<a href="https://kyzylorda-news.kz/">Kyzylorda-news.kz.</a> Қызылордада 17 желтоқсан күні 18 жастағы қала тұрғыны Айтөреева Дариға Рауанқызы үйінен белгісіз бағытқа шығып кетіп, қайта оралмаған.&nbsp;Ерекше белгілері: Бойы: 1,50 - 1,55 см, орта денелі, көзі қоңыр түсті, шашы қара түсті. Киімдері: қоңыр түсті күртеше, қара түсті шалбар, аяғына қоңыр түсті аяқ киім киген.<blockquote>«Аталған хабарлама бойынша қандай да бір ақпарат немесе жүрген жері туралы мәлімет білген жағдайда төменде көрсетілген телефон нөмірлеріне хабар берулеріңізді сұраймыз. Тел: 8(7242)-29-75-20 немесе 102 арнасына қоңырау соғуларыңызды сұраймыз», - делінген Қызылорда қаласы полиция басқармасының хабарламасында.&nbsp;</blockquote>

Қызылордада 18 жастағы бойжеткенге іздеу жарияланды 

Фото: НЗМ<a href="https://kyzylorda-news.kz/">Kyzylorda-news.kz.</a>&nbsp; Астанада өткен «INFORMATICS-ASIA» халықаралық компьютерлік жобалар байқауының қорытындысы бойынша Қызылорда қаласындағы Зияткерлік мектеп оқушылары екі жоба ұсынып, үздік атанды.Ақпараттық технологиялар саласын дамыту және дарынды оқушылардың үздік жобаларына қолдау көрсету мақсатында ұйымдастырылған әлемдік додаға 184 жоба ұсынылды. Сыр өңіріндегі Зияткерлік мектеп атынан қатысқан Жұлдызай Мұңайтбасова, Раушан Тұрғанбай мен Арайлым Әшірмет үй жағдайында жүрек ақауын анықтайтын электрокардиограф және саусақ ізі арқылы адам денсаулығы туралы ақпарат беретін өнертабыстарын таныстырды. Екі жоба да қазылар тарапынан жоғары баға алып, үздік деп танылды. Ал авторлары алтын медальдармен және Алматы Энергетика және байланыс университетінің толық грантымен марапатталды. Сонымен қатар, Арайлым Әшірметке Сүлейман Демирель атындағы университетде білім алуға 50 пайыз жеңілдік табысталды.

Қызылордалық зияткерлер халықаралық байқауда бірінші орын иеленді

Фото: «ҚазАвтоЖол» АҚ Қызылорда облысы бойынша филиалы<a href="https://kyzylorda-news.kz/">Kyzylorda-news.kz.</a>&nbsp; Қызылорда облысына қарасты Арал қаласы мен Қазалы ауданының аралығында жол жабық. Бұл туралы «ҚазАвтоЖол» АҚ Қызылорда облысы бойынша филиалы хабарлады.<blockquote>«19 желтоқсаннан бастап Қызылорда облысы ауа-райының қолайсыздығына байланысты (тайғақ) республикалық маңызы бар М-32 «Самара-Шымкент» автомобиль жолының 1361-1474 шақырым аралығына (Арал ауданы орталығынан, Қазалы ауданына дейін) барлық көліктердің қозғалысына шектеу қойылды», - делінген хабарламада.</blockquote> &nbsp; &nbsp;

Арал мен Қазалы аудандарында жол жабық 

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында тұрғындарды жұмысқа орналастырып беремін деп алдаған күдікті ұсталды.&nbsp;18 желтоқсан күні Қызылорда облысы Арал ауданының екі тұрғыны алаяқтың құрбаны болғаны жөнінде полиция бөліміне арызданған. Олардың айтуынша, өткен жылдың желтоқсан айында белгісіз азамат олардың сеніміне кіріп, жұмысқа тұрғызып беремін деп 1 млн теңге көлемінде ақшаны алдап алған. Бірақ осы күнге дейін уәдесін орындамаған азамат алған ақшасын да қайтармаған.&nbsp;Жедел-іздестіру шаралары нәтижесінде полиция қызметкерлері күдіктіні анықтап, қолға түсірді. Ол 34 жастағы Қызылорда қаласының тұрғыны болып шықты. Күдікті қалалық ПБ УҰИ-ға қамауға алынды.&nbsp;Қазіргі таңда аталған дерек бойынша Қазақстан Республикасы Қылмыстық кодексінің 190-бабының 1-бөлігімен сотқа дейінгі тергеп-тексеру әрекеттері жүргізіліп жатыр.&nbsp;

