<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен «Тәртіптің тетігі – тәрбие» тақырыбында білім беру саласындағы өзекті мәселелер бойынша кеңейтілген мәжіліс өтті. Оған аудан прокуроры, аудандық полиция бөлімі бастығының міндетін атқарушы, құқық қорғау органдары мен білім қызметкерлері, аудандық мәслихат депутаттары, ардагерлер және қоғамдық кеңес төрағалары мен әйелдер кеңесінің төрайымдары, дербес бөлім басшылары, кент , ауылдық округ әкімдері, ата-аналар комитетінің өкілдері, мектеп директорлары мен тәрбие ісі жөніндегі орынбасарлары қатысты.&nbsp;Мәжілісте аудан басшысы балаларға саналы тәрбие беру, жасөспірімдер арасындағы құқық бұзушылықтарды болдырмау мәселелері бүгінгі таңда өзекті екенін атап өтті.<blockquote>– Қай қоғамда болмасын ұрпақ тәрбиесі – өте өзекті. Мемлекет басшысы Қасым-Жомарт Кемелұлы Тоқаев «Ұрпақ тәрбиесіне ықпал ететін шараларға баса мән беруіміз керек. Бұл салада кемшіліктер көп екені жасырын емес. Мектептегі тәрбие жұмысы ақсап тұр. Соңғы кезде оқушылардың бір-біріне қысым, зорлық-зомбылық, әлімжеттік көрсетуі жиі болып кетті. Кейде балалардың қатыгездігі жан түршіктіреді» деген болатын. Осыған байланысты күні кеше ғана «Өнер» орталығында облыс әкімі Нұрлыбек Машбекұлы Нәлібаевтың төрағалығымен кеңейтілген мәжіліс өткізіліп, жасөспірімдер арасындағы құқық бұзушылықтарды болдырмау мәселелері жан-жақты талқыланды. Мәжілісте аймақ басшысы сапалы білім және саналы тәрбие беруге қатысты нақты тапсырмалар берді.Қазақта «Ұяда не көрсең, ұшқанда соны ілерсің» деген нақыл сөз бар. Біз соңғы уақытта бала тәрбиесіне негізгі жауапты – ата-ана екенін ұмытып кеттік. Дегенмен, баланы ортаға бейімдеу, тәлім-тәрбие беруде мектептің рөлі үлкен. Сондықтан «Мектеп – Бала – Ата-ана» үштігі үйлесімді жұмыс жасауы керек, – деді Берік Әбдіғаппарұлы.</blockquote>Кеңейтілген мәжілісте аудан прокуроры Асқар Кемалов, аудандық полиция бөлімі бастығының міндетін атқарушы Әділхан Қанзадаев, аудандық білім бөлімі басшысының міндетін атқарушы Жанар Бегайдарова балалар мен жасөспірімдер арасындағы қылмыс пен құқық бұзушылықтар, олардың алдын алу бағытындағы профилактикалық шаралар туралы хабарлама жасады.Жалпы, жыл басынан бері кәмелетке толмағандар мен жастар арасында құқық бұзушылықтың алдын алу бағытындағы профилактикалық іс шаралар нәтижесінде 46 құқық бұзушылық анықталған. 46 жасөспірімге әкімшілік хаттама толтырылса, оның ішінде, түнгі уақытта заңды өкілсіз ойын-сауық және тұрғын жайдан тыс жерде жүрген 40 жасөспірімнің ата-анасы әкімшілік жауапкершілікке тартылған.Аудан басшысы білім сапасын арттыру, әрбір бала үшін жайлы және қауіпсіз орта қалыптастыру бағытындағы жұмыстарды жүйелі атқаруға шақырды. Сондай-ақ, аймақ басшысының тапсырмасына сәйкес, ауыл әкімі, учаскелік полиция инспекторлары, мектеп директорлары жергілікті жерде тұруы міндетті екенін атап көрсетті. Осы тұста, аудандық полиция бөлімі бастығының міндетін атқарушыға учаскелік полиция инспекторларының толық құрамда болуын және елді мекендерде тұруын қамтамасыз етуді тапсырды.Бұдан бөлек, өскелең ұрпақ пен жастарға зиялы қауым өкілдерін тарта отырып, түсіндірме жұмыстарын жүргізуді, «Аналар кеңесі», «Әкелер мектебі» мен ата-аналар комитетінің жұмысын жандандырып, бала тәрбиесіне тек ата-ана, мұғалім ғана емес, қоғам болып атсалысу керектігін тілге тиек етті. Мәжіліс барысында елді мекендердегі «Адал адам» орталықтары жұмысын ұтымды пайдаланып, балалардың жазғы демалысын ұйымдастыру, бос уақыттарын тиімді пайдалану, мектеп бітіру уақыттарында және суға шомылу маусымында қауіпсіздікке аса мән беру талқыланды.Өз кезегінде мәжіліске қатысушылар ұсыныс-пікірлерін жеткізді. Кеңейтілген жиын қорытындысында нақты тапсырмалар жүктелді.

Сырдарияда білім беру саласындағы өзекті мәселелер бойынша кеңейтілген мәжіліс өтті

