Жерді қойнауын ұтымды игеру – уақыт талабы

<a href="https://kyzylorda-news.kz/">Kyzylorda-news.kz</a> Қызылорда қаласын көгалды аумаққа айналдыру бұрыннан арман. Себебі сәл жел тұрса, бет қаратпас боран, ақ шаңдақ. Келген қонақ пен өзге облыс тұрғындарының «талсыз шаһар» деп айдар таққанына мезі болған жұрт мұның шешімін табуға ұмтылды. Әдепкіде, яғни, 2000 жылдардың басында олқылықты «Жасыл ел» бағдарламасы арқылы шешеміз деген әрекет болған. Сол тұста қаладағы Президент саябағы, облыстық полиция департаментінің алды, С.Бейбарыс көшесінің қос қапталы жасыл желекке айналды. Алайда көшет таңдаудағы қателік, күтіп-баптаудағы кемшілік, суарудағы салғырттық тақырыпқа түбегейлі нүкте қоя алмаған. Ал бүгінгі ахуал қай деңгейде? Қаланы көгалдандыру бағытында қандай жұмыс атқарылуда? Осы сауалға жауап іздейтін уақыт жеткен секілді.Қалада қанша көшет егілді?Экологиялық мәселе қыспаққа алғанда жасыл желек керек-ақ. Таза ауа, сая тал біршама жеңілдік сыйлары анық. Сондықтан маңыздысы – егілетін көшет санын ұлғайту. Мәліметке сүйенсек, 2025 жылға дейін республика бойынша 2 миллиард ағаш егу жоспарланған.&nbsp;2021 жылы 138 миллион, 2022 жылы 280 миллион, 2023 жылы 409 миллион ағаш егілді деген болжам бар. Тіпті 2 миллиард ағаштың 318 миллион данасын тұқыммен егу арқылы, 1 миллиард 682 миллион данасын көшет күйінде отырғызу жоспарланған екен. Мысалы, өткен жылы Қызылорда қаласының экологиялық жағдайын жақсартуға немесе ағаш отырғызып, суаруға жергілікті бюджеттен 11 миллион теңгеге жуық қаржы бөлінген. Биыл бұл жұмыс жалғасын тауып, 8000 түп ағаш отырғызу межеленген. Ал Мемлекет басшысы Қасым-Жомарт Тоқаевтың «Халық бірлігі және жүйелі реформалар – ел өркендеуінің берік негізі» атты Жолдауында Қызылордада жаңа су қоймасы салынады деген болатын.Жалпы Президент экология, көгалдандыру бағытына ерекше назар аударуда. Орман өрті мен климаттық өзгеріс­терді ескеріп, Үкіметке біршама тапсырма берген еді. Соның ішінде 2030 жылға дейін елдегі орман алқабын 5 пайыз­ға дейін ұлғайту межесі ерекше атауға тұрарлық. Қазір аталған бағыттағы жұмысты жергілікті әкiмдiк атқаруда. Қаржыландыру үшін 5 жыл iшiнде республикалық бюджеттен 22,4 миллиард теңге, жергiлiктi бюджеттерден 60 миллиард теңге бөлу қарастырылған. Бұл қаражат материалдық-техникалық қамтамасыз етуге бөлінген. Жобаны жүзеге асыру үшін Экология министрлігі кешенді жоспар бекітті, жоба көктемгі және күзгі тал егу маусымы секілді екі кезең бойынша жүргізілуде.Жобада ілгерілеу бар. Мәселен, өткен жылы Қызылорда қаласы аумағына 5 мың түп тал егілген. Көшеттерді сатып алу, отырғызу, баптау жұмысына әкімдік 10 миллион теңгеге жуық қаржы бөлді. Алайда халықтың басым бөлігінің бұл бағытта атқарылған іске көңілі толмай отыр. Уақытылы суару, жер жайына қарай көшеттерді таңдау кемшін екенін айтуда.Таңдау «Сыр талына» түсуі қажетКөшет таңдау дегеннен шығады, қоғам белсенділері мен экологтар жыл сайын әкімдік тарапынан отырғызылған көшет түрлеріне наразылығын әлеуметтік желіге жариялайды. Сонда байқағанымыз, Сыр топырағы қарағаш, үйеңкі, жиде, тораңғыл егуге қолайлы екен. Ал әкімдік әдемілігі немесе бағасы саясатына қарай қылқан жапырақты өсімдіктерді әкелуге құмар екен. Осы олқылықтың салдарынан еккен тал тамыр алмай, қаншама қаржы желге ұшатындай.Айта кетейік, бұл тек біздің өңірде бар мәселе емес. Қазақстанның көп аймаңындағы ахуал. Есте болса, өткен жылы сенатор Нұрлан Бекенов Экология және табиғи ресурстар экс-министрі Ерлан Нысанбаевқа жолдаған депутаттық сауалында осы олқылықты айтқан. Ол:«409 миллион көшеттің кем дегенде 120 миллионы тамыр алмайды. Ағаштың әрі қарай өсіп-өспегені неліктен бақыланбайды, талданбайды? Заманауи жүйелер неге жұмыс істемейді? Бақылап, күтіп-баптау және суару қондырғылары орнатылмаған. Жалпы, байқағаным, қай қалада болсын, көгалдандыруға жауаптылар жер ерекшелігін ескеріп ағаш түрін таңдамайды. Отырғызу маусымын таңдауда қателік бар. Жас өскін алғашқы 3 жылда дұрыс күтімге алынбайды. Өңірлерде осы бағытта жұмысты күшейту маңызды», – деген болатын.Сарапшылар сөзінше, жерасты ыза суының жақын жатуы, вегетациялық кезеңде күннің өте ыстық болуы өсіп тұрған талдарға әсерін тигізеді. Сондықтан Қызылордада ауа райы, климатына бейімделген эндемик өсімдіктерді отырғызған тиімді. Олардың ішінде қарағаш, Сыр талы аталып кеткен қызылағаш, үйеңкі бар. Сырдария өзенінің төменгі ағысында өсетін тораңғыл да қолайлы.Биыл көшет егу маусымында аталған ескерт­пе назарға алынғанға ұқсайды. Қала­дағы көгалдандыру жұмысына жауапты «Жасыл Қызылорда» мекемесіне сауал жолдағанымызда, көңіл көнші­терлік жауап қайтарды. Ай­ту­ларынша, қылқан жапы­рақты өсімдік­терді емес, жер­гілікті климатқа қолайлы көшет отырғызған.<blockquote>– Қызылорда қаласында көктем айларында 8000 көшет отырғызу жоспарланды. Бұл меже артығымен орындалып, 12 000 түп ағаш көшеті отырғызылды. Оның ішінде ауа райына қолайлы, құрғақ, ыстық, шөлге төзімді Сыр талы, терек, қарағаш және сәндік ағаш көшеттері егілді. Аяқсу тұрақты беріліп тұрған С.Бейбарыс, Қорқыт ата, Сағымбаев және қаланың орталық көшелерінің көркін ашпақ. Наурыз айында «Жібек жолы», «Сарқырама», «Табиғат» секілді каналдар мен қалаішілік арық жүйелері толық тазаланды, – деді «Жасыл Қызылорда» мекемесінің басшысы Ажибек Мампаев.</blockquote>Суару жүйесі жетілді ме?Көшет егуден кенде емеспіз. Қылтиып тұрған көшетті уақытылы суармаса, еңбек еш кететіні түсінікті. Солтүстік өңірлердей жер райының өзі тамыр алып кетуге қолайлы болатындай жағдай жоқ. Шілденің ми қайнатар күнінде жерде тамшы су қалмай, адам көмегінсіз көктей алмайтыны бар. Сондықтан аяқсу жеткізу, каналдарды тазарту, суару жүйесін жетілдіру үнемі айтылады. Биыл бұл бағытта біршама жұмыс жүзеге асып, міндет азайғанын білеміз, Алдын ала жоспарланған жоба мен республикалық науқан аясында сенбілік көбейді, көшет отырғызу артты.Қазір Сырдария өзені мен каналдардан 19 насос қондырғымен аяқсу берілуде. Сондай-ақ «Жібек жолы» каналы, «Сыр ана» монументі, Тәуелсіздік көшесі және Тұңғыш Президент атындағы саябақта орналасқан су сорғыш қондырғысы арқылы қалаға аяқсу жеткізіліп отыр.<blockquote>– «Жібек жолы» каналында орналасқан су сорғыш қондырғысы арқылы Н.Назарбаев, Астана даңғылы және «Сырдария» мөлтек ауданы және 6 шақырымдай каналдар мен арық жүйелері аяқ сумен қамтылды. «Сыр ана» монументі жанындағы қондырғы арқылы С.Бейбарыс көшесі және «Береке» саяжайы және 1,5 шақырымды құрайтын каналдар мен арық жүйелері арқылы аяқсумен қамтылды. Сонымен қатар Тәуелсіздік көшесі бойында орналасқан су сорғыш қондырғысы арқылы қаладағы ең ірі ішкі канал –«Сарқырама» және орталық көшелерде орналасқан арық жүйелеріне су жетті, – деді Әжібек Мампаев.</blockquote>Жалпы, бүгінде 10 ұңғыма &nbsp;арқылы сквер-аллеялар мен қаланың орталық көшелеріне аяқсу жетіп отыр. Ал аяқсу бармаған аумақтарда егілген жасыл екпелерді арнайы көлікпен аптасына 3 мезгіл суарау жұмысы қолға алынған. Бұл міндетті «Жасыл Қызылорда» атқаруда.P.S. Қазіргі таңда «Жасыл Қызылорда» мекемесінде 60 маман еңбек етуде. Олар саябақтардағы көшеттерді күтіп-ұстау, гүлзарларға гүл егу, қураған ағаштарды кесу және балақтау, арықтарды тазартуға жауапты.Б.ШАҒЫР

