<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаев қытайлық инвесторлармен кездесіп, өңірде шыны талшық өндіру зауытын және күн электр станциясын салу жобаларын талқылады. Аймақ басшысы облыстың бұл бағытта айтарлықтай әлеуетке ие екенін атап өтті.<blockquote>«Облыс аумағында шыны талшық өндірісін толық көлемде іске қосу үшін қажетті минералды шикізаттың бай қоры бар. Бұл өндіріс үшін кварц құмы, бор ангидриді, сода, натрий сульфаты, калий, әктас, доломит, магнезит, глинозем, қорғасын оксидтері сияқты шикізаттар қажет. Осы минералдардың барлығы облыс аумағында қолжетімді», – деді Нұрлыбек Машбекұлы.</blockquote>Аймақтың географиялық орналасуы мен климаттық жағдайы күн мен жел энергиясын молынан өндіруге мүмкіндік береді. Бүгінде облыста жалпы қуаты 89 МВт болатын 9 күн-электр станциясы жұмыс істейді. Оның үшеуі шетелдік инвесторлардың қатысуымен салынған. Қуаттылығы 201,5 МВт болатын тағы 6 жоба қолға алынған.Мамандардың айтуынша, облыста күн энергиясының әлеуеті жылына 32 триллион кВт/сағат, ал жел энергиясы 2,7 триллион кВт/сағат. Күн сәулесінің түсу ұзақтығы орта есеппен 3000 сағатқа дейін жететінін ескерсек, бұл бағытта жаңа жобаларды жүзеге асыруға өте қолайлы жағдай қалыптасқан.Аймақ басшысы қытайлық инвесторларға жобаларды орналастыру үшін «Қорқыт Ата» арнайы экономикалық аймағын ұсынды. АЭА қатысушыларына Қазақстан Республикасының заңнамасына сәйкес бірқатар салықтық және кедендік жеңілдіктер беріледі. Оларды корпоративтік табыс салығы, кедендік баждар, жер және мүлік салығынан, жер учаскесін пайдаланғаны үшін төлемақыдан босату қарастырылған.Бұдан бөлек, мемлекет жобаларды іске асыру үшін қажетті инженерлік-коммуникациялық инфрақұрылыммен қамтамасыз етеді және кейіннен сатып алу құқығымен жер учаскесін тегін жалға береді.Кездесу соңында аймақ басшысы әкімдік тарапынан жан-жақты қолдау көрсетілетінін жеткізді.Фото: Қызылорда облысы әкімінің баспасөз қызметі

