<a href="https://kyzylorda-news.kz/">Kyzylorda-news.kz.</a> Премьер-министр Олжас Бектенов Үкімет отырысында білім министрі Ғани Бейсембаевқа биыл саунада балалар лагерінің ашылуына жол бермеу керек екенін ескертті, деп хабарлайды Dalanews.kz.<blockquote>“Өткен жылы монша және басқа да талаптарға сай келмейтін орындарда жазғы лагерьлер ұйымдастырылғанын көрдік. Биыл мұндай жағдайға жол бермеуіміз керек. Оны қатаң бақылауда ұстаңыз”, - деді Бектенов.</blockquote>Еске салайық, 2023 жылы Алматы облысы Ұзынағаш ауылында шілденің ортасында жантүршігерлік оқиға болған еді. Мұнда жазғы демалысын өткізу үшін Алматыдан ондаған бала келген. Алайда мектеп оқушылары жайлы жағдайдың орнына тар, желдетілмейтін бөлмелерге қоныстанған. Сондай-ақ, лагерь саунаның дәл ішінде орналасқан, мұнда сыртта ер адамдар демалатыны белгілі болды.Прокурорлар лагерь жетім және ата-анасының қамқорлығынсыз қалған балаларға арналған Алматы қалалық білім басқармасының бюджетінен қаржыландырылғанын анықтаған еді.

Саунадағы балалар лагері: Бектенов Бейсембаевқа тапсырма берді

<a href="https://kyzylorda-news.kz/">Kyzylorda-news.kz.</a> &nbsp;20 мамырда «Ұлы дала жорығы» марафон-бәйгесінің екінші кезеңі аяқталды. Таңғы 7.00-де 16 команда Екібастұз&nbsp;қаласы маңынан&nbsp;Павлодар облысы аумағындағы Төртқұдық елді мекеніне аттанды.Ат спорты әуесқойлары мен еліміздің әр өңірлерінің өкілдерін біріктіретін спорт әлеміндегі ерекше оқиғақазақтың көрнекті геолог-ғалымы&nbsp;Қаныш Сәтбаевтың 125 жылдығына&nbsp;арналып отыр.Жол&nbsp;қашықтығы500 шақырымды құрайды және бағыт Павлодар,&nbsp;Ақмола облыстарын қамтиды.&nbsp;Марафон&nbsp;23&nbsp;мамырда Астанадааяқталады.Жорық бағдарламасына сәйкес, командалар марафон-бәйгенің келесі&nbsp;100&nbsp;шақырымын бағындырып, екінші кезеңнің мәресі Төртқұдық елді-мекені маңында аяқталды.<blockquote>Биыл&nbsp;«Ұлы дала жорығына»&nbsp;еліміздің әр аймағынан келген&nbsp;6 шабандоздан&nbsp;тұратын арнайы&nbsp;«Рекорд» командасы жасақталды. Оның құрамына нағыз қазақтың Адай, Қостанай, Найман, Жетісу өңірінің Арғымақ жылқылары әдейі енгізіліп отыр.&nbsp;«Рекорд» командасының сап түзеп, жорыққа шығуындағы басты мақсат -&nbsp;нағыз қазақи жылқылардың ел арасында танымалдылығын арттыру, кеңінен насихаттау», - деп атап өтті&nbsp;«Joryq»&nbsp;федерациясының президенті Бақытжан Тұрлыбеков.</blockquote>Екінші кезең қорытындысы бойынша, Алматы қаласының командасы жеңімпаз атанды. Жетісу облысының шабандоздары мәре сызығына екінші болып жетсе, Маңғыстау облысының командасы үштікке ілікті.Өкінішке қарай, екінші кезеңде Батыс-Қазақстан облысының командасы&nbsp;жарыстан шығып қалды.Екінші кезеңде Түркістан,Солтүстік Қазақстан, Қостанай мен Абай, Павлодар, Ақмолаоблыстарынан екі аттан, ШҚО, Жетісу, Қарағанды, &nbsp;облыстары мен Астана қаласынан бір-бір аттан жарысқа жарамсыз деп танылды. Алматықаласы, Маңғыстау, Жамбыл&nbsp;облыстары бес атпен жарысқа шығады. Жалпы 21 мамырда 3-кезеңді 15 команда&nbsp;жалғастырады.100 км:Алматы қаласы&nbsp;- 6 сағ.&nbsp;46&nbsp;мин. Жетісу облысы&nbsp;- 6&nbsp;сағ. 48 мин. Маңғыстау облысы&nbsp;- 6 сағ. 52 мин. Қостанай облысы&nbsp;- 6&nbsp;сағ. 59 мин. ШҚО&nbsp;- 7 сағ. 03 мин.&nbsp; Жамбыл облысы &nbsp;- 7&nbsp;сағ. 27 мин.&nbsp; Қарағанды облысы&nbsp;- 7 сағ. 44 мин. Астана қаласы&nbsp;- 7 сағ. 58 мин.&nbsp; Ақмола облысы&nbsp;- 8 сағ. 04 мин.&nbsp; Түркістан облысы&nbsp;- 9 сағ. 04 мин. Абай облысы &nbsp;- 9 сағ.&nbsp;09 мин.&nbsp; Павлодар облысы &nbsp;- 9 сағ. 42 мин.&nbsp; СҚО&nbsp;- 9 сағ. 45 мин.&nbsp; Ұлытау облысы&nbsp;- 10 сағ. 03 мин. «Рекорд» командасы.Алғашқы үш жеңімпаз 5-ші Дүниежүзілік көшпенділер ойындары алдында 3-7 қыркүйек аралығында өтетін &nbsp;халықаралық марафон-бәйгеге&nbsp;қатысуға лицензия алады. Халықаралық кезеңге&nbsp;шет мемлекеттерден кемінде 10 команда қатысады деп күтілуде&nbsp;(Түркия, Сауд Арабиясы, Моңғолия, Венгрия, Түрікменстан, Иран, Өзбекстан және т.б.).&nbsp;Марафон жұмысына 2 халықаралық және&nbsp;3 қазақстандық судья, сондай-ақ 2 халықаралық және 3 қазақстандық мал дәрігері қатысып,&nbsp;жоғары стандарттарды сақтау мен жылқылардың денсаулығына қамқорлық жасауға кепілдік береді.<img src="https://knadmin.beoblood.kz/uploads/b590759d_7c92_497a_aade_2263969bb73e_b74999fd21.jpg" alt="b590759d-7c92-497a-aade-2263969bb73e.jpg"><img src="https://knadmin.beoblood.kz/uploads/02f80d2b_73d6_400c_8adf_581dca5ab2ab_782c38c74e.jpg" alt="02f80d2b-73d6-400c-8adf-581dca5ab2ab.jpg"><img src="https://knadmin.beoblood.kz/uploads/6e71143f_cece_4c7f_bb23_c07f8b45c706_14d97efa87.jpg" alt="6e71143f-cece-4c7f-bb23-c07f8b45c706.jpg"><img src="https://knadmin.beoblood.kz/uploads/43d2e0d3_87f6_4cb1_81d4_819545d921c2_70f136d724.jpg" alt="43d2e0d3-87f6-4cb1-81d4-819545d921c2.jpg"><img src="https://knadmin.beoblood.kz/uploads/b86ef16e_397a_47ff_8da2_dee3e7affab6_ecbf0d3257.jpg" alt="b86ef16e-397a-47ff-8da2-dee3e7affab6.jpg">

