<a href="https://kyzylorda-news.kz/">Kyzylorda-news.kz</a> Аягөз қаласындағы әскери бөлімшелердің бірінде сарбаз жарақат алып, көз жұмды. Бұл туралы <a href="https://stan.kz/ayagozdegi-askeri-bolimshede-sarbaz-zharakat-alip-koz-z-401728/">Stan.kz </a>ақпарат агенттігі хабарлайды.Қорғаныс министрлігінің мәліметінше, 13 маусым күні оқу-жаттығу барысында қауіпсіздік ережелерінің сақталмауына байланысты Аягөз гарнизонындағы әскери бөлімдердің бірінің мерзімді қызметтегі әскери қызметшісі жарақат алып, көз жұмған.Аталған факті бойынша қызметтік тексеріс тағайындалып, қылмыстық іс қозғалды."Өміріне қауіп төніп тұр": Заңгер алты ай комада жатқан сарбаздың анасын ауруханаға кіргізуге тыйым салғанын мәлімдеді“Кінәлі және лауазымды тұлғалар қылмыстық кодекс және тәртіптік жарғы аясында тиісті жауапкершілікке тартылатын болады. Қарулы күштер әскери қызметшінің туған-туыстары мен жақындарына орны толмас қайғысына ортақтасып, көңіл айтады. Оларға барлық көмек көрсетілетін болады”, – делінген министрлік хабарламасында.Еске салсақ, бұған дейін Жамбыл облысында 1 ай бұрын ғана әскерге аттанған сарбаздың жансақтау бөліміне түскені туралы жазған едік.&nbsp;Фото: gov.kz

Аягөздегі әскери бөлімшеде сарбаз жарақат алып, көз жұмды

<a href="https://kyzylorda-news.kz/">Kyzylorda-news.kz</a>&nbsp; Қызылорда облыстық білім басқармасының ұйымдастыруымен «Қазақстанның балалар саудасына қарсы іс-қимылы» тақырыбында онлайн семинар-кеңес өтті.&nbsp;Өткен жылдың жалпы статистикасы бойынша адам ұрлау фактісінінен көбіне балалар мен жасөспірімдерзардап шеккені мәлім болды.&nbsp;Ресми ақпаратқа сәйкес, 2023 жылдың басынан осы санаттағы 124 қылмыс тіркелді. Ішкі істер министрінің бірінші орынбасары Марат Қожаевтың айтуынша, былтыр Қазақстанда адам саудасына қатысты 19 факт тіркелген. Жезөкшелікпен айналысуға тарту – 10 (соның ішінде кәмелет жасқа толмағандарға қатысы 5 қылмыс), адам ағзаларын сату – 4, қанау мақсатында бас бостандығынан заңсыз айыру – 4, притондарды ұстау, жеңгетайлық – 79. Ұйымдасқан қылмысқа қарсы күрес департаментінің бастығы Қанат Нұрмағамбетовтың айтуынша, жақында кезекті рет "STOP трафик" жедел шарасы өтті. Соның нәтижесінде 39 қылмыс анықталды. Екі келіншек туған баласын сатқысы келген. Біреуі Шымкентте құрыққа ілінген.&nbsp;Семинар-кеңеске облыстық білім басқармасының қызметкерлері және аудан бойынша білім бөліміндеріндегі салаға жауапты мамандар қатысты.Аталған семинарда «Адам саудасына қарсы жүргізіліп жатқан жұмыстар» тақырыбы бойынша Қызылорда қаласындағы «GSC study» оқу орталығының ағылшын тілі маманы, бала саудасына байланысты облыстық координатор Рахымжанова Жанар Сабитқызы атап өтіп, «Қазақстанның балалар саудасына қарсы іс-қимыл» тақырыбында Шиелі ауданы бойынша білім бөлімінің бас маманы, бала саудасы бойынша Шиелі ауданының координаторы Бөпежанов Талғат Уалиханұлы жоба қорғады.&nbsp;Осы мәселе бойынша Қазақстанда адам саудасы үшін заң күшейтілетіні хабар болды. Заң бойынша ондай қылмыстар үшін 18 жылға дейін бас бостандығынан айыру жазасы қарастырылған.&nbsp;Өткен жылы ел Президенті «Құқық қорғау саласындағы тағы бір күрделі мәселе – адам саудасы. Бұған тосқауыл қою үшін арнайы заң қабылдау қажет» деп заңға өзгерістер мен толықтыруларды қосуды тапсырған болатын. Айтуынша, мұндай заң адам саудасының құрбаны болған азаматтарды қорғау мен әлеуметтік қолдауды қамтамасыз етеді.<blockquote>– Бұл, әсіресе, жаһандық және өңірлік мәжбүрлі көші-қон жағдайында өте өзекті, – деді мемлекет басшысы.</blockquote>Өңірде өткен семинар қорытындысы бойынша аудандағы атқарылып жатқан жұмыстарға оң баға берілді.&nbsp;Еске сала кетейік, жыл басынан бері республикада жаңа туған нәрестелер саудасының 3 фактісі тіркелді. Баланың құны 100 мың теңгеден 2 млн теңгеге дейін бағаланады.&nbsp;&nbsp;Қорлан САРЫ Фото: otyrar.kz

