардың 8-і өз ата-анасына қайтарылды, патронаттық тәрбиеге 10 бала берілді. &nbsp;Ал, қорғаншы болып белгіленген ата-анаға берілген тәрбиеленушілер саны – 18» - деді Лиза Ноғайқызы. &nbsp;</blockquote>Мұндағы қызметкерлер балаларға тәрбие беріп, олардың өмірде өз жолдарын табуға, нық қадаммен үлкен жетістіктерге жетуге бағыттауда өз үлесін қосып, аянбай тер төгіп жатыр. Балдырғандарға білім беріп қана қоймай, жақсы қасиеттерді бойларына дарытып, адамгершілік рухта бағыт-бағдар беріп, өнерде де, спортта да бірқатар жетістікке жетулеріне үлес қосуда.&nbsp;

Лиза Скакова: «Атамекен» балалар ауылында негізгі 5 міндет бойынша жұмыс жүргізіледі

<a href="https://kyzylorda-news.kz/">Kyzylorda-news.kz.</a>&nbsp;Қазақстанның басым бөлігі бұрынғыдай циклон ықпалында болып, елде жаңбыр мен қар түріндегі жауын-шашын түседі: 23 қарашада оңтүстік, оңтүстік-шығыста, 23-24 қараша күндері солтүстік-батыста, ал 24 қарашада – республиканың солтүстігінде қатты жауын-шашын (жаңбыр, қар) жауады.<a href="https://kaz.inform.kz/">&nbsp;</a>«Қазгидромет» РМК мәліметінше, 25 қарашада елдің оңтүстік, оңтүстік-шығысында және орталығында күн райы біртіндеп жақсарып, жауын-шашын жаумайды.Алдағы күндері республика бойынша жел жылдамдығының 15-28 м/с дейін күшейетіні болжанып отыр. 23 қарашада елдің солтүстігінде, солтүстік-батысында, 23-24 қараша күндері оңтүстік және оңтүстік-шығыста жел жылдамдығы 30 м/с және одан көп болуы ықтимал. Солтүстікте бұрқасын, көктайғақ болады.Елдің батысында ауа температурасы түнде -15° - +2°-тан -8°- +8°-қа дейін жоғарылайды. Елдің солтүстік-батысында, солтүстігінде, орталығында ауа температурасының түнде - 3-15 °-қа дейін төмендейтіні болжанып отыр. Республиканың оңтүстігінде және оңтүстік-шығысында ауа температурасы түнде -6°- +5°-қа дейін, ал шығыста -10°-+3° аралығында төмендейді.

