Kyzylorda-news.kz. Облыс әкімі Нұрлыбек Нәлібаев Мәдениет және өнер қызметкерлері күніне арналған салтанатты іс-шараға қатысып, Сыр елінің мәдениет қызметкерлері мен сала ардагерлерін кәсіби мерекемен құттықтады.<blockquote>«Мемлекет басшысы Қасым-Жомарт Кемелұлы Ұлттық құрылтайда «Ұлттың жаңа болмысы білім, ғылым және мәдениет саласын дамыту арқылы қалыптасады. Осы үш бағытты рухани даму саласындағы жұмыстың мызғымас үштағаны деуге болады» деп ерекше атап өтті.&nbsp; Өңірімізде Мемлекет басшысының қолдауымен бұл бағытта тың жобалар мен серпінді бастамалар жүзеге асырылуда. &nbsp;Ұлттық салт-дәстүрімізді ұлықтап, құндылықтарды дәріптеу мақсатында биылғы жыл аймағымызда «Руханият жылы» деп жарияланды. &nbsp;Атаулы жылға тарту ретінде 1000 орындық «Өнер орталығы» &nbsp;Мәдениет және ақпарат министрі Аида Ғалымқызының, мәдениет майталмандарының қатысуымен салтанатты түрде ашылды. Наурыз айында Халықаралық «ТҮРКСОЙ» ұйымының шешімімен Сыр өңіріне түркі дүниесінің «Ең үздік мәдени аймағы» номинациясы берілді. Бұл – аймақтың Орта Азиядағы рухани, мәдени кемелденген өңір ретінде лайықты бағалануы», – деді аймақ басшысы.</blockquote>Мұнан бөлек, Нұрлыбек Машбекұлы композитор, Қазақстанның еңбек сіңірген қайраткері Рамазан Таймановты 70 жас мерейтойымен құттықтады. Алдағы 23-24 мамыр күндері композитор әндерін орындаушылардың республикалық конкурсы өткізілмек.Жиында өнер иелеріне Қызылорда облысының «Құрмет грамотасы», «Тұран» сыйлығы, ҚР Мәдениет және спорт министрлігінің марапаттары табысталды, 8 өнер ұжымына 60 домбыра тарту етілді.Іс-шара соңы жергілікті өнерпаздардың концерттік бағдарламасына ұласты. Сондай-ақ, «Қылқаламда мәңгілік ел бейнесі» атты халықаралық симпозиумға қатысушы суретшілердің көрмесі қойылды.&nbsp; Айта кетейік, Сыр өңірінің мәдениет және өнер саласында көптеген жаңалық бар. Биыл мәдениет және әдебиет өкілдеріне арналған «Тұран» арнайы сыйлығы екінші мәрте табысталуда. Жыл сайын білімге құштар жастарға облыс әкімінің 100 гранты берілетіні белгілі. Аталған гранттан бөлек, қабілетті талапкерлерге Қорқыт ата университетінің «Дәстүрлі өнер» мамандығына оқу үшін қосымша 10 оқу гранты бөлінбек.Сыр өңірінің жазба мәдениетін насихаттайтын «Алаш әдебиеті» музейін ұйымдастыру қолға алынып, жазба жәдігерлерін реставрациялауға арналған архив лабораториясы іске қосылады. «Руханият жылы» шеңберінде облыстағы 171 мәдениет үйі мен клуб «Адал адам» тұжырымдамасы аясында қайта жаңғыртылуда. Сыр мәдениетінің негізгі бренді, жыраулық дәстүр өкілдерінің ордасы – «Жыраулар үйі» ашылды.Биыл – дала ділмары, өз заманының қабырғалы қайраткері атанған Әйтеке бидің 380 жылдығы. &nbsp;Осыған орай тұңғыш республикалық командалық айтыс Сыр өңірінде өткізілді.&nbsp; Руханият жылы аясында атқарылатын жұмыстар легі ауқымды. Сырдария өзенінің сол жағалауынан облыстық тарихи-өлкетану музейінің жаңа ғимараты салынады. Жас ұрпақтың шығармашылығын шыңдау мақсатында «Шығармашылық академиясы», 2 ауданда «Оқушылар үйі» мен «Өнер мектебі» бой көтеруде.Мәдени мұраның, ұлттық өнердің кемелденуіне үлес қосқан Қазанғап атындағы Қызылорда музыкалық жоғары колледжінің жаңа ғимараты да еңсесін тіктеп келеді. &nbsp;Жеті ауданда музей, кітапхана, архив, неке қию залы, ардагерлер және аналар, жастар орталықтарын біріктіретін типтік үлгідегі «Руханият» орталықтарының іргетасы қаланды.&nbsp; Мемлекет басшысы түркі дүниесінің темірқазығы Түркістанда өткен құрылтайда заманауи кітапхана жұмысын ұйымдастыру туралы айтқан болатын. Президент тапсырмасына сәйкес 1 маусымнан бастап Ә.Тәжібаев атындағы облыстық әмбебап-ғылыми кітапхана тәулік бойы жұмыс тәртібіне көшеді.Өткен жылы археолог-ғалымдардың 20 жыл бойы жүргізген қазба жұмыстарының нәтижесінде «Сақ жауынгері» мен «Сығанақ ханшайымының» мүсіндері жасалды. Биыл музей қоры «Түгіскен көсемі», «Жетіасар ақсүйек әйелі» алтын жәдігерлерімен толығады. Бұл құндылықтар күз айларында Ұлттық музейдегі көрмеге қойылмақ.&nbsp; Былтыр елордада Астана қаласының 25 жылдығына орай «Сұлу Сырдан – ару Астанаға» атты Қызылорда облысының өнер күндері жоғары деңгейде өтті. Халықтың ыстық ықыласы мен қошеметіне ие болған мұндай іс-шара биыл Алматы қаласында ұйымдастырылмақ. &nbsp;Облыстың мәдениет ұйымдарының мамандары Италия, Беларусь елдерінде біліктілігін арттырды. Еуропадағы белгілі концерттік залдардың озық тәжірибесін жұмыс барысына енгізді. Сала мамандарын қолдау алдағы уақытта да жалғасын таппақ. Биыл зиялы тұлғалардың мерейтойы халықаралық деңгейде атап өтіледі. Халық суретшісі Әбілхан Қастеевтің 120 жылдығына орай Қырғызстан, Өзбекстан және елімізге белгілі суретшілердің қатысуымен өткен халықаралық симпозиум қорытындыланды. Халық батыры Жанқожа Нұрмұхамедұлының 250 жылдығына орай дастан орындаушылардың республикалық фестивалі жоспарланған. &nbsp;Қазақстанның Халық жазушысы Әбдіжәміл Нұрпейісовтің 100 жылдығы аясында «Соңғы парыз» романы «ТҮРКСОЙ» ұйымының қолдауымен түрік тіліне аударылуда. Жыл көлемінде халықаралық конференция, еске алу шаралары өтеді.<img src="https://knadmin.beoblood.kz/uploads/FB_IMG_1716306984902_9f0363293e.jpg" alt="FB_IMG_1716306984902.jpg"><img src="https://knadmin.beoblood.kz/uploads/FB_IMG_1716306997050_b4499780a0.jpg" alt="FB_IMG_1716306997050.jpg"><img src="https://knadmin.beoblood.kz/uploads/FB_IMG_1716307006746_7b478c6767.jpg" alt="FB_IMG_1716307006746.jpg"><img src="https://knadmin.beoblood.kz/uploads/FB_IMG_1716307009267_829e793f75.jpg" alt="FB_IMG_1716307009267.jpg"><img src="https://knadmin.beoblood.kz/uploads/FB_IMG_1716307030686_b1b7f5623a.jpg" alt="FB_IMG_1716307030686.jpg"><img src="https://knadmin.beoblood.kz/uploads/FB_IMG_1716307011927_772978a9c4.jpg" alt="FB_IMG_1716307011927.jpg"><img src="https://knadmin.beoblood.kz/uploads/FB_IMG_1716307024215_465d9a9b13.jpg" alt="FB_IMG_1716307024215.jpg"><img src="https://knadmin.beoblood.kz/uploads/FB_IMG_1716307018886_30ebc7f905.jpg" alt="FB_IMG_1716307018886.jpg"><img src="https://knadmin.beoblood.kz/uploads/FB_IMG_1716307014855_12f8cc87b1.jpg" alt="FB_IMG_1716307014855.jpg">

Облыс әкімі мәдениет қызметкерлерін кәсіби мерекемен құттықтады

<a href="https://kyzylorda-news.kz/">Kyzylorda-news.kz.</a> &nbsp;Балалар қауіпсіздігі – аса маңызды мәселе.&nbsp;Әсіресе, жаз айларында орталық алаң мен саябақтарда серуендеп­ жүрген жасөспірімдерді жиі кезік­тіресіз. Заң жүзінде кәмелетке тол­маған балалардың түнгі уақытта бей-берекет жүріп-тұруына болмайды. Бұл – ең алдымен жеке бастың қауіпсіздігі. Осы орайда, Сырдария аудандық жастар ресурстық орталығы және аудандық полиция бөлімінің мамандарымен бірлесіп түнгі рейд жұмыстары жүргізілді.Рейдтік іс-шараға жастар ресурстық орталық кеңесшісі Р.Ыдырысов, Сырдария АПб-нің ЖПҚб-нің ППт-нің инспекторы полиция аға лейтенанты О.Доспанов пен полиция капитаны Е.Бекмағанбетов қатысты.Іс-шара барысында жасөспірімдер арасындағы құқық бұзушылықтың алдын-алу, түнгі уақытта жасөспірімдердің ойын-сауық мекемелерінде заңды өкілдерінің еріп жүруінсіз және тұрғын-жайдан тыс жерлерде болған жасөспірімдерді анықтау мақсатында тұрғындар көп шоғырланатын орындарды аралады. Жасөспірімдердің түнгі 22:00-ден кейінгі мезгілде ойын-сауық орындарында болуы айыппұлға әкеп соғатыны жөнінде түсіндірме жұмыстары жүргізіліп, ескертпелер жасалды. Әрбір ата-ана баласының түнгі уақытта қайда жүргенін біліп, көшеде беймезгіл уақытта жүрмеуін қадағалап отыруы тиіс.

