Мұстафа Шокай 1920 жыллары алғаш рет ат басын бұрған Еуропадағы қазақ қоғамына жүз жылдан асты. Осы орайда Лондонда Біріккен Корольдік Қазақ түрік қауымдастығының бастамасымен &nbsp;конференция ұйымдастырылады. Конференция сәуір айының 27-і болады.ХХ ғасырдағы Түрік әлемінің маңызды зиялылары мен мемлекет қайраткерлерінің көш басшыларынан бірі Мұстафа Шокайдың өмірі мен шығармашылығына бүгінгі таңда қызығушылық артуда.Мұстафа Шоқай – бүкіл түркі әлемінің тарихи тұлғасына айналған біртуар азамат. Алаш партиясында болды, Түркістан автономиясының басында тұрды. 21 жыл Еуропада эмиграцияда жүріп, қазақтың бостандығы үшін күрескен тұлға. Мұстафа Шоқай қазақ тарихында саяси қайраткер, түркі халықтарының біртұтас идеясының авторы және сол үшін күресуші ретінде аты қалды. Ол Кеңес Үкіметі кезінде халық жауы атанып, қуғынға ұшыраған, күні кеше ғана есімдері ақталып, халқына оралған Алаш қайраткерлерінің бірі.&nbsp; Бүгінде Мұстафа Шоқайдың еңбектерінің біразы Франциядағы кітапханада сақтаулы. Шоқайдың еңбектерін зерттеуге қазақстандық ғалымдар ғана емес, шетелдіктер де көп келетін көрінеді. Мұстафа Шоқай бірнеше тілде еркін сөйлеп, полиглот болған. Орыс, неміс, ағылшын, француз, түрік, өзбек тілдерін білген. Көптеген тілдерді білуіне байланысты Мұстафа Шоқайға Парижде, Лондонда, Стамбулда, Варшавада аналитикалық шолулар жасауға және баяндамалар жасауға мүмкіндік туды. Шетел басылымдарында саяси шолулар мен Түркі әлеміне байланысты зерттеулерді жариялап тұрған.Мұстафа Шоқай талай рет келіп Түркістан тәуелсіздігі туралы ағылшын зиялыларымен бас қосып конференцияларда сөз сөйлеген Лондонда, 1941 дүниеден өткеннен кейін, алғаш рет ол туралы бас қосу болмақ. Конференция сәуір айының 27-і болады.&nbsp;Айтулы іс-шарада оның ағылшын тіліндегі кітабының да тұсаукесері жасалмақ.Айта кету керек, Мұстафа Шоқай 1889 жылы Қызылорда облысы, Шиелі ауданы, Сұлутөбе ауылында дүниеге келген. Алаш қозғалысы қайраткері, Түркістан өлкесі халықтарының азаттық күресі жетекшілерінің бірі, публицист.&nbsp;Бүгінде Қорқыт ата атындағы Қызылорда университетінде Мұстафа Шоқайға арналған ғылыми зерттеу орталығы бар.&nbsp;Қорлан САРЫ

Лондонда тұңғыш рет Мұстафа Шоқай конференциясы өткізіледі

<a href="https://kyzylorda-news.kz/">Kyzylorda-news.kz</a> &nbsp;Биыл қазақстандық мектептерде оқу жылы 34 аптаға созылады. Сондай-ақ 3,8 миллионнан астам&nbsp;оқушы&nbsp;2023-2024 оқу жылын аяқтайды, оның ішінде 186 мың түлек мектеппен қош айтысады екен. Бұл туралы&nbsp;<a href="https://stan.kz/biil-neshe-okushi-mektep-bitiredi-oku-agartu-ministrlig-399239/">Stan.kz</a>&nbsp;ақпарат агенттігі хабарлайды. Биылғы оқу жылы 34 аптаға созылып, 25 мамырда аяқталады."Бірқатар облыстардағы су тасқыны жағдайына байланысты және соңғы күн сенбіге келіп тұрғандықтан,&nbsp;оқушыларға сынып сағаты өткізіледі. Онда сынып жетекшілері оқушылармен бірге өткен жылды қорытындылайды", –&nbsp;деді тәрбие жұмысы және қосымша білім беру департаменті директорының орынбасары Қарлығаш Құрманбекова.11 (12) сынып түлектеріне аттестаттарды тапсыру және арнайы "Алтын белгі" төсбелгілерімен марапаттау 12-15 маусым аралығында барлық мектеп емтихандары аяқталғаннан кейін өтеді.Емтиханға қауіпсіздік пен сапалы дайындықты қамтамасыз ету үшін 9-11 сынып түлектеріне ақша жинауға, салтанатты тойларға, банкеттерге және көлікпен жүруге тыйым салынады.Фото: Нұрболат Нұржаубай