Алдағы күндері еліміздің басым бөлігінде жауын жауады 

<a href="https://kyzylorda-news.kz/">Kyzylorda-news.kz.</a>&nbsp; Қазалы ауданының әкімі Мұхтар Оразбаев Көларық пен Арықбалық ауылдық округінің халқымен кездесіп, талап-тілектерін тыңдады, деп хабарлайды аудан әкімінің баспасөз қызметі.&nbsp;Ең әуелі Ақтан батыр ауылына ат басын бұрған аудан басшысы бірер жылдан соң ауданға жақын орналасқан ауылдардың бірі болып саналатын бұл округте газ құрылысы басталатынын сүйіншілетті. Сонымен қатар Қазалы ауданының 95 жылдық мерейтойы аясында ауданның әлеуметтік-экономикалық дамуына үлес қосқан бірқатар жандарға 95 жылдықтың арнайы төсбелгісін табыс етті.Мұнымен қоса жыл басынан бергі ел ішінде жүрген жұмыстардан хабар беріп, алдағы жоспарлармен де бөлісті.Ауылдық клубтың фойесінде өткен кездесу тұрғындардың ұсыныс-пікіріне ұласып, бірқатар мәселелер көтерілді. Мұхтар Әуесұлы барлық айтылған түйткілдер назарда екенін жеткізіп, шешілу жолында тиісті жұмыстар жүретінін айтты.Кезекті кездесуі Арықбалық ауылдық округінде жалғасын тапты. Сөз басын Қызылорда қаласының 85 жылдығы және Қазалы ауданының 95 жылдығымен құттықтап бастаған аудан басшысы алдағы жылы келе жатқан Жанқожа бабаның 250 жылдығына ауызбіршілік таныту қажеттігіне тоқталды.<blockquote>«Өздеріңізге белгілі, алдымызда ауқымды шаруалар күтіп тұр. Соның бірі – батыр бабамыздың 250 жылдық мерейтойы. Бұған қатысты жоспарларымыз аз емес. Сондықтан сол сәтті бірге көруді жазсын.Оның үстіне қазір округте ауқымды жұмыс жүріп жатыр. Ол – «Жайлы мектеп» ұлттық жобасының құрылысы. Мұнда да барлығын өздеріңіз назардан тыс қалдырмауларыңыз қажет. Сол секілді жыл басынан бері ауданда атқарылып жатқан жұмыстарға Өздеріңіз куә болып жүрсіздер. Оны әрбір кездесу сайын айтып жүрмін», – деген Мұхтар Әуесұлы елді мекенге кіре берістегі жолмен ауыр жүк көліктері жүрмеу қажеттігін ескертіп, аудандық полиция бөлімі қызметкерлеріне қатаң тапсырма жүктеді.</blockquote>Мұнан соң жиналған жұртшылық тарапынан ұсыныстар айтылды. Оның ішінде елді мекенде шетіндегі бос жерді қоршап, сексеуіл отырғызу және полиция көлігі қажет екені көтерілді.Аудан әкімі қойылған сауалдарға жеке-жеке тоқталып, жауапты сала басшыларына тиісті тапсырмалар берді. Жиын соңында ауданымыздың әлеуметтік-экономикалық дамуына елеулі үлес қосқан тұрғындарға Қазалы ауданының 95 жылдығына арналған төсбелгілер табысталды.Айта кетейік, Мұхтар Әуесұлы кездесуден соң бірнеше ауыл тұрғынын жеке қабылдап, мұң-мұқтаждарына құлақ түрді. Сондай-ақ, қазіргі күні құрылысы қарқынды жүріп жатқан «Жайлы мектеп» ұлттық жобасының жұмысымен танысып, бірінші кезекте сапаға мән беру керектігін ескертті.<img src="https://knadmin.beoblood.kz/uploads/404911440_3789392941281625_6062932252936075369_n_4d546b0aa3.jpg" alt="404911440_3789392941281625_6062932252936075369_n.jpg"><img src="https://knadmin.beoblood.kz/uploads/404454026_3789393507948235_639259716808469599_n_3bcc5af443.jpg" alt="404454026_3789393507948235_639259716808469599_n.jpg"><img src="https://knadmin.beoblood.kz/uploads/404459666_3789393301281589_6169142797919152436_n_0d6680457c.jpg" alt="404459666_3789393301281589_6169142797919152436_n.jpg"><img src="https://knadmin.beoblood.kz/uploads/404549284_3789392961281623_4709048571846720253_n_6d4bc76862.jpg" alt="404549284_3789392961281623_4709048571846720253_n.jpg">

