<a href="https://kyzylorda-news.kz/ru">Kyzylorda-news.kz.</a>&nbsp;Қазалы аудан әкімінің орынбасары Дәурен Тілеумбетовтың төрағалығымен кәмелетке толмағандардың істері және олардың құқықтарын қорғау комиссиясының кезектен тыс кеңейтілген отырысы өтті.Жиынды жүргізіп отырған Дәурен Оңғарбайұлы кездесу ҚР Оқу-ағарту министрлігінің балалардың құқықтарын қорғау комитетінің төрағасы Н.Оспанованың ұсынысымен және облыс әкімі Н.Нәлібаевтың құқық бұзушылық пен зорлық-зомбылықтың алдын алу, балалар қауіпсіздігін қамтамасыз ету мақсатында берілген тапсырмасына сәйкес &nbsp;болып отырғанын жеткізді.&nbsp;Жиынға комиссия мүшелері, құқық қорғау органдары, денсаулық сақтау мен білім беру ұйымдарының қызметкерлері және Қазалы қаласы, Әйтеке би кентіндегі ата-аналар комитетінің төрағалары мен төрайымдары қатысты.&nbsp;Комиссия &nbsp;отырысында күн тәртібіндегі алғашқы мәселе - «Есірткісіз аймақ», Кәмелетке толмағандар арасында профилактикалық шаралар туралы болды. Бұл жөнінде аудан прокурорының міндетін атқарушы Ғанибек Серікұлы баяндама жасады.&nbsp;Сондай-ақ, аудандық полиция бөлімінің бастығының бірінші орынбасары Ғанибек Құрманәлиев кәмелетке толмағандар арасында қылмыс пен құқық бұзушылықтың алдын алу бойынша атқарылған жұмыстар, қабылданған шаралар туралы сөз етті.&nbsp;Мұнан соң аудандық білім бөлімі басшысының міндетін атқарушы Қуанышбек Андасұлы білім беру ұйымдарында құқық бұзушылық пен зорлық-зомбылықтың алдын алу, балалар қауіпсіздігін қамтамасыз ету және бала тәрбиесіндегі ата-ана жауапкершілігі туралы айтса, аудандық орталық аурухананың бас дәрігері &nbsp;Бақытгүл Әлішева кәмелетке толмағандар арасында салауатты өмір салтын қалыптасыру туралы хабарлама жасады.&nbsp;Күн тәртібіндегі мәселенің бірі - бала тәрбиесіндегі ата-ананың рөлі туралы болса, ол жайында №276 орта мектептің ата-аналар комитетінің төрайымы Ұлжан Ахметова айтып берді.&nbsp;Жиын барысында түрлі ұсыныс-пікірлер айтылып, жан-жақты талқыланды. Сонымен қатар сала басшыларына тиісті тапсырмалар жүктелді.&nbsp;Айта кетейік, жиын соңында аудан әкімінің орынбасары Дәурен Тілеумбетов &nbsp;балалардың жазғы мезгілде суға түсетінін айтып, аталған жағдай үнемі назарда болу қажет екенін айтты.

Қазалыда комиссияның кезектен тыс кеңейтілген отырысы өтті

<a href="https://kyzylorda-news.kz/">Kyzylorda-news.kz.</a> Мәншүк Мәметова атындағы Қызылорда педагогикалық жоғары колледжінің мәжіліс залында &nbsp;облыстық ұйымның Кеңес отырысы болып өтті. Кеңес мүшелері өткен жылғы Кәсіподақ қызметінің қорытындыларын талқылап, алдағы кезеңге арналған міндеттерді айқындады.<blockquote>«2022 жыл біз үшін нәтижелі жұмыс жасалған жыл болды. Облыстық кеңес пен мүшелік ұйымдардың тәжірибелік жұмысы жоспарланған іс-шараларды орындауға, оның ішінде сала қызметкерлерінің еңбек және әлеуметтік-экономикалық мәселелерін шешуге, кәсіподақ мүшелерін жан-жақты қолдауға бағытталды. Осы ретте бірлескен табысты жұмыстарымыз үшін кәсіподақ активіне және әлеуметтік әріптестерімізге ризашылығымды білдіремін. Біздің алдымызда кәсіподақ қызметінің тиімділігін одан әрі арттыру бойынша бірқатар міндеттер тұр. Кеңес отырысының негізгі мақсаты − осы жұмыстағы басымдықтарды талқылау мен айқындау», − деген &nbsp;комитет төрағасы Гүлнар Есқалиева бірлескен жұмысты әрі қай дамытуға шақырды.</blockquote>Әрі қарай комитет төрағасы Кәсіподақ ұйымы қызметіндегі Қазақстан Республикасының «Педагог мәртебесі туралы» Заңын іске асыру жұмысыны туралы хабарлама жасады.Облыстық кәсіподақ ұйымы мен Қызылорда облыстық білім басқармасының бірлескен шешіміне сәйкес педагогтардың кәсіби әлеуетін арттыруға арналған шаралардың жүзеге асырылу &nbsp;барысы туралы облыстық білім басқармасының әдістемелік &nbsp;оқу орталығының директоры Сырым Асқаров пен Аймақтық дене тәрбиесі методикалық &nbsp;орталығы спорт және ұйымдарастыру бөлімінің басшысы Бағлан Танмамбетов толығырақ баяндады.Кәсіподақ қызметінің басым бағыттары бойынша атқарылған жұмыстар есебі тыңдалған соң Кеңес мүшелері сөз сөйлеп, пікірлерін ортаға салды. Сөз алғандар саладағы түйткілді мәселелерді қозғай отырып, ұсыныстарын жеткізді. Барлық талқыланған мәселелер бойынша кеңес мүшелері Кеңес отырысы қаулысының жобасын бірауыздан қолдады.

