<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың төрағалығымен өткен мәжілісте газ тапшылығы мәселесі талқыланды.Аймақ басшысы халық қажеттілігіне арналған, төмен бағамен берілетін газды кәсіпкерлерге құнын қымбаттатып сатқан операторларды қатаң сынға алды.<blockquote>«Үкімет халық үшін арзан бағамен газ береді. Ал сіздер сол газдан пайда табу үшін сыртқа сатасыздар. Жол салушы компаниялардың жанар-жағармай шығыны жобасында қаралған. Оларды газбен қамтамасыз етуге міндетті емессіздер. Біз ондай уәде берген жоқпыз! Арзандатылған газды халықтың аузынан жырып, қымбатқа сатуға жол бермеймін!» – деді аймақ басшысы.</blockquote>Мәжілісте газбен қамтамасыз ететін оператор мекемелер басшылары қазіргі жағдайды баяндады.Бүгінде облыс орталығы мен аудандарда әлеуметтік бағамен сатылатын газды тұрғындарға босату бойынша комиссия құрылып, оның ашық және әділ таратылуын қадағалайтын болады. Мұнан бөлек, облыстың Түркістан, Ақтөбе, Жезқазғанмен шекарасына арнайы бекеттер қойылып, әлеуметтік газды тасымалдау қатаң бақылауға алынбақ.ҚР Бәсекелестікті қорғау және дамыту агенттігі төрағасының 2022 жылғы 5 шілдедегі №16 бұйрығымен Қызылорда облысының аумағындағы автогаз құю станцияларында сұйытылған мұнай газын бөлшек саудада өткізудің шекті бағалары бекітілген.Энергетика министрлігінің жеткізу жоспары бойынша Қызылорда облысына айына орташа есеппен 6-7 мың тоннаға жуық газ бөлініп келеді. Жеткізу жоспарына сәйкес қазан айында 6 791 тонна газ бөлінді («Қазгермұнай» – 5 427 тонна, «ПКОП» – 1 364 тонна). Алайда, «Қазгермұнай» компаниясының газ қондырғысындағы жоспардан тыс жұмыстарға байланысты бекітілген көлем 529 тоннаға қысқарып, жаңа жоспар бойынша 4 898 тоннаны құрады. Осыған орай Қызылорда облысына 6 262 тонна газ бөлінді.«ПКОП» компаниясынан 1 364 тонна газ толық көлемде әкелінді. Сонымен қатар, қазан айында министрлік «СНПС Ақтөбемұнайгаз» компаниясынан 504 тонна (14 вагон) қосымша көлем бөлді. Оның ішінде, 288 тоннасы (8 вагон) облысқа келді. Тағы 144 тоннасы (4 вагон) жөнелтіліп, облысқа 1 қарашада келеді деп жоспарлануда, қалғаны 72 тонна.Орын алған жағдайға байланысты «Саутс Ойл» компаниясымен келіссөздер жүргізіліп, компания 104 тонна газ бөлді.Облыстан тыс жерлерге газды әкетудің алдын алу мақсатында жұмыс тобы құрылды. Бұл топ газды тиеп-жөнелту пунктінен бастап, автожанармай құю станцияларын толтыруға және одан әрі тұтынушыға сатуға дейінгі процесске бақылау жүргізуде.Бүгінгі күні облыста сұйытылған мұнай газы бойынша қалдық қоры – 221 тонна. Одан бөлек, 27 қазанда облысқа 224 тонна қосымша көлем бөлінді. Комиссия отырысы сол күні өткізіліп, өңірлік операторларға бөлініс жасалды.Айта кету қажет, қараша айына 7 458 тонна газ қарастырылған. Оның ішінде, «Қазгермұнай» компаниясынан 4 740 тонна бөлініп, бірінші онкүндікте 1 840 тоннасы жоспарға сәйкес жеткізіледі.Мәжіліс қорытындысында аймақ басшысы барлық операторларға газды сатуға қатысты шектеулерді алып тастауды тапсырды.«Бизнес – үнемі табыс табу деген сөз емес. Арзан газды сатып, газ тапшы кезде еш әрекет етпей, қол қусырып отыруға болмайды» – деп ескертті облыс әкімі.<figure class="image"><img src="https://knadmin.beoblood.kz/uploads/395453473_635098905478024_2546702519801833043_n_e0b255c94d.jpg" alt="395453473_635098905478024_2546702519801833043_n.jpg"></figure>&nbsp;<figure class="image"><img src="https://knadmin.beoblood.kz/uploads/398328590_635098962144685_8315333331256140669_n_1051332c3e.jpg" alt="398328590_635098962144685_8315333331256140669_n.jpg"></figure>

