<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Корея Республикасы Тэджон қаласының мэрі Ли Чан Ву мырзамен кездесуден кейін Тэджон ұлттық зиратына қайта жерленген генерал Хон Бом До мемориалына барып, тағзым етті. Бұл туралы облыс әкімінің баспасөз қызметі хабарлады.&nbsp;Хон Бом До – Кореяның азаттығы үшін күрескен бірегей тұлға. Генерал өмірінің соңғы жылдарын Қызылорда қаласында өткізгені белгілі. Туған жерінде батырдың ерлік даңқы ұмытылмаған. Ал Қызылорда қаласында Хон Бом Доның құрметіне мемориал тұрғызылған және қала көшелерінің бірі оның есімімен аталады.Қызылорда қаласында жерленген генерал Хон Бом До сүйегінің тарихи отанына қайтарылуы Қызылорда облысы мен Кореяның өңірлері арасындағы байланыстардың орнатылуына және дамуына зор серпін беруде.Облыс әкімі Нұрлыбек Нәлібаев және делегация мүшелері Тэджон қаласында орналасқан ұлттық зиратқа барып, «Отан үшін құрбан болған боздақтарға арналған мемориал» кешенінде болды. Генерал Хон Бом До зиратына Қызылорда халқының ыстық ықыласын білдіретін гүл шоқтарын қойды.Айта кетейік, Қызылорда облысының әкімі Нұрлыбек Нәлібаев бастаған делегация 23 мамыр күні Корея Республикасы Тэджон қаласының мэрі Ли Чан Ву мырзамен кездесті. Өзара байланыстарды одан әрі дамыту мақсатында тараптар келіссөз жүргізіп, екіжақты ынтымақтастықтың бағыттарын айқындады.Кездесу нәтижесінде Тэджон қаласының мэрі Ли Чан Ву мырза мен Қызылорда облысы әкімі Н.Нәлібаев өңірлер арасындағы байланысты өркендету үшін бауырластық қатынастар орнату туралы Меморандумға қол қойды.&nbsp;<figure class="image"><img src="https://knadmin.beoblood.kz/uploads/347408834_207885665469945_2623794832145049786_n_8c6b9ec908.jpg" alt="347408834_207885665469945_2623794832145049786_n.jpg"></figure>&nbsp;<figure class="image"><img src="https://knadmin.beoblood.kz/uploads/347226408_1720203748430573_3369852581451789421_n_ffb5f06e80.jpg" alt="347226408_1720203748430573_3369852581451789421_n.jpg"></figure>&nbsp;<figure class="image"><img src="https://knadmin.beoblood.kz/uploads/347233868_673015028169817_8694252392865109386_n_dc1513f2fb.jpg" alt="347233868_673015028169817_8694252392865109386_n.jpg"></figure>

