<a href="https://kyzylorda-news.kz/">Kyzylorda-news.kz</a> Қазалы көлік-техникалық жоғары колледжінде студент жастармен еркін форматта кездесу өтті. Кездесудің негізі мақсаты - жастардың бойында Отанға деген сүйіспеншілікті арттыру, әскери-патриоттық рух қалыптастыру, азаматтарды Отан алдындағы борышын өтеуге шақыру.Кездесуге аудан әкімінің орынбасары Дәурен Тлеумбетов, аудандық қорғаныс істері бөлімінің бастығы Нұрлан Құлбаев және жас сарбаз Мадияр Әбілқасым қатысты.Еркін форматта өткен кездесу барысында жас сарбаз Мадияр Әбілқасым әскердегі қызмет, жауынгерге тән жауапкершілік, ондағы қызықты сәттер туралы әңгімеледі. «Әскерге барудан қашпау керек, онда өткен уақыттың әрбір минуты қызықты деуге болады. Қасыңда жүрген жолдастарың бір жылдың ішінде бір үйдің балаларындай болып кетеді. Әскерге бару арқылы көптеген достар таптық, тазалықты, ұқыптылықты, азамат ретінде жауапкершілікті сезінуді үйрендік. Бүгінгі таңда мені әскердегі жақсы тәртібім үшін 10 күндік демалысқа жіберді»,- дейді жас сарбаз.Қазалы ауданы әкімінің орынбасары Дәурен Тлеумбетов еліміздің қауіпсіздігін қамтамасыз ету патриот жастардың қолында екендігін айтып, жастарды Отан алдындағы азаматтық борышын өтеуге шақырды. Сондай-ақ, ауданда жыл сайын күзгі және көктемгі мерзімде әскерге шақыру науқаны жүргізілетіндігін айтты.Кездесу соңында жастар сұрақтар қойып, ұсыныс-пікірлерін білдірді.Фото: https://ortcom.kz/kk/ism-press-anonsy/1659358276

Әскерге бару – азаматтық борыш

<a href="https://kyzylorda-news.kz/">Kyzylorda-news.kz</a> &nbsp;Қазалы ауданында «Таза Қазақстан» республикалық экологиялық акциясы аясында жаппай сенбілік жұмыстары ұйымдастырылды.Сенбілік барысында аудан орталығы мен барлық елді мекендердің орталық көшелері мен шет аймақтар күл-қоқыстардан тазартылды.Кәсіпорын ұжымдары Әйтеке би кенті әкімшілігімен бірлесе отырып, белгіленген жеті &nbsp;аймақ бойынша қазақ-орыс қорымдары, «Водокачка» елді мекеніне барар жол, Әйтеке би кентінің орталық көшелері мен шет аймақтарын қоқыстардан тазалап, өздерінің сүбелі үлестерін қосып, белсенділіктерін танытты.Сенбілік барысында барлық елді мекендер бойынша 25,2 шақырым аяқ су арықтары тазартылып, қоқыстары арнайы орынға шығарылды.Жалпы, тазалық шарасына 128 мекеме-кәсіпорын, 2144 адам, 28 техника жұмылдырылып, 32,5 тонна тұрмыстық қатты қалдықтар арнайы орынға шығарылды.Айта кетейік, аталған сенбілікте «Жасыл аймақ» апталығы аясында Қазалы ауданы аумағында 400 түп ағаш көшеттері де отырғызылды.Сонымен қатар, Әйтеке би кентіндегі 5-ші аймақта да тазалық жұмыстары қарқынды жүргізілді. Қазалыда өткен «Таза Қазақстан» республикалық экологиялық акциясы аясында Әйтеке би кентіндегі 5-квартал аймағында тазалық жұмыстары белсенді түрде &nbsp;ауызбіршілікпен атқарылды.Аталған аймақтағы арықтар, көше бойлары қоқыстардан тазартылып, тал мен электр желісінің бағаналары ақтап-сырланып, ретке келтірілді. Сондай-ақ, сенбілік барысында арнайы техникалар жұмылдырылып, мамандар тазалық жұмыстарының қарқынды жүруіне үлес қосты.Сонымен бірге, білім саласының мамандары да тазалыққа біркісідей атсалысуда. Мәселен, қоршаған ортаға қамқорлық – құлыншақтар қамы ұранымен Қазалы аудандық білім бөлімінің басшысы Әділхан Жөлекешов бастаған білім қызметкерлері мен «Серпін» жастары «Шағала» балалар лагерінде тал отырғызып, тазалық жұмыстарын жүргізді.– Өздеріңізге белгілі, «Шағала» балаларды сауықтыру-демалыс орталығындағы 29 гектар аумақта 45 мыңға жуық ағаштың жапырағы жайқалып тұр. Мұнда жаздыгүні мыңға жуық балақай тынығып, тәрбиеленеді. Балаларға жанашыр, келешегіне алаң ұстаз ретінде шәкірттің демалыс алаңының қоқыстан ада болуына алаңдап келгендеріңіз көңілге қуаныш ұялатады. Әрі-беріден кейін өскелең ұрпаққа қоршаған ортаға қамқор болудың жарқын үлгісін көрсетіп жатқандарыңыз жан жадыратады. Өскен жер, туған өлкеміздің келбеті көріктене берсін, – деді Қазалы аудандық білім бөлімінің басшысы Әділхан Жөлекешов.Айта кетейік, Қазалы ауданы мектептері «Таза Қазақстан» акциясы аясында «Киелі мекен» апталығына белсене қатысты. Олар тарихи ескерткіш, ел арасында киелі саналатын аумақта тазалық жұмыстарын жүргізді.