«Қазақстанның балалар саудасына қарсы іс-қимылы» тақырыбында семинар өтті

<a href="https://kyzylorda-news.kz/">Kyzylorda-news.kz</a>&nbsp; Жүректерді жаулап, көп жанкүйердің өмірлік қызығушылығына айналған спорттың бірі және бірегейі – футбол. Қызылордалық «Қайсар» &nbsp;футбол командасы өткен маусымды 6-орынмен аяқтаған болатын. &nbsp;Алдыңғы айда өз алаңында Астананың «Жеңіс» командасын қабылдады. Одан кейін маусым айында Қостанайда «Тобыл» командасымен текетіресіп, 1:0 есебімен қарсыластан оза шыққан болатын. Тәжірибелі қарсыластарының осал тұсын тауып, биылғы біріншіліктегі үшінші жеңіске қол жеткізді. Осы аптаның жұма күні &nbsp;қайсарлықтар өз алаңында түркістандық «Тұран» командасын қабылдайды.&nbsp;Айта кетейік, Қызылордада заманауи стадионның құрылысы басталды. Спорттық нысан УЕФА халықаралық ұйымының талаптарына сай салынады. Сыр жанкүйерлері көптен күткен футбол аренасының іргетасын қалау рәсіміне ел азаматтарымен бірге Қазақстан ұлттық құрамасының капитаны Асхат Тағыберген қатысып, көпшіліктің қуанышына ортақтасты.Тәуелсіз еліміздің тарихында Астана, Түркістан қалаларынан кейін үшінші заманауи стадион Сыр өңірінде бой көтеріп жатыр. Сондықтан, бұл аймақ үшін айтулы оқиға. Ауқымды жобаның құрылысы екі жылға созылады. Оның сыйымдылығы 10 мың орынға лайықталып, трибуналары ағылшындық ареналардың үлгісіндей жасыл алаңға жақын орналасатын болады.Қайсар командасынан Қазақстанның ұлттық құрамасына бұл жолы ешкім шақырту алмағанымен, осы күнге дейін Қазақстан Республикасының Ұлттық құрама командасына облыстан 552 спортшы енген. Қазіргі ұлттық құраманың капитаны экс-Қайсар ойыншысы, қызылордалық футболшы Асхат Тағыберген. Осы орайда еліміздің ұлттық футболына шағын шолу жүргізе кетсек.<h2 style="text-align:justify;">Тарих тақтасы</h2>Ең алғаш Семейде ССК, «Олимп», «Ласточка», «Орлята» және «Ярыш» атты футбол командалары пайда болды. Зерттеулерде спорттың бұл түрін қазақ жеріне ағылшын саудагерлері әкелді деген деректер бар.«Ярыш» – Семейде құрылған тұңғыш футбол командасы. Сондайақ халықаралық бәсекеде бақ сынағандардың ең біріншісі де осы команда. Ал 1921 жылы Жамбыл қаласында Қазақстандағы алғашқы футбол алаңы қолданысқа берілді. Десек те жеңістің тәтті дәмін сезіну 1940 жылы бір-ақ бұйырды. Бұл Қазақстанның бүкілодақтық деңгейде жеткен ең бірінші жеңісі еді. Алматылық «Динамо» Таганрогта өткен КСРО-ның Денешынықтыру ұжымдары кубогының финалындағы екінші матчта алаң иелері «Торпедо» құрамасын 3:1 есебімен ұтқан еді. Осылайша қазақ футболының іргетасы қаланды.<h2 style="text-align:justify;">Мұхтар Әуезов – футболшы</h2>Есімі әлемге мәшһүр «Абай жолы» роман-эпопеясының авторы Мұхтар Әуезовтің футболмен айналысқанын білесіз бе? Ол «Ярыш» командасының сапында дөп теуіп, әдемі ойын көрсете білген белді ойыншы болған екен. Оның футбол әлеміне еніп, із қалдыруына Николай Купрянов есімді саудагер әсер еткен. Николай Купрянов Семейге келген кезінде онымен жүздескен алғашқы қазақ баласы Мұхтар болған. Жазушының ала доп тебуге деген талпынысын аңғарған Купрянов Мұхтарға футболдың ережесі мен тәртібін үйреткен. Жас Мұхтардың футболға деген ынтаықыласы терең болған. Оның алаңдағы позициясы – жартылай қорғаушы. Команданың жүлделі ойыншысы болған ол кейіннен «Ярыш» газетіне материалдарын жарыққа шығарып, спорт мәселесін, сонымен қатар әзілсықақ, сын-сатираларды жариялап отырған.