<a href="https://kyzylorda-news.kz/">Kyzylorda-news.kz</a> &nbsp;Құрылысы 2022 жылы басталған Бесарық ауылындағы спорт кешеніне жалпы 362,4 млн теңге қаралған. Қаржының 144,2 млн теңгесі құрылыс басталған жылы игерілсе, 2023 жылы құрылыс жұмыстарын аяқтауға облыстық бюджеттен 218,2 млн теңге бөлінген.&nbsp; Құрылысы кешігіп жүргізілген нысанды пайдалану мерзімі өткен жылдың &nbsp;тамыз айы болғандықтан жергілікті әкімдік сотқа «SCS Инжиниринг» ЖШС-ін мемлекеттік сатып алудың жосықсыз қатысушысы ретінде тануды және тұрақсыздық айыбын өндіруді міндеттеу жөнінде талап арыз жолдаған. Дегенмен құрылысы тоқтамай, өткен жылдың соңында мердігер мекемемен бірінші қабаттың ішкі әрлеу жұмыстары, асфальт жабындысын төсеу жұмыстары, науа құрылысы, кіреберіс (тамбур) ор¬нату, сыртқы жарықшам бағаналарын әрлеу, орнату жұмыстары жүргізілген. Апта ағымында Бесарық елді мекенде салынып жатқан спорт кешенінің құрылысына партиялық бақылау жұмыстары жасалды. Спорт кешенінің құрылыс жұмыстарын жақын арада аяқтау жоспарланған. Партиялық бақылау жұмыстарын партиялық бақылау комиссиясының мүшелері, аудандық мәслихат депутаты Г.Тілеубергенова жүргізді. Комиссия мүшелері мердігер мекеме өкіліне құрылыс жұмыстарын сапалы жүргізу керектігін тапсырды. Себебі аймақтағы әрбір құрылыс нысанының сапалы салынуы аймақ басшысының жіті бақылауында. Ауыл балаларын спортқа баулитын кешенде болашақ ел чемпиондары тәрбиелентін болады.&nbsp; Айта кетейік, аталған спорт кешенінің құрылысы "Amanat" партиясының сайлауалды бағдарламасына енген.