Қызылорданы көгалдандыру жұмысы жүйелі жүргізілуде

<a href="https://kyzylorda-news.kz/">Kyzylorda-news.kz</a> Бірнеше жылдан бері Қызылордада жаңа стадион салынатыны айтылып келді. Спортсүйер қауым жағымды жаңалықтан үміт үзбей, қашан және қай жерде бой көтеретінін күтумен болған. Енді, міне, Сырдария өзенінің сол жағасынан ауқымды нысанның құрылысы басталып, аймақ спортының жаңа кезеңіне жол ашылмақ. Осы орайда стадионның артықшылығы, саладағы өзгеріс туралы бірер ой қозғайық.Қызылордаға жаңа стадионның керектігі осыған дейін де талай мәрте айтылып жүрген мәселе еді. Салынғанына 60 жылға жуықтаған бұрынғы ғимараттың көнелігі көзге ұрып тұратын. Қазақстан халқының бірлігі күні қаланың сол жағалауынан жаңа стадионның іргетасы қаланды. Атауы да айбынды – «Қызылорда Арена» стадионы.Ұмытпасақ, облыс әкімі Нұрлыбек Нәлібаев жаңа стадион салынатынын «Қайсар» футбол клубының мерей­тойында сүйіншілеген бо­латын. 2022 жылғы аймақ басшысының сөзін еске салсақ:<blockquote>«Мен өткенде «Қайсар-Жетісу» кездесуінен кейін жан­күйерлерге «Қайсар» ко­ман­дасының заманауи ста­дионын салуға уәде берген болатынмын. Ресейдің Крас­нодар қаласында былтыр 12 мил­лион дол­ларға аз уақыттың ішінде 10 мың орындық жабық стадион салынған екен. Келесі жылы біз де демеушілер көмегімен сондай еңселі жаңа ста­дион салуға ниеттіміз. Қазіргі таңда жаңа стадион құрылысқа демеушілік жасауға ынталы компания бар, жобалау жұмыстары атқарылуда. Алдағы жылы жаңа стадион құрылысын бастаймыз, – деген еді облыс әкімі.</blockquote>Көп өтпей қаржы ыңғайы, халық пікірі мен мамандар кеңесін ескере жобаның ауқымы сан өзгерді. Бастысы, басталған жұмыс аяғына жетіп, жанашыр жерлестер мен демеуші азаматтар көмегімен жаңа нысанның құрылысы жүргізілді.Сол жағалаудан салынып, құны 20 млрд теңгені құрайтын стадион халықаралық талаптарға сай. Мәселен, УЕФА ареналар үшін төрт санат белгілеген. Оған сәйкес, 4-санатқа жету үшін, яғни ескі классификация бойынша 4 және 5 жұлдызды стадионға үлкен құрылым қажет. Нысан үлкен және егжей-тегжейлі тізімге сәйкес келуі керек. 2010 жылы УЕФА бекіткен ережеге сәйкес, 4-санат ең жоғары саналады. Мұндай стадиондар ең жоғары деңгейдегі матчтарды қабылдай алады. Спорт нысаны УЕФА классификациясы бойынша 3- санатқа жетеді деген божам бар.Стадионның артықшылығы, ол тек футбол ойындарына негізделмеген. Яғни көпбейінді нысан&nbsp;саналады. Алдын ала жарияланған жоба мәліметіне сүйенсек, нысан 9 спорт залымен – аумағы 553 шаршы метр бокс залы, 342 шаршы метр күрес, 213 шаршы метр жаттығу залы, 134 шаршы метр ауыр атлетика залы, 213 шаршы метр футболшылардың жаттығу залы, 244 213 шаршы метр йога, 1 мың 213 шаршы метрден астам гимнастика-акробатика, 151 213 шаршы метр сауықтыру-денешынықтыру залдарымен қамтылады. Бұдан өзге аренада футболшылардың жаттығу залы толық жабдықталмақ. Аумағы 7,5 гектар жерді алып жатқан стадионның жалпы ауданы 24,3 мың шаршы метр екен.Жалпы, өңірдің спорт саласында жағымды жаңалық­тар мен жарқын жетістіктер жетерлік. Облыстық дене­шы­нықтыру, спорт және туризм басқармасының мәлі­метінше, өңірде спорттық инфракұрылымды дамыту, халықтың денешынықтыру және спортпен айналысуға деген сұранысын қанағаттандыру бағытында ауқымды жұмыс атқарылуда. Былтыр 13 спорт кешенінің құрылысы жүргізіліп, қазіргі таңда оның 9-ы қолданысқа берілген. Биыл да жаңадан 11 нысан салынып, пайдалануға беріледі.Ескі стадион талапқа сай емесУЕФА стандарты деп қалдық. Расында, елдегі көптеген футбол клубының стадиондары халықаралық талапқа сай емес. Бұл қауіпсіздік жағынан, сыйымдылық пен қолайлы мүмкіндік тұрғысынан көп кемшін деген сөз. Басым бөлігі 4-5 жыл сайын қайта күрделі жөндеуден өткізгенімен, оған өзге мемлекеттердің жаңа стадион салатын қаржысына шамалас ақша жұмсалады. Ел арасында ескіні жамауға кеткен қаржыға жаңасын салуды ұсынған пікір көбейді.&nbsp;Бүгінде Қазақстанда әлемдік стандартқа жауап беретін екі стадион бар. Бірі – 30 мың жанкүйер сыятын «Астана Арена», екіншісі – Түркістандағы 7 мың орындық «Түркістан Арена». Ұлттық құрама ойынын өткізуге көбінің мүмкіндігі жоқ. Байқасақ, негізгі ойындар «Астана Арена» мен Алматының орталық стадионында өтеді. Қалған стадиондар ФИФА мен УЕФА талаптарының төменгі деңгейіне де сай келмейді екен.Мұндай деректі стадионның іргетасын қалау сәтінде облыс әкімі де тілге тиек еткен еді.– Қайсар кейінгі 30 жылда елімізде заманауи «Астана арена» мен «Түркістан арена» ғана салынған. Қызылордадағы Ғани Мұратбаев атындағы орталық стадионның салынғанына 60 жылға жуықтады. Стадион УЕФА талаптарына сәйкес келмейді. Сондықтан біздің сүйікті командамыз «Қайсардың» жанкүйерлерінің ұсынысымен жаңа стадион салуға шешім қабылдадық, – деді аймақ басшысы.Сонымен қатар былтыр Сырдария өзенінің сол жағалауынан халықаралық талапқа сай жүзу бассейні бар көпбейінді денешынықтыру-сауықтыру кешенінің, үстел теннисі орталығының іргетасы қаланды. Сондай-ақ Қызылорда қаласы мен аудандардан 9 дене шынықтыру-сауықтыру кешенінің құрылысы пайдалануға берілсе, 2024-2025 жылдары жоба құны 20,9 млрд теңге болатын заманауи стадион, 6,1 млрд теңгеге 50 метрлік жүзу бассейіні бар көпбейінді дене шынықтыру-сауықтыру кешені, 2,7 млрд теңгеге үстел теннисі орталығы салынуда. Оған қоса ауылдық елді мекендерде 4,7 млрд теңге болатын 12 дене шынықтыру-сауықтыру кешенінің құрылысы бітуге таяу.«Қызылорда арена» «Қайсар»-ға &nbsp;&nbsp;шабыт сыйлай ма?Жергілікті билік тарапынан жүйелі қолдауды сезінген қызылордалық «Қайсар» кейінгі ойында қарқынды үдетті. Соңғы алты кездесуге көз жіберсек, үшеуінде жеңіске жетсе, қалғанында тең түсті. Нәтижесінде турнир кестесінде тоғызыншы орынға көтерілді. Алғашқы бестікте келе жатқан командаларға жақындап, еңбекті ақтауда.Жуырда қызылордалық клуб Қазақстан Премьер-лигасының оныншы турында Қостанайда жергілікті «Тобыл» командасымен ойнады. Қарсылас ұжым биыл бас жүлдеге үмітті. Десе де кешегі ойында олардың тым белсенділігі байқала қойған жоқ.Айта кетсек, ел біріншілігінде «Тобылмен» өткен кейінгі үш ойында «Қайсар» бірде-бір ұпай жоғалтқан жоқ. Ендігі үміт алда. 11-тур ойындары 15 және 16 маусым күндері өткізіледі.Жалпы, аймақ жастарының футболға ынтасы алабөтен. Аймақта 55 мыңнан астам адам футболға қызығады екен. Бұл көрсеткіштiң кәсіби жетістікке ғана емес, бұқаралық спортты дамытуға да көмегін тигізуде. Бұған «Қайсардың» да үлесі зор. Жуырда облыстық денешынықтыру, спорт және туризм басқармасының басшысы Жанмұрат Сейілов БАҚ-қа берген сұхбатында аталған тақырыпты тарқатқан болатын.«Өңірде «Қайсар» футбол клубының жанынан орталықта 600-ден астам жастар аталған спорт түрінің қыр-сырын кәсіби тұрғыда меңгеруде. Жасөспірімдерге УЕФА-ның талабына сәйкес А,В,С категориялы 26 бапкер қызмет көрсетеді. 2014 жылдан бастап қызмет атқарып келе жатқан орталық «Қайсардың» құрамына бірнеше футболшыны даярлап шығарды. Алдағы кезең­дерде де футболды дамыту үшін «Қайсар» футбол орталығының жұмысын одан әрі академияға ұластырып, балалар фуболының дамуына оң динамика жасау қажет. Бүгінде «Қайсар» футбол клубы Академия құруға байланысты алғашқы жұмыстарын бастап кетті», – деді басқарма басшысы.&nbsp;Қазіргі таңда облыстағы футбол әлеуеті мол. Балалар футболын дамыту мақсатында биылдан бастап «Қайсар» футбол орталығына әлемдегі ең мықты клубтар саналатын «Барселона», «Милан», «Ливерпуль», «Рома», «Андрелехт» секілді командаларда тәжірибе жи­нақтаған білікті ма­мандар еңбек етуде. Олардың қатарында Игорь Шпанера мен Дмитрий Васильев секілді ше­берлер бар. Шеттен келген мамандар бапкерлер мен футболшылардың деңгейі мен шеберлігін шыңдауда. Фут­бол орталығындағы тәр­бие­ленушілерді жігерлендіру мақсатында үздік ойын көрсеткен футболшыларға шәкір­тақы тағайындалмақ.&nbsp;Өткен жылы облыста жүйелі дене шынықтыру және спортпен шұғыл­дану­­шылар үлесі 39 пайызды құраған.&nbsp;Бұл көрсеткіш соңғы үш жылда 2,7 пайызға арт­қанын ескерсек, әлі де жүйелі жұмыс қа­жет етеді деген сөз. Бұл орайда жаңа стадион жаңа мүмкіндікке жол ашатынына сенейік.Б.ШАҒЫР

