Ел тәуелсіздігінің алғашқы жылдарында қоғамның тұрақтылығын нығайту маңызды міндеттің бірі болды. Осы ретте елдің ішкі ахуалын үйлестіріп, атқарушы билік пен азаматтық қоғам арасында байланыс орнатып, сапалы ақпарат алаңының қалыптасуын қамтамасыз ететін құзырлы мекеме жұмыс істеп бастады.&nbsp;Расында, қоғамдық даму – мемлекет саясатының күретамыры. Ал Шиелі ауданындағы қоғамдық даму бөлімінің жүйелі жұмысы қалай жүргізілуде? Қандай жаңалықтары бар? Бұл сауалдардың барлығын біз Шиелі аудандық қоғамдық даму бөлімінің басшысы Кенжехан Есенбаевтан білдік. Ол жергілікті БАҚ өкілдеріне Шиелі ауданы әкімдігінің баспасөз орталығында брифинг берді.– Қоғамдық даму бөлімінің басты міндеті – мемлекеттік саясатты насихаттау, аудан аумағында қоғамдық-саяси ахуалдың тұрақтылығын сақтауға күш жұмсау, діни ахуалды қадағалау, үкіметтік емес ұйымдар мен жастармен жұмыс істейді. БАҚ-пен қарым-қатынас орнатып, мемлекеттік органдар мен мекемелерде мемлекеттік рәміздердің дұрыс орналастырылуын, пайдаланылуын назарда ұстау, түрлі ұлт өкілдері арасында татулықты, сыбайлас жемқорлыққа қарсы мәдениетті қалыптастыруға күш салады. Міне, осының бәрі – идеология. Біздің бөлім жоғарыда аталған мәселелер бойынша аудандағы тиісті мемлекеттік органдар, мекемелер және қоғамдық бірлестіктермен бірлесе отырып, бірқатар іс-шаралар жүргізеді.&nbsp;Өздеріңізге белгілі, «Мерейлі отбасы» ұлттық конкурсына 15 мамырдан бастап құжаттар қабылдау басталды. Өнегелі құндылықтарды және отбасы мен некенің жағымды бейнесін санаға қалыптастыру,отбасы мәртебесін арттыру мақсатында «Мерейлі отбасы» ұлттық конкурсы биыл он бірінші рет өткізілгелі отыр.&nbsp;«Мерейлі отбасы – 2024» ұлттық конкурсын өткізу жайлы кент және ауылдық округ әкімдері мен мекеме басшыларына хат жолданды. Бүгінде облыстан 32 меже берілген болатын. Осы уақытқа дейін 5 өтінім жинақталды. Өтінімдер жинақталғаннан кейін комиссия отырысы өткізіліп, үздік деп танылған 2 отбасының құжаттары облысқа хаттамамен жолданатын болады, – деді ол.&nbsp;Естеріңізде болса, 2021 жылы атаулы конкурс қорытындысы бойынша ауданнан Өтегенов пен Әбілдашев отбасы облыстық кезеңге жолдама алып, жеті ауданнан суырылып шыққан. Соның нәтижесінде Жиделіарық ауылында тұратын Әбілдашевтар отбасы облыстан бас жүлде, республикадан лауреат атанып, 5 млн теңге жеңіп алды. Ал 2022 жылы «Мерейлі отбасы – 2022» байқауы қорытындысымен ауданның Байжановтар отбасы облыстан жеңімпаз атанып, республикадан лауреат атанып, 1 миллион теңге қаржылай ұтып алды.&nbsp;Брифинг барысында бөлім басшысы адамзат тарихындағы ең ауыр кезең 31 мамыр – Саяси қуғын-сүргін құрбандарын еске алу күні мен Мемлекеттік рәміздер тақырыбына ерекше тоқталды. Өткенді таразыламай, болашаққа нық қадам жасай алмайтынымызға да көңіл бөлу керек деп атап өтіп, ұйымдастырылатын шараларға тоқталды.&nbsp;– 31 мамыр – Саяси қуғын-сүргін және ашаршылық құрбандарын еске алуға арналған аудандық іс-шаралар жоспары бекітілуде. Шиелі ауданы әкімінің қатысуымен «Ұлы нәубет қасіреті мен тағылымы» атты М.Шоқай ескерткішіне гүл шоқтарын қою рәсімі және митинг, аудандық мәдениет және тілдерді дамыту бөлімінің ұйымдастыруымен «Зұлмат жылдар жаңғырығы» атты театрландырылған қойылым, білім беру ұйымдарында саяси қуғын-сүргін құрбандарын еске алу күнін өткізу, орталық кітапханада «Қасіретті жылдар құрбандары» атты кітап көрмесі, барлық музейлерде «Зобалаң жылдар жаңғырығы» тақырыбында көрмелер өткізілді.&nbsp;Сонымен қатар 4 маусым – Қазақстан Республикасының Мемлекеттік рәміздері күні мерекесіне орай кент және ауылдық округтерде, ауданның білім беру мекемелерінде Мемлекеттік рәміздерді насихаттау, ұлықтау мақсатында патриоттық шаралар өткізіледі. Ұлттық маңызы бар мерекені атап өту және мемлекеттік рәміздерге деген құрметін арттыру мақсатында кент және ауылдық округтердің орталық алаңдарында, ірі сауда орталықтары, халық көп жиналатын орындарда, мемлекеттік және жергілікті атқарушы органдарда және бюджеттік мекемелерде Мемлекеттік Гимн бір мезгілде орындалады, – деді Кенжехан Шахизатұлы.&nbsp;Жиын соңында мекеме директоры алдағы уақытта жоғарыда аталған жұмыстар бойынша тиісті тапсырмалар беріліп, жүйелі жұмыстар өз нәтижесін береді деп брифингті аяқтады.

