<a href="https://kyzylorda-news.kz/">Kyzylorda-news.kz</a>&nbsp; Өңірде бүгінде әлеуметтік маңызы бар азық-түлік тауарларының бағасын тұрақтандыру мақсатында жиі жәрмеңкелер ұйымдастырылуда. Онда азық-түлік өнімдерінің бағасы нарықтан әлдеқайда төмен бағада халыққа ұсынылып жатыр.&nbsp;24 мамыр күні тұрақтандыру қорына әлеуметтік маңыздағы өнімнің бірі – пияздың 21 тоннасы келді. Аталмыш өнімді корпорация «QazTrade» компаниясымен келісімшартқа отырып, Өзбекстан елінен әкелінді. Бұл пияздар қаламыздағы 10 ірі сауда орталығындағы бұрыштар мен 35 әлеуметтік дүкенге белгіленген бағада таратылатын болады.Бұдан бөлек, қазіргі таңда 20 тонна қырыққабат, 55 тонна рожки өнімдерін сатып алу жұмыстары жүргізілуде. Бүгінде тұрақтандыру қорында 94,97 тонна картоп, 394,22 тонна қарақұмық жармасы, 90,01 пияз, 241 тонна рожки, 97,71 тонна сәбіз және 1 сортты ұннан 137,18 тонна, жоғары сортты ұннан 111, 56 тоннасы бар. Сондай-ақ, 531,34 тонна өсімдік майы, 313,17 тонна күріш, 422,32 тонна қант пен 49,11 тонна тұз өнімі сақтаулы. Жалпы маусымаралық кезеңде өңірлік тұрақтандыру қоры мен айналым қаражаты арқылы тікелей тауар өндірушілермен көкөніс өнімдеріне форвардтық келісім жасалып, қажеттілігіне қарай кезең-кезеңімен жеткізілуде, – деді «Байқоңыр» ӘКК» АҚ басқарма басшысы Мейрамбек Серікбай.Сондай-ақ әлеуметтік нанның бағасы тұрақталды. Нан бағасы нарықта өскенімен әлеуметтік дүкендер мен сауда үйлеріндегі бұрыштарда баға өзгеріссіз. Бағаны тұрақты ұстап, өңірді нанмен қамтамасыз етуі үшін «Байқоңыр» әлеуметтік-кәсіпкерлік корпорациясы қаламыздағы 8 наубайхана мен аудандардағы операторлармен келісімшартқа отырған.Келісімшарт негізінде тұрақтандыру қорынан наубайханаларға қостанайлық бірінші және жоғары сортты ұн ең төмен бағамен босатылуда. Нәтижесінде бір бөлке нанның сатылу бағасы әлеуметтік дүкендерде 65 теңгеден болса, ал ірі сауда үйлерінде 85-90 теңгеден сатылуда.Бүгінгі таңда шаһар тұрғындарын нанмен қамтамасыз ету үшін 8 наубайхана тұрақты жұмыс істеуде. Аталған кәсіпорындарда тәулігіне шамамен 100 мың дана нан пісіріледі екен. Ас атасын аталған көлемде дайындау үшін күніне 41,2 тонна, ал айына 1 236,7 тонна ұн жұмсалатын көрінеді. Біздің тарапымыздан бүгінде кәсіпкерлерге ұнды жеткілікті көлемде және тиімді бағамен жеткізудеміз, – деді «Байқоңыр» ӘКК» АҚ басқарма басшысы Мейрамбек Кеңесұлы.&nbsp;Қорлан САРЫ Фото: elinform.kz

Азық-түлік бағасы қолжетімді

<a href="https://kyzylorda-news.kz/">Kyzylorda-news.kz</a>&nbsp;Білімді, тәрбиелі әрі дені сау ұрпақ – ұлттың ең қымбат байлығы. Облыста оқудан тыс уақытта мәдени тәрбие беру, қосымша әртүрлі салада өзін өзі дамуына және өмірлік ұстанымын өзгертуге бағытталған үйірмелерді жандандыру арқылы танымал спорттың түрі фитнес дене жаттығуын өткізу қолға алынды.Жастармен мен жасөспірімдердің оқумен қатар, өнер үйреніп, спортпен шұғылданып, жан-жақты жетілуіне қолайлы жағдай жасау басты міндетіміз.Фитнеспен айналысам деген адам алдымен оның түрлі бағыттарымен танысады.&nbsp;Құқықбұзушылық, кибербуллинг әрекеттері мен заңсыз ойын орындарында жастар бос уақытын өткізгенше денсаулықты жақсартуға, дене бітімін түзеуге, төзімділікке, бұлшық еттерін шыңдап, дене пішімін қалыпқа келтіруіне жағдайлар қалыптасады.Фитнес жаттығулар – адам иммунитетін нығайтып, жүрек-тамыр жүйесі ауруларын, қант диабетін алдын-алуға септігін тигізеді. Сондай-ақ, ол қалпына келтіру процестерін белсендендіріп, ағзаның қартаюын баяулатады.Белсенді демалыс аймағында қоғамдық мәні бар бос уақытты өткізуге, жаңа бағыттарды меңгеруде, жаңа достар табуда, қабілетін шыңдауда мүмкіндіктері орасан.Ерекше форматта ұйымдастырылған бұл марафон жастарға, жасөспірімдерге қайталанбас эмоция, көтеріңкі-көніл сыйлауға бас тренерлер, фитнес жаттықтырушылары Кенжебаева Ғалия, Балтабаев Мақсат, Каймова Аяулым, Кенжебай Ақжан атсалысты.Ұлт денсаулығын бекемдеу, салауатты өмір салтын ұстану бағытындағы игілікті шаралар жалғасатын табады.&nbsp;&nbsp;Қорлан САРЫ Фото: aurafit.com.ua

