<a href="https://kyzylorda-news.kz/">Kyzylorda-news.kz</a> Бүгінде Шиелі ауданына қарасты ауылдардың өзіндік аты мен бренді қалыптасып үлгерген. Олай дейтініміз, Бәйгеқұм ауылы ерекше демалыс орнымен елге танымал. Сол ауылдың демалыс айлағына мына жағы Арал, мына беті Түркістан облыстарынан арнайы келеді. Жергілікті қараша халықтың негізгі бизнес көзі де осы. Ауыл тынысын білмекке Бәйгеқұм ауылының әкімі Дәулет Сейітқалұлына байланысқа шықтық.Қазіргі таңда жергілікті халық саны – 2368 адамды құрайтын бұл ауылда 425 отбасы түтін түтетіп отыр. Бәйгеқұм ауылында 1200-ден астам адам еңбекке жарамды болса, соның 560-ы жалдамалы жұмысшы. Ал 283 адам өзін-өзі толықтай жұмыспен қамтылған. Ендігі кезекте жұмыссыздар қатарына 26 азамат тіркелсе, қазіргі уақытта жастар тәжірибесі арқылы 1 азамат жұмыс істеуде. Бұл ауылда талай жылдар бойы еселі еңбек еткен 195 зейнеткер тұрады. Сондай-ақ 72-і мүмкіндігі шектеулі жандар. Ал мектеп қабырғасында білім алушы 441 бала болса, мектеп жасына дейінгі балалар саны – 356 адамға жеткен. Бүгінде ауылдық округте кіші және орта кәсіпкерлікті жүргізу бағытында 82 субъекті тіркелген. Онда «Айдана» балабақшасы ЖШС, шаруа қожалықтар саны – 10, жеке кәсіпкерлер саны – 72. Ауылдық округте М.Әуезов атындағы №251 орта мектеп, ауылдық клуб, Бәйгеқұм ауылдық ауруханасы, «Әсем» бөбекжай балабақшасы, ветеринариялық және учаскелік полиция пункті халыққа үздіксіз қызмет көрсетіп келеді.Қазір ауылда білім саласы бойынша өткен жылдың мамыр айында №251 орта мектепке жаңа басшы Қанат Парманқұлов тағайындалып, еселі еңбек етуде. Өткен жылы мектеп бітіруші 19 түлектің 11-і ұлттық біріңғай тест тапсырған. Нәтижесінде, 11 түлек жоғары оқу орындарының грантына ие болып, 2 оқушы колледж студенті атанды. Тағы бір айта кетерлігі, мектеп оқушыларын тасымалдау үшін 40 орындық автобус көлігі де қарастырылған. Сондай-ақ ауылдағы «Әсем» балабақшасында 45 қызметкер жұмыс істеуде. Ал осы балабақшада 100-ден астам бала тәрбиеленуде. Бұған қоса «Айдана» жеке балабақшасында 9 қызметкер жұмыс істесе, 40 бала осы бөбекжай балабақшасына барады. Денсаулық саласы бойынша Бәйгеқұм елді мекеніндегі ауылдық емхана 1982 жылы пайдалануға берілген. Қазір жалпы 2 дәрігер, 40 орта буынды медицина қызметкерлері қараша халықтың дені сау болуы үшін жұмыс істейді. Өткен жылы Бәйгеқұм ауылында 46 сәби дүниеге келген. Барлығы ана мен бала қобдишасымен тегін қамтылған және «Д» есепте 398 адам тұрады. Оның ішінде қант диабеті, жүрек ауру, асқазан-ойық жарасымен «Д» есепте тұратын науқастарға тегін дәрі-дәрмек уақытылы беріліп келеді. Жергілікті қараша халық дәрігерлік тексеруден жиі өтіп тұрады.Бәйгеқұм ауылындағы мәдениет клуб үйі 2014 жылы ел игілігіне пайдалануға берілген. Бұл күнде ауылдағы мәдениет саласының атқарып жатқан жұмысы да ауыз толтырып айтарлықтай. Мәдениеттің мәйегі, ұлттық мәдениеттің қайнар көзі, халықтың бай мәдени-мұрасы. Әнін, биін, күйін, салт-дәстүрін кейінгі ұрпаққа насихаттау мақсатында үйірмелердің үлесі орасан зор. Олай дейтініміз, ауылдық клуб үйінде ән, би, домбыра, хор үйірмесі және 13 жылдық тарихы бар «Ақ әжем алтын қазынам» әжелер ансамблі көптеген аудандық, облыстық байқауларға қатысып, жүлделі орындармен марапатталған. Ал үйірмеге қатысушылардың да қанжығасы майланып, түрлі марапаттар мен жүлделі орындар алып келеді.Осы тұста, ауыл әкімі Дәулет Сейітқалиұлы ауыл тұрғындары кәсіпкерлік бағытта және көркейту-көгалдандыру жұмысында үлкен нәтижеге қол жеткізіп келе жатқанын айтты.Оның айтуынша, «Бәйгеқұм ауылдық округі әкімінің аппараты көркейту-көгалдандыру және санитарлық тазалық жұмыстарын жүргізу мақсатында ауқымды жұмыстар атқарды. Осы жүргізіліп жатқан сенбілікке ауылдық округі әкімінің аппаратының қызметкерлері, Бәйгеқұм емханасы ұжымы, №251 мектеп ұжымы, ауылдық клуб ұжымы, «Әсем» бөбекжай блалабақша ұжымы белсенділік танытып, ауыл ішін әрлеу-сырлау жұмыстарын орындады. Олар өз мекемелерінің айналасын тазартып, бірнеше көше мен ғимараттардың, ескерткіштердің айналасын күл-қоқыстан тазартты. Ауылдық округтің паспорты және бильбордтардың жан-жағы тазаланып, «Батыс Европа – Батыс Қытай» автожолының бойын тазалауға сенбілік жұмыстар ұйымдастырылды. Сонымен қатар ауданда орталығында белгіленіп берілген аумаққа да тазалық жұмыстарын жүргіздік. Елді мекеннің кіре берісіне демеушілік арқылы 450 мыңға көркейту-көгалдандыру бағдарламасы арқылы жасыл желекке коршау орнатылды», – деді.Сәні мен салтанаты жарасқан ауыл тұрғындары төрт түлікті түлетіп, құрт пен май сатып отыр. Қазір Бәйгеқұм ауылында 3564 бас – мүйізді ірі қара, 777 бас – жылқы, 52 бас – түйе, 4157 бас – уақ мал бар. 3116 бас мүйізді ірі қараға және 2368 бас уақ малға сібір жарасы, аусыл ауруларына қарсы екпе жұмыстары жүргізілген. Ветпункт мекеме қызметкерлері төрт түлігін түлетіп отырған тұрғындарға сапалы қызмет көрсетуде.– Кәсіпкерлікті дамыту бағдарламасы бойынша өткен жылы 4 азамат 2,5 пайыздық «Ауыл Аманаты» жобасына құжаттарын тапсырып, 16 млн 100 мың теңге көлемінде несие алып, ашқан кәсібін дөңгелету үстінде. Қайтарымсыз грантқа 3 азамат ілігіп, 4 млн 50 теңге көлемінде несие алған. Қазір мемлекет тарапынан ауылдың жағдайын жақсарту мақсатында түрлі бағдарламалар қолға алынып, нәтижелі көрсеткішке жетуде. Бүгінде ауыл тұрғындары кәсіпкерлік бағытқа қарай бет алып келеді. Мемлекеттік бағдарламаға ілікпеген тұрғындар да, өздерінің қажырлы еңбегі арқылы несібесін тауып отыр. Алдағы уақытта мемлекеттік бағдарламаға қатысып, басталған кәсіп көзін кеңейтуді көздеп отыр. Тағы бір айта кететін жайт, ауыл тұрғындары ауыл шаруашылығы саласынан да шет қалған емес. Жыл сайын өткізіліп келе жатқан ауыл жәрмеңкесіне қатысып келеді. Кәсіпкерлер өндірген өз өнімдерін ауылшаруашылығы жәрмеңкелерінде 1 тонна балық пен ара балын, 12 тонна бақша, көкөніс, картоп дақылдарын арзан бағамен қала және аудан халқына және «Батыс-Европа – Батыс-Қытай» үлкен жол бойына сатуға шығарып, табыс табуда, – дейді Бәйгеқұм ауылдық бас маманы.Әр ауылдың қоғамдық тәртібі қашанда үлкен маңызға ие. Қазіргі уақытта Бәйгеқұм ауылында қоғамдық тәртіп учаскелік полиция майоры Ақылбек Асанов қажырлы еңбек етуде. Жалпы бұл ауылда қылмыстық істің орын алмауы да көпке үлгі. Бұл ауылда қылмыстың алдын алу мақсатында және елді мекен халқын тәртіпке шақыру жөнінде, тұрмыстағы зорлық зомбылықтың алдын алу, мал ұрлығына тосқауыл қою және пада ұйымдастыру жөнінде ауыл тұрғындарының қатысуымен жыл сайын 3 рет жиналыс өткізіліп тұрады.Ауыл әкімінің сөзінше, Бәйгеқұм-Жөлек трассасы бойындағы көше жарығы бағаналарын реконстуркциялау жұмыстарына жоба-сметалық құжат әзірленді. Ауылдағы кәсіпкерлер есебінен ауыл ішілік 4 көпір жаңадан салынды. Бәйгеқұм кешені ашылып, дүкен, монша, қонақ үй, асхана үздіксіз жұмыс істеуде. Әр мерекеде ауылда 80-ге толған азаматтардың мерей тойы аталып, балалар күні, 8 наурыз, жаңа жыл мерекесінде сый-сияпат беріліп тұрады. Ауылдан Ханқожа көлінің бойынан Бәйгеқұм қоғамдық жағажай ашу үшін түрлі бағытта жұмыстар жүргізілуде. Осы Хан қожа көлінің жағасында орналасқан кәсіпкерлер ауылдағы тұрмысы төмен отбасыларға азық-түлік таратып, мектеп оқушыларына оқу жылы басында киім-кешек, қажетті құралдармен қамтамасыз етіп отырады. Сондай-ақ өткен жылы ауыл ішіндегі Досбол би, Әуезов, Ш.Уалиханов көшелерінің автомобиль жолдарын орташа жөндеу жұмыстары жүргізілді, – деді.Қазанатын баптаған, қазақы дәстүрді сақтаған ауылдың ажары күн сайын көркейіп, дамудың даңғыл жолында көш бастап келеді. Бүгінде Бәйгеқұм ауылында толымды тірлік пен береке-бірліктің арқасында бірталай жұмыстар атқарылған.

