<a href="https://kyzylorda-news.kz/">Kyzylorda-news.kz.</a> 19 тамыз – Бүкіләлемдік гуманитарлық көмек күні. Бұл дата елімізде 2009 жылдан бері атап өтіледі. Осыған орай, Қызылорда облысының Өңірлік коммуникациялар қызметінің ақпарат алаңында «Қызыл-ай» қоғамының Қызылорда облыстық филиалының директоры Абзал Байманов ұйымның осы уақытқа дейін атқарған жұмыстарын баяндап, алдағы жоспарларымен бөлісті.<blockquote>«ҚР «Қызыл-ай» қоғамдық ұйымы гуманитарлық салада белсенді көмек көрсететін бірден-бір мекеме болып табылады. Бүгінде елімізде «Қызыл-ай» қоғамының 18 филиалы жұмыс істейді және 100 мыңнан астам ерікті жұмылдырылған. Бұдан бөлек, біздің ұйым облыстағы бірнеше мекемелермен бірлесіп, түрлі қайырымдылық шараларын өткізіп келеді. Атап айтқанда, жақында өткен Құрбан айт мерекесінде әлеуметтік жағдайы төмен 75 отбасыға гуманитарлық көмек көрсетілді. Бұдан бөлек, «Мектепке жол» акциясы аясында 50 балаға оқу-құралдары беріліп, толықтай киім-кешекпен қамтамасыз етілді. Сондай-ақ, біздің ұйымның ықпал етуімен осы жылдың ақпан айында әлеуметтік тұрмысы төмен балаларға 400 мың теңге көлемінде қысқы мезгілге арналған киімдер берілді. Алдағы уақытта бұл жұмыстар өз жалғасын табатын болады», - деді директор Абзал Нұрділдаұлы.&nbsp;</blockquote>Ал облыстық «Волонтерлар фронт-офисінің» тікелей қолдауымен 18 мыңнан астам отбасыға әлеуметтік көмек көрсетілген. Бұдан бөлек, облыстық жастар ресурстық орталығы мен «Волонтерлар фронт-офисінің» ұйымдастыруымен шалғайдағы елді мекендерде көшпелі әлеуметтік жәрмеңке ұйымдастырылып, 3 мыңнан астам тұрғын өзіне қажетті заттарды таңдап алған.<blockquote>«Жыл көлемінде біздің ұйым арқылы облысымыздағы жомарт жандар әлеуметтік тұрмысы төмен отбасыларына жан-жақты көмек көрсетіп келеді. Мәселен, айт мерекесі күндері облыстағы 10 мыңнан астам жанұя мен балалар үйі, қарттар үйі және ауруханаларға 116 тонна құрбан еті үлестірілді. Сонымен қатар, Президент қорынан 50 отбасына азық-түлік себеттері таратылса, жергілікті «Абай-Дәулет» ЖШС мекемесі облыс тұрғындарына 460 тонна картоп өнімін тегін таратты. Ендігі кезекте жаңа оқу жылы қарсаңында «Мектепке жол» акциясы жүргізілуде. Бұл науқанға да өз үлесімізді қосатын боламыз», - деді жетекші Болатбек Серікбайұлы.&nbsp;</blockquote>

«Мектепке жол»: «Қызыл-ай» қоғамы Қызылордада 50 балаға көмек көрсетті

<a href="https://kyzylorda-news.kz/">Kyzylorda-news.kz.</a> Осы жылдың 11 тамыз күні Елордада «Сенімен Болашақ» республикалық қоғамдық бірлестігі ұйымдастыруымен «Өзіңді тап – өзегіңе орал» атты дәстүрлі жалпыұлттық ата-аналар форумы өткізілді. Осы жөнінде Қызылорда облысының Өңірлік коммуникациялар қызметінің баспасөз алаңында «Сенімен Болашақ» Республикалық қоғамдық бірлестігі Қызылорда облыстық филиалының басшысы Шәкизат Қаратайұлы тереңірек тоқталды.<blockquote>«Форум қоғамдық бірлестік құрылғалы қатарынан үшінші рет өткізілуде. Оның мақсаты – ата-аналардың бала тәрбиесінде мазалайтын басты сұрақтардың басын біріктіріп, үлкен алаңда мәселенің шешу жолын, түйткілін табу. Биылғы форум ауқымдылығымен ерекшеленіп, еліміздің түкпір-түкпірінен 700-ден аса ата-ана қатысты», - деді ол.</blockquote>Форумда әртүрлі бағытта тақырыптар талқыланды. Мәселен, бала тәрбиесінде ата-ананың әлеуетін нығайту, балалардың қауіпсіздігі мен әл-ауқатын қамтамасыз ету үшін қоғамдық ұйымдардың, ата-аналар қауымының, мемлекеттік органдардың күш-жігерін біріктіру қажеттігі туралы қозғалған. Сондай-ақ, Швейцариядан арнайы келген халықаралық деңгейдегі коуч, гуманды педагогиканың рыцары, педагогика ғылымдарының докторы Марина Чайка баламен достасудың жеті негізгі жолын көрсетті.Бұған қоса, қоғамдық бірлестік 6 өңірде пилоттық жобаларын жүзеге асырды. Соның бірі аймағымызда яғни Қазалы ауданында өткізілді. Мұнда репродуктивті тәрбие, жыныстық сауаттылық тақырыптары айтылды. Сәуір айынан басталып, шілдеге дейін созылған пилоттық жобаға 100 ата-ана, 100 студент қатысқан. Форумның делегаты, бірлестіктің жанашыр ата-анасы Арал ауданындағы №67 орта мектеп директорының тәрбие ісі жөніндегі орынбасары Гүлмира Абибуллаева брифингке келіп, өз әсерімен бөлісті.

