<a href="https://kyzylorda-news.kz/">Kyzylorda-news.kz</a> Жаңа жылу электр стансасы Мемлекет басшысының оңтүстік өңірлерде халық пен экономика сұранысын қамтамасыз ету жөніндегі тапсырмасын орындау мақсатында салынды.&nbsp;<img src="https://knadmin.beoblood.kz/uploads/5_Prezident_zha_a_zhylu_elektr_ortaly_yna_bardy_c33be372be.jpg" alt="5Президент жаңа жылу электр орталығына барды.jpg"><img src="https://knadmin.beoblood.kz/uploads/4_Prezident_zha_a_zhylu_elektr_ortaly_yna_bardy_5306974771.jpg" alt="4Президент жаңа жылу электр орталығына барды.jpg">Орталық 240 мегаватт электр қуатын және 277 гигакалория жылу энергиясын өндіреді. Жобаның жалпы құны – 215 миллиард теңге. Жылу электр стансасы түркиялық Aksa Energy компаниясының инвестициясы есебінен бой көтерді.<img src="https://knadmin.beoblood.kz/uploads/2_Prezident_zha_a_zhylu_elektr_ortaly_yna_bardy_8260f52fe1.jpg" alt="2Президент жаңа жылу электр орталығына барды.jpg">&nbsp;Қазіргі кезде негізгі агрегаттар, атап айтқанда, әрқайсысының қуаты 176 мегаватт болатын екі газ турбинасы, қуаты 95 мегаватт бу турбинасы, өнімділігі сағатына 120 тоннаға жететін екі бу қазандығы, қуаттылығы сағатына 150 гигакалорияны құрайтын төрт су қыздыру қазандығы орнатылып, толық монтаждалған.<img src="https://knadmin.beoblood.kz/uploads/1_m_Prezident_zha_a_zhylu_elektr_ortaly_yna_bardy_3e0b47859c.jpg" alt="1 mПрезидент жаңа жылу электр орталығына барды.jpg"><img src="https://knadmin.beoblood.kz/uploads/2_Prezident_zha_a_zhylu_elektr_ortaly_yna_bardy_cc03f444fb.jpg" alt="2 Президент жаңа жылу электр орталығына барды.jpg"><img src="https://knadmin.beoblood.kz/uploads/3_Prezident_zha_a_zhylu_elektr_ortaly_yna_bardy_10dd75614f.jpg" alt="3Президент жаңа жылу электр орталығына барды.jpg">&nbsp;t.me/aqorda_resmi

Президент жаңа жылу электр орталығына барды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде электр энергетикасы саласын дамыту және цифрландыру мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты.Облыста энергетикалық инфрақұрылым нысандары жыл сайын жаңғыртылуда. Әртүрлі кернеудегі 10 мың шақырымнан асатын электр желілері, 2 мыңға жуық қосалқы станция бар. Биыл 6 млрд. 100 млн. теңгеге280 шақырым электр желісі, 87 қосалқы станция қайта жаңғыртылып, тозу деңгейі 62 пайыздан 60 пайызға төмендеді.Президент тапсырмасына сәйкес, оңтүстік өңірлерде электр энергиясының тапшылығын болдырмау, жаңа энергетикалық қуатты іске қосу мақсатында Қызылорда қаласында 240 мегаватт электр энергиясы мен 277 гигакалория жылу энергиясын өндіретін жаңа жылу-электр орталығының құрылысы аяқталды.Бүгінде инвестор «Акса Энерджи» түрік компаниясы негізгі, қосалқы қондырғыларды 100 пайыз жеткізген. Станцияның бірінші іске қосу кешені дайын.Аталған жоба өңірді электр энергиясымен толық қамтамасыз етіп, өндірісті дамытуға серпін бермек. Ал орталық толық қосылғанда өзге өңірлерге электр энергиясын сатуға мүмкіндік туады.«Самұрық-Қазына» акционерлік қоғамы 800 млрд. теңгеге қуаттылығы 1100 мегаваттық жаңа бу-газ қондырғыларын салуды жоспарлаған. Оған 280 гектар жер бөлініп, қазіргі таңда техника-экономикалық негіздемесі әзірленуде. Станция 2029 жылы толығымен іске қосылады.Фото: Қызылорда облысы әкімінің баспасөз қызметі

