<a href="https://kyzylorda-news.kz/">Kyzylorda-news.kz</a> Бүгінгі күні жол қауіпсіздігін қамтамасыз ету мақсатында тұрғындардың өтініші бойынша Тереңөзек кентіндегі №210 мектептің алдындағы ескі көлік кедергісі алынып, жаңадан талапқа сәйкес &nbsp;мердігер мекемемен жасанды бұдырлық орнату жұмыстары жүргізілуде.Жасанды кедір бұдырлықты басқаша «жылдамдықты төмендету» деп те атайды. Бұл – қозғалыс жылдамдығын мәжбүрлеп төмендету үшін жүріс бөлігінде жолдың осіне перпендикуляр орналасқан арнайы реттелген биіктік болып табылады. Осындай бұдырлық кедергілері әсіресе мектептер мен балабақшалардың алдындағы өтетін жолдарға балалар қауіпсіздігі үшін аса қажет. Аудан орталығында орналасқан барлық мектеп, балабақша, мекеме және басқа да маңызды жерлерде бұдырлық кедергілері қойылып, қауіпсіздік шаралары сақталған. Одан бөлек кентте орналасқан барлық бұдырлық кедергісі уақытылы тексеріліп, ескіргендерін жаңасына ауыстыру жұмыстары қарқынды жүргізілуде. Аудан тұрғындарының қауіпсіздігі әрқашан басты назарда. &nbsp;Әсіресе оқушылар қауіпсіздігі аймақ басшысының қатаң бақылауында. Ол үшін арнайы жиналыстар да өткізіп, өткен жылғы кемшіліктерді қайталамауға тапсырма берді. Білім бөлімінің басшысын да сол қауіпсіздікке үлкен жауапты екенін мәлімдеді.&nbsp; Өз кезегінде Сырдария аудандық полиция бөлімінің нұсқамасына сәйкес аталған кедергілер кент және елді мекендерде алдағы уақытта тиісті орындарға қойылатын болады.

Балалар қауіпсіздігі үшін ескі көлік кедергісі жаңартылды

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының әкімі Нұрлыбек Нәлібаев білім саласының өзекті мәселелері талқыланған кеңейтілген мәжілісте жиынға қатысушыларды білім сапасын арттыруға, балаларға жайлы және қауіпсіз орта қалыптастыруға шақырды.<blockquote>«Әріптестер, білім беру саласына қойылатын негізгі 2 ғана талап пен міндет бар. Оның бірі – сапалы білім беру, екіншісі – саналы тәрбие беру. Мемлекет басшысы Қасым-Жомарт Кемелұлы Түркістан қаласында өткен Ұлттық құрылтайда жас ұрпақтың тәрбиесіне ерекше тоқталды. Өскелең ұрпақ пен жастарға зиялы қауымның, ақсақал-абыздарымыздың сөзі өтімді. Бала тәрбиесіне тек ата-ана, мұғалім ғана емес, қоғам болып атсалысуымыз керек.Биылдан бастап өңірдің барлық елді мекеніндегі 171 мәдениет үйі жанынан жастарды отаншылдық және мемлекетшілдікке, патриоттыққа тәрбиелейтін, түрлі бағыттағы үйірмелері бар «Адал адам» орталықтары құрылып, жұмыс жасауда. Осыған қарамастан, жасөспірімдер арасындағы қылмыс пен құқықбұзушылық, өзге де келеңсіз жағдайлар толастар емес. Соңғы уақытта оқушылардың электронды темекіге әуестенуі, өз-өзіне қол жұмсауы, ерте жүктілік, ойынқұмарлық, топтық төбелестер мен әлімжеттік жиі көрініс беруде. Отбасында бүлдіршіндер мен жеткіншектердің интернетке тәуелділігі белең алып, спорт пен шығармашылықты дамытуға бағытталатын алтын уақыт зая кетуде. Бұл барша ата-ананың басты уайымына айналды», – деді Нұрлыбек Машбекұлы.</blockquote>Облыс әкімі ұлттық құндылықтарды, салт-дәстүрді кеңінен насихаттаудың рөлін ерекше атап өтіп, облыстық білім басқармасына мектептер мен колледждерде «Аналар академиясының», «Әкелер кеңесінің», ата-аналар комитетінің жұмысын жандандыруды тапсырды. Мұнан бөлек, басқармаға құқық бұзушылық пен қылмыстың алдын алудың іс-шаралар жоспары аясында күшейтілген жұмыс жүргізу жөнінде тапсырма берілді. Мектепішілік және полиция органдарының есебінде тұрған оқушыларды бейімдеу үшін үйірмелерге тарту, жазғы демалыспен қамту қажет.Облыстық мәдениет, архивтер және құжаттама, дене шынықтыру, спорт және туризм басқармалары білім басқармасымен бірлесіп, балалардың бос уақытын тиімді пайдалануын кешенді түрде үйлестіруге жауапты. Облыстық денсаулық сақтау басқармасы салауатты өмір салтын қалыптастыруда, балалар мен жасөспірім қыздардың денсаулығын нығайтуда «Жастар денсаулығы» орталығының жұмысын күшейту керек. Ал, жұмыспен қамту және әлеуметтік бағдарламалар басқармасы қала, аудан әкімдіктерімен бірлесіп, түрлі санаттағы отбасыларға талдау жасап, әлеуметтік карта әзірлеуі тиіс. Полиция департаменті қала, аудан әкімдіктерімен бірлесіп, жасөспірімдер мен жастар арасындағы құқықбұзушылық, кибербуллинг әрекеттері мен заңсыз ойын орындарына тосқауыл қоюы қажет. Қала, аудан әкімдеріне облыстық білім басқармасымен бірлесіп, қалалық, аудандық ардагерлер, қоғамдық, әйелдер кеңестерін жұмылдыру арқылы тәрбие жұмыстарын жандандыру жүктелді. Ал, облыстық кәсіпкерлік және өнеркәсіп, білім басқармаларына қала, аудан әкімдері және полиция департаментімен бірлесіп, вейп пайдалануға толық тыйым салу және сатылымын болдырмау шараларын қабылдау тапсырылды.Жиын соңында аймақ басшысы барлық жауапты мекемелерге балалар мен жасөспірімдердің тәрбиесіне асқан жауапкершілікпен қарауды, ортақ іске барынша атсалысуды тағы да ескертті.<img src="https://knadmin.beoblood.kz/uploads/444789483_750551680599412_8662338135551328967_n_4087a74636.jpg" alt="444789483_750551680599412_8662338135551328967_n.jpg"><img src="https://knadmin.beoblood.kz/uploads/441953300_750551920599388_6986660378778530719_n_2964cc39a8.jpg" alt="441953300_750551920599388_6986660378778530719_n.jpg"><img src="https://knadmin.beoblood.kz/uploads/441958707_750551977266049_3817047912643566980_n_41e7aa8328.jpg" alt="441958707_750551977266049_3817047912643566980_n.jpg">