Шиелі: Бәйгеқұм ауылында берекелі істер бар

<a href="https://kyzylorda-news.kz/">Kyzylorda-news.kz.</a> Елімізде волонтерлік қызмет айтарлықтай дамуда. Бүгінде қандай да бір төтенше жағдай орын алса, еріктілердің жүргенін байқаймыз. Осылайша, волонтерлік қызмет қазақ қоғамының ажырамас бір бөлшегіне айналды. &nbsp;Бұл туралы Қазақстан Республикасы Мемлекеттік қызмет &nbsp;істері агенттігінің Қызылорда облысы бойынша департаментінің мемлекеттік қызмет саласындағы бақылау басқармасының бас маманы&nbsp; Әлия Хожбанова баяндады.Бүгінде елімізде жастардың волонтерлік іспен айналысуға ықыласы жоғары, яғни жастардың көпшілігі қайырымдылық іспен айналысып, қоғамға өзінің пайдасын тигізіп жүр.&nbsp; Еріктілер – бұл өз ынтасымен азаматтық қоғамның игілігі үшін әрекет ететін, өзінің білімін, уақыты мен күшін материалдық сыйақы алуға немесе ақы төленетін жұмысқа емес, бірлескен әлеуметтік күш үшін арнайтын адамдар.Осындай игі істермен өз үлесін қосып жүрген мемлекеттік қызметшілер Сырдария ауданы Айдарлы ауылдық әкімі аппаратының бас мамандары Есенгелді Ережеп Есенгелдіұлы мен Әлтаев Ерсұлтан Серікбайұлын атап өтуге болады. Аталған мемлекеттік қызметшілер мемлекеттік қызметте 3-4 жылдан бері қызмет атқарып келеді, ауылдың қоғамдық өміріне белсенді араласуда. Ауыл жастарын ұйымдастырып, жастар бригадасын құрып, волонтерлік жұмыстармен тұрақты түрде айналысады. Мәселен, жастар демеушілігімен ауылдың кіре берісіне арнайы қақпа салып, тұрмысы төмен отбасылардың үйлерінің шатырларын жаңадан қаптатып, ауыл аймағына 700 түп ағаш отырғызған. &nbsp;Есенгелді Ережеп Есенгелдіұлы мен Әлтаев Ерсұлтан Серікбайұлы ауылды дамытуда игі істері үшін халықтың разылығына бөленіп, түрлі алғыс хаттармен марапатталған.&nbsp;Волонтерлік қызметпен айналысу мемлекеттік қызметшілер арасында алдағы уақытта да жалғасын табатын болады.