Сенбілік жұмыстары жоғары деңгейде ұйымдастырылды

&nbsp;<a href="https://kyzylorda-news.kz/">Kyzylorda-news.kz</a> Аудандық «Жастар ресурстық орталығы» КММ-нің ғимаратында жұмыссыздар мен жұмыссыз жастарды жұмысқа орналасуға жәрдемдесу бойынша бос жұмыс орындары жәрмеңкесі өтті. Жәрмеңке барысында аудан әкімінің орынбасары Дәурен Тлеумбетов, аудандық жұмыспен қамту және әлеуметтік бағдарламалар бөлімінің басшысы Совет Бабанаев, Қазалы ауданының Мансап орталығы филиалының директоры Болатбек Баймаханов пен тиісті мамандар және жұмыс берушілер тарапынан жұмыс іздеушілердің сұрақтарына жауап беріліп, түсіндірме жұмыстары жүргізілді. Жәрмеңкеде ауданға қарасты 25 мекеме мен жеке кәсіпкерлерден 131 бос жұмыс орындары және 2024 жылы Өңірлік жұмыспен қамту картасы шеңберінде 22 жоба бойынша құрылыс жүретін уақытқа 65 уақытша бос жұмыс, Қазақстан Республикасының еңбек нарығын дамытудың 2024 – 2029 жылдарға арналған тұжырымдамасы шеңберінде жастар тәжірибесіне 255, әлеуметтік жұмыс орнына 3, алғашқы жұмыс орнына 24, ұрпақтар келісім шартына 4, қысқа мерзімді оқу курсына 30 бос орындары ұсынылып, мемлекеттік қайтарымсыз грантқа 146 адамға қаржы қаралғаны хабарланды. Жәрмеңкенің нәтижесінде 12 жұмыссыз адамға тұрақты жұмысқа, 5 жас маманға жастар тәжірибесіне және 5 жұмыссыз адамға әлеуметтік жұмысқа жолдама берілді. &nbsp;