<a href="https://kyzylorda-news.kz/">Kyzylorda-news.kz</a>Тәуелсіз мемлекетіміз жыл санап көптеген жетістікке жетіп, қарқынды даму үстінде. Соның арқасында халықтың әл-ауқаты едәуір жақсарған. Мемлекет тіршілік етемін деген жанға мол мүмкіндік беруде. Жаңа дәуірге қадам басқан ел тұрғындары қолдан келген кәсібінің игілігін көруде. Осыған орай, аудан көлемінде де өз ісін ашып, кәсібінің нәсібін көргендер саны артуда. Тақырыбымызға тұздық болғалы отырған шағын кәсіпкерлік нысанның бірі – Ақай ауылдық округіндегі тігін цехы.Қолына ине-жіп алып, іс тігетін қазақ әйелі аз емес. Қастерлі өнердің әйел затының бойында болуы да сұлулық пен әдемілік әлеміне бастайды. Бала жастан қолөнерге қызығып, қызығушылықты кәсіпке айналдырған Айгүл Медетова – бүгінде жеке кәсіпкер. Оның тігін цехы 2018 жылдан бері жұмыс істеуде. Кәсіпке деген алғашқы қадамын «Бастау Бизнес» бағдарламасы арқылы бастаған. Бүгінге дейін мемлекеттен екі рет қаржылай қолдау алып, кәсібін дөңгелетуде. Оның ісмерлігі, өзінің айтуы бойынша әжесі мен анасынан дарыған. Олар киіз басудың шебері болыпты. Еңбегінің берекесін тігіншілік өнерден тапқан Айгүл ісмерлігінің арқасында көптің алғысын алуда.Айгүлдің әдемі әлемі нәзіктік пен ерекше сұлулыққа толы. Оның қолынан шыққан көрпеше, жастық, көрпелері өзгеше оюларымен көз тартады. Ал қазақы қамзол мен кішкентайларға арналған тұсаукесер жиынтығы қызықпасыңа қоймайды. Бөлме іші тиісті құрал-жабдықтармен қамтылған. Сондай-ақ, дайын бұйымдар мен киімдер әдемі жинақталып, реттелген. Бұдан тігіншінің ұқыптылығы мен тиянақтылығы айқын аңғарылды. Өз ісінің маманы бір тігіншіні жұмыспен қамтып отыр.Тапсырыс берушінің қандай болса да тапсырысын қабылдап, көңілінен шығардай етіп уақытылы дайындауға тырысамыз. Егер ол тұтынушы көңілінен шықса, еңбегіміздің ақталғаны деп біз де қуанамыз. Өз қолыңнан шыққан әрбір бұйым қастерлі, ыстық болады екен. Өйткені ол бар ынтамыз бен шынайы сүйіспеншілігімізден жасалады, – дейді кәсіп иесі. Расында да, өз жұмысыңды махаббатпен жасамасаң, нәтижесі көңіл көншітпейді емес пе? Ал біздің кейіпкер өнерін өмірімен өрбіте отырып, бар күш-жігерін салуда.Сондай-ақ, шеберханада қолөнермен қатар, шалбардың балағын қысқарту, киімді тарылту, тапсырыспен киім тігу секілді қосымша қызметтер де көрсетіледі. Соңғы уақытта қыз жасауын ерекше үлгіде берушілер қатары көбеюде. Осы тұрғыда тігіншілерге артылар жауапкершілік те мол. Сол себепті олар әрдайым ізденіс үстінде жүретінін де жасырмады.<blockquote>– Қазіргі дамыған заманда үйренем деушілерге мүмкіндік көп. Ғаламтор мен жүрген жерімізде ерекше үлгілер мен ою-өрнектерге көз қырын салып жүреміз. Өйткені халық жаңашыл үлгідегі ерекше дүниелерді ұнатады. Ал тұтынушы көңілінен шығу – біздің басты мақсатымыз, – дейді ісмер.</blockquote>Тігін цехының жұмысына ақайлықтар дән риза. Ол тапсырыс берушілер қатары да көбейе түскенін тілге тиек етті. Нәпақасын адал еңбекпен табуды мақсат еткен кейіпкеріміз мемлекеттен қолдау алып, кәсіпкерлік жолын таңдауына сеп болған кәсіпкерлік палата мен бөлім жұмысына да алғысын жеткізді.<blockquote>– Кәсіп ашуға мүмкіндік көп. Тек ниетің мен мақсатың айқын болса. Шағын және орта бизнесті дамытуда елде бірқатар бағдарлама мен жоба жүзеге асырылуда. Жеке кәсіп иесі болғанның тиімді тұстары көп. Өзім үш ұлдың анасымын. Ұлдарыма да жеке кәсіптің қолайлылығын айтып отырамын. Былтырғы жылы кіші ұлым «Жас кәсіпкер» бағдарламасы бойынша грантқа ие болды. Енді осы мекенде жүн түту цехын ашпақ ниетте. Баламның бұл бастамасын қолдаймын және жас буынға демеу болып, дамуына үлес қосқан мемлекетке алғысым шексіз. Ал өзім алдағы уақытта цех ауқымын кеңейтіп, үлкен көлемде ашқым келеді. Әрине, бұл уақыттың еншісінде, – дейді А.Медетова.</blockquote>Тігіншіліктің тілін түсінген шебердің бұл бастамасы қолдауға тұрарлық. «Қолыңнан келсе, қонышынан бас» демекші, икемі бар істі игеріп әкету де көпке үлгі, әрі өнеге. Сүйікті ісіңізді кәсіп көзіне айналдырып, табысты болу өз қолыңызда.Ардақ СӘКЕНҚЫЗЫ

 Қармақшы: Тігіннің тілін шебер түсінеді

<a href="https://kyzylorda-news.kz/">Kyzylorda-news.kz</a> Қызылорда қаласында қан айналым жүйесі аурулары бойынша ұйымдастырушылық-әдiстемелiк және консультациялық-диагностикалық көмек көрсету мақсатында «Кардиология және iшкi аурулар ғылыми-зерттеу институты» акционерлік қоғамының жетекші мамандарының, яғни кардиолог, кардиохирург, функционалдық диагностика дәрігері, интервенциялық кардиолог, ревматолог, нефролог дәрігерлерiнiң қатысуымен медицина ұйымдарына мониторинг жұмыстары жүргізілдi.Сонымен қатар, мамандар қалалық орталық емханада, Сырдария аудандық ауруханасында тұрғындарға медициналық кеңес берілдi.Тұрғындар қабылдауында ревматолог дәрігер 48 пациенттi қабылдаса, нефролог 41, кардиолог маман 60 науқасқа кеңес берiп, оның ішінде ревматология, нефрология, кардиологиялық емдi қажет ететін 31 науқасқа стационарлық ем қабылдауға жолдама бердi.Сондай-ақ, функционолист маман 57 УДЗ тексеруiн жүргізсе, энтервенциялық кардиолог маманы 3 науқасқа күрделі ота жасап, өңiр дәрігерлеріне семинар сабағын өткізді.Сапар соңында аймақтың бас дәрігері Ысқақов Олжас Ермекұлы тәжірибелiк кеңестерiмен бөлiскен кардиология және iшкi аурулар ғылыми-зерттеу институтының мамандарымен кездесiп, алғысын білдірдi.

Қызылордада тұрғындарға медициналық кеңес берiлдi

<a href="https://kyzylorda-news.kz/">Kyzylorda-news.kz</a> Қызылорда қаласында қала әкімінің орынбасары Дархан Тұрсынбаевтың төрағалығымен Қызылорда қаласы әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның кезекті отырысы өткізілді. Жиынға тәрбие саласының мамандары қатысты.Комиссия отырысында күн тәртібіндегі 3 мәселе қаралып, ата-аналарға әкімшілік шара қолдану, баласынан бөлек тұратын ата-ананың ата-ана құқықтарын жүзеге асыру және жасөспірімдер тарапынан орын алған құқық бұзушылық мәселелері талқыланды.Жасыратыны жоқ, бүгінде бала тәрбиесі қоғамдағы ең өзекті мәселеге айналуда. Балалардың мектеп қабырғасындағы тәртібінен бөлек, түнгі уақытта ата-анасының қарауынсыз көшеде жүруі де көп кездесетін жайттың бірі. Отырыста сала мамандары бала тәрбиесін түзеу бағытында жүзеге асырылып жатқан жұмыстарын баяндады.Осы орайда комиссия төрағасы Дархан Есалыұлы кәмелетке толмағандардың профилактикасын күшейту мақсатында сала басшыларына нақты тапсырмалар берді.Комиссия тарапынан кәмелетке толмағандардың мәселесі бойынша балалардың құқықтары мен мүдделерін қорғау мақсатында тиісті шешімдер қабылданды.