Білім қызметкерлері кәсіподағының кеңес отырысы өтті

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облысының әкімі Нұрлыбек Нәлібаев бастаған облыс делегациясы 22 мамырда Корея Республикасының Сеул қаласына іссапармен барды. Делегация құрамында Қызылорда облысының әкімі Нұрлыбек Нәлібаев, Қазақстан Республикасының Кореядағы Төтенше және Өкілетті Елшісі Бақыт Дүйсенбаев, облыстық мәслихат төрағасы Наурызбай Байқадамов, Қорқыт ата атындағы Қызылорда университетінің ректоры Бейбіткүл Кәрімова бар.Іссапардың алғашқы күні делегация мүшелері білім және ғылым салаларында ынтымақтастық орнату үшін Шинхан университетінің президенті Канг Сонг Чонг мырзамен кездесті. Әлеуметтік ғылымдар бағыты бойынша маңдайалды ЖОО-лардың бірі – Шинхан университеті 1960 жылы құрылған.Кездесуде Канг Сонг Чонг мырза Қызылордада университет филиалын ашуға ынталы екенін білдірді. Осы ретте алдағы 20-30 жылдықта өңірдің еңбек нарығында қандай мамандықтардың сұранысқа ие болатынын екіжақты зерттей келіп, жоғары оқу орнын ашу жоспарлануда. Осы мәселелерді әрі қарай пысықтау үшін алдағы шілде айында Шинхан университеті президентінің Қызылордаға іссапарын ұйымдастыру көзделген. Еңбек нарығының болашақтағы бағыты зерттелгеннен кейін Шинхан университетінің филиалы қандай мамандықтар бойынша ашылатыны нақтыланады.Корея Республикасындағы іссапар Сеул Ұлттық ғылыми-техникалық университетінің Президенті Ли Донг Хун мырзамен кездесумен жалғасты. Жиынға ҚР Ғылым және жоғары білім министрі Саясат Нұрбек вице-министрлермен бірге онлайн қосылып, бастамаларға қолдау көрсетілетінін айтты.Президент Қасым-Жомарт Кемелұлы Тоқаевтың білім сапасын арттыру үшін әлемдегі озық жоғары оқу орындарының филиалдарын елімізде ашуды тапсырғаны белгілі. Бұл ең алдымен білікті мамандарды оқытып шығаруға, жоғары технологияларды игеруге жол ашады.Корея мен Қазақстан арасында жоғары білім саласындағы екіжақты ынтымақтастықты дамыту үшін биыл Халықаралық ынтымақтастық жөніндегі жетекші университеттік жоба әзірленді. Жоба Корея Республикасының Үкіметінде мақұлданып, Білім министрлігінен гранттық жоба ретінде 1 млрд теңгедей қаржы бөлінеді.Сондай-ақ, университет проректорлары, институт директорлары мен кафедра меңгерушілері және де түрлі салалар бойынша құрылым басшылары 16 мың студенті, 9 факультеті, 300 оқытушы-профессоры бар Сеул Кибер университетімен танысты.Университет басшылығы алдағы уақытта Сеул Кибер университетімен әріптестік байланысты нығайтып, бірлескен жобаларды атқару жөніндегі келісімге келді.<figure class="image"><img src="https://knadmin.beoblood.kz/uploads/347434824_707267324504578_8764509409672333584_n_4d98280909.jpg" alt="347434824_707267324504578_8764509409672333584_n.jpg"></figure><figure class="image"><img src="https://knadmin.beoblood.kz/uploads/348851487_246670861384561_5927337041038792129_n_7029874656.jpg" alt="348851487_246670861384561_5927337041038792129_n.jpg"></figure>&nbsp;<figure class="image"><img src="https://knadmin.beoblood.kz/uploads/348946604_639786564267374_6630152952632611898_n_7d2762a1d4.jpg" alt="348946604_639786564267374_6630152952632611898_n.jpg"></figure>&nbsp;<figure class="image"><img src="https://knadmin.beoblood.kz/uploads/349130660_1389113394966096_3160525898221007750_n_6d28b3d24f.jpg" alt="349130660_1389113394966096_3160525898221007750_n.jpg"></figure>&nbsp;<figure class="image"><img src="https://knadmin.beoblood.kz/uploads/348862103_130844856631048_1824340909723594332_n_25a8ff1f0d.jpg" alt="348862103_130844856631048_1824340909723594332_n.jpg"></figure>

Қызылордада Сеул ұлттық ғылым және технологиялар университетінің жасанды интеллект мектебі ашылады

<a href="https://kyzylorda-news.kz/ru">Kyzylorda-news.kz.</a>&nbsp;Қайырымдылық – асыл қасиет. Ол екінің бірінің қолынан келе бермейді. Біреу бар бола тұра қимайды, ал енді бірінің жағдайы «Жомарттың қолын жоқ байлайдыға» саяды. Қазалы ауданында мұқтаж жанға жәрдемдесіп, рухани демеу көрсетуді азаматтық парыз санайтындар да жоқ емес. Солардың бірі – Райымбек Бөлебаев.&nbsp;Кәсіпкерлікке 17 жасында келген Райымбек Болатбекұлы 2011 жылы «Сарым-Құрылыс» ЖШС мен «Сарым» шаруа қожалығын құрып, құрылыс және мал шаруашылығы саласында елеулі еңбек етуде. Кенттегі бірнеше көпқабатты тұрғын үйлерге жөндеп жұмыстарын жүргізіп, көп балалы отбасыларға, мүмкіндігі шектеулі азаматтарға, ардагерлерге көп көмегін тигізді. Жастарға деген жанашырлығы өз алдына бір төбе. «Жақсылық жасырын түрде болуы керек» деген ұстанымдағы кәсіпкермен кездесіп, сұхбаттасқан едік.– Райымбек Болатбекұлы, кәсіпкерлікке қалай келдіңіз?– Менің ата-анам Болатбек пен Мәриямкүл ауданда алғашқылардың бірі болып салы түйіп, күріш ақтаған жандар. Әкем өз қолымен шағын аппарат жасап, күн-түн демей еңбек етті. Әке-шешемізге барлығымыз қолғабыс ететінбіз. Бала кезімнен кәсіпкерліктің қыр-сырын көріп, біліп өстім. Іске епті, шаруға бейім болуымыз ата-анадан дарыған қасиет. Ағаларым Өмірбек пен Нұрбек те бүгінде белді кәсіпкерлер. Үлкен ағам Жұбандық та кәсіптен алыс болмады. Ол совхоздарды аралап, салы алып келетін. Алайда өмірден ерте озды. «Орнында бар оңалар» деген артында қалған жары Гүлшат пен балалары жеке кәсіпті жандандырып, халыққа қызмет көрсетіп отыр. Өмірбек байырғы күріш ақтау кәсібін кеңейтсе, Нұрбек монша бизнесін жолға қойған. Ал мен өзіңіз білетіндей Райымбек «Сарым-құрылыс» ЖШС директорымын.– Ең алғашқы табысыңыздың көлемі қанша еді?– Бала кезден кәсіптің түр-түрімен айналыстым. Анамның қасында жүріп, базарда сауда-саттық жасадым. Ең алғашқы табысым да қолыма сол кезде тиген еді. Екі мың теңге тапқаныма мәз болып, үйге көңілді қайтушы едім. «Еңбекпен тапқан нан тәтті» деген сөздің астарын сол сәттен бастап ұғындым.– Біраз қайырымдылық шараларының басы-қасында атыңыз аталады. Әсіресе спортшыларға бүйрегіңіз бұрып тұрады. Өзіңіз спортпен айналысасыз ба?– Спорт жаныма өте жақын. Кезінде күреспен айналыстым. Қазірде үнемі болмағанымен дене шынықтыруға арнайы уақыт бөліп тұрамын. Екі ұлым да күреске қатысады. Нәтижелері де жаман емес. Жарыстардан жеңіспен оралып жүр.– Адамның бойындағы қандай қасиетті бағалайсыз?– Менің жанымдағы достарым, жақындарым жақсы біледі. Өтірікке жаным қас. Сөзі мен ісі бір-біріне сай адамды ұнатамын. Көтере алмайтын шоқпарды беліне байлап, жұртқа өтірікші болатындар бар. «Арық сөйлеп, семіз шық» дейді ғой қазақ. «Өйтем-бүйтем» деп уәдені үйіп-төгіп, жеме-жемге келгенде «болмай қалды» дейтіндер ұнамайды.– Қатты қиналған сәтіңіз болды ма? Құлазыған көңіліңізді не көтереді?– Өмір болған соң қуаныш пен қиындық қатар жүреді. Кейде кәсібім жүрмей, шығынға соқтыратын жағдайлар болады. Ондайда «Шығын шықпай, кіріс кірмейді. Барға қанағат, бұйырғаны болады» деп ішкі қиналысымды жеңемін. Мен басыма іс түсті деп жан-жағының мазасын алатындардың қатарынан емеспін. Өзіме жүк салмауға тырысамын.– Ана тіліңізден өзге тілді білмесеңіз ұяласыз ба?– Мүлдем ұялмаймын. Бастысы – өз ана тілімді білемін, еркін сөйлеймін, ойымды да толық жеткізе аламын. Орыс тілін керемет білемін деп айта алмаймын. Нан сұрап жейтін орысшам бар. Бұған ешқашан қысылған емеспін. Керісінше өзге тілде сайрап, қазақ тілінде екі сөздің басын құрай алмай тұрған қазақтарды көргенде көңілім құлазиды.– Жас кәсіпкерлер табысты болу үшін нені білу керек деп ойлайсыз?– Әкем үнемі: «Бір істі бастадың ба, тастама. Түбінде жемісін береді» деп отырады. Қазір көп жастарда тұрақтылық жетіспейді. Бір істі бастайды да табысқа кенеле қоймадым деп, екіншісіне ауысып жатады. Оны да біршама уақыт әурелеп, маған қол болмады деп жарты жолда қалдырады. Одан ешқашан өрлеу, алға жылжу болмайды. Ең бастысы – тұрақтылық керек. Қиындықтарға төзіп, алған беттен таймайтын қайсарлық қажет.– Кезінде сайлауалды бағдарламаңызда «Депутат болсам, жергілікті жас мамандарды тұрақты жұмыспен қамтуға ықпал етемін» деген едіңіз. Бұл уәдеңізді орындай алдыңыз ба?– Жұмыссыздық жалғыз біздің ауданға емес, жалпы елімізге тән мәселе. Алайда онымен күресу басты міндеттеріміздің бірі. Бұл орайда түрлі мемлекеттік бағдарламалар жүзеге асырылуда. Өзімнің жеке кәсіпкерлігіме екі жасты жұмысқа алдым. Осы мәселе төңірегінде тағы да шаруалар атқарып жатырмыз. Қолдан келгенше жастарды тұрақты жұмысқа орналастыруға атсалысамын.– Бұдан бөлек, қоғам үшін пайдалы қандай істі қолға алу жоспарыңызда бар?– Елдің ертеңі – жастар. Олар білімді әрі дені сау болса, мемлекетіміз гүлденері сөзсіз. Сондықтан мен жеткіншектердің сапалы білім алуы мен спортқа бейім болып өскендігін қалаймын. Осы орайда қаржылай қолдаудан бөлек олармен емен-жарқын тілдесу маңызды. Ойларын біліп, пікірлерімен санасып отырғанды құп көремін. Қолдан келгенше мұқтаж жанға қол ұшын созу азаматтық парызым деп білемін және оны атын атап, түсін түстеп жатуды әбестік санаймын.– Сұхбатыңызға рахмет!