Н.Нәлібаев: Әлеуметтік газды халықтың аузынан жырып сатуға жол бермеймін

<a href="https://kyzylorda-news.kz/">Kyzylorda-news.kz.</a>&nbsp; Коммуналдық қалдықтарды басқару жөніндегі бағдарламаларды әзірлеу және олардың орындалуы «AMANAT» партиясы облыстық филиалы жанындағы Экологиялық кеңес пен партиялық бақылау комиссиясының бірлескен отырысында талқыланды.Өңірде 145 елді мекенге полигон қызметі үшін барлығы 402 гектар жер учаскелері белгіленген. Облыс аумағында қоқыс полигондары кезең-кезеңімен экологиялық және санитарлық нормаларға сәйкестендірілуде. Нақты кезеңде облыстағы 7 полигон экологиялық және санитарлық талаптарға сай деп айтуға негіз бар. Арал, Жалағаш, Сырдария және Шиелі аудандарында жаңа полигондардың жобалық-сметалық құжаттамалары әзірленіп, мемлекеттік сараптамаға жолданған.Жиын барысында хабарлама жасаған облыстық табиғи ресурстар және табиғат пайдалануды реттеу басқармасының басшысы Марат Құрманбаев коммуналдық қалдықтарды басқару бағытындағы атқарылып жатқан жұмыстарды атап өтті.Басқарма басшысының айтуынша бүгінгі күні Сырдария ауданында коммуналдық қалдықтарды басқару жөніндегі бағдарлама жобасы әзірленіп, аудандық бюджеттен тиісті қаржы бөлінген. Аудандық мәслихат сессиясында жоба бекітілмек. Жаңақорған ауданында мемлекеттік сатып алу конкурсы жүргізілуде. Қалған аудан әкімдіктері тарапынан да бағдарламаны әзірлеуге жергілікті бюджеттен қаржы қарастырылуда.<blockquote>«Облыста қатты тұрмыстық қалдықтарды қайта өңдеу және кәдеге жарату бағытында тиісті шаралар атқарылуда. Жалпы облыс аумағында тұрмыстық қалдықтарды тасымалдау, сұрыптау жинақтау, қайта өңдеу және жою саласында 18 кәсіпкерлік субъектілері жұмыс жасайды. Жыл басынан 9 айында жинақталған 126,5 мың тонна қатты тұрмыстық қалдықтардың 34,2 мың тоннасы өңделді. Пайыздық үлесі 27,0 % құрады»,- дейді басқарма басшысы.</blockquote>Жиын барысында халықты тұрмыстық қатты қалдықтарды жинау және тасымалдау қызметімен қамту бойынша да мәселе сөз болды. Бұл бағытта Қызылорда облысы бойынша экология департаменті басшысы орынбасарының міндетін атқарушы Нұрбек Садыков атап өтті.<blockquote>«Бүгінде облыс тұрғындарының 71,5% тұрмыстық қатты қалдықтарды тасымалдау қызметімен қамтамасыз етілген. Жалпы облыста қалдықтар үшін 15 287 темір контейнерлер, бөлек жинауға арналған 3 074 контейнерлер және құрамында сынабы бар шамдар үшін 874 дана арнайы контейнерлер орнатылған.Сондай-ақ, 2022 жылы Қызылорда облысында коммуналдық қалдықтарды бөлек жинау үшін 625 контейнерлер орнатылды. Биыл жергілікті бюджеттен 17,1 млн. теңге қаржы бөлініп, облыс елді-мекендерінде қалдықтарға арналған 654 контейнер орнату жоспарланып отыр. Бұл жұмыстардың барлығы «AMANAT» партиясының Сайлауалды бағдарламасына қамтылып отыр»,- деді Нұрбек Садыков.</blockquote>Жиын соңында жұмысты жетілдіру бағытында кеңес мүшелері тарапынан айтылған ұсыныстарды саралай келе Кеңес төрағасы Жорабек Нұрымбетов экология - біздің өңір үшін өте өзекті мәселе, сондықтан «AMANAT» партиясы экологиялық жағдайды жақсарту бойынша шараларды күшейтіп ғана қоймай, оның орындаулын қатаң бақылауда ұстайтынын атап өтті.Жиынға ZOOM арқылы қала,аудан әкімдерінің орынбасарлары және жауапты бөлім басшылары қатысты.

