<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-министрі Әлихан Смайыловтың төрағалығымен өткен Үкімет мәжілісінде «Ауылдық денсаулық сақтауды жаңғырту» ұлттық жобасының жүзеге асырылу барысы қаралды.ҚР Денсаулық сақтау вице-министрі Жандос Бүркітбаев өңірлердегі нысандар құрылысы туралы баяндады. Облыс әкімдері атқарылған жұмыстар және алдағы уақытта салынатын нысандар жайлы хабарлама жасады.Қызылорда облысының әкімі Нұрлыбек Нәлібаев аймақта 2023 жылға жоспарланған құны 6,5 млрд. теңге болатын 15 дәрігерлік амбулатория құрылысы туралы айтты. Оның 12-сі 30 қарашада, 3-еуі 5 желтоқсанда халық игілігіне пайдалануға беріледі. Алдағы жылға жоспарланған 11 нысанның жоба-сметалық құжаттамасы әзірленіп, мемлекеттік сараптама қарауына жіберілген. Қорытындысы желтоқсан айында шығады.Үкімет отырысынан кейін аймақ басшысы арнайы мәжіліс өткізіп, облыс аумағында бой көтерген 15 дәрігерлік амбулаторияның жыл соңына дейін пайдалануға берілуін қамтамасыз ету қажеттігін атап өтті.<blockquote>«Үкімет басшысы ұлттық жобаны жүзеге асыруға қатысты бірқатар өзекті мәселелерді көтерді. Әсіресе, биыл салынған денсаулық сақтау нысандарының сапасы мен мерзімінде пайдалануға берілуін қатаң бақылауға алып, тиісті жұмыстарды жүйелі ұйымдастыруды тапсырды. Біз 15 дәрігерлік амбулаторияны жыл соңына дейін пайдалануға беруіміз керек. Осы аптада жауапты мердігер мекеме басшыларымен кездесіп, тиісті тапсырмалар жүктеген болатынбыз. Бұл тек құрылыс басқармасының ғана міндеті емес, аудан әкімдері де жұмысқа жұмылуы қажет. Ұлттық жоба аясында салынған барлық нысандар халыққа ыңғайлы, жайлы, ең бастысы, жан-жағының тазалығы, қасбеттері талапқа сай болуы тиіс», – деп ескертті аймақ басшысы.</blockquote>Нұрлыбек Машбекұлы құрылыс басқармасына ғимараттардың сапасын мұқият қадағалауды тапсырды. Атап айтқанда, жан-жағы талапқа сай абаттандырылуы, ауласына өңірдің климаттық жағдайына бейімделген ағаштар отырғызылуы қажет. Облыстық денсаулық сақтау басқармасы жаңа дәрігерлік амбулаторияларды тиісті медициналық құрал-жабдықтармен қамтамасыз етіп, олардың сапасына мән беруі керек.Еске салайық, Қызылорда облысында «Ауылдық денсаулық сақтауды жаңғырту» ұлттық жобасы аясында салынатын жалпы құны 11,0 млрд. теңгені құрайтын 27 нысан (24 дәрігерлік амбулатория, 2 фельдшерлік-акушерлік бекет, 1 медициналық бекет) тізімі Үкімет қаулысына енгізілген.<figure class="image"><img src="https://knadmin.beoblood.kz/uploads/404997279_647575610897020_4681304242901792323_n_be04c763ad.jpg" alt="404997279_647575610897020_4681304242901792323_n.jpg"></figure>