Нұрлыбек Нәлібаев Хон Бом До мемориалына гүл шоқтарын қойды

<a href="https://kyzylorda-news.kz/ru">Kyzylorda-news.kz.</a>&nbsp; Әлеуметтік медициналық сақтандыру қорына МӘМС жүйесіне артық немесе қате төленген жарналарды қалай қайтаруға болады деген сұрақпен турғындар жиі жүгінеді. Бұл сауалға Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова жауап берді.Қор маманы түсіндіргендей, егер БЖТ төлеу кезінде артық төлем жасалса немесе деректерді енгізу кезінде қате болса, «Азаматтарға арналған үкімет» мемлекеттік корпорациясына өтініш жазып, төлемді растайтын құжаттарды қосу қажет.&nbsp; Өтінішті қарау 15 жұмыс күнінен аспайды. Төлем қандай түрде жүргізілсе, дәл солай қайтарылады.&nbsp;Спикер егер дербес төлеуші алдағы 12 айға төлем жасаған кезде абайсызда бір айды БЖТ төлемі ретінде төлеп жіберсе, бұл азамат сақтандыру мәртебесін ала алмайтынын атап өтті. Ол үшін дербес төлеуші ретінде сол айға төлем жасап, қателесіп төлеген ақшаны жоғарыда көрсетілген әдіспен қайтарып алуға болады.&nbsp;Сонымен қатар БЖТ төлейтін азаматтар жеке кәсіпкер ретінде тіркелген кезде автоматты түрде БЖТ төлеушілер тізімінен шығады да, кейін бұл төлем түрін төлей алмайды. Әрі қарай бұл азаматтар жарналар мен аударымдарды жеке кәсіпкер ретінде жасай беруі керек.Естеріңізге сала кетейік, дербес төлеушілер үшін 2023 жылы жарна сомасы 3 500 теңгені құрайды (1 ЕТЖ-дан 5%). Республикалық, облыстық маңызы бар қалалар мен Астана үшін БЖТ сомасы - 1 АЕК (3 450 теңге), ал басқа елді мекендердің тұрғындары үшін - 0,5 АЕК (1 725 теңге).МӘМС жарналарды қайтару мәселелері бойынша мына мекенжайлар бойынша хабарласуға болады: Қызылорда қ., № 1 орталық ХҚКО, Ғ. Мұратбаев к-сі, 2 Е, №2 каб, байланыс телефондар: 8 (7242) 55 10 30, 55 10 35; №2 қалалық зейнетақымен қамсыздандыру бөлімшесі (Облсобес ғимараты), А. Бекзатхан к-сі, 47, № 2 каб.<figure class="image"><img src="https://knadmin.beoblood.kz/uploads/Kak_vernut_oshibochno_uplachennye_kaz_4cd4168265.jpg" alt="Как вернуть ошибочно уплаченные каз.jpg"></figure>

МӘМС жүйесіне артық немесе қате төленген жарналарды қалай қайтаруға болады?