Түлектерге ақша жинауға, салтанатты тойларға, банкеттерге және көлікпен жүруге тыйым салынады

Білім көкжиегіндегі үздік мектеп

<a href="https://kyzylorda-news.kz/">Kyzylorda-news.kz.</a> Қоршаған ортаны таза әрі ұқыпты ұстау – әрбір азаматтың басты парыздарының бірі. Себебі, табиғат – баршамызға ортақ құнды байлық. Қазақта ежелден табиғатты аялауға, жақсы көруге үлкен мән беріледі. Сол үшін де атадан балаға жалғасқан игі іс халық арасында өз құндылығын жоғалтқан емес. Сондықтан да, дәстүрін діңгек еткен дана халқымыз көктем шығысымен аумақты көкжелекке айналдыруға атсалысып, тал отырғызуда белсенділік танытады. &nbsp;&nbsp;Бүгінде елімізде «Таза Қазақстан» республикалық экологиялық акциясының үшінші аптасы «Жасыл аймақ» тақырыбында жалғасуда. Осы ретте, Сырбойылық бір топ ардагерлер және зиялы қауым өкілдері қаладағы Қорқыт ата ескерткіші маңында Сыр талын отырғызып, аталмыш акцияға өз үлестерін қосты. Бұдан бөлек, ардагерлер ескерткіш аумағында әдемі гүлдер екті. Шара барысында облыстық ардагерлер кеңесі төреағасының орынбасары Өмірбек Шәменов акцияға қатысты өз пікірін білдіріп, жас ұрпаққа табиғаттың жанашыры болуға және айналаны барынша таза ұстауға шақырды. Осы арқылы аймағымыздың экологиялық ахуалын жақсартып, жан-жағымызды жасыл-желекке айналдыруға үлкен мүмкіндік болары сөзсіз екенін тілге тиек етті.Айта кетейік, «Жасыл аймақ» апталығы Қызылорда қаласы және барлық аудан орталықтарында ерекше шаралармен жалғасуда.<img src="https://knadmin.beoblood.kz/uploads/71a7df0d_3470_42d7_8857_3489ec7b795c_c38c0f17d1.jpg" alt="71a7df0d-3470-42d7-8857-3489ec7b795c.jpg"><img src="https://knadmin.beoblood.kz/uploads/542264bb_21f5_4eec_9b82_dec4f6c9f236_600f42d8fa.jpg" alt="542264bb-21f5-4eec-9b82-dec4f6c9f236.jpg">

Қызылорда қаласында “Жасыл аймақ” акциясына ардагерлер де ат салысты

<a href="https://kyzylorda-news.kz/">Kyzylorda-news.kz.</a> Енді білім беру ұйымдарын алдын ала ескертусіз тексеруге болады, деп хабарлайды&nbsp;Оқу-ағарту министрлігінің баспасөз қызметі.&nbsp;Биыл сәуірде әйелдер мен балалардың құқығын қорғап, қауіпсіздігін қамтамасыз етуге мүмкіндік беретін заңға қол қойылды.«Заң шеңберінде жоспардан тыс тексеру жүргізу тәртібі өзгерді. Енді еліміздің білім беру ұйымдарында жоспардан тыс тексерулерді субъектіні алдын ала хабардар етпей және тексеру тағайындау туралы актіні тіркеусіз жүргізуге болады. Бұл норма балалардың құқығы бұзылған жағдайда тексеріске дайындалуға мүмкіндік бермейді», - деп жазылған хабарламада.Балалардың құқығын қорғау комитеті білім беру ұйымдарына тұрақты негізде тексеріс жүргізеді.дереккөз: https://dauletten.kz/Фото: Нұрболат Нұржаубай