Ұлттық жобаны іске асыру барысы қаралды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Сырдарияның сол жағалауынан бой көтерген жаңа шағын ауданға қоныстанушылар күн санап артып келеді. Бүгін осындағы «Orda school» мектебі жанынан салынған үшінші оқу ғимараты балалар игілігіне пайдалануға берілді.Облыс әкімі Нұрлыбек Нәлібаев білім ордасының ұстаздары мен оқушыларын жайлы да жаңа ғимараттың ашылуымен құттықтады.<blockquote>«Алаш қайраткері, ақын Мағжан Жұмабаев «Қазақтың тағдыры, келешекте ел болуы да мектебінің қандай негізде құрылуына барып тіреледі. Мектебімізді таза, берік һәм өз жанымызға үйлесетін негізде құра білсек, келешегіміз үшін тынбай-ақ серттесуге болады» деген сөзі баланы оқыту үшін ең бірінші жайлы да заманауи мектептің керегін еске салады. Жерлесіміз, мемлекет және қоғам қайраткері Мұрат Бақтиярұлының бастамасымен 2017 жылы мемлекеттік-жекеменшік әріптестік аясында салынған «Orda school» бастауыш мектебі өңірдегі іргелі білім ошақтарының қатарына енді. Бұл салаға инвестиция салған кәсіпкерлер аз емес. Қазірдің өзінде облыстағы 30 жеке мектепте 12 мыңға жуық оқушы білім алуда. Балаларымыздың болашағы жарқын болсын. Санасы сергек, ойы ұшқыр, бәсекеге қабілетті шәкірттеріміз көбейсін!» – деді аймақ басшысы.</blockquote>Рәсімде облыс әкімі мектеп ұжымына ҚР Парламенті Сенатының төрағасы Мәулен Әшімбаевтің құттықтау хатын табыстады.Іс-шарада Мұрат Бақтиярұлы жерлестерін құттықтап, Білім беру ісінің үздігі Серікбай Қошқаров жиналғандарға ақ батасын берді.Облыс әкімі мектеп ғимаратын аралап көріп, конференц зал, робототехника кабинеті, кітапхана, асхана, спорт залдың жұмысымен танысты.Айта кетейік, алғаш ашылған жылы «Orda school» мектебінде 180 бала білім алса, бүгінгі күні оқушы саны 2100-ге жетті. Мұнда 214 педагог оқушыларға білім беруде. Жаңа ғимаратта оқу кабинеттері, шығармашылық бөлмелер талапқа сай жасақталған. Балалардың жан-жақты дамуы мен демалуына барлық жағдай қарастырылған.Биыл Қызылорда облысында 2 жаңа мектеп пайдалануға берілсе, жыл соңына дейін Қазалы ауданы Әйтеке би кентіндегі 250 орындық, Жаңақорған ауданы Май бекетіндегі 300 орындық оқу ордасының ашылуы жоспарлануда. Өткен аптада Шиелі ауданы Байсын ауылындағы 250 орындық мектептің жаңа ғимараты табысталды. Бұдан бөлек, Қызылорда қаласындағы 4 мектепке 1850 орындық қосымша ғимараттар салынды.Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 12 300 орынға лайықталған 21 мектеп салынуда. 10 мектептің құрылысы басталды, оның 5-еуі облыс орталығында. «Білімді қолдау қоры» есебінен 7,9 млрд. теңгеге дарынды балаларға арналған 400 орындық физика-математика бағытындағы мектеп-интернаттың құрылысы қарқынды жүргізілуде.Биыл «ҚазГерМұнай» компаниясының демеушілігімен 350 орындық заманауи үлгідегі Оқушылар сарайы салынады. «Саутс Ойл» компаниясының демеушілігімен Сырдария өзенінің сол жағалауынан 4,8 млрд. теңгеге музыкалық колледждің жаңа ғимаратының құрылысы басталмақ.<img src="https://knadmin.beoblood.kz/uploads/403900803_647571810897400_5104818265688555572_n_27dee0c8d8.jpg" alt="403900803_647571810897400_5104818265688555572_n.jpg"><img src="https://knadmin.beoblood.kz/uploads/403857971_647571724230742_2709856665533769715_n_f0c928a261.jpg" alt="403857971_647571724230742_2709856665533769715_n.jpg"><img src="https://knadmin.beoblood.kz/uploads/405075237_647572050897376_722058130210768347_n_c3d2cf0107.jpg" alt="405075237_647572050897376_722058130210768347_n.jpg"><img src="https://knadmin.beoblood.kz/uploads/403735804_647572010897380_2687956099797204678_n_f55006cac8.jpg" alt="403735804_647572010897380_2687956099797204678_n.jpg"><img src="https://knadmin.beoblood.kz/uploads/403900643_647572217564026_4507562661617980326_n_73d2cc4aeb.jpg" alt="403900643_647572217564026_4507562661617980326_n.jpg"><img src="https://knadmin.beoblood.kz/uploads/403832782_647572180897363_3507355601697092676_n_8438867152.jpg" alt="403832782_647572180897363_3507355601697092676_n.jpg">