<a href="https://kyzylorda-news.kz/ru">Kyzylorda-news.kz.</a>&nbsp;Еліміздегі агрокешен саласының дамып,құлашын кеңге жаюына лайықты үлесін қосуға бекем белбуғандар қатарында алдымен ауданымыздағы акционерлік қоғамын ауызға алуға болады. Индустриялық-инновациялық даму бағдарламасы аясында жұмыс жасап, азық-түлік қауіпсіздігін қамтамасыз етуге атсалысып жүрген ұжымның атағы аудан, облыстан асып, республикамыз бен алыс-жақын шетелдерге таныла бастады.&nbsp;«РЗА» акционерлік қоғамының төрт аяғынан тік тұрып, биік белесті бағындыратындай деңгейге жетуіне қоғам президенті Самұрат Жұманұлы Имандосовтың сіңірген жанкешті еңбегі ерекше атап айтуға тұрарлық. Ол аталған ұжым мен оның күнделікті тіршілігімен біте қайнасып келеді. Адамдық болмысынан қайсарлылық пен жігерлілік қасиеттері аңғарылып тұратын жайсаң жан жарқын мақсаттар жолында шаршап, шалдығу дегенді білген емес.&nbsp;Самұрат Жұманұлының есімі аудан халқына біраздан бері жақсы таныс. 1948 жылдың 20 маусымында Қазалы ауданының Майлыбас ауылдық Кеңесінде дүниеге келген Сәкең қазіргі таңда кіндік қаны тамған өңірдің шынайы патриотына айналған танымал тұлға, қажымас қайраткер.&nbsp;Мектептен кейін оқу орнынан арнаулы диплом алысымен мамандығы бойынша инженерліктің тізгінін ұстады. Өзі есейіп, ержеткен аумақтың егін және мал шаруашылығы салаларындағы өркенді істердің белортасынан табылды. Қалаған кәсібіне байланысты тәжірибесі толысып, шарболаттай шыңдалды.&nbsp;Халыққа қызмет ету жолында аянып қалмады. Ұзақ жылдар бойы 86 жылжымалы механикаландырылған колоннаны басқарып, әсем ғимараттар мен тұрғын үйлерді тұрғызды. Құлазып іске асырылмай босқа жатқан жазық далаларға су тоспаларын салып, күріш егетін егістік алқаптардың инженерлік жүйеге келтірілуіне ұйытқы болды.&nbsp;Ұтымды ұйымдастырушылық және іскерлік қабілетімен көзге түскен атпал азамат аудан әкімі орынтағына отырып, ХІІ шақырылған Қазақ КСР Жоғарғы Кеңесі депутаттығына сайланып, қалың көпшіліктің шынайы құрметіне бөленді. Аталған лауазымды қызметтерде болған кезінде халықтың әлеуметтік-тұрмыстық жағдайларын жақсартуға арналған бірқатар келелі істердің жүзеге асырылуына күш-жігерін салды.&nbsp;«Елу жылда– ел жаңа» деген. Еліміз тәуелсіздік алғаннан кейін мемлекеттік басқару жүйесі де өзгеріп, жедел жаңғыртылуға бет бұрды. Барлық салаға нарықтық реформа дендеп еніп, соны жаңалықтар бой көтерді. Кейбір мекемелер ықшамдандыруға ұшырап, енді бірі жұмысын тоқтатты. Тосын жағдай тұрғындарды біраз абдыратып, көңіл-күйлерін түсірді.&nbsp;Жаңалыққа жаны құмар Сәкең осы тұста өзі басшылық жасайтын «Жер – Су» акционерлік қоғамының орнына «РЗА» акционерлік қоғамын құрды. 2000 жылдың тамыз айында іске мығым кірісіп, жұмысшы-қызметкерлерінің уақыт талабына сай болуына барлық мүмкіндіктерді жұмылдырды. Мақсатты межелер белгіленді.&nbsp;Бұрын құрылыс-монтаж жұмыстарымен айналысып келген кәсіпорында ауыл шаруашылығы дақылдары егілумен бірге, мал бағылып, оның өнімдерін өндіру қолға алынды. Сөйтіп, Ғ.Мұратбаев, Ү.Түктібаев, Майдакөл, Бекарыстан би ауылдарында жыл сайын мал азығындық дақылдары мен күріш өсірілді. Күріш өңдеу, сүт және нан өнімдерін шығаратын зауыттар және шұжық цехы іске қосылды. Жаңа жобадағы кешенді тауарлы сүт фермасы пайдалануға берілді. Мұндағы қуатты технологиялық қондырғылар Оңтүстік Корея, Голландия, Франция, Ирландия, Германия және Италия сияқты елдерден жеткізілді.