<a href="https://kyzylorda-news.kz/">Kyzylorda-news.kz</a> Вице-премьер Қанат Бозымбаев су ресурстары және ирригация министрі Нұржан Нұржігітов, ауыл шаруашылығы министрі Айдарбек Сапаровпен бірге Қызылорда облысына жұмыс сапарымен барып, фермерлермен алдағы вегетациялық кезеңге дайындық, ауыл шаруашылығы дақылдарының егіс алаңдарын әртараптандыру және су үнемдеу технологияларын енгізу мәселелерін талқылады.Кездесуде Сырдария өзені бассейніндегі судың аздығы туралы қалыптасып отырған ахуал талқыланды. Нарын–Сырдария каскадына келіп түсетін су көлемі айтарлықтай төмендеген. Бұл келесі жылғы вегетациялық кезеңде су тапшылығы қаупін тудырады.Оның салдарын барынша азайту мақсатында Су ресурстары министрлігі су қоймаларының жұмыс режимдеріне қатысты бірнеше болжамдық нұсқа әзірледі. Су тым аз келген жағдайда ресурстарды қайта бөлу және лимиттерді түзету қажет болатын сценарийлер пысықталды.Су ресурстары шектеулі болған жағдайда ауыл шаруашылығы өндірісінің өнімділігін арттыру және азық-түлік қауіпсіздігін қамтамасыз ету мақсатында Ауыл шаруашылығы министрлігі ылғалды көп қажет ететін дақылдар алқаптарын қысқарту және құрғақшылыққа төзімді, аз су қажет ететін дақылдарды енгізу арқылы егіс алқаптарын әртараптандыру жұмыстарын жалғастырып келеді.Барлық су тұтынушылар судан тапшылық көрмеуі үшін және Сырдария өзенінің төменгі ағысында төтенше жағдай туындауына жол бермеу мақсатында Қызылорда облысында 2026 жылы күріш егістіктерінің алаңы 70 мың гектардан аспауға тиіс.Бір айта кететіні, егіс алқаптары жыл сайын оңтайландырылып жатқанына қарамастан, орташа өнімділік өсіп келеді (2024 жылы 85 мың га алқапта гектарынан 58 центнер, 2025 жылы 80 мың га алқапта гектарынан 58,1 центнер алынды). Бұған жаңа күріш сұрыптарын енгізу және заманауи техниканы пайдалану септік етіп отыр.Сондай-ақ өңірде су үнемдеу технологияларын қолданатын егістік көлемі артып келеді. Егін алқаптарында судың ысырап болуының алдын алу үшін лазерлік тегістеу жұмыстары жүргізілуде. Бұл әдіс суды 20%-ға дейін үнемдеп, өнімділікті арттыруға мүмкіндік береді. Биыл 60 мың гектар күріш алқабы тегістелді.Заманауи су үнемдеу технологияларын енгізу тәуекелдерді азайтып, АӨК-тің орнықты дамуын қамтамасыз етеді. Бүгінде бұл технологиялар республика бойынша 500 мың гектардан астам жерде қолданылуда, ал 2030 жылға қарай бұл көрсеткішті 1,3 млн гектарға дейін (суармалы жерлердің шамамен 70%-ы) жеткізу жоспарлануда. Аталған мақсаттарға жету үшін Үкімет кешенді шаралар қабылдауда, соның ішінде субсидиялау мәселелері де шешілуде.2026–2028 жылдарға арналған республикалық бюджеттің шеңберінде инвестициялық шығындарды өтеуге бағытталған жалпы трансферттер көзделген, ал қаржыландыру көлемі 215 млрд теңгеге дейін ұлғайды.<img src="https://knadmin.beoblood.kz/uploads/Vicze_premer_2_f4fc575151.jpg" alt="Вице-премьер 2.jpg"><blockquote>«Алдағы вегетациялық маусымда жоғарыдан келетін су көлемі айтарлықтай азаюы мүмкін. Ондай жағдайда су үнемдейтін технологиялар тыңайтқыштар мен өсімдікті қорғау құралдарымен қатар өсімдік шаруашылығы жүйесінің міндетті элементі болуы тиіс. Қызылорда облысының әкімдігі Су ресурстары және ирригация министрлігі, Ауыл шаруашылығы министрлігі және ғылыми ұйымдармен бірлесіп, инновациялық препараттарды қолдану үшін кемінде 100 гектар жер телімін анықтап, оларды жергілікті бюджет қаражаты есебінен қаржылық қолдауды қамтамасыз етуі қажет», — деді Қанат Бозымбаев.</blockquote>Кездесуде фермерлерге суды пайдалану ашықтығын қамтамасыз ету және су ресурстарын есепке алуды одан әрі цифрландыру үшін енгізіліп жатқан биллинг жүйесі туралы да айтылды. Бұл — фермерлерді сумен қамтудың толық циклін біріктіретін бірыңғай цифрлық платформа. Оның ішінде өтінім беру және келісімшарт жасасудан бастап, нақты тұтынуды есепке алу және төлем жасауға дейінгі функциялардың барлығы бар. Жүйе процестерді оңтайландырады, суды бөлу мен есеп айырысудың ашықтығын қамтамасыз етеді, сондай-ақ нақты көлемдерді дәл есепке алуға мүмкіндік береді.&nbsp;Вегетациялық кезең басталғанға дейін Қызылорда облысының әкімдігіне диқандар арасында тиісті түсіндіру жұмыстарын жүргізу тапсырылды. «Қазсушар» РМК-ға ылғалды көп қажет ететін дақылдарға бекітілген лимиттерге қатаң сәйкес келетін су беру шарттарын жасасу, сондай-ақ құқық қорғау органдарымен бірлесіп, алдағы вегетациялық кезеңде «қара су нарығымен» күресті күшейту тапсырылды.Су шаруашылығындағы ахуал өзгерген жағдайда Су ресурстары және ирригация министрлігіне 2026 жылғы вегетациялық кезеңге арналған өңірлер бойынша су тұтыну лимиттерін 2026 жылдың 1 ақпанына дейін Ауыл шаруашылығы министрлігіне жолдау жүктелді. Ал Ауыл шаруашылығы министрлігіне 2026 жылдың 1 наурызына дейін ылғалды көп қажет ететін дақылдардың егістік құрылымын нақты қолжетімді суару суының көлеміне сәйкес түзету тапсырылды.<img src="https://knadmin.beoblood.kz/uploads/Vicze_premer_4_f95cd03343.jpg" alt="Вице-премьер 4.jpg">