Қоқыс полигондарын экологиялық және санитарлық нормаларға сәйкестендіру мәселесі талқыланды

<a href="https://kyzylorda-news.kz/">Kyzylorda-news.kz.</a>&nbsp; Үкімет отырысында Төтенше жағдайлар министрі Сырым Шәріпханов Қарағандының Костенко шахтасындағы апаттан қаза тапқан адамдардың саны 46-ға жеткенін мәлім етті, деп хабарлайды агенттігі <a href="https://kaz.inform.kz/">kazinform</a>.&nbsp;<blockquote>«Бүгінгі күні іздестіру-құтқару жұмыстары барысында 45 кеншінің денесі және алдын-ала болжам бойынша 46-шы қаза тапқан адамның дене бөлшектері табылды. Қайтыс болған 40 адамның жеке басы анықталды, алтауы әлі белгісіз. Оларды сәйкестендіру үшін тиісті сараптама жүргізіледі. Іздеу жұмыстары электр энергиясының болмауымен, тау-кен қазбаларының ұзындығымен, көптеген бұзылған механизмдердің болуымен қиындады. Су&nbsp;басқан жекелеген тау-кен қазбаларында жұмыс жасау қиынға түсті»,&nbsp;— деді министр.</blockquote>Сондай-ақ, ол&nbsp;шахтаның қызметін қалпына келтіру үшін тау-кен қазбаларын зерттеу және жекелеген учаскелерде су&nbsp;сору жұмыстары жүргізіліп жатқанын мәлім етті.<blockquote>«Аварияның себептерін тергеп-тексеру шеңберінде Үкіметтік комиссия мүшелерімен бірге шахтаға түстім. Біз өте маңызды бұзылуларды анықтадық. Тау-кен қазбаларында шахта жабдықтары жылжып кеткен. 15-тен астам оқшаулағыш бөгеттер мен желдету құрылыстары қираған»,&nbsp;— деді Сырым Шәріпханов.</blockquote>

Костенко шахтасындағы апат: 46 кеншінің дене бөлшектері табылды

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК-сы қазанның 31-і күнгі күн райы болжамын жариялады.Республика аумағының басым бөлігінде Атлантикалық циклонның және онымен байланысты атмосфералық фронттардың ықпалымен күн құбылып тұрады.Елдің басым бөлігінде жауын (жаңбыр, қар) жауып, көктайғақ болады. Түнде Қазақстанның орталығында (жаңбыр, қар), оңтүстік-шығыста, таулы аудандарда (жаңбыр, қар), күндіз оңтүстікте қатты жаңбыр жауады.Қазақстан бойынша тұман түсіп, жел күшеюі ықтимал, солтүстік-батыста жел тұрып, жаяу бұрқасын соғады.

