<a href="https://kyzylorda-news.kz/">Kyzylorda-news.kz</a>&nbsp; Қала іргесінде қоныс тепкен Қарауылтөбе ауылдық округі талай шеберді шыңдаған мекен. Ынтымағы жарасқан ауыл халқымыздың салт-дәстүрін, ұлттық өнерін берік ұстанған. Ата дәстүрді жалғастырушы ұлттық өнерді ұлықтаушы тұрғынның бірі – Мөлдір Түлебаев.&nbsp;Қазақы тәрбиені бойына сіңірген кейіпкеріміз қолөнерге бала кезден жақын болған екен. Себебі анасы тігіншілікпен айналысып, бала Мөлдірді шеберлікке шыңдаған. Соның жемісі болар бүгінде кейіпкеріміз Қарауылтөбе ауылындағы сұранысқа ие қолөнершінің бірі.&nbsp;– Бала кезден тігінге қызықтым. Ол кезде қуыршаққа киім тігетін едім. Негізі ісмерлік қасиет анамнан дарыған. Үлкен апам тұрмысқа шыққанда анам оның жасауын өзі тікті. Сол кезде қасында қарап отыратынмын. Көрпе көктеуді де анамнан үйрендім. Сөйтіп, карантин кезінде тігін тігуді қайта қолға алдым. Содан бері төрт жылға жуық уақыт болды. Бүгінде өз тұтынушыларым бар. Қаладан да, ауылдан да, әлеуметтік желідегі па-рақшам арқылы да тапсырыс беріп жатады. Қыз жасауын, бесік жабдығын тігемін, – дейді қолөнер иесі бізбен әңгімесінде.Қазіргі таңда Мөлдір Түлебаева бүгінде отбасымен жұмысты және жеке кәсібін қатар алып жүрген жан. Оған қоса төрт баланың анасы. Ауылдағы балабақшада жұмыс істейді. Осындай жауапты қызметтеріне қарамастан жеке кәсіпті де дөңгелетіп, бос уақытын текке өткізбей нәпақасын тауып жүрген жайы бар. Үй ішінен тігіншілікке арнайы бөлмесі бар. Онда қазақы нақышта тігілген көрпешелер, жастықтар, төсек жапқыштарды орналастырған. Одан бөлек тұтынушылардың тапсырыстары бар.&nbsp;Басынан орамалы түспеген кейіпкеріміздің қолөнер шебері екенін түр-тұрпатынан да аңғару қиын емес. Үнемі қазақы, ұлттық нақышта киінетін Мөлдір тек кәсіп жүргізіп қана қоймай, ұлттық құндылықтарды да осылай дәріптеп келеді.А.Әлім

Қарауылтөбедегі қолөнерші

2023-2024 оқу жылында Жалағаш ауданының білім саласында айтарлықтай серпін қалыптасты. Оқушылар арасында өткен облыстық түрлі танымдық байқауларға 300-ден астам оқушы қатысып, олардың 46 пайызы жүлдемен оралған. Ал республикалық деңгейде 29 оқушы жүлдегерлер қатарынан табылып отыр. Алғаш өткен ауыл мектептерінің оқушыларына арналған олимпиаданың республикалық кезеңіне 10 оқушы қатысса, олардың алтауы үздік деп танылған. Нәтижесінде республикада аудандағы әл-Фараби атындағы №201 мектеп-лицейі үздік 10 мектептің құрамына енген. БАҚ өкілдерімен өткен брифингте Жалағаш аудандық білім бөлімінің басшысы Талғат Садықов осылай деді.Спикер бұл жетістіктерді жоспарлы жүргізілген жұмыстармен байланыс­тырады. Сондай-ақ ол оқушыларды пәндік олипиадаларға дайындау жұ­мыс­тары да нәтижесін бергенін айтады.&nbsp;– Жаратылыстану-математикалық бағыттағы 6 пән бойынша&nbsp; «Қамбаш» олимпиадалар және қосымша білім беру орталықтары базасында жалпы білім беру ұйымдарының 7-10 сынып оқушылары, яғни 3 кезең бойынша 96 оқу­шымыз дайындық курстарынан өтті. Пәндік олимпиадаға дайындықты кү­шейту мақсатында&nbsp; аудандық «Жас дарын» олимпиадалық&nbsp; резерві мектебі құрылып, 122 оқушы қамтылды. Бұдан бөлек ауданда оқушылар дебаттық қозғалысы жалпыұлттық мәдени бі­лім беру жобасы аясында жүзеге асырылуда, 20 дебат клубы белсенді жұмыс жасауда. Пікірсайыс қозғалысы осы оқу жылында мектептерде&nbsp; 481 оқушыны қамтыды. Ерекше білім бе­руді қажет ететін оқушыларымыз да на­зардан тыс қалмайды. Биыл ал­ғаш рет «Менің қолымнан бәрі де келеді» атты&nbsp; олимпиада өтті. Олимпиаданың облыстық кезеңіне 3 оқушы қатысып,&nbsp; ІІ, ІІІ орындардан көрінді, – деді Талғат Құрақбайұлы.Сала басшысы оқушылардан бө­лек мұғалімдердің де жетістігі көп еке­нін айтады. Мәселен, ҚР Оқу-ағарту ми­нистрлігі ұйымдастырған «Үздік пе­дагог» республикалық конкурсында Сал­танат Қосжанова 3 млн теңге грант иеленген. Өткен жылдың соңында об­лыс әкімдігінің қолдауымен 1 үздік педагогке 1 млн 35 мың теңге сыйақы бе­рілді. Былтыр мектепке дейінгі білім беру, жалпы орта білім беру, әлеу­меттік-педагогикалық қызмет, қо­сым­ша білім беру, техникалық және кә­­сіптік білім беру, дене тәрбиесі және АӘД бағыттары бойынша 40-тан астам облыстық кәсіби байқау өткен. Республикалық кезеңге қатыс­қан 9 педагог 3 номинациямен мара­патталды.&nbsp;– Педагог – оқытушы ғана емес, ұлт тәрбиешісі. Педагогтердің шығарма­шы­лығын арттыру мақсатында түрлі кәсіби байқау ұйымдастырылып, жетістікке жеткен ұстаздарды қолдау, педагог мәртебесін жоғарылату бағы­тындағы жұмыстар жалғасын табады, – деді ол.420 түлек мектеп бітіредіАуданның бас ұстазы биыл 420 тү­лек мектеп бітіретінін айтады. Олардың 18-і – «Ал­тын белгіге» үміткер, ал 43 оқушы – «Үздік аттестатқа» үміт­кер. Сондай-ақ биыл 9 сыныпты тәмам­дайтын 666 оқу­шының 132-сі – «Үздік аттестатқа» үміткер.Биылғы маусымның тағы бір ерек­шелігі, 27-31 мамыр аралығында 3264 оқушы бірінші рет «Қазақ тілі мен әде­биеті» пәнінен емтихан тапсырады. Емтихан қазақ сыныптарында қазақ тілінен, орыс сыныптарында қазақ тілі мен әдебиеті пәнінен өтеді. Онда 4 дағды, яғни тыңдалым, айтылым, оқылым, жазылым бағаланады. Грам­ма­тикалық талдау жасалады. Ем­ти­ханның өтетін күнін мектептің педаго­гикалық кеңесі айқындайды.Министрлік биыл елдегі ахуалға байланысты мектеп бітіру іс-шаралары болмайтынын мәлімдеген. Артынша бұл шешімін қайта жоққа шығарды. Бірақ ата-аналар тарапынан әлі де күдік басым екен. Оған кешегі бри­фингте анық көз жеткіздік. Онда осыған қатысты сауалды ата-аналар төтесінен қойды. Яғни оқушылардың мектеп бітіру кеші бола ма, болмай ма? Осы сауалға нақты жауап беруін сұраған.&nbsp;– ҚР Оқу-ағарту министрлігі тара­пы­нан білім беру ұйымдарындағы мек­теп бітіру іс-шараларын өткізудің тұжырымдамасы бекітілді. 24 мамыр күні «Білімім – Отаныма» 1-11 сы­нып бойынша бірыңғай тәрбие са­ға­ты 9.00-де өткізіледі. Тәрбие сағаты Әнұранмен басталады. Тәр­бие са­ға­тында балалардың жыл бойы білім же­тістіктері мен қоғам­дық белсен­ділік­теріне тоқталу маңыз­ды. Сонымен қатар Отанға деген құрметін арттыру мақсатында патриоттық тақырыпта шығармалар мен өлеңдер оқу, елі­міз­дің тарихи-мәдени ескерткіштері мен Қазақтың батырлары туралы әң­гіме, аңыздардан үзінділер кел­тіру ұсынылады. Сол күні «Мен. Мек­теп. Ұстаз» тақырыбында 9, 11 сынып тү­лектері эссе жазады. Онда өзі­нің оқып шыққан мектебіне ыстық ықыла­сын, ұстазға алғысын біл­ді­реді. Сынып са­ғат­тарында негі­зінен патриотизм, отанды сүю, достық,татулық, ел тари­хына, саяси репрессия мен аштық құрбандарының есіміне құрмет та­ныту сынды ақпараттар айтылатын бо­лады. Оқу жылының қорытынды сал­танатты іс-шарасы 11 сынып оқу­шылары үшін 25 мамырда өтеді. Салтанатты іс-шараның басталу уақы­ты – 8.00. Бірақ 45 минуттан аспауы тиіс. Мектеп ауласында ұйым­дас­ты­рылады. Қатысушылар міндетті түрде мектеп формасында болуы қажет. Барлық білім беру ұйымының бас­шыларына білім бөлімі тарапынан түлектердің ата-аналарымен сәнді киім-кешекке жұмсалатын шығын­дар­дың орынсыздығы туралы түсіндірме жұмыс­тарын жүргізуге, мерекелік дас­­тар­қандарды ұйымдастыруға, жал­ға берілетін автокөліктерді пай­да­лана отырып, қалада, қала сыртында эк­с­кур­сиялар өткізуге жол бермеу жөнінде қатаң түрде тапсырылды, – деді спикер.Түлектердің 95,4 пайызыҰБТ-ға қатысадыБиыл 6-14 мамыр аралығында ҰБТ-ның үшінші кезеңіне өтініштер app.testcenter.kz сайты арқылы қабылданған. Бітірушілер осы тестілеудің қорытын­дысымен берілетін сертификат ар­қылы мемлекеттік грант конкурсына қатысады. ҰБТ 16 мамырдан 5 шілдеге дейін жалғасады. Тестілеу пункттері Қызылорда қаласында орналасқан.Талғат Садықов биыл мектеп бітіретін түлектердің&nbsp;95,4 пайызы ҰБТ-ға қатысатынын айтады. Олар ҰБТ-ға тіркелу кезінде тестілеу өтетін орынды, күнді және уақытты өздері таңдайды. Тестілеу уақыты – 4 сағат, ал ерекше білім беру қажеттілігі бар балаларға қосымша 40 минут беріледі. Жоғары балл – 140. Тест тапсырмаларының саны – 120. Қатысушыларға Қазақ­стан тарихы бойынша 20, оқу сауат­тылығынан 10, математикалық сауат­тылықтан 10 және екі бейіндік пәннен 40 тапсырма беріледі.Спикер білім ошақтарын қажетті құралдармен жарақтау, кабинеттерді арнайы техникалармен қамтамасыз ету бойынша да бірқатар жұмыс атқа­рылғанын айтады. Биыл жергілікті бюджеттен 428 млн 936 мың теңгеге 1 мектеп ғимараты күрделі жөн­деуден өтеді. Білім мазмұнын арттыру мақсатында мектептерді заманауи пәндік кабинеттермен жабдықтау, ба­ла қауіпсіздігін қамтамасыз ету үшін соңғы үлгідегі бейнекамералар алу­ға биыл жергілікті бюджеттен 28 млн 800 мың теңгеге жуық қаржы бө­лін­­ген. Құрылғылар жаңа оқу жылына дейін білім беру ұйымдарына орна­ластырылады.Жалпы ауданда 1-10 сынып ара­лығында 6 646 оқушы бар. Бүгінде оның 99 пайызын жазғы тынығумен және еңбекпен қамту жоспарда бар. Бұл шараларға міндетті оқу қорынан&nbsp; 12 млн теңге, демеушілік есебінен 7 млн теңге жұмсалады.Ауданда жазғы демалысты ұйым­дастыруға 185 педагог, 15&nbsp;белсенді студент пен еріктілер тартылады. Биыл мек­теп жанынан жұмыс жасайтын жазғы тынығу лагерінде 2 700-ден ас­там бала демалады. Одан бөлек қала сыр­тындағы «Ақтерек» лагерінде 7 ауысымда 560 бала демалса, облыстан тыс жерде орналасқан лагерьлерге 100&nbsp; бала барады.&nbsp;Брифинг соңында спикер БАҚ өкіл­дерінің және ата-аналардың бірқатар сауалын да жауапсыз қалдырмады.