Ауыл шаруашылығы саласына қатысты бірқатар мәселелер қаралды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрінің орынбасары Қанат Бозымбаев, ҚР Су ресурстары және ирригация министрі Нұржан Нұржігітов , ҚР Ауыл шаруашылығы министрі Айдарбек Сапаров , ҚР Су ресурстары және ирригация вице-министрі Талғат Момышев, ҚР Ауыл шаруашылығы вице-министрі &nbsp;Азат Сұлтанов, ҚР Ұлттық экономика вице-министрі &nbsp;Бауыржан Омарбеков Сыр еліне жұмыс сапары аясында жақында іске қосылған «Тұмар» шағын өнеркәсіптік аймағының жұмысымен танысты.Үкіметтің шағын және орта бизнесті қолдау мақсатында жүзеге асырып жатқан бастамаларының бірі – шағын өнеркәсіптік аймақтарды құру «Тұмар» жеке кәсіпкерлігінің бастамасымен Сырдарияның жол жағалауында салынған тамақ өнеркәсібі бағытындағы шағын өнеркәсіптік аймақ қазан айында ашылып, кәсіпкерлер игілігіне берілді. Жоба құны – 526 млн теңге, мұнда азық-түлік өнімдерін өндіруге бағытталған 8 өндірістік цех іске қосылып, 50-ден астам адам тұрақты жұмыспен қамтылды. Кәсіпкерлер өз жұмысын бастау үшін «Қызылорда» өңірлік инвестициялық орталығынан жылдық 3 пайыздық мөлшерлемемен 157 млн теңге жеңілдетілген несие алды.Айта кетейік, аймақта экономиканы әртараптандыру мақсатында 2,8 трлн. теңгеге 98 жоба жүзеге асырылып, 12 мыңнан астам жұмыс орны ашылады. Биыл инвестициялық жобалар пулы аясында 54 жоба жоспарланған. Қазіргі уақытта 36-сы жұмысын бастап кетті. Олардың қатарында кірпіш, айна, күріш зауыттары, нан-тоқаш, кондитерлік, печенье және макарон өнімдерін өндіру кешені, онкологиялық диагностикалық орталық, &nbsp;шағын өнеркәсіптік аймақ, «Syr darya» коммуналдық базары &nbsp;және сауда үйлері бар.&nbsp;Жыл соңына дейін қуаттылығы 240 мегаватт болатын заманауи жылу-электр станциясы, жолаушылар вагондарын жөндеу кешені, түйе сүтінен жылына 392 тонна құрғақ ұнтақ өндіретін зауыт, тағы бір шағын өнеркәсіптік аймақ және 2 күн-электр станциясы іске қосылады.Өңдеу өнеркәсібін дамыту, жаңа жұмыс орындарын құру мақсатында құны &nbsp;553 млрд. 600 млн. теңге болатын 14 жобаның құрылысы басталуда.

Үкімет басшысының орынбасары «Тұмар» шағын өнеркәсіптік аймағының жұмысымен танысты