«Ұлы дала жорығы-2024»: Марафон-бәйгенің екінші кезеңі аяқталды

Дүниедегі мамандық атаулының төресі – ұстаздық. Қай қоғамда да ұстаз құрметті орындардың төрінен табылады. Осындай құрметті мамандықтың иесі болып, ұлағатты ұстазға тән үлгі көрсеткен, талай шәкірттердің жүрегінен орын алып, тәлімді тәрбие берген Шиелідегі ардақты ұстаздарды құрметпен зейнеткерлік демалысына шығарып салу шарасы өтті.&nbsp;Шиелі ауданы бойынша білім бөліміне қарасты №47 М.В.Ломоносов атындағы мектеп-лицейінде 2024 жылдың 17 мамыр күні “Ұстаздықтың биігін бағындырып” тақырыбында білім беру ісіне 40 жылдан астам еңбегін сіңірген, құрметті ұстаз, қадірлі де асыл ана, бүгінде зейнеткерлік жасқа жетіп отырған Алша Қалмұратова, Фарида Абдраманова, Алтынай Ордабаева, Фатима Снабаева сынды ұстаздардың өмір жолына арналған салтанатты кеш болып өтті.&nbsp;Мерейлі мерей тойға ортақтаса, қуанышты сәтінің куәсі болып Шиелі ауданы бойынша білім бөлімі басшысының міндетін атқарушы Марат Асанханұлы, білім қызметкерлері кәсіподағы Шиелі аудандық комитетінің төрайымы Гүлбану Рантайқызы, туған-туыс ағайындары, сонымен қатар әріптес ұстаздары және түлектері жиналып, жүрек жарды ақ тілектерін ақтарды.&nbsp;Шара барысында ұлағатты ұстаздардың еңбек жолын бастағаннан зейнет жасына дейінгі барлық жетістіктері айтылды.&nbsp;Ұрпақтар сабақтастығын жалғаған әр жылғы ұстаздың шәкірттері сый-сияпат көрсетіп, ән мен жырдан шашу шашты.Барлық құрмет пен сыйға лайықты ұлағатты білікті ұстаздардың білім саласын өркендету жолындағы қосқан үлестері мен шәкірт тәрбиелеудегі ерен еңбектері үшін алғыс айтылып, құрмет көрсетілді. Ұстаз мерейі беделімен өлшенеді. Ал беделдің өлшемі қашан да биік екені рас.

Шиеліде қажырлы еңбек атқарған ұстаздар зейнетке шықты

<a href="https://kyzylorda-news.kz/">Kyzylorda-news.kz.</a> &nbsp;Жақында Сырдария аудандық спорт клубында №35 Иса Тоқтыбаев атын­дағы мектеп-лицейінің 2004 жылғы 11 «а» сыны­бын бітіруші түлектердің демеушілігімен аудандық «Тіршілік тынысы» газетінің 85 жылдық мерейтойы аясында облыстық деңгейдегі турнир ұйымдастырылған болатын.Ұлттық спорт – тұғызқұмалақтан өткізілген турнирдің ашылу салтанатына аудан әкімінің орынбасары Димаш Байдушев, «Сыр медиа» серіктестігінің бас директоры Марат Аралбаев, бас директордың орынбасары Айжан Абдуллаева, «Kyzylorda News» ақпараттық агенттігінің бас редакторы Азиз Батырбеков, аудандық спорт клубының директоры Диас Әлжанов арнайы қатысқаны мәлім.Аталған спорттық іс-шараның ашылуында аудан әкімінің орынбасары Д.Байдушев сөз сөйлеп, турнирдің мәні мен маңызы туралы айтқан еді.<blockquote>– Ауданымызда ұлттық спорт – тоғызқұмалақтан облыстық ашық біріншілік өткізілуде. Сіздерге ең алдымен бірлігі бекем, тірлігі көркем қасиетті Сырдария ауданына қош келдіңіздер демекпін. Бүгінгі жарыс аудандық «Тіршілік тынысы» газетінің 85 жылдық мерейтойына орай өткізілуде. Ұлттық спорт – тоғызқұмалақтан өткізіліп жатқан ашық біріншілікті ұйымдастыруға ауданымыздағы №35 Иса Тоқтыбаев атындағы мектептің 2004 жылғы 11 «а» сыныбын бітірген түлектер қолдау білдіріп, демеуші болуда. Бұл аудан түлектерінің туған жерге деген құрметі, аудан жаңалықтарының жаршысы болған басылымға деген қолдауы деп білеміз. Сондықтан мерейтой аясында бұқаралық спортты дамытуға үлес қосып жатқан азаматтарға шынайы ризашылығымды білдіремін, – деді Димаш Серікбайұлы.</blockquote>Бұл ретте, «Сыр медиа» серіктестігінің бас директоры Марат Аралбаев жарыстың өткізілуі мен ұйымдастырылуына қол­дау білдірген азаматтарға шынайы ризашы­лығын білдіріп, 20 жылдық түлектерді арнайы Алғыс хатпен марапаттағаны мәлім.Мұнан кейін түлектердің атынан Біржан Елеусінов сөз сөйлеп, жиналғандарды төл басылымның 85 жылдығымен құттықтап, жарыстың өткізілуіне ұйытқы болған сыныптастарына, турнирдің ашылуына арнайы қатысқан ұлағатты ұстазы Іңкәр Қордабаеваға шәкірттерінің атынан алғы­сын білдірді.<blockquote>– Біздің мектеп бітіргенімізге 20 жыл болыпты. Бұл аз да, көп те уақыт емес. Осы жылдар ішінде қандай да бір жетістікке жетсек, оны халыққа жеткізіп, насихаттап, аудандық газет әркез қолдау көрсетті. Бұл үшін біз қарыздармыз, жергілікті жаңалықтардың жаршысы болған басылымға айтар алғысымыз да шексіз. Осы ретте сыныптас достарымызбен ақылдаса келе «Тіршілік тынысы» аудандық газетінің 85 жылдық мерейтойына орай тоғызқұмалақтан жасөспірімдер (9,11,13 жас) арасындағы Сырдария ауданының ашық турнирін өткізуді жоспарладық. Біздің басты мақсатымыз – аудандық «Тіршілік тынысы» газетінің 85 жылдық мерейтойын облыс көлемінде атап өтуге өз үлесімізді қосу және ұлттық ойынды халық арасында кеңінен насихаттау, дамыту. Бұл қадам арқылы біз спорттық шеберлікті және зияткерлік қабілетті қалыптастыруға атсалысамыз, жастардың, жасөспірімдердің тоғызқұмалаққа деген қызығушылығын арттырамыз және үздік спортшыларды анықтап, марапаттаймыз, – деді Біржан Елеусінов.</blockquote>Турнир жеңімпаздары мен жүлде­герлері жексенбі күні анықталып, ма­ра­­паттау салтанаты да өткізілді. Мара­паттау салтанатында аудандық газеттің бас редакторы Ақтөре Ибрагимұлы жеңімпаздарды құт­тықтап, идеологиялық маңызы бар іс-шараны ойдағыдай өткізген аға буын өкілдеріне ризашылығын білдірді.<blockquote>– Сіздер газеттің 85 жылдығы аясында ұлттық спорттан турнир ұйымдастыру арқылы өзге түлектерге үлгі-өнеге көрсеттіңіздер. Редакция ұжымы басылымға деген құрметтеріңізді жоғары бағалайды. Сіздерді тәрбиелеген, білім берген ата-аналарыңыз бен ұстаздарыңызға мың алғыс. Қай тарапта, қай талапта жүрсеңіздер де аман болыңыздар. Абырой мен сәттілік серіктеріңіз болсын, – деді Ақтөре Ибрагимұлы.</blockquote>Марапаттау салтанатында осыдан жиырма жыл бұрын үлкен өмірге қанат қаққан түлектерге мектеп қабырғасында білім берген ұстаздар Дүйсенкүл Пахрадинова, Іңкәр Қордабаева, Майя Сағындықова сөз сөйлеп, шәкірттерінің игі іске ұйытқы болғанына алғыс айтып, шәкірттерін мақтан тұтатынын жеткізді. Ал түлектердің атынан Сәдір Ержанұлы мен Жанар Жалғасбайқызы сөз сөйлеп, ізгі ниеттерін білдіріп, редакция ұжымына естелік сыйлық табыс­тады.Жарыс қорытындысында 9 жас­тағы қыздар арасында І орын Хабиба Ұланға бұйырса, ІІ орынмен Сая Тұрлыбек марапатталды. Ал қос бірдей ІІІ орын Айзере Қайсариева мен Раяна Бақытқызына табысталды. 11 жастағы қыздар арасындағы бәсекеде Альфия Бабабек топ жарып, І орынды жеңіп алды. ІІ орын тұғырына Саида Бақтиярова көтерілсе, Назым Бақытқызы мен Айару Сүлейменова ІІІ орынды қанжығасына байлады. Сәйкесінше 13 жастағы қыздар арасында Анель Тоқшылық І орынды иеленді. Әмина Мектепханға ІІ орын берілсе, Еркежан Әбдімұратова мен Көркем Садуақасоваға ІІІ орын берілді. Сондай-ақ ұлдар арасындағы бәсеке де тартысты өтті. 9 жастағы ұлдар арасында І орын иемденген Елдос Алмасовқа тең келер ешкім болмады. ІІ орынды Әлқари Серік еншілесе, үздік үштікті Ахмедияр Әлібек пен Қайсар Әлібек түйіндеді. 11 жастағы ұлдар арасында І орын Бағжан Төремұратқа бұйырды. Сәй­кесін­ше Расул Төлегенов ІІ орынмен, Мейірман Тойым мен Рамазан Құдайберген ІІІ орынмен марапатталды. Сонымен қатар Нұрмат Нұржанұлы 13 жастағы ұлдар арасында жеңімпаз атанды. ІІ орын Құлмұхаммед Қашқынбайға берілсе, Нұрболат Төлегенов пен Нұрназар Жомартұлына ІІІ орынның марапаты табысталды. Турнирдің ең жас ойыншысы номинациясымен Нұрперзент Нұрғали мен Раушангүл Айтмағанбет марапатталды. Айта кетейік, жеңімпаз және жүлдегер спортшылар Сырдария ауданының денешынықтыру, спорт және туризм бөлімінің І, ІІ, ІІІ дәрежелі дипломдарымен, медальдарымен және демеушілердің бағалы сыйлықтарымен марапатталды.