Қызылордада жаңа жеке мектеп ашылды 

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында мас ер адам бұрынғы жұмыс орнына жарылғыш зат қойдым деп жлған хабарлама берген.Қызылорда қаласының тұрғыны телефон арқылы Тасбөгет кентінде орналасқан медициналық мекемеге жарылғыш зат қойғанын хабарлаған. Аталған ғимарат жару-техник мамандарымен тексеріліп, онда жарылғыш зат табылған жоқ. Қызылорда облысы ПД экстремизмге қарсы іс-қимыл басқармасының қызметкерлерімен жүргізілген жедел-іздестіру шараларының нәтижесінде жалған хабарлама берген мекеменің бұрынғы қызметкері 47 жастағы Қызылорда қаласының тұрғыны анықталып, оған қатысты ҚР ҚК-нің 273-бабы бойынша сотқа дейінгі тергеп-тексеру әрекеттері жүргізілді.&nbsp;Тергеу барысында жалған хабарлама берген азамат қызметінен босап қалуына байланысты ызаланып, масаң күйде хабарлама бергені анықталды. Қызылорда қалалық сотының үкімімен жалған хабарлама берген азаматқа 1 жыл мерзімге бас бостандығынан шектеу жазасы тағайындалды.&nbsp;

Жұмысынан босап қалған қызылордалық елді дүрліктірді

<a href="https://kyzylorda-news.kz/">Kyzylorda-news.kz.</a>&nbsp; Сан алуан дау-жанжалдарды, тіпті орта дәрежелі қылмыстық істерді де сотқа жеткізбей, бейбіт жолмен шешу елімізде кең тараған үрдіс. Әсіресе билер институтын медиация мүмкіндіктері арқылы заманауи жаңғырту, әділетті мемлекет, біртұтас ұлт, берекелі қоғам қалыптастырудағы медиацияның рөлін арттыру мақсатында Сыр өңірінде ауқымды іс-шаралар өтуде. Соның бірі Қызылорда облыстық қоғамдық даму басқармасының «Қоғамдық келісім» КММ ұйымдастыруымен «Медиация – азаматтық қоғамның жаңа сатысы» тақырыбындағы кездесуі.Бұл кездесудің мақсаты тәжірибе алмасу, еліміздегі медиация институтын дамытудың жолдарын саралау, медиаторлар арасында кәсіби байланыстарды дамыту және Қазақстан халқы Ассамблеясы медиация құрылымының мемлекеттік органдар мен азаматтық қоғам институтымен өзара іс-қимылының негізгі тетіктерін талқылау.Медиаторлар бас қосқан кездесуде облыстық қоғамдық даму басқармасы басшысының орынбасары, іс-шара модераторы Уалихан Ибраев өңірдегі бітімгерлік бағытында атқарылған толымды жұмыстарды сөз етті.&nbsp;<blockquote>«Жалпы бітімгерлік – адамдар арасындағы сыйластықты, татулық пен берекені, елдің тұтастығын сақтаудағы ең ұтымды тәсіл десек, медиатор – екі тараптың арасындағы алтын көпір іспетті. Мұндай жандардың қоғамдағы маңызы зор, еңбегі орасан», - деді.</blockquote>Іс-шара барысында жыл көлемінде атқаралып жатқан жұмыстар туралы облыстық Қазақстан халқы ассамблеясы жанындағы медиация кабинетінің үйлестірушісі Ш. Абдраманова баяндама жасады.Жаңақорған аудандық қоғамдық медиатор А. Жәнібеков, Шиелі ауданы, Ы.Жақаев атындағы № 244 орта мектеп мұғалімі А. Жанділдаев (Облыстық мектептік медиация бағытындағы оқушылар арасындағы ғылыми жоба байқауы жеңімпазының жетекшісі), облыстық ҚХА жанындағы медиаторлар кеңесінің мүшесі, «Бітім» медиация орталығы» қоғамдық бірлестігінің директоры Ж. Мирамбекқызы және «Ақиқат нұры» қоғамдық бірлестігінің төрағасы, кәсіби медиатор М. Нұржанов т.б татулық пен берекені, елдің тұтастығын сақтаудағы ең ұтымды тәсіл – бітімгерлік бағытын дамытып, нығайтуда атқарылып жатқан толымды жұмыстарға тоқталып, өздерінің ұсыныс-пікірлерін ортаға салды.Кездесу соңында Қазақстан халқы бірлігі мен қоғамдық келісімді нығайтуда қосқан елеулі үлестері үшін бірқатар медиаторлар облыстық қоғамдық даму басқармасы басшысының алғыс хатымен марапатталды.&nbsp;Айта кету керек, бүгінгі күні облыс көлемінде 2023 жылы облыстық ҚХА-мен бірлесіп жұмыс атқаратын 45 медиатордың, кеңес құрамында 14 медиатордың тізімі жасақталған.Облыстық Қазақстан халқы ассамблеясы тарапынан мүдделі мемлекеттік құрылымдармен бірлескен түрде өңірде медиация институтын ілгерілетуге және дауларды соттан тыс шешу жолдарын насихаттау бойынша кешенді шаралар жүзеге асырылды. Есепті мерзімде ҚХА медиаторларына барлық келіп түскен өтініштер бойынша барлығы 92-ден аса, оның ішінде этносаралық даулар орын алған жоқ.Жыл басынан облыс көлемінде медиацияға қатысты 123 түрлі форматты кездесулер, жиындар, ашық есіктер мен түсіндіру шаралары ұйымдастырылса, аталмыш шараларға 6180-нен астам тұрғын қамтылды.<figure class="image"><img src="https://knadmin.beoblood.kz/uploads/404434668_3620057261646761_8817846997482889579_n_980de5823d.jpg" alt="404434668_3620057261646761_8817846997482889579_n.jpg"></figure>&nbsp;<figure class="image"><img src="https://knadmin.beoblood.kz/uploads/404540509_3620057441646743_756953841736587024_n_9ebf5dd3d7.jpg" alt="404540509_3620057441646743_756953841736587024_n.jpg"></figure>

