<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілістің күн тәртібінде егіс алқаптарын суармалы сумен қамтамасыз ету мәселелері талқыланды. Оған қала және аудан әкімдері, сала басшылары қатысты.<blockquote>«Егіс алқаптарын суармалы сумен қамтудыкүнделікті бақылауда ұстау керек. Су ресурстарын ұтымды және үнемді пайдалануға бағытталған шараларды күшейтіңіздер. Бұл ретте су үнемдеу технологияларын қолдану, егін алқаптарын кезектестіріп суару, лазерлік тегістеу әдістерін кеңінен енгізу секілді тиімді тәсілдерге басымдық берілуі тиіс», – деді Н.Нәлібаев.</blockquote>Айта кетейік, су қоймаларына жиналған, жоғарыдан келетін су көлемінің болжамына сәйкес, биыл 3,9 миллиард текше метр су лимиті белгіленген. Оған сәйкес, ауыл шаруашылығы дақылдарының жалпы көлемі 193,7 мың гектар, оның ішінде күріш көлемі80,9 мың гектар. Маусымның 5-сіндегі жағдай бойынша Сырдария өзенінен 955 миллион текше метр су алынған, соның 790 миллион текше метрі егістікке берілген.Сырдария өзенінің суын тиімді пайдалану үшін бірқатар маңызды шаралар жүзеге асырылуда. Атап айтқанда, 357 насос қондырғысы дайындалып, бүгінде оның 162-і қосылған. Су үнемдеу мақсатында магистральді және шаруашылық каналдарымен су кезектестіріліп беріледі. Күріш егістігін лазерлік тегістеу жұмыстары да жүргізілуде, бүгінде оның көлемі 60 мың гектарға жеткен. Су үнемдеу технологиялары бойынша жұмыстар 9,2 мың гектар аумақта жүзеге асырылуда.

Егін алқаптарын суармалы сумен қамтамасыз ету мәселесі талқыланды

<a href="https://kyzylorda-news.kz/">Kyzylorda-news.kz</a> "Азаматтарға арналған үкімет" Құрбан айт мейрамына орай Халыққа қызмет көрсету орталықтарының қалай жұмыс істейтінін мәлім етті, деп хабарлайды <a href="https://kaz.nur.kz/society/2252175-qurban-ait-meiramyna-orai-halyqqa-qyzmet-korsetu-ortalyqtary-qalai-zhumys-isteidi/">KAZ.NUR.KZ.</a><blockquote>"Құрметті қызмет алушылар! Құрбан айт мерекесіне орай 6 маусым күні ХҚКО-лар мен МХҚКО-лар жұмыс істемейтінін хабарлаймыз.</blockquote>7 маусым, сенбі күні азаматтарды тек кезекші орталықтар қабылдайды. 9 маусымнан бастап барлық орталық әдеттегі жұмыс кестесіне сай қызмет көрсетеді", - делінген хабарламада.Кезекші орталықтар тізімін осы жерден қарауға болады.Айта кетейік, 6 маусым – Құрбан айт мейрамының алғашқы күні. Бұл күні қазақстандықтар демалады.Фото: Владимир Третьяков

Құрбан айт күндері ХҚКО-лар қалай жұмыс істейді

<a href="https://kyzylorda-news.kz/">Kyzylorda-news.kz</a> Атыраулық Гүлзия Бекболат жеті айлық сәбиінің өліміне жекеменшік балабақша қызметкерлерін кінәлайды. Айтуынша, бөбекжай мамандары баласына дұрыс қарамаған. Келіншек тіпті қызметкерлер ұлыма қол көтерді деп күмәнданады. Сараптама қорытындысында нәрестінің қатты заттан соққы алғаны жазылған екен. Бұл туралы <a href="https://stan.kz/atirauda-zheti-aylik-sabi-balabakshada-shetinep-ketti-a-418916/">Stan.kz </a>ақпарат агенттігі 31-арнаның &nbsp;<a href="https://www.youtube.com/watch?v=VPFzvVGAJl4">Информбюро</a> жаңалықтар бағдарламасына сілтеме жасап хабарлайды.Гүлзия Бекболат жеті айлық ұлынан былтыр қазан айында айырылып қалды. Айтуынша, бесікте жатқан баласының көзі айналып, денесі суықтай бастапты. Содан кейін балабақша бірден хабарласып, ұлын емханаға апарған. Келіншек сау баласының бұрын-соңды ешқандай сырқаты болмаған деп отыр. Сондықтан ол ұлы бесікке қысылып қалуы мүмкін деп топшалайды.<blockquote>“Балам балабақшада бесікте жатып қайтты. Сағат 4-тер шамасында бөлеп, баламды тастадым, бір сағаттан соң “көзі айналып салқындап кетті” деді. Реаниматологтың айтуы бойынша баланы бесіктен шешкен соңғы демі бітіп, көз жұмды. Балам жіпке қысылып қалуы мүмкін. Сараптама пневмония деп берді. Келіспеймін. Әркім өз жазасын алсын. Іс сотқа жеткенін қалаймын. Істі қысқартып, сотқа жетпеді”, – деді сәбидің анасы Гүлзия Бекболат.</blockquote>Балабақша заңсыз жұмыс істейді екен, бірақ баланы үйден қабылдайды. Олар анасының айтқанын жоққа шығарды. Сөздерінше, сәби әу баста ауырып жүрген. Дегенмен өз тарапымыздан алғашқы көмек көрсеттік дейді.Білім беру саласындағы сапаны қамтамасыз ету мамандары мұндай жекеменшік балабақшаның барын білмегендерін айтады.<blockquote>“Мына оқиға бойынша бізге өтініш тіркелген жоқ. Бұл оқиға бойынша арыз-шағым түскен жоқ. Департаменттің тексеру құзіретіне жататын мәселе болса, тиісті жоспардан тыс тексеру ашып, тексеріс жүргіземіз. Ары қарай заңды шараларын қабылдаймыз”, – деді Атырау облысы білім беру саласындағы сапаны қамтамасыз ету департаментінің басшысы Бердібек Таишев.</blockquote>Полиция қылмыстың болмауына байланысты тергеуді қысқартыпты.<blockquote>“Қалалық полиция бөліміне қылмыстық іс тіркеліп, тергеу амалдары жүргізілді. Баланың өлімінің себептерін анықтау үшін сот-медициналық сараптамалар тағайындалған, сараптама қорытындысына сәйкес қылмыстың құрамына болмауына байланысты қылмыстық іс қысқартылған”, – деп мәлімдеді Атырау облыстық полиция департаментінің баспасөз хатшысы Мейірім Ердәулет.</blockquote>Ахмет үйінің екіншісі болған. Отбасы енді ісіне салғырттық танытқандар әділ жазасын алсын деп отыр.Видеодан скриншот

Архив

Егін алқаптарын суармалы сумен қамтамасыз ету мәселесі талқыланды

Құрбан айт күндері ХҚКО-лар қалай жұмыс істейді

Атырауда жеті айлық сәби балабақшада шетінеп кетті: Балабақша бұған дейін заңсыз жұмыс істеп келген