<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбекұлы қабылдауға жазылған азаматтарды кезектілік тәртібімен қабылдап, тұрғындардың көкейіндегі мәселелерді, ұсыныс-пікірлерін тыңдады. Жеке қабылдауға 16 адам келді.Қабылдауға келген аудан тұрғындарының &nbsp;басым бөлігі тұрғын үй алу мен тұрғын үй кезегіне тұру, жұмысқа орналасу және инфрақұрылым тарту мәселелерін көтерді. &nbsp;Аудан әкімі азаматтардың мәселелері жіті зерттелетінін, шешімі заң талаптарына сәйкес қарастырылатынын жеткізді. Кейбір сұрақтар бойынша жауапты тұлғалар заң аясында түсіндірме беріп, шешу жолдарын ұсынды.Аудан басшысы қабылдауда болған мүгедектігі бар &nbsp;тұрғынның жеке тұрғын үйін жөндеуге байланысты көмек сұраған азаматтың мәселесін қарастырып, &nbsp;жан-жақты шешу жұмыстарына 10 күн ішінде ұсыныс әзірлеуді құрылыс, сәулет және қала құрылысы бөлімінің басшысы Ербол Исаевқа тапсырды.Ал көшесіне газ тартылмаған "Мөлтек" ықшам ауданы тұрғынының өтініші бойынша Жосалы кентін газдандыру жұмыстары 2019-2021 жылдар аралығында атқарылғандығын, дегенмен &nbsp;газдандыру барысында 200-ге жуық тұрғын үй жобадан тыс қалып, қазіргі таңда жаңа жоба әзірлеу және аудандық бюджеттен тиісті қаржы бөлдіру бағытындағы жұмыстар атқарылуда екендігін айтты.Аудан тұрғындары әкімнің қабылдауына egov.порталы, е-otinish бірыңғай базасы арқылы немесе әкімдікке келіп жазбаша өтініш жазып, қабылдауға кіре алатындығын хабарлаймыз.©️Қармақшы ауданы әкімінің баспасөз қызметі

Қармақшы ауданының әкімі жеке қабылдау өткізді

<a href="https://kyzylorda-news.kz/">Kyzylorda-news.kz.</a> 2022 жылы Жаңақорған ауданының әкімі Мұрат Жолкелдіұлы Тілеуімбетовтың қолдауымен "Құрметтеуге лайықты жан" жобасы қолға алынып, дәстүрлі түрде өз жалғасын тауып келеді.Осы орайда бүгін "Тау самалы" тынығу лагерінде көп балалы және жалғыз басты аналар, кәсіпкер қыз-келіншектер мен белсенді аналар табиғат аясында аудан басшысымен кездесіп, еркін форматта пікір алмасып, өздерінің ұсыныс пікірлерін ортаға салды.Сонымен бірге жергілікті кәсіпкер аналар мен қыз-келіншектер өздерінің өнімдерінен жәрмеңке қойып, ұлттық дәстүрлеріміз дәріптеліп, көрмелер қойылды.Сондай-ақ аудан әкімдігінің қолдауымен жергілікті кәсіпкер аналар мен Қызылорда қаласының ірі сауда үйлері арасында өзара сауда саттыққа меморандум жасалды.

Ақ жаулықты аналармен еркін кездесу өтті

<a href="https://kyzylorda-news.kz/">Kyzylorda-news.kz.</a> «Ауыл – ел бесігі» жобасы аясында М.Шәменов елді мекеніндегі Бұқарбай батыр көшесін күрделі жөндеу жұмыстары басталды. Қазіргі таңда көшенің ескі асфальт жабындысы алынуда. Мердігер «Қызылорда Жолдары» ЖШС-гі.