Медиация – азаматтық қоғамның жаңа сатысы

<a href="https://kyzylorda-news.kz/">Kyzylorda-news.kz.</a>&nbsp; &nbsp;«AMANAT» партиясы облыстық филиалында облыстық Адвокаттар алқасының мүшесі, адвокат Асанхан Жұбатханов «Құқықтық көмек» жобасы аясында тақырыптық қабылдау өткізді.Қабылдау барысында қала тұрғындары тұрғын үй кезектілігі, көшелердегі асфальт жолдары және салық төлеу қажеттіліктері жайлы тақырыптарды қозғады.Тұрғын үй кезектілігінде тұрған азаматшаға түсіндірме жұмыстары жүргізіліп, кезектіліктің жылжу барысында заңға қайшы әрекеттер байқалған жағдайда шағым білдіру жолдары түсіндірілді.Ақшабұлақ көшесінде асфальт жол төсеу жұмыстары бойынша Е-Өтініш платформасы арқылы жазбаша өтініш беру жолдары айтылды. Көше тұрғындары атынан ұжымдық өтініш берілсе, мәселе партияның бақылауында болатыны жеткізілді.А. Жұбатханов салық төлеу туралы өтініш бойынша Салық Кодексінің нормаларын түсіндірді. Мемлекеттік кірістер органына жазбаша өтініш білдіріп, салықтық берешіктің пайда болу себебін анықтау керектігін жеткізді.Өтініші қанағаттандырусыз қалдырылса ҚР ӘҚБтК 96 бабы бойынша сотқа жүгініп, төлемді алып тастауға болатыны айтылды.Сонымен қатар, тақырыптық қабылдаулар аудан орталықтарында да жүйелі түрде жүргізіліп келеді.«AMANAT» партиясы Байқоңыр филиалында қалалық прокуратураның прокуроры Мусаев Еркін Набиулы және кәсіби медиатор Серікбаева Сәуле Жиеналиқызы азаматтарды жеке мәселелері бойынша қабылдады.Қазалы аудандық партия филиалының Қоғамдық қабылдау бөлмесінде Қызылорда облыстық жеке сот орындаушылар палатасының жеке сот орындаушысы Мая Казмамбетова тақырыптық қабылдау өткізді.Қабылдауға жазылған тұрғындар түрлі тақырыптағы мәселелерді көтерді. Әрбір азаматтың мәселесі жіті қаралып, заң аясында заңгерлік көмек көрсетіліп, кеңестер берілді.<figure class="image"><img src="https://knadmin.beoblood.kz/uploads/405483283_744914697674169_3608512229538157882_n_addbdefaad.jpg" alt="405483283_744914697674169_3608512229538157882_n.jpg"></figure>