Балалардың қауіпсіздігі басты назарда

<a href="https://kyzylorda-news.kz/">Kyzylorda-news.kz.</a> &nbsp;Жуырда Қазалы ауданындағы Әйтеке би кентінде орналасқан рухани байлық ордасы, парасаттың киелі мекені Қазалы аудандық орталық кітапханада Қазақстан Жазушылар Одағының мүшесі, «Шапағат», «Астана» медальдарының иегері, бірнеше жыр жинақтарының авторы, ақын Рүстем Жанайдың 80 жылдығына орай, өмірі мен шығармашылығын насихаттауға арналған «Жыр әлемінің бәйтерегі» атты әдеби-танымдық еске алу кеші өтті.Ақынды еске алу кешіне Алматыдан арнайылап, ат басын бұрған ақынның жұбайы, ардагер ұстаз Күлаш Досжанова және Қазақстан Жазушылар Одағының, Халықаралық Қазақ ПЕН клубының мүшесі, белгілі жазушы Үміт Тәжікен сыйлы қонақтар қатарына қосылды.Өмірі өлең болып өрілген Қазалының мақтанышы Рүстем Жанайды еске алуға арналған шарада аудандағы зиялы қауым өкілдері, байырғы ардагер ұстаздар мен ақынның туған-туыстары бас қосты.Тағылымға толы рухани кеште ақын Рүстем Жанайдың сөзіне жазылған Шынберген Сүлейменовтің «Ақұдайлар» әні нақышына келтіріле шырқалды. Мәдени-танымдық маңызы зор шараны Қазалы аудандық мәдениет және тілдерді дамыту бөлімінің басшысы Жолтаев Болат Әбенұлы алғы сөзбен ашты.<blockquote>– Рүстем Жанай ағамыз жайлы айтатын әңгіме бір мақала, не бір әңгіменің аясына сыймайтыны анық. Өлең өлкесіне өзіндік соқа салған ақынның туындыларын жас өркендер талдап, жарыққа шығаратынына сенім мол. Әлі талай салмақты сөз, толыққанды пікірлер айтылатыны сөзсіз. Оған кәміл сенімім мол. Себебі, ақынның жырларын оқитын ұрпағы барда жарық жұлдыздай жарқырай береді деген үмітім бар, – деді Қазалы аудандық мәдениет және тілдерді дамыту бөлімінің басшысы Болат Әбенұлы.</blockquote>Болат Жолтаев өзінің жүрек түкпірінен шыққан шынайы лебізін жеткізе келе, ақын Рүстем Жанайдың 80 жылдығына арналған айтулы шараның биыл тамыз айында өтетінін айтты.Өз заманында тұғырын тапқан қаламгер Рүстем Жанайдың парасат биігінен парақталған «Жас керуен», «Бақыт босағасы», «Мезгіл мақамдары», «Бір өзіңе», «Әйелдердің жүрегімен ойнама» жыр жинақтарымен «Қайыртал», «Жанайқай» повестері оқырманын бейжай қалдыра алмасы хақ.Халқы сый-құрмет көрсеткен ақынның өміржолына көз жүгіртсек, ардақты азамат, белгілі ақын Рүстем Ідірұлы Жанай 1944 жылы 2 тамызда Ғани Мұратбаев ауылының “Дихан” деген жерінде дүниеге келген. 1961 жылы Әйтеке би кентіндегі №420 орта мектепті аяқтағаннан кейін, комсомолдық бастамамен ауыл шаруашылығында еңбек етеді. 1963 жылы Қазақтың Абай атындағы педагогикалық институтына түсіп, филология факультетін үздік бітіріп шығады.Еңбек жолын Ақтөбе облысы, Шұбарқұдық (қазіргі Темір ауданындағы) №484 қазақ орта мектебінде мұғалім болып бастайды. Кейін туған жері Қазалыға оралып, №420 орта мектебінде шәкірттерге қазақ тілі және әдебиеті пәнінен сабақ береді. Жұмыстан тыс уақытта білім ордасындағы мұғалімдер мен жоғары сыныптағы комсомол мүшелерімен қойын-қолтық араласып, әдебиет үйірмесін ұйымдастырады. Мереке күндері түрлі мазмұндағы іс-шаралар өткізуге ұйытқы болған."Рүстемнің іскерлік қабілетін байқаған аудан басшылары жас та, жігерлі мұғалімді аудандық комсомол комитетінің бірінші хатшылығына тағайындады. Мен сол кезде теміржол училищесінде оқу шебері қызметімен бірге бастауыш комсомол ұйымының хатшысы қоғамдық жұмысын атқару арқылы Рүстеммен танысып, бірлесе жұмыс жасай бастадық. Үлгілі оқушыларды комсомол қатарына қабылдап, партияның жалынды көмекшілерінің қатарын көбейттік. Сонымен бірге, Рүстем жастарды күріш егуге, мал шаруашылығын өркендетуге жаппай бетбұруына атсалысты.1970-1976 жылдары аудан көлеміндегі «Барсакелмес», «Ақмешіт», «Бомбей», «Юбилей” сияқты жиырмадан астам бұзақы топтармен тәрбие ісін жүргізді. Мектептен бастап, мекемелер ұжымымен, басшы қызметкерлерімен, комсомол жетекшілерімен жиналыс өткізіп, жастар арасындағы бұзақылықты болдырмау жөнінде пікірлесті. Өзі бас болып, күн демей, түн демей көпшілік орындарды аралады. Аупарткомның ішкі істер бөлімінен, комсомол ұйымдары өкілдерінен құралған арнаулы топ көшеде, саябақтарда темекі шегіп, арақ ішетін жастармен жүздесіп, ата-аналарымен ақылдасты. Соның нәтижесінде, жастар арасындағы қоғамға жат жаман әдетке тыйым салынды.Бұдан соң, Рүстем ауылшаруашылық қызметкерлері аудандық кәсіподақ комитетінің төрағасы, КПСС XXII сьезд атындағы совхоз партия комитетінің хатшысы, халық депутаттары аудандық Совет атқару комитеті төрағасының орынбасары қызмет сатыларынан өтті. Жауапкершілігі, өз жұмысына тиянақты қарайтын қасиеті бағаланып, оған 1988 жылы аудан әкімінің орынбасары қызметі сеніп тапсырылды.Бірде аудандық партия комитетінің бірінші хатшысы Елеу Көшербаев Рүстемге: «Алматыдағы «Тамаша» ойын-сауық отауы көптің көңілінен шығып жүр. Осындай өнер ұжымын бізде де құрсақ қайтеді» деген тілегін айтады. Сосын, ол аудандық мәдениет бөлімінің басшысы Жетіскен Мәкеналы, өнерпаз Абдрасулла Ахметовпен пікірлеседі. Сөйтіп, арнайы бағдарлама жасалып, аудан көлеміндегі келеңсіз жағдайлар, ауылдағы, қалалық жердегі айтқыштардың әзіл-қалжыңдары топтастырылады. Бұл ойын-сауық ұжымы аудан, облыстан асып, Астанаға дейін барады. Тамаша тарландары Абдрасулла мен Ұлжан Ахметовтер ел қошеметіне бөленеді" деген естеліктерімен бөлісті қазалылық ардагер Жеткербай Махамбет.Мезгілінде Ғани Мұратбаевтың 70 жылдығын республика көлемінде атап өтуге, оның мемориалдық музейінің қайта жаңартылуына тікелей басшылық жасаған ол 1992 жылы Елеу Көшербаевтың қолдауымен Жанқожа батыр Нұрмұхаммедұлын есте қалдыру шараларын өткізу жөніндегі комиссия төрағасының орынбасары болды. Жанқожа кесенесі салынып, баба құрметіне ас берілді. Ат бәйгесі ұйымдастырылып, түрлі спорттық жарыстар өтті. Айтулы шараға облыс, республика көлеміндегі Өзбекстан, Қарақалпақстандағы жерлестер мен зиялы қауым өкілдері келіп, көтеріңкі көңіл-күй үстінде тарады.Рүстем №8 кәсіптік-техникалық мектепті басқарып жүргенде жоғарғы оқу орнында оқитын бір студентке, Б.Мергенбаев атындағы №226 гимназияның үздік оқушысына және кәсіптік-мектептің үш шәкіртіне өз қаражаты есебінен Жанқожа батыр атындағы стипендия тағайындады.1990 жылдардағы егемендіктің елең-алаңда аудан көлеміндегі колхоз, совхоздар тарап, кейбір мектептер мен балабақшалар, қаладағы кәсіптік техникалық училище жабылуға дейін барған. Соның басы-қасында облыстық мәслихат депутаты Рүстем Жанай жүрді. Мәселені тиісті орындар назарына ұсынып, мектептер мен балабақшаларды, кәсіптік білім беру ошағын жаптырмай алып қалған. Қ.Пірімов, Жанқожа батыр, Ақтан батыр, Ғани Мұратбаев ауылындағы мешіттердің жөнделуіне жанашырлық көрсетті.Рүстем ізбасар өнер иелерінің шығармашылық кештерін өткізуді қолға алып, ақын Жетіскен Мәкеналыны, күйші Орақ Баубековті және әнші Ғалия Оспанованы жұртшылыққа танымал етті.Рүстемнің мінезі ақжарқын, біреуге болмасын демейтін, қатты сөз айтпайтын, сыпайы, сырбаз мінез, сері жігіт еді. Ол Жарасқан Әбдірашев, Әнес Нарымбетов, Балтабай Тәжімбетов, Есқара Көмекбаев, Едіге Кішкенеев, Жетіскен Мәкеналы сияқты үлкенді-кішілі ақындармен емен-жарқын сыйластықта болған.«Адамда дос көп болмайды. Бірен-сараң болмаса, адам өзінің біліміне, білігіне, қабілет-қарымына, зейін-зердесіне қарай сөз жарасқандармен дос болады. Өзін-өзі ілгері сүйрей білген жан әсте далада қалмайды, ол халқына да қалытқысыз қызмет етеді» – дейтін Рүстем.Осындай ардақты азамат, талантты ақын дүниеден тым ерте өтті. Соңында мол мұрасы – асыл жырлары қалды. Оның жазған кітаптарындағы өрімді өлең, әсерлі әңгімелері оқырмандарға әрдайым рухани азық болып қала береді. Көзі тірісінде:«Арманшыл жанның бірі едім,Тұғырын таппай тоқтаман.Жыр қонған елдің ұлы едім,Өлеңсіз өмір жоқ маған!» – деп шабыттана жырлағанындай, шығармашылық ортадан ойып тұрып, өз орынын алған қарымды қаламгердің есімі көптің жүрегінде мәңгілік сақтала береді.Шара барысында кеш қонақтары мен кітапхана оқырмандары қаламгердің қаламынан туындаған әрбір шығармасына тоқталып, ақынға, жазушыға деген сырттай ризашылықтарын білдірді.Әдеби танымдық-тағылымдық еске алу шарасын аудандық орталықтандырылған кітапханалар жүйесінің директоры Индира Назарова қорытындылап, шараға қатысқан Рүстем Жанайдың жұбайы Күлаш Досжановаға және өзге де, қатысушыларға ризашылығын білдіре келе арнайы сый-сияпаты мен Қазалының қазынасына айналған кітаптарды естелікке ұсынды. Кеш соңы ақын Жетіскен Мәкеналының сөзіне жазылған Қорған Жолдыбаевтың «Қазалы вальсі» әнімен аяқталды.