Сырдария ауданында тоғызқұмалақ ашық біріншілік өз мәресіне жетті 

<a href="https://kyzylorda-news.kz/">Kyzylorda-news.kz.</a> &nbsp;Жақында ҚР Оқу-ағарту министрлігі биылғы оқу жылы 25 мамыр күні аяқталатынын мәлімдеген болатын. Жалпы республика бойынша 11 сыныпты 186 мың оқушы аяқтайды деп күтілуде. 25 мамыр күні осынша түлек үшін Соңғы қоңырау соғылады. 2023-2024 оқу жылын сырдариялық 8193 оқушы аяқтайды. Сонымен қатар 806 шәкірт негізгі мектепті 9 сыныпты, 438 жас түлек 11 сыныпты бітіреді.2023-2024 оқу жылының аяқталуына орай Сырдария аудандық білім бөлімінің басшысы Берік Жәнібеков арнайы брифинг өткізді. Брифингте бөлім басшысы аудандағы мектептердің сапалы интернетке қосылу көрсеткішіне, оқу жылындағы жетістіктерге, ҰБТ-ның маңызды кезеңі мен соңғы қоңырау, аттестат тапсыру кешін өткізудегі бірқатар шектеулерге және өзгерістерге тоқталды.Оқу жылының қорытындысы бойынша ауданда сапалы интернет көрсеткіші төрт есеге артты. Орта білім беру ұйымдарын жылдам және тұрақты интернетпен қамтамасыз ету үшін нақты жұмыстар атқарылды.<blockquote>– Мектептерде жоғары жылдамдықтағы интернетті қамтамасыз етудің бірнеше маңызды артықшылықтары бар. Біріншіден, бұл оқушылар мен мұғалімдерге үлкен көлемдегі ақпарат пен білім беру ресурстарына қол жеткізуге мүмкіндік береді, оқу процесі мен ой-өрісті кеңейтуге ықпал етеді. Екіншіден, жоғары жылдамдықтағы интернет түрлі онлайн-платформалар арқылы басқа мектептермен және білім беру мекемелерімен өзара іс-қимыл жасау мүмкіндігін қамтамасыз етеді, коммуникацияны дамытуға және тәжірибе алмасуға ықпал етеді, – деп атап өтті білім бөлімінің басшысы Берік Съездұлы.</blockquote>Білім бөлімі қолданыстағы инфрақұрылымды жаңғырту, желілік қамтуды кеңейту, деректерді беру жылдамдығын арттыру және Аманкелді, Іңкәрдария секілді шалғай ауылдарды жоғары және тұрақты интернеттің қолжетімділігімен қамтамасыз ету үшін Starlink спутниктік интернет желісіне қосылуды жоспарлауда.Бөлім басшысының айтуынша, 2023-2024 оқу жылы аудан үшін айтарлықтай жетістіктерге толы болды. Халықаралық ғылыми жобалар байқауында №139 орта мектептің оқушысы жүлделі І орын иеленді. Жалпы білім беретін пәндер бойынша президенттік, республикалық олимпиада және ғылыми жоба байқауының қорытынды кезеңіне 6 оқушы қатысып, 4 оқушы жүлделі орын еншіледі. Олар – №35 мектеп-лицей, №36 мектеп-лицей оқушылары. Ал алғаш рет өткізілген ауыл мектептерінің оқушыларына арналған олимпиаданың республикалық кезеңіне 6 оқушы қатысып, №42 мектеп-лицей, №36 мектеп-лицей, №210 орта мектептің оқушылары жүлделі орындарға ие болды.<blockquote>– Бұл жетістіктің барлығы – жүйелі әрі табанды жұмыстың нәтижесі. 2023-2024 оқу жылында жаратылыстану-математикалық бағыттағы 6 пән бойынша «Қамбаш» Олимпиадалар және қосымша білім беру орталықтары базасында жалпы білім беру ұйымдарының 7-10 сынып оқушылары 6 кезең бойынша 96 оқушы дайындық курсынан өтті. Сонымен қатар ауданымызда «Жарқын болашақ» олимпиадалық резерв мектебі жыл бойы үздіксіз жұмыс жасап, 150 оқушыға жыл бойы үздіксіз дайындық жүргізілді, – деді Б.Жәнібеков.</blockquote>Бөлім басшысы педагогтердің мәртебесін арттыру бағытында тиісті жұмыстар жалғасып жатқанын тілге тиек етті. 2023 жылдан бастап аудандық кәсіподақпен бірлесіп 3 кезеңнен тұратын пән мұғалімдері арасында кәсіби байқаулар ұйымдастырылуда. Бас жүлде алған ұстазға Алматы қаласында орналасқан санаторийге жолдама беріледі. Байқау биылғы жылы қазақ тілі, география, биология пәні мұғалімдері арасында өткізілді. Сонымен бірге, мектептерді қолдау, ынталандыру бағытында негізгі көрсеткіштер бойынша рейтинг жұмыстары жүргізіледі. Жоғары нәтиже көрсеткен мектептерге 1 млн теңге көлемінде сыйақы беріледі. Атап өту қажет, былтыр №42, №131 мектептер үздіктер қатарынан көрінді.<blockquote>– Ағымдағы жылдың 6-14 мамыр аралығында Ұлттық бірыңғай тестілеудің ең маңызды үшінші кезеңіне 371 талапкерден өтініштер app.testcenter.kz сайты арқылы қабылданды. Маңыздылығы сонда, бітірушілер осы тестілеудің қорытындысымен берілетін сертификат арқылы мемлекеттік грант конкурсына қатысатын мүмкіндікке ие болады, – деді білім бөлімінің басшысы Берік Жәнібеков.</blockquote>Өздеріңізге белгілі, ҰБТ-ны түлектер мемлекеттік грантқа оқуға түсу үшін 16 мамырдан бастап 5 шілдеге дейін тапсыратын болады. Сырдария ауданының түлектері Қызылорда қаласында орналасқан тестілеу пунктінде тапсырады.<blockquote>– Көпті толғандырған мәселеге тоқталсам, 24 мамыр күні 1-10 сыныптарда «Білімім – Отаныма» тақырыбында бірыңғай сынып сағаттары, 25 мамыр күні 11 сынып бітірушілері үшін «Мектебім, саған мың алғыс!» атты салтанатты іс-шарасы мектеп қабырғасында өткізіледі. 14 маусым күні мектеп бітіруші түлектерге арналған «Жолың болсын, жас түлек!» аттестат тапсыру салтанатты іс-шарасы ұйымдастырылады. Іс-шараларды өткізу мектептің бірінші басшылығының бұйрығымен және ата-аналар комитетінің келісімімен жүзеге асырылады. Түлектердің міндетті түрде мектеп формасында болуы қатаң бақыланады. 25 мамыр, 14 маусым күндері тәулік бойы патрульдік полициямен, ата-аналармен, педагогтер бірлесіп, күшейтілген кезекшіліктер ұйымдастырылады. Оқу-ағарту министрлігінің бұйрығына сәйкес мемлекеттік қорытынды бітіру емтихандары 9-сыныптар үшін 29 мамыр-10 маусым аралығында 4 пән бойынша, 11-сыныптар үшін 28 мамыр мен 11 маусым аралығында 5 пән бойынша өткізіледі. Мемлекеттік емтихандарға дайындық жұмыстары жүргізілуде, – деді брифингте Б.Жәнібеков.</blockquote>Сондай-ақ барлық білім беру ұйымдарының басшыларына білім бөлімі тарапынан, мектеп бітіруші түлектердің ата-аналарымен сәнді киім-кешекке жұмсалатын шығындардың орынсыздығы туралы түсіндірме жұмыстарын жүргізуге, мерекелік дастарқандарды ұйымдастыруға, жалға берілетін автокөліктерді пайдалана отырып, қалада, қала сыртында экскурсиялар өткізуге жол бермеу жөнінде қатаң түрде тапсырылғаны хабарланды.Жалпы, оқу жылын сапалы аяқтау және балалардың қауіпсіздік іс-шараларын үйлестіру білім бөлімінің тұрақты бақылауына алынғанын еске салды брифингте бөлім басшысы.Бибісара ЖАНӘЛІ