Білім саласында серпін бар

Ауылдық жерде тұрған соң өміріміз де, жұмысымыз да ауыл шаруашылығы саласына тікелей байланысты. Қуантарлығы, алқап басына барсаң, бұрын тозығы жеткен техникаларға көз түсетін, ал бүгінде жүйткіп жүрген жаңа тракторларға тамсанасың. Механизаторлардың айтуынша, қазіргі трактор мен комбайндар заманауи құрылғылармен жабдықталған, жалпы тиімді жұмыс істеуге барлық жағдай жасалған. Бір сөзбен айтқанда, шаруашылықтар техникалық базасын нығайтуға әлі де басымдық беріп отыр.&nbsp;207 млн теңгеге 2 көлік алынғанБиылдың өзінде Жалағаш ауданында жал­пы құны 207 млн теңгеге 2 ауыл шаруашылығы техникасы алынған. Ал көктемгі егісті егу жұ­мыстарына 955 ауыл ша­руа­шылығы техникасы қатысуда. Оның ішінде 520 трактор, 115 соқа, 52 тұқым сепкіш, 100 автомашина, 168 трактор тіркемесі бар. Шаруа­шы­лықтар тара­пы­нан көктемгі егін егу жұ­мыстарына «ГосАгро» пор­талы арқылы 1 685 тонна жеңіл­де­тілген дизель жанармайына өтінім бе­рілген. Қазіргі таңда 12 шаруашылық 245 тонна жанармай алып, егін орналастыру жұмыстарына кірісіп кетті. Жанармайдың 1 литрі 248 теңгеден жеткізілуде.Техника паркінің 75 пайызы тозығы жеткенАлайда егін науқаны басталарда Премьер-министр елімізде ауыл ша­руашылығы техникасының тозуы өткір мәселеге айналғанын мойындады. Олжас Бектеновтың айтуынша, қа­зіргі таңда жалпы техника паркінің 75 пайыздан астамының тозығы жет­кен. Сондықтан диқандарға жаңа тех­ника сатып алу жолын жеңілдетіп, жем­қорлық тәуекелдерін азайту қа­жет. Аталған мәселені шешу үшін фер­мердің өзі төлеп келген алғашқы 15 пайыз жарнаның орнына тікелей ли­зинг­тік компанияға инвестициялық суб­­­сидия салынуы тиіс. Сондай-ақ атал­ған шаруалар субсидияны уақы­тында ала алмай отырғаны да кедергі кел­тіріп отқандай. Мәселен, былтырғы субсидиялар бойынша қарыз 160 млрд теңгеден асқан.&nbsp;Осы орайда Мемлекет басшысы Қасым-Жомарт Тоқаевтың агроөнер­кәсіп кешенінің әлеуетін күшейту ту­ралы тапсырмасына сәйкес ма­ши­на-трактор паркін жедел жаңарту және жергілікті ауыл шаруашылығы ма­ши­­наларын жасау кәсіпорындарын да­мыту тетігі әзірленді. Нақтырақ айт­сақ, Өнеркәсіп және құрылыс ми­нис­трлігі Ауыл шаруашылығы ми­нис­трлігімен бірлесіп,&nbsp;елімізге ана­лог­­тары шығарылатын шетелдік ауыл ша­руашылығы техникаларына субси­дия беруден бас тартуды көздейтін құ­жат қабылдады.Мәселен, қазіргі уақытта елі­міз­де түрлі қуаттылықтағы және моди­фи­кациядағы трактор, астық жинау және жем-шөп жинау комбайндарының 15-тен астам брендін шығаратын 8 зауыт жұмыс істейді. Өткен жылдың қо­ры­тындысы бойынша отандық өнді­рушілер 113,5 млрд теңгеге 5 418 трак­тор, 99,1 млрд теңгеге 1 032 комбайн шығарған.Шетелдік өндірушілерді субсидиялау үлесі6 есеге төмендейдіАйта кететін жайт, бұған дейін им­порттық және отандық техни­ка­ға берілетін субсидиялар көлемін­дегі айырмашылық шетелдік өндіруші­лер­дің пайдасында болған. Мәселен, 70,2 млрд теңге өтемақының 28,3 млрд теңгесі жергілікті кәсіпорындарды қол­дау­ға, 41,9 млрд теңгесі импортқа бағыттал­ған. Аталған тәсіл қазақстандық зауыт­тардың өнімдерін сату көлемін азайт­қаны жасырын емес. Жаңа тетік бо­­йынша шетелдік өндірушілерді суб­сидиялау үлесі шашамен 6 есеге, яғ­ни 6,5 млрд теңгеге дейін төмендетіледі, бұл ретте отандық өнді­ру­ші­лер­дің үлесін 63,7 млрд теңгеге, яғни 90,7 пайызға дейін жеткізу жоспарланып отыр.Осылайша 2021 жылы «СТ ЭСЭМБЛИ» кәсіпорнында TUCANO 450 және TUCANO 580 комбайндарын құрастыру басталған кезде Claas-пен арнайы инвестициялық келісім-шартқа қол қойылған екен. 2 жылдан кейін жергілікті өндірушілердің компо­нент­­­терін «Агромаш Холдинг» АҚ, «Қазақ­стан Агро Инновациялық Кор­по­ра­циясы» ЖШС, «ШығысМаш За­вод» АҚ, «Reimann» ЖШС жеткізе бас­­таған. Кәсіпорында былтыр 246 өздігінен жүретін техника және 158 тіркеме құрастырылған. Зауыт іске қосылған сәтте өн­діріс­пен қамтамасыз етілген жұ­мыс орын­дарының саны 2 есеге арт­қан. Қазіргі таңда кәсіпорында 73 қыз­мет­кер жұмыс істейді.Алайда шетелдік ауыл ша­руа­шылығы техникасын субсидиялауды алып тастаудың елімізде өндірісі жол­­ға қойылмаған позицияларға, атап айт­қанда, қант қызылшасын, мақ­та өндіруге, картоп, жеміс-көкөніс жи­­науға мамандандырылған техникаға қа­тысы жоқ. Бұл жағ­дайда еліне қа­рамастан 25 пайыз көлемінде субси­диялау нормативі қарасты­рыл­ған.Жалпы қазақстандық ауыл ша­руа­шылығы машинасын жасау кәсіп­орындары қазіргі таңда өздігінен жү­ретін техника нарықтың шамамен 80 пайызын қамтиды. Бұл ретте елімізде шаруалардың шамамен 90 пайызын шағын және орта фермерлер құрайды, олар үшін жеңілдікті лизингтік құ­ралдар мен қолжетімді техника ма­шина-трактор паркін жаңартуға мүм­кіндік береді.Айта кетейік, биыл көктемгі егіс науқанына 149,9 мың трактор, 5 мың­ға жуық жоғары өнімді егіс ке­шені, 76,4 мың тұқым сепкіш, 219,1 мың то­пырақ өңдеу құралы жұмыл­дырыл­ған. Бүгінде техниканың науқанға дайындығы шамамен 85 пайыз болып тұр.&nbsp;Жандос ЖАЗКЕН