Қызылордада тұрғындарды жұмысқа орналастырып беремін деп алдаған күдікті ұсталды 

Фото: Қызылорда қаласы әкімінің баспасөз қызметі<a href="https://kyzylorda-news.kz/">Kyzylorda-news.kz.</a> &nbsp;Түрік-неміс компаниясы қала әкімдігімен әріптестік қатынас орнатуға ниетті. Бүгін «Торкам» холдингтің өкілдері шаһар басшысы Асылбек Шаменовпен кездесті.Кездесуде холдингтің директоры Дурмаз Адил Қызылорда қаласында арендалық тұрғын үйлер мен әлеуметтік нысандар салуға мүдделі екендігін жеткізді. Бұл компанияның Түркия, Германия, Нидерланды, Болгария, Алжир, Люксембург және Конго Демократиялық Республикасында шамамен 5000 адамнан тұратын командасы бар. Құрылыс саласында күрделі жобаларды жүзеге асыруда.Әлеуеті зор холдингтің ұсыныстарына қала әкімдігі тарапынан қолдау жасалады. Салынатын үйлер мен әлеуметтік нысандарға жер бөлініп, қажетті инфрақұрылым жеткізіледі. Ең басты талап – құрылыс жұмыстарына жергілікті тұрғындар тартылуы керек деді шаһар басшысы Асылбек Өмірбекұлы. Әзірге ұсынылған жоба мамандармен жан-жақты зерттеледі.<img src="https://knadmin.beoblood.kz/uploads/411221758_3501807463419320_4082554625872387029_n_13a7ba4ead.jpg" alt="411221758_3501807463419320_4082554625872387029_n.jpg">

Түріктер Қызылордада тұрғын үй салуға ниетті

Фото: Н.Нұржаубай<a href="https://kyzylorda-news.kz/">Kyzylorda-news.kz.</a> Қызылорда облысының прокуратурасы орта білім беру мекемелерінде тексеру жүргізуде.Алғашқы тексеру нәтижелерімен санитарлық-эпидемиологиялық талаптар мен өрт қауіпсіздігін бұзудың 200-ден астам фактісі анықталды.Кейбір мектептерде бейнебақылаудың «соқыр аймақтары» жойылмаған, жұмыс істемейтін бейнекамералар бар, салдарынан сапалы бақылауға кедергі келтіреді.<blockquote>«Информатика сабақтарында оқушылар бақылаусыз қалып, ересектер мен құмар ойындарға арналған сайттарға еркін кіруге мүмкіндік берілген. 26 мектепте мұғалімдерді конкурс өткізбей жұмысқа орналастыру фактілері анықталып, соттылығы бар және медициналық мекемелердің «Д» есебінде тұрғандар жұмысқа орналастырылған. &nbsp;Сонымен қатар, педагогтар жалған дипломмен жұмысқа қабылданғаны анықталып, олар бойынша қылмыстық іс тіркелді», - делінген облыс прокуратурасының хабарламасында.&nbsp;</blockquote>Мектептерді тексеру жұмыстары жалғасады.

Қызылордалық оқушылар информатика сабағында құмар ойындарының сайттарын еркін пайдаланған 