Мұхтар Оразбаев ауыл тұрғындарымен кездесті

Фото: Ақорда<a href="https://kyzylorda-news.kz/">Kyzylorda-news.kz.</a>&nbsp; Қазақстан 2023-2027 жылдарға Дүниежүзілік мұралар комитетінің мүшесі болып сайланды. Бұл туралы Мемлекеттік кеңесші Ерлан Қарин мәлімдеді, деп хабарлайды <a href="https://kaz.inform.kz/">Kazinform</a>.&nbsp;<blockquote>«Парижден жағымды жаңалық жетті.ЮНЕСКО Бас конференциясы жұмысының соңғы күні Қазақстан 2023-2027 жылдарға Дүниежүзілік мұралар комитетінің мүшесі болып сайланды.Құрамына 21 мемлекет кіретін Дүниежүзілік мұралар комитеті ─ ЮНЕСКО-ның аса маңызды әрі беделді басқарушы органы. Бұл комитеттің нысандарды Дүниежүзілік мұралар тізіміне енгізуге және алып тастауға айрықша құқығы бар»,&nbsp;— делінген жазбада.&nbsp;</blockquote>Мемлекеттік кеңесшінің дерегінше, Қазақстанның кандидатурасын 118 мемлекет қолдаған.Еліміздің Дүниежүзілік мұралар комитетіне мүше болып сайлануы бірегей мәдени және табиғи мұраларамызды сақтауға қатысты белсенді жұмысымызды халықаралық қауымдастықтың мойындайтынын көрсетеді.Сондай-ақ бұған дейін ЮНЕСКО-ның Алматыдағы кеңсесіне Орталық Азия мемлекеттерінен бөлек Ауғанстан, Пәкістан және Иран мемлекеттерін қамтитын Көпсекторлы аймақтық кеңсе (Бюро) мәртебесін беру туралы шешім қабылданған болатын.

Қазақстан Дүниежүзілік мұралар комитетінің мүшесі болып сайланды

<a href="https://kyzylorda-news.kz/">Kyzylorda-news.kz.</a> Ауыл шаруашылығындағы егін саласы бойынша Қызылорда облысында атқарылған жұмыстармен танысу мақсатында өңірлік коммуникациялар қызметінің ұйымдастыруымен баспасөз туры өткізілді.Биыл Қызылорда облысында ауыл шаруашылығын қолдауға 18,5 миллиард теңге қаржы бөлінді. Оның ішінде субсидиялауға 14 миллиард теңге игерілді. Мемлекеттік қолдаудың нәтижесінде биыл 10 айлық көрсеткіш ішінде ауыл шаруашылығы саласында 202,9 миллиард теңгенің өнімі өндіріліп, өсім көрсеткіші 2,6%-ға артты. Ал, тамақ өнімдерін өңдеу көлемі 87,3 миллиард теңгені құрап, өткен жылдың сәйкесті кезеңімен салтырғанда 100 пайызды құрады.&nbsp;<blockquote>Биыл облыс бойынша 193,4 мың гектарға ауыл шаруашылығы дақылдары егілді. Негізгі дақыл күрiштің көлемі 89 мың гектар құрады. Жалпы, дақылдардың егіс көлемдері өткен жылмен салыстырғанда 4,8 мың гектарға ұлғайды. Облыста егіс көлемдерін әртараптандыру бағытында да жүйелі жұмыстар жүргізіп келеді. Мәселен, дән жүгері 1,2 мың гектарға, сүрлем жүгері 1,4 мың гектарға, күнбағыс 179 гектарға, соя 64 гектарға, қант құмайы 195 гектарға, қант қызылшасы 5 гектарға егілді.Сонымен қатар, егіншілердің басты мәселесі су тапшылығы. Осы су үнемдеу технологиясын қолдану арқылы барлығы 872,5 гектар жерге ауыл шаруашылығы дақылдары егілді. Тамшылатып суару 577,5 га, жаңбырлатып суару әдістерін қолдану арқылы 295 га орналастырылды, - деді облыстық ауыл шаруашылығы және жер қатынастары Талғат Дүйсебаев.</blockquote>Әрі қарай Сыр өңірінде күріш кәсібін дөңгелетіп, бүкіл елді қамтуға үлес қосып отырған Абай-Дәулет ЖШС-нің жұмысымен баспасөз өкілдері танысты.<figure class="image"><img src="https://knadmin.beoblood.kz/uploads/403849440_1899330160462487_5641155439579159264_n_5f324fc51b.jpg" alt="403849440_1899330160462487_5641155439579159264_n.jpg"></figure>