Мемлекеттік қызметшілер волонтерлік қызметпен айналысуда

<a href="https://kyzylorda-news.kz/">Kyzylorda-news.kz.</a> Бүгінгі күні Сырдария аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі тарапынан автомобиль жолдарын жөндеу, газдандыру, электрмен қамту, ауыз-су мұнараларын орнату, Тереңөзек кенті және елді мекендерге жол үсті таңбаларын сызу, жол белгілерін орнату, кентішілік бағдаршам құрылғысын күтіп ұстау,тұрғын-үй кезектілігі мен тасымал қызметтерін ұйымдастыру бойынша &nbsp;жоспарға сәйкес тиісті жұмыстар атқарылуда. Бұл жайында бөлім басшысы А.Ержанов айтып берді.Автомобиль жолдары бойынша осы күні «Ауыл – ел бесігі» бағдарламасы аясында республикалық бюджеттен 3 жобаға 641,6 млн теңге, аудандық &nbsp;бюджеттен 1 жобаға 247,0 млн теңге, барлығы 888,6 млн теңге &nbsp;қаржы қаралған.Жоба құны 299,8 млн тг құрайтын Қоғалыкөл елді мекеніндегі &nbsp;6 көшені күрделі жөндеу бойынша &nbsp;мердігер мекемемен 5 көшеге асфальт жабындысы төселген. Қазіргі таңда Шымбай көшесін асфальттауға дайындық жұмыстары жүргізілуде. Яғни ауылдағы Мақсұм, Құнанбаев, Айзунов, Есмахов, Шымбай, Майқанова көшелері – "Қызылорда Жолдары" ЖШС, техникалық қадағалаушы - "SD ПРОЕКТ Консалтинг" ЖШС, игерілген қаржы &nbsp;199,6 млн тг.Жоба құны 188,5 млн теңге құрайтын С.Сейфуллин елді мекеніндегі көшелерін күрделі жөндеу жобасы бойынша мердігер мекемемен &nbsp;6 көшеге&nbsp;тас төсеу жұмыстары жүргізілуде. Асфальт жабындысы мамыр айының 10-нан кейін төсеу жоспарлануда. С.Сейфуллиндегі Қосбармақұлы, Бәйтен батыр, Шортанбай би, Аханов, Сәрке батыр, Қарлыбай "Орда Автодор" ЖШС, техникалық қадағалаушы - "Qazaqstan Expert” ЖШС игерілген қаржы &nbsp;81,7 млн тг.Жоба құны 153,2 млн теңге &nbsp;құрайтын Қалжан ахун елді мекеніндегі Қайқы батыр көшесін күрделі жөндеу жобасы бойынша асфальт жабындысы толығымен төселді, қазіргі таңда жаяу жүргіншілер жолына асфальт жабындысы төселуде. &nbsp;"Орда Автодор" ЖШС, техникалық қадағалаушы – "Qazaqstan Expert” ЖШС&nbsp;игерілген қаржы &nbsp;129,4 млн тг.Жоба құны 247,0 млн теңге құрайтын Тереңөзек кенті көшелерін күрделі жөндеу жобасына аудандық бюджеттен қаржы бөлініп, қазіргі таңда мемлекеттік сатып алу жұмыстары жүргізілуде.Ұсынылған жобалар бойынша:Бүгінгі күні 2025 жылға Сәкен Сейфуллин елді мекенінде 3 көше Байназарұлы, Арықұлы, Әбілдаұлы, Шіркейлі елді мекенінде Жақыпов көшесін күрделі жөндеу және Ақжарма елді мекенінде Ысқақов көшесін орташа жөндеу жобалары бойынша барлығы 4 жобаға «Ауыл – ел бесігі» бағдарламасы бойынша 357,9 млн теңгеге бюжеттік өтінім өткізілді.Сонымен қатар, жоба құны 571,6 млн теңгені құрайтын аудандық маңызы бар "Қызылорда-Аэропорт-Қоғалыкөл-Шіркейлі" автомобиль жолының 10,2 шақырымына орташа жөндеу жұмыстарына 2025 жылға облыстық жолаушылар көлігі және автомобиль жолдары басқармасына қаржыландыруға өтінім ұсынылды.Қазіргі таңда &nbsp;5 елді мекендер бойынша атап айтқанда С.Сейфуллин, Шаған, Айдарлы, Іңкәрдария, Шіркейлі ауылдық округтеріндегі 14 көшені күрделі жөндеу жұмыстарына барлығы 21,6 шақырым жолға жоба әзірленуде. Қазіргі таңда Айдарлы, С.Сейфуллин, Шаған елді мекендерінің жобалары дайындалып, сараптамадан өткізілуде.Сонымен қатар елді мекендерді газдандыру саласы бойынша:Жоба құны – 514,8 млн. теңгені құрайтын А.Тоқмағанбетов елді мекенін газдандыру бойынша (келісім-шарт құны – 488,5 млн.теңге) 2023 жылға облыстық бюджеттен 20,0 млн.теңге, 2024 жылы құрылыс жұмыстарын жалғастыруға республикалық бюджеттен 100,0 млн. теңге, облыстық бюджеттен 28,8 млн теңге бөлініп, бүгінгі күнге барлығы 22,8 шақырым газ құбырлары тартылып, қазіргі таңда газ құбырларына тазалау жұмыстары жүргізілуде. Жобаны толық аяқтауға РБ – 339,7 млн. теңгені қаржыландыруға облыстық энергетика және тұрғын үй-коммуналдық шаруашылық басқармасы арқылы ҚР Энергетика министрлігіне &nbsp;2024 жылға өтінім ұсынылды.Жоба құны – 447,5 млн теңгені құрайтын Сейфуллин елді мекенін газдандыру бойынша (келісім-шарт құны- 424,6 млн.теңге) 2023 жылға облыстық бюджеттен 20,0 млн.теңге, 2024 жылы құрылыс жұмыстарын жалғастыруға республикалық бюджеттен 100,0 &nbsp;млн. теңге, облыстық бюджеттен 22,2 млн. теңге бөлініп, бүгінгі күнге барлығы 24,5 км газ құбыры тартылып, жер астынан көлденең бұрғылау әдісімен (ГНБ) газ құбырын тарту жұмыстары жүргізілуде. &nbsp; &nbsp; &nbsp; &nbsp;Жобаны толық аяқтауға РБ – 332,2 млн. теңгені қаржыландыруға облыстық энергетика және тұрғын үй-коммуналдық шаруашылық басқармасы арқылы ҚР Энергетика министрлігіне &nbsp;2024 жылға өтінім ұсынылды.Жобаның құны – 2,6 млрд теңгені құрайтын Шаған елді мекенінің орамішілік газ тарату желілерін және тартылатын газ құбырын салу» жобасына 2024 жылға республикалық бюджеттен 100,0 млн теңге қаржы бөлініп, бүгінгі таңда мердігер мекемелерді анықтау мақсатында, мемлекеттік сатып алу жұмыстары жүргізілуде.Газдандыру бойынша ұсынылған жобалар бойынша: &nbsp; &nbsp;1) Жоба құны – 661,4 млн теңгені құрайтын Н. Ілиясов елді мекенін газдандыру жобасын республикалық бюджеттен қаржыландыруға облыстық энергетика және тұрғын үй-коммуналдық шаруашылық басқармасы арқылы 2024 жылға Қазақстан Республикасы Энергетика министрлігіне бюджеттік өтінім ұсынылды. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;2) Жоба құны – 1,8 млрд теңгені құрайтын Ақжарма елді мекенін газдандыру жобасын республикалық бюджеттен қаржыландыруға облыстық энергетика және тұрғын үй-коммуналдық шаруашылық басқармасына 2025 жылға бюджеттік өтінім ұсынылды. &nbsp; &nbsp; &nbsp; &nbsp; &nbsp;Электрмен қамту саласы бойынша:Жоба құны&nbsp;1,1 млрд. теңгені құрайтын Шаған ауылдық округінің тұрғын аймақтарын электрмен қамту жобасына &nbsp;2023 жылға 227,3 млн. теңге, 2024 жылы 865,6 млн. теңге бөлініп, мердігер мекеме арқылы &nbsp;бүгінгі күні жоба бойынша ВЛ-10 КВ желісі және ВЛ-0,4 КВ желілері толығымен жүргізіліп, 21 КТПН орнатылды. Қазіргі таңда тұрғын үйлерге электр желілері тарту жұмыстары жүргізілуде.Анықтама ретінде: «Энергомера» ЖШС-гі, техникалық қадағалаушы Нурай – Сервис» ЖШС &nbsp;игерілген қаржы&nbsp;746,6 млн тг.Ауыз - су саласы бойынша:2024 жылға Қоғалыкөл, Н. Ілиясов, Шіркейлі, Аманкелді &nbsp;елді мекендеріне 4 дана су мұнарасын сатып алуға (25 м3) &nbsp;жергілікті бюджеттен &nbsp;21,6 млн теңге қаржы бөлініп, бүгінгі таңда мердігер мекемені анықтау мақсатында, мемлекеттік сатып алу жұмыстары атқарылуда.Сонымен қатар жоба құны – 446,8 млн теңгені құрайтын барлау пайдалану ұңғымаларын бұрғылау жобасы бойынша 155,5 млн тг қаржыға С.Сейфуллин, Іңкәрдария елді мекендерінің жобасы аудандық бюджетке, Тереңөзек кенті, Қоғалыкөл, Шаған елді мекендері бойынша 213,0 млн теңгеге республикалық бюджетке қаржыландыруға облыстық энергетика және тұрғын &nbsp;үй-коммуналдық шаруашылық басқармасына 2024 жылға өтінім ұсынылды.Көппәтерлі тұрғын үйлерді күрделі жөндеуден өткізу бойынша:Тереңөзек кентіндегі Жеңістің 50 жылдығы көшесіндегі №19, екі қабатты тұрғын үйлерді күрделі жөндеуден өткізу жұмыстарына және Тереңөзек кентіндегі А.Иманов көшесіндегі №37, №25, № 31 қабатты тұрғын үйлерді күрделі жөндеуден өткізу жұмыстарын жүргізуге республикалық бюджеттен 44,2 млн теңге бөлініп, бүгінгі таңда мердігер мекемелермен келісім шарт жасалынды. Дегенмен,&nbsp;облыстық энергетика және тұрғын &nbsp;үй-коммуналдық шаруашылық басқармасы мен ҚР Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитетінің келісім шарттары облысқа келмегендіктен жұмыстар әзірге басталмай тұр.Жол қауіпсіздігін қамтамасыз ету қызметі бойынша:Тереңөзек кенті және елді мекендерге жол үсті таңбаларын сызу, жол белгілерін орнату бойынша жоба құны 20,0 млн теңге болатын жоба әзірленіп, қазіргі таңда мердігер мекемемен келісім шарт жасалынды. Аталған жоба бойынша жол үсті таңабаларын сыздыру, 220 дана жол белгілерін қою, 120 дана жол белгілерінің ауыстыру, кент және елді мекен көшелерінде 120 ПМ жасанды бұдырлық орнату жұмыстары жүргізілетін болады.Мемлекеттік тұрғын үй қорынан түрғын үйге мұқтаж азаматардың есебін жүргізу және мемлекеттік тұрғын үй қорынан түрғын үй беру &nbsp;қызметі саласы бойынша:2023 жылы коммуналдық тұрғын үй қорының тұрғын үйлерін сатып алу» бағдарламасы бойынша Тереңөзек кентінде салынған 40 тұрғын үйлерді кезектілікке сәйкес 80 пәтер халықтың әлеуметтік жағынан осал топтарына пайдалануға берілді. Мемлекеттік тұрғын үй қорынан тұрғын үйге мұқтаж азаматтар кезегінде&nbsp;бүгінгі күнге, барлығы 525 азамат тұрғын үй кезектілігіне алынған. Оның ішінде, «Халықтың әлеуметтік жағынан осал топтары санаты» бойынша 195,Көп балалы отбасылар санаты бойынша – 147;«Мемлекеттік қызметшілермен бюджеттік ұйымның қызметкерлері санаты» бойынша 111;«Жетім және ата-анасының қамқорлығынсыз қалған балалар» санаты бойынша 34; &nbsp; &nbsp; &nbsp; &nbsp;«Жалғыз тұрғын үйі Қазақстан Республикасының заңнамасында белгіленген тәртіппен апатты жағдайда деп танылған азаматтар» санаты бойынша 38.Жайлы мектеп жобасы бойынша:Жайлы мектеп жобасы бойынша Тереңөзек кентінде 300 орындық мектеп құрылысы енгізілген. Жобаның үйлестірушісі "Samruk-Kazyna Construction"АҚ. Осы ретте, мектеп құрылысы үшін жер учаскесін сәйкестендіру мақсатында «Жер учаскесін немесе өзге де жылжымайтын мүліктерді мемлекет мұқтажы үшін мәжбүрлеп иеліктен шығарудың басталуы туралы» 02.11.2023 жылы &nbsp;аудан әкімдігінің №281 қаулысы қабылданып бүгінгі күні аталған қаулыға сәйкес Тереңөзек кенті, А.Құнанбаев көшесі бойынан 36 меншік иесінен жер учаскесі және өзге де жылжымайтын мүліктері мемлекет мұқтажы үшін мәжбүрлеп иеліктен шығару жұмыстары жүргізілуде. Бүгінгі күнге аудандық бюджеттен 279,6 млн теңге қаржы бөлініп, 31 тұрғындармен келісім шарт жасалып, 93.3 млн теңге игеріліп, қазіргі таңда тұрғын үйлер бұзылуда.2024-2025 жылдардағы жылу беру маусымының дайындығы туралы:Аудан әкімінің 2024 жылғы 29 сәуірдегі №76 өкімімен 2024-2025 жылдардағы жылу беру маусымына дайындық жұмыстарын ұйымдастыру жөнінде аудандық штаб құрылып, тиісті іс-шаралар бекітіліп, жұмыстар атқарылуда. Сырдария ауданы бойынша 80 әлеуметтік нысандар бар. Оның ішінде, білім беру саласында– 36 (17 –сұйық отын, 8–қатты отын, 11 –газ), денсаулық сақтау – 17 (1-сұйық отын, 12-қатты отын, 4 - газ), мәдениет және спорт саласында – 27 нысан (15 – сұйық отын, 5 – қатты отын, 7 - газ). 2025 жылдың 1 қантарына дейін әлеуметтік нысандарға қажетті сұйық және қатты отын сатып алуға 244,4 млн теңге бөлінген. Оның ішінде, 796,8 тн сұйық отынға 224,3 млн теңге, 1323,5 тн қатты отынға 20,1 млн теңге бөлініп, тасымалдаушылармен шарттар жасалынды. Әлеуметтік нысандарда қазіргі таңда 129 тн қатты отын және 109 тн сұйық отын қоры бар. Әлеуметтік нысандарға қатты отын тасымалдау тамыз-қыркүйек айларында жүргізіледі. Сондай ақ сұйық отын қойманың сйымдылығына байланысты жеткізіледі.Аудан көлеміндегі негізгі 1 көмір тасымалдаумен айналысатын «Нұрдаулет» кәсіпкерлермен жылу маусымында тұрғындарға қажетті 15000 мың тн көмір жеткізуге және тиімді бағамен сатуға меморандум жасалды. Сонымен қатар облыс орталығына жақын орналасқан (Айдарлы, Жетікөл, Аманкелді, Бесарық, Қоғалыкөл) тұрғындары Қызылорда қаласынан тасымалдайды.