&nbsp;Сондай-ақ «РЗА» АҚ ұжымы 2003-2005 жылдары «Ауызсу» мемлекеттік бағдарламасына сәйкес Арал-Сарыбұлақ топтық су құбырының ІV кезеңі құрылысын жүргізуге белсене араласты. Бұдан кейін де соның жалғасы «Тазасу», «Ақбұлақ» бағдарламаларын жүзеге асыруға да қатысып, тұрғындардың әлеуметтік жағдайларының жақсаруына атсалысты.&nbsp;Адал еңбек–бәрін де жеңбек. Көлденең кездескен көптеген қиындықтар мен кедергілер артта қалды. Қазіргі таңда «РЗА» акционерлік қоғамының «РЗА – Агро», «РЗА – Асылтүлік», «РЗА – Сүт», «РЗА – Транс», «РЗА – Мұнай» сияқты жауапкершілігі шектеулі серіктестіктері мен күріш зауыты, мұнай өнімдері базасы, түрлі өндірістік жабдықтау бөлімдері бар. Бірнеше кәсіптің басын құраған көп салалы, табысы тасыған кәсіпорынға айналды.&nbsp;Іргесі бекем акционерлік қоғамының уақыт талабына сай келетін құралдармен жабдықталған әсем әкімшілік кеңсесі бар. Оған қарсы бетте қоймалары мен күріш зауыты, асханасы мен демалыс үйі орын тепкен. Жаңа жобадағы сәулетті құрылыстар ерекше көз тартады. Ғимараттардың айналасындағы саялы ағаштар мен гүлдер жаз айында құлпыра көгеріп, айналаға айрықша әдемілік сыйлайды. Төңіректің келбетін ашып, кентіміздің көркіне көрік қосады.&nbsp;«РЗА» АҚ-ның құрамындағы «РЗА – Агро» ЖШС-ның «Сыр күріші» өнімдерін республика жұртшылығымен бірге Ресей, Белоруссия, Тәжікстан, Түркменстан, Украина, Молдова мемлекеттері де тұтынады. «РЗА – Сүт» ЖШС да шығарылған азық-түліктер облысымыздың Қазалы, Арал, Қармақшы аудандары мен Қызылорда, Байқоңыр қалаларына, Маңғыстау, Атырау, Ақтөбе, Батыс Қазақстан, Оңтүстік Қазақстан облыстары мен Алматы қаласының халқына жөнелтілуде.&nbsp;2008 жылы Астана қаласындағы «Көрме сарайындағы» сапа жөнінде жүлде сарапқа түскен көрмеге «РЗА» АҚ-да қатысты. Сол жолы Елбасы Н.Ә.Назарбаев Қазалы жерінен жеткізілген өнімдерді арнайы тоқталып көріп, ризашылығын білдірген. Конкурс қорытындысымен Президент әкімшілігі басшысының «Алғыс хатын» иемденді.&nbsp;Мұнан кейін «Food 2009» халықаралық көрмесіне, Халықаралық өндірістік тауарлар көрмесіне қатысты. Гран-при «Высшая проба» халықаралық сапа белгісімен, Ресей агроөнеркәсіптік көрмесінде «Золотая осень» дипломымен марапатталды.&nbsp;Қазақстан Республикасы Президентінің сапа саласындағы «Алтын сапа» және Бизнестің әлеуметтік жауапкершілігі саласындағы «Парыз» байқаулары бойынша үздіктер қатарынан аталды. 2011 жылы «Қазақстанның үздік тауарлары» республикалық байқауының жеңімпазы атанды.&nbsp;Елімізді индустрияландырудың бес жылдығына орай және 2014 жылдың қорытындысымен индустрияландыру күні қарсаңында «Ірі кәсіпкерлік субъекті» аталымы бойынша «РЗА» акционерлік қоғамы Қазақстан Республикасы Президентінің «Алтын сапа» сыйлығына ие болды.&nbsp;Мың қосшыдан, бір басшы. Атағы алысқа жеткен акционерлік қоғамдағы белгіленген шаруалардың өркендеп, өрістеуі «РЗА» акционерлік қоғамының президенті, облыстық қоғамдық кеңес төрағасы, Қазақстан Республикасының «Құрметті құрылысшысы», «Құрмет белгісі», «Құрмет», «Парасат», Халықаралық «Звезда содружества», «Топ-менеджер года», «Бірлескен Еуропа» ордендері мен мерекелік медальдардың иегері, Қызылорда облысының және Қазалы ауданының құрметті азаматы Самұрат Жұманұлының біліктілігі мен білімділігінің арқасы.&nbsp;Кәсіпкер қашанда көпшіл қалпынан айнуды білмейді. Ол ауданның қоғамдық-саяси өмірінен ешқашан шет қалмайды. Әрдайым өткізілген іс-шараларға демеушілік көмегін көрсетсе, кейде кейбір қиын түйінді мәселелердің күрмеуін шешуді де естен шығармайды.&nbsp; Ердің атын – ел шығарады. Халқым деп еміренген ардақты азаматтың жүректерге шуақ құяр ізгілікті істері ел-жұртының мерейін өсіре берері сөзсіз.