Шәкизат Қаратайұлы: Форумға 700-ден аса ата-ана қатысты

Kyzylorda-news.kz. Мемлекеттің атын әлемдік аренада айшықтап көрсететін саланың бірі - спорт. Тәуелсіз мемлекет болғалы спорт додаларында еліміздің сайыпқырандары көк туымызды көкте желбіретіп келеді. Жетістіктер ел мерейін өсіріп, ұлттың рухын көтерді.&nbsp;Бәрінен де қуантарлығы, өскелең ұрпақтың спортқа деген қызығушылығы оянды. Бұл – үлкен жетістік. Арал ауданында да спорт саласын дамытуға басымдық беріліп келеді. Жастардың салауатты өмір салтын ұстануы үшін барлық жағдайлар жасалуда. Спорт кешендері, спорт клуб, шәкірт даярлайтын спорт мектептері де бар.&nbsp;Бұрын спорт ердің ісі іспетті көрінетін. Спортты жанына серік еткен нәзік жандылар некен-саяқ еді. Ал қазір алып күштің егесі екендігін дәлелдеп жүрген арулар саны артып келеді. Мәселен, «Арал спорт клубы» КММ-де еркін күрестен әйелдер жаттықтырушысы болып еңбек ететін Әлия Әлжан спортқа қызығушылық танытатын қыздардың көп екендігін айтады.&nbsp;<blockquote>– Өзім 14 жасымнан бастап еркін күреске жақын болып өстім. Арал қаласындағы №220 орта мектепті 9 сыныпқа дейін оқыған соң, Қызылорда қаласында &nbsp;Жалаңтөс Баһадүр атындағы спортта дарынды балаларға арналған мектеп-интернатта тәрбиелендім. Жоғарғы оқу орны Алматы қаласында Қазақ спорт және туризм академиясын тәмәмдадым. Түрлі додаларға қатысып, білім мен тәжірибемді дамыттым. Қазіргі күні сол жинақтаған дүниемді шәкірттеріме үйретіп жүрмін, – деген Әлия әңгімесін өзінің спортқа келу жолынан бастады.&nbsp;</blockquote>Рас, күрес әйелдер үшін аса қауыпты спорт түрі. Әлия шәкірттердің табиғаты келетін, мықты мінезділігіне, төзімділігіне қарап іріктеліп алынатындығын айтады.&nbsp;<blockquote>– Әйелдер күресі Аралда кенже қалып келе жатырған спорт түрі.Тіпті осы кезге дейін күрескер қыздар барын бірі білсе, бірі білмейді. Негізі әйел адамға күрес түрлері қиын спорт. Бірақ біз табиғаты келетін, мықты қыздарды ғана аламыз. Қазіргі таңда, қыз баласы өз өзін қорғай алса, соның өзі жетістік, үлкен нәтиже. Дегенмен биік белестерді бағындырып жүрген шәкірттерім бар. Олар Қазанова Гүлсім, Жаңабаева Жаннұр өзімнің туған сіңілім Аида Әлжан Қазақстан Республикасының спорт шебері. Осылардың ізін жалғап өсіп келе жатқан Кәрбозова Назым, Серікқызы Ұлдана,Байтұрғанова Нұризат, Жарылқасын Аяжан,Әмірхан Нұрсымбат сынды қыздарым спорт шеберлігіне үміткер, – дейді жаттықтырушы.&nbsp;</blockquote>Әлия бала кезде атақты спортшы болуды армандады. Ол сол арманға жету жолында бар күш-жігерін аяған жоқ. Дегенмен кейде біздің жоспарлаған дүниелеріміз жүзеге аспай қалып жатады. Бұл өмірдің заңдылығы.&nbsp;<blockquote>– Адам баласының арманы асқақ болады екен-ау. «Жақсы жаттықтырушы болу үшін атақты спортшы болу міндет емес» деген қағиданы естігенім бар еді. Шыны керек,әйгілі спортшы болу бақыты маған бұйырмады.Бірақ әркез ниетім дұрыс, пейілім таза болды.Енді өзімнің жиған тәжірибеммен, алған білімімді талантты жастардың томағасын сыпырып,шәкірт тәрбиелеу ісіне жұмсасам деген ниетпен келемін.Бәлкіммен шықпаған биікке, осы сіңлілерім шығады деп үлкен үміт күтемін. Боз кілемнен өз еншісін ала алмаған менің алдымды екі орайтын шәкірт тәрбиелеп шықсам деймін, – деген Әлия арман-тілегімен бөлісті.</blockquote>Талантты тану да қырағылық. Әлия Әлжан жас спортшылардың шамшырағын жағып, бағын ашамын деп ниет етіп, сол жолда аянбай тер төгіп, бар ерік-жігерін ауданнан палуан қыздарды тәрбиелеп шығарып, еліміздің атын шығаратын спортшы қылуға арнап келеді. Оның таланты мен табандылығы шәкірттеріне үлгі боларына сенімдіміз.