<a href="https://kyzylorda-news.kz/">Kyzylorda-news.kz</a> Қазан айынан бастап теңгенің долларға шаққандағы айырбастау бағамы 499-500 теңге деңгейіне дейін нығайып, шамамен 9%-ға өскені байқалады. Ұлттық банктің мәліметінше, ұлттық валютаның күшеюі қолайлы сыртқы ахуал, дәйекті макроэкономикалық саясат және инвесторлардың оң күтулері нәтижесінде жүзеге асып отыр, деп хабарлайды <a href="https://baq.kz/ulttyq-bank-tenge-kursyna-qatysty-malimdeme-zhasady-200026783/">BAQ.KZ тілшісі.</a>Мұнайдың әлемдік бағасы барреліне 60 АҚШ долларынан жоғары деңгейде тұрақты қалыптасқан. Сонымен қатар, АҚШ Федералды резерв жүйесінің мөлшерлемені төмендету циклі жаһандық доллар индексінің 8,3%-ға әлсіреуіне ықпал етті. Нәтижесінде дамушы нарықтар валюталары да осындай деңгейде нығайды. Бұл халықаралық инвесторлардың активтерге, соның ішінде Қазақстан нарығына қызығушылығын арттырып отыр.Ұлттық банк Үкімет және Қаржы нарығын реттеу агенттігімен бірлесіп, 2026-2028 жылдарға арналған макроэкономиканы тұрақтандыру және халықтың әл-ауқатын арттыру жөніндегі іс-қимыл бағдарламасын іске асыруда. Оның мақсаты – бюджет шығыстарының тиімділігін арттыру, инфляцияны төмендету, сұраныс пен ұсыныс арасындағы теңгерімді қалпына келтіру және орнықты экономикалық өсімге жағдай жасау.Ақша-кредит саясаты нарық сенімін күшейттіҰлттық банктің қатаң әрі дәйекті шешімдері инфляциялық күтулерді қайта қарауға және теңгедегі қаржы құралдарының нақты кірістілігін арттыруға әсер етті. Бұл бейрезиденттер үшін де олардың тартымдылығын жоғарылатты.Қазан айының басынан қарашаның соңына дейін шетелдік инвесторлардың Қазақстанның мемлекеттік бағалы қағаздарына салған портфельдік инвестициялары 1,1 млрд АҚШ долларына артып, тарихи максимум – 3,6 млрд долларға жетті. Жыл басынан бергі өсім 1,5 млрд долларды құрады.Бұл қарыздық құралдардың құнын төмендетті: желтоқсанда 9 жылдық МБҚ 16,1% мөлшерлемемен орналастырылды (қазанда – 17,2%).Теңгенің нығаюы инфляцияны тежеуге әсер етудеҰлттық банк валюта нарығын тұрақты бақылауда ұстап отыр. Инфляцияның негізгі факторларының бірі – импорт үлесі жоғары тауарлар бағасы. Осы тұрғыдан теңгенің нығаюы сыртқы баға қысымының ішкі нарыққа берілуін шектейді және баға тұрақтылығын қолдайды.<blockquote>Біз еркін өзгермелі айырбас бағамы режимін сақтаймыз және теңгенің қисынды құбылмалылығына жол береміз. Валюта нарығында алыпсатарлыққа себеп болатын факторлар байқалмайды, – деп мәлімдеді Ұлттық банк.</blockquote>Айырбастау бағамының қазіргі динамикасы – экономикалық саясаттың сапалы жүргізіліп жатқанын және инвесторлар сенімінің артуын көрсетеді. Бұл Қазақстанға портфельдік инвестициялар ағынын әрі қарай да ұлғайтуға мүмкіндік береді.Фото: Александр Павский/Казинформ

Ұлттық банк теңге курсына қатысты мәлімдеме жасады

<a href="https://kyzylorda-news.kz/">Kyzylorda-news.kz</a> Қазақстанда Beeline, Altel, Tele2 байланыс операторлары қызмет ақысын көтеруді қарастырып жатыр, шамамен 15-20 пайызға өсірмек. Сала мамандары тарифтің өзгеруін инфрақұрылымды дамыту қажеттілігімен байланыстырып отыр, деп хабарлайды <a href="https://khabar.kz/kk/news/kogam/180178-elde-uialy-bailanys-taryfi-osedi">"Хабар" </a>арнасы.Ұялы байланыс тарифінің 15-20 пайызға өсуі қарапайым тұрғындардың назарынан тыс қалмады. Себебі қызмет ақысы ұялы телефон арқылы сөйлесуден өзге хат алмасу және интернетпен тікелей байланысты. Ал кейбір қолданушылар абоненттік төлем соңғы уақытта жиі өзгергенін байқаған.Байланыс операторлары тарифті өзгерту қажеттіліктен туындаған шара екенін мәлімдеп отыр. Себебі электр энергиясында шығын күрт өскен. Сондай-ақ база станциялары мен Data орталықтарының құрылысына қомақты қаражат қажет екенін айтады. Олар тұрақты байланысты қамтамасыз етіп, сапаны жақсарту үшін шетелден жабдықты әкелу керек дейді.<blockquote>"Шығынның өсуіне әсер ететін факторлар көп. Мәселен, іске қосылатын қосымша құн салығы, электр қуаты. Егер электр энергиясы, антенна желілік болмаса, байланыс та болмайды. Айта кету керек, Қазақстан гигабайт құны арзан 10 елдің қатарына кіреді. Біз тарифті жаппай өсірмейміз. Тек көптен бері өзгермеген қызмет құнына түзету енгіземіз", - дейді Beeline Қазақстан холдингінің президенті Евгений Настрадин.</blockquote>Қызмет ақысына жауапты орган өкілдері араласпайтынын айтады. Себебі тиісті заңнама бойынша компаниялар бағаны өздері реттейді."Ұялы байланыс операторларынан алынған ақпаратқа сәйкес Altel, Tele2 желтоқсан айынан бастап тарифті өсіруді көздеп отыр. Соның ішінде архивті пландардың құнын көтермек. Ал Kceel жыл соңына дейін қызмет ақысын ұлғайтуды жоспарлап отырған жоқ. Beeline үйдегі интернеттің бағасын көтереді", - дейді ЖИЦДМ Телекоммуникациялар комитеті төрағасының орынбасары Олжас Кабенов.Фото: freepik.com

Қазақстанда ұялы байланыс тарифі өседі

<a href="https://kyzylorda-news.kz/">Kyzylorda-news.kz</a> Желіде танымал ресейлік блогер Михаил Литвиннің 1700 метр биіктікте футбол ойнаған видеосы қолданушыларды таңғалдырды. Бұл туралы <a href="https://stan.kz/alemdik-rekordti-zhanartti-bloger-1800-metr-biiktikte-f-427183/">Stan.kz </a>ақпарат агенттігі хабарлайды.Михаил Литвин 1700 метр биіктікте футбол алаңын орнатып, доп тепкен сәтін әлеуметтік желідегі парақшасында&nbsp;жариялады. Ерекше түсірілген видео&nbsp;әлеуметтік желілерде тез тарап, көпшіліктің қызығушылығын тудырды.Литвин видеоның астына Криштиану Роналдуға:<blockquote>“Пікір қалдыруыңызды сұраймын” деп жазған.</blockquote>Фото: Видеодан скрин

"Әлемдік рекордты жаңартты": Блогер 1700 метр биіктікте футбол алаңын орнатып, доп тепкен