Елді мекендегі жол жөндеу жұмыстары жалғасуда

<a href="https://kyzylorda-news.kz/">Kyzylorda-news.kz.</a> 20 тамызда күн райының қолайсыз болуына байланысты «Қазгидромет» РМК бірқатар өңірде ескерту жариялады.Атап айтқанда, таңертең және күндіз Қызылорда облысының оңтүстігінде найзағай күтіледі. Жел шығыстан, солтүстік-шығыстан соғады, күндіз орталық пен оңтүстікте күші 15-20 м/с құрайды. 20-22 тамызда өңірдің басым бөлігінде өрт тұтану қаупі аса жоғары болады.Күндіз Атырау облысында 35-39 градус қатты ыстық сақталады. Өңірдің басым бөлігінде өрт тұтанудың жоғары қаупі сақталады.Күндіз Ақтөбе облысының оңтүстігі мен шығысында найзағай күтіледі. Желдің бағыты солтүстік-шығыстан солтүстік-батысқа ауысып, найзағай кезінде екпіні 15-20 м/с құрайды. Күндіз өңірдің оңтүстігінде, батысында 37 градус қатты ыстық сақталады. Өрт тұтану қаупі аса жоғары.20-21 тамызда күндіз Алматы облысыныңбасым бөлігінде 35 градус қатты ыстық күтіледі. Өрт тұтанудың жоғары қаупі сақталады.20-21 тамызда Алматы қаласында жоғары өрт қаупі сақталады. Қонаев қаласында 21 тамызда күндіз 35 градус қатты ыстық күтіледі.Маңғыстау облысының батысында, оңтүстігі мен орталығында найзағай болжанады. Солтүстік-батыстан, солтүстіктен жел соғады, күндіз өңірдің солтүстік-батысында екпіні 15-20 м/с құрайды. Күндіз облыстың солтүстік-шығысында 38 градус қатты ыстық күтіледі. Өңірдің басым бөлігінде өрт шығу қаупі жоғары.Күндіз Батыс Қазақстан облысының басым бөлігінде 35-36 градус қатты ыстық сақталады. Өрт тұтану қаупі жоғары.Астана қаласында күндіз найзағай күтіледі.Түнде Ақмола облысының солтүстігінде, күндіз басым бөлігінде найзағай болжанады. Күндіз өңірдің солтүстігінде бұршақ күтіледі. Найзағай кезінде желдің екпіні 15-20 м/с құрайды. Облыстың батысында, оңтүстігінде, солтүстігінде жоғары өрт қаупі сақталады.Күндіз Павлодар облысының батысында найзағай ойнап, солтүстік-батыстан жел соғады, найзағай кезінде екпіні 18 м/с құрайды.Түнде Қостанай облысының солтүстігінде, күндіз басым бөлігінде найзағай күтіледі, күндіз солтүстік бөлігінде бұршақ жауады. Найзағай кезінде желдің екпіні 15-20 м/с құрайды. Өңірдің оңтүстігінде төтенше өрт қаупі сақталады.Күндіз Жетісу облысының шығысында солтүстік-шығыстан жел соғады, екпіні 15-20 м/с құрайды. 20-21 тамызда батыс аумақтарда өрт тұтану қаупі жоғары болады.Солтүстік Қазақстан облысының оңтүстік-батысында, батысында найзағай, бұршақ күтіледі. Өңірдің басым бөлігінде жоғары өрт қаупі сақталады.

20 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Енді қазақстандықтар eGov.kz – электронды үкімет порталында туу туралы куәлікке, аты-жөнін өзгертуге, неке қию және ажырасу, бала асырап алу және қайтыс болу туралы актілік жазбаларға өздері өзгеріс енгізе алады, деп хабарлайды «Ұлттық ақпараттық технологиялар» АҚ қоғаммен байланыс басқармасы.«Азаматтық хал актілері жазбаларына өзгерістер, толықтырулар мен түзетулер енгізу» жаңа қызметінің көмегімен актілік жазбаларға өзгерістер енгізу және құжаттарды қайта шығару үшін негіздемелерді көрсетіп, растайтын құжаттарды қосып, өтінім беруге болады.<blockquote>«Біраз қазақстандық eGov.kz порталында актілік жазбаларға өз бетінше өзгеріс енгізуге болатынын біле бермейді. Мұнда сіз туу туралы, неке қию туралы және некені бұзу туралы куәліктер секілді құжаттарға өзгерістер енгізе отырып, оларды қайта шығаруға өтініш бересіз. Мәселен, егер бұрын адамның тегін өзгерту үшін ХҚКО-ға бару қажет болса, қазір оны электронды түрде жасауға болады және ол үшін кезекте тұрудың қажеті жоқ»,- деп мәлімдеді «Ұлттық ақпараттық технологиялар» АҚ басқарма Төрағасы Ростислав Коняшкин.</blockquote><a href="https://sputnik.kz/20230816/qazaqstandyqtar-egovkz-portaly-quzhattar-ozgeris-37716210.html">sputnik.kz</a>