Облыс әкімі қытайлық инвесторлармен кездесті

ЖолбасыАуылдан автобусқа асы­ға мінген Әбдіманап аудан ор­та­лығына бет алған. Мақ­са­ты – Жаңақорған ауда­нын бас­қаратын үлкен кісілер­мен жолығу. Мүмкін болса пар­тия­ның аудандағы бірінші хатшысы Ғафур Мұхамед­жановтың өзі­не кірмек. Мектепті енді ғана тәмамдаған балаң жігіттің ау­дан басшысына айтатын ба­зынасы бар. Ол әкесінің үкі­мет алдындағы қарызын өзі өтей­тінін айтып, соған бірінші хат­шыдан рұқсат алмақшы. Не ай­тып, не қоярын күні бойы әбден ойланды. Әр сөзіне дейін нығарлап, нақты жеткізу үшін іштей дайындалып та алды. Со­дан автобустан түсе сала аудан басшылары отыратын кеңсеге жылдам жүріп келді.– Сәлеметсіз бе, аудан бас­шысына жолығуым керек еді, – деді қабылдау бөліміне кірген бойдан..– Ол кісі бос емес, – деді хат­шы. – Оның үстіне алдыңда қанша адам бар. Босамауы да мүмкін.– Қалай да кіруім керек.– Бос емес. Сөзге түсінбейтін қандай адамсыз өзіңіз?– Адам тағдыры шешілетін мәселе. Кіргізбесеңіз болмайды.– Мұнда келгендердің бар­лығы неше түрлі мәселемен ке­леді. Жалғыз сен ғой деймісің?Осы жолы есік аузындағы хатшының дауысы қаттырақ шығып кетсе керек, төргі каби­неттен бір кісі шығып «не ай­қай?» деп, бұларға сұраулы жүз­бен қарады. Сол-ақ екен «мы­на бала сізге жолығамын деп қоймай тұр» деді хатшы әл­гі кісінің алдында ақталғандай болып. Ол болса Әбдіманапты бастан-аяқ бір шолып шықты да «кір» деді баспен нұсқап.– Аға, мен майдангердің ұлымын. Есімім – Әбдіманап. Әкем Балтақожа Отан соғысына қатысып, оқ пен оттың ортасынан аман келген жауынгер. Бірақ сол соғыстан аман келген әкем бей­біт өмірде сотталайын деп жатыр.– Не дейді тағы? Бүгежек­те­мей мән-жайды ашып айтшы.– Менің әкемнің аты – Бал­тақожа. Ол колхоздың жылқы завфермасы болып жұмыс іс­тейді. Үкіметке ет өткізу межесі таяғанда әлгі жылқылары ұс­татпай, Қызылдың құмында қа­шып жүр. Ұстағанын ұстады, ұстай алмағаны ізім-қайым жоқ десек те болады. Әбден жа­ба­йыланып кетіпті. Бой бер­мейді. Әкемді соттатпай, бүкіл қарызын менің мойныма жазыңыздар. Күндіз-түні жұмыс істесем де өзім өтеймін.Екеуара әңгіме осылай өр­біді. Жаңақорған ауданындағы партия комитетінің бірінші хат­шысы Ғафур Мұхамеджанов әке­сі үшін жанын беруге даяр тұрған ұлдың әрекетіне сүйсін­ді. Іштей «біздің ертеңіміз, міне, осылар ғой» деді жылы жымиып. – Әкең сотталмайды, бәрі сен қалағандай болады. Аман бол, Әбдіманап, – деп арқасынан қа­ғып, шығарып салды.Осы сәтте Әбдіманаптың үстінен үлкен бір жүк түскендей еді. Өзі де бағаналы бері мән бермепті. Аудан басшысы жүзі жылы, дегдарлығы көзінен кө­рініп тұратын, әр сөзінен адами қасиеті аңғарылатын кісі екен. Осыдан бастап Әбдіманаптың үлкен өмірге қадам басқан соқ­пақты жолы басталды. Бұл ке­ңестік кезеңде адал еңбегімен талайға үлгі болған, мағыналы ғұмыры жас ұрпаққа өнеге ету­ге тұрарлық, Сыр өңірінің ай­бынды азаматы Әбдіманап Шайх­назаров еді.Трактор руліндегі өмірӘбдіманап Шайхназаров Ға­фур Мұхамеджановпен кез­дес­кеннен кейін алты айлық ме­ханизаторлар курсын тәмам­дап, трактор тізгіндеуге кірісті. Иығының бір жағында әке қа­рызы тұрса, бір жағында әлі же­тіле қоймаған іні-қарын­дастары тұр. «Ер жігіттің мойнындағы қыл арқан шірімейді» деген рас екен. Трактор тізгіндеген күннен бастап тыным таппай еңбектенді. Күн демей, түн демей, алдымен әке қарызын өтеуді мақсат ет­ті. Қанша қиындық көрсе де қайт­пады, шегінбеді. Табаннан сыз, маңдайдан күн өтсе де мұ­қалмады. Ақыры, көздеген мақ­сатына жетіп, еткен еңбегін қа­зынаға құйып, әке қарызын өте­ді. Содан бастап еңбек ет­кен­нің еңсесі тік болатынын сана­сына бекем тоқыды.Өзінің даму жолында біресе Бірлік, біресе Талап кеңшарының қарамағында болған «Октябрь» шаруашылығы 1968 жылдан бастап 23-партсъезд деген атау­мен өз алдына бөлек ірге қала­ды. 23-партсъезді Нұрхан Да­йыр­ханов деген кісі басқарды. Іргелі ауылдан бөлініп, өз ал­дына ең­се тіктеу оңай болған жоқ. Ал­да инженерлік жүйеге кел­ті­ріл­меген жерді игеру мақсаты тұрды.Бұл жайында аудандық «Жа­ңақорған тынысы» газетінің бас редакторы Баян Үсейінованың аталған басылымда 2021 жыл­дың 24 сәуірінде жарияланған «Тұғыр төрі – туған жері» атты мақаласында кеңірек баяндалған. Баян Алаудинқызы: «Тусыраған құла дүзге арық қазып, су арна­сын салып, күріш егу жоспар­ланды. Бір жылда 1000 гектар жер айдалып, дән себілді. Бұл көзсіз ерліктің көрінісі еді. Тыр­ма тісін көрмеген мидай еңісте егін жинауға шығып, қара бат­паққа милыққан комбайнды жүз мертлік тросспен тартып шы­ғарып жан азапқа түскен тау­қыметті күндер техниканың өзін қажытып, қалжыратып тастаса да тәуекелге тастай түйінген дала ерлерінің темірдей төзіміне сына қаға алмапты. Алған беттерінен қайтпай ел ырыздығын еселей беріпті. Осы жылдары егін да­ласында астық бастыруда ерен еңбек үлгісін көрсеткен Әб­ді­ма­нап алғашында жаткист, одан әрі бульдозерист болып тер төкті. Комбайн айдады» деп жазған.