Кәмелетке толмағандардың ісі және олардың құқықтарын қорғау жөніндегі комиссияның кезекті отырысы өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Қызылорда қаласындағы Жалаңтөс баһадүр көшесінің бойында орналасқан «Шұғыла» спорт кешенінің салтанатты ашылу рәсіміне қатысты.Аймақ басшысы тұрғындарды құттықтап, спорт саласындағы жетістіктерге тоқталды.<blockquote>«Өткен жылы аймаққа арнайы сапармен келген Мемлекет басшысы Қасым-Жомарт Кемелұлы жас спортшылармен кездесуінде «Спортпен шұғылдану керек. Әсіресе, өздеріңіз сияқты жастарымыздың дені сау, мықты азамат болып өсуі қажет.&nbsp;Жастардың дені сау болса, мемлекет те қуатты болады» деген еді. Спорт елдің мерейін тасытып, жеңімпаздық рух сыйлайды, жастарды табандылыққа, тәртіпке баулиды.</blockquote>Президентіміздің, Үкіметтің қолдауының арқасында өңірлер арасында көшбасшылар қатарынан көрініп келеміз. «Жайлы мектеп» ұлттық жобасы аясында 12 300 орынға арналған 21 мектеп салынуда. Былтыр 10 мектептің құрылысы басталса, биыл тағы 11 мектептің құрылысы жүргізіледі. «Ауылдық денсаулық сақтауды жаңғырту» ұлттық жобасы аясында өткен жылы елді мекендерде 15 жаңа дәрігерлік амбулатория, 1 медициналық бекет ел игілігіне табысталды.Спорттық нысандар құрылысы да қарқын алды. Қызылорда қаласында құны 2 млрд 700 млн теңге болатын үстел теннисі орталығының құрылысы жүруде. Сырдарияның сол жағалауынан халықаралық стандарттарға сай, жабық бассейні бар көпсалалы дене шынықтыру-сауықтыру кешенінің құрылысы басталды, 10 мың орындық жаңа стадионның іргетасы қаланды. Былтыр 7 дене шынықтыру-сауықтыру кешені ел игілігіне табысталды, биыл аудандарда 15 кешенді қолданысқа береміз», – деді аймақ басшысы.Рәсімде жаңа спорт кешенін ашып, жастар мен жасөспірімдер арасында салауатты өмір салтын қалыптастыруға үлес қосқан «Нұрай» ЖШС директоры Сейітқали Алшынбаев облыстың ең жоғары наградасы – Құрмет грамотасымен марапатталды.Іс-шарада мемлекет және қоғам қайраткері Мұрат Бақтиярұлы сөз сөйлеп, жерлестерін жаңа нысанның ашылуымен құттықтады.Спорт кешені 350 орындық, 1,7 млрд теңгеге салынған, жалпы ауданы – 2700 шаршы метр. Онда таэквондо, хореография, үстел теннисі, футбол, волейбол, баскетбол, қазақша күрес, шахмат, тоғызқұмалақ үйірмелері болады. Аумағында шағын футбол алаңы және автотұрақ бар.Айта кетейік, биыл Сыр спортшылары әлемдік ареналарда өнер көрсетіп, облыс қоржынына 54 медаль салса, республикалық чемпионаттар мен кубоктардан 245 жүлде иеленді. Басты жетістік – Қамшыбек Қоңқабаев бокстан, Айдос Сұлтанғали грек-рим күресінен Париж олимпиадасына, отырып ойнау волейболынан қос бірдей спортшымыз Эрик Қасқабаев пен Шыңғыс Медеуов паралимпиадаға жолдама алды. Дзюдо, парадзюдодан да үміткерлер бар.<img src="https://knadmin.beoblood.kz/uploads/444484549_753417433646170_4803061404994431945_n_36f93b610b.jpg" alt="444484549_753417433646170_4803061404994431945_n.jpg"><img src="https://knadmin.beoblood.kz/uploads/445746332_753417500312830_3398263904066453177_n_91c3bf59fd.jpg" alt="445746332_753417500312830_3398263904066453177_n.jpg"><img src="https://knadmin.beoblood.kz/uploads/445740347_753417553646158_6588084954003963071_n_1fa5e30a9d.jpg" alt="445740347_753417553646158_6588084954003963071_n.jpg"><img src="https://knadmin.beoblood.kz/uploads/441953074_753417786979468_6460424641031955061_n_a562c6254d.jpg" alt="441953074_753417786979468_6460424641031955061_n.jpg"><img src="https://knadmin.beoblood.kz/uploads/445081731_753417603646153_4958645196360473584_n_13929a8292.jpg" alt="445081731_753417603646153_4958645196360473584_n.jpg"><img src="https://knadmin.beoblood.kz/uploads/445066739_753417666979480_6404285048749528094_n_020c4b58a8.jpg" alt="445066739_753417666979480_6404285048749528094_n.jpg"><img src="https://knadmin.beoblood.kz/uploads/444192584_753417716979475_1858321637274954092_n_8fc95c7aee.jpg" alt="444192584_753417716979475_1858321637274954092_n.jpg"><img src="https://knadmin.beoblood.kz/uploads/443837369_753417403646173_8078166654531234267_n_4b6f8c5e74.jpg" alt="443837369_753417403646173_8078166654531234267_n.jpg">Фото:&nbsp;Қызылорда облысы әкімінің баспасөз қызметі