Электр энергетикасы саласын дамыту және цифрландыру мәселесі талқыланды

<a href="https://kyzylorda-news.kz/">Kyzylorda-news.kz</a> “Азаматтарға арналған үкімет” мемлекеттік корпорациясы Қызылорда облысы бойынша филиалы ұжымы “Таза қала, таза Қазақстан” экологиялық акциясына белсене қатысты.Бұл игі іс-шара Халыққа қызмет көрсету орталықтарының 20 жылдығына орай ұйымдастырылды. Акцияның мақсаты – өңір тұрғындарына экологиялық мәдениетті насихаттау, қоршаған ортаға қамқорлықпен қарауға үндеу және туған өлкенің тазалығына үлес қосу болып табылады.Акция барысында филиал қызметкерлері қала аумағындағы қоғамдық орындар мен жасыл аймақтарда тазалық жұмыстарын жүргізіп, тұрмыстық қалдықтарды жинады.“Біздің мақсат – тек қана қызмет көрсету сапасын арттыру емес, сонымен бірге қоғам алдындағы әлеуметтік жауапкершілікті күшейту. Табиғатты аялау – баршамыздың ортақ міндетіміз,” – деді филиал директоры Аида Абибуллаева.Осындай шаралар арқылы облыстық филиал ұжымы экологиялық мәдениетті қалыптастыруға және елдің экологиялық ахуалын жақсартуға өз үлесін қосуды жалғастырады.

Қызылордада ХҚКО қызметкерлері экологиялық акцияға қатысты

<h2 style="text-align:center;">Дағдарыстан - дамуға: Қызылорда облысының экологиясын жақсартудағы ең үздік қолжетімді технологиялардың рөлі</h2><a href="https://kyzylorda-news.kz/">Kyzylorda-news.kz</a> Қызылорда облысы экологиялық тұрғыдан Қазақстанның ең осал өңірлерінің бірі. Суы сарқылған Арал теңізінің зардабы және қазіргі заманғы тазарту технологияларының жоқтығы халық денсаулығына да, өңір экономикасына да әсерін тигізіп, жағдайды ушықтырып тұр.Экологиялық жүктеменің ең негізгі көзі - энергетика мен өнеркәсіп. Ұлттық статистика бюросының мәліметі бойынша 2024 жылы облыс атмосферасына 25 мың тоннаға жуық ластағыш зат шығарылған, оның 23 мың тоннасы тазартылмаған.Шығарындылар құрамындағы ең қауіпті заттар - көміртек тотығы (9129 тонна), азот тотығы (8304 тонна), көмірсутек (3371 тонна), күкірт ангидриді (1570 тонна) және ұшпа органикалық қосылыстар (1860 тонна).Мұндағы тазарту құрылыстары іс жүзінде жұмыс істемейді: олардың ауқымы тек 6,5 тонна ластағыш затты ғана қамтиды.Тағы бір күрделі мәселе - сапалы тұщы су тапшы. Экологиялық дағдарыс аймақтары ретінде ресми танылған Арал және Қазалы аудандарында ескірген су тазарту құрылыстарының жүктемеге шамасы жетпейді. Халық шарасыздан сапасы төмен суды пайдаланып отыр, ал бұл сырқаттану деңгейіне тікелей әсер етеді.&nbsp;Сарапшылар бұл дағдарыстан шығудың жолы - өңірдің ең үздік қолжетімді технологияларды (ЕҚТ) енгізе отырып, кешенді экологиялық рұқсатқа көшуі деп санайды.Бұл шаралар жаңа экологиялық кодексте бекітілген: I санаттағы кәсіпорындар 2030 жылға дейін заманауи экологиялық қауіпсіз технологияларды енгізуі немесе жоғары экологиялық алымдарды төлеуі тиіс.&nbsp;Халықаралық жасыл технологиялар және инвестициялық жобалар орталығының ЕҚТ бюросының деректері бойынша Қызылорда облысы үшін басым бағыттар: заманауи су тазарту станцияларын салу, өнеркәсіп пен ауыл шаруашылығында су үнемдеу технологияларын енгізу, энергетика мен қалдықтарды қайта өңдеуді жаңғырту, пайдалы қазбаларды экологиялық қауіпсіз өндіру. Кешенді технологиялық аудиттер газ тазарту жүйелерін енгізу, шығарындыларды бақылау және өнеркәсіптік қалдықтарды қайта өңдеу қажеттілігін растайды.Қызылорда облысының экологиялық жағдайы - аса ауыр күйде. Бірақ сарапшылар: ЕҚТ енгізе отырып, кешенді экологиялық рұқсатқа көшу, тазарту жүйелерін жаңғырту және су ресурстарын қалпына келтіру өңірдің орнықты дамуына негіз бола алады деп отыр. Қызылорда облысы тіпті ауыр экологиялық жағдайдың өзінде жаңару жолдарын қарастырып, халықтың өмір сапасын жақсарту тәсілдерін қолдану арқылы басқа өңірлерге үлгі бола алады. &nbsp;Г.А.Медиева, э.ғ.д., академик, ХЖТИЖО ғылыми кеңесшісі