Шиелі аудандық қоғамдық даму бөлімінің басшысы брифинг берді

Kyzylorda-news.kz. Мемлекет басшысы Қасым-Жомарт Тоқаев Халықаралық балаларды қорғау күнімен құттықтады.«Құрметті отандастар!Баршаңызды Халықаралық балаларды қорғау күнімен құттықтаймын! Жарқын жаз өскелең ұрпаққа қамқорлықтың символына айналған осы мерекеден басталады.Ұл-қыздарымыздың парасатты және жан-жақты болып өсуіне жағдай жасау, жас азаматтардың құқығын қорғап, денсаулығын сақтау әрдайым мемлекеттің басты басымдығы саналады. Балалар — біздің болашағымыз. Сондықтан еліміздегі әрбір жеткіншектің мейірім мен қамқорлыққа бөленіп, үлкеннің қолдауын сезінуі, ертеңгі күнге сеніммен қарауы өте маңызды.Мен жас ұрпақ Әділетті Қазақстанның негізгі қағидаттарын нақты жүзеге асырып, «Адал азамат» тұжырымдамасының озық идеалдарына толық сай болады деп сенемін. Ол үшін біз бүкіл қоғам болып жалпыұлттық құндылықтарымызды ұрпақтың бойына сіңіруіміз және оларды еңбекқорлық пен білімпаздыққа баулуымыз керек. Сондай-ақ төл тарихымыз бен мәдениетімізді құрметтеуге үйретуіміз қажет.Барлық бала ата-анасы мен жақындарын оқудағы, шығармашылық саладағы және спорттағы жетістіктерімен, жақсылық пен жасампаздыққа ұмтылысымен қуанта берсін!Баршаңызға зор денсаулық, бақ-береке, толайым табыс тілеймін!» — делінген Президент құттықтауында.