«FITSJ» фитнес марафоны өтті 

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Тасбөгет кентінде бой көтерген екі көпқабатты үйден 150 отбасына пәтер кілті табысталды.&nbsp; Аймақ басшысы қоныстой иелерін құттықтап, игі тілегін арнады.«Мемлекет басшысы Қасым-Жомарт Кемелұлы Ұлттық құрылтайдың Атыраудағы отырысында «Баспана – жұрттың тұрмыс сапасын танытатын тағы бір маңызды көрсеткіш» деп ерекше тоқталған болатын. Президентіміз халықты тұрғын үймен қамтуға айрықша мән беріп, мемлекет шын мұқтажға жәрдем жасайтынын үнемі айтып келеді.&nbsp;Осындай қолдаудың арқасында кейінгі жылдары еліміздегі тұрғын үй құрылысының қарқыны толастаған емес. Өткен жылы аймақта 4 108 пәтерлік 300 тұрғын үй салынды, 2400-ге жуық пәтер табысталып, 11 мыңнан астам тұрғын өз үйіне қоныстанды.&nbsp;Халықтың жайлы өмір сүруінің басты алғышарты – баспанамен қамту жұмыстары биыл да жалғасуда. Бюджет қаражаты есебінен 13,3 млрд теңгеге 1 269 пәтерлік 67 тұрғын үйдің құрылысы жүргізіледі. Оның ішінде 950-дей пәтер облыс орталығына тиесілі. Жыл басынан бері 462 отбасы қоныс тойын тойлады. Бүгін 150 отбасы баспана бақытына кенеліп, жаңа тұрғын үйлердегі әр пәтер қуаныш пен шаттыққа, балалардың күлкісіне толады. Бұл – әлеуметтің әл-ауқатын арттырудағы мемлекеттік қолдаудың нақты көрінісі», – деді аймақ басшысы.Рәсімде Индира Кенжетаева қоныстой иелері атынан қуанышын жеткізіп, мемлекет және қоғам қайраткері Нажмадин Мұсабаев ақ батасын берді. Өңірдің әлеуметтік-экономикалық дамуына үлес қосқан кент тұрғындары мен құрылысты сапалы салуға атсалысқан мердігер мекеме қызметкерлері марапатталды.Айта кетейік, «Аман құрылыс», «Интегрострой», «AЭS and limited» компаниялары салған көпқабатты тұрғын үйлердің құрылысы өткен жылы тамыз айында басталған еді. Жаңа пәтерлер әлеуметтік аз қамтылған отбасыларға, ата-ана қамқорлығынсыз қалған балалаларға табысталды.<img src="https://knadmin.beoblood.kz/uploads/441966291_753385166982730_704479205225320876_n_7bb6959bb8.jpg" alt="441966291_753385166982730_704479205225320876_n.jpg"><img src="https://knadmin.beoblood.kz/uploads/444228130_753385343649379_887156043644594218_n_4d7edaae2e.jpg" alt="444228130_753385343649379_887156043644594218_n.jpg"><img src="https://knadmin.beoblood.kz/uploads/445077194_753385446982702_6732849648526201987_n_fb26986c4e.jpg" alt="445077194_753385446982702_6732849648526201987_n.jpg"><img src="https://knadmin.beoblood.kz/uploads/445095778_753385540316026_1640937957068768606_n_2134c4a205.jpg" alt="445095778_753385540316026_1640937957068768606_n.jpg"> Фото: Қызылорда облысы әкімінің баспасөз қызметі

Қызылордада 150 отбасы баспаналы болды

<a href="https://kyzylorda-news.kz/">Kyzylorda-news.kz</a> Арал қаласын соңғы 10-15 жылдың бедеріндегі деңгеймен мүлде салыстыруға келмейді. Дамудың дара жолына түскелі осы Арал қаласы бойынша атқарылған жұмыстардың санында шек жоқ. Қызылорда қаласынан кейінгі қала статусына иелік еткен шаһардың бүгінгі көрінісін көрсеңіз, көз тоярлықтай-ақ. Алыстан менмұндалайтын алып шаһардың мүлгіген тыныштықта қалған кезі жоқ. Тіпті қараңғылық құшағында да бұл шаһар ақ самаладай жарығымен қалалықтардың көңіл сарайын жадыратып жіберетіндей. Осы кездің өзіне дейін қала әкімі бастап, аудан әкімі қоштап біршама істер тындырылып келеді. Ал өз ауласы мен көшесінің көркеюіне айрықша атсалысып келе жатқан азаматтардың да еңбегі өлшеусіз. Әсіресе бұл істе көше комитеті төрағалары белсенділік танытып келеді.Соның бір мысалын айтар болсақ, Арал қаласындағы Ж.Дошниязов көшесіне осы көшенің тұрғыны, көше комитетінің төрағасы Наурызбек есімді азаматтың атсалысумен түнгі жарық шамдары жүргізілген. Оған осы көшенің тұрғындары куә. Өзіне жүктелген міндетті абыроймен атқарып, жас болса да жарты жыл уақыт жауапкершілік жүгін арқалап келе жатқан азаматқа көше тұрғындары да дән риза. «Көшеміз жарқырап, сәні келіп қалды» деп қуана алғысын білдіруде осы көшенің тұрғындары Шолпан және Сара есімді тұрғындар.– Біз үшін осы мәселе жылдар бойы созбалаңға салынып келді. Қала әкімімен кездесулерде айтылатын мәселе де осы жарық пен жол болатын. Шүкір, көшемізге жарық орнатылды. Ең болмаса жүрер аяқ жолымыз анық көрінеді. Осы істің тез бітуіне көшеміздің көше комитеті төрағасы Наурызбек Жолдасов есімді баламыздың еңбегі зор. Ол осы уақытқа дейін түрлі мекемелерге барып, тиісті бастаманы көтере жүріп осы істің нәтижелі аяқталуына ерекше атсалысты. Өзі бір өте елгезек және қолынан іс келетін азамат. Осындай жанашырлық танытар азаматтар көбейсе, әрбір ауыл, әрбір көше өз ретіне қарай дами береді деп ойлаймын, – дейді көше тұрғыны Ш.Айымбетов.Иә, бүгінде осы Ж.Дошниязов көшесіне барлығы 15 жарық шамы орнатылған. Оның 3 данасы қала әкімі тарапынан берілсе, қалғаны Наурызбектің ізденісінің нәтижесінде мүмкін болып отыр. Көшедегі оқушы балалар мен қариялардың еркін жүріп-тұруына себепші болайын деген азаматтың бұл бастамасы басқаларға да үлгі болса дейміз. Қалай болғанда да қаламыздың күн санап көркейгені өзімізге жақсы. Жақсы нәтижелерге жетіп, шаһарымыз ажарлана берсін десек, осындай азаматтардың еңбегін бағалап, уақытында қолдау білдірген жөн деп ойлаймыз. Мұндай істің сәтті жүзеге асуына себепші болған азаматтар мен жергілікті билікке көше тұрғындарының ризашылығы шексіз.