«Жыр әлемінің бәйтерегі» атты әдеби-танымдық еске алу кеші өтті

<a href="https://kyzylorda-news.kz/">Kyzylorda-news.kz.</a> Биыл Халықаралық музей күнінің аталып өтіп келе жатқанына –46 жыл. Бұл күн кәсіби мереке ретінде Халықаралық музейлер кеңесінің ХІ конференциясында бекітілген болатын. Ел игілігіне, руханият үшін сүбелі қызмет істеп келе жатқан мұражайлар өңірде жоқ емес. Солардың бірі де бірегейі –&nbsp; Арал аудандық «Балықшылар» музейі. 62 жылдық тарихы бар бұл ордада небір құнды жәдігерлер сақталған.Арал «Балықшылар» мұражайы – ХІХ ғасырда орыс сәулет өнері үлгісінде салынған орыс көпесінің үйі. Кейін Қазан төңкерісінен соң балық тресіне берілген. Ол уақытта қоғамдық жұмыстарда қолданылып, уақыт өте келе, яғни 1962 жылы теңіз тартылған соң жан-жағы көгалдандырылып, ашық аспан астындағы мұражай іспетті болды. Ал 2012 жылы Арал ауданында «Балықшылар» музейі болып қайта құрылды. Музейде «Балықшылар», «Кемелер» залы және ашық даладағы музей көрмесі&nbsp; ұйымдастырылған.Негізгі музейдің іргетасын қалап, жәдігерлерін жинақтаған бұрынғы балық шаруашылығы министрі, Аралдың төл перзенті – Құдайберген Саржанов. Музей қорында осы күні 2000-нан аса құнды жәдігерлер бар. Уақыт өткен оның саны артуда, себебі ата кәсібін ұмытпай, балықшы атасының жәдігерін музейге өткізуге бейімделіп келе жатқан жандар көбеюде. Бүгінде музей ішінде Арал теңізі тақырыбындағы деректі фильмдер көрсететін арнайы бейнепроекторлар бар. Осылай заманауи техникалармен жабдықталған музей іші әрбір жанның көз алдына нағыз балықшы өмірін әкелетіні сөзсіз. Сонымен қатар келушілер қазақ балық өнеркәсібін дамытуға атсалысқан белгілі тұлғалармен, комиссарлармен және Наркомдар, су шаруашылығының төрағалары мен балық шаруашылығы министрлерімен және аудандық Социалистік Еңбек Ерлерімен таныса алады.–&nbsp;Іштегі залдар негізінен Арал теңізінің ерте тарихынан бастау алады. Б.з.д V-VI ғасырлардағы сақ дәуірі уақытында Сырдарияның төменгі ағысындағы егіншілік пен мал шаруасындағы қолданылған жәдігерлер бар. Оның ішінде, Шірік-Рабат қалашығынан табылған құмыралар мен әшекей бұйымдардың орны ерекше.Кейінгі кезектегі экспозиция Арал теңізінің кепкен табанынан табылған Кердері қаласының тарихына арналған. Бұл қатарда Алтын Орда кезеңінің темір монеталары, алтын бұйымдары, қыш ыдыстары мен диірмен тастары бар.Ары қарайғы музей залын Арал теңізін зерттеген Тевкелев, Ф.Берг, Северцов, Бартольд сынды белгілі тұлғалар жалғастырады. Олардың еңбектері мен зерттеу жұмыстары туралы мәліметтер бар. Және Арал қаласының картасын алғаш сызған А.Бутаков пен Т.Г.Шевченкоге арналған экспозиция бар. Аралдың тумасы, Социалистік Еңбек Ері Төлеген Әлімбетовтің портреті, кеме капитанының арнайы киімдері мен құрал-жабдықтары, кемені басқару штурвалы мен Арал теңізіндегі сирек кездесетін флора мен фауна таныстырылымы да мұражайдың көркін ашып тұр, – деп таныстырды музей меңгерушісі Алишер Саржанов.«Балықшылар» музейіне бүгінде алыс-жақын шетелдерден, одан қала еліміздің түкпір-түкпірінен қонақтар келеді. Мұны музей жұмысшылары да мақтанышпен айта алады. Оның ішінде түбі бір Өзбекстан, Қырғызстан, Тәжікстан, Ауғанстан сынды ел қонақтары мен жыл сайынғы жаздық мектептің студенттері мен оқушылары бар. Олар құнды жәдігерлермен қатар Арал теңізі туралы деректі фильмді көріп, тамашалай алады.Иә, бүгінгі күн – ертеңгі тарих, ал елінің, туған жерінің тарихын білмеу бізге үлкен сын. Болашақ патриот ұрпақ пен кемел келешектің іргетасы іспеттес болған «Балықшылар» мұражайының аудан үшін орны ерек.

Музей қорында бүгінде 2000-нан аса құнды жәдігерлер бар

<a href="https://kyzylorda-news.kz/">Kyzylorda-news.kz.</a> Қазіргі таңда облыста 33 000-нан астам мүгедектігі бар адам тіркелсе, оның 6 414-і 18 жасқа дейінгі балаларды құрайды. Ал, биыл облыстық бюджеттен алғаш рет барлық санаттағы мүгедектігі бар азаматтар мен мүгедектігі бар балалардың әрқайсысына бір реттік әлеуметтік көмек берілмек. Бұл туралы Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Айгүл Ибраева мәлімдеді.<blockquote>– Биыл мүгедектігі бар адамдарды оңалтудың жеке бағдарламасын орындауға республикалық және облыстық бюджеттен барлығы 6,6 млрд теңге қаржы бөлінді. Бүгінгі таңда әлеуметтік қызметтер порталы арқылы 19 341 мүгедектігі бар адамның 14 771 -і оңалтудың жеке бағдарламасына сәйкес техникалық оңалту құралдарымен қамтамасыз етілді. Сондай-ақ, биыл облыс әкімінің қолдауымен алғаш рет облыстағы мүгедектігі бар адамдарға 3 айлық есептік көрсеткіш мөлшерінде бір реттік әлеуметтік көмек берілетін болады. Бұл көмек 25 қазан Республика күніне орай төленеді деп жоспарлануда. Айта кету керек, ерекше қажеттілігі бар балаларға қосымша оңалту қызметтерін көрсету мақсатында өңірімізде иппотерапиямен оңалту қызметі жүзеге асырылып келеді. Өткен жылы бұл бағытқа облыстық бюджеттен қаржы бөлініп, мемлекеттік әлеуметтік тапсырыс арқылы 200 балаға қызмет көрсетілді. Ал, осы жылы 150 балаға иппотерапиямен оңалту қызметтері көрсетілуде. Оңалту орталығында өткен жылда 1054 адам қызмет алса, осы жылдың 1 мамырына дейін 415 адам арнаулы әлеуметтік қызметтермен қамтылды. Жүргізілген оңалту шаралары өз нәтижесін беруде, – деді Айгүл Болатқызы.</blockquote>Сонымен қатар, биыл мүгедектігі бар адамдарға оңалту шараларын жүргізу мақсатында заманауи медициналық құрал-жабдықтар сатып алынбақ.<blockquote>– Жалпы облыс бойынша мүгедектігі бойынша жәрдемақы алушылар саны 24 мыңнан асады. Сонымен қатар, 7 жасқа дейінгі мүгедектігі бар балаларға және 7 жастан 18 жасқа дейінгі мүгедектігі бар балалар асыраушысынан айырылған жағдайда оларға мемлекеттік әлеуметтік жәрдемақы тағайындалады. Ал, мүгедектігі бар баланы тәрбиелеп ата-анаға, бала асырап алушыға және қамқоршыға төленетін ай сайынғы мемлекеттік жәрдемақы төлемі отбасы табысына қарамастан тағайындалады. Бұдан бөлек, мүгедектігі бар азаматтардың жағдайын жақсарту мақсатында арнаулы мемлекеттік жәрдемақылардың мөлшерін ұлғайту қарастырылған. Мәселен, жасына байланысты берілетін зейнетақы төлемдері, еңбек сiңiрген жылдары үшiн төленетiн зейнетақы төлемдерi тағайындалған мүгедектігі бар адамдарға мемлекеттік жәрдемақы төленеді. Бұл жәрдемақының мөлшері мүгедектік тобына қарай айлық есептік көрсеткіштің мөлшеріне көбейту арқылы анықталады, – деді Қызылорда облысы бойынша Еңбек және әлеуметтік қорғау департаменті басшысы орынбасарының міндетін атқарушы Айгүл Маханова.</blockquote>Фото: Қызылорда облысы Өңірлік коммуникациялар қызметі

Биыл алғаш рет барлық санаттағы мүгедектігі бар азаматтарға біржолғы әлеуметтік көмек берілмек

<a href="https://kyzylorda-news.kz/">Kyzylorda-news.kz.</a>Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай Түркияның Мерсин қаласында Унифайттан жеңіске жеткен Әлем кубогі иегері Азамат Құмаровты қжеке қабылдады. Жігерлі жастың жеңісімен құттықтап, Алғыс хатпен және бағалы сыйлықпен марапаттады. Сонымен қатар Байқоңырдың мерейін асқақтатқан чемпионды тәрбиелеген ата-анасына да құрмет көрсетілді.Тәуелсіз еліміздің көк байрағын әлемдік аренада желбіреткен және Байқоңыр қаласын танымал етуге елеулі үлес қосқан жас чемпионға қазақстандық спорт шеберлерінің даңқты жолын лайықты жалғастыратынына және бұл жеңістің өскелең буынның спортқа құлшынысын арттыратынына сенім білдіріп, сәттілік тіледі.Азамат Жарасқанұлы 2006 жылы Байқоңыр қаласында дүниеге келген. Қазіргі таңда № 273 орта мектептің 11 сынып оқушысы. Жас спортшы кішкентай кезінен спортқа қызығып, 9 жасында Байқоңыр қаласындағы балалар мен жасөспірімдер спорт мектебіне қабылданған.Азамат Қырғыстанның Ыстықкөл қаласында өткен жылдың мамыр айында өткен Азия біріншілігінің 1 орын иегері атанса, тамыз айында өткен Унифайттан ересектер және жастар арасындағы Қазақстан Республикасы кубогының 1 орын қанжығасына байлаған. Сонымен қатар өткен жылдың қараша айында Грузияның Тбилиси қаласында өткен Әлем чемпионатының жеңімпазы, осы жылдың мамыр айында Түркияның, Мерсин қаласында өткен Әлем кубогінің иегері атанып отыр.