Жауын-шашын: Сейсенбіге арналған ауа райы болжамы

Kyzylorda-news.kz. Облыс әкімі Нұрлыбек Нәлібаев кезектілік тәртібімен жазылған азаматтарды қабылдап, олардың ұсыныс-пікірлерін тыңдады. Бүгінгі жеке қабылдауға 10 адам келді.Қабылдауға жазылғандарды толғандыратын түйткілдердің негізгілері – тұрғын үй алу, жол, жарықтандыру, жұмысқа орналасу және кәсіп ашу. &nbsp;Облыс әкімі қабылдауға келушінің әрбірінің қойған сауалы жіті зерттелетінін айтты. Шешімін қарастыруда ең алдымен заң талаптары ескеріліп, негізге алынады. Кейбір сұрақтар бойынша жауапты тұлғалар сол жерде заң аясында түсіндірме беріп, шешу жолдарын ұсынды.81 жастағы қала тұрғыны «Абзал и К» ТС маңындағы 4 көшеде жарық, су, асфальт, ойын алаңы жоқ екенін, тазалық мәселелерін қозғады. Қала әкіміне аталған шағын ауданға барып, жағдаймен жіті танысу жөнінде тапсырма берілді. Саяжай аумағының 58 жастағы тұрғыны қалаға қатынаудың қиындығын алға тартып, тұрақты қоғамдық көлік маршрутын ұйымдастыруды сұрады. Оның өтініші бойынша таңертең және кешкі уақытта арнайы бағыт ашылатын болды.Ал, әлеуметтік көмек сұрап келушілерге бұл мәселені арнайы комиссия заң аясында қарайтыны айтылды.Еске салайық, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.

Облыс әкімі тұрғындарды жеке мәселелерімен қабылдады

<a href="https://kyzylorda-news.kz/">Kyzylorda-news.kz.</a>&nbsp; Ұзақ еңбек демалыс кезінде қызметкер МӘМС жүйесінде қалай сақтандырылады? Кім тегін дәрі-дәрмекті алуға құқылы? Осы және басқа да сұрақтарға Әлеуметтік медициналық сақтандыру қоры филиалының, облыстық денсаулық сақтау басқармасының мамандары Жаңақорған ауданының тұрғындарымен есептік кездесу барысында жауап берді.Ауданда 75 мыңнан астам адам тұрады, халықтың 15,1% - ы міндетті әлеуметтік медициналық сақтандыру жүйесінде сақтандырылмаған, бұл 11 347 адамды құрайды. Сақтандырылмаған ауыл тұрғындарының көпшілігі соңғы 12 ай кезеңінде төлем жасамағандар.<blockquote>«МӘМС жүйесіне азаматтарды өзектендіру - бұл біздің ортақ міндетіміз. Жергілікті атқарушы органдар сақтандырылған азаматтардың қатарына жалдамалы жұмыскерлерді тарту мәселелеріне ерекше назар аударуы қажет. Ауданның ұйымдары мен мекемелерінің 3 мыңға жуық қызметкері МӘМС жүйесінен тыс қалды», - деді Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.</blockquote>Сонымен қатар, ауыл тұрғындары бірқатар сауалдарын қойды. Егер қызметкердің МӘМС-ке 1 айдың төлемі болмаса, неге мәртебесі «сақтандырылмаған» болып шығады? Спикердің айтуынша, «МӘМС туралы» Заңның 30-бабының 1-тармағына сәйкес жұмыскерлердің, оның ішінде мемлекеттік және азаматтық қызметшілердің аударымдарын және (немесе) жарналарын есептеуді (ұстап қалуды) және аударуды жұмыс беруші ай сайын жүзеге асырады. Тиісінше, бірнеше айға демалысқа шығатын қызметкерге біржолғы төлемді төлеу арқылы сақтандыру мәртебесін сақтау үшін МӘМС бойынша аударымдар мен жарналарды әр айды жеке көрсете отырып, әртүрлі төлем тапсырмаларымен төленеді. Яғни, егер демалыс бірнеше кезеңді (бір айдан астам) қамтитын болса, онда төлемдерді кезеңге бөлу қажет.Сондай-ақ тұрғындар келесі сұрақты қойды: тегін дәрі-дәрмек кім алуға құқылы? Бақыт Исмаханбетов атап өткендей, тегін дәрі-дәрмек алу үшін пациент диспансерлік есепте болуы керек. Дәрі-дәрмекпен қамтамасыз ету № ҚР ДСМ – 75 бұйрығына сәйкес жүзеге асырылады (бұйрыққа сілтеме: <a href="https://adilet.zan.kz/kaz/docs/V2100023885).">https://adilet.zan.kz/kaz/docs/V2100023885).</a>&nbsp;Жиынды қорытындылай келе, спикер барлығын уақтылы скринингтерден, медициналық тексерулерден өтуге және әрқашан МӘМС-те сақтандырылуға шақырды. &nbsp;