Қызылордадағы жаңа стадион  – жаңа мүмкіндік алаңы болмақ

<a href="https://kyzylorda-news.kz/">Kyzylorda-news.kz</a> ҚР ІІМ нұсқауына сәйкес &nbsp;қала аумағында «Заңсыз келуші-2024» жедел профилактикалық іс – шарасы өткізілді.&nbsp;Жедел-профилактикалық іс-шараны өткізу мақсаты қала көлемінде заңсыз көші-қондылық арналарын анықтау және жолын кесу, қоғамдық тәртіпті сақтау, сонымен қатар көші-қондылықты бақылау жұмыстарын жүзеге асыру кезінде құқық бұзушылықтар мен қылмыстарға жол бермеуге бағытталған кешенді шаралар қабылдау болып табылады.Іс-шара барысында қала аумағына келген шетелдіктердің көші-қон заңнамаларын бұзу деректерін анықтау, оларды әкімшілік жауапкершіліктерге тарту, іздеуде жүрген қылмыскерлерді анықтау мақсатында шетелдіктердің уақытша тіркелген мекен-жайларын, салынып жатқан құрылыс нысандары, базарлар мен дәмханалар тексеріліп, рейдтік іс-шаралар жүргізілуде. Іс шара аясында &nbsp;жалпы 350 заң бұзушылық анықталды.Нәтижесінде Көші-қон заңнамаларын бұзған ҚР ӘҚБтК-нің 517 бабымен (Шетелдіктің немесе азаматтығы жоқ адамның ҚР халықтың көші-қон саласындағы заңнамасын бұзуы) 350 шетелдік анықталды.Сонымен бірге ҚР ӘҚБтК-нің 518 бабымен (Шетелдіктерді және азаматтығы жоқ адамадарды қабылдайтын жеке немесе заңды тұлғалардың ҚР-ның халықтың көші-қон саласындағы заңнамасын бұзуы) 59 &nbsp;ҚР азаматтары және ӘҚБтК-нің 519 бабы (Шетелдік жұмыс күшін және еңбекші көшіп келушілерді ҚР заңнамасын бұза отырып тарту, шетелдіктің немесе азаматтығы жоқ адамның ҚР еңбек қызметін заңсыз жүзеге асыруы) бойынша 11 ҚР азаматына әкімшілік шаралар көрілді.&nbsp;Қызылорда қаласы мамандандырылған әкімшілк сот қаулысымен 4 Өзбектан Республикасының азаматы Қазақстан Республика аумағынан әкімшілік жолмен шығарылды. &nbsp;Осыған байланысты, аталған бағыттағы жұмыстарды жандандыру мақсатында Көші-қон қызметі бөлімінің қызметкерлері нақты тапсырмалар бойынша тиісті ұйымдастырушылық шаралар қабылдады. Бұл бағыттағы жұмыстар өз жалғасын табады.

«Заңсыз келуші»: Қызылордада 350 заң бұзушылық анықталды

<a href="https://kyzylorda-news.kz/">Kyzylorda-news.kz</a> Облыстың әлеуметтік-экономикалық даму көрсеткішінде оң қарқын бар. Мәселен. өнеркәсіп өнімі – 7,3 пайызға, өңдеу өнеркәсібі – 46,9 пайызға, ауыл шаруашылығының жалпы өнімі – 1,7 пайызға, негізгі капиталға салынған инвестициялар – 30 пайызға, құрылыс жұмыстары көлемі – 46,2 пайызға, тұрғын үйлерді &nbsp;пайдалануға беру көлемі – 3,9 пайызға &nbsp;және сауда көлемі – 2,9 пайызға артқан.Биылғы жылдың &nbsp;қаңтар-сәуір айларында өнеркәсіп өндірісінің көлемі қолданыстағы бағамен 340 млрд. теңгені құрады, бұл өткен жылғы қаңтар-сәуірімен салыстырғанда 7,3%-ға өсті &nbsp;және өңдеу өнеркәсібі де – 117 млрд. теңгені құрап 46,9%-ға өсті.Ал биыл облысқа 133,4 млрд. теңге инвестиция тартылды (соның ішінде РБ – 8,6 млрд.теңге, МБ – 13,9 млрд.теңге, меншікті қаражат – 66,4 млрд.теңге, банктердің кредиттері – 27,4 млрд.теңге, басқа да қарыз қаражаты – 17,1 млрд.теңге), бұл өткен жылдың сәйкес кезеңімен салыстырғанда 30%-ға артық (2023 жылдың қаңтар-сәуірінде – 99,8 млрд.теңге).Бұл жөнінде Өңірлік коммуникациялар қызметінде өткен брифингте облыстық статистика департаментінің басшысы Қайрат Әбсұлтанов баяндады.&nbsp;Оның айтуынша құрылыс саласының да қарқыны жақсы. Осы жылдың қаңтар-сәуірінде құрылыс жұмыстарының көлемі 30 млрд. теңгені құраған (2023 жылдың қаңтар-сәуірінде – 19,5 млрд.теңге).Сондай-ақ биыл облыста 816 тұрғын үй, оның ішінде 809 жеке және 6 көп пәтерлі үйлер пайдалануға берілді. Олардың жалпы ауданы өткен жылдың сәйкес кезеңімен салыстырғанда 3,9%–ға өсіп, 181 мыңнан астам шаршы метрді құрап отыр. &nbsp;Соның ішінде көппәтерлі тұрғын үйлердің жалпы алаңы 93,7%-ға өсті. Ал, пайдалануға берілген жеке тұрғын үйлердің жалпы алаңы 4,0% азайды.<blockquote>- &nbsp; Ауыл, орман және балық шаруашылығы өнімдерінің жалпы көлемі де артып келеді. Мысалы биылғы жылдың &nbsp;қаңтар-сәуірінде көрсеткіш 25,1 млрд. теңгені құрады, бұл өткен жылдың осы кезеңімен салыстырғанда 1,7 пайызға жоғары болды. Соның ішінде өсімдік шаруашылығы -100%, мал шаруашылығы - 101,8% пайызды көрсетуде. Сонымен қатар сауда көлемі 223,2 млрд. теңгеге жетті, өсім 2,9 пайыз. Бөлшек сауданың 2,4 пайызға, көтерме сауданың 3,8 пайызға артуымен байланысты өсімді құрады,- дейді департамент басшысы.</blockquote>Биылғы жылдың қаңтар-наурызында Қызылорда облысының Еуразиялық экономикалық одаққа мүше мемлекеттермен өзара саудасы 25,0 млн. АҚШ долларын құрап, өткен жылмен салыстырғанда &nbsp;7,2%-ға азайды.Осы елдермен экспорт – 14,9 млн. АҚШ доллары (3,4%-ға-өсті), импорт – 10,1 млн. АҚШ доллар(19,2%-ға-азайды) құрады. &nbsp; &nbsp; &nbsp;Ал аймақтың &nbsp;«Көлік және қоймалау» саласы бойынша нақты көлем индексі 95,6 млрд. теңгеге жетті, 2,7 пайызға кем. &nbsp;Төмендеу &nbsp;құбыр көлігімен тасымалдау есебінен.&nbsp;Барлық көлік түрлерімен жүк тасымалдау көлемі – 2 пайызға, жолаушылар тасымалдау – 75,9 пайызға артты.<blockquote>&nbsp;- Жалпы биылғы жылдың мамыр айын 2023 жылдың желтоқсан айымен салыстырғанда облыс бойынша тұтыну тауарлары мен қызметтерінің индексі 103 пайызды (ҚР-103,5 пайыз) &nbsp;құрады.&nbsp; Азық-түлік тауарлары бағасы 2,7 пайызға (ҚР-2,7 пайыз), азық-түлік емес тауарлары–2,7 пайызға (ҚР-2,9 пайыз), ал ақылы қызметтері – 3,9 пайызға (ҚР-5,4 пайыз) жоғарылағаны байқалды,- дейді Қайрат Байғабылұлы. &nbsp;&nbsp;</blockquote>Халық санына келер болсақ өңірдің халқы 2024 жылдың 1 мамырына 843,9 мың адамды құрады (2023 жылдың 1 мамырында 837,4 мың адам), оның ішінде қала халқы – 396,5 мың адамды немесе жалпы санның 47% (2023 жылдың 1 мамырында 393,1 мың адам немесе 46,9%), ал ауыл халқы – 447,3 мың адамды немесе 53% (2023 жылдың 1 мамырында 444,2 мың адам немесе 53,1%) құрады.&nbsp;2021 жылғы халық санағының қорытынды мәліметтері бойынша облыстағы халық саны 814931 адам. &nbsp;Халықтың көші-қоны әлеуметтік, экономикалық, саяси, экологиялық және сыртқы факторларға сәйкес өзгеріп тұрады. Көші қон қызметі органдары ұсынған мәліметтерді өңдеу нәтижесінде, 2024 жылдың қаңтар-сәуірінде облысымызға тұрғылықты тұруға келгендердің тіркелу саны – 11 798 адамды құрады.<blockquote>&nbsp; &nbsp; &nbsp; &nbsp;- &nbsp;Халықтың табиғи қозғалысы АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, биылғы қаңтар-сәуірде облыста 6367 сәби дүниеге келген, ал 2023 жылғы қаңтар-сәуірде 6351 сәби келіп, 0,3% көбейген.&nbsp; Облыстар арасында 1000 тұрғынға шаққанда туу көрсеткіші бойынша Маңғыстау, Түркістан облысы және Шымкент қаласынан кейінгі төртінші орындамыз. Мәліметтерге сүйенсек облысымызда күніне орташа есеппен 50-55 сәби дүние есігін ашады. Айсайын 1550-1600 балаға дейін дүниеге келеді. Қызылорда облысы халқының табиғи қозғалысы есебі бойынша 2024 жылдың қаңтар-сәуірінде қайтыс болғандар саны 1500 адамды құраса, 2023 жылғы қаңтар-сәуірінде 1404 адамды құрап 6,8%-ға көбейгендігі байқалады,-дейді ол.&nbsp;</blockquote>Айлық жалақы туралы деректердің көзі «Еңбек бойынша есеп» жалпымемлекеттік статистикалық байқау бойынша барлық ірі, орта, шағын экономикалық қызметтің барлық түрлерінің заңды тұлғалары мен (немесе) олардың құрылымдық және оқшауланған бөлімшелері ұсынған мәліметтерінен қалыптастырылады.Кәсіпорындар &nbsp;бойынша 2024 жылғы 1 мамырында 10581 заңды тұлға тіркелді. Оның ішінде 8831 бірлік субъекті жұмыс жасап тұр. Тіркелген шағын және орта бизнес субъектілерінің саны өткен жылдың тиісті кезеңімен салыстырғанда 12,3% азайып 67 мың бірлік құраған. Жұмыс істеп тұрған шағын және орта бизнес субъектілері 12,1% төмендеді.&nbsp;<blockquote>- Қазақстан Ресубликасының «Мемлекеттік статистика туралы» Заңының 12-2-бабына енгізілген өзгерістер туралы 2024 жылғы 8 маусымнан бастап &nbsp;«Мемлекеттік статистика туралы» ҚР Заңының 12-1,12-2-баптарына, яғни әкімшілік дереккөздер мен респонденттерге қатысты мемлекеттік бақылауды жүргізу тәртібіне &nbsp;енгізілген өзгерістер күшіне енді. Енді, әкімшілік дереккөздерге қатысты мемлекеттік статистика саласындағы мемлекеттік бақылау қашықтан бақылау, мерзімдік және жоспардан тыс тексеру нысанында жүзеге асырылады. Респонденттердің бастапқы статистикалық деректерді ұсыну кестесінде көрсетілген мерзім ішінде есеп уақтылы тапсырылмаса, профилактикалық бақылаусыз-ақ, респонденттер айыппұл түріндегі әкімшілік жауапкершілікке бірден тартылатын болады (ҚР ӘҚБК 497-бабының 2-бөлігі).&nbsp;Сондай-ақ бастапқы статистикалық деректердің дәйексіздігі анықталған жағдайда, респонденттерге статистикалық нысандарға түзетулер енгізу қажеттілігі туралы хабарлама жіберіледі. Бір жұмыс күні ішінде түзетулер енгізілген &nbsp;статистикалық нысан қайта ұсынылмаған жағдайда, әкімшілік құқық бұзушылық бойынша іс қозғалады (ҚР ӘҚБК 497-бабының 1-бөлігі). &nbsp;Бұл шаралар бастапқы статистикалық деректердің дәлдігі мен дұрыстығын қамтамасыз етуге бағытталған.Қазақстан Республикасының «Мемлекеттік статистика туралы» Заңының 26 бабы 2-тармағына сәйкес «Мемлекеттік статистика органдары сапалы ресми статистикалық ақпаратты және статистикалық әдіснаманы мемлекеттік статистика органдарының Интернет-ресурстарына орналастыру арқылы пайдаланушылардың оларға бір мезгілде қол жеткізуіне тең құқықтарын қамтамасыз етеді». Статистикалық жұмыстар жоспары және Ресми статистикалық ақпаратты тарату графигімен көзделген барлық статистикалық ақпарат Бюроның www.stat.gov.kz Интернет-ресурсында ашық түрде орналастырылады,- дейді облыстық статистика департаментінің басшысы Қайрат Әбсұлтанов.</blockquote>