Қазалы ауданының экономикасын алға жетелеген акционерлік қоғам

<a href="https://kyzylorda-news.kz/ru">Kyzylorda-news.kz.</a>&nbsp;Биыл Қызылорда облысында NEET санатындағы жастарды анықтау мақсатында «Отбасылық цифрлық картасы» әзірленіп, аймақтағы 11 297 жастың тізімі бекітілген болатын. Цифрлық карта аясында жазасын өтеуші жастар мен пробация есебінде тұрған азаматтарға басымдық беріліп, жан-жақты іс-шаралар жоспары бекітіліп келеді. Алдағы уақытта есепте тұрған 14-35 жас аралығындағы азаматтардың тізімі бойынша адрестік жұмыстар жалғасын тауып, түрлі бағыттағы шаралар қолға алынбақ.Осы мақсатта облыстық Жастар ресурстық орталығы мен Қызылорда қалалық пробация қызметі жазасын өтеушілер және пробация қызметі есебінде тұратын жастармен жұмысты үйлестіру мақсатында өзара серіктестік және ынтымақтастық туралы меморандумға қол қойды.Атап айтқанда есепте тұрған азаматтарға кеңес беру шаралары, кәсіби бағдар беру және жұмыспен қамтылуына ықпал ету үшін сала мамандарымен кездесу, өмірлік қажетті дағдыларды үйретуге арналған семинар-тренингтер өткізу, «KinoTime» аясында көрнекті бейнефильмдердің көрсетілімін ұйымдастыру, психологиялық тренингтер мен арт-терапия, қала көлемінде ірі кәсіпорындарға экскурсия, есепте тұрған жастардың салауатты өмір салтын ұстануы, зиянды әдеттердің алдын алуға бағытталған спорттық шаралар ұйымдастырылып, нәтижелі жұмыстар жүргізілмек.Жиын барысында Қызылорда қалалық пробация қызметінің бастығы әділет полковнигі Д.Садуақасов жастардың әлеуметтенуі үшін қабылданып жатқан шараларды қолдайтындығын жеткізіп, екі жақты келісім аясында жасалатын жұмыстарға сәттілік тіледі. Сонымен қатар орталық қызметкерлері аталған санаттағы жастармен жұмыс жасауда өзекті мәселелерге тоқталып, түрлі бағытта жұмыс жасайтындықтарын жеткізді.Жазасын өтеуші және пробация есебінде тұрған жастарды қоғамға қайта бейімдеу, әлеуметтік маңызды салаларда өз орнын табуға көмектесу, жұмысқа орналастыруға шақыру мен қоғамдық қызметке белсене араласуға ықпал ету мақсатында алдағы уақытта қос тарап жан-жақты жұмыстар жүргізіп, нәтижеге қол жеткізбек.

Қызылордада жастармен жұмысты үйлестіру мақсатында бірлескен меморандумға қол қойды

<a href="https://kyzylorda-news.kz/ru">Kyzylorda-news.kz.</a> Қызылорда облысы полиция департаменті бастығының бірінші орынбасары полиция полковнигі Амитов Шамшидин Егенбердіұлының төрағалығымен «Қызылорда облысы аумағындағы білім беру объектілерінің қауіпсіздігін қамтамасыз ету мәселелері бойынша» &nbsp;жиын болып өтті.&nbsp;Күзет қызметін бақылау бөлімі қызметкерлерінің ұйымдастыруымен өткен жиынға облыс әкімдігінің, қала қала әкімдігінің өкілдері, Кәсіпкерлер палатасы, ТЖД, ҰҚКД басшылары, білім беру басқармасының, облыс &nbsp;орталығында орналасқан мектептердің директорлары, жеке күзет ұйымдарының басшылары және департаменттің тиісті сала басшылары қатысты.&nbsp;Күн тәртібіндегі басты мәселе – облыстағы білім беру объектілеріндегі оқушылардың қауіпсіздігін қамтамасыз ету. Бұл тақырыпта күзет қызметін бақылау бөлімінің бастығы Мұратбек Манатов баяндамасын жасады.&nbsp;Жиын барысында нысандардың террористік тұрғыдан осал объектілерге жатқызу шарттары және тексеру барысында орын алған кемшіліктер бойынша экстремизмге қарсы іс – қимыл басқармасының бастығы Әліп Қазбек баяндама жасаса, білім беру ұйымдарында және жасөспірімдер арасында құқық бұзушылықтың алдын алу және болдырмау мақсатында атқарылған &nbsp; шаралар жөнінде жергілікті полиция қызметі басқармасының бастығы Ибраев Бауыржан сөз сөйледі.&nbsp;Жалпы облыс аумағында 317 мектеп, 30 колледж, 2 жоғарғы оқу орны және 607 балабақша бар. Алайда, олардың кейбірі күні бүгінге дейін қауіпсіздікке қатысты талаптарды орындамаған. &nbsp;&nbsp;Осы орайда, облыс көлеміндегі білім беру мекемелерінің инженерлік- техникалық нығайтылуына, қауіпсіздік шараларын сақтау мақсатында лицензиясы бар жеке күзет ұйымдарына күзетке беру, сондай – ақ орталықтандырылған бақылау пультіне қосылған «дабыл тетіктерімен» жабдықтауға, заманауи бейнебақылау камераларын орнатуды, сондай-ақ дабыл тетіктері мен бейнебақылау камераларын полиция бөліністерінің жедел басқару орталығына қосуға және турникеттермен жабдықтауға ұсыныс келтірілді.<figure class="image"><img src="https://knadmin.beoblood.kz/uploads/0_V4_A4502_8942c648a8.JPG" alt="0V4A4502.JPG"></figure>

