<a href="https://kyzylorda-news.kz/">Kyzylorda-news.kz</a> «Таза Қазақстан» экологиялық акциясы аясында Жалағаш ауданында сенбілік ұйымдастырылды. Тазалық жұмыстарына мекеме қызметкерлерімен қатар, көше тұрғындары да белсенді қатысып, айналаны таза ұстауға өз үлестерін қосты.Жалағаш ауданының әкімі Ардақ Ибраимов сенбілік аясындағы жұмыстарды аралап көріп, жауапты сала басшыларына санитарлық тазалықты жүйелі жүргізу, жасыл желектерді күтіп ұстау, аяқсуды уақытылы жеткізу бойынша нақты тапсырмалар берді. Сонымен қатар, ортақ іске белсене атсалысқан тұрғындарға ризашылығын білдірді.Акция барысында кенттегі негізгі көшелер мен жаяу жүргіншілер жолдары тазартылып, көше бойындағы ағаштар әктелді. Қураған бұтақтар кесіліп, жол жиектері мен сызықтары жаңартылды.Жиналған қоқыс қалдықтары мен шабылған арамшөптер арнайы техниканың көмегімен белгіленген орындарға шығарылды.Айта кетейік, сенбілік тек Жалағаш кентінде ғана емес, барлық ауылдық округтерде де өтті. Алдағы уақытта тағ ыда тазалық жұмыстары атқырылып, аудан тазалығы үшін бірқатар істер жасалады.Аудан әкімі тазалық жұмыстарын өз бақылауына алатынын және де аталған мәселеге қатысты тиісті сала мамандары жұмыс жасайтынын жеткізді. &nbsp;<img src="https://knadmin.beoblood.kz/uploads/FB_IMG_1751705834522_0d7d845982.jpg" alt="FB_IMG_1751705834522.jpg">

Тұрғындар тазалыққа атсалысты

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Мәжілісінің депутаты, «AMANAT» партиясының фракция мүшесі Мұрат Абенов Президент саябағын қайта жаңарту жұмысымен танысты.&nbsp;Жаз мезгілінде қалалықтардың қалаулы демалыс алаңына айналған саябақта ендігі кезекте жаңа тынығу орындары, субұрқақтар көп болмақ. Сондай-ақ, аттракцион орнату да жоспарланған.Партияның облыстық филиалының төрағасы Алмасбек Есмаханов пен қала әкімі Нұржан Ахатов Мәжілісменді құрылыс жұмыстарының барысымен таныстырды.&nbsp;Бұған дейін саябақ аумағында өсіп тұрған 50 мыңнан аса түп ағаштардың бірқатарын қаланың өзге де аумақтарына қайта отырғызу жұмыстары жүргізілді.Нәтижесінде, қаланың орталық көшелерінде шырша ағаштары, декоротивті түптерді көптеп кездестіруге болады.&nbsp;2007 жылдан бері алғаш рет жаңғырту жұмысынан өткен саябақ ел игілігіне табысталғаннан кейін онда &nbsp;«тұманды субұрқақ», «айналмалы доңғалақ», «тамақтану аумағы», «Амфитеатр», «балалар ойын алаңы», «балалар футбол алаңы», аттракцион алаңы, Скейт парк, Памп трек, футбол алаңы, Стритбол алаңы, Теннис корты, Баскетбол алаңы, Воркаут алаңы, Шахмат ойын алаңдары, велосипед жолы және т.б. жобалар қаралған. Сондай-ақ, алдағы уақытта саябақтың арғы аумағынан жаңа тұрғын үй кешендері бой көтермек. Қазірде құрылыс жұмыстары қарқынды жүргізілуде.&nbsp;Айта кетейік, саябақтағы құрылыс жұмыстарының жалпы құны: 14 935 967,2 мың теңгені құрайды.