Байқоңырлық әлем чемпионына құрмет көрсетілді

<a href="https://kyzylorda-news.kz/">Kyzylorda-news.kz.</a> Бұрын-соңды дерті дендегендер Қызылорда, Ақтөбе сынды қаладағы жеке емханаларға ағылып, ем іздейтін. Оған себеп ауданымызда кей медициналық қызмет көрсететін орталықтың болмауы еді. Енді Арал ауданының орталығында тағы бір процедуралық орталық ашылып, сабылған жұрттың саябырсуына себеп болды. Бүгінде көптеген өт ауруларының алдын алған бұл орталықтың ашылғанына бір айдан асты. Біз де қазір халық сұранысына ие болған процедура туралы&nbsp; білмекке асықтық.Өт аурулары – қазіргі кезде дендеп келе жатқан аурулардың бірі. Оның ауруы адам денесінде жылдап жүруі мүмкін. Ал қабынудың алғашқы белгілері пайда болған кезде, әдетте, түтіктердің люменінің бітелуін тастармен емдеу өте кеш болады. Мұндай жағдайда тек хирургиялық араласу көрсетіледі. Ал көп жағдайда тастардан туындаған созылмалы қабыну дәрігерді бүкіл өт қабын алып тастауға мәжбүр етеді. Осыған байланысты өт қабын тазарту кез келген жастағы адамдар үшін өзекті мәселеге айналып отыр.Бұл жағдай&nbsp; Арал ауданында да көп кездеседі. Ең жасы 18 жастағы пациенттің өтін алдырту жағдайы болса, одан үлкендерін елестете беріңіз. Осы жағдайларды ескере отырып, қаламыздан өт тазалау орталығын ашқан Құралай Қалиқызы:– Өзім 14 жылдан бері осы медицина саласында жұмыс жасаймын. Қазіргі таңда Арал аудандық жедел жәрдем бөлімшесінің фельдшері болып қызмет атқарамын. Қай кезде болмасын кезекшілік қызмет сайын міндетті түрде осы өт, бауыр ауруларынан зардап шегетін ең кемі 2 науқастан шақырту түседі. Өзім де біраз бұрын осы мәселені басымнан өткеріп, 2 рет облыс орталығына барып көріндім. Бірақ шыны керек, денсаулығың үшін ақшаны аямайын десең де жол қаражатының өзі отбасылы, бала-шағалы адамға ауырлық тудырады. Орталықты ашу осының бәрін ойлап, халықтың сұранысы мен «көмегім тисін» деген ниеттен туған идея. Осылайша өткен айда жобамды өз қаражатым есебінен іске асырдым, – дейді.&nbsp;Клиника ашудағы басты мақсаты – халықтың сұранысын қанағаттандырып, аудандағы медициналық қызметтің дамуына өз үлесімді қоссам, көпшіліктің дертіне дауа тапсам деген ойы болған Құралай Меңдіқараеваның ниеті орындалды десек болады. Бүгінде ашылғанына көп болмаса да көптеген жанның еміне шипа болған орталыққа келушілер қарасы көп. Ауры жанына батып, қиналып келген науқастардың бәрі де орталық есігінен жүзі жадырап, көңілді шығады. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Ем-домын алып, алғысын айтуға келген жандардың бірі, Жақсықылыш кентінің тұрғыны Күнқияш Донбаева:– Құралай ханымға алғысымды айтамын. Біраз уақыттан бері өт жолы ауруы мазалап, оң жақ бүйірім іскен болатын. Қалаларға қатынау тұрғысы да кейде отбасылық жоспарға сәйкес келе бермейтін. Аудан орталығынан орталық ашылды дегенді естіп, қуана ем қабылдауға келдім. Бірінші процедурадан-ақ ісігім қайтып, жақсы болып қалдым. Бойымнан жеңілдікті сеземін. Құралай ханымға ісінің алға басуын, талабының оң болуын тілеймін, – деп ізгі ниетін білдірді.6 айда бір рет жүргізілетін ем-дом шарасы туралы да Құралай Меңдіқараева толық түсіндіріп өткен болатын. Барынша оңтайлы әдістерді пайдаланатынын әрі емнің әсері ұзаққа шыдайтындығын басты назарға алатынын айтқан ол:– Алдымен өттің жағдайын арнайы УЗИ-ге тексертіп аламын. Себебі ауруы қатты асқынған науқастарға өт тазалау процедурасы қиындау жүреді. Егер барлық нормаға сай келсе, арнайы дәрілердің көмегімен ем жасаймын. Барынша адам денсаулығына жанама әсері жоқ, жағымсыздық, ыңғайсыздық әсер тудырмайтын аппараттарды пайдаланамын. Бағасы да қолжетімді, тек дәрілердің сомасын ғана есептеп, қызметім үшін көп қаражат алмауға тырысамын. Сондықтан да шығар, шалғай ауылдардан да шипа іздеп келушілер көп, – дейді.&nbsp;Халық денсаулығы – ұлт байлығы. Денсаулықтың қадірін уақытылы біліп, күтім жасаудың ешқандай әбестігі де, жаманшылығы да жоқ. Осы ретте дамудың даңғыл жолын таңдауға жүрексінбей, алғашқы өт тазалау орталығын ашқан Құралай Қалиқызына сәттілік серік болсын деген риясыз тілегіміз бар.

Өт тазалау орталығын ашқан кәсіпкер

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экономикалық тергеп-тексеру департаменті басшысының міндетін атқарушысы Арман Жанәділов БАҚ өкілдерімен кездесті.Жиын барысында Арман Барысханұлы жергілікті басылымдарға, телеарналар және республикалық БАҚ-тың өңірлік тілшілерімен танысып, департменттің атқарып жатқан жұмыстары турасында ақпар берді. Дөңгелек үстел басында тергеу басқармасының басшысы Ерлан Қасқырбайұлы, талдау әзірмелеу тобының АМІЖ жедел уәкілі Нұрбол Әлкебайұлы қаржы пирамидасы, әлеуметтік манызы бар азық –түлік тауарлары бағасын тұрақтандыру және қадағалау секілді өңір үшін маңызды мәселелер бойынша баяндама жасап, &nbsp;БАҚ өкілдері тарапынан қойылған сұрақтарға нақты жауап берді.Департамент тұрақты талдауға алған бағытың бірі – әлеуметтік манызы бар азық-түлік тауарлары бағасын тұрақтандыру және қадағалау.Облыс әкімдігі жанынан құрылған комиссия ай сайын жергілікті жерде өндірілетін азық-түлік тауарларына (күріш, тұз) бағаны негізсіз көтеру, және әлеуметтік маңызы бар азық-түлік тауарларын жеткізуші делдалдардың бағасын қадағалайды.Әлеуметтік маңызы бар азық-түлік тауарларын сату барысындағы үстемесін асыру бойынша 2 жылда 31 факті анықталған. Асырғандар әкімшілік жауапкершілікке тартылды. Мемлекеттік органдарда сатып алудың кезінде өнімсіз делдалдарды жоюдың оң тәжірибесі бар.Сонымен қатар, департаменттің жүргізген тексеру нәтижесінде облыстық 3 ауруханада өнімсіз азық-түлік жеткізу тізбегінен делдалдар алынып тасталды. Бұған дейін әлеуметтік манызы бар азық –түлік тауарларын әлеуметтік мекемелер жоғары бағамен сатып алып, бюджет қаражатын негізсіз жұмсағаны анықталды. Көтерме сатушылармен және өндірушілермен тікелей келісім шарттар жасалғаннан кейін әлеуметтік маңызы бар тауарларын тізбесінің 11 атауы бойынша бағаның төмендеуі қамтамасыз етілді. Атап айтқанда, қартоп, сәбіз, қырыққабат және қант арзандады.Сонымен қатар&nbsp;Қызылорда облысы бойынша экономикалық тергеп-тексеру департаменті «Қызылорда-Ұлытау облысы шекарасы» (216 шақырым) көлік жолын қайта жаңғырту жобасына қашықтан талдау жүргізіп, нәтижесінде 1.5 млрд теңгеден астам қаражаттың мақсатсыз пайдалану тәуекелдерін анықтады.<blockquote>«Аталған деректер бойынша, «Қазавтожол» АҚ-на және облыстық әкімдікке, жол құрылысының сапасын бақылауға алу туралы хаттар жолданды.Уакытында қабылданған шаралар нәтижесінде жоба құнының негізсіз өсуіне жол берілмеді (жоба құны 70 млрд теңге), Ұлытау облысындағы осы тектес жобаның құны 90 млрд теңгеден 140 млрд теңгеге дейін, яғни 50 млрд теңгеге қымбаттады. Бұл бағытта жұмыс жалғасуда, тұрақты мониторинг жүргізілуде», - деді департаменттің талдау әзірмелеу тобының АМІЖ жедел уәкілі Нұрбол Әлкебайұлы.</blockquote>Департаменттің бастамасымен &nbsp;облыс Әкімінде «Аралтұз» АҚ басшысымен кездесу өтіп, келісімге келген. Яғни 2023 жылы «Аралтұз» АҚ Арал ауданының әлеуметтік саласына 225 млн. теңге көлемінде инвестия салынды. Атап айтқанда, Арал қаласында спорт кешенің салуына – 170 млн. теңге, спорт алаңының құрылысына – 25 млн. теңге, ойын алаңына-20 млн. теңге, қайырымдылық және демеушілік көмекке – 10 млн. теңге қарастырылған.<blockquote>«Қазіргі таңда обьектілер салынуда. Қызметкерлердің жалақысын жылына 20 % көтеру келісілді. 2023 жылдың сәуір айынан жалақы 17% көтеріліп, жұмысшылардың ең төменгі жалақысы 180 мың теңге, ал орташа жалақы 250 мың теңге құрады. Ағымдағы жылдың қаңтар айынан бастап&nbsp;15-20% тағы көтерілді. Айта кету керек, департамент тек қылмыстарды ашумен ғана емес, қайырымды істердің жүзеге асуына атсалысады», - деді&nbsp;Нұрбол Әлкебайұлы.</blockquote>Қазақтан Республикасы Қаржылық мониторинг агенттігінің қолға алған жаңа жобасының бірі - 2022 жылдан &nbsp;бастап қаржы пирамидалары мен алаяқтық сайттарын анықтау бойынша әлеуметтік желіге мониторинг жүргізіле бастады. «Кибернадзор» ақпараттық жүйесі арқылы қаржы пирамидасы белгісі бар сайттар мен сілтемелерді бұғаттау үшін Қазақстан Республикасының цифрландыру министрлігі жанынан арнайы эксперттік топ құрылған. Біздің &nbsp;қызылордалық мамандардың жұмысы нәтижесінде осы эксперттерге 526 сайттар мен сілтемелерді бұғаттауға жолдама берілген, оның ішінде 60 сілтеме бұғатталды, 96 сілтеме эксперттің бақылауында, 333 сілтеме «қол жетімсіз» (недоступны) болып үлгерген.<blockquote>«Жастарды қаржылық алаяқтықтан сақтандыру мақсатында, Қызылорда қаласындағы мектептер мен колледждерде 2022 жылдың қазан айынан бастап «Қаржылық сауаттылық негіздері» тақырыбында семинар-сабақтар өткізуді қолға алдық.Сол себепті Департамент жанында қоғамдық кеңес құрылған. Қеңес жоспарына сәйкес, Қызылорда облысының білім басқармасымен бірлескен “Балақайларға қаржылық сауаттылық туралы” атты 2 кезеннен туратын облыстық сайыс өткізілді. 1-кезең аудандық балабақша тәрбиешілері арасында өтті.&nbsp;Байқауға барлығы 81 балабақша тәрбиешісі қатысты. 7 аудан бойынша сыннан сүрінбей өткен жеңімпаздар облыстық кезеңде бас қосты.Сонымен қатар, сәуір айында аудан және қала оқушылар мен студенттер арасында “Лудомания болашақтың дерті” тақырыбында дебат өткізілді. Дебатқа қатысқан 219 білім беру ұйымының 3756 білім алушысы қатысты. Білім алушылар өздерінің пікірлері арқылы құмар ойындардан сақтану туралы өз көзқарастарымен бөлісті», - деді&nbsp;тергеу басқармасының басшысы Ерлан Қасқырбайұлы.</blockquote>Департамет басшысы журналистермен емен-жарқын сұқбат құрып, экономикалық қылмысқа қатысты әрбір фактіні ақпарат негізіне алғанда оны жан-жақты зерттеу тақырыбына да айналдыру туралы ұсыныс білдірді. Сондай-ақ әрі қарайда тығыз жұмыс жасауға шақырды.Кездесу соңында департамент қызметін ақпарттандыруда белсенділік танытқан бірқатар журналистер Алғыспен марапатталды.