Көптен күткен іс оң нәтиже берді

<a href="https://kyzylorda-news.kz/">Kyzylorda-news.kz</a> Бүгінгі технология қарқынды дамыған заманда қоғамдағы түрлі сала да өз бетінше даму үстінде. Соның ішінде аса танымалдылыққа ие – кондитер маманы болып отыр. Жақындарымызды қуанту мақсатында немесе туған күн кештерінде адамға ерекше әсер беретін әдемі торттың маңызы зор емес пе?!Мерекелік дастарқанның сәнін келтіретін түрлі нан өнімдерін жеке кәсіпке айналдырып отырған жандар да жетерлік. Сондай-ақ Арал ауданында да кәсіп көзін ашып, қалың көпшіліктің ризашылығын алып жүрген&nbsp; кәсіпкер қыз-келіншектер де бар. Соның бірі – Әлия Қуанышқызы. Қай кезеңде болмасын сәннен қалмаған, сұранысқа ие тәттінің түрі – медовый торт пен лакомка және тағы басқа нан өнімдерін жасап отыр. Тойларға тапсырыс алып, әр мереке қарсаңында ерекше торт үлгілерін жасап келе жатқанына биыл 7-8 жыл болып қалған. Әлия Махмутова өз кәсібі жөнінде:–Иә, қай жұмыстың болсын жеңілі болмайтыны белгілі. Кондитер саласының да өзіндік қиындықтары болып тұрады. Тек адамда кәсіпке деген шынайы ниет болса, ешбір қиындыққа мойымайды. Менде бұл кәсіпті қолға алмас бұрын қобалжу мен қорқыныш та болды. Жанымда анам ғана болғандықтан, таң атқаннан кеш батқанға дейін торт пісіретінбіз. Осылайша «көз қорқақ, қол батыл» демекші, қолдан келгенше алға ұмтыла бердім. «Атамекен» кәсіпкерлерді қолдау аясынан қайтарымсыз грант жеңіп, өз кәсібімді әрі қарай дамыта бердім. Қазіргі таңда қарамағымда 4 қыз жұмыс істейді. Азанғы уақыттан бастап күніне 80-100-дей медовый торт пен 300-400-дей лакомка істейміз. Ал қалған десерт, кекс және бөлке тәрізді нан өнімдерін тапсырыспен жасаймыз. Торт пісіруге арналған барлық дерлік құрал-жабдықтармен қамтамасыз етілген. Дайын болған нан өнімдерін жолдасым әр түрлі ірі-шағын сауда орталықтарына сатады, – дейді кәсіпкер.Кәсіп бастаймын деген әр азаматқа елімізде түрлі бағдарламалар қарастырылған. Өз жолын тауып, кәсіп көзін ашып, халық ризашылығына бөленіп отырған жандар да баршылық. «Еңбек деген байлық бар, ерінбеген жетеді» демекші, келешек жас буын тәрбиесіне де адал еңбектің наны қандай боларын ұқтыра білуіміз қажет.&nbsp;

Мемлекеттік қолдаудың арқасында кәсіп ашқан жан

<a href="https://kyzylorda-news.kz/">Kyzylorda-news.kz</a>&nbsp; «Өрлеу» Қызылорда облысы бойынша филиалы бейнесабақтар және бейнедәрістердің «Педагогикалық идеялар панорамасы – 2024» республикалық байқауының басталғандығын хабарлайды.Республикалық байқау мектепке дейінгі, орта, қосымша, техникалық және кәсіптік, орта білімнен кейінгі, жоғары білім беру ұйымдары қызметкерлерінің құралдық және пәндік сауаттылықты дамыту саласындағы заманауи білім беру технологиялары мен әдістемелерін пайдалану жөніндегі озық педагогикалық идеяларын ұсыну және тарату нысандарының бірі болып табылады.«Педагогикалық идеялар панорамасы» әрбір қазақстандық педагогке 12 бағыт бойынша яғни, ерте сауаттылық (мектепке дейінгі оқыту және тәрбиелеу); оқу сауаттылығы; математикалық сауаттылық; жаратылыстану-ғылыми сауаттылық; цифрлық сауаттылық; медиа-ақпараттық сауаттылық; қаржылық сауаттылық; экологиялық сауаттылық; денсаулық сақтау сауаттылығы (медициналық сауаттылық); әлеуметтік-эмоционалдық сауаттылық; мәдениетаралық сауаттылық; азаматтық-құқықтық сауаттылық) бойынша бейнематериал түрінде өзінің авторлық материалын ұсынуға мүмкіндік береді.Байқауға жеке немесе авторлық топпен қатысуға болады (топтағы қатысушылар саны 3 адамнан аспауы керек). Бейнематериалдардың: дәріс, сабақ, практикалық немесе зертханалық жұмыс, семинар, шеберлік сабақ, цифрлық білім беру ресурсы мен бейнеподкаст секілді түрлері қабылданады.Түсірілген материалдарды қазақ, орыс және ағылшын тілдерінде ұсынуға болады. Конкурсқа қатысушылардан берілетін бейнематериалдардың саны шектеулі. Бір педагог немесе бір авторлық топ тек бір бағытқа қатысуға өтініш беріп, бір бейнематериалды жібере алады.Байқау жұмыстары 7 критерий бойынша бағаланады: бейнересурстың өзектілігі; дәлелділігі; пәнаралық интеграциясы; әдістемелік құндылығы; инновациялылығы; сөйлеу мәдениеті мен шешендік шеберлігі; аудио/бейнеқатар сапасы.12 бағыттың әрқайсысына 1 бірінші орын, 2 екінші орын және 3 үшінші орын беріледі. Өңірлік және республикалық кезеңдердің барлық қатысушылары қатысқаны үшін сертификаттармен немесе 1, 2, 3 дәрежелі жеңімпаздардың дипломдарымен марапатталады. YouTube-те ең көп қаралған бейнематериал үшін әр бағыт бойынша мадақтау сертификаты қарастырылған. Байқаудың барлық марапаттау құжаттары Қазақстан Республикасы Оқу-ағарту министрінің 2024 жылғы 2 сәуірдегі №72 бұйрығына сәйкес аттестаттау кезінде біліктілік санатын беру немесе растауда ескеріледі.Конкурстың өңірлік кезеңіне қатысуға өтінімдер &nbsp;<a href="https://ppi.orleu-edu.kz">сайтында </a>24 сәуір мен 15 қазан аралығында қабылданады. Қосымша ақпарат алу үшін «Өрлеу» біліктілікті арттыру ұлттық орталығының Қызылорда облысы бойынша филиалына хабарласуларыңызға болады.