Нұрлыбек Нәлібаев: Жасөспірімдер арасындағы құқықбұзушылық толастар емес

<a href="https://kyzylorda-news.kz/">Kyzylorda-news.kz</a>&nbsp; &nbsp;Мәдениет – ең алдымен жәдігерлік. Оны ұрпақтан ұрпаққа жеткізуші - зиялы қауым. Себебі, әр халықтың дүниетанымы, рухани байлығы, тыныс-тіршілігі, салт-дәстүрлері дәл осы мәдениет деген асыл ұғыммен ұштасып жатыр. Қай елдің мәдениеті мықты дамыса, ол елдің еңсесі де биік, рухы да жоғары болады. Сонымен қатар, мәдениет – адамзат тұлғасын деңгейіне көтеретін негізгі құрал. Осынау асыл салада қызмет атқарып, бейнетінің зейнетін көріп отырған жандардың бірі – киномеханик, мәдениет саласының ардагері Мейрамбай Әлімбаев.&nbsp;Сенбіде Бозкөл ауылдық мәдениет үйінде ардагердің 85 жылдығына орай «Еңбегі ерен – нар тұлға» атты киноүзінділерін сахналаудан облыстық байқау өтті. Аталмыш байқауға облыстың түкпір-түкпірінен, Сырдария, Жалағаш, Қазалы аудандарынан барлығы алты ұжым қатысып, бақ сынады. Сырдың үздіктері жиналған өнер додасының шымылдығы ауыл әкімі Ақылбек Бөлебайдың алғы сөзімен түрілді.<blockquote>– Бүгінгі байқаудың негізгі мақсаты – еңбек адамын, Мейрамбай ағамыз секілді азаматтарды насихаттау, жас ұрпақтарымыздың кино саласына деген қызығушылығын арттыру, өнерлі жастардың шығармашылығын дамытып, халыққа таныту болып табылады. Өйткені, келешек жастардың қолында. Сонымен қатар, осы сәтті пайдалана отыра барша мәдениет саласының мамандарын мерекемен шын жүректен құттықтаймын. Бұл – халқымыздың бай мәдени мұрасы мен руханиятының дамуына үлес қосып келе жатқан азаматтарды жұдырықтай жұмылдыратын мерейлі күн. Бұл – қалам сертін қалтқысыз атқарып жүрген ақын-жазушының, өнер мен тарих тағылымымен таныстыратын музей қызметкерінің, білім бұлағымен сусындатуда көмегін аямайтын кітапханашының, мазмұнды қойылыммен көрерменге ізгілік нәрін сыйлайтын театр және опера әртісінің, өңірлерлердегі мәдениет ошақтарында қызмет етіп жүрген өзге де мамандардың еңбегін елеп, алғыс айтатын кəсіби мереке, – деді ауыл әкімі өз сөзінде.</blockquote>Мұнан соң, байқау басталып, қатысушылар бір кезең бойынша әртүрлі киноны сахналады. Оның ішінде, көрермен жүрегінен орын тапқан көріністер көп болды. Одан кейін, сарапшылар қорытындысы шығып, нәтижесінде байқаудың бас жүлдесін Әйтеке би кенттік мәдениет үйі жанындағы драма ұжымы жеңіп алды. Бірінші орынды Жалағаш ауданы, Жаңадария ауылдық мәдениет үйі ұжымы иеленсе, екінші орынды Бозкөл ауылдық мәдениет Үйі жанындағы драма үйірмесі мен Сырдария ауданы, Шіркейлі ауылдық мәдениет үйінің драма үйірмесі алды. Ал, үшінші орынды Тасарық ауылдық клубы мен Бекарыстан би ауыының драма үйірмесі місе тұтты. Жеңімпаздар арнайы алғыс хаттар мен сыйлықтар алды. Осылайша, облыстық киноүзінділерін сахналау байқауы өз мәресіне жетті. &nbsp;