Қызылорда облысының экологиялық проблемалары және ең үздік қолжетімді технологияларды енгізу

<a href="https://kyzylorda-news.kz/">Kyzylorda-news.kz</a> Бүгін Алматы облысы Тарғап ауылы тұсындағы кемпинг-алаңда ауқымды экологиялық бастама – «Taza Qazaqstan» road-эстафетасының ашылу салтанаты өтті. Бір аптаға жалғасатын ауқымды іс-шара барысында қатысушылар Алматы, Шымкент қалалары және Жамбыл, Түркістан, Қызылорда облыстары арқылы мың шақырымнан астам жолды еңсереді. Жобаға «Жастар Рухы» жастар қанатының мыңдаған белсендісі мен жергілікті тұрғындар атсалысады. Акцияның басты мақсаты – қоғамда жаңа экологиялық мәдениет қалыптастыру, табиғат пен тарихи мұраға құрметпен қарау және азаматтардың қоршаған орта алдындағы жауапкершілігін арттыру.«AMANAT» партиясының Атқарушы хатшысы&nbsp;Дәулет Кәрібек&nbsp;өз сөзінде жаһандық ғылыми қауымдастық ондаған жылдан бері климаттың өзгеруі, су тапшылығы, ауаның ластануы, орман өрті, топырақтың құнарсыздануы сияқты экологиялық апат қаупі туралы дабыл қағып келе жатқанын атап өтті. Алайда қоршаған ортаны қорғауда тек мемлекет күшінің жеткіліксіз екені айқын, бұл – әрбір азаматтың міндеті. Сондықтан «AMANAT» партиясы road-эстафета арқылы әр қазақстандықтың табиғат пен тарихи мұраны қорғауға үлес қоса алатынын, ал бірлесіп әрекет етсек, экологиялық апаттың алдын алып, елді болашақ ұрпақ үшін жасыл әрі қауіпсіз етіп сақтай алатынымызды көрсетеді.<blockquote>«Мемлекет басшысы Қасым-Жомарт Тоқаев атап өткендей, «Таза Қазақстан» бұл – бір күндік науқан емес, бұл – біздің өмір салтымыз, сондықтан тазалық әр адамнан, әр үйден, әрбір көше мен әр қаладан басталуы керек. Осы сөздер біздің идеялық тұғырнамамызға айналды. Қоғамда табиғатқа, тарих пен мәдениетке, жалпы қоршаған ортаға ұқыпты қарау әдетін орнықтыру қажет. Жастардың бойына нағыз экологиялық патриотизмді сіңіріп, жауапты мінез-құлық қалыптастыру – біздің басты мақсатымыз», – деді ол.</blockquote>Ұйымдастырушылардың айтуынша, эстафета аясында тек қоқыс жинау ғана емес, депутаттардың халықпен кездесулері, жастарға арналған open-air іс-шаралары, қоғамдық қабылдаулар және таза ауада «Чемпиондық рух» жаттығулары өтеді. Сонымен қатар «Вандализмге жол жоқ!» жобасы шеңберінде «Тұлғалар тұғыры» мемориалдық кешені, «Ақыртас» сарай кешені, «Бірлік» монументі және ежелгі Сауран қалашығы сияқты тарихи нысандар тазартылып, абаттандырылады. Осылайша road-эстафета табиғатты қорғау, мәдени мұраны сақтау және экологиялық патриотизмді қалыптастыру міндеттерін тоғыстырады.<blockquote>«Бұған қоса, акциямыз мәдени-ағартушылық миссиясын да атқарады. Жастар мұндай жұмыстар арқылы тарихты тереңірек танып қана қоймай, табиғат пен мәдени мұраға құрметпен қарауды үйренеді. Себебі кез келген ескерткішті бүлдіру – халықтың тарихи жадына қастандық жасаумен тең. Осыдан екі жыл бұрын «Жастар Рухы» жастар қанаты вандализмге қарсы қоғамдық петицияны қолдаған болатын. Кейін сол бастама вандализмге қарсы жауапкершілікті күшейтетін заңның негізіне айналып, оған өткен жылы Мемлекет басшысы қол қойды»,&nbsp;– деді «Жастар Рухы» төрағасы&nbsp;Ақерке Искандерова.