«Педагогикалық идеялар панорамасы – 2024» байқауы басталды

<a href="https://kyzylorda-news.kz/">Kyzylorda-news.kz</a>&nbsp; Ажырасу барда алимент мәселесі өзектілігін жоймайды. Өкінішке қарай қазақылықтың қаймағы бұзылмаған Сыр өңірінде де мұндай мәселе қалыпты һәм қауіпті құбылысқа айналып барады.Облыстық кәмелетке толмағандар істері жөніндегі мамандандырылған ауданаралық сот келтірген цифрлар сөзімізді айғақтайды. Жыл басынан бері оның қарауына сот бұйрығын шығару және әкелікті анықтау, алимент өндіру туралы 1162 арыз түскен. Оның 770-і талап қою, 31-і ерекше іс жүргізу, 361-і сот бұйрығын шығару сипатында. Ал әкелікті анықтау және алимент өндіру туралы арыздар бойынша 24 талап қойылып, оның 10-на қатысты шешім шығарылған.Сот судьясы Зәбира Абылайқызы ерлі-зайыптылардың негізінен 40 жасқа дейінгі аралықта некесі бұзылатынын, онда да көпбалалы отбасылардың шаңырағы жиі шайқалатынын айтып отыр.<blockquote>– Ажырасуға көбіне материалдық жағдай әсер етеді. Оның ішінде ер адамның жұмыссыздығы, ішімдікке әуестігі, айналып келгенде жауапкершіліктен қашуы кесірін тигізеді. Бірақ ерлі-зайыптылар мұның бәрін «мінезіміз жараспады» деп бір ауыз сөзбен қайырады. Ішкілікке салынып, түзу жолдан тайып, баланы әкесіне қалдырып кететін әйелдер бірен-саран болса да кездеседі, – деді судья.</blockquote>Борышкерлерден алимент өндіру бағытында облыстық прокуратура да ауқымды жұмыс атқарып келеді. Атап айтқанда, есепті кезеңде әділет департаменті мен жеке сот орындаушыларының өңірлік палатасына заңдылықтың бұзылуын жою туралы 10 ұсыныс енгізілді. Нәтижесінде 102 жалғызбасты ананың пайдасына 55,6 млн теңге алимент берешегі өндірілді.<blockquote>– 101 борышкер уақытылы алимент төлемегені үшін әкімшілік кодекстің 669-бабымен әкімшілік жауапкершілікке тартылды. 32 жеке сот орындаушыға міндеттерін тиісті деңгейде орындамағаны үшін тәртіптік шара қолданылды. Біздің бастамамызбен алимент төлеуден жалтарып жүрген 14 борышкерге қатысты қылмыстық кодекстің 139-бабымен іс тіркелді. Оның 6-ы қылмыстық жауаптылыққа тартылды. Қалғандары бойынша тергеу амалдары жүргізіліп жатыр, – деді облыстық прокуратураның басқарма прокуроры Мейіржан Тұрғанбекұлы.</blockquote>Ажырасқаннан кейін ата-ананың бала алдындағы қарызын өтеу мәселесі республика көлемінде де қордаланып тұр. Статистикаға қарағанда, өткен жылы алимент өндіру туралы 8 мыңнан астам сот шешімі мүлде орындалмаған. Әділет министрлігі елімізде алимент төлеуден қашып жүрген 270 мыңнан астам адам барын жариялады. Былтыр 14 мыңнан астам азаматтың Қазақстан шекарасынан шығуына уақытша тыйым салынса, 7 мыңға жуығы әкімшілік жауапкершілікке тартылған.&nbsp;Назерке Саниязова