Облыстық киноүзінділерін сахналанды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев: «Ауыл шаруашылығын дамытпай, бәсекеге қабілетті экономика құру мүмкін емес» деген болатын. Соңғы жылдары ауыл шаруашылық саласында бірқатар ауқымды жұмыстар мен жобалар қолға алынып келеді. Қазіргі уақытта әлеуметтік маңызы бар азық-түлік тауарларымен жергілікті тұрғындарды қамтамасыз ету, ауыл тұрғындарының табысын арттыру, мал шаруашылығын дамыту сынды тағы басқа мәселелер оңтайлы шешімін тауып келеді. Осы ретте, қажырлы еңбек пен маңдай терді қажет ететін саланың бірі – ауыл шаруашылығынан өткен жылы Шиелі ауданының жеткен жетістіктерін сөз етуді ұйғардық.&nbsp;2023 жылдың 11 айында ауыл шаруашылығы саласы бойынша шежірелі өлкеде 42 миллард 54 миллион теңгенің өнімі өндіріліп, 2022 жылдың тиісті кезеңімен салыстырғанда 103,4 пайызға орындалған екен. Атап айтсақ, егін шаруашылығы бойынша 29 миллард 233 миллион теңге, мал шаруашылығы бойынша 12 миллард 471 миллион теңгенің өнімі өндірілді. Агроөнеркәсіп кешенін дамытудың негізгі индикаторларының іс-шара жоспарына сәйкес, мал шаруашылығын дамыту бағытында бірқатар жұмыстар атқарылуда. Төрт түлікте де өсім бар. Барыс жылының 1 желтоқсанында мүйізді ірі қара саны – 93 261, қой мен ешкі – 136 197, түйе – 1702, жылқы – 24 441, құс – 30 079 басты құрады. Шиелі ауданы бойынша мал басының артуына байланысты өндірілген өнімдер мен өсімде де өзгеріс бар. Төрт түлік малдан өндірілген өнімдер (тірілей салмақта) 5051,8 тонна ет, 19 832 тонна сүт өндірілді. Егіс көлемі бойынша өткен жылы 30 792 гектарға егін егіліп, 2022 жылға қарағанда 718 гектарға артып отыр. Негізгі дақыл күріштің үлесі – 13 176 гектарды құрапты. Мал азығы қорын жасақтау үшін шөп дайындау жоспары 158,4 мың тонна болса, артығымен 164,8 мың тонна шөп жиналды. Оның ішінде 63 021 тоннасы жоңышқа шөбі. Қысқы мал азықтық қорына жоспарлы 36,4 мың тонна жемнің 37,6 мың тоннасы дайын. Жоспарлы 32,7 мың тонна сабанның 34,2 мың тоннасы дайындалған.&nbsp;Өткен жылы егін маусымында алқаптарда 14 335 тонна минералдық тыңайтқыш пен 12 045 литр арамшөптерге қарсы гербицид қолданылғанын сала мамандарынан білдік. Күзде барлық егіс толықтай жиналып, жоспарланған 10 700 гектар сүдігер айдалып, 848 гектар жерге күздік бидай егілді. 2022 жылдың күз айында егілген 1387 га күздік бидай ысырапсыз жинап алынған. Ондағы орта өнім 12 центнерді құрап, 1664 тонна бидай жиналған. Сондай-ақ 240 гектар жерге егілген жаздық бидайдан 96 тонна өнім жиналса, 877 гектар мақсарыдан 789 тонна өнім алынған. Ал 103 гектарға егілген жүгері дақылынан 309 тонна, 71 гектар сүрлем жүгеріден 178 тонна өнім алынып, 240 гектар тарыдан 840 тонна және 15 гектар күнбағыстан 45 тонна өнім жиналған. Сонымен бірге 1818 гектар көкөніс, 2436 гектарға бақша өнімі және 1223 гектар жерге егілген картоп дақылдары толық жиналды. Осы егілген 1818 гектар көкөніс дақылдарынан 59 085 тонна, 2436 гектардан 85 260 тонна және 1223 гектар картоп дақылынан 37 913 тонна өнім өндірілген.&nbsp;Өткен жылы облыс әкімінің тапсырмасына сәйкес, аудан бойынша азық-түлік қауіпсіздігін қамтамасыз ету мақсатында әр жергілікті тұрғын өзін-өзі бақша өнімдерімен қамту үшін 1520 гектар қосымша жер ашылып, тұрғындар тарапынан көкөніс, бақша дақылдары егілген. Оның ішінде, 406 гектары картоп, 527 гектары көкөніс және 587 гектары бақша дақылдарының үлесінде. Бүгінде осы егілген өнімдер толық жиналып жоғары өнім алынып отыр. Барыс жылында егілген 13 176 гектар күріштің әр гектарынан 56 центнерден өнім алынып, жалпы 73 786 тонна сыр салысы қамбаға құйылды. Бұл да толассыз еңбек пен төккен тердің арқасында жеткен жетістіктің бір парасы. Ал биыл Шиелі ауданында егін науқанына судың тапшылығын ескере отырып, 29 929 гектар жерге егін орналастыру жоспарланған. Негізгі дақыл күріштің көлемі 11 000 гектарға қысқартылмақ. Сондай-ақ әртараптандыру дақылдарына аса мән беріліп, бидай 1421 гектарға, тары мен жүгері 1150 гектарға, майлы дақылдар 850 гектарға, мал азықтық дақылдар 10023 гектарға және картоп, көкөніс, бақша дақылдары 5485 гектарға ұлғайту көзделген.Жыл сайын Сырдария өзенінің тартылуына байланысты егістік алқаптардың да көлемі қысқарып келеді. Дегенмен, бұл табиғи құбылыс қайта орнына келеді деп сенеміз. Бүгінде ауыл шаруашылық құрылымдары жаңа үлгідегі «Мак-Дон», «Джон Дир», «Класс», «Енисей», «Есіл» маркалы соңғы үлгідегі ауыл шаруашылық технологияларымен толыққан. Сонымен бірге ауыл шаруашылығы тауарын өндірушілердің қолында күзгі дала жұмыстарына 331 дана трактор, 117 дана комбайн,&nbsp; 63 дана жатка, 52 дана автомашина және 164 дана трактор тіркемесі қатысқан. Жалпы аудан бойынша кейінгі 4 жыл көлемінде отандық және шетелдік техникалармен 63 пайызға ауданның техника паркі жаңарды. Өткен жылдың ІІІ тоқсанында ауданға ауыл шаруашылығы құрылымдары жаңадан 4 комбайн, 2 жүк тиегіш және 10 трактор алынды. Барыс жылында шежірелі өлкеге 1 млрд 177 млн теңге инвестиция тартылып, 2022жылға қарағанда 2,7 есе артқан екен.Үстіміздегі жылы «Шиелісушар» өндірістік учаскесі теңгерімдегі, «02» шаруашылық аралық каналының 2 шақырымына, «Р-8» каналының 3,6 шақырымына, «Ескі сол жаға» каналының сағасына және «Жаңа Бестам» каналының 3 шақырымына және «Жаңа Сұлутөбе» каналының 5 шақырымына «Қазсушар» ШЖҚ РМК-ның Қызылорда филиалының тарапынан механикалық тазалау жұмыстары жүргізілді. Аталған каналдардың қайыр басқан жерлері толықтай тазаланды. Сонымен қатар Еңбекші ауылдық округі, Қосүйеңкі елді мекенін аяқ сумен қамтамасыз ету мақсатында 2022 жылы 2-2-2 каналына жоба-сметалық құжаттамалары әзірленіп, Қызылорда облысының табиғи ресурстар және табиғат пайдалануды реттеу басқармасының шаруашылық жүргізу құқығындағы «Табиғат» мекемесі тарапынан 92 млн теңге қаржы бөлініп 23 шақырымына механикалық тазалау жұмыстары жүргізілді. Шиелі кентінің аумағына Сырдария өзенінен 22 бекет каналы арқылы келетін, кент тұрғындарын аяқ сумен қамтамасыз етіп отырған, «Базар» және «Байсары» арықтары Қызылорда облысының табиғи ресурстар және табиғат пайдалануды реттеу басқармасының шаруашылық жүргізу құқығындағы «Табиғат» мекемесінің теңгерімінде. «Базар» арығының жалпы ұзындығы 8400 метр, 2016 жылы 2886 метріне темір бетонды науа (латок) салынған. Бетонды науа салынбаған жері 5514 метр. «Байсары» каналының жалпы ұзындығы 2881 метр, 2017 жылы 1949 метріне темір бетонды науа салынған. Бетонды науа салынбаған жері 932 метр. Жалпы «Байсары» және «Базар арығы» каналдарының бетонды науа салынуды қажет ететін ұзыныдығы 6446 метрді құрайды. «Базар» каналының темір бетонды науа орнатылмаған бөлігіне Қызылорда облысының табиғи ресурстар және табиғат пайдалануды реттеу басқармасы арқылы 2023 жылға бетонды науа (бетондауға) жұмыстарына жоба-сметалық құжаттарын әзірлеуге 5 млн 600 мың теңге, «Байсары» каналының жоба-сметалық құжаттарын әзірлеуге 3 млн теңге қаражат бөлінген. Жоба-сметалық құжаттары әзірленуде. Сараптама жұмыстары жүргізілгенен кейін қазу, тазалау және бетондау жұмыстарына толық қаражаты белгілі болады. Осыған орай, қалған бетонды науа салынбаған 6446 метр жерге науа салынатын болады. Сонымен қатар өткен жылы елді мекендерді аяқ сумен қамтамасыз ету мақсатында «Облыстық табиғи ресурстар және табиғат пайдалануды реттеу басқармасы» тарапынан 14 дана насос қондырғылары берілген. Оның ішінде Қоғалы ауылдық округіне 4 дана KY-560 дизельді, Бестам ауылдық округіне 3 дана дизель, Тұран ауылдық округіне 2 дана электр, Бәйгеқұм ауылдық округіне 1 дана дизель, Еңбекші ауылдық округіне 2 дана дизель және Жөлек ауылдық округіне 1 дана электр, 1 дана дизелді насос қондырғылары берілген.Иә, ауыл шаруашылық саласы ел экономикасының дамуына серпін беретін үлкен құрылым. Агроөнеркәсіптік кешенді дамыту, оның бәсекеге қабілеттілігін арттыру – стратегиялық міндет. Оның дамуына ықпал ету – мемлекеттің ғана емес, фермерлердің де алдында тұрған үлкен міндет болмақ.&nbsp;

