<a href="https://rus.azattyq-ruhy.kz/society/52665-bolee-769-mln-tenge-ushcherba-nanesla-finpiramida-chia-tai-pharmaceutical">ФОТО</a><a href="https://kyzylorda-news.kz/ru">Kyzylorda-news.kz.</a>&nbsp; ҚМА Қызылорда облысы бойынша экономикалық тергеп-тексеру департаменті «Chia-Tai-Tianqing Pharmaceutical» қаржы пирамидасының Қызылорда қаласындағы құрылымдық бөлімшесін басқарған күдіктіні қамауға алды.1992 жылы туылған қызылордалық А.П есімді азаматша Қызылорда қаласы аумағында 2022 жылдың қараша айы – 2023 жылдың сәуір айы аралығында, қаржылық (инвестициялық) пирамиданы құру, яғни тартылған қаражатты қабылданған мiндеттемелердi қамтамасыз ететiн кәсiпкерлiк қызметке пайдаланбай, жеке (немесе) заңды тұлғалардың ақшасын немесе өзге мүлкiн не оған құқығын қайта бөлу және бiр қатысушыларды басқалардың жарналары есебiнен байыту арқылы осы активтердi тартудан табыс алу (мүлiктiк пайда табу) жөнiндегi қызметті ұйымдастыру, сол сияқты қаржылық (инвестициялық) пирамидаға немесе оның құрылымдық бөлімшесіне басшылық етіп, ақшаны немесе өзге мүлікті тарта отырып, яғни өз әрекетімен ҚР ҚК-нің 217 бабы 3-бөлігі 2) тармағында көзделген қылмыстық құқық бұзушылықты қасақана жасаған.Қазіргі таңда 26 салымшыға жалпы 26 130 190 теңге көлемінде аса ірі мөлшерде мүліктік залал келтірген. Айта кету керек, бұл компания өзін инвестициялық ұйым ретінде көрсетіп, жоғары және тұрақты табыс әкелуге уәде берген.

«Chia-Tai» қаржы пирамидасымен айналысқан күдікті қамауға алынды

<a href="https://kyzylorda-news.kz/ru">Kyzylorda-news.kz.</a>&nbsp; Партияның облыстық филиалы Атқарушы хатшысының орынбасары Алтынбек Жарылқасынов, партияның облыстық филиалы жанындағы Өңірлік даму жөніндегі кеңес төрағасы Қожахмет Ильясов пен облыстық мәслихаттағы «AMANAT» партиясы депутаттық фракциясының мүшесі Батырхан Базарбаевпен бірге «AMANAT» партиясының Сайлауалды бағдарламасы аясында құрылысы жүріп жатқан республикалық маңызы бар «Қызылорда-Жезқазған» автожолы жұмыстарына мониторинг жасап, жол сапасы, мердігер мекемлер тарапынан мамандар мен құрылыс базаларын орналасуы, арнайы техникалар мен құрылыс материалдарының жеткізілуі сонымен қатар құжаттамалардың рәсімделуін қадағалады.Жалпы Қызылорда облысы бойынша республикалық маңызы бар автомобиль жолдарының жалпы желісі 1014,5 км құрайды. Соның ішіндегі 204 км «Қызылорда-Жезқазған» автожолы.Жалпы жобада: ені 7 метр болатын III техникалық автомобиль жолын ені 9 метр болатын II техникалық санаттағы жолға ауыстыру қаралған және толығымен жарықтандырылған Iб снаттағы Қызылорда қаласының айналма жолын салу, 2 дана жол айрығы (транспортная развязка), 2 дана ауыл шаруашылық техниклары мен үй жануарларына арналған жол өткелдері, су арналарына өтетін 3 дана көпір, 2 дана көп функцианалды аралық бақылау (салмақ, габарит, жылдамдық) өлшейтін аркалар, заманауи жылы 5 дана дәретханалар, 5 дана демалыс алаңдары, 56 дана суөткізгіш құбырлары, 10 дана мал өтклдері, 117 дана жолдың қиылысулары және түйісулері қарастырылған.Мониторинг барысында кеңес мүшелері мердігерлерге қаражаттың тиімді жұмсалуы мен жол сапасының дұрыс болуын қатаң тапсырды. Сонымен қатар жол құрылысы аяқталғанша «AMANAT» партиясының бақылауында болатындығы ескертілді.

