<a href="https://kyzylorda-news.kz/">Kyzylorda-news.kz.</a>&nbsp; Апта ағымында Сырдария ауданының әкімі Берік Сәрменбаевтің &nbsp;аудан тұрғындарымен &nbsp;кездесуі өткізілуде. Бұл жолы &nbsp;Қазақстан Республикасы Президентінің «Әкімдердің халықпен кездесулерін өткізу туралы» №826 жарлығына сәйкес, Сырдария ауданының әкімі Сәрменбаев Берік Әбдіғаппарұлының аудан халқымен кездесуі Бесарық, Қоғалыкөл, Шіркейлі ауылдарында жүзеге асты.Кездесуге облыстық мәслихаттың депутаты Жұмабек Ембергенов, аудан прокуроры Асқар Кемалов, аудандық полиция бөлімінің бастығы Ғани Тұрсекеев, аудандық ардагерлер кеңесінің төрағасы Мұса Келдібаев, дербес бөлім мен коммуналдық сала басшылары қатысты.Ауылдардағы кездесу жиыны барысында аудан әкімі Берік Сәрменбаев аймақ бойынша жаңалықтармен бөлісіп, аудан &nbsp;көлемінде атқарылған жұмыстар туралы тізбектеді.<blockquote>&nbsp;Бүгін жергілікті тұрғындармен кездесіп, көкейдегі мәселелерін тыңдадық. Шын мәнінде ауылдардың әуелетін жақсарту мақсатында бірқатар жұмыстар атқарылады. Қазіргі уақытта аудан көлемінде бірқатар жобалар жүзеге асырылуда. Жолдар жөнделіп, тұрғындарға қолайлы орта қалыптастыру үшін жұмыстар жүргізілуде. Біз қашанда күрмеуі шешілмеген мәселелердің &nbsp;алдын алуға жұмыс жасаймыз, – деді аудан әкімі. &nbsp;&nbsp;</blockquote>Аудан басшысы Берік Әбдіғаппарұлы аталған елді мекен тұрғындарының ұсыныс-пікірлерін тыңдап, тұрғындардың жеке мәселелерімен де қабылдау жүргізді. Тиісті сала басшыларына тапсырмалар берді. Әрбір елді мекендегі халықтың мәселесін шешу аудан әкімдігінің күн тәртібінен түспейді.&nbsp;&nbsp;&nbsp;&nbsp;

Аудан әкімінің тұрғындармен кездесуі үш ауылда жалғасын тапты

<a href="https://kyzylorda-news.kz/ru">Kyzylorda-news.kz.</a> Жалағаш ауданында соңғы жылдары тың серпінмен ілгерілеген бірден-бір сала болса, ол – білім. Ұбт көрсеткіші бойынша жалағаш жақсы нәтижеге қол жеткізіп жүр. Бұл тұста ұлағатты ұстаздардың еңбегі ерен. олар шәкірт тәрбиелеуде ауқымды іс тындырды. Өйткені бүгінгі жас ұрпақ білімді болса, елдің келешегі кемел болары анық. жастардың білімді болуы жаһандық дәуірде бәсекеге қабілетті мемлекеттің негізін қалауына жол ашады.Иә, бүгінгі ғасыр, жаһандану дәуірі мемлекеттерді бір-бірінен білім, ғылым, үздіксіз даму мен бәсекеге қабілеттілік арқылы ажыратып қойды. Дамушы елдер дамыған елдің осы жолдағы озық тәжірибелерін тұтынады. Біздің ел де қазір даму үстінде. Мақсат – дамыған отыздыққа ену, Мәңгілік Ел болу. Осы тұрғыда мемлекеттік саясаттың, қолдау мен көмектің басым бөлігі білім саласына бағытталып, бәсекеге қабілетті мамандар даярлауға басымдық берілуде. Әсіресе білімді ұрпақ тәрбиелеуде жасалып жатқан жұмыстың жүйесі көңіл көншітеді. Ал аудан педагогтарының салаға серпін берудегі жүйелі жұмысы мен табандылығы саланың дамуына үлкен сеп болуда.&nbsp;Жалпы, Жалағаш ауданында 20 мектеп жұмыс жасайды. Балаларды ыстық тамақ, киім-кешекпен қамту жайы да жолға қойылған. Жалпыға міндетті оқу қоры аясында тиісті көмек түрлерін алатын арнайы санаттағы отбасылардан шыққан 3 944 бала ыстық тамақпен қамтылуда. Оның 2045-і атаулы әлеуметтік көмек алатын отбасылардың балалары болса, аз қамтылған отбасы балалары және 1899-ы – бастауыш сынып оқушылары. Қосымша білім беру ұйымдары да аудандағы білім саласының қарқын алуына, оқушылардың мектеп қабырғасындағы білімдерін одан ары жетілдіріп, өнерге, түрлі үйірмелерге баулуға да жұмыс жасап келеді. Аудандағы 1 оқушылар үйі, 1 өнер мектебі және 2 спорт мектебінде 2 300 бала қосымша білім алуда.&nbsp;Қуантарлығы, Жалағаш ауданының түлектері ұлттық бірыңғай тестілеуде жыл сайын абыройымызды арттырып, мерейімізді асырып келеді. ҰБТ қорытындысымен алдыңғы қатардан көрініп жүрген ауданымыз білімді, бәсекеге қабілетті жастарды түлетуде көпке үлгі боларлықтай. Ал биылғы оқу жылында 356 бітірушінің 333-і ҰБТ-ға қатысады. «Алтын белгі» 17 және «Үздік аттестатқа» &nbsp;42 &nbsp;бітіруші үміткер. Бітіруші түлектердің алдында үлкен білім сынағы тұр. Биылғы оқу жылында да мемлекет тарапынан 11 сынып оқушыларына ұлттық бірыңғай тестілеуге екі рет қатысуға мүм¬кіндік беріліп отыр. Ең жоғары нәтижесін оқушы конкурсқа ұсына алады.&nbsp;Айта кетейік, биылғы оқу жылы 31 мамырда аяқталады. Оқу жылын аяқтауға байланысты салтанатты шара 1 маусым Халықаралық балаларды қорғау күні аясында барлық мектепте бір уақытта өткізіледі.Аудандық білім бөлімінің мәліметінше, жазғы демалыс уақытында аудан бойынша 6 683 бала қамтылуы тиіс. Бұл жұмыстар бүгіннің өзінде қолға алыныпты. Яғни облыс көлемінде және облыстан тыс лагерлерге, Алматы, Шымкент, Жаңақорғанда, сондай-ақ Жалағаш кентіне қарасты «Ақтерек» лагеріне, туристік экскурсияларға оқушылардың 90 пайызын қамту жоспарда бар.Айта кетейік, күні кеше аймағымызда ұлттық бірыңғай тестілеу сынағы басталды. Аталған науқан Қызылорда қаласы, Қазалы, Жаңақорған аудандарындағы ұлттық бірыңғай тестілеу өткізу пунктінде 22 мамырдан 5 шілдеге дейін жалғасады. Бүгінде облыстағы 8 210 мектеп бітіруші түлектің 7421-і тестілеуге қатысуға өтініш білдірген. Ал кешегі алғашқы тестілеуде 286 түлек он бір жыл бойы алған білімдерін саралап, бағын сынады. Бұл тестілеу білім беру гранттарын тағайындау конкурсына қатысуға мүмкіндік береді. Бұл мүмкіндік балалар мен ата-аналардың сынаққа бойы үйренуі үшін берілген.Жалпы, білімі жоғары ұлт қана жаһандану талаптарына жауап береді. Ал заман талабына сай білімді ұстаз бәрінен қымбат. Мұғалімнің беделі төмен болған жерде тиісті білім де, тәрбие де болмайды. Ал мұғалім беделі ұстаздың білімімен бірге рухани-адамгершілік мәдениетіне тәуелді. Бұл тұста Жалағаш ауданындағы сала қызметкерлерінің еңбегін ерекше атап өтуге болады. Өйткені жүйелі жұмыс бар, жетістік те көп. &nbsp;