Шиеліде ауыл шаруашылығының жағдайы қалай?

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен білім саласының өзекті мәселелеріне арналған кеңейтілген мәжіліс өтті. Оған облыстық мәслихат төрағасы, облыс прокуроры, полиция департаментінің бастығы, құқық қорғау органдарының, департамент және басқармалардың басшылары, қала және аудан әкімдерінің жауапты орынбасарлары, ата-аналар комитетінің өкілдері, мектеп директорлары, олардың тәрбие ісі жөніндегі орынбасарлары қатысты. Аудан әкімдері мен активі бейнебайланыс режимі арқылы қосылды.​Еске салсақ, жас ұрпақ тәрбиесі талқыға салынған мұндай жиын биыл қатарынан екінші жыл өткізілуде. Облыс көлеміндегі, аудандар мен қаладағы тәрбиеге қатысты түйткілдер күнделікті бақылаудан, жауаптылар назарынан тыс қалған емес.Аймақ басшысы ұрпақ тәрбиесі әрдайым өзектілігін жоймайтынын атап өтіп, қоғамдағы келеңсіз жағдайлардың жиілеуіне алаңдаушылық білдірді.<blockquote>«Мемлекет басшысы «Мектеп – білімнің ғана емес, тәлім-тәрбиенің ордасы. Баланың бойына біліммен қатар адамгершілік құндылықтарын сіңіру – ұстаздың міндеті. Осыған орай балабақшадағы және мектептегі тәрбие ісіне бәріміз қоғам болып мән беруіміз керек, сондай-ақ белсене атсалысуымыз қажет» – деп, бұл саладағы жауапкершілікті одан әрі күшейткен болатын. Ұрпаққа сапалы біліммен қатар, саналы тәрбие беру – жұмыстың негізгі бағыты. Бұқара болып бірігіп, бұзақылықты тыя алмасақ, соңы небір өкінішті жағдайларға әкеп соғуы ықтимал. Орын алған ауыр жағдайлар осыған дәлел.Бүгінде кәмелетке толмағандардың қатысуымен жасалған қылмыс саны 30-дан 26-ға азайғанымен, ауыр қылмыс саны артқан. Жыл басында Сырдария ауданының Амангелді ауылында, наурыз айында Қызылорда қаласының Белкөл кентінде, кеше Шиелі ауданының Қодаманов ауылында болған бала өлімі ешкімді бей-жай қалдырмауы тиіс. Балалардың құқықбұзушылығынан бөлек, педагогтер арасынан да қылмыстық әрекетке барғандар шықты. Бұл – қаймағы бұзылмаған, қалың қазақ ұйысқан Сыр жұртшылығы үшін үлкен сын», – деді Нұрлыбек Машбекұлы.</blockquote><img src="https://knadmin.beoblood.kz/uploads/445222008_750549513932962_7160889333435563050_n_9c0ba32ac9.jpg" alt="445222008_750549513932962_7160889333435563050_n.jpg">Облыс әкімі аталған деректер бойынша шұғыл шешім қабылдап, тиісті шара қолдануды талап етті. Атап айтқанда, Шиелі ауданы әкіміне қатаң сөгіс жарияланса, аудандық білім бөлімінің басшысын, мектеп директорын, учаскелік инспекторды қызметінен босату туралы тапсырма берілді. Сондай-ақ, Сырдария ауданының әкімі де қатаң сөгіс алды. Ал, облыс әкімі аппаратына қылмыстың алдын алу үшін барлық ауылға мониторинг жүргізуді жүктеді.Кеңейтілген мәжілісте облыс прокурорының орынбасары Нұрболат Дүйсенбаев, полиция департаменті бастығының орынбасары Ілияс Жұмағұлов, білім басқармасының басшысы Асқарбек Есжанов атқарылған жұмыстарды баяндады.Мұнан бөлек, мәжілісте балалар қауіпсіздігі мәселесі талқыланды. Жуырда Жалағаш ауданы Қаракеткен ауылынан Түркістан қаласына саяхаттауға шыққан, оқушылар мінген микроавтобустан өрт шыққаны белгілі. Аймақ басшысы сақтық шараларының маңыздылығын назарға салып, жазғы демалыс кезінде жол қауіпсіздігін жіті қадағалауды міндеттеді.Жиында тұрақты рейдтерді күшейту, бұқаралық ақпарат құралдары мен әлеуметтік желілерде құқықбұзушылық, буллинг, лудоманияның зияны, тағы да басқа тақырыптарды ақпараттандыру, кәмелет жасына толмағандар арасындағы профилактикалық жұмыстар бойынша тапсырмалар берілді.<img src="https://knadmin.beoblood.kz/uploads/445185607_750557497265497_8459985233474251365_n_315a9910dc.jpg" alt="445185607_750557497265497_8459985233474251365_n.jpg">