«Қызылорда-Жезқазған» автожолы жұмыстарына мониторинг жасалды

<a href="https://kyzylorda-news.kz/ru">Kyzylorda-news.kz.</a> Қорқыт ата атындағы Қызылорда университетінде «Ақтабан шұбырынды, Алқакөл сұлама» оқиғасының 300 жылдығына арналған «Қазақ-жоңғар соғыстары: тарихы мен тағылымы» тақырыбында ғылыми-танымдық конференция өтті.Жиын барысында тарихи оқиғалардың маңыздылығы, қазақ батырларының ерлігі туралы кеңінен айтылды.<blockquote>«Халық батырлары атамекенді жаудан қорғауда ерекше ерлік пен табандылық көрсетті. Билер мен сұлтандар күресті ұйымдастырушылар ретінде зор еңбек сіңірді. Жоңғарларға қарсы біртұтас әскер ұйымдастыруда қазақ елі ауызбіршілік таныта білді. Дәстүрлі қазақ қоғамындағы батырлардың өздеріне тән ар-намыс&nbsp; кодексі, жауынгерлік этикасы мен дәстүрі де қалыптасты. Олар ерлік пен ізгілікті мұрат тұтты. Батырдың басты міндеті – елі мен жерін жаудан қорғау, сонымен қатар нағыз батыр жүрегі ізгілік пен мейірімге толы, достыққа адал, сертке берік, елге тұтқа әрі пана бола білетін тұлға болды. Сондықтан, батырлардың рухани-моральдік бет-бейнесі мен негізгі қызметін халқымыздың этномәдени жүйесінің ажырамас бөлігі ретінде қарастыруға тиіспіз», – деді университеттің Басқарма мүшесі-Ғылыми жұмыс және халықаралық байланыстар жөніндегі проректоры Майнұр Әбілтайқызы.</blockquote>Шарада Қорқыт ата атындағы Қызылорда университетінің «Тарих және археология» білім беру бағдарламасының доценті, тарих ғылымдарының докторы Өтеубай Қожақұлы «Алапат ауыр зұлмат жылдар» тақырыбнда, «Тарих және археология» білім беру бағдарламасының қауымдастырылған профессор міндетін атқарушы, тарих ғылымдарының докторы Сәтбай Тастанбек «Ел қорғаны – Тауасар Тілекұлы» тақырыбында, «Тарих және археология» білім беру бағдарламасының аға оқытушысы, философия докторы (PhD) Дәулет Омаров және ZOOM платформасы арқылы М. Өтемісов атындағы БҚМУ-нің доценті, тарих ғылымдарының кандидаты Жаңабек Жақсығалиев &nbsp;«Әбілқайыр хан: сардар һәм саясаткер» тақырыбында баяндама жасады. &nbsp;Конференцияға университеттің проффессор-оқытушылары мен білім алушылар, сондай-ақ мектептегі тарих пәнінің оқытушылары қатысты.<figure class="image"><img src="https://knadmin.beoblood.kz/uploads/IMGL_2185_660c5d62a2.jpg" alt="IMGL2185.jpg"></figure> &nbsp;

«Қазақ-жоңғар соғыстары: тарихы мен тағылымы» тақырыбында ғылыми-танымдық конференция өтті

<a href="https://kyzylorda-news.kz/ru">Kyzylorda-news.kz.</a>&nbsp; Синоптиктердің болжамынша қараша айында ауа райының орташа температурасы 0,4+3,9 градус шамасында болады. Тиісінше, облыстың басым бөлігінде қар аралас жаңбыр жауып, тұман түседі. Сондай-ақ, желдің екпіні 15-20 метр секундқа дейін күшейіп, қараша айының соңында ауа температурасы құбылмалы болады.&nbsp;Бұл туралы Қызылорда облысының Өңірлік коммуникациялар қызметінің ақпарат алаңында Қазгидромет РМК Қызылорда облысы бойынша филиалының бөлім басшысы Әйгерім Жөкелова хабарлады.<blockquote>Қараша айының бірінші онкүндігінде ауа температурасы күндіз +10+15 градусқа дейін, ал түнде 0+5 градус жылы ауа райы сақталады. Екінші онкүндікте ауа температурасы түнде -1-6 градус, күндіз +2+7 градус шамасында болжанады. Ал үшінші онкүндікте түнде -4-9 градустан -2+3 градусқа дейін, күндіз -1+4 градустан +6+11 градусқа дейін жоғарылауы күтілуде. Облыстың басым бөлігінде жауын-шашынның айлық мөлшері норма шамасында, аймақтың солтүстігінде нормадан көп жауады. Сондай-ақ, жиі тұман түседі. Осы айда желдің екпіні 15-20 м/с- қа дейін күшейіп, бірінші онкүндіктің ортасы мен екінші онкүндіктің бірінші жартысында күтіледі, - деді Әйгерім Болатбекқызы.</blockquote>