Сырдарияда "Ауыл – ел бесігі" бағдарламасы бойынша көшелер жөнделеді

<a href="https://kyzylorda-news.kz/">Kyzylorda-news.kz.</a> Емханаға келген әрбір тұрғынға жылы шырай танытып қарсы алатын Шолпан Омар көпшілік арасында мінезінің жайдарлылығымен танылған. Кіндік қаны Тереңөзек топырығына тамғанымен, оның балалық шағы, студенттік кезеңі Атырау қаласында өрбіді.Атырау қаласындағы медициналық колледжді тәмамдаған Шолпан Сматқызының еңбек жолы Сырдария аудандық ауруханасының «Хирургия» бөлімшесінде бастау алады. Сонымен қатар тәжірибелі маман 1994-1997 жылдар аралығында «Айгөлек» балабақшасында жұмыс жасаған. Ал 15 жылдан бері аяулы жан аудандық емхананың «Тіркеу» бөлімшесінде мақтаулы маман ретінде жастарға жол көрсетуде.<blockquote>– Медицина саласында әрбір жұмыстың жауапкершілігі жоғары. Біз күнделікті емханаға келушіні арнайы базаға тіркеп, дәрігерге жол нұсқаймыз. Электронды жүйені күнделікті меңгере түсіп, цифрландыру бағдарламасына ден қоямыз. Базалық жүйенің бөге-шүгесіне қанығып, емханаға келушіге сапалы қызмет ұсынамыз. Көбіне аймақтық дәрігерлердің қабылдау кестесіне сай, жергілікті тұрғындар диагнозы бойынша тексеріліп жатады, – дейді өз ісінің білгірі.</blockquote>Ардақты ана үйдегі отағасы Бақтыбай Ілиясовпен бірге 3 перзент, 6 немеренің ортасында бақытты ғұмыр кешуде.

Өз ісінің білгірі атанған маман

Білім бәсекесінде биікті бағындырған мектеп

<a href="https://kyzylorda-news.kz/">Kyzylorda-news.kz</a>&nbsp; Елімізде жолшы мамандарын даярлауға айрықша көңіл бөлінбек. Бұл туралы «ҚазАвтоЖол» ҰК» АҚ облыстық филиалының баспасөз қызметі хабарлады.&nbsp;ҚР Көлік министрлігінің ұсынысымен биыл жоғары оқу орындарында мыңға жуық білім гранты бөлінетін болды. Яғни, жас түлектер үшін бұл үлкен мүмкіндік. Осыған орай, «ҚазАвтоЖол» ҰК» АҚ облыстық филиалы, «ҚАЖСервис» ЖШС және «Жол активтерінің ұлттық сапа орталығы» РМК облыстық филиалы мамандары аймақ мектептерінің жоғары сынып оқушыларымен кездесіп, жолшы мамандығын таңдауда кәсіби бағыт-бағдар беріп жүр.&nbsp;Жалпы бүгінде жол саласында маман тапшы. Министрлік мәліметіне сүйенсек,жол-көлік құрылысыбойынша қазіргі еңбек нарығында 2 мыңға жуық маман қажеттілігі бар. Демек, жолшы мамандығын таңдаған жас түлектерге оқуын бітірген соң екі қолына бір күрек табылады деген сөз.Қазақстанда «Көлік құрылысы» мамандарын даярлайтын 8 жоғары оқу орны бар. Кәсіби бағдар аясында мектеп оқушыларының жол саласына қызығушылығы оянып, бүгінде осы мамандықты таңдауға ниет білдірген жастар жетерлік. Сыр өңірінің мектеп түлектері «көлік құрылысы» мамандығы бойынша грант иелену үшін барын салмақ.Фото: zkmu.edu.kz