Алимент төлегісі келмейтін әке көбейді 

<a href="https://kyzylorda-news.kz/">Kyzylorda-news.kz</a>&nbsp; Кеңестік дәуірде көркем шығармаларды көптің алдына шығару үшін арнайы сүзгіден өткізуші еді. Нарық заманы туғанда кімнің ақшасы болса сол өнер адамына айналды. Бұл – әннің де басынан кешкен хәлі. Дәл осыдан бастап талғам таяздады. Тыңдарман талғамын өсіру үшін таңдаулы, сезімге суарылған әндер таңдалу керек еді. Әйтсе де ондай әндерді уақыт өзі сұрыптап, «айқайлағанның бәрі әнші емес, ән шығарғанның бәрі Шәмші емес» екенін таныта бастайтыны анық.Біз тума талант, дарынымен дараланған өнер адамы туралы сөз айтпақпыз. Ол &nbsp;– Сырдың ғана емес, күллі қазақ ән өнерінің қадірлісі &nbsp;Рамазан Тайманов.Композитордың есімі сонау 1986 жылғы тоталитарлық жүйенің көбесін сөккен Желтоқсан көтерілісі кезіндегі қазақ қыздарының қайсарлығын, ұлтжандылығын паш еткен «Қазақ қызы» әнімен асқақтап шықты. Әлі күнге дейін әр жас кеуденің рухын қозғап, елін, жерін сүюге үндейтін осы әннің бойындағы өр рухты алмастыратын жауһар шығарма өмірге келген жоқ.Композитордың «Қорқыт қобыз» әні 2000 жылы республикалық «Жас қанат» конкурсында жерлесіміз Гүлнұр Оразымбетованың «Азия дауысында» жеңіске жетуіне жол ашты. Ал 2022 жылы «Қазақстан дауысы» жобасында жас талант Құралай Мейрамбек осы әнді жаңаша бағытта орындап, жеңімпаз атанды.Композитордың бұл әні – өте күрделі шығарма. Ол жөнінде Рамазанның өзі: «Менің жазған ән мақамым қазіргі айтылып жүргендегіден басқалау болатын. «Жас қанатта» Гүлнұр оны өз мақамына салды. Әндегі жыраулар сарыны, Қорқыт күйі ашылмады. Оны менің жазған түпнұсқадағы мақаммен әлі күнге еш әнші орындай алмай жүр», – дейді. Ал, ендеше! Гүлнұр түпнұсқаға түспей-ақ бүкіл жұртты орнынан тұрғызған болса, «Қорқыт-қобыздың» құдіреті қайда жатыр?!Бұл ән «Азия дауысы» фестивалінің негізін қалаушы, атақты продюссер Мұрат Ерғалиевті де таңғалдырыпты. «Рамазан ән өнеріне революция жасады. Қазақтың күй мақамын эстрадаға алып келді» депті ол. Шынында, &nbsp;баспасөзде «Қорқыт-қобыздан» кейін эстрада қазақыланып, терме-күй мақамдарының кеңінен қолданыла бастағаны айтылып жүр.Рамазан – керемет композиторлығына қоса ұлағатты ұстаз бола білген жан. Гүлнұр Оразымбетова, Мәдина Сәдуақасова, Алмас Кішкенбаев, Серік Ибрагимов секілді қазіргі қазақ ән өнерінің шынарлары – ұстаз Таймановтың шыңдаған шәкірттері.Рамазанның шын талантқа деген жанашырлығы, олардың әрқайсына туған баласындай қарап қамқор бола білген әкелік мейірбандығы – әркез шәкірттерінің аузында жүретін әңгіме. Солардың бірі талантты әнші Серік Ибрагимовке қатысты сөз.Бір жылы әлі балаң Серік Жаңақорғаннан қалалық ән байқауына келеді, бірақ жүлде ала алмайды. Оның тереңінде бұлқынып жатқан дарынын байқаған Рамазан продюссерге: «Осы баланың республикаға баруына көмектесейік» дейді. Өйткені, орын алмаған бала республикалық сайысқа қатыса алмайтын. Сонымен, Серік Алматыға баратын болады. Алайда уақыт жақындағанда ата-анасы баланың бара алмайтынын айтады, оның себебі сахналық киімдері жоқ екен. Рамазан дереу көлігіне мініп, Жаңақорғанға қарай тартады. Баланы үйінен алып шығып базарға апарып киіндіріп, Алматыға алып кетеді. Сол жолы өзімізде бас бәйге, бірінші орын алғандар құр қалып, қатарға ілікпеген Серік екінші орынды олжалап қайтады.Міне, нағыз жанашыр дегенің осы – Рамазанның қамқорлығы. Егер сол кезде дәл осындай қолдау көрсетілмегенде талантты Серіктің тағдыры қалай болар еді?..Рамазан өмірде қарапайым, үлкенмен де, кішімен де «құрдас», маңғаздық, кісімшілік оған жат. Егер оны бірінші рет көрген адам болса, түр-тұлғасына қарап атақты композитор дегенге сене алмасы кәдік. Тіпті, баяғы Жансүгіров поэмасындағы «осы ма, Құлагерің, жүйріктігі қай жерінде…» деп хас тұлпардың тұрқына көп жұрттың таңғалғанындай күйге түсер еді. Ал енді ән деген құдіреттен әмір келсе, онымен иықтасып тұруың қиын, ол – асқақ. «Шабытым келген шақтарда – құмырсқаң да бір, сен де бір, &nbsp;Құдайың да бір, мен де бір» деп Өмірзақ ақын айтқандай, шамасы.Рамазанның әндері әлдебір әсерден емес, әсілі түбі терең жүректен тартып шығаратын жібек тіннің бойындағы қобыз қылшегінің сиқырлы ырғағынан туады. Оны басқаша түсіндіру қолдан келмейді. Түсінгенім, ол өзінің ән көркемдігіне ұқсайды.Біз екеуміз оншақты жыл жас айырмамызға қарамай-ақ дос адамдармыз. Оның өткірлігі өз алдына, бетің бар, жүзің бар демей ақиқатты айтатыны тұлғасына жарасып тұрады. Рекеңнің тұлабойына аса қарапайымдылық пен сол бір &nbsp;қайсар мінездің қалайша қатар сыйып тұрғанына қайранмын. Кереғар күшті біріктіріп ұстау рухы биік адамның ғана әлі келетін дүние болса керек.Құдіретті де, қуатты ән тудыру үшін мұндай қасиеттердің сол болмыстың өзінде болуы міндетті. Рамазан – бұл тұрғыда мойындалған өнер тұлғасы.1996 жылы Эстонияда өткен бүкілдүниежүзілік «Аплаус» балалар шығармашылығы фестивалінде КСРО Халық артисі, әйгілі композитор Раймонд Паульс Таймановтың «Қызылорда жастар әнін» фестивальдің ең таңдаулы әні деп бағалап, эстон өнерінің «Алтын қорына» жаздырып алған. &nbsp; &nbsp;Сонау 1997 жылы оның «Айналайын» әні балалар фестивалінің гимні ретінде қабылданған. Әр композитор өз әнінің гимнге айналғанын армандайды, мұндай бақытқа жеткендер санаулы ғана. Мұны біз «Айналайынға» қатысты ғана айтып отырған жоқпыз. Рамазанның Құдайберген Қазыбековтің өлеңіне жазған «Қазағым», Шәкизада Әбдікәрімовтің өлеңіне жазған «Сыр-ана» әндері де гимнге айналып кетті десек, ешкім &nbsp;де &nbsp;артық айттың демейді.21 мамыр күні мәдениет пен өнер қызметкерлерінің мерекесіне орай Қызылорда қаласындағы «Өнер орталығанда» салтанатты шара өткізілген еді. Осы шарада сөз сөйлеген облыс әкімі Н.Нәлібаев композитор Тайманов &nbsp;әндерін орындаушылардың республикалық конкурсы өтетінін айтып, мерейтой иесінің мерекесі лайықты аталатын болады деген-ді.Күні кеше Рамазан Таймановтың 70 жасқа толуына орай «Сыр-ана» атты республикалық ән конкурсы өткізілді. Еліміздің әр аймағынан келген талантты әншілер сынға түсті. Конкурстың мақсаты композитор Рамазан Тайманов әндерін жас ұрпаққа дәріптеу, оның әндері арқылы елдің рухын биіктетіп, қазақ эстрадасындағы жас таланттардың орындаушылық шеберлігін арттыру болды.Композитордың мерейжасы Сыр өнеріне ортақ мерекеге айналды.Қай саланың майталманы болса да, лайықты бағасын алғаны абзал. Атақ оған емес, оны мақтан тұтатын кейінгі ұрпақ үшін керек.Рамазан Тайманов – ҚР Еңбек сіңірген қайраткері, «Құрмет» ордені, «Шапағат» медалінің иегері, Қызылорда облысының, Қызылорда қаласының, Сырдария ауданының құрметті азаматы. Мұның бәрі – көп жылғы тер төккен еңбектің жемісі.Дүйсенбек Аяшұлы