25 мамыр күні сырдариялық 438 түлек үшін соңғы қоңырау соғылады

<a href="https://kyzylorda-news.kz/">Kyzylorda-news.kz.</a> &nbsp;Сырдария ауданында бұқаралық спортты дамыту жақсы қолға алынған. Күн сайын спортпен шұғылданып, саламатты өмір салтын ұстанушылардың да қатары көбеюде. Әсіресе, жасөспірімдер мен жастар арасында спорттың қол күресімен шұғылданушылар саны артуда. Спортшыларды ынталандыру мақсатында өңірде өтетін түрлі жарыстарға шығарып, нәтижесінде жүлделі орын иеленіп, аудан атын шығаруда.Жақында Қармақшы ауданы Жосалы кентінде спорт саңлағы Аслан Әділбековті еске алуға арналған турнир өтті. Қол күрестен өткен турнирге &nbsp;18 жасқа дейінгі &nbsp;жасөспірімдер қатысты. Облыстық ашық турнирге Арал, Қазалы, Байқоңыр, Қармақшы, Сырдария, Жаңақорған аудандарынан бақ сынады. Білекті де, жүректі спортшылардың арасынан Сырдария ауданының командасы 90 ұпаймен бірінші орынды жеңіп алды.Сырдария ауданы құрама командасы спортшыларының жекелей &nbsp;орындарына тоқталсақ, 45 келі салмақта Дінмұхамед Тұрсынбай, 60 келіде Нұрсат Смат, 80 келіде Рахат Әбутәліпов қарсыластарын шақ келтірмей бірінші орын тұғырына көтерілді. 65 келі салмақта Ержігіт Жаппарбек бір спортшыға есе жіберіп, жүлделі екінші орын алды. Ал 40 келіде Нұрдәулет &nbsp;Қанатұлы, 50 келіде Әлихан Алдабергенұлы, 55 келіде Еркебұлан &nbsp;Маратжанов, 70 келі салмақта Сержан Бахытбеков және 75 келіде өнер көрсеткен Ислам Әбдікәрімов үшінші орынды қанағат тұтты.Айту керек, Сырдария ауданы құрама команда спортшыларын жарысқа негізгі құрамды &nbsp;дайындаған Сырдария аудандық спорт клубының жетекші-жаттықтырушылары Жасұлан Өмірбаев, Төлеген Жақыптың еңбектері зор. Сонымен қатар аудан құрамасына өз үлестерін қосқан Аманкелді ауылындағы №42 Қ.Баймағанбетов атындағы мектеп-лицейдің дене тәрбиесі пәнінің мұғалімі Темірлан Жанахметов, спортшы Дінмұхамед Тұрсынбайдың &nbsp;жетекшісі және Ақжарма ауылындағы №130 Абай атындағы орта мектептің дене тәрбиесі пәнінің мұғалімі Руслан Ділдебаев, спортшы Әлихан Алдабергенұлының жетекшісінің айрықша еңбектері бар.<blockquote>– Сырдариялық спортшылар әрдайым жеңіс тұғырынан көрініп келеді. Бұл тыңғылықты дайындықтың арқасы. Жаттықтырушылар спортшыларды спортқа баулығанда қаншама тер төгеді. Намысты қолдан бермейтін жігіттер білектің күшін көрсетіп, аудан намысын жібермеді. Бұл біздің алғашқы да соңғы да жеңісіміз емес. Республика, облыс көлемінде өтетін жарыстарға қатысып, спортшыларымыз туған жердің тұғырын биікке шығаратын болады, – дейді Сырдария аудандық спорт клубының жетекші-жаттықтырушысы Жасұлан Өмірбаев.</blockquote>