Мемлекет басшысы  Халықаралық балаларды қорғау күнімен құттықтады

Kyzylorda-news.kz. Маусым айындағы ауаның орташа айлық температурасы +26,9, +28,9 градус болады деп күтілуде. Бұл нормадан 1 градус жоғары болмақ.&nbsp;Өңірлік коммуникациялар қызметінің ақпарат алаңында Қазгидромет РМК Қызылорда облысы бойынша филиалының метеоболжау бөлімінің инженері Мағжан Сәдуақасов маусым айындағы ауа райы болжамымен бөлісті.<blockquote>- Маусымның алғашқы онкүндігінде ауа температурасы түнде +14+19 градустан +22, +27 градусқа дейін, ал күндіз +30, +35 градустан +38, +43 градусқа дейін жоғарылайды деп күтіледі. Екінші онкүндікте ауа температурасының түнде +22,+27-ден +15+20 градусқа дейін, күндіз +38, +43 градустан +30+35-ке дейін ауытқуы болжанады. Онкүндіктің соңында ауа температурасының төмендейді деп күтіледі. Ал, үшінші онкүндіктің басында ауа температурасы түнде +15, +20 градус болса, күндіз +30+35 градусқа дейін төмендемек. Сондай-ақ, бірінші және үшінші онкүндіктің соңында өткінші жаңбыр жауып мен найзағай болады деп болжанған. Алғашқы онкүндіктің соңы мен екінші онкүндіктің басында шаңды дауыл болып, 15-20 м/с жел күтілуде, - деді Мағжан Ғалымұлы</blockquote>

Синоптиктер маусым айына болжам жасады

<a href="https://kyzylorda-news.kz/">Kyzylorda-news.kz</a> Партияның облыстық филиалының қоғамдық қабылдау бөлмесінде қалалық тұрғын үй инспекциясының бөлімінің меңгерушісі Пазылова Гүлмира Сансызбайқызы мен «Отбасы банк» АҚ Қызылорда филиалының қызметкері Ғалым Әділ қатысуымен ашық есік күні ұйымдастырылды.&nbsp;Аталған шараға келуші азаматтар тұрғын үй кезектілігі, банк арқылы ипотекалық несие рәсімдеу және жастарға арналған бағдарламалар бойынша тақырыптарды қозғады.Тұрғын үй кезектілігі мәселесі бойынша Г. Пазылова қазіргі таңда қарқынды жұмыс жасалып жатқанын және тұрғындардың кезектілік реті заңдылыққа сай жылжитынын жеткізді.Банк арқылы ипотекалық несие рәсімдеу бойынша тиісті түсіндірме жұмыстары жүргізілді.&nbsp;Несие рәсімдеу барысында салымшының төлем төлеу мүмкіндігіне толық зерттеу жүргізіліп, төлемшінің кірістерімен қатар несие тарихы да зерттелетіні айтылды.&nbsp;Жастар мен әлеуметтік осал топтар санатындағы тұрғындарды үймен қамту бойынша «Наурыз» бағдарламасы жөнінде ақпараттар беріліліп, бағдарламаның негізгі шарттары мен төлемшіге қойылатын талаптар бойынша түсіндірме жұмыстары жүргізілді.&nbsp;Кеңес алуға келгендер көкейлеріндегі сауалдарға нақты жауап алып, ризашылықтарын білдірді.

Тұрғын үймен қамту бойынша ашық есік күні өтті

Елорда төрінде «AMANAT» партиясының ұйымдастыруымен «Әйел аманаты» атты республикалық семинар өтті.Халықаралық балалар күні қарсаңында ұйымдастырылған семинарда қоғамдағы ата-ана мен баланың орны, балалар қауіпсіздігі, олардың салауаттылығы туралы мәселелер қозғалды. Семинарға аймақтардан іскер және көшбасшы әйелдер, қоғам қайраткерлері, Сыр өңірінен облыс әкімі аппаратының басшысы Ш.Байманов, облыстық мәдениет, архивтер және құжаттама басқармасының басшысы М.Қазбекова, «Анаға тағзым» орталығының директоры А.Молжанова қатысып, пікір алмасты.Жиында облыс әкімі аппаратының басшысы Ш.Байманов «Руханият жылы» аясындағы жұмыстарға, ана мен бала құқығы, отбасы құндылықтарын ілгерілетудегі мәселелерге тоқталды.Айта кетейік, өткен жылы Алаштың анасы – Сырдың төрінде еліміздің барша аналарының құрметіне «Анаға тағзым» орталығы ашылып, жас отбасылардың бақыт мекеніне айналған «Отбасы орталығы» өз қызметін бастады.Сыр топырағында рухани құндылықтарды бағалауда келелі жұмыстар мен тың жобалар жүзеге асырылуда. Облыс әкімінің бастамасымен барлық ауданда музей, түнгі мезгілде жұмыс жасайтын кітапхана, архив, неке қию залы, ардагерлер және аналар, жастар орталықтарын біріктіретін типтік үлгідегі «Руханият» орталықтары салынуда.Облыстағы 171 мәдениет үйі мен елді мекендердегі клубтар Мемлекет басшысының «Адал азамат» тұжырымдамасы негізінде жұмыс жасай бастады, жоспарын 7 бағыт бойынша қайта әзірледі.Өңірде балалар мен жасөспірімдерді шығармашылыққа баулу мақсатында да бірқатар нақты жоба қолға алынды. Облыс орталығында «Шығармашылық академиясы», екі ауданда Оқушылар үйі мен Өнер мектептері, «Саутс ойл» компаниясының демеушілігімен Қазанғап атындағы Қызылорда музыкалық жоғары колледжінің жаңа ғимараты салынуда. Үстел теннисі орталығының және орталық стадионның құрылысы жүруде. Халықаралық стандарттарға сай жабық бассейні бар көпсалалы дене шынықтыру-сауықтыру кешенінің құрылысы басталды.1 маусымнан бастап облыстағы барлық кітапхана түнгі 00.00-ге дейінгі жұмыс тәртібіне көшеді.