Биыл 193,4 мың гектар жерге ауыл шаруашылығы дақылдары егілді

<a href="https://kyzylorda-news.kz/">Kyzylorda-news.kz.</a> Талаптыға нұр жауар. Қазақстан ауқымды реформалар табалдырығында тұр. Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауында қазақстандықтардың өмір сүру сапасын арттыруға бағытталған бірқатар шараларды атап өтті. Осылайша, азаматтардың табысын арттыру мақсатында 2024 жылдың 1 қаңтарынан бастап ең төменгі жалақыны 85 мың теңгеге дейін көтеруді тапсырды. Бұл шара бюджеттік ұйымдар қызметкерлерінің әл-ауқатына оң әсер етеді.&nbsp;2021-2023 жылдар аралығында еліміздің мемлекеттік медициналық мекемелеріндегі 6 мыңға жуық медицина қызметкерлерінің жалақысы жыл сайын өсті, дәрігерлердің жалақысы 30%-ға, орта медицина қызметкерлерінікі 20%-ға. Сондай-ақ, Мемлекет басшысының тапсырмасы бойынша резидентурадағы гранттар саны 70%-ға ұлғайды. Ауыл медицинасын жақсартуға қаражат бөлініп, жаңа ауруханалар салынатыны атап өтілді.&nbsp;Бүгінде денсаулық сақтау саласында ауқымды жұмыстар атқарылуда. Біз міндетті әлеуметтік медициналық сақтандыру жүйесінің тиімділігін арттыруымыз керек. Азаматтар медициналық қызметтердің сапасы мен қолжетімділігінің жақсарғанын сезініп, көруі керек.Жалпы, елімізде атқарылып жатқан бірқатар шаралардың нәтижесінде халық сұранысына ие дәрі-дәрмек пен медициналық мақсаттағы бұйымдардың өндірісі ұлғаймақ, ал оларды тіркеу, сараптау және баға белгілеу ашық болмақ.Еліміз бен азаматтарымызға қатысты көптеген маңызды және өзекті тақырыптар қозғалды. Мемлекет басшысы еліміздің әрбір азаматы Әділ Қазақстанды құруға жауапты екенін атап өтті: «Шын мәнінде, адалдық жоқ жерде ешқашан әділдік болмайды. Әрбір адам ісі мен сөзі бір жерден шығатын Адал азамат болса, әділдік орнайтыны сөзсіз».Бақыт Торғайбайұлы Исмаханбетов, Әлеуметтік медициналық сақтандыру қорының&nbsp; Қызылорда облысы бойынша филиалының директоры&nbsp; &nbsp;

Жолдауда медициналық сапаны жақсарту бойынша нақты міндеттер қойылды