Талай жұрт тәнті болған қажыр-қайратӘбдіманап Балтақожаұлы 1968 жылғы егін жинау науқа­нында аудан чемпионы болып, ауыл мерейін еселей түскен. Те­гінде мақтау мен мадаққа, ма­рапатқа тоқмейілсімеген адам ғана ауыр жұмысты әрі қарай жалғастырады. Кейіпкеріміз 1973 жылы социалистік жарыс­тың қорытындысымен облыс чем­пионы болып, аудан абы­ро­йын аспандатты. Сол кезде сов­хоз директоры болған Нә­лібай Айдарбековтің өзі Әбекеңнің қажырлы еңбегіне тәнті болған. Мұны Социалистік Еңбек Ері Арапбек Әбиевтің өзі айтқан.– Әбдіманап өте қайратты жігіт еді. Біз бірге жұмыс іс­тедік. Жарықтық мінезге де бай еді ғой. Марқұм шаршау де­генді білмейтін. Тапсырылған жұмысты соңына жеткізгенше тынбайтын. Тіпті артығымен орындайтын. Керек десеңіз, түн­нің өзінде жұмысын тоқтатпай тер төккенін талай көрдім. Е-е-е, Әбекең деген Қожакенттің құ­ты еді ғой, – деген екен бір кез­дері Еңбек Ерінің өзі ағынан жарылып.Көпбалалы отбасының тірегі бола жүріп, совхоз ісін дөңге­лентіп, тынымсыз еңбек еткен ол ешқашан атақ не марапат сұ­раған жан емес. Оның өмірлік ұстанымы – еңбек ету, адал болу, ұрпаққа өнеге қалдыру.– Бұл кісінің қарапайым бол­са да терең тағылымы бар өмірі туралы бір ғана мысал – оның алты жыл бойы еңбек де­ма­лы­сына шықпауы. Осыны естіген ауданның бірінші хатшысы ең­бегін ескеріп, марапатқа ұсынса, совхоз бухгалтері: «Оның дема­лысқа жиналған қаржысы бір автокөліктің құнынан да асып кетеді» деп таңданысын жасыр­маған. Бұл – жай ғана дерек емес, бұл – еңбекке адалдықтың, жауапкершіліктің, қарапайым батырлықтың шынайы көрінісі, – дейді еңбек ардагері Асан На­қышбанов.Әбдіманап Балтақожаұлы Зүлфия есімді арумен бас қо­сып, ұрпақ өрбітті. Ұлды ұяға, қызды қияға қондырды. Еңбекке ерте араласқан Әбекең күріш егуден де озат атанған. Ол бы­лай болған, жетпіс алтыншы жылдардан бастап он жыл бойы ПМК мекемесі егістік жерлерді тегістеп, инженерлік жүйеге кел­тірген. Соның арқасында егіс көлемі де артқан, жұмыс өнім­ділігі де еселеп өскен. Ке­йіпкеріміз осы жылдары әр гектардан 55 центнерден өнім келтіріп, озат күрішші бол­ған. Еткен еңбек текке кет­педі. «Құр­мет белгісі» және «Ең­бек Қызыл Ту» орденімен наг­рад­талды. «Ең­бек ардагері», «Лениннің 100 жылдығы» медалін кеудесіне тақты. Қазақ ССР Жоғары Кеңесі Президиумының грамотасымен марапатталды. «Бесжылдықтың озаты» белгісін иеленді.Еңбекпен шыңдалған азамат1986 жылы ауданға күріш оратын жаңа техника әкелінген екен. Содан аудан басшылары бар, жауапты мамандар бар, бар­лығы ақылдаса келе жаңа ЖРК (күріш оратын жатка) тех­никасының іске қосылуын Әбді­манап ағаға тапсырыпты.<blockquote>– Бұл – сенімнің белгісі еді. Жаңалықты игеруге шын­дап кі­ріскен ол жатканы құрас­ты­рып, тиімді жұмыс істеу жол­да­рын қарастырып жүрген сәтте, қатардағы жаткистер 150-200 гек­тарға дейін күріш орып, алға озады. Тіпті жоспарын орын­дап қойғандар да болады. Бірақ өзінің еңбегіне асқан жа­уап­кер­­шілікпен қарайтын Әб­ді­ма­нап Балтақожаұлы совхоз ди­ректорына барып, жаңалықты енгіземін деп жүргенде өзіне жүктелген жоспардың артта қа­лып қойғанын ашық айтады. Бірақ бұл уақытша ғана. Жаңа жатканы толық іске қосқан ол, 350 гектар күріш алқабын орып, жоспарды артығымен орын­дап, «Озат жаткист» атағына ие болады. Бұл – жай ғана техни­каны басқару емес, бұл – жаңа істі игеріп, нәтиже шығара білудің, қажырлы еңбектің көрінісі еді, – дейді Асан Нақышбанов ағамыз.</blockquote>Әр ісі көпке үлгі1986 жылы 24-партсъездің агрономы Асан Нақышбанов ау­данның бірінші хатшысы Ах­метжан Жанпейісовке өтініш ай­тып, Әбдіманап ағамызды кө­мекке жіберуді сұраған екен. Мақсат – күріш ору. Күріш болғанда да жұрт оруға келмейді деген, жерге жатып қалған «Ку­бань-3» сорты. Кейіпкеріміз бұл іске де білек сыбана кіріседі. Жа­­ңа жатканың тиімділігін көр­сетіп, мол өнім алуға сеп болады. Көзкөргендер «Кубань-3»-ті ору кезінде еш қиналмаған да дейді. Жұрт бата алмаған іске білек сыбана кіріскен әрі нәтижесін көрсеткен еңбеккерді көрген ауыл ақсақалы, белгілі күрішші Әбдібек Әбішов ақсақал: «Әне, көрдіңдер ме, сендер оруға кел­мейді деп едіңдер. Әбдіманап жерді бір қабатымен қоса қо­па­рып, күрішімді орып берді» деп ақ батасын берген екен.Қарапайымдылық – үлкен кісіліктің белгісіАдал еңбегімен танылған, көпбалалы отбасының тірегі бол­ған Әбдіманап Балтақо­жа­ұлына совхоз басшылығы тегін үй салып беруге шешім қабыл­дайды. Алайда құрылыс­шылар келгенде: «Үйді өз қолыммен, өз еңбегіммен саламын» деп қай­тарып жіберген екен.Мұндай қарапайымдылық пен намыс – бүгінгі таңда сирек кездесетін асыл қасиеттің бірі. Бұл – рухтың тазалығының, ең­бектің қадірін білудің белгісі.Әбдіманап Балтақожаұлы Шайхназаров – Жаңақорған өңі­рінде тынымсыз тіршілігімен ел есінде қалған еңбек адамы. Оның өмірі бір сәт тыным тап­паған, маңдай термен, адал бей­нетпен өткен нағыз еңбек жолы. Ешқашан да атақ не марапат үшін емес, ел мен жерге деген сүйіспеншілігімен, отбасы ал­дындағы жауапкершілігімен ең­бек еткен жан. Ол кісінің өнегелі еңбек жолы мен тәлімді ғұмыры талай жасқа бағдар болары анық.Әзиз ЖҰМАДІЛДАҰЛЫ