Сырдариялық спортшылар олжамен оралды

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы лудоманияны ресми түрде құмар ойындарға патологиялық әуестігі бар адамдардың дерті деп есептейді.&nbsp;Бұл проблема әлемде ғана емес, Қазақстанда да өткір күйінде қалып отыр.Статистиканың өзі адам шошырлық. Ішкі істер министрлігінің мәліметіне сүйенсек, лудомандар саны 350 мың шамасында. Сонда 20 млн тұрғынның 1,75 пайызы ойынқұмарлықтың құрығына ілінген болып тұр. Ал әрқайсысының орташа қарызы – 10 млн теңге. Соңғы үш жылда қазақстандықтар құмар ойындарға 1 трлн теңгеден астам қаражат жұмсаған. Соның кесірінен талай отбасы ыдырап, қаншама адам өмірден түңіліп, өз-өзіне қол жұмсады.Ойын автоматтарының, онлайн-казинолардың, букмекерлік кеңселердің көбеюі жағдайды одан сайын ушықтырып жіберді. Ел үкіметі енді құмар ойынға қатысып, бәс тігетіндер санын 2026 жылға қарай екі есе азайтуға ықыласты. Осы орайда оларға мемлекет есебінен тегін ем-дом, медициналық-әлеуметтік оңалту шараларын ұсынады. Ол үшін бюджеттен 80 млн теңгеден астам қаражат бөледі.Бірақ миды арбаған, сананы шырмаған дерттен құтылу оңай шаруа &nbsp;емес. &nbsp;Психолог Нәзира Аймаханова бізбен сұхбатында терең құдықтан адамды өзіне сенімі, ерік-жігері ғана шығара алатынын айтты. Төменде тәжірибелі маманның лудомандарды емдеу кезіндегі ой-тұжырымын ұсынып отырмыз.Бұрынғының казиносы карта едіБұл бұрын, смартфон пайда болмай тұрған кезде де болған. Бір үйге жиналып карта ойнаушы еді ғой. Әсіресе, ер адамдар. Ондай көрініс өзім туып-өскен ауылда да кездесетін. Ойынға құмарлығының кесірінен өмірі қор болған, өз-өзіне қол жұмсаған адамдар болды.Қазір онлайн заман, виртуалды ғасыр. Ойынның жеті атасы қолжетімді. Лудомания күннен-күнге өршіп барады. Маман ретінде маған жүгінетіндер санында есеп жоқ. Алдымен ойынға салынып кеткен адамның жақын-жуығы хабарласады. Тәжірибе жинайын, жағдайды зерттеп көрейін, көмектесе аламын ба, қолымнан келе ме, жоқ па, көз жеткізейін деген оймен лудомандарға бес жыл бойы тегін көмек көрсетіп келдім. Сонда байқағаным, құмар ойынға адам екі түрлі себеппен барады. Біріншісі – көрсоқырлық, яғни үсті-үстіне ақша тапсам, оңай әрі тез байысам деген ой. Жалпақ тілмен айтқанда, күрек ұстамай «Лексус» міну. Екіншісі – ойынның рахатына бату. Бірақ оған баспен кіріп кеткенін, қарызға батып, отбасына зиян келтіріп жатқанын өзі байқамайды.Ең&nbsp;әрісі&nbsp;жетінші сыныпта басталғанЛудоманияның бастапқы белгілері – өзімен-өзі оқшау қалады, тұйықталады, көп адамнан қарыз сұрайды. Қарыз берген кісілер бұған хабарласа алмайды. Сондықтан әке-шешесін, бауыры немесе әйелін мазалауға мәжбүр болады. Ет жақындары оның құмар ойынның құрығына ілінгенін сол кезде бір-ақ біледі.Сенесіз бе, пациенттердің құмарлығы былтыр, екі не бес жыл бұрын пайда болмаған. Ең әрісі жетінші сыныпта оқып жүргенде басталған. Мектепте оқитын балада ненің ақшасы деп ойлайтын шығарсыз. Сөйтсем, төменгі сыныптың оқушыларына қысым көрсетіп, кішігірім әлімжеттік жасауға дағдыланған екен. Студент кезде достарының «жүр де жүр» деуімен жүз теңгеден бәс тігіп бастаған пациенттер болды. Құмар ойынның түрі өте көп. Казино, компьютерлік ойындар бар, инстаграм, тик-токта да ондай толып жатыр. Қоғамның басты капиталы – адам екенін ескерсек, мұны адамға жасалған жауыздық деп есептеймін.Байдың балалары да барКөмек сұрап келетіндерді жоқшылық көрген деп біржақты айтуға болмайды. Арасында тұрмысы тәуір кісілер де, байдың балалары да бар. Сосын көбі тығырықтан өзім шығам деп ойлайды. Бірақ ол мүмкін емес! Ойынқұмар адамның туған-туыстары хабарласқан кезде «ол өз еркімен келмейінше күштеп көмектесе алмайсыз» деп бірден бас тартамын. Келген күннің өзінде бір ғана психологтың көмегімен оңалып кетуі қиын. Біз тек оның өзіне-өзі қол жұмсамауына, қалпына келуіне көмектесе аламыз. Одан әрі бірыңғай лудомандарды емдеумен айналысатын тәжірибелі психологқа, психиатрға қаралып, үзбей ем алғанда ғана нәтижеге қол жеткізуге болады.Мені қынжылтатыны, маған хабарласатындар, келетіндер арасында қыз-келіншектер көбейді. Олар бұл жолға бала күнінде көрген жоқшылықтың орнын жабу үшін барды дей алмаймын. Мысалы, бала күтімімен үйде отырған бір әйел күйеуіне көмектескісі келіп тик-ток арқылы 5 мың теңге салған. Оны 50 мыңға айналдырып аламын деп ойлаған. Оңай олжа қақпанда ғана болады емес пе?! Үсті-үстіне қарыз алып, енді сол 5 млн-ның үстіне шығып отыр. Қазір күйеуі екеуі ажырасып жатыр. Екі ортада бес балаға обал. Жақында екі қаралушыны Алматыдағы емдеу орнына жібердім.«Балам&nbsp;өліп&nbsp;қалса&nbsp;екен» деген ана болдыЛудоманның жақындары тарапынан жіберілетін ең үлкен қателік – оның қарызын жауып беруі. Содан «мені қарыздан тағы құтқарады» деген түсінік қалыптасады. Бірақ адамның жүйкесі темір емес қой. Бір төлейді, екі төлейді, шамасы құриды. Ойынға салынған ұл-қыздың жолында үйін, мал-мүлкін садақа қып қиып, «енді тек өзімді беру қалды, қараңды батыр!» деп безінген ата-аналар болды. Қызылордалық жігіт анасының атындағы үйдің құжатын ұрлап, сыртынан рәсімдеп, сатып жіберген. Сол кісі «балам өліп қалса екен» деп те қарғаған.Жас жігіт алғашқыда мені психолог ретінде мойындай қоймады. Келеке қылды. Сосын екі терапия бойы ойынқұмарлығы туралы сөз қозғаған жоқпыз. Балалық шағы, өміріндегі басқа да жағдайлар туралы әңгімелестік. Ақыр аяғында қалай лудоман болғанын өзі-ақ жылап айтып берді. Жалғыз ұл екен. Әкесі жоқ. Анасы бетінен қақпай өсірген. Группаласына еріп осы жолға түскен. Бір жарым жыл бойы шешесін «даяшы болып жүрмін» деп алдап, үйіне кеш келуді әдетке айналдырған. Қарызын жаппақ болып көлігін сатқан. Шешесі күдіктенген. Маған әкелді. Сөйлесу барысында жігіттің интеллектуалды жобалар жазуға қабілеті барын байқадым. Тапсырма беру арқылы жобалар дайындатып, таныстарға ұсындым. Бір жобасы Оңтүстік Кореяға өтіп тұр. Құны – пәленбай миллион. Өзі кәріс тілін жетік меңгерген. Қазір ойынның орнын осы қызығушылығы басты. Қарызын да жапты, көлік те алды.Үшінші кейс. Ата-әжесінің қолында өскен. Әке-шешесін атымен атайды. Ата-әжесі қайтыс болғанда өзін далада қалғандай сезінген. Құмар ойынға салынуының себебі кеудесіндегі бос кеңістіктің орнын толтырғысы келген екен. Қарызға батқан, оны жабам деп несие алған. Ашылып сөйлескенде әке-шешесіне реніші барын айтты.Алты баласы бар әйел келді. Күйеуі тіпті ойынға баланың жөргекпұлын, досының көлігін (кезінде мұның атына жазып қойған екен) салып жіберген. Қарызы 8 млн-нан асып кеткен. Мен оны психиатрға жібердім.Аралдан жап-жас жігітті туыстары алып келді. Бизнесі бар, кескін-келбеті келіскен, жалғыз ұл. Ол да әуелгіде аз-маз ақша салып бастаған. Бірақ ақыры жақсылыққа әкелген жоқ. Екі терапиядан соң қателескенін саналы түрде түсінді. Ауылына қайтты. Бірақ осымен болды демей, оны жыл бойы, әр күні бақылап отыруға келістік. Айтпақшы, теріс қадамға негізінен жалғыз өскен, ерке, кенже балалар көп барады.Әркім&nbsp;өз&nbsp;әлеміндеБіз қазір баланы қалай тәрбиелеп отырмыз? Бәріміз қу тірлікпен ұл мен қызға көңіл бөле бермейміз. Жұмыстан шаршап келгесін қолына телефон ұстата саламыз. Тыныш отырса, мазамызды алмаса болды. Өзімізге қажеті жоқ нәрсеге араласамыз, соны талқылаймыз. Бала шетке ығыса береді. Оның өз әлемі бар, виртуалды әлемі. Телефоннан не көріп, не оқып жатқанын бақыламаймыз. Білген күннің өзінде зиян екенін айтып түсіндіре алмаймыз. Оған өреміз жетпейді. Әр баланың арманы бар. Ал арманыңа махаббаттың арқасында ғана қол жеткізе аласың. Ойынға салынудың артында жоқшылықтан бөлек рахат өмір сүруге құмарлық тұр. Адам өмірінде тәртіптің болмауы, міне, осындай келеңсіздікке әкеп соғады.Назерке САНИЯЗОВАФото: fingramota.kz