Адвокаттар «Құқықтық көмек» жобасы аясында тақырыптық қабылдау өткізді

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев «AMANAT» партиясы облыстық филиалының қоғамдық қабылдау кестесіне сәйкес кезектілік тәртібімен жазылған азаматтарды қабылдады. Жеке қабылдауға 12 адам келді.Олар қозғаған мәселелердің қатарында тұрғын үй алу, жол, жарықтандыру, жұмысқа орналасу және кәсіп ашу бар. &nbsp;Қабылдауға келіп ұсыныс-пікірін, өтінішін жеткізушілердің &nbsp; сауалдары назардан тыс қалмайды. Мамандар әрбірінің себеп-салдарын жіті зерттеп, шешімін &nbsp;заң талаптарын &nbsp;негізге алып қарастырады. Қабылдауға келушілердің кейбірі өз сұрақтарына қатысты түсіндірме &nbsp;жауапты сол жерде алды. Көтерген мәселесінің &nbsp;шешу жолдарын білді.Мәселен, 36 жастағы қала тұрғыны балалар қауіпсіздігін қамтамасыз ету &nbsp;үшін үйінің жанындағы жол бойына бағдаршам орнатуды сұрады. Аймақ басшысы ол тұсқа түнде жанатын арнайы жол белгілері орналастырылатынын айтты. Ал 49 жастағы қала тұрғыны Жарқынбаев тұйығына асфальт төсеп, жарықтандыру мәселесін шешуді сұрады. Сонымен қатар қала орталығындағы «Сарқырама» каналын тазарту туралы ұсынысын жеткізді. Облыс әкімі жауапты тұлғаларға 3 күн ішінде каналды тазалауды тапсырды. Ал Жарқынбаев тұйығын жарықтандыру және асфальттау &nbsp;мәселесі жақын күндері қарастырылатынын жеткізді. Әзірше жолға қиыршық тас төселмек.Еске салайық, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<figure class="image"><img src="https://knadmin.beoblood.kz/uploads/akim4_d314ea51c2.jpg" alt="аким4.jpg"></figure>&nbsp;<figure class="image"><img src="https://knadmin.beoblood.kz/uploads/Akim_2_b4eb29cb48.jpg" alt="Аким 2.jpg"></figure>&nbsp;<figure class="image"><img src="https://knadmin.beoblood.kz/uploads/akim_1_dffc2682f0.jpg" alt="аким 1.jpg"></figure>

Облыс әкімі тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz.</a>&nbsp; Қазгидромет Қазақстан аймақтарында 2023 жылғы 24 қарашада болатын қауіпті метеорологиялық құбылыстарға болжау консультациясын жариялады.&nbsp;Оңтүстік Каспий циклоны және онымен байланысты атмосфералық фронттар ҚР аумағы арқылы жылжуын жалғастырады және елдің басым бөлігіне ықпалын сақтайды, сонымен бірге жауын-шашын (жаңбыр, қар), оңтүстік-батыста, солтүстік-батыста, солтүстікте – қатты жауын-шашын жауады. Қазақстан бойынша тұман, көктайғақ, желдің күшеюі, солтүстік, солтүстік-батыс, орталық аудандарында бұрқасын күтіледі.&nbsp;

24 қарашаға жасалған күн райы 

Фото:depositphotos.com<a href="https://kyzylorda-news.kz/">Kyzylorda-news.kz.</a>&nbsp; Премьер-министр Әлихан Смайылов «9-20-25» бағдарламасына қанша қаражат бөлінетінін және қанша адам ипотека ала алатынын айтты.Жаңа бағдарлама бір айда дайын болады. Оны келесі жылдан бастап енгізу жоспарланып отыр.<blockquote>«Оған жыл сайын 150 миллиард теңге керек және 8 мың адам ипотека ала алады. Ол үшін біз 100 миллиардты нарықтан тартуымыз керек. Ал Отбасы банк өзінің таза табысынан 50 миллиард теңге бөлуі тиіс. Сөйтіп, екі ақшаны араластырып, жаңа бағдарламаны бастап кетуге болады. Ол жастарға арналады», - деді Смайылов сенатта өткен брифингте.</blockquote>Айта кетері, жаңа бағдарламаның негізгі шарттары: 9 проценттік мөлшершеме, 20 проценттік алғашқы жарна, ал ипотеканың мерзімі - 25 жыл.Дереккөз: Sputnik Қазақстан

«9-20-25» бағдарламасымен ипотеканы кімдер ала алады?