Бюджет қаржысы мақсатты жұмсалуы тиіс

<a href="https://kyzylorda-news.kz/">Kyzylorda-news.kz.</a>Ұлттық телеарнада балаларға арналған ұлттық құндылықтарды дәріптейтін контенттің аздығы көңілімізге батады. Балаларға арналған жалғыз арна “Балапанда” бала қызығып көретін мультфильм, қазақ тіліндегі қысқа метражды көркем фильмдер жоқ емес. Неге екенін қайдам, мектепке бармаған ұлым оның бірін көріп алған соң, орыс тілді арналарға ауысады. Неге? Оның басты себебі, орыс тілінде көрсетілген ертегілер өте сапалы таспаланып, адамды мейірбандылық пен ізгілікке жетелейтіні көрерменін еріксіз жаулап алады.Отандық телеарналарда балалар мен ата-аналар бірге отырып тамашалайтын туындылар бар. Бірақ олардың дені ойын-сауыққа, арзан күлкіге, баланың көңіл күйін уақытша көтеруге ғана лайықталған сияқты көрінеді.Телеөнім көрерменінің жүрегіне жету үшін сапалы дыбысталуы маңызды. Барлық өнімді бір дауыспен дыбыстап аударылуы баланың санасын шаршатады. Балақайларды қайдам, ересектердің өзі тыңдауға шыдамы жете бермейтін шіңкілдек дыбысы құлақты сарсытады. Бала не көрсе, сол бейнені өмірде қайталайды. Көгілдір экраннан, кітап пен журналдан нені оқыса, соған еліктейді. Себебі, бала псикасы солай. Осы тұрғыдан алсақ, біздің балаларға ұсынып жүрген контентіміз жұтаң екеніне көз жеткізесің. Неге бұлай? Біз мұны талдап көрейік.Біздің елімізде қазақша мазмұндағы арналар кішкентай көрерменнің сұранысы мен талғамын ескере ме?&nbsp;Әлбетте, қызықты оқиғаларға құрылған мультфильмдер, қысқа метражды кинолардың балаға тәлім-тәрбиелік маңызы зор. Тарқата айтсақ, «Balapan»- дағы «Тоқты мен Серке», «Жібек», «Ертемір», «Айдар», «Аралар отбасы» сияқты мультфильмдерді, «Расулдың хикаялары», «Тентек», «Теңбіл доп» сияқты телехикаяларды қазақ балалары қызығып көретіні рас. Себебі, бала жүрегіндегі батырлық пен қайсарлықты бейнелеген.Бірақ олардан өзге өнімдер болмаған соң, қайталап қояды, біздің кішкентай көрермендер де қайталап көруге мәжбүр.&nbsp;Біраз уақыттан кейін бұдан жалығып, еріксіз басқа тілдегі арнаға ауысады. Бір ғана мысал, өзгенің өнімі «Элвин және алақоржындар» деген мульттоптама балаға да, үлкенге де әрқашан қызықты. Баланың жандүниесін жалықтырмайтын, өзіне бірден тартып алатын оқиғалары есіңізде сақталады. Демек, біздің елдің шетелдік өнімге тәуелділігі бар, әрі өз аудиториясының сұранысын қанағаттандыра алмай келеді.Біздің балақайлар қандай тақырыпқа қызығады деген сауал туындайды? Сөздің шындығы керек, бүгінгі балалар тек кітап оқып, теледидар көріп өсіп келе жатқан ұрпақ деудің қисыны келмес. Интернет біздің өмірімізге дендегеннен бері жаңа медианы таныпбілетін, соның игілігін толық пайдалана алатын заманауи ақпарат алу форматын меңгерген буын өсіп келеді. Қазір кез-келген жастағы баланың қолына смартфон берсең, суда жүзген балықтай тетіктерін басып, өзіне қызықты дүниелерді тауып алатыны анық. Ақиқатында интернет ресурсында мемлекеттік тілдегі балаларға арналған туындылар өте аз. Міне, ата-ана балаларының қолына смартфон ұстатқанда «Маша и медведь», «Щенячий патруль», «Барбоскины», «Приключения Лунтика и его друзей» сияқты ең танымал мультфильмдерді қосып береді. Бір ғана YouTube-та «Маша и медведь»-ті күніне 2 миллиардтан астам адам көреді екен. Әлем халқының 20 пайызы осы туындыны тамашалайды. Әзірше қазақ тілінде мұндай өнім жоқ. Интернет ресурсын дамытуға қыруар қаржы игерілгенімен көшіміз озбай тұрғыны анық. Десе де осы олқылықтың орнын толтыруға тырысып жүрген жас өнертапқыштар жетерлік. «Еркетай кз» платформасының негізін қалаушы он жасар Кәусар Наржан YouTube арнасын тамашалайтын балаларға есімі таныс. Ол өзі ойлап тапқан ертегісінің кейіпкерін сөйлету арқылы шағын бейнероликтерін интернетке жүктеп, қаламақысын тауып жүрген жерлесіміз. Қазір оның «Мақтаншақ бақа» ертегісінің қаралымы 1 5996 қаралым жинады. Үш айдың ішінде жүргізген контенті халықтың сұранысына ие болуы сүйсіндірді. Отандық аниматорларға арналған жүйелі жоспарлар болмаса да, оларды жігерлендіру мақсатында жыл сайын үздік анимацияға қомақты қаржы ұсынылуда.YouTube арнасындағы үздік контентті 5 топқа жіктеп қарастырады.&nbsp;Тарқата айтсақ, «Күміс батырмасы», «Алтын» батырмасы, «Гауһар батырмасы», «Лағыл» батырмасы және «Қызыл гауһар тас» батырмасына ие тұлға осы платформаның сыйақысына ие болады. Біздің елімізде күміс батырмаға ие мыңдаған адам болса, екі алтын, бір гауһар батырманың иесі бар. Димаш Құдайбергеннің YouTube-арнасы еліміздегі ең үлгілі контент. Оның аудиториясына әлемнің 182 елі кірген. Ал, бүгінде түрлі-түсті киімдегі Чики, Ча-Ча, Бум-Бум, ЛяЛя атты кейіпкерлерді екінің бірі біледі десек, артық айтқандық болмас. Олардың ырғақты әндерінің қаралымы бірнеше миллиардтан асып кеткен. Көңілді төрттіктегі кей жігіттердің жүзі әсіресе қазақ аудиториясына таныс сияқты көрінуі мүмкін. Өйткені балалар контентімен әлемді бағындырып жатқан шығармашылық ұжым қырғыз елінің өкілдері.Музыкалық топтың қырғыз, ағылшын, орыс, испан, француз, португал, араб, индонезия сияқты сегіз тілде контент тарататын он YouTube арнасы бар.