Лудомания – ас қауіпті дерт

<a href="https://kyzylorda-news.kz/">Kyzylorda-news.kz.</a> Еліміз тәуелсіздік алған отыз жылдан аса уақыт ішінде қазақ мәдениеті күллі әлем көз салып, құлағы елең еткен шырқау биікке көтерілді.«Жаһандық әлемдегі заманауи қазақстандық мәдениет» жобасы аясында жүзеге асқан қыруар жұмысты тізбелеп жатпасақ та түсінікті. &nbsp;Қазақ өнері мен мәдениеті әлемді шарлап, Италия, Франция, Түркия, Жапония, Ресей, Қытай сынды ірі елдердің талғампаз жұртшылығы – «Абай», «Қыз Жібек», «Біржан-Сара» секілді &nbsp;қазақтың классикалық музыка өнерінің жауһарларын тыңдау мен баға беру бақытына ие болды.«Алтын адамның әлем музейлеріне шеруі» жобасы шеңберінде ұлтымыздың көне жәдігерлері төрткүл дүние назарына ұсынылды.Орта Азиядан басқа, Солтүстік Македония, Түркия, Малайзия және Грекияның жетекші музейлерінде өткен көрмеде «Алтын адам» біздің ұлтымыздың ғажайып болмысын паш етті.Бұл – мемлекетіміздің мәдениетке аса мән беруінің нәтижесі.Ел Президенті Қасым-Жомарт Тоқаев мәдениет туралы өз сөзінде: «Жалпы, ұлт мәдениеті – халық өмірінің айнасы, оның болмысы. Еліміздің рухани дамуы ұлттық рухқа тікелей байланысты. Сол себепті азаматтарымыздың рухы әрқашан биік болуы үшін мәдениетімізге, яғни, руханиятымызға баса мән бергеніміз жөн» деген болатын.Сонымен бірге Мемлекет басшысы әлемдік деңгейдегі бәсекеге қабілетті мәдениетті дамытуды жүктеді.2013 жылдан бері тойланып келе жатқан мәдениет қызметкерлерінің күні біздің аймақта да жыл сайын өз дәрежесінде аталып келеді. Сондай-ақ сала озықтарына лайықты құрмет көрсетіледі.Өткен жылы облыс әкімі мәдениет пен өнер қызметкерлеріне бұрынғы беріліп жүрген атақ-марапаттарға қоса қомақты қаржысы бар «Тұран» сыйлығын тағайындады. Бұл дәстүр биыл да жалғасады.Өткен күндерден бір мысал келтірсек, барша ел-жұрт кешегі пандемия құрсауында қалғанда да мәдениет пен өнер адамдары бой тасалаған жоқ, күн сайын халықпен бірге болды. Адам баласы еңбек етіп бой түзесе, мәдениет пен өнер арқылы ой түзейді. «Мылтығыңның күмісін айтпа, тиісін айт» дегендей, сырбойылық өнер өкілдері Қазақ елінің атын алыс шетелдерге жеткізіп, ұлт болмысын танытып жүр.Ең бастысы, мәдениет – қоғамды топтастыруға, халықтың тарихи мұрасын жаңғыртып отыруға қызмет ететін үлкен күш.Сондықтан мәдениет пен өнерге жасалар қамқорлық та жылдан жылға артып келеді.Облысымызда мәдениет саласын қамтитын іргелі жұмыстар рет-ретімен іске асырылып отыр. Қызылорда қаласының соңғы жылдары ерекше кейіпке енген ауданына айшық пен көрік берген көпфункционалды 1000 орындық «Өнер орталығы» пайдалануға берілді. Көрермендерге концерттерді кәсіби әрі жанды дауыста ұсыну мақсатында симфониялық оркестр құрылды. Барша аналардың құрметіне «Анаға тағзым» орталығы іске қосылды. Өнердегі мүмкіндігі шектеулі өнерпаздарымыздың шығармашылығын шыңдауға арналған Инклюзивті театр жобасы мақұлданды. Бұған дейін 10 жылға жуық үйірме ретінде жұмыс жасап келген «Жастар театры» өз алдына кәсіби ұжым ретінде өнер көрсете бастады.Композитор, Қазақстанның еңбек сіңірген қайраткері Кеңес Дүйсекеев атындағы «Туған жер» І халықаралық әншілер конкурсы жаңа таланттардың есімін жария етті.Сонымен бірге өткен жылы ұлт руханиятының көрнекті өкілі, мемлекет және қоғам қайраткері Темірбек Жүргеновтің 125 жылдығына арналған халықаралық ғылыми-тәжірибелік конференция, тұлға бейнесін жырмен өрнектеген республикалық жыр мүшәйрасы өткізілді.Сыр халқы түркітілдес елдердің «Қорқыт және Ұлы дала сазы» атты халықаралық фольклорлық өнер фестивалін алтыншы рет тамашалады.Ақындықтың туын тіккен Сыр топырағынан үш дүркін «Алтын домбыра» иегері атанған жерлесіміз Мұхтар Ниязовтың жаңа ізбасарлары шығуы тиіс. Бұл ретте, ақындыққа бейімі бар балаларды айтыс өнеріне баулу, оларды тауып, шыңдау мақсатында өңірімізде тұңғыш рет «Айтыс олимпиадасы» атты облыстық жасөспірімдер айтысы өткізілді.Өткен жылы Қызылорда облысының құрылғанына 85 жыл толды. Еліміздің даму тарихында өзіндік орны бар, төрт астана қоныс тепкен &nbsp;киелі мекеннің өсіп-өркендеуіне талай аға ұрпақ маңдай терін, қасық қанын сарп етті. Ұмытылмайтын ерлік тағылымы ешқашан естен шықпайды және ол келер ұрпаққа ұран болып қала беретін тарихи құндылық.Осы мерейтой аясында бірінші рет бюджет тапсырысымен 12 &nbsp;сериялы имидждік телесериал түсіру жобасы қолға алынды. Заманауи трендке айналған телесериал аймақтың оң имиджін қалыптастырып, өңірдің инвестициялық тартымдылығы мен туристік мүмкіндіктері республикалық, халықаралық деңгейде насихаттауды көздейді. Ең бастысы, бұл жобаға актер ретінде өзіміздің танымал өнерпаздар мен шығармашыл өкілдер де тартылған.2024 жылдың ақпан айынан бастап облыстағы 171 мәдениет үйі мен клубтарда 7 бағыт бойынша «Адал адам мәдени-тәрбие орталығы» тұжырымдамасы жүзеге асырылуда.Әйтеке бидің 380 жылдығына арналған «Әділ сөздің алдаспаны» атты тұңғыш республикалық командалық &nbsp;айтыс өткізілді. Облыстық филармония жанынан «Жыраулар үйі» ашылды. «Қылқаламда мәңгілік ел бейнесі» атты халықаралық суретшілер симпозиумы өткізіліп жатыр.7 ауданда музей, кітапхана, архив, неке қию залы, ардагерлер, аналар және жастар орталықтарын біріктіретін, типтік үлгідегі «Руханият» орталықтарының іргетасын қалау қолға алынды. Бүгінде мұндай орталықтар Сырдария, Шиелі, Жаңақорған аудандарында бой көтеріп жатыр.Алыс-жақын шет елдерді Сыр өнерімен сусындату – қашаннан жолға қойылған дәстүр. Н.Бекежанов атындағы қазақ академиялық музыкалық-драма театры халықаралық «ТҮРКСОЙ» ұйымының арнайы шақыруымен Түркия елінің Анкара қаласына, облыстық филармония өнер ұжымы – Өзбекстан Республикасы Науаи қаласына шығармашылық сапармен барды.Мәдениет – жұмысы толастамайтын, тоқтамайтын, көптің демалысы үшін демалмай жұмыс істей беретін сала. Біз айтып отырған ауқымды шаралардың бәрі де аймақ басшысының қолдауымен, облыстық мәдениет басқармасының бірлікті, берекелі еңбегімен іске асып келеді. Осыдан бір жарым жылға жуық уақыт бұрын облыс әкімі басқарма басшылығына Мира Қазбекованы тағайындап, «мемлекеттік қызметте мол тәжірибе жинақтаған, облыстың мәдени-рухани өмірін дамытуға зор үлесін қосып жүрген және мәдениет саласын жақсы меңгерген білікті маман» деп сенім білдірген еді. Басшы сол сенім үдесінен шықты, саланың қазіргі атқарып келе жатқан нәтижелі жұмыстары осындай қорытынды жасауға жетелейді.Егер мәністі мәдениет, өрісті өнер болмаса төрт жағымыз түгенделмес еді, яғни, қоғам дамуына да тежеліс түсуі мүмкін. Сондықтан мәдениет пен өнер өкілдері қашан да құрметке лайық. &nbsp;Кәсіби мереке құтты болсын, «мәдениет майданының» сарбаздары. Сіздерге өнерде шабыт, өмірде бақыт тілейміз.Дүйсенбек АЯШҰЛЫ