<a href="https://kyzylorda-news.kz/">Kyzylorda-news.kz.</a>&nbsp; Биыл қызылордалық «Қайсар» футбол клубы маусымды сәтті аяқтады. Турнирлік кестеде үздік жетілікті сақтап қалуды жоспарлаған клуб ұжымы 6-орынмен тәмамдады. Алайда команда басшысы Садық Мұстафа дода барысында кеткен кемшіліктердің аз болмағанын айтты.&nbsp;<blockquote>«Бүгінде «Қайсарға» &nbsp;қақпашылар жетіспейді. Қақпашының жетіспеуінен оны дайындайтын жаттықтырушылар да саусақпен санарлық. Себебі бұрын-соңды бұл бағытқа көңіл бөлінбеген. Ендігі мақсатымыз жаттықтырушылардың біліктілігін арттыру. Бүгінгі семинарға 60-тан аса жаттықтырушылармен қатар дене шынықтыру мұғалімдері де келіп қатысуда. Мектеп мұғалімдерінің қатысуының себебі де бар. Өйткені өрендерді футболға мектеп қабырғасынан бастап үйірмелерде машықтандыру үлкен көмек береді»,-дейді клуб директоры Садық Шоңмұрынұлы.&nbsp;</blockquote>Бүгін клуб ұжымы өткен маусымда жіберген олқылықтардың орнын толтыру үшін &nbsp;жаттықтырушылардың біліктілігін арттыру мақсатында семинар ұйымдастыруда. Алғашқы шеберлік сабағы қақпашы жаттықтырушысының білімін арттыруға көзделіп отыр. Оған Еуропаның “Барселона”, “Милан”, “Ливерпуль” сынды беделді клубтарында тәжірибе жинақтаған Михайл Шпанера мен тәжірибелі жаттықтырушы Виталий Кувшинов өткізуде.Айта кетейік, семинар 2 күнге жалғасады.