 «Әйел аманаты» атты республикалық семинар өтті

<a href="https://kyzylorda-news.kz/">Kyzylorda-news.kz</a> 31 мамыр - саяси қуғын-сүргін құрбандарын еске алу күніне орай Достық үйінде &nbsp;«Тарих және тағылым» атты дөңгелек үстел өтті.&nbsp; Іс-шараға облыстық Қазақстан халқы ассамблеясы жанындағы құрылым мүшелері, этномәдени бірлестік мүшелері, &nbsp;«Қоғамдық келісім» КММ қызметкерлері, БАҚ өкілдері, Ассамблея жастары қатысты.Қатысушылар &nbsp;архив құжаттарының көрмесі арқылы тағдыры тәлкек болған қазақ зиялыларымен, 1931-1933 жылдардағы ашаршылық кезеніндегі тарихи деректермен танысты. Дөңгелек үстел модераторы тарих ғылымдарының кандидаты Уалихан Ибраев &nbsp;Қазақстан Республикасы Президентінің 1997 жылғы 5 сәуірдегі Жарлығымен қуғын-сүргін құрбандарын мәңгілік есте қалдыру мақсатында 31 мамыр – Саяси қуғын-сүргін және ашаршылық құрбандарын еске алу күні болып белгіленді. Бұл – көп этносты халқымыздың ұлттық сана-сезімінің бірігейлігін арттыратын және өткенін тағы бір мәрте саралап, қаза тапқан азаматтардың рухына тағзым етіп, тәуелсіздігімізді бағалауға септігін тигізетін маңызды күн болып табылатындығын баяндады.Қорқыт Ата университетінің доценті, тарих ғылымдарының кандидаты Айтжан Оразбақов “ХХ ғасырдың 30 жылдарындағы Аралдағы концлагерь” тақырыбында баяндама жасап, &nbsp;архивтерде, жабық қорларда ауқымды зерттеулерге, репрессия құрбандары атылған жерлерді анықтау мақсатында жүргізілген экспедициялар, ондағы табылған маңызды мәліметтермен бөлісті.&nbsp;«Қызылорда облысының мемлекеттік архиві» КММ бөлім басшысы Айгүл Алпысбаева, сондай-ақ, «Қызылорда облыстық шешен қоғамдық – мәдени орталығы» «Вайнах» қоғамдық бірлестігінің орынбасары Лайла Пашаева, «Қызылорда облыстық түрік қоғамдық-мәдени орталығы» қоғамдық бірлестігінің төрағасы Гульчин Гейдарова тақырып аясында ата-бабаларының бастан кешірген қиын кезеңдерін айтып, пікірлерін ортаға салды. &nbsp;Іс-шарада «Соғыс жылдарындағы Солтүстік Кавказ халықтарының Қазақстанға күштеп қоныс аударылуы: тарихы, зерттелуі және өзекті мәселелері» тақырыбындағы Республикалық ғылыми-тәжірибелік конференциясының жинақ кітабы таныстырылып, қорытындыланды.