Қызылордада қараша айының соңында ауа температурасы құбылмалы болады

<a href="https://kyzylorda-news.kz/ru">Kyzylorda-news.kz.</a>&nbsp; Халық саны 20 миллионға жақындап қалды, деп хабарлайды ұлттық статбюро.&nbsp;1 қазандағы жағдай бойынша халық саны 19 967 964 адамды құрады, оның ішінде қала тұрғындары – 12 387 957 адам, ауыл тұрғындары – 7 580 007 адам.Жыл басынан бері халық өсімі 1,02% немесе 201,1 мың адамды құрады.Халық санының ең жоғары өсу қарқыны Астана (4,06%) мен Алматы (2,28%) қалаларында және Маңғыстау облысында – (1,94%).Халық өсімінің биылғы қарқынын ескерсек, 20 миллион адам көрсеткіші 2023 жылғы қарашада болады деп күтіліп отыр.&nbsp;&nbsp;Халықтың табиғи өсімі есебінен, яғни туу және қайтыс болу деректерін ескергенде, халық саны 194 753 адамға өсті.Көші-қон өсімі есебінен халық саны 6 404 адамға көбейді, бұл сальдоның оң екенін көрсетеді.Халықтың табиғи қозғалысы есебінен өсудің ең жоғары қарқыны Түркістан облысында байқалды, онда халық саны 34 097 адамға, Шымкент қаласында 19 242 адамға, Алматы облысында 18 251 адамға өсті.&nbsp;

Қараша айында Қазақстан халқының саны 20 миллионға жетеді

<a href="https://aikyn.kz/213000/zher-amanaty-el-amanaty">ФОТО</a><a href="https://kyzylorda-news.kz/ru">Kyzylorda-news.kz.</a>&nbsp; «AMANAT» партиясы облыстық филиалы жанындағы «Жер аманаты» комиссиясы бұған дейін барлық аудандарында болып, жергілікті жердегі жағдаймен танысып, жоспардың орындалуын пысықтап, мәселелерді талқылаған болатын. Бүгін партияның облыстық филиалының Атқарушы хатшысы Ләйлә Төрешованың төрағалығымен комиссияның кезекті отырысы өтіп, онда «Жер аманаты» жобасының Қызылорда қаласында іске асырылу барысы талқыға түсті.«Жер аманаты» комиссияның құрылудағы мақсаты – пайдаланылмай жатқан, оның ішінде заңсыз жеке меншікке өткен жерлерді мемлекет меншігіне қайтару және оларды ауыл тұрғындарына ұсыну, әділ үлестіруді қамтамасыз ету.Өңірде биыл «Жер аманаты» жобасы аясында 200 мың гектар жерді қайтару жоспарланса, комиссияның араласуымен бүгінгі күнге жоспар 103,5% орындалып, 207 мың 85 гектар жер артығымен мемлекет меншігіне қайтарылды. Алайда Сайлауалды бағдарламаны іске асырудың Жол картасында барлық іс-шаралар мен көрсеткіштер қала және аудандар бөлінісінде бекітілгендіктен Қызылорда қаласы бойынша жобаның орындалуы көңіл көншітпейді» деді партия филиалының Атқарушы хатшысы Ләйлә Төрешова.Атқарушы хатшы атап өткендей жоба аясында Қылыорда қаласында билы жоспарға сәйкес 5 мың гектар жер қайтарылу керек. Оның бүгінгі күнге 2 мың 29 гектар ғана қайтарылған. Жиын барасында қалған 2 мың 970 гектар жер учаскесін мемлекетке қайтару туралы және жайылыммен қамтамасыз ету жағдай жөнінде Қызылорда қаласы әкімінің орынбасары Дархан Тұрсынбаев есеп берді.Алайда партия филиалының Атқарушы хатшысы жерге қатысты мәселелердің жалғаса беретіндігін соның ішінде жайылыммен қамтамасыз ету мәселесі әлі күнге де өзекті екендігін тілге тиек етіп, қала әкімі орынбасарына, қалалық партия филиалының төрағасы мен Атқарушы хатшысына қайтарылған жерлерді халыққа тиімді үйлестіруді тапсырды.Ақпарат үшін: «Жер аманаты» комиссиясының жер мәселелері жөніндегі «Жедел желісі» телефоны 8 800 080 44 41,өтінімдер WhatsApp арқылы да + 77008004441 нөмірі бойынша қабылданады.