Қазалыда бос жұмыс орындарының жәрмеңкесі өтті

<a href="https://kyzylorda-news.kz/">Kyzylorda-news.kz</a> &nbsp;Қойнауы құтқа толы Бекарыстан би ауылының тарихы әріден басталады. Қазалы ауданындағы ең алғаш құрылған ауыл. Қанатының астынан Үрмәш Түктібаев, Майдакөл, Ажар, Жаңақұрылыс, Жалпақ сияқты іргелі бес ауылдың еншісін беріп, бөлек шығарған қасиетті қарашаңырақ. Көзкөргендер Бекарыстан би ауылын қарашаңырақ деп айтатыны да сондықтан. Майдакөл ауылдық округінің құрылғанына биыл бір ғасыр болады. Сырдария өзенінің сол жағалауындағы (күн-батыс беті) орналасқан «Ақжона» жерінің маңынан алты шаруашылық серіктестіктері – Шәуілдір, Қараарық, Ақжона, Палуан, Үлгі бол, Жаңа еңбек, оның ішінде, Ақжона қазіргі Бекарыстан би ауылы құрылған болатын. Олар үш шаруашылық – Октябрь, Қараарық, Жаңатұрмыс артеліне екі колхозға (Октябрь, Жаңатұрмыс) біріктірілген. Ұлы Отан соғысы басталған &nbsp;жылы «Октябрь» колхозы 100-130 отбасынан құрылған елді мекен болды. Октябрь колхозы, Карл Маркс атындағы күріш совхозы болған ауыл 1994 жылы Қазақстан Республикасы Үкіметінің қаулысымен «Бекарыстан би» ауылы болып қайта құрылды.&nbsp; Абдрахман Мәлік, Жаңабергенова Лиза, Ұзақ &nbsp;Оралбаев, Дәуірхан Айдаров «Еңбек Қызыл Ту», &nbsp;Елеу Көшербаев «Ленин», Ешниязов Жетес «Халықтар Достығы» Жанкеев Қуанышбай, Ұзақ Оралбай, Нармағамбетов Сақыбай, Байзақ Жібекәлі, Дәуірхан Айдаров «Құрмет белгісі» ордендерімен марапатталған. Мұнда халық саны – 2865 адамды құрайды. Ауылдың бюджеті басты назарда. – Өз кірістеріміздің жылдық жоспары 5617 мың теңге болса, нақты 7699,8 мың теңгенің түсімі түсіп, жылдық жоспар 137 пайызға орындалды. Әлеуметтік қолдау, жұмыспен қамту бойынша аз қамтамасыз етілген 3 отбасына атаулы әлеуметтік көмек төленді. Округ бойынша – 22 адам тұрақты жұмысқа, маусымдық жұмысқа – 12 адам, 31 адам ақылы қоғамдық жұмысқа, 11 адам жастар тәжірибесіне, 1 адам «Алғашқы жұмыс орны» жобасымен, 11 адам әлеуметтік жұмысқа жіберілді.&nbsp; Білім саласында ілгерілеушілік байқалады. Кеңес Одағының Батыры Үрмәш Түктібаев атындағы №24 мектеп 1976 жылы салынған. Мектепте – 488 оқушы білім алуда. Бұл білім ордасында – 90 педагогикалық қызметкер бар. Оның ішінде, педагог-зерттеуші – 12, педагог-сарапшы – 41, педагог-модератор – 10, І санатты – 4, ІІ санатты – 8 мұғалім жұмыс жасайды. 2022-2023 оқу жылында 11 сыныпты 28 оқушы бітірді. Екі оқушы "Алтын белгі" иеленді. 28 оқушының 23-і ҰБТ-ге қатысып, 17 оқушы жоғары оқу орнына оқуға түсті. 11 оқушы арнаулы оқу орнына оқуға түсті. Мәдениет саласында – жыл басында бекітілген жоспарға сәйкес, 52 мәдени-көпшілік шаралар өткізіліп, 7353 көрермен қамтылды. Спорт жүйесінде – жыл көлемінде ұлттық спорт түрлерінен, волейбол, футбол, түрлерінен жарыстар өткізілді, – дейді Майдакөл ауылдық округінің әкімі Қонысбек Құрманбаев. Айта кеткен жөн, 2022-2023 жылғы Қазалы аудандық Llf әуесқой футбол лигасында ауыл жастарынан құралған "Бекарыстан би" шағын футбол құрамасы 14 команда бақ сынаған додада екінші орында аяқтады. Мектеп ауласындағы ауыл азаматтарының демеушілігімен салынған спорт алаңына ағымдағы жөндеу жұмыстары жүргізілді. Қоршауы екі метрге биіктетілді. Бір қуантарлығы, 2024 жылға Бекарыстан би ауылынан спорт кешенінің құрылысын бастауға 50,0 миллион теңге бөлінді.&nbsp; Кәсіпкерлік көкжиегі көркейіп келеді. Округ бойынша 135 жеке кәсіпкер тіркелген, оның ішінде – 10 заңды тұлға, 24 шаруа қожалық, 101 жеке кәсіпкер бар. Жаңадан 47 кәсіпкерлік субъектісі ретінде тіркелді. Өткен жылы жеке кәсіпкер Ертай Тоқболатов "Сыр Сұлтан" шағын маркетінің құрылысын салып пайдалануға берді. Сонымен қатар, Болатбек Айжігіт "Кілем және көлік жуу" орталығын салып, жұмысын бастады. Мемлекеттік бағдарламалар арқылы құны – 69,6 миллион теңге болатын 15 жоба қаржыландырылды. "Ауыл аманаты" жобасы арқылы 6 адам 27,6 миллион. теңге; "Бизнестің жол картасы-2025" арқылы екі адам &nbsp;4,7 миллион теңге; Атамекен арқылы бір адам 2,7 миллион теңге; «Сырдария-1» жауапкершілігі шектеулі серіктестігі арқылы үш адам, 16,9 миллион теңге алды. Сонымен бірге, «Кең дала» жауапкершілігі шектеулі серіктестігі арқылы 1 адам, 15 миллион теңге; грант (400 АЕК) 2 адам, 2,7 миллион теңге қаржыға қол жеткізді. 2023 жылдың кәсіпкерлік саласындағы басты жаңалығы – "Ауыл аманаты" жобасының жүзеге аса бастауы. 2,5 пайызбен халыққа несие беруді бастады. Бұл жобамен алты тұрғын несие алып, кәсібін дамытты. Ауыл шаруашылығында да біршама даму бар. Округ бойынша – 2593 бас мүйізді ірі қара, 3513 бас жылқы, 74 бас түйе, 5055 бас уақ мал есепке алынды. Халық иелігіндегі барлық мал басы бірдейлендіріліп, компьютерлік базаға енгізілген.&nbsp; Егін шаруашылығында "РЗА Агро" жауапкершілігі шектеулі серіктестігі 750 гектар жерге күріш, 150 гектар жерге жаңа жоңышқа екті. 100 гектар көне жоңышқа күтімге алынған. Ауыл тұрғындары 60 гектар жерге бақша дақылдарын екті. Электермен қамтуға байланысты – өткен жылы аудандық бюджеттен М.Күзембаев, М.Ізмағамбетова, Жетес Ешниязов көшелері толықтай, Ғ.Мұратбаев, Қ.Мәкенов көшелерінің қалған бөлігінің электр желілерін қайта жаңғырту мен жарықтандыру және төрт жаңадан трансформатор қондырғысын орнатуға жоба-сметалық құжаттамасы әзірленіп, сараптамадан өткізілді. Көгілдір отын игілігін көру күні алыс емес. 2024 жылға Ақтан батыр, Жанқожа батыр, Бекарыстан би, Майдакөл, Ү.Түктібаев ауылдарына магистральды газ құбырын жүргізуге республикалық бюджеттен қаржы бөлінді. Ауылды көркейтіп, абаттандыру жұмыстары ұдайы жүргізіліп тұрады. Былтыр ауылға кіре-беріске ауылдың бас қақпасы жасалды. Аркамен ауылға дейінгі аралыққа түнгі жарықтандыру жұмысы жүргізілді.&nbsp; Көркейту-көгалдандыру және абаттандыру, санитарлық тазалық күнтәртібінен түскен емес. Майдакөл ауылдық округте санитарлық тазарту жұмыстары жүйелі түрде жүргізіліп келеді. 27 дана қоқыс жәшігіне жиналған тұрмыстық қатты қалдықтар арнайы орынға шығарылуда. Ағымдағы жылы үш дана қоқыс жәшігі жаңадан алынды. Апта сайын жиналған қоқыстар тиісті орынға шығарылуда. Округ көлеміндегі 15,7 гектар жерге егілген көлеңкелі ағаш күтімге алынған. Аяқ су арықтары тазартылды. Жаңақұрылыс ауылына шығар жол жиегіне 400 метр жерге жасыл белдеу орналастырылды.&nbsp; Алдағы уақыттқа межеленген міндеттерді нақтылап, тиісті шаралар жүзеге асырылады деп күтілуде. Атап айтқанда, №24 мектептің құрылысын салуға жұмыс жүргізу; ауыл орталығындағы "Тәуелсіздік" алаңын абаттандырып, көркейту-көгалдандыру жұмыстарын тұрақты жүргізу; Жетес Ешниязов, М.Күзембаев, Е.Тілеубаев көшелеріне орташа жөндеу жұмыстарын жүргізу; Мемлекеттік бағдарламалар шеңберінде мал тұқымын асылдандыруға, мал басын көбейтуге қол жеткізу; егін шаруашылығын дамыту, оның ішінде, бақша егуге тұрғындарға қолайлы жағдай жасау көзделуде. Сонымен қатар, шағын және орта кәсіпкерлікті дамыту арқылы бюджеттің кіріс бөлігін ұлғайту, жаңа жұмыс орындарын ашу мен ауылдық округте салық салу базасын ұлғайту бағытындағы жұмыстарды ұйымдастыруды қолға алу межеленіп отыр.