Ауыл шаруашылық техникалары жаңартылуда

«80 жасқа жақындап қалған кезім. Түс ауа қораға кіріп малдарды суармақшы болдым. Енді ғана астауға жақындай бергенімде тауықкепенің ішінен көз ілестірмей бір нәрсенің маған қарай жүгіріп, соғып өткенін байқадым. Қас пен көздің арасында соғып өткен не екен деп шелегімді жерге қойып, жәй артыма бұрылып қарасам, тісі ақсиып шакал мені тап бергелі тұр екен. Осы кезде кенет анамның «ит болсын, шакал болсын екі құлағынан тас қылып ұстап алсаң, тырп ете алмайды» деген сөзі есіме түсті. Бар күш-қуатымды бойыма жинап, асқан жылдамдықпен маған қарай бет алған шакалдың екі құлағынан ұстап алып, көршілерді көмекке шақырдым. Су алуға кезекке тұрған барлық көршілермен бірге ұлым Болат дереу жүгіріп келіп, әлгі шакалдың сол жақ бүйірінен ұрып құлатты» деп өткен шақты еске алды көпбалалы әжеміз Сағира Тоқпанбетова.&nbsp;Кейіпкеріміздің бала­лық шағы Ұлы Отан соғысының сұ­ра­пыл ке­зе­ңі­мен тұспа-тұс келген. Әке­сі со­ғысқа аттанған соң сол кезең­­дегі қиын­шылықты мойымай ең­серіп, ба­уыр­ла­рына бас-көз болып, ана­сы­ның қол­­ғанаты болған Сағира әжеміз ба­ла болып ой­намаған да.&nbsp;Соғыстың сал­да­ры­нан ерте есейіп, еңбекке ете­не ара­ласып, ер-азаматтармен қатар қыз­­мет еткен.&nbsp;– Мен ашаршылықты да, жоқшы­лықты да көрдім. Қақаған қыстың суы­ғында сабаққа жалаңаяқ жүгіріп ба­­ратынбыз. Анам күнұзақ жұмыста болса да, бізді өсіріп жеткізді. Жас­тайымыздан еңбекке баулыды. Қан­дай жұмыс тапсырса да «істей ал­маймын» деп қарап тұрмайтынбыз. Кеу­демізге дейін су кешіп, күріш те ота­дым, анамның орнына бидайға ораққа да бардым. Өткен күнде көрген қиын­шылықтарыма еш өкінбеймін. Аллаға шүкіршілік етіп, ұлдарымды ұяға, қыз­дарымды қияға қондырып, олар­дан немере, шөбере, шөпшек сүйіп отыр­ған бақытты жанмын, – дейді ол.&nbsp;Сағира әже жолда­сы­мен 18 жа­сында отау құрған. Жолдасы Жалағаш ауданына қарасты Ақарық ауылында интернатта дирек­тор қыз­­метін абыроймен атқарған. Ал әже­­міз лауазымды қызмет иесі дирек­тордың әйелімін деп кеуде кер­мей ұл-қызын бағып-қағу үшін жұмыс тү­рін таңдамаған. Ең алдымен ин­тер­натта аспазшы болып, одан кейін құ­рылыс нысанында қызмет ет­кен. Осы салада жүріп қойшылардың қыс­­тауларын жөндеп, кесек құйып жүріп зейнеткерлікке шыққан. Бүгінде алтын­құрсақты анамыз 11 баласынан 30 немере, 6 шөбере, 2 шөпшек сүйіп отыр. Балаларының үлкені Күләш 66 жаста, кіші баласы Кенжебек 43 жаста.&nbsp;– Анам бізді бала күнімізден ең­бек етуге тәрбиеледі. Бірде бауыр­ла­рымның бірі ауырып қалып, әке­мізбен бірге ауруханаға жатты. Сон­­­да анам үй­дің де, түздің де жұ­мы­сын қатар алып жүрді. Анам әп­кем екеумізді ер­тіп, таңсәріден арықтағы сал­қын суды кешіп өтіп, мың бау пі­шен орған болатын. Осындай ер-аза­мат­тарға тән қайсар өжеттелігімен ба­лаларының бәрін жеткізіп, ұлын ұяға, қызын қияға қондырды. Оның кәсіби тігінші болмаса да, қолынан тігін тігу келетін. Біз ес білгелі ана­мызға үй тіршілігіне қолға­быс етіп өс­тік. Анамыз тігін тігу, то­қыма тоқу, киіз басу, қой, ешкі қырқу, кесек құю сынды жұмыстарды жатсын­бай, бір­ден дөңгелентіп әкететін. Кез кел­ген жұмысты тез үйреніп алуына оның бала күнінен еті үйренген. Әкесі со­ғыста жүргенде анасы күні бойы жұ­мыста болған екен. Ал біздің ана­мызға әжеміз тапсырып кеткен жұ­мыс­тарды бұлжытпай орындап, со­ғысқа кеткен әкесіне қолғап пен шұлық тоқиды, – дейді қызы Күлдәш Тоқпанбетова.&nbsp;Ол анасының бала күннен үнемі «шү­кір деңдер, шүкіршіліктің ар­тында қа­нағат бар. Қанағаттың артын­да қа­­йы­рымдылық бар. Ал қайырым­ды­­­лықтың артында сауап бар. Са­уап­­тың ең үлкені – сәлемдесу мен жәр­­демдесу, барыңмен бөлісу. Бір-бірлеріңе қам­қор, демеу болыңдар» деп ақы­лын естіп өскенін айтады.&nbsp;Ақжаулықты ананың ұл-қызы бү­гінде ел игілігі жолында елеулі ең­бек етіп жүр. Бірі жас ұрпаққа са­палы білім беріп, бәсекеге қабілетті ұрпақ тәрбиелесе, енді бірі жеке шаруашылықта механизатор болып еңбек етіп, кү­рішпен елдің кірісін еселеуде. Кез­дескен қиындыққа мо­йы­май, тек алға ұм­тылған кейіп­керіміз – «тарихта бір жыл ат қал­дырғың келсе, ас бер, 10 жыл атың қалсын десең, ағаш ек, өмір бойы қалғың келсе, бала тәрбиеле» деген шығыс да­на­лығын қатаң ұстанған жан. Әлі күнге дейін немере, шөбере, шөпшектерін жа­нына жиып, өмірден көрген-түйгенін айтып, бағыт-бағдар беріп оты­ра­ды.&nbsp;Тамырын тереңге жайып, бәйте­рек­тей саялы баққа айналған отба­сының тату-тәтті тірлігі мен ауыз­бір­шілігі, әжеміздің тағы­лым­ға толы ғұ­мыры – жастарға өнеге.&nbsp;Ақтоты ЕРЖАНҚЫЗЫ