«Жер аманаты»: Қызылордада 207 мың 85 гектар жер мемлекет меншігіне қайтаралды

<a href="https://kyzylorda-news.kz/ru">Kyzylorda-news.kz.</a>&nbsp; «AMANAT» партиясы облыстық филиалы жанындағы Партиялық бақылау комиссиясының Төрағасы Нұркен Бақытбекұлының төрағалығымен аумақтық филиалдар жанындағы кеңестердің жұмысын күшейту бағытында жұмысшы топтың отырысы өтті. Оған ZOOM бағдарламасы арқылы аумақтық Партиялық бақылау комиссиясының төрағалары мен мүшелері қатысты.Жиында комиссия төрағасы аумақтық Партиялық бақылау комиссияларының жұмысына қатысты жүргізілген талдау қорытындысын танысытрып, жұмысты жетілдеруге қатысты ұсыныстарын айтты.<blockquote>«Партиялық бақылау бекеттерінің жұмысы мен мониторинг топтардың жұмысын жетілдіруіміз керек. Соның ішінде Партиялық бақылау бекетінің бақылауында болған нысандарда жобадан ауытқу, сапасыз, стандартқа сай емес құрылыс материалдарын пайдалануы және Үкіметтің қаулысына сәйкес жергілікті тұрғындарды жұмысқа алу мәселелері бойынша заңсыздықтарды анықтау, жемқорлыққа қарсы заңнаманың сақталуы, мемлекеттік қаражаттың мақсатты жұмсалуы, аймақтық бағдарламалардың орындалуына бақылау жасалу керек. Осы бағыттағы анықталған кемшіліктер нақты айтылып, оны орнына келтіруде ұсыныстар берілу керек»,- деді партияның облыстық филиалы жанындағы Партиялық бақылау комиссиясының төрағасы Нұркен Бақытбекұлы.</blockquote>Жиында комиссия төрағасы сонымен қатар мониторинг жұмыстарын ақпараттандыру бағытындағы жұмыстарға да тоқталып, халыққа мониторингтік топ мүшелері тарапынан анықтаған кемшіліктер, жұмыстың қарқыны, жұмыс жасап жатқан бригадалардың жеткіліктілігі, пайдалануға беру мерзіміне үлгірімі, жұмыстың қанша пайызға орындалғаны, мердігер, жұмысшылар тарапынан берілген ұсыныстар да ашық айтылып отыру керектігін атап өтті.<figure class="image"><img src="https://knadmin.beoblood.kz/uploads/398669489_732804022218570_8176305240147081038_n_bcf93ad299.jpg" alt="398669489_732804022218570_8176305240147081038_n.jpg"></figure>

Партиялық бақылау комиссиясы жұмыс тобының отырысы өтті

<a href="https://kyzylorda-news.kz/ru">Kyzylorda-news.kz.</a>&nbsp; Қазгидромет Қазақстан аймақтарында 2023 жылғы 2 қарашада болатын қауіпті метеорологиялық құбылыстарға болжау консультациясын жариялады.Республика аумағының басым бөлігінде Атлантикалық циклонның және онымен байланысты атмосфералық фронттардың ықпалымен ауа райының тұрақсыз сипаты сақталады, жауын-шашын (жаңбыр, қар), көктайғақ күтіледі.Елдің батысында, солтүстік-батысында, оңтүстігінде антициклон жотасының әсерінен жауын-шашынсыз ауа райы күтіледі. Қазақстан бойынша тұман, желдің күшеюі, елдің оңтүстік-батысында шаңды дауыл болады деп болжануда.