Садық Мұстафа: «Қайсарға» жаттықтырушы жетіспейді

<a href="https://kyzylorda-news.kz/">Kyzylorda-news.kz.</a>&nbsp;Азаматтық қорғаудың мемлекеттік жүйесінің басқару органдарын, күштері мен құралдарын қысқы кезеңдегі төтенше жағдайлар кезіндегі іс-қимылдарға даярлау мақсатында «Қыс-2023» республикалық командалық-штабтық оқу-жаттығуы Қызылорда қаласында өткізілді.Оқу-жаттығу тақырыбы: «Қысқы кезеңдегі жағдайларда төтенше жағдайлардың алдын алу және жою жөніндегі іс-қимылдарға Азаматтық қорғаудың мемлекеттік жүйесінің басқару органдары мен күштерін дайындау».Күрделі метрологиялық жағдай туралы жергілікті уақытпен 7:00–де «Дабыл-1001» сигналы түсті. Қатты жел мен ауа температурасының бірден төмендеуі тіршілікпен қамтамасыз ету нысандары жұмысының бұзылуына әкеп соқты, азаматтар республикалық маңызы бар және жергілікті жердегі жолдарда да қиын жағдайға тап болды. Қызылорда облысындағы «Қыс-2023» республикалық командалық-штабтық оқу-жаттығуы &nbsp;осындай шартпен басталды. Осыған орай өңірде облыстық және қалалық штаб құрылды.Сол жағалау шағын ауданында &nbsp;жедел ден қою жасағының саптық &nbsp;қарауы өткізілді. Қызылорда облысы ТЖД бастығы полковник Руслан Қайрақбаев, &nbsp;облыс әкімі аппаратының басшысының орынбасары Ерлан Бәкіров, ТЖМ Өнерәкісптік қауіпсіздік &nbsp;комитетінің Қызылорда облысы бойынша департаментінің басшысы Жанмұрат Балғабаев жеке құрамның материалдық-техникалық қамтамасыз етілуін, киім-кешекпен жабдықталуын және жауынгерлік дайындығын тексерді. Осы саптық қарауға 146 жеке құрам, 39 бірлік техника қатыстырылды.Оқу-жаттығу аясында тіршілікті қамтамасыз ету нысандарында қысқы кезеңдегі төтенше жағдайды жою жөніндегі іс-әрекеттерді меңгеру бойынша арнайы – тактикалық жаттығулар өткізілді. Оқу-жаттығулардың барысында басқару органдары ретке келтіріліп, олардың жылдамдығы жетілдірілді, азаматтық қорғау органдарына жүктелген маңызды да жауапты міндеттерді орындауда жедел-құтқару қызметін жоспарлау мен ұйымдастыру жұмысы пысықталды.«Қызылорда жылуэлектрорталығы» МКК газ турбиналық стансасында «апат» орын алып, стансада қалған бірнеше адамдарды құтқару жұмысы жүргізілді. Арнайы-тактикалық жаттығуға Қызылорда облысының Төтенше жағдайлар департаменті, ТЖД «Өрт сөндіру және авариялық құтқару жұмыстары қызметі» ММ, «Апаттар медицинасы орталығы» ММ Қызылорда филиалы, Ұлттық Ұлан, полиция &nbsp;департаментінің қызметкерлері, қоғамдық ұйымдардың өкілдері, еріктілер, қаланың авариялық-құтқару қызметтерінің жұмысшылары жұмылдырылды.Оқу-жаттығуды өткізудегі мақсат - кез-келген қиын жағдайда міндеттерді орындау кезінде күштер мен құралдарды үздіксіз басқаруда білім мен әдісті, шеберлікті жетілдіру. Оқу-жаттығу барысында кәсіпорын қызметкерлері мен өзара іс-қимыл жасайтын органдардың іс-әрекеті бойынша тәжірибелік тапсырма пысықталды, орын алған жағдай мен басқа да өзгерістер туралы құлақтандыруға, жаттығу кезінде үздіксіз байланыстың болуына және өзара әрекеттестікті ұйымдастыруға баса мән берілді. Аталған оқу-жаттығуға 17 техника мен 92 адам қатыстырылды.&nbsp;Сонымен бірге үздіксіз қар жаууы салдарынан жолда қалған, зардап шеккен азаматтарды эвакуациялау және ыстық тағаммен қамтамасыз ету жұмыстары №6, 10 орта мектептерде жүргізілді. Аталмыш оқу-жаттығулар барлық аудандарда да ұйымдастырылды. Жалпы облыс бойынша оқу-жаттығуға барлығы 1184 жеке құрам адамы және 367 бірлік техника қатыстырылды.Іс-шара кезінде бұқаралық ақпарат құралдары арқылы Қызылорда облысы Төтенше жағдайлар департаменті бастығының орынбасары полковник Бекболат Әбдіқадыров &nbsp;және Қызылорда облысы ТЖД ТЖ жою басқармасының бастығы подполковник Жандос Досымов «Қыс-2023» РҚШОЖ оқу-жаттығуының өткізілу туралы БАҚ өкілдеріне сұхбат берді.Іс-шараны қорытындылау кезінде Қызылорда облысы Төтенше жағдайлар департаментінің басшылығы жаттығуға қатысушылардың жұмысына оң баға берді.Азаматтық қорғау мемлекеттік жүйесінің басқару органдары мен күштері қысқы кезеңдегі төтенше жағдайлардың алдын алуға және жоюға дайын.<img src="https://knadmin.beoblood.kz/uploads/image_23_11_23_03_04_11_3c22abdb84.jpeg" alt="image-23-11-23-03-04-11.jpeg"><img src="https://knadmin.beoblood.kz/uploads/image_23_11_23_03_04_7_238ad4f992.jpeg" alt="image-23-11-23-03-04-7.jpeg"><img src="https://knadmin.beoblood.kz/uploads/image_23_11_23_03_04_3_1_b1cacca8dd.jpeg" alt="image-23-11-23-03-04-3 (1).jpeg"><img src="https://knadmin.beoblood.kz/uploads/image_23_11_23_03_04_10_75fab8d01b.jpeg" alt="image-23-11-23-03-04-10.jpeg"><img src="https://knadmin.beoblood.kz/uploads/image_23_11_23_03_04_18_5e11e6b1a0.jpeg" alt="image-23-11-23-03-04-18.jpeg"><img src="https://knadmin.beoblood.kz/uploads/image_23_11_23_03_04_23_ef00a219ab.jpeg" alt="image-23-11-23-03-04-23.jpeg"><img src="https://knadmin.beoblood.kz/uploads/image_23_11_23_03_04_21_49b94bb918.jpeg" alt="image-23-11-23-03-04-21.jpeg"><img src="https://knadmin.beoblood.kz/uploads/image_23_11_23_03_04_29_809b4766d0.jpeg" alt="image-23-11-23-03-04-29.jpeg"><img src="https://knadmin.beoblood.kz/uploads/image_23_11_23_03_04_13_01b19daddb.jpeg" alt="image-23-11-23-03-04-13.jpeg"><img src="https://knadmin.beoblood.kz/uploads/image_23_11_23_03_04_6_6711d7ceb0.jpeg" alt="image-23-11-23-03-04-6.jpeg">