Жалағашта 356 түлек мектеп бітіреді

<a href="https://kyzylorda-news.kz/ru">Kyzylorda-news.kz.</a> Төретам елінен шыққан тұлғаларды тізбектей түссек талайды таңдай қақтырған дарабоздар көп екені даусыз. Бастысы, сол сақа асықтай саңлақтарымыздың ізін жалғаған бүгінгі буынның олжалық қарекеті болмақ.Бұл жерде туған жердің тарихын ту еткен, киесін жыр еткен, мәдениеттің мәртебесін асырып отырған біршама мақтаныштарымыз Төретам кенттік клуб үйінде топтасқан. Қай кезеңде де қай елде болмасын мәдениет пен өнер – халықтың рухани болмысының айнасы, бағдарлы болашағының бастауы. Мәдениеттің өсуі – елдің өсуі, ұлттың өсуі. Тәуелсіздігіне тәубе етіп, Мәңгілік Ел болуды мұрат тұтқан халқымыздың рухани бай дүниесінің өлшемі мен өресі де осы мәдениет пен өнер шоқтығында жатыр.Мәдениет үйі – өнер мен еңбектің үлгісі. Төретам кенттік клуб үйі 2012 жылы типтік жобада пайдалануға берілген. Клуб үйі жыл басынан бастап аймақта дәстүрлі өнер түрін насихаттау барысында түрлі бағытта іс-шаралар, кездесу кештер, байқаулар өткізу жоспарланып, кент әкімінің бекітілген жұмыс жоспарымен жұмыс атқаруда. Мәдени шаралар кент клуб үйінің фейсбук, инстаграмм әлеуметтік желілеріне жарияланып отырады.Ақмарал Кішкентаева басқаратын бұл ұжымда 12 штаттық бірлікпен 13 қызметкер жұмыс жасайды. Оның ішінде мамандар саны – 4. Жалпы клуб үйі сахналық киіммен, музыкалық аппаратурамен, жиһаздар, компьютерлермен қамтамасыз етілген. Клуб үйіне басшылық етіп отырған Ақмарал Бақбергенқызы білікті маман. Өз ісінің шебері. Ол 2008-2014 жылдары аудандық мәдениет үйінің әдіскері, одан соң аудандық мәдениет үйі жанындағы халық театрының режиссері, сондай режиссері, сондай-ақ 2018 ақ 2018-2021 жылда 2021 жылдары аталған мәдени ошақтың әдістемелік кабинетінің меңгерушісі қызметтерін абыроймен атқарып келсе, 2018-2020 жылдары қосымша «Қармақшы жастары» жастар қоғамдық бірлестігінің төрайымы қызметін де біркісідей көтере білді. Өткен жылдан бастап Төретам кенттік клуб үйінің директоры қызметіне тағайындалған. Ол басшылық етіп отырған рухани өнер ордасы қызметкерлерінің ауызбіршілігі мол, қоғамдық жұмыстарға белсенді атсалысады. Клуб үйінің сүйемелдеушілері Мұхит Темірханов пен Рауан Ысқақов аймақтық, аудандық, облыстық ән байқауларының жүлдегерлері. Ал клуб үйінің әдіскері Гүлнұр Қайнарбаева Төретамда туып, туған жердің қадір-қасиетіне қанық, жастайынан ақындығымен көзге түскен өнерпаз. Одан бөлек білім, жастар саясатын қолдау және қоғамдық жұмыстарда да белсенді.Әрбір үйірменің жыл көлеміне жасаған жұмыс жоспары бар. Сол жоспарға сай үйірме жұмыстары жүйелі жүргізіліп отырады. Осындай тиянақты жұмыстардың нәтижесінде жыл көлемінде ауылдық, аудандық, облыстық байқауларға балаларды қатыстыру үнемі назарда ұсталады.Клуб үйінде 5 үйірме жұмысы жүргізеді. Үйірмеге тартылған жалпы мүше саны – 61. Әр бір үйірменің жыл көлеміне жасалған жұмыс жоспары бар. Сол жоспарға сай айға, аптаға үйірме жұмыстары жүргізіліп отырады. Үйірме жұмыстарының жүргізілу нәтижесінде жыл көлемінде ауылдық, аудандық, облыстық байқауларға қатыстырылу үшін үнемі ізденісте болады. Ән үйірмесінде – 15, домбыра үйірмесінде –15, «Мөлдір өнер» актерлік шеберлік үйірмесінде – 6, би үйірмесінде – 15, «Жас қалам» көркемсөз оқу үйірмесінде – 10 адам тартылған.&nbsp;Төретам кенттік клуб үйінің өнерпаздары өткен жылы 15 кент өнерпаздары арасында байқау, 9 аудандық, 9 облыстық, 1 республикалық байқауларға қатысқан. Ал биылғы жылы балалар шығармашылығын дамыту мақсатында өткізілетін дәстүрлі «Бозторғай» байқауының аудандық іріктеу кезеңіне қатысып, облыстық кезеңге «Айназым» би ансамблі – хореография жанры бойынша, Айбибі Рамазан– вокал жанры бойынша, Арсен Тлекешов – көркемсөз оқу жанры және «Желдірме» ансамблі – аспапта ойнау жанры бойынша жолдама алды. «Көркем сөз» жанры бойынша Аяулым Тельжан облысқа жолдама алды. Сонымен қатар «Аспапта орындау» жанры бойынша Ислам Бақытбергенов мен Абзал Асылбекұлы облысқа жолдама алды. «Ахмет &nbsp;Байтұрсынұлы – қазақ тілі білімінің атасы» атты аудандық көркемсөз оқу байқауынан А.Тұрсынбекова ІІІ орын, А.Есманбетова «Тіл жанашыры» номинациясын иеленді. «Атадан қалған өсиет» атты аудандық ардагерлер арасында сайыс ұйымдастырылып, ардагер Аралбаев Сұмағұл атамыз жүлдегер атанды. Жаңажол ауылдық клуб үйінің ұйымдастыруымен өткен арулар байқауында Назерке Төлебаева қатысып, жүлделі І орынды иеленді.«Бозторғай» балалар шығармашылығына арналған байқаудың облыстық кезеңінен «Гаухартас» би тобы ІІІ орынға ие болды. Ғани Мұратбаевтың 120 жылдығына аранлаған «Замана заңғары – Ғани» атты облыстық әншілер байқауында клуб үйінің сүйемелдеушісі Мұхит Темирханов «Жігерлі ән» номинациясымен марапатталды. Облыстық қылқалам шеберлерінің фестивалінде Нәби Мақсат ІІІ орын иемденді. «Абдолла &nbsp;Мырзабеков» атындығы облыстық байқау А.Тоқбергенов ІІІ орынды еншіледі. «Мерейлі отбасы» ұлттық конкурсының облыстық кезеңінде төретамдық Бердібаевтар отбасы «Өнегелі отбасы» номинациясымен марапатталды. «Бал-бала» балалар конкурсына «Гаухартас» бөбекжай бақшасы қатысып, ІІІ орынды иеленді. Республикалық «Күз береке» атты байқауға «Ән салу» номинациясы бойынша Айжан Қожахметова қатысып, І орынды иеленсе, «Аспапта ойнау» жанрынан қатысқан Бейбарыс Жұбатханов ІІІ орынды иеленді. Балалар жылын атап өту мақсатында аймақтық «Еркетай» балалар шығармашылығына арналған 3-6 жас аралығында өнер фестивалі ұйымдастырылды.Шараға аймақтық балабақша бүлдіршіндері қатысты.Фестиваль вокал, хореография, көркемсөз оқу, сурет салу жанрлары бойынша өнер көрсетті.Шара соңында жас таланттарға сыйлықтар мен дипломдар табысталды.Қазақтың батыр қыздарының бірі әнші Роза Бағланованың мерей тойы аясында 2022 жылдың 25 қаңтар күні әншінің өмірбаяны мен шығармашылығына арналған бейнеролик тарту етілді. Әнші Роза Бағланованың туғанына – 100 жыл толуына арналған «Жарқын бейне» өмірі мен шығармашылығына арналған бейнесюжет ұсынылды. «Би падишасы» тақырыбында Шара Жиенқұлованың 110 жылдығына орай «Ай-Назым» би үйірмесінң мүшелерімен танымдық сағат өткізілді. Шарада бишінің өмірі мен шығармашылығы туралы мағұлмат беріліп, бишінің авторлық &nbsp;би қимылдарымен танысты.Биылғы жылы да клуб үйінде көптеген мәдени шаралар өтіп, елдің алғысына кенелуде. &nbsp;Айталық 2023 жылдың 3 айында барлығы – 23 мәдени шара өткізілді. Онлайн –7, офлайн – 16. Онлайн шаралардың қаралым саны – 1250. Офлайн шаралардың көрермен саны –1400.Төретам кенттік клуб үйінің өнерпаздары 3 айда балалар шығармашылығын дамыту мақсатында өткізілетін дәстүрлі «Бозторғай» байқауының аудандық іріктеу кезеңіне қатысып, облыстық кезеңге «Айназым» би ансамблі – хореография жанры бойынша, Рамазан Айбибі – вокал жанры бойынша, Тлекешов Арсен – көркемсөз оқу жанры және «Желдірме» ансамблі – аспапта ойнау жанры бойынша жолдама алды.Клуб үйінің ұйымдастыруымен өткен мәдени іс-шараларға келсек, 26 қаңтарда Төретам кенттік клуб үйінде Қармақшы ауданының 95 жылдық мерейтойына орай «Жыр күмбезі»тақырыбымен жыраулармен сұхбат-концерті ұйымдастырылды. Шараға ауданымыздың атын шығарып жүрген белгілі жыраулап шақырылып, кеш әсерлі өтті. Мұқағали Мақатаевтың туған күніне орай «Поэзия түні» әдеби-сазды кеші ұйымдастырылды. Лирикалық кешке өңіріміздің поэзия сүйген тұрғындары қатысып, әсерлі кештің куәсі болды. Кеңес әскерінің Ауған жерінен шығарылғанына 34 жыл толуына орай «Отты жылдар тарихы сыр шертеді» атты кеш өткізілді. 1 наурыз – «Алғыс айту» күніне орай «Алғысым шексіз» видео-челенджі көрермен назарына ұсынылды. Челленджге клуб үйінің өнерпаздары және Төретам кенті, Байқоңыр қаласы мен Ақай ауылдық округінде тұратын өзге ұлт өкілдері атсалысты. Сондай-ақ 1 наурыз – «Алғыс айту» күніне орай «Алғыс елдің бәріне» атты құттықтау марафоны жүргізілді. Шарада клуб үйінің қызметкерлері, кент өнерпаздары өңірдегі мемлекеттік мекемелер мен қоғамдық қызметкерлерді құттықтап, арнайы әзірленген алғыс хаттарын табыстады. 8 наурыз- Халықаралық әйелдер күні қарсаңында «Аналар – ардақтылар» атты мерекелік концерт өтті. 10 наурызда Төретам кенті, Байқоңыр қаласы мен Ақай ауылдық округіндегі мектеп оқушылары арасында Жайдарман ойындары ұйымдастырылды. 15 наурыз «Көрісу күні» мерекесіне орай «Жақсылықтың бастауы» атты бейне-ролик ұсынылды. Сонымен қатар «Көрісу күні» қарсаңында кент клуб үйінің алдына «тал егу» рәсімі жүргізілді. 16 наурызда Төретам кенттік клуб үйіндегі үйірме жетекшілері арасында «Жеті атамызды білеміз бе?» атты кездесу өткізілді. Төретам кенттік клуб үйінің жастары тарихқа тағзым күніне орай &nbsp;кентіміздің орталық алаңындағы «Жанқожа батыр» ескерткішінің алаңына тазалық жұмыстарын жүргізді.&nbsp;Наурыз мерекесі қарсаңында халқымыздың біртуар ұлы Темірбек Жүргеновті еске алуға арналған «Зияткерлік күні» атты кездесу өткізілді. Шараға Төретам кентінің өнерпаздары, кент кітапханасының оқырмандары мен Ақай ауылдық клуб үйінің мамандары қатысты. Наурыз мерекесі қарсаңында «Шеберлік пен шымырлық күні» аталып өтті. Шарада кент өнерпаздары концерт қойып, жастар арасында ұлттық спорт түрлерінен сайыстар өткізілді. Ұлыстың Ұлы күні мерекесіне орай «Армысың,әз Наурыз»атты мерекелік &nbsp;бағдарлама кент алаңында өткізілді.Шараға кент әкімі құттықтау сөз сөйлеп, құрметті қонақтар жылы лебіздерін білдіріп,ұлттық ойындар мен киіз үйлер арасында байқау өткізілді. Мерекелік көңіл күймен кент тұрғындары серуен құрды.– Мұның бәрі ел мәдениетінің мәртебесін арттыру мақсатында атқарылып жатқан үлкен шығармашылық еңбектердің бір парасы ғана. Рухани жаңғыру жолындағы болашақ бағдары айқын, мемлекет қолдауына ие бірден-бір тіректі кіндік жердің төсіндегі Төретам елінің жарқын жаңалықтары мен қолға алған игі бастамалары алдағы уақытта да осылайша өз жалғасын таба береді, – дейді клуб үйінің директоры Ақмарал Бақбергенқызы.