Енді білім беру ұйымдары ескертусіз тексеріледі

<a href="https://kyzylorda-news.kz/">Kyzylorda-news.kz</a>&nbsp; Өткенсіз бүгін жоқ. Бүгінсіз ертеңнің де болмайтындығы белгілі жәйт. Өткенді ойласақ, халқымыздың бір басына түскен тауқымет ауыртпалығының аз емес екенін айқын сезінеміз. 1928 жылғы кәмпеске науқанында мал-мүлкінен тып-типыл боп айрылып, тақыр жерге отырып қалған қазақ халқының дәл сол тұстағы ауыр азабын сөзбен айтып жеткізу мүмкін емес. Енді ес жиып, етек жаба бастағанда 37-ші жылдың зобалаңы басталып та кетті. Аштық пен тапшылықтың тауқыметі өз алдына, елдің астаң- кестеңін шығарған депортация дүрбелеңінің зардабы қаншама! Оны бір халықтың ғана емес, күллі адамзат баласының басына түскен қаралы күн, айықпас дерт таңбасы десе де болғандай. Бұл туралы Қармақшы аудандық тарихи-өлкетану музейінің ғылыми қызметкері Гүлмира Өтегенова мәлімдеді.Сырдарияның суы көктемде арнасынан асып, сай-саланы қуалап жан-жаққа кетіп жататын. Сол сай салалардың бірі – Қашқансудың табаны терең өзек еді. Өзекке су тоқтататын бөгеттер жасалған. Шомдап қара буралар салынған. Одан да су тоқтамаған. Бөгелген жерден су ағып, жан-жаққа қаша бергеннен тұрғылықты халықтар жердің атын Қашқансу деп атаған.Сол кезеңде еріксіз жер аударылып, тақсырет қамытын мойнына ілген көптеген ұлт пен ұлыстың, шағын этностардың қаралы күштері қазақ жеріне қарай ағылып келіп жатты. Жол азабын тартып, әбден жүдеп-жадаған, әлсіз, ашқұрсақ жандардың бет жүзіне қараудың өзі де тым ауыр еді. Қазақтың көнекөз қариялары: «Жылағанды сұрама, күлгенді сұра, Жылағанның мүңы бар, күлгеннің сыры бар» деуші еді. Сол айтқандай, қайғымен қан жұтып, арып-ашып келген азалы елдің адамдарын қазақтар жөн-жосығын сұрап жатпай-ақ төрінен жәй беріп, өз орталарына алды, қайрымдылық көмегін көрсетіп, қамқорлығын жасап бақты. Кәріс халқы айтады екен: «Тіршіліктің түзу жолы жоқ» деп. Ата-бабалары айтып кеткен осы ұлағатты сөзді берік ұстаған олар тағдыр тәлкегі мойындарына салған ауыртпалықты үнсіз көтеріп, сағын сындырмады, аш-жалаңаш жүрсе де, сыртқа сыр бермей, белін бекем буып, білек сыбанып еңбек етті. Сөйтіп аз уақыттың ішінде-ақ бой түзеп, өсіп-өркендеді, ұйымшылдық ұйтқысын жасап, ұлттық болмысын сақтай алды. Міне, мұның өзі ұлттық рухтың тектілігін көрсететін тамаша қасиеттер емес пе?Әлем кең, тіпті сол басы да, аяғы да жоқ, ұшы-қиырсыз боп көрінгенімен өз табиғатында біртұтас нәрсе. Қазақ «Адамның күні адаммен» деп пәлсафалық ой түйіндегенде жер бетіндегі халықтардың бірінсіз бірі өмір сүре алмайтындығын, өзара аралас-құралас жүргенде ғана өсіп, өркендеп, кемел өркениетке жететінін меңзеп айтқан болар-ау. Тарихқа жүгінсек, мұның алдында да халықтардың бір елден бір елге көшу үрдісі болған. Бірақ ол еркін, ерікті әрі бейбіт қоныс аударулар болатын, ІІ Николай&nbsp; тұсында қытайлар Ресейде жол салған. Сонау батыстағы тұманды ел -&nbsp; Ұлыбританиядан артынып-тартынып келген ағылшындардың орталық Азия елдеріне теміржол тараптарын жеткізгені белгілі. Осылайша әр елдің халықтары бір-біріне барып, өнері мен іс тәжірибелерін ортаға салған.&nbsp;Тарих бетін парақтасаңыз, бұның бәрі сталиндік зобалаңнан басталған. 1937 жылы қыркүйекте Қиыр Шығыстан корей халқын Қазақстанға көшірді.&nbsp; Соның бірсыпырасы Қармақшы жеріндегі «Қашқансу» ауылдық кеңесіне қоныс аударды. Пак Ин Кван, Цай Ден Хак, Ким Тен Сем сияқты азаматтар жаңа өңірде еңбек туын желбіретті. Егін егуді қолға алып, соғыс жылдарында осы колхоз диқандары 215 гектар күріштен 3689 центнер өнім алғаны туралы дерек те бар.Соғыс демекші, бұл ауылға түріктер де қоныстанды. 1944 жылы Грузиядағы Месхетия таулы өңірінен түріктер қазақ еліне жер аударды. Сол уақытта Қармақшыға 28 отбасы келді. Жергілікті қазақтар бұл ағайынды да қабақ шытпай, қамқор көңілмен қарсы алды.Жалпы бүгінгі ауыл атауы ілгеріден бар дедік қой. Сол кездегі Қашқансу табанындағы «Черновная земля», ІІІ Интернационал мен сол уақыттағы Бозарқаш ауылдық кеңесіне қарасты «Утренняя заря» колхозшылары бірігіп, жаңа колхоз құруға бекінді. Бұл 1950 жылы болыпты. Жаңа колхоз «ІІІ Интернационал» деп аталып, оның председателі болып Цай Ден Хак сайланады. Бүгінде ауылдың тік тұруына бірден-бір себепкер корей азаматы 1984 жылға дейін колхоз басшысы болған.Тіршілік атауында түзу жол жоқ. Керісінше олар түрлі бұралаң мен қисық тағдырдың салмағына төзді, көтере білді. Ата-бабалары айтып кеткен осы нақыл сөзді берік ұстаған корейлер сол кезгі ауыртпалықты үнсіз көтеріпті. Әлі де сыртқа сыр бермей, бір-бірінің сағын сындырмастан, біріге еңбек етіп келеді.Қармақшыда қоныстанған 30 шақты корей отбасы қазір едәуір көбейген. Түтін саны 60-қа жуықтаған олар қазақ халқымен қолтықтаса, тату-тәтті өмір сүруде.Қашқансудағы ауылда қазақ, түрік, кәрістермен бірге орыстар, украйндар, беларустар, татарлар, өзбектер, курдтар өмір сүріп, тәуелсіз еліміздің байлығы мен рухани қазынасын молайта түсуге өздерінің күш – жігерін жұмылдырып келеді. Осындай татулық пен ынтымақ, өзара берік сенім тұрғанда ел іргесі ешуақытта шайқалмақ емес. Тәуелсіздік туы биік әрі берік болғай.&nbsp;Қорлан САРЫ Фото: syrboyi.kz