Қазалыда кәсіпкерлік көкжиегі көркейіп келеді

<a href="https://kyzylorda-news.kz/">Kyzylorda-news.kz</a>&nbsp; «Жастар ресурстық орталығы» ғимаратында Қызылорда облысының әскери және құқық қорғау саласының қызметкерлерінен құралған командалар арасында «Қызылорда облысының тілдерді оқыту орталығы» мен Халықаралық «Қазақ тілі» қоғамының Қызылорда облысы бойынша филиалының ұйымдастыруымен «Этно Quiz» интеллектуалды сайысы өтті.Бұл сайыс – әскери және құқық қорғау саласында қызмет жасайтын жастардың ұлттық рухын көтеру және тілді дәріптеу мақсатында ұйымдастырылған. Шарада облыстық қоғамдық даму басқармасы басшысының орынбасары У.Ибраев сөз сөйлеп, қатысушыларға сәттілік тіледі.Сайысқа 35 жасқа дейінгі қызметкерлерден құралған 8 команда қатысты. Олар 5 кезең бойынша берілген тапсырмаларды орындап, бақ сынады.Сайыс қорытындысымен өрт сөндіру қызметінің қызметкерлері, яғни «Құтқарушы қаһарман» тобы жоғарғы ұпай жинап, жеңіске жетті. Сондай-ақ жеңіс тұғырынан көрінген командаға арнайы диплом мен этностатуэтка табысталды. Одан бөлек әрбір қатысушыларды алғыс хатпен марапаттап, сый- сыяпат табыстады.Айта кетейік, шарада Монғолия елінен келген қандас бауырымыз ән шырқап, Қытайдан келген бауырымыз күй тарту етті.