&nbsp;Негізгі D Billions деп аталатын арнаның жазылушылары бүгінде 22 миллионға таяп қалған. Ал каналдағы жалпы қаралым 25 миллиардқа жуықтайды. D Billions бриллиант батырмаға ие Орта Азиядағы жалғыз Youtube канал. Ал видеолардағы әндер Spotify, Amazon, iTunes, Apple Music, Deezer, Yandex, Музыка, Вконтакте секілді ән сатып алу платформаларына жүктеліп отырады. D Billions жас көрерменді әндеріндегі көңілді мотивпен, балалар аудиториясына бейімделген қарапайым мәтіндермен жаулап алды. Кейіпкерлері алфавит әріптері туралы айтады, ағылшын сөздерін үйретеді, бүлдіршіндерге қайталау оңай би қимылдарын көрсетеді. Кейіпкерлердің образы жарқын, түс үйлесіміне, түстің визуал ықпалына қатты мән берілген. Топ танымалдыққа ие бола бастағанда олардың кім екенін білгісі келетіндер саны көбейді. Олардың бірі филиппиндіктерге, бірі қытайларға, енді бірі орта азиялықтарға ұқсатып жатты.Тек 2021 жылдың ақпанында арнаға қырғыз тілінде бірнеше бейнероликтер шығарылғаннан кейін D Billions қатысушылары жас қырғызстандықтар екені туралы ақпарат шықты.Ал, біздің отандық контентте осындай прототиптегі «Алдаркөсе», «Мақта қыз» бейнесіндегі аниматорлардың кескін келбеті көпті еліктіре алмай тұр.&nbsp;Оған себеп, жұпыны стильдегі кейіпкерге бала қызыға бермейтіні анық. Меніңше, ұлттық ертегілердің ішінен Ча-чачадан артық Күнекей қыз образын неге ұсынбасқа? Қырғыздың кейіпкеріне бәсеке болып тұрған Алик.кз-тің көрермендерінің көбі балалар. Ол интернет ресурсындағы жаңа ойындарды насихаттап, әрі оның ойнау әдіс-тәсілін көрсетеді. AJIuKZ есімімен таныс блогерге 211 млн адам жазылған, бір видеосы 593 млн қаралым жинаған. Қазақша контент қалыптастыруға үлесі бар десек те, балалардың психологиясына кері әсері мол атысшабыс ойынын насихаттаудан әрі аспайды. Міне, осы платформаға тіркелген балалар сабағын жиыстырып, алтын уақытын текке кетіріп, мәні жоқ нәрсеге әуестеніп жүр. Бұл туралы аудандық емхана басшысының ана мен бала жөніндегі орынбасары Ғалия Төребаева өз ойын жеткізді.<blockquote>– Интернет жылдамдығы артқан сайын балалар арасында неврологиялық аурулар артып келеді.&nbsp;Балалардың туабітті неврозы, жүйке жүйесінің әлсіздігі, көз ауруларының түр-түрі интернетке тәуелділігі жоғары балаларда кездесуде. Ата-аналардың баласының денсаулығына бей-жай қарауы, жұмысбастығы баланың үйде қандай контенттерді қарайтынын бақылауға мүмкіндік бермейтіні де анықталды. Менің ойымша, ел болып балалардың болашағы үшін интернеттегі қажетсіз ақпараттарға тосқауыл болып, әр баланың саулығына мән беру керек. Әйтпесе, келешек буын ұлттық құндылық пен парасат-пайымнан жаңылады, – дейді.&nbsp;</blockquote>Ауданда балалар кітапханасында көп жылдар бойы қызмет етіп, өзінің ізденісін дамытып, әр сенбіде ертегі оқып, оны әлеуметтік желі арқылы жолдап жүрген кітапханашы Мейрамкүл Жиенбаеваның жұмысына әжелер қауымы да риза. Бұл әр отбасында ертегі оқу сағатын қалыптастыруана себепші болуда. «Дәстүрге жол» қазақ аналарының ватсап желісіне тіркелген мыңға жуық аналарға бесік жырынан бастап салт-дәстүрді үйрететуде.Біздің алдымыздағы ең үлкен мәселе – балалар аудиториясын терең зерттеп, ақпарат тұтынуға қатысты мониторинг жасау.&nbsp;Бұл міндетті медиа саласында ашық, тәуелсіз зерттеулер жүргізетін үкіметтік емес институттарға жүктеуге болады. Алайда ондай институттар бар ма бізде? Ақпарат және қоғамдық даму министрлігі статистикалық мәлімет берумен ғана шектелетінін ескерсек, ұлттық қауіпсіздігімізге қатысты мәселенің әлі ешкімді ойландырмайтынына көз жеткіземіз.Өткен жылы Үкімет мәжілісінде баланы буллингтен қорғайтын заң қабылдады. Бірақ, бұл заңның толық жұмыс істеуі үшін әрбір ата-ана құқықтық жағынан сауатты, заңның орындалуына үлес қосуы маңызды. Балалардың әлеуметтік желілерге, виртуалды ойындарға тәуелділігі деген мәселе тағы бар. Отандық сарапшы-мамандардың зерттеуіне сүйенсек, қазіргі кезде ата-ананың 49,7 пайызының белгілі бір себептермен (жұмыстан қолы босамайды, үйдегі шаруадан бос уақыты жоқ және т. б.) балаларымен үнемі уақытын өткізуге мүмкіндігі жоқ. Яғни ондай отбасылардың балалары күні бойғы уақытын өзі жоспарлайды, өзі өткізеді. Ондай ата-аналар баланың қауіпсіздігі үшін қажетті қарапайым қағидаларды да ұстанбайды. Мысалы, теледидар көріп отырған балаға ата-аналар бақылауы деген бағдарламаны қосуға болады. Бұл бағдарлама соңғы үлгідегі барлық теледидар модельдерінде бар. Ол арқылы күдікті контентті, қажетсіз қосымшаларды бұғаттап тастауға мүмкіндік бар. Тіпті баланың экранның алдында қанша сағат отыратынын шектейтін тетіктерін де қосуыңызға болады.Шын мәнінде балалар контентінің ақсап тұрғанына өзіміз кінәліміз.&nbsp;Бала өмірі үшін ортақ талап қоя алмай келеміз. Анаған бір, мынаған бір телмірген баланың көңілін жұбата алмасақ, тіл мен салт-дәстүрді өзбек пен қырғыздардай қорғай алмасақ, дініміз бен ділімізді өз тұғырына қоя алмасақ кімге өкпелейміз?! Сондықтан әр арнада ұлттық құндылыққа толы, заманауи талапқа сай, бала қиялы мен бос уақытына тиімді орайласқан бағдарламалар көрсетілсе жөн болары сөзсіз. Ал, сіз не дер едіңіз?&nbsp;Мақпал Марқабай&nbsp;Фото: Жаңақорған тынысы&nbsp;

Бала контенті көңілге қона ма?