«Тарих және тағылым» атты дөңгелек үстел өтті

Kyzylorda-news.kz. Мемлекет басшысы Қасым-Жомарт Тоқаев еңбек адамының мәртебесін көтеру туралы айтты. Бұл туралы Ақорданың баспасөз қызметі мәлім етті.<blockquote>«Тағы бір мәселе. Мен еңбек адамының мәртебесін көтеру туралы үнемі айтып жүрмін. Өткен бес жылдың ішінде бұл бағытта көп шаруа атқарылды. Тиісті заңдарға өзгерістер енгізілді. Жалақы көтерілді. Басқа да әлеуметтік қолдау шаралары қолға алынды. Мемлекеттік марапаттар нағыз еңбек адамына тапсырылып жатыр. Осындай нақты жұмыстың нәтижесінде түрлі мамандық иелерінің беделі арта түсті. Мамандықтың жаманы жоқ. Еліміз үшін барлық кәсіп иелері қажет. Өз ісінің хас шебері атанған адам міндетті түрде табысқа жетеді. Түптеп келгенде, бұл – қоғамда еңбекқорлық пен кәсіби біліктілікті жаппай дәріптеу деген сөз. Бәсекеге қабілетті ұлт болу үшін қоғамда осы құндылықтар орнығуы қажет», - деді президент.</blockquote>Сондай-ақ, мемлекет басшысы ғалымдармен кездесу барысында ғалымдардың мәртебесін көтеру жөнінде де айтты.«Біз ғалымдарға жағдай жасау керек деп жиі айтамыз. Бұл – құр сөз емес. Мемлекет тарапынан нақты жұмыс жасалып жатыр. Алдағы екі жылда жас ғалымдардың зерттеуіне бөлінетін грант саны тағы да көбейеді. Бюджеттен 18 миллиард теңге бөлінеді. Былтыр 284 жас ғалым баспана алды. Биыл менің тапсырмаммен оларға тағы 200 пәтер берілетін болды. Осындай нақты шаралар арқылы еліміздегі ғылымды және жалпы ғалымдар қауымын қолдау жұмысы алдағы уақытта да жалғасын табады», - деді Қасым-Жомарт Тоқаев.