</blockquote>Өз кезегінде Мәжіліс депутаты, «AMANAT» партиясы фракциясының мүшесі&nbsp;Никита Шаталов&nbsp;Президенттің «Таза Қазақстан» бастамасы аясындағы экологиялық эстафетаның қоғамдық маңызына тоқталды.«Бұл эстафетаға депутаттар да, жастар да, волонтерлер мен жергілікті қауым өкілдері де бірдей атсалысуда. Барлығының мақсаты – табиғаттың тазалығын сақтау, тарихи-мәдени мұраны қорғау. Осындай игі бастамалар жаңа экологиялық мәдениетті қалыптастырып, ел ішінде патриотизм мен ауызбіршілікті арттыра түседі. Бұл – әрбір азаматты елдің келешегіне жауапкершілікпен қарауға үндейтін қозғалыс»,&nbsp;– деді халық қалаулысы.Акция аясында белсенділер мен волонтерлер жол жиегін, автотұрақтар мен кемпинг аумақтарын тазалайды. Жұмыс квадрокоптерлер арқылы жүргізілген аэробарлау деректеріне сүйене отырып ұйымдастырылады. Жиналған қоқыс полигондарға жеткізіледі.<blockquote>«Қазақстан – ұлан-ғайыр даласы бар, табиғаты әр алуан мемлекет. Кең байтақ жері мен қайталанбас табиғатымен таңғалдыратын ел. Бірақ осынау кең көсілген байтақ жерімізде қоқыс үйінділері көзге түсіп, әсем табиғаттың ажарын кетіріп жатады. Өткен жылы «Жастар Рухы» жастар қанатының 2 мыңнан астам белсендісі мен жақтастары Астанадан Алматыға дейінгі 1200 шақырымдық жолды жүріп өтіп, 100 тонна қоқыс жинады. Биылғы міндет – тек қоқыс жинап қана қоймай, оны сұрыптап, елдің экологиялық мәдениетін дамытуға үлес қосу. Бұл игі іске әр қазақстандық үлес қоса алады. Республикамызды бірге таза әрі жайлы мекенге айналдырайық»,&nbsp;– деді «Қоғамды экологиялық дамыту орталығы» қоғамдық қорының жетекшісі&nbsp;Танир Ясса.</blockquote>Айта кетейік, «Таза бейсенбі» акциясы аясында «AMANAT» партиясының мүшелері мен «Жастар Рухы» белсенділері бір жарым жылға жетпейтін уақытта 1000-нан астам ластанған аумақты тазартып, абаттандырды. Іс-шараларға 90 мыңға жуық адам қатысып, 160 мың тоннадан астам қоқыс шығарылды.<img src="https://knadmin.beoblood.kz/uploads/img_2729_2a0bac2a42.webp" alt="img_2729.webp">Экологиялық мәселелерді шешу – «AMANAT» партиясының сайлауалды бағдарламасындағы маңызды басымдықтардың бірі. 2027 жылға дейін тұрмыстық қатты қалдықтарды қайта өңдеу және кәдеге жарату үлесін 36%-ға дейін арттыру, Жайық өзенінің экожүйесін қалпына келтіру, Балқаш көліне тұрақты су ағынын қамтамасыз ету, ауа сапасының индексін енгізу, кәсіпорындардың ластаушы заттар шығарындыларын 40%-ға дейін төмендету, сондай-ақ 14 жаңа су қоймасын салу және қолданыстағы 16 қойманы қайта жаңғырту жоспарланған.<img src="https://knadmin.beoblood.kz/uploads/img_2731_1_1d9cd448af.webp" alt="img_2731-1.webp">