Қармақшыда түрлі ұлт өкілі тату-тәтті ғұмыр кешуде

<a href="https://kyzylorda-news.kz/">Kyzylorda-news.kz.</a> Instagram әлеуметтік желісінде Нұра ауылы бейнеленген видеолар тарады. Адамдар көшеде қайықпен жүр, үйлер суға батқан, кейбірі опырылып түскен, орта мектеп те су астында қалған. Су мектепке кіріп бара жатқан адамның беліне жетіп тұр. Бұл туралы<a href="https://stan.kz/torgay-ozeni-koterildi-irgiz-audanindagi-auildardi-su-b-399246/"> Stan.kz</a> ақпарат агенттігі хабарлайды.22 сәуірде облыстық төтенше жағдайлар департаменті&nbsp;Торғай өзеніндегі су деңгейі сыни көрсеткіштен жоғары болғанын хабарлады. Су Қостанай облысынан Ырғыз&nbsp;ауданына ағады, ол – Ақтөбе облысында су тасқыны жалғасып жатқан&nbsp;жалғыз өңір. Торғай өзеніндегі судың көтерілуіне байланысты мұнда 3 ауылды – Нұра, Мамыр және Белшер ауылын&nbsp;су басқан. Осы&nbsp;кенттердің тұрғындары мен Құлыс ауылының тұрғындары аудан орталығына&nbsp;эвакуацияланды. Жалпы саны&nbsp;1280 адам көшірілді.Нұрада 67 үй, Мамырда – 10, Белшерде 4 үй су астында қалды. 25 сәуірге қарай олардың саны өсті. Нұрада 84 үйді су басып қалды. Ауыл аудан орталығынан 90 шақырым жерде орналасқан, қазір тек айналма жол бар және ұзындығы – 180 шақырым . Ауылда 112 үй, 691 тұрғын бар. 14 сәуірде мұнда биіктігі 2 метрге дейін судан қорғау үшін салынған бөгетті су шайып кетті. Бөгет 5 шақырымға нығайтылды, ені – 3 метр, биіктігі – 2,5 метр.Торғай өзеніндегі су деңгейінің жоғарылауына байланысты, облыс әкімдігінің мәліметінше, Мамырда&nbsp;22 үй, Белшерде&nbsp;4 үй су астында қалды. Ырғыз ауданында барлығы 110 үйді су басып қалды.Айта кетейік, <a href="https://stan.kz/bko-dagi-su-atirau-oblisina-karay-agip-zhatir-tzhm-399243/">төтенше жағдайлар министрлігі 25 сәуірде су Батыс Қазақстаннан Атырау облысына ағып жатқанын</a> мәлімдеді.Aibeknomad&nbsp;парақшасындағы видеодан скриншот