Берекелі әулеттің бәйтерегі

<a href="https://kyzylorda-news.kz/">Kyzylorda-news.kz</a> 4 маусым – ҚР Мемлекеттік рәміздер күніне орай Қызылорда облыстық қоғамдық даму басқармасының «Қоғамдық келісім» коммуналдық мемлекеттік мекемесінің ұйымдастыруымен балаларға арналған сурет салу байқауы өткізілді.Шараға «Дағдарыс орталығында» қызмет алушы отбасылардың балалары қатысып, бейбітшілік, татулық пен бірлік тақырыптарында жүректерінен шыққан суреттерін салды. Балалар салған әрбір туындыда елге деген сүйіспеншілік, достық пен татулыққа үндейтін терең мағына байқалды.Іс-шара барысында «Қоғамдық келісім» КММ директорының орынбасары Руслан Құрманов қатысушыларды айтулы мерекемен құттықтап, жас өрендерге жарқын болашақ пен армандардың орындалуын тіледі.Байқау соңында барлық қатысушыларға алғыс ретінде дипломдар мен естелік сыйлықтар табысталды.Фото: Ассамблея Қызылорда

Балаларға арналған сурет салу байқауы өтті

<a href="https://kyzylorda-news.kz/">Kyzylorda-news.kz</a> Бүгін өңірде «Жасыл ел» жастар еңбек жасақтарының кезекті еңбек маусымының ашылу салтанаты өтті. «Жасыл ел» жалпыұлттық жобасы 2005 жылдан бері жүзеге асырылып келеді. Биыл осы игі бастамаға 20 жыл толып отыр. Бұл жастар арасындағы әлеуеттендіру бағытындағы ең маңызды бағдарламалардың бірі. Шараға қала және аудандардан 100-ге жуық жастар мен зиялы қауым өкілдері қатысты.«Жасыл ел» қозғалысы жастарды еңбекке баулып қана қоймай, ортақ идеялар төңірегінде топтастыруда. Жобаға биыл 1 200 жас маусымдық жұмыспен, орналастыру, қажетті экипировкамен, құрал-саймандармен қамтамасыз етіледі.Бүгінгі күні 300 жас маусымдық жұмыстарды бастады. Сарбаздар облыс көлемінде орналасқан мәдени-демалыс орындарында, аллея, сквер, алаңдар мен парктердерде көгалдандыру, аумақтарды қоқыстан тазалау шаралары атқарылады.Бүгінгі шара аясында еңбекші жастар Қызылорда қаласындағы «Ботаникалық бақты» көркейту-көгалдандыру жұмыстарын жүргізді.Фото: Қоғамдық даму басқармасы