Бесарықтағы спорт кешенінің құрылысы жақын арада аяқталады

<a href="https://kyzylorda-news.kz/">Kyzylorda-news.kz.</a> Сырдария ауданында әлеуметтік сала бойынша ауқымды жобалар жүзеге асырылуда. Негізінен, білікті басшы Мақсұт Қаратаев аудандық&nbsp;жұмыспен қамту, әлеуметтік бағдарламалар және азаматтық хал актілерін тіркеу бөлімі сан салаға бөлінген. Өз кезегінде өткен жылы бөлім тарапынын атқарылған жұмыстарға кеңінен тоқталып өтпекпіз.Негізінен, Өңірлік жұмыспен қамтудың жол картасы бойынша 3&nbsp;127 жұмыс орнын ашу жоспарланса, &nbsp;есепті мерзімде 3&nbsp;130 жұмыс орны ашылды. Яғни, орындалуы – 100,1% құрады. Ұлттық жобалар аясында 19 жоба бекітіліп, 63 жұмыс орнын ашу жоспарланса, жыл көлемінде 107 жұмыс орны ашылып, &nbsp;орындалуы 169,8% құрады.ҚР Президенті Қ.Тоқаевтың әрбір 10 мың адамға 100 жаңа жұмыс орнын ашу жөніндегі тапсырмасына сәйкес, 554 жұмыс орнын ашу белгіленсе, жыл көлемінде 620 жұмыс орны ашылған болатын. Айта кетейік, былтыр Атаулы әлеуметтік көмек жыл көлемінде 202 отбасына, &nbsp;яғни 1164 адам тағайындалып, төленді. Өткен жылмен салыстырғанда АӘК алушылар 40,9% азайған. Тұрғын үй көмегі жыл көлемінде 41 отбасына (222 адам) тағайындалып, төленді. Ауылдық елді мекендер мамандарына отын сатып алу үшін жыл көлемінде 2543 адамға тағайындалған мәлім. &nbsp;Мүгедектігі бар балаларды үйде оқытуға жұмсалған шығындарды өтеу қызметі жыл көлемінде 91 балаға берілді.1996 жылғы 1 қаңтарға дейiн республиканың құрметтi атақтарына ие болған 2 азаматқа әлеуметтік көмек жасалды. &nbsp;Мерекелер қарсаңында көмек алған ардагерлер, радиация алған отбасылар, саяси-қуғын сүргіннен зардап шеккендер бойынша жыл көлемінде 206 адам мен 5 отбасы қамтылды. Жекелеген санаттар бойынша әлеуметтік көмекпен жыл көлемінде 61 адам және 11 отбасы &nbsp;толықтай қамтылды.Аудан бойынша жалпы мүгедектігі бар адамдар саны – 1168, оның ішінде I топ – 128, II топ – 318, III топ – 460, 18 жасқа дейінгі &nbsp;мүгедектігі бар &nbsp;балалар – 262-ті құрады. Мүгедектерді оңалтудың жеке бағдарламасы&nbsp;(прот орто.құралдар, сурдо.көмекші.құралдар, тифло.көмекші құралдар, кресло-арбалар, санато-курорт.емделу, жеке көмекші, ымдау тілі, мінд.гиген.құралдар)&nbsp;бойынша қамтылғандар саны 1323 құрады. Жеке оңалту бағдарламасы 100,0 пайызға орындалды.&nbsp;Кедергісіз ортаны қалыптастыру бағытында бейімдеу жұмыстары 13 обьектіге жүргізіліп, «Қолжетімділіктің интерактивті картасына» 13 обьекті бойынша толық мәліметтер енгізіліп, 100 пайызға орындалды.&nbsp;Мүгедектігі бар адамдарды автокөлікпен тасымалдау бойынша әлеуметтік қызметтерді көрсетуге арналған «Инватакси» қызметі бойынша 270 мүгедектен 411 тапсырыс қабылданды.Мүгедектер үшін жұмыс орындарына 10 квота бекітіліп, толығымен жүзеге асырылды. Пробация және бас бостандығынан айыру орындарынан босатылған бойынша жұмыс орындарына 4 квота &nbsp;бекітіліп, толығымен жасалды. Квотадан тыс 10 адам тұрақты жұмысқа орналасты, 7 адам ақылы қоғамдық жұмысқа, 2 адам алғашқы жұмыс орнына жолданды, 2 адам қайтарымсыз грант алды. 2023 жылға мемлекеттік әлеуметтік тапсырыс шеңберінде ардагерлер арасында іс-шаралар (спорттық шаралар, қайырымдылық т.б.) ұйымдастыру бойынша 210 ардагерге құрмет көрсетілді. 2023 жылға мемлекеттік әлеуметтік тапсырыс шеңберінде мүгедектігі бар адамдар арасында іс-шаралар (спорттық шаралар, қайырымдылық, «Мектепке жол» акциясы т.б.) ұйымдастыру бойынша 310 мүгедектігі бар адамдар мен балалар қамтылды. &nbsp;2023 жылға мемлекеттік әлеуметтік тапсырыс шеңберінде бас бостандығынан айыру орындарынан босатылғандар және пробация қызметінде есепте тұратындар арасында іс-шаралар (спорттық-мәдени шаралар, қайырымдылық т.б) ұйымдастыру бойынша 190 адам қамтылды.Фото: pexels