"AMANAT": Президент саябағында қарқынды жұмыс атқарылуда

<a href="https://kyzylorda-news.kz/">Kyzylorda-news.kz</a> Қармақшы ауданында «Таза Қазақстан» экологиялық акциясы аясында аудан аумағын тазарту және абаттандыру мақсатында кең көлемді сенбілік ұйымдастырылды.Тазалық жұмыстары барысында көшелер, саябақтар мен қоғамдық орындар тұрмыстық қалдықтардан тазартылып, жасыл желектер ретке келтірілді. Жиналған қоқыстар арнайы техникалармен аудан сыртына шығарылды.Аудан әкімі Жандос Еркінбек сенбілікке қатысып, тазалық шараларының ұйымдастырылуын бақылап, санитарлық талаптардың сақталуын қадағалады.Қоршаған ортаны қорғауға бағытталған сенбілік алдағы уақытта тұрақты түрде ұйымдастырылып, аудан аумағын абаттандыру жұмыстары жалғасын табады.Фото: freepik.com

Сенбілік жұмыстары жалғасуда

<a href="https://kyzylorda-news.kz/">Kyzylorda-news.kz</a> Қызылорда қаласының астана болып жарияланғанына 100 жыл толуына орай ұйымдастырылған «Тарихтың таңбасы, рухтың ордасы – Қызылордам» атты облыстық өнер байқауында Қармақшы ауданының өнер ұжымдары жоғары дайындық пен кәсіби шеберліктің нәтижесінде жүлделі І орынды иеленді.Байқау аясында аудан атынан қатысқан өнерпаздар тарихи тақырыпты көркем жеткізіп, туған өлке рухын сахнада жан-жақты ашып көрсетті. Әрбір қойылым мазмұны мен көркемдік деңгейі жағынан жоғары бағаланып, көпшіліктің ыстық ықыласына бөленді.Бұл жетістік – Қармақшы ауданының өнер мен мәдениет саласындағы жүйелі жұмысының жемісі. Рухты жаңғыртып, ауданның мәртебесін биіктеткен барлық қатысушылар мен шығармашылық топтарға шынайы алғысымызды білдіреміз!Қармақшы – өнердің ордасы, рухтың мекені!Айта кетейік, аталған байқау – туған өлкенің рухани мұрасын ұлықтау, ұлттық құндылықтарды дәріптеу мақсатында ұйымдастырылған игі шара.Мұндай өнер байқаулары Сыр өңірінде жиі ұйымдастырылып тұрады. Аталған байқау сырбойылық көрермендердің рухын көтеріп, рухани мәдениетін байытуға үлкен септігін тигізеді.

Қармақшылық өнерпаздар облыстық байқауда үздіктер қатарынан көрінді 

<a href="https://kyzylorda-news.kz/">Kyzylorda-news.kz</a> Жұмыс сапары аясында ҚР Парламенті Мәжілісінің депутаты Мархабат Жайымбетов Мақпалкөл ауылдық округіндегі «Ер-Әлі» шаруа қожалығында болып, су үнемдеу технологиясын қолдану арқылы жүзеге асырылып жатқан егін шаруашылығы жұмыстарымен танысты.&nbsp;Аталған қожалық биыл 10 гектар жерге тамшылатып суару әдісімен картоп, қауын, қарбыз, сәбіз дақылдарын еккен. Қазіргі таңда егіннің шығымы жаман емс.&nbsp;Соңғы 2-3 жылда шаруашылық күрішпен қатар көкөніс және бақша өнімдерін де өсіруді қолға алып, өнім түрлерін әртараптандыруға айрықша көңіл бөліп келеді. Себебі, жергілікті табиғи өнімдерге сұраныс жоғары.&nbsp;Айта кету керек, ауданда соңғы жылдары күріш егістігімен қатар көкөніс пен бақша дақылдарын өсіру ісіне ерекше мән берілуде. «Ер-Әлі» шаруа қожалығы тегіс емес және тың жерлерді игере отырып, шетелден әкелінген заманауи тамшылатып суару технологиясын тиімді қолдану арқылы суды үнемдеп, жоғары өнім алуға еңбек етіп келеді.&nbsp;Мәжіліс депутаты ауыл шаруашылығындағы осындай бастамаларға оң бағасын беріп, суды үнемдеу, жерді тиімді пайдалану және өнім көлемін ұлғайту бағытындағы жұмыстарға ризашылығын білдірді. Сондай-ақ, тамшылатып суару технологиясы арқылы өңірде су тапшылығы жағдайында да тұрақты әрі сапалы өнім алуға мүмкіндік бар екенін атап өтті.Фото: Жалағаш ауданы әкімінің баспасөз қызметі