Білім беру нысандарының қауіпсіздігін қамтамасыз ету мәселесі қаралды

<a href="https://kyzylorda-news.kz/ru">Kyzylorda-news.kz.</a>&nbsp; Көлік салығын төлемегендердің есепшоты 26 мамырдан бастап бұғатталады. Мемлекеттік кірістер департаменті осылай ескерту жасады. Ескертуді елемеген тұрғындардың көлігі тәркіленіп, есепшоты бұғатталады.Қостанай облысында 12 мыңнан астам адам борышкерлер тізімінде тұр. Тұрғындардың қордаланған қарызы 190 миллион теңгеге жеткен, деп хабарлады "<a href="https://astanatv.kz/kz/news/84903/">Астана</a>" телеарнасы.Қостанай мемлекеттік кірістер департаменті өкілдерінің айтуынша, он жылдан бері көлік салығын төлемей жүрген тұрғындар бар. Кейбірінің қордаланған қарызы 5 миллион теңгеден асқан. Жылдар бойы бой жасырып жүрген борышкердің бесеуі 3 тәулікке қамауға алынды.&nbsp;<blockquote>"Салық уақытында төленбеген жағдайда әр кешіккен күнге өсімпұл жазылады. Борышкерлерге берешегі туралы хабарлама жолданады. Хабарлама отыз күнде орындалмаса салық бұйрығы жолданады. 26 мамырдан бастап берешекті мәжбүрлі өндіріп алу үшін жеке сот орындаушыларға беріледі", - дейді облыстық мемлекеттік кірістер департаменті өндірістік емес төлемдер басқармасының басшысы Шынар Мұқанова.</blockquote>&nbsp;Төрт күннен кейін 12 мың борышкердің тізімі жеке сот орындаушыларға жіберіледі. Өңірлік палата өкілдері бұған дейін мәжбүрлі орындауға жолданған мың екі жүз материалмен жұмыс істеп, 60 миллионнан астам теңге өндірілгенін айтып отыр.<blockquote>"Осыған дейін салық төлемей жүрген он адамның көлік құралы тәркіленді. Олар дереу қарызын өтеді. Кейбір борышкер көлігінен айрылғанда немесе есепшоты бұғатталған кезде ғана салық төлеуге жүгіре бастайды", - дейді өңірлік жеке сот орындаушылар палатасы басшысының орынбасары Әділхан Сүйінбеков.</blockquote>Қалың қарызды өндіру үшін сот орындаушылар борышкерді шетел асырмауға, көлігін айыппұл тұрағына апаруға құқылы. Банктегі есепшоттарын бұғаттап, басқа да мүлкіне тыйым салады. Тіпті әлгі қарыз көп адамның жүргізуші куәлігіне шейін шектеу қойылып, қамауға алуға қақы бар.Ал Атырау облысында биылғыны былай қойғанда, былтырғы көлік салығынан жалтарып жүргендер бар. Салыққа салғырт қараған төрт жарым мыңнан астам жүргізуші 244 миллион теңге берешек.Биыл бес айдағы статистикада да көңіл көншітпейді. 14 мыңға жуық көлік иесі салық төлемеген. Олардың борышы 500 млн теңгеге жетіп жығылады.Бір ескеретін жайт сот орындаушылары көлік иесінен салыққа берешегімен бірге сол соманың 25 пайызы көлемінде қосымша ақы өндіріп алады. Сондықтан мамандар өсімпұлсыз уақытылы төлеуге кеңес береді. Айтуларынша, міндетті төлемнен қашқандар қатарында қозғалтқыш көлемі үлкен, қымбат көліктер де баршылық.&nbsp;Фото: ашық дерекөзден