Қазақстандықтар eGov.kz порталында өз құжаттарына өзгеріс енгізе алады

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігінің мәліметінше, 2022 жылдың қорытындысы бойынша қазақстандықтардың орташа өмір сүру жасы 74,44-ті құрады. Дәрігерлер ақыл-ойдың тазалығын, белсенді қозғалу мен өмірден ләззат алу сынды әдеттерді сақтай отырып, әлдеқайда ұзағырақ өмір сүруге болатынын айтты, деп хабарлайды <a href="https://stan.kz/120-zhilga-deyin-omir-suruge-boladi-belgili-professor-o-386889/">Stan.kz</a>.Ресей ұлттық ғылыми-зерттеу медицина университеті Федералдық мемлекеттік білім беру мекемесінің қартаю аурулары кафедрасының профессоры Н.И. Пирогов ұзақ өмір сүру үшін денсаулыққа қандай күтім жасау керек екенін айтты.<blockquote>«Әлемде 100-110 жастан асқан адамдар жеткілікті. Көбіне олар шоғырланған аумақтарды көк аймақ деп атайды. Өмір сүру ұзақтығы жоғары аймақтар бойынша барлық деректер талдау арқылы алынды. Географиялық орналасуына, әлеуметтік және экономикалық жағдайына қарамастан осы аумақтардың тұрғындары арасында ұқсас белгілер анықталды», – деді профессор Антон Наумов. &nbsp;</blockquote>Біріншіден, табиғи қозғалыстың көп болуы. Тұрғындары жүз жылдан аса өмір сүретін аймақтардың бірі – Жапониядағы Окинава аралы. Жапонияда жекелеген тұрғын үйлерде арнайы үстелдер жоқ. Онда 100 жастағы әйелдер күніне 90 рет отырып-тұрып жаттығу жасайды.&nbsp;<blockquote>«Тағы бір көк аймақ – &nbsp;Сардиния аралы. Таулы жер болғандықтан кейбір елді мекендердегі ер адамдар күніне 30-35 шақырым жаяу жүреді. Сондай-ақ жүз жыл өмір сүрген адамдардың үйінде шаңсорғыш пен швабра жоқ. Еденді жуу үшін олар еңкейіп, белсенді қозғалады», – деді гериатр, профессор Антон Наумов.</blockquote>Екіншіден, пайдалы тағамдарды тұтыну. Көк аймақтың тұрғындары өсімдік тағамдарын көп пайдаланады. Олар тамақтану кезінде 80 пайыздық ережені ұстанады, яғни тәрелкеге ​​өзі қалағандай көп тағам салады, бірақ оның 80 пайызын жейді.Негізгі метаболизмді сақтау үшін адамға күніне орта есеппен 2500 килокалорий қажет. Сонымен қатар Көк аймақтардағы жүз жасаған адамдар 1800-1900 килокалория тұтынады, яғни негізгі метаболизмге қажеттінің 80 пайызын құрайды. Мұндай аймақтарда толыққанды тамақтану мәдениеті қалыптасқан.&nbsp;<blockquote>«Үшіншіден, көк аймақтардан үйренетін маңызды ғылым – дүниетаным. Бұл – адам бойындағы өмірлік мақсаттың болуын қамтитын тұтас ұғым. Жапон тілінде «икигай» деген термин бар. Ол «өмірдің мәні» деген мағынаны білдіреді. Жапония тұрғындары таңертең неліктен ояну керектігін біледі, яғни өз «икигайлары» үшін. Қарт адамдар ерте тұрып, немерелерін мектепке апарып, сосын достарымен кездеседі. Олардың бір күнге, айға, жылға мақсаттары мен міндеттері бар. Бұл өмір сүру ұзақтығына әсер ететін маңызды фактор», – деді гериатр.&nbsp;</blockquote>Ұзақ өмір сүруге негізделген соңғы нәрсе – жақсы әлеуметтік топқа жатуы. Мұнда қызықты әлеуметтік шеңбер туралы айтылады, яғни жақын адамдар мен отбасының маңыздылығы. &nbsp;Сардинияның таулы аймақтарында қоғамдық орындарда тек жастарға арналған жарнамалық баннерлер жоқтың қасы. Кез келген жарнама қарт адамдардың қатысуымен болады. Бұл «үлкенге құрмет, кішіге ізет» деген мағынаны үндейді.<blockquote>«Бұл тек қарт адамдар үшін маңызды емес. Мұндай отбасындағы баланың мейірімді, білімді, тәрбиелі болып өсетіні дәлелденген», – деді профессор. &nbsp;</blockquote>Адам 70-80 жаста болсын салауатты өмір салтын ұстануға тырысу керек. Ең бастысы, бұл әдістер ғылыми түрде дәлелденген.&nbsp;