Биыл «Көлік құрылысы» мамандығына 1000 грант бөлінеді

<a href="https://kyzylorda-news.kz/">Kyzylorda-news.kz</a> Жуырда Шиелідегі Көкшоқы мөлтек ауданындағы спорт кешенінде «Қайсар-Шиелі» және Алматылық «Жас Қыран» командалары өзара бақ сынасты. Тартысты ойын шиеліліктердің пайдасына 4-3 есебімен аяқталды.Ойынға жергілікті команданы қолдап келген жанкүйерлердің қарасы қалың болды. Сондай-ақ, ойынды тамашалау үшін арнайы Шиелі ауданының әкімі Нұржан Ахатов, және тағы басқа спорт саласының ардагерлері келіп қатысты.Алғашқы кезеңнен кейін 1-3 есебімен есе жіберіп жатқан Шиелінің аяқ допшылары екінші кезеңде ойын есебін толықтай өзгертті. Ал, 81 минутта соңғы голды шиелілік футболшы Саят Жахмуров соғып, таблодағы есепті жеңісті нәтижеге жеткізді.&nbsp;Міне, осылайша біздің аяқ допшылар 6 турдан кейін 11 ұпаймен көш бастап тұр.Айта кетейік, осыдан бір ай бұрын дәл осы алаңда QFL Екінші лигасының маусымашар ойыны өткен болатын.&nbsp;Ысқырық шалынған сәттен бастап қос ұжым кезек-кезек қарымта шабуылдар жасаумен болды. Дегенмен екі ұжымның да сұрмергендері қақпаның кілтін бірден таба алмай, алғашқы 45 минуттық 0-0 есебімен аяқталған-ды. Үзілістен кейін қайта оралған команда ойыншылары алдымен Қайсар-Шиелі командасының қақпасына орнығып, бірнеше қауыпты шабуылдар жасаса, соңғы 10 минутта Қайсар-Шиелі командасы есеп ашатын бірнеше мүмкіндікке ие болды. Алайда, қақпашылар қырағылық танытып, таблода есеп өзгеріссіз қалды. Яғни қос команда бір-бір ұпайдан еншілеп, 0-0 есебімен тең тарқасқан.&nbsp;Ал кешегі өткен кездесуде&nbsp;«Қайсар-Шиелі» командасы камбэк жасады.

"Қайсар-Шиелі" командасы камбэк жасады

<a href="https://kyzylorda-news.kz/">Kyzylorda-news.kz</a> 6 мамырдан бастап қызылордалық қыз-келіншектер «She Commerce» бағдарламасы аясында тегін білім алуда. Бұл туралы Kyzylorda Hub бизнес-инкубаторы хабарлады.«She Commerce» – Қазақстан аумағының барлық өңіріндегі нәзік жандарды ақпараттық технологиясы саласы бойынша оқыту, дағдыларын арттыру, кәсіпкерлікке баулу, түрлі қосымшалар мен маркетплейс әзірлеуге және цифрлық экономиканы үйретуге бағытталған бағдарлама. Тегін курс барысында 18 бен 30 жас аралығындағы жастар қамтылды.&nbsp; Бағдарламаға қатысушы қыздар «Google workplace» бағдарламасы, «Интернет саудадағы NoCode әзірлеу», «Графикалық дизайн» тақырыбында білім алуда.&nbsp;Ұйымдастырушылардың айтуынша, «She Commerce» курсының нәтижесінде өңірдегі ІТ cекторда жас әрі білікті мамандардың саны артады.&nbsp;<blockquote>− Интернет кеңістікте түрлі бағдарламалар мен тегін курстар бар. Бірақ «She Commerce» курсы мен үшін құнды ақпарат пен жаңа білімнің көзіне айналды. Алғашқы 3 сабақтың өзінде ақпараттық технология саласына қызығушылығым артып, сайт жасау және графикалық дизайн жасауға алғашқы қадамымды жасадым. Ең бастысы −&nbsp; офлайн режимде өтіп жатыр. Курсты толық аяқтаған соң міндетті түрде осы салада жұмыс істеймін, − деді қыз-келіншектерге арналған «She Commerce»&nbsp; тегін курсының қатысушысы Елизавета Есмаева.</blockquote>Айта кетейік, кәсіпкерлік дағдыларды дамытуда және білікті мамандар даярлау мақсатында Қызылордада инкубациялық бағдарламалар жиі ұйымдастырылады. Өткен жылы орталықтың бастамасымен «Startup joly» инкубациялық кезеңі екі мәрте ұйымдастырылды. &nbsp;Бағдарламаға қатысқан 46 жобаның арасынан 13 жоба жұмыс істеп жатыр. Оның ішінде 4 жоба «QazInnovations» қаржыландыру бағдарламасына өтінім беруде. Ал жақында «Skills up», «Startup Academy» бағдарламасы өтті.<blockquote>− Бизнес-инкубатор резиденттеріне алдымен білім мен тәжірибе алмасу алаңын жасаймыз. Орталықта түрлі бағыт бойынша оқыту курстары бар. Қатысушылар өзіне ұнаған сала бойынша кез келген бағыттағы курстарға қатыса алады. Сонымен қатар бағдарламаға қатысып, жобаларын дамытады. Әрі қарай инвестиция тартуға және демеушілік алу мүмкіндігіне ие болады. Себебі біздің алаңда жақсы жоба жасау арқылы республикалық деңгейге жол ашылады. Ең бастысы жастарға жұмыс жасауға арналған тегін 2 коворкинг бар. Алдағы уақытта біз арнайы зертханалар салуды жоспарлап отырмыз.Жақында бейне ойындарын жасайтын лаборатория ашылады. Оған қосымша жасанды интеллект, бағдарламалау, инжиниринг лабораториялары да қосылады. Менің ойымша біздің ең басты жұмысымыз әрі міндетіміз – жастарды ояту, табысты болуға ынталандырып, Қызылорда аумағындағы мүмкіндіктерді көрсету. Білім көзін беріп, әрі қарай табысты маман, кәсіпкер болуға мүмкіндік жасау. Жастар арасында Қызылордадағы мүмкіндіктер мен перспективаларға сенім жоқ, біз сол сенімді оятуға жұмыс істейміз.&nbsp;&nbsp;Сәтті стартаптар көбіне білімді жастармен бірге жасалады. Расымен де, стартапты бастау үшін мықты интеллект қажет. Сол себепті білім беру ұйымдарымен тығыз жұмыс істейміз. Стартаптар әлемінде аутсайдерлерге орын жоқ. Бұл нағыз бәсекелестіктің мекені, сол себепті барлық күшімізді бәсекелестікке менталды тұрғыда төзе алатын жастарды тартуға жұмсаймыз. Сыр елі мықты жастарға толы, тек олардың зейінін ашу керек. Алайда жастардың басым бөлігі арзан әрі тез дүниеге құмар, ойын күлкіге жақын болып барады. Ал стартап жасау – бірінші кезекте ауыр еңбек және тоқтаусыз білім алу, – деді Ж.Тубекбаев.</blockquote>Мамандардың айтуынша, ақпараттық технологиялар саласында қыз-келіншектердің рөлі артуда. Халықаралық деңгейде ақпараттық-коммуникациялық технологиялар саласындағы әйел кісілердің арнайы &nbsp;мерекесі бекітілген. Биыл мереке қарсаңында өңірде АКТ саласында қызмет атқаратын нәзік жандарға арнап салтанатты жиын ұйымдастырылды.«Анаға тағзым» орталығының базасында аймақтың ақпарттық-коммуникациялық технологиялар саласында елеулі еңбек етіп жүрген қыз-келіншектерге құрмет көрсетілді. Мерекелік жиын облыс әкімі аппаратының цифрлық технологиялар бөлімінің басшысы Сәбит Ибадулланың құттықтауымен басталды. «Астана хаб» халықаралық технопаркінің өкілдері Zoom платформасы арқылы байланысқа шықты. IT саласындағы қызылордалық қыз-келіншектердің үлесі мен жетістіктеріне тоқталды. Сонымен қатар жобалар мен бағдарламалар туралы айтылды.&nbsp;&nbsp;Ә.Жанәбілқызы