Сырдарияда өткен жылы жол картасы бойынша 3130 жұмыс орны ашылды 

Жетікөл: Мал бордақылау алаңы іске қосылады

<a href="https://kyzylorda-news.kz/">Kyzylorda-news.kz.</a> Қызылорда қаласында мүгедектігі бар әйелдердің шығармашылық және интелектуалдық қабілеттерін анықтауға, ішкі әлеуетін дамытуға және олардың қоғамға әлеуметтік бейімделуіне көмектесу мақсатында Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде «Қызылорда облыстық мүгедектер қоғамы» ҚБ ұйымдастырумен «Нәзік жанның әлемі» атты шығармашылық байқау өтті.&nbsp; Қоғамда құрметтеуге лайық жандар жетерлік. Солардың арасында мүмкіндігі шектеулі болса да, әлемнің шексіз мүмкіндігін білсем, үйренсем дейтін азаматтар бар. Олар өмір үшін күресіп ғана қоймай, әр жетістікке, әр нәтижеге үлкен еңбек пен тынымсыз күрестің арқасында жетеді. Ал біздің қолымыздан келетіні сондай жандарға әр бастамаларына лайықты қолдау білдіріп ғана қоймай, еркін өмір сүруге қолайлы жағдай қалыптастыру.&nbsp; Байқауды Қызылорда облысының жұмыспен қамтуды үйлестіру және &nbsp;әлеуметтік бағдарламалар басқармасының басшысы Ғабит Жұмабекұлы ашып, қатысушыларға сәттілік тіледі. Ал Қызылорда облыстық мүгедектер қоғамы төрағасы Сағатбек Қуанышбайұлы ерекше жандардың арасында да шығармашыл, талантты жандардың көп екенін айтып, алдағы уақытта басқа да жобалар жиі өтетінін тілге тиек етті.&nbsp; Байқауға 18 жастан асқан 20-дан астам ерекше нәзікжандар қатысты. Төрт кезеңді қамтыған сайыста қатысушылар таныстыру, өз өнері, қолөнер және сұрақты сындардан өтіп, үздіктері жеңіс тұғырынан көрінді. Жеңімпаздар түрлі номинациялармен, бағалы сыйлықтармен марапатталып, оларға диплом мен алғыс хат табысталды. Байқау қорытындысымен І орынды Жүсіпова Раушан алса, &nbsp;ІІ орынды Төлегенова Лаура, ІІІ орынды Боздақбаева Қымбат, Есмагамбетова Тұрсынкүл иеленді.&nbsp; Сондай-ақ, «Шығармашылық және өзіндік ерекшелігі үшін» номинациясын Бекетова Қадыркүл, Калменова Шұғыла, Қонырбаева Бахытнұр, &nbsp;Ақмагамбетова Тамара иеленді. &nbsp;

Қызылорда ерекше жандардың байқауы өтті 

<a href="https://kyzylorda-news.kz/">Kyzylorda-news.kz</a> &nbsp;Республика көлемінде өтіп жатқан “Таза Қазақстан" экологиялық акциясының үшінші аптасы “Жасыл аймақ” атауымен жалғасуда. Осыған орай, бүгін туған өлкесін түлетуге атсалысып жүрген аймақтың 100-ге жуық белсенді жастары қаладағы Қорқыт ата ескерткіші маңында Сыр талын егіп, аталмыш акцияға қолдау білдірді. Сондай-ақ, белсенді жастар ескерткіш аумағын қоқыстардан тазартып, ондағы ағаш діңгектерін әктеп, сырлады.&nbsp;Бұдан бөлек, жастар экоакцияны қызықты әрі ерекше өткізу мақсатында тұрғындарға тіл үйірер тәтті балмұздақтар таратып, ескерткіш аумағында «Бауырсақ party» шарасын ұйымдастырды. Қала тұрғындары жастардың мұндай белсенділігіне ризашылықтарын білдіріп, өз алғыстарын жеткізді.&nbsp; Көппен бірге атқарылған жұмыс көңіл қуантады. Игі шара барысында Қорқыт ата атындағы Қызылорда университетінің студент жастары, волонтерлер және республикалық «Жас сарбаз» әскери-патриоттық қозғалысының облыстық филиалының мүшелері, Ассамблея жастары экологиялық акцияда белсенділік танытып, тазалық жұмыстарын жүргізді.<img src="https://knadmin.beoblood.kz/uploads/53ecf691_ccc2_4880_bfc0_d23ca220e68e_bdba652b52.jpg" alt="53ecf691-ccc2-4880-bfc0-d23ca220e68e.jpg"><img src="https://knadmin.beoblood.kz/uploads/4bbfd05c_4909_4d4e_a79e_24e72c98708b_174ae24ff8.jpg" alt="4bbfd05c-4909-4d4e-a79e-24e72c98708b.jpg"><img src="https://knadmin.beoblood.kz/uploads/13c152d1_84af_4a9a_acd8_d72df7ab8d41_410f4671f1.jpg" alt="13c152d1-84af-4a9a-acd8-d72df7ab8d41.jpg">