<h2 style="text-align:justify;">«Әттеген-айы» аз емес</h2>Қазіргі қазақ футболына ойыссақ. Қазақстандағы футбол қарыштап тұр немесе төмен дәрежеде деу қиын. Оған себеп те, дәлел де көп. Мысалға келтіретін де дүние аз емес. ФИФА-ның мәліметтері бойынша, ең үздік деген нәтиже 2016 жылы Қазақстан ұлттық құрамасы 83-ші орынға жайғасқан кезде болған еді. Алайда қазір Қазақстан ұлттық құрамасының рейтингі едәуір төмен түсіп тұр. Елдер арасында 100- ші орынға табан тіреп, сәуір айында 103-ші орынға дейін түсіп кеткені мәлім болды. Десек те Қазақстанның футзалдан ұлттық құрамасы ФИФА мәліметтері бойынша әлемде 8-ші орынға жайғасқан. Еуропадағы үздік құрама деп танылған футзалдың ұлттық құрамасы УЕФА рейтингісі бойынша 4-ші орынға тұрақтап тұр.Магомед Адиевтің тәлімгерлігімен ел намысын қорғаған жігіттердің соңғы матчы 21 наурыз күні өтті. Ұлттар лигасында Люксембург құрамасымен текетірескен ұлттық құрама 1:2 ұпаймен ұтылып, нәтижесінде ЕУРО 2024-ке қатысу мүмкіндігінен айырылып қалды. Бұл матчты тамашалаған көп қазақ жанкүйер наразылық танытып, әлеуметтік желі біраз шулаған еді.Ұлттық құраманың экс бас бапкері Магомед Адиевтің кезінде 21 матч өткізіп, 11-і жеңіспен аяқталды. 9 матчта топ жарған ұлттық құрама тек 1 ойында қарсыласымен тең түсті. 21 матчта қарсыласқа 28 гол салып, 29 голды тасада қалдырған.Мамыр айының соңында бас бапкерлік қызметін босатқан Адиевтің орнына ресейлік Станислав Черчесов келді. Бапкерлік мансабында Ресей чемпионатының күміс жүлдегері, Польша чемпионы, Польша кубогының жеңімпазы, 2018 жылғы әлем чемпоионатының ¼ финалында Ресей құрамасына тәлімгерлік етіп, Мажарстан чемпионы, Мажарстан кубогының иегері атанған. Черчесовтың Қазақстан құрамасындағы бапкерлік дебюті қыркүйек айында өтетін Ұлттар лигасындағы Норвегиямен өтетін матчта болады деп күтілуде. Оған дейін бас бапкердің міндетін Руслан Балтиев атқарады. Осы орайда кеше ғана ұлттық құрама Армения құрамасымен жолдастық кездесуде болғанын айта кетсек. «Жақсы командаға қызықты ойын болады» деп болжам жасалған матчта ұлттық құрама 1:2 есебімен алаң иелеріне есе жіберді. Ал одан кейін Әзірбайжан ұлттық құрамасымен жолдастық матч өткізіп, 3:2 есеппен жеңіліс тапты.<h2 style="text-align:justify;">Құрамның құрылымы қандай?</h2>Ұлттық құрамада қазақстандық клубтардың сұрмергендері мен кіл озық ойын үлгісін көрсете білетін мықтылар жиналған. Құрамда 34 футболшы бар. Атап айтсақ, 3 қақпашы, 12 қорғаушы, 9 жартылай қорғаушы және 3 шабуылшы. Ұлттық құраманың капитаны қызылордалық Асхат Тағыберген.Қазақстанда үміт күтетін футболшы аз емес. Солардың бірі Нұралы Әліп, Бақтияр Зайнутдинов, Абат Айымбетов, Рамазан Оразов, Арман Кеңесов, Максим Самородов және өзге футболшылар. Бұл тек сол тізімнен ерекше көзге көрініп, салмақты ойын көрсете білген аяқдопшылар.Түйін. Футбол – Қазақстанда қарқынды дамып келе жатқан спорт. Біздің футболшыларға әлі де ала доппен тиянақты ойын көрсету үшін көп жаттығып, дұрыс әдіс-тәсілді қолдану қажет. Бұл бапкер мен спортшының кәсіпқойлығына байланысты. Ұлттық құрам әдемі ойын көрсету үшін үздіксіз оқу-жаттығу жұмыстарын жүргізуде. Мұны олардың әлеуметтік желісінен де байқауға болады. Бірақ нақты техникасыз, дұрыс жүйесіз жеңістің ауылынан алшақтай береміз.Футболға әрбір ойыншы кәсіби көзқараспен қарап, ұжымдық және командалық тактиканы шабуылда келістіре ойнау қажет. Қарсыластан екі қадам тез ойланып, оның ойнау машығына ерекше мән беруі тиіс. Сондай-ақ алаңдағы атмосфера мен жанкүйердің оған деген сенімін сезінудің де өзіндік ерекше әсері бар. Қазақ футболында өзгерістер аз орын алып жатқан жоқ, қолдау да жеткілікті. Мәселен, ел Президенті Қасым-Жомарт Тоқаев күні кеше «Атлетико Мадрид» футбол клубының президенті Энрике Сересо Торресті қабылдап, қазақ футболын ілгерілетуге ықпал жасайтын бастаманы қолға алды. Мемлекет басшысы футболды дамытуға жан-жақты қолдау көрсетуге дайын екендігін білдірді. Жоба аясында испаниялық клуб қазақ жерінде академия ашып, футболсүйер жас таланттарды баптайтын болады. Қорлан САРЫФото:krasnogvar56.ru