Қызылордада жаңа спорт кешені пайдалануға берілді

Коллаж: Orda.kz<a href="https://kyzylorda-news.kz/">Kyzylorda-news.kz</a> Экс-президенттің інісі Болат Назарбаевтың есімі біраз даулы істер арқылы белгілі. Оған қатысты жер мәселесі бойынша да іс көтерілген, - деп хабарлайды <a href="https://dalanews.kz/">Dalanews.kz.</a>"13 мамырда Болат Назарбаев қайтыс болғанына жарты жыл болды. Оның бизнес империясы көзі тірісінде үлкен ұлы Нұрбол Назарбаевтың қолына өтті. Экс-президенттің інісі өсиет қалдырған, оны 2014 жылы жазған. Құжат бойынша барлық мүлік Нұрболға берілген", - деп жазды <a href="https://cmn.kz/nasledie-bolata-nazarbaeva-v-almaty-nachalis-sudy-po-ego-aktivam/">CMN.KZ.&nbsp;</a><a href="https://cmn.kz/nasledie-bolata-nazarbaeva-v-almaty-nachalis-sudy-po-ego-aktivam/">Басылым</a> Болат Назарбаевтың активтері бойынша соттарға қатысып, оның мүлкі үшін күрес әлі неге аяқталмағанын анықтап көрген.Болат Назарбаевтың Гүлжан, Майра және Гүлнұр Назарбаева есімді әйелдері болғаны жиі айтылады. Басылым мәліметіне сүйенсек, Болат Назарбаевтың 20 баласы бар.<blockquote>"Ол қайтыс болған кезде балалардың көпшілігі кәмелет жасына толмаған немесе жоғары оқу орындарында оқып жатқан. Сонымен қатар, Болат Назарбаев Динара Мәметековамен некеге тұрды. Нұрбол Назарбаевтан бөлек, тағы 14 адам мұраға үміткер. Ал Болат Назарбаевтың өсиет жазып кеткені туралы ақпарат ресми түрде 2024 жылы 4 қаңтарда белгілі болды.</blockquote>Экс-президенттің інісі қайтыс болғанға дейін Алматының Бостандық аудандық сотында "А" класты бизнес-орталық – BNC Plaza жері үшін соттасқан. Талапкер оның екінші әйелі Майра Құрманғалиеваның әпкесі Гүлжамал болды. Ал жауапкер - Болат Назарбаевтың өзі, "PrimeCapital Re Plaza" ЖШС" - деп жазылған басылым мәліметінде.Гулжамал Құрманғалидің айтуынша, оның әкесі Саудабай Құрманғалиев күйеу баласына Тимирязев көшесіндегі бизнес-орталықтың учаскесін сатпаған. Ол Бостандық ауданының сотынан мүлікті сатып алу-сату шарты мен қабылдау-беру актісін жарамсыз деп тануды сұрады.<blockquote>"Тараптар даулы құжатқа 1999 жылы 25 қыркүйекте қол қойды. Ол бойынша Болат Назарбаевқа 1688 шаршы метр үй-жайы бар 25 сотық жер бөлінді. Жаңа мүлік үшін экс-президенттің інісі 765 мың теңге төлеген. Келісім Шымкентте жасалған, дегенмен олар мұны Алматының Бостандық ауданында жасауы керек еді.Талапкердің адвокаты Дмитрий Сазонов сотта басқа сату шартына сілтеме жасады. Құжат 1999 жылдың 29 қыркүйегінде жазылған. Ол Назарбаевпен арада жасалған шартқа төрт күн өткен соң жасалыпты. Сондай-ақ, учаскенің құны мен оның мөлшерінде айырмашылық бар. 14 сотық үшін Саудабай Құрманғалиев 1,6 миллион теңге төлеген. Ал қалған 13 сотықты Данияр Кесікбаев алған, ол - Майра Құрманғалиеваның бірінші некеден туған ұлы", - деп жазылған деректе.</blockquote>Жағдайды түсіну үшін судья Әйгерім Телбаева "Алматы азаматтарына арналған Үкіметтен" жылжымайтын мүлік бойынша тіркеу ісін және меншік құқығының ауысу тарихы бар құқықтарды тіркеу туралы анықтаманы сұрады. Құжаттар 2023 жылғы 2 қарашаға дейін ұсынылуы керек еді. Сондай-ақ, судья құжат шынайы екенін тексеру үшін Шымкент нотариаттық мұрағатынан тіркеу нотариаттық ісін және жазбалары бар тіркеу журналын талап етті.<blockquote>"Алайда мұрағаттан құжаттар табылған жоқ. Нотариус Ғазиза Бектұрсынова да мәмілені растай алмады. Әйел оның басқа мөрі барын көрсетті. Сонымен қатар, құжатта тегі мен әкесінің аты қате көрсетілген. Бектұрсынова тіпті полициядан оның деректерін қолдан жасағандарды табуды талап етті", - деп жазылған басылым мәліметінде.</blockquote>Болат Назарбаев 2023 жылы 13 қарашада қайтыс болды. Ол келесі күні жерленді. Судья Телбаева осы күнге сот отырысын тағайындады. Адвокат Сазонов мұрагерлер анықталғанға дейін сот процесін тоқтата тұруға өтініш білдірді. Сол кезде Болат Назарбаевтың өкілдері де істі тоқтатуды сұрады. Кейін сот істі тоқтата тұруға қаулы берді.<blockquote>"Мемлекет мұрагерлерге активтерді рәсімдеуге алты ай уақыт берді. Сот осы мерзімді ескеріп, 2024 жылғы мамырға отырысты жоспарлады. Отырыс онлайн форматта өтті. Сотқа талапкердің адвокаты Дмитрий Сазонов пен Болат Назарбаевтың бұрынғы адвокаттары - Тимур Ибайділдаев пен Жалғас Асқаров қосылды. Енді олар Нұрбол Назарбаевтың мүддесін қорғайтыны белгілі болды.Сотта Гүлжамал Құрманғалидың өкілі марқұмның мұрагерлерін іске тарту туралы өтініш білдірді. Сазонов бұрынғы президенттің інісінің мүлкіне құқығы бар 14 есім мен фамилияны атады", - деп жазылған деректе.&nbsp;</blockquote>"Негізгі жауапкер - өсиет бойынша мұрагер. Бірақ басқалардың құқықтары мен заңды мүдделеріне нұқсан келтіруге болмайды, сондықтан оларды заң бойынша тартуды сұраймыз", - деді талапкердің адвокаты Дмитрий Сазонов.Жауапкер тарап соттан шешім шығармай күтуді сұрады. Өйткені мұрагерлік істі жүргізетін нотариус демалыста болып шықты. Ол Болат Назарбаевтың балаларына, жұбайына бірде-бір құжат бермеген. Мұрагерлік туралы куәлік маусымның басында беріледі.<blockquote>"Бәрі үлкен ұлы Нұрбол Назарбаевқа қалдырылғаны туралы заңды өсиет бар. Әзірге мұрагерлік құқығы түпкілікті рәсімделмеген, өйткені бірнеше үміткер бар. Біздің сенімгер әлі мұрагерлік құқығына кірген жоқ. Сондықтан істі одан әрі қараудың қажеті жоқ. Біз нотариус келуін күтуіміз керек", - деді Назарбаевтардың өкілі.</blockquote>Судья Әйгерім Телбаева нотариусты және әрбір мұрагердің үлесін бөлуді күтпеуді ұйғары. Оның пікірінше, іс ұзаққа созылып кеткен. Мұрагерлерге өз құқықтарын рәсімдеуге жеткілікті уақыт берілген. Судья сотталушының қайтыс болуына байланысты істі тоқтатты.<blockquote>"Мұрагерлер мұраны уақтылы қабылдамады. Отырыста жауапкердің адвокаттары Нұрбол және басқа да бірнеше бала мұрагер екенін айтты. Алайда олар мұраны қабылдамады, өйткені мұрагерлік мүлік көп. Қазір нотариус еңбек демалысында және барлығына заң бойынша мұра туралы куәлік беруге уақыты жетпейді. Егер азамат қайтыс болғаннан кейін құқықтық жағынан мирас берілмесе, сот іс жүргізуді тоқтатады", - деді судья.</blockquote>Тараптар соттың ұйғарымына апелляциялық шағым жасай алатыны белгілі болды. Сонымен қатар, судья талапкер мұрагерлер анықталғаннан кейін тағы бір рет талап қоюға құқылы екенін айтты.<blockquote>"Бұл Болат Назарбаев пен Құрманғалиевтер отбасының Тимирязев көшесіндегі жер үшін болып отырған алғашқы соты емес. Бұған дейін Майра Құрманғалиеваның бірінші некесінен туған ұлы Данияр Кесікбаев 25 сотық жерге иелік еткен. Сол кездерде ол Данияр Болатұлы Назарбаев болды.Бұл жерді оған бұрынғы президенттің інісі өзі сыйға тартқан. Данияр Кесікбаев учаскеде бизнес-орталық пен қонақүй кешенін салады деп болжанған болатын. Мамандар 2004 жылғы бағам бойынша 25 сотық жерді 1 млрд теңгеге немесе 8 миллион долларға бағалады.</blockquote>Майра Құрманғалиевамен ажырасқаннан кейін экс-президенттің інісі тегін қайтарып алып, оған қоса Данияр Кесікбаевқа жасаған сыйлығын қайтаруды шешті. 2012 жылы Бостандық аудандық азаматтық істер соты мегаполистің элиталық ауданындағы учаскені Болат Назарбаевқа қайтарып берді", - деп жазды басылым.