Ұрпақ тәрбиесіне қоғам болып жұмылу керек

<a href="https://kyzylorda-news.kz/">Kyzylorda-news.kz</a> Жаңғыру мен жаңаруға бет алған қоғамда мемлекеттік қызметке деген сұраныс талабы жыл сайын күшейіп келеді. Бұл ретте Президент бастамасымен кәсіби мемлекеттік аппарат құру және мемлекеттік қызмет аясын кеңейту жұмыстары өз деңгейінде жүргізіліп, тиімділігін таныта бастады. Әсіресе, әрбір қызметті оңтайлы әрі қолжетімді ету бағытында мемлекеттік қызметшілер табанды еңбек етуде.Мемлекет тарапынан көрсетілетін қызметтер уақыт ағымына сай трансформация кезенін өткеріп келеді. Себебі сан алуан қызметтер қоғам өмірінің ажырамас бөлігіне айналды. Мәселен, туу туралы куәлікті алудан бастап азаматтың қайтыс болғандығы туралы анықтаманы қамту мемлекетпен көрсетілетін қызметті ауқымды екенін айғақтай түседі.&nbsp; Қазақстан Республикасының Мемлекеттік көрсетілетін қызметтер туралы Заңына сәйкес кез келген тұлға мемлекеттік көрсетілетін қызметті алуға және қызметті берушінің шешімдеріне, әрекеттеріне (әрекетсіздігіне) белгіленген тәртіппен шағымдануға құқығы бар.Бұл ретте департамент тарапынан азаматтардың құқықтары мен заңды мүдделерінің қорғалуына ерекше басымдық беріледі. Қазақстан Республикасының Мемлекеттік қызмет істері агенттігінің Қызылорда облысы бойынша департаменті облыс көлемінде мемлекеттік қызметтер көрсету сапасын бағалау және бақылау жөніндегі уәкілетті орган болып саналғандықтан халыққа сапалы қолайлы жағдай жасау, қызмет көрсету процесстерін жетілдіру және қызмет алушылардың бұзылған құқықтарын қалпына келтіру бойынша жұмыстарды жүйелі түрде атқарып келеді.&nbsp;Биылдепартаментке мемлекеттік қызмет көрсету мәселелері бойынша азаматтардың 30-ға жуық арыз-шағымы келіп түсті. Шағымдардың 90%-ыжер қатынастары және әлеуметтік қамсыздандыру салаларында көрсетілетін мемлекеттік қызметтергеқатыстыөрбіді.&nbsp;Арыздар қорытындысы бойынша 3 азаматтың шағымында көрсетілген дәлелдер расталып, құқықтары қайта қалпына келтірілді.Мәселен, сәуір айында Қызылорда қаласының тұрғыны департаментке жер учаскесінің жалдау мерзімін ұзарту бойынша мемлекеттік қызмет көрсетуден бас тарту фактісіне қатысты шағымтүсірген.Аталған іс бойынша департамент тарапынан Қызылорда қаласы әкімі аппаратына, Қызылорда қаласының ауыл шаруашылығы және жер қатынастары бөліміне тексеру жұмыстары жүргізіліп, тексеру нәтижесінде Қызылорда қаласы әкімі аппаратымен қызмет алушыға мемлекеттік қызмет көрсетуден негізсіз бас &nbsp;тартылғаны анықталды. Тексеру нәтижесімендепартамент тарапынан енгізілген ұсыным негізінде бұзушылықтарға жол бергені үшін Қызылорда қаласы әкімі аппаратының жауапты маманына тәртіптік жауапкершілік қаралып, қала тұрғыныныңөтініші қанаттағандырылып, бұзылған құқықтары қалпына келтірілді.Өз кезегінде, шағымданушыға ғимарат құрылысы және оған қызмет көрсету үшін жер учаскесіне уақытша өтеулі жер пайдалану (жалдау) құқығы жаңа мерзімге табысталды.&nbsp; Атап өту керек, мемлекеттік қызметтерді сапалы әрі мерзімінде көрсету нәтижесі қызмет алушылардың құқықтары мен заңды мүдделерінің сақталуы – мемлекеттік аппараттың тиімділігін бағалаудың негізгі шарты.Қоғаммен ашық қарым-қатынас орнату және шағымдарды дереу анықтау мақсатында биыл барлық өңірлерде мемлекеттік қызметтерді алу саласындағы мәселелерді жедел шешуге және қызмет алушылардың құқытары мен заңды мүдделерінің бұзылуына жол бермеу үшін QR-кодтары көрсетілгенTelegram арнасы іске қосылды.&nbsp; Жаңа арна арқылы азаматтар қандай да бір қызметті алу кезінде туындаған проблемалары бойынша шағымдарын ашық жолдай алады. &nbsp;Осылайша, қызмет алушылардың құқықтарын қорғау аясында Департамент мемлекеттік көрсетілетін қызметтердің сапасын тиісті бақылауға жол ашады.&nbsp;Біз әрдайым мемлекет мүддесіне сай мемлекеттік қызметтерді көрсету барысындағы жеке және заңды тұлғалардың құқықтарының сақталуына ерекше басымдық береміз. Алдағы уақытта да бұл мәселелер департаменттің жіті бақылауында болады.Нұржан Сүлейменов,&nbsp;ҚР Мемлекеттік қызмет істері агенттігінің Қызылорда облысы бойынша департаментінің мемлекеттік қызметтер көрсету басқармасының басшысыФото pixabay.com

Халыққа сапалы әрі оңтайлы қызмет көрсету – департамент қызметінің басым бағыты 

<a href="https://kyzylorda-news.kz/">Kyzylorda-news.kz</a> «Өрлеу» Қызылорда облыстық&nbsp;филиалында өткізілетін біліктілікті арттыру курстары аясындағы көшпелі тәжірибелік сабақтар білім беру жүйесін дамытуға, білім алушыларға сапалы білім беру әдістерін оқу үдерісіне кеңінен енгізуге, педагогтердің кәсіби құзыреттілігін арттыруға ықпал етеді.Қызылорда қаласындағы&nbsp;оқушылар мен жасөспірімдер үйінде «Білім беру ұйымдарындағы аға тәлімгерлердің кәсіби құзыреттілігін дамыту» тақырыбындағы курс тыңдаушылары үшін көшпелі тәжірибелік сабақ өткізілді.Тәжірибе алмасу кезінде №176 орта мектептің аға тәлімгері Қалдыгүл Қалыбаева және&nbsp;оқушылар мен жасөспірімдер үйінің мәдени көпшілік меңгерушісі Гүлжібек Қапанова «Тәрбиенің қоғамдық маңызды бағыттары бойынша оқушылардың ұжымдық шығармашылық қызметін ұйымдастырудың заманауи әдістері мен тәсілдері» тақырыбында тәжірибелерімен бөлісті.Аға тәлімгерлерге арналған көшпелі тәжірибелік сабақ соңында «Жас Ұлан» ұйымының қызметін сүйемелдеу, дамыту, аға тәлімгерлердің кәсіби құзыреттілігін қалыптастыру бағытында тиімді кері байланыс жасалып, ұсыныстар мен пікірлер айтылды.Аталған мекеме және&nbsp;оқушылар мен жасөспірімдер үйінің бірлескен сындарлы жұмыстары алдағы уақытта жалғасын&nbsp;табатын болады.