Төретамдағы мәдениет үйінің жұмысы жүйелі

<a href="https://kyzylorda-news.kz/ru">Kyzylorda-news.kz.</a> Қызылорда облысының әкімі Нұрлыбек Нәлібаев бастаған делегацияның Корея Республикасына іссапары жалғасуда. Іссапардың басты мақсаты – өңірге, өндіріс саласына шетелдік инвестиция тарту, жаңа өндіріс орындарын ашу. Аймаққа озық технологиялар әкелу және тәжірибе алмасу бағыттарында өзара ынтымақтастық орнату.Облыс әкімі Нұрлыбек Машбекұлы Чоллабук-до провинциясының губернаторы Ким Гван Ён мырзамен кездесті. Аймақ басшысы өңірдің инвестициялық мүмкіндіктерін жан-жақты таныстырды. Кореялықтар ұсынылған ақпараттарға қызығушылық танытып, қолдау ниетін білдірді.Чоллабук-до — күріш өсіру және азық-түлік өндіруден Оңтүстік Кореяның басты ауыл шаруашылығы аймағы.Облыс басшысы осы саладағы озық инновациялық технологияларды зерттеуге, "ақылды" фермалар құруға, ауыл шаруашылығы өнімдерін терең өңдеу бағытында бірлескен жобаларды жүзеге асыруға аса қызығушылық танытатындығын жеткізді. Сондай-ақ Қызылорда қаласында Корей күріш егу технологиялары мен әдістері зерттелетін демонстрациялық алаң құру ұсынылды.Жоба аясында арнайы егістік жер бөлініп, кореялық күріш егу әдістері, су үнемдеу технологиялары мен суды мониторингілеу бойынша тәжірибе алмасу көзделуде.Бастамалардың барлығын жүйелі іске асыру үшін Қызылорда облысының ауыл шаруашылығы және жер қатынастары басқармасы мен Чоллабук-до провинциясының Халықаралық ынтымақтастық орталығы арасында Меморандумға қол қойылды.Бұл іс-шаралар өзара қарым-қатынастарды дамытуға негіз болады.<figure class="image"><img src="https://knadmin.beoblood.kz/uploads/348979834_217003807781434_1593491613260350619_n_0da3e818c0.jpg" alt="348979834_217003807781434_1593491613260350619_n.jpg"></figure>&nbsp;<figure class="image"><img src="https://knadmin.beoblood.kz/uploads/349114506_937251034249768_1992122147414012735_n_b051c5148b.jpg" alt="349114506_937251034249768_1992122147414012735_n.jpg"></figure>