«Жасыл аймақ»  экологиялық акциясына Қызылорданың белсенді жастары да атсалысты

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы №5 көру қабілеті бұзылған балалардың арнайы (түзету) мектеп-интернатында «Құқық бұзушылықтың алдын алу» атты дөңгелек үстел өтті. Кәмелетке толмағандар арасындағы құқық бұзушылықтың алдын алу, қоғамдағы қылмыстың алдын алудың аса маңызды аспектісі болып табылады.Дөңгелек үстел мақсаты білім алушыларға қылмыстың – қоғамға қауіпті әрекет, оның ішінде кәмелеттік жасқа толмағандардың қылмысы, қылмыстық жауапкершілік, оған қолданылатын жаза түрлері, жауапкершілікті ауырлататын жағдайлар туралы толық түсіндіру, құқықтық сауаттылығын арттыру, салауаттылыққа тәрбиелеп, өз әрекеттеріне баға бере білуге баулу. Ата заңымызға деген сүйіспеншілік сезімін қалыптастырып, шыншыл да әділетті және парасатты тұлғаны қалыптастыру.Құқық&nbsp;бұзушылық –&nbsp;құқықтық нормалар қорғайтын мүддеге нұқсан келтіріп қоғамның, жеке адамның мүддесіне зиянын тигізеді, белгіленген құқықтық тәртіпті бұзады. Құқықтық нормалардың талаптарын орындамау нәтижесінде тәртіп бұзылады, қоғамдық қатынастарға кесел келеді.&nbsp;Кәмелетке толмағандар арасындағы құқық бұзушылықтың алдын алу&nbsp;–қоғамдағы қылмыстың алдын алудың аса маңызды аспектісі. Заңды, әлеуметтік пайдалы қызметке және қоғам мен өмірге ізгілікті көзқарас қалыптастырып, жастарды қылмыстық қызметке жол бермейтін қағидаларға тәрбиелеу қажет.&nbsp;Кәмелетке толмағандар құқық бұзушылығының алдын алуды тікелей не жанама көздейтін құқықтың қайнар көздерінің осылайша көп болуы қоғамдық қатынастардың кез келген саласында кәмелетке толмағандар тұлғасының дамуын қамтамасыз ететін қолдау жүйесіннің көзделгендігін көрсетеді. Отбасында тұрақтылық пен береке болмаса, осыған байланысты қоғам тарапынан көмек көрсету әрекеттері сәтсіз болған жағдайда, тіршілік етудің балама орындарын пайдалану мүмкіндігін қарастыру қажет. Балаларды тұрақтылығы бар, әрі берекелі отбасы жағдайына мейлінше жақындатылған мекемелерге тәрбиелеуге берілуі тиіс.Мектеп-интернат директоры Ж.Т.Ахметов дөңгелек үстелді ашып берді. Қызылорда ҚПБ ӘПБ жол-техника инспекциясы тобының инспекторлары полиция капитаны Н.Шайхысламов және полиция капитаны А.Исмайлов, Қызылорда ҚПБ жергілікті полиция қызметінің кәмелетке толмағандар істері жөніндегі учаскелік полиция инспекторлары М.Нағашыбаев және Н.Жанділлаев қатысты.&nbsp;Қорлан САРЫ