Жас ғалымдардың зерттеуіне бөлінетін грант саны көбейеді 

Kyzylorda-news.kz. Бүгін Президент Қасым-Жомарт Тоқаев Алматыда ғалымдармен кездесті.<img src="https://knadmin.beoblood.kz/uploads/IMG_20240601_WA_0036_37df666961.jpg" alt="IMG-20240601-WA0036.jpg"><img src="https://knadmin.beoblood.kz/uploads/IMG_20240601_WA_0028_b26a7dea70.jpg" alt="IMG-20240601-WA0028.jpg"><img src="https://knadmin.beoblood.kz/uploads/IMG_20240601_WA_0038_2657aa7245.jpg" alt="IMG-20240601-WA0038.jpg"><img src="https://knadmin.beoblood.kz/uploads/IMG_20240601_WA_0022_11ed3a81a4.jpg" alt="IMG-20240601-WA0022.jpg"><img src="https://knadmin.beoblood.kz/uploads/IMG_20240601_WA_0021_84a1b32afb.jpg" alt="IMG-20240601-WA0021.jpg"><img src="https://knadmin.beoblood.kz/uploads/IMG_20240601_WA_0020_949aecd72b.jpg" alt="IMG-20240601-WA0020.jpg"><img src="https://knadmin.beoblood.kz/uploads/IMG_20240601_WA_0018_4cc7239917.jpg" alt="IMG-20240601-WA0018.jpg"><img src="https://knadmin.beoblood.kz/uploads/IMG_20240601_WA_0024_422cb43520.jpg" alt="IMG-20240601-WA0024.jpg"><img src="https://knadmin.beoblood.kz/uploads/IMG_20240601_WA_0025_e6d9f85a77.jpg" alt="IMG-20240601-WA0025.jpg"><img src="https://knadmin.beoblood.kz/uploads/IMG_20240601_WA_0026_21effd5af7.jpg" alt="IMG-20240601-WA0026.jpg"><img src="https://knadmin.beoblood.kz/uploads/IMG_20240601_WA_0034_55d88a71ae.jpg" alt="IMG-20240601-WA0034.jpg"><img src="https://knadmin.beoblood.kz/uploads/IMG_20240601_WA_0023_e1f155ce2b.jpg" alt="IMG-20240601-WA0023.jpg"><img src="https://knadmin.beoblood.kz/uploads/IMG_20240601_WA_0040_6b204e7340.jpg" alt="IMG-20240601-WA0040.jpg"><img src="https://knadmin.beoblood.kz/uploads/IMG_20240601_WA_0006_5ef22f29b1.jpg" alt="IMG-20240601-WA0006.jpg"><img src="https://knadmin.beoblood.kz/uploads/IMG_20240601_WA_0001_6c30c11f96.jpg" alt="IMG-20240601-WA0001.jpg"><img src="https://knadmin.beoblood.kz/uploads/IMG_20240601_WA_0005_4d9e5bb1b2.jpg" alt="IMG-20240601-WA0005.jpg"><img src="https://knadmin.beoblood.kz/uploads/IMG_20240601_WA_0004_ba2c8b6ccd.jpg" alt="IMG-20240601-WA0004.jpg"><img src="https://knadmin.beoblood.kz/uploads/IMG_20240601_WA_0000_cc31214e9e.jpg" alt="IMG-20240601-WA0000.jpg"><img src="https://knadmin.beoblood.kz/uploads/IMG_20240601_WA_0017_193bed1320.jpg" alt="IMG-20240601-WA0017.jpg"><img src="https://knadmin.beoblood.kz/uploads/IMG_20240601_WA_0015_94bf7d7848.jpg" alt="IMG-20240601-WA0015.jpg"><img src="https://knadmin.beoblood.kz/uploads/IMG_20240601_WA_0012_40b21fd130.jpg" alt="IMG-20240601-WA0012.jpg"><img src="https://knadmin.beoblood.kz/uploads/IMG_20240601_WA_0016_b2c5ac2dd7.jpg" alt="IMG-20240601-WA0016.jpg"><img src="https://knadmin.beoblood.kz/uploads/IMG_20240601_WA_0019_06abb9fd4f.jpg" alt="IMG-20240601-WA0019.jpg">

Қасым-Жомарт Тоқаев жас ғалымдармен кездесуінде не айтты?

Мемлекет басшысы Қасым-Жомарт Тоқаев Алматыда ғалымдармен кездесу барысында&nbsp;Кезінде Шоқан, Абай, Әлихан, Ахмет, Қаныш сияқты арыстарымыз зиялылығымен талайды таңғалдырғанын айтты. Бұл туралы Ақорданың баспасөз қызметі хабарлады.Президент бізді әлем елдері көзі ашық, көкірегі ояу халық ретінде танитынын атап өтті.<blockquote>«Кезінде Шоқан, Абай, Әлихан, Ахмет, Қаныш сияқты арыстарымыз зиялылығымен талайды таңғалдырған. Өзге жұрттың қазақ туралы пікірі осындай тұлғаларымыз арқылы қалыптасқан. Қазір де өзінің білімі, өнері арқылы әлемді мойындатып жүрген жастарымыз аз емес. Олар кез келген тілді тез меңгеріп алады. Қандай ортаға да жылдам бейімделеді.&nbsp;Бізді әлем елдері көзі ашық, көкірегі ояу халық ретінде таниды. Білімпаздық, еңбекқорлық, алғырлық пен жасампаздық – қанымызға сіңген қасиет. Осы қасиеттерімізді әрдайым тиімді пайдалана білуіміз керек», - деді Президент. &nbsp;</blockquote>Мемлекет басшысы қазіргі заманғы технологияны меңгерген жас ғалымдарға зор үміт артатынын жеткізді.<blockquote>«Жастардың ғылыммен айналысуына барынша жағдай жасап жатырмыз. Биыл Ұлттық ғылым академиясының жанынан Жас ғалымдар кеңесі құрылды. Бұл кеңес талапты жастардың басын қосып, ғылым жолына жұмылдырады деп сенемін. Шәкәрім «Жас көңілде жарық бар» деп айтқан. Жастарымыз жасампаз және жаңашыл болуы керек.&nbsp;Жастық шақ – уақытты босқа өткізетін емес, ел үшін табанды қызмет ететін кез. Академик Қаныш Сәтбаевтың өмір жолы – осының жарқын мысалы. Ғұлама ғалым небәрі 25 жасында «Алгебра» оқулығын жазуға кіріскен. Ал 30 жас шамасында Жезқазғандағы кен орнын ашқан. Жас ғалымдарымыз туған еліне пайдасы тиетін жұмыспен айналысқаны жөн. Ұрпақтың білімді, отаншыл, мемлекетшіл болуы маңызды. Жастарымыз Адал азамат болуы керек. Еліне, өз ісіне адал азаматтар ғана Қазақстанды көркейте алады», - деді Президент.</blockquote>