Палуан қыздардың көшін бастаған Арал жаттықтырушысы

<a href="https://kyzylorda-news.kz/">Kyzylorda-news.kz.</a> Синоптиктер 19-21 тамызға арналған ауа райы болжамын ұсынды. Алдағы үш тәулікте республикада тұрақсыз ауа райы сақталады.Демалыс күндері еліміздің біраз аймағында найзағай ойнап, жаңбыр жауады. Солтүстікте қатты жауын мен бұршақ күтіледі. Ел аумағында жел күшеймек.Жетісу, Ақмола облысында күн күркіреп, жел соғып, жоғары өрт қаупі сақталады. БҚО және Атырау облысында қатты аптап ыстық және жоғары өрт қаупі күтіледі. Алматы, Астана, Қарағанды, Түркістан, Алматы, Қызылорда облыстарында және Ұлытауда жоғары өрт қаупі сақталады. Ақтөбе облысында найзағай, жел, қатты аптап ыстық және өте жоғары өрт қаупі күтіледі. Ал Павлодар облысының тұрғындарына найзағай туралы ескертілді. Маңғыстау мен Солтүстік Қазақстан облысында дауылды ескертуге найзағай, бұршақ, жел және төтенше өрт қаупі күтіледі. Сондай-ақ Қостанай облысында найзағай, бұрқасын, тұман, жел және төтенше өрт қаупі болмақ. Жамбыл облысында жел соғып, төтенше өрт қаупі сақталады.Температуралық фон бойынша солтүстікте ауа температурасы күндіз 20-25 градусқа дейін төмендейді. Қалған аймақта өзгеріс күтілмейді.

Демалыс күндерге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстан теміржолмен бидай әкелуге жарты жылға тыйым салды.Үшінші елдер мен Еуразиялық экономикалық одақ (ЕАЭО) елдерінен теміржолмен бидай импорттауға тыйым салу шаралары кеңейтіледі. Бұл тыйым алты ай бойы әрекет етеді, бұйрық жобасы "Ашық НҚА"порталында жарияланды. Ол 2023 жылдың 1 қыркүйегіне дейін қоғамдық талқылауда болады.Бұйрықта теміржолмен бидай импорттауға лицензиясы бар элеваторларға, астық өңдеушілер мен құс шаруашылығы кәсіпорындарына ғана рұқсат берілетіні аталып өткен.Сонымен қатар автомобиль көлігімен астық әкелуге салынған тыйым 6 айға ұзартылады.Шешім астық нарығының ішкі тұрақтылығын сақтауға бағытталған, деп түсіндірді Ауыл шаруашылығы министрлігі.