«Қайсар» футбол құрамасы «Тұранды» қабылдайды

<a href="https://kyzylorda-news.kz/">Kyzylorda-news.kz</a> Астанада 17 жастағы&nbsp;жасөспірім Есіл өзеніне батып кетті.&nbsp;Бұл туралы&nbsp;<a href="https://stan.kz/astanada-esildi-zhuzip-otemin-dep-bas-tikken-zhasospiri-401736/">Stan.kz&nbsp;</a>ақпарат агенттігі хабарлайды.12 маусымда Астанада жасөспірім өзеннің бір жағасынан екінші жағына жүзіп өте аламын деп достарымен бәстескен. Бірақ бәс қайғылы оқиғамен аяқталды. Бала батып кетті.Сағат 19:02-де Астана қалалық ТЖД жедел-құтқару жасағының құтқарушылары жасөспірімнің денесін судан шығарып алды.Фото: Pixabay.com

Астанада Есілді жүзіп өтемін деп бәстескен жасөспірім суға батып кетті

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Мемлекет басшысының «Әкімдердің халықпен кездесулерін өткізу туралы» Жарлығына сәйкес Ақжар, Ақтөбе ауылдық округтерінің тұрғындарымен кездесті.Президент барлық деңгейдегі әкімдерге жыл бойы халықпен кездесулер өткізіп, оларды толғандыратын әлеуметтік мәселелерге баса назар аударуды, Қазақстанды жаңғыртудың жаңа бағдары туралы хабардар етуді және мәселелерді шешудің жолдары мен мерзімін түсіндіруді тапсырғаны белгілі.Аудан басшысы кездесуде 2024 жылдың өткен мерзіміндегі жетістіктерді саралап, атқарылатын жұмыстар мен алдағы міндеттерге тоқталды.Өткен жылдың желтоқсан айында Ақжар ауылдық округтерінде дәрігерлік амбулатория салынып, пайдалануға берілсе, биыл «Ауыл-Ел бесігі» бағдарламасы аясында бір көшеге жөндеу жұмыстары жүргізіледі. Ауылдың төлқұжатын жаңартуға қаржы қаралып, жаңадан орнатылды.Аймақ басшысының тапсырмасына сәйкес нарықты ішкі өнімдермен толықтыру мақсатында Ақжар ауылында 36 гектар, Ақтөбе ауылында 20 гектар қосымша бақшалық жерлер дайындалып, 112 отбасыға бөлініп берілді. Нәтижесінде 14 гектар картоп, 7 гектар көкөніс, 35 гектар бақша дақылдары егілді.Сондай-ақ, күріш алқаптарын азайтып, ауылшаруашылық саласын әртараптандыру және егісге су ресурстарын ұтымды пайдалану мақсатында Ақжар ауылдық округінде заманауи технологияларды пайдаланып тамшылатып суару тәсілімен бақша және жаңбырлатып суару тәсілімен жоңышқа дақылдарын өсіру қолға алынды.Одан бөлек Ақжар ауылында 2062 гектар, Ақтөбе ауылында 2626 жерге күріш дақылы орналастырылды.Биыл Ақтөбе ауылына 292,7 млн. теңге қаржы бөлініп, ауылдағы ең өзекті мәселелердің бірі электр беру желілері қайта жаңғыртылуда.&nbsp;

Қармақшы ауданының әкімі Ақжар, Ақтөбе ауылдарының тұрғындарымен кездесті

<a href="https://kyzylorda-news.kz/">Kyzylorda-news.kz</a>«Қазақстан – дарынды жастар мекені. Ертең еліміздің абыройын асыратын да – осы талантты ұл-қыздар. Біз олардың өрісін ашып, қарымқабілетін шыңдау үшін бар мүмкіндікті жасауға тиіспіз» деген еді ел президенті Қасым-Жомарт Тоқаев бір сөзінде. Шыны сол, жастарының белсенділігі көңіл серпілтеді.Қармақшы аудан әкімінің қолдауымен 2023 жылдан бастап ауданға қарасты барлық кент және ауылдық округтерге 150 000 мыңнан бастамашыл топтарға шағын грант беріліп келеді. Өткен жылы«Qadam» жастар орталығының ұйымдастыруымен Қоғамдық даму бөлімінің әлеуметтік жобасы аясында 12 ауылдық округ және 2 кентке 150,000 теңгеден грант беріліп, грант нәтижесінде 11 теннис, 2 домбыра, 1 жылжымалы кинотеатр алынып, жастар үшін қызмет етуде.Биыл да аталған жоба жалғасын таптыЖақында аудандық қоғамдық даму бөлімінің «Жастардың бастамаларын қолдау жобасы аясында» «Ай-Қанат» жастар қоғамдық бірлестігінің ұйымдастырумен шағын гранттың комиссия отырысы өтті. Барлық кент және ауылдық округтерден келген бастамашыл топтың жетекшілері жобаларын қорғады.&nbsp;Нәтижесінде 16 бастамашыл топқа шағын грант берілді.<blockquote>Өткен жылы ауылымызда "Үстел теннисі" жобасы қолдау тауып, "COWORKING" орталығына орнатылды. Бүгінде бұл жоба оң нәтиже беріп, тенниске деген жастар арасында қызығушылық артқан болатын. Биыл да бұл жоба өз жалғасын тауып, бүгін аудандық қоғамдық даму бөлімінің «Жастардың бастамаларын қолдау жобасы аясында» «Ай-Қанат» жастар қоғамдық бірлестігінің ұйымдастырумен шағын гранттың комиссия отырысы өтті. Комиссия қорытындысымен 150 000 тг грант қаржысы қанжығамызға байланды. Биылғы жылғы жобамыз «Жылжымалы кинотеатр». Бұл жобаның да жастарға берері көп. Ауыл жастарының кешкі мезгілде бос уақыттарын тиімді өткізу мақсатында ауылдық клуб үйінде айына екі мәрте тегін кино беру жоспарымызда бар. Әсіресе, жаз мезгілінде жастарға бұл үлкен жаңалық болары сөзсіз. Алдағы уақытта бұл жобалар жастар үшін жұмыс жасайтын болады, – дейді Иіркөл ауылдық әкімшілігінің қызметкері Дастан Алманов.</blockquote>