Қызылордада төтеншеліктер «Этно quiz» сайысына қатысты

<a href="https://kyzylorda-news.kz/">Kyzylorda-news.kz</a> Аудандық партия филиалының мәжіліс залында партияның аудандық мәслихаттағы депутаттық фракциясының кезекті отырысы өтті. Депутаттық фракция отырысына фракция мүшелері, сала басшылары және БАҚ өкілдері қатысты. Отырысты аудандық партия филиалының төрағасы Ержан Әжікенов ашып, төрағалық жасады. Фракция отырысының күн тәртібінде 2 мәселе қаралды.&nbsp;Біріншісі &nbsp;«Amanat» партиясы сайлауалды бағдарламасының 2024 жылдың І-ші тоқсанындағы индикаторлардың орындалуу, екіншісі Ақжарма ауылдық округінің әкімінің сайлаушыларға берген уәделерінің орындалу барысы туралы;Күн тәртібі бірауыздан бекітілген соң хабарламашыларға сөз берілді. Алғашқы мәселе бойынша баяндама жасаған Сырдария аудандық экономика және қаржы бөлімі басшысы Ерлан Ахетов «Amanat» партиясының 2023-2027 жылдарға арналған сайлауалды бағдарламасын Қызылорда облысы бойынша іске асырудың жол картасының Сырдария ауданына жүктелген міндеттеріне 51 позиция енген. Осы позициялар бойынша 2024 жылы 47 іс-шара белгіленген.2024 жылдың 1 сәуіріне, яғни І тоқсанға 47 іс-шарада орындалу үстінде.Жол картасы шеңберінде 2024 жылға 4 нысан, яғни Бесарық ауылдық округінде спорт кешені (2022 жылдан өтпелі кезенде келе жатыр), 2023 жылдан өтпелі Сәкен Сейфуллин және Асқар Тоқмағанбетов ауылдық округтерін газдандыру жобалары және Шаған ауылының электр желісін жаңғырту жобасы пайдалануға берілетіндігін атап өтті. Сонымен қатар, сайлауалды бағдарламаның биылға жоспарланған шаралардың ішінен 4 іс-шараның орындалмау қаупі бар екендігін атап өтті.1. "2021-2025 жылдарға арналған кәсіпкерлікті дамыту" ұлттық жобасы шеңберінде жұмыссыздарды жұмыспен қамтудың белсенді шараларымен қамту (жұмыс орны) бойынша жоспар – 1290 адамды құраса, Мансап орталығын жоспары - &nbsp;1090 адамды құрап;2. Шағын және орта бизнес секторында жұмыспен қамтылғандар саны (адам) жоспар – 5119 адам, 2023 жылмен салыстырсақ тіркелген шағын орта бизнес субъектілері 3 айда 84,0 пайызды &nbsp;(4774 адам) құрап отыр.3. &nbsp;«Ауыл аманаты» жобасы аясында 960,0 млн.теңгенің 104 жобасы қаржыландыру жоспарланған, 2023 жылы бұл шара бойынша тиісті көлемде қаржы келмегенін және 2024 жылдың қаржысы әлі келмегенін ескеру қажет деп ойлаймын;4. Тұрғын үй құрылысына жеке инвестицияларды тарту және ынталандыру, жоспар бойынша 3 көпқабатты үй күрделі жөндеуден өту қажет;Аталмыш шаралар бойынша мамыр айының қорытындысымен партияның облыстық филиалына арнайы хат жолдау туралы тапсырылды.Күн тәртібіндегі келесі мәселе бойынша Ақжарма ауылдық округінің әкімі Ерлан Ешмұратов хабарлама жасады. Ол өз хабарламасында сайлаушыларына берген уәделерінің орындалу барысы туралы атап өтті. Фракция мүшесі Алмас Зейноллаұлы Ақжарма ауылындағы №130 Абай атындағы орта мектеп директоры лауазымының өткен жылдың қараша айынан бос тұрғанын атап өтті. Аталмыш мәселе бойынша отырыс төрағасы Ержан Ертарғынұлы ауылдық қауымдастық кеңес мүшелерінің алдында мәселе етіп көтеруді ұсынды.Фракция отырысының қорытындысымен арнайы қаулы қабылданды.

Депутаттық фракция отырысында Ақжарма ауылдық округі әкімінің есебі тыңдалды

<a href="https://kyzylorda-news.kz/">Kyzylorda-news.kz</a> &nbsp;Аудан орталығы Тереңөзек кентінен кейінгі ең үлкен елді мекен. Шаған ауылында үлкен өнер мектебі бар. Шаған өнер мектебінің іргесі өткен ғасырдың 60 жылдары қаланып, ұжымды музыка өнерінің хас ше­бері Нағашыбай Жанәбілов басқарды.Осы уақыт аралығында мектептен талай талант түлеп ұшты. Тіпті қайбір жылдары облыс көлемінде музыка мек­тептері жабыла бастаған кезде өнер­ге жанашырлықпен қарайтын бірқа­тар азаматтың ұйытқы болуымен білім ұясы жұмысын тоқтатпады. Қазір­гі таңда ауылдағы өнер мектебінде білікті де тәжірибелі музыкалық білімі бар педагогтер қызмет атқарады.Жақында Қызылорда облысының білім басқармасының ұйымдастыруымен "Туған өлкем" облыстық домбырашылар мен термешілер байқауы өтіп, байқауда шағандық өнерпаздар бақ сынады. Жас өнерпаздардың арасынан "Аспапта орындау" номинациясы бойынша жоғары топтан Мөлдір Маханова, жетекшісі Нұргүл Жақсылық жүлделі екінші орын алды. Орта топта өнер көрсеткен Дінмұхаммед Әділбекұлы да жүлделі екінші орын және Айсұлтан Серік арнайы жүлде – сертификат иеленді. Қос өнерпаздың жетекшісі – Бибігүл Аймаханова.– Шәкірт тәрбиелеуде ұстаздардың еңбегі ерекше. Жас өнерпаздардың білімі мен қабілетін шыңдаудағы еңбегіміз бағаланып, оқушыларымыз жетістікке жетіп келеді. Көптеген байқауларға қатыстық. Енді міне, бүгін облыста өткен байқауда өнерпаздарымыз дара шықты. Өнермен туған өлкені танытқан шәкірттеріміз біздің мақтанышымыз, – дейді Шаған өнер мектебінің оқытушысы Нұргүл Жақсылық.Иә, жас таланттың бойындағы шығармашылық қабі­летті дамыту – өнер мектебінің басты мақсаты. Үйірме жетекшілері әркез түлектерінің өнерге деген сүйіспеншілігін оята отырып, музыканың құдыретіне баулып келеді. Алдағы уақытта шағандық өнерпаздар әлі де толағай табысқа жете береді деген сенімдеміз.