Мемлекет басшысы: Жастық шақ – уақытты босқа өткізетін емес, ел үшін табанды қызмет ететін кез

Президент&nbsp;Алматыда ғалымдармен өткен кездесу соңында жас ғалымдарға әлеуметтік тұрғыдан қолдау көрсету мемлекеттің міндеті екенін атап өтіп, ғылымның түрлі саласында еселі еңбек етіп жүрген бірнеше азаматқа салтанатты түрде пәтер сертификатын табыстады, деп хабарлады Ақорданың баспасөз қызметі.Пәтер сертификаттарына мына жас ғалымдар ие болды: 1. Абилдина Айназ Қайратқызы – Қ.Сәтбаев атындағы Қазақ ұлттық техникалық зерттеу университетінің қауымдастырылған профессоры; 2. Молдамұратов Жанғазы Нұржанұлы – Халықаралық білім беру корпорациясының жалпы құрылыс факультетінің деканы; 3. Әлия Темірхан – Қазақстан-Британ техникалық университетінің ғылыми қызметкері; 4. Құрманов Ерғали Бержігітұлы – Әл-Фараби атындағы Қазақ ұлттық университетінің доценті; 5. Жанұзақ Рамазан Жақсыбайұлы – Ә.Х.Марғұлан атындағы Археология институтының зертхана меңгерушісі; 6. Омарова Жансая Бағдатқызы – Қ.И.Сәтбаев атындағы Қазақ ұлттық техникалық зерттеу университетінің аға оқытушысы; 7. Бакранов Нұрлан Болатұлы – Қазақстан Республикасы Президенті жанындағы Ұлттық Ғылым академиясының бас қызметкері; 8. Құлтаева Шынар Мәлікқызы – Халықаралық білім беру корпорациясының қауымдастырылған профессоры; 9. Байжұма Сәмет – Әл-Фараби атындағы Қазақ ұлттық университетінің оқытушысы. 10. Әділхан Бауыржан Нүкербекұлы – Сейсмологиялық бақылау және зерттеу ұлттық ғылыми орталығының лаборатория меңгерушісі. &nbsp;

Президент жас ғалымдарға пәтер сертификатын табыстады

<a href="https://kyzylorda-news.kz/">Kyzylorda-news.kz</a> Қызылорда қалалық орталықтандырылған кітапханалар жүйесіне қарасты &nbsp;Қарауылтөбе ауылдық №7 кітапханасында 31 мамыр саяси қуғын-сүргін құрбандарын еске алу күніне орай «Біз қазақпыз мың өліп, мың тірілген» атты поэтикалық марафон ұйымдастырылды.Шараның мақсаты – қуғын-сүргін құрбандары жайлы тың деректермен таныстыру, отансүйгіштікке, елін жерін, тілін құрметтей білуге, еңбекқорлыққа баулу, патриоттық сезімді бойларына сіңіру. Нәубет жылдарының ащы сабақтарын ұмытпай, миллиондаған ашаршылық, саяси қуғын-сүргін құрбандарына тағзым ету, елі үшін құрбан болған Алаш арыстарына деген құрмет сезімдерін ояту болып табылады.Сонымен қатар осы тақырыпта кітап көрмесі ұйымдастырылып көрмеге шолу жасалды. Көрмеге энциклопедиялық анықтамаларға енгізілген Алаш қайраткерлері, Алашорда үкіметінің жетекшісі Ә.Бөкейхановтың,Алты Алаштың ардақты ұлдары қазақтың бес арысы Ш.Құдайбеғрдіұлының, М.Жұмабаевтың, Ж.Аймауытовтың, М. Дуілаттың ,А.Байтұрсыновтың тағы да басқа ұлт зиялылырының өмірі мен шығармашылығы туралы жазылған кітаптар мен мерзімді басылымдар қойылды.Шараға №179 А.Хангелдин атындағы орта мектебінің тарих пәнінің мұғалімі қатыстырылып қуғын-сүргін құрбандары жайлы тың деректер айтылды .Кітапхана оқырмандары Бисенбек Азиза, Ғани Дінмұхаммед, Ғани Айсұлтан,Базарбай Мейіржан,Серік Нұрсұлтан, Серік Шахсұлтан,Марат Расул т.б. жас оқырмандар А.Кіребаевтың «Азалы күн» және А.Байтұрсыновтың өлеңдерін жатқа оқыды.