Облыстың әлеуметтік-экономикалық көрсеткіші жоғарылады

<a href="https://kyzylorda-news.kz/">Kyzylorda-news.kz</a>&nbsp; Тағы да бір оқу жылын артқа тастадық. Десе де мектеп түлектері алдағы ҰБТ сынағын тапсыруға дайындық үстінде. Иә, он бір жыл мектепте үздік оқып, ата-ана мен ұстаздарының қуанышы болған мектеп бітіруші түлектер &nbsp;ауданның &nbsp;ғана емес, еліміздің мақтанышы. Олардың болашағынан ел-жұрты үлкен үміт күтеді.&nbsp;Биылғы жылы Қармақшы аудан бойынша &nbsp;барлығы 15218 оқушы білім алып шықты. Оның ішінде 685 оқушы жалпы білім беретін орта мектепті бітіреді. Осы түлектердің 94,7 пайызы, яғни 649 бітіруші Ұлттық бірыңғай тестілеуге қатысады деп күтілуде. Сондай-ақ, білім беру ұйымдары бойынша &nbsp;биылғы жылдың ерекшелігі 54 мектеп бітіруші «Алтын белгіге», 67 бітіруші «Үздік аттестатқа» үміткер ретінде ұсынылды.&nbsp; Айта кетейік, Қармақшы ауданда №121 мектептің бітіруші түлегі Мақсат Қуанышбек ұлттық бірыңғай тестілеудің алғашқы нәтижесінен-ақ ұстаздарының берген білімі мен тыңғылықты дайындығының арқасында 140 балдың 136 ұпайын жинап, аудан мерейін асқақтатып жатыр. Ол өзі қалаған Алматы қаласындағы «Алматы КБТУ ҚАЗАҚ Британ» университетіне «Ақпараттық технология» мамандығы бойынша түсу мүмкіндігіне ие болып отыр.&nbsp;

Қармақшы: «Алтын белгі» үміткерлеріне артылар үміт көп

<a href="https://kyzylorda-news.kz/">Kyzylorda-news.kz</a>&nbsp; Кез келген өнер өз тілінде ғана мінсіз. Қылқаламның киесін қастер тұтып, сол арқылы өрелі өнерде өз өрнегін айшықтаған азаматтар баршылық. Өмір жолын өнер саласына арнап, қылқаламның қуатымен көркемөнерге жан бітіргеннің бірі қармақшылық – Мейрамбек Сайлауов.Ол ұзақ жылдан бері аудандық мәдениет үйінің жанындағы «Халық» театрында суретші-декоратор болып қызмет атқарады. Біле-білгенге театр суретшісі – болмысы бөлек, бәсі биік мамандықтың бірі. Себебі спектакльдің немесе кез келген сахналық қойылымның ойдағыдай шығуы суретші-декоратордың өнеріне тікелей байланысты. Өйткені ол өз өнері арқылы спектакльдің негізгі рухын ашады. Байыпты да байсалды жасалған декорация көруші көңіліне ерекше әсер етсе, қызылды-жасылды декорация екінші бір өзге әлемге жетелейді. Сондықтан да сахна декорациясын жасау нағыз шеберлердің ғана қолынан келеді.Бала күнінен жанына суретті серік еткен оның әлемі ерекше. Мектепті бітірген соң Алматы қаласындағы Т.Жүргенов атындағы «Театр және көр­кемсурет» институтына оқуға түседі. Алайда сол жылдары елде орын алған Желтоқсан көтерілісіне орай білім алуға мүмкіндік болмай қалады. Кейіннен Қызылордадағы «Ақмешіт» институтында «дизайнер» мамандығы бойынша білімін жетілдіреді. 1989 жылдан бері суретші-декоратор ретінде аудандық мәдениет үйінде еш үзіліссіз қызмет етіп келе жатқан Мейрамбек Сайлауов тек суретші ғана емес, қажет кезде актер да бола білген.<blockquote>– Негізінен суретшілік жаныма жақын. Суретті 5 жасымнан бастап саламын. Көмекбаев ауылындағы №185 қазақ орта мектебінде оқып жүргенімде түрлі байқауларға салған суреттерімді пошта арқылы жіберіп отыратынмын. 8 сыныпта болса керек, Панфиловтың суретін салып, ол өнеріммен республикалық деңгейде бірін­ші орын иеленіп, төбем көкке жеткен-ді. Өзіңнің жаның сүйетін, жұмысты жасағанда ереше сүйіспеншілікпен атқаратын ісіңмен айналысу да бір ғанибет. Осы тұрғыда мен өзімді мамандық таңдағанда жаңылыспаған әрі жолы болған жан деп есеп­теймін. Сурет салғанда жанр талғамаймын. Кез келген затпен, түрлі формамен жұмыс істей беремін, – дейді қылқалам шебері.</blockquote>Осы өнері арқылы түрлі додада бақ сынап, төрт рет облыстың үздік суретшісі атанған. 2020 жылы Абай Құнанбаевтың 175 жылдығына орай өткен облыстық суретшілер байқауында ІІ орын, Тәуелсіздіктің 30 жылдығына байланысты өткен сайыста бас жүлдені жеңіп алған.Ал актерлік қырына келсек, М.Сайлауов осы уақытқа дейін 17 спектакльде өнер көрсеткен. Оның ішінде 5 рет басты рөлді сомдаған. Осындай орны бөлек образдың бірі – киелі Қорқыт атаның рөлі. Қорқыт образы арқылы облыс көлемінде «Ең үздік ерлер рөлі» номинациясын иеленген де осы – сегіз қырлы, бір сырлы өнер иесі.<blockquote>– Рөл ойнаған кезде айналамды толықтай ұмытамын. Бар назарым өзім ойнап тұрған образда болады. Көп жағдайда берілген нақты мәтіннен бөлек, өз сөздеріммен де рөлді алып шығамын. Актерлік бойынша арнайы білімім жоқ. Десе де, осы өнерім арқылы көптің ықыласына бөленсем, бұл Құдайдан берілген тума талант дер едім, – дейді ол.</blockquote>Мейрамбек ағамыздың тағы бір қыры – жыршылығы. Түрлі облыстық, республикалық байқауда аудан намысын қорғап, Сыр елінің бай мұрасын паш еткен. Домбыра, баян аспаптарын меңгерген.<blockquote>– Негізгі жұмысыма келсек, сахна талғамаймын. Бүкіл мерекелік іс-шарада (іштегі сахна, орталық алаңдағы сахна) сахнаның бе­зендірілуін өзім жасаймын. Отыз жылдан бері осы салада жүргендіктен сахна безендіру маған қиындық тудырмайды. Тақырыптық ерекшелігіне байланысты қай жерге нені, қалай қою керектігі бірден көз алдыма келеді. Шымылдық ашыла сала күллі залдың дуылдатып қол соғатынын жиі көретін боларсыз. Бұл декоратор суретшінің өнері театрға келген қауымға бірден ұнағанының белгісі. Мұндай алғыс біз үшін үлкен құрмет әрі еңбектің еленгені, – дейді «Халық» театрының суретші-декораторы.</blockquote>Мамандығын ерекше бағалап, зор жауапкершілікпен қарайтын ол ерекше ізденісінің арқасында облыстық «Театрлар көктемі» байқауында 4 рет «Ең үздік суретші-декоратор» номинациясын иеленген. Мұнан бөлек, марапаттары мен жеткен жетістіктері де аз емес.Әрі суретші, әрі актер, әрі жыршы, әрі декоратор. Бір адамның бойында осынша құндылықтың болуы ғажайып нәрсе емес пе? Оған қарапайым қалпы мен ақжарқын мінезі қосылғанда тіпті керемет. Не нәрсе жасаса да бар ынта-ықыласымен кірісетінін әріптестері жарыса айтуда. Ұжымдастар арасында да сыйлы, орны бөлек шебердің шығармашылық жолы шыңдала берері анық.