«Жасыл ел» жастар еңбек жасақтарының ХХІ жұмыс маусымының ашылу салтанаты өтті

<a href="https://kyzylorda-news.kz/">Kyzylorda-news.kz</a> &nbsp;Талдықорғандағы Жетісу облысының қылмыстық істер жөніндегі мамандандырылған ауданаралық сотында судья Ержан Жанұзақов жасөспірім Шерзат Полатты өлтірді деп айыпталған 9 сотталушыға үкім шығарды. Бұл туралы <a href="http://stan.kz/">Stan.kz</a> ақпарат агенттігі хабарлайды.&nbsp;Сот қаулысымен&nbsp;басты күдікті Абзал Шынасыл 23&nbsp;жылға бас бостандығынан айырылды. Оған Қылмыстық кодекстің 99-бабы 2-бөлігі (Адам өлтіру), 293-бабы 3-бөлігі (Бұзақылық), 24-бабы 3-бөлігі (Қылмысқа дайындалу және қылмысқа оқталу) бойынша айып тағылды.&nbsp;Екінші сотталушы Равиль Сакиев 20 жылға бас бостандығынан айырылды. Судья оны Қылмыстық кодекстің 293-бабы 3-бөлігі (Бұзақылық), 99-бабы 3-бөлігі (Кісі өлтіруге оқталу), 24-бабы 3-бөлігі (Қылмысқа дайындалу және қылмысқа оқталу) бойынша кінәлі деп таныды.&nbsp;Ал Шыңғыс Белғожаев 7 жылға сотталды. Оған Қылмыстық кодекстің &nbsp;293-бабы 3-бөлігі (Бұзақылық) бойынша айып тағылған.&nbsp;Дархан Әскентай 7 жылға бас бостандығынан айырылды. Ол Қылмыстық кодекстің &nbsp;293-бабы 3-бөлігі (бұзақылық) бойынша кінәлі деп танылды.Нұрқияс Ілиясов 9 жылға бас бостандығынан айырылды. Ол Қылмыстық кодекстің 293-бабы 3-бөлігі (бұзақылық) бойынша кінәлі деп танылды.&nbsp;Ал Нұрбол Тоқтаубаев 7 жылға сотталды. Оған Қылмыстық кодекстің 293-бабы 3-бөлігі (бұзақылық) бойынша айып тағылған. Оның туысы Азамат Тоқтаубаев 15&nbsp;жылға бас бостандығынан айырылды. Оған Қылмыстық кодекстің 293-бабы 3-бөлігі (бұзақылық), 188-бап (ұрлық) бойынша айып тағылған.&nbsp;Дидар Қалиахмет Қылмыстық кодекстің&nbsp;293-бабы 3-бөлігі (бұзақылық) бойынша кінәлі деп танылып, 7 жылға бас бостандығынан айырылды.&nbsp;Кәмелет жасына толмаған Думан Ысқақ Қылмыстық кодекстің 434-бабы (ауыр қылмыс туралы хабарламау) бойынша кінәлі деп танылып, 1,5 жылға сотталды.&nbsp;Айта кетейік, бұған дейін прокурор Дана Сәрсенбай сотталушыларға 1 жыл 6 айдан 23 жылға дейін жаза беруді сұраған еді.&nbsp;Фото: видеодан алынған скрин&nbsp;

Шерзат Полаттың қазасына қатысты сот үкімі шықты

<a href="https://kyzylorda-news.kz/">Kyzylorda-news.kz</a> «Заң және тәртіп» нарративін ілгерту мақсатында Қызылорда облысы бойынша сыбайлас жемқорлыққа қарсы қызметі Департаменті Қызылорда облысының мәдениет, архивтер және құжаттама басқармасымен бірлесіп ұйымдастыруымен «Сыбайлас жемқорлыққа қарсы іс-қимылдың жаңа тетіктері» тақырыбында&nbsp; қызметкерлермен кездесу өтті.Іс-шараның мақсаты «Заң және тәртіп» идеологиясын ілгерілету, қызметкерлерді жемқорлыққа қарсы заңнаманы сақтауға ынталандыру, оның жағымсыз салдары және оған қарсы іс-қимыл мәселелерінде жеке жауапкершіліктің маңыздылығы туралы түсіндіру.Кездесуге Департамент басшысының бірінші орынбасары А.Жүнісов, «Қорқыт ата» атындағы&nbsp; Қызылорда университетінің комплаенс-офицері, Сыбайлас жемқорлыққа қарсы&nbsp; волонтер – Ә.Жаппасбаев және теолог Б.Оспанов қатысты.Департамент басшысының бірінші орынбасары А.Жүнісов өз баяндамасында, «Жемқорлықпен күрес тек құзырлы органдардың емес, бүкіл қоғамның міндеті. Біз бұл індетке қарсы тұру үшін құқықтық мәдениет пен азаматтық жауапкершілікті қатар дамытуымыз керек»,- екендігі айтылды.Іс-шара соңында қатысушыларға сыбайлас жемқорлыққа қарсы бағыттағы бейнематериалдар көрсетілді. Жемқорлыққа қарсы іс-қимыл мәселелері бойынша тегін консультациялар алу үшін, сондай-ақ белгілі болған сыбайлас жемқорлық құқық бұзушылық фактілері туралы хабарлау үшін 1424 колл-орталығына хабарласу мүмкіндігі туралы ақпарат берілді.