МӘМС: Кімдер тегін дәрі-дәрмекті алуға құқылы?

<a href="https://kyzylorda-news.kz/">Kyzylorda-news.kz.</a>&nbsp; Балалар мен жастарға ұлттық тәрбие беруде ұлттық ойындардың орны ерекше. Қазақ халқының салт-дәстүрін дәріптеу мақсатында «Жастар рухы» ЖҚ облыстық филиалы және қалалық мәдениет және спорт бөлімінің ұйымдастыруымен «AMANAT» партиясының «Ұлттық мұра» жобасы аясында мектеп оқушылары арасында «Садақ ату» ұлттық спорт түрінен республикалық сайыс өтті.«Наман Ата» спорт кешенінде өткен сайысқа жергілікті ойыншылардан бөлек Түркістан, Шымкент, Астана, Алматы, Жаңаөзен қалаларынан келген жалпы саны 200-ге жуық қатысушы бақ сынады. Сайыскерлер жас ерекшеліктеріне сәйкес (10 және 15 жас) 4 категория бойынша сынға түсті.Қазақ мергендерінің садақ ату өнерін дамытып, ұлттық құндылығымызды дәріптеліп жатқандығы қуанышты жағдай. Жалпы садақ ату әйел адамдар да, ер адамдар да шұғылдана алатын спорт түрі. Әсіресе жасөспірімдер мен балаларды тәрбиелеуде дәстүрлі садақ атудың пайдасы мол. Ол адамға рух беріп, көздің де көру қабілетін жақсартады. Дене бітімнің сымбатты болуымен қатар сабырлы мінез қалыптастырады, - дейді ұйымдастырушы Сәдірбек Жұмабек.Сайыс қорытындысы бойынша 10 жасқа дейінгі оқушылар арасында Шымкент қаласынан келген Есбай Алтынай, Абдуали Абубакир І-ші орынды, Түркістан облысынан Тұрсынбек Ақзере мен Ақтау қаласынан Сағынбай Абдуали ІІ-ші орынды иеленсе, ІІІ-ші орын қызылордалық Амина Қанатқызы мен шымкенттік Нұрали Абдіразаққа бұйырды.15 жасқа дейінгі ұл қыздар арасындағы сайыста І-ші орынды түркістандық Аяна Тұрарбек пен шымкенттік Абдуали Амир, ІІ-ші орынды Түркістан облысынан келген Асылбек Ұлпан мен алматылық Нұрбергенұлы Айбынға бұйырса, ІІІ-ші орынды жерлесіміз Жансая Нұрланқызы мен Шымкент қаласынан келген Абдуали Мұхаммеджан қанжығалады.Жеңімпаздарға арнайы алғыс хаттар мен «Абай-Дәулет» ЖШС-нің демеушілігімен медаль және 400 мың теңге жүлде қоры табысталды.