30 немере сүйген Сағира әже

<a href="https://kyzylorda-news.kz/">Kyzylorda-news.kz</a> &nbsp;Жуырда Жосалы кенті әкімі аппаратының мәжіліс залында VIII шақырылымдағы аудандық мәслихаттың кезектен тыс 18-сессиясы болып өтті.Сессияның күн тәртібінде төмендегідей мәселелер қаралды. Бірінші кезекте Қызылорда облысы Қармақшы аудандық мәслихатының 2023 жылғы 25 желтоқсандағы №106 «2024-2026 жылдарға арналған Жосалы кентінің бюджеті туралы» шешіміне өзгерістер енгізу туралы Жосалы кентінің әкімі Алмасхан Досмұратовтың хабарламасы тыңдалды. Екінші мәселесе бойынша Қызылорда облысы Қармақшы аудандық мәслихатының 2023 жылғы 25 желтоқсандағы №107 «2024-2026 жылдарға арналған Төретам кентінің бюджеті туралы» шешіміне өзгерістер енгізу туралы Төретам кентінің әкімі Ғалымжан Елеусінов баяндаса, Қызылорда облысы Қармақшы аудандық мәслихатының 2023 жылғы 25 желтоқсандағы №108 «2024-2026 жылдарға арналған Ақай ауылдық округінің бюджеті туралы» шешіміне өзгерістер енгізу туралы Ақай ауылдық округі әкімі Эльмира Қазиева сөз алды.&nbsp;Мұнан соң Қызылорда облысы Қармақшы аудандық мәслихатының 2023 жылғы 25 желтоқсандағы №109 «2024-2026 жылдарға арналған ІІІ Интернационал ауылдық округінің бюджеті туралы» шешіміне өзгерістер енгізу туралы ІІІ Интернационал ауылдық округінің әкімі Жеткерген Қалымбетов ауылдың жай-күйін жақсарту жолындағы жоспарларымен бөлісті.&nbsp;Ал келелесі кезекте Қызылорда облысы Қармақшы аудандық мәслихатының 2023 жылғы 25 желтоқсандағы №110 «2024-2026 жылдарға арналған Ақжар ауылдық округінің бюджеті туралы» Ақжар ауылдық округінің әкімі Нұржамал Тұрсынбаева ауылда қолға алынған жұмыстарды саралады.&nbsp;Содан соң Қызылорда облысы Қармақшы аудандық мәслихатының 2023 жылғы 25 желтоқсандағы №111 «2024-2026 жылдарға арналған Жаңажол ауылдық округінің бюджеті туралы» шешіміне өзгерістер енгізу туралы Жаңажол ауылдық округінің әкімі Әбимүсілім Қоқанов, Қызылорда облысы Қармақшы аудандық мәслихатының 2023 жылғы 25 желтоқсандағы №112 «2024-2026 жылдарға арналған Дауылкөл ауылдық округінің бюджеті туралы» шешіміне өзгерістер енгізу туралы Дауылкөл ауылдық округінің әкімі Мұрат Алдамұратовтар мінберге көтеріліп өзі басқарып отырған ауылдың жай-күйін пысықтады.&nbsp;Күнтәртібіндегі келесі мәселе бойынша Қызылорда облысы Қармақшы аудандық мәслихатының 2023 жылғы 25 желтоқсандағы №113 «2024-2026 жылдарға арналған Ақтөбе ауылдық округінің бюджеті туралы» шешіміне өзгерістер енгізу туралы Ақтөбе ауылдық округінің әкімі Қанат Әбдіғаппарұлы ауылдағы кәсіпкерлердің қолдауын сөз етті. &nbsp;Мұнан соң Қызылорда облысы Қармақшы аудандық мәслихатының 2023 жылғы 25 желтоқсандағы №114 «2024-2026 жылдарға арналған Т.Көмекбаев ауылдық округінің бюджеті туралы» шешіміне өзгерістер енгізу туралы Т.Көмекбаев ауылдық округінің әкімі Нұрлан Ахметов, Қызылорда облысы Қармақшы аудандық мәслихатының 2023 жылғы 25 желтоқсандағы №115 «2024-2026 жылдарға арналған Қармақшы ауылдық округінің бюджеті туралы» шешіміне өзгерістер енгізу туралы Қармақшы ауылдық округінің әкімі Аязбек Есқараевтардың хабарламасы тыңдалды.&nbsp;Қызылорда облысы Қармақшы аудандық мәслихатының 2023 жылғы 25 желтоқсандағы №116 «2024-2026 жылдарға арналған Алдашбай ахун ауылдық округінің бюджеті туралы» шешіміне өзгерістер енгізу туралы Алдашбай ахун ауылдық округінің әкімі Ермек Жақанов баяндады.Сессия соңында Қызылорда облысы Қармақшы аудандық мәслихатының 2023 жылғы 25 желтоқсандағы №117 «2024-2026 жылдарға арналған Қуаңдария ауылдық округінің бюджеті туралы» шешіміне өзгерістер енгізу туралы Қуаңдария ауылдық округі әкімі Ардақ Аймырзаев пен Қызылорда облысы Қармақшы аудандық мәслихатының 2023 жылғы 25 желтоқсандағы №118 «2024-2026 жылдарға арналған Иіркөл ауылдық округінің бюджеті туралы» шешіміне өзгерістер енгізу туралы Иіркөл ауылдық округінің әкімі Жағыпар Төлегеновтер ауылдардың жаңа өзгерістерге бет бұрғанын тілге тиек етті. Ал Қызылорда облысы Қармақшы аудандық мәслихатының 2023 жылғы 25 желтоқсандағы №119 «2024-2026 жылдарға арналған Жосалы ауылдық округінің бюджеті туралы» шешіміне өзгерістер енгізу туралы Жосалы ауылдық округінің әкімі Владимир Жалғасбай хабарлама жасады.&nbsp;Күн тәртібінде қаралған мәселелер тұрақты комиссиялардың бірлескен отырысында талқыланды. Сессияның күн &nbsp;тәртібіндегі мәселелер бойынша аудандық мәслихаттың тиісті шешімдері қабылданды.Сессия алдында тұрақты комиссиялардың бірлескен отырысы өткізілді.

Қармақшыда маңызды мәселелер талқыланды

Ойлап қарасаңыз, мына өмірде ешкім еңбексіз алға баспайтыны анық. Егер адам еңбектенбесе, сөзсіз түгесілер еді. Сондықтан әрбір адал еңбегі арқылы нәпақасын тауып, қоғамға кішкене болсын пайдасын тигізіп жүрген адамның барлығын еңбек адамы деп айтса жарасады.&nbsp;Бірақ бүгінде біздің қоғамда белгілі бір дәрежеге, мансапқа, бай­лыққа қолы жеткен адам­дарды ғана еңбек адамы дейтін түсінік пайда болғаны жасырын емес. Шын мәнінде, қоғамның бүгінгідей өмір сүруіне инже­нер­лер, аграномдар, құры­лыс­шы­лар, қа­рапайым шаруа адамдарының&nbsp; үлесі басым. Кейбірінде ми ең­бегі, ой ең­бегі басым болса, енді біреулері ке­рі­сінше физикалық тұр­ғыдан көп қимылдап, күннің ыс­тығы мен суығына қарамай ең­бек етіп жүреді.Осы орайда жаз бойы егістік басында жүрген қарапайым шаруа адамдарының күнделікті тіршілігін насихаттау мақсатында күні кеше Жалағаш ауданына қарасты Аламесек ауылына бардық. Біз сұх­бат алған еңбек адамының жүзі күнге әбден тотыққан. Бидай өңді күрішші Балқан Әміровтен сөздің емес істің адамы екенін ә дегеннен-ақ байқадық. Өйткені сөйлесуге мұршасы жоқ. Бар ойы – даладағы жұмыс. Жастайынан атасы мен әкесінің жанында жүріп, қиындыққа қайыстай тартылып, еңбек майданында шыңдалғаны көрініп тұр.&nbsp;Бәкең 3 жылдан бері «Ибраев Б» ШҚ-да күрішші болып еңбек етіп жүр. Күріштің кү­тіміне қанық ди­қан биыл 25 гек­тар жерге Сыр салысын сепкен. Был­тыр да дәл осы межеде астық баптаған шаруа адамы гек­тарынан 70 центнер өнім жиыпты. Биыл өзіне одан да жоғары меже қойған Бәкең сол мақсатқа жету үшін күні-түні күріштік басында еңбек етуде.&nbsp;Бәкең – өте еңбекқор азамат. Күннің аптап ыстығы мен ыз­ғар­лы суығына сынбайтын, өзге­лерге үлгілі ауыл азаматының бірі. Өзіне тиесілі аумақтағы кү­ріш­ті агротехникалық талапқа сай күтіп-баптаудың шебері. Еңбек адамы бізбен өзінің күнделікті жұмы­сының қыр-сырымен бө­ліс­ті.– Күріш егу оңай жұмыс емес. Дақыл күннің көзін, ылғалды, құ­нарлы топырақты қажет етеді. Тұқым себілген соң суын жібе­ре­міз. Қарасын басқаннан ке­йін қы­рық күнге дейін нәрес­те­дей мә­пелейміз. 90-110 күн ара­лығында суда жатады. Одан соң суын құр­ғатып, ораққа дайын­даймыз. Кез келген жерге тұқым салса, ол өнім береді деу қиын, әрине. Егін бітік шығуы үшін қы­руар жұмыс керек. Егінді суару, оны жәндіктерден, түрлі аурудан сақ­тау үшін тыңайтқыш, дәрі себу қажет, – дейді шаруа адамы.&nbsp;Бәкеңнің айтуынша, олар дала қосынында соңғы шыққан жаңа технологиялармен жұмыс істеп жатыр. Заманауи техника жұ­мыс сапасын әлдеқайда жоғары кө­теруге, тиімділікті артты­руға мүм­­кіндік береді, тек ерін­бей ең­бек етсең болды. Ең бас­тысы, ең­бек­пен шыңдалған дала дарабозы орақ маусымын уақы­тылы аяқтай­мыз деген сенімде.Жоғарыда айтқанымдай, қо­ғамда белгілі бір дәрежеге, ман­сапқа, байлыққа қол жеткізуде негізінен осындай қарапайым ең­бек адамдарының қолтаңбасы ба­рын білуіміз керек. Түптеп кел­генде, ел қазынасын еселеуде де осындай шаруа адамдарының үлесі басым.&nbsp;Мейрамбек Оспан