Құқық бұзушылықтың алдын алу мақсатында жиын өтті

<a href="https://kyzylorda-news.kz/">Kyzylorda-news.kz.</a> &nbsp; Қызылорда қаласы Конго-Қырым геморрагиялық қызбасының табиғи ошағында орналасқан. Жыл сайын эпидемиологиялық маусымда аурудың алдын алу, залалсыздандыру жұмыстары күшейтіледі. Осы орайда Қызылорда қаласы әкімдігінің баспасөз орталығында жауапты сала мамандары Конго-Қырым геморрагиялық қызбасына қарсы жүргізіліп жатқан шараларға тоқталып, қолға алынған негізгі шаралар туралы баяндады.– Былтырғы 2023 жылы алғашқы диагнозбен Конго-қырым геморрагиялық қызбасының 13 жағдайы тіркелді. Оның 1 жағдайы (шілде айында) клиникалық және зертханалық расталды. Тексеру қорытындысы негізінде науқастың фазендада жеке шаруашылықтағы ауылшаруашылық мал бастарын бағуға барғандығы және кене шағумен байланыстыратындығы анықталды. Науқас сауықты. Дегенмен, биыл медициналық көмекке кеш жүгінген қолайсыз аймақ тұрғыны көрсетілген арнайы ем-домға қарамастан 18 сәуір күні қайтыс болды. Бұдан бөлек, ошақта және медициналық қызмет көрсеткен шамалы қауіпті байланыста болған 2 адам аймақтық емхана дәрігерлерімен медициналық бақылануда, – деді Қызылорда қалалық санитариялық-эпидемиологиялық бақылау басқармасының басшысы Гүлмира Жамбылқызы.Конго-Қырым геморрагиялық қызбасы ауруының бастапқы кезеңінің белгілерін ықтимал анықтау мақсатында аумақтық медициналық ұйымға жүгінген адамдардың денсаулық жағдайына кене шаққаннан кейін 14 күннің ішінде мониторингтеу жүргізілуде. Ағымды жылдың эпидемиялық мерзімі басталғалы бері қалада кенеден зардап шегіп, медициналық көмекке 54 адам қаралған.&nbsp;Қолайсыз аймақтардың санитариялық-қорғаныш белдеулерінде, буферлік аймақтарды құру және ауылшаруашылығы мал бастары мен олардың қора-жайларында көктемгі кенеге қарсы дезинсекция жұмыстарының 1-кезеңі 11-24 сәуір аралығында өтсе, 2-кезеңі 12-24 мамыр аралығында жүргізіледі.– Қала бойынша&nbsp; Конго-Қырым геморрагиялық қызбасы табиғи ошағында кенелерге қарсы залалсыздандыру жұмыстары көктемгі эпидмаусымда – 625 гектар жер көлемінде жүргізілді. Бұл кенеге қарсы өңдеу жұмыстары орталықтың бригадасымен «Дельтаметрин» және «Фаворит» дезпрепараттарымен жүргізілді, - деді ҚР ДСМ СЭБК «Ұлттық сараптама орталығы» Қызылорда облысы бойынша филиалының директоры Фарида Ыдырысқызы.Айта кету керек, инфекцияны жұқтыру көп жағдайда кене шағумен, мал күтімімен, ауылшаруашылық жануарларын союмен, науқасқа күтім жасаумен байланысты болады. Сондықтан далалық аймақтарда жүргенде барынша сақтанған абзал. Кене малдың үстінде болатындығын ескере отырып, малды алдын ала кенеге қарсы егіп, мал қорада кенеге қарсы улау жұмыстарын жүргізу керек және мал күтімімен айналысу барысында бөлек арнайы киім пайдалану қажет.– Конго-Қырым геморрагиялық қызбасына күдікті немесе науқас анықталысымен облыс көлемінде қарастырылған 237 инфекциялық төсекке оқшауландырылып, шұғыл індетке қарсы іс-шаралар жүргізіледі, - деді облыстық жұқпалы аурулар ауруханасының бас дәрігері Әділбай Қаниұлы брифинг барысында.

Қызылордада кенеге қарсы залалсыздандыру жұмыстары күшейтілді

<a href="https://kyzylorda-news.kz/">Kyzylorda-news.kz.</a>&nbsp; Қазалы ауданында биік белестерді бағындырып, дүбірлі додаларда топ жарып жүрген спортшылар жетерлік. Оның ішінде самбодан Азия чемпионы, дзюдодан Қазақстан жастары арасында екі дүркін жеңімпаз атанған Абылайхан Жұбаназардың аудан атын шығарып жүргені көпті қуантады. Сонымен қатар ол «Жас барыс» турнирінде бес мәрте бірінші орынды иемденген. Бүгінде ел мерейін үстем етіп жүрген Қазақстан Республикасы халықаралық дәрежедегі спорт шебері, қазалылық дзюдошы Абылайхан Жұбаназар тағы да ел мерейін асқақтатты.Қытайдың Гонконг қаласында өтіп жатқан дзюдодан Азия чемпионатында қазақстандық екі балуан Абылайхан Жұбаназар мен Эсмигуль Куюлова қола медаль үшін күреседі.Қазалы топырағынан түлеп ұшқан спортшы жерлесіміз Абылайхан өзінің жеңіске деген құштарлығын туған анасынан алатынын жеткізген болатын. "Әрбір жарыс жолына шыққанда анам қоңырау шалып ақ батасын береді. Өзінің маған үлкен үміт артатынын айтып, алдыға қарай өрлеуіме дем береді. Өзі ауылда тұрса да, маған әрқашан қолдау білдіріп отырады. Сонымен қатар, Нұрлыбек Есбосынов пен Жұмабек Құлыбаев ағаларымның бүгінге дейін ерекше демеу жасап жүргенін айта кеткім келеді. Алғашқы ұстазым – Мұхтар Күзентаев анамнан кейінгі үнемі жанымнан табылатын жан. Ақыл-кеңесін айтып, тура жол көрсетуден танбайды" деген ойын білдірген.81 келі салмақта ел намысын қорғап жатқан жерлесіміз Абылайхан Жұбаназар жартылай финалда Ханчжоудағы Азия ойындарының күміс жүлдегері, әлем чемпионатының қола жүлдегері Ли Джун-Хваннан (Оңтүстік Корея) қосымша уақытта жеңіліп қалды.Ал Азия чемпионатын 2-айналымнан бастаған қыздар арасындағы спортшымыз Есмигүл Куюлова (-63 келі) жапон балуаны Кирари Ямагучиге жол берді. Сосын, жұбаныш белдесуде үндістандық спортшыдан айласын асырды. Осылайша екі балуанымыз қола медальға таласу мүмкіндігіне ие болды.70 келі салмақта тағы бір отандасымыз Екатерина Токарева ширек финалда Шохиста Назаровадан, жұбаныш белдесуде тағы бір өзбекстандық Гүлноза Матниязовадан ары өте алмады.Айта кетейік, Азия чемпионатының жеңімпазы рейтингте 700, күміс жүлдегер 490 ұпай алса, қола медаль алған 2 дзюдошыға 350 балл қосылады.Аталған Сарықұрлық додасында 34 елдің 262 таңдаулы татами шеберлері өзара кім мықтыны анықтап жатыр.Командалық сында Қазақстан ұлттық құрамасы Түрікменстан құрама командасын 4:2 есебімен жеңіп, қола медаль иеленді.Командалық сында Қазақстан ұлттық құрамасы Түрікменстан құрама командасын 4:2 есебімен жеңіп, қола медаль иеленді.