2 қарашаға арналған ауа райы болжамы

<a href="https://kyzylorda-news.kz/ru">Kyzylorda-news.kz.</a> Қызылорда облысы бойынша жылу беру маусымына 238 мың тонна көмір қажет. Оның 205 мың тоннасы облыс тұрғындарына, 33 мың тоннасы әлеуметтік нысандарға тиесілі. Бүгінге дейін өңірге 123,8 мың тонна көмір жеткізілді.&nbsp;Бүгін Өңірлік коммуникациялар қызметінің түсірілім тобы қаладағы көмір қоймасына барып, жауапты сала маманынан сұхбат алды.<blockquote>-Қазіргі таңда қала және аудандардағы көмір қоймаларында нақты 26,6 мың тонна қатты отын қоры бар. Қазіргі таңда халыққа көмір сатумен 41 аймақтық оператор жұмыс істейді. Көмір бағасы маркаларына сәйкес 17-22 мың теңге аралығында сатылуда. Күні кеше облысқа 5 вагон көмір түсірілді. Жолда тағы 73 тонна қатты отын қоры келе жатыр. Осы ретте көмірге байланысты тапшылық жоқ екенін айтқым келеді, - деді облыстық энергетика және тұрғын үй-коммуналдық шаруашылық басқармасының бөлім басшысы Руслан Тәуекелов.</blockquote>

Қызылорда облысында көмір қоры жеткілікті ме?

<a href="https://kyzylorda-news.kz/ru">Kyzylorda-news.kz.</a> Бүгін аудан орталығында Қызылорда облысының 85, Арал ауданының 95 жылдығы мерейтойы аясында студенттерге арналған жаңа заманауи жатақхананың ашылу салтанаты өтті.Мемлекет басшысы Қасым-Жомарт Тоқаев өз Жолдауында студенттерді жатақханамен қамтамасыз ету мәселесіне ерекше көңіл бөлген болатын. Осы ретте мемлекеттік-жекешелік әріптестік аясында салынған жатақхана Арал индустриалды-техникалық колледжі жанынан бой көтерді.Нысанның ашылу салтанатына аудан әкімі Серік Сермағамбетов, Арал ауданының құрметті азаматы Нәжмадин Мұсабаев және аудан ардагерлері қатысты.Іс-шарада аудан басшысы сөз алып: «Құрметті жерлестер бүгін ауданымыздың 95 жылдық мерейтойы қарсаңында Өздеріңіздің қатысуларыңызбен жаңа замауи жатақхананың ашылуына куәгер болып тұрмыз. Бүгін шәкірттерімізбен олардың ата-аналары үшін қуанышты күн. Себебі басты мәселе баспана мәселесінің оң шешімін табуы балаларымыздың еш уайымсыз жан-жақты білім алуына мол мүмкіндік бермек. Жас ұрпақтың біліміне салынған инвестицияның еселеп қайтатыны – дәлелдеуді қажет етпейтін аксиома. Құндылықтар алмасып жатқан дәуірде білімнің орны өз биігінен төмендемек емес» - деп, келешек ұрпақтың игілігіне арнап салынған нысан берекелі орынға айналуына тілектестік білдірді.Салтанатты шарадан соң аудан әкімі оқу орнының бүгінгі тынысымен танысты.Айта кетейік, алдағы уақытта 75 студент енді баспанасына алаңдамай, бар назарын білімге арнайды. Жатақханадан гөрі жайлы үй деуге келетін ғимаратты көрген студенттерінің қуанышында шек жоқ. Әдемі аула, кең бөлмелер, заманауи жиһаздар, оқу және демалу аймақтары, студенттер шығармашылығына арналған орын, ас үй мен кір жуатын орындар – бәрі студенттер үшін жасалған. Нысан тиісті талаптарға толық сәйкес келеді.<img src="https://knadmin.beoblood.kz/uploads/396279808_3666876070307419_269438406264670950_n_f06e4e5c28.jpg" alt="396279808_3666876070307419_269438406264670950_n.jpg"><img src="https://knadmin.beoblood.kz/uploads/395299663_3666876053640754_4186957470590503231_n_a95746651b.jpg" alt="395299663_3666876053640754_4186957470590503231_n.jpg">