Облыс әкімі бастаған делегация Чоллабук-до провинциясында болды

Байқоңырдағы колледж түлектерінің 85 пайызы жұмыспен қамтылуда

<a href="https://kyzylorda-news.kz/">Kyzylorda-news.kz.</a> Ш.Қодаманов ауылы ардагерлері кеңесінің төрағасы Бодыбай Құлахметов Шиелі аудандық атқару комитетінің төрағасы (исполком) Әзімхан Исмаил жайында сыр шертті.&nbsp;Дана халқымыздың «Көп жасаған біле ме, көп көрген біле ме?» деген сөзінде үлкен мағына жатыр. Өткенге көз жүгіртіп, бастан кешкенді таразыға тартып, өткенге өнеге, тарихтан тәлім беруді ақсақалдық парыз санаймын. Осы орайда артына ұлағатты ұрпақ, өнегелі іс қалдырған іскер басшы, аудандық атқару комитетінің төрағасы (исполком) Әзімхан Исмаил жөнінде сыр шертпекпін.Мен ағамызбен аз уақыт болса да бірге жұмыс істеп, өнегелі істерінің куәсі болдым. Бүгінде Әзекең жанымызда болғанда 100 жасын тойлаушы еді. 1984 жылдары мен Төңкеріс колхозында құрылыс прорабы болып жұмыс атқарып жүрген шақ еді. Ауылымызда балабақша жоқ болатын,осы мәселемен Тараз қаласындағы жобалау институтында 90 орындық заманға сәйкес балабақшаның смета жобасын сыздырып Әзекеңнің алдына бардым. Ол жылдары ағамыз ауданның атқару комитетінің төрағасы (исполком) болып жұмыс атқаратын. Балабақша соғылуы керек деген бастамамды қуана қарсы алып, ризашылығын білдірді. Сол жылы 90 орындық балабақшаға аудандық қазынадан қаражат бөлдіріп, қадірлі ісімен халықтың қамын ойлап, адал қызмет ете білген нағыз ер азамат болатын. Міне, бүгінде Әзімхан ағаның қолдауымен соғылған ауылымыздағы «Ақбота» балабақшасы облыс бойынша алдыңғы қатарлы бөбектер ордасының бірі.Әзімхан Исмаил еңбек жолында кішіпейілдігі мен қарапайымдылығын қалқан, адалдық пен сыйластықты ту етті. Соның арқасында ел ырысы еселеніп, көптеген жақсы жұмыстар атқарылды. Балабақша құрылысынан кейін 640 оқушыға арналған жаңа мектептің сметалық құжаттарын жасап, Әзекеңнің алдына тағы бардым. «Халық – Құдайды бір аты» деген, ел мақтаған азаматтың жаңа білім ордасының құрылысына деген қызығушылығы, халқына жанашырлығы көрініп-ақ тұрды. Әзекең құптағанымен, құрылыс компаниясы жөн санамады. Себебі 640 оқушыға арналған 3 қабатты мектеп ол кезде ауыл тұрмақ, ауданда да жоқтың қасы. Сонымен қатар 3 қабатты мектепті соғуға биік кран қажет еді. Биік кран ауданымызда зәулім үйлер салынбағаннан соң табылмады. Әзекең осы істі өз қолына алып, сол уақыттарда қол жетпес құрылғыны (л) облыстан алдырды. Осылайша, біз жаңа мектептің іргетасын бастап та кеттік. Бұл ол кісінің Сыр өңіріндегі бедел-биігінен хабар беретіндей. Әзекеңнің мұндай халықшыл істері тым көп. Мұның бәрі бір мақаланың ауқымына сыймайтыны да анық.&nbsp;Төңкеріс ауылындағы №158 мектеп құрылысы сәтті аяқталған соң, аталған кран арқылы ауданның көптеген елді мекендерінде бірнеше мектептің құрылысы жүрді. Білім ордаларының соғылуына, ұрпағымыздың білімді болып өсуіне жағдай жасаған Әзекеңнің ерен еңбегі тарих беттерінде менмұңдалап тұрары анық қой, шіркін! Елдік бағыттағы еңбектері жоғары бағаланған ағамыздан үлгі алып, халық қамы үшін жасаған істеріміз ұрпаққа өнеге болғай. Әзімхан Исмаил ағамыз ел мүддесін басты мақсат еткен ерлердің бірі еді. Ғұмырын халықтың игілігіне арнаған жанның өмір жолымда жолығып, бағыт-бағдар беруі мен үшін мақтаныш. &nbsp;