Қызылордада кітапхана оқырмандары саяси қуғын-сүргін құрбандарын еске алды

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы жыл өткен сайын жаңарып, келбеті көркейіп келеді. Субұрқақтардың саналуан түрлері көбейіп, ерекше сән беруде. Жаздың ыстық аптаптарында субұрқақтарға адамдар көп жиналады. Бірі қолын жуады, бірі бетін жуып салқындайды, ал енді бірі бассейндегідей субұрқаққа шомылып та жатады.&nbsp;Бірақ бұл қауіпті. Қызылорда облысының санитариялық-эпидемиологиялық бақылау департаменті басшысы Динара Жанабергенова осылай дейді.&nbsp;Ең алдымен, субұрқақтар қаланы абаттандыру элементтері екенін, олардың ауаны ылғалдандыруға арналғанын, бірақ шомылуға арналмағандығын есте сақтау керек.Субұрқақта шомылу кезінде жарақат алу қаупі жоғары. Субұрқақтар беткі аймағындағы көмескі жарықтар, қосылған коммуникациялардан механикалық және электр жарақатын алуға болады. Ешбір жағдайда балаларды қараусыз қалдырмаңыз және күн сайын тыйым салынған жерлерде шомылу өте қауіпті екенін ескертіңіз.Сонымен қатар субұрқақтағы су жиі жаңартылмайды. Осыған байланысты вирустық және паразиттік ауруларды жұқтыру қаупі жоғары. Сондай-ақ, субұрқақта қаңғыбас иттер мен құстар шомылады, олар әртүрлі инфекциялардың тасымалдаушысы бола алады. Судағы ауа температурасы жоғары болған кезде микроорганизмдер тез көбейеді. Сондықтан субұрқақта шомылу суық тиюге ғана емес, сонымен қатар жіті ішек инфекциясынан емес еконъюнктивитке әкелуі мүмкін. Ең үлкен қауіп – энтеровирустық және ротавирустық инфекциялар, сондай-ақ «А»вирустық гепатиті.Субұрқақтың жанында болған кезде судың дененің шырышты қабаттарына түсуіне жол бермеуге тырысыңыз және ешбір жағдайда су ішпеңіз!Қызылорда облысының санитариялық-эпидемиологиялық бақылау департаменті келесі кеңестерді назарларыңызға ұсынады: &nbsp;- қалалық субұрқақтар шомылуға немесе зат жууға арналмаған;- үйден серуендеуге шыққанда, өзіңізбен бірге бір бөтелке су ала шығыңыз – ішу үшін ғана емес, сонымен қатар кез келген уақытта сергіп, қолдарыңыз бен бетіңізді шаю үшін;- ауа-райына сәйкес киініңіз, сонда қызып кету ықтималдығы әлдеқайда төмен болады;- шомылу үшін тек рұқсат етілген су объектілері мен бассейндерді пайдаланыңыз;- ата-аналар балаларға субұрқақта шомылудың неге қауіпті екенін түсіндіруі керек.&nbsp;

Қазақстан және Қызылорда облысының жаңалықтары