«Сыбайлас жемқорлыққа қарсы іс-қимылдың жаңа тетіктері» тақырыбында кездесу өтті

<a href="https://kyzylorda-news.kz/">Kyzylorda-news.kz</a> &nbsp;Жаңақорған ауданының тұрғыны Наурызбай Айымбетов ауылда тұрғанымен қарап жатпай, өз кәсібін бастаған. Ол «AMANAT» партиясының «Ауыл аманаты» жобасы арқылы 3 944 000 теңге көлемінде жеңілдетілген несие алып, жылыжай тұрғызған. Бүгінде бұл жерден қияр мен қызанақ өнімдері алынып, ауыл тұрғындарына қолжетімді бағада сатылып келеді.<blockquote>«Жылыжай – бір күндік тірлік емес. Күнделікті күтім, уақтылы бап, тұрақты еңбек қажет. Қазір өзіміз күтіп-баптап отырмыз. Отбасымызбен бірге істейміз. Бастысы – халық разы, өнімге сұраныс бар, – дейді кәсіп иесі.</blockquote>Жылыжайдың жалпы көлемі ауыл тұрмысына бейімделген. Жылы мезгілде өнім молырақ алынса, қыста да қажетті жағдай жасалған. Қазіргі таңда қияр мен қызанақтың көлемі өсіп келеді және қосымша шабдалы, анар, жержаңғақ секілді пайдалы өнімдердіде өсіреді. Алдағы уақытта өнімдерін кеңейтуді жоспарлап отыр.Бұл кәсіп – тек отбасының табыс көзі емес, ауыл ішіндегі азық-түлікке деген сұранысты да азайтып отыр. Сырттан тасымалданатын өнімге қарағанда, жергілікті әрі жаңа үзілген көкөніске сұраныс жоғары. Осы арқылы ауылдың азық-түлік қауіпсіздігіне де үлес қосылып отыр.«Ауыл аманаты» жобасының да көздеген негізгі мақсаты аулдағы ағайынның тұрмыс жағдайын арттыруға бағытталған еді. Демек, жоба өз нәтижесін беруде деп толық айтуға болады.Ауылда отырып-ақ, кәсібін дөңгелетіп, қоғамға пайдасын тигізіп отырған Наурызбай Айымбетовтың игі бастамасы ауыл тұрғындарына жаңа мүмкіндік беріп, жастардың еңбекке деген көзқарасын өзгертуге сеп болары сөзсіз.Атап өту керек, «Ауыл Аманаты» жобасы аясында өткен жылы облысқа 2,5 млрд. теңге қаражат бөлініп, өңдеу, кооперативтерді дамыту және азық – түлік қауіпсіздігін қамтамасыз ету мақсатында егін және мал шаруашылығы өнімдерін өндіруге берілген болатын.Фото: облыстық ауыл шаруашылығы басқармасы

«Ауыл аманаты» жобасы игілігін көріп отыр

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының «Таза Қазақстан» бастамасын қолдауға бағытталған «AMANAT» партиясының «Таза бейсенбі» акциясы аясында Сыр өңірінің барлық аумағында тазалық жұмыстары қарқынды жүргізіліп келеді. Игі іске үлес қосқан аралдық аманаттықтар бүгін аудан орталығындағы «Балықшылар аллеясы» аумағына тазалық жүргізді.«Таза бейсенбі» акциясына аудандық мәслихаттағы фракция мүшелері, партияның аудандық филиалының қызметкерлері, бастауыш партия ұйымдарының белсенді мүшелері және рухтастар қатысты.<blockquote>«Шыны керек арнасы кепкен Аралдың экологиялық зардабын көбірек тартып отырған біздің өңір үшін бұл балықшылар аллеясының маңызы зор. Мұнда Арал теңізінің сол кездегі тіршілігі мен еңбегі ерен балықшы қауымының тарихы бейнеленген. Тарих төрінде сақталған Арал балықшыларының аштықтан зардап шеккен Еділ аумағының тұрғындарына 14 вагон балық жолдап, миллиондаған халқын құтқару оқиғасын суреттейтін вагон да осы аллеяда сол кезді еске салатындай көрік беріп тұр. Біз өңір тазалығына, оның табиғатына жауапкершілікпен қарайтын болсақ, табиғаттың да бізге берер сыйы таусылмасы анық. Бүгінгі дүниежүзілік қоршаған ортаны қорғау күнінде барша азаматтарды табиғатқа қамқорлық танытуға шақырамын», - дейді аудандық мәслихаттағы «AMANAT» партиясы депутаттық фракциясының мүшесі Нұрсәуле Ембергенова.</blockquote>Қоршаған ортаны жақсарту мәселесіне басымдық берген аманаттықтар аталған аумақтағы ретсіз қоқыстарды жинап, белгіленген орынға шығару секілді бірқатар жұмыстарды атқарды.