Болат Назарбаевтың мұрасына қатысты қандай талас-тартыс болып жатыр?

<a href="https://kyzylorda-news.kz/">Kyzylorda-news.kz</a>Қызылорда облысы бойынша азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі комиссияның кезекті отырысы өтті.&nbsp;Комиссия отырысына облыстық басқармалармен қатар Сауда және тұтынушылардың құқықтарын қорғау департаменті, Мемлекеттік кірістер департаменті, ҚР Қаржылық мониторинг агенттігінің Қызылорда облысы бойынша экономикалық тергеп-тексеру департаменті, ҚР Бәсекелестікті қорғау және дамыту агенттігінің Қызылорда облысы бойынша департаменті, Қызылорда қаласы және аудан әкімдерінің салаға жетекшілік ететін орынбасарлары қатысты.Күн тәртібіне сәйкес әлеуметтік маңызы бар азық-түлік тауарларының баға мониторингі, тұрақтандыру қорының өнімдері және ӘМАТ бағаларын мемлекеттік бақылау мәселелері қаралып, Қызылорда облысы бойынша Сауда және тұтынушылардың құқықтарын қорғау департаментінің басшысы Е.Ж. Сүлейменов ӘМАТ бағаларын мемлекеттік бақылаудың жұмыс алгоритмін кеңінен түсіндірді.Мәжіліс қорытындысымен маусымаралық кезеңде көкөністер бағасының тұрақтылығын қамтамасыз ету бағытында тиісті мемлекеттік органдарға бірқатар хаттамалық тапсырмалар берілді.

Азық-түлік тауарларының бағасы басты назарда

<a href="https://kyzylorda-news.kz/">Kyzylorda-news.kz</a> Қызылорда Ашық университетінің бірінші проректоры Абайбек Талғатұлы Сингапур Ұлттық Университетінде Мемлекет басшысы Қасым-Жомарт Тоқаевтың қатысуымен өткен Қазақстан-Сингапур ректорларының «Ғылым мен жоғары білім саласындағы әріптестіктің жаңа шыңы» атты форумына қатысты.&nbsp;Жиында Қасым-Жомарт Тоқаев қатысушыларға ілтипат білдіре отырып, білім мен ғылымды дамыту еліміздегі мемлекеттік саясаттың негізгі басымдығы саналатынын атап өтті.Форум барысында екі ел арасындағы білім және ғылым саласындағы бірқатар негізгі келісімдерге қол қойылды.Айта кетейік, 20-25 мамыр аралығында Сингапур мемлекетінің Наньян технологиялық университетінде басқару менеджменті бағыты аясында біліктілікті арттыру тағылымдамасы өтті.&nbsp;Оған қазақстандық ЖОО-ның ректорлары мен проректорлары қатысып, шетелдік сарапшылардан тәжірибе жинақтады.<blockquote>– Бұл форумда білім мен ғылым саласына қатысты көптеген мағлұматтар жинақтадым. Әлемнің түрлі елінен келген шетелдік сарапшылардың тәжірибелеріне қанық болдым. Жалпы, осы форум барысында біраз тәжірибе жинақтадым. Әлі де біліктілігімді әрі қарай арттыруға жұмыс істеймін. Басқосуға Қазақстан мен Сингапурдың жоғары оқу орындары мен ғылыми орталықтарының 150-ден астам өкілі қатысты. Алдағы уақытта екі ел арасындағы ынтымақтастық білім мен дағдыларды одан әрі нығайтуға, тұрақты даму мақсаттарын іске асыруға ықпал етеді деп сенеміз, – деді Абайбек Талғатұлы.</blockquote>