<a href="https://kyzylorda-news.kz/">Kyzylorda-news.kz.</a> Білім беру саласы елдің болашағын қалыптастыруда өзінің зор ықпалға ие екендігін әркез дәлелдеп келеді. Елімізде білімді ұрпақты өсіріп, өмір жолын қалыптастыру, оларға сапалы білім мен саналы тәрбиені қатар сіңіруде аталған саланың алар орны айрықша. Қазіргі таңда ауданның білім беру саласы айтарлықтай оң нәтижелерімен дараланып келеді. Оқушыларға заман талабын сай білім берудің барлық мүмкіндіктерін пайдалана отырып, материалдық-техникалық базасын да біршама қалыпқа келтірді. Бұл сөзімізге жуырда Білім бөлімі басшысы Санира Жанназарованың баспасөз брифингіндегі сараланған ақпарат дәлел бола алады. Брифингте ағымдағы оқу жылын аяқтау және жазғы маусымды ұйымдастыру мәселелері жөнінде атқарылатын шараларды назарға ұсына отырып, оқу жылы көлемінде аудандағы білім саласының жеткен жетістіктері айтылды.Мұғалімнің қоғамдағы мәртебесі, беделі оның шәкірттерімен ғана емес, өзінің кәсіби шеберлігімен де айқындалады. Бұл жөнінде халық даналығында «Ұстаз талантты болса, шәкірті талапты болады» делінген. Осы орайда, республикалық «Үздік педагог» конкурсының қорытындысымен жеңімпаз болып танылып, 3 миллион теңге сыйақы иеленген облыстың 5 ұстазының бірі №14 мектеп-лицейдің орыс тілі мен әдебиеті пәнінің мұғалімі Қонарова Жанна Құспанғалиқызы болды. Ұстаздың бұл жетістігі жалпы аудан мұғалімдерінің мерейін үстем етті. Бұдан бөлек оқу жылы көлемінде аудан мұғалімдері биік асуларды бағындырып жетістік тұғырынан көріне білген. Сондай-ақ мектеп мерейін үстем еткен білімге құштар оқушылардың да жетістігін білім бөлімінің басшысы кеңінен баяндап өтті.&nbsp;– Жалпы пәндер бойынша республикалық пән олимпиадасынан осы аталмыш мектеп-лицей түлегі Ангелина Прокапчук ІІІ орын, республикалық ғылыми жобалар сайысынан 10-сынып оқушысы Қазизов Ақсұлтан І орын иеленді. Алғаш рет ауыл мектептері үшін өткізілген пән олимпиадасының республикалық турына қатысқан Шижаға елді мекеніндегі №57 орта мектептің оқушысы Мырзаханова Анель ІІ орын алды. Сондай-ақ Қ.Бітібаева атындағы республикалық олимпиададан №220 орта мектептің оқушысы Іздібай Гүлбақыт, №13 орта мектептің оқушысы Абатова Аида ІІІ орын еншілеген еді. «Алтын түлек» республикалық олимпиадасынан №13 орта мектептің оқушысы Құрманалиева Назым, №14 мектеп-лицейдің оқушысы Қазизов Ақсұлтан І орын, №260 орта мектептің оқушысы Шарапатова Арайлым, №262 мектеп-гимназия оқушысы Мамаева Бақытнұр, №13 орта мектептің оқушысы Қожахметов Расул ІІ орын алғандығын мақтанышпен айтқым келеді. Тағы да 5-6-сынып оқушыларына арналған республикалық олимпиададан №62 мектеп-лицей оқушысы Көлдеев Жанарыс ІІ орын, № 220 орта&nbsp; мектептің оқушысы Бақыт Нұрсезім, №14 мектеп-лицейдің оқушысы Пак Амелия ІІІ орын иеленген болса, республикалық «Зерде» байқауынан №220 орта мектеп оқушысы Әбілбай Асылай ІІІ орындарды еншіледі. Ерекше білім берілуіне қажеттіліктері бар балаларға арналған «Шексіз өмір» республикалық фестивалінен №220 орта мектеп оқушысы Еркеназ Нұржанқызы ІІ дәрежелі дипломмен марапатталды. «Мерген ару» әскери-спорттық сайысынан Аралдың қыздар командасы ІІІ орын, «Алтын асық» республикалық олимпиадасынан №61 орта мектеп командасы жүлделі І орын иегері атанды. Осындай оқушыларымыздың көрсеткіштері облыстық пән олимпиадасы мен ғылыми жоба жарыстарынан да, спорттық сайыстардан да көрініп келеді, – деді Санира Нұрқожақызы.Биылғы оқу жылында жалпы аудан мектептерінің 11-сыныбын 947 оқушы, 9-сыныбын 1611 оқушы бітіргелі отыр. Олардың ішінде 35 түлек «Алтын Белгіге» үміткер. 63 оқушы «Үздік аттестат» иегерлері 9-сыныптар бойынша үздіктер қатарында 154 оқушы бар. Ереже талаптарына сай «Алтын Белгіге» үміткерлердің жазбаша емтихан материалдары Қызылорда облысының білім басқармасының сараптамасына ұсынылып, қорытындысы шығарылатын көрінеді.&nbsp;– Мектеп оқушылары үшін оқу жылының соңғы аптасы басталды. Бұл уақытта оқушылар жыл бойы бойға жиған білімінің нәтижесін көрсетеді. 5-8 және 10-сыныптар үшін 27-31 мамыр аралығында қазақ тілінде және өзге тілде оқытатын мектептер үшін қазақ тілі мен әдебиеті пәнінен өтетін аралық аттестаттау бойынша емтихан жұмысы жүргізіледі. Оған 8320 оқушы қамтылмақ. Ал 24 мамыр күні еліміздің барлық мектептерінде 1-10 сынып оқушылары үшін «Білімім-Отаныма» тақырыбында бірыңғай сынып сағаттары өтеді. Мұнда сынып жетекшілері білім алушылармен бірге оқу жылын қорытындылайтын болады. 25 мамыр күні 11-сынып оқушылары үшін «Мектебім, саған мың алғыс!» атты соңғы қоңырау шарасы жүргізіледі. Оның ұйымдастыру мен өткізу форматтары әр мектептің өз таңдауымен жүргізілетін болады. Сонымен қоса аттестаттарды салтанатты тапсыру рәсімі 14 маусым күні болады деп жоспарлануда, – деді бөлім басшысы.Сондай-ақ брифинг барысында Санира Нұрқожақызы бұл шаралар кезеңінде ата-аналар мен мектептер тарапынан аниматорларды жалдау немесе сыйлық жасау тәріздес тыйым салынған келеңсіздіктерге мүлдем жол берілмейтіндігін де баса айтты. Сонымен қатар 27-31 мамыр және 26-30 тамыз аралығында білім сапасындағы олқылықтардың орнын толықтыру мақсатында «Жазғы мектеп» шарасы ұйымдастырылып, оған 1-8, 10-сыныптар бойынша 6336 оқушы қамтылатын көрінеді.Бұдан бөлек, алдағы оқу жылында 1-сыныпқа 1556 бала қабылданады деп жоспарлануда. Қазіргі таңда оқушылардың 83 пайызы қабылданып отыр. Толық қабылдауды 23 мектеп аяқтаған.– Жоғары оқу орындарының мемлекеттік гранты конкурсына арналған Ұлттық бірыңғай тестілеу шарасы 16 мамыр-5 шілде аралығында өтеді. Аудан бойынша кезеңдік шара 3 маусым күні басталады. І кезеңге – 682, ІІ кезеңге – 679 оқушы тіркеліп отыр. Биылғы жылдың басты жаңалығының бірі, әрине бұл аудан орталығынан көптен бері өздеріңіздің күткен ҰБТ пунктінің ашылуы болды десем қателеспеген болар едім. Әр ата-ана баласының алысқа ұзамай, үйінің жанынан көз алдында жүріп тестілеу жұмысына қатысқанын қалайтынын ана ретінде жақсы түсінемін. Сондықтан ҰБТ орталығының ашылуына атсалысқан Қызылорда облысының әкімі Н.Мәшбекұлына, білім басқармасының басшысы А.Темірбекұлына елдің, аудан тұрғындарының шынайы ризашылығын білдіремін, – деді Санира Жанназарова өз сөзінде.Ауданда үш ауысымда оқитын және апатты жағдайда деп танылған мектептер толықтай жойылды. Дегенмен, жылма-жыл халық санының өсуі, елдің демографиясының артуына ықпал ететінін ескерсек, бұл көрсеткіш, әсіресе, тұрғындар көп шоғырланған Арал қаласы, Сексеуіл, Жақсықылыш кенттерінде орын алып отыр. Сондықтан «Жайлы мектеп» жобасы бойынша Арал ауданында 4 мектеп салу жоспарланған еді. Бүгінде оның 2-уінің құрылыс жұмыстары жүргізілуде. Ағымдағы жылдың қыркүйек айында пайдалануға берілмек. Қалған екеуінің құрылыстары жыл соңына дейін басталады деп күтілуде. Сондай-ақ, Тоқабай елді мекеніндегі 100 орындық №248 орта мектеп&nbsp; және&nbsp; Ақшатау елді мекеніндегі 50 орындық жаңадан ашылатын негізгі орта мектебінің ғимараттары жеке инвесторлар есебінен жүргізіліп жатыр. Жаңа оқу жылына дейін қолданысқа енгізілетін болады деп жоспарлануда.Биылғы жаз маусымында білім беру ұйымдары тарапынан оқушылардың жазғы демалысын қамтамасыз ету де назардан тыс қалмай отыр. Осыған байланысты жазғы тынығу лагерлері жұмыс осы жылы да жалғасын табады.&nbsp;– Оқушылардың жазғы маусымдағы бос уақыттарын тиімді өткізу әрбір мектеп үшін күн тәртібінен түспейтін мәселенің бірі болуы тиіс. Себебі, әрбір баланың болашағы ата-анасымен қатар біз үшін де алтыннан қымбат. Осы орайда,&nbsp; жазғы тынығу маусымын ұйымдастыру мақсатында 48 мектепте лагерь жұмыс істейтін болады. Оған 1-10 сынып аралығында 16509 бала тартылған. Оның ішінде, Қамбаш лагеріне - 803, мектеп жанындағы лагерьлерге - 8356, 17 мектептегі шатырлы лагерьге – 285, 14 мектептегі этнолагерьге – 290,&nbsp; еңбек лагеріне – 1125, аула клубтарына – 1155 оқушы, қосымша білім беру ұйымдары жанындағы лагерлерге – 960 бала қамтылады. Сонымен қоса аудан, облыс, республика көлеміндегі саяхат шараларына 531 бала тартылмақ.Осы жазғы маусым кезеңіндегі балалардың өмір қауіпсіздігін сақтау, әсіресе, тынығу кезеңінде суға шомылуға, мото және автокөліктерді айдауға, жол ережелерін бұзуға жол бермеу, тағы сол сияқты ескертпелер мектептер тарапынан жасалып келеді. Дегенмен, автокөліктер мен мотоциклдерді, мопедтерді ескертусіз айдап кету салдарларынан туындайтын қателіктер ауданымызда тіркелмегенімен, республика көлемінде осылардан туындайтын айтып келмейтін жағдаяттар туралы жазбалар әлеуметтік желілерде тарап жатады, – деген ауданның бас ұстазы балаларға ата-аналар тарапынан тыйым болса дегенді баса айтты.Қазіргі күні оқушылардың түнгі уақытта бей-берекетсіз жүруіне тоқтау салу мақсатында түнгі рейд жұмыстары күшейтілген. Бұған байланысты аудандық ішкі істер бөлімімен бірлесіп бөлім қызметкерлері, мектеп басшылары, орынбасарлары, ата-ана мен мұғалімдерден құралған еріктілер жасағы кезекшілік ұйымдастыруда. Беймезгіл жүрген жасөспірім балалар тіркеліп, ата-аналарына айыппұлдар да салынған көрінеді. Сөз соңында білім бөлімінің басшысы ата-аналарға бала алдындағы үлкен жауапкершілікті сезініп, бұндай келеңсіздіктерге жол бермеулері тиіс екендіктерін ескертіп өтті.&nbsp;Міне, балалардың білім алу жолында мемлекет тарапынан жасалып жатқан қолдаулардың игілігін аралдық оқушылар да көруде. Әсіресе қала мен ауыл балаларының тең дәрежеде білім алуы үшін бар жағдай жасалған. Мұғалімдердің де біліктілік санатын жыл сайын көтеріп келеді. «Болашақ – білімді жастардың қолында». Ендеше бұл иігілікті істердің бәрі оқушылардың бәсекеге қабілетті жас буын болып жетілуіне септігін тигізбек.