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Сырдария ауданына жұмыс сапары кезінде 80 отбасыға баспана кілтін табыстау рәсіміне қатысып, тұрғындарды құттықтады.<blockquote>«Мемлекет басшысы Қасым-Жомарт Кемелұлы «Егемен елімізді одан әрі дамыту – алдымызда тұрған басты міндет. Біз осы жолда аянбай еңбек етуіміз қажет. Сонда ғана Қазақстан қуатты мемлекетке айналады» деген болатын.Баспананы қолжетімді ету – Мемлекет басшысының тапсырмасымен Үкімет пен облыс әкімдігі тарапынан жүзеге асырылатын басты стратегиялық жоспарлардың бірі. Жыл сайын аймақта қолданысқа берілген тұрғын үй көлемі артып келеді. Биыл 4170 пәтерлік 300 тұрғын үйдің құрылысы жүргізілуде. Оның ішінде, 2500-ге жуық пәтер өз иелеріне табысталып, 11 мыңнан астам жерлесіміз жайлы үйге қоныстанды. Халықтың әлеуметтік осал топтары үшін 1000-нан астам пәтер сатып алынуда. Бұған дейін Арал, Қазалы, Жаңақорған, Шиелі, Жалағаш аудандарында 300-ден астам отбасы баспана қуанышына кенелді. Бүгін Сырдарияда 80 отбасы қоныс тойын тойлайды. Бұл – тұрғындардың әл-ауқатын арттыруға бағытталған мемлекеттік қолдаудың нақты көрінісі», – деді аймақ басшысы.</blockquote>Рәсімде Қызылорда қаласының ардагерлер кеңесінің төрағасы Сұлтанбек Тәуіпбаев пен мәдениет саласының ардагері Сандыбай Сәдуақасов баспана кілтін алған тұрғындарды құттықтап, бата берді. Сондай-ақ, үй құрылысын салуға атсалысқан жеке кәсіпкерлер және кенттің дамуына үлес қосқан азаматтар марапатталды.Жаңадан салынған 40 үйдің әрқайсысында 2 пәтерден бар. Пәтерлердің жалпы алаңы 65 шаршы метр, құрылысы биыл мамыр айында басталған болатын.Айта кетейік, биыл аймақ бюджеті өткен жылмен салыстырғанда 57 пайызға өсіп, 609 млрд теңгеге жетті. Оның ішінде, Сырдария ауданының бюджеті 11 млрд. теңгеден асты. Бұл ауқымды қаражат аудандағы кезек күттірмейтін түйткілдерді шешуге, тұрғындарының өмір сүру сапасын арттыруға бағытталды. Биыл республикалық және облыстық бюджеттен 38,5 млрд теңге бөлініп, 671 шақырым жол жөндеуден өтті. Осылайша облыстағы жақсы жағдайдағы жолдың үлесі 87,5 пайызға жетті. Сырдария ауданындағы 72 шақырым жолды жөндеуге 3,4 млрд. теңге бөлінді. Келесі жылы сапалы жолдардың үлесі 92 пайызға жетеді.Биыл 12 ауылдық елді мекенге газ кіргізілсе, келер жылға қаралған 4 млрд. теңгеге тағы 12 елді мекен «көгілдір отынмен» қамтылмақ. Оның ішінде, 962 млн. теңгеге Сырдария ауданының Сәкен Сейфуллин және Асқар Тоқмағамбетов ауылдық округтеріне газ тарту жұмыстары басталды.<img src="https://knadmin.beoblood.kz/uploads/411465200_660939699560611_9188950524429491887_n_774e0d8eb4.jpg" alt="411465200_660939699560611_9188950524429491887_n.jpg"><img src="https://knadmin.beoblood.kz/uploads/411478849_660966086224639_9089196598922109218_n_5733b57b1b.jpg" alt="411478849_660966086224639_9089196598922109218_n.jpg"><img src="https://knadmin.beoblood.kz/uploads/410930908_660966042891310_4985977394884391358_n_d36b402a71.jpg" alt="410930908_660966042891310_4985977394884391358_n.jpg">

Сырдария ауданында 80 отбасыға пәтер кілті табысталды

<a href="https://kyzylorda-news.kz/">Kyzylorda-news.kz.</a>&nbsp;Қазақстандықтар қаңтарда мерекеге орай бірнеше күн демалады.Қаңтарда Жаңа жыл және Рождество атап өтіледі. Бес күн жұмыс істейтіндер жаңа жылда жалпы саны төрт күн, яғни 2023 жылғы 30, 31 желтоқсанда, 2024 жылғы 1, 2 қаңтарда демалады, ал алты күн жұмыс істейтіндер 2023 жылғы 31 желтоқсанда, 2024 жылғы 1,2 қаңтарда демалады.&nbsp;2024 жылы Рождество жексенбіге сәйкес келеді, сондықтан басқа күнге ауыстырылмайды. Рождествода бес күн жұмыс істейтіндер 6,7 қаңтар, ал алты күн жұмыс істейтіндер 7 қаңтарда демалады.Сонымен, қаңтарда 5 күн жұмыс істейтіндер 1, 2, 6, 7, 13, 14, 20, 21, 27, 28 қаңтарда жалпы саны 10 күн демалады. Ал 6 күн жұмыс істейтіндер 1, 2, 7, 14, 21, 28 қаңтарда жалпы саны 6 күн демалады.&nbsp;

Қазақстандықтар қаңтарда қанша күн демалады? 