Райымбек Бөлебаев: Жастарды тұрақты жұмысқа орналастыруға атсалысамын

<a href="https://kyzylorda-news.kz/">Kyzylorda-news.kz.</a> Қыс бойы суықтан шаршаған жұрттың жазды асыға күтетіні рас. Қытымыр аяздан шуақты күнге жеткенше күн санап кететініміз бар. Әрине, бар қызық осы мезгілмен келеді емес пе?! Суға түсу маусымы да осы шақта басталады. Бұл әсіресе балалар үшін нағыз қуанышты сәт. &nbsp;Иә, Сырдың аптап ыстығында суға түспеу сірә, мүмкін емес. Сондықтан суға шомылудың сәтін үлкен-кішіміз де қалт жібермейміз. Өзен жағасында тұратын тұрғындар үшін бұл тіпті оңынан шешіліп-ақ тұр. Арнайы суға түсу орнына бармай-ақ, өзенге түсіп сергіп алуға болады. Көп адам осылай ойлайды. Солай жақын маңнан өзен жағасына, каналға суға түсіп жатады. Сәтін салып, сергіп алсаң жақсы ғой, соңы қайғыға ұласып жатса қиын.&nbsp;Өкінішке орай, бәрі біз ойлағандай қызықты, қуанышты бола бермейді. Қанша асығып күтсек те осы бір маусымның кейде көңілді сәтпен емес, қайғылы жағдаймен есте қалатыны бар.&nbsp;Қалалықтар жазда қайда демалады?Қала тұрғындары жаз маусымында ПМК-29, «Сабалақ», «Эдельвейс», саяжайында орналасқан демалыс орындарына барады. Одан бөлек «Бәйгеқұм», «Қамбаш» көліне жол тартатындары бар. Тұрғындар аталған саяжай аумағына жаз бойы кемі 2 реттен баруы мүмкін. Ал соңғы екі көлге барып жазғы демалыстың нүктесін қояды.&nbsp;Осы ретте көпшілік демалатын орынның талапқа сай келмейтінінде атап өткен жөн сияқты. Шағын бассейні бар бір аумақта 10-15 шақты орын бар. Әр орынға бір топ адамның орналасатынын ескерсек аядай жерде қанша адамның шомылатынын ойша есептей беріңіз. Мұндайда санитарлық-гигиеналық талаптың сақтала қоюы екіталай. Одан бөлек, қызмет көрсету сапасы да ойдағыдай бола бермейді. Біздегі ақсап тұрған дүниенің бірі осы. Сондықтан жаз маусымындағы демалыс орнын жетілдіру қажет-ақ.Жағажай керекЖоғарыда айтылған аумақтың көбі «жабайы» жағажай саналады. Онда арнайы құтқару жабдықтары не құтқарушылар жоқ. Халықтың өзі белгілеп &nbsp;алған жағажай, канал, арық сынды орындар. &nbsp;Айтпақшы, «жабайы» жағажай дегенің де тегін дүние емес. Оған кіру үшін де ақы төлейсің. Ал өзен жағасы, канал, арық дегенге екінің бірі бара алады. Содан да болар, бұл жерге көпшілік отбасымен баруды әдетке айналдырған.&nbsp;Уақытында «Эдельвейс» саяжайынан арнайы орын белгіленіп, тегін жағажай салынатыны айтылған еді. Кейін ол аумақтың санитарлық-гигиеналық талапқа сай болмауына байланысты тұрғындар қауіпсіздігі үшін пайдалануға &nbsp;беруге мүмкіндік болмаған екен. &nbsp;Жалпы қала тұрғындарының жағажайға мұқтаж екенін аңғару қиын емес.&nbsp;– Жаз шықса суға түскіміз келетіні рас. Әсіресе, балалар үйде байыз таппайды. Шомылуға барайық деп күнде айтады. Ата-ана болғасын өтінішін орындағың келеді. Бір-екі рет бассейнге апарасың. Бірақ одан артық баруға шамаң келе бермейді. Қымбатшылық қалтаңа салмақ түсіреді. Бұрын резеңке бассейн сатып алып, сонымен қуантушы едік. Ол да бір жылдан аса уақытқа шыдамайды. Тұрғылықты жерімізде кішігірім канал бар. Бірақ онда түсуге болмайды, қауіпті деп күнде ескертеміз. Түс кезінде өз бетінше үйден шығып кетпеуін қадағалап отырамын. Теледидардан небір жағдайды естігесін уайымдайсың. Қаламызда жағажай болса, тегін қылмаса да кіру ақысын қолжетімді етсе қарапайым халыққа жақсы ғой. Әсіресе балалар қуанып қалар еді. Ондай жағажай салуға мүмкіндік бар деп ойлаймын, – дейді қала тұрғыны Мереке Жұмабаева. &nbsp; &nbsp;&nbsp;Ақылының ақысы артық&nbsp;Қалада рұқсат етілген суға түсетін орындар баршылық. Тек олар жеке кәсіпкерлер меншігінде. Сырдария өзенін жағалай орналасқан аумақтың барлығын дерлік меншік иелері кәсіп көзіне айналдырған. Бірақ онда қайта-қайта бара беруге көптің шамасы келмейді. Жоғарыдағы тұрғын атап өткендей қалтаға салмақ түсіреді.&nbsp;Мәселен, қаладағы бір демалыс орнына бару үшін қалтаңда кемі 50 мың теңгең болуы керек. Кіру ақысынан бастап, ішетін суың, жейтін асыңа дейін сол жерден сатып аласың. Ондағы бағаның төмен болмасы белгілі ғой.«Суға түсуге тыйым салынады»Тұрғындардың көбі осыған мән бермейді. Суға түсер кезде сол аумақтың оған рұқсат етілген не етілмеген аумақ екенін ескергені жөн. Бұл басының амандығы үшін маңызды. Алайда бұған бас қатыра қоймайтынымыз бар. Соның салдарынан оқыс оқиғалар орын алып жатыр. Қалалық төтенше жағдайлар басқармасының басшысы Жасұлан Түйменовтың айтуынша, қалада 60 суға түсуге рұқсат етілмеген аумақ бар. Олардың барлығына «суға шомылуға тыйым салынады» деген жазуы бар тақтайша ілінген. Десе де оған назар аударып жатқан ешкім жоқ. Айтпақшы, биыл суға түсу маусымы басталмай жатып бір жасөспірім тілсіз жаудың құрбаны болды.Жаз келген сайын жыры бітпейтін мәселенің бірі – осы. Қалай десек те, нағыз аптап ыстықты бастан өткеретін сырбойылылықтар үшін сусыз күн кешу неғайбыл дүние. Күн төбеңді тескенде бір салқындайын деп суға түскен жанды түсінуге де болады. Бірақ соңы орны толмас қайғымен аяқталса, өкінішті. «Өгізді де өлтірмей, арбаны да сындырмайтын» бір амал керек сияқты.&nbsp;Апта басында қала әкімі Асылбек Шәменов суға түсу маусымына дайындық барысын пысықтау мақсатында жиын өткізді. Онда қалалық төтенше жағдайлар басқармасының басшысы Жасұлан Түйменов суға түсу маусымына дайындық жұмыстары және қала бойынша төтенше жағдайлардың алдын алу бағытында атқарылып жатқан шаралар туралы баяндады. Сала басшысы қала аумағындағы су айдындарында, әсіресе, Сырдария өзенінде азаматтардың түрлі себептермен қайғылы жағдайларға ұшырап, оның ішінде суға түсу маусымында судағы адам қазасының жиі орын алатындығын жеткізді. Келтірген мәліметке сүйенсек, өткен жылы 12 адам суға кеткен, оның алтауы бала. Аталған жағдайлар Сырдария өзені, Сталин каналы, Қараөзек ауылы, «Абай» жағажайы, ПМК-29 саяжайындағы көлде, «Көксу» демалыс орнында орын алған. Мұның бәрі тұрғындардың судағы қауіпсіздік ережесін сақтамауынан болып отыр. Яғни мас күйінде және су айдынының жабдықталмаған жерінде суға шомылған. Суда адамдардың қаза болуының негізгі себебі - қауіпсіздік ережелерін өрескел бұзуы, - дейді басқарма басшысы. Бұл жағдайларға байланысты сала басшысы халық арасында және барлық мектептің оқушылары мен ата-аналарының «WhatsApp» желісі арқылы күнделікті түсіндірме жұмыстары жүргізіліп жатқандығын жеткізді.