Егінді әртараптандыру бағытындағы жұмыстармен танысты

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты Мұрат Әбенов Өнер орталығында өткен &nbsp;Қорқыт Ата атындағы Қызылорда университеті «Педагогика және дәстүрлі өнер», «Экономика және құқық» институттарының бітіруші түлектеріне диплом табыстау кешіне қатысты.2024-2025 оқу жылының қорытындысы бойынша Қорқыт ата атындағы Қызылорда университетін барлығы 2579 түлек бітіруде. Оның 2336 бакалавриат, 243 магистратура. Оның 196 үздік диплом иегерлері бар.Салтанатты шарада құттықтау сөз алған халық қалаулысы түлектерді құттықтап, университет ұжымы білім саласының дамуы мен &nbsp;жас ұрпақты оқыту мен тәрбиелеудегі қажырлы еңбектеріне ризашылығын білдірді. &nbsp;Сондай-ақ магистратура білім беру бағдарламалары бойынша университет түлектеріне диплом табыстады.

Университет түлектеріне диплом табысталды

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісіндегі «AMANAT» партиясы фракциясының мүшесі Мархабат Жайымбетов Жалағаш ауданына жұмыс сапары аясында ауданымызда жаңадан ашылған «Руханият» орталығының жұмысымен танысып, ауданның зиялы қауым өкілдерімен мазмұнды кездесу өткізді. Айта кетейік, былтырдан бері барлық 7 ауданда құны 11 млрд. 500 млн. теңгені құрайтын, ішінде неке қию залы, кітапхана, музей, архив, жастар сарайы, ардагерлер мен аналар үйі бар «Руханият орталықтары» салынып, пайдалануға берілді. Орталықтың тынысымен танысу барысында, ел руханиятына серпін беретін осындай игі бастамаларға сәттілік тілеп, орталық ұжымын ашылуымен құттықтады.<blockquote>«Мұндай нысандар – халықтың мәдени және рухани өрісін кеңейтетін маңызды орталықтар. Төл құндылықтарымызды ұрпақ бойына сіңіруде бұл орталықтың орны ерекше болады деп сенемін», – деді Мархабат Жайымбетов.</blockquote>Зиялы қауым өкілдерімен кездесу барысында ұлттық құндылықтар, жас ұрпақ тәрбиесі, рухани даму мен мәдениет саласын қолдау бағытында ой-пікірлер ортаға салынды. Зиялы қауым ел болашағы үшін жасалып жатқан жұмыстарға қолдау білдіріп, депутаттардың халықпен кездесуі халықпен ашық әрі нақты байланыс орнатудың көрінісі. Ел мүддесі жолындағы заң жобалары, әлеуметтік саладағы бастамалар мен инфрақұрылымға қатысты түйткілдер жөнінде есеп беру – халық сенімін ақтауға бағытталған игі қадам екенін айтты. Еркін форматта өткен кездесуде &nbsp;ауыл ақсақалдары мен зиялы қауым өкілдері ұсыныс-пікірлерін де жеткізді. Онда зейнет ақы мәселесі, жұмыспен қамту, ауыл инфрақұрылымы секілді маңызды әлеуметтік мәселелер де назардан тыс қалмады.