Торғай өзені көтерілді: Ақтөбедегі Ырғыз ауданын су басып жатыр

<a href="https://kyzylorda-news.kz/">Kyzylorda-news.kz.</a> &nbsp;Соңғы жылдары Қызылорда облысының жол инфрақұрылымы саласында оң динамика қалыптасып, айтарлықтай нәтижелерге қол жеткізуде. Мәселен, биыл жергілікті жолдардың деңгейін жақсарту мақсатында республикалық және облыстық бюжеттен тиісті қаржы бөлініп, ұзындығы 266 км құрайтын автомобиль жолдары, көпір өткелдері және көшелерді қайта жаңғырту жоспарлануда. Осының нәтижесінде, индикаторлық көрсеткішті 92% жеткізу межеленіп отыр. Бұл жөнінде облыстық жолаушылар көлігі және автомобиль жолдары басқармасының басшысы Жәнібек Сыздықов хабарлады.– Мемлекет басшысы өз Жолдауында еліміздегі автожол құрылысына, оның ішінде жергілікті жолдардың сапасына баса мән беру керектігін айтқан болатын. Осыған сәйкес, 2025 жылға дейін жергілікті маңызы бар жолдардың жақсы және қанағаттанарлық деңгейін 95 пайызға дейін жеткізу көзделді. Бүгінде Қызылорда облысы аумағында жергілікті маңызы бар автомобиль жолдарының жалпы ұзындығы – 3580,5 км құрайды. Оның 1014,5 км - республикалық, 555 км -облыстық, 2011 км - аудандық маңыздағы автомобиль жолдары. Қазіргі таңда ұзындығы 266 км құрайтын автомобиль жолын қайта жаңғырту жұмыстары жүргізілуде. Бұдан бөлек, осы жылы қаладағы Жаппасбай батыр көшесін 4 жолақтыға кеңейту жұмыстары басталады. Ал Яссауи көшесі қайта жаңғыртылып, тұрғындарға табысталатын болады. Сонымен қатар, Жанқожа батыр көшесінен темір жол асты көпірінің құрылыс-монтаждау жұмыстары қолға алынып, «Қызылжарма» каналы арқылы өтетін автожол көпірінің құрылысы жүргізілмек. Бұдан бөлек, өздеріңіз білетіндей аймағымызда жолаушылар тасымалы да жанданып келеді. Солардың бірі - құны 975 млн теңгені құрайтын жаңа автовокзал жақында ғана ел игілігіне табысталды. Сондай-ақ, Қорқыт ата әуежайының жаңа терминалы да көп ұзамай пайдалануға берілетін болады. Жаңа нысан арқылы Қорқыт ата әуежайынан Ақтауға қарай рейс ашылады деп күтілуде. Одан бөлек, халықаралық әуе қатынастарын ұйымдастыру жұмыстары қарқынды жүргізілуде, - деді Жәнібек Шәкімбайұлы.Облыстың экономикалық дамуына әсер ететін негізгі фактордың бірі – республикалық маңызы бар жолдардың сапалы жүргізілуі. Бұл ретте Қызылорда облысын еліміздің орталығымен байланыстыратын «Қызылорда-Жезқазған» күре жолының құрылысы қарқынды жүргізілуде.– Қазіргі республикалық маңызы бар «Қызылорда-Жезқазған» тас жолының 190 шақырымына абаттандыру жұмыстары жүргізіліп, іске асырылып жатыр. Бүгінгі күні құрылыс көрсеткіші жақсы деңгейде деп айтуымызға болады. Аталған жолдың сапалы әрі қанағаттанарлық деңгейде орындалуы үшін бекітіліген жоспарға сәйкес орындайтын боламыз. Құрылыс жұмыстары 2025 жылы аяқталды деп жоспарлануда, - деді “Қазавтожол” ҰК АҚ облыстық филиалы басшысының орынбасары Ерсайын Мұзафар.Фото:&nbsp;Қызылорда облысының Өңірлік коммуникациялар қызметі