26 мамырдан бастап кімдердің есепшоты бұғатталады

<a href="https://kyzylorda-news.kz/ru">Kyzylorda-news.kz.</a>&nbsp; Қолданыстағы заңға сәйкес, Қазақстанда ерлер 63 жасында, ал әйелдер 2028 жылға дейін 61 жасында зейнетке шығады. Алайда елімізде зейнетке ерте шығудың басқа да жолдары бар, деп жазады <a href="https://sputnik.kz/">Sputnik Қазақстан</a>.<h3 style="margin-left:0px;">Әйелдердің зейнет жасы</h3>2018 жылға дейін ана-апаларымыз құрметті демалысқа 58 жасында шығатын. Бірақ үкімет ерлер мен әйелдердің зейнет жасын теңестіреміз деп зейнетке шығу жасын көтеру туралы шешім қабылдады. Осылайша 2018 жылдан бастап әйелдердің зейнет жасы жарты жылға көтеріліп келді. Жоспарға сәйкес, 2027 жылға дейін зейнеткерлік жасы кезең-кезеңмен ұлғайып, 63 жасқа дейін жетуге тиіс еді. Алайда бұл өзгеріс қоғам наразылығын тудырды: әйелдер көшеге шығып, зейнет жасын төмендетуді талап етті. Бұқараның үні президентке де жетті. 2022 жылы Қасым-Жомарт Тоқаев әйелдердің зейнет жасын 2028 жылға дейін 61 жас деп белгілеуге тапсырма берді. Көп ұзамай тиісті заң да қабылданды.Осылайша 2023 жылдан бастап 2028 жылға дейін әйелдер 61 жасында зейнетке шығады. Бес жылдан кейін зейнеткерлік жас жарты жылға көтеріліп, 2031 жылы 63 жасқа жетеді деп жоспарланып отыр.<h3 style="margin-left:0px;">Кімдер зейнетке ерте шығады</h3>Көпбалалы аналарбес және одан көп бала туған (асырап алған) және оларды 8 жасқа дейін тәрбиелеген әйелдер – 53 жаста.Семей полигонының тұрғындарыСемей ядролық сынақ полигонының төтенше және ең жоғары радиациялық қатер аймақтарында 1949 жылғы 29 тамыз мен 1963 жылғы 5 шілде аралығында кемінде бес жыл тұрған қазақстандықтар: ерлер – 50 жаста, әйелдер – 45 жаста.Зейнетақы аннуитетіЗейнеткерлікке ерте шығудың тағы бір жолы – зейнетақы аннуитетін рәсімдеу. Зейнетақы шотында ақшасы жеткілікті қазақстандықтар өмірді сақтандыру компаниясымен келісімшартқа отырады.Зейнетақы аннуитеті ерлер мен әйелдерге зейнетке 8 жылға ерте шығуға мүмкіндік береді. Яғни ерлер – 55 жаста, ал әйелдер 2023-2028 жылдар аралығында – 53 жаста.2023 жылы зейнетақы аннуитетін бекіту үшін ер адамдарда 8 млн теңге, ал әйелдерде 10,5 млн теңге болуы шарт.Сондай-ақ "кейінге қалдырылған" зейнетақы аннуитеті де бар. Ерлер мен әйелдер оны 45 жасқа толғанда сатып алуға құқылы. Ол үшін ер адамдардың шотында кем дегенде 7,2 млн теңге, әйелдерде 9,1 млн теңге болуы керек. Атауы айтып тұрғандай, зейнетақы төлемдері он жылдан кейін бір-ақ, 55 жастан бастап қана төленеді.Айта кетері, Бірыңғай жинақтаушы зейнетақы қорынан тікелей зейнетақы алған кезде, төлемдер салымшының шоттағы ақшасы таусылғанға дейін ғана беріледі. Ал аннуитет рәсімдеген жағдайда зейнетақы төлемдері өмір бойы төленеді.Бұдан бөлек, кепілдік берілген кезең бар. Оны рәсімдеген жағдайда адам қайтыс болса да, зейнетақы төлемдері туған-туыстарына төлене береді.Бірлескен зейнетақы аннуитетіЗейнетақы шотында жинағы аз ерлі-зайыптылар немесе жақын туыстар үшін бірлескен аннуитет бар.