SHE COMMERCE: Қызылордада қыз-келіншектерге арналған тегін курс басталды

<a href="https://kyzylorda-news.kz/">Kyzylorda-news.kz</a> Мамандардың айтуынша, жаңа технологияның көмегімен алынбайтын қамал жоқ. Иә, бұл пікір бүгінде шындыққа айналды. Өткен жылы ғана IT әлемде кеңінен қолданысқа енген жасанды интеллектпен түрлі жоба, бағдарламаларды жүзеге асыруға болады.&nbsp;Қорқыт ата атындағы Қызылорда университетінің студенті Айдана Еділбекқызы болашақ тіл маманы. Кәсіби саласымен қатар ақпараттық технологияның да қыр-сырын меңгеруде. Жаңашылдық пен ізденіске жаны құмар бойжеткен жақында&nbsp;«Қазақ әдебиетін комикс арқылы оқыту» тақырыбын зерттеген.&nbsp;<img class="image_resized" style="width:51.78%;" src="https://knadmin.beoblood.kz/uploads/yzylordaly_student_AI_k_megimen_komiks_zhasady_2_c1457b7797.jpg" alt="Қызылордалық студент AI көмегімен комикс жасады 2.jpg"><blockquote>−&nbsp;Біз тіл маманы болғандықтан баяндама, мақала, ғылыми &nbsp;жоба секілді ізденістік жұмыстарға жақынбыз. Сонымен қатар, университет қабырғасында &nbsp;«Академиялық жазылымның теория мен практикасы» атты арнайы пән ретінде оқытылды. Мақсаты − &nbsp;болашақ тіл маманын ғылыми жұмыс жазуға бейімдеу, дағдыларын қалыптастыру. Осы пән аясында алған білімімді шыңдау мақсатында Қазақстан аумағында енді дамып жатқан «Қазақ әдебиетін комикс арқылы оқыту» тақырыбына зерттеу жүргізуді қолға алдым. Ғылыми жетекшім − филология ғылымдарының кандидаты, социолингвист-ғалым Аман Абасиловтың кеңесімен дәл осы тақырыпқа тоқталдым.&nbsp;Ғылыми жоба аясында шетел мұғалімдерінің тәжірибелерін жинақтап, комикс кітапшалар мұғалімнің құзіреттілік құралы бола алатынын дәлелдедік. Ғылыми жобаның бір ерекшелігі − батыстық «APA» стилімен жазылған. Батыстық стиль − дамыған елдерде қолданылатын мақала, баяндама, ғылыми жоба стилі. Нәтижесінде жоба арқылы жазылған мақала, баяндамалар әлемдік танымал «Google Scholar» сайтына жарияланып, ғылыми дәрежеңізді көтеруге болады.Ғылыми жобаны жазу барысында комикс кітапшалары арқылы оқыту дамыған елдерде 1940 жылдары басталғанын&nbsp; білдім. Шетелде 2 ғасыр бойы комиксті оқыту құралы ретінде пайдаланса, &nbsp;Қазақстанға комикс шамамен 10 жыл бұрын ғана келді. Сондықтан ғылыми жұмысымды startup жобаға айналдыру процесін бастадым. Нәтижесінде алғашқы бастама ретінде 8−сыныптың қазақ әдебиеті оқулығындағы Жүніс Сахиевтің «Айдағы жасырынбақ» әңгімесінің желісінде комикс жасадым. Комикс қолданысы жоғары цифрлық технология − &nbsp;жасанды Интеллект арқылы жасалды, − деді Айдана Еділбекқызы.</blockquote><img src="https://knadmin.beoblood.kz/uploads/yzylordaly_student_AI_k_megimen_komiks_zhasady_1_b6f3e2d0e7.jpg" alt="Қызылордалық студент AI көмегімен комикс жасады 1.jpg">Айдананың айтуынша, жақында «qazaq_comics» атауымен Instagram парақша ашқан. Әлеуметтік желіде комикс туралы қызықты деректер, фактілер мен ақпараттар салынуда. Сондай-ақ, 5-8−сынып оқушыларына қазақ әдебиеті бойынша шығармаларға негізделген комикс оқитын сайт жасауды қолға алды.&nbsp;<blockquote>− Оқулыққа негізделген кітапшалардан бөлек қаржылық сауаттылық мазмұнындағы комикстерді жасалады. Мақсатты аудиториясы – 11-14 жастағы оқырмандар мен мұғалімдер. Бұл жоба қазақ әдебиетін оқытудағы сапасы арттыруға өз үлесін қосады деп ойлаймын, − дейді жоба авторы.&nbsp;</blockquote>Айта кетейік, жоба әлеуметтік желідегі парақшаларға жариялануда және электронды нұсқасы әзірленуде. Алдағы уақытта жоба патенттеліп, оқырманға жол тартса – қазақ әдебиетіне қызығушы жастардың көбейетіні анық.<blockquote>− «Қазақ тілі мен әдебиеті мұғалімдерін даярлау» мамандығының студенті болсам да IT салаға қызығушылығым жоғары. Себебі IT мамандығы мансаптық өсу мен дамуға кең мүмкіндіктер береді. Қазір бір ғана маман иесі ретінде тоқтауға бомайды. Бүгінгі заман даму мен біліктілікті арттыратын уақыт. IT саласына алғашқы&nbsp;қадамым «Kyzylorda hub» бизнес-инкубаторынан басталды. Орталық ұйымдастырған «Startup Joly»&nbsp;инкубациялық бағдарламасының екінші ағынына қатысу арқылы идеяны прототип деңгейіне жеткізуге мүмкіндік беретін кәсіби бизнес-тренерлерден білім алдым. Әрі қарай білімімді жетілдіру үшін Astana hab ұйымдастырған&nbsp; «Startup academy» курсын игердім, − деді Айдана Еділбекқызы.</blockquote>Студент комикс жобасын «EdTech Hackathon Kyzylorda» білім саласындағы IT жобалар сайысына ұсынуды жоспарлауда.&nbsp;Айта кетейік, білім&nbsp;саласындағы үздік IT жобаларды анықтау, цифрлы шешімдер мен талантты мамандарды іздеу, ақпараттық технологиялар, инновациялық және стартап жобаларды дамыту мақсатында 17 мамыр күні &nbsp;«EdTech Hackathon Kyzylorda» атты облыстық байқау өтеді. Үздік жобаларға 500&nbsp;000 теңге көлеміндегі қаржы бөлінген. Сондай-ақ, Қорқыт ата атындағы Қызылорда университетінің білім гранты табысталады. Хакатонда 16-35 жас аралығындағы жастар бақ сынайды. Топпен қатысу мүмкіндігі де қарастырылған. Жыл сайын қатысушылар саны да өсіп жатыр. Мәселен,&nbsp;2022 жылы республика күні қарсаңында өткен додаға 270 жас қатысып, 100-ге жуық жоба таныстырылса, былтыр 350 жас өтінім қалдырып, 120-ға жуық жоба қорғалған. Биылғы сайыстың рөлі зор. Себебі осы жылдың өзінде хакатон 4 мәрте ұйымдастырылады. Сәйкесінше кезекті әр&nbsp; байқаудың өз бағыты болмақ.&nbsp;Ә. Жанәбілқызы Фото: aqmeshit-zhastary.kz