<a href="https://kyzylorda-news.kz/">Kyzylorda-news.kz.</a> 30 күннен асатын жыл сайынғы демалысқа шыққан азаматтардың басым бөлігі сақтандырылған мәртебесінен айрылғандарын айтады. Оған бірден-бір себеп – жарналар әр айға жеке-жеке түсу керек. Ал жұмыс берушінің бухгалтериясы төлемнің дұрыс жасалғанына сенімді. Әлеуметтік медициналық сақтандыру қорында жағдайды жан-жақты жіктеп, түсіндіріп берді.2023 жылдың 1 маусымынан бастап қазақстандықтар міндетті әлеуметтік медициналық сақтандыру аясындағы сұрақтармен 1414 қысқа нөміріне хабарласып, кеңес алады. &nbsp;Оның нәтижесінде қабылданбайтын қоңыраулар саны 15 есе – 489,5 мыңнан 31,6 мыңға дейін қысқарды. Бұл ретте жауап берілген қоңыраулардың үлесі 2,4 есе өсті: бұрын ол 37%-ды құраса, қазір 88,5%-ға жетіп отыр.&nbsp;<blockquote>&nbsp; «1414-ке көшу кезінде қоңырау шалушыларды толық қамтып, жауап күту уақытын 5 минуттан 18 секундқа дейін қысқарту міндеттері қойылды. Яғни көрсеткіш 16 есе жақсарды деуге болады», – деді Әлеуметтік медициналық сақтандыру қоры жеке және заңды тұлғалармен жұмыс жөніндегі департамент директоры Забира Оразалиева.&nbsp;</blockquote>Спикердің айтуынша, адамдар көбіне мәртебесін тексеру үшін немесе &nbsp;оны алу жолдарын сұрауға хабарласады. Мысалы, жазда және қараша айында 30 күннен астам күнге еңбек демалысына шығатын мұғалімдер мен дәрігерлер мәртебелерін қалпына келтіру жолдарын сұрап көп жүгінген. Яғни, мекеме бухгалтері демалысқа кеткен айға ғана жарна төлеп, келесі айда берешек қалыптасқан.&nbsp;Бұл жағдайда не істеу керек?«МӘМС туралы» Заңға сәйкес, сақтандырылған мәртебесін алу үшін өткен немесе алдағы 12 айға төлем болуы керек. Ал мәртебені сақтау үшін ай сайын үзбей жарна төлеп тұру қажет. &nbsp; Егер бір айды болсын өткізіп алса, қызметкер мәртебесін жоғалтады. Сол себепті жұмыс беруші қажет төлемдерді үзбей төлеу керек. Егер еңбек демалысы 30 күннен артық болса, МӘМС жарналары мен аударымдарын әр айға жеке жеке төлеу керек.&nbsp;Еңбек кодексінің 90-бабының 1-тармағына сәйкес, демалыс күндерін есептеу кезінде әр айдың күнтізбелік күндері ескеріледі. Тиісінше, аударымдар мен жарналар әр айға есептеледі. &nbsp;Еңбек демалысы бір айдан асса, МӘМС төлемдерін кезеңдер бойынша бөлу қажет.&nbsp;Яғни, еңбек демалысы күндерін есептеу кезінде әр айдың күнтізбелік күндері ескеріледі. Сондықтан аударымдар мен жарналар әр айға түсуі керек.Осылайша, демалыс бірнеше кезеңді (бір айдан астам) қамтыса, МӘМС төлемдерін кезеңдер бойынша бөлу қажет. Бұл алгоритм 1С бухгалтерия бағдарламасында іске асырылды. 2020 жылдан бастап «Профессионально PRO1C» порталында, сондай-ақ Павлодар облысының білім саласының бухгалтердік есебі жүйесінде түсіндірмелер бар. Бұл ақпаратты қызметкерін ұзақ демалысқа жіберетін жұмыс берушілер назарға алуы тиіс.Егер төлем қате жасалсаЕңбек демалысына шыққан барлық айларға жарна төленбесе, жұмыс беруші қате төленген аударымдар мен жарналарды қайтарып, жоғарыда көрсетілген алгоритмге сәйкес төлем жасай алады.Төлемдерді қайтару тәртібімен Қор сайтына кіріп танысуға болады («МӘМС-ГИД» бөлімі, ары қарай «Пациенттер үшін» - «Қате немесе артық төленген аударымдар мен жарналарды қайтару қалай жүзеге асырылады?»).Балама тәсілБұдан бөлек, жұмыс беруші ұзақ еңбек демалысына шыққан қызметкер үшін ең төменгі жалақы мөлшерінің 5 пайызы мөлшерінде дербес төлеуші ретінде МӘМС жарналарын төлей алады (2023 жылы – айына 3500 теңге).Жарналар 11 айға төленген болса&nbsp;Қорда атап өткендей, 11 айдың жұмыс қорытындысы бойынша демалысқа шығатын адамдардан да өтініштер көптеп түседі. Яғни, олар үшін МӘМС жүйесіне 12 айға төлем жасалмағандықтан, сақтандырылған мәртебі болмайды. Жұмыс беруші ол үшін 12-ші төлемді жіберген кезде ғана мәртебе беріледі.&nbsp;Кеңес алу үшін&nbsp;Естеріңізге сала кетейік, 1414 байланыс орталығы қоңырауларды сағат 9.00-ден 21.00-ге дейін қабылдайды, ал баламалы байланыс арналары арқылы өтініштерді тәулік бойы қалдыруға болады.Қорда атап өткендей, операторлар мәртебені тексеру және жарналарды төлеу, емханаға тіркелу, медициналық көмек алу мәселелері бойынша көмектесе алады. Сондай-ақ, пациенттің құқығын түсіндіріп, МӘМС жүйесінде сақтандырылған азаматтың мүмкіндіктері туралы айтып береді. Егер жағдай егжей-тегжейлі зерттеуді және медициналық ұйымнан түсініктеме алуды қажет етсе, онда өтініш екінші жолға беріледі. Қабылданған шешім өтініш берушіге хабарланады.Сақтандыру мәртебесін келесі жолдармен тексеруге болады: • Qoldau 24/7 мобильді қосымшасы • &nbsp;fms.kz ресми сайты • Telegram-дағы @SaqtandyrýBot&nbsp; • 1414 байланыс орталығы • Damumed мобильді қосымшасы • Halyk мобильді қосымшасы • BCC.KZ мобильді қосымшасы&nbsp; • Kaspi.kz мобильді қосымшасы • egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік &nbsp; қызметі арқылы. &nbsp;