<a href="https://kyzylorda-news.kz/">Kyzylorda-news.kz</a> Қызылордада балаларға арналған жаңа ерте араласу орталығы іске қосылды. Орталық көпбейінді облыстық балалар ауруханасы жанынан ашылды. Нысан «Самұрық-Қазына» компаниялар тобының бірыңғай қайырымдылық операторы - «Samruk-Kazyna Trust» қорының, «Қазақстан халқына» қорының, «Қамқорлық» қорының және Қызылорда облысы әкімдігінің серіктестігімен ашылды.Ашылу салтанатына облыс әкімінің орынбасары Мейрамбек Шермағанбет, «Самұрық-Қазына» АҚ басқарушы директоры Ғибрат Ауғанов, «Қазақстан халқына» қорының ресми өкілі Шыңғыс Шарапиев, «Қамқорлық» қорының директоры Арайлым Еркінова қатысты.<img src="https://knadmin.beoblood.kz/uploads/am_orly_o_altu_ortaly_y_2_ef869a19dc.jpg" alt="Қамқорлық оңалту орталығы 2.jpg">Жыл сайын 3 жасқа дейінгі 600 баланы қабылдайтын орталықта әрбір балаға жеке оңалту жоспары әзірленеді. Мұның бәрі түрлі ақаулармен туылған балалардың өсіп-жетілуі мен дамуын жетілдіруге, өздігінен жүріп-тұруы мен сөйлеуіне мүмкіндік береді. Олармен невропатологтар, реабилитологтар, педиатрлар, травматолог-ортопедтер, психологтар, физиотерапия нұсқаушылары, дефектологтар мен логопедтер жұмыс істейді. Мекеме заманауи технологиялармен, арнайы техникалық жабдықтармен, тренажерлармен және аппараттық-бағдарламалық кешендермен толық жарақталған.<blockquote>«Қызылордада ашылып отырған ерте араласу орталығы – «Самұрық-Қазына» қорының қолдауымен іске қосылған 47-ші оңалту орталығы. Бұл орталықтарда жылына 30 мыңға тарта балалар мен ересектер кешенді оңалту көмеген алады. Оңалтумен бірге, инклюзивті білім беру мен әлеуметтендіру бағытында Қор еліміз бойынша 26 инклюзия кабинетін ашты. Жыл соңына дейін тағы бес инклюзия кабинеті Атырау облысының Жылыой ауданында ашылатын болады», – деді «Самұрық-Қазына» АҚ басқарушы директоры Ғибрат Ауғанов.</blockquote><img src="https://knadmin.beoblood.kz/uploads/am_orly_o_altu_ortaly_y_3_a3dc666140.jpg" alt="Қамқорлық оңалту орталығы 3.jpg">Қызылорда қаласында ашылған ерте араласу орталығы осы жоба аясында жүзеге асырылған 20-шы орталық болып отыр. Осылайша, Қор серіктестерімен бірлесе отырып, 2020 жылдан бері өңірлердегі мұндай орталықтарға деген қажеттілікті толық қамтамасыз етті. Бұл орталықтарда жыл сайын 12 мыңға жуық мүгедектігі бар бала кешенді медициналық көмек алады. Нәтижесінде 6,3 мыңнан астам ерекше бала алғашқы қадамын жасап, 8,6 мың баланың тілі шықты.Жалпы 2020 жылдан бері «Samruk-Kazyna Trust» қорының қолдауымен Қызылорда облысында 4,2 млрд теңгеге 15 әлеуметтік жобаны жүзеге асырылды. Соның ішінде былтыр Үстел теннисі орталығы, биыл заманауи тарихи-өлкетану орталығы ашылды.