Мәдениет – қоғамды топтастыратын ұлы күш

<a href="https://kyzylorda-news.kz/">Kyzylorda-news.kz.</a> Өткен дәуір мәдениетінен сыр шертіп, мұрасын сенімді сақтайтын мұражайлардың қоғамда өзіндік орны бар. Бұл – табиғатпен, адам қолымен жасалған өнер туындыларын, көне заман ескерткіштерін, олардың үлгі-нұсқаларын жинақтап, ұрпақтан ұрпаққа жеткізіп отыратын рухани мекеме. Бүгінде біздің ауданда да танымды арттырып, әсемдікпен байланыстыратын 3 музей халыққа қызмет етіп келеді. Олар уақыт өткен сайын құндылығын молайтпаса, жоғалтқан емес.&nbsp;Халықаралық деңгейде атап өтілетін мерейлі мерекенің бірі – 18 мамыр – Музей күні осы бір мәдени ортаның маңызын айшықтай түседі. Мереке қарсаңында шежірелі өлке Шиелідегі "Ы.Жақаев атындағы күріш өсіру тарихы" музейі жылдағы дәстүрден жаңылмай, мұражайлар күнін өз деңгейінде атап өтті. "Көне тарих куәсі" тақырыбында жалғасқан іс-шараға Шиелі аудандық&nbsp;ардагерлер кеңесінің төрағасы Өркен Әзімханұлы, Шиелі аудандық қоғамдық даму бөлімінің басшысы Кенжехан Шахизатұлы, Шиелі аудандық мәдениет бөлімінің басшысы Аруна Әзімхан, Иіркөл ауылдық округінің әкімі О.Ержан, Жансейіт ауылының "Алтын аналар", Ы.Жақаев ауылының "Асыл әжелер" ұжымы және №148 "Бидайкөл" орта мектебі қоғамдық музей үйірмесінің жетекшісі М.Байділдаева, үйірме оқушылары мен музей қызметкерлері қатысты.Бұл күні музей алдына қараша үй құрылып, күріштің атасы атанған Ы.Жақаевтың ұстап, тұтынған заттарынан қойылған "Өткеннің қазынасы болашаққа" атты көрме тамашаланды. Ақ жаулық әжелер қазақы дәстүрдің үлгісін жаңғыртып, күбі пісіп, ұршық иіріп, музей жәдігерлерін қозғалысқа ендіріп, оларға қайта дем берді. Социалистік Еңбек Ерлері Ыбырай Жақаев, Закира Ержанова, Ұлбала Алтайбаева, Шырынкүл Қазанбаева, Жадыра Таспамбетова, Айша Меңлібаева сынды еңбек адамдарының образына қаныққан жұрт ерекше әсерге бөленді.Мереке күні алғаш сөз алған Өркен Исмаил қонақтарды музей күнімен құттықтап, көненің көзін жаңғыртуда қызметкерлердің еңбегі зор екенін атап өтті.&nbsp;<blockquote>– Музей – бұл ауданның мәдениеті мен тарихы. "Ы.Жақаев атындағы күріш өсіру тарихы" музейі де бүгінде мақтаныш тұтар ғимаратқа айналды. Мекеменің Ы.Жақаев ауылының қақ ортасында орналасуының өзі – үлкен ерекшелік. Мұнда қонақ болып келген әр жан мұражай ішін аралап, ондағы жәдігерлерді тамашалау арқылы өңірдің тарихына қаныға алады, – деді Шиелі аудандық&nbsp;ардагерлер кеңесінің төрағасы.</blockquote>Сондай-ақ шара қонақтары&nbsp;музей директоры Құттықыз Ыхановаға, ауданның барлық мәдени шараларының басы-қасында жүретін музей ұжымына алғыс білдірді. Ауыл әкімі&nbsp;О.Ержан мекеме қызметкерлерін марапаттап, мұражай қорының молайып, келушілермен толыға беруін тіледі.&nbsp;Шара барысында&nbsp;№148 "Бидайкөл" орта мектебі "Рухани мұра" өлкетану үйірмесінің оқушылары "Музей&nbsp;– тарих айнасы" тақырыбында квест ойынын көрсетті. Квестке&nbsp;ардагерлер де қатысып, жас ізденушілер музейдің, даңғайыр диқан Ы.Жақаевтың өмір тарихы жөнінде мол ақпаратқа кенелді. Оқушылар аталған тақырып аясында өлең де оқып, көктемнің тағы бір күнін мейірімге толтырды. Жағымды жиын соңы концерттік бағдарламаға ұласты. Музей директоры Құттықыз Ыханова баршаға алғысын білдіріп, ата-бабаларымыз қолданған әр жәдігерді сақтап, оны келешек ұрпаққа насихаттау, дәріптеудің маңызы зор екенін атап өтті.&nbsp;<blockquote>– Тұғырда тас мүсін емес, тарих жатқанын дәлелдеу үшін көненің құнды мұрасын аманат ретінде жеткізу ­– біздің басты мақсатымыз, – деді ол.</blockquote>