Ел қамын жеген ер басшы

<a href="https://kyzylorda-news.kz/">Kyzylorda-news.kz.</a> Кәдімгі қазақтың қол ірімшігіне жетер дәм жоқ. Бармағыңды қосып жеуге бар өнімге көпшіліктің сұранысы жоғары. Бағасы қымбаттығына қарамастан, алушылар қатары азайған емес. Жаңақорғандық кәсіпкер Айнұр Сейдеметова ірімшік жасау мен сатудың қыр-сыныр жетік меңгерген.&nbsp;Оның айтуынша ірімшік саудасына сұраныс жоғары. Қолдың ірімшігін үзбей тұтынушылар қатары көбейген. Алдын ала сұраныс жасап, белгіленген уақытта ірімшікті үлестіреді екен. Қазір ірімшік келісі 2500 теңге болса, жаз айларында 2000 теңге сатылады. Ірімшікті дайындауда Айнұр Сейдеметованың өз тәсілі бар. Сүтке айраннан тамызып, отты жәй қойып, ірітіп алады. Суы тартылғанша қуырып, соңыра жиып алады. Қантын қосып, ерекше дәм береді.<blockquote>«Ірімшікті жасап келе жатқаныма 15 жыл асты. Отбасым ірімшікті қте жақсы көретіндіктен дастарханда үнемі ірімшік үзілген емес. &nbsp;Қызыма үйретіп жатырмын. Ұлттық тағамды білген жан, оның денсаулыққа орасан пайдасын ұғады», – дейді.&nbsp;</blockquote>Иә, мұндай сапалы қолдың ірімшігіне сұраныс болғанымен оны өндірушілердің аздығынан, халық зауыттан шыққан өнімді тұтынуға мәжбүр. Өткен жылы елде 2 672 тонна қатты ірімшік және 2 004 тонна балқытылған ірімшік өндірілді. Елімізде ірімшікті тұтыну орташа алғанда жан басына шаққанда – 1,617 келіні, балқытылған ірімшіктерді тұтыну 0,617 келіні құрады. Ірімшік өндіруде еліміз көрші Ресеймен иық теңестңре алмайтыны шындық. Шығарған өнімінің жартысынан астамын экспортқа жіберетін Ресей – ірімшік өндірісінде алдыңғы орындағы елдердің қатарында. Әсіресе қатты ірімшік өндіруде көрші елдерді шаң қаптырып келеді. Сүт индустриясының құлағын ұстаған алып империя сапалы сүттен қатты ірімшік жасап шығарып, бәсекелестерінен басып озуда. Мұның өзіндік себебі де бар. Дәмі тіл үйіретін қатты ірімшікті тек сапалы сүттен ғана жасайды. Оны құрғақ сүттен не болмаса сырттан тасымалданып әкелген сүттен жасап шығарамын деу – бос әурешілік.&nbsp;Елімізде пастерленген сүттің көп бөлігін сырттан тасымалданған құрғақ сүттен жасайды. Ауыл-ауылдардағы шелек-шелек сүт беретін сиырлардың бүгінде қарасы азайған. Қолда барының өзінен жарты шелек сүт алсақ қуанатын халге жеттік. Ал шетелден аттай қалап алып келген «породный» деген сиырларымыз мұндағы қоршаған ортаға үйрене алмай ма, әлде жемдеуінде бір мән бар ма – бұл жаққа аттап аяқ басқан соң жүрісінен жаңылып, 20 литр сүт бермек түгілі, жеген жемшөбін ақтамай жатады.Хош, қайта жанданған сиыр фермаларында сауылып алынған табиғи сүттің өзі терең өңдеуден өткізіледі. Одан йогурт, қаймақ, ірімшік, айран сияқты өнімдер шығарып, қалғанын балмұздақ өндірісіне жібереді. Ал таза табиғи ірімшік жасауға келгенде сиырдың желіні тартылып қалады. Осылайша құрғақ сүттен алынған ірімшіктің сапасы да нашар болып шығады. Отандық өндірушілердің кейбірі таза сүттен ірімшік өндіргенімен, бұл тым қымбатқа түседі. Өзін ақтай алмай қалып жатады. Отандық ірімшіктің дәмі анау айтқандай жаман емес. Тек тұтынушылар шетелдік өнімге үйреніп алып, бас тартқылары келмейтін сияқты. Оның үстіне, жергілікті өнімнің бағын байлап отырған мәселенің бірі – импорт тауарлардың нөпірі. Мәселен, ірі супермаркетті бір аралап көрсеңіз, ылғи шетелдік ірімшіктер самсап тұрғанын көресіз. Арасында еліміздегі ірі өндіруші «Фудмастердің» ірімшігі болса болды, болмаса ол да жоқ.Ірімшік тұтынуда неге арттамыз?Сырдың құрамы минералдарға бай. Оның құрамында белок – 25 пайыз, сүт майы – 60 пайыз, минералдар 3,5 пайыз бар. Ас қорытуға таптырмас дәрумен. Құрамында А, D, E, B1, B2, B12, PP, C дәрумендері бар. Асқа деген тәбетті арттырады. Кальций мен фосфор көп. Технология бойынша жасалғанда қатты, жұмсақ, тұздалған, өңделген болып бөлінеді. Швейцарлық, алтайлық, мәскеулік түрлері бар. Ең қымбаты – голландық ірімшік. «Горгонцола», «Гауда» деп аталатын түрлері ең дәмдісі саналады. Ең ірі сыр өндіруші елдер қатарында АҚШ жылына – 4, 275 мың тонна, Германия – 1,927 мың тонна, одан кейінгі орындарда Франция, Бразилия, Аргентина, Австралия бар. Әлемдегі ең ірі сыр экспорттаушы ел – Франция мен Германия. Ирландия, Жаңа Зеландия, Нидерланды шығарған өнімдерінің 95 пайызын сыртқа экспорттайды.&nbsp;Ал жан басына шаққанда сырды ең көп тұтынатын елдердің қатарында Грекия, Франция, Түркия, Чехия тұр. Мәселен, Грекияда жан басына шаққанда жылына орташа есеппен 31,1 келі тұтынады екен. АҚШ-та «Моцарелла» &nbsp;– ең сүйікті ірімшіктері. Оны тұтыну 14, 8 келіге өскен. Оны пиццаға қосатын болғандықтан сұранысы аса жоғары. Ал бізде...&nbsp;Алкоголь тұтынуда алдыңғы орынға шыққанымызбен, ағзаға пайдалы асты тұтынуда артта қалып келеді екенбіз. Бұл да – бір ескерерлік мәселе. Елімізде ірімшікті тұтыну орташа алғанда жан басына шаққанда 1,617 келіні ғана құрайды. Айлығы шайлығына әзер жететін отбасылар қымбат азықты сатып ала бермейтіні анық. Тек тойларда, жиын-мерекелерде ғана ауыз тиетін болса керек. Соған қарап статистиктердің есебі дұрыс па деп қаласың.«Заңғар» сауда үйінің қожайыны Нұржан Палманов:&nbsp;<blockquote>«Еліміздегі ірімшіктің 80 пайызы шетелден тасымалданады. Олар отандық өндірушілердің аяғына тұсау салып отыр демеске амал жоқ. Украина, Белоруссия, Қырғызстан елдерінің үкіметі сыр өндірушілер шетелге өнім шығарған жағдайда қолдау көрсетеді. Сондықтан да олар өнімдерін өкірте өндіріп, алаңсыз жұмыс істейді. Елімізде сүт өнімдерін қайта өңдеуден өткізетін зауыттарға мемлекет тарапынан қолдау көрсету қажет. Біздің сауда сөрелерде шетелдік және жергілікті кент тұрғындарының қол сүзбелері, ірімшіктері қойылған. Табиғи өнімге сұраныс болғанымен, әрдәйім ірімшік жасаушылар өнімін әкеле бермейді», –дейді кәсіпкер.</blockquote>Түйін. Археологиялық қазба жұмыстары кезінде табылған жазбаларда ірімшікті біздің эрамызға дейінгі 5 500 жылдары Польшада жасалғанын айғағтады. Ол туралы бірнеше аңыз бар, оны араб көшпенділері сүтті ұзақ сақтау үшін ойлап тапқан деседі. Ірімшікті пастерлеудің де өз әдісі жетерлік. Пісірілмеген сүттен жасалған ірімшік көптеген аурулардың бастауы болады дейді. Мәселен, АҚШ-тағы азық-түлік тағамдарының сапасын тексеру басқармасы пастерленбеген сүттен жасалған ірімшік көптеген инфекциялық аурулардың, одан басқа туберкулез, бруцеллез таратуы мүмкін деп топшалайды. Осыдан-ақ, ұлттық өнімге иек артудың аса маңыздылығын байқау қиын емес.