«120 жылға дейін өмір сүруге болады»: Белгілі профессор өмір сүру жасын ұзартуға болатын құпияны айтты

Kyzylorda-news.kz. Қызылорда қаласына қарасты Белкөл кентінде орналасқан «KZO-Ет» шаруа қожалығы ірі қара мал өсірумен және оны өңдеп, сатумен айналысып келеді.&nbsp;Қазіргі таңда мұнда 150 бас жылқы, 250 бас ірі қара мал басы өсірілуде.&nbsp;Шаруа қожалығы малды борқылау базасымен, сою цехымен, қойма бөлмелерімен қамтамасыз етілген. Халықтың сұранысына сәйкес мал сойылады.Шаруашылықтың 6 дүкені бар, оның екеуі әлеуметтік дүкен. Осы дүкендер арқылы сиыр еті 2000 теңгеден, жылқы еті 2300 теңгеден сатылуда. Бұдан басқа, дүкен сөрелерінде ет өнімдері, қазы-қарта, өкпе, бауыр сатылуда.&nbsp;Өз кезегінде, «KZO-Ет» кәсіпорыны шаруашылық құрылымдарымен тікелей байланыс орнатып, делдалсыз мал қабылдайды. Нәтижесінде, мал өткізуші кәсіпкерлермен де тиімді жұмыс жасауда.Шаруашылықта 30 адам тұрақты жұмыспен қамтамасыз етілген.&nbsp; Айта кету қажет, ата кәсіппен айналысқан «KZO-Ет» шаруа қожалығы халықты таза ет өнімдерімен қамтамасыз ете отырып, халықтың сұранысына ие болып келеді.

«KZO-Ет» шаруа қожалығында 30 адам тұрақты жұмыспен қамтылған

Kyzylorda-news.kz. Жоғары қысым алқабының әсерінен еліміздің басым бөлігінде ауа райы негізінен жауын-шашынсыз болады деп күтіледі, &nbsp;деп хабарлайды Қазгидромет.&nbsp;Тек елдің солтүстігінде, оңтүстік-батысында және оңтүстік-шығысында, таулы аймақтарында фронтальды бөлімдер өтуімен, найзағаймен қоса өткінші жаңбыр жауады, бұршақ, дауыл болуы ықтимал.Республика бойынша екпінді жел болжанады, солтүстік-батыста түнгі және таңертеңгі сағаттарда тұман түседі.Күндіз Атырау, Батыс Қазақстан, Ақтөбе облыстарының батысында, оңтүстігінде 35-38°с дейін қатты ыстық болады.Атырау, Маңғыстау, Жамбыл, Қызылорда, Батыс Қазақстан, Ақтөбе облыстарында, Қостанай облысының оңтүстігінде, Алматы облысының солтүстігінде, Түркістан облысының солтүстігінде, батысында, оңтүстігінде, шөлді аудандарында төтенше өрт қауіпі күтіледі.&nbsp;Солтүстік Қазақстан, Қарағанды, Ұлытау облыстарында, Алматы облысының оңтүстігінде, Ақмола облысының батысында, солтүстігінде, оңтүстігінде, Жетісу облысының батысында жоғары өрт қауіпі сақталады.

Сенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Педагог қызметкерлердің дәстүрлі тамыз кеңесі аясында Қызылорда қаласындағы NIS-те өңірлік пәндік секциялар өтті.&nbsp;Шараға аймақтағы мектепке дейінгі және орта білім беру ұйымдарының ұстаздары қатысып, «Пәндік құзыреттілік – мұғалімнің кәсібилігін анықтайтын фактор» тақырыбында біліктіліктерін арттырды. &nbsp;Жаңа оқу жылы қарсаңында ұстаздардың басын қосқан шара әдістемелік өнімдер көрмесінен бастау алды. Қатысушылар әріптес-ұстаздарының жүргізген зерттеу жұмыстарының нәтижелерімен танысып, білім беру үдерісіндегі проблемалардың шешу жолдары туралы ақпарат алды. Қызылорда облысының Арал ауданындағы Ж.Абдрашев атындағы №62 мектеп-лицейінің бастауыш сынып мұғалімі Гүлсара Баймаханованың айтуынша, ақпараттық технологиялардың дамуы оқушылардың &nbsp;жазу дағдысының төмендеуіне сеп болуда. Әсіресе оқушылар қатесіз, біркелкі, &nbsp;үзбей &nbsp;жазуға назар аудармайды. Осы мәселені шешуде Гүлсара Баймаханова әріптестерімен бірге зерттеу жүргізіп, каллиграфиялық жазу техникасын сақтаудың тиімді жолын ұсынды. &nbsp;Пәндік практикумдар мен шеберлік сабақтар фестивалінде қатысушылар Педагогикалық шеберлік орталығының мамандары мен Зияткерлік мектеп ұстаздарының &nbsp;және өңірдегі жетекші мектеп мұғалімдерінің &nbsp;озық тәжірибесімен танысып, сабақта тиімді іс-әрекетті ұйымдастыру бойынша біліктіліктерін арттырды. Сонымен қатар мұғалімдер оқытудың үздік әдіс-тәсілдерін &nbsp;меңгеріп, жаңа оқу жылын ұйымдастыру және т.б. мәселелер бойынша әдістемелік көмек алды.

Тамыз кеңесі: Қызылордада 500-ге жуық педагог әдістемелік көмек алды

<a href="https://kyzylorda-news.kz/">Kyzylorda-news.kz.</a> «Қызылорда су жүйесі» МКК-ның сумен жабдықтау қызметіне тариф бекітілді. Бұл туралы Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті хабарлады.Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаментіне «Қызылорда су жүйесі» МКК-нан сумен жабдықтау қызметіне тарифті бекітуге өтінім келіп түсті.Өтінім берудің негізгі себептері – салық мөлшерлемесінің өзгеруі, электрэнергия бағасының және қызметкерлердің орташа айлық жалақысының өсуі.«Қызылорда су жүйесі» мекемесінің орташа босату тарифінің жобасы ҚҚС-сыз 1 текше метрге 65,87 теңгені құрады (қолданыстағы тарифтен 6,05 теңге өсіммен), оның ішінде халық үшін ҚҚС-сыз 1 текше метрге – 42,79 теңге (қолданыстағы тарифтен 3,94 теңге өсіммен). ТМРКД монополист субъектінің өтінімін мұқият қарап, орташа босату тарифі ҚҚС-сыз 1 текше метрге 62,67 теңге (қолданыстағы тарифтен 2,85 теңге түзетуімен) мөлшерде бекіту туралы шешім қабылдады, оның ішінде халық үшін ҚҚС-сыз 1 текше метрге 42,61 теңге (қолданыстағы тарифтен 3,76 теңге түзетуімен).Тарифтің өзгеруі өндірістік персоналының (слесарь, электрик, оператор, инспектор-бақылаушы, сорғы станциясының машинисі, зертханашы және т.б.) жалақысын 11,2 пайызға арттыруды көздейді.Халықтың осал топтары тұрғын үй көмегі тетегі есебінен (әкімдіктер есебінен) тарифтердің өсуінен қорғалатынын атап өтеміз. Тарифті бекіту процесі жариялылық пен ашықтықты қамтамасыз етуді ескере отырып, монополист субъектілердің ұсынылған материалдарына негізделеді және бірінші кезекте коммуналдық қызметтерді тұтынушылар үшін ыңғайлы болуы тиіс.