Шиелідегі тағылымға толы шара

<a href="https://kyzylorda-news.kz/">Kyzylorda-news.kz.</a> &nbsp;Өрт сөндіруші Асқар Забикулиннің ерлігін жас ұрпаққа дәріптеу мақсатында Ә.Мүсілімов атындағы №101 мектеп-лицейде арнайы кадет сыныбы ашылды.Асқар Забикулин Астана қаласында түгел жанып жатқан пәтер ішінде қалған әжесі мен немересін құтқарып, көрші пәтерден он жасар баланы аман алып шыққан ержүрек батыр.Ұлықтау шарасына қалалық білім бөлімінің бас маманы Күнқожаев Самат Алашбайұлы, Қызылорда облыстық төтенше жағдайлар департаменті бастығының орынбасары, азаматтық қорғау полковнигі Ибрагим Нұрсұлтан Жаңабайұлы қатысты. Осындай ізгі де қастерлі қасиет ердің ерінде ғана болары анық десек, сондай ерлік үлгісін көрсеткен өрт сөндіруші І дәрежелі «Айбын» орденінің иегері Асқар Забикулин ерлігі әрбір қазақстандықтың жүрегінде мәңгі сақталары анық.Азаматтыққа тән айбын, ерге тән ерлік көрсетудің жасампаз үлгісін көрсеткен қаһарманның ерлігі мәңгі қазақ елінің жүрегінде сақталып, оның жасаған ерлігі әрбір елін сүйген жастар үшін өнегелі ерлік жолы болып қала бермек.Мектеп оқушыларын ерте жастан Отансүйгіштік пен патриоттыққа, елжандылыққа тәрбиелеу мақсатында ашылған бұл кадет сыныбынан да қазақтың ержүрек ұлдары мен батыр қыздары шығатынына күмәніміз жоқ.

Қызылордадағы мектепте өрт сөндіруші Асқар Забикуллин атындағы кадет сыныбы ашылды

<a href="https://kyzylorda-news.kz/">Kyzylorda-news.kz.</a> &nbsp;Жақында &nbsp;ҚР оқу-ағарту министрі Ғани Бектайұлы республика көлеміндегі «Алтын белгіге »үміткер оқушылармен онлайн форматта кездесу өткізген болатын. Кездесіу барысында еліміздің бас ұстазы үздік оқушыларға алдағы білім сынағында сүрінбей өтуіне сәттілік тіледі.Кездесуге Сырдария ауданынан 29 бітіруші қатысты. Жиын барысында &nbsp;ұсыныс-пікір мен тілек айтылды. Жалпы, бүгінгі республиканың бас ұстазымен кездесуі барлық мектеп бітіруші түлектерге мотивация болары сөзсіз.<blockquote>– Бүгінгі кездесудің мән-мағынасы жоғары. Оқушыларымыз &nbsp;ҚР оқу-ағарту министрімен кездесіп, өмірлік бағыт-бағдар алды. Еліміздің басты ұстазының &nbsp;алдында сауалдарын жолдап, білім сынығында үздіктер қатарынан көрінуге талпынды. Әрине, әрбір оқушының болашағына зор үмітпен қараймыз. «Алтын белгіге» бітірген шәкірттеріміз еліміздің үздік оқу орындарында білім алып, білікті маман боларына сенеміз. Ұстаздарымыздың үздік оқушыны тәрбиелеуде еңбегі ерекше. Біздің аудан мерейін асқақтатын жастардың қаулап шыққанына қуанамыз, – деді аудандық білім бөлімінің басшысы Берік Жәнібеков.</blockquote>Білім саласы мамандары осы күні соңғы қонырауға дайындықты бастап кеткен.&nbsp;

Сырдария: Оқушылар ҚР оқу-ағарту министрімен кездесті 

<a href="https://kyzylorda-news.kz/">Kyzylorda-news.kz.</a> “Атадан мал қалғанша, тал қалсын” деген ұлағатты сөзді ұстанған ауданымыздан түлеп ұшып, бүгінде облыс көлемінде жауапты қызмет атқарып жүрген қайратты аяулы жандар мен ардагерлер Б.Сүюбаева, Г.Есқалиева, А.Абибуллаева, Р.Қалжанова, Г.Ысқакова, А.Сыйымова, К.Абылбекова, Ж.Азаматова, Ж.Хамитбекова, Қ.Ақышевалар «төркіндеу» дәстүрін қайта жаңғыртып, туған жерге тағы бір тағзым еткен болатын.&nbsp;Сырдария ауданына атбасын бұрған сыйлы қонақтар «Таза Қазақстан» акциясы аясында аудан орталығындағы «Жалын» тынығу лагеріне гүл, көшетін, ағаш отырғызды.Қызылорда облыстық әйелдер кеңесінің төрағасы Райкүл Мансұрқызы, білім саласында ұзақ жылдар қызмет етіп, зейнет демалысына шыққан ардагер ұстаздарымыз К.Абилова, Ұ.Жаналиева елге деген сағыныштарын, ыстық лебіздері мен ризашылықтарын білдірді. Бүгінгі егілген гүл, тал, шыбықтар ертеңгі күні ауданымыздың келбетіне сән беріп тұратын саялы ағашқа айналып кетуі – төркіндеп келген ардақты қыздарымыздың жасаған жұмысының жемісі болмақ. Біз өз топырағымыздан түлеп ұшқан өнегелі жандарды дәріптесек, бүгінгі жастар осы жандарға қарап бой түзейді. Туған жерді түлетуге атсалысқан жандарға алғыс білдірді.<blockquote>– Сырдария ауданы біздің қызмет еткен жылдарымыздың куәсі. Қашанда туған жер топырағына тағзым ете бермекпіз. Ауданның мерейі тасып жатса, шын жүректен қуанамыз. Әбір жетістігіне марқаямыз. Бүгін бірер күнде балалардың демалыс аймағына айналатын «Жалын» тынығу лагеріне гүл егіп, дәстүр сабақтастығын жаңғыртқан жайымыз бар, – деді. Баян Орынбекқызы.</blockquote>Аға буын мен кейінгі ұрпақ сонау ата-бабадан жеткен еңбек дәстүрін осылайша дәріптеп, ұрпақтар сабақтастығын паш етті.

Қазақстан және Қызылорда облысының жаңалықтары