Қызылордалық студент AI көмегімен комикс жасады

<a href="https://kyzylorda-news.kz/">Kyzylorda-news.kz</a> &nbsp;С. Майқанова атындағы мәдениет Үйінде «Amanat» партиясының ұйымдастыруымен «Қарызсыз қоғам» жобасы аясында қаржылық сауаттылығын арттыру курсының оқу аптасы бастау алды.&nbsp;ҚР Қаржы нарығын реттеу және дамыту агенттігі "АМАNАТ" партиясымен бірлесіп, "Қарызсыз қоғам" білім беру жобасының ауқымын кеңейтетін Жол картасын және қалаларда ашылатын жобалық кеңселердің жұмысы туралы Ережені дайындады. Жобалық кеңселер азаматтарға қаржылық және құқықтық мәселелер бойынша кеңес береді.Бұнымен қоса, "Қарызсыз қоғам" жобасы аясын қаржылық сауат бойынша білім беру платформасы іске қосылады және Қазақстанның барлық жоғары оқу орындарына, колледждеріне және мектептеріне қаржылық сауат курсы енгізіледі. Дәлірек айтқанда, 450 мың оқушы мен 100 мың студентті қаржылық сауат негіздеріне үйрету жоспарланған. Бұл оқу орындары үшін арнайы әдістеме мен оқу құралдары әзірленеді.Айта кету керек, "Қарызсыз қоғам" − халықтың қаржылық сауатын арттыруға бағытталған "AMANAT" партиясы мен Halyk Bank-тің бірлескен бастамасы. Аталған жобада несие бойынша берешегі бар және борышкерлер тізімінде тұрған ауыл тұрғындары, қарызы бар және оның мерзімін өткізіп алған азаматтар, мемлекеттен жеңілдікпен несие алуға үміткер кәсіпкерлер оқудан өте алады.Жобаның алғашқы оқыту курсы 2 мамырда басталып, еліміздің 8 өңірінде жүзеге асырылды. Атап айтқанда, осы уақыт ішінде Алматы, Ақтөбе, Атырау, Батыс Қазақстан, Солтүстік Қазақстан, Түркістан, Жамбыл және Маңғыстау облыстарының 65 мың тұрғыны жоба аясында қаржылық сауатын арттыру бойынша оқу курсынан өтті.«Қарызсыз қоғам» жобасына қатысушыларға жоғары оқу орындарының оқытушылары және&nbsp; банк саласының қызметкерлері дәрістер оқуда. Арнайы жасақталған кестеге сәйкес, қазақ және орыс тобына&nbsp; бөлінген қатысушылар күнделікті келіп, өздеріне қажетті ақпараттар алып, жобаға қатысуда белсенділік танытуда.Сауаттылықты арттыру курсынан өтушілерге жобаның өңір бойынша қаржы сарапшысы, ментор Наталья Мишукова қаржылық сауаттылықты арттырудың тиімділігі мен басым бағыты туралы ақпараттармен бөлісетін болады.Айта кетейік, курс арқылы кент бойынша 300 адамды арнайы оқудан өткізу жоспарланған. Курстың ІІ кезеңі 20-24 мамыр аралығында өтеді. Жобаға қатысып, қаржылық сауаттылығын арттырғысы келетін тұрғындар төмендегі байланыс нөміріне хабарласуларына болады.Тел: 8(777) 174-54-27 Үміт,8(777) 067-87-35 Аягөз&nbsp;Қорлан САРЫ

Қарызсыз қоғам: жоба аясында кент тұрғындары арнайы оқудан өтуде 

<a href="https://kyzylorda-news.kz/">Kyzylorda-news.kz.</a> &nbsp;Халықаралық Отбасы күніне орай «Отбасы орталығында» зиялы қауым өкілдері, «Мерейлі отбасы» байқауының әр жылдардағы жеңімпаздары, үлгілі және жас отбасылар, ҮЕҰ және БАҚ өкілдері қатысуымен мерекенің мәнін айшықтайтын іс-шара ұйымдастырылды.Мемлекет басшысы «Халқымыз қай заманда да отбасы дәстүрін берік ұстанып, қадірлей білген. «Үлкенге құрмет, кішіге ізет – біздің қанымызға сіңген қасиет» деп айрықша мән беріп келеді.Отбасындағы тәлім-тәрбие адамның бүкіл бітім-болмысын қалыптастырады. Ақылдың кені – ақсақалдар мен тәлімнің тетігі – аналардан алған үлгі-өнегені ұстансақ, ісіміз ілгерілеп, тіршілігіміз татымды болары анық.Іс-шарада облыс әкімі аппаратының басшысы, әйелдер істері және отбасылық-демографиялық саясат жөніндегі комиссия төрағасы Шахмардан Байманов ұрпақтар сабақтастығын жалғап, қоғамда еңбек құндылығын насихаттаған отбасыларға ізгі ниетін жеткізіп, аймақ басшысының атынан мерекемен құттықтады. Сондай-ақ, дәстүрлі «Мерейлі отбасы» конкурсына құжаттар қабылдау бүгіннен басталатынын хабарлады.Байқау шарты бойынша аудандық және облыстық комиссияның оң шешімін алған отбасылар республикалық конкурсқа жолданады.Мерекелік басқосуда сөз алған облыстық ардагерлер кеңесі төрағасының орынбасары, қоғам қайраткері Ө.Шәменов жарасымды отбасыларға ақ тілегін арнады. Жаңадан отау құрып, шаңырақ көтерген жұптар ұйымдастырушыларға алғысын білдірді.Шараға қатысушыларға облыс әкімдігі атынан Алғыс хаттар мен құттықтаулар табысталды. Жыл сайын атап өтілетін Халықаралық Отбасы күнінде бірлік пен татулық насихатталып, өнегелі отбасылар баршаға үлгі етіле бермек.