«Taza Qazaqstan»: «AMANAT» партиясы Алматыдан Қызылордаға дейінгі road-эстафета бастады

<a href="https://kyzylorda-news.kz/">Kyzylorda-news.kz</a> Жылу энергетикасы – өнеркәсіптің барлық саласы мен халық тұрмысының маңызды бөлігі. Оның негізін құрайтын қазандық қондырғыларының тұрақты әрі қауіпсіз жұмысы бүкіл жылу жүйесінің үздіксіз қызмет етуінің басты шарты болып саналады. Қазандықтарды дұрыс пайдалану апаттардың алдын алып, жазатайым оқиғалардың болмауына тікелей әсер етеді. Бұл туралы бүгін Өңірлік коммуникациялар қызметінің ақпарат алаңында облыстық ТЖД Өнеркәсіптік қауіпсіздік басқармасының қазандық, газ шаруашылықтары, көтергіш құрылыстар және нан өнімдері объектілерін мемлекеттік бақылау және қадағалау бөлімінің басшысы Ақылбай Әкімниязов айтты.<blockquote>– Қазандық қондырғыларын пайдалану – күрделі әрі жауапты процесс. Ол жұмыс ортасының жоғары қысымы мен температурасын, жарылыс және өрт қаупі бар қоспалардың түзілуі секілді бірқатар қауіпті факторларды қамтиды. Қазіргі уақытта жылу энергетикасында газ, сұйық және қатты түрдегі отындар қолданылады. Экологиялық және экономикалық тұрғыдан ең тиімдісі – табиғи газ. Қондырғының оңтайлы әрі қауіпсіз жұмысын қауіпсіз жұмысын қамтамасыз ету үшін қысым, температура, ағын, су деңгейі, діріл және газ құрамындағы оттегі мен көміртегі оксиді сияқты параметрлер тұрақты бақылауда болуы қажет. Сонымен қатар, қазандық иесі мен ұйым басшысы жабдықтарының жарамды әрі қауіпсіз жұмысын қамтамасыз етуге міндетті. Қазандық орналасқан орындарға адамдардың рұқсатсыз кіруіне тыйым салынады. Ал, қауіп туындаған кезде қазандық дереу тоқтатылуы керек. Авариялық тоқтату себептері арнайы журналға тіркеліп, технологиялық регламентте көрсетілген тәртіппен орындалады,- деді Ақылбай Дайрабайұлы.</blockquote>Фото: Қызылорда облысының Өңірлік коммуникациялар қызметі

Қазандық қондырғыларының қауіпсіз жұмысы – үздіксіз жылу жүйесінің кепілі

<a href="https://kyzylorda-news.kz/">Kyzylorda-news.kz</a> Жылу беру маусымының қарсаңында әлеуметтік тұрғыдан әлсіз отбасыларға үлкен қолдау көрсетілмек. «QazaqGaz Aimaq» акционерлік қоғамы мен «Әлеуметтік әмиян» сервисі бірлесіп, атаулы әлеуметтік көмек пен тұрғын үй көмегін алушыларға табиғи газды жеңілдікпен пайдалану мүмкіндігін ұсынды. Жылу беру маусымы қарсаңындағы жаңашылдықты QazaqGaz Aimaq Қызылорда өндірістік филиалы директорының міндетін атқарушы Мұрат Бектібаев пен QazaqGaz Aimaq Қызылорда өндірістік филиалының “Апатты-диспетчерлік қызметінің бастығы Базарбек Ерімбетов хабарлады.<blockquote>- Бұл тұрғындар үшін ыңғайлы. Себебі смартфон арқылы ваучерді толығымен онлайн алуға және белсенді етуге мүмкіндік береді. Аталмыш шара Еңбек және әлеуметтік қорғау министрлігінің және «QazaqGazAimaq» компаниясының базаларынан алынған деректерді автоматты түрде назарға ала отырып, азаматтарды қағаз анықтамаларды жинау мен беруден босатады. Күту уақытын қысқарту және қателерді азайту арқылы процедураның ашықтығымен қарапайымдылығын қамтамасыз етеді. 1 шілдеден бастап тырнақалды бастама Қазақстанның барлық аумағына сәтті таралды. «Әлеуметтік әмиян» сервисі арқылы 2,3 мыңғажуық ваучер дербес іске қосылды. Осылайша, «Әлеуметтік әмиян» жеңілдік алупроцесін оңайлатып, оны жылдам, қолжетімді жәнеәр отбасы үшін ыңғайлы етеді. QazaqGaz Aimaq мобильді қосымшасы газдыесептеу құралдарынан деректерді ыңғайлы және жылдам беруге арналған,- деді Мұрат Алпамысұлы.</blockquote>&nbsp;«QazaqGaz Aimaq» АҚ ауа-райының өзгеруіне және жылыту маусымының басталуына байланысты улы газбен улану қаупі артқанын ескертеді.<blockquote>– Өкінішке орай, статистика бойынша жыл сайын табиғи газды тұтынушылары бұл ескертулерге немқұрайлы қарайтынын көрсетеді. Газ қызметкерлері үшін анықталған нәрсе – орын алған қайғылы жағдайлар, негізінен, газ тұтыну жабдықтарын пайдалану кезінде қарапайым қауіпсіздік ережелерін сақтамағандықтан болады. Оған себеп - зардап шеккендердің жылыту құралдарын пайдалануға немқұрайлы қарауы, оларды өз бетінше қосуы, құрастыруы немесе орнын ауыстыруы, қолдан жасалған газ жабдықтарын пайдалануы, тамақ дайындауға арналған газ жабдығымен үй-жайларды жылытуы, техникалық қызмет көрсетуді орындамауы, мұржаның түтін тартуын тексермеуі.Ауа желдетілуі жеткілікті қамтамасыз етілмеген үй-жайда, терезелер, желдету арналары жабық кезде, кірпіш, сылақ тығыздығы бұзылған кезде газ аспаптарын пайдалану нәтижесінде газ түтіні сыртқа шықпай, үй-жайда улы газ жиналады. Улы газдың өте аз мөлшерінің өзі қанмен тез араласады, адам тез уланады. Бөлмеде 0,5% улы газ жиналса болды, осы мөлшердің өзі 20 минуттан кейін адамның жүрегі тоқтайтындай уландырады. Сондықтан мұржа мен желдету арналарының дұрыс жұмыс істеуі - сіздің қауіпсіздігіңіз бен денсаулығыңыздың кепілі,- деді Базарбек Өтебекұлы.</blockquote>

