&nbsp;<a href="https://kyzylorda-news.kz/">Kyzylorda-news.kz</a> &nbsp;Қазалы ауданындағы Е.С.Бозғұлов атындағы №249 мектеп-лицей жанынан 2012 жылдың қаңтар айында ашылған «Айналайын» шағын орталық осы уақытқа дейін өз жұмысын жалғастырып келеді. Шағын орталықта екі топ бар. «Балапан» ортаңғы тобы үш жас, «Ақкөгершін» ересек тобында төрт жастағы бөбектер, яғни, 50 бала тәрбиеленіп жатыр. Оларды күнделікті ойын мен білімді ұштастырып, тәрбиелеп отырған төрт тәрбиеші, бір әдіскер, екі тәрбиеші көмекшілері және де, баланың күтімімен жайлылығын қамтамасыз етіп отырған кір жуушы, төсек ауыстырушы және тамақтарына жауапты қызметкерлер жұмыс істейді.Ұлттың бүгіні де, болашағы да, тәрбиелі ұрпаққа байланысты. Қазіргі қоғамда жан-жақты білімді, мәдени ой өрісі жетілген, ұлттық салт-сананы бойына сіңірген тұлға тәрбиелеу барша қауымның міндеті. Қай елдің болмасын өсіп өркендеуі, дүниеде өзіндік орын алуы, оның білім беру жүйесіне, даму бағытына тікелей байланысты екені белгілі. Осы тұрғыдан алып қарағанда, жеке тұлғаны дамытуда қызмет ететін тәрбие мен білім негізі барша білімнің іргетасы да осында қаланады. Бүгінгі жас ұрпақты тәрбиелеу үлкен жауапкершілік жүктейді. Қай елдің болмасын іргетасы, жарқын болашағы – ұрпағы екені белгілі. Олай болса, тілдің қадір-қасиетін, туған жерінің салт-дәстүрін, әдет-ғұрпын бала бойына жеткізе білу әр тәрбиешінің басты міндеті. Мектепке дейінгі балаларды жан-жақты қалыптастыратын алғашқы баспалдақ мектепке дейінгі мекеме. Дүниедегі пәк те, нәзік те, батыл да, батыр – ол бала. Өйткені, оның жаны таза, нанғыштығы да тез, ол өмірдегі барлық құбылысты білсем, ол неге олай, неге бұлай деп, дүние сырын ашсам деп талпынады, алға ұмтылады. Балалардың бойында оқу қызметін меңгерту, олардың танымдық белсенділігін дамытудың басты бағыты болып саналады. Баланы тәрбиелей отырып, ой-өрісін, тілін танымдық қабілетін арттыру үшін алдымен, олардың ерекшеліктерін талдаудан бастадым. Отбасында баланы мейірбандылыққа, еңбексүйгіштікке тәрбиелеуге ерекше мән берген жөн. Ол үшін өзінен үлкенді сыйлауға, деп сөйлеуге, кішіге қамқор болуға баулу керек. Оның негізін ойыншықтармен ойнау кезінде қалаған жөн. Ойын үстінде көпшіл, қайырымды болуға, әрбір ойыншығын ұқыпты таза ұстауға дағдыландыру қажет. Ойыншықтарды көп сатып алып, жиі алмастыра берудің қажеті жоқ. Мұндай жағдайда балалар талғамсыздыққа, дүние құмарлыққа бой ұрып, не нәрсеге болсын, жауапкершіліксіз қарауға дағдылана бастайды. Бұның өзі кейін келе, өз қалағанына ғана қол жеткізу, сәнді киімге әуестенушілік, жеңілтек мінездерімен көріну секілді жағымсыз қасиеттерге бастауы әбден мүмкін. Мүмкіндігінше, ойыншықтарын өздеріне тазалатып, жинатқызып, жыртылғаны болса, тіпті, өздеріне тіктіріп, жудырып, қойдырудың да, мәні зор. Сонда ол, өзі пайдаланатын мүлкіне жауапкершілікпен қарайтын болады. Бала бір ойыншықпен ұзақ, үздіксіз ойнаса, жалықтыруы да мүмкін, ондай жағдайда көп пайдаланған ойыншықтарын біршама күндерге тығып қойып берген жөн. Тәрбиенің ең жемісті құралы – шындық. Күнделікті болатын үй іші әңгімесінде және өздерінің іс-әрекеттерінде әрбір үй мүшесі әділдіктің, шындықтың иесі екенін танытып отырулары керек. Балаларды тәрбиелеуде үгіт-өсиетпен емес, сендіру әдісін кең пайдаланған жөн. Сонда ғана, бала ненің дұрыс, ненің бұрыс екеніне көзі жетеді, жақсысын жетілдіре түсіріп, жаманнан тезірек арылуға ұмтылады. Алайда, әрбір баланың өзімен бірге ала келген табиғи ерекшеліктері де болады. Сондықтан, да халық “Бір биеден ала да туады, құла да туады” дейді. Бала тәрбиесінде үлгі-өнегенің үлкен мәні бар. “Ұстазы жақсының ұстамы жақсы” “Айтушы ақылды болса, тыңдаушы дана болады” деген сөз тегін айтылмаған. Баланы жастайынан бастап, әдет-ғұрыпты, салт-дәстүрді игеруге, ана-тілін дамытып, халық өнеріне баулу үйелмендегі тәрбиенің негізгі көзі болуы тиіс. Балабақшада тәлім-тәрбие негізгі жеке үлгі, талап өзара көмек, ақыл, шара қолдану, мадақтау тәрізді әртүрлі әдістерге бай. Балабақшада тәлім-тәрбиенің басты ерекшелігі, өмірмен тығыз байланыстығында. Өйткені, халқымыз оқуға, білім алуға мүмкіншілігі болмаған кездің өзінде өз ұрпағын еңбекке баулып, жоғары адамгершілікке, үлкенді сыйлауға, қонақжайлыққа тәрбиелеген.