Неке және отбасы туралы кодексіне сәйкес, ата-аналар, балалар, асырап алушылар, асырап алынғандар, ата-анасы бір және ата-анасы бөлек ағалы-інілер мен апалы-сіңлілер (аға-қарындастар), ата, әже, немерелер жақын туыстар болып саналады.Әйелдің зейнетақы жинағы аннуитет сатып алуға жетпей тұрса, ол күйеуінің есепшотында артылған қаражатпен қосып, бірлескен зейнетақы аннуитетін рәсімдей алады. Сол сияқты жақын туыстар да бір-біріне қаражат аударса болады. Бірақ оны тек зейнетақы аннуитеті үшін ғана пайдалануға рұқсат бар.Мысалы, 55 жастағы ерлі-зайыптыны алайық. Ер адамның зейнетақы шотында 10 млн теңге, әйелде 9 млн теңге жиналған делік. Ал 2023 жылы зейнетақы анниутеті үшін ерлерде 8 млн теңге, ал әйелдерде 10,5 млн теңге болуы шарт. Яғни бұл мысалда әйелдің жинағы жеке зейнетақы аннуитеті шартын жасасу үшін жеткіліксіз. Бұл жағдайда ерлі-зайыпты екі жинақты біріктіріп, бірлескен зейнетақы аннуитетін бекіте алады. Сөйтіп екеуі де ай сайын белгілі бір мөлшерде өмір бойы зейнетақы төлемдерін алып тұрады.Бірлескен зейнетақы аннуитетін бекітуді ұсынатын сақтандыру ұйымдарында Қаржы нарығын реттеу және дамыту агенттігінің лицензиясы болуға тиіс.Мүгедектігі бар және зиянды жұмыста істейтіндер2023 жылы Қаржы нарығын реттеу және дамыту агенттігі жекелеген санаттар үшін зейнетақы аннуитетінің қолжетімділігін арттыру мақсатында бірқатар түзету қабылдады. Атап айтқанда мүгедектігі бар және зиянды әрі қауіпті еңбек жағдайында істейтін азаматтар үшін зейнетақы аннуитеті арзандады.Осылайша 2023 жылы 55 жастағы ер адамдар үшін зейнетақы аннуитеті 8 млн теңгеден:1-топтағы мүгедектік үшін 2,4 млн теңгеге;2-топтағы мүгедектік үшін 3,4 млн теңгеге;3-топтағы мүгедектік үшін 4,4 млн теңгеге;зиянды және қауіпті жұмыста істейтіндер үшін 5,3 млн теңгеге дейін төмендеді.Яғни осы азаматтарға зейнетақы аннуитетін рәсімдеу үшін 8 млн теңге жинаудың қажеті жоқ. БЖЗҚ-дағы шотында жоғарыда көрсетілген сома болса жеткілікті.Сондай-ақ сақтандыру төлемдері де ұлғайтылды. Сақтандыру төлемдерін индекстеу мөлшерлемесінің ең аз мөлшері 5%-тен 7%-ке дейін, ал кірістілік мөлшерлемесінің ең жоғары мөлшері 6%-тен 9%-ке дейін артты.

Қазақстандықтар зейнетке қалай ерте шыға алады?

<a href="https://kyzylorda-news.kz/ru">Kyzylorda-news.kz.</a>&nbsp; Қазгидромет синоптиктері 24 мамыр, сәрсенбіге арналған ауа райы болжамын жариялады.Атмосфералық фронттардың әсерінен Қазақстанның батысында, солтүстігінде, оңтүстігінде, оңтүстік-шығысында жаңбыр мен найзағай болады.Алматы облысының оңтүстігінде және таулы аудандарында жауын-шашын, кейде қатты жауын-шашын (жаңбыр, қар), бұршақ жауады.Республиканың басым бөлігіне ашық ауа райын әкелетін антициклон ықпал етеді.Республика бойынша жел күшейеді, оңтүстікте шаңды дауыл сақталады.Павлодар, Қызылорда облыстарының шығысында орталығында, орталықтарында, Қарағанды облысының шығысында, Ұлытау облысының орталығында, Қостанайдың оңтүстігінде, Атыраудың оңтүстігінде және шығысында, Абай облысының солтүстігінде төтенше өрт қаупі сақталады.

Архив