Абылайхан Азия чемпионатында қола медалға ие болды

<a href="https://kyzylorda-news.kz/">Kyzylorda-news.kz.</a>&nbsp; &nbsp;«AMANAT» партиясы Қазалы аудандық филиалының «Кедергісіз келешек» жобасы аясында үйден білім алатын ерекеше қажеттілігі бар бірқатар балалардың жағдайына және оқу процесіне мониторинг жұмыстары жүргізілді. Монтирингке «AMANAT» партиясы Қазалы аудандық филиалының Атқарушы хатшысы Нұрғиса Жалғасбаев пен Қазалы аудандық білім бөлімінің әдіскері Надира Аманкелдіқызы қатысты. «AMANAT» партиясы Қазалы аудандық филиалының Атқарушы хатшысы әр баланың ата-анасынан балалардың жағдайын сұрап, кез келген уақытта партия алаңына келіп, ұсыныс-пікірлері мен талап-тілектерін жеткізуге мүкіндіктері бар екенін айтты.&nbsp; Сондай-ақ, ерекше қажеттілігі бар жандарды қамқорлыққа алып, олар үшін кедергісіз орта құру партияның сайлауалды бағдарламасына сәйкес, іске асырылып жатқан негізгі тармақтардың бірі екенін атап өтті. Өз кезегінде ата-аналар балалардың білім алуы барысында ешқандай кемішіліктер жоқ екенін және уақытылы денсаулығына байланысты тексеру жұмыстары жасалып отырғанын жеткізді. Айта кетейік, бүгінде аудан бойынша 98 бала үйден оқыту бойынша білім алады.&nbsp; «Құқықтық көмек» партиялық жобасы аясында қабылдау өтті «AMANAT» партиясы Қазалы аудандық филиалының қоғамдық қабылдау бөлмесінде Қазалы ауданының полиция бөлімі бастығының міндетін атқарушы, полиция подполковнигі Ғанибек Құрманалиев «Құқықтық көмек» партиялық жобасы аясында тұрғындарға қабылдау өткізді. Қабылдау барысында, Ғанибек Айбергенұлы келген тұрғындардың сауалдары бойынша қажетті құқықтық кеңестер беріп, азаматтардың өтініштерін қарап, құқық қорғау органдарының қызметін жақсарту бойынша ұсыныстарын тыңдады.&nbsp; Сонымен қатар, өтініш иелерінің әкімшілік айыппұл төлеу, көлік салығы және басқа да, мәселелері бойынша заңдылыққа сәйкес жауап берілді. &nbsp;

«Кедергісіз келешек» партиялық жобасы аясында үйден оқу процесіне мониторинг жүргізілді