<a href="https://kyzylorda-news.kz/">Kyzylorda-news.kz.</a> Дүниежүзілік балалар күні қарсаңында елімізде республикалық акция басталған болатын. Мақсат – балалардың құқықтарын қорғай отырып, тиісті деңгейдегі қажетті шараларды қабылдау.Онкүндік науқанда облыстық білім басқармасының іс-шара жоспарына сәйкес білім беру ұйымдарында кездесулер, байқаулар, спорттық жарыстар, қайырымдылық шаралар ұйымдастырылуда.Ал кеше «Атамекен» отбасы үлгісіндегі балалар ауылында «Балалық шақты бірге қорғайық» тақырыбында құқық қорғау органдары, медициналық мекемелер, жұмыспен қамту орталықтары өкілдерінің қатысуымен кездесу өтті.Іс-шараға басқарма басшысы Асқарбек Темірбекұлы арнайы барып, балалармен бірге мерекелік кештің куәсі болды.Қонақтар әр отбасының тыныс-тіршілігімен танысып, «Тілек кітабына» ізгі лебіздерін жазып, қолтаңбаларын қалдырды. Сондай-ақ балалардың қолөнер бұйымдарынан жәрмеңке, сурет көрмесі ұйымдастырылды. Мерекемен құттықтаған қонақтар балаларға сыйлықтар үлестіріп, концерттік бағдарламаны тамашалады.<blockquote>«Отбасы үлгісіндегі «Атамекен» балалар ауылы жетім және ата-ананың қамқорлығынсыз қалған балаларға сапалы біліммен қатар саналы тәрбие беруге бағытталған мекеме. Балалар ауылында түрлі ұлт өкілдерінің балалары тәрбиеленуде, олар орыс тілімен қатар қазақ тілін де жетік меңгерген. Балалар ауылы өз жұмысын 2015 жылы 1 маусымда бастаған болатын. Қазіргі таңда «Атамекен» отбасы үлгісіндегі балалар ауылында 3 жастан 18 жас аралығындағы 47 бала тәрбиеленуде. Балаларға тәрбие беріп, олардың өмірде өз жолдарын табуға, нық қадаммен үлкен жетістіктерге жетуге бағыттауда өз үлесімізді қосамыз деген тілекпен қызмет жасап келеміз», - дейді «Атамекен» отбасы үлгісіндегі балалар ауылының директоры Лиза Скакова.</blockquote><figure class="image"><img src="https://knadmin.beoblood.kz/uploads/403052162_122109830168107916_38470823821057209_n_bc6be9795d.jpg" alt="403052162_122109830168107916_38470823821057209_n.jpg"></figure>&nbsp;<figure class="image"><img src="https://knadmin.beoblood.kz/uploads/403206936_122109830318107916_2680709670479350254_n_cd03060511.jpg" alt="403206936_122109830318107916_2680709670479350254_n.jpg"></figure>&nbsp;<figure class="image"><img src="https://knadmin.beoblood.kz/uploads/403048729_122109830390107916_7685325651608013884_n_ada258aa94.jpg" alt="403048729_122109830390107916_7685325651608013884_n.jpg"></figure>&nbsp;<figure class="image"><img src="https://knadmin.beoblood.kz/uploads/402983243_122109830438107916_2476068910325295334_n_c6b21a2df2.jpg" alt="402983243_122109830438107916_2476068910325295334_n.jpg"></figure>