Бүгінгі қоғам мүддесіне лайықты, жан-жақты жетіліп, дамыған, парасатты азамат тәрбиелеп өсіру - отбасының, мектепке дейінгі ұйымдардың, барша елдің міндеті. Осы міндетті орындауда мектепке дейінгі тәрбие мекемесінің атқарар орны шексіз болып табылады.Балалармен оқу іс-әрекеті мен шараларын жүргізіп отырған тәрбиешілер санаттан өткен, яғни, бір тәрбиеші – сарапшы, екі тәрбиеші – модератор және бір тәрбиеші – жас маман. Балалармен жасалынып отырған шаралар мектепке дейінгі тәрбие мен оқытудың үлгілік оқу бағдарламасының мазмұнына сәйкес жүргізіліп отыр. Балалардың жан-жақты дамуына &nbsp;олардың мектепке деген дайындылығын қарастырады. Адамгершілікке, еңбекке тәрбиелеу күнделікті ұйымдастырылған оқу іс-әрекеттерінде, ашық іс-шараларда&nbsp;жүзеге асады. Балалардың өмірдегі іс-әрекетін нығайту – мектепке дейінгі тәрбие жұмысының басты қажеттілігі.Әр оқу жылының басында жалпы, ата-аналар жиналысы және топ арасында жиналыстар өткізіліп тұрады. Балабақша тәрбиешілерден, ата-аналардан шығармашылықты талап етеді. Тәрбиешілер бала тәрбиесінде ата-аналармен тығыз байланыс орната отырып, нәтижелі жұмыстар жүргізіп отыр. Әр тоқсанда ата-аналар үшін ашық есік күні өткізіледі және мектеп жанынан ашылғандықтан мектеппен де, байланыс орната отырып, мектеп сахынасында да, бүлдіршіндер ертегі қойылымдарын және концерттік бағдарлама қояды. Атаулы мерекелік шараларда да, «Ертегілер еліне саяхат» тақырыбында өткен аудандық семинарда да, шағын орталық ұжымы жақсы көрсеткіш көрсете білді.Соның бір дәлелі – Қазалы аудандық «Әнші болғым келеді» &nbsp;атты ән байқауына қатысқан бүлдіршін Өмірбай Үмітпен жетекшісі Жұмахан Айсұлу дипломмен марапатталды. Тәрбиеші Теңізбаева Роза ханым «Суретші балақай» тақырыбында қашықтықтан өткен сурет салу сайысына он алты бала қатыстырып, барлығы да, бірінші дәрежелі дипломмен марапатталды«Мұқағали мұрасы» атты ХІІ республикалық байқауға шағын орталық тәрбиеленушісін дайындап, оның бойындағы шығармашылық қасиеті мен танымдық дағдысын дамытуға қосқан үлесіңіз бен қажырлы еңбегі үшін тәрбиеші Теңізбаева Роза ханым мадақтама мен төсбелгімен марапатталды.«Біз бақытты баламыз – бейбіт елдің болашағымыз» атты облыстық бейнеролик байқауында бақ сынасып, тәрбиеленуші – Өміртай Ислам жүлделі бірінші орынмен марапатталды.Қазалы ауданымыздың дәстүлі жылда өткізетін ән айту байқауында жүлделі үшінші орынмен тәрбиеленуші Алмат Айша марапатталды. Бала тәрбиелеу – біздің өміріміздегі ең маңызды міндет. Біздің қызметіміз де, өміріміз де, бала өмірімен өте тығыз байланысты. Тәуелсіз еліміздің жас ұрпақтарын білімді, жан-жақты дамыған, дені сау, рухани бай, жерін, ата-анасын құметтейтін саналы азамат болып өсуіне бойымыздағы бар асыл қасиеттерімізді, білімімізді сарп етудеміз.Мектепке дейінгі шақ адам өміріндегі &nbsp;ең маңызды кезеңі болып келеді. Өйткені, осы кезде баланың бойындағы табиғи бар дарындылық жан-жақты дами бастайды. Сондықтан, осы шақта балалармен анағұрлым жан-жақты дамытушылық әрекеттер жүйелі жүргізілсе, жұмыс соншалықты нәтижелі болады. Тәрбиелі, білімді ұрпақ балабақшадан мектепке дайын шәкірт болып шығады. &nbsp;Ұрпағымызды бала кезінен ұлттық тәрбиеге баулып, салауатты өмір салтын құрып, бойына адамгершілікті, мәдениетті, инабатты, иманды, өз ана тілін құрметтейтін болашақ ұрпақ тәрбиелесек, әрбір тәрбиешінің өз міндетін мүлтіксіз орындағаны. Осы білім беру салаларына байланысты «Айналайын» шағын орталықта балалардың жас ерекшеліктеріне сай, оқу іс-әрекетін әрбір тәрбиеші шығармашылық пен ізденіс арқылы жүзеге асыруда.<img src="https://knadmin.beoblood.kz/uploads/3ab1a70e_f059_41d3_9ff8_d0635084495f_d25fc7cabe.jpg" alt="3ab1a70e-f059-41d3-9ff8-d0635084495f.jpg"><img src="https://knadmin.beoblood.kz/uploads/7abc2739_1bd6_4e66_86b1_65102e280915_402269a8b7.jpg" alt="7abc2739-1bd6-4e66-86b1-65102e280915.jpg">