Сахна сыртындағы саңлақ

<h4 style="margin-left:0px;text-align:justify;">Фото:digitalbusiness.kz</h4><h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Бағдат Мусин "Қазақтелеком" басқарма басшысы болып тағайындалды, деп хабарлайды КазТАГ <a href="https://kaztag.kz/ru/">агенттігі.&nbsp;</a></h4>Бұған дейін Мусин цифрлық даму министрі қызметін атқарған еді. Ал "Қазақтелекомның" экс-басшысы Қуанышбек Есекеев президенттің кеңесшісі лауазымына ауысты.&nbsp;Бағдат Мусин 1983 жылы 3 наурызда дүниеге келген.&nbsp;2004 жылы С.Демирель университетін "Компьютерлік технологияның бағдарламалық және аппараттық құралы" мамандандығы бойынша бітірген. (Жоғары GPA 3.3 4). 2006 жылы&nbsp; Қазақ заңтану және халықаралық қатынастар институтын бітірген, мамандығы –"заңгер".2004-2007 жж. - "Ұлттық ақпараттық технологиялар" АҚ мемлекеттік органдарында IT -бөлімшелерін құру департаментінің бас инженері, бөлім бастығы, директордың орынбасары&nbsp;&nbsp;2007-2008 жж. - Қазақстан Республикасы Әділет министрлігінің "Республикалық құқықтық ақпарат орталығы" республикалық мемлекеттік кәсіпорны ақпараттық жүйелерді сүйемелдеу бөлімінің бастығы.2008-2010 жж. - Қазақстан Республикасы Әділет министрінің ақпараттық технологиялар жөніндегі кеңесшісі, Қазақстан Республикасы Әділет министрлігі Ақпараттық технологиялар департаментінің бастығы.2010-2011 жж. - Қазақстан Республикасы байланыс және ақпарат министрлігінің ақпараттық технологиялар саласындағы мемлекеттік саясат департаменті директорының орынбасары.2011-2012 жж. - Мемлекеттік қызметтерді автоматтандыруды бақылау және Қазақстан Республикасы Байланыс және ақпарат министрлігі ХҚКО үйлестіру комитеті төрағасының орынбасары.2012-2014 жж. - Қазақстан Республикасы Көлік және коммуникация министрлігі Мемлекеттік қызметтерді автоматтандыруды бақылау және ХҚКО үйлестіру комитетінің төрағасы.2014 жылдың сәуір-тамызы - "Ұлттық ақпараттық технологиялар" акционерлік қоғамы басқармасының төрағасы.2014-2017 жж. - "Қазпошта" АҚ басқарма төрағасы.2017-2018 жж. - Қазақстан Республикасы Бас прокуратурасының Құқықтық статистика және арнайы есепке алу комитетінің төрағасы.2020 жылдың 13 наурызынан бастап.&nbsp;– 2020 жылдың 20 шілдесіне дейін - Қазақстан Республикасы Президентінің цифрландыру және инновациялық технологиялар жөніндегі кеңесшісі.2020 жылдың 20 шілдесінен бастап&nbsp;- Қазақстан Республикасы цифрлық даму, инновация және аэроғарыш индустриясының бірінші вице-министрі.2020 жылдың 2 қыркүйегінен бастап - Қазақстан Республикасының цифрлық даму, инновациялар және аэроғарыш өнеркәсібі министрі (2021 жылғы 18 қаңтарда қайта тағайындалды).2024 жылы наурызда министр қызметінен босатылды.