«Атамекен» отбасы үлгісіндегі балалар ауылында 47 тәрбиеленуші бар

<a href="https://kyzylorda-news.kz/">Kyzylorda-news.kz.</a>&nbsp;Синоптиктер 2023 жылы 23 қарашада Қазақстанда ауа райы қандай болатынын айтты."Қазгидромет" РМК ақпараты бойынша, еліміздің басым бөлігіне Оңтүстік Каспий циклоны және онымен байланысты атмосфералық бөліктер әсер етеді. Синоптиктердің болжамы бойынша, жаңбыр, қар жауады деп күтіледі.<blockquote>"Қазақстанның солтүстік-батысында, оңтүстік-батысында, оңтүстік және оңтүстік-шығысындағы таулы аймақтарда қатты жауын-шашын (жаңбыр, қар) болады", - дейді синоптиктер.</blockquote>Қазақстан бойынша тұман, көктайғақ болады, жел екпін алады, солтүстік өңірлерде боран соғады деп болжанады.&nbsp;

23 қарашаға арналған ауа райы болжамы

Фото: ашық дереккөзKyzylorda-news.kz. Бүгін Арал ауданы әкімдігінің мәжіліс залында аудан басшысы Серік Сермағамбетовтың төрағалығымен «Аралтұз» акционерлік қоғамының кәсіпорын жұмысшыларымен жалақыларына байланысты қалыптасқан мәселе туралы отырыс өткізілді.Жиынға «Аралтұз» АҚ өкілдері, аудан әкімінің орынбасарлары, кәсіподақ төрағалары, құқық қорғау органдарының және дербес бөлім басшылары мен кент әкімі қатысты.Аудан әкімі кәсіпорын жұмысшыларының қазан айындағы жалақысының төленбегендігінен орын алған мәселенің бүгінде қалыпты жағдайға айналғанына қатаң ескерту жасап, шұғыл шаралар қабылдау туралы тапсырма берді.<blockquote>«Өздеріңізге белгілі, үстіміздегі жылдың 20 қарашысында кәсіпорын қызметкерлері зауыттың жұмысын тоқтатты. Бұған дейін де,бірнеше рет «Аралтұз» АҚ-ның жұмысшылары тарапынан жалақыға байланысты түрлі мәселелер көтеріліп келеді. Аудандық әлеуметтік әріптестік және әлеуметтік пен еңбек қатынастарын реттеу жөніндегі үш жақты комиссия отырысында «Аралтұз» АҚ тарапынан үстіміздегі жылы зауыттың жұмысшы-қызметкерлерінің міндетті әлеуметтік сақтандыру төлемдерін аудармауына байланысты мәселе қаралған болатын. Бұдан шығар ешбір мардымды нәтиже жоқ. Қалыптасқан жағдай әлі сол күйінде қалып отыр. Қаншама отбасы осы жалақымен өзінің жанұясын асырап келеді. Жасалған еңбектің өтеуі міндетті түрде болуы тиіс» - деді.</blockquote>Ұжымдағы ахуалға байланысты «Аралтұз» АҚ-ның зауыт директоры А. Жакпаров туындаған мәселенің мән-жайын түсіндіріп, атқарылған жұмыстарды баяндады.Өз кезегінде аудан басшысы кәсіпорын басшылығына қараша, желтоқсан айларының жалақысының уақытылы өтелуін қамтамасыз етуді тапсырды.Сондай-ақ, зауыттың жұмысшы-қызметкерлерінің міндетті әлеуметтік сақтандыру төлемдерінің уақытылы берілуін үйлестіру жүктелді.Бұдан бөлек, аудандағы құқық қорғау органдарының басшылары өз ұсыныстарын айтып, зауыт директорына тиісті талап – тілектерін жеткізді.<img src="https://knadmin.beoblood.kz/uploads/IMG_20231122_WA_0007_302a77c9a7.jpg" alt="IMG-20231122-WA0007.jpg"><img src="https://knadmin.beoblood.kz/uploads/IMG_20231122_WA_0006_2b9d26183d.jpg" alt="IMG-20231122-WA0006.jpg">

Жалақы алмаған «Аралтұз» кәсіпорнының қызметкерлері зауыттың жұмысын тоқтатқан

<a href="https://kyzylorda-news.kz/">Kyzylorda-news.kz.</a> Қызылорда облысы ПД Есірткі қылмысына қарсы іс-қимыл басқармасы жалпы білім беретін, арнаулы орта оқу орындары арасында нашақорлық проблемасына қатысты әлеуметтік зерттеулер жүргізуге байқау ұйымдастырды.Байқаудың негізгі міндеті облыс халқының нашақорлық проблемасына қатынасын анықтау болды. Байқауға 24 оқу орны қатысты. Олардың әрқайсысы нашақорлық пен есірткі бизнесіне қатысты сауалнама жүргізді.&nbsp;Байқау комиссияның шешіміне сәйкес Жалағаш ауданының №№123,201 мектеп – лицейлері, Шиелі ауданының №№49,127 орта мектептері, Қызылорда қаласының №271 орта мектебі, Арал ауданының №№262,73 мектеп-гимназиясы мен орта мектебі және Қармақшы ауданының №№183,85 орта мектептері жеңімпаз деп танылды.<figure class="image"><img src="https://knadmin.beoblood.kz/uploads/DVD_3_6b1b859a80.jpg" alt="ДВД3.jpg"></figure>