Қызылорда облысында жол құрылысы қарқын алды

<a href="https://kyzylorda-news.kz/">Kyzylorda-news.kz.</a> &nbsp; 2024 жылдың І тоқсанында тұтынушылардың құқықтарын қорғау саласына тұтынушылар тарапынан 117 өтініш келіп түскен. Оның басым көпшілігі- бөлшек сауда саласына байланысты. Бұл көрсеткіш өткен жылдың осы кезеңімен салыстырғанда 60 пайызға жоғары. Бүгін Өңірлік коммуникациялар қызметінің ақпарат алаңында Қызылорда облысы бойынша Сауда және тұтынушылардың құқығын қорғау департаментінің басшысы Ерқасым Сүлейменов 2024 жылдың І тоқсанында атқарылған жұмыстардың нәтижесі туралы баянадады. – Бізге келіп түскен 117 өтініштің 72-сі бөлшек сауда саласы бойынша болып отыр. Атап айтсақ, сапасыз тауарды айырбастаудан, қайтарудан бас тарту және 14 күн ішінде тиісті сападағы тауарды айырбастамай, тұтынушыларды алдап, сапасыз тауар ұсыну. Одан бөлек, тұрғын-үй коммуналдық шаруашылық қызметтері саласы мен электрондық сауда, қоғамдық тамақтану салалары бойынша да бірнеше құқық бұзушылық өтініш келіп түсті. Аталған өтініштерді заңға сәйкес қарау қорытындысымен 62 өтініш қанағаттандырылды. Ал, 3 өтініш түсіндіріліп, 44 өтініш басқа мемлекеттік органдарға жолданды. Нәтижесінде, тұтынушыларға барлығы 6,4 млн теңгенің қаражаты қайтарылуына ықпал жасалды. Бұдан басқа, 2024 жылдың І тоқсанында "Сапалы өнім" жобасы қоғамдық тұжырымдамасы аясында ішкі нарықта отандық өндірушілер мен тұтынушыларды қорғау мақсатында сапасыз және қауіпті тамақ өнімдеріне зерделеу жұмыстары жүргізілді. Сараптама қорытындысы бойынша 5 өнімнен, атап айтқанда қаймақ, сүзбе және шикі ысталған шұжық өнімдерінен таңбалаудағы сәйкестіктер және мемлекеттік тілде ақпараттар жоқтығы анықталса, қалғандары талапқа сай келді, - деді Ерқасым Жайбергенұлы. Фото: Қызылорда облысының Өңірлік коммуникациялар қызметі

Тұтынушылардың құқықтары қорғалуда

<a href="https://kyzylorda-news.kz/">Kyzylorda-news.kz.</a> «Діни экстремизмге қарсы іс-қимыл академиясының директоры, РАТТ мүшесі, журналист-теолог Салтан Сәкен Сайранұлының &nbsp;қатысуымен Қызылорда облысы бойынша ҚАЖ департаментінің №37 мекемесіндегі жазасын өтеушілермен &nbsp;«Діни сауаттылығын арттыру» тақырыбында кездесу өтті.Діни сауаттылығын арттыру, теріс діни ағымдарға қарсы иммунитет қалыптастыру мақсатын көздеген іс-шараға 30-ға жуық сотталған азаматтар &nbsp;қатысты.&nbsp;Діни радика¬лизм – қоғам үшін өте қауіыпті құбылыс. Радикалдық ұстаным тек қазақ елі үшін ғана емес әлем үшін де әрдайым қауіпті. Себебі өзге адамның діни сеніміне күшпен ену арқылы жол табу бейкүнә адамдардың өмірін қиюға алып келуі мүмкін. Ал бұл адамзат алдында кешірілмес қылмыс. Өзге адамдардың діни құлшылығын мансұқтап, тек меніңкі ғана дұрыс жол деген жаңсақ пікірден сақ болуымыз керек, − дейді теолог Сәкен Сайранұлы. Дін туралы, діни радикализм туралы &nbsp;маңызды пікірлер айтып, нақты ақпараттар берілген жиынға қатысушылар өз кезегінде алғыстарын білдірді.<blockquote>&nbsp;– Бүгінгі кездесуде діни танымдық уағыздар тыңдап, керемет әсер алдық. Өз сауалымды да &nbsp;қойып, теолог тарапынан тұшымды жауаптар берілді. Барлығын қарапайым тілде өмірмен байланыстыра отырып түсіндірді. Осы іс- шараны ұйымдастырған мекеме әкімшілігіне алғысымыз шексіз, – дейді сотталған азамат.</blockquote>&nbsp;Жиын соңында қатысушы жазасын өтеушілер өздерінің қызығушылықтарын білдіріп, пікір алмасып, &nbsp;сауалдарын қойып, тұщымды жауаптарын алды. &nbsp;