Аға тәлімгерлерге арналған көшпелі тәжірибелік сабақ өткізілді

<a href="https://kyzylorda-news.kz/">Kyzylorda-news.kz</a> Қызылорда облысының санитариялық-эпидемиологиялық бақылау департаментінің аумақтық басқармалар бақылауында &nbsp;қала сыртындағы 8лагерь жұмыс істейді. Қызылорда облысының білім басқармасының мәліметіне сәйкес биыл облыс аумағында орналасқан 8 лагерьде 7 ауысымда 7035 бала демалыспен қамтылады деп күтілуде. &nbsp;Одан бөлек, 290 мектеп жанынан тамақпен және тамақсыз күндізгі тынығу лагерьлерінің жұмысы ұйымдастырылады. Онда &nbsp;98 мыңға жуық оқушы қамтылады деп күтілуде, сонымен қатар 5646 баланы облыстан тыс орналасқан лагерьлерде демалдыру &nbsp;жоспарлануда.Барлық балаларды сауықтыру ұйымдары ҚР ДСМ 2022 жылғы 10 тамыздағы «Балаларды сауықтыру және санаторий объектілеріне қойылатын санитариялық-эпидемиологиялық талаптар» санитариялық қағидалары талаптарына сәйкес келуі тиіс. Сауықтыру ұйымдары үшін осы талаптарды сақтау міндетті болып табылады.<blockquote>– Қызылорда облысының санитариялық-эпидемиологиялық бақылау қызметі жазғы сауықтыру маусымы қарсаңында қала сыртындағы балалар лагерьлерінде санитариялық-эпидемиологиялық салауаттылықты қамтамасыз етуге бағытталған іс-шаралар кешенін өткізуде. Әрбір лагерьге бекітілген эпидемиологиялық жағдайларға дайындық деңгейін арттыру мақсатында санитариялық-эпидемиологиялық қызмет мамандары сауықтыру лагерьлерінің қызметкерлері үшін 23 оқыту семинарларын өткізді, лагерьлердеде санитариялық қағидалардың талаптары бойынша консультациялар мен түсіндірмелер, әдістемелік көмектер ұйымдастырылды, – дейді санитариялық-эпидемиологиялық бақылау департаментінің басшысы Д.Жаңабергенова.</blockquote>Балалар мен олардың ата-аналарына жеке гигиена және жұқпалы аурулардың алдын алу мәселелері бойынша ақпараттық компаниялар ұйымдастырылды.Әлеуметтік желілерде таратылатын, сондай-ақ, лагерьлерде таратылатын жадынамалар мен ұсыныстар әзірленді.Облыс көлемінде орналасқан жазғы сауықтыру лагерлеріндегі су айдандары мен жабық бассейндерден 24 су сынамасы және топырақтың 18 сынама іріктеліп алынды, зертханалық зерттеулер нәтижелері бойынша сынамалар гигиеналық нормативтерге сәйкес келеді.Маусым бойы су айдындары мен бассендердің жай-күйіне тұрақты мониторинг жүргізілетін болады. Балалардың жазғы лагерьде қауіпсіз болуының негізгі талаптары лагерь аумағы қоршалуы, ауыз суды үздіксіз беру, ыстық сумен жабдықтау, кәріз, жарықтандыру, желдету ұйымдастырылуы тиіс.Барлық үй-жайлар таза болуы тиіс, рұқсат етілген жуу және дезинфекциялау құралдарын қолдана отырып, күнделікті тазалық жұмыстары жүргізілуі тиіс. Сауықтыру лагерлерінде күніне бес рет тамақтану көзделеді және медициналық қызмет көрсетіледі. &nbsp;&nbsp;Фото: Денсаулық сақтау министрлігі

Балаларды сауықтыру орындарының қауіпсіздігі бақылауда

Жақында «Қорқыт Ата» әуежайының жаңа терминалы ел игілігіне пайдалануға беріледі. Жаңа нысан “Болат Өтемұратов қорының” қолдауымен салынуда. Жалпы ауданы 7 500 шаршы метрді құрайтын екі қабатты ғимарат сағатына 250-ге жуық жолаушыға қызмет көрсетеді деп жоспарланып отыр. Бүгін Өңірлік коммуникациялар қызметінің баспасөз алаңында жаңа әуе рейстерінің ашылуы және жолаушылар тасымалы сөз болды.<blockquote>– &nbsp;Соңғы уақытта облыста жолаушылар тасымалы жанданып келеді. Халықаралық рейстерде жақын арада ашылмақ. Атап айтқанда, маусым айынан бастап «Fly Arystan» әуе компаниясымен Ақтау қаласына аптасына 2 рет тұрақты рейс және Анталья қаласына тікелей чартерлік рейс ашу жоспарланып отыр. Бұдан бөлек, «AirAstana», «Fly Arystan» және «Qazaq Air» әуе компанияларымен Астанаға 11, Алматыға 11 рейс жүреді. Сонымен қатар, Қазақстан мен Ресей әуе қатынасының әлеуметтік маңыздылығын ескере отырып, “Мәскеу-Қызылорда-Мәскеу” бағыты бойынша әуе қатынасын қайта ашу туралы ұсыныс хат жолданды. Қазіргі сәтте аталған мәселелер бойынша тиісті жұмыстар жасалуда. Одан бөлек, жалпы облыста 212 елді мекенді аудан және облыс орталығымен байланыстыратын 205 автобус маршруты ұйымдастырылған. Оның 7-і қалааралық бағытта болса, 101-і аудандық, ал 33-і қалаішілік және қаламаңы бағыты. Сондай-ақ, Ташкент қаласына халықаралық 1 маршрут және Астана, Алматы, Шымкент, Жезқазған, Түркістан, Сарыағаш, Ақтөбе және тағы басқа қалаларға барлығы 13 автобус ұйымдастырылған. Осы жылдың қаңтар-сәуір айлары бойынша 11,1 млн жолаушы тасымалданып, өткен жылдың осы кезеңімен салыстырғанда 84,5 пайызға жоғарылады, - деді облыстық жолаушылар көлігі және автомобиль жолдары басқармасы басшысының орынбасары Руслан Ибрагим.</blockquote>&nbsp;Жаңа әуежай халықаралық талаптарға сай болады.&nbsp;<blockquote>– Онда халықаралық, ішкі рейстер және транзиттік жолаушыларға қызмет көрсетуге арналған бірнеше зал бар. Сондай-ақ, жолаушыларға ыңғайлы болу үшін телескопиялық трап, 2 эскалатор мен 2 лифт, автоматты түрде жүк тапсыру жүйесі, сауда орындары, медициналық көмек көрсету пункті, дәмхана, жүк сақтау және ана мен бала бөлмелері қамтылған. Айта кету керек, Қорқыт Ата әуежайы кейінгі 4 айда жолаушыларға қызмет көрсету бойынша жақсы нәтижелерге қол жеткізді. Мәселен, өткен жылдың 4 айында 82 673-тен астам жолаушыға қызмет көрсетілсе, жыл басынан бері 106 779 жолаушыға қызмет көрсетті. Осы уақыт аралығында рейстердің саны да өткен жылмен салыстырғанда 42,3 пайызға көбейген, - деді “Қорқыт ата” әуежайының Басқарма төрағасы Баян Ажмолдаев.</blockquote>Фото: Қызылорда облысы Өңірлік коммуникациялар қызметі