Шағандық өнерпаздар "Туған өлкем" байқауында топ жарды

<a href="https://kyzylorda-news.kz/">Kyzylorda-news.kz</a>&nbsp; Әрбір қойылымның көрермен көңілінен жол табуы, сәтті шығуы біріншіден, орындаушыға, екіншіден, сахна суретшісіне байланысты екені анық.&nbsp;Бүгінде кез келген&nbsp;сахна кеңістігін қойылымның ауқымына қарай түрлендіріп, қолмен сахна макетін жасап, оның ырғағы мен мәнін арттыратын театр суретшілері. Сондай шығармашыл жанның бірі қылқаламның қуатымен театр сахнасын түрлендірген, өмір жолын өнер саласына арнаған, театр суретшісі – Бақытжан Әлтаев.Өз ісінің шебері Бақытжан Серікбайұлы 1994 жылы аудан орталығынан шалғайда орналасқан Айдарлы ауылында дүниеге келген. Білімнің қара шаңырағы №139 орта мектептің түлегі. Мектеп қабырғасында оқып жүрген кезінен бастап барлық іс-шараға белсене қатысып, үлгілі оқушылардың бірі болды. Бүгінде кәсіби суретші ретінде туып өскен ауылының мәдениет саласының дамуына өз үлесін қосып келе жатқан жас маман.<blockquote>– Мен ең алғашқы еңбек жолымды 2017 жылдың сәуір айынан бастап Ғафурдин Жанұзақов атындағы ауылдық клуб жанынан құрылған Айдарлы халық театрының суретшісі қызметін атқарып келемін. Театр суретшісі болу үлкен жауапкершілікті талап ететін сала. Әр спектакльдің немесе кез келген қойылымның сәтті шығуы сахна суретшісіне де тікелей байланысты. Сахналанатын қойылыммен танысқаннан кейін сахнаның көрінісі, қай жерге нені орналастыру керек бәрі алдымен көз алдыма келеді. Сахна ашылғаннан кейін көрерменнің қошеметін есту біз үшінде зор қуаныш. Театр – мәдениеттің қайнаған ортасы, әрбір өнерпаздарды бір отбасындай жақындастыратын шаңырақ. Бүгінде клуб үйінің директоры Анар Қалдыбаева, театр режиссері Рахия Абдукаримова, сонымен қатар әріптестерімнің шеберліктерінің арқасында мол тәжірибе жинадым. Қойылым актер, режиссер және суретшінің ортақ жемісі екені мәлім, – дейді бәсі биік маман иесі Бақытжан Әлтаев.</blockquote>«Жігітке жеті өнерде аз» демекші, майталман маман сахна төрінде түрлі образдарды сомдаған. Атап айтар болсақ балаларға арналған «Алдар көсе, Супертасбақа және Қарадәу» атты ертегіде «Есек» рөлін, Қ.Мұхамеджановтың «Өзіме де сол керек» атты комедиясында «Сардар» рөлін, Қ.Ысқақтың «Қылкөпір» трагикомедиясында «Бизнес шал» рөлін, Иран-Ғайыптың «Мен ішпеген у бар ма?» рек­виемінде «Оразбай» образын, М.Әуезовтың «Еңлік-Кебек» трагедиясында «Жапал» рөлін сомда­ған.<blockquote>– Әр рөлді сомдағанда кейіпкерімді сәтті алып шығуға тырысамын. Актерлық шеберлік бойынша білімім жоқ. Бірақ әркез тыңғылықты дайындалу барысында, көрерменнің ыстық ықыласының арқасында өз-өзімді одан әрі жетілдіруге еңбек етудемін. Бұл жолда Рахия Әлайдарқызының сіңірген еңбегі зор, – дейді жас маман.</blockquote>Сегіз қырлы, бір сырлы өнер иесі аудандық, облыстық деңгейде өткізілген байқауларда өнер көрсетіп, көптеген жетістіктерге қол жеткізіп келеді.«Нұрлы Астана» атты көркемсөз оқу шеберлерінің аудандық іріктеу кезеңінде үздік өнер көрсетсе, «Өнер бір көшкен керуен» атты аудандық жазба ақын­­дар мүшайрасына қатысып, талабы мен талантын танытты. «Байтақ елдің батыры» атты аудандық жаз­ба ақындар мүшайрасына қатысты. «Жастар жылы» аясында өткен аудандық Жайдарман сайы­сы­ның үздік ойыншысы номинациясын иеленді. Сыр­дария аудандық мәдениет және тілдерді дамыту бөлімінің басшысының алғыс хатымен ҚР Тәуелсіздігінің 30 жылдығы аясында марапатталды. 30 тамыз Қазақстан Республикасының Конституция күніне орай «Тәуелсіздікке тарту» атты халық театр суретші-декораторлардың облыстық байқауында топ жарып, жүлделі ІІ орын алды.«Өнегелі отбасы – ел келешегі» демекші, Бақытжан Әлтаев пен Ақмарал Бегалы ауылдағы үлгілі отбасылардың бірі. Қазіргі таңда 1 ұл, 1 қыз тәрбиелеп отырған берекелі отбасы. Жас жұбайлар бір ауылдың тумалары. Бір саланың пұшпағын илеп жүрген сала мамандары. Жұбайы Ақмарал «Сұлу-ай» шығармашылық өнер орталығының «Бисермен өру», «Кесте» үйірмелерінің жетекшісі қызметін атқарады. Қай кезде де бір-біріне қолдау білдіріп келе жатқан жас отбасының алға қойған мақсаты айқын.