Бағдат Мусин жаңа қызметке тағайындалды

<a href="https://kyzylorda-news.kz/">Kyzylorda-news.kz</a>&nbsp; Ғасырлар мұңын, мұрасын бізге жеткізген қасиетті домбыра шын иелерінің қолынан әлі түскен жоқ. Қаны қазақтың рухын жанып, намысын қайрап, тіпті тамырынан қол үзіп кеткенді де төл табиғатына қауыштырар қасиетті қос ішектен төгілген күйдің құдіреті неде?Бағзы заманалар баянын ғана емес, тұлпар тұяғының дүбірін, құс қанатының суылын сұлу сазбен төгілдіргенде тұла бойыңды сағыныш кернеп, саф таза мөлдір сезімнің айдынында жоғалтқан аңсар тілегіңді жалғанның жарығына жарқыратып алып шыққандай салтанатты бір күйді бастан кешесің.Бұл сезім біздің бүгінгі кейіпкеріміз – жарты ғасыр ғұмырының саналы бөлігін қос ішектің қоңыр үнімен егіз үйлестіріп келе жатқан қазақтың талантты аруы – Аякөз Еркінбекқызының болмысымен етене өріліп, жұдырықтай жүрегіне жып-жылы сәулесін төгіп келе жатқаны қандай ғажап!Бала кезінен домбыра үніне құлағы қанық өсті. Атасы Нұрсұлтан аймаққа әйгілі Айсын күйшінің бауыры еді, кіндігінен өрген қос перзенті – Еркінбек пен Жарқынбегінің екеуіне де күйшілік өнер дарыған екен. Жарқынбек көкесінің концерттерде күй орындап жүретінін өзіміз де талай көрдік. Ол кісінің қаламгерлік те қабілеті бар еді, редакциямызға жиі соғып мақалаларын беріп тұратын. Өзінің жадынан шығарған бірнеше күйлері де бар. Аудандық мәдениет үйінде көп жылдар автоклуб меңгерушісі болып қызмет атқарған. Шынайы мінездің иесі екендігіне өз өмір жолынан өрген естелік кітабын оқығанда анық көз жеткізген жайымыз бар. Бәзбіреулер секілді қолдан бояуын қалыңдатып батыр атанып, ал жеке басының олқы тұсына келгенде жорта бұрып әкетер қулықтан ада, болған-біткен жағдайларды еш бүкпесіз жайып салған ақеділ пейілінен шынайы бекзаттықты танығандай болғанбыз. Өкініштісі сол, бұл екі кісі де қазір арамызда жоқ.Айсынның ұрпақтарынан әке есімін көпке танымал еткен Бәден Айсыновтың орны бір төбе. Ол күні бүгінге дейін өзінің туып-өскен, өркен жайған атамекені – Жаңақорғанның тау жақ беткейінің талапты өрендерін биік мәртебелі өнерге баулып келеді. Бұдан бөлек Бәденнің жетекшілігімен құрылған отбасылық ұлт-аспаптар ансамблінің профессионалдық әлеуетінің бекемдігі, жанрының күрделілігімен көрерменге таза да, тәкаппар өнердің әлемдік жауһарларын да молынан тарту етіп келе жатқанын айта кеткеніміз жөн.Міне, осынау таланттар тұқымынан өрген, ізінен ерген, бала кезінен өнер жолына түсіп, академиялық білім алған, бүгінде бабалардың киелі мұрасын зерттеумен айналысып келе жатқан Аякөз Еркінбекқызымен жақында Жаңақорғанға келген сапарында сұқбаттасудың сәті түсіп, бір ғанибет күйге бөлендік.«Шерлі», «Терісқақпай», «Егес», «Отарба», «Аққу кеткен» сынды күйлерімен күні бүгінге дейін тыңдарман жүрегін бірде қоңыр мұңға, бірде тылсым сырға бөлесе, бірде тәтті қиялыңды көкке шарықтатар қуатына бас идірген Әлшекей әлеміне терең бойлауға екінің бірі тәуекел ете бермесе керек. Мне , осындай таудай талапқа тәуекел еткен қаракөзді талант құдіретімен табыстырған рух бірлігі десек болады. Бірі ХХ ғасырдың басында «бай-дәулеттінің ұрпағы» деген желеумен қуғын көріп, басына қатер төнген соң қашып-пысып, туған жерден жырақта сағыныштың зарлы үнін қос ішекке төгумен өткен мұңлық та, бірі ХХІ ғасырдың жаһандық білім деңгейімен қаруланған, міне, сондықтан да қызмет бабымен мұхит асып, бөтен мемлекеттің жерін басып, мәмілегерлік миссиясын орындап қайтқан азат елдің еркін ұланы. Бірақ екеуін байланыстырып тұрған киелі сезім – туған топырақты аңсаған ғазиз жүректің сағынышы еді. О, оны енді тілмен айтып жеткізу мүмкін емес екен, бірақ әруақты бабаның шерлі кеудеден лықсып төгілген шертпе күйі мен төкпе күйінің әрбір үзігін көңілмен түйсініп, табиғатын сүйегінен өткізген танакөз Әлшекей күйшіні тереңірек зерттеу талабына осы кездерден бастап басыбүтін ден қойыпты.Сұхбаттасымыздың өмір жолына аз-кем тоқталып өтсек, ол былай өріледі.Тоқсаныншы жылдары Талап ауылындағы №54 орта мектебін оқып тәмамдаған жас жүрек қалауы¬мен Қызылорда қаласындағы Қазанғап атын¬дағы музыкалық колледждің домбыра класында оқиды. Одан әрі Құрманғазы атындағы Қазақ Ұлттық консерваториясында білім алады. Оқуды бітірген соң институт қабырғасына қызметке орналасады. Оған қоса Қазақ радиосында «Баба мұра-сы» бағдарламасын жүргізеді. Осы кездері оның өзінің де есімі танымал бола бастаған. Республикалық Дина Нұрпейісова атындағы конкурстың жүлдегері, «Шабыт» шығармашыл жастар сайысының лауреаты атанады.2002-2008 жылдар аралығында Астана қаласындағы Л.Н.Гумилев атындағы Еуразия өнер университетінің арнайы шақыртуымен «Дәстүрлі музыкалық өнер» кафедрасында аға оқытушылық қызметке кіріседі. Осында жүргенінде «Қоңыр қаз» ансамблінің қазығын қалайды. Ерінің қызмет бабымен Иран мемлекетінде жүргенінде Қазақстан елшілігінің бүкіл мәдени шараларында ұлт өнерін жарқыратып танытуға тер төкті. Бүгінде Қазақ Ұлттық Өнер университетінде мектеп және колледж бөлімінде дәріс беріп келе жатқанын айтты.Аякөз Бақдәулет, Бақжан, Айару атты үш перзенттің анасы. Ері Дәуірбек Дүйсебай Әл-Фараби атындағы КазҰУ-ның түлегі. Шығыстану факультетінде парсы тілі мамандығын бітірген. Профессор Дандай Ысқақұлының жетекшілігімен Мұхтар Әуезовтің «Абай жолы» романының парсы тіліне аударылуын зерттеп, кандидаттық диссертациясын қорғаған. Астанадағы ұлттық академиялық кітапханада «Дүр дүниенің парасат тәжі» деп аталатын шығармашылық кеші өтіп, онда Дәуірбектің «Оянып кеткен ақ сәуле» деп аталатын жыр жинағының тұсауы кесілген екен.Он төрт жыл Иран мемлекетінде елшілік қызметте болған Дәуірбек пен Аякөздің перзенттері осы мемлекетте өмірге келді. Жары Аякөз ұлт мұрасының нағыз жоқшысы, жанашыры ретінде қызметін бұл жаққа келген соң да жалғастыра берді. Иран қазақтарына туған ұлтымыздың асыл құндылықтарын насихаттап, қазақтың домбырасының сан құраулы күмбірімен мыңдардың жан тереңінде түюлі жатқан шерлі тарихына сәуле жүгіртті. Талайлардың жүрегін шуаққа бөлеп, көңілдерін қанаттандырды. Бұл жылдар Аякөздің жеке шығармашылығына салмақты ой дарытқан, тұлға ретінде есейтіп, елдік мінезге тәрбиелеген тағылымымен де қымбат.Атамекеннен жырақта жүргенінде туған жерді, ата-ана мен бауырды жан жүрегі езіле еске алғанда бір заманда еріксіз қуғын көріп, бас амандығы үшін тау-тас кезіп шеккі ғұмыр кешкен баба тағдырына шынайы бас иген. Әлшекейдің шерлі көкірегінен құйылған күй ырғағының қылдай қағысынан, үзік дірілінен сағынышқа толы өз жүрегінің үнін танып, Әлшекей күйлері туралы толғанысты ойлар қаламұшына қиналыссыз орала бергенін айтады өзі.Ол бұдан бөлек «Ақбаламен шағдардың күйлері» атты кітаптың авторы. Бәден Айсыновтың күйлері туралы жазылған «Күй-көмбе» кітабы да жарық көрді.Осыдан үш жыл бұрын Жаңақорған ауданында Әлшекей Бектібайұлының 175 жылдығына орай М.Көкенов атындағы мәдениет үйінде ғылыми-танымдық конференция, орталық алаңда “Ақжелең” фестивалі өтті. Дәулескер күйшіге ерекше баға берілген осы жиынды өткізуге сол кезде Жаңақорған ауданының әкімі ретінде өзі ұйытқы болған Руслан Рүстемұлы осы шараға Иран елінен Аякөз Нұрсұлтанды арнайы шақыртқан болатын. Осы күні Аякөздің “Әлшекей күйші” кітабының және оның аудионұсқасының тұсауы кесілді. ҚР Сенаты депутаты, қаламгер Руслан Рүстемұлы «Парсы еліндегі парасат елшісі» жазбасын жариялағанда оның осындай қырына жан-жақты тоқталып өтіпті. Жақында Жаңақорған ауданындағы Әлшекей атындағы өнер мектебінде республикалық «Күй – көмбе» атты жас домбырашылардың байқауы өтті. Бұл шараны Әлшекей Бектібаев атындағы қордың президенті, күйшінің немересі Оңғарбай Дәнебеков ашып, аталған шараның мән-маңызына тоқталды.Жалпы осы байқаудың ұйымдастырылуына ұйытқы болған Аякөз Еркінбекқызы екенін айта кетсек артық емес. Байқауға қатысушылар тек қана Әлшекейдің күйлерін орындады.Әлшекей Бектібаев атындағы республикалық конкурсқа Қызылорда, Түркістан қалаларынан және Шиелі мен Жаңақорған ауданынан 60-қа жуық өнерпаз қатысып, бақ сынады. Олардың арасында орыс, өзбек ұлты өкілдерінің де болуы таңданарлық.Сайысқа қатысушыларға Әлшекей Бектібайұлының бейнесі арнайы соқтырылған медальондар табыс етілді.Өнер байқауына Қазанғап атындағы Қызылорда музыкалық колледжінің ұстазы, «Ерен еңбегі үшін» төсбелгісінің иегері Әлімжан Нағызханұлы, республикалық Дина Нұрпейісова атындағы күйшілер сайысының жеңімпазы Нұрсұлтан Аякөз қазылық етті.Сайыста кіші топтан Қызылорда қалалық өнер мектебінің оқушысы Жүсіпбек Бақдәулет (ұстазы Серікбай Дәулет) бас жүлдені иеленді.Орта топ номинациясы бойынша бас жүлдені Қызылорда қаласы №278 ІТ мектеп лицейінің оқушысы Жаңабай Абылай иеленді. Үлкен топ, яғни 15 пен 18 жас аралығындағы үміткерлер арасында бас жүлдені Түркістан қаласы "Ақжайық" музыкалық мектебінің оқушысы Ибадулла Тұрлыхан иеленді. Жүлдегерлер келесі күні өткен Аякөз Нұрсұлтанның шығармашылық кешінде өнер көрсетті.Туған жерге осы сапарында Аякөз Еркінбекқызы Жаңақорған ауданының ең үлкен марапаты “Құрмет грамотасымен” марапатталды. Баян ҮСЕЙІНОВА

Рух бірлігі және күй құдыреті

<a href="https://kyzylorda-news.kz/">Kyzylorda-news.kz</a>&nbsp;Қармақшы ауданының білім бөліміне қарасты №186 орта мектебінде жақында "Алтын балалық шақ" декадасы және "Бала еңбегін қанаудың 12 күні" ұлттық ақпараттық науқаны аясында "Тәрбие негізі – ұлттық құндылықта" тақырыбында ашық есік күні өткізілді. Іс-шараға аудандық білім бөлімінің әдіскері Ақтолқын Тоқшылықова, аудандық санитарлық-эпидемиологиялық бақылау басқармасының басшысы Гүлнар Төлепбергенова, аудандық ата-аналар кеңесінің төрағасы Мағауия Әлиев, аудандық жастар орталығының психологі Әмина Кетебаевалар қатысты.Шара барысында "Құтты мекен – Қуаңдария" этнолагерінің тынығушылары ұлттық дәстүр-салтымызды ұлықтайтын "Ата кәсіп –ұрпаққа нәсіп" тақырып аясында «Аталар мектебі» мүшесі Қыстаубай Кетебайұлы атаның қолөнерімен, "Мен әжемін ұрпағымды әлдилеген" тақырыпта «Әжелер мектебінің» мүшелері, ата аналар комитетінің төрайымы Роза әже және Баян әже, Гүлзира әжелер лагерь тынығушыларына «жүн түту», «ұршық иіру», «құрақ құрау» жайында шеберлік сыныптар көрсетті.Спорттық лагерь тынығушылары "Бес асық", "Гір көтеру", "Асық ату" ойындарынан жарыс өткізді.Қазақтың ұлттық тағамдарынан «Жеңгелер мектебінің» мүшелері қыздарға ұлттық тағамдардың жасалу жолдарын көрсетіп, ұмытылып бара жатырған салт-дәстүрлерімізді жаңғыртты.