Қазақстан теміржолмен бидай әкелуге тыйым салды

<a href="https://kyzylorda-news.kz/">Kyzylorda-news.kz.</a> Қызылорда облысының Өңірлік коммуникациялар қызметі мен Қоғам ТВ телеарнасымен бірлесіп, әлемдік TEDx форматының аналогы ретінде «TED Q» телевизиялық жобасын қолға алды. Жобаның басты спикерлері Өңірлік коммуникациялар қызметінің жанынан құрылған сарапшылар тобы. &nbsp;Мақсаты – «TED Qyzylorda» алаңында еліміздің әлеуметтік-экономикалық дамуына қандай өзгерістер керек, қоғам қалай ықпал жасай алады, Ел Президентінің тапсырмаларын жүзеге асыруда қандай қолдаулар қажет деген өзге де тақырыптар аясында ой бөлісу.Әрине, қазіргі қоғамда ой баққандар озық келеді. Сол себепті алғашқы шығарылым жастардың өзекті мәселесіне арналып, «Мағжан сенген жастар...» тақырыбында өткізілді.Спикерлер қатарында «Орда» жоғары колледжінің әдіскері Айнұр Бекенова болды. Ол «Бала тәрбиесі – ортақ іс» тақырыбында сөз сөйледі. Оның айтуынша, «жастардың қоғамда басты міндеті – білімін жетілдіру. Сол себепті жас кезінде көп дүниені білуге құштар болу керек. 20 жасында үйренгенің өмірлік азығың болады. Ал, 60-70 жасқа келгенде үйренсең, оның керегі де аз болатыны айқын» деді. Сондықтан спикер көп уақытты білімге жұмсауға кеңес берді.Әлемде IT саласы қарқынды дамуда. Қазақстан да бұл саладан кенде емес. Ақпараттық технологиялар саласын қолдаудың арқасында әлем бойынша Қазақстан 28-орында, ал Қызылорда республика көлемінде 5-орында. Міне, жастарға IT мүмкіндіктер зор. Осы тақырып жөнінде Бизнес старт жастар кәсіпкерлігі орталығының жетекшісі Жанарыс Түбекбаев қаузады. Жиналған жастарға әлемдік бизнес старт жобаларды айтып, күнделікті қолданыстағы «Яндекс такси», «InDriver» платформалары қарапайым студенттердің еңбегі екенін айтып мысал келтірді. Сондай-ақ, қатырма қағазсыз, IT маманы болуға болатынын жеткізді.Жастар – кәсіпкерлік саласындағы ең маңызды буын. Елдің дамуына кәсіпкерлердің рөлі маңызды. Аймақтағы біраз құрылыс нысандары демеушілердің есебінен салынуда. Сол себепті жастар кәсіпке машық келгені жөн. Осы мақсатта «Жастар кәсіпкерлігі: мүмкіндіктер мен кедергілер» тақырыбында «Атамекен» кәсіпкерлік палатасының баспасөз хатшысы Балдырған Мамен жалғастырды. Спикердің көмегімен кәсіп бастағысы келген көрермендерге жол көрсетіліп, кеңес берілді. «Ауыл аманаты» жобасын мүмкіндіктеріне тереңірек тоқталып өтті.Сырдария аудандық жастар ресурстық орталығының директоры Нұрман Абдрасилов аудан жастарының белсендігін айтты. Өзі де ауданның перзенті болғаннан кейін, кезінде өзіне жасалған мүмкіндіктермен, қазіргі қолдаулар жайлы тоқталды. Бұған қоса, «Шіркейлі» жастар бригадасының бригадирі Нұрсұлтан Сайлаубеков пен ауданның белсенді жасы, болашақ кәсіпкер Архат Татихан қатысып, жаңадан бастап жатқан жобаларымен бөлісті.Өңірлік коммуникациялар қызметінің жаңа жобасы ашық дискуссия, орамды ой, тың инсайд, жаңа мүмкіндікті көрермендерге сыйлады. Алғашқы шығарылымда Z буын өкілдері құнды ақпаратты алып қана қоймай, өткір сауалдарын қойды. Жоба соңында сарапшылар мен көрермендер көңілді караокемен түйіндеді.