Балқан Әміров: Күріш егу оңай жұмыс емес

<a href="https://kyzylorda-news.kz/">Kyzylorda-news.kz</a> Қазақ мектебінің болашағы туралы Мағжан Жұмабаев «Әрбір елдің келешегі мектебіне байланысты» деп айтып кеткендей, елдің тарихи, мәдени, рухани болмысын дамытуда, ұлттық мектепті қалыптастыруда ұстаздың еңбегі зор. Әрбір ұлы тұлғаның өзі ұстаз алдында бас иеді. Саналы ғұмырын мұғалімдікке арнап, өмірін бала тәрбиесімен тығыз байланыстырған ұстаздар жетерлік. Олар үшін шәкірттің жеңісі – өз бақытымен пара-пар. Оқушыларын біліммен сусындатып, олардың биік белесті бағындыруына сеп болып жүрген ұстаздың бірі – Жанат Ешниязова.Ол ауданға қарасты Дүр Оңғар ауылында туып-өсіп, №107 мектепте оқиды. Әрі қарай Қызылордадағы №1 мектеп-интернатта сабағын жалғастырған. Онан соң, Н.Гоголь атындағы педагогика институтында «биология және химия» мамандығы бойынша жоғары білім алады. Алғашқы еңбек жолы туған өлкедегі орта мектептен басталса, 2005-2009 жылдары аудан орталығындағы О.Шораяқұлы атындағы №30 мектепте ұстаздық етеді. Білікті ұстаз 2009 жылдан бүгінге дейін Т.Көмекбаев атындағы №250 мектеп-лицейде «биология және химия» пәндерінен сабақ береді. 30 жылдық тәжірибесі бар, жоғары санатты «педагог-зерттеуші». Бұл уақыт аралығында ұстаз алдынан қанша шәкірт түлеп ұшып, үлкен өмірге қанат қақты. Оларға бағыт-бағдар беріп, үлгі болудың өзі – ұстаздықтың бір қыры.<blockquote>– Мұхтар Шаханов «Әрбір бала – күйсандық. Ол күйсандықтың кілтін тапқан ғана аша алады» дегені бар. Бала жүрегіне жол тауып, оның қажеттілігіне орай білім беруге тырысамын. Тұлғалық қабілетін ашып, шығармашылығын шыңдап, таланты болса ұштап, ел ертеңін ойлайтын, сауатты, білімді азамат қалыптастыру – әр ұстаздың парызы. Десе де, баламен жұмыс істеу үшін тек теориялық тұрғыда мықты болу ғана емес, әдістемелік тұрғыда да жақсы қарулану қажет. Баланың оянбай жатқан тылсым нүктелерін тауып, біріге жұмыс істеуге, пәнге деген қызығушылығын арттыруға өмірден мысалдар келтіріп, өнеге етемін. Себебі білім – мәңгілік азық. Ал кемел білім жолында баланың дамуына мүмкіндік жасау – ұстаздың қолында, –дейді Жанат Зейнуллақызы.</blockquote>Өз ісін ерекше махаббатпен, шын ниетімен адал атқаратын ұстаздың осы уақытқа дейінгі жеткен жетістігі мол. Ол аудандық, облыстық білім бөлімінен бөлек, 2016 жылдан бері осы жылға дейін Яссауи атындағы Халықаралық қазақ-түрік университетінің, 2017 жылы Қазақ Мемлекеттік Қыздар педагогикалық университетінің алғысын арқалап жүрген ардақты ұстаз. Сондай-ақ, 2018 жылы ҚР Білім және ғылым министрлігінің, облыстық «Сыр дарыны» білімділер академиясында мектеп бітіруші түлектерді жоғары деңгейде дайындағаны үшін арнайы алғыс хатпен марапатталған. Ал биыл облыстық білім басқармасы мен білім қызметкерлері кәсіподағының құрмет грамотасына лайық деп танылған. Бұл құрметтің барлығы сан жылғы тынымсыз еңбектің нәтижесі болса керек. Жетістігі мол ұстаздың бір сыры – жаңалықты жатсынбай қабылдап, заман көшіне ілесіп отырғандығынан да болар. Өйткені Жанат Зейнуллақызы білім беру үнемі жаңашылдықты талап ететінін алға тартты.<blockquote>– Мұғалім болу – кәсіп қуу емес. Ол – тәңірден берілетін сый, кез келгенге бұйырмайтын сыбаға. Бұл мамандық үлкен жауапкершілікті талап етеді. Жаңа ғасырдың жаңашыл, жеке тұлғасын қалыптастыруда жаңа технологияларды, жаңа әдіс-тәсілді қолдануға тырысамын. Әсіресе оқушыға жаңа дүниені бере салудан гөрі, бірінші тәжірибе жасап, сол тәжірибеден теория құрастыруға жетелеймін. Яғни бала практикадан өтіп, соның аясында тақырыпты толық игеруіне жағдай жасаймын, – дейді тәжірибелі ұстаз.</blockquote>Ерекше әдіспен оқушы көңілін аулап, білімге құштарлығын аша білетін ұстаздың шәкірттері өлшеусіз еңбекті қайтарып келеді. Жанат апай жетекшілік еткен оқушылар жыл сайын аудандық, облыстық, республикалық, президенттік олимпиадаларда, ғылыми жобаларда топ жарып, әрдайым көш басынан көрініп жүр. Бұл ұстаз үшін еселі еңбектің жемісі, мәртебенің төресі. Онан бөлек, мұғалімнің, мектептің тағы бір көрсеткіші ұлттық бірыңғай тестілеумен байланысты екені мәлім. Бұл ретте түлектер үшін маңызды сын, ұстаздар үшін ұзақ уақыт төгілген тердің жемісін алар сәтте білікті ұстаз үнемі оң нәтиже көрсетуде. Жыл сайын жоғары көрсеткішке қол жеткізетін ұстаз, биыл да көпті қуантты. Ол дайындаған 14 оқушының 10-ы жоғары оқу орындарының грантын, 3-еуі медициналық колледж грантын иеленді. 4 оқушысы «Алтын белгі» иегері атанды.Ұстаздықтан өз бақытын тапқан Жанат Ешниязова отағасымен бірге 4 перзент тәрбиелеп өсіруде. Өмір өрнектері осылай өрілген ұстаздың ұлағатты істері мен бағындырған белесі, ізденімпаздығы мен жаңашылдығы өзгеге үлгі болуға әбден лайық.Ардақ СӘКЕНҚЫЗЫ

Жанат Зейнуллақызы: Білім жолында баланың дамуына мүмкіндік жасау – ұстаздың қолында