Ауыл жастарына арналған жаңа жоба

<a href="https://kyzylorda-news.kz/">Kyzylorda-news.kz</a>&nbsp; Су − тіршілік көзі, әлем қажеттіліктерінің бірі. Ауыл шаруашылығы, өндіріс, тұрмыс пен экологиялық жүйелерде қолданылатын басты ресурс.&nbsp;Экологиялық жағдайды жақсарту мақсатында осы жылы Қызылорда облысына көл мен шабындық-жайылымдық жерлерді суғаруға 1,2 млрд текше метр су лимиті бөлінген. Ал ҚР Су кодексінің 82 бабы 2 тармағына сәйкес Арал-Сырдария бассейіндік инспекциясы алдағы вегетациялық кезеңге тұрақты суаруға 3,7 млрд текше метр су пайдалану лимитін белгілеген.Биыл еліміздің оңтүстігіндегі бірқатар шаруалар үшін суармалы су беру қызметінің құны арзандаған. Оның қатарында Сыр өңірі де бар. Вегетациялық кезең аясында шаруа иелерімен келісім-шарт жүргізілуде. Бүгінге дейін «Қазсушар» РМК Қызылорда филиалы 811 шаруа қожалығымен келісімшартқа отырды.Суармалы судың арзандауымен қатар су арналарын цифрландыру жүргізілуде. Жүйе Әйтек су торабы мен Әйтек каналына орнатылған. Ал қалған нысандарда автоматтандыру жүйесі енді іске қосылады. Осы бағытта ҚР Су ресурстары және ирригация министрлігі мен Қызылорда облысы әкімдігі бірлескен жоспар әзірлеген. Кешенді жоспарға 16 магистралді және шаруашылықаралық каналдарды цифрландыруға көшіру жобасы енгізіліп, қаржының бөлінуіне қарай іске асырылуы жоспарлануда. Өңірдегі су ресурстарының тиімді басқарылуы ауыл шаруашылығы мен экологиялық тұрақтылық үшін маңызды.<h2 style="text-align:justify;">Қарабура қойған қария</h2>Су шаруашылығы саласын зерттеу барысында Қазақстан Коммунистік партиясының бірінші хатшысы, қоғам қайраткері Дінмұхамед Қонаевтың «Өтті дәурен осылай» атты еңбегімен танысып, зер салдық. Кітапта 1949 жылы Қызылордадағы Бөрібай арнасының тасуы туралы жазылған. Өткен ғасырда мұндай мәселе қалай шешілген?«…Бөрібай арнасының жоғары жағындағы жойқын апат аяғымыздан тік тұрғызған. Қар еріп, сай-саланы су қаптап, арна тасыған тұста сел бөгенді жырып, төмен қарай лап қойған. Қызылорданы сел алып, Орталық Азия күре тамыры – теміржол бойын ойран- асырын шығару қаупі төніп тұрған-ды. Оған қарсы мол техника, қыруар адам күші жұмылдырылды. Ташкент пен Алматыдан гидротехниктер келіп, әскери бөлімшелер іске араласты. Аз күнгі, бірақ ауыртпалығы оңайға түспеген бұл жұмыстың бар тізгінін өз қолыма алуыма тура келді.Әрбір минут қымбат еді. Жауынгерлер мен теміржолшылар бөгеннің «тығыны ашылған» жерді бітей алмай, салымыз суға кетіп түрған кезде маңдайын әжім торлап, еңкіш тартқан қарт құдай айдап келе қалмасы бар ма. Бізге күн сала қарап тұрып:<blockquote>– Босқа арам тер болмаңдар, – деген қарияға жұрт түгел назар аударды. – Жырынды су оңайлықпен әл бермейді. Оны «қарабураламай» ауыздықтау қиын, – деді сөзін жалғап.</blockquote>Тосын сөз еріксіз елең еткізген.<blockquote>– «Қарабураңыз» қалай, түсінбедік, қария, – деп жөн сұрадым. Шал асықпай, аптықпай мән-жайды түсіндіре бастады.– Ұзындығы 15-20 құлаш келетін жуан арқанның үш-төртеуін қатар жазып, жерге тастаңдар да қамыс, сабан төсеп, үстіне шым салыңдар. Сосын киіз шиыршықтағандай тас қып орап арқанмен шандып байлаңдар да, бөгеннің кеткен жеріне қойындар. Онымен қазақ асау дарияны да тоқтатқан.– Апыр-ай, – дедім әрі қайран қалып, әрі мұны қалай бастарымды білмей.– Қарағым, мен білсем, осы жердің бастығы сен боларсың, – деді бір қайрат танытқалы оқталып. Содан соң қасына бес-он адам қосса бәрін өзі істеп беретінін жеткізді.</blockquote>Ақсақалдың айтқанын айна қатесіз жүзеге асырдық. Тоған жасалып, алып қашып жатқан сел сап тыйылды. Қарттың айтуынша, бөген жасап, асау өзенді «бұғалықтаудың» осынау халықтық әдісі бағзы заманнан – Әмір Темір билеп- төстеп тұрған тұстан қолданылады-мыс. Неше күн, неше түн не ұйқы, не күлкі көрмей, жер қайысқан күшпен тоқтата алмаған апатты өзіміз тындырғандай Алматыны былай қойып, сонау Мәскеуде жатқан Маленковқа баяндадық. «Бәрекелді!» дегенді біз естідік. Бірақ мен осы бір оқиға есіме оралған сайын халық даналығынан асқан ұлылық, халық жинақтаған өмірлік тәжірибеден асқан құдірет жоқ деген тоқтамға иек артамын да тұрамын…».Қоғам қайраткері баяндаған оқиғадан байқағанымыздай Қазақстанда табиғи апат бұған дейін де күрделі мәселенің бірі болған. Соңғы жылдары климаттың өзгеруіне байланысты су ресурстарының мөлшері азайып, олардың қолжетімділігі төмендеуде. Жаз айларында су қоймаларының деңгейі түсіп, өзен, көлдердің тартылуы ауыл шаруашылығы мен экожүйеге кері әсерін тигізуде.