Алдағы оқу жылында Аралда 1-сыныпқа 1556 бала қабылданады деп жоспарлануда

<a href="https://kyzylorda-news.kz/">Kyzylorda-news.kz.</a> Қай кезде де Сыр өңірі дәстүрлі жыр жауһарларының алтын көмбесі саналады. Өйткені дария бойын жағалай қоныстанған киелі мекенде ежелден жыраулық, шайырлық өнер кең қанат жайған.Тарих парақтарына үңіл­сек, Сырдың жыраулық өне­рі сонау Қорқыт бабамыздан бас­тау алып, кешегі Нысанбай, Бал­қы базар, Ешнияз, Тұрма­ған­бет Ізтілеуовтердің жырларымен жал­ғасын тапқан. Бертін келе, Нұр­туған, Жиенбай, Нартай, Сәр­­сенбайдың жыраулар мектебі қа­лыптасты.&nbsp; 2006 жылдан бері ауданымызда Көшеней Рүстембеков атындағы Жыраулар үйі жұмыс істесе, оның жанынан ашылған ор­талықта 9 үйірме дәстүрлі өнер­­­­ді жаңғыртуға күш салып жүр.&nbsp;Жуырда &nbsp;ауданға қарасты тағы бір клуб үйінде «жыр-терме» үйірмесі ашылды.&nbsp; Нақтылай кетсек, Төретам кенттік кенттік клуб үйіне жаңа штат беріліп, жыр-термені нақышына келтіре орындаймын дегендерге үлкен қуаныш сыйлады. Әсіресе, балаларының құлағына ұлттық құндылықты құйғысы келетін, перзенттерінің бойына ұлттық өнерді дарытқысы келетін ата-аналар дән риза.<blockquote>– Былтыр жылдың қорытындысы бойынша аудан әкімінің есебінде Төретам кентінің ақсақалдарынан «жыр-терме үйірмесін» ашу туралы ұсыныс түскен болатын. Олар кентегі клуб үйінде көптеген үйірменің бар екенін, бірақ немерелерінің жыр өнерімен де сусындап өскенін қалайтынын айтқан еді. Аудан әкімінің қолдауымен «жыр-термеші», «домбырашы» деген штат ашылды. Оған халықаралық, респуболикалық байқаулардың жүлдегері, жыршы Тоғжан Бақытованы жетекші етіп алдық. Үйірменің ашылғанына көп уақыт болмаса да 10-аса оқушы жиналып, сабақ басталып кетті. Оқушылардың ынтасы зор, қызығушылығы жоғары. Күнделікті бір-екі оқушыдан қосылып, жыр үйренемін деушілердің қатары артуда. Осы орайда руханиятымызды, мәдениетімізді қолдаған аудан әкіміне шексіз алғысымызды білдіреміз, – деді Төретам кенттік клуб үйінің меңгерушісі Ақмарал Кішкентаева.</blockquote>&nbsp; Аталар жолын жалғап, қанға сіңген жыраулық дәстүрді ұстанып жүрген жас жыршымыздың бірі Тоғжан Бақытовамен аудан халқы жақсы таныс. Ол 2016-2020 жылдары Қазанғап атындағы Қызылорда музыкалық жоғары колледжінде білім алса, қазіргі таңда Құрманғазы атындағы Қазақ ұлттық консерваториясының 3 курсын тәмамдады.&nbsp; Жас болса да дауысымен көпті өзіне қаратып жүрген жерлесіміздің бағындырған белесі мол. Бидас Рүстембеков, Ұрхия Жұмабекова, Ұлжан Байбосынова, Аққалқа Арыстанқызы секілді ұстаздардан тәлім алған шәкірттің топ жармауы да мүмкін емес еді. Таудай талап пен ынта-жігердің арқасында 10 жылдан астам уақытын жырмен байланыстырып келе жатқан Тоғжан аймақтық, облыстық, республикалық сахналардан бөлек, халықаралық фестивальдерде топ жарған. 12 жасында Әзербайжан Республикасы, Баку қаласында өткен халықаралық «Mugam» конкурсында ІІ орынды жеңіп алса, «Айгөлек» телевизиялық балалар шығармашылық байқауында І орын, 2014 жылы Астана қаласында өткен халықаралық «Алтын Құлын» конкурсында «Қыз Жібек» жырын жырлап, І орын иегері атанды. 2015 жылы «Дарын» халықаралық байқауында бас жүлде иеленіп, осы жылы «Үйреніп, өсіп келемін, Сырдың сұлу мақамын» атты жеке шығармашылық концертін өткізген. &nbsp;Бізге берген бір сұхбатында «Басты мақсатым – елім маған не берді емес, мен еліме не бердім деген ұстаныммен өмір сүру» деген еді өнерлі бойжеткен. Енді шәкірттерге берері мол ұстаз боларына сенім мол.Ардақ СӘКЕНҚЫЗЫ

Төретам кентінде жыр-терме үйірмесі ашылды

<a href="https://kyzylorda-news.kz/">Kyzylorda-news.kz.</a> Көп жылдық тарихы бар, сан мыңдаған шәкірттерді түлеткен бұл білім ордасының тарихы сонау 1937 жылдан басталады. Әуелгіде №4 бастауыш теміржол мектебінің атауымен ашылған білім ордасында 6 сынып қана жасақталып, 140 оқушы білім алуға келген еді.Білім ошағының алғашқы басшысы Николай Иванович Муров болса, алғашқы ұстаздары қатарында Клавдия Петровна Архипова мен Палина Михайловна Войткевич болған екен. Ал 1940 жылдың басында мектеп директоры қызметіне Глаголева Клавдия Федоровна тағайындалады. Қырқыншы жылдардың ортасында Клавдия Федоровнаның басшылығымен мектеп ғимаратының екінші қабаты салынады. Бұл жыл сайын оқушылар мен сыныптардың көбеюімен байланысты болған. Аталған білім ошағында елімізге нәубет болып келген сұрапыл соғыс жылдарының қиындығына қарамастан жыл сайын 300-ге жуық бала білім алған. Сондай-ақ, соғыс жылдарында әскери госпиталь болған. Соғыстан кейін 1960 жылға дейін жеті жылдық мектеп, 1967 жылы алғаш рет орта мектеп атауы беріліп, орта мектептің бірінші түлектері қанат қағады.Білім ордасы бұдан кейін де бірнеше рет атауын өзгерткен. Мәселен, 1960 жылы мектеп атауы №411 орта мектеп болса, 1989 жылдың 1 қыркүйегінен бастап Жамбыл атындағы №120 орта мектеп атауымен қайта өзгереді. Мектепті әр жылдары тәжірибелі директорлар басқарады. Олар Юлаев Александр Иванович, Чихирников Яков Анатольевич, Ионцев Арий Аврамович, Бондаренко Федор акимович, Юрий Акимович Ганнибал, Фрумгарц Альберт Исакович, Худякова Зинаида Федоровна, Исхакова Ильгамия Зафаровна, Төрешов Тойлыбай Төрешұлы, Ыдрысова Жұмакүл Базарбаевна, Ғалымжан Нурмакович Тоқмырзаев, Қалтай Кеңесұлы Оразбеков, Роза Тағыбергенқызы Жадиева, Ануза Аманжоловна Шамшатова болды.Мектептің бірнеше ұстаздары Қазақстан Республикасы Білім және Ғылым министрлігінің мақтау қағаздарымен, Қазақстан Республикасының құрметті мұғалімі атақтарымен марапатталған. Олардың ішінде Джаппаркулова Шамшия Абжанқызы, Шонина Любовь Михайловна, Калина Мария Ивановна, Төрешов Тойлыбай Төрешұлы, Жарылкасынова Ақкуміс сынды мұғалімдер бар.Сонымен қатар мектеп өмірінде өзіндік қолтаңбасын қалдырған&nbsp;Валентина Никитенкова, Ұлбала Есенжолова, Зейнеш Жағалова, Жақсылық Құлмағанбетова, Балсұлу Кенжеғараева, Солодухина Людмила Васильевна, Маковенчук Любовь Ивановна, Рузманова Галина Федоровна, Гордеева Вера Александровна, Щербакова Галина Сергеевна, Ким Юлия Николаевна, Демина Роза Михайловна, Гуро Раиса Васильевна, Денисова Елена Ивановна, Осауленко Раиса Ивановна, Золотухин Николай Владимирович, Талгат Набиев, Марат Кабиров сынды ұстаздар есімін шәкірттері мен әріптестері мақтаныш тұтады. Білікті ұстазы бар мектептің оқушылары да білімді. Бұған дейін мектеп бітірген түлектер қазіргі таңда ғылым, спорт, білім, экономика, мәдениет саласында қызмет атқаруда. 1980 жылғы түлегіміз Пятибратов Михаил – мықты биофизик, Санкт-Петербург Университетінің профессоры, 1985 жылғы түлек Нағиятова Ляззат - филология ғылымының докторы, Әл-Фараби атындағы қазақ ұлттық университетініңі профессоры, Қорқыт ата атындағы мемлекеттік университетінің мұғалімдері: Успанова Зеребике, Шильдебаева Ляззат, Телемисова Базаркуль, Баекова Светлана, Акбенбетов Болат, Серикбаева Валентина, Цай Вячеслав. Спорт жанкүйерлеріне Лептиков Владимир, Байшуленов Алибек, Шалгимбаева Светлана, Тимошин Сергей сынды шәкірттердің есімдері спорт саласындағы жеңісті еңбектерімен таныс. Экономика саласында Фаткульдинов Фарид Кабибуллаевич, Хен Вячеслав Афанасьевич, Гайниев Равил Шайхиваевич, теміржол саласында Байсугуловтар, Изтелеуовтар, Медеуовтер, Айтөреевтер династиясын мақтанышпен айта алады. Ал А.Н.Фаткульдинова, М.И.Калина, Л.М. Шонина, Б.Б.Еримбетова, Г.Сактаганова, С.А.Микушина, К.Е.Силкина, Н.А.Жук, Т.У.Байходжаева, С.Сулейменова есімді шәкірттері жоғары педагогикалық білім алып, өздерінің алтын ұя мектептерінде еңбек жолдарын бастаған.Білім ордасын басқарған басшылар әр кезеңде заманға сай&nbsp;материалдық-техникалық базасын жақсартуға және оқу-тәрбие үдерісін жаңартуға өз үлестерін қосқан. 2008-2009 оқу жылында мектепке қосымша ғимарат салынып, жобалық қуаты 500 оқушы болған. 2014 жылы мектеп толық жөндеуден өтіп, сынып едендері мен есік терезелері ауыстырылып, шатыры қайта жөнделген. 2018-2019 оқу жылында жаңа модификациядағы биология, 2019-2020 оқу жылында физика, 2021-2022 оқу жылында химия, 2022-2023 оқу жылында робототехника, инклюзия, алғашқы әскери дайындық және технология кабинеттері жабдықталып, қолданылып келеді. Заман талабына сай мектептің ішкі, сыртқы беттері әрленіп, мектеп ауласы асфальттанып, брусчаткалар төселді. 2021-2022 оқу жылында 2 дана, 2022-2023 оқу жылында 2 дана интербелсенді панель алынып, оқушылар игілігін көруде. Бұдан бөлек, коворкинг, домбыра кабинеттері жұмыс жасауда.

Архив