Қазақстан және Сингапур: Ғылым және жоғары білім саласындағы ынтымақтастық

<a href="https://kyzylorda-news.kz/">Kyzylorda-news.kz</a> Бүгін Арал ауданы әкімі Аманжол Оңғарбаев төрағалығымен аудандағы білім саласының өзекті мәселелері талқыланған кеңейтілген мәжілісі өтті.&nbsp;Атаулы жиынға Арал аудандық мәслихат төрағасы, Арал ауданы әкімінің орынбасарлары, аудан прокуроры, аудандық полиция бөлімінің бастығы, аудандық мәслихаттың депутаттары, дербес бөлім басшылары, қала, кент, ауылдық округ әкімдері, аудандық қоғамдық, ардагерлер және әйелдер кеңестерінің төрағалары, ата-аналар және көше комитеттерінің төрағалары, аудандағы білім беру ұйымдарының басшылары мен ұстаздар қатысты.Аудан басшысы ұрпақ тәрбиесі әрдайым өзектілігін жоймайтынын атап өтіп, жиынға қатысушыларды білім сапасын арттыруға, балаларға жайлы және қауіпсіз орта қалыптастыруға шақырды.-«Әр баладан тұлға тәрбиелеу, азамат өсіру, маман дайындауда да басты тірек–ұстаздар қауымы Сіздерсіздер, ал, жақсы істі жүзеге асыратын негізгі алаң – өңіріміздегі білім ордалары. Ел президенті Қасым-Жомарт Тоқаев «Әділетті Қазақстан – Адал азамат» атты екінші Ұлттық құрылтайда жас ұрпақтың тәрбиесіне ерекше тоқталды. Бабалар көшінің сүрлеуінде даналыққа толы тағылымды тәрбие дәстүрі жатыр. Есті қазақ: «Ұлтыңды сақтаймын десең – қызыңды тәрбиеле, рухыңды сақтаймын десең – ұлыңды тәрбиеле» деген. Тәрбие тектен. Бұқара болып бірігіп, бұзақылықты тия алмасақ, арты небір өкінішті жағдайларға әкеп соғуы ықтимал. Өкінішке орай, қазірдің өзінде орын алып жатқан ауыр жағдайлар осыған дәлел. Бүгінгі күн тәртібіндегі негізгі мәселе де – балалар арасында құқық бұзушылық пен қылмыстың, балаларға қатысты тұрмыстық зорлық-зомбылықтыңалдын алуға бағытталған жұмыстар. Жыл басында өзге өңірлерде орын алған жағдайлар облыс төңірегін дүр сілкіндірді. Абайсыздық пен қатыгездік арасы бір-ақ қадам екені аңғарылады. Біз болған істі болмаған қылып, жымын білдірмей жасырудың шеберіміз. Алайда ауруын жасырған адамның алысқа бармайтынын ұмытпауымыз керек. Полиция бөлімінің ақпаратына сәйкес, аудандаосы жылдың 4 айында әкімшілік құқық бұзушылық кодексі бойынша түнгі уақытта заңды өкілінсіз жүрген балаларды анықтау бойынша 215 дерек орын алса, жасөспірімдердің ортақ пайдалану орындарын ластаған 6 дерегі орын алған. Өздеріңіз аңғарып отырғандай дерек өсімі бар. Бұл дегеніміз баласын қадағалайтын ата-ана жауапкершілігінің азайғаны, ата-анаға ықпал ететін полиция қызметкерлері мен мектеп те мәселені бақылаусыз қалдырғанының жемісі»- деді, Аманжол Сақыпұлы.&nbsp;Арал ауданы әкімі бұл деректердің көңіл көншітпейтінін жеткізіп, аталған бағытта жұмыстарды жандандыруды жүктеді.&nbsp;Кеңейтілген мәжілісте Арал аудандық полиция бөлімінің бастығы, полиция подполковнигі Нұрбек Шегебаев, аудандық білім бөлімінің басшысы Санира Жанназарова атқарылған жұмыстарды баяндады.Мұнан бөлек, мәжілісте балалар қауіпсіздігі мәселесі талқыланды. Биылғы жазғы маусымда 803 бала «Қамбаш» жазғы тынығу лагеріне, 8 мыңнан астам оқушы мектеп жанындағы күндізгі лагерлерге баруы жоспарлануда Аудан басшысы барлық оқыс жағдайлардың алдын алу мақсатында жол қауіпсіздігін қамтамасыз ету бағытында тиісті шараларды қазірден бастап қабылдауды талап етті.&nbsp;Жиында тұрақты рейдтерді күшейту, бұқаралық ақпарат құралдары мен әлеуметтік желілерде құқықбұзушылық, буллинг, лудоманияның зияны, тағы да басқа тақырыптарды ақпараттандыру, кәмелет жасына толмағандар арасындағы профилактикалық жұмыстар бойынша тапсырмалар берілді.Жаһандану заманында ұлттық бәсекеге қабілетті болу – білім деңгейімен өлшенеді. Ауданның білім беру саласының алдында Мемлекет басшысының тапсырмаларынан туындайтын ауқымды міндеттер тұр. Білім сапасының басты көрсеткіштерінің бірі – Ұлттық бірыңғай тестілеу. Атап өту керек, аралдық талапкерлер Ұлттық бірыңғай тестілеуді Арал ауданы орталағында тапсыратын болады. Яғни, ҰБТ пункті болып Ұ.Қараманов атындағы № 262 мектеп-гимназиясы таңдалды. Оқу жылын 942 түлек бітірсе, 682-сі тестке қатысуға ниетті.&nbsp;Аудан басшысы бұл тұрғыда өткен жылғы межеден төмен деңгейде болмау үшін дайындық жұмыстарын тыңғылықты жүргізіп, мектептердің көрсеткіштеріне қатысты жан-жақты талдау жасауды тапсырды.&nbsp;Аудан әкімі алқа мәжілісінде биылғы жылдан бастап барлық мәдениет мекемелерінің жанынан жастарды отаншылдық және мемлекетшілдікке, патриоттыққа тәрбиелейтін түрлі бағыттағы үйірмелерді қамтитын «Адал адам» орталықтары құрылып, жұмыс жасап жатқанын алға тартты. Осыған сәйкес, ұлттық құндылықтарды, салт-дәстүрді кеңінен насихаттаудың рөлін ерекше атап өтіп, аудандағы мәдениет және спорт мекемелері білім бөлімімен бірлескен түрде балалардың бос уақытын тиімді пайдалануын кешенді түрде үйлестіруді тапсырды. Ал, отбасын қолдау орталығы,&nbsp; қала, кент және ауылдық оркуг әкімдерімен бірлесіп, түрлі санаттағы отбасыларға талдау жасап, арнайы сенім телефондарының тәулік бойы анонимді жұмыс жасайтындығы туралы түсіндірме жұмыстарын көбейту керек.Мәжілісте аудан прокуроры Мадияр Бекпанов, аудандық мәслихат төрағасы Базарбай Төреахметов, аудандық ардагерлер кеңесінің төрағасы Әділбек Әйімбетов, білім беру саласының ардагері Сағатай Құдайбергенова,&nbsp; көше комитеттерінің кеңесінің төрағасы Аманжол Жолмағанбетов сөз алып, тәртіп мәселесіне жайбарақаттық танытпай, балаларымыздың заман ағымына сай саналы тәрбиемен, сапалы біліммен қамтуда бүкіл қоғам болып қызмет етуге шақырды.&nbsp;Жиын соңында Арал ауданы басшысы барлық жауапты мекемелерге балалар мен жасөспірімдердің тәрбиесіне асқан жауапкершілікпен қарауды, ортақ іске барынша атсалысуды тағы да ескертті.