<h2 style="text-align:justify;">Тасқынға тосқын</h2>Жыл сайын басшылық пен халықты әбігерге салатын су тасқыны қаупі биыл шындыққа ұласты. Ақпан айында жүргізілген дайындық жұмыстары көктеммен ілесіп келген судың алдын ала алмады. Су тасқыны наурыздың 19-ы басталды. Жә, бұл апат туралы айтылмаған, жазылмаған ақпарат қалмады. «Бүгінгі күн − кешегі күннің шәкірті» демекші, апат кезіндегі олқылықтарды ескеріп, келесіде мұндай кеселге жол бермеудің қамын жасаған абзал.Өңірге ойыссақ. Қызылордада суға байланысты нысандарды қарастырайық. Өңірде жалпы ұзындығы 2 мың шақырымнан астам 19 магистралды және 13 шаруашылықаралық канал орналасқан. Гидротехникалық құрылыстар саны − 688. Сондай-ақ, ұзындығы 1000 шақырымға жуық 21 дана қашыртқы бар. Жаңақорған ауданында маусымдық суаруға арналған 2 су қоймасы, ал Сырдария өзенінің бойында 625 шақырымды құрайтын қорғаныс бөгеттері бар. Қызылорда, Әйтек, Қазалы және Ақлақта су тораптары, Қараөзек пен Солтүстік Арал теңізінде су тастау құрылымдары орналасқан. Ал су шаруашылығы нысандарына жылына екі рет тексеріс пен жөндеу жұмыстары жүргізіледі. Арналар мен қашыртқыларды тазалау, су тасқынын алдын алу және бөгеттерді нығайту секілді жұмыс түрлері қарастырылған.<h2 style="text-align:justify;">Сұрауы бар су</h2>Қызылорда облысы тегіс, жазық аймақта орналасқан. Ал су қоймасын салу үшін таулы, ойпатты аймақ қажет. Сондықтан Қызылордада үлкен көлемдегі су қоймалары жоқ.Өңірдегі су қоймалардың бірі − Қараөзек қоймасы. Су жинау көлемі − 775 млн текше метр. Көкарал бөгеті арқылы Үлкен Арал теңізіне қайтарымсыз тасталып жатқан судың бір бөлігін сақтайды. Кейін вегетациялық кезеңде Қазалы ауданының 31 мың гектар егістік жерін, арна бойындағы 120 мың гектар шабындық пен жайылымдарды сумен қамтамасыз етеді. Су торабынан жоғары орналасқан аймақтардағы су тасқынының алдын алу үшін өзен суы Қараөзек арнасы арқылы өткізіледі.Әйтек су торабынан төмен қарай Сырдария өзенінің су өткізу қабілеті секундына 700 м3 болса, қыста мұз ұстасу себебінен су өткізу секундына 425 м3-тен аспайды.Сыр өңірін тілге тиек еткенде Сырдарияның суын сұрайтындар көп. Биыл да дарияның деңгейі мақтанатындай жағдайда емес. Ал кейінгі 12 жылда Арал теңізінің суы 6,2 млрд текшеге азайған. Облыстағы ауыл шаруашылығы саласы Сырдария өзені арқылы келетін су көзіне тәуелді.<blockquote>− Кейінгі жылдары Сырдария өзенінде су көлемінің аз болуына байланысты Кіші Арал теңізіне жиналған су көлемі 21,5 млрд текше метрге кеміді. Қазір Кіші Арал теңізіндегі судың көлемін төмендетпеу және Арал теңізіне жіберілетін су көлемін ұлғайту мақсатында жүйелі жұмыстар жүргізілуде, − деді Арал- Сырдария бассейндік инспекциясының басшысы Қайратбек Сәрсенбаев.</blockquote><h2 style="text-align:justify;">Өзен − өмір өзегі</h2>Қызылорда облысының негізгі су көзі саналатын Сырдария трансшекаралық өзен. Сәл артқа көз салсақ, құтқару қызметінен өзен деңгейінің көтерілгені жайлы хабарлама жиі келетін. Бүгінде ұялы телефонға тек жел мен дауыл жайлы ескерту келмесе, су деңгейі туралы оқымағалы қашан. Бірақ табиғи апат айтып келмейді демекші, су шаруашылығы мамандарынан су тасу мәселесі туралы сұрауды жөн көрдік. Мамандардың айтуынша, өзенде су тасқыны болуы Нарын-Сырдария каскадында орналасқан су қоймаларында жинақталған су көлеміне тікелей байланысты. Қазір Нарын-Сырдария каскадындағы су деңгейінің төмен болуынан су тасқынына мүлдем қауіп жоқ.Су шаруашылығы комитетініне қарасты «Қазсушар» шаруашылық жүргізу құқығындағы Қызылорда филиалының мәліметіне сүйенсек, 2020 жылдан бастап Нарын- Сырдария каскадында орналасқан су қоймаларында жинақталатын су көлемінің төмендігінен егістікке су алу науқаны кезеңінде Сырдария өзенінің жағдайы жыл сайын күрделенуде. Каскадта орналасқан қоймаларда жинақталған су көлемі өткен жылдың осы кезеңімен салыстырғанда 0,6 млрд текше метрге кем көрінеді. Өзеннің суы қыс-көктем айларында жауатын жауын-шашын мен қардың жамылғысына тікелей байланысты. Бүгінде жер үсті су қорларын ұлғайту бағытында ҚР Президентінің тапсырмасына сәйкес 20 су қоймасын республика аумағында салу жоспарлануда.&nbsp;А.Текебай Фото:freepik.com