<a href="https://kyzylorda-news.kz/">Kyzylorda-news.kz</a>&nbsp; Адам өміріндегі ең үлкен бақыт – бала өсіріп, оны тәрбиелеу. Бүгінгі бала – еліміздің ертеңі, болашағы, ұлтымыздың жалғасы. Ал балабақша тәрбиешісі жаңа заман баласын қалыптастырып, дамыту үшін, жас өреннің ішкі дүниесі мен қыр-сырын анықтап, мүмкіндіктері мен қабілетінің дамуына жағдай туғызады. Ел ертеңі үшін еңбектеніп, бүлдіршіндерді білімге баулып жүрген жанның бірі – Жамила Тоқтыбаева.Ол №20 Толғанай бөбекжай-бақшасында тәрбиеші болып қызмет атқарады. Осы өлкенің тумасы. №183 мектептен тәлім алып, Мәншүк Мәметова атындағы колледжде білімін жетілдіреді. Одан кейін Болашақ университетінде жоғары білім алады. Бүгінде бала жанының бағбанына айналған ол 36 жылдық тәжірибесі бар білікті маман. Қазір бүлдіршіндердің ойын айтпаса да біліп тұрады.<blockquote>– Тәрбиешілік мамандықтың мен үшін еш қиындығы жоқ. Өйткені бұл кәсіпті өзім таңдадым. Сондықтан күнделікті жұмысымнан ешқашан шаршаған емеспін. Қазіргі бүлдіршіндердің тілін табу оңай емес. Ол үшін баламен көп жыл жұмыс істеу қажет. Сабырлық пен шыдамдылықты серік ету керек, – дейді ол.</blockquote>Жамила Тебегенқызы бүгінде №20 Толғанай бөбекжай-балабақшасының 4-5 жас аралығындағы балаларға арналған «Күн нұры» тобының тәрбиешісі.&nbsp;Балалардың тілін тауып, оларды ойната отырып, дамытуды бас­ты назарда ұстайды. Оларға түрлі қызықты ойындар ойнатып, бір-біріне бауыр басып, дос­тасып кетуіне көмектеседі.<blockquote>– Бала тәрбиесінде ешқандай ерекшелік қажет емес. Оларға қарапайым тәрбие бере отырып, білікті де білімді етіп тәрбиелеп шығаруға болады. Мен көп жылғы тәжірибемде бір түсінгенім баланы дұрыс сөйлеуге, тазалықты сақтауға, өзінің ойыншақтарын жинауға яғни, ұқыпты болуға үйрету қажет. Балабақшада берілетін бұл тәрбиені өскен кезде ешқандай университет бермейді. Сон­дықтан бүлдіршіндердің балабақшада дұрыс тәрбие алуы маңызды. Сондай-ақ күнделікті балғындарға қызықты ойындарды көптеп ойнатуға тырысамын. Түрлі ойын арқылы баланың ойлау деңгейі көтеріліп, ойын еркін жеткізуді үйренеді. Тәрбиеші болудағы мақсатым – болашақ ұрпаққа білім берсем, саналы ұрпақ тәрбиелеуге, ел ертеңінің кемел болуына аз да болса септігімді тигізу, – дейді ол.</blockquote>Тәжірибелі маманның ұзақ жылдар бойғы еңбегі елеусіз емес. Облыстық, аудандық білім бөлімінің Құрмет грамоталары, алғыс хаттарымен марапатталған. Тәрбиеленушілерінің жетістігі де жетерлік. Алайда ол ең маңыздысы марапат – ата-ананың көңілінен шығу, олардың алғысы екенін алға тартты.<blockquote>– Немерем Аянаттың тәрбиешісі Жамила апайына алғысым шексіз. Өйткені немерем қазір жан-жақты, тіпті біз білмегенді біледі. Билей де, ән айтып, суретке қарап әңгіме құрастыра алады. Үйде апайына ұқсап мұғалім болады. Мұның барлығы тәрбиешісінің арқасы. Жамила Тебегенқызы ата-анамен де жақсы тіл табысып, түрлі сайыстар өткізеді. Балаларды еңбексүйгіштікке, адамгершілікке, ілтипаттылыққа тәрбиелеуде. Өз жұмысының қыр-сырын терең меңгерген тәрбиешісіне ризашылығымды білдіремін, – дейді кішкентай Аянаттың әжесі Г.Байсалова.</blockquote>Бір жерде көптеген жылдар бойы табан аудармай қызмет етіп келе жатқан Жамила Тегенқызын нағыз тәрбиеші десек жарасады. Себебі ол үйінде жүрсе де, ертеңгі күнін, бүлдіршіндермен қалай жұмыс істейтінін жоспарлап отырады. Ол балабақшада білікті тәрбиеші болса, отбасында аяулы жар, ардақты ана, сүйікті әже. Жолдасымен 1 ұл, 1 қыз өсіріп, 5 немере сүйіп отырған ардақты жан.Мамандығына адалдық танытып, өмірін баланың шат күлкісіне арнаған ол ең бастысы алдына келген бүлдіршіндердің жүздері бақыттан бал-бұл жанып жүрсе дейді. Сондай-ақ ол саналы ғұмыры балғындарға тәрбие берумен өтіп жатқанына қуанады.&nbsp;Ардақ СҮЛЕЙМЕНОВА&nbsp;

Баланың тілін тапқан тәрбиеші

Сыбайлас жемқорлық орын алған қоғамда даму динамикасы мүлде болмайды. Жемқорлық жайлаған салада серпін қалыптастыру да мүмкін емес. Қазақстан дамушы елдер қатарында болғандықтан онымен күрес мемлекеттің басты саясатының бірі екені айтпаса да түсінікті. Негізінен онымен күрескеннен алдын алған әлдеқайда тиімді. Осы ретте Жалағаш ауданы әкімінің сыбайлас жемқорлық профилактикасы бағытында атқарған жұмыстары да аз емес. Ал оның нәтижесі қалай? Осы және өзге де бірқатар сауалдың жауабын білу үшін Жалағаш ауданы әкімі Ардақ Ибраимовпен сұхбаттасқан едік...&nbsp;– Ардақ Әбдіғаппарұлы, Прези­денттің Жарлығымен бекітілген Сы­байлас жемқорлыққа қарсы сая­­­саттың 2022-2026 жылдарға ар­­налған тұжырымдамасын жә­не оны іске асыру жөніндегі іс-қи­мыл жос­парынан туындайтын тап­­сыр­­маларды жүзеге асыру бо­йын­ша нендей шараларды қолға алдыңыздар?&nbsp;– Бұл мақсатта профилактикалық шаралар тұрақты түрде жүргізілуде. Ол үшін аудан әкімдігі жанынан ар­найы құрылған комиссия жұмыс жа­сауда. Сыбайлас жемқорлықтың ал­дын алуда жергілікті атқарушы ор­гандармен атқарылған жұмыстар­­ды халық арасында кеңінен ақ­па­раттандыру мақсатында жер­гі­лікті газет бетіне, әлеуметтік желілерде және аудан әкімдігінің ресми сай­тына мақалалар тұрақты жарияланып келеді. Тұр­ғындардың сыбайлас жем­қор­лыққа қарсы бағыттағы құ­қықтық ақ­паратқа барынша қол жет­кізуін қам­тамасыз ету мақ­са­тында аудан әкі­мінің сайтында «Сыбайлас жем­қорлыққа қарсы іс-қимыл мәсе­ле­лері» атты жеке бөлім ашылып, ат­қа­рылған жұмыстар бойынша мә­лі­меттер тоқсан сайын енгізіліп отыр.– Жаңа сіз айтып отырған ко­миссия отырысында осыған дейін қандай мәселелер қаралды?&nbsp;– Жалағаш ауданы әкімдігі жа­нындағы Сыбайлас жемқорлыққа қарсы іс-қимыл жөніндегі комис­сия­ның былтыр 4 рет кезекті отырысы өтті. Онда аудан әкімдігіне қарасты мекемелер, кент, ауылдық округ әкім­­дері мен құқық қорғау органдары басшыларының атқарған жұмыстары бойынша есебі тыңдалды. Кент, ауыл­дық округ әкімдеріне, аудандық бөлімдер мен мекеме басшыларына ай сайын сыбайлас жемқорлық тә­уекелдері мен осал тұстарына аса мән беріліп, мекеменің қызметіне ішкі талдау жұмыстарын жүргізіп, сы­байлас жемқорлық көріністеріне қарсы бағытталған шараларды кү­шейту тапсырылып, бақылауға алын­ған. Бұл ретте қызметкерлермен пер­соналды түрде профилактикалық әңгімелесу жұмыстарын жүргізу және заңнама талаптарын қатаң сақ­тау керектігі жөнінде ай сайын ескерт­пелер беріліп отыр.Тұрмыстық жемқорлықты жою, халыққа қолайлы орта қалыптастыру бағытында әзірленген арнайы видео­роликтер аудан әкімдігінің фейсбук парақшасына жарияланды. Кент, ауылдық округтерде, мемлекеттік ме­кемелерде, мектептер мен ауру­хана ғимараттарында және халық көп шоғырланатын орындарда ақпа­раттық-насихаттық үнпарақтар ілін­ген. Жалағаш кентінде, ауылдық ок­ругтерде және Халыққа қызмет көр­сету орталығында «Сыбайлас жем­қорлыққа жол жоқ», «1424-ке ха­барласыңыз» тақырыбында бил­бордтар мен кернеулер орнатылды. Барлық мекемеде және оларға қа­расты ведомстволық бағынысты ме­кемелерде жемқорлық тәуекелдерін болдырмау үшін қажетті шаралар қабылданып, бақылауға алынған.&nbsp;– Жалпы қызмет сапасына кері әсер ететіндіктен одан әсіресе мемлекеттік қызметкерлер ада болғаны дұрыс. Бірақ қоғамда жалпы жемқорлықты жою үшін қайтпек керек?&nbsp;– Әрбір мемлекеттік қызметші сы­байлас жемқорлықтың алдын алу­ға өз үлесін қосса, осы бағыттағы жұ­мыстар оң нәтижесін береді. Сон­дықтан сыбайлас жемқорлықтың ал­­дын алу, онымен күресу – бар­лық мемлекеттік қызметшінің мін­деті. Қоғамға жемқорлықтың те­ріс салдары туралы ақпаратты дұ­рыс жет­кізу олардың сыбайлас жем­қор­лыққа қарсы мәдениетінің қа­лып­тасуына, өз құқықтары мен мін­­­деттерін терең ұғынып, жете тү­сі­нуіне және орындауына септігін ти­гі­­зеді. Ол үшін ең алдымен қо­ғамда сыбайлас жемқорлыққа қар­сы сана қалыптасуы керек. Сы­бай­­лас жемқорлыққа қарсы сана қа­­­лыптасқан жағдайда ғана адам адам­гершілікке жат қылықтардан бойын аулақ ұстай бастайды, заңға қайшы келетін әрекеттерді жа­сау­ға жол бермейді. Ал қоғамда сы­байлас жемқорлыққа қарсы мә­де­ниетті қалыптастыру, рухани құн­­­ды­лықтарды арттыру, адалдық пен әділдікті қалыптастыру – барлы­ғымызға ортақ міндет.&nbsp;– Жалпы аудан бюджетінен қар­жыландырылатын мемлекеттік мекемелер, квазимемлекеттік сек­­­­тор субъектілерінде сыбай­лас жемқорлықтың алдын алу мақ­сатында сыбайлас жемқор­лық тәуекелдеріне талдау бола ма?&nbsp;– Әрине, «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» ҚР Мемлекеттік қызмет істері және сыбайлас жемқорлыққа қарсы іс-қи­мыл агенттігі Төрағасының 2016 жылғы 19 қазандағы №12 бұйрығына сәйкес, былтырдан бастап ішкі тал­дау жұмыстары жүргізіліп ке­­леді. Биыл аудан әкімдігіне қа­расты 5 дербес бөлімде, аудан әкімінің және 8 ауылдық округ әкімінің аппа­рат­тында сыбайлас жемқорлық тәуекелдеріне ішкі талдау жүр­гізі­ліп, талдау нәтижесімен қалыптасқан ұсыныстар уәкілетті органға жол­дан­ды. Аудан әкімі және кент, ауылдық округ әкімі аппараттары мен аудан әкімдігіне қарасты дербес бөлім қызметкерлері қолданыстағы заңнамаларға сәйкес жеке табысы туралы декларациялар уақытылы тап­сырып отыр.&nbsp;– Жалпы ауданда сыбайлас жем­қорлық фактілері осыған дейін орын алды ма?&nbsp;– Жеке және заңды тұлғалардан мемлекеттік қызметкерлердің сы­байлас жемқорлық және олардың құқықтарын өрескел бұзу фактілері жөніндегі арыз-шағымдар түскен жоқ. ҚР әкімшілік рәсімдік-процестік ко­дексіне сәйкес, Жалағаш ауданы бойынша аудан әкімінің аппараты, кент, ауылдық округі әкімдерінің аппараттары және аудан бюджетінен қар­жыландырылатын атқарушы ор­­гандарда жеке және заңды тұл­ға­лардың өтініштері мен хаттарына арналған жәшіктер талапқа сай ор­натылған. Аталған мекемелерде «Се­нім телефондары» белгіленіп, бұл туралы аудандық «Жалағаш жар­шысы» газетінде жарияланды.&nbsp;– Қоғаммен ашық байланыс ор­натуда нендей шаралар қолға алынды?&nbsp;– Бұл мақсатта ауданда азамат­тарға құқықтық көмек көрсету шең­берінде тоқсан сайын «Халықтық заңгер» акциясы өткізілуде және бар­лық кент, ауылдық округ­терде «адалдық бұрышы» жұмыс жа­сау­да. 2024 жылы үкіметтік емес ұйым­дармен жүзеге асыры­ла­тын мем­лекеттік әлеуметтік тапсырыс­тарға 5 млн теңге қаралып, ол бо­йынша 13 жоба іске асырылады. Есепті кезеңде аудан бойынша сы­байлас жемқорлық сипатындағы қыл­мыстар, құқық бұзушылықтар орын алған жоқ. Мұның барлығы сол қолға алған жобалардың жемісі деп білемін. Алдағы уақытта ау­дан әкімдігі тарапынан Сыбайлас жем­­қорлыққа қарсы саясаттың 2022-2026 жылдарға арналған тұ­жы­рым­­да­масын, оны іске асыру жө­ніндегі іс-қимыл шеңберінде пәр­менді шаралар қабылданып, нақты жұмыстар жүзеге асады. Жем­қор­лықпен күрес – ортақ міндет. Осы мақсатта ойымыз тоғысқанда біз жа­саған жұмысымыздың жемісін көре­міз. Негізінен онымен күресті әр адам өзінен бастағаны баршамызға тиімді.&nbsp;– Сұхбатыңызға рахмет!&nbsp;Сұхбаттасқан&nbsp;Кенжетай ҚАЙРАҚБАЕВ