Қала әкімі суға түсу маусымына дайындық жұмысын пысықтады

<a href="https://kyzylorda-news.kz/">Kyzylorda-news.kz.</a> Жас пен жынысқа, ұлт пен ұқсастыққа, түр мен тілге қарамастан жер бетіндегі адамдардың ортақ ұғынар тіл – өнер. Өнердің де түр-түрі бар. Дегенмен, қылқаламмен қағаз бетіне сурет салып, жансыз бейнені тілсіз сөйлеткендей көркем бейнелеу екінің бірінің қолынан келе бермейді. Көргенін емес, сезінгенін екінші адамға сездіре алатын суретшілердің әр туындысы тылсымға толы.Жақында Ы.Жақаев ауылының мәдениет үйінің жанынан құрылған шебер қолдар мен жас суретші үйірме мүшелерінің «Біз өнерлі баламыз» атты қорытынды көрмесі өтті. Мұнда өз қабілеттерін шыңдау мақсатында жұмыс істеп келе жатқан үйірме мүшелерінің еңбегі ортаға қойылды. Тиісінше түрлі тақырыпта бейнеленген оқушылардың туындылары қатысушылардың оң бағасын алды.<blockquote>“Бұл – жас үйірме мүшелерінің алғашқы тың көрмесі. Шәкірттеріміздің әрқайсысы өзінше ыстық. Оларға жарқын болашақ тілеймін! Әр қадамына қуанып, қолдап отыратын ата-аналар мен ұстаздар барында олардың жетер жетістігі әлі алда”, – деді үйірме директоры.</blockquote>Айта кетейік, Ы.Жақаев ауылдық мәдениет үйінде 5 үйірме бар. «Жас суретші» сурет, «Шебер қолдар» қолөнер, «Жыр әлемі» көркемоқу, «Жас өркен» жасөспірімдер ән үйірмесі, «Шабыт» би үйірмесі қызмет көрсетуде. Үйірмеге жалпы 44 өнерпаз қатысады.&nbsp;Үйірме өнерпаздары аудандық, облыстық, республикалық байқауларға қатысып жүлделі орындармен марапатталып жүр. Атап айтсақ, «Tanm art» өнер орталығының ұйымдастыруымен өткен «Самғау» республикалық өнер байқауында «Шабыт» би үйірмесі жүлделі ІІ орын дипломмен марапатталды.&nbsp;Сонымен қатар «Tanm art» өнер орталығының ұйымдастыруымен Түркістан қаласындағы «Белес» өнер байқауында дәл осы би үйірмесінің өнерпазы Ақниет Иманалиева І орын дипломмен марапатталды. Түркістан қаласындағы Алаш өнер орталығының ұйымдастыруымен өткен «Халықаралық Түркістан Фест» көпжанрлы өнер байқауында «Жас өркен» ән үйірмесінің өнерпазы Әбдеш Ерұлан диплом І орын иеленді.&nbsp;Республикалық қосымша білім беру оқу-әдістемелік орталығының ұйымдастыруымен өткен «Туризм энциклопедиясы» байқауында «Жас суретші» сурет үйірмесінің оқушылары Айша Қырықбай, Диана Әбдразақ, Мирас Махамбетжан, Ерасыл Абжапбарұлы, Айзере Мұханбетқали жүлделі І орын диплом иегерлері атанды. «Мереке» өнер орталығының ұйымдастыруымен өткен балалар мен жасөспірімдер арасында «Фариза, Фаризажан, Фаризақыз» атты Фариза Оңғарсынованың өлеңдерін оқу республикалық байқауында «Жыр әлемі» көркемоқу үйірмесінің өнерпазы Раяна Мұхамедәлі жүлделі І орын иеленді.