Суармалы су беру қызметінің құны арзандады

<a href="https://kyzylorda-news.kz/">Kyzylorda-news.kz</a> Елімізде маусымның әр үшінші жексенбісі – медицина қызметкерлер күні. Адамзат тарихындағы ұлы мамандықтардың бірі – дәрігерлік. Жанға шипа табатын ақ халаттылар тек мереке қарсаңында емес, күнделікті өмірде де құрметке лайықты. Әлбетте, ауруынан құлан таза айығып, денсаулықтың қадірін түсінетін әр адам дәрігерлерге алғысын айтып жатады. Бұл күнді атап өту шиеліліктер үшін игі дәстүрге айналған.&nbsp;Жақында Шиелідегі Бұдабай Қабылұлы атындағы мәдениет үйінде медицина қызметкерлеріне арналған «Деніңе саулық, дертіңе шипа сыйлаған» атты салтанатты шара өтті. Мерекелік кеште дәрігерлер қауымының сырқатқа ота жасау сәтінен бейнекөрініс көрсетіліп, арты сахналық қойылымға ұласты. Мұнан соң Шиелі ауданы әкімінің орынбасары Болатбек Ысмағұлов сахна төріне шығып, ақ халатты абзал жандарға жүрек жарды жылы лебізін жеткізді. Әрмен қарай ол медицина қызметкерлері мерекесіне орай бірқатар сала мамандарын марапаттады.&nbsp;– Құрметті медицина саласының қызметкерлері! Баршаңызды кәсіби мерекелеріңізбен шын жүректен құттықтаймын! Халықпен біте қайнасқан қастерлі еңбек иесі – медицина қызметкері болу мәртебелі әрі жауапты мамандық. &nbsp;«Бірінші байлық – денсаулық», деп дана халқымыздың сөзі бекер айтылмаған. Ауырсақ тәнімізді емдеп, жанымызға дем беретін дәрігерлер қауымы әркез құрметке лайықты жандар. Ұлт саулығы – мемлекет болашағының кепілі. Қазіргі таңда ауданда денсаулық саласында елеулі өзгерістер бар. Атап айтсақ, былтыр 1 млрд 285 млн теңгеге Бала би, Досбол датқа, Бұланбай бауы елді мекендеріндегі медициналық амбулаториялардың нысандары халық игілігіне пайдалануға берілді.Қоса кеткен жөн, көпбейінді орталық Шиелі аудандық аурухана ғимаратына блок қосып, қайта жаңғыртуға 733,0 млн теңгеге ЖСҚ әзірленіп, құрылысын бастау жоспарлануда. «Болашақ» дәрігерлік амбулаториясын күрделі жөндеу жұмысына 255 млн теңге, Бәйгеқұм ауылындағы дәрігерлік амбулаторияның ғимараты мен Көкшоқы медициналық-санитарлық көмек орталығы ғимаратын күрделі жөндеуден өткізуге ЖСҚ жасақталуда. Н.Бекежанов, Ш.Қодаманов, Ақмая ауылдарындағы амбулаторияларының жылу жүйесі толық көгілдір отынға ауыстырылды. Досбол би ауылдық амбулаториясы мен аудандық тері аурулары бөлімінің ғимаратын газдандыруға жобалау жұмыстарын да әзірлеу көзделуде, – дейді Б.Әбдулхайысұлы. &nbsp;Келесі салтанатты шараның сөз кезегін Шиелі аудандық көпбейінді орталық ауруханасы бас дәрігері Алмас Әбдіғаппарұлы жалғады.&nbsp;– Денсаулық сақтау саласының барлық қызметкерлерін ерен еңбегі бағаланатын күн. Тәуекелге бел буып, тәулік бойы көз ілмей, тынымсыз тірлік кешетін сіздердің еңбектеріңізді нағыз жанкештілік деуге болады. «Тәні саудың – жаны сау» демекші, жарқын болашақтың кепілі болып табылатын денсаулық мәселесін жетілдіру – біздің негізгі парызымыз. Кәсіби мерекені аудандық көпбейінді орталық ауруханасының ұжымы жақсы көрсеткіштер көрсетуде. 2024 жылдың 5 айлық қорытындысымен 213 998 дәрігерлік қабылдау жүргізілген. Осы кезеңде 546 хирургиялық ота жасалған. Мемлекет басшысы Қасым-Жомарт Кемелұлы Тоқаевтың тапсырмасын іске асыру мақсатында «Ауылдық денсаулық сақтауды жаңғырту» ұлттық жобасы бекітіліп, оның оң нәтижелерін өңіріміздің тұрғындары да сезінуде.Атап айтсақ, былтыр Шиелі аудандық көпбейінді орталық ауруханасының материалдық-техникалық базасын нығайту үшін 558 миллион тенгеге заманауи медициналық құрылғылар алынды. Бала би, Бұланбай бауы, Ақтоған елді мекендерінде дәрігерлік амбулаториялардың жаңа ғимараттары пайдалануға берілді. Сондай-ақ бес ауылдық округте (Ортақшыл, Алмалы, Тартоғай, Бестам, Телікөл) дәрігерлік амбулаториялардың жаңа ғимараттары салынады. Аудан орталығында аудандық ауруханының жұқпалы аурулар бөлімінің 30 төсектік жаңа ғимаратының құрылысы басталып, МРТ аппаратын орналастыру үшін қосымша құрылыс жүргізіледі.Аймақ басшысыны тікелей қолдауымен жылдың аяғына дейін облыстың емдеу мекемелеріне 200 санитарлық автокөліктер алынады. Бүгінде оның 50 -і келіп, Шиелі ауданына 6 автөкөлік бөлінді.Шежірелі өлкенің медицина саласына ірі кәсіпорындар да, өз көмегін көрсетуде. Мәселен, «Гежуба-Шиелі» цемент зауыты Еңбекші ауылының тұрғындарының өтініші бойынша дәрігерлік амбулаторияға жаңа санитарлық автокөлік сыйлады. Біздің жұмысымыздың ең басты көрсеткіші медициналық қызметтің сапасы болып табылады. Соңғы екі жылда медициналық қызметтің сапа индикаторларының көрсеткіші бойынша Шиелі аудандық көпбейінді орталық ауруханасы «Жасыл аймақта» екенін атап өткім келеді, – деді ол.&nbsp;«Дені сау адам – қоғам байлығы» деген халқымызда дана сөз бар. Сол байлығымызды сақтауға, сапасы мен санын арттыруға, халқымыздың дені сау, ойы сергек болып қалыптасуына дәрігерлердің үлесі көп. Бүгінде Шиелі ауданындағы ақ халаттылар ауырып ем іздеген адамға ем-дом көрсетіп аяғына тік тұрып кетуіне қолдан келген көмегін жасап келеді. Аудан көлемінде 1 аудандық аурухана, 2 ауылдық аурухана, 1 аудандық емхана, 1 Көкшоқы, 1 жалпы тәжірибелік бөлім, 19 дәрігерлік амбулатория, 13 медициналық бекет, 3 фельдшерлік-акушерлік бекет қызмет көрсетеді. Осылардың қай-қайсысында болсын адам саны үзілген емес. Таңның атысы, күннің батысында да абзал жандар басы ауырып, балтыры сыздағандарға көмек қолын созуға әрқашан дайын. Осыған байланысты жыл сайын Шиелі аудандық ауруханасының да ахуалы жақсарып келеді. Өйткені адам жанын емдеуде қателесуге, мүлт кетуге болмайды.&nbsp;«Ауырып жазылған жан – олжа, жоғалып табылған мал – олжа» демекші, адам үшін ең басты орында тұратын – денсаулық. Осы «олжаны» сіз бен бізге сыйлайтын, оны ауырлықтан шығарып алып беретін аудан дәрігерлері мен медбикелері. Қазіргі таңда Шиелі ауданы көлемінде 190 дәрігер, 431 орта буынды медицина қызметкерлері өзгенің жанын аман сақтау үшін өз жанын отқа да, суға да салып еңбек етуде.&nbsp;Іс-шараның соңында медицина саласының қызметкерлері әуелете ән шырқап, қонақтарды өнерімен тәнті етті. Сонымен дәрігерлер – бүгінгі бейбіт күннің батырлары. Олар күннің қандай мезгілі болса да, қандай мерзімі болса да алдына келген адамды емдемей қайтарып жібермейді. Тіпті түнгі ауысымға қалып, жедел түрде көмекке зәру тұрғынды да қабылдап алып қалатынына көзіміз куә. Сол себепті ақ халат пен ақ пейіл, адал жүрек иелеріне қандай алғыс айтсақ та артық емес.&nbsp;Айнұр МАХСҰТҚЫЗЫ&nbsp;