Қызылордада «TED Q» жобасы басталды

Kyzylorda-news.kz. Мемлекет басшысы Қасым-Жомарт Тоқаев «Халықтың денсаулығын жақсарту мәселесі айрықша назар аударуды талап етеді. Барлық жастағы ел азаматтары арасында бұқаралық спортты дамыту маңызды. Спорт инфрақұрылымдарының балалар үшін барынша қолжетімді болуын қамтамасыз ету керек. Бұқаралық дене шынықтыруды өркендету ісі жаңа чемпиондар шыңына шығатын пирамидаға айналуы тиіс. Бұл салауатты әрі белсенді жастардың, түптеп келгенде, қуатты ұлттың негізін қалыптастырады» деп жиі айтып жүр.&nbsp;Расында спортты жанына серік етіп, салауаттылыққа бет бұрған ұрпақ тәуелсіз еліміздің рухын тіктеп, атын асқақтатары сөзсіз.&nbsp;Біз бұған талай мәрте куә болып келеміз. Қай елдің болмасын жалауы көкке көтерілетін жағдайдың бірі чемпиондар жеңіс төріне шыққан жағдайда. Қандай ерекше сәт, көңіл толқытар көрініс. Бұл спортқа ден қойған әрбір спортшының арманы екенін кім жоққа шығара алсын?!&nbsp;Жанарға келген қуаныштың жасын іркей алмай жүрген жеңімпаз жастардың қатарында біздің де талай жерлестеріміз бар. Түрлі спорт түрінен, түрлі жас ерекшеліктерге байланысты көптеген турнирлерде жүлде салып, жеңісті қанжығаға байлап жүргендігі аудандағы бұқаралық спортқа деген қолдаудың айқын көрінісі.Ал қолдау бар жерде еңбектің қаншалықты нәтижелі болатынын көріп, біліп жүрміз. Әсіресе ауданда жекпе-жек спортының түрлері өте қарқынды дамып келеді.&nbsp;Таяуда ғана әмбебап жекпе-жектен 2 дүркін әлем чемпионы атанған Фараби Сауытбаев бастаған бір топ өрендер Қырғызстан республикасы, Ыстықкөл облысында «Унифайттан» өткен Азия чемпионатында айды аспанға шығарды. Жерлестеріміздің жетеуі алтыннан алқа тақса, бір қола медальді қанжығаға байлады. Бір ауданнан барған спортшылардың мұндай жоғары нәтижесі жастардың жекпе-жекке қаншалықты ден қойғандығын байқатып-ақ тұр. Көк байрақты көкке көтеріп, Әнұранымызды әуелеткен жасөспірімдер арасындағы чемпиондар ДиасҒалымжанұлы, БақытжанСерікбай, ЖансүйенМұхтарұлы, МансұрӨтебай, жастар арасындағы чемпиондар Бағдаулет Әзизуллаев,ДінисламБолатбекұлы және ересектерарасында алтын медальды еншілеген ФарабиСауытбаев пен жастар арасында жарыстың қола жүлдегері Нұралы Кемалов туған жерге оралды. Елдің даңқын асқақтатқан спортшыларды аралдықтар орталық алаңда қарсы алды. Жас өрендерді арнайы күтіп алған аудандық мәдениет және спорт бөлімінің басшысы Б.Махатов:<blockquote>– Азия құрлығындағы мемлекеттердің мықты спортшылары бақ сынасқан сайыста барлық қарсыластарыңыздан басым түсіп, чемпион атануларыңыз біз үшін зор мақтаныш. Осы ретте, жастарды бала күнінен спортқа баулыған жаттықтырушыларға шынайы алғысымызды білдіреміз. Алдағы уақытта да әлемдік додаларда еліміздің көк туын желбіретер үздік спортшы атануларыңызға шын жүректен тілектеспін! – деп, жас спортшыларға ақжарма лебізін білдірді.</blockquote>Чемпиондарды қарсы алуға жиналған жанкүйерлер мен ауданның белсенді жастары жеңімпаз атанған спортшыларға айрықша құрмет көрсетті.Қанжығаға жүлде салған №19 Арал ауданының олимпиадалық резервтің мамандандырылған балалар-жасөспірімдер мектебінің спортшыларынан алдағы уақытта да жеңіс күтетініміз жасырын емес.Аудан абыройын асқақ етер байрақты бәсекелер көп болсын!

Әлем чемпионаты: Аралда жеті алтын, бір қола

<a href="https://kyzylorda-news.kz/">Kyzylorda-news.kz.</a> Қызылордалық полицейлер кәмелетке толмағандардың құқықтық сауаттылығын арттыру, олардың арасындағы жол қауіпсіздігін қамтамасыз ету &nbsp;мен құқықбұзушылықтың алдын алубағытында түсіндірме жұмыстарын жүргізуде.&nbsp;Күн сайын өңірімізде автокөліктер саны өскен сайын жол апаттары да арта түсуде. Оның себептерікөптеген &nbsp;жасөспірімдердің жолжүру ережесін білмеуінде. Олар көбіне жол қозғалысы ережелерінің &nbsp;талабын бұзып, асығыстық жасап, жүгіріп өтуге ұмтылады. Асыға жолға жүгіріп шыққан кәмелетке толмаған қауіпке ұшырайтыны, өзіне ғана емес, өзгенің де өміріне қатер төндіретіні баршаңызға мәлім. Осындай оқиғаларды болдырмас үшін үйде ата-аналар балаға үнемі жолда жүру ережесін ескертіп отыруы міндетті.Сонымен қатар, 2023 жылдың 7айында облыс көлемінде кәмелеткетолмағандарға қатысты 5330 әкімшілік хаттама рәсімделді.Оның ішінде түнгі уақытта (сағ 23:00 ден кейін) тұрғын жайдан тыс жүрудің (442-бап) &nbsp;3934 дерегі, (сағ 22:00 ден кейін)түнгі уақытта ойын-сауық мекемелерінде болуына жол берудің (132-бап)102дерегі анықталды.&nbsp;Осы орайда, полиция қызметкерлері &nbsp;ата – аналарға балаларының жүріс – тұрысына мән беріп, қадағалауды сұрайды.