<a href="https://kyzylorda-news.kz/">Kyzylorda-news.kz</a> Оқушылардың жазғы демалысын және бос уақыттарын, жазғы лагерь жұмысын тиімді ұйымдастыруға әдістемелік көмек беру, күндізгі тынығу лагеріне тиісті санитариялық - эпидемиологиялық талаптармен таныстыру, құқық бұзушылық пен төтенше жағдайлардың алдын алу мақсатында Қармақшы ауданында «Көңілді жаз – 2024» тақырыбында семинар өткізілді.Семинарға Қармақшы аудандық білім бөлімінің басшысы Гүлзира Абдазиева, аудандық санитариялық-эпидемиологиялық бақылау басқармасы басшысы Гүлнар Төлепбергенова және бөлім басшысы З.Атабаева, төтенше жағдайлар бөлімінің инженері Серіккүл Әбжаева, аудандық полиция бөлімінің жергілікті полиция бөлімшесінің бастығы Қанат Ермаханов, Қармақшы жастар ресурстық орталығының директоры Нұржұман Пірназаров және мектеп директорлары, әлеуметтік педагогтар, медбикелер, тәрбие ісі жөніндегі орынбасарлар, психологтар, ата-аналар комитетінің төрағалары қатысып, оқушылардың жазғы демалысын және бос уақыттарын, жазғы лагерь жұмысын тиімді ұйымдастыру барысын жан-жақты талқылады.Сонымен қатар Қазақстан Республикасы Оқу-ағарту министрлігімен бекітілген «2024-2026 жылдардағы жазғы демалыс кезінде балаларды сауықтыруын, демалысын,бос уақытын өткізуге бағытталған іс шаралар» жоспары басшылыққа алынып, балалар мен жасөспірімдердің денсаулығын нығайтуына, шығармашылық еңбегіне, қабілеттерін іске асыруы үшін қажетті жағдайларды қамтамасыз етуге, олардың тиімді демалысын және бос уақытын мазмұнды ұйымдастыруға, азаматтық сана-сезімін, жалпы мәдениетін, салауатты өмір салтының дағдыларын қалыптастыруға, ғылыми, техникалық, көркемдік шығармашылықта, біліктілігін кеңейту және тереңдетуге байланысты жұмыстар жүргізіледі.&nbsp;

Қармақшыда оқушылардың жазғы демалысын ұйымдастыру мәселелері пысықталды

<a href="https://kyzylorda-news.kz/">Kyzylorda-news.kz.</a>&nbsp; Жақында Қазалы ауданы әкімі Мейрамбек Шермағанбеттің төрағалығымен аудан әкімдігі жанындағы құқық бұзушылық профилактикасы жөніндегі ведомоствоаралық комиссия отырысы өтті.Комиссия отырысында бөтеннің мүлкін ұрлау, оның ішінде – мал ұрлығы қылмыстарының алдын алу бағытында атқарылған шаралардың нәтижелері талқыланды. Бұл жөнінде, Қазалы аудандық полиция бөлімі бастығының орынбасары Болатхан Мұқанов пен Қазалы аудандық ауыл шаруашылығы мен жер қатынастары бөлімінің басшысы Еркін Сейтов баяндама жасады.Мұнан соң, қосымша Майдакөл ауылдық округі бойынша өткен жылы орын алған қылмыстық құқық бұзушылықтар мен олардың алдын алу бойынша атқарылған шаралар туралы ауыл әкімі Қонысбек Құрманбаев хабарлама жасады.Күн тәртібінде көтерілген мәселелер бойынша атқарылған жұмыстардың легін тыңдаған Қазалы ауданы басшысы Мейрамбек Зинабдинұлы бүгінгі таңда аудан бойынша, әсіресе, ауылдық округтерде мал ұрлығының белең алып отырғандығын айтты. Бұл бойынша елді мекендердегі учаскелік полиция инспекторларымен ауыл әкімдеріне бірлесе жұмыс жасап, мал ұрлығының алдын алу бойынша жұмысты күшейтуді тапсырды.Сонымен қатар, өзге де, түрлі құқықбұзушылықтардың алдын алу мақсатында тұрғындарға түсіндірме жұмыстарын кеңінен жүргізіп, ауыл шаруашылығы жануарларына чип орнату, сырғалау, сәйкестендіру және таңбалау жұмыстарының да, баяу жүргізіліп жатқандығын айтып, бұл жұмыстарды жүйелі орындауды қатаң тапсырды.