Жазғы лагерь: Тәрбие негізі – ұлттық құндылықта

<h4 style="margin-left:0px;text-align:justify;">Фото: baq.kz</h4><h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Облыстың су айдындарында, әсіресе, Сырдария өзенінде жылда азаматтардың әртүрлі себептермен қайғылы жағдайларға ұшырауы, оның ішінде жаз айларында суға түсу маусымында&nbsp;судағы адамдардың әсіресе балалардың қазасы өзекті мәселе болып отыр.</h4>Жыл басталғалы облыс аумағындағы&nbsp;су айдындарында әр түрлі жағдайлар мен оқыс оқиға салдарынан 8&nbsp;адам қаза болған, оның 6-ы бала (Қызылорда қаласы – 3, Қазалы ауданы – 3 адам, Шиелі ауданы – 1 адам, Жанақорған ауданы – 1 адам. Байқаусыздан суармалы каналға түсіп кеткен – 6; суға шомылу себебінен – 2 бала). Өткен жылдың 6 айында 12 адам қаза болды, оның 3-і бала. Жалпы өткен 2023 жылы облыс аумағындағы су айдындарында 32 жағдай тіркеліп, 34 адам қаза болған. Ал жыл басынан бері су айдындарында 2 адам&nbsp;құтқарылған.Суда адамдардың қаза болуының негізгі себебі қауіпсіздік ережелерін өрескел бұзуы болып табылады. Мәселен, өзен немесе каналдардың кез-келген, әрі зерттелмеген (ағысы жылдам, терең, жағалары тік жар) жерлеріне суға түсуі, спирттік ішімдік ішіп суға түсуі. Сондай-ақ, &nbsp;балалардың ересектердің бақылаусыз су жағасына баруы мен суға түсуі және олардың жүзе білмегендігі қайғылы оқиғаларға әкеліп соқтыруда.Бұларға қоса, суға түсуге қауіпті аймақтарда азаматтардың рұқсат етілмеген жүзу құралдарын қолдануы бақытсыз жағдайлардың санының көбеюіне ықпалын тигізіп отыр.Сонымен қатар, ұжымдар мен оқу орындары жастарының жаз айларында табиғатқа шығып демалыстарын өзен мен көлдердің жағасында ұйымдастыруы соңғы жылдары көптеп орын алуда және осындай кейбір демалыстар бақытсыз жағдайлармен аяқталып жатады, − дейді&nbsp;облыстық ТЖД Азаматтық қорғаныс басқармасы бастығының міндетін атқарушы Ғафур Ақмырзаев.Жағажайлар жайы қалай?Өңірде «Су объектілері мен су шаруашылығы құрылыстарында жаппай демалуға, туризмге және спортқа арналған жерлерді белгілеу туралы» Қызылорда облысы әкімінің (2023 жылғы 13 қаңтарда №7) қаулысына сәйкес 4 коммуналдық жағажай белгіленген. Олар&nbsp;Шиелі ауданында «Ақ орда», Сырдария ауданында «Қалғандария», Қармақшы ауданында «Мұратбаев» және Қазалы ауданында «Қашқан су».Қазіргі таңда&nbsp;Шиелі ауданының әкімдігімен «Ақ орда» коммуналды жағажайының орнына,&nbsp;Бәйгеқұм&nbsp;елді мекені «Ханқожа» көлінің аумағынан 0,80 га жер телімі бөлініп, «Ханқожа» көлінде коммуналдық жағажай ашу бойынша жұмыс жасалуда.Қазалы ауданында биылғы жазғы шомылу маусымында&nbsp;«Қашқан су» коммуналдық жағажайы учаскесіндегі су деңгейінің төмендеуіне және тазалау жұмыстары жүргізуіне байланысты тоқтатылған.Ал Қармақша ауданында «Али Проект Construction» ЖШС-мен келісім-шартқа сәйкес «Мұратбаев» жағажайына қажетті жабдықтар алынып және оларды орнату бойынша жұмыстар жүргізілуде. Сондай-ақ Сырдария ауданында «Қалғандария»коммуналды жағажайы жұмыс жасауда. Одан бөлек, Қызылорда қаласы әкімдігімен «Эдельвейс» саяжайында жеке кәсіпкермен ашу бойынша жұмыстар жүргізілуде.<blockquote>&nbsp;− 2023 жылдың 27 қазан күні «Қызылорда облысының су объектілеріне ортақ су пайдаланудың қағидаларын бекіту туралы» шешіміне өзгерістер мен толықтырулар енгізілді. Атап айтқанда, шешімге қосымша облыс аумағында суға шомылуға тыйым салынған 63 қауіпті аймақтың тізімі тіркелді және осы учаскелерге 278 ескерту тақтайшасы мен 92 билборд орнатылды. Бүгінде облыс аумағымен өтетін Сырдария өзенінің ұзындығы 1274 шақырымды құрайды. Мұнан басқа 19 ірі канал, 220 шағын каналдар және 207 көл облыс аумағында орналасқан, − дейді Ғафур Әлиұлы.</blockquote>Ауқымды жұмыстар атқарылудаБүгінде облыс тұрғындары мен қонақтарының жаз мезгілінде су айдындарындағы қауіпсіздігін қамтамасыз ету мақсатында түрлі жұмыстар жасалуда. &nbsp;Мәселен, ТЖ Департамент бастығының&nbsp;«2024 жылғы жазғы суға шомылу маусымы кезеңіндегі &nbsp;қауіпсіздік шараларын ұйымдастыру туралы» бұйрығы негізінде сала мамандары &nbsp;күнделікті сағат 14:00 мен&nbsp;21:00 аралығында рейдтік жұмыстар ұйымдастырылуда. Қосымша рейдтерге Қызылорда қаласының су айдындарында дрондар пайдалануда.Облыс аумағындағы су айдындарында жыл басынан 989 рейдтік&nbsp;жұмыстар жүргізіліп,&nbsp;37 мыңнан астам&nbsp;тұрғынға(оның ішінде 15 мыңнан астам жасөспірімге)судағы қауіпсіздік ережелері түсіндірілді және үнпарақтар таратылды. Сондай-ақ аталмыш профилактикалық жұмыстарға 442 еріктілер (волонтер)&nbsp;жұмылдырылды.Қызылорда облысының Полиция департаментімен бірлесіп жыл басынан бері ҚР ҚР ӘҚБтК туралы Кодексінің 364-бабы (Ортақ су пайдалану қағидаларын бұзу) бойынша 4 адамға ескерту шарасы көріліп және жоғарыда аталған кодекстің 440-бабы (Алкогольдік ішімдіктерді ішу немесе қоғамдық орындарға масаң күйде келу )бойынша 2289&nbsp;азаматқа&nbsp;әкімшілік шара көрілген.Облыс аумағындағы адам көп шоғырланған орындарда (Арай сити молл ойын-сауық орталығы, дүкендер мен басқа да сауда орталықтарда, базарлар, және темір жол автовокзалдарға)дауыс зорайтқыштар арқылы түсіндірме жұмыстары және балық аулаушыларға арналған дүкендерде жадынамалар ілініп, түсіндірме жұмыстары да жүргізілуде.Білім беру саласындағы бағдарламалық қамтамасыз ету Республикалық «Kundelik.kz» платформасында Төтенше жағдай кезіндегі қауіпсіздік ережелерін ескертетін ақпараттық жадынамалар орналастырылды. Платформада облыс аумағында орналасқан 295 білім беру орындары және 100 714 оқушы &nbsp;қамтылған.Онлайн режимде облыстың&nbsp;31 113 оқушысына жалпы «Судағы қауіпсіздік ережелері» тақырыбы бойынша интерактивтік сабақтар өткізілді.Облыс аумағында орналасқан 317 мектеп оқушыларының ата-аналарына «WhatsApp» желісіндегі топтар арқылы балалардың судағы қауіпсіздік ережелерін қатаң сақтау бойынша бейнероликтер мен жадынамалар жариялануда.<blockquote>−&nbsp;Биыл 17 мамыр күні облыстық білім басқармасымен бірлесіп, жаз мезгілінде жұмыс жасайтын лагерь басшыларымен және оқушылардың демалыс &nbsp;кезінде «Балаларды сауықтыру ұйымдарында балалардың қауіпсіз демалысын, медициналық көмек пен сауықтыру шараларын ұйымдастыру» тақырыбында облыстық семинар ұйымдастырылды. &nbsp;Алдағы уақытта да мұндай жұмыстар өз жалғасын табатын болады, − дейді&nbsp;облыстық ТЖД Азаматтық қорғаныс басқармасы бастығының міндетін атқарушы Ғафур Ақмырзаев.</blockquote>&nbsp;Мейрамгүл Дауылбайқызы