 Күй мақамын эстрадаға алып келген композитор

<a href="https://kyzylorda-news.kz/">Kyzylorda-news.kz</a>&nbsp; «Өрлеу» Қызылорда облысы бойынша филиалында «Пәнаралық зерттеулерді жүзеге асыру мәселелері мен перспективалары» атты республикалық ғылыми-тәжірибелік конференция өтті.Ұстаз-ғалым, педагогика ғылымдарының кандидаты Ұлтай Ешимованың 60 жылдық мерейтойына орай ұйымдастырылған конференция жаратылыстану-математикалық бағытындағы пәндерді оқыту сапасын жақсартуға, білім сапасын арттыруда пәнаралық байланыстар негізінде мұғалімдер мен білім алушылардың бәсекеге қабілеттілігін дамытуға және олардың зерттеушілік дағдыларын жетілдіруге бағытталған.Білім саласындағы өзекті мәселелерді талқылау мақсатында ұйымдастырылған іс-шараға «Өрлеу» Қызылорда облыстық филиалының оқытушылары, республиканың ЖОО-ның профессор-ғалымдары, орта білім беру ұйымдарының педагогтері қатысты.Конференцияның пленарлық мәжілісінде төмендегідей өзекті тақырыптар бойынша баяндамалар оқылды:- пәнаралық байланыстар негізінде математикалық ұғымдарды қалыптастыру;- орта мектеп физика курсында математикалық модельдеу әдістерін қолдану;- оқушылардың зерттеу жұмысында «PROJECT BASED LEARNING» технологиясы арқылы функционалдық сауаттылығын қалыптастыру;- ЖОО-ның студенттеріне математиканы оқытуда Mathematica компьютерлік математикалық жүйесін қолдану;- оқу сауаттылығын дамытуда қолданылатын мәтін және деңгейлік тапсырма түрлері;- Кинематика тарауын математика пәнімен кіріктіре оқыту жолдары;- Lesson Study: білімдегі олқылықтарды жоюдың жолы және мұғалімдердің кәсіби құзыреттілігін дамытудың негізі.Конференция қорытындысы бойынша ұсынымдар қабылданып, сұрақ-жауап арқылы пікір алмасу болды. Конференция жұмысына қатысқан педагогтерге сертификаттар, үздік баяндамашыларға алғыс хаттар табысталды.Конференция жұмысының бес бағыты бойынша 70-ке жуық мақалалар келіп түсті, алдағы уақытта электронды жинақ шығарылады.«Өрлеу» Қызылорда облысы бойынша филиалының қолдауымен педагогтердің қызметін әдістемелік қолдауға, құзыреттілік деңгейін арттыруға, тәжірибе алмасуға және курстан кейінгі сүйемелдеуге бағытталған шаралар жыл бойы жалғасатын болады.

Пәнаралық зерттеулерді жүзеге асыру мәселелері бойынша республикалық конференция өтті

&nbsp;<a href="https://kyzylorda-news.kz/">Kyzylorda-news.kz</a> Жаңаөзенде 2004 жылы мектеп бітіргендер ұстазына үш бөлмелі пәтер сыйлады.&nbsp;Бұл туралы&nbsp;<a href="https://stan.kz/zhanaozende-mektep-bitirgenine-20-zhil-bolgan-tulekter-400804/">Stan.kz</a>&nbsp;ақпарат агенттігі&nbsp;хабарлайды.Жаңаөзендегі №10 орта мектептің 2004 жылғы түлектері "Көмек Жаңаөзен" қайырымдылық қорымен бірлесіп, физика пәнінің мұғалімі Гүлнар Қарақойшиеваға үш бөлмелі пәтер сыйлады.Түлектер 25 мамыр "Соңғы қоңырауда" пәтер кілттерін табыс етті. Мұғалім қуаныштан көзіне жас алып, шәкірттеріне алғыс білдірді.Жаңа тұрғынға демеушілер мен қайырымдылық қор өкілдері де өз сыйлықтарын табыс етті.Гүлнар Қарақойшиева 40 жылдан астам мектепте еңбек етіп, жаңаөзендік жастардың білім алуына өз үлесін қосып келеді.Фото: Маңғыстау қоғамдық коммуникациялар орталығы