Құқық бұзушылық профилактикасы жөніндегі ведомоствоаралық комиссия отырысы өтті

<a href="https://kyzylorda-news.kz/">Kyzylorda-news.kz.</a> &nbsp;Қызылорда облысы бойынша экономикалық тергеп-тексеру департаменті мен Қорықт ата атындағы Қызылорда Университетінің ұйымдастыруымен «Кұмар ойын − қоғам дерті» атты дөнгелек үстел өтті. &nbsp;Қазақстан Республикасының Ғылым және жоғары білім Министрлігінің «Білім беру ұйымдарының білім алушылары арасындағы жастар саясатын жетілдірудің 2023-2024 жылдарга арналған жол картасына» сәйкес өткен шараға университет оқытушылары, теолог маманы, заң қызметкерлері мен студенттер қатысты.&nbsp;Шараның басты мақсаты – қазіргі қоғамдағы өзекті мәселе, әсіресе жастар арасында кең өріс алған ойын құмарлық, лудомания такырыптарында жастарға нақты ақпарат бере отырып, психопрофилактикалық жұмыстарын жүргізу.Дөңгелек үстел барысында теолог, дін саласы бойынша республикалық-ақпараттық түсіндіру тобының мүшесі Бақтияр Есенгелдіұлы жастарға интернеттен діни мазмұндағы ақпараттар алудың қауіптілігі және жат ағымдардан сақтану жолдары аясында түсіндіру жұмыстарын жүргізді.<blockquote>− Қазіргі кезең ақпараттық заманның тасыған уақыты. Білгің келген нәрсенің жауабын ғаламтор беттерінен тез, әрі оңай табуға болады. Түрлі ғаламтор желілерінің арасында адамға пайдасымен қоса, зиянын да беретін ақпараттар жетерлік. Соның бірі діннің атын жамылған деструктивті діни ағымдардың идеологиясын құрайтын ақпарат көздері. Сол ақпараттардың қайсысы қаншалықты дұрыс, қайсысы қаншалықты бұрыс екенін көп адамдар аңғара бермейді. Сондықтан кез-келген ақпаратты оқығанда &nbsp;сенімді көздерден оқу қажет. Барлық дүниеге сен беруге болмайды, − деді.</blockquote>Ал облыс бойынша экономикалық тергеп-тексеру департаменті, талдау әзірмелеу тобының АМІЖ жедел уәкілі Нұрбол Әлкебайұлы лудомания дертінің зиянын айта келе осы тұрғыда департаменттің бүгінгі атқарып жатқан жұмысына тоқталды.<blockquote>− Экономикалық тергеу органының қылмысты анықтау, тергеу бұл біздің күнделікті жұмысымыз. Сонымен қатар біз қылмыстың алдын алу, оны болдырмау үшін де жұмыс жасаймыз. Қоғамды қылмыстан тазарту үшін ең алдымен адамдар құқықтық жағынан сауатты болуы керек. Бүгінгі біздің мақсатымыз біреу, ол жастар арасында заңбұзушылық фактілерін болдырмау. Керісінше, жастардың қоғамдық жауапкершілігі мен белсенділігінің жоғары болуын қалаймыз. Және болашақта осы бағытта бірлесіп жұмыс жасауға шақырамыз, − деген ол &nbsp;биылдың өзінде заңсыз ойын бизнесі бойынша 2 қылмыстық іс тіркелгенін айтты.&nbsp;</blockquote>Атап айтқанда облыстағы аудан тұрғыны «Instagram» әлеуметтік желісінде тікілей эфирде бәс тігішілердің қатысуымен ойын ойнады. Түскен қылмыстық кіріс 13млн. теңгеден астамды құрады. Қылмыстық іс сотқа жолданды.<blockquote>- Соңғы 2 жылда департамент өндірісінде заңсыз ойын бизнесіне қатысты 23 қылмыстық іс болып, 22 ойын орны жабылды. Барлық қылмыстық істер аяқталып, соттың шешімі шықты. Жүргізілген профилактикалық жұмыстардың нәтижесінде жыл басынан «Кибернадзор» жүйесі арқылы 185 сілтеме бұғатталды, 5 аккаунт жойылып жұмысы тоқтатылды, − деді ол. &nbsp;</blockquote>

Қазақстан және Қызылорда облысының жаңалықтары