Бақытжан Әлтаев: Театр суретшісі болу үлкен жауапкершілікті талап ететін сала

<a href="https://kyzylorda-news.kz/">Kyzylorda-news.kz</a> Қорқыт Ата атындағы Қызылорда университетінің Студенттер сарайында &nbsp;«Студенттік ғылым-2024» ХХVІ дәстүрлі студенттік ғылыми конференциясы өтті. &nbsp;Конференция "Әлемді ғылым құтқарады" атты ғылым айы аясында ұйымдастырылған. Ал ондағы &nbsp;пленарлық мәжіліске “Білім Ыбырай” қоғамдық қорының директоры Нұрбек Серікбаев пен&nbsp;қор өкілдері, университеттің профессор-оқытушылары және &nbsp;білім алушылар мен БАҚ өкілдері қатысты.Алдымен конференция басталмас бұрын қатысушылар көрме ұйымдастырды. Яғни қолдан жасалған бұйымдар мен түрлі &nbsp;табиғи өнімдерін ұсынды. Нақтырақ айтатын болсақ қатысушылар химиялық зерттеулерді жүргізу арқылы шаш пен тырнақтың күтіміне арналған табиғи өнімді жасаған. Ол үшін қой мен жылқының майын және мед секілді таза өнімдерді қолданған. Мәселен шаш күтіміне арналған май - шаштың түсуін тоқтатып, &nbsp;шаштың өсуіне көмектеседі. Ал тырнақтың күтіміне арналған май, тырнақтың бір қабат терісінің түсуін, сынуын тежеп, қатайтады. Зерттеулердің нәтижесінде бұл өнім адамдарға &nbsp;аллергия белгісін тудырмады. Сондай-ақ көрмеге қатысушы студенттер асыл тастар коллекциясы мен &nbsp;роботохникалық машина және қолдан тігілген тоқыма &nbsp;сынды басқа да түрлі ғылыми &nbsp;шығармашылық жобаларын &nbsp;ұсынды.Мұнан соң көрме пленарлық мәжіліске жалғасты. Онда университеттің басқарма мүшесі &nbsp;Ғылыми жұмыс және халықаралық байланыс жөніндегі проректоры Майнұр Бөрібаева сөз сөйледі. Ол &nbsp;ҚР Ғылым және жоғары білім министрлігі Ғылым комитетінің 2022-2024 пен&nbsp;2023-2025 жылдарға арналған гранттық қаржыландыру, бағдарламалы-нысаналық қаржыландыру жобасы аясындағы ғылыми жобаның қатысушы студенттеріне алғыс білдіріп, сәттілік тіледі.Қатысушы студенттер дайындаған ғылыми жобаларын қорғап, өзекті тақырыптар бойынша баяндама жасады. Оның ішінде үздік баяндама жасағаны үшін I дәрежелі дипломмен Х-22-1 оқу тобының студенті Арслан Сағындық, ТПП-21-1 оқу тобының студенті Жанар Ағаділ мен Фин-21-1 п/я оқу тобының студенті Давид Цой және ХТО 21-1 оқу тобының студенті Айым Бауыржанқызы марапатталды.Одан бөлек байқаудың&nbsp;университетішілік &nbsp; I-кезеңінде жүлделі орын алған жастарға диплом және "Білім Ыбырай" қорының қаржылай сыйлығы табысталды.Н.АЛТЫН &nbsp; &nbsp; &nbsp; &nbsp; &nbsp;&nbsp;&nbsp;