Жаңақорғанда ірімшік өндірісі жолға қойылған

<a href="https://kyzylorda-news.kz/ru">Kyzylorda-news.kz.</a>&nbsp;Ынтымақ түбі – ырыс. Айтылған аталы нақылды көңілдеріне берік орнықтырып, уақыт көшіне тән өз шаруаларын дөңгелетіп жүргендерді ортамыздан көптеп жолықтыра аламыз. Сондай іскер жігіттер қатарында ағайынды Мереке, Мерей, Медеу Есқожаевтарды ыстық ықыласты пейілмен мақтаныш етсек басқалардың да қолдау көрсетеріне кәміл сенімдіміз.&nbsp;Бұларды қашан жолықтырсаң да жүздерінен мейірім шуағы төгіліп, ізетті де инабатты қалыптарынан танбайды. Бойларынан имандылық пен адалдықтың, еңбекқорлықтың лебі есіп тұрады. Бармын деп таспайтын, жоқпын деп саспайтындардың нағыз өздері осылар десек жарасады.&nbsp;Бердібайдың төрт ұлының үлкені Мереке 1990 жылдары қасына інілері Мерей мен Медеуді алып, базар сөрелерінде ұн, қант, өсімдік майын сатумен айналысты. Шаруашылықтардан салы алып, Қызылордадағы күріш зауытына ақтатып, тұтынушыларға ұсынды.&nbsp; Ұзамай Алматыдағы Қытай компаниясынан диірмен сатып әкеліп, күріш дайындайтын цех ашуға қол жеткізді. Арасында егін егетіндерге тұқым, тыңайтқыш, техника жеткізіп, Қармақшыдан дәндік күріш тасымалдап, шаруашылықтарға таратты.&nbsp;Адал еңбек алға сүйреп, цех жұмысы жанданды. Ағалы-інілілер бұрынғы ет комбинатын сатып алып, Қытай елінен әкелінген «МСТР-60» маркалы күріш ақтайтын зауытты іске қосты. Шығарылатын өнім мөлшері көбейе бастады.&nbsp;Арман – алға жетелейді. Талмай талпынған ағайындылар Қожабақы ауылынан «Агро-Өркен» жауапкершілігі шектеулі серіктестігін құрып, егіншілікпен айналысуға бет бұрды. Бұл күндері аталған ұжым жылына 600 гектар күріш, 250 гектар бидай араласқан жоңышқа егіп, ауданымыздағы ауылшаруашылығының дамуына қомақты үлестерін қосуда. Тағы бір атап өтерлік жайт, серіктестікке маусымдық шаруа кезінде жүзге жуық диқан-механизаторлар жұмысқа тартылып, ауыл адамдарының нәпақасын айыруына мүмкіндік жасалады.&nbsp; Бір жағадан бас, бір жеңнен қол шығара істерін өрге сүйреген ынтымағы берік үш жігіттің талаптары жан жадыратады. Бүгінде Мереке Қызылорда қаласында тұрып, сыртқы шаруаларды жандандыруға ұйытқы болуда. Мерей іштегі шаруашылыққа ие. Ал Медеу «Агро-Өркен» серіктестігін басқара жүріп, барлық есеп-қисапты ретке келтіруден шаршаған емес.&nbsp;Бұрынғы өткен замандарда қазақ халқында бауырмалдылық пен сыйластық бірінші орынға қойылған. Бір әулеттен шыққан ағайындылар енші алыспай, бір-біріне қолдан келген көмектерін көрсетіп, бірінің жоғын бірі толықтырып, татулықта өмір сүрген. Дегенмен қазіргідей алмағайып кезеңде озық үрдісімізге сына түсіп, кейбір туыстар арасындағы ауызбіршілік азайып бара жатқандай.&nbsp;Ағайынды Есқожаевтардың ел игілігі жолындағы бірлесе атқарған кәсіпкерліктегі табыстарын көре отырып, ата дәстүрдің айна қатесіз жалғастығын сезінгендей болдық. Құдайым тіл-көзден сақтап, істерің оңғарылып, береке-бірліктерің таси түссін.

Қазалының күріші – бақ пен береке ырысы

<a href="https://kyzylorda-news.kz/">Kyzylorda-news.kz.</a> Шиелі аудандық өндірістік учаскесінің ардагерлер кеңесінің төрағасы Ә.Сейітов ауласы тазаның – ауасы таза дейді.Соңғы кезде Шиелі кенті ішіндегі тұрғындардың есік алдын мекеме қызметкерлері тазалап беру үрдіске айналып барады. Бұл жұмыстың аяғы жақсылыққа апармайтыны кімге болса да аян. Қай заманда егесі бар үйдің есігінің алдын басқа біреу тазалаған? Аяқ-қолы сау, бауыры бүтін адам үшін біреудің еңбегін ақысыз, негізсіз пайдалану жөн бе?Қазір біреуге ақыл айтып, жөн сілтеп көріңізші. Ақылыңызға пысқырмайды. Бірақ солар тазалыққа келгенде жабайы адамның, мәдениетсіздіктің, көргенсіздіктің үлгісін көрсетіп жүргенін біледі ме екен? Қашанғы бюджеттік мекеме қызметкерлері, ауыл тұрғындары алыстан ат шалдырып келіп кент тұрғындарының үй-сыртын тазалап беруі керек? Ағайындар-ау! Сауаттымыз деп көкірек қаққанда қанатымыз аспан астын жауып кетеді. Бірақ есік алдына, аула сыртына қайсыбіріміз қоқыс жәшігін орнаттық? Қымбат үй, қымбат көлік, қымбат киім киіп кекірейіп, айналамызды көзге ілмей жүрген «аристократ» ағайындардың өзінің аула сыртында қоқыс жәшігі жоқ! «Өзің дуанасың, кімге пір боласың» деген осындайларға қарата айтылатынын ол шіркіндер санасына түйсе, біз осылай шырылдап қаламды қолға алар ма едік? Иә, өткен заманға кейде мұрын шүйіре қараймыз. Сол мұрын неге түсіп қалмайды? Өткен замандағы ата-баба тазалығы біздің бойымызға бітті ме? Қанымызға сіңді ме? Жоқ! Ілгеріні айтпай-ақ қоялық, кешегі кеңес өкіметі кезінде Сарысуға мал жайлаған малшылар &nbsp;көктеу, жайлаудағы мал қораларының орнын өртеп, тазалап келесі жылға тап-тұйнақтай етіп тазалап, дайындап кетеді екен.&nbsp;Тазалық туралы айтқанда мақалама шешемді қоспай кетуім мүмкін емес. Анам марқұм тоғыз баланы дүниеге алып келді. Таңертең ерте тұрып, бірінші есік алдын сыпырып, содан соң бес сиыр сауатын, екі күбі пісетін, оның арасында 3-4 таба нан жауып алатын, бауға барып алма теріп қоятын. Одан бөлек біздің тамағымызды беріп, киіндіріп, сабаққа жіберетін. Сөйткен шешем еңбектен қайтқан жоқ. Алланың ауруы алды. Егер &nbsp;мүгедек болып немесе қарт болса оларға сын жоқ. Бүгінде тепсе темір үзетін тұрғындардың есік алдын бөгде біреулердің тазалап беру өте ұят деп есептеймін. Сондықтан тез арада көше комитеттері, қоғамдық кеңес, ардагерлер кеңесі көше тұрғындары арасында түсіндірме жұмыстарын жүргізуі керек. Жұмыс барысында егер ауласы таза болмаса, бір-екі рет ескерту беріп, содан соң айыппұл салынатыны жөнінде анықтап айтулары керек. &nbsp;Осындай жұмыстар арқылы кент тұрғындарын жаман әдеттен арылтуымыз керек. Болашақ ұрпақ өз ауласын өзі тазалауды қазірден бастаған жөн. ал жалпыға ортақ сенбілік кезінде мекемелер біреудің есік алдын емес, өз мекеме аулаларында жаңадан ағаштар, гүлдер т.б көркейту-көгалдандыруды қолға алса нұр үстіне нұр болар еді. Сонымен қатар сенбілік кезінде мүгедектер мен жалғызбасты қарттарға, жұмысқа жарамсыз ауру кісілерге көмектесуге болады. Бұл бір сауапты іс деп есептеймін. Шиелі ауданын болашақта көркейтіп, көркейту-көгалдандыру мақсатында аймақ басшысы тағайындаған марапатқа ие болуға атсалысайық ағайын!