Суға түсу маусымы: Жағажай және қауіпсіздік

<h4 style="margin-left:0px;text-align:justify;">Фото: khabar.kz</h4><h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қызылорда облысында Мемлекеттік тіркелімнің жергілікті және Республикалық бөлімдеріне енгізілген 34 табиғи монополиялар субъектілерінің қызметтеріне тарифтік реттеу функциялары және 4 қоғамдық маңызы бар нарық субъектілеріне қатысты баға белгілеу &nbsp;функциялары жүзеге асырылады.</h4>Өткен жылдан бастап инженерлік желілер мен жабдықтардың тозық деңгейін төмендетуге, қызметкерлердің жалақысын ұлғайтуға және табиғи монополия саласына алдыңғы қатарлы инновацияларды енгізуді ынталандыру жолымен одан әрі реттеуге мүмкіндік беретін меншік иелерінің есебінен салаға инвестиция тартуды көздейтін «Тарифті инвестицияға айырбастау» жаңа тарифтік саясаты жүзеге асырылуда. Бұл туралы өңірлік коммуникациялар қызметінде өткен брифингте Табиғи монополияларды реттеу комитетінің Қызылорда облысы бойынша департаменті РММ басшының міндетін атқарушы Күлдарайхан Кеншембаева баяндады.Оның айтуынша мемлекеттік саясатты орындау мақсатында департамент Қызылорда облысының энергетика және тұрғын-үй коммуналдық шаруашылық басқармасымен бірлесе 2023-2024 жылдар ішінде коммуналдық саладағы табиғи монополиялар субъектілерінің инвестициялық бағдарламаларын қайта қарап бекіткен. 2 жылға&nbsp;инвестициялардың жалпы сомасы шамамен 19,0 млрд. теңгені құрап отыр.Мәселен, «Қызылорда электр тарату тораптары компаниясы» АҚ-ның 2023 жылғы 973,36 млн теңге инвестициялық бағдарламасы желілердің тозу деңгейін 68% - дан 65,5% - ға төмендетуге мүмкіндік берген. Ал биылға көзделген 1682,37 млн. теңге инвестиция сомасы тозу деңгейін 1,42% - ға немесе 65,5%-дан 64,08%-ға дейін төмендетпек. Сондай-ақ, «Қызылорда жылу электр орталығы» МКК-ның өткен жылғы 8039,15 млн. теңге инвестициялық бағдарламасы желілердің тозу деңгейін 48% - дан 44,87% - ға төмендетуге мүмкіндік берді. Биыл 6247,66 млн. теңге инвестиция бөлінуде, ол &nbsp;3,03% - ға немесе 44,87%-дан 41,84%-ға дейін төмендетуді көздейді.Сонымен қатар «Қызылорда су жүйесі» МКК-ның былтырғы 650,86 млн. теңге инвестициялық бағдарламасы ауыз су желілерінің тозу деңгейін 18% - дан 16,02% - ға төмендетуге мүмкіндік берді. Ал биылғы &nbsp;563 млн. теңге инвестиция суды бұру желілерінің тозу деңгейін төмендетуге жұмсалмақ. Облыс орталығындағы вокзал маңы бөлігі мен өңір разъездеріндегі тұтынушыларды сумен қамтамасыз ететін «Теміржолсу-Қзыл-Орда» ЖШС-ның өткен жылғы 16,7 млн. теңге инвестициялық бағдарламасы желілердің тозу деңгейін төмендетуге жұмсалса, биыл бұл жұмыстарға 24,57 млн. теңге инвестиция қарастырылып отыр.2029 жылға дейін тозу деңгейін 15%- 20% - ға &nbsp;төмендету мақсатына қол жеткізу үшін осы жұмыстар одан әрі жалғасатын болады.Сонымен қатар, қолданыстағы заңнама нормаларына сәйкес стратегиялық тауарлардың құнының (мысалы, электр қуаты, газ, көмір, мазут және т. б.), салық ставкаларының және басқа да міндетті төлемдердіңөзгеруі тарифтерді қайта қарау үшін негіз болып табылады. Осыған байланысты, департаментпен өткен жылы «Қызылорда электр тарату тораптары компаниясы» АҚ-на 16,2%-ға өзгерумен (5,676 теңге), «Қызылорда жылу электр орталығы» МКК-на 15%-ға (6582,01 теңге),&nbsp;«Қызылорда су жүйесі» МКК-на сумен жабдықтау қызметіне 4,8%- ға(62,67 теңге), суды бұру қызметіне 5%-ға (70,70 теңге),«Теміржолсу-Қзыл-Орда» ЖШС -не 20,8% -ға (404,63 теңге) өзгертіліп тарифтер бекітілді.Биылғы жылдың қаңтар айынан бастап «Қызылордажылуэлектрорталығы» МКК-ның &nbsp;жылумен жабдықтаужәне «Теміржолсу-Қзыл-Орда» ЖШС-нің сумен жабдықтау қызметтерініңтарифтерін қоспағанда,электр энергиясының, газ, судың тарифтері,өзгеріссіз 2023 жылғы желтоқсан айынын деңгейінде қалды. Бұл жерде айтып кететін жай, аталған субъектілерге бұрын ұзақ мерзімді кезеңге жеке-жеке жылдар бойынша тарифтер бекітілген болатын, − дейді Күлдарайхан Тоқанқызы.Осыған байланысты, «Қызылорда жылу электр орталығы» МКК бойынша қаңтар айынан бастап жоспарлы 12,6% өзгеруімен немесе 1 Гкал-ға 7414,01 теңгені құрайтың тариф қолданылады. Бұл ретте, субъектіге өткен жылы уақытша өтемдік тарифтер енгізілген болатын және тарифі 1 Гкал-ға &nbsp;7402,22 теңгені құрады. Оның ішінде &nbsp;тұтынушылар топтары бойынша тарифтер тұрғындар үшін - 2991,76 теңге бұл өткен жылғы желтоқсан айымен салыстырғанда 7% - ға өзгерген. Бюджеттік ұйымдар үшін – 24970,36 теңге немесе 15% - ға өзгерсе, өзге тұтынушылар үшін - 5463,95 теңгені құрады.Сонымен бірге, «Теміржолсу-Қзыл-Орда» ЖШС-нің биылғы қаңтардан бастап 13,7%-ға &nbsp;жоспарлы өзгерді. Енді 1 м3 &nbsp;459,61 теңгені &nbsp;құрайтың тариф қолданылады. Бұл ретте, субъект бойынша өткен жылдың қаңтар айынан&nbsp;бастап бекітілген &nbsp;уақытша өтемдік тариф қолданылады, яғни 433,02 теңге. Тұтынушылардың &nbsp;топтары бойынша тоқаталатын болсақ, &nbsp;халық үшін - 60,57 теңге бюджеттік ұйымдар үшін – 193,67 теңге, тж.кәсіпорындарына -873,53 теңге.Биылғы жылдың бес айында &nbsp;келесі тарифтер бекітілді: &nbsp;«Қызылорда электр тарату тораптары компаниясы» АҚ-на 15 сәуірден бастап&nbsp;ҚҚС-сыз 1 кВт.сағ 7,206 теңгеге&nbsp;өзгерді. «Кызылорда су жүйесі" МКК-ның суды бұру қызметіне 1 мамырдан бастап орташа тариф 71,85 теңгені құрады. Ал тұрғындар үшін - 46,16 теңге болса, бюджеттік ұйымдар, басқа тұтынушылар үшін және жылумен қамтамасыз ететін кәсіпорындар үшін &nbsp;(113,34 теңге; 123,35 теңге және 73,47 теңге) тарифтер қолданыстағы деңгейінде қалдырылды.Сондай-ақ &nbsp;«Нұра топтық су құбыры» РМК-ның «Арал» СЖКБД филиалына 1 шілдесінен бастап ұзақ мерзімді кезеңге тарифтер бекітіліп, биылға арналған суды магистральдық және таратушы жүйелер арқылы беру қызметі бойынша &nbsp;тарифі 492,22 теңгені, &nbsp;суды&nbsp;жергілікті таратушы желілер арқылы беру қызметі бойынша – 421,21 теңгені құрап отыр. Субъектімен халыққа субсидияланған тариф қолданылады, есепке алу аспаптары жоқ тұтынушыларға ҚҚС-мен 40 теңге мөлшерінде, есепке алу аспаптары бар тұтынушыларға ҚҚС-мен 30 теңге мөлшерінде төлейді. Ал&nbsp;«Қызылорда жылу электр орталығы» МКК-на биылғы 5 маусымнан бастап жылуен жабдықтау қызметіне 1Гкал-ға &nbsp;7968,47 теңгеге өзгерді, оның ішінде халыққа орташа босату тарифі &nbsp;ҚҚС-сыз 3386,1 теңгені құрады.Бұдан басқа, 15 сәуірден бастап Арал және Қазалы аудандарын электрмен жабдықтайтың «Дәулетэнерго» ЖШС-не шекті бағалары келісілген, орташа босату&nbsp;тарифі ҚҚС-сыз 24,61 теңге (3,9%) көрсетеді.Тұтынушылар топтары бойынша тарифтерді бекіту кезінде&nbsp;Мемлекет басшысының 2022 жылғы 1 қыркүйектегі "Әділетті мемлекет. Біртұтас ұлт. Берекелі қоғам" атты Қазақстан халқына Жолдауын іске асыру жөніндегі жалпыұлттық іс-шаралар жоспарының 3-тармағы (табиғи монополиялар саласында және қоғамдық маңызы бар нарықтарда тарифтерді тоғыспалы субсидиялаудан біртіндеп бас тарту) басшылыққа алынды.&nbsp;Соңында ол тұтынушылар топтары арасындағы тарифтерді теңестіруге әкелуге тиіс.Айта кететін жайт, «ҚазТрансГаз Аймақ" АҚ-ның&nbsp;Қызылорда өндірістік филиалының тауарлық газды бөлшек саудада өткізуінің бағасына келсек, онда ол осы сәтке дейін өзгеріссіз қалды. Яғни, халық үшін 1000 м3-ге ҚҚС-сыз 14577,4 теңге мөлшерінде (1 м3 ҚҚС-мен 16,327 теңге ).Сонымен бірге, ҚР Энергетика министрлігінің 31.05.24 жылғы №218 бұйрығымен&nbsp;Қазақстан Республикасының ішкі нарығында тауарлық газды көтерме саудада өткізудің шекті бағалары бекітіліп, біздің аумақ бойынша 2024 жылдың 1 шілдесінен 2025 жылдың 30 маусымына дейін баға 1000 м3 12136 теңгені құрады немесе өзгеруі 1 м3 - 2,02 теңге. Бұл өзгерістер және тауарлық газдың тасымалдау қызметінің уақытша төмендеген тарифінің мерзімі 1 шілдесінен аяқталуы тиесінше &nbsp;тауарлық газдың түпкілікті бағасының өзгеруіне әкеледі.<blockquote>Бұдан басқа, департамент тарапынан тұрақты негізде субъектілердің бекітілген инвестициялық бағдарламалар мен тарифтік сметаларының орындалуына бақылауды жүзеге асырады. Осылайша, 2022 жыл бойынша ұсынылған есептердің талдау қорытындысымен 2023 жылы 16 субъектіге 28-реттеліп көрсетілетін қызметтердің түрлері бойыншауақытша өтемдік тарифтер енгізілді, тұтынушыларға қайтарылған сомасы 883,0 млн. теңгені құрады және қолданыстағы тарифтер мөлшері 0,1% - нан 52,7% - ға дейін &nbsp;төмендеді. Осындай жұмыстар қазіргі уақыттада жалғасын табуда, − дейді К. Кеншембаева.</blockquote>&nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; &nbsp;Мейрамгүл Дауылбайқызы

Қазақстан және Қызылорда облысының жаңалықтары