Ардақ Ибраимов: Жемқорлықпен күрес – ортақ міндет

Жалағаш ауданына қарасты Аққұм ауылында жыршы, термеші Байділда Сәрсеновтің 85 жылдық мерейтойына орай «Текті сөздің төресі – терме» атты облыстық жыршы, термешілер фестивалі өтті. Шараға Жалағаш ауданы әкімінің орынбасары Ғани Сүлейменов қатысып, мерейтой иесіне аудан әкімінің «Құттықтау» хатын табыстап, қазақы дәстүрден жаңылмай шапан жапты. Сондай-ақ мерейтой иесін ауылдық ардагерлер кеңесінің төрағасы Қосым Жүсіпбекұлы, Қазақстан Жазушылар одағының мүшесі, Жалағаш аудандық мәслихат депутаты Қуат Адисұлы құттықтап, жылы лебізін білдірді.– Көмейінен жыр төгілген өнерпаздар жыршы, тер­меші Байділда Сәрсеновтың мерейтойының құрметіне Аққұм ауылына келіп, ел ағасының мерейін өсіріп жатыр. Атадан балаға мирас болған саф алтындай төл өнерімізді жас толқынның құлағына сіңіріп, артында өшпес із қалдырып келе жатқан Байділда ақсақалдың мәдениет, білім, ауыл шаруашылығы саласына сіңірген еңбегі зор. Сіз тау суының тамшысындай сылдыраған сұлу сазды, өнерге деген іңкәрлікті кейінгі ұрпаққа насихаттап келесіз. Мерейтойыңыз құтты болсын! Сіз қандай құрметке де лайықсыз. Ұрпағыңызбен мың жасап, төрімізде осылай жарқырап жүре беріңіз. Ел ерімен, ер елімен, жүрек жұрағатымен, ұрпақ ұлағатымен өсіп-өнген қазақпыз. Атадан балаға мирас болып келе жатқан жыраулық дәстүріміз әрі қарай да дами берсін. Бүгінгі облыстық жыршы, термешілер фестиваліне қатысушы өнерпаздарға сәттілік тілеймін, – деді аудан әкімінің орынбасары Ғани Сүлейменов.Жыршы, термешілер фестиваліне ауданнан Аңсаған Ділдәбекқызы мен Бақытбек Даулетбек, Қазалы ауданынан Мағжан Оңғаров, Жаңақорған ауданынан Аяулым Абдумажит, Көкен Өскенбай, Арал ауданынан Досымжан Құрманғалиев, Сырдария ауданынан Рыс­бек Жанұзақ, Шиелі ауданынан Әсем Мәжит, және Қы­зылорда қаласынан Болатбек Әлижан, Байбол Көшеней, Мейірімжан Маханбетжанов қатысып, жырдан шашу шашып, көрерменнің қошеметіне бөленді.Шара соңында жыршы, термеші Байділда Сәрсенов сахнада өнер көрсеткен жас жырауларға қаржылай сыйлық табыстады.