Аралда көпшілік көкейіндегі бірнеше мәселе талқыланды

<a href="https://kyzylorda-news.kz/">Kyzylorda-news.kz</a>&nbsp; &nbsp;Әдебиетте өте күрделі дегенмен тың бір жанр бар.&nbsp;Ол – сатиралық жанр. Шындығында, сатира жанрында қалам тербеу кез келгеннің қолынан келе бермейді. Тек ерекше дара дарын иелері ғана бұл салаға бетбұрыс жасайды һәм батылы барады десе болады.&nbsp;Сатираның сардары атанған Сырдария ауданының тумасы Асқар Тоқмағамбетовті жерлесіміз ретінде мақтан тұтамыз. Алақандай ғана ауылда туып-өсіп, алты Алашқа танылған талантты ақынды сырдариялықтар ерекше құрметтейді. Ардақты ақын бір өлке ғана меншіктейтін тұлға емес, ол – әдебиет әлемінде өзіндік орны бар ұлтымыздың біртуар перзенті. Сол секілді Оспанхан Әубәкіров пен Толымбек Әлімбекұлы да – қазақтың қай қиырына да ортақ тұлғалар, талантты азаматтар. Өмірден өткенімен артына өшпес із қалдырған сатира саңлақтарын сырдариялықтар еске алып, Сырдария ауданы, Асқар Тоқмағамбетов ауылында облыстық мүшәйра өтті. «Асқардың ізімен...» деп аталған жыр мүшәйрасына Арал мен Жаңақорған аудандары аралығынан барлығы тоғыз ақын қатысып, екі кезең бойынша өз туындыларын сахна төрінде оқыды.&nbsp;Жыр мүшәйраны ауыл әкімі Ғабдолла Алданазаров ашып, сатирик ақындардың шығармашылығы жөнінде ой-пікір білдіріп, жас ақындарға сәттілік тіледі. Ақындар алғашқы кезеңде сатира жанрында қалам тербесе, екінші кезеңде Оспанхан Әубәкіров пен Толымбек Әлімбекұлының туындыларын жатқа оқыды. Талапкерлердің туындыларын, сахна мәдениетін меңгеруін ақын, №137 орта мектебінің директоры Бағдат Есназар, аудандық мәдениет және тілдерді дамыту бөлімінің бас маманы Ақбота Асанова бастаған қазылар алқасы бағалады. Нәтижесінде екі кезең бойынша ерекше дараланып, талантымен көзге түскен Жаңақорған ауданының ақыны Ақниет Мәулен бас жүлдені жеңіп алды. Ал жүлделі І орын Іңкәрдария ауылының атынан қатысқан Малика Қожақоваға бұйырды. Қос бірдей ІІ орын жалағаштық Мейіржан Қартбай мен облыс орталығынан келген Бек-Сұлтан Бағдатұлына берілді. Сәйкесінше жүлделі ІІІ орын аралдық Жанұзақ Серік пен қызылордалық Нұркелді Өтепбергенге табысталды. Қалған үш ақынға ынталандыру жүлделері берілді. Мүшәйра жеңімпаздары қаржылай сыйлықпен, дипломмен марапатталды. Тағылымы мол іс-шара соңында ауылдық мәдениет үйінің директоры Әсел Ибраева қатысушыларға алғысын айтып, шығармашылық сәттілік тіледі.