Балықшылар аллеясына тазалық жұмыстары жүргізілді

<a href="https://kyzylorda-news.kz/">Kyzylorda-news.kz</a> Қызылорда облыстық Қазақстан халқы Ассамблеясы жанындағы ақпараттық түсіндіру тобы Болашақ жоғары медициналық колледжінің 1-ші курс студенттерімен мазмұнды әрі тәрбиелік маңызы зор кездесу өткізді.Іс-шараға облыстық қоғамдық даму басқармасының «Қоғамдық келісім» КММ директорының орынбасары, PhD докторы, облыстық ҚХА жанындағы ақпараттық түсіндіру тобының мүшесі Дәулет Омаров, «Қоғамдық келісім» КММ бөлім басшысы Нұргүл Дүйсебаева, сондай-ақ колледждің 100-ден аса студенті қатысты.Кездесу барысында Мемлекет басшысы Қасым-Жомарт Тоқаевтың бес кеселмен күресу қағидаты негізге алынып, жастардың салауатты өмір салтын ұстану маңыздылығы кеңінен сөз болды. Сонымен қатар, 4 маусым – Мемлекеттік рәміздер күніне орай ұлттық құндылықтар мен патриоттық сана туралы ойлар ортаға салынды.Ақпараттық топ мүшесі Дәулет Омаров жастарды қоғамдағы түрлі рухани кеселдерден, соның ішінде құмар ойындардан аулақ болуға үндеп, салауатты өмір салтын ұстанудың маңызын ерекше атап өтті.Колледждің тәрбие ісі жөніндегі орынбасары Гүлдариха Боранқұлова жастар арасында бес зиянды әдетке қарсы жүргізіліп жатқан насихаттық жұмыстар үшін ақпараттық топ мүшелеріне алғысын білдірді.Кездесу соңында студенттер өз сұрақтарын қойып, пікір алмасуға белсене қатысып, шара еркін әрі ашық диалог алаңына ұласты.

Ақпараттық топ мүшелері студенттермен кездесті

<a href="https://kyzylorda-news.kz/">Kyzylorda-news.kz</a>&nbsp; Қордың&nbsp;Қоғамдық-консультативтік кеңестің жаңартылған құрамы 2025 жылға арналған жұмыс жоспарын талқылады.Еске сала кетейік, Парламент Мәжілісінің депутаты Константин Авершин кеңес мүшелерінің басым даусымен Қоғамдық-консультативтік кеңеске төраға болып сайланды. Ол медициналық қауымдастықтың мүддесін қорғап қана қоймай, денсаулық сақтау жүйесіндегі өзекті мәселелерді ашық көтеріп, міндетті әлеуметтік медициналық сақтандыру жүйесін жетілдіруге бағытталған заң жобасын талқылаған жұмыс тобының мүшесі болған халық қалаулысы.Бұл Қордың қоғаммен ашық диалог орнатуға және барлық жұмыс барысын ашық жүргізуге дайын екенін көрсетеді.&nbsp; &nbsp;Кеңес құрамы денсаулық сақтау саласының барлық мәселелерімен етене таныс әрі медицина жүйесін терең меңгерген сарапшылардан құралғандықтан (медициналық ұйымдардың басшылары, республикалық ғылыми орталықтардың өкілдері, бірлестіктер мен қауымдастықтар, депутаттар), олардың тарапынан әсіресе медициналық көмекті қаржыландыруға қатысты маңызды мәселелерді егжей-тегжейлі қарастыру ұсынылды. Атап айтқанда, Кеңес мүшелері медициналық ұйымдарға қаражатты бөлу тәртібін, мониторинг жүйесіндегі өзгерістерді, сондай-ақ көрсетілген медициналық қызметтер үшін ұйымдарға уақытылы ақы төлеуді қамтамасыз етуге бағытталған шараларды сараптауға баса назар аудармақ.Кеңестің 2025 жылдың соңына дейінгі жұмыс жоспары екінші отырыс барысында талқыланды.Қоғамдық-консультативтік кеңестің толық құрамымен Қордың ресми сайтында сілтеме арқылы танысуға болады:<a href="https://msqory.kz/kk/eshche/obshchestvenno-konsultativnyy-sovet/.">https://msqory.kz/kk/eshche/obshchestvenno-konsultativnyy-sovet/.</a>&nbsp;Фото: ru.freepik.com