«Әлемді ғылым құтқарады» тақырыбында конференция өтті

<a href="https://kyzylorda-news.kz/">Kyzylorda-news.kz.</a>&nbsp; Өткен аптада Қармақшы аудандық сот кезекті баспасөз конференциясын өткізіп, осы жылдың І тоқсанын қорытындылады. Сот төрағасы Қуаныш Мыханов сот төрелігін жүзеге асыру барысында атқарған жұмысына есеп беріп, статистикалық мәліметтерге тоқталып өтті.Осы жылдың І тоқсанында 18 адамға қатысты 15 қылмыстық іс түсіп, 16 адамға қатысты 13 қылмыстық іс аяқталып, 2 адамға қатысты 2 қылмыстық іс сәуір айына қалдыққа қалған.<blockquote>– Өткен жылдың І тоқсанымен салыстырғанда биыл қылмыстық істердің түсу көрсеткіші 1 іске көбейіп, адам саны 2-ге азайды. Аяқталған істер саны тең болып, адам саны 2-ге көбейді, – деді сот төрағасы.</blockquote>Сондай-ақ осы жылдың үш айында азаматтардан барлығы әртүрлі нысандағы 215 арыз, 5 іс түсіп, соның ішінде 143 арыз бойынша азаматтық іс қозғалып, 15 сот бұйрығы, 62 шешім шығарылып, соттылықпен 8 іс жолданып, 46 іс тоқтатылған. 10 іс қараусыз қалдырылып, есептік кезеңде барлығы 141 іс аяқталып, 40 іс келесі тоқсанға &nbsp;қалдыққа қалған. Медиация тәртібімен өткен жылдың үш айында 19 азаматтық іс аяқталса, биыл 1 тоқсанында 44 азаматтық іс аяқталып, салыстырмалы түрде 25 іске көбейген. Сот өндірісіне осы жылы 159 құқық бұзушыға қатысты 159 әкімшілік құқық бұзушылық іс түсіп, 3 құқық бұзушыға қатысты 3 әкімшілік іс мәні бойынша, 2 құқық бұзушыға қатысты 2 әкімшілік іс &nbsp;соттылықпен жолданса, 144 құқық бұзушыға қатысты 144 &nbsp;әкімшілік іс аяқталып, 4 іс келесі тоқсанға қалдыққа қалған.Аяқталған әкімшілік құқық бұзушылық істер ішінде 111 құқық бұзушыға қатысты 111 әкімшілік іс бойынша әкімшілік жаза қолданса, құқық бұзушыға қатысты 31 әкімшілік іс өндірістен тоқтатылған. Оның ішінде 25 құқық бұзушыға қатысты 25 әкімшілік іс медиация тәртібімен өндірістен тоқтатылған, 2 іс соттылықпен жолданған. Ағымдағы жылдың 3 айында аяқталған әкімшілік құқықбұзушылық істер бойынша 9 жекеше қаулы қабылданса, өткен жылдың 3 айында барлық аяқталған істердің ішінде 5 жеке қаулы қабылданған. 2024 жылдың 3 айында жеке қаулы шығару көрсеткіші 4-ке көбейген.Баспасөз конференциясын қорытындылай келе сот төрағасы Қуаныш Мыханов сот жүйесі төңірегінде туындаған сауалдарға жауап берді. &nbsp;

Қармақшы аудандық соты І тоқсанды қорытындылады

Қазақстанда мемлекеттік елтаңбаны өзгерту мәселесі бойынша сарапшылар пулы құрылуы мүмкін, деп хабарлайды Dalanews.kz.Бұл туралы премьер-министр Олжас Бектенов мәлімдеді. Оның айтуынша, қазіргі таңда әр саладан арнайы мамандар жасақталып жатыр.<blockquote>"Бүгінде Мемлекет басшысы Қасым-Жомарт Тоқаевтың Ұлттық Құрылтайда алға қойған міндеттерін жүзеге асыру бойынша кешенді іс-шаралар жоспары бекітілді. Қазіргі таңда мемлекеттік елтаңбаны өзгерту мәселесін талқылау үшін депутаттар мен қоғам қайраткерлері, тарих, филология, археология, антропология және әлеуметтану саласының ғалымдары арасынан сарапшылар тобы жасақталып жатыр. Барлық аспектіні объективті қарастыру үшін ортақ пікірге келсек, Мәдениет және ақпарат министрлігі жанынан комиссия құру жоспарлануда", - деді Бектенов Мәжіліс депутаттарының сауалына жауап бере отырып.</blockquote>Фото: Kursiv.kz.

Премьер-министр мемлекеттік елтаңбаның өзгеруіне байланысты мәлімдеме жасады

Kyzylorda-news.kz. Бүгін Сыр өңірінде «Таза Қазақстан» экологиялық науқанының «Жасыл аймақ» апталығы аясында іс-шаралар жалғасуда. Оған аймақ жұртшылығы белсенді түрде атсалысып жатыр.Экологиялық науқан аясында &nbsp;"Жасыл аймақ" күніне орай &nbsp;С.Толыбеков атындағы #3 ІТ мектеп-лицейдің бітіруші түлектері, оның ішінде "Алтын белгі", "Үздік аттестат "үміткерлері ата-аналарымен келіп, мектеп ауласына көгалдандыру жұмыстарын жүргізді.<img src="https://knadmin.beoblood.kz/uploads/IMG_20240427_WA_0006_50e0f2aa77.jpg" alt="IMG-20240427-WA0006.jpg">

Қазақстан және Қызылорда облысының жаңалықтары