Шиеліде «Біз өнерлі баламыз» атты көрме өтті

<a href="https://kyzylorda-news.kz/">Kyzylorda-news.kz.</a> Заманның жыл сайын көз ілеспес жылдамдықпен дамып жатқаны жасырын емес. Әсіресе, озық технология мен техникалар адам баласының жұмысын жеңілдетуде. Бұрынғыдай емес, қазір қолыңды байлайтын тірліктен құтылуға да, қауырт жұмыстан арылып, өз уақытыңды тиімді пайдалануға да болады. Тек қалтаңызда қаражатыңыз болса болғаны. Тіпті, бүгін теңгесін берсеңіз арнайы орталықтар «құтқарушы періштеңізге» айналып, тұрмыстық техникаларыңызға жаңа өмір сыйлап, тірлігіңізді тындырып, үйіңізді тап-тұйнақтай етіп береді. Айтпағымыз, әлеуметтік желіде танымал болған, әмбебап құрылғылар арқылы үйлер мен кеңселерді тазалап беретін «Клининг» орталықтары төңірегінде.Өткенге сәл шегініс жасайтын болсақ, бұрындары қолдың жұмысы біраз шаруаға сеп болғанын аңғарамыз. Алайда үй шаруасын атқару кәдімгідей уақытты алатын. Әлем елдерінде болғанымен, әмбебап ыдыс жуғыш құралдар да, сенсорлы шаңсорғыштар мен тетікшелі тазалағыштар бола қойған жоқ. Тек жартылай кір жуғыш мәшинелер ғана жұмысты жеңілдететін. Ал қазір ше? Қазір бәрі қолжетімді. Бір ғана түймені басып қойып, үйіңіздің шаруасын атқара бересіз. Баяғыдай кірді қолмен жумайсыз, шаршап-шалдығып үйді тазаламайсыз. Ыдысыңыз да өз-ақ жуыла береді. Орысшалап айтқанда, тек аптасына бір рет үйіңізге «Генеральная уборка» жасасаңыз болғаны. Ал олай еткіңіз келмесе, оған да бас қатырмауға болады. Қолыңыздағы құрылғыңыз арқылы қалаған орталықтардың біріне қоңырау шалып, арнайы мамандарды үйіңізге шақырта аласыз. Көңіліңіз қалағанына тапсырыс берсеңіз, «клининг» орталықтары бірден көмекке келеді.&nbsp;Клининг – соңғы жылдары танымалдылыққа ие болып, кеңінен таралған бизнес түрі. Бұл сөз жаһандық жұртқа жақсы таныс. Әсіресе, батыс пен шығыс халқы клинер мамандардың қызметіне көптеп жүгінеді. Себебі, олар уақытты тиімді пайдаланып, тазалық жұмыстарын арнайы орталықтарға тапсырады. Мұндай жұмыс олар үшін құрметті қызмет түрі болып есептеледі. Ал «Клининг» сөзі Қазақстанға соңғы бес жылдың көлемінде ене бастады. Бастапқыда клинерлердің көмегін пайдаланатындар бола қоймаса да, соңғы екі жылда оған да сұраныс жоғарылады. Әсіресе, бизнес орталықтары мен кеңселерді тазалататындар саны екі есеге артты. Қалалық жерлерде бұл да таптырмас кәсіп түріне айналды.Аталған кәсіп түрі дәл қазіргі уақытта елімізде кәдімгідей кең етек алуда. Бір жағынан бұл таңнан кешке дейін жұмыс істейтіндер үшін пайда. Яғни, қауырт жұмыстан босай алмайтындарға өте тиімді. Екінші жағынан «клининг» орталықтардың дені көптеген ¬дипломсыз жандарды жұмыспен қамтуда. Ал осындай орталық ашып, кәсібімді дөңгелетемін дегендерді мемлекет те қолдауға әзір. Содан да болар, «Бастау бизнес» арқылы жоба қорғап, «клининг» орталықтарын ашатындардың қатары көбейген. Биылдың өзінде Қазақстандық жиырма кәсіпкер жоба қорғап, жеңімпаз атанып, орталық ашқан. &nbsp;Хош. Әріге ұзамай-ақ қоялық. Аудан көлемінің өзінде де «Clean house» орталықтары баршылық. Сұраныс та жоғары. Себебі Шиеліде түрлі кеңселер, тамақтану орындары мен мейрамханалар күн сайын бой көтеруде. Демек, аталған қызмет түрі аудан халқы үшін ауадай қажет. Біз де әлеуметтік желіден аудандағы бірнеше орталықтарды шолып шықтық. Көзімізге түскен бірінің жұмыстарымен таныстық. Сөйттік те парақшада белгіленген нөмірге хабарласып, толықтай ақпаратты өздерінен сұрап білдік.&nbsp;«Cleaning_shieli» компаниясы. Құрылғанына небәрі 2 жыл болса да бүгінде аталған орталықтың көмегіне жүгінетіндер көп. Дәл қазіргі уақытта командада 5 адам және арнайы мобилограф жұмыс істейді. Өз істеріне тиянақты әрі жауапты мамандардан жасақталған құрамды аудан халқы жақсы таниды. Өйткені олар дүкендерде сатылатын химиялық қоспалармен емес, неміс және мәскеу елдерінен келетін сапалы құрал-жабдықтарды пайдаланады. Сондай-ақ үйді тазалауға арналған құралдарының өзі қарапайым емес, қымбат машиналардан тұрады. Бір сөзбен айтқанда гинералды тазалық жұмыстардың барлығы дәл осы компанияның мойынында. Орталыққа аудан тұрғындары ғана емес, Сүттіқұдық, Сунақата, Төменарық, Қарғалы, Алғабас, Бала би сынды ауыл тұрғындары да тапсырыс беретін болып шықты. Ал мұндай қызмет үшін олар 50 мың теңгеден бастап ақы алаlы. Шаршы метрі – 350 теңгеден басталады. Демек, бағасы қолжетімді. Әрі әмбебап орталық жуырда заңды түрдегі орталықтардың біріне айналып үлгерді.<blockquote>“Біздің компанияның құрылғанына 2 жылға жуық уақыт болды. Жақын арада заңды түрде жұмысымызды бастадық. Бұл – біз үшін үлкен қуаныш. Өйткені «клининг» орталықтары қазіргі таңда өте қажетті болып табылады. Заман дамыған сайын, сұраныс та жоғарылайтыны жасырын емес. Десек те, аудан халқы бұл нәрсені әлі күнге дейін дұрыс түсіне алмай жүр десем де болады. Әсіресе, бұрынғының адамдары. Олардың басым көпшілігі мұндайды бос шығын деп ойлайды. Бірақ мен олай айтпас едім. Қазір бұрынғыдай заман емес. Адамдардың барлығы таңнан кешке дейін жұмыс істегендіктен, үй жинауға, тұрмыстық техникаларды тазалауға мүмкіндігі бола бермейді. Мұндай жағдайда біз бірден көмекке келуге тырысамыз. Тек қана үй жинау, тазалау жұмыстарын жүргізбейміз. Газ, тоңазытқыш, таттанып қалған пештерді темірлерді, шаң басқан жиһаздарды шетелден келетін қымбат жуғыш құралдармен тазалаймыз. Мұндай жуғыш заттардың еш ¬зияны жоқ. Керісінше, үйдегі, кеңселердегі көзге көрінбейтін бактериялардан тазартады. Ал көптеген адамдар аптасына бір рет үйлерін жақсылап жинап, жудық деп ойлайды. Ақиқатында, дүкендерде сатылатын жуғыш құралдардың сапасы сын көтермейтіндігін біле бермейді. Бүгінде біздің компанияға хабарласып, тапсырыс берушілер баршылық. Бір айда кем дегенде он шақты үйді мұнтаздай етіп, алғысын аламыз. Командамдағы бес жұмысшы айлыққа емес, күн сайынғы ақыға жұмыс істейді. Елу проценті оларға, ал қалғаны маған қалады. Мен ол ақшаға арнайы жуғыш машиналар мен құрал-жабдықтар сатып аламын. Бір жағынан мемлекет тарапынан қолдау болса деп ойлаймын. Себебі, біздің компанияның құрал-жабдықтарын тасуға арнайы көлік ауадай қажет. Алдағы уақытта өз бизнес жобамды қорғап, жұмысымды әрі қарай жандандарғым келеді”, – дейді компанияның негізін қалаушы Ақмарал Тұрғанбекова.&nbsp;</blockquote>Иә, жоғарыда айтқанымыздай, мұндай шағын кәсіп түрі көптеген адамдар үшін таптырмас мүмкіндік. Алайда оның қараңғы тұсы да жоқ емес. Мәселен, мұндай қызмет түрі пайда болғалы бері жұмыс істеуден жалтарып бара жатқандар саны күрт көбейді. Еселі еңбекті сүйетін, аянбай тер төгуді қалайтын ауыл тұрғындары үшін бұл тақырып ұнамсыз. Клининг орталықтарының көбейгенін құптамайтындардың қатарында Қалима апа да бар.&nbsp;<blockquote>“Мен қарапайым ауыл тұрғынымын. Өзіміз үй тазалайтын орталықтарының не екенін білмей өстік. Есімде, бала күнімізде анам қазанның күйесін лай мен құмның көмегімен тазалайтын. Біз де соны көріп өстік. Ештеңесі жоқ, химиялық қоспаларға қарағанда сол әлдеқайда жақсы. Әрі мұнтаздай етіп шығарады. Қазіргі заттардың көпшілігінің құрамында адам денсаулығына зиянды қоспалар көп. Менің үш бірдей келінім бар. Жасырып қайтем, олар сіздер айтып отырған «Клиниг» орталықтарының көмегіне жиі жүгінеді. Үшеуі де мемлекеттік қызметте. Үйде көп болмайды. Аптасына бір рет үй тазалауға ерінеді. Бір сөзбен айтқанда, үй шаруасын істегілері келмейді. Ал мен оны дұрыс деп ойламаймын. Немерелерім бой жетіп келеді. Олар аналарынан көргенді үйренеді емес пе? Меніңше, «клининг» орталықтарының көбейгені дұрыс емес. Болса да, мұндай қызмет түрін үй жинауға емес, кеңселер мен мейрамханаларды тазалау үшін пайдаланған дұрыс. Онсыз да әлеуметтік желінің әлегінен шыға алмай жүрген қоғамды мұндай дүниелер жалқаулыққа тәрбиелейді”, – дейді Сұлутөбе ауылының тұрғыны.&nbsp;</blockquote>Тараптың екіге бөлінетіні ақиқат. Бірі дұрыс десе, енді бірі бұл тақырыпқа теріс пікір білдіруі де заңды. Ал «клининг» қызметкерлерін алдап апанға түсіретіндерге не дерсіз? Иә, иә. Шалыс оқыған жоқсыз. «Клининг» орталықтарының кейбір басшылары өз қызметкерлерін уақытша пайдаланып, келісілген ақшаны бермейтін көрінеді. Әсіресе, Астана, Алматы қалаларында заңсыз жұмыс істейтіндер дипломы жоқ, алайда екі қолға бір күрек таппай жүргендерді осылай алдайтын болып шықты. Бұл тақырып та жуырда әлеуметтік желіде біраз шуға айналған еді. Мәселенің тереңіне сүңгитін болсақ, бұл тақырыпты әлі де біраз зерттеуге де болар еді. Бірақ біз де осы жерден аялдайық. Әркім өзі білер. Жұмысты жеңілдететін, қолыңды ұзартатын орталықтардың көбейгені көңілге шаттық ұялатады. Бірақ жалқаулыққа салынып, арулардың ақсаусақ болғаны да дұрыс емес. Арғы жағын оқырманы өзі саралай жатар.