Мектеп бітіргеніне 20 жыл болған түлектер ұстазына үш бөлмелі пәтер сыйлады

<a href="https://kyzylorda-news.kz/">Kyzylorda-news.kz</a> Өткенімізге ой жүгіртіп, бола­ша­ғымызға бағдар көрсету, асыл қа­зы­намызды жас ұрпаққа насихат­тау–әрбір адамзаттың парызы. Осыған байланысты Арал ауданында&nbsp;жергілікті ақын жазушы Мешітбай Құттықовтың шығармашылығына арналған «Теңіздей толқыған қаламгер»&nbsp; атты жыр&nbsp; кеші өткізілді.Кештің мақсаты – өткенімізге ой жүгіртіп, болашағымызға бағдар көрсету, өзіміздің асыл қазыналарымызды жас ұрпаққа насихаттап, жеткізу.&nbsp;Шара алдымен әдебиет жанрының барлық түріне қалам тербеген ақынның шы­ғар­ма­шылығына арналған шараның шы­мыл­дығы ақынның өмір есте­лік­терімен түрілді. Шарада сөз кезегі ақынның қызы&nbsp; Мирамкүл&nbsp; апай әкесінің өнегелі өмір жолына тоқталып, артында өнегелі өмірі, өлмес өлеңі, үзілген үмітін жағып, жолын жалғастырар ұрпағы қалған ақын ел есінде мәңгі сақталатынын жеткіздіАйтар болсақ, тұңғыш өлеңдері 1948 жылы баспасөз бетінде жарияланып, артынша 1978 жылы Жазушылар одағының мүшелігіне қабылданған. «Құс жолы», «Ар-намыс», Мазасыз түндер», «Сонар» жыр кітаптары мен «Аяқталмаған ән» атты повестер, әңгімелер жинағы шыққан. Ол бірнеше үкі­меттік медальдардың, облыстық, республикалық грамоталардың ие­ге­рі. Арал ауданының құрметті аза­ма­ты, қазақ тілінің жанашыры М.Құт­ты­қов өмірінің ақырына дейін ау­дан­дық «Қазақ тілі» қоғамы­ның төра­ға­лығымен бірге, «Асыл мұра» газетін шығарып, оның редак­торы қызметін қоса атқарды.Иә, Мешітбай ақынның шығармашылығы, өмірі тү­гел­дей дерлік Арал өңірін жыр­лауға арналды. Бұл салада көп­те­ген өлеңдері, «Дерт-дастан» ат­ты көлемді публицистикалық поэ­ма­сы жарық көрді. Арал теңізіне бай­ла­нысты тарихи оқиғаларды халық­қа, болашақ ұрпаққа жеткізуде ақын­ның еңбегі зор. М.Құттықов – ақын, жа­зушы, жалынды публицист, әде­биет зерттеушісі және қоғам қай­рат­кері ретінде республикада және одан тысқары аймақта да елге танымал&nbsp; қаламгер. Сол ару да шалқар теңіздің ұлтанының құрғап қалғанын көрген ақын:&nbsp;Жете алмай келем жағаға,Жол салып теңіз түбімен.Жалғыздан жалғыз шағала,Төбемнен төмен үңілген» – деп жырлап, туған жерге&nbsp; деген ыс­тық сезімін осылай жеткізіп еді.Шарада «Аралды&nbsp; сүю керек&nbsp; қайтқанда да» атты&nbsp; ақын өмір жолынан сыр шертетін бейнебаян&nbsp; көрсетілді. Сонымен бірге кеш&nbsp; қонағы&nbsp; Р. Сатаева,&nbsp; Б.Әлімбетова, Ж.Дәрімбетов ағамыз ақын&nbsp; туралы&nbsp; естеліктерге тоқталды.&nbsp;Жыршы&nbsp; термеші С.Жұбаниязов&nbsp; жырдан&nbsp;шашу&nbsp; шашып, №260 мектеп&nbsp; оқушылары А.Аралбайұлы, Д.Нұрболатұлы, Б.Қалыбек өрелі жас жеткіншектеріміз Мешітбай ақынның&nbsp; өлеңін жатқа оқыды Кітапханашы&nbsp; Б.Әбілдаева&nbsp;«Өлеңнің жүйрік дүлділі» атты&nbsp;кітап&nbsp; көрмесімен таныстырды.