Қоғамдық кеңестің кезекті отырысы өтті

<a href="https://kyzylorda-news.kz/">Kyzylorda-news.kz</a> Елімізде құбандық шалу үшін қазақстандықтарға қанша&nbsp;қаражат қажет? Ет қымбаттағандықтан азаматтарға шамамен ең төменгі баға қой үшін&nbsp;60 мыңнан басталса, ең қымбат мал түйе&nbsp;үшін 1 миллион 100 мың теңге керек екен.&nbsp;<a href="https://stan.kz/news-418881/">Stan.kz </a>ақпарат агенттігі елдегі құрбандыққа шалынатын малдардың құнына шолу жасады.Биыл наурызда елімізде ет бағасы&nbsp;2%-дан аса&nbsp;қымбаттады. Ал мал бағасы былтырмен салыстырғанда биыл 14,5 пайызға өскен. Құрбан айтқа қарай мал базарларының саудасы жүріп, баға үстемелене түсері анық.Редакциямыз Алматыдағы мал базарларына хабарласып, баға жайын&nbsp;сұрап білді.Олардың ішінде құрбан айтта ең көп сұраныстағы түліктердің бірі қой:<ul><li style="text-align:justify;">Тоқты –&nbsp;60-70 мың теңгеден басталады;</li><li style="text-align:justify;">Қой, ісек, қошқар –&nbsp;80 мың теңгеден жоғары бағаланған.</li><li style="text-align:justify;">Қазақстан мұсылмандар діни басқармасы өңірлердегі мал бағасын есептепті. Мұнда&nbsp;ең қымбаты: қой – 100 мың теңге; сиыр –&nbsp;700 мың теңге, түйе –&nbsp;1 100 000 теңгеге дейін бағаланған.</li></ul>Құрбан айт қарсаңында тіпті базарларда саудагерлермен&nbsp;бағаны келісетін делдалдардың да қызметі қыза түседі. Желіде тараған видео астындағы жазбаларға қарасақ, олар тіпті мал бағасын 40-50 мың теңгеге дейін түсіріп береді екен.Одан бөлек, құрбандық шалуға қаражаты болса да, денсаулық жағдайы келмесе немесе белгілі бір себептермен өзі барып бұл міндеттерді орындай алмаса, азаматтар ақшасын аударып онлайн түрде құрбандық шала алады.<blockquote>“Биыл да елімізде Құрбан шалу онлайн және оффлайн форматта өтеді. Діни басқарма халыққа қолайлы жағдай жасау мақсатында құрбан шалу рәсімін қашықтан өткізуге арналған qurban.muftyat.kz сайтын іске қосты. Дінімізде құрбандық шалу рәсімін басқа біреуге тапсырып, оны өкіл ете алады. Егер өзі бара алмаса, бір кісіге өтініш жасап, құрбан шалуға рұқсат етілген. Демек онлайн форматта құрбан шалуға тапсырыс бере аласыздар”, — деді Бас мүфти ҚМДБ-да өткен баспасөз мәслихатында.</blockquote>Ал құрбандық шалатын уақыт келгенде әркез ақша болмай қалатын жандарға да желіде түрлі кеңестерайтылуда. Мәселен, құрбан айтқа деп арнайы ақша жинауға болады екен.<blockquote>“Құрбан айт жақындап келеді. Астанада баға 90 мың. Құрбан шалғың келеді. Алайда суырып 90 мыңды бере салу да&nbsp;оңай болмауы мүмкін. Сондықтан мынаны мысал етсек болады. Түрік ағайындарда ет қымбат, құрбан шалу да арзан емес. Сол үшін&nbsp;олар Алланың бұйырған уәжіпті орындаймын деген ниетпен 1 жыл бойы құрбан айт үшін ақшаларын жинайды екен. Мысалы ай сайын 7 500 тенге бөліп отырса, Құрбан айтқа бір қойдың ақшасын жинап қоюға болады екен. Сауабы қандай мол. Кедей-кепшік бір тойып,ауызы майланып ет жеп қалады. Сол 7500 қайда кетпей жатыр? Кофемен, сағызға да кетіп қалады ғой!”, –&nbsp;деп жазды желі қолданушысы.</blockquote><figure class="image"><img src="https://knadmin.beoblood.kz/uploads/rban_ajt_ba_asy_4244f7831c.webp" alt="Құрбан айт бағасы.webp"><figcaption>Фото: ҚМДБ</figcaption></figure>Фото: Нұрболат Нұржаубай

"1 миллион 100 мың теңгеге дейін": Құрбандық шалуға арналған мал бағасы қанша?

<a href="https://kyzylorda-news.kz/">Kyzylorda-news.kz</a> 4 мамырда Батыс Қазақстан облысы Сырым ауданына қарасты Жымпиты ауылында жекеменшік үйден өрт шығып, бес бала қаза тапты. Облыстық полиция департаменті өкілдері осы факт бойынша қылмыстық іс қозғалғанын мәлімдеді. Бұл туралы <a href="https://stan.kz/batis-kazakstan-oblisindagi-bes-balanin-kazasi-policiya-418928/">Stan.kz</a> ақпарат агенттігі хабарлайды.<blockquote>"Жымпиты ауылындағы жеке үйдегі өрттен кейін кәмелетке толмаған балалардың қазасы фактісі бойынша полицейлер қылмыстық іс қозғады. Өлімнің алдын ала себебі – көмірқышқыл газымен улану. Тергеу аясында оқиғаның мән-жайы анықталатын болады", – деп мәлімдеді Батыс Қазақстан облыстық полиция департаментінің баспасөз қызметі.</blockquote>Еске салсақ, бұған дейін Батыс Қазақстан облысында жеке тұрғын үйден өрт шығып, бір отбасындағы 1 жастан 6 жасқа дейінгі бес бала көз жұмғанын жазған едік. &nbsp;Көпбалалы отбасы жалдамалы пәтерде тұрған. Өрт кезінде ата-анасы жұмыста болған.Жымпиты ауылында болған қайғылы оқиғадан кейін Батыс Қазақстан облысының әкімі Нариман Төреғалиев ресми мәлімдеме жасады. Ол қаза тапқан балалардың отбасына жерлеу рәсімін ұйымдастыру, психологиялық қолдау көрсету, баспанамен қамтамасыз ету және басқа да әлеуметтік қолдау шаралары көрсетілетінін айтты.Фото: instagram.com/batys_kz

Архив