Асқар Тоқмағамбетов ауылында облыстық мүшәйра өтті

<a href="https://kyzylorda-news.kz/">Kyzylorda-news.kz</a>&nbsp; Қай қоғамда болмасын ұрпақ тәрбиесі – өте өзекті. Мемлекет басшысы Қасым-Жомарт Кемелұлы Тоқаев Ұлттық құрылтайда «Ұрпақ тәрбиесіне ықпал ететін шараларға баса мән беруіміз керек. Бұл салада кемшіліктер көп екені жасырын емес. Мектептегі тәрбие жұмысы ақсап тұр. Соңғы кезде оқушылардың бір-біріне қысым, зорлық-зомбылық, әлімжеттік көрсетуі жиі болып кетті. Кейде балалардың қатыгездігі жан түршіктіреді» деген болатын. Расында, мұндай жағдайлар соңғы уақыттарда жиі орын алуда.Осыған орай балалар мен жасөспірімдер арасындағы қылмыс пен құқық бұзушылықтың алдын алу бағытындағы шаралар туралы Сырдария аудандық полиция бөлімі бастығының міндетін атқарушы Әділхан Қанзадаевпен сұқбаттасқан болатынбыз.– Әділхан Серікқазыұлы, балалардың қауіпсіздігін қамтамасыз етуге бәріміз жауаптымыз. Оның ішінде, жасөспірімдер арасындағы құқық бұзушылыққа жол бермеуіміз керек. Осы ретте аудандағы ахуал қандай?–&nbsp;Қазіргі таңда жасөспірімдер арасындағы және оларға қарсы жасалған қылмыстар қоғамның өзекті мәселелерінің бірі болып отыр. Кәмелетке толмағандарға қарсы және олармен жасалатын қылмыстар, алкоголь, есірткінің зияны, ата-ананың бала тәрбиесіндегі, жасөспірімдердің заң алдындағы жауапкершіліктері туралы 78 дөңгелек үстел, сұхбат, кездесу өткізілді.Атқарылған іс-шаралардың нәтижесінде жасөспірімдер арасында жасалған қылмыс былтырғы жылмен салыстырғанда біркелкі, 1-де 1 болды. Орын алған қылмыс орта мектеп оқушысымен жасалған бұзақылық қылмысы, төбелесу. &nbsp;Төбелестің салдарынан аудандағы №42 мектеп-лицейдің 1 оқушысы қаза болды. Қылмыс жасаған жасөспірім оқушы бұған дейін мектепішілік құқық бұзушылыққа бейім оқушы есебіне алынбаған.ҚР Қылмыстық Кодексінің 194 бабы (қорқытып алу) бойынша қылмыс жасаған азамат кінәлі деп танылып, 2 жыл мерзімге сот арқылы бас бостандығынан шектеу жазасы берілді. Сонымен қатар жасөспірімнің қасақана қылмыс жасағаны үшін анасына ҚР ӘҚБтК-нің 127 бабы 3 бөлігімен аудандық сот арқылы шара көрілді.Қылмыстың орын алуына жол берген қызметкерлерге қатысты тексеру жұмыстары жүргізіліп, департамент бастығының бұйрығымен 2 қызметкер атқарып отырған лауазымынан босатылса, 3 қызметкерге тәртіптік шара көрілді.Профилактикалық жұмыстарды күшейту мақсатында ауданда жалпы білім беру мекемелерінде 2023-2024 оқу жылына Департамент бастығының бұйрығымен (13.10.2023 жылғы №738) мектептер мен колледждерге аймақтық ювеналды полиция бөліністерінің, криминалды полиция, учаскелік полиция инспекторлары бекітілді.– Биылғы жылы кәмелетке толмағандар арасында жүргізілген профилактикалық іс-шараларға тоқталсаңыз? Жасөспірімдердің қылмыс жасауына әсер ететін факторлар туралы айтсаңыз?– Жыл басынан бері кәмелетке толмағандар мен жастар арасында құқық бұзушылықтың алдын алу бағытында «Түнгі қаладағы балалар», «Абайлаңыз, балалар», «Мен және менің полицейім» атты профилактикалық іс-шаралар жүргізілді. &nbsp;Атқарылған жұмыстар нәтижесінде, 46 құқық бұзушылық анықталса, қаңғыбастық пен кезбелікке салынған&nbsp; 2 жасөспірім бейімдеу орталығына орналастырылды. Тереңөзек кентінен – 1, Қоғалыкөл ауылынан – 1, 46 жасөспірімге әкімшілік хаттама толтырылды. Тереңөзек – 27, Айдарлы №139 мектеп – 2, Шаған №37 мектеп-лицей – 4, Ақжарма – №130 мектеп – 2, Қоғалыкөл №44 мектеп – 6, С.Сейфуллин №137 мектеп –5. Оның ішінде, түнгі уақытта (сағат 22:00-ден кейін) заңды өкілсіз ойын-сауық және тұрғын жайдан тыс (сағат 23:00-ден кейін) жүрген 40 жасөспірімнің ата-анасы әкімшілік жауапкершілікке тартылды (ҚР ӘҚБтК 442-бабы ескерту берілді).Өз міндеттерін орындамаған 5 ата-анаға шара көру үшін құжаттар сотқа жолданды (ӘҚБтК 127-б. - 10 АЕК- 36 920 тг. немесе 20 АЕК- 73 840 тг).Алкоголь өнімін сату талаптарын сақтау (ӘҚБтК 200-бабы)жөнінде дүкен иелеріне түсіндірме жұмыстары жүргізілгенімен, заң талаптарын бұзған 3 дүкен иесіне қатысты (Тереңөзек – 2, Нағи Ілиясов – 1) жинақталған құжаттар сотта қаралды (310 мың 128 теңге айыппұл салынды).Талдау көрсеткендей, жасөспірімдермен қылмыс жасауға жиі әсер ететін факторлар: ата-ана тарапынан тиісті қадағалау мен бақылаудың жоқтығы, тәрбие жұмыстарының өз деңгейінде жүргізілмеуі, отбасының әлеуметтік жағдайының төмен болуы, жасөспірімнің бос уақытының көп болуы, әлеуметтік желілердегі қоғамдық ортаға сыйламаушылық танытатын материалдарды көріп, соларға еліктеушілік танытуы ықпал етуде. Жасөспірімдермен жасалған қылмыстың барлығы сабақтан тыс уақытта болғандықтан, баланың бос уақытын тиімді ұйымдастыруды ұсынамыз.Оқу жылының аяқталуына орай маусым айының ішінде өткізілетін «Аттестат тапсыру» кеші кезінде түлектердің беймезгіл уақытта жүрмеуі, кортежге шықпауы, отырыстар жасамауы, белгіленбеген жерлерге суға түспеулері бойынша ата-аналар жиналыстарында хаттамалау арқылы түсіндірме жұмыстарын жүргізіліп, қатаң ескерту берілді. Сондай-ақ, балалар бос уақытында интернет пен &nbsp;Тик-ток желілерінде зорлық-зомбылық,&nbsp;құмар ойындар, дөрекілік және ортаға ешқандай құрмет көрсетпейтін әртүрлі пранктер қарайтындығы белгілі. Аталған сілтемелерді біздің тарапымыздан қадағалау мүмкін емес. Осы себепті, ата-аналар балалардың әлеуметтік желілерде қандай парақшаларда отырғанын қадағалауы қажет. Полицияның басты міндеті – тек жазалау ғана емес, оның алдын алу, болдырмау. Сондықтан анықталған немесе белгілі болған құқықбұзушылықтарды (ұрып соғу, бопсалау, әлімжеттік, топтық төбелестер) дереу ішкі істер органына хабарлау керек екендігін жеткіземін.– Сұқбатыңызға рақмет!Сұқбаттасқан Бибісара ЖАНӘЛІ

Әділхан Қанзадаев: Жасөспірімдер арасында 46 құқықбұзушылық анықталды

<a href="https://kyzylorda-news.kz/">Kyzylorda-news.kz</a>&nbsp; Қызылорда облысы әкімінің орынбасары Ардақ Зебешевтің төрағалығымен Қызылорда облысында өндірілетін өнімдерге географиялық нұсқама құқығын алу жөнінде жиын өткізілді.Жиынға тиісті тиісті облыстық басқармалар, Әділет департаменті, Техникалық реттеу және метрология департаменті, «Ұлттық сараптау және сертификаттау орталығы» АҚ Қызылорда облысы бойынша филиалы, Қызылорда қаласы және аудан әкімдіктері, Қызылорда облысының кәсіпкерлер палатасы мен кәсіпкерлік субъектілері қатысты. Жиын аясында өңірдегі тауар өндірушілерді қолдап, олардың өндірген өнімдерін ұлттық деңгейде тіркеу мәселесі талқыланды.Өндірілетін өнімдерге географиялық нұсқама құқығы мен сынақ хаттамасын алу мәселелеріне қатысты кеңінен ақпарат берілді.Қазіргі таңда, өңірде өндірілетін түрлі тауарларды ресми тізімге енгізу жұмыстары жүргізіліп жатыр.Атап айтқанда, «Qazpatent» ұлттық зияткерлік меншік институтына географиялық нұсқама құқығын алу үшін кәсіпкерлер тарапынан 5 өнімге (күріш, тұз, түйе сүті қосылған сабын, жантақ өсімдігі қосылған сабын, жүгері сусыны) өтінім берілді.Сонымен қатар, географиялық нұсқама құқығын алуға дейін «Ұлттық сараптау және сертификаттау орталығы» АҚ Қызылорда облысы бойынша филиалынан сынақ хаттамасын алу үшін Қазалы кәмпиті, тары, шиден тоқыма бұйымдарын өндіру, «Жаннұр» құрт өнімдері бойынша өтінімдер қаралуда. Одан бөлек, өңірімізде ерекше өнімдерге зерделеу жұмыстары жүргізілуде.Жалпы географиялық көрсеткіш ауыл шаруашылығы, азық-түлік, өндірістік тауарлар мен қолөнер туындыларына қатысты қолданылады. Географиялық нұсқама ретінде тіркелуге мүмкіндігі мол және халықтың ауқымды сұранысына ие әрі нарықта танылған Қызылорда облысында өндірілетін тауарлар легі жеткілікті. Алдағы уақытта, мемлекеттік органдар тарапынан кәсіпкерлердің құжаттарын дайындап, тиісті мекемеге өткізу және одан әрі тіркеу жұмыстарын сүйемелдейтін болады.

Қазақстан және Қызылорда облысының жаңалықтары