«Садақ ату»  ұлттық спорт түрінен өткен республикалық сайыс өз мәресіне жетті

<a href="https://kyzylorda-news.kz/">Kyzylorda-news.kz.</a> Жылу беру маусымында тұрмыстағы табиғи газды қауіпсіз пайдалану аса маңызды. Әсіресе, газ жабдықтарын жиі-жиі тексеріп, пайдалану барысында сақтық шараларын қатаң сақтаған абзал. Осыған орай бүгін Өңірлік коммуникациялар қызметінің ақпарат алаңында облыстық ТЖД Мемлекеттік өрт бақылау басқармасының басшысы Асхат Оразбеков өрт қауіпсіздігі бойынша жүргізіліп жатқан жұмыстарды баяндады.<blockquote>Облыста жылу беру маусымының басталғанына 2 аптадан аса уақыт болды. Қазіргі таңда полиция департаментінің мамандары және волонтерлермен бірлесіп тұрғындарға тұрмыстағы өрт қауіпсіздігі туралы түсіндірме жұмыстарын үзбей жүргізіп келеміз. Жалпы облыста өрт оқиғасы өткен жылға қарағанда 2,3 есеге азайды. Сондай-ақ, улану фактісі тіркелген жоқ. Осы тұста облыс тұрғындарына айтарымыз, тұрмыстық пештердің техникалық жағдайына мән беріп, қауіпсіздік ережелерін қатаң сақтау керек, - деді Асхат Оразбеков.</blockquote>Брифинг барысында «ҚазТрансГаз» АҚ Қызылорда өндірістік филиалының жауапты мамандары да газ пайдалану барысындағы қауіпсіздік ережелерін түсіндіріп өтті.<blockquote>Қазіргі уақытта Қызылорда облысы бойынша газдандырылған абонент саны – 130 967 құрайды. Жылыту пештері мен газ құрылғылары біздің өміріміздің ажырамас бөлігі болып табылады. Бірақ оларға ұқыпсыз немесе немқұрайлы қарау өртке, жарылысқа, тұншықтырғыш газбен улануға әкеп соқтыруы мүмкін. Осы орайда тұрғын үйлердегі газ жабдықтарын өз бетінше қосуға, жөндеуге болмайды. Сондай-ақ, мұржалардың жарамдылығы жөнінде негізгі ережелерді сақтамау, қолдан жасалған пештерді пайдалану, үйді жылыту үшін газ плиталарын пайдалану аса қауіпті. Газ жабдықтарын дұрыс пайдалану үшін түтін мұржалары мен желдету арналарын уақтылы тазарту керек, - деді «ҚазТрансГаз» АҚ Қызылорда өндірістік филиалының апатты-диспетчерлік қызметінің басшысы Базарбек Ерімбетов.</blockquote>«ҚазТрансГаз Аймақ» компаниясы ҚР Төтенше жағдайлар министрлігімен «112» нөмірі бойынша мәтіндік хабарламалар жіберу жөнінде бастаманы қолға алды.&nbsp;<blockquote>Қайғылы оқиғалардың алдын алу мақсатында біздің мекеме қызметкерлері жыл соңына дейін 10 000-нан астам жадынама таратуды жоспарлап отыр. Облыс бойынша «112» бірыңғай диспетчерлік қызметінен табиғи газды пайдалану кезінде қауіпсіздік шараларын сақтау бойынша азаматтардың ұялы телефондарына апта сайын SMS-хабарлама жіберілуде, - деді «ҚазТрансГаз» АҚ Қызылорда өндірістік филиалының техникалық-өндірістік бөлімінің басшысы Ислам Бектұрғанов.</blockquote>