Полицейлер жасөспірімдерге түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz.</a> 1 қыркүйектен бастап бастауыш сыныптағы барлық оқушыға тегін ыстық тамақ беріледі. Бұл туралы Оқу-ағарту министрі Ғани Бейсембаев Мемлекет басшысына жаңа оқу жылына дайындық жұмыстары туралы баяндау кезінде айтты, деп хабарлайды <a href="https://www.inform.kz/kz/zhana-oku-zhyly-karsanynda-kanday-ozgerister-boldy_a4102736">ҚазАқпарат</a>.<blockquote>«Қазір мектеп алдындағы даярлыққа байланысты тиісті жұмыстар іске асырылып жатыр. Бірінші кезекте тәрбиешілердің еңбекақысы 30 пайызға көтеріліп жатыр. 1 қыркүйектен бастап балабақшаға баратын аз қамтылған отбасылардағы 97 мыңнан астам бала тегін тамақпен қамтамасыз етіледі. Балабақшада 30 мың орын ашылып отыр және жылдың аяғына дейін тағы да 51 мың орын ашу жоспарланған. Қазіргі кезде балалардың 89 пайызы (2-ден 6 жасқа дейінгі) қамтылған. Сонымен қатар жылдың соңына дейін кезектілік мәселесі бойынша бірыңғай база іске қосылады», - деді Ғ. Бейсембаев.</blockquote>Оның айтуынша, жергілікті бюджет қаражаты есебінен аз қамтылған отбасылардағы оқушылар 100% мектеп формасымен және кеңсе тауарларымен қамтамасыз етіледі. Биыл жалпыға бірдей білім беру қоры 65 млрд теңгеден астам соманы құрады. Осы орайда 460 мың оқушыға материалдық көмек беру жоспарланған.<blockquote>«1 қыркүйектен бастап 1,4 млн бала (бастауыш сыныптардағы) тегін ыстық тамақпен қамтамасыз етіледі. 1 қыркүйекке дейін барлық білім беру мекемесі жедел басқару орталығына, лицензияланған күзетке, дабыл жүйесіне қосылуы мәселесі толыққанды жүйелі түрде шешіліп отыр. Мектептердің 65 пайызы модернизациядан өтті. Осыған дейін 1 мың пәндік кабинеттер ашу жоспарланса, оның орнына 1700 кабинет ашылады», - деді министр.</blockquote>Оның сөзіне қарағанда, жыл соңына дейін 154 мектеп пайдалануға беріледі. Мұнымен қоса, 260 мектепте күрделі жөндеумен қамтылған. Соның арасында 194-і жаңа оқу жылына дейін тапсырылады.Ведомство басшысы биыл колледж студенттерінің шәкіртақысы 50 пайызға өсіп жатқанын атап өтті.

Жаңа оқу жылы қарсаңында қандай өзгерістер болды

Kyzylorda-news.kz. Арал ауданы бойынша дене шынықтыру және спортпен жүйелі түрде шұғылданушылар саны – 31 228 адам. Жалпы аудан тұрғындарының үлесі 38 пайызын құрайды.&nbsp;Аудан көлемінде үстіміздегі жылдың осы кезіне дейін аудан тұрғындары арасында бұқаралық спортты дамыту мақсатында 75 спорттық іс-шара, оның 5-і республикалық, 6-уы қалааралық, 50-і аудандық, 14-ті кент, ауылішілік, мекемеішілік өткізілді. Олардың ішінде көлемді шаралар – волейболдан Асхат Аханов атындағы республикалық дәстүрлі турнир, грек-рим күресінен жасөспірімдер арасында акробатикадан қазақ жастары арасынан шыққан тұңғыш КСРО спорт шебері Дәри Құттымұратовты еске алуға арналған республикалық турнир өткізілді. Мұнан бөлек бокстан жасөспірімдер арасында еліміздің еңбек сіңірген мәдениет қызметкері, «Құрмет» орденінің иегері Жалдыбай Нұрпейісовті еске алуға арналған республикалық турнир өтті.&nbsp;Спортшылардың да көрсеткіші жоғары. Қазақстан Республикасының ресми чемпионаттары мен біріншіліктері жарыстарында аудан спортшылары 44 медальға ие болды. Оның 18-і – алтын, 12-сі – күміс, 14-і – қола.