Фракция мүшесі Жалағаштық тұрғындармен кездесті

<a href="https://kyzylorda-news.kz/">Kyzylorda-news.kz</a> Аймақта екінші рет Ұлттық Домбыра күніне және атақты күйші Мырза Тоқтаболатұлының 175 жылдық мерейтойына арналған «Сыр толқыны» атты II республикалық күйшілер байқауы өтеді.Өнер додасына Ақтау, Орал, Алматы және Қызылорда қалаларынан талантты күйшілер қатысады. Байқау мақсаты - қазақтың күй өнерін насихаттап, ұлы күйшілердің мұрасын келер ұрпаққа жеткізу, жас орындаушыларға қолдау көрсету.<blockquote>«Сыр толқыны» байқауы күй өнерінің дамуына серпін беріп қана қоймай, өңірлер арасындағы мәдени байланысты нығайтуға да ықпал етеді деп айтуға толық негіз бар.Қатысушылар Мырза Тоқтаболатұлының және басқа да ұлы күйшілердің шығармаларын орындайды.Оларды елімізге белгілі күйшілер бағалайтын болады.- Бұл байқаудың Қызылордада өткізілуі біз үшін үлкен мәртебе. Сыр елі - терме мен күйдің, жыраулық өнердің қасиетті ордасы. Осы топырақта дүниеге келген күйші Мырза Тоқтаболатұлының 175 жылдығына арналған бұл шараны Сыр елінде өткізу тарихи сабақтастықты жалғастыру, ұлттық өнерге деген шынайы құрметтің көрінісі. Байқау жас таланттарға шабыт беріп, күй өнерінің жаңа есімдерін танытатынына сенеміз. Еліміздің түкпір-түкпірінен келген домбырашыларға сәттілік тілеймін. Бұл өнер мерекесі баршамызға рухани қуат сыйлайды деп ойлаймын,- деді Талғат Бақытбекұлы.- «Сыр толқыны» байқауының Қызылордада өтіп жатқанына ерекше қуаныштымын. Осындай тарихи жерде күй сайысының ұйымдастырылуы үлкен мәртебе. Біздің басты мақсатымыз - жас таланттарды анықтап, олардың шығармашылығына қолдау көрсету. Байқауға қатысып жатқан домбырашылардың бәрі де өнерге шынайы берілген, болашағынан зор үміт күттіретін орындаушылар. Осы жобаны ұйымдастыруға мұрындық болған облыстық филармония директоры Талғат Мақашевқа алғысымды білдіремін. Барша қатысушыларға сәттілік тілеймін. Күй күмбірі ешқашан үзілмесін,- деді Төлепберген Төреахметұлы.</blockquote>- Шыны керек, соңғы жылдары Сыр елінде күй өнері кенжелеп қалғаны рас. Десе де, осындай ауқымды байқаулардың өтуі ұлттық мұрамызға серпін беріп, домбыра үнін қайта жаңғыртады деп сенеміз. Мен де осы байқауда қазылық ететін боламын. Қатысушылардың шеберліктерін, орындаушылық мәдениетін, шығармашылық көзқарасын әділ бағалауға тырысамыз. Жарыс оңайға соқпайтыны анық. Себебі әр өңірден келген домбырашылар мықты дайындықпен келген. Сәттілік болсын,- деді Мүсілім Балтабайұлы.- Сыр елінің қонақжайлылығын бірден сезіндік. Байқаудың деңгейі жоғары, қатысушылардың барлығы да талантты, дайындықтары мықты. Әрине, жеңіс - мықтыныкі. Біз де барымызды салып, өз өнерімізді лайықты түрде көрсетеміз деп ниеттеніп отырмыз,- деді Айшолпан Қасымова.