Әлеуметтік зерттеулер байқауының жеңімпаздары жарияланды

Фото: den-der.kz<a href="https://kyzylorda-news.kz/">Kyzylorda-news.kz.</a>&nbsp; «Міндетті әлеуметтік медициналық сақтандыру туралы» Заңның 26-бабына сәйкес жұмыс істемейтін жүкті әйелдер, баланы (балаларды) үш жасқа толғанға дейін тәрбиелеп отырған жұмыс істемейтін адам (баланың заңды өкілдерінің бірі) МӘМС жарналарын мемлекет төлейтін азаматтардың жеңілдетілген санатына кіреді. Бұл тұлғалар мемлекет есебінен сақтандырылған және МӘМС пакетінде көрсетілетін медициналық қызметтерге қол жеткізе алады.&nbsp;Алайда, кейде азаматтардың бұл санаттары сақтандырылмаған болып шығады. Өзекті сұрақтарға Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.Жүкті әйел жұмыс істемесе, МӘМС жарнасын төлеу керек пе және қанша төлейді? Бала туылғаннан кейін қалай болады?&nbsp;Егер жүкті әйел жұмыс істемесе және бірыңғай жиынтық төлемді (БЖТ) төлемесе, онда ол МӘМС жарналарын мемлекет төлейтін азаматтардың жеңілдікті санатына кіре алады. Ол үшін тіркелген жері бойынша өз емханасына жүгініп, жүктілігі бойынша есепке тұруы қажет.&nbsp; Егер әйелдің МӘМС мәртебесі «сақтандырылмаған» болса, онда ол аймақтық дәрігер мен акушер арқылы есепке тұра алады. Босанғаннан кейін бұл әйел үш жасқа дейінгі балаларды тәрбиелеп отырған жұмыс істемейтіндер үшін басқа жеңілдікті санатқа кіреді және де мемлекет есебінен сақтандырылатын болады.Егер жұмыс істемейтін жүкті әйел жеңілдікті мәртебе бергеннен кейін БЖТ төлеген болса, онда ол қайтадан жеңілдікті мәртебеге қалай ие болады?Шұғыл жоспарлы медициналық көмек қажет болған жағдайда дербес төлеуші ретінде өткізіп алған айлар үшін МӘМС жарнасын төлеу қажет (2023 жылы – 3500 теңге). Немесе жеңілдік мәртебесін алу үшін 2 ай күту керек. Содан кейін МӘМС жүйесіндегі жеңілдік мәртебесі міндетті зейнетақы жарналары мен әлеуметтік аударымдар төленген күннен бастап 2 айдан кейін автоматты түрде беріледі.Егер жұмыс істемейтін жүкті әйел ресми жұмысқа шыққысы келсе, МӘМС жүйесіндегі мәртебе өзгере ме?Бұл жеңілдік санаты жұмыс істемейтін әйелдерге ғана беріледі. Егер сіз жұмыс жасасаңыз, МӘМС төлемдерін сіз үшін жұмыс беруші төлейді. Жұмыс берушілердің жұмыскерлер үшін аударымдары 3% - ы құрайды, аударымдардың ең жоғары сомасы 21 000 теңгеден аспауы тиіс. Бұл 10 айлық есептік көрсеткішінің 3% - і болып саналады. Сондай-ақ, сіздің жалақы деңгейіңіздің 2% мөлшерінде жарналар ұсталады. Жарнаның ең жоғары сомасы 14 000 теңгені құрайды. Бұл 10 айлық есептік көрсеткішінің 2% - і болып саналады.Декреттік демалыстағы әйел жеке кәсіпкер болса, МӘМС үшін төлем жасауы керек пе?&nbsp;Егер әйел жеке кәсіпкер болса, онда ол өзі үшін 4 900 теңге (2023 ж.) мөлшерінде белгіленген жарнаны төлейді. Бұл санаттағы әйелдер жеңілдік санатына кәсіпкерлік немесе еңбек қызметін жүзеге асырмайтын, табысы жоқ кезде кіреді.&nbsp; Егер жеке кәсіпкер жұмыс жасамаса (кірісі болмаса), онда салық органдарында кәсіпкерлігін тоқтата тұру үшін тиісті рәсімдерді жүргізу қажет.Өзбекстан азаматы, Қазақстанда тұруға ықтиярхаты жоқ, бірақ «Қандас» мәртебесі бар. Бұл науқасты емханаға тіркеп, жүкті әйелдердің регистріне қоса аламыз ба?&nbsp;Егер «Қандас» мәртебесін дәлелдейтін құжаттар болса, онда пациент кепілдендірілген медициналық көмек пен міндетті медициналық сақтандыру тізіміне енгізілген барлық медициналық қызметтерді (сақтандыру мәртебесі болған жағдайда) алуға құқылы. Алғашқы медициналық-санитарлық көмек көрсететін медициналық ұйымға тіркелуге құқылы. Жүктілікке тіркелуге және жеңілдік санатындағы «жұмыс істемейтін жүкті әйел» мәртебесіне жүгінуге құқылы (қажет болған жағдайда).&nbsp;

Қазақстан және Қызылорда облысының жаңалықтары