Жылу беру маусымы қарсаңындағы жаңа мүмкіндік

<a href="https://kyzylorda-news.kz/">Kyzylorda-news.kz</a>&nbsp; Бүгінде өңірде жылу беру маусымына дайындық жұмыстары қарқынды жүргізіліп жатыр. Аймақтағы әлеуметтік нысанның барлығы жылу беру маусымына толық дайын.&nbsp;Сонымен қатар, облысқа қажетті 139 мың тонна көмірдің 30,6 мың тоннасы жеткізілген. Қалған көлемі кезең-кезеңімен толықтырылатын болады. Бұл туралы бүгін Өңірлік коммуникациялар қызметінің ақпарат алаңында облыстық энергетика және тұрғын үй-коммуналдық шаруашылық басқармасының басшысы Медет Усаин айтты.<blockquote>- Биыл жылумен қамту нысандарын жаңғыртуға 13,5 млрд теңге қаржы жоспарланған. Қызылорда жылу электр орталығының Оңтүстік қазандықтың Боно энерджи маркалы үш бу қазандығын жаңғырту жұмыстарын аяқтауға Үкімет резервінен 2,5 млрд теңге, жергілікті бюджеттен 1,3 млрд теңге бөлінді. Қазіргі таңда 1 дана қазандық орнатылды, қалған 2 қазандық осы аптада нысан басына жеткізілетін болады. Бұл жұмыстар 10 қазанға дейін толық аяқталады. Облыс бойынша жылу желілерінің тозу деңгейі 42 пайызды құрайды. Биыл 8,7 шақырым жылу желілерін жаңғыртуға қаражат бөлінді. Сондай-ақ, электр энергиясымен қамту желілерін жаңғыртуға 5,9 млрд теңге бөлініп, ол қаржыға 280 шақырым жлектр желілері мен 87 дана қосалқы станция жаңғыртылып жатыр,- деді Медет Усаин.</blockquote>Фото: Қызылорда облысының Өңірлік коммуникациялар қызметі

Аймақтағы әлеуметтік нысанның барлығы жылу беру маусымына толық дайын

<a href="https://kyzylorda-news.kz/">Kyzylorda-news.kz</a> &nbsp; Мемлекет басшысының бастамасымен өткен жылы бастау алған жалпыхалықтық «Таза Қазақстан» республикалық экологиялық жобасы аясында облыс аумағында бірқатар іс-шаралар жүйелі түрде жүзеге асырылуда.Қазіргі таңда әр сенбі сайын аталған экологиялық бағдарлама аясында сенбіліктер өткізіліп, тазалық жұмыстары жүргізілуде. Бұл бағыттағы жұмыстар жергілікті бұқаралық ақпарат құралдарында кеңінен насихатталуда.Экологиялық жобаның басты мақсаты азаматтардың табиғатқа жанашырлықпен қарауын қалыптастыру, еріктілік қызметке тарту, қоқысты сұрыптау мәдениетін енгізу және экологиялық қауіпсіздікті сақтау.Бұл бағытта Сыр өңірінің жастары да белсенділік танытып келеді.Бүгін «Отан қорғаушылар» аллеясында «Таза Қазақстан» республикалық экологиялық жобасы аясында «Таза Қазақстан – Таза аймақ» атты эко-акция ұйымдастырылды.Шараға белсенді жастар ұйымдары, еріктілер, «AMANAT» партиясы жанындағы «Жастар Рухы» жастар қанатының өкілдері, облыстық және қалалық жастар ресурстық орталықтарының мамандары қатысты. Жалпы 50-ге жуық жас акция жұмыстарына атсалысты.Қатысушылар аллея аумағын қоқыстан, құрғақ бұтақтар мен түскен жапырақтардан тазартып, абаттандыру жұмыстарын жүргізді.Мұндай экологиялық акциялар өскелең ұрпақты табиғатты аялауға тәрбиелеуде ерекше маңызға ие, – деді облыстық Жастар ресурстық орталығының директоры Әлиби Басаров.Аталған шара қоршаған ортаны қорғау, тұрғындар үшін қолайлы әрі таза демалыс орнын қалыптастыру, сондай-ақ қоғамда экологиялық мәдениетті нығайту мақсатында ұйымдастырылды.