Діни сауаттылық – қоғам қауіпсіздігі

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының Жалағаш ауданындағы № 124 мектепте қызмет барысында қаза тапқан полиция капитаны Әбішев Кеңесбек атындағы кадет сыныбының ашылу салтанаты өтті. Шараға Қызылорда облысы Полиция департаментінің Тәрбие және кадр жұмысы басқармасы бастығының орынбасары полиция майоры Асқар Балқожаев және Жалағаш ауданы полиция бөлімінің бастығы полиция подполковнигі Лекеров Талғат, Жалағаш аудандық білім бөлімінің басшысы Садықов Талғат, мектеп ұжымы мен оқушылар қатысты.Іс-шара барысында қызмет атқара жүріп, жұлдызы ерте сөнген Әбішев Кеңесбектің өмір жолы туралы деректер айтылып, жиналған көпшілікке оның ерлігі дәріптелді.Әбішев Кеңесбек Махметханұлы 1958 жылдың 20 наурызында Қызылорда облысы, Жалағаш ауданының Ақарық ауылында дүниеге келген. 1964 жылы қазіргі Есет батыр ауылындағы №124 орта мектепке қабылданып, 1974 жылы бітіреді. 1975 - 1977 жылдар аралығында әскер қатарына қабылданып, Мәскеу қаласында екі жыл әскери борышын абыроймен өтеп келген. 1978 жылы Қарағанды политехникалық институтына оқуға түседі. Оқи жүріп Жарылқағанова Кенжемен бас қосады. Жанұялы болған соң оқуын Қызылорда қаласындағы Гидромелиоративный институтына ауыстырып, сол жерден оқуын аяқтайды. Алғаш еңбек жолын туған өлкеде түрлі қызметтер атқарудан бастайды.1990 жылы Шымкент қаласындағы № 9 полиция қызметкерлерінің курсынан өтіп, 1991 жылдан бастап 1997 жылға дейін туған жерге қызмет қылу мақсатында ауылда учаскелік полиция қызметкері болып жұмыс атқарады. 1997 жылы АІІ бөліміне лауазымды қызметке ұсынылып, майор шеніне бұйрық тағайындалған шағында 23 қыркүйек күні қызметтік міндетін атқару барысында қаза болды. Қамшының сабындай қысқа ғана ғұмырында «Тәртіпке бағынған құл болмас» дегенді ұстана жүріп қызметінде адал ерлікпен есте қалса, өз отбасында асқар тау әкенің ізгі жолын жалғаған ұрпақтары әке-шешенің үкілі үмітін ақтаған ұрпаққа айналды.Жары Қызылорда қаласында Н.В.Гоголь атындағы педагогикалық институттың филология факультетін тәмамдаған. 1982-2021 жылдар аралығында үздіксіз еңбек етіп, ел ықыласына бөленген ардагер ұстаз атанды.Әкеден жас қалса да ананың шексіз мейірімі мен қажырлы еңбегінің арқасында 5 баласы білікті маман иесі болып, үлгілі шаңырақ құрып өркендеп отыр.Бүгінгі ерекше шара өскелең ұрпақты патриоттыққа тәрбиелеу, оларды отансүйгіштікке баулу мақсатында ұйымдастырылды. Жалпы кадет сыныбын құрудың мақсаты - табиғи және техногендік сипаттағы түрлі төтенше жағдайлар кезінде жедел дұрыс шешім қабылдау білімі мен дағдыларын дамыту, өрт қауіпсіздігі саласындағы алдын алу, зардап шеккендерге алғашқы медициналық көмек көрсету бөлігінде жас ұрпақты патриоттық тәрбиелеу болып табылады.<blockquote>«Қызмет барысында қаза тапқан Әбішев Кеңесбек туралы естеліктер біздің жүрегімізде мәңгі сақталады. Ол құқық қорғау саласын таңдаған жас мамандар үшін адалдық пен абыройдың үлгісі болып қалады. Ерлік пен батылдық, ержүректік - тәртіп сақшыларының бойынан табылатын қасиеттер. Бұл ретте Әбішев Кеңесбек полицияның даңқты дәстүрлерін жалғастырды, қызметтік борышына адалдық танытты» деді полиция майоры Асқар Балқожаев.</blockquote>Сонан соң кадет сыныбының мүшелері салтанатты түрде ант берді. «Жас құтқарушы» кадет сыныбына кірген оқушылар өз Отанының ержүрек, әрі батыл қорғаушысы болуға дайындалумен қатар, әрдайым ізденуге, оқуда озат, елінің патриоты ретінде қатарластарына үлгі болуға ант берді.