Аймақта 130 967 абонент газбен қамтылған 

<a href="https://kyzylorda-news.kz/">Kyzylorda-news.kz.</a> &nbsp;Интернационалдандыру саясатын жүзеге асыру мақсатында университет сыртқы академиялық ұтқырлық бағдарламасын жүйелі түрде іске асыруда. Бұл туралы Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова мәлімдеді.&nbsp;Атап айтсақ, 2022-2023 оқу жылында 21 білім алушы Еуропаның Лодзь және Ховест қолданбалы ғылымдар университетінде академиялық ұтқырлық бағдарламасы бойынша білімдерін шыңдап келді.Сондай-ақ, 2023-2024 оқу жылының бірінші академиялық кезеңінде 44 білім алушы Хубей (ҚХР), Каннам (Оңтүстік Корея), Лодзь (Польша), Сельчук (Түркия) жоғары оқу орындарында «Академиялық ұтқырлық» бағдарламасы бойынша білім алуды жалғастыруда.Мемлекет басшысы Қасым-Жомарт Тоқаевтың 2023 жылғы халыққа Жолдауында ел экономикасын тұрақты дамытуға су тапшылығы қатты кедергі болып отырғанын, сырттан келетін судың азайып бара жатқанын, судың тиімсіз пайдалануын, осы саладағы мамандардың тапшы екенін, қажетті мамандарды дарярлау және білімді сарапшыларды жұмысқа тарту керектігін ерекше атап өтті.Осы орайда, аталған салаларда шетелдік тәжірибемен алмасу, озық технологияларды пайдалануды үйрену және білікті кадрлар даярлау мақсатында университет Орталық Азия мен ТМД елдеріндегі су ресурстарын басқарумен айналысатын бірігей жоғары оқу орны болып саналатын «Ташкент ирригация инженерлері және ауылшаруашылығын механикаландыру институты» Ұлттық зерттеу университетімен ынтымақтастық байланыс орнатылды. Нәтижесінде оқу орнымыздың «Су ресурстары және суды пайдалану», «Жерге орналастыру», «Жерді мелиорациялау» және «Кадастр» мамандықтары бойынша 15 студент қыркүйек айынан бастап бір семестр бойы Өзбекстан Республикасында білім алуда.

Академиялық ұтқырлық бағдарламасы бойынша қызылордалық студенттер білімін шыңдауда

<a href="https://kyzylorda-news.kz/">Kyzylorda-news.kz.</a> Қызылорда облысында жыл басынан бері әлеуметтік-экономикалық дамудың негізгі макрокөрсеткіштері бойынша өсімнің оң динамикасы қалыптасты.&nbsp;Облыстың өнеркәсіп кәсіпорындарымен 763,6 миллиард теңгенің өнімі өндірілген. Өткен жылмен салыстырғанда 0,7 пайызға артса, өңдеу өнеркәсібі де биыл 15,8 пайызға артық орындалған. Бұл жөнінде Өңірлік коммуникациялар қызметінің баспасөз алаңында облыстық экономика және қаржы басқармасының басшысы Қамбарбек Мүбараков айтты.<blockquote>«Өсім негізінен тамақ өнімдерін өндірудің 3,1%-ға, мұнай өңдеу өнімдерін өндірудің 13,5%-ға, резеңке және пластмасса бұйымдарын өндірудің 13,7%-ға, өзге де бейметалл минералдық өнімдерді өндірудің 21,6%-ға, металлургия өндірісінің 36%-ға және машиналар мен жабдықтарды жөндеу және орнатудың 38,9%-ға артуы есебінен қамтамасыз етілген. 2023 жылы Бірыңғай индустрияландыру картасы аясында облыста жалпы құны 3,9 млрд. теңгені құрайтын, 199 жұмыс орындары құрылатын 3 жобаны іске асыру жоспарланған», - деді Қамбарбек Амангелдіұлы.</blockquote>