Таза Қазақстан – Таза аймақ» эко-акциясы өткізілді 

<a href="https://kyzylorda-news.kz/">Kyzylorda-news.kz</a> Бүгін&nbsp;Дүниежүзілік&nbsp;тазалық&nbsp;күніне&nbsp;орай Қызылорда&nbsp;қаласындағы&nbsp;Денсаулық&nbsp;және демалыс&nbsp;саябағында&nbsp;кең&nbsp;көлемді&nbsp;сенбілік ұйымдастырылды.&nbsp;Ауқымды&nbsp;шараға&nbsp;облыстық басқармалар&nbsp;мен&nbsp;мекемелердің&nbsp;қызметкерлері,&nbsp;жастар&nbsp;ұйымдарының&nbsp;белсенділері,&nbsp;еріктілер,&nbsp;сондай-ақ&nbsp;қала&nbsp;тұрғындары&nbsp;қатысып,&nbsp;қоршаған ортаның&nbsp;тазалығы&nbsp;мен&nbsp;көркейтілуіне&nbsp;өз үлестерін&nbsp;қосты.Шара&nbsp;барысында&nbsp;саябақтың&nbsp;барлық аумағы&nbsp;қамтылып,&nbsp;қоқыс&nbsp;жиналды,&nbsp;ағаштардың&nbsp;түбі&nbsp;қопсытылып,&nbsp;жасыл&nbsp;желектер суарылды.&nbsp;Сенбілікке&nbsp;қатысушылар&nbsp;демалыс орындарындағы&nbsp;орындықтарды&nbsp;тазалап сынған&nbsp;ағаш&nbsp;бұтақтарын&nbsp;жинады.&nbsp;Сонымен қатар,&nbsp;жас&nbsp;көшеттер&nbsp;отырғызылып,&nbsp;гүлзарлар ретке&nbsp;келтірілді.&nbsp;Бұл&nbsp;жұмыстар&nbsp;саябақтың көркін&nbsp;арттырып&nbsp;қана&nbsp;қоймай,&nbsp;тұрғындарға жайлы&nbsp;демалыс&nbsp;орнының&nbsp;қалыптасуына&nbsp;ықпал етті.Жастар&nbsp;белсенділері&nbsp;сенбілік&nbsp;кезінде экологиялық&nbsp;мәдениетті&nbsp;насихаттап,&nbsp;табиғатты қорғаудың&nbsp;маңыздылығын&nbsp;түсіндірді.&nbsp;Олар қоршаған&nbsp;ортаның&nbsp;тазалығын&nbsp;сақтау&nbsp;әр азаматтың&nbsp;міндеті&nbsp;екенін,&nbsp;мұндай&nbsp;іс-шаралар тек&nbsp;сенбілік&nbsp;күндері&nbsp;ғана&nbsp;емес,&nbsp;күнделікті әдетке&nbsp;айналуы&nbsp;керектігін&nbsp;атап&nbsp;өтті.Шараға&nbsp;қатысушылардың&nbsp;айтуынша,&nbsp;мұндай&nbsp;сенбіліктер&nbsp;ұжымдық&nbsp;рухты&nbsp;көтеріп,&nbsp;адамдарды&nbsp;біріктіріп&nbsp;қана&nbsp;қоймай,&nbsp;экологиялық мәселелерге&nbsp;бейжай&nbsp;қарамауға&nbsp;тәрбиелейді.&nbsp;Сонымен&nbsp;қатар,&nbsp;қатысушылар&nbsp;бұл&nbsp;игі&nbsp;бастама жыл&nbsp;сайын&nbsp;дәстүрлі&nbsp;түрде&nbsp;жалғасып,&nbsp;жаңа буынға&nbsp;үлгі&nbsp;боларына&nbsp;сенім&nbsp;білдірді.Дүниежүзілік&nbsp;тазалық&nbsp;күні&nbsp;аясында&nbsp;өткен сенбілік&nbsp;қоршаған&nbsp;ортаны&nbsp;қорғау,&nbsp;табиғатты аялау,&nbsp;қаланың&nbsp;санитарлық&nbsp;жағдайын жақсарту&nbsp;бағытындағы&nbsp;тұрақты&nbsp;жұмыстың&nbsp;бір бөлігі&nbsp;саналады.&nbsp;Осындай&nbsp;іс-шаралар&nbsp;арқылы қоғамда&nbsp;экологиялық&nbsp;жауапкершілік&nbsp;күшейіп,&nbsp;туған&nbsp;өлкені&nbsp;қорғауға&nbsp;деген&nbsp;сүйіспеншілік&nbsp;арта&nbsp;түседі.