Арал ауданы спортшылары 44 медальға ие болды

Kyzylorda-news.kz. Бүгінгі таңда жетістікке жетудің түрлі жолы бар. Мейлі қай салада болса да тынымсыз еңбек пен төккен тер нәтижеге жетелейді десек те, сол жолда табысты қызмет етудің бірден-бір жолы жаңалық ашу, жаңашылдыққа ұмтылу екендігін жасырмау керек. Бүгінгі қоғамның басты талабы да сол.&nbsp;Расында ауданда осы уақытқа дейін көркем гимнастика үйірмесі жайлы бұрын-соңды есітеген емес едім. Көркем гимнастика тіпті облысымызда да кенже дамыған спорт десек болады. Аймақта ашылғанына 10 жылдан жаңа асқан бұл спорттың Аралдағы әлеуеті тіпті жоғары. Бұлай айтуға себеп бар. Жақында №19 Арал ауданының олимпиадалық резервтің мамандандырылған балалар-жасөспірімдер мектебінде Арал көркем гимнастика мектебінің І ашық турнирі өткізілді. Мұндай ауқымды шара бұрын-соңды аудан көлемінде өтпегенін айтар болсақ, көркем гимнастиканың қазіргі жұмысы қай деңгейде екенін жазбай танимыз.&nbsp;Алғаш рет ұйымдастырылған ашық турнирде өнер көрсетушілердің де белсенділігі өте жоғары болды. Жарысқа Қызылорда облысы және Арал қаласынан жалпы 40 жас гимнастшылар қатысуға ниет білдірді. Жансая Бисембаеваның жетекшілігімен өткен бұл шара расында бас бармақпен баға берерліктей болды деп айтсақ қателеспейміз.Бұл шара жайлы аудандағы көркем гимнастиканың жетекшісі Ж.Бисембаева:<blockquote>– Кез келген шараны өткізу оңай іс емес. Оның үстіне бұрын-соңды өтпеген, бір ізге қойылып, дәстүрлі түрде ұйымдастырылатын турнир емес. Сондықтан баста жүрексіндім. «Қатысушылардың қызығушылығы қалай болады?» деген де сауал тұрды. Бірақ қолдаушыларымның арқасында барлығы сәтті шықты. «Көз қорқақ, қол батыр» деген осы екен. Сонымен қатар еңбек етсең, жетістікке жетудің жолын тапсаң, халықтың да сенімі арта түсетініне тағы бір мәрте көзім жетті. Олай дейтінім, қазірде бірнеше бала көркем гимнастикаға қатысып, менен сабақ алуда. Жеңістеріміз, нәтижелеріміз жайлы жақсы білесіздер. Ол жайлы айта бергім келмейді. Бірақ сол көрсеткіш бүгінде алдымнан жақсылығымен шықты. Сол балалардың ата-аналары турнирдің өтуіне қолдау білдіріп, демеушілік те жасады. Оларға да алғысымды айтамын. Сенімін алдағы уақытта да ақтап, аудан спортшыларының атын танымал ету жолында еңбек ететін боламын, – дейді.</blockquote>Шынымен солай. Арал көркем гимнастика мектебінің алғашқы ашық турнирі ата-аналар мен меценаттардың қаражатына өтті. Арал мен Қызылорданың 40 жас гимнастшысы қатысқан турнирде қатысушылар екі жас тобында бақ сынасты. Балалар доппен және шеңбермен жаттығуға қатысты.Иә, расында Жансая Бисембаеваның еңбекқорлығын атап өту керек. Мектепті бітіргеннен кейін ол Қазанғап атындағы Қызылорда музыкалық жоғары колледжіне «хореограф» мамандығы бойынша оқуға түсіп, Шымкенттегі М.Әуезов атындағы Оңтүстік Қазақстан мемлекеттік университетінде осы мамандық бойынша жоғары білім алды. Оқу бітірген соң Аралда туған жеріне қызмет етуді ұйғарды. Осылайша ауданға жаңалық алып келіп, олимпиадалық спорттың бір түрі саналатын көркем гимнастиканы қолға алды.<blockquote>– Көркем гимнастикамен айналысу үшін «Айбар» фитнес-орталығында залды жалға алдым. Шынымды айтсам, басында секцияға үлкен қызығушылық болады деп күткен жоқпын. Қазір менде 60-тан астам қыз бар. Қатысамын деп ниет білдірушілердің қарасы әлі де көп. Арал қаласында қыздарын көркем гимнастикада көргісі келетін ата-аналар көбейіп келеді. Бірақ көп жағдайда уақыттың жоқтығы олардың барлығын бірдей қамтамасыз етуге мүмкіндік бермей тұр. Жаттығулар күніне екі рет өтеді. Жүктемені азайту үшін тағы бір жаттықтырушыны шақыруды жоспарлап отырмын. Қазір аудандық мәдениет және спорт бөлімімен бірге көркем гимнастика бойынша маман іздестірудеміз. Ақтаудан үміткер бар, тұрғын үй, жалақы және басқа да ұйымдастыру мәселелерін талқылаймыз, – дейді.</blockquote>Сонымен қатар, Арал қыздары жылына екі рет Шымкентке оқу-жаттығу жиынына барады, оны балалар үшін арнайы атақты спортшы, Қазақстан федерациясының президенті және көркем гимнастикадан Қазақстан құрамасының бас жаттықтырушысы, ҚР еңбек сіңірген жаттықтырушысы Әлия Юсупова өткізеді.Иә, қашанда төккен тер зая кеткен емес. Оған Жансаяның да, біздің де &nbsp;көзіміз жетіп отыр. Болашақ спорт жұлдыздарының шеберлігін арттыру мақсатында жасаған жұмысы жемісті болған кейіпкеріміз бүгінде жас гимнасттардың жетістіктерімен мақтана алады. Мысалы, 11 жасар Айзере Темірханқызы, 9 жасар Томирис Жолдасбай, 8 жасар Амина Теміржанқызы, Сайда Нұртай және Сара Матығұлға үлкен үміт артып отыр. Олар республикалық жарыстардың тұрақты қатысушылары, бірнеше рет түрлі турнирлердің жеңімпаздары мен жүлдегерлері атанды. Бірнеше жылдан кейін Арал өңірінен шыққан жұлдыздар көркем гимнастиканың әлемдік аспанында жарқырап жануы әбден мүмкін.