«Айналайын» шағын орталық тәрбиеленушілері жетістікке жетуде

<a href="https://kyzylorda-news.kz/">Kyzylorda-news.kz.</a> Елдегі су тасқынымен күрес әлі де тоқтаған жоқ. Жайыққа құйылған көп мөлшердегі су ернеуінен тасып, айналасындағы елді мекенге залалын еселеп келтіруде. Үйлерін амалсыздан тастаған қара халық бүгінде баспана мен басқа да көмекке мұқтаж. Ел өңірде орын алып жатқан төтенше жағдайға өзге аймақтағы ел-жұрт бейжай қарамай, қолдан келгенше болысып жатыр.Тасқын су басталғалы ауданымыздан гуманитарлық көмек батыс аймаққа жиі ұйымдастырылды. Қайырымды іске атсалысқан Қармақшы ауданының халқы бір жағадан бас, бір жеңнен қол болып барын берді. Жақында тағы ел ағалары сауапты іс жасап, өзгелерге үлгі болды. Ерболат Ұзақбаев, Алмасбек Қаржаубаев, Уақытбек Сұңғатов, Мұқан Алмағамбетов, Самат Көмекбаев, Қанибек Молдабаев бастаған үлкендеріміз су тасқынынан зардап шеккен Ақтөбе облысының халқына қаржылай көмектесті.<blockquote>– Елде орын алып жатқан апат барлығымызды жайсыз қалдырмады. Тілсіз жау қаншама үйге, шаруаға, малға, техникаға шығын келтіруде. Батыс аймақтағы ағайын бауырларымызға ең бастысы сабыр тілейміз. Әрине оңай емес. «Ел басына күн туса, ер етікпен су кешер» деген. Бүгінде су тасқыны орын алған өңірге жан-жақтан көмектер барып жатыр. Бізде осы іске ағайындар бас қосып, өз тарапымыздан Ақтөбе облысындағы Нұра елді мекенінің халқына 2,5 миллион теңге қаржы жинап, қол ұшын создық. Арамыздан төрт кісі сол жаққа барып, елдің ахуалын көріп қайтты. Бәрінен бұрын халқымызға Құдай жар болсын деп тілектестік білдіреміз, – деді Жосалы кенті ардагерлер кеңесінің төрағасы Ерболат Ұзақбаев. &nbsp;</blockquote>

Жұмыла көтерген жүк жеңіл

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы білім басқармасының Қазалы ауданы бойынша білім бөлімінің «Мұстафа Матаев атындағы №170 орта мектебі» коммуналдық мемлекеттік мекемесі 2013 жылы жаңа ғимаратқа көшірілді.&nbsp;Қызылорда облысы әкімдігінің 2022 жылы 1 наурыздағы №978 қаулысымен Қызылорда облысы білім басқармасының «Қазалы ауданының білім бөлімінің №170 орта мектебі» коммуналдық мемлекеттік мекемесі «Қызылорда облысының білім басқармасының Қазалы ауданы бойынша білім бөлімінің «Мұстафа Матаев атындағы №170 орта мектебі» коммуналдық мемлекеттік мекемесі болып қайта аталған.&nbsp; Мектепте спорт зал, акт зал, асхана, кітапхана, медициналық бөлме және компьютер сыныптары бар. Жылу, су және кәріз жүйелері орталықтандырылған түрде жұмыс жасайды. Мектепте оқушыларға дәрігерге дейінгі амбулаториялық-емханалық көмек пен алғашқы медициналық-санитариялық көмекті жүзеге асыратын арнайы медициналық бөлме жұмыс жасайды, медициналық жабдықтармен қамтамасыз етілген.&nbsp; Мектеп асханасы құрал-жабдықтармен, тамақ ішетін орын, ас әзірлеу орнымен қамтамасыз етілген. Оқушылар тұтынатын азық-түлікке, тамақтарға рұқсат етілген, сертификатталған өнімдер пайдаланылуда, ас мәзірлері бекітілген. Әлеуметтік қолдауды қажет ететін отбасы балалары ыстық тамақпен қамтамасыз етілген.&nbsp; Мектепте білім беру қызметі 3 сатыда (бастауыш, негізгі, орта) жүзеге асырылады. Оқыту тілі – қазақ. &nbsp;Ауысым саны – 2.&nbsp; Мектепте жалпы педагог – қызметкерлердің саны – 98 (1 педагог – ассистент, 1 тәлімгер, 1 дефектолог, 1 музыкалық жетекші, 1 әлеуметтік педагог), оның шінде 93 мұғалім дәріс береді.&nbsp; Білім беру ұйымдарын «Оқу, көркем және ғылыми әдебиеттер қорының болуы туралы мәліметтер» кестесі толтырылған. Мектепте барлық кітаптар саны 24247, соның ішінде; әдістемелік оқулықтар саны 1477, оқулықтар – 19984, көркем әдебиеттер – 1621, электрондық оқулықтар саны – 445, дидактикалық материалдар – 720. Ғаламтор орнатылған. Мектеп 2 ауысымда жұмыс істейді: 1-11 сыныптарда-бес күндік оқыту. Барлығы 35 сынып-комплектісі бар.&nbsp; Аталмыш мектепте 2022 жылдың 1 қыркүйегінен бастап Диханова Жанар жетекшілік ететін тұлғалық бағытта Қазалы аудандық тарихи өлкетану музейі бар. Бұл музей Қызылорда облыстық тарихи-өлкетану музейіне қоғамдық негіздегі мұражайлар тізіміне тіркелген.&nbsp; ЖЕТІСТІКТЕРІ Атырау қаласында 16-21 наурыз аралығында өткен жалпы білім беретін пәндер бойынша Республикалық олимпиаданың қорытынды кезеңінде, жаратылыстану-математика бағыты бойынша Қазалы ауданы атынан қатысуқан №170 орта мектептің 9 сынып оқушысы Жетпісбай Дінмұхаммед (жетекшісі: Жакей Фарида) география пәні бойынша үшінші орын иеленді.&nbsp;Жалпы білім беретін пәндер бойынша ауыл мектептерінің оқушыларына арналған жаратылыстану-математикалық бағыттағы Республикалық олимпиадада география пәнінен Мұстафа Матаев атындағы N 170 орта мектебіміздің 10-сынып оқушысы Рамазан Ғалымжанұлы қатысып, жүлделі бірінші орын иеленді. Жетекшісі: Әбдіжаппарова Жадыра. Дарынды шәкіртіміз &nbsp;білім биігін бағындыра берсін! &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Қызылорда облысының білім басқармасының "Дарын" облыстық қосымша білім беру орталығының ұйымдастыруымен 2022 жылдың 12 қазан күні жаратылыстану-математика циклы пәндері бойынша Президенттік олимпиаданың І өңірлік кезеңі бойынша Мұстафа Матаев атындағы N170 орта мектебінің 11 сынып оқушысы Әзен Гаухар жүлделі екінші орын иеленді. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Алматы қаласында өткен "QAZAQSTAN" Ұлттық телеарнасының ұйымдастыруымен "DARYN" телевизиялық шоуға мектебіміздің 9-сынып оқушысы Әзен Гауһар Жеңісбекқызы Қызылорда облысы бойынша Республикалық білім сайысына қатысты.&nbsp; "Елбасы медаль" жобасының қола жүлдегері, "Қобыланды батыр" жырының жеңімпазы, Облыстық математика пәні бойынша олимпиаданың жүлдегері, түрлі білім сайыстарында топ жарып жүрген дарынды оқушымыз Гауһар – Республика төрінде барлық пәндер бойынша қойылған сұрақтарға жауап беріп, білім бәйгесінен оза шауып, бірінші дәрежелі дипломмен марапатталды.&nbsp; 2020 жылдың 5-6 қаңтар күндері өткен жалпы білім беретін пәндер бойынша Республикалық олимпиаданың облыстық кезеңінде №170 орта мектебінің 9 сынып оқушысы Әзен Аяулым Жеңісбекқызы математика пәні бойынша пәндік олимпиададан жүлделі үшінші орынды иеленді. Жетекшісі: математика пәнінің мұғалімі Аймағамбетова Күлаш апайымызға алғыс білдіреміз. Қазақстан Республикасы Білім және ғылым министрлігі мен "QAZAQ EPOS" қоғамдық қорының қолдауымен өткізілген «Тұлпар мініп, ту алған!» байқауының &nbsp;6-10 сынып оқушылары арасында «Едіге батыр» жырын жатқа айтудан мектебіміздің оқушылары Әзен Гауһар бірінші орын мен 750 000 теңге сыйақы, Жеңісбек Гүлназ екінші орын мен 350 000 теңге көлеміндегі сыйақы иеленді. &nbsp;

Қазалыда Мұстафа Матаев атындағы №170 орта мектепте тарихи өлкетану музейі бар 

Қазалы: Білім саласындағы жаңашылдықтар 

<a href="https://kyzylorda-news.kz/">Kyzylorda-news.kz</a> Мектеп оқушыларын Отансүйгіштікке, патриоттыққа тәрбиелеу мектеп қабырғасында қаланады. Ұстаздар қауымы шәкірттерінің бойына тәрбие мен білімді қатар сіңіреді.Дені сау бала – елдің болашағы. Олардың шымыр да, епті болуына дене шынықтыру сабағы мен бастапқы әскери дайындық пәнінің әсері мол. Жақында Сырдария Жастар ресурстық орталығы мен аудандық төтенше жағдайлар бөлімінің ұйымдастыруымен "Жас құтқарушылар" сайысы өтті. Сайысқа №131 Т.Қозыбаев атындағы орта мектеп пен №210 О.Әбілпаттаев атындағы орта мектептің жоғарғы сынып оқушылары қатысты.Оқушыларды отансүйгіштікке тәрбиелеу, қолданбалы спорт түрімен шұғылдануға тарту, құтқарушы тәсілдерін үйрету, саламатты өмір салтын қалыптастыру мақсатында ұйымдастырылған сайыста жас құтқарушылар 6 кезең бойынша бақ&nbsp;сынады.Сайысқа Сырдария аудандық төтенше жағдайлар бөлімінің инженері азаматтық қорғау лейтенанты Ә.Мұқтар мен Сырдария Жастар ресурстық орталығы кеңесшісі &nbsp;Нұржан Сейітжан қазылық етті.Сайыс қорытындысында №210 О.Әбілпаттаев атындағы орта мектеп командасы қарсыластарынан басым түсіп, жарыс жүлдегері атанды. Жүлдегер командаға диплом мен бағалы сыйлықтар табысталды.– Жастар ресурстық орталығы жыл бойына жастармен түрлі іс-шаралар ұйымдастыруда. Соның бірі бүгін өткізген "Жас құтқарушылар" сайысы. Жастардың арасында әсіресе, ер балалардың құтқарушылық мамандығына қызығушылық танытатындар баршылық. Ерте жастан спортпен шұғылданып, күнделікті дене жаттығумен айналысатын жасөспірімдердің өмір салты да қалыптасады. Саламатты өмір салтын ұстанатын жастарымыз еліміздің болашағы. Білім мен тәрбиені ұштастыра бос уақытын тиімді өткізетін жастарға артар сеніміміз мол. Өткізілген сайыс барысында құтқарушылардың қаншалықты қиындықпен бетпе бет келетіні және физкалық дайындықты қажет ететін мамандық екенін ұғынды, – дейді Сырдария Жастар ресурстық орталығы кеңесшісі &nbsp;Нұржан Сейітжан.

Сырдарияда жас құтқарушылар сайысы өтті

<a href="https://kyzylorda-news.kz/">Kyzylorda-news.kz</a> &nbsp;Сырдария аудандық спорт клубында аудандық қоғамдық даму бөлімінің қолдауымен " Алғыр ой" коммерциялық емес жеке қорының ұйымдастыруымен мүмкіндігі шектеулі жастар арасында дойбы және шахмат сайыстарынан тартысты бәсеке өтті.&nbsp; &nbsp; &nbsp;Жарысқа қатысушылар – тірек-қимыл қозғалысы бұзылған және көру қабілеті төмен жандар болды. Ұйымдастырушылар ақыл-ой мен сананы дамытатын мұндай ойын түрлеріне мүмкіндіші шектеулі жандар қызыға қатысатынын айтады. Оларды мүмкіндігі шектеулі жандар ретінде емес, қоғамның бір мүшесі ретінде қарауымыз қажет. Бүгінгі таңда мүмкіндігі шектеулі жандарға арналған түрлі іс-шаралар ұйымдастырылуда және алдағы уақытта да жалғасын табатын болады.&nbsp; &nbsp; &nbsp;Тартысты бәсекеге кент орталығынан мүмкіндігі шектеулі жастар қатысты. Сайыс өте тартысты өтті. Сайыс қорытындысы бойынша "Дойбы" сайысында:&nbsp;Жүлделі III орынды Шырынханұлы Нұрсұлтан,&nbsp;Жүлделі II орынды Қаратаев Нұржан,&nbsp;Жүлделі I орынды Мейрамбек Ерболат еншілесе; &nbsp;"Шахмат" сайысы бойынша:&nbsp;Жүлделі ІІІ орынды Қазтаева Ақнұр,&nbsp;Жүлделі ІІ орынды Мұсағұлов Жандос,Жүлделі І орынды Кәрібаев Сәулебек иеленді.&nbsp; &nbsp; &nbsp;Жеңімпаздарға арнайы дипломдар мен қаржылай сыйлықтар табысталды. Ал қатысушылардың барлығына алғыс хат пен ынталандыру қаржылай сыйлықтары берілді.

Мүмкіндігі шектеулі жандар арасында сайыс ұйымдастырылды

<a href="https://kyzylorda-news.kz/">Kyzylorda-news.kz</a>&nbsp; Орал қаласында 59 жастағы әйелді өлтірген күдікті ұсталды. Бұл туралы<a href="https://stan.kz/oral-kalasinda-59-zhastagi-mygalimdi-oltirgen-kudikti-y-399351/"> Stan.kz</a> ақпарат агенттігі хабарлайды.БҚО полиция департаментінің ресми өкілі Нұржан Қуанғалидың мәлім еткеніндей, 25 сәуір күні сағат 14.50-де Орал қаласы полиция басқармасының кезекші бөліміне өзінің мекенжайынан 1964 жылғы әйелдің мәйіті табылғаны жөнінде хабар түскен.&nbsp;Оның денесінде зорлық-зомбылықпен өлтіру белгілері бар екендігі анықталды."Кісі өлтіру дерегі бойынша қылмыстық іс қозғалды. Кешенді жедел іздестіру іс-шаралары барысында сол күні күдікті анықталып, қылмыстың ізі суымай қолға түсті. Ол Орал қаласының бұрын сотталған тұрғыны болып шықты. Қазіргі кезде күдікті сот санкциясымен қамауға алынды. Тергеу амалдары жалғасуда. Тергеу мүддесіне сәйкес өзге ақпарат жариялауға жатпайды", — деді Н.Қуанғали.&nbsp;Еске сала кетейік, бұдан бұрын Оралда өзінің пәтерінен 59 жастағы <a href="https://stan.kz/oralda-bastauish-sinip-mygalimin-oz-paterinde-oltirip-k-399338/">мұғалімнің денесі табылғанын</a> жазған болатынбыз.Фото: Нұрболат Нұржаубай

Орал қаласында 59 жастағы мұғалімді өлтірген күдікті ұсталды

Қызылорда облысы Баймұрат ауданында жантүршігерлік апатқа ұшырағандарға құтқарушылар көмекке келді. Бұл туралы<a href="https://stan.kz/kizilorda-oblisinda-zhanturshigerlik-apatka-yshiragan-a-399346/"> Stan.kz </a>ақпарат агенттігі хабарлайды.Оқиға Шымкент-Самара тас жолында болды.Қызылорда облысы төтенше жағдайлар департаменті жедел-құтқару жасағының құтқарушылары гидроқұтқару құралдарының көмегімен екі әйелді көліктен шығарды.Олар жедел жәрдем қызметкерлеріне тапсырылды.Фото: ТЖМ&nbsp;