Қызылордада балалар оңалту орталығы ашылды

<a href="https://kyzylorda-news.kz/">Kyzylorda-news.kz</a> Ашық НҚА порталы БАҚ пен онлайн платформалар саласындағы заңнамаға түзетулер пакетін жариялады. Құжатта кәмелетке толмағандарды цифрлық ортада қорғауға арналған жаңа шараларды енгізу ұсынылды. Бұл туралы <a href="https://stan.kz/tiktok-instagram-youtube-kazakstanda-16-zhaska-tolmagan-427180/">Stan.kz </a>ақпарат агенттігі хабарлайды."Онлайн платформалар және онлайн жарнама туралы" заңға түзетулер жобасында "Балаларды денсаулығы мен дамуына зиян ақпараттан қорғаудың ерекшеліктері" атты жаңа 10-1-бап бар.Ұсынылып отырған ережеге сәйкес, 16 жасқа толмаған пайдаланушыларды онлайн платформаларда тіркеуге тыйым салынады.Құжатқа сәйкес, бастама балаларды зиян контенттен шектеу және оларды онлайн қауіптерден қорғауға бағытталған.Түзетулердің өзі онлайн платформаны анықтамаса да, олар "Онлайн платформалар және онлайн жарнама туралы" заңға сілтеме жасайды. Онда онлайн платформалар дегеніміз пайдаланушылар контент жасап, тарата алатын және басқалармен өзара әрекеттесе алатын интернет қызметтер деп түсіндіріледі. Ал Қазақстандағы орташа күнделікті аудитория 100 000 пайдаланушыдан асады.Негізінен, бұл TikTok және Instagram сияқты желілерді және YouTube сияқты видеохостинг платформаларын қамтиды.Түзетулер балаларды онлайн қорқытудан қорғау процедураларын ресми түрде бекітуді жоспарлап отыр. Олардың отбасылары киберқорқыту жағдайлары туралы ресми түрде хабарлай алады, ал платформа иелері немесе өкілдері киберқорқыту контентін 24 сағат ішінде жоюы керек.Алайда 2 желтоқсанда мәдениет және ақпарат министрінің орынбасары Евгений Кочетов Қазақстан 16 жасқа толмаған балалардың әлеуметтік медианы пайдалануына тыйым салуды қарастырып жатқан жоқ деп мәлімдеді. Тілшілер Аустралия жақында 16 жасқа толмаған жасөспірімдерге әлеуметтік медианы пайдалануға тыйым салғанын еске түсіріп, Қазақстан осындай шараларды енгізуді жоспарлап отыр ма деп сұрады. Евгений Кочетов мұндай бастама күн тәртібінде жоқ деп жауап берді.<blockquote>"Жоқ, қазір біздің күн тәртібімізде бұл мәселе жоқ. Неліктен екенін түсіндіріп берейін. TikTok-та 16 жасқа толмаған балалардың қосымшаны пайдалануына жол бермейтін алгоритмдер бар. Қазір бұл онлайн платформаның штаб-пәтері Қазақстанда орналасқандықтан, мұндай жағдайлар анықталған кезде тез арада жауап беріледі. Дегенмен біз басқа онлайн платформалар туралы айтып отырған жоқпыз. Бұл мәселе әлі күн тәртібінде жоқ", – деп жауап берді Евгений Кочетов.</blockquote>Айта кету керек, 2023-2024 жылдары онлайн қызметтерге қойылатын талаптарды белгілейтін "Бұқаралық ақпарат құралдары туралы" және "Онлайн платформалар және онлайн жарнама туралы" жаңа заңдар қабылданған. Түзетулер БАҚ заңнамасын реформалаудың жалғасы ретінде ұсынылып отыр. Түзетулері бар құжат қазір 2025 жылдың 29 желтоқсанына дейін қоғамдық талқылаудан өтіп жатыр. Егер мақұлданса, тиісті заңдар мен әкімшілік құқық бұзушылық туралы кодекске түзетулер енгізіледі.Фото: Нұрболат Нұржаубай

Қазақстанда 16 жасқа толмаған балаларға әлеуметтік желілерге тіркелуге тыйым салынбақ

<a href="https://kyzylorda-news.kz/">Kyzylorda-news.kz</a> Арал ауданында кәмелетке толмағандардың қауіпсіздігі мен құқықтарын қорғау бағытындағы жұмыстарды күшейту мақсатында комиссия төрағасы, аудан әкімінің орынбасары Н.Бохаевтың төрағалығымен комиссияның отырысы өтті.Күн тәртібінде пиротехника заттардан келетін қауіптің алдын алу, мектептердегі интернет қауіпсіздігі және кәмелетке толмағандар арасындағы құқық бұзушылықтар бойынша атқарылған шаралар жөнінде жауапты сала мамандары баяндама жасап, нақты көрсеткіштер мен проблемалық тұстар талқыланды.Отырыста сертификатталмаған пиротехникалық заттардың қауіптілігі мен заңсыз сату нүктелерін анықтау мақсатында рейдтерді күшейту, кәсіпкерлер мен тұрғындарға түсіндіру жұмыстарын жүргізу, мектептерде ақпараттық қауіпсіздік ережелерін түсіндіру, кибербуллингтің алдын алу және оқушылардың зиянды контенттерден қорғалуына қатысты тапсырмалар берілді. Сонымен қатар, алдағы мереке күндері тұрғындар арасында пиротехникалық заттарды қолдану жиілейтінін ескере отырып, сертификатталмаған өнімдердің таралуын болдырмау үшін рейдтік шараларды одан әрі күшейту міндеттелді.Сонымен бірге, полиция бөлімі тарапынан жыл басынан жүргізілген рейдтік іс-шаралар мен профилактикалық жұмыстардың нәтижесінде 872 әкімшілік құқық бұзушылық дерегі анықталғаны, мектептерде профилактикалық кездесулер саны артқаны және түнгі рейдтердің нәтижесі баяндалды. Сонымен қатар, жасөспірімдер арасындағы қылмыс тіркелмегені атап өтілді.Комиссия төрағасы Н.Бохаев барлық мекемелердің үйлесімді жұмысын ерекше атап өтіп, жасөспірімдер тәрбиесіне ата-аналарды белсенді тарту және әр салада профилактикалық шараларды күшейту мақсатында нақты тапсырмалар берді.