Мерейлі отбасылар құрметке бөленді 

<a href="https://kyzylorda-news.kz/">Kyzylorda-news.kz.</a>&nbsp; Нартай Бекежанов атындағы қазақ академиялық музыкалық драма театры ұжымы 17 мамыр күні Түркия елінің төрі Анкара қаласында өнер көрсетеді. Сыр саңлақтары бұл жолы Сұлтан Раевтың «Ақ ләйлек» драмасын сахналайтын болады.&nbsp;Еске салсақ, өткен жылы Нартай Бекежанова атындағы Қызылорда облыстық Қазақ академиялық музыка театры айрықша қойылымдардың премьерасы халыққа ұсынды. Үсен Рамазанның режиссерлық бастамасымен «Шырмауық» атты Ахмет Ақмоншақтың психодрамалық моноспектаклі көрерменге жол тартты. Театрдың репертуары өзге де қойылымдармен толысып, балаларға арналған жаңа спектаклдерін паш етті. Атап өтсек, Шыңғыс Айтматовтың 95 жылдық мерейтойына орай «Жәмилә» драмасы, Оңталап Нұрмахановтың «Көрғұлы» рухнамасы, Ақберген Елгезектің «Болмаған балалық шақ» драмасының премьерасы халық назарына ұсынылды. Алтын қор тек бұл қойылымдармен тоқталып қалмай, сыр сахнасында басқа да спектакльдердің тұсауы кесілді. Сәуір айының 4-і Н.Баймаханның «Үйлену оңай...» атты ерекше форматтағы спектаклі халыққа жол тартады. Сондай-ақ театр балаларға арналған Е.Шварцтың «Күлше қыз» атты қойылымын тамашалауға шақырады.&nbsp;<blockquote>– Театр өнері нақты пайда табуға бағытталған сала емес. Тазалықты, шынайылықты талап ететін ерекше дүние. Дүйім жұрттың алдында белгілі бір рөлді сомдап шығу үлкен жауапкершілік.&nbsp;Бізде қазір жастар да бар, оларға бағыт-бағдар беретін орта буын да бар. Барлығы да осы бір өнерге адал болып, ел-халықтың алдында жоғары деңгей көрсетуде. “Бұлақ көрсең көзін аш” дегендей ізімізді басып келе жатқан жастардың әр жетістігіне тілекші болып, қуанып отырамыз, - деді Хұсейін Әмір-Темір Жүсіпұлы.</blockquote><blockquote>– Өзіме ұнайтын бірнеше рөлдерім болды. Онымен қоса сомдағым келген өзге де образдар аз емес-ті. Ал тосыннан ұсыныс түсіп,&nbsp; актерлық мансабымда маған қатты жақын болған кейіпкер Ақбергеннің рөлінде ойнау бұйырды. Лезде образды барынша ашу үшін кейіпкерімді «оқи» бастадым. Процесс барысында бұл баланың жан дүниесін түсіне үңіліп, оның бастан кешкен тағдырын өз өмірімде өткізе бастағандай сезіндім. Табиғатынан ерекше Ақбергенге жаным ашып, көрген қиыншылығын мейлінше халыққа жеткізгім келді. Шынымды айтсам, сахна әртістері образдан шыға алмай қалады деген ұғымды осы кезде бастан кешкендей болдым. Бұл драманың қойылымы бірнеше айлар бұрын өтіп кетсе де, кейіпкерімді әлі күнге дейін сезінемін. Қорғағым келетін інім секілді. Ал спектаклді сахналайтын сәтте сол інімнің артына тұра қалатындаймын, – дейді «Болмаған балалық шақ» драмасының басты кейіпкері, актер Ердәулет Мәму.&nbsp;</blockquote>Облыстық театрдың биылғы жоспары бойынша «Сыр әзілі» әзіл-сықақ бағдарламасының тұсауын кесіп, халыққа ұсыну. Сондай-ақ театр ұжымы Т.Жүргенов атындағы қазақ ұлттық өнер академиясында шығармашылық тәжірибе алмасуды жоспарлап отыр. Театрдың жаңа репертуарымен Алматы, Байқоңыр қалалары мен аудан-ауылдарға гастрольдік сапарға аттанбақ.&nbsp;Махаббат пен адамдық, сезім мен сана, жастық пен қарттық, ұлт пен жүрек күресін бейнелейтін «Ақ ләйлек» қойылымына бей-жай қарап отыру мүмкін емес.&nbsp; Егіздей жаратылған екі ұлттың болмысы мен тағдыры ұқсас болғандықтан қырғыз жазушысының бұл еңбегі қазақ қоғамына да жат емес.Спектакльдегі кейуана кезінде ғылыммен шұғылданған профессор алыс-жақын шетелдерді аралап, өз ұлтының, туған жерінің қадір-қасиетін терең ұғынған жан. Ұлы мен келіні жол апатынан қайтыс болып, жалғыз немересі Жанарды мәпелеп өсіріп, көзінің қарашығындай қорғаштайды. Тек он бес жыл бұрын инсульт алған әжейдің тілі күрмеліп, сөйлей алмайды. Сөйлей алмаса да ақыл-ойы толық, немересінің қадамын қалт жібермейді. «Сен тұрмысқа шыққанда ақ қағаздан мың ләйлек жасап, сыйға тартамын» деген уәдесін орындау үшін күнде қағаздан құстың бейнесін ойып ермек қылады. 999 ләйлек ойған апаның соңғы ләйлегі ғана қалған.Ал Жанар – әжесінің арқасында еркін өскен, білімді, шет тілін меңгерген сұлу ару. Балаң көңілімен апасының мыңыншы ақ ләйлегін күтіп жүрген бойжеткен америкалық дипломат Энтонды жолықтырып, махаббат дертіне шалдығады. Спектакльдің ширығуы осы арадан басталады.Әрбір адам, әсіресе бойжеткен қыздың болашағын тек жақсылықпен, баянды махаббатпен елестетіп, қиялдайтыны белгілі. Жанар да өз бақытын Энтонмен бірге Американың аспанмен таласқан зәулім ғимараттарынан, молшылық пен әдемі лирикадан іздейді. Бірақ ол арманына жету үшін әжесін қайда қалдырып кетерін білмейді. Бір кездері мәпелеп өсірген жалғыз жанашыры ендігі жерде жолына кедергі. Қимайды, қиналады, бірақ сүйгенінен де айырылғысы келмейді. Қарама-қайшы екіұдай күйде жүрген Жанардың ішкі арпалысы сахнада шынайы көрінеді.Арбаға таңылған кейуана немересінің шетелдікке тұрмысқа шығатынын білгенде алғашқы соққысын қабылдады. Ол үшін арбада отырғаны, әлсіз жүрегі, жалғыз қалатыны емес, Жанардың жатпен бірге шекара асып бара жатқаны ауыр тиеді. Тілі күрмеліп, әрең сөйлеп отырған әже «өз ұлтыңның етегінен ұста» дегенді бүкіл болмысымен, бет әлпетінің қимылымен, шарасыз жанарымен ұқтырады. Осы көрініс кім көрінгеннің құшағында жатқан қазақ қыздарына араша тұра алмай, іштен тынған қазақ жігіттерінің аянышты халін көрсеткендей. «Өз ұлтымнан кімге тұрмысқа шығамын? Біреуі алқаш, біреуі жұмыссыз, біреулері алаяқ саясаткер» деген Жанардың жауабы, арбасын әзер сүйреп жүрген кейбір қазақ жігіттерінің құм болған жігері секілді. Ащы шындық арқаңды осып өтіп, өзегіңді тіліп түседі.Күні кеше ғана «әже, сізді шетелге алып кетемін, испандық жігітпен таныстырамын» деп әзілдей күліп, көңілін аулап жүрген немересінің жасырын түрде өзін қарттар үйіне өткізбек болған әрекеті кейуанаға екінші соққы болды. Ал қарттар үйінен келген «апаны қабылдауға ешбір негіз жоқ» деген қарсы жауап Жанарға тым ауыр тиеді. Спектакль осы арада шиеленіспен, тартыспен күрделене түседі. Бақытына жету жолында кедергі болған әжесіне Жанардың қол көтеретіні де осы жерде. Сүйген жігіті Энтон тез арада еліне ұшуы керек, ол Жанарды күтіп отыр.Ал Жанар мүгедек әжеден қалай құтыларын білмейді. Әлпештеп өсірген немересінің бетін қайтара алмай, бүкіл еңбегі заяға кеткен кемпірдің мұңы мен қасіреті, ізгілігі мен мейірімі, жастық жалынына күйіп аласұрған Жанардың ширыққан болмысы алақандай сахнадан тұтас қоғамның бейнесін көрсетеді.Бұл көрініс көрінгеннің етегін ұстап түрлі-түсті жиендердің қатарын көбейтіп жүрген қаракөздеріміздің тағдырын еске салады. Олардың ата- анасының, өздерінің бүгінгі және кейінгі ғұмырының не боларына алаңдатады. Ең қиыны, жеке басының бақыты үшін тұтас ұлтының қабырғасын сетінетіп кеткен аяулы аруларымыздың бұл әрекетіне кім кінәлі екенін таппайсың.Спектакльдің шарықтау шегі Жанардың ащы шындықты айтуымен өріледі. «Сен мені осынша уақыт алдап келдің. Мен сенің асыранды қызың екенмін. Менің туған анам іздеп келді, сыртымнан қарап жүріпті. Сен неге мені алдайсың?» деп әжесінің алқымынан алғандай болған әрекеті кейуанаға үшінші соққы болып тиді. Жанардың ашуға бой алдырған ессіздігі, ісінің байыбына бармай сабырын сарқып алғаны әжеге ауыр тиді. Оған асыранды немересінің шындықты біліп қойғаны топырақтан ауыр қасірет болды. Үшінші соққыны көтере алмаған кәрі жүрек кілт тоқтады. Енді спектакльдің шерге толы финалын алып шығу Жанардың рөліндегі Жауһардың өзіне жүктелді. Әйтсе де жас актриса шеберлігін көрсете берді. Жанарды тастап еліне қайтып бара жатқан Энтонның силуэтінің соңынан жүгіргені, әжесінің өліміне көзі жеткен сәттегі қайғымен арпалысы, есінен ауысып, үстелдің астындағы жарыққа тығылып шыңғырып жылағаны көрерменнің көзінен жас шығарды. Жанардың соңғы айқайы тілі шұбарланып, діні сан тарауға бөлініп, әдебиеті сыйлық үшін ғана жазылатын қазақ қоғамының қаңғырып қалған руханияты, ал ойылмай қалған мыңыншы ләйлек қазақтың жете алмаған арманы секілді әсер қалдырады.&nbsp;Айта кетейік, аталған шара ТҮРКСОЙ ұйымы мен Қызылорда Облысының Әкімдігінің қолдауымен жүзеге асуда. Аталған театр ұжымы бұған дейін де Түркия еліне гастрольдік сапармен келіп, мұндағы қазақтар мен түбі бір түркі жұртын тәнті еткен болатын. Бұл жолы да Сыр өнерпаздары көрерменін көзайым етеріне сенеміз.&nbsp;Қорлан САРЫ

Архив