Қызылорда облысының экономикасында өсім бар

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің кәсіпкерлік орталығы Startup Joly инкубациялық бағдарламасының қорытынды &nbsp;шарасын өткізді.«QazInnovations» инновацияларды дамыту жөніндегі ұлттық агенттігінің» қолдауымен тамыз айында басталған инкубациялық бағдарламаның екінші маусымына қатысуға 127 өтінім түскен, ал бағдарламаға 57 жоба қабылданды.&nbsp;Startup Joly − инновациялық стартаптар мен кәсіпкерлік бастамаларды қажетті ресурстармен қамтамасыз етуге, кәсіпкерліктің әртүрлі аспектілері, соның ішінде идея, маркетинг, сату және құқықтық мәселелер бойынша дағдыларды арттыруға бағытталған бағдарлама. Бағдарлама аясында қатысушыларға тегін 16 семинар, менторлық сабақтармен бірге &nbsp;жобаларды идея сатысынан прототип деңгейіне дейін дамыту мақсатында әр тақырыпқа сәйкес білікті мамандар шеберлік сабақтарын өтті.Инновациялық жобалар байқауының мақсаты &nbsp;− өңірдегі үздік инноваторларды анықтау, олардың жобаларын қолдау және дамуына көмектесу. Инкубациялық кезеңнің қорытынды Demo Day шарасында қазылар алқасына 22 жоба таныстырылды. Ұсынылған жобалардың қатарында цифрлы «VR көзілдірік», «Ecotrade», «Syr-Lax», «Janarym AI» тәрізді жобалар бар.&nbsp;Байқауда &nbsp;Заманбек Жақсылықов &nbsp;«BumpIt» жобасы бойынша 500 мың теңге иеленді. Ал, &nbsp;Арсен Сағидуллаевқа 300 мың теңге табысталды. Айтолқын Ақынбаева «Orda Studio» жобасымен 200 мың теңге жүлдені қанжығасына байлады. Сонымен қатар, қаржылай сыйлықтан бөлек сертификат табысталды. Сертификат арқылы «QazInnovations» инновацияларды дамыту жөніндегі ұлттық агенттігі» және Astana Hub халықаралық технопаркінің гранттық бағдарламаларына қатыса алады.<blockquote>«Staryp Joly бағдарламасы аясында жобаны дамыту, іске асыру бойынша көптеген семинарға қатыстым. Инкубациялық кезеңде Demo Day инновациялық жобалар байқауына «BumpIt» жобасын ұсындым. &nbsp;BumpIt &nbsp; − көлік компоненттерін арзан және зауыттық сапада өндіруге бағытталған жоба. Қазақстанда көлік жолдарының сапасыздығынан автокөлік компоненттері, бамперлері өзгеріске ұшырайды немесе жарамсыз болады. Осы орайда көлік компоненттеріне қажетті бөлшектерді арзан және сапалы түрде жасауды жөн көрдім», - деді Заманбек Жақсылықов.</blockquote>Бағдарламаның бас серіктестері – ҚР цифрлық даму, инновациялар мен аэроғарыш өнеркәсібі министрлігі, «QazInnovations» инновацияларды дамыту жөніндегі ұлттық &nbsp;агенттігі, Astana Hub халықаралық технопаркі, Қорқыт ата атындағы Қызылорда университеті. Серіктестер –Қызылорда облысының «Атамекен» Ұлттық кәсіпкерлер палатасы, Қызылорда облысы әкімі аппаратының «Ақпараттық технологиялар орталығы».Айта кетейік, Startup Jolу инкубациялық бағдарламасының &nbsp;өткен маусымына қатысуға 135 өтінім түсті. Алғашқы Demo Day-де 8 адамнан құрылған қазылар алқасының бағалауы бойынша Educopter, Dmenu, ecoDabyl жобалары жеңімпаз атанды.<figure class="image"><img src="https://knadmin.beoblood.kz/uploads/1_oryn_1_9a57f78c4b.JPG" alt="1 орын (1).JPG"></figure>

 Инновациялық жобалар байқауының жеңімпаздары анықталды

<a href="https://kyzylorda-news.kz/">Kyzylorda-news.kz.</a> Экология және табиғи ресурстар министрлігі киіктерді атуға рұқсат берілген аймақтарды атады, деп хабарлайды Kazinform.<blockquote>«Киіктердің популяциясын басқару жөніндегі биологиялық негіздемеге сәйкес БҚО, Ақмола, Қостанай және Бетпақдала популяциясы үшін Қарағанды облысының аумағында киіктерді атуға рұқсат берілді», - делінген аталған министрліктің Kazinform агенттігі жолдаған сауалының жауабында.</blockquote>Сондай-ақ ведомство қай жастағы киіктерді атуға болатынын түсіндірді.<blockquote>«Биологиялық негіздемеге сәйкес, Орал және Бетпақдала популяциялары үшін 2023 жылға киіктерді ату 15%-дан аспауы керек. Оның ішінде ересек аналықтары 50%-дан аспауы тиіс, жас төлдерді ату (екі жыныс бойынша да) бойынша 35%-дан артық рұқсат берілмейді», - дейді Экология министрлігінен.</blockquote>

Қазақстан және Қызылорда облысының жаңалықтары