Қызылорда да Әбішев Кеңесбек атындағы кадет сыныбы ашылды

<a href="https://kyzylorda-news.kz/">Kyzylorda-news.kz</a> Алматыда үш адамның өмірін қиған автоус апатына қатысты сот отырысы өтті деп хабарлайды&nbsp;<a href="https://sn.kz/sn-akparat-agyny/112052-almatydagy-avtobus-apaty-marku-mnyn-tuystary-20-mln-otemaky-talap-etti">Skifnews.kz</a>&nbsp;ақпарат порталы.Зардап шеккен тарап айыпталушы мен автопарк өкілдерінен 20 млн теңге көлеміндегі өтемақыны талап етіп отыр. Алайда олар туыстарынан айырылғандардың талабымен келіспей отыр.Ал автобус жүргізуші Ермек Шөкебаева өзін соққыға жыққан сотталушыға бейәдеп сөздер айтпағанын айтып ақталуда.Айта кетейік, Жоғарғы соттың шешімімен бұл іс бойынша процесс те онлайн режимде көрсетіледі.Жәбірленушілердің талап-арызымен айыпталушы Дархан Ахметжанов бірден келіспейтінін айтты. Қоғамдық көлікке тиесілі автобус компаниясы да 20 млн теңге моральдық өтемақыны төлемейміз деп отыр.Құрметті сот, талап-арызды қолдамаймыз. Себебі қылмыстық іс бойынша біз айыпталушы, күдікті тарап ретінде танылмағанбыз. Сол себепті қолдамаймыз, - дейді автопарк өкілдері.Компанияның сөзімен автобус жүргізушісі де келісіп отыр. Ермек Шөкебаева бұл оқиғада өзінің жәбірленуші екенін алға тартты. Әрі өзін соққыға жыққан ер адамға "оның ашуын тудыратындай сөздер айтпадым" деп ақталды.Ахметжанов маған көп балағат сөз айтты. Бірақ мен ол сөздердің ешқайсысын көңіліме ілмедім. "Иә айта бер, айта бер" дедім, - дейді автобус жүргізушісі Ермек Шөкебаева.Дегенмен жантүршігерлік апаттан қаза болған Айдос Әлменбаевтың жары жүргізушіге әдеттегідей өз уәжін айтты. Үш баласымен жалғыз қалған ана оның жауапқа тартылуын тағы талап етіп отыр.Сен осындай жағдайды тудырмауың керек еді. Сенің кесіріңнен үш адам қайтыс болды, түсінесің бе, 7 бала жетім қалды!, - деді жәбірленуші Айнұр Құсайынова.Айыпталушы Дархан Ахметжанов та тергеу кезінде жүргізушіге қатысты кей деректі жария етіпті. Жүргізуші ер адамның ұялы телефонын тартып алып, жол ақысын өзі төлемек болған . Бұл әрекеті камераға да жазылған көрінеді.Жүру барысында жүргізуші Шөкебаева менің қолымдағы ұялы телефонымды менің рұқсатымсыз қолымнан тартып алып, ұялы телефонымның бірлігін тексеріп көрді. Сөйтіп жүргізуші Шөкебаева менің ұялы телефонымнан жол жүру ақысы ұялы телефонымның бірлігін СМС 9909 арқылы жібере бастады. Алайда жол жүру ақысы өтпеді, - деді Ахметжанов.Айта кетейік, жантүршігерлік жол апаты желтоқсан айында Райымбек даңғылының бойында болды. №47 бағыттағы қоғамдық көлік жолдың жиегіндегі бір топ адамды қағып өтіп, соның салдарынан үш адам көз жұмды. Төртеуі түрлі жарақатпен ауруханаға түскен. Аталмыш оқиғаға қатысты Қылмыстық кодекстің екі бірдей бабымен іс қозғалған. Күдікті кінәлі деп танылса, cегіз жылға дейін бас бостандығынан айырылуы мүмкін.Фото: Нұрболат Нұржаубай

Қазақстан және Қызылорда облысының жаңалықтары