Кәмелетке толмағандардың құқықтарын қорғау жөніндегі комиссияның отырысы өтті

<a href="https://kyzylorda-news.kz/">Kyzylorda-news.kz</a> &nbsp;Премьер-министр Олжас Бектенов Мемлекет басшысының «Таза Қазақстан» бастамасын жүзеге асыру мәселелері жөнінде кеңес өткізді.Экология және табиғи ресурстар министрі Ерлан Нысанбаевтың табиғатты қорғау іс-шараларын жүргізу, ағаш отырғызу, заңсыз қоқыс алаңдарын жою, ҚТҚ өңдеу жобаларын жүзеге асыру туралы баяндамасы тыңдалды. Сондай-ақ Премьер-министрдің орынбасары – мәдениет және ақпарат министрі Аида Балаева, ғылым және жоғары білім министрі Саясат Нұрбек, оқу-ағарту министрі Жұлдыз Сүлейменова халық арасында экологиялық мәдениетті қалыптастыру мәселелері бойынша сөз сөйледі.<blockquote>«Президентіміздің “Таза Қазақстан” бастамасы кең ауқымды жалпыұлттық қозғалысқа айналды. Мәселе тек ағаш отырғызу және қоқыс тазарту туралы болып отырған жоқ. Табиғатты қорғау идеясына бүкіл қоғамды біріктіру, жайлы да таза қоршаған орта қалыптастыру ісіне әрбір адамның белсенді қатысуы – біздің жұмысымыздың басты нәтижесі болуға тиіс. Табиғи байлықты сақтау, ауа мен судың тазылығын қамтамасыз ету, ресурстарды ұтымды пайдалану – біздің алдымызда тұрған басым міндеттер. Мемлекет басшысының бастамасы бір күндік науқан емес, жаңа экологиялық мәдениетті, сондай-ақ азаматтарымыздың күнделікті өмір салтын қалыптастыруға бағытталған тұрақты жұмыс»,&nbsp;– деп атап өтті Премьер-министр Олжас Бектенов.</blockquote>«Таза Қазақстан» бағдарламасы аясында биыл республика бойынша 1 250 экологиялық іс-шара өткізілді, оның ішінде аумақтарды жинау, көгалдандыру және экологиялық ағарту жұмыстары жүргізілді. 2,8 млн-нан астам ағаш отырғызылды, 1 млн гектардан астам жер тазартылды, шамамен 800 мың тонна қалдық жиналды. Осылайша, «Таза Қазақстан» акциясының нәтижесінде коммуналдық шаруашылықтың жүргізіліп жатқан қызметімен бірлесіп қалалар мен ауылдарда 3,8 млн ағаш отырғызылды. Бүгінгі таңда 18 млн-нан астам ағаш отырғызылды, бұл Президенттің 2025 жылға дейін елді мекендерде 15 млн көшет отырғызу міндетіне жауап береді.Заңсыз қоқыс алаңдарын жою жұмыстары жалғасуда. Құқық қорғау органдарымен бірлесе 1 300-ден астам мобилді топ жұмыс істеуде. Биыл ғарыштық мониторинг арқылы 3 833 полигон анықталды, олардың 80%-ы жойылды. 165 лауазымды тұлға әкімшілік жауапкершілікке тартылып, жалпы 12,4 млн теңге көлемінде айыппұл салынды.Жыл басынан бері @TazaQazBot телеграмм-чат платформасы арқылы 24 мыңнан астам өтінім түсті, оның 23 мыңнан астамы орындалды.Келіп түскен өтініштердің дені аумақтарды тазарту (8524), тұрмыстық қоқыстарды шығару (1709), көшелерді абаттандыру (1675) және жолдарды жөндеу (1480) жұмыстарына қатысты.«Таза Қазақстан» бастамасындағы негізгі аспектілерінің бірі – қалдықтарды жауапкершілікпен өңдеу. Өңірлердің экологиялық қажеттіліктерін қамтамасыз ету үшін 8 жаңа ҚТҚ полигоны пайдалануға берілді. Қалдықтарын жинау, сұрыптау және қайта өңдеу бойынша, оның ішінде кәдеге жарату алымынан түсетін қаражат есебінен жалпы құны шамамен 89,4 млрд теңгені құрайтын 22 инфрақұрылымдық жоба жүзеге асыру сатысында тұр.Тағы 40 жоба бойынша жұмыстар жүргізілуде. Жалпы, Кешенді жоспарда қатты тұрмыстық қалдықтар бойынша 100 полигон салу көзделген.Сондай-ақ Ерлан Нысанбаев Астана, Алматы және Шымкент қалаларында 3 қоқыс өртеу зауытын салу бойынша жүргізіліп жатқан жұмыстар туралы баяндады. Биыл жалпы құны 293 млрд теңгені құрайтын инвестиция туралы тиісті келісімдерге қол қойылды. Сонымен қатар кәдеге жарату қаражаты есебінен құрамында тұрақты органикалық ластаушы заттары бар қалдықтарды басқаруға және сот шешімімен республикалық меншікке берілген иесіз қауіпті қалдықтарды жою көзделеді.

Президенттің «Таза Қазақстан» бастамасы: Премьер-министр мемлекеттік органдардың жұмысын бақылауға алды

<a href="https://kyzylorda-news.kz/">Kyzylorda-news.kz</a> Денсаулық сақтау басқармасы қызметтік міндетін орындау кезінде жол апатынан 23 жастағы Жаңабаева&nbsp;Насиба Мұхтарқызы есімді фельдшердің қаза тапқанын расталды. Бұл туралы&nbsp;<a href="https://stan.kz/zhymis-istegenine-4-ay-gana-bolgan-densaulik-saktau-bas-427177/">Stan.kz </a>ақпарат агенттігі хабарлайды.Ведомствоның мәліметінше, ол&nbsp;жедел жәрдемде тек 4 ай ғана жұмыс істеген. Бірақ жауапты әрі жанашыр маман ретінде өзін көрсете білген.Ведомство оның қазасы қаланың медициналық қауымдастығы үшін үлкен қайғы екенін атап өтті.Әріптестері мен басшылық туыстарына көңіл айтып, оның кәсібилігін, мейірімділігін және қызметке адалдығын есте сақтайтындарын жеткізді.Фото: 103.almaty

"Жұмыс істегеніне 4 ай ғана болған": Денсаулық сақтау басқармасы Алматыда қызмет кезінде жол апатынан қаза болған фельдшер туралы айтты