Ауданда «Cleaning_shieli» компаниясының көмегіне жүгінетіндер көп

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облысы әкімінің бірінші орынбасары Серік Қожаниязов жылу беру нысандарын аралап, алдағы жауапты маусымға дайындық барысымен танысты.«Қызылордажылуэлектрорталығы» МКК өткен жылу беру кезеңінде штаттық режимде, кедергіз жұмыс атқарды. Алдағы жылу маусымына дайындық жұмыстарын жүргізу кестесі бекітілді. Кәсіпорын өз қаражаты есебінен БКЗ-220, КЕ-25 типті бу қазандықтарын күрделі жөндеуді, бу турбинасын ағымдағы жөндеуді жоспарлап, жұмыс басталды.Кәсіпорынның 2 газтурбиналық қондырғысын күрделі жөндеуге облыстық бюджеттен қаржы бөлінді. Бүгінде мемлекеттік сатып алу процедуралары аяқталып, келісім-шарт жасалуда.Жалпы облыс бойынша 208 шақырым жылу желілері бар, оның 47%-ның тозығы жеткен. Тозу деңгейін төмендету үшін биыл республикалық бюджеттен 8 жобаға қаржы бөлінді. Оның 2-уі бойынша жұмыс жүргізілуде, қалған жобалар бойынша келісім-шарт жасалып, жұмыс басталуда. Сондай-ақ, облыстық бюджет есебінен жылу желілерін техникалық зерттеу жүргізілуде.Кәсіпорын жұмысымен танысқаннан кейін Серік Салауатұлы жөндеу жұмыстарының сапалы атқарылуын, алдағы жылу беру маусымына дайындықты қатаң қадағалауды тапсырды.Еске салсақ, Қызылорда қаласында құны 215 млрд. теңгені құрайтын, қуаттылығы 240 мегаватқа жететін жаңа жылу электр станциясын салу бойынша дайындық жұмыстары жүргізілуде. «Акса Энерджи Уретим Аноним Ширкети» компаниясының Қызылорда қаласында филиалы ашылды. Қазіргі уақытта жоба-сметалық құжаттамалары әзірленуде. Бас жобалаушы болып швейцариялық «AFRY» компаниясы таңдалды. Бүгінде компания жерді тегістеп, инженерлік-геодезиялық жұмыстарды, қондырғы өндірушілермен келісім-шарттар жасауда. Жобаны аяқтау мерзімі 2025 жыл.