"Сыр толқыны" ІІ республикалық күйшілер байқауы бастау алмақ

<a href="https://kyzylorda-news.kz/">Kyzylorda-news.kz</a> Бүгін облыс әкімдігінің мәжіліс залында облыстық дене шынықтыру, спорт және туризм басқармасының басшысы Бахтияр Ғарифоллаұлының төрағалығымен «Байқоңыр» кешенінде туризмді дамытудың 2029 жылға дейінгі тұжырымдамасын іске асыруға арналған арнайы жиын өтті.Жиынға «Kazakh Tourism» ұлттық компаниясы» АҚ басқарма төрағасының міндетін атқарушы Даниел Сержанұлы, бас менеджер Лейла Бақытова, Қызылорда облысы кәсіпкерлер палатасының директоры Пірмұхаммед Сыздық, «Атамекен» Ұлттық кәсіпкерлер палатасы туризм департаментінің басқарушы директоры Дамеля Құнанова, сондай-ақ «Контакт» агенттігінің директоры Елена Когай қатысты. Сонымен қатар, ҚР Президентінің «Байқоңыр» кешеніндегі арнаулы өкілдігі және Қармақшы ауданы әкімдігі жиынға тікелей байланыс арқылы қосылды.Басқарма басшысы өз сөзінде өңірдің негізгі туристік аймағы саналатын «Байқоңыр» ғарыш кешенінің әлеуетін арттыру мақсатында арнайы жоба әзірленгенін және нақты шаралар қабылданып жатқанын атап өтті.<blockquote>– «Байқоңыр» – қала мен ғарыш айлағын біріктіретін, баламасы жоқ бірегей кешен. Бүгінде «Байқоңыр» кешенінің туристік әлеуетін арттыру бағытында 2024–2027 жылдарға арналған Қызылорда облысының туризмді дамыту жөніндегі Жол картасы бекітілді. Сонымен қатар, ҚР Премьер-Министрі Олжас Бектеновтің тапсырмасына сәйкес, «Байқоңыр» кешенінде туризмді дамыту тұжырымдамасының жобасы әзірленді. Бұл жоба «Kazakh Tourism» ұлттық компаниясымен бірлесе жүзеге асырылуда. Ендігі міндет – осы бағыттағы жұмысты жалғастырып, тиімді ұсыныстар мен нақты тәсілдерді іске асыру, – деді Бахтияр Ғарифоллаұлы.</blockquote>Жиын барысында «Kazakh Tourism» ҰК» АҚ басқарма төрағасының міндетін атқарушы Даниел Сержанұлы тұжырымдама жобасын таныстырып, аталған кешенді дамытудың өзекті мәселелеріне тоқталды. Соның ішінде зымыранның ұшырылуын тамашалауға келетін туристерге жергілікті тауар өндірушілердің өнімдерін ұсыну, Байқоңыр қаласынан туристерге арналған арнайы сапар орталығын ашу мәселесі туралы кеңінен тоқталды. Осы ретте айтылған ұсыныстар ескеріліп, тұжырымдама аясындағы іс-шаралар жоспарына енгізілетін болады.Байқоңыр – жер бетіндегі аспанмен тілдесетін ең ерекше қасиетті мекен. Ғарышқа алғаш жол ашқан Байқоңыр – тек ғарыш айлағы ғана емес, адамзаттың шексіз мүмкіндіктерін паш еткен тарихтың алтын белгісі ретінде еске түседі. Қазіргі таңда дәл осы ғарыш қақпасына ерекше қызығушылық білдірушілер саны жылдан-жылға артып келеді. Сәйкесінше жыл басынан бері Байқоңыр ғарыш айлағынан 3 зымыран тасығыш ұшырылып, оны тамашалауға 4 мыңға жуық турист келген. &nbsp; Жоспар бойынша жыл соңына дейін тағы 3 зымыран тасығыштың, оның ішінде бір басқарылатын кеменің ұшырылуы жоспарлануда.

Туризмді дамыту мәселесі қаралды 

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісіндегі «AMANAT» партиясы фракциясының мүшесі Мархабат Жайымбетов Жалағаш ауданына сапары барысында өңірдегі ауыл шаруашылығының өзекті мәселелерімен танысты. Арнайы «Ер-Әлі» шаруа қожалығында болып, су үнемдеу технологиясы арқылы жүргізіліп жатқан жұмыстарды көрді.Биыл «Ер-Әлі» шаруа қожалығы жалпы ауданы 12 га жерге өнім орналастырған. Оның 8 га картоп, 0,3 га сәбіз, 2 га қауын, қарбыз еккен. Оның ішінде 20 гектарына осы су үнемдеу технологиясын қолданып отыр.Тиімді әрі заманауи тәсілге көшу бағытындағы оң өзгерістермен таныстырған қожалық төрағасы Әліби Бекжанов суды үнемдеу технологиясы мен субсидия бойынша бірқатар ұсыныстарын жеткізді. Халық қалаулысы күріш алқаптарын аралап, еңбек адамдарымен пікірлесіп ел экономикасының негізі саналатын агросалаға жасалып жатқан қолдауларды да жеткізді. Олардың ұсыныс-тілектерін де тыңдады.«Заманауи агротехнологияларды қолдана отырып, ауыл шаруашылығын тиімді жүргізу – бүгінгі күннің басты міндеті. Су ресурстарының тапшылығы жағдайында әр тамшы суды ұтымды пайдалану аса маңызды. Мемлекет басшысы еңбекке жағдай жасап, жұмысшы мамандықтарды құрметтеп, ауыл еңбеккерлерінің тыныс-тіршілігін жақсарту қажеттігін үнемі айтып келеді. Қазір Үкімет пен партия тарапынан да осы бағытта үлкен жобалар қолға алынып жатыр. Ауылдық жерлердегі инфрақұрылымды дамыту, кәсіпкерлікті қолдау және суармалы жерлерді тиімді пайдалану бағытындағы жұмыстар жалғаса беретін болады», -деді Мархабат Жайымбетов.&nbsp;