Ауласы тазаның – ауасы таза

<a href="https://kyzylorda-news.kz/">Kyzylorda-news.kz.</a> 2022 жылы «Ауыл ел бесігі» бағдарламасы арқылы 612,5 лмн. теңге қаржыға Нағи Ілиясов ауылындағы көшелерді қайта жаңғырту жұмыстары атқарылған болатын. Соның нәтижесінде 10767 метр тротуар, 3981 метр аяқ су лотоктары салынды. Соынмен бірге 3679 метр жол орташа жөндеуден өткізілді. 2645 метр көше жарығы орнатылып, жүйелі жұмыстар жүргізілді. Алдағы уақыттарда қаржы мүмкіндігіне қарай кезең кезеңмен осындай жұмыстар жалғасын табатын болады.2023 жылдың І тоқсанында, яғни наурыз айынан бастап елді мекенді газдандыру жұмыстарының ЖСҚ жасалып, мемлекеттік сараптамадан өткізу жұмыстары атқарылуда. Алдағы уақытта Нағи Ілиясов ауылының тұрғындары көгілдір отынның игілігін көруге мүдделі. Алдағы уақытта газадандыру мәселесі толықтай қолға алынса, &nbsp;құба-құп.Өз кезегінде орта және шағын кәсіпкерлікті дамыту бағытында да ауыл тұрғындарына түрлі несиелер алуларына жағдай жасалып, тиісті көмектер көрсетілетін болады. 2023 жылдың қаңтар айында жеке кәсіпкерлер 4 жоба бойынша жалпы көлемі 12,3 млн. теңге несие алып, жұмыстарын жүргізуде. &nbsp;Жалпы, Нағи Ілиясов ауылында кәсіпкерлік саласы қарқын ала бастады. Мәселен, «Ауыл аманаты» жобасы аясында &nbsp;29 жоба, өзге де мемлекетттік бағдарламар шеңберінде 24 жоба, аграрлық саланы қаржыландыру бойынша &nbsp;13 жоба дайындалған. Биыл көлемінде орта және шағын кәсіпкерлікті қолдау бойынша жұмыстар жалғасып, мал шаруашылығы бағытында тағы 6 жобаның құжаттары рәсімделетін болады.Нағи Ілиясов ауылының әкімі Сағдат Нұрмағанбетовтің тікелей бастамасымен жұмыссыз азаматтарды жұмыспен қамту бағытында 40 жұмыссыз тұрғын ақылы негіздегі қоғамдық жұмысқа тартылып, елді мекеннің тазалығын қамтамасыз етіп келеді. Сонымен қатар, ауыл тұрғындарының өз-өздерін ауылшаруашылығы өнімдерімен қамтамасыз ету мақсатында &nbsp;осы кезден бастап «Мағжан и К» ЖШС-гінің демеушілігімен жалпы көлемі 25 гектар бау-бақша егетін жерлерді дайындау жұмыстары атқырылып келеді. Ауылдағы №132 Т.Айтбаев атындағы орта мектебіне құны 270,0 млн. теңге болатын күрделі жөндеу және құны 404,0 млн. теңге болатын ауылдық дәрігерлік емхана ғимаратын салу жұмыстарын жүргізу жоспарланып отыр. &nbsp;

Нағи Ілиясов ауылында жаңа емхана салынады 

<a href="https://kyzylorda-news.kz/">Kyzylorda-news.kz.</a> Қай кезеңде де қай елде болмасын мәдениет пен өнер – халықтың рухани болмысының айнасы, бағдарлы болашағының бастауы. Мәдениеттің өсуі – елдің өсуі, ұлттың өсуі. Тәуелсіздігіне тәубе етіп, Мәңгілік Ел болуды мұрат тұтқан халқымыздың рухани бай дүниесінің өлшемі мен өресі де осы мәдениет пен өнер шоқтығында жатыр.Өркениетке қол созған еліміз үшін экономикалық өсіммен қатар елдің рухани бай құндылықтарын да дамыту мәселесі қолға алынды. Заманауи жабдықталған мәдениет ошақтары салынып, ел игілігіне берілді, түрлі бағдарлама негізінде елдің мәдени білімін тереңдету, ең бастысы ел дамуы үшін мәдениеттің де озық деңгейде дамуы қарастырылды. Өнер мен мәдениет егіз ұғым. Бір-бірінсіз жетімсіреп тұратындай. Мәдениеттің мәйегі өнер арқылы дәріптеліп, халықтың құлағына жетіп жатады.Біз ауылды небір таланттардың түлеп ұшқан алтын бесігі деп білеміз. Ауыл жағдайы түзелсе, ең алдымен елдің жағдайы жақсарғаны, ауыл мәдениеті өркен жайса, бүкіл қазақтың мәдениеті шарықтау үстінде деп түсінетініміз де сондықтан. Осы өлең-жырдың, өнердің ортасына айналып отыруы тиіс қара шаңырақ – ауылдық мәдениет үйлері мен клубтар. Мемлекет басшысының тапсырмасына сай ауыл-аймақтардың өнерге деген ықыласын, ұлт мәдениетіне деген ілтипатын байқатан мәдениет ошағының бүгінгі жағдайына мемлекет тарапынан мән беріліп келеді. Жаңа ғимаратпен қамтылған осындай өнер ордасының бірі – Қармақшы ауданына қарасты Қуаңдария ауылдық клуб үйі.&nbsp;Жұмысы жүйелі, ұжымы ұйымшыл өнерлі жандардың ауылға берері мол. Клуб үйінде 4 үйірме жұмыс жасайды. Олар – ән, би, әзіл-сықақ үәірмелері мен «Бірлік» үгіт бригадасы. Барлығына 42 мүше тартылған. Клуб үйінде 3 мәдени қызметкер, 6 техникалық қызметкер жұмыс істейді. Қазір клубты білікті басшы Замира Қамбарова басқарады. Сонымен қатар, клубта «Сырғалым», «Айгөлек» бишілер тобы жұмыс істейді. Қуаңдария ауылдық клуб қызметкерлерінің ұйымдастыруымен, ашық аспан астында &nbsp;«Жеті қазына» атты клуб қызметкерлерінің облыстық байқауы &nbsp;кең ауқымды дәрежеде өтті. Жобаның мақсаты – қазақтың ұлттық салт дәстүрлерін, ұлттық ойындарын жаңғырту. Аталған жобаға 8 ауданнан клуб қызметкерлері қатысты. Жобаның шарттары – өз өзін таныстыру, &nbsp;видеоролик жасау, асық ату, ләңгі тебу. Аталған жобада бас жүлдеге ие болған, Қазалы ауданы, Жанқожа батыр ауылдық мәдениет үйі жанындағы халық театр режиссеры Бақытбек Макеев. &nbsp;Жаңақорған ауданы &nbsp;мәдениет үйі директоры &nbsp;Жәнібек І орынға ие болды. Жүлделі ІІ орынға Қармақшы ауданы &nbsp;Тұрмағамбет ауылдық клуб үйінің директоры &nbsp;Байменов Талғат ие болды. ІІІ орынға &nbsp;Жалағаш ауданы ие болды.Облыстық &nbsp;байқауларға келсек, облыстық телеарналық «Таншолпан» байқауынан &nbsp;Айару &nbsp;Найманова алғыс хатпен марапатталды. Облыстық &nbsp;«Абай шығармалары» байқауынан Айзада Аймырзаева алғыс хатпен, «Қазақтың ұлы тұлғасы» атты облыстық жыр мүшәйраға &nbsp;Серікболсын Жанәбілов &nbsp;қатысып &nbsp;жүлделі ІІ орынға ие болды.Ал аудандық «Таншолпан» байқауынан &nbsp;Айару Найманова облыска жолдама алды. «Бозторғай ХХІІІ» балалар шығармашылығы байқауының &nbsp;аудандық іріктеу турына Қалжан Арайлым &nbsp;көркемсөз жанры &nbsp;бойынша &nbsp;қатысып, &nbsp;алғыс хатпен &nbsp;марапатталды. «Бақытты отбасы, бақытты ел» аудандық фестивальға Әптаевтар отбасы қатысып, диплом алса, аудандық «Ата мен әже – қазақи тәрбиенің &nbsp;бастау бұлағы» атты аудандық байқауға Айсұлтан Бегалы әжесі Роза Мұстафаевамен қатысып, &nbsp;алғыс хатпен марапатталды. Аудандық «Өнер шамшырағы» атты байқауға, ән жанры бойынша Айару Найманова, Ботагөз Асылбек, көркем сөз жанры бойынша Айғаным Аймырзаева қатысып алғыс хатпен марапатталды.Аймақтық байқау бойынша «Пай пай қазақтың келіндері-ай» атты &nbsp;аймақтық келіндер сайысына Гүлдерай Алдабаева қатысып «Инабатты келін» номинациясымен марапатталды. Өркениетке өз өзегімізден ажырамай, өз мәдениетімізді өгейсітпей ілесу міндет екені даусыз. Ұлттық құндылықтарымыздың бастауы, негізгі тіні ауылда екенін естен шығармауды құнттаған істер жалғасын таба берсін дейміз.