Шиелілік ақ халаттылар марапат мінберінде

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев Франция Президентінің арнаулы өкілі Барбара Помпили бастаған делегациямен кездесті.Аймақ басшысы екі ел арасында жоғары деңгейдегі тұрақты байланыс пен ерекше достық қарым-қатынас орнағанын атап өтіп, делегацияның жұмыс сапары жемісті әрі нәтижелі болуына тілектестік білдірді.<blockquote>«Біздің еліміз, оның ішінде біздің аймағымыз Францияның инвестициялық және сауда-экономикалық серіктесі болып саналады. Бүгінгі сапарыңыз ынтымақтастыққа оң серпін беретініне сенімдімін.Су ресурстарын тиімді пайдалану – бүгінде біздің өңір үшін ғана емес, Орта Азияның барлық мемлекеттері үшін маңызды және өзекті мәселе. Қызылорда облысының экономикалық және экологиялық жағдайы Сырдария өзенінің деңгейіне, Арал теңізінің жағдайына тікелей байланысты. Сырдарияға құйылатын судың 90%-дан астамы республикадан тыс жерлерден, яғни Қырғызстан, Өзбекстан, Тәжікстан елдерінен келеді. Біздің облыс өзеннің төменгі ағысында орналасқандықтан, су соңғы кезекте жетеді. Сондықтан қазір біз үшін суды үнемді, ұтымды және әділ пайдалану мәселесі аса маңызды», – деді Нұрлыбек Машбекұлы.</blockquote>Өз кезегінде, Барбара Помпили облыс әкіміне ризашылығын, әріптестік аясын кеңейту ниетін білдірді.Айта кетейік, делегация мүшелері сапар барысында «Қорқыт Ата» мемориалдық кешенінің, Арал қаласындағы «Балықшылар» музейінің және балық өңдеу зауытының жұмысымен танысады. «Көкарал» бөгетіне барып, Қазалы ауданындағы орман питомнигін аралайды. Мұнан бөлек, Жалағаш ауданының Таң ауылындағы күріш алқаптарын көреді. Сондай-ақ, Қызылорда қаласындағы тарихи-өлкетану музейіне және «Анаға тағзым» орталығына барады.

Облыс әкімі Франция Президентінің арнаулы өкілімен кездесті

<a href="https://kyzylorda-news.kz/">Kyzylorda-news.kz</a>&nbsp; Президент Қасым-Жомарт Тоқаевтың төрағалығымен туризмді дамыту жөнінде кеңес өтті. Мемлекет басшысы, ең алдымен, туризм әлемдік экономиканың қарқынды дамуына ықпал етіп отырған әрі инвесторлар үшін тартымды сала екенін атап өтті.Кеңестен кейін облыс әкімі Нұрлыбек Нәлібаев аймақта туризмді дамытуға қатысты бірқатар міндеттерді айқындады.<blockquote>«Мемлекет басшысы жаңа ғана осыған байланысты мәселе көтеріп, нақты тапсырмалар жүктеді. Туризмді дамыту арқылы біз өңірдің экономикалық жағдайының жақсара түсуіне, әлеуметтік түйткілдердің шешілуіне қол жеткіземіз. Қызылорда қаласы және аудан әкімдіктері облыстың даму бағдарламасындағы әