Kyzylorda-news.kz. Астанадағы "Бейбітшілік және келісім сарайында" Қызылорда облысының мәдениет және өнер күндері «Сұлу Сырдан - Ару Астанаға» атты гала- концертпен қорытындыланды.&nbsp; Елордалықтар ең алдымен сарай фойесіндегі «Сыр өңірі – Түркі өркениетінің алтын бесігі» атты көрмемен танысты. Көрмеге аймақтың жетістіктері мен әлеуметтік-экономикалық дамуын суреттейтін құнды экспонаттар қойылған. Әсіресе, археологиялық қазба жұмыстары кезінде табылып, жаңғыртудан өткен "Шірік-Рабат сақ жауынгері"," Сығанақ ханшайымы" &nbsp;мүсіндерін, айтыс өнерінің &nbsp;ақтаңгері Мұхтар Ниязовқа берілген "Алтын домбыраны" және өзге де жәдігерлерді тамашалаушылар легі көпке дейін толастамады.Сыр өнерінің салтанатын көруге ҚР Парламенті Сенаты Төрағасының орынбасары Жақып Асанов, ҚР Премьер-министрінің орынбасары Тамара Дүйсенова, мемлекет және қоғам қайраткерлері Қырымбек Көшербаев, Гүлшара Әбдіқалықова, облыс әкімі Нұрлыбек Нәлібаев, Парламент депутаттары, зиялы қауым өкілдері арнайы келді.Гала-концертте Сыр бойынан шыққан танымал эстрада әншілері Жеңіс Сейдоллаұлы, Елена Әбдіхалықова, Жеңіс Ысқақова, Мәдина Сәдуақасова, Ғалымжан Нарымбетов, Құралай Мейрамбек ән шырқады. Сондай-ақ, Тұрмағанбет атындағы халық аспаптар оркестрі, биыл ғана құрылған симфония оркестрі, «Сыр самалы» вокалды-аспапты, «Томирис» би ансамбльдері, Сыр өңіріндегі жыраулық мектептер өкілдері, тағы да басқа &nbsp;таланттар өнер көрсетті.Концерт Қызылорданың гимніне айналған Е.Әбдіхалықованың «Сыр елім» әнімен ашылды.Тұрмағамбет атындағы халық аспаптар оркестрі Арал ауданының тумасы, күйші, композитор Мұрат Сыдықовтың «Батыр баба» күйін орындады. Экранда шежірелі &nbsp;өңірде тарихи төрт астананың болғандығын баяндайтын бейнетуынды көрсетілді. Сыр бойындағы &nbsp;Нұртуған, Жиенбай, Сәрсенбай жырау, Нартай ән-жыр мектептерінің мақам-саздары домбырамен, сырнаймен, қобызбен орындалды. &nbsp;Нұртуған жыр мектебінің өкілі Шолпан Бимбетова, Жиенбай жыр мектебінің өкілдері Руслан Ахметов, Күнсұлу Түрікпен, Нұрай Ерталапқызы, Сәрсенбай жыраудың ұрпағы Майра Сәрсенбаева, Нартай ән &nbsp;мектебінің өкілі Ақмарал Ноғайбаева және Марат Сүгірбай, бала жырау Нөсер Айдосұлы Астанаға жыр шашуын арнады.Түркітілдес елдерге ортақ Қорқыт бабамыздың қобыз сарынын бүгінге жеткізген қылқобызшылар Қорқыттың «Қоңыр» күйін орындаса, әнші, «Қазақстан дауысы» мега жобасының және халықаралық байқаулардың жеңімпазы Құралай Мейрамбек &nbsp;жергілікті ақын Оңталап Нұрмахановтың сөзіне жазылған Рамазан Таймановтың «Қорқыт-қобыз» әнін шырқады.Астаналық көрермен Өнер мерекесінде тұңғыш рет екі оркестрдің айтысын тамашалады. Кәсіби өнер иелерінен құралған Тұрмағамбет атындағы халық аспаптар оркестрі және жақында тұсауы кесілген симфония оркестрі әлем классиктері мен қазақ композиторларының шығармаларын орындады.Қазіргі кезде &nbsp;Сыр бойында дәстүрлі өнермен қатар, классикалық музыка жанры да өз биігінен орын алды.Концерттің классикалық бөлімінде солистер 5 тілде әлемдік туындылар шеруін жасады. Қазақтың ән өнерін әлемдік сахналарда насихаттаған Мағжан Аманжолов, Мақсат Мақұлбеков, Ақылбек Табынбаев, Сымбат Тасбергенова және жерлестеріміз Бибігүл Жанұзақ, Ұлпан Әбдікәрімова, Алмат Изманбетов, Асхат Бөлебай классикалық шығармаларды шарықтатты.Концерттік бағдарламаға түрлі жанр, заманауи коллаборациялар, этно-модерн стилінде өнер көрсетіп, қазақ &nbsp;күйлерін басқа аспаптармен сүйемелдеп, &nbsp;кеңістігін кеңейткен баянист-аккордеонист, халықаралық байқаулардың лауреаты, Сыр елінің тумасы Ғалымжан Нарымбетов те шақырылды. Ол симфония оркестрінің сүйемелдеуімен француз композиторының туындысын орындады. Ал "Сыр сандуғаштары" балалар тобы Ринат Гайсиннің «Астана» &nbsp;әнін елордалықтар &nbsp;назарына ұсынды. &nbsp;Мерекелік гала-концерттің эстрада бөлімінде Сыр бойынан шыққан танымал эстрада әншілері, Қазақстанның еңбек сіңірген қайраткерлері Жеңіс Сейдоллаұлы, Жеңіс Ысқақова, Мәдина Сәдуақасова елордаға арналған әндерді шырқаса, жергілікті өнерпаздар Жалын Жүсіпов, Айсұлу Әбді, Аружан Төреғали, Ерлан Садықов оркестрлер сүйемелдеуімен Е.Әбдіхалықованың «Қазақ елі» туындысын асқақтатты.Астана сахнасындағы Сыр өнерпаздарының концертінде аншлаг болды. Дәстүр мен классиканы, эстраданы ұштастырған, ерекше көңіл-күй сыйлаған өнерпаздарға елордалық көрермен тік тұрып қошемет көрсетті.Еске салсақ, Қызылорда облысының мәдениет және өнер күндері аясында елордалықтар Н.Бекежанов атындағы қазақ академиялық музыкалық драма театрының репертуарындағы Ш.Айтматовтың «Жәмилә» драмасын, Р.Отарбаевтың «Нарком Жүргенов» спектаклін тамашалады.<img src="https://knadmin.beoblood.kz/uploads/FB_IMG_1702142405004_5eed7bb490.jpg" alt="FB_IMG_1702142405004.jpg"><img src="https://knadmin.beoblood.kz/uploads/FB_IMG_1702142407982_925d753e22.jpg" alt="FB_IMG_1702142407982.jpg"><img src="https://knadmin.beoblood.kz/uploads/FB_IMG_1702142401199_df55c16dd3.jpg" alt="FB_IMG_1702142401199.jpg"><img src="https://knadmin.beoblood.kz/uploads/FB_IMG_1702142398913_5dc04f3e76.jpg" alt="FB_IMG_1702142398913.jpg"><img src="https://knadmin.beoblood.kz/uploads/FB_IMG_1702142347006_002cc3633e.jpg" alt="FB_IMG_1702142347006.jpg"><img src="https://knadmin.beoblood.kz/uploads/FB_IMG_1702142323950_202ae6d7d7.jpg" alt="FB_IMG_1702142323950.jpg"><img src="https://knadmin.beoblood.kz/uploads/FB_IMG_1702142372578_63fbf8dbac.jpg" alt="FB_IMG_1702142372578.jpg"><img src="https://knadmin.beoblood.kz/uploads/FB_IMG_1702142375390_2e158f3d30.jpg" alt="FB_IMG_1702142375390.jpg"><img src="https://knadmin.beoblood.kz/uploads/FB_IMG_1702142389689_14f9bf9982.jpg" alt="FB_IMG_1702142389689.jpg"><img src="https://knadmin.beoblood.kz/uploads/FB_IMG_1702142364311_4205303329.jpg" alt="FB_IMG_1702142364311.jpg"><img src="https://knadmin.beoblood.kz/uploads/FB_IMG_1702142380317_b29d791e2a.jpg" alt="FB_IMG_1702142380317.jpg"><img src="https://knadmin.beoblood.kz/uploads/FB_IMG_1702142368728_be350b6fb8.jpg" alt="FB_IMG_1702142368728.jpg"><img src="https://knadmin.beoblood.kz/uploads/FB_IMG_1702142415882_b3ced6df10.jpg" alt="FB_IMG_1702142415882.jpg">

Қызылорда облысының мәдениет күндері «Сұлу Сырдан - Ару Астанаға» атты гала- концертпен қорытындыланды

Фото: Zakon.kz<a href="https://kyzylorda-news.kz/">Kyzylorda-news.kz.</a> Қызылорда облысы бойынша бала құқықтары жөніндегі уәкіл Жапырақ Ұзақбаева әлеуметтік желідегі парақшасында қаладағы мектептердің бірінің мұғаліміне кәмелетке толмаған екі балаға жыныстық сипаттағы әрекет жасады деген айып тағылғанын жазды, деп хабарлайды Zakon.kz.<blockquote>"Желтоқсан айының 6-сы күні "102" арнасына Қызылорда қаласының тұрғыны тарапынан кәмелетке толмаған 2 оқушысын Қызылорда қаласының білім бөліміне қарасты мектебінің пән мұғалімі тарапынан сырт киімінің сыртынан жыныстық мүшесін сипау фактісі бойынша арыз түскен".Жапырақ Ұзақбаева</blockquote>Бала құқықтары жөніндегі уәкілдің айтуынша, бұл дерек бойынша ҚР Қылмыстық Кодексінің 124-бабы бойынша сотқа дейінгі тергеп-тексерудің бірыңғай тізіліміне тіркеліп, жұмыстар жүргізіліп жатыр.<blockquote>"Осы орайда, бала құқығының қорғалуы бақылауда екенін назарларыңызға жеткіземін", - деп жазды ол.</blockquote>

Қызылордада мектеп мұғаліміне айып тағылды

Kyzylorda-news.kz. Облыс әкімінің орынбасары Мейрамбек Шерма­ғанбеттің төрағалығы­мен кәмелетке толмағ­андардың істері және олардың құқықтарын қорғау жөніндегі обл­ыстық комиссия отыры­сы өтті.Мәжіліске құқық қорғ­ау органдарының өкіл­дері, білім, денсаул­ық сақтау саласының басшылары, мектеп жә­не колледж директорл­ары, олардың тәрбие ісі жөніндегі орынба­сарлары мен психолог мамандар қатысты.Күн тәртібінде кәмел­етке толмағандар ара­сындағы ішімдік, есі­рткі, нашақорлықтың алдын алу, кәмелетке толмағандармен және оларға қарсы жасалғ­ан қылмыстардың алдын алу мәселелері қар­алды.Баяндамашылар осы мә­селеге қатысты атқарылған жұмыстарға тоқ­талып, оның алдын алу және жол бермеу бо­йынша салалық басқар­малармен іс-шараларды бірлесіп іске асыр­удың маңыздылығын ат­ап өтті.Құқық қорғау органда­рының өкілдері ағымд­ағы жылдың 11 айында кәмелетке толмаған жасөсіпірімдермен жа­салған құқық бұзушыл­ықтар барысын баянда­п, ағарту-профилакти­калық шараларды және тәрбие бағытындағы жұмыстарды күшейту бойынша нақты ұсыныст­арын білдірді.Жиын соңында облыс әкімінің орынбасары М. Шермағанбет білім беру ұйымдарында құқ­ықтық тәрбие беруді, педагогтермен және ата-аналармен тығыз қарым-қатынас орнату­ды тапсырды.

Кәмелетке толмағ­андардың  құқығын қорғау жөніндегі обл­ыстық комиссия отырысы өтті

Kyzylorda-news.kz. Қызылорда облысы әкімінің қолдауымен, «Ақпараттық технологиялар орталығы» және Қорқыт ата атындағы Қызылорда университеті «Kyzylorda Hub» бизнес-инкубаторының ұйымдастыруымен екікүндік «Inno.Fest» Qyzylorda инновациялық жобалар фестивалі бастау алды.&nbsp;Биыл төртінші рет өткізілген жобалар байқауы «SmartСity», «Контент&amp;Дизайн», «Кино&amp;Видео» бағыттарынан тұрады. Әр бағыт бойынша қатысушылар 24 сағат ішінде инновациялық жобаларды жасап қорғайды.&nbsp;Іс-шараға ҚР Цифрлық даму, инновациялар және аэроғарыш өнеркәсібі бірінші вице-министрі Қаныш Аманбайұлы Төлеушин өз бейнесәлемдемесін жолдады және облыс әкімі аппараты басшысының орынбасары Ерлан Бәкіров қатысушыларды фестиваль ашылуымен құттықтады. Осы кезге дейінгі байқау қатысушыларының жетістіктерін атап өтіп, «Inno.Fest» қабілеттерді ашуға мүмкіндік беретін бірегей жоба екенін тілге тиек етті.&nbsp;Фестивальге ІТ, медиа және киноиндустрия саласында &nbsp;жетістікке жеткен танымал азаматтар спикер ретінде шақырылып, өз бағыттары бойынша жастармен ұжымдық жұмыс жүргізіп, қажетті ақпараттармен бөлісті.Шара барысында «Ақпараттық технологиялар орталығы» мен &nbsp;«Thousand IT» ЖШС, «Қызылордатранстелеком» филиалы, «ДомаЛайн» ЖШС, «Сапа telecom» ЖШС, арасында ақпараттық-коммуникациялық технологиялар және «Цифрландыру, ғылым және инновациялар есебінен технологиялық серпіліс» ұлттық жобасын іске асыру саласындағы ынтымақтастықты дамыту жөнінде меморандумдарға қол қойылды. Жобаның жүлде қоры 3 000 000 теңгені құрайды. Сондай-ақ, әр секциядан үздік шыққан жастарға Astana IT университеті, Қорқыт Ата атындағы Қызылорда университеті, Болашақ университеті және Қызылорда Ашық университетінің оқу гранттары, сондай-ақ фестиваль серіктестерінен бағалы сыйлықтар табысталатын болады.Бүгін қатысушылар жобаларын қорғайды. Қазылар алқасы үздік жобаларды анықтап, марапаттайтын болады.<img src="https://knadmin.beoblood.kz/uploads/IMG_20231209_WA_0003_3b21c74d75.jpg" alt="IMG-20231209-WA0003.jpg"><img src="https://knadmin.beoblood.kz/uploads/IMG_20231209_WA_0006_650853785e.jpg" alt="IMG-20231209-WA0006.jpg"><img src="https://knadmin.beoblood.kz/uploads/IMG_20231209_WA_0004_f8ccc02337.jpg" alt="IMG-20231209-WA0004.jpg"><img src="https://knadmin.beoblood.kz/uploads/IMG_20231209_WA_0005_58f9492736.jpg" alt="IMG-20231209-WA0005.jpg">

«Inno.Fest» Qyzylorda инновациялық жобалар фестиваліне 2500 қатысушы тіркелді

Фото: astanatv.kz<a href="https://kyzylorda-news.kz/">Kyzylorda-news.kz.</a> Бұрынғы "АрселорМиттал Теміртау" – қазіргі "Qarmet" компаниясын Вадим Басин басқарады, деп хабарлайды Қарағанды облысы әкімдігінің баспасөз қызметі.Айта кетейік, "АрселорМиттал Теміртау" компаниясының атауы ресми түрде " Qarmet " болып өзгерді.Қарағанды облысының әкімі Ермағанбет Бөлекпаев Теміртауда компания ұжымымен кездесуде Qazaqstan Steel Group акционері Андрей Лаврентьевті таныстырды.Қазақстанда және Қарағанды облысында танымал кәсіпкер "АрселорМиттал Теміртау" активтерін сатып алды.Қазақстандық кәсіпкер активтерді сатып алумен қатар, өндірісті жаңғыртуға және өңірдің экологиясын қорғауға тағы 3 млрд АҚШ долларын құюға міндетті, оның 1,3 млрд доллары алдағы жылы инвестицияланады.<blockquote>"Әрине, жаңа басшының алдында маңызды міндеттер тұр. Бірінші кезекте еңбек қауіпсіздігін қамтамасыз ету және қызметкерлерге жағдай жасап, әл-ауқатын арттыру қажет. Сондай-ақ әлеуметтік жобалар арқылы жергілікті қоғамдастықты дамытуға белсенді қатысып, көмек көрсету керек", – деді Ермағанбет Бөлекпаев.</blockquote>Кездесуде Андрей Лаврентьев Вадим Басинді QARMET компаниясының бас директоры ретінде таныстырды.Еске сала кетейік, бұған дейін өнеркәсіп және құрылыс министрі кәсіпорынды Андрей Лаврентьев сатып алғанын мәлімдеген болатын.

"АрселорМиттал Теміртау" ресми түрде QARMET болып өзгерді 

Фото: turkystan.kz<a href="https://kyzylorda-news.kz/">Kyzylorda-news.kz.</a> &nbsp;Синоптиктер еліміз бойынша 9-11 желтоқсанға арналған күн райы болжамын ұсынды, деп хабарлайды Zakon.kz."Қазгидромет" РМК ұсынған мәлімет бойынша, алдағы үш тәулікте арктикалық антициклонның әсерінен республиканың басым бөлігінде жауын-шашын тоқтап, аяз күшейеді.<blockquote>"Республиканың шығысында қар жауады, Қазақстанның оңтүстік-батысында және оңтүстік облыстарында жаңбыр мен қар жауады, республиканың оңтүстігінде 9-11 желтоқсанда тау бөктерлері мен тауларда қалың қар жауады", – дейді синоптиктер.</blockquote>Түнде ауа температурасы:<ul><li>солтүстік-батыста -20-37°-қа дейін,</li><li>солтүстікте -30-38°-қа дейін,</li><li>елдің қиыр солтүстігінде -40-43°-қа дейін,</li><li>орталықта, елдің шығысында -25-35°-қа дейін төмендейді.</li></ul>Республика бойынша жел күшейеді, оңтүстік облыстарда тұман түседі.

Сенбіге арналған ауа райы болжамы

Kyzylorda-news.kz. Астанада Қызылорда облысының мәдениет және өнер күндері өтуде. Өнер мерекесі Астана қалалық Жастар театры сахнасында Н.Бекежанов атындағы қазақ академиялық музыкалық драма театры қойған «Жәмилә» драмасымен ашылды. &nbsp;Ш.Айтматовтың бұл драмасында қалыптасқан дәстүр мен өз тағдыр тақтасындағы таңдауға қарсы тұрған жас әйелдің нәубетке толы махаббаты бейнеленеді. Жәмиләнің өміріндегі басты сынақ та осы болатын.Н.Бекежанов атындағы қазақ музыкалық драма театрының әртістері сахналаған қойылымды &nbsp;зиялы қауым өкілдері бастаған мәртебелі меймандар мен елордалық тұрғындар тамашалады.Ертең мемлекет және қоғам қайраткері Т.Жүргеновтің 125 жылдығы аясында Р.Отарбаевтың «Нарком Жүргенов» спектаклі сахналанбақ. Бұл спектакль Кеңес заманында Халық ағарту комиссары қызметінде жүріп, ұлттың рухын оятуға өлшеусіз үлес қосқан көрнекті мемлекет және қоғам қайраткері Темірбек Қараұлы Жүргеновтің қилы тағдырын баяндайды.Мұнан бөлек, ертең елорда төрінде «Сыр өңірі – Түркі өркениетінің алтын бесігі» атты көрме ашылады. Көрме Сыр өңірінің тарихын баяндайтын 3 бөлімнен тұрады. Ежелгі сақ дәуірінен бастап бүгінгі күнге дейін аймақтың әлеуметтік-мәдени дамуы мен жетістіктерін суреттейтін көрмеге Сығанақ қалашығынан &nbsp;табылған бірегей археологиялық жәдігерлер және еліміздің тарихына ғылыми жаңалық болып енетін «Шірік-Рабат сақ жауынгері», «Сығанақ ханшайымы» реконструкциялары алғаш рет қойылады.Сыр өңірінің өнер күндері «Бейбітшілік және келісім сарайында» өтетін Астана қаласының 25 жылдығына арналған «Сұлу Сырдан Ару Астанаға» атты Қызылорда облысы өнер шеберлерінің гала концертімен қорытындыланбақ.&nbsp;

Астанада Қызылорда облысының мәдениет және өнер күндері «Жәмилә» драмасымен ашылды

Фото: «AMANAT» партиясы<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы әйелдер қанатының I отырысына қатысушылар Әділетті Қазақстанды құру ісіндегі әйелдер рөлін талқылады.«AMANAT» партиясы әйелдер қанатының I отырысына өңірлерден келген 100-ден астам белсенді әйел қатысты. Олар екі күн бойы әйелдердің мемлекеттің қоғамдық-саяси өміріне қатысу аясын кеңейту, кәсіпкер әйелдерді қолдау және инклюзивті қоғамды дамыту мәселелерін талқылады.Сөз басында Мәжіліс Спикері, «AMANAT» Төрағасы Ерлан Қошанов гендерлік теңдікті қамтамасыз ету, әйелдердің құқығын қорғау және отбасылық құндылықтарды нығайту мәселесі әрқашан Мемлекет басшысы Қасым-Жомарт Тоқаевтың назарында екенін атап өтті.<blockquote>«Әйелдер қанаты өз жұмысын бастағаннан кейін гендерлік мәселелер биік мінберден жиі айтыла бастайды. Біз белсенді әйелдердің басын қосып қана қоймай, шешім қабылдауға және жауапкершілікті өз мойнына алуға қабілетті көшбасшы әйелдердің жаңа буынын қалыптастыруымыз керек. Қазірдің өзінде партиямыздың қатарында жауапты жұмысқа, оның ішінде депутат, әкім лауазымдарына дайын әйелдер өте көп», – деді ол.</blockquote>&nbsp;Делегаттар Президент Жолдауы мен оның сайлауалды бағдарламасы, сондай-ақ «AMANAT» партиясының сайлауалды бағдарламасы аясында елімізде ана мен бала бақытты өмір сүруі үшін жағымды жағдай жасалып жатқанына назар аударды. Атап айтқанда, бала күтіміне берілетін төлем 1,5 жасқа дейін ұзартылды, көпбалалы аналарға тағайындалған жәрдемақы мөлшері ұлғайтылды, әлеуметтік жағдайы осал отбасыдан шыққан 100 мыңнан астам бала балабақшаларда тегін тамақпен қамтылды, ал 2024 жылы 1 қаңтардан бастап «Ұлттық қор – балаларға» деп аталатын мүлдем жаңа бағдарлама іске қосылады.Сондай-ақ, кездесуге қатысушылар ауыл тұрғындарының табысын арттыруға арналған «Ауыл аманаты» жобасына қатысушылардың шамамен 30%-ы қыз-келіншектер екенін атап өтті. Ал қаржылық сауатты арттыруды көздейтін «Қарызсыз қоғам» жобасы түлектерінің 58%-ы – көпбалалы аналар.Өз кезегінде, Тараздан келген делегат, «Жан Шуақ» сыйлығының лауреаты Анар Бексұлтанова әйелдер мен әлеуметтік кәсіпкерлікті қолдаудың маңызына тоқталды.<blockquote>«Біз бірлесіп бизнесті ғана емес, сонымен қатар, кез-келген қиындықты жеңіп шығуға дайын күшті, шешімді әйелдер қауымдастығын құрамыз. Менің тігін шеберханамдағы әр тігіс инклюзивті болашаққа жасалған қадам саналады. Онда әрбір адам физикалық ерекшелігіне қарамастан, қоғамға өз үлесін қосып, шығармашылығын шыңдай алады», – деді ол.</blockquote>Көкшетаудан келген делегат Айнагүл Балташеваның айтуынша, ерекше балаларды тәрбиелеп отырған аналарға қолдау көрсету қажет.<blockquote>«Қабылданған өзгерістердің нәтижесінде, құрдастарымен тең жағдайда білім алып жатқан ерекше балаларға арнайы психологиялық-педагогикалық қолдау көрсету үшін мемлекеттік білім беру тапсырысы енгізілді. Алайда, аймақтарда мұндай мекемелер әлі де жеткіліксіз. Сондықтан мемлекеттік тапсырысты орналастыра отырып, мүмкіндігі шектеулі балаларға арналған арнайы оңалту орталықтарын барынша көп ашу қажет», – деді ол.</blockquote>«AMANAT» партиясының Хатшысы Шолпан Каринова іс-шара модераторы болды. Жиынға қатысушылар бірқатар бастама көтерді. Атап айтқанда, өскелең ұрпақты тәрбиелеу және асоциалдық құбылыстардың алдын алу мәселелері бойынша облыс әкімдерінің тұрақты тыңдауын өткізу, әйелдерді скринингтен өткізу және олардың денсаулығын қадағалау мақсатында «Әйел саулығы дені сау ұрпақ кепілі» жаңа жобасын іске қосу сынды ұсыныстар айтылды.Сонымен қатар, Ұлттық ғылым академиясының президенті Күнсұлу Закарья «QazScience – AMANAT fest» халықаралық ғылым фестивалін өткізуді ұсынды. Әйелдер қанатының тең төрағасы Зарема Шаукенова жаңа Этикалық Кодекс пен «Психологиялық қызмет туралы» заңды әзірлеу жөнінде бастама көтерді. Мәжіліс депутаты Жұлдыз Сүлейменова өз сөзін әйел көшбасшыларды даярлау әдісіне арнады, ал оның әріптесі Юлия Кучинская – харассмент, гендерлік бюджет және гендерлік сараптама мәселелері бойынша заңдарға түзетулер енгізуді ұсынды.<img src="https://knadmin.beoblood.kz/uploads/408984483_753662996799339_1594451668823381710_n_1f913dc971.jpg" alt="408984483_753662996799339_1594451668823381710_n.jpg"><img src="https://knadmin.beoblood.kz/uploads/409022454_753663210132651_4746992733173764306_n_89cfb97b4c.jpg" alt="409022454_753663210132651_4746992733173764306_n.jpg"><img src="https://knadmin.beoblood.kz/uploads/408997349_753663076799331_4269434761745697308_n_9bceb080cf.jpg" alt="408997349_753663076799331_4269434761745697308_n.jpg"><img src="https://knadmin.beoblood.kz/uploads/409029465_753662950132677_7716326760106125483_n_a043f70803.jpg" alt="409029465_753662950132677_7716326760106125483_n.jpg">

«AMANAT» партиясы әйелдер қанатының I отырысы өтті

Фото: ostrnum.com<a href="https://kyzylorda-news.kz/">Kyzylorda-news.kz.</a>&nbsp; Синоптиктер алдағы күндері ауа райы қандай болатынын айтты.Алдағы үш тәулікте арктикалық антициклонның әсерінен республиканың басым бөлігінде жауын-шашынның тоқтауы және жауын-шашынсыз аязды ауа райы күтіледі. Ал атмосфералық фронттардың өтуімен республиканың шығысында қар жауады, Қазақстанның оңтүстік-батысында және оңтүстік облыстарында жауын-шашын (жаңбыр, қар) сақталады, республиканың оңтүстігінде 9-11 желтоқсанда тау бөктерінде және таулы аймақтарда қатты қар жауады.Ауа температурасы түнде солтүстік-батыста 20-37 градус аязға дейін, солтүстікте 30-38, республиканың қиыр солтүстігінде 40-46 градус аязға дейін, орталықта және шығыста 25-35 градус аязға дейін төмендеуі күтіледі.Республика бойынша жел күшейіп, оңтүстік облыстарда тұман болжанады.&nbsp;

Алдағы үш күнде ауа райы қандай болады?  

<a href="https://kyzylorda-news.kz/">Kyzylorda-news.kz.</a>&nbsp; Бүгін Сыр медицинасы үшін айтулы жаңалық. Себебі араға 9 жыл салып көпбейінді облыстық ауруханасында 25 жастағы жергілікті азаматқа бүйрек трансплантациясы жасалды. Үш жылдан бері жасанды бүйрек аппаратына тәуелді болған науқасқа өз туысы донор болған. Дәрігерлердің айтуынша, 5 сағатқа созылған ота сәтті өткен. Қазіргі таңда науқас пен донор болған азаматтың жағдайы бір қалыпты. Олар дәрігерлердің күнделікті бақылауында болмақ. Осыған орай, бүгін көпбейінді облыстық ауруханасында дәрігерлердің қатысуымен көшпелі баспасөз конференциясы өтті.<blockquote>Соңғы 11 жылда елімізде трансплантация жасау тәсілі жоғары деңгейде жүзеге асып жатыр. Осы уақытқа дейін 3 мыңға жуық трансплантация жасалған, оның ішінде негізгісі - бүйрек, бауыр, жүрек, өкпе, ұйқыбез трансплантациялары. Дегенмен, бұл оталардың 90 пайызға жуығы тірі донор арқылы іске асырылады. Соның ішінде әлемде туыстық донор арқылы ота жасау тәсілі кеңінен қолданылуда. Бұл ота бүйрек жетіспеушілік ауруларына өте тиімді. Мінекей, бүгін осы туыстық донор арқылы 25 жастағы қызылордалық азаматқа бүйрек трансплантациясын жасадық. Ота сәтті өтті. Бұл трансплантацияға көпбейінді облыстық аурухананың дәрігерлері қатысып, тәжірибе алмасты. Бүйрек ауыстыру отасын алдағы жылы да жалғастыру жоспарлануда, - деді Сызғанов атындағы Ұлттық ғылыми хирургия орталығының Басқарма төрағасы, медицина ғылымдарының докторы Болатбек Баймаханов.</blockquote>Айта кетейік, бүгінде Қызылорда облысында 85 трансплантацияланған науқас бар. Оның 82-сі туыстық донордың көмегімен өмірін сақтап қалған. Ал биыл туыстық донор арқылы 11 науқасқа ота жасалды.

25 жастағы Қызылордалық азаматқа бүйрек трансплантациясы жасалды

<a href="https://kyzylorda-news.kz/">Kyzylorda-news.kz.</a> Канададағы Лейкхед университетінің қауымдастырылған профессоры, философия докторы Сет Агбо «Шетел тілдері және аударма» БББ оқитын магистранттарға «Лингвомәдениеттану мен цивизизация мәселелері» пәнінен дәріс беруде.<blockquote>«Профессор сабақ барысында білім беру үрдісі, оқушылармен жұмыс жасаудың оңай әрі тиімді тәсілдері туралы тәжірибесімен бөлісуде. Әртүрлі елдегі мектептердің оқыту технологиясы, ерекшелігі туралы ақпараттармен таныстық. Магистранттардың көбі мектеп мұғалімі болғандықтан, теорияны практика жүзінде қолдануға мүмкіндігі бар. Әрбір дәріс сайын жаңа бағдарламалар дайындалып, профессор ұйымдастыруымен дебат өткізіліп, жобалар қорғалуда», – деді Ая23-3м оқу тобының магистранты Ботагөз Мәдіғали.</blockquote>Сонымен қатар, ғалым оқытушыларға арнап "Preparing Sholarly Manuscripts for Journals: instructors and new scholars" тақырыбында біліктілік арттыру курсын өткізуде.Ғалым өткен жылы Қорқыт ата атындағы Қызылорда университетінің докторанттарына SCOPUS және &nbsp;Web of Science &nbsp;шетелдік басылымдарына &nbsp;мақала жариялауға &nbsp;байланысты дәріс өткізген болатын.Айта кету керек, Сет Агбо Канададағы Лейкхед университетінде білім беру саласындағы зерттеулер, білім берудің әлеуметтік негіздері, салыстырмалы және халықаралық білім саласы бойынша дәріс өткізеді. Ғалым Лейкхед университетіне қарасты Thunder Bay, Ориллия кампусында еңбек еткен. Қазіргі лауазымына дейін Потсдамдағы Нью-Йорк мемлекеттік университетінде (SUNY) және АҚШ-тың Тынық мұхиты университетінде еңбек етіп, Білім беру және халықаралық бағдарламалар орталығының директоры қызметін атқарды.