Еңбек демалысы кезінде МӘМС мәртебесі сақталмаған жағдайда қайда жүгінеміз?

Фото: каратэ-до федерациясы<a href="https://kyzylorda-news.kz/">Kyzylorda-news.kz.</a>&nbsp; Қызылордада облыстық каратэ-до және күрес өнерлері ферерациясының ұйымдастыруымен 6-15 жас аралығындағы спортшылар арасында каратэден (WKF) қалалық ашық турнир өтті.Турнир мемлекеттік мереке мен еңбек ардагері Жақсылық Зимановты еске алуға арналды. Қалалық мәдениет және спорт бөлімінің қолдауымен өткен шараға «Аквалайн» ЖШС демеушілік көрсетті. Жарысқа 260 жас спортшы қатысты.Турнир қорытындысы бойынша Байқоңыр қаласы 50 медальмен 1-орынды, «Сарбаз» клубы 13 медальмен 2-орынды, №5 спорт мектебі 11 медальмен 3-орынды иеленді.Төрешілер шешімімен «Ката бағдарламасының ҮЗДІГІ» болып катист Ким Ева марапатталды. Сәбит Еңлік «Кумитэ бағдарламасының ҮЗДІГІ» атанды.Командалық кумитэ сайысы бойынша ұлдар арасында 1-орынды Қажымұқан спорт клубы жеңіп алса, қыздар арасында №2 спорт мектебі жеңіс тұғырына көтерілді.Турнирге қатысқан командалардың көрсеткіштері: 1. Сыр болашағы – 2 алтын, 1 қола.&nbsp; 2. Қажымұқан спорт клубы – 3 алтын, 2 күміс, 4 қола.&nbsp; 3. №1 спорт школа – 3 алтын, 7 күміс, 7 қола. &nbsp;&nbsp; 4. Мансұр спорт клубы – 2 алтын, 3 қола.&nbsp; 5. ОРМБЖМ – 1 алтын, 2 күміс, 5 қола. &nbsp; 6. Локомотив спорт клубы – 3 алтын, 5 күміс, 9 қола. &nbsp; 7. Сарбаз спорт клубы – 4 алтын, 4 күміс, 5 қола.&nbsp; 8. №2 спорт мектебі – 3 алтын.&nbsp; 9. №5 спорт мектебі – 4 алтын, 1 күміс, 6 қола.&nbsp; 10. Байқоңыр қаласы – 11алтын,12 күміс, 27 қола.&nbsp; 11. Қармақшы – 1 алтын, 2 күміс, 5 қола.<img src="https://knadmin.beoblood.kz/uploads/fdc0b838_461a_4900_b337_2716c2fe5550_c438669162.jpg" alt="fdc0b838-461a-4900-b337-2716c2fe5550.jpg">Фото: каратэ-до федерациясы<figure class="image"><img src="https://knadmin.beoblood.kz/uploads/92a5049b_6259_4aa9_94e4_7dec5a897ec0_d948b2a7e1.jpg" alt="92a5049b-6259-4aa9-94e4-7dec5a897ec0.jpg"></figure>Фото: каратэ-до федерациясы<figure class="image"><img src="https://knadmin.beoblood.kz/uploads/44fe7de5_174b_4c0b_bfa1_77e17ef4f3f9_ed5141bc56.jpg" alt="44fe7de5-174b-4c0b-bfa1-77e17ef4f3f9.jpg"></figure>