Облыста жолаушылар тасымалы жанданып келеді

<a href="https://kyzylorda-news.kz/">Kyzylorda-news.kz.</a> &nbsp;Бүгін партияның облыстық филиалы Атқарушы хатшысының орынбасары Алтынбек Жарылқасынов партияның облыстық және қалалықфилиалы жанындағы партиялық бақылау комиссия мүшелерімен бірге қаланың сол жағалауындағы Сайлауалды бағдарлама аясында салынып жатқан «Қан орталығы» құрылысына мониторинг жүргізді.Мемлекет басшысы «Ұлт саулығы – Әділетті Қазақстанды құру жолындағы мемлекеттік саясаттың аса маңызды бағыты» деп айрықша атап өткен болатын. Елдің саулығы, сапалы медициналық қызметке қол жетімділікті арттыру Мемлекет басшысының саяси тірегі саналатын «AMANAT» партиясының Сайлауалды бағдарламасында да кеңінен көрініс тауып отыр. Осы мақсатта партия ауқымды жобаларды жүзеге асырып келеді.Мәселен партияның Сайлауалды бағдарламасы аясында өңірде 16 жаңа дәрігерлік амбулатория, 1 медициналық бекет ел игілігіне табысталса, жыл соңына дейін «Қан орталығы» іске қосылатын болады. Орталық ашылғаннан кейін облыста қан мен оның компоненттерін донациялау көрсеткіші 500-ден 10 мыңға дейін артпақ. Бүгінгі күні орталық құрылысы жұмыстары 80 пайыздан жоғары аяқталған. Мердігерлер қаржысы уақытылы, құрылыс жұмыстары еш кедергісіз жүріп жатқандығын жеткізді.Мониторингтік топ, халық игілігіне бағытталған әлеуметтік нысанның сапасы мен мерзімінде аяқталуы маңызды екенін атап өтті. Құрылыс жұмыстары толық аяқталғанша нысан партия бақылауында болады.

Қан орталығының құрылысы партия бақылауында

<a href="https://kyzylorda-news.kz/">Kyzylorda-news.kz.</a> &nbsp; Дөңгелек үстелге Сырдария аудандық сотының төрағасы Р.Алдарбергенов, судья Д.Ералиев, әкімші басшысы Н.Әбдікәрім,&nbsp;әкімші басшысы Н.Е.Әбдікәрім, Сырдария ауданы прокурорының көмешісі&nbsp;Н.Нұрғалиев, Сырдария АПб-і басшысының тергеу жөніндегі орынбасары Н.Беркінбаев, жергілікті полиция бөлімшесінің басшысы Қ.Көшекбаев, адвокаттар Ғ.Сақтағанов пен Қ.Жаппасбаева қатысты.Сырдария аудандық сотының төрағасы Р.Алдарбергенов дөңгелек үстелді ашып, қатысушыларды күн тәртібімен таныстырып, көтеріліп отырған тақырыптың өзектілігін атап өтіп,&nbsp;Президент 2022 жылғы 16 наурыздағы және 2023 жылғы 1 қыркүйектегі Қазақстан халқына арнаған Жолдауларында әйелдер мен балаларға қатысты зорлық-зомбылық үшін жазаны қатаңдатуды тапсырғанын,&nbsp;осыған орай 2024 жылғы 15 сәуірдегі № 72-VIII ҚРЗ Қазақстан Республикасының Заңына сәйкес, ӘҚБтК-нің 73-1 және 73-2-баптары Қылмыстық Кодекске 108-1 және 109-1-баптары болып енгізілген себебі, денсаулыққа қасақана жеңіл зиян келтіру мен ұрып-соғу істері жыл сайын артып отырғанын, аталған заңдар 2024 жылдың 15 маусым айында заңды күшіне енетіндіктен осы санаттағы істердің түсуін қатаң бақылауға алып, қылмыстық жауаптылыққа тартылатын істердің әкімшілік құқық бұзушылық іс болып қаралып және толтырылмауына жауапкершілікпен қарау қажет екенін айтты.Дөңгелек үстелдің соңында қатысушылар өзара пікір алмасты.