Ел ризашылығына бөленген ақынды еске алды

<a href="https://kyzylorda-news.kz/">Kyzylorda-news.kz</a> Қазақ өркениетінің бастауы – өнер және дәстүр құндылығы. Оның ішінде ғасырдан-ғасырға жалғасып, жалпы қазақ қоғамының әр кезеңіндегі тарихи оқиғалармен қатар, ұлт мүддесі, әлеумет ұстанымы, салт-сана, тұрмыс-тіршілік сипатын арқау еткен жыраулық, жыршылық өнердің бүгінгі беталысы, деңгейі өте жоғары. Жуырда белгілі жырау, Жиенбай жыр мектебінің өкілі Серік Жақсығұлов өзінің жыр кешін өткізген болатын. Осыған орай жыраудан жыршылық өнері мен құндыылықтары туралы әңгімелескен едік.– Серік аға, «Жырдария» атты жыр кешіңіздің сәтті өтуімен құттықтаймын. Әсеріңізді бөліссеңіз…– Рахмет! Өздеріңіз білесіздер, Сыр өңірі қашаннан да өнерге оң көзқараста. Өнер мерейі тасып бір белеске көтерілген кеш болды. Әр шығарма орындаған сайын халықтың қолпаштауы, алғаусыз көңілі үлкен шабыт сыйлады. &nbsp;Жыр жәрмеңкесінде сыр сүлейлері Тұрмағамбет Ізтілеуұлы, Шораяқтың Омары, Кете Жүсіп, Махамбет Өтемісұлының толғаулары мен «Көрұғлы» дастаны сияқты көлемді шығармаларға тоқталдық. Аямызды тарылтпадық. Тиісінше алдағы жоспарларға із салдық деп ойлаймын.– Жыр кешіңізді өткізу идеясы қайдан келді?– Идеяның өзі халықтың сұранысынан туады. «Халық &nbsp;қаласа, хан түйесін сояды» деген ұғым бар. Біз қашанда халықтың қызметіндеміз. Облыс әкімдігі, облыстық мәдениет, архивтер және құжаттама басқармасының басшысы Мира Жомартқызы, Н.Бекежанов атындағы қазақ академиялық музыкалық драма театры басшысы Мұхтар Мәуленұлы бастаған ұжым шараның жоғары деңгейде өтуіне септігін тигізді. Негізгі мақсат – жыраулық өнерге келген уақыттан бергі тәжірибемен бөлісу. Өнер адамында адымдап келіп, қадамдап шабатын уақыты болады. Профессор Алмас Алматов ағамыздың сөзі бар «Кезеңі келмей, кезегі келмес» деген. Бұл сондай бір сәті келген кеш болды деп есептеймін.– Орындаушылық шеберлігіңізде өзгешелік бар.&nbsp;Десе де бұл шыңы емес шығар…– Бұл – көп жылғы ізденіспен келген нәтиже. Үлкен жырауларды көп тыңдадық. Әрбір жыраудың мақам, саз, ән шақыру, жырлау, мәнерлеп орындау сипаттамасын меңгеруге талпындық. Қадау-қадау жүйріктердің ішінде қадап айтарымыз, Рүстембек жырау, Мұзарап жырау, Жаппар Тұңғышбаев, Шамшат Төлепова, Көшеней Рүстембеков, Қуандық Бүрлібаев, Бидас Рүстембеков, Алмас Алматов сияқты таңбалы жыраулардың жыр қорынан сусындап өстік. Соларға еліктеп, мақам-саздарын үйрендік. Орындаушылық шеберліктің шыңы әлі алда. Өзімді қай кезде де күрделі мақамдар орындап, жетілдіріп отырамын. Әрбір мақамның мәйегіне жетуге, әр дыбыстық жүйеге мән беруге, оның қайырымын орын-орынына түсуіне жұмыс жасадық. Соның нәтижесі міне осы.– Жалпы жыраулық өнер қай кезеңнен бастау алады?– Әр өңірдің өзіне тән өнер сабақтастығы болады. Біздің өңірдегі жыраулық өнер бастау бұлағын Сыр анадан, Қорқыт бабадан алып жатыр десем артық айтқандық емес. Бұл өнер біздің қанымызда бар. Кешегі Күлтегін, Тоныкөк дәуірлері, бертінде Ешнияз сал, Жиенбай жырау, Тасберген жыраулардан қалған мұра. Біз жыраулық өнерді сонау күретамыры үзілмеген кезеңнен бастадық. Бүгінде атамұра өнер жалғасын тауып, жаңғырып жатқаны көңіл құсын көкке шарлатады.– Домбыраны алғаш неше жасыңызда қолға алдыңыз? Кім себепші болды?– Алғаш домбыраны алты жасымда қолға алдым. Өнерге келуімізге ата-анадан алған тәрбиемізбен қатар өскен ортамыздың әсері болды. Әкем Орынбек Шәріпұлы, анам &nbsp;Тұрды Құдайбергенқызы көп септігін тигізді. Кешегі Көшеней Рүстембеков, Қуандық Бүрлібаев, Шамшат Төлепова секілді жампоз жырауларды тыңдай жүріп, туысқандық қатынастарымен де араласқан. Әкем бозбала күнімде белгілі жырау Алмас Алматовқа өз қолымен апарып, табыстағаны күні кешегідей көз алдымда. Содан бері жыраулық-жыршылық әлеміне өз қосымызды тігіп, өнер өлкесіне қадам бастық.– Шәкірт тәрбиелеуде нені бағдар етесіз?– Біз әрбір орындаушының шығарманы дұрыс айтылуына баса мән береміз. Ұстаздық жолы ауыр. Біркелкі мақаммен шектелмей, күллі қазаққа ортақ өнер өкілі болуына баулимыз. Беретін бағдарымыз тек орындаушылық емес, кәсіби шеберлік. Сонымен қатар азаматтық болмысының қалыптасуына да бағыт беріп отырамын.– Жыр қорыңызда қанша қисса-дастан бар?– Сыр сүлейлерінің барлық шығармаларынан орындаймыз. Себебі Сыр бойы жырауларының сонау түркі дәуірінен тамыр алатыны белгілі. Шораяқтың Омары, Балқы Базардың еңбектері мен Тұрмағамбет ақынның бірнеше дастанына бой алдырдық. Сондай-ақ Рахмет Батырбаевтың, Әбзәли Егізбаевтың туындылары және «Бұқарбай батыр», «Шахнама», «Көрұғлы» дастандары бар. Атап айтқанда осылар. Бірақ терме, дастанның барлық түрлері бар. Кешегі «Қобыланды», «Алпамыс» сияқты жырларға дейін бойлап бара береміз. Халықтың сұранысына сай жырлауға толық мүмкіндігіміз баршылық.– Ғылым мен мәдениетте, әдебиет пен өнерде қандай тұстарымыз жетіспей жатады?– Бұл – көлемді тақырып. Ғылым мен мәдениет, әдебиет пен өнер аясы өз кеңістігінде өсіп келеді деп айта аламын. Дегенмен, кешегі ғалымдарымыз Әлкей Марғұлан, Мұхтар Әуезов, Рахманқұл Бердібай, Мардан Бәйділдаевтардың атқарған еңбегінің ізінде көптеген мұраларымызды әлі де жетілдіруіміз қажет. Бұл ғалымдардың жасап кеткен еңбегін жалғастыру – біз үшін үлкен бағыт-бағдар, аманат. Жетіспей жатқан тұсымыз көп. Бүгінгі жыраулардың барлығы мақала жазып, әрбір орындаушының үлкен мектеп қалыптастырған Нұртуған, Нартай, Жиенбай шығармаларын айналымға ендіру мәселесі. Қазақ әдебиетінде толық орын алатын тұлғалардың жыр-дастандарын зерттеу мұраты біздің алдымызда тұрады.– Қазір театрда қызметтесіз. Жыраулық пен театр – екеуі екі бағыттағы сала. Қиындық туғызбай ма?– «Театрдың өзі – синкреттік өнер. Ал жыраулық өнер – даралық өнер шоғыры» дейді профессор Алмас Алматов. Синкреттік – ол жан-жақтылық. Әр саланың, әр өнердің төрт құбыласын түгел қамтып келетін орта. Жалпы осы жыр кешімізді жыр спектакль ретінде ұсынып, жыр кешінің жаңаша форматта өтуі үлкен өзгеріс, тамаша көрініс тапты. Атап айтқанда, режиссер Бақытбек Темірбеков өз қолтаңбасын қалдырды. Театр басшысы, айтыс ақаны Мұхтар Ниязов сценарийге атсалысып, Сыр ана мен Қорқыттың үйлесім табуына үн қосып, үлкен қолдауын көрсетті. Қос саланың қатар тоғысқан тұсында қашанда жаңа келбет жарқырай көрінеді.– Қазақы құндылық қазіргі қоғамда қадірін жоғалтып алған жоқ па?– «Қадірін білген адамға адам қымбат» дейді халық даналығында. Хакім Абайдан: – Бұл өмірде кімнен, неден жеңілдіңіз?» деп сұрапты. Сонда ұлы Абай: «Сөз ұқпайтын ақымақтан күнде жеңілемін» деген екен. Қазақы құндылық қазіргі қоғамда қадірін жоғалтпайды. Егер де соны ел болып көздің қарашығындай қорғай білсе, жас ұрпақ бойына сіңіре білсек, нұр үстіне нұр болар еді. «Жоқ деген жерге, бардың шамын алып бар» дейді ұстазым Алмас Алматов. Жоқ деген сөзден қашуымыз керек. Бар, болады деуіміз керек. Әрқашанда алда жүруге, құндылығымызды кеңінен насихаттауға әрбіріміз үн қосуымыз қажет деп есептеймін.– Соңғы сауал. Жыр кешін аудандарда өткізуіңіз мүмкін бе?– Әбден мүмкін. «Жырдария» атты жыр жәрмеңкесінің облыс орталығында тұсауы кесілді. Жоғарыда атап өткенімдей, бұл – жаңа формат. Халыққа осы үрдісте ұсынсақ жақсы қабылдайды деген ниет бар. Бұл жыр кеші «Руханият жылы» аясында ауқымды шаралардың бірі деп есептеймін.Тұрар Бекмырзаев

Қазақстан және Қызылорда облысының жаңалықтары