Қызылордада үздік каратэшілер анықталды

Фото: Tengrinews.kz<a href="https://kyzylorda-news.kz/">Kyzylorda-news.kz.</a> Ауыр атлетикадан төрт дүркін әлем чемпионы Илья Ильин тізесіне ота жасатты, деп хабарлайды <a href="http://ulysmedia.kz./">Ulysmedia.kz.</a>Әдетте, мұндай отадан кейін қалыпқа келу мерзімі шамамен алты айды құрайды. Алайда Ильин денсаулығы жақсы екенін, көп үзіліс алмайтынын айтты. Спортшы&nbsp; жаттығуға қайта оралуға асық екенін жеткізді.Былтыр Илья Ильин оқырмандарға шашын тақырлап алып тастағанын айтып, көпті таң қалдырған болатын. Кейін белгілі болғандай спортшы шашын қалыңдату үшін Түркияға барып, арнайы кішігірім ота жасатқан.&nbsp;Айта кету керек, мұндай процедурасы сиреп қалған шашты қалыңдату үшін арнайы ота арқылы жасалады. Адамның бас терісіне шаш талшықтары орналастырылады. Ота жергілікті анестезия арқылы жүзеге асырылады. &nbsp;

Илья Ильинге шұғыл ота жасалды

Фото: Н.Нұржаубай<a href="https://kyzylorda-news.kz/">Kyzylorda-news.kz.</a> 2024 жылғы 1 қаңтардан бастап жұмыс берушілер өз қаражаты есебінен міндетті зейнетақы жарнасын аудара бастайды. Ол 2024-2028 жылдар аралығында 1,5%-дан 5%-ға дейін кезең-кезеңімен өсуге тиіс. Осылайша зейнетке шыққан кезде бұл жұмыскерлер қосымша жинақтаушы зейнетақы төлемімен қамтамасыз етіледі, деп хабарлайды <a href="https://kaz.inform.kz/">Kazinform</a>.Бұл шара әсіресе жас қазақстандықтарды қолдауға бағытталған.Олардың зейнетақысы аударымына тікелей байланысты болады.Олардың зейнетақысы үш компоненттен: мемлекеттен базалық зейнетақы, жинақтаушы зейнетақы&nbsp;— Бірыңғай жинақтаушы зейнетақы қорына аударым есебінен және шартты-жинақтаушы зейнетақы&nbsp;— жұмыс берушілердің жарнасы есебінен құралады.ЖМЗЖ енгізу, әсіресе, ынтымақты өтілі жоқ (1998 жылға дейін) немесе ынтымақты жүйедегі өтілі аз&nbsp;азаматтар үшін өзекті.Осылайша әлемдік тәжірибені ескере отырып, азаматтарды зейнетақымен қамсыздандыру үшін мемлекеттің, жұмыс берушінің және қызметкердің ортақ жауапкершілігі болады.Салық кодексіне сәйкес салық салынатын табыстан шегерімге жатқызылғандықтан, тиісінше жұмыс берушінің ЖМЗЖ төлеу шығыны елеусіз деңгейде қалатынын атап өту қажет.

Қазақстан және Қызылорда облысының жаңалықтары