Әр тамшы суды ұтымды пайдалану маңызды

<a href="https://kyzylorda-news.kz/">Kyzylorda-news.kz</a> Бүгін Қызылорда облысының әкімі Нұрлыбек Машбекұлы Нәлібаев, Парламент Мәжілісінің депутаты Мұрат Әбенов, Қызылорда облыстық мәслихат төрағасы Мұрат Тілеуімбетов «Қызылорда Саз М» ЖШС жаңа кірпіш зауытының жұмысымен танысты.Зауытты орналастыру үшін өңірлік үйлестіру кеңесінің шешімімен 7 гектар жер телімі бөлінген. Бүгінде зауыт пен әкімшілік-тұрмыстық ғимараттың құрылысы аяқталып, қажетті жабдықтар толық орнатылған.&nbsp;Осы кезде өндірістік жабдықтар іске қосылып, зауыт техникалық режимде жұмысын бастады. Аумақты абаттандыру, көгалдандыру жұмыстары да &nbsp;жүргізілуде. Жақын күндері ашылу рәсімі өтеді.&nbsp;Зауыттың басты ерекшелігі – өндіріс процесі толық автоматтандырылған. Экологиялық жағынан да тиімді, яғни басқа кірпіш зауыттарындағыдай көмірмен күйдірмейді.Жаңа технологиялар өндірістің тиімділігін арттырып, өнім сапасын жоғары деңгейде сақтауға мүмкіндік береді. Жылына 90 миллион кірпіш өндіруге есептелген кәсіпорын толық іске қосылғанда 70 адамды тұрақты жұмыспен қамтиды.Алдағы уақытта аталған зауытта тұрақты түрде жүйелі жұмыс атқарылатын болады. Облыс әкімі тиісті сала мамандарына жауапкершілік жүктеді.

Қызылордада жылына 90 млн кірпіш өндіретін зауыт іске қосылады

<a href="https://kyzylorda-news.kz/">Kyzylorda-news.kz</a> Арал ауданы бойынша тазалық жұмыстары жиі жүргізіліп келеді. Айналаның шашылмауы, көзге көрінетін аймақтардың қоқыстан таза болуы үшін сенбілік жұмыстары бүгін де қарқынды жүргізілді.Мемлекет басшысының «Таза Қазақстан» экологиялық акциясы аясында қолға алынып келе жатқан тазалық жұмыстарына бұл жолы да барлық мекеме қызметкерлері мен қала тұрғындары үлес қосып, өз аулаларына тазалық жұмыстарын жүргізді. Мұнан бөлек түрлі аумаққа белгіленген сектор бойынша тазалық жұмыстары қарқын алып, қаланың әр бөлігі қоқыстан тазаланып, жол жиегін құмнан тазалау, әкетеу және сырлау жұмыстары жүргізілді.Туған өлке, қошаған ортаға деген жанашырлықтың үлгісін танытып, тазалық жұмыстарында белсенді болу үлкен маңызға ие. Себебі үздіксіз жүргізілген тазалықтың арқасында қаламыз таза әрі көрікті мекенге айналып келеді.

Архив