Шетелдік ғалым оқытушылар мен білім алушыларға дәріс жүргізуде

<a href="https://kyzylorda-news.kz/">Kyzylorda-news.kz.</a> «AMANAT» партиясы облыстық филиалының мобильді қоғамдық қабылдау тобы Жалағаш ауданына қарасты Ақсу және Сырдариядағы С.Сейфуллин ауылының тұрғындарының сұрақтарына жауап берді.Қабылдаулар барысында ауыл тұрғындары жеке мүдде үшін емес, халықтың ортақ қажетті деген мәселелерді көтерді.Ақсулық азаматтар жаңадан клуб салу, елді-мекенге газ құбырын тарту, ауылдың ішкі көшелерін жөндеу, мемлекеттік балабақша, тұрғын үй құрылысын салуға жер учаскелері, балаларға арналған ойын алаңы және кәсіпкерлік мақсатта несие алу туралы мәселелерді алға тартса, Сейфуллин ауылының тұрғындары жер мәселесі, елді-мекенді газдандыру жобасының 2024 жылға қаржысын бөлдіру, жұмыспен қамту мәселелері және №137 орта мектепке күрделі жөндеу жүргізу бойынша жүгінді.Ақсу ауылының тұрғыны Оңғар Аппазов ауылдағы жалғыз клубтың ескіріп тұрғанын айтып, заманауи нысан қажет екенін айта келіпті.Тұрғынның өтініші бойынша түсіндірме жұмысы жүргізілді.<img src="https://knadmin.beoblood.kz/uploads/409481688_753617606803878_7012170533837532658_n_5f320bede7.jpg" alt="409481688_753617606803878_7012170533837532658_n.jpg">Елді-мекендерде өткен қабылдаулар барысында партияның облыстық филиалының Атқарушы хатшысының орынбасары Алтынбек Жарылқасынов ауыл тұрғындарына партияның «Қарызсыз қоғам», «Ауыл аманаты», «Жер аманаты» жобалары туралы түсіндірме жұмыстары жүргізілді.Сондай-ақ мобилді топтың өкілдері ауыл тұрғындарының әлеуметтік, қоғамдық және өзге де ортақ өзекті мәселелерінің заң аясында шешілуі бойынша жұмыстар атқаратындарын жеткізіп, бағыт-бағдар мен кеңестер берілді.Қабылдауға арнайы келген шалғай елді-мекеннің тұрғындары ауыл ішіндегі қордаланған мәселелерді назарға ұсынып, шешілу жолын қарастыруды партияға сеніп тапсыратындарын айтты. Олардың айтуынша, бұған дейін де мәселелер болған, бірақ олар кезең-кезеңімен шешіліп келген. Мобильді қоғамдық қабылдаудың келуі олардың қызығушылығын тудырды. Айта кетейік әрбір тұрғынның көтерген мәселесі тыңдалған күннен оңтайлы шешілуіне дейін партия филиалының назарында болады.<figure class="image"><img src="https://knadmin.beoblood.kz/uploads/409511599_753618413470464_8786596481600846685_n_f5cd20f71d.jpg" alt="409511599_753618413470464_8786596481600846685_n.jpg"></figure>

Қазақстан және Қызылорда облысының жаңалықтары

Қызылорда облысының мәдениет күндері «Сұлу Сырдан - Ару Астанаға» атты гала- концертпен қорытындыланды

Қызылордада мектеп мұғаліміне айып тағылды

Кәмелетке толмағандардың құқығын қорғау жөніндегі облыстық комиссия отырысы өтті

«Inno.Fest» Qyzylorda инновациялық жобалар фестиваліне 2500 қатысушы тіркелді

"АрселорМиттал Теміртау" ресми түрде QARMET болып өзгерді

Сенбіге арналған ауа райы болжамы

Астанада Қызылорда облысының мәдениет және өнер күндері «Жәмилә» драмасымен ашылды

«AMANAT» партиясы әйелдер қанатының I отырысы өтті

Алдағы үш күнде ауа райы қандай болады?

25 жастағы Қызылордалық азаматқа бүйрек трансплантациясы жасалды

Шетелдік ғалым оқытушылар мен білім алушыларға дәріс жүргізуде

Қос ауылда мобильді қабылдау өтті

Қазақстан және Қызылорда облысының жаңалықтары

Қызылорда облысының мәдениет күндері «Сұлу Сырдан - Ару Астанаға» атты гала- концертпен қорытындыланды

Қызылордада мектеп мұғаліміне айып тағылды

Кәмелетке толмағ­андардың құқығын қорғау жөніндегі обл­ыстық комиссия отырысы өтті

«Inno.Fest» Qyzylorda инновациялық жобалар фестиваліне 2500 қатысушы тіркелді

"АрселорМиттал Теміртау" ресми түрде QARMET болып өзгерді

Сенбіге арналған ауа райы болжамы

Астанада Қызылорда облысының мәдениет және өнер күндері «Жәмилә» драмасымен ашылды

«AMANAT» партиясы әйелдер қанатының I отырысы өтті

Алдағы үш күнде ауа райы қандай болады?

25 жастағы Қызылордалық азаматқа бүйрек трансплантациясы жасалды

Шетелдік ғалым оқытушылар мен білім алушыларға дәріс жүргізуде

Қос ауылда мобильді қабылдау өтті

Кәмелетке толмағандардың құқығын қорғау жөніндегі облыстық комиссия отырысы өтті