Cерік Қожаниязов жылу электр орталығының жұмысымен танысты

<a href="https://kyzylorda-news.kz/ru">Kyzylorda-news.kz.</a>&nbsp;Бүгінде көп жастар шет ел асып білім жолын қуғанды құп көреді. Осыдан соң өзге елдің мәдениеті, тұрмыс-тіршілігімен танысып келген олардың ойлау қабілеті де қарымды болары сөзсіз. Кез келген ортада ерекшеленіп, ойын ашық айтып, көпшілікпен тіл табысып кетуі де тез. Тіпті шет елде сапалы білім алып, білікті мамандар қатарын толықтыруы үшін барлық мүмкіндіктер қарастырылған. Қазірдің өзінде әлемнің үздік жоғары оқу орындарында білім алып жатқан қазақстандықтар қаншама?! Мұндай жастар қатары Қазалы ауданында да бар. Жуырда Түркияның Нийде қаласында орналасқан Омер Халисдемир университетінде білім алып жатқан жерлесіміз Айсәуле Қаржаубаймен сұхбаттасудың сәті түсті.– Айсәуле, өзге елде білім алу туралы ой қайдан келді? Әлде Түркияда оқу туралы ұсыныс жасағандар болды ма?– Нақты біреу жол көрсетті деп айта алмаймын. Өйткені шет ел көру менің бала күнгі арманым болатын. Алып мемлекеттерді аралап, олардың тұрмыс-тіршілігімен танысып, саяхаттауды қалайтынмын. 2020 жылы №266 мектеп-лицейді бітіргеннен кейін Түркияның Нийде қаласындағы Омер Халисдемир университетіне құжат тапсырдым. Бағыма орай осы білім ордасының студенті атану бұйырды.Шынында шет елге кетіп білім жолын қуамын деген адамға мүмкіндік өте көп. Оған елдегі бағдарламалар дәлел. Соның арқасында талай жас өзге мемлекеттерде болып, өзін шыңдап келді. Бірақ мен бағдарламамен емес, тікелей осында келдім. Ал Түркиядағы білім ошақтарына «Түркия бурслары» деген бағдарламамен де түсуге болады.– Бүгінде шет елде білім алған қазақстандықтардың көпшілігі сол жақта қызметте қалуды көздейді. Сізде мұндай ой жоқ па?– Рас. Жат елге жеткен жеткіншек әуелгіде онда үйренісе алмағанымен, кейін сіңісіп кетеді. Сосын ондағы мүмкіндіктің көп екенін, жұмыс орындарда жалақының жоғары екенін айтып тұрақтап қалады. Мүмкін ол да дұрыс шығар. Алда не күтіп тұрғанын білмейміз. Мен де нақты ештеңе айта алмаймын. Барлығы уақыттың еншісінде. Бірақ әрбір жат жердегі қазақ баласы сол жақта алған тәжірибесімен Қазақстанға келіп жұмыс жасауы қажет.– Түркияға барған бастапқы уақыттағы өзгерістерді қалай қабылдадыңыз? Тіл мәселесі қаншалықты қиындық туғызды?– Әрине ол уақыт алды. Бірақ мәдениеті мен тілімізде ұқсастық болғаны үшін аса қатты қиын болмады. Түріктер өте қонақжай халық. Мұнда «қазақпын» десеңіз, жылы қабақ танытып, өздеріне жақын тартады. Күлімсіреп, ашық әңгімелерін айтады. Бастапқыда сөйлесу, түсінісуді білгеніммен өз мамандығымдағы терминдер қиындық тудырғаны рас.Айтпақшы, мұнда шет елден келген студенттер бірден оқуды бастап кете алмайды. Ол үшін сіз арнайы 1 жыл тіл курсынан өтіп, сертификат алғаннан кейін ғана сабақты бастап кете аласыз.– Түркияны сипаттап берсеңіз? Сол жақтағы жерлестер жиі бас қосып тұрасыздар ма?– Қонақжайлылығынан қазақтан кем түспейтін түрік ұлты үйіне келген қонақты жоқ дегенде бір кесе шай ішкізбей жібермейді. Қазақтармен бірге өскен түріктер арасында нан ауыз тию салты да қалыптасқан. Алғыс айту, кешірім сұрау қарапайым түрік ұлтына тән қасиет.Жалпы мұсылман қауымның әдет-ғұрыптары бірдей болмаса да, ұқсас келеді ғой. Мысалы, түріктер де туыстық жақындықты әке жағынан есептейді. Қазақтар сияқты құда түсу салты да бар. Мұнда жаңа жыл немесе туған күн деген жоқ. Көбіне тойлана бермейді. Сосын біз білетін «Тутамас» әнін Түркияда айтуға болмайды. Білуімше, осы әннің әсерінен сәтсіз махаббатқа ұшыраған жасөспірімдер әннің сөзін қағазға жазып, өмірімен қош айтысқан. Сондықтан бұл туындыны орындауға қатаң тыйым салынған.Түркияда білім алып жатқан Қазақстандықтар аз емес. Көбіне сабақтан босай бермейміз. Дегенмен ара-тұра мерекелерде, демалыстарда бас қосып тұрамыз.– Білуімізше, архитектор мамандығын алып шығасыз. Неге бұл мамандықты таңдадыңыз? Алдағы уақытта елден осы салада жұмыс таппай қаламын деп қорықпайсыз ба?– Жаныма жақын болғаны осы мамандық. Бұл сала ешқашан өз маңыздылығын жоғалтпайды. Яғни, құрметті мамандық деп толықтай айта аламын. Архитекторлар болмаса қала жобалары көріксіз болар еді. Мұнда суретшілік өнерің болмаса барлығы қиын болады. Әртүрлі құрылыстың дизайндарын ойластырып, үздіксіз шығармашылық жұмыстарын жасап жүруің қажет. Елде осы салада еңбек етіп жатқан жандар жеткілікті. Оның үстіне, білікті маман кез келген жерден жұмыс таба алады. Мен де өз саламның үздігі болу үшін қазіргі таңда көп ізденіс үстіндемін.– Қазақстанда сәулет-құрылыс өнері қандай деңгейде? Біздің елдегі осы тұрғыда жасалған жұмыстар туралы не айтасыз…– Қазақстанның тарихи және заманауи архитектурасы өте бай. Біздегі бір ерекшелік – жаңа туындыларда заманауи архитектураны ғана қолданып қана қоймай, тарихи сәулетімен ұштастырып ерекше туынды шығаруы. Сондықтан да сәулет-құрылыс өнерінің деңгейі жоғары.Маған Нұр-Сұлтан қаласының архитектурасы қатты ұнайды. Сондай-ақ ондағы осы саладағы мамандар әр уақытта әлем назарын аудартар жаңа туындылармен таң қалдыруын жалғастыруда. Өз басым алдағы уақытта сәулет өнерін дамытуға үлкен үлесімді қосқым келеді. Көптеген елдің сәулет өнерімен танысып, ерекше туындылар жасағым келеді.– Әңгімеңізге рақмет!