Қызылордада ауыз су бағасы өзгерді

<a href="https://kyzylorda-news.kz/">Kyzylorda-news.kz.</a> Қызылорда облысында жаңа оқу жылында 180 мың оқушы білім алады деп жоспарлануда. Бірінші сыныпқа - 17 543 бала қабылданды. Педагогтар саны – 23 086. Бұл туралы Қызылорда облысының Өңірлік коммуникациялар қызметінің ақпараттық алаңында өткен баспасөз конференциясында облыстық білім басқармасы басшысының міндетін атқарушы Бағдат Бердаулетов мәлімдеді.&nbsp;<blockquote>«Бүгінде барлық білім беру ұйымдары қажетті санитарлық-гигиеналық заттармен қамтамасыз етілді. Оқулық және оқу-әдістемелік кешендерге жергілікті бюджеттен 1,2 млрд.тг. бөлініп, &nbsp;412 029 дана оқулық алынды. Бұған қоса, 25 тамызға дейін тасымалдау-тарату жұмыстары толық аяқталады. Мектептер толықтай интернет желісімен қамтамасыз етілді. Осы жылдың қаңтар айынан 1-4 сыныпта оқитын 70 173 және әлеуметтік осал отбасыдан шыққан 5-11 сыныптағы 16 777 оқушы тегін ыстық тамақпен қамтылды. Бұл жұмыстар жаңа оқу жылында да жалғасады», - деді Бағдат Камбозұлы.&nbsp;</blockquote><blockquote>«Департамент қызметкерлері білім ұйымдарының жаңа оқу жылына дайындығын тексеру мақсатында мониторинг жүргізді. Нақтырақ айтқанда, күрделі және ағымдағы жөндеу жұмыстары, турникеттер мен дабыл түймелерінің болуы, спорт залдарының, асхананың және жаңа модификацияланған пән кабинеттерінің болуы қадағаланды. Мониторинг қорытындысы білім басқармасына жолданып, тиісті ұсыныстар берілді», - деді Қызылорда облысы бойынша Білім саласында сапаны қамтамасыз ету департаментінің басшысы Ғалия Даулетова.</blockquote>

Қызылорда: Мектептер жаңа оқу жылына дайын

<a href="https://kyzylorda-news.kz/">Kyzylorda-news.kz.</a> Қызылорда облысында жаңа оқу жылы қарсаңында көмекке мұқтаж 37 087 баланы бір реттік қаржылай көмекпен қамтамасыз ету үшін жергілікті бюджеттен 1,3 млрд. теңге бөлінген. Сондай-ақ «Мектепке жол» акциясы аясында демеушілер тарапынан да көмектер берілуде. Бұл туралы Қызылорда облысының Өңірлік коммуникациялар қызметінің ақпараттық алаңында өткен баспасөз конференциясында облыстық білім басқармасы басшысының міндетін атқарушы Бағдат Бердаулетов баяндады.&nbsp;<blockquote>«Науқан аясында 1754 бала қаржылай, 3 156 балаға оқу құралдары, 485 балаға мектеп формасы, 196 балаға аяқ киім алынды. «Самұрық-Қазына» Қорының бастамасымен 1 сыныпқа баратын 1830 оқушыға рюкзак пен кеңсе заттары табысталды. Мұнан өзге, &nbsp;«Ел-арай» Қорымен 500-ден астам балаға көмек көрсету жоспарлануда.Бүгінде жеке мектептердің аз қамтылған отбасынан шыққан 2000- нан астам баланың мәселесін шешу қарастырылуда», - деді Бағдат Камбозұлы.</blockquote>

Қазақстан және Қызылорда облысының жаңалықтары