Қуаңдария ауылында ашылған жаңа клуб үйінің жұмысы жүйелі 

<a href="https://kyzylorda-news.kz/">Kyzylorda-news.kz.</a> Қоғамда өмір сүріп жатқан әрбір адам міндетті түрде мемлекеттік қызметтермен тығыз байланыс жасайды. Мемлекеттік қызметтерді көрсету – бұл мемлекет пен қоғамның өзара іс-қимылының негізгі құрамдас бөліктерінің бірі. Заман ілгерілегелі жұрт жаңа технологияның тілін меңгеруге әлдеқашан көшкен. Себебі көштен қалмау – уақыт талабы. Бүгінде елімізде халыққа көрсетілетін қызметтің басым бөлігі цифрландырылған. Яғни қызмет алушылардың уақытын үнемдеу, қағазбастылықты жою мақсатында электронды көрсетілетін қызметтерді көбейтіп, кейбір мемлекеттік қызметтерді біріктіру немесе мүлдем алып тастау арқылы олардың санын азайту бағытында жұмыстар жүзгізілуде.Аудандағы Халыққа қызмет көрсету орталығы – тұрғындарға үздіксіз қызмет түрлерін ұсынып отырған еңселі мекемелердің бірі. Бүгінде қоғамның ақпараттық жаһандану кезеңінде талапқа сай жаңашаланып, қызмет алудың жаңа форматын ұсынып отырған Мемлекеттік корпорация қызмет көрсету саласының көшбасшысына айналып отыр. «Цифрлық Қазақстан» бағдарламасы аясында мемлекеттік қызмет түрлері жаңашаланып, барынша сұратылатын құжаттар тізімін азайтып, электронды құжаттар негізінде қызмет көрсету бағытын ұстанған. Халыққа қызмет көрсету орталығында жаңғырту жұмыстарын жүргізудің басты көрінісі – мұнда операциялық залдардың аумағы кеңейтілген. Сонымен қатар тосқауылсыз қызмет көрсету үлгісі де енгізілген. Техникалық құрал-жабдықтар, компьютерлер мен жиһаздар заманауи үлгіге жаңартылып, операциялық залдарда дайын құжаттарды беру, күту орындары, e.gov.kz ақпараттық жүйесі, өзіне-өзі қызмет көрсету аймағы, азаматтарға ыңғайлы сезіну үшін барынша жағдай жасалған.<blockquote>«Қазіргі таңда мемлекеттік қызметтердің 90 пайыздан астамын электронды түрде алуға мүмкіндік бар. Тұрғындар бұрынғыдай халыққа қызмет көрсету орталығына барып, уақыт өткізбей-ақ қажетті қызметтерге қол жеткізе алады. Өткен жылдағы пандемия осы қызметтің оңтайлылығын халыққа үйретті. Осы орайда бүгінде электронды цифрлық қолтаңба алуға тапсырыс берушілердің қатары едәуір артты. Мұнан бөлек, TelegramBot, EgovKzbot2.0 қосымшасы арқылы – 33 мемлекеттік қызмет, eGov mobile қосымшасы бойынша – 123 мемлекеттік қызмет, үшінші тұлға арқылы анықтама алу – 21 қызмет, ал бір реттік құпия сөз арқылы – 120-дан астам мемлекеттік қызмет көрсетілді», – дейді аудандағы халыққа қызмет көрсету орталығы бөлімінің басшысы Ерлан Оспанов.</blockquote>Аудандағы орталықтың реттеу залында қызмет алушы азаматтарға сапалы әрі жылдам қызмет көрсету үшін «Өзіне-өзі қызмет көрсету секторында» 6 жұмыс орны, мүмкіндігі шектеулі тұлғаларға қызмет көрсету үшін 1 орын, құжаттарды қабылдау секторында 4 орын, дайын құжаттарды тарату бойынша 1 орын, басқа да қызмет түрлеріне 4 орын қарастырылған. Қазіргі таңда «Азаматтарға арналған үкімет» мемлекеттік корпорациясы» коммерциялық емес акционерлік қоғамының Қызылорда облысы бойынша филиалының Қармақшы аудандық бөлімінің «Халыққа қызмет көрсету» бойынша 2023 жылдың 4 айында атқарылған жұмыстарға келсек, «Жеке және заңды тұлғаларға көрсетілетін мемлекеттік қызметтердің тізілімін бекіту туралы» Қазақстан Республикасы Үкіметінің Қаулысына сай есепті мерзімде 80 қызмет бойынша 4750 өтініш қабылданып, 5508 құжат азаматтарға табысталды.Дайын құжатты соңынан бере отырып, құжаттар топтамасын қалыптастыру қызметтерін көрсету 100 % пайызға орындалған. &nbsp; Халыққа қызмет көрсету саласының имиджін көтеру бағытында аудан тұрғындарының «Электронды Үкімет» порталын пайдаланудағы сауаттылығын арттыру және «Соnnection point» өзіне-өзі қызмет көрсету секторының жұмысын жоғары деңгейге көтеру үшін &nbsp;тиісті жұмыстар атқарылуда.2023 жылдың 4 айында «Электрондық Үкімет порталының» &nbsp;арқылы Электрондық сандық қолтаңба 1737 азаматқа берілген. Сондай-ақ осы мерзім ішінде «Соnnection point» арқылы &nbsp;54347 қызмет алынған және Электрондық сандық қолтаңбаларын пайдалануды үйрете отырып, бірқатар электронды түрде анықтамаларды өздері алуларына жұмыстар тұрақты жүргізіліп, 59200 азаматқа кеңес берілді. Жыл басынан бері 1414-Бірыңғай байланыс орталығы арқылы түскен 126 &nbsp;өтініш бойынша құжат уақытылы қабылданып, тиісінше 128 құжат орындалып иелеріне табысталған.Халыққа қызмет көрсету ЫАЖ арқылы көлік құралдарын тіркеу саласы бойынша 221 құжат қабылданған, Каспи қосымшасы арқылы 260 құжат, электронды үкімет веб порталы арқылы 26 құжат қабылданды<blockquote>«Халыққа қызмет көрсету орталығы әрбір азаматтың уақытын үнемдеуді көздеп, қызметті жылдам әрі тиімді көрсетуде. Халыққа сапалы, мәдениетті қызмет көрсету біздің басты міндетіміз. Алдағы уақытта әрбір адам өзіне қажетті құжатты үйден шықпай, кезек күтпей-ақ алатын болады. Біз электронды қызмет алуды әр келушіге насихаттап, түсіндірудеміз. Ол жұмыстар нәтижесін беруде. Бұдан кейін де заман талабына сай электронды қызмет түрінің ауқымы кеңейе түспек», – дейді бөлім басшысы.</blockquote>Алдағы уақытта бөлімде сапалы қызмет көрсету мақсатында тиісті жұмыстар өз деңгейінде атқарыла бермек.

Архив