Айсәуле Қаржаубай: Білікті маманға жұмыс қай кезде де табылады

<a href="https://kyzylorda-news.kz/">Kyzylorda-news.kz.</a> Қызылорда қаласындағы Мұхамедғали Сужиков атындағы №6 мектепте &nbsp;«Өнер – өшпес қазына» апталығы аясында «Мамандығым – өмірлік кәсібім» тақырыбында кездесу өтті. Түрлі сала мамандары қатысқан шарада мектептің бітіруші түлектері, яғни 9 және 11 сынып оқушылары өз сұрақтарын қойып, алдағы жоспар-мақсаттарымен бөлісті.Кездесуге Қызылорда облыстық «Жастар ресурстық орталығының» психолог маманы Г.Нетбаева, «Дана» дамыту орталығының құрылтайшысы, практик-психолог Г.Бабаомарова, «Локомотив» депосының ардагер қызметкері Т.Нұрмаханов, «Мади Қажы» жауапкершілігі шектеулі серіктестігінің агрономы Д.Орынбеков және М.Мәметова атындағы Жоғары педагогикалық колледжінің тәжірибе бөлімінің басқарушысы А.Жалдыбаевалар арнайы қатысты. Шара қонақтары мектеп оқушыларына мамандық таңдаудың маңыздылығын айтып, өз қызметтерінің қыр-сырымен бөлісті.Сонымен мамандық таңдауда оң шешім қабылдаудың, өзінің бойындағы қасиетін танудың, дұрыс шешім қабылдаудың оң тұстары жайлы кеңестерін берді. Оқушылар қонақтармен сұхбаттасу барысында өздерін &nbsp;мазалаған сұрақтарына жауап алды. Психолог мамандары мамандық таңдауда нендей жайттарға көңіл бөліп, назар аудару керек екенін атап өтті. Мамандарға ситуациялық сұрақтар қойылып, оқушылармен психологиялық тест ойнатылып, қатысушы оқушылар көптеген жаңа мағлұмат алды.Кеш соңында маман иелері бітіруші түлектерге сәттілік тілеп, жақсы маман иелері болуларына тілектестік білдірді.

Қызылордадағы мектепте «Мамандығым – өмірлік кәсібім» атты кездесу өтті

<a href="https://kyzylorda-news.kz/">Kyzylorda-news.kz.</a> Бүгін «Белсенді ұзақ өмір» орталығы жанынан құрылған «Аталар» ансамблінің «Ардагерлерді ардақтайық!» атты 10 жылдық мерекелік кеші өтті.&nbsp;Мерекелік шараға облыстық ардагерлер кеңесінің төрағасы Серік Дүйсенбаев, қала әкімінің орынбасары Жанмұрат Сейілов арнайы қатысты. Айналасын думанға бөлеп жүрген, сегіз қырлы талант иелері – ардагерлер биыл ансамбльдің 10 жылдық белесін бағындыруда. Шараға келген қала әкімінің орынбасары Жанмұрат Сейілов ардагерлерді құттықтап, сый-құрмет көрсетіп, олардың иығына шапан жапты. &nbsp;<blockquote>«Бұл мерейлі сәт туған жеріміздің рухани дамуына және бай мәдени мұрамызды дәріптеуге зор үлес қосып жүрген шығармашылық адамдарына деген айрықша ілтипаттың белгісі. Елді ұлттық мәдениеттің қайнарына сусындатып, берекесі мен бірлігіне ұйытқы болып, жастарға лайықты үлгі көрсетіп келе жатқан Сіздерге деген құрметіміз ерекше. Алдағы уақытта да халықпен етене жұмыс жасап, ел мерейін көтерер әндеріңізбен қуанта береді деп сенемін. Киелі өнер жолында қасиетті Сыр өңірін елге танытып, биік тұғырдан көрсетіп жүрген баршаңызға зор денсаулық, шығармашылық табыс, отбасы-ордаларыңызға бақ-береке тілеймін», – деді қала әкімінің орынбасары Жанмұрат Жақсымұратұлы.</blockquote>Өнер ұжымы еліміздің бірқатар аумақтарында гастрольдік сапарда болып, көрермендерді өз өнерлерімен сусындатып келеді.Алғашқыда «Аталар» ансамблі 2013 жылы «Зейнеткерлер мен мүгедектерге әлеуметтік қызмет көрсету аумақтық орталығында қызмет алушы 7 ардагерден құралған. Қазіргі таңда ансамбль құрамында бес түрлі маман иелері өнер көрсетеді. Күләй Сағындыққызының бастамасымен негізі қаланған «Аталар» ансамблі бүгінде республикалық, облыстық, қалалық мәдени шараларға белсене атсалысып келеді және республикалық байқаулардың лауреаты атанған шығармашыл ұжым.

Қызылордадағы «Аталар» ансамбліне 10 жыл толды

<a href="https://kyzylorda-news.kz/">Kyzylorda-news.kz.</a> Қазіргі таңда Батыс Қазақстан облысына келісімшарт негізінде Сыр елінің азаматтарын шекара қызметіне жұмысқа шақырту белсенді түрде жүргізілуде.&nbsp;Бұл шараның басты мақсаты - Қызылорда облысының 18-32 жас аралығындағы азаматтарды бос лауазымдарға орналастыру болып табылады. Бұл жайында Өңірлік коммуникациялар қызметінің ақпарат алаңында өткен брифингте ҚР ҰҚК Шекара қызметі Батыс Қазақстан облысы бойынша департаменті бастығының тәрбиелік, идеологиялық және кадрлар жұмыстары жөніндегі орынбасары Қожахмет Дангулбеков мәлімдеді.<blockquote>«Батыс Қазақстан облысының шекара қызметінде еңбек етемін деуші жастар ең алдымен үш жылға келісімшартқа отырады. Содан кейін ұзақ мерзімге екі жақты келісім бойынша өз қызметін жалғастыруға мүмкіндік қарастырылған. Мұнда әскери қызметкерлер үшін жалақыдан бөлек, қосымша төлемдер беріледі. Мәселен, әскери қызметкерлер келісім шартқа отырған сәттен бастап оларға арнайы есепшот ашылып, тұрғын үй үшін қаржы бөлінеді. Ал қызметкердің отбасылары жалдамалы пәтерде тұрған жағдайда пәтер төлемін шекара қызметі толықтай өз мойнына алады. Одан бөлек, жас отбасылардың балалары үшін мектеп пен балабақшаға баруын қамтамасыз ететін боламыз. Әскери қызметкерлердің жұмысқа деген ынтасын ояту мақсатында түнгі кезекшілікке шыққан әрбір азаматтың жалақысына қосымша төлемдер төленеді. Алдағы уақытта әскери бөлімше жанынан әскери қызметкерлерге арналған 60 пәтерлік тұрғын үй салу жоспарлануда», - деді Қожахмет Нұрғалиұлы.&nbsp;</blockquote>Қызметке орнасақан азаматтар ай сайын төлемақыға ие болады.<blockquote>«Әскери қызметке орналасқан азаматтар ай сайынғы ақшалай төлемақымен, еңбек демалысымен, киім-кешекпен, тегін медициналық қызметпен қамтамасыз етіледі. Бұл ретте әскери қызметке баруға ниетті азаматтар ҚР Қорғаныс министрлігінің мамандандырылған ұйымдарында əскери даярлықтан өткен және психологиялық тұрғыда мықты, кәсіби білімі бар азамат болуы міндетті», - деді Батыс Қазақстан облысы бойынша департаментінің кадрлар бөлімінің жауапты орындаушысы Ерлан Тажиев.&nbsp;</blockquote>

Архив