Аралда көркем гимнастикадан көш ілгері

<a href="https://kyzylorda-news.kz/">Kyzylorda-news.kz.</a>&nbsp;Жақында аудандық мәдениет үйінде «AMANAT» партиясының Арал аудандық филиалының кезекті есеп беру конференциясы өтті. Онда еліміздің басты саяси партиясының мүшелері маңызды құрылымның атқарған жұмыстарына қанығып, алдағы міндеттерді көңілге түйді.&nbsp;Атап айтсақ, партияның кешегісі мен бүгінін саралаған басқосуда негізгі міндеттер мен алдағы бағыттар жан-жақты қаузалды. Яғни, Арал аудандық партия филиалының 2021-2022 жылдары атқарылған жұмыстары таразыланып, аманаттықтар бағдаршам еткен міндеттерді іске асыру мәселесі жан-жақты сөз болды. Алдымен сөз алған партия төрағасы Базарбай Төрахметов партияның сайлауалды бағдарламаларын іске асыру бойынша өңірлік жол картасы жайында баяндама жасап, республика, облыс, аудан көлеміндегі баянды істерді тілге тиек етті. Аудандағы әрбір іргелі іске үлес қосып, партиялық жобаларды жүзеге асыруда аманаттықтардың үлесі зор екенін атады.&nbsp;Мұнан соң аудандық фракция жетекшісі, аудандық мәслихат депутаты Шәрбану Жангүшікова, «Вокзал» бастауыш партия ұйымының төрағасы Кенжебек Тілепов және «Жастар рухы» ЖҚ Арал ауданы бойынша жетекшісі Ержан Сабырбай сөз сөйлеп, партияның өзіндік орны мен жеткен жетістіктерін ортаға салды. Сондай-ақ, конференцияда аудандық мәслихат депутаты Еркебұлан Аяғанов партияның сайлауалды бағдарламасы мен тұғырнамасын орындауда облыс пен ауданда көптеген жұмыстар орындалғаны, соның ішінде партиялық жобаларды жүзеге асыруда ілгерілеу бар екенін жиналғандар назарына ұсынды. «AMANAT»партиясының атқарушы хатшысы, аудандық мәслихат депутаты Талғат Қанатов Арал аудандық саяси кеңестің жаңартылған құрамын көпшілікке таныстырып, Қызылорда облыстық конференцияға делегаттардың тізімін ұсынды. Бұл ұсыныс кезектен тыс есеп беру конференциясында партия мүшелері тарапынан қолдау тапты.Жиын соңында «AMANAT» партиясының төрағасы жаңадан партия қатарына қосылған жастарға партиялық билеттер табыстап, оларға елдің сенімін иеленген саяси құрылымның абыройын асқақтатуға сенім білдірді.

Қазақстан және Қызылорда облысының жаңалықтары