Аралда студенттерге арналған жатақхана ашылды

<a href="https://dev.ua/ru/news/kak-rabotaut-sireny-trevog">ФОТО</a><a href="https://kyzylorda-news.kz/ru">Kyzylorda-news.kz.</a> 2-3 қараша аралығында «Зымыран- 2023» республикалық командалық-штабтық оқу-жаттығуы өткізіледі. &nbsp;Жаттығу ««Байқоңыр» ғарыш айлағынан ұшыру кезінде зымыран-тасығыштардың аварияларымен байланысты төтенше жағдайлар туындаған кездегі іс-қимылдарға АҚМЖ басқару органдарының, күштері мен құралдарының әзірлігі» тақырыбында ұйымдастырылмақ.&nbsp;Осы орайда «Баршаның назарына» тұрғындарды құлақтандырудың бірыңғай жүйесі іске қосылады. Облыс аумағындағы төтенше жағдайлардың қаупі туралы тұрғындарды құлақтандыру жүйесіне тәжірибелік пысықтау жұмыстарын жүргізу жоспарлануда.&nbsp;<blockquote>«Құлақтандыру жүйесіне тексеру жүргізу кезінде алаңдаушылық тудырмай, тыныштық сақтауларыңызды сұраймыз. «Баршаның назарына!» - бұл ескерту дабылы. Бұл дабыл &nbsp;авариялар, зілзалалар, табиғи апаттар, қарсыластардың шабуыл қаупі туралы тұрғындардың назарын аударту мақсатында беріледі. Дабыл сиренаны, үзіліп шығатын дыбыс (гудок), көліктегі және басқа да құралдардағы дауыс зорайтқыштарды қосу арқылы беріледі. Дабыл берілген кездегі халықтың іс-әрекеті: сиренаны, үзіліп шығатын дыбысты (гудок) немесе т.б. естіген кезде тез арада радионы, теледидарды қосып, Қызылорда облысы Төтенше жағдайлар департаментінің іс-әрекет тәртібі туралы хабарламасын тыңдаңыздар. Алынған ақпаратты көршілеріңізге жеткізіп, естіген іс –әрекет тәртібі бойынша әрекет етіңіздер», - делінген ТЖ департаментінің таратқан хабарламасында.&nbsp; &nbsp;</blockquote>

Дабыл: «Зымыран- 2023» оқу-жаттығуы өткізіледі

<a href="https://kyzylorda-news.kz/ru">Kyzylorda-news.kz.</a>&nbsp; Қазақстан Республикасының Мәдениет және ақпарат министрлігі «Дарын» мемлекеттік жастар сыйлығына байқау жариялайды. «Дарын» мемлекеттік жастар сыйлығы - &nbsp;ғылым, шығармашылық, қоғамдық қызмет салаларында жемiстi еңбегімен көзге түскен, сондай-ақ жоғары спорттық жетістіктері үшін дарынды жастарды мемлекет тарапынан қолдау мақсатында ұсынылады.Байқау «Әдебиет», «Ғылым», «Дизайн және бейнелеу өнері», «Журналистика», «Классикалық музыка», «Креативті бастамалар», «Спорт», «Театр және кино», «Эстрада», «Халық шығармашылығы» атты 10 номинация бойынша өтеді.Сыйлық алуға халықаралық және республикалық конкурстардың, фестивальдар мен түрлі шаралардың лауреаттары, республикалық және халықаралық деңгейлердегі спорттық жарыстардың жүлдегерлері мен жеңімпаздары, сондай-ақ қызметі инновациялық болып табылатын және тиісті сала мен тұтастай қоғамды дамытуға ықпал еткен Қазақстан Республикасының 35 жасқа дейінгі азаматтары үміткер бола алады. «Дарын» жастар сыйлығын алуға кандидатураларды ұсынуды мемлекеттiк органдар, қоғамдық бiрлестiктердің өкілдері жүргiзедi. Жеңімпаздарға «Дарын мемлекеттік жастар сыйлығының лауреаты» атағы беріледі және олар дипломмен, төсбелгілермен сондай-ақ қаржылай сыйлықпен марапатталады.Жыл сайын сыйлықты ұсыну Қазақстан Республикасының Тәуелсіздік күнін мерекелеу аясында өткізіледі.«Дарын» жастар сыйлығы 1992 жылы тағайындалған. Әр жылдары аталған сыйлықты түрлі саладағы 320-дан астам азамат иеленген болатын.Конкурсқа қатысуға құжаттар 2023 жылғы 20 қарашаға дейін Қазақстан Республикасы Мәдениет және ақпарат министрлігінің Жастар және отбасы істері комитеті (қағаз нұсқада) мына мекенжай бойынша: Астана қаласы, Мәнгілік ел даңғылы 10, «Министрліктер үйі» ғимаратында (14-кіреберіс) қабылданады. Ал электрондық нұсқаны premiya.daryn@gmail.com поштасына жолдауға болады.&nbsp;Байланыс номерлері: 8(7172) 74-05-25, 8(7172) 74-18-43, 8 701 170 46 54. Толығырақ: <a href="https://adilet.zan.kz/kaz/docs/V2300033016">Аdilet.zan.kz</a>

Қазақстан және Қызылорда облысының жаңалықтары