Қызылордада Дүниежүзілік тазалық күніне орай Денсаулық және демалыс саябағында кең көлемді сенбілік өтті

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының «Таза Қазақстан» жалпыұлттық бастамасы аясында «AMANAT» партиясы қолға алған «Таза бейсенбі» экологиялық акциясы жалғасуда. Бүгін парияның Қызылорда облысы, Қазалы аудандық филиалы белсенділері акция аясында &nbsp;Әйтеке би кентінің 5 квартал аумағындағы «Қазақ қорымы» маңында кезекті тазалық жұмыстарын ұйымдастырды.Тазалық акциясына бастауыш партия ұйымдарының мүшелері мен жас еріктілер қатысты. Сонымен қатар сол аумақтағы тұрғындар да тазалық жұмыстарына өз үлестерін қосты.«Тазалық әрқайсымыздың азаматтық парызымыз. Сондықтан, партия филиалымен ұйымдастырылатын «Таза бейсенбі» акциясына тұрақты қатысып келемін. Бұл арқылы экологиялық мәдениетімізді арттырып, қоршаған ортаны таза ұстай аламыз. Сонымен қатар, мұндай іс-шаралар қоғамда экологиялық жауапкершілікті насихаттап, жас буын өкілдерін табиғатты таза ұстау ісіне тартуға мүмкіндік береді», - деді «Жастар» бастауыш партия ұйымының белсенді мүшесі Жанар Жүсіпова.Экологиялық мәдениетті қалыптастыруға бағытталған акцияға 40-тан аса адам қатысып, нәтижесінде 1 тоннаға жуық қоқыс шығарылды.

«Таза бейсенбі» экологиялық акциясы жалғасуда

<a href="https://kyzylorda-news.kz/">Kyzylorda-news.kz</a> &nbsp;Күз басталғалы Қызылорда облысында ауа райы тұрақты болып тұр. Қыркүйекте орташа температура +18...+20°С аралығында. Жауын-шашын өте аз - бар болғаны 2-4 мм ғана. Ай бойы шаңды дауыл жиі соғып, жел кей күндері 15-20 м/с-қа дейін күшеюі мүмкін. Бұл туралы Өңірлік коммуникациялар қызметінің ақпарат алаңында “Қазгидромет” РМК Қызылорда облысы бойынша филиалының Метеоболжау бөлімінің басшысы Айгерім Жөкелова мәлімдеді.<blockquote>"12 қыркүйекте Қызылорда қаласында күн ашық-бұлтты, жауын-шашынсыз өтеді. Солтүстік-шығыстан соққан желдің екпіні 15-20 м/с дейін жетіп, ауа температурасы түнде +13...+15°С, күндіз +25...+27°С шамасында болады.Күздің алдағы айларында да ауа райы қатты өзгермейді. Қазанда облыстың батысында ауа райы қалыпты болса, шығыс бөлігінде сәл жылырақ болады деп күтіледі. Орташа температура +9...+11°С, жауын-шашын шамамен қалыпты мөлшерде түседі. Қараша айында күн салқындайды, дегенмен ауа райы әдеттегіден сәл жылы болады. Бұл кезде жауын-шашын азаяды, тек Арал маңында ғана қалыпты деңгейде сақталуы мүмкін", - деді Айгерім Болатбекқызы.</blockquote>Жалпы, күз мезгілінде Қызылорда өңірінде жауын-шашын көп болмайды, бірақ шаңды дауылдар мен қатты желдер жиі қайталанып тұрады.

Қазақстан және Қызылорда облысының жаңалықтары: Экология