<a href="https://kyzylorda-news.kz/">Kyzylorda-news.kz</a> &nbsp;Қорқыт Ата атындағы Қызылорда университетінде жастардың құқықтық мәдениетін арттыруға бағытталған кездесу өтті. Қызылорда облыстық Қазақстан халқы Ассамблеясы жанындағы Ақпараттық түсіндіру тобының мүшесі, заң ғылымдарының магистрі, аға оқытушы Қуаныш Жарекеев Ю-23-3 және Ю-24-1у топтарының студенттеріне «Адал еңбек, адал табыс, адал адам» тақырыбында терең мазмұнды дәріс оқыды.Заманауи қоғамда ауқымды өзгерістер жүріп жатқан шағында еңбектің адалдығы, табыстың таза жолмен келуі және адами құндылықтардың сақталуы бұрынғыдан да өзекті. Дәл осы мәселелерді талқылаған Қуаныш Жарекеев студенттерге құқықтық нормалар мен адамгершілік қағидаттарының бір-бірімен тығыз байланысын мысалдар арқылы түсіндірді. Ол еңбекке адал көзқарастың әр азаматтың кәсіби жолындағы басты ұстанымға айналуы қажет екенін атап өтті.Дәріс барысында спикер Қазақстан қоғамындағы сыбайлас жемқорлыққа қарсы саясат, еңбек заңнамасының негізгі талаптары және жастардың жауапкершілігін арттыру тетіктері туралы кең көлемде ақпарат берді. Студенттер белсенділік танытып, пікір алмасуға қатысып, күнделікті өмірде адалдық принциптерін қалай қалыптастыруға болатыны жөнінде сұрақтар қойды.