Қызылорда облысында жантүршігерлік апатқа ұшыраған әйелдерді құтқарушылар көліктен шығарып алды

Қазақстандық рэпер Jah Khalib-тің Молдава астанасы Кишиневте өтетін концерті оның зорлық-зомбылық құрбандары туралы айтқан сөзінен кейін болмайтын болды. Бұл туралы 27 сәуірде Summer Fest ұйымдастырушылары айтты, деп хабарлайды <a href="https://stan.kz/news-399353/">Stan.kz </a>ақпарат агенттігі NewsMaker-ке сілтеме жасап.&nbsp;Бұған дейін белсенділер Jah Khalib өнер көрсетуін қаламайтындарын айтып, үндеу жасаған болатын. Алайда ұйымдастырушылар бұл шешім аяқ асты қабылданбағанын, бұл туралы бұрын хабарлауға мүмкіндік болмағанын айтты.&nbsp;"Соңғы оқиғалар мен жаңалықтарға байланысты Jah Khalib-тің&nbsp;жазғы фестивальдегі концерті тоқтатылды. Күрделі логистикалық және құпия факторларға байланысты біз бұрын қабылданған шешімді ресми түрде жариялай алмадық. Мұндай іс-шараны ұйымдастыру үлкен күш пен ұзақ дайындықты қажет етеді және кез келген шешім импульсивті түрде өзгермейді", - делінген ұйымдастырушылардың хабарламасында.Бұған дейін "Зорлық-зомбылықсыз өмір" ұлттық коалициясы мен&nbsp;актер Кэтлин Лунгут Кишиневте Jah Khalib-тің өнер көрсетуін тоқтатуға шақырған. Рэпер зорлық-зомбылық жасайтындарды&nbsp;ақтады деп айыпталды. Екі жыл бұрын RUH FOOD YouTube арнасында жарияланған ORTA подкастында рэпер "дұрыс емес киім" зорлаудың себептерінің бірі екенін айтқан.&nbsp;Еске сала кетейік кетейік, рэпер орамал тағып, жабық киінген қыздар, орамалсыз, дұрыс киінбей жүретін қыздардан қарағанда өздерін қауіпсіз сезінеді. Бүгінде белең алып тұрған зорлық-зомбылыққа қатысты мәселенің бір фактісі&nbsp;– <a href="https://stan.kz/kazakstandiktar-muzikant-jah-khalib-ke-boykot-zhariyala-398009/">қыздардың дұрыс киінбеуіне тікелей байланысты екенін айтқан еді.&nbsp;</a>Фото.Stan.kz&nbsp;

Jah Khalib-тің Кишиневтегі концерті оның зорлық-зомбылық туралы сөзінен кейін өтпейтін болды

Қарағандыда ер адам кәмелетке толмаған балалардың көзінше бұрынғы әйелін өлтірді деп күдікке ілінді. Әйелдің бұрынғы жұбайының қолынан қаза тапқаны туралы ақпаратты әлеуметтік желіде құқық қорғаушы Серік Беркамалов жариялады. Бұл туралы <a href="https://stan.kz/karagandi-tyrgini-byringi-ayelin-balalarinin-kozinshe-p-399356/">Stan.kz </a>ақпарат агенттігі хабарлайды.Оның айтуынша, кісі өлтіру дерегі 25 сәуірде болған. Әйелдің 10 жылдан астам уақыт бұрын&nbsp;ажырасқан бұрынғы күйеуі оның әрқашан ізіне түсіп, маза бермеген болжам бар. Бірнеше жыл бойы жәбірленуші полицияға жүгінгенімен&nbsp;әр жолы күдікті жазасыз қалып, органдарда&nbsp;таныстары барын айтып, мақтанған. Сол күні әйелге кәмелетке толмаған балаларының көзінше бірнеше рет пышақ сұққан. Марқұм 52 жаста еді. Оның артында 16 жасар қызы мен 14 жасар ұлы қалды."Ұлы сол күні әкесінің бәрін одан кейін&nbsp;өзін өлтіремін деп қорқытқанынан кейін кешке полицияға қоңырау шалып, анасын қорғамақ болған. Оның шағымынан кейін&nbsp;екі полиция қызметкері келіп,&nbsp;тіпті қауіп-қатер мен жанжалға, оның мас күйіне куә болса да&nbsp;ештеңе жасамаған! Әйел мен балаларды абьюзермен жалғыз қалдырып, кетіп қалған! Екі сағаттан кейін ол Гүлмираны суық қарумен&nbsp;пышақтап, пәтерден қашып кетті. Балалар ғажайыппен зардап шеккен жоқ, олар дереу полиция мен жедел жәрдем шақырды", - деп жазды Беркамалов Instagram парақшасында.Сондай-ақ, автордың айтуынша, жедел жәрдем жиырма минуттан астам уақытта келген.&nbsp;Нәтижесінде зардап шеккен әйел&nbsp;ауруханаға бара жатып қайтыс болды. Ал күдікті осы уақытта аулада полицияны тыныш қана күткен."Полиция сәл ертерек келген,&nbsp;бірақ қылмыскер жасырынуды ойламады. Көршілері өзі&nbsp;кездесуге шыға жаздады дейді. Қатаң түрде қылмыскерді ұстаудың орнына оны учаскелік полицей оған темекі береді (осы тұста “өзі осыған жеткізген шығар” деген бишімбаевты&nbsp;еске түсіреді). Бұл&nbsp;не? Адам өміріне немқұрайлылық, кәсіби немқұрайлылық, полицияның қасақана беделін түсіру ме? Білмеймін, бірақ біз оны анықтаймыз және барлық кінәлі полицейлерді жазаға тартуға ниеттіміз. Әрине, қылмыскер&nbsp;заң алдында&nbsp;қатаң түрде жауап береді", - делінген жазбада.&nbsp;Сондай-ақ, хабарламада марқұмның балаларына тегін құқықтық және психологиялық көмек көрсетілетіні айтылды. Кәмелетке толмағандар балаларға&nbsp;Салтанат Нүкенованың ағасы Айтбек Амангелді көмектеседі.Қарағанды облысы полиция департаментінің баспасөз қызметі бұл жағдайға түсініктеме берді. Ведомствоның мәліметінше, кісі өлтіру фактісі бойынша қылмыстық іс қозғалған. Күдікті уақытша ұстау изоляторына қамалды, қажетті сараптамалар тағайындалды, тергеуге ұатысты іс-шаралар&nbsp;жүргізілуде."Айта кету керек, ерлі-зайыптылар ажырасқанымен бірге тұрған. Соңғы рет полицияны екі жылдан астам уақыт бұрын, 2022 жылдың қаңтарында шақырған. Кісі өлтіру дерегі тіркелген күні, 25 сәуірде сағат 18:30-да отбасының қызы полицияға ата-анасының арасындағы&nbsp;қаржылық мәселелер бойынша жанжал шыққанын айтты. Полиция келген кезде ерлі-зайыптылар шай ішіп отырған. Жұбайы полициядан&nbsp;күйеуін алып кету немесе үйден шығару&nbsp;туралы талап түсірген. Ер адамға қатысты әкімшілік хаттама жасалып, қорғау нұсқамасы&nbsp;мен сотқа келгені туралы хабарлама шығарылды. Көршілердің айтуынша, бұған дейін отбасыда жанжал болмаған”, – деп толықтырды департаменттің баспасөз қызметі.&nbsp;Фото: Серік Беркамалов парақшасынан

Қарағанды тұрғыны бұрынғы әйелін балаларының көзінше пышақтап өлтірді деп күдікке ілінді

<a href="https://kyzylorda-news.kz/">Kyzylorda-news.kz</a> &nbsp;Бүгінде ұлттық құндылықты дәріптейтін бірден-бір мекен өнер мектептері бой көтеруде.&nbsp;Онда жас ұрпақ музыкамен сусындап, шығармашылықты үйрененеді.Жылдағы дәстүрмен аудан өнерпаздарының бір шоғыры қалыптасқан&nbsp;Сырдария ауданыныда&nbsp;Өнер мектебі керемет іс-шара өткізді. «Өнерге қанат қаққандар» тақырыбымен кезекті 2023-2024 оқу жылының есеп беру концерттік бағдарламасының куәсі болдық. Алдын ала хабарланған концертке келушілер көп болды. Көрермен залы лық толып, өнерпаздардың өнеріне қошемет көрсетілді.Сахна шымылдығы өнер ұжымының, яғни мектеп мұғалімдері мен оқушылардан құрылған ұлт аспаптар оркестрінің орындауында Құрман­ғазының «Адай» күйімен ашылды. Концерт жүргізушілері Олжас Сақыбек пен мектеп оқушысы Бегайым Оразалы көрермендермен сәлемдесіп, өнер мектебінен түлеп шыққан түлектердің болашағы жарқын екенін және өнердің Отаны – Сыр елі өнерпаздардың қанат самғауына жол сілтеген киелі өңір екенін айтты. Мұнан кейін оқушылардан құралған оркестр Құрман­ғазының күйі «Балбырауынды» орындап қоше­метке бөленді. Күйші Мейрамбек Кенжебаев Нұрғиса Тілендиевтің «Көңілді бикеш» күйін домбырамен сүйемелдеп, «Тұмар» бишілер тобы мың бұрала билеп көрерменнің ыстық ықыласына бөленді.Өз кезегінде Мұхамеджан және Нұрахмет Мансұровтар термешілер блогын құрап, жырдан шашу шашты. Кішкентай бүлдіршіндердің вокалдық топпен орындаған «До-ре-ми» әні сәтті шықты. Одан әрі өнер мектебінің ұстаздары Роза Арғынбаева мен Шара Нұрадинова жетекшілік еткен қобызшылар мен скрипкашылар ансамблі қазақ әндерінен «Попурри» орындап, керемет көңіл күй сыйлады. Концерт өз өнерін паш еткен қобыз сыныбының мұғалімі Сәрсенкүл Түгелбаева мен шәкірті Лаура Мұратованың Құрманғазының күйі «Саранжапты» нақышына келтіріп орындаумен жалғасты.Сахнаның болашақ жұлдыздарынан құралған вокалдық топтың «Жотейм» әніне риза болмаған жан қалмады. Сонан соң кезек баян сыныбының шәкірттеріне берілді. Жандос Сансызбаев пен Гүлжанат Мұсаханова жетекшілік ететін шәкірттері Жания Сәдуақасова және Нұртөре Айтбайдан құралған сырнайшылар квартеті «Полька минутка» әуенін орындады. Өнерлі отбасыдан шыққан ағайынды Аршан мен Лашын Бакишевтер Юрий Весняктің «Карлсон» әуенін пианинода орындап көрерменнің көзайымына айналды. Ал республикалық, халықаралық байқаулардың лауреаты Даниил Семенов Сергей Прокофьевтің «Меркуцио» әуенін фортепианода орындап күйсан­дықтың құдіретін көрсетті.Концерттік бағдарламада ұстаз Қуаныш Жүнісов жетекшілік еткен ІІ халықаралық «Жас толқын» өнер байқауының лауреаты «Балауса» домбырашылар ансамблі Абдулхамит Райымбергеновтің «Секіртпе» күйі орындалды. Ұлттық аспапты шебер меңгерген өнерпаздар Сәкен Сейфуллин ауылдық филиалының оқушы­лары Нұрдәлет Бердібеков, Нұрсат Кеңесбай домбыра сыныбының мұғалімі Бауыржан Үсенов Нұрғиса Тілендиевтің «Әлқисса» күйін күмбірлетті. Қоғалыкөлден келген өнерпаздар ерекше аспап трубамен мұғалім Қайрат Сәтпаев шәкірті Сейдолла Бахраддинұлымен бірге «Дорога на восток» әуенін әуелетті.Есеп беру кешінің соңында 1 мамыр Халықтар достығы күніне орай республикалық, халықаралық өнер байқауларының жүлдегері Ардақ Тоқ­берішова мен Гүлшат Өтебасова жетекшілік еткен «Тұмар», «Назкерім» би тобының бишілері әр ұлттың биін билеп, концерттік бағдарламаны тәмамдады.– Сырдария ауданының өнер мектебі 1972 жы­лы ашылып, осы уақытқа дейін 700-ден аса шәкірт бітіріп шықты. Олардың барлығы қазіргі таңда еліміздің түкпір-түкпірінде өнер-білім, тағы басқа салаларда еңбек етіп, Отанымыздың өркен­деп, гүлденуіне сүбелі үлес қосып келеді. Өнерпаз түлек­терімізді әрдайым мақтан етеміз, – дейді мектеп директоры Марат Сәдуақас.Қазіргі таңда Сырдария ауданының өнер мекте­бінің төрт филиалы жұмыс жасайды. Атап айтқанда, Асқар Тоқмағамбетов, Қалжан ахун, Сәкен Сейфуллин, Қоғалыкөл ауылдық филиалы. Атал­ған филиалдарда 126 бала домбыра, баян, дәстүр­лі ән, хореография мамандықтары бойынша білім алуда.Ата-ана баласының тәй-тәй басқан сәтінен-ақ қандай өнерге бейім екенін біле бастайды. Соның бірі – Аршан мен Лашын Бакишевтардың анасы Салтанат Бакишева. Салтанат балаларының бойынан өнерге деген сүйіспеншілігін байқап, өнер мектебіне алып келген. Ардақты ана өнерлі перзенттерінің таудай талабына қол жеткізуіне жәрдемдескен ұстаздарына дән риза.

Қазақстан және Қызылорда облысының жаңалықтары

«Айналайын» шағын орталық тәрбиеленушілері жетістікке жетуде

Жұмыла көтерген жүк жеңіл

Қазалыда Мұстафа Матаев атындағы №170 орта мектепте тарихи өлкетану музейі бар

Қазалы: Білім саласындағы жаңашылдықтар

Сырдарияда жас құтқарушылар сайысы өтті

Мүмкіндігі шектеулі жандар арасында сайыс ұйымдастырылды

Орал қаласында 59 жастағы мұғалімді өлтірген күдікті ұсталды

Қызылорда облысында жантүршігерлік апатқа ұшыраған әйелдерді құтқарушылар көліктен шығарып алды

Jah Khalib-тің Кишиневтегі концерті оның зорлық-зомбылық туралы сөзінен кейін өтпейтін болды

Қарағанды тұрғыны бұрынғы әйелін балаларының көзінше пышақтап өлтірді деп күдікке ілінді

Марат Сәдуақас: Өнерпаз түлектерімізді әрдайым мақтан етеміз

Қызылорда: Мамыр айында кенеге қарсы өңдеу жұмыстарының екінші кезеңі басталады

Қазақстан және Қызылорда облысының жаңалықтары

«Айналайын» шағын орталық тәрбиеленушілері жетістікке жетуде

Жұмыла көтерген жүк жеңіл

Қазалыда Мұстафа Матаев атындағы №170 орта мектепте тарихи өлкетану музейі бар

Қазалы: Білім саласындағы жаңашылдықтар

Сырдарияда жас құтқарушылар сайысы өтті

Мүмкіндігі шектеулі жандар арасында сайыс ұйымдастырылды

Орал қаласында 59 жастағы мұғалімді өлтірген күдікті ұсталды

Қызылорда облысында жантүршігерлік апатқа ұшыраған әйелдерді құтқарушылар көліктен шығарып алды

Jah Khalib-тің Кишиневтегі концерті оның зорлық-зомбылық туралы сөзінен кейін өтпейтін болды

Қарағанды тұрғыны бұрынғы әйелін балаларының көзінше пышақтап өлтірді деп күдікке ілінді

Марат Сәдуақас: Өнерпаз түлек­терімізді әрдайым мақтан етеміз

Қызылорда: Мамыр айында кенеге қарсы өңдеу жұмыстарының екінші кезеңі басталады

Марат Сәдуақас: Өнерпаз түлектерімізді әрдайым мақтан етеміз