Сырдария  аудандық сотында дөңгелек үстел өтті

<a href="https://kyzylorda-news.kz/">Kyzylorda-news.kz</a> Аралды қала деп мақтанамыз. Олай деуге толық негіз жоқ емес. Себебі құжат жүзінде облыста Қызылорда қаласынан кейінгі қала статусына ие қала осы – Арал. Басқа аудан орталықтары кент ретінде тіркелген. Мұндай атау осыдан 95 жыл бұрын берілген. Бұл туралы Арал балық комбинатының ІV кворында сол кездегі аудандық атқару комитетінің төрағасы Т.Медетбавтың шығарған бұйрығы бар. Сол тұстағы барлық мекемелерге бұйрық таратылып, құжат жүзінде 1 қазаннан бастап Арал қаласы пайда болған. Кейіннен 1927 жылы Қазалы уезі таратылған соң 1928 жылдан бастап Арал ауданы құрылды.Қазіргі таңда осы Арал қаласы бойынша 226 көше, 120-дан астам кәсіпкерлік нысан, 7500-дей шаруа қожалық бар. Арал қаласы негізінен ірілі-ұсақты 4 балық өңдеу зауыты және қосымша мал шаруашылығымен айналысатын тұрғыны бар қала. Халқының саны 35 мыңдай. Қаланың қақ ортасынан темір жол желісі өтсе, шығыс беткейін жанамалай "Батыс Еуропа- Батыс Қытай" транзиттік көлік дәлізі өтіп жатыр. Ауданның жүрегіне айналған қала бойынша күніге әр бағытта кіріп-шығып жатқан көліктер мен тұрғындарда есеп жоқ. Қайнаған қызу тірліктің ошағына айналған Арал тарихы жағынан да көптеген шетелдік туристердің қызығушылығын оятқан тарихи қала деуге болады. «Сырт көз сыншы» демекші, күніге келетін сан-мың қонақтың назарымен «Арал – көрікті қала» деген жақсы сөздің жиі айтылғаны жөн емес пе?! Сол себептен де қала күні бүгінге дейін мейлінше ажарланып, айдынды өңірдегі айшықты қала деген абыройлы атқа ие болып келеді.Аралдың түні де ақ самала шамдармен жарқырай түсіп, көлік қозғалысы көп көшелері де тақтайдай тегіс жолдарға айналған. Қазіргі таңда қала бойынша 226 көше бар десек, соның 41 пайыздайы асфальтталған. Яғни, жетпістің үстіндегі көшелерге толығымен тас жол төселіп, олардың жалпы ұзындығы 53,47 шақырымды құрап отыр. Бұдан бөлек, қала бойынша 9 көшеге қиыршық тас төселген. Ал қалған 147 көше қара жол күйінде. Әрине асфальт төсеу оңай шаруа емес. Қыруар қаржыны қажет ететіндіктен, мұндай іске көп жағдайда ауданның мүмкіндігі келмей жатады. Оған қаржы облыстан немесе республикалық бюджет есебінен бөлінетін болғандықтан, уақыт жағынан ұтылып жататынымыз да жасырын емес. Десе де аудан жол салу ісінде басқалардан кем емес. Барлығын бірдей атқарылмағанмен, жыл сайын қалаішілік бірлі-жарым көшелерді асфальттап, жарықтандыру ісін де қолға алып келеді. Мәселен жылына 10-15 көше асфальтталып, қала көшелеріне ерекше сән беруде. Мұндай жаңаруды көзімен көрген қала қонақтары да, «Аралдың жолдары жақсы» деген көңіл қуантарлық пікір қалдыруда. Мұндай жақсы лебізді осы кезге дейін ұзын-саны 10 шақты тұрғыннан естіген шығармыз. 2010 жылдарға дейін қалаішілік көшелердің жолына сын-пікірлер көп айтылған болса, соңғы 10 жылдың айналасында салынған тас жолдардың сапасы да жақсарған. Демек, бұл істе туған жеріне жанашыр азаматтардың жұмысты тікелей бақылауға алғанын анық байқауға болады. Талап күшейген соң, сапа да сын көтереді емес пе?! Демек, бұл жұмыста шикілік жоқ десе де болатын шығар.Қалаішілік көшелерді жарықтандыру жұмысы жайында да ауыз толтырып айтарлық нәтиже бар. Бұрын осы қаланың орталық көшелерінің өзінде ағаш бақан басынада сығырайған дүниелерді ара-тұра көзіміз шалатын. Не бардың емес, не жоқтың емес санатындағы мұндай сүреңсіз көріністер сонау көне дәуірдің көзіндей болып айналаға сүреңсіз кейіп беретін. Бүгінде мұндай сүйкейсалды шала істердің соңы осыдан 7-8 жыл бұрын тоқтаған шығар. Ауданға М.Жайымбетов әкім болып келген жылдары биік мұнара іспетті бағаналар қала көшелерінде пайда бола бастағаны әлі есімізде. Ал оның іске қосылғанын көрген жұрт, Аралдың түнгі көрінісіне қарап таңданыстарын жасырмады. Міне сол кездерде қарқын ала бастаған қалашілік көшелерді жарықтандыру мәселесі жыл сайын жалғасын тауып, күні бүгінге дейін қолға алынып келеді. Қазірдің өзінде қала бойынша жоғарыда атап өткен 226 көшенің 32 пайыздайы соңғы үлгідегі жарық бағаналарымен жарықтандырылған. Жақын күндері қаладағы Қаюпов және Үмбет би көшелерінің жарықтандырылғанына аралдықтар куә. Енді осы жылдың соңына дейін тағы 5 көшені жарықтандыру мәселесі күн тәртібінде тұр. Олардың қатарында Тәңірбергенов, Балапанов, Әубәкіров, Тұрымбетов сынды көшелер бар. Сонымен қатар Арал қаласына кіреберіс маңызды жолдың бойы да биылғы жылдан қалмай жарықтандырылмақ. Осылайша Аралдың айшықты келбеті жыл санап түрлене түсуде. Мұның барлығы елге жанашыр азаматтардың бір жағадан бас шығарып, бір жеңнен қол шығарып бірлесе атқарып жатқан жұмыстарының нәтижесі.Иә «көше – қаланың көркі, көкорай – даланың көркі» деген сөз тауып айтылған. Біз бұл мақалаға арқау еткен Арал қаласының өзі сол көшелерден құралатынын ескерсек, ондағы жолдың, жарықтың болғаны қандай жақсы. Ал сол көшелердің тыныштығы өз алдына бөлек тақырып. Қаланың өзіне жарасар тіршілігі мен өмір ырғағын қалыпты сақтауда аянбай атсалысып келе жатқан көше комитеті төрағаларының да Аралдың көркі мен қазіргі жайына байланысты айтар пікірі де бір басқа.– Қаладағы Базарный атанып кеткен қазіргі Көшербай Дәрібаев көшесі қазіргі таңда қаладағы сәні келіскен көшелердің қатарында десем қателеспеймін.&nbsp;Қазіргі уақытта көшемізде тас жол да, жарық та бар. Сол жолдың екі бетінен жаяу жүргіншілер жолы да салынуда. Көшеміз үлгілі көшелер санатында деп айта аламын. Олай дейтінім, мен осы көшеде бұрыннан тұрып келемін. Көше комитеті төрағасы болғаныма да 25 жылдай уақыт болды. Ұмытпасам, 2008 жылдары біздің көше «Үлгілі көше» аталымын жеңіп алды. Мұның барлығы көшеміздің тазалығы мен тыныштығына қатысты. Сонымен қатар бұл көшеде бұрынғы балық шаруашылығы министрі, мемлекет және қоғам қайраткері Қ.Саржанов, аудандық мәслихаттың бірнеше мәрте депутаты болған, ауданға белгілі азамат А.Асанбаевтар тұрады. Сондай-ақ көшенің жай-күйіне алаңдайтын бірнеше кәсіпкер азаматтарымыз бар. Жалпы, бұл көшені мен қаладағы үлгілі көше деп айтар едім, – дейді қаладағы К.Дәрібев көшесінің тұрғыны Ө.Мектепбаев.Мұндай көшелерді Аралда көптеп кездестіруге болады. Тұрғынымен пікірлесе қалсаң, туған жері Арал жайында ағынан жарылуға пейіл. Мұның барлығы айдынды Аралдың кешегісі мен бүгінгісін қоса алғандағы жетістіктердің жарқын жемісі әрі айқын көрінісі деп бағалаған жөн шығар. Қайткенмен, кім туған жерін өкпеге қисын?! Біз қалай айтсақ та қаланың әрбір жетістігі ауқымды мақалаға жүк боларлық. Біз бүгін соның бір парасын ғана басылым бетіне түсірдік. Анығында Аралдың жайнап, жасаруына осындағы барлық перзент тілекші. Оны іштей сезінеміз.

Қазақстан және Қызылорда облысының жаңалықтары