Адал еңбек – болашақтың берік іргетасы

<a href="https://kyzylorda-news.kz/">Kyzylorda-news.kz</a> Қазақстанда тұтынушылық кредит беру және қаржы ұйымдары клиенттерінің құқықтарын қорғау жүйесін реформалау жалғасуда. Соңғы екі жылда банктер мен микроқаржы ұйымдарында мерзімі өткен берешекті реттеу тәртібін айтарлықтай өзгертетін жаңа нормалар күшіне енді. Реформалардың мақсаты – халықтың борыш жүктемесін азайту және азаматтарға сотқа жүгінбей және коллекторлардың қысымынсыз төлем қабілеттілігін қалпына келтіруге мүмкіндік беру.Fingramota.kz азаматтарда банктік қарыздар немесе микрокредиттер бойынша туындаған мерзімі өткен берешекті реттеу рәсімінде не өзгергенін, осы рәсімді қандай жағдайда қолдануға болатынын және ол міндетті түрде кімге берілетінін айтып береді.Не өзгерді?&nbsp;1. 2021 жылғы 1 қазаннан бастап Қазақстанда заңнамалық тәртіп қолданылады, оған сәйкес кредитті өтеуде қиындыққа тап болған қарыз алушы өзінің мерзімі өткен берешегін реттеу үшін кредиторға жүгінуге құқылы. Кредитор қарыз алушыдан кешіктіру себебін және кредитті одан әрі өтеудің мүмкін нұсқаларын көрсететін жазбаша өтініш қабылдады.Осы жылдың басынан бастап клиентте берешекті реттеу мәселелері бойынша кредитормен байланысу орнатудың жаңа, қарапайым тәсілдері бар. Енді борышкер қаржы ұйымының мобильді қосымшасы немесе сайты арқылы осындай өтінішпен жүгіне алады. Қаржы ұйымының мобильді қосымшасы немесе сайты арқылы жіберілген өтінішті банк немесе МҚҰ қабылдауға және тіркеуге міндетті.2. Мерзімінің өтіп кеткені туралы хабарлау мерзімі де өзгерді. 2021 жылдан бастап банк немесе МҚҰ борышкерді мерзімі өткен сәттен бастап 30 күннен кешіктірмей хабардар етті. 2024 жылдан бастап мерзім 20 күнге дейін қысқартылды. Қазіргі уақытта банктер мен МҚҰ&nbsp;мерзімі өткен кезден бастап 10 күн&nbsp;ішінде шартта көзделген тәсілмен&nbsp;қарыз алушыны хабардар етуге&nbsp;міндетті. Мерзімдерді қысқарту реттеу рәсімінің уақытын созбауға бағытталған.Мерзімі өткен сәттен бастап 30 күн ішінде қарыз алушы кредиторға мерзімнің өту себептері туралы ақпарат береді және өзінің реттеу нұсқаларын ұсынуға құқылы. Қарыз алушы қайта құрылымдау үшін жүгінген кезде кредиторға өзінің жағдайын түсіндіруі керек. Жолданымда ол қандай кредит туралы жазғанын көрсетеді, не болғанын және неге бұрынғы режимде уақытша төлей алмайтынын, қаржылық жағдайының қалай өзгергенін сипаттайды — табысы азайды, жұмысынан айырылды, қосымша шығындары бар, ауру немесе басқа да өмірлік қиындықтар пайда болды. Одан кейін қарыз алушы нақты қандай көмек сұрайтынын түсіндіреді: төлемді азайту, кейінге қалдыру, кредит мерзімін ұзарту немесе кестені және қайта құрылымдаудың басқа түрлерін қайта қарау. Мұндай қолдаудың қай кезеңге қажет екенін және ол қазір қанша төлей алатынын жазу маңызды. Қалыптасқан жағдайды растау үшін қарыз алушы құжаттарды ұсынуы қажет.&nbsp;Қаржы ұйымы өтінішті 15 күн ішінде қарап, шешім қабылдайды. Егер 30 күн ішінде ымыраға келетін шарттарға қол жеткізілмесе, онда кредитор реттеу &nbsp;рәсімінен бас тартты деп саналады.3. Егер өзара қолайлы шешім табылмаса, қайда жүгіну керек&nbsp;Егер кредитор мен қарыз алушы қайта құрылымдау нұсқалары бойынша ортақ пікірге келмеген жағдайда, қарыз алушы мәселені сотқа дейінгі тәртіппен шешу үшін&nbsp;банктік немесе микроқаржы омбудсмандарына&nbsp;жүгіне алады. Өткен жылдан бастап банк омбудсманының өкілеттігі кеңейтіліп, алғаш рет микроқаржы омбудсманы институты енгізілді. Егер бұрын банк омбудсманы банк пен клиент арасында тек ипотекалық кредиттер бойынша туындаған дауларды қараса, енді ол жеке тұлғалардың тұтынушылық қарыздары және коллекторлық агенттіктерге берілген қарыздар бойынша мәселелерді қарайды. Микроқаржы омбудсманының мәселелерін қарау аясына жеке тұлғалардың қарыздары мен коллекторлық агенттіктерге берілген қарыздар кірді. Омбудсмандардың қызметтері тегін.Осылайша, мерзімі өткен кредиттері бар қарыз алушылардың жолданымдарын қараудың үш деңгейлі жүйесі қалыптасты. Ең алдымен банкке немесе МҚҰ-ға хабарласу қажет. Егер мәселе шешілмесе және тараптар арасында шешім табылмаса, онда қарыз алушы банк немесе микроқаржы омбудсманына &nbsp;жүгінеді. Егер қарыз алушы омбудсманның шешімдеріне қанағаттанбаса немесе шешім қабылданбаса немесе банк / МҚҰ шешімді орындамаса – сіздің Қаржы нарығын реттеу және дамыту агенттігіне жүгінуге құқығыңыз бар.4. Кредиттер бойынша төлем мерзімін кейінге қалдыруды кім міндетті түрде ала алады және қандай жағдайда?&nbsp;Қазақстанда кредиттер мен қарыздар бойынша заңнамаға 2024-2025 жылдары осал топтардағы адамдарды, оның ішінде әскери қызметшілерді, аз қамтылған азаматтарды, сондай-ақ төтенше жағдайлардан зардап шеккен адамдарды &nbsp;ескеретін маңызды толықтырулар енгізілді. Бұл өзгерістер борыш жүктемесін жеңілдетуге және қиын өмірлік жағдайдағы қарыз алушыға қарыздарды қайта құрылымдауға мүмкіндік беруге арналған.2024 жылғы маусымда қол қойылған заңда&nbsp;әскери қызметшілерге&nbsp;арналған арнайы қағида көзделген. Міндетті әскери қызмет өткеретін адамдар үшін, сондай-ақ демобилизациядан кейін 60 күн ішінде кредиттер бойынша айыппұлдар мен пайыздарды есептеу тоқтатыла тұрады, сондай-ақ кредитті төлеу бойынша төлем мерзімі кейінге қалдырылады.Яғни, егер әскери қызметшінің кредиті болатын болса, қызмет кезеңінде және демобилизациядан кейін оған борышқа қызмет көрсету бойынша «жеңілдік» беріледі. Бұл азаматтық өмірге қайта оралғаннан кейін кіріс немесе тұрақтылықты қалпына келтіруге уақыт береді.Сондай-ақ, Агенттік ағымдағы жылы мерзімді қызметтегі әскери қызметшілерге кредит беруге тыйым салу талабын енгізді. Банктер мен МҚҰ қарыз берудің алдында қарыз алушының мәртебесін мерзімді қызметке шақыру немесе оны өткеру тұрғысынан тексеруге тиіс. Егер адам мерзімді қызметте болса, оған кредит берілмейді. Әскери қызметшінің мәртебесі туралы деректер кредиттік бюроларға беріледі, содан кейін олар банкке немесе МҚҰ-ға хабарлайды.Халықтың әлеуметтік осал топтары және ТЖ-дан зардап шеккендер2024-2025 жылдардағы бастамалар күнделікті қиындықтарға немесе төтенше жағдайларға байланысты кірісін жоғалтқан немесе дағдарысқа ұшыраған азаматтарды қолдауға бағытталған. Әлеуметтік тұрғыдан осал азаматтар үшін өмірлік жағдайдың нашарлауы құжат жүзінде расталған жағдайда кредиттерді төлеу &nbsp;мерзімі кемінде үш айға кейінге қалдыру мүмкіндігі көзделген.&nbsp;Төтенше жағдай салдарынан зардап шеккендерге төлем мерзімі &nbsp;айыппұлдар мен қосымша комиссияларсыз міндетті түрде кемінде 3 айға кейінге қалдырылады. Төлемдер кестесін қолданыстағы төлем сомасының 50%-ына азайту арқылы өзгерту қолдау көрсетудің тағы бір нұсқа болуы мүмкін.Өмірлік қиын жағдайға (кірістің қысқаруы, ауру, жұмыстан немесе жалақыдан айырылу) тап болған адамдар айыппұлдар мен коллекторлық қысымынан уақытша босатылуы мүмкін.&nbsp;Қарызды қайта құрылымдау шарттары төмендегідей болуы мүмкін:сыйақы мөлшерлемесін азайту;төлем мерзімін кейінге қалдыру;өтеу әдісін өзгерту;қарыз сомасын ұлғайту;мерзімі өткен негізгі борышты және (немесе) сыйақыны кешіру, айыпақының (айыппұл, өсімпұл), комиссиялар мен қарызға қызмет көрсетуге байланысты өзге де төлемдердің күшін жою;&nbsp;ипотека нысанасы болып табылатын жылжымайтын мүлікті дербес түрде сату немесе кепіл мүлкін кредиторға беру арқылы бас тарту төлемін ұсыну;міндеттемені сатып алушыға беру арқылы жылжымайтын мүлікті өткізу.<img src="https://knadmin.beoblood.kz/uploads/2605_infografika_kaz_55_0bb0fd8221.png" alt="2605-infografika-kaz-55.png">Фото: fingramota.kz

Архив