Термешілер фестивалі өтті

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев төрағалығымен аудандағы білім саласының өзекті мәселелері талқыланған кеңейтілген мәжілісі өтті. Оған аудандық мәслихат төрағасы, аудан әкімінің орынбасарлары, аудан прокуроры, аудандық полиция бөлімінің бастығы, аудандық мәслихаттың депутаттары, дербес бөлім басшылары, қала, кент, ауылдық округ әкімдері, аудандық қоғамдық, ардагерлер және әйелдер кеңестерінің төрағалары, ата-аналар және көше комитеттерінің төрағалары, аудандағы білім беру ұйымдарының басшылары мен ұстаздар қатысты.Аудан басшысы ұрпақ тәрбиесі әрдайым өзектілігін жоймайтынын атап өтіп, жиынға қатысушыларды білім сапасын арттыруға, балаларға жайлы және қауіпсіз орта қалыптастыруға шақырды.<blockquote>«Әр баладан тұлға тәрбиелеу, азамат өсіру, маман дайындауда да басты тірек–ұстаздар қауымы Сіздерсіздер, ал, жақсы істі жүзеге асыратын негізгі алаң – өңіріміздегі білім ордалары. Ел президенті Қасым-Жомарт Тоқаев «Әділетті Қазақстан – Адал азамат» атты екінші Ұлттық құрылтайда жас ұрпақтың тәрбиесіне ерекше тоқталды. Бабалар көшінің сүрлеуінде даналыққа толы тағылымды тәрбие дәстүрі жатыр. Есті қазақ: «Ұлтыңды сақтаймын десең – қызыңды тәрбиеле, рухыңды сақтаймын десең – ұлыңды тәрбиеле» деген. Тәрбие тектен. Бұқара болып бірігіп, бұзақылықты тия алмасақ, арты небір өкінішті жағдайларға әкеп соғуы ықтимал. Өкінішке орай, қазірдің өзінде орын алып жатқан ауыр жағдайлар осыған дәлел. Бүгінгі күн тәртібіндегі негізгі мәселе де – балалар арасында құқық бұзушылық пен қылмыстың, балаларға қатысты тұрмыстық зорлық-зомбылықтыңалдын алуға бағытталған жұмыстар. Жыл басында өзге өңірлерде орын алған жағдайлар облыс төңірегін дүр сілкіндірді. Абайсыздық пен қатыгездік арасы бір-ақ қадам екені аңғарылады. Біз болған істі болмаған қылып, жымын білдірмей жасырудың шеберіміз. Алайда ауруын жасырған адамның алысқа бармайтынын ұмытпауымыз керек. Полиция бөлімінің ақпаратына сәйкес, аудандаосы жылдың 4 айында әкімшілік құқық бұзушылық кодексі бойынша түнгі уақытта заңды өкілінсіз жүрген балаларды анықтау бойынша 215 дерек орын алса, жасөспірімдердің ортақ пайдалану орындарын ластаған 6 дерегі орын алған. Өздеріңіз аңғарып отырғандай дерек өсімі бар. Бұл дегеніміз баласын қадағалайтын ата-ана жауапкершілігінің азайғаны, ата-анаға ықпал ететін полиция қызметкерлері мен мектеп те мәселені бақылаусыз қалдырғанының жемісі»,- деді Аманжол Сақыпұлы.</blockquote><img src="https://knadmin.beoblood.kz/uploads/444216568_3805425363119155_8601296291373122785_n_ebad6b6ab4.jpg" alt="444216568_3805425363119155_8601296291373122785_n.jpg">Аудан әкімі бұл деректердің көңіл көншітпейтінін жеткізіп, аталған бағытта жұмыстарды жандандыруды жүктеді.Кеңейтілген мәжілісте аудандық полиция бөлімінің бастығы, полиция подполковнигі Нұрбек Шегебаев, аудандық білім бөлімінің басшысы Санира Жанназарова атқарылған жұмыстарды баяндады.Мұнан бөлек, мәжілісте балалар қауіпсіздігі мәселесі талқыланды. Биылғы жазғы маусымда 803 бала «Қамбаш» жазғы тынығу лагеріне, 8 мыңнан астам оқушы мектеп жанындағы күндізгі лагерлерге баруы жоспарлануда Аудан басшысы барлық оқыс жағдайлардың алдын алу мақсатында жол қауіпсіздігін қамтамасыз ету бағытында тиісті шараларды қазірден бастап қабылдауды талап етті.Жиында тұрақты рейдтерді күшейту, бұқаралық ақпарат құралдары мен әлеуметтік желілерде құқықбұзушылық, буллинг, лудоманияның зияны, тағы да басқа тақырыптарды ақпараттандыру, кәмелет жасына толмағандар арасындағы профилактикалық жұмыстар бойынша тапсырмалар берілді.Жаһандану заманында ұлттық бәсекеге қабілетті болу – білім деңгейімен өлшенеді. Ауданның білім беру саласының алдында Мемлекет басшысының тапсырмаларынан туындайтын ауқымды міндеттер тұр. Білім сапасының басты көрсеткіштерінің бірі – Ұлттық бірыңғай тестілеу. Атап өту керек, аралдық талапкерлер Ұлттық бірыңғай тестілеуді аудан орталағында тапсыратын болады. Яғни, ҰБТ пункті болып Ұ.Қараманов атындағы № 262 мектеп-гимназиясы таңдалды. Оқу жылын 942 түлек бітірсе, 682-сі тестке қатысуға ниетті.Аудан басшысы бұл тұрғыда өткен жылғы межеден төмен деңгейде болмау үшін дайындық жұмыстарын тыңғылықты жүргізіп, мектептердің көрсеткіштеріне қатысты жан-жақты талдау жасауды тапсырды.Аудан әкімі алқа мәжілісінде биылғы жылдан бастап барлық мәдениет мекемелерінің жанынан жастарды отаншылдық және мемлекетшілдікке, патриоттыққа тәрбиелейтін түрлі бағыттағы үйірмелерді қамтитын «Адал адам» орталықтары құрылып, жұмыс жасап жатқанын алға тартты. Осыған сәйкес, ұлттық құндылықтарды, салт-дәстүрді кеңінен насихаттаудың рөлін ерекше атап өтіп, аудандағы мәдениет және спорт мекемелері білім бөлімімен бірлескен түрде балалардың бос уақытын тиімді пайдалануын кешенді түрде үйлестіруді тапсырды. Ал, отбасын қолдау орталығы, қала, кент және ауылдық оркуг әкімдерімен бірлесіп, түрлі санаттағы отбасыларға талдау жасап, арнайы сенім телефондарының тәулік бойы анонимді жұмыс жасайтындығы туралы түсіндірме жұмыстарын көбейту керек.Мәжілісте аудан прокуроры Мадияр Бекпанов, аудандық мәслихат төрағасы Базарбай Төреахметов, аудандық ардагерлер кеңесінің төрағасы Әділбек Әйімбетов, білім беру саласының ардагері Сағатай Құдайбергенова, көше комитеттерінің кеңесінің төрағасы Аманжол Жолмағанбетов сөз алып, тәртіп мәселесіне жайбарақаттық танытпай, балаларымыздың заман ағымына сай саналы тәрбиемен, сапалы біліммен қамтуда бүкіл қоғам болып қызмет етуге шақырды.Жиын соңында аудан басшысы барлық жауапты мекемелерге балалар мен жасөспірімдердің тәрбиесіне асқан жауапкершілікпен қарауды, ортақ іске барынша атсалысуды тағы да ескертті.<img src="https://knadmin.beoblood.kz/uploads/445003887_3805381753123516_6746246728763972031_n_083372857a.jpg" alt="445003887_3805381753123516_6746246728763972031_n.jpg">&nbsp;<figure class="image"><img src="https://knadmin.beoblood.kz/uploads/445002998_3805381136456911_3901143679782095769_n_f183e16a4c.jpg" alt="445002998_3805381136456911_3901143679782095769_n.jpg"></figure>

Аралда түнгі уақытта заңды өкілінсіз жүрген 215 бала анықталды 

Пробация – ел заңнамасына сәйкес, есепте тұрғандарға әлеуметтік-құқықтық көмек көрсету бойынша мемлекеттік органдармен, азаматтармен, қоғамдық ұйымдармен және өзге де заңды тұлғалармен өзара әрекеттесе отырып, атқарылатын қызмет түрі. Азаматтардың қылмыстық сот төрелігіне түсуін, қылмыстық жазалау шараларын азайту мақсатында қоғамнан оқшаулаумен байланысты емес қылмыстық-құқықтық шараларды кеңінен қолдану үшін жағдай жасалған, жаңа Қылмыстық кодексте бірқатар санкция жеңілдетіліп, сотталғандарды шартты түрде мерзімінен бұрын босату уақыты азайтылды.Осы орайда кеше Жалағаш аудандық қоғам­дық даму бөлімінің тапсы­рысы аясында «Темірқазық» қоғамдық бірлестігі жә­не аудандық жастар ресурстық ор­та­лығының ұйымдастыруымен про­бация есебінде тұрған жастар ара­сында мә­дени орындарға саяхат ұйымдас­ты­рыл­ды. Іс-шараның мақсаты – пробация есебінде тұрған азаматтардың бос уа­қытын тиімді пайдалану, киелі ме­кендермен таныстыра отырып, еліміздің бай мұрасын насихаттау. Нәтижесінде есепте тұрған жастар мә­дени орындарды аралай отырып, сая­хаттан ерекше әсер алып қайтты.&nbsp;– Бұл саяхат біздің білімімізді арт­тырып қана қоймай, рухани әлемімізге де мол қазына сыйлады. Тарихи ме­кендерге жасалған сапар басқа сая­хат­тарға қарағанда ерекше болады екен. Мұны жастарға керекті нағыз рухани байлық, ғибратты шара деп білеміз. Сол үшін осындай сапарлар жиі болып тұрса деген тілегіміз бар, – деді жастар.Ұлттық мұраны дәріптеген тарихи-мәдени сапар алдағы уақытта да жал­­ғасын тауып, тұрақты түрде жүр­гізілетін болады. Осы сапарды ұйым­дас­тыруға атсалысып, жастарды та­­­ри­хи орындармен таныстырған аудан­ның теолог маманы Арыстанбек Бай­қабылов және Жалағаш аудандық ПҚ-ның инспекторы, аға лей­те­нант Еркін Оразалыұлы «Жастарды қайта тәрбиелеп, қоғамға бейімдеу – ортақ парызымыз» дейді.Айта кетейік, еліміздегі қылмыстық-атқару жүйесіне пробация қызметінің енгізілгеніне де көп болған жоқ.&nbsp;Ал оның заңды түрде жүзеге аса бас­тағанына да&nbsp; 7 жылдай болды.&nbsp;

Қазақстан және Қызылорда облысының жаңалықтары