«Қыс-2023»: Қызылордалық құтқарушылардың қысқа дайындығы пысықталды 

<a href="https://kyzylorda-news.kz/">Kyzylorda-news.kz.</a>&nbsp; Премьер-министр Әлихан Смайылов зейнетақы қорынан алынатын 1,5 триллион теңге энергетиканы дамыту саласына жұмсалатынын айтты, деп хабарлайды <a href="https://sputnik.kz/20231123/zeynetaqy-qorynan-15-trln-tenge-alynady--premer-aqshany-qaytaruga-uade-berdi-40376337.html">Sputnik Қазақстан</a>.Бүгін сенатта өткен брифинг кезінде журналистер "Зейнеткерлердің қалтасына қол салмай, үкіметтің жоспарын орындауға болмай ма?" деп сұрады. Премьер-министр қарызға алынған ақша міндетті түрде қайтарылатынын жеткізді.<blockquote>"Үкімет қарызға ақша алса, республикалық бюджеттің есебінен, квазимемлекеттік сектордың есебінен ол ақшаны міндетті түрде қайтарады. Сол себепті барлығы үкіметтің қарызында көрсетіледі. Бюджетте қарызды қайтару сомасы да белгіленеді. Сондықтан үкімет өз мойнына міндет алса, қарызды қайтаруға қажетті ақшаны міндетті түрде қарастырады. Ол ақша міндетті түрде қайтарылады", - деді Смайылов.</blockquote>Осы орайда үкімет басшысы бірыңғай зейнетақы қорының негізгі стратегиясын еске салды. Қордағы ақшаны сақтап қана қоймай, оны көбейтіп отыру қажет. Зейнетақы қорының инвестициялық стратегиясы бар.<blockquote>"Ал салымшылардың жинағын тиімді инвестициямен ғана көбейтуге болады. Сондықтан зейнетақы қоры өзінің стратегиясы бойынша салымшылардың ақшасын нарықтық шарттармен инвестициялап отырады. Нарықтық мөлшерме белгіленеді және ақшаны қайтару міндеті қойылады", - деп атап өтті премьер-министр.</blockquote>Оның айтуынша, бүгінде үкімет индустрияландыру, көлік, инфрақұрылым және тағы басқа салаларда ірі жобаларды қарастырып жатыр.<blockquote>"Біз қаржыландырудың сан алуан көздерін қарастырып отырамыз, соның ішінде зейнетақы қорының қаржысы да бар. Қазіргі кезде ол ақшаны алу шарттары бойынша ұлттық банкпен барлық мәселені пысықтап жатырмыз", - дейді Смайылов.</blockquote>

Зейнетақы қорынан 1,5 трлн теңге алынады

<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаевтың төрағалығымен Қызылорда облысының әкімдігі жанындағы терроризмге қарсы облыстық комиссия отырысы өтті.Облыстық полиция департаментінің бастығы Махсудхан Аблазимов, облыстық мамандандырылған күзет қызметі басқармасының бастығы Бейжігіт Оспанбеков террористік әрекеттерге қорғанысы осал объектілердің қауіпсіздігін жетілдіру шараларын баяндап, жағдайды жақсарту бойынша ұсыныстарын айтты.Облыстық дін істері басқармасының басшысы Дінмұхамед Ермеков қазіргі ахуалға сәйкес Қызылорда қаласы мен аудан әкімдіктерінің діни экстремизм және терроризмге қарсы атқарған жұмыстары туралы баяндама жасады.Жиында көтерілген мәселелер бойынша облыс әкімі жауапты тұлғаларға бірқатар тапсырма берді. Облыстық мамандандырылған күзет қызметі басқармасы аудандардағы сумен қамтамасыз ету объектілерін күзетуге қажетті шығындарды есептеп, тиісті ұсыныс беруі керек. Ал, дін істері басқармасына ақпараттық-насихат іс-шараларын күшейту тапсырылды. Мұнан бөлек, облыстық білім басқармасына оқушыларды жат діни ағымдардан сақтандыруға қатысты міндет жүктелді.<figure class="image"><img src="https://knadmin.beoblood.kz/uploads/404266894_647087627612485_4412548471905678456_n_608bf19f9b.jpg" alt="404266894_647087627612485_4412548471905678456_n.jpg"></figure>&nbsp;<figure class="image"><img src="https://knadmin.beoblood.kz/uploads/405088765_647087724279142_5888315537935955737_n_7c8245256e.jpg" alt="405088765_647087724279142_5888315537935955737_n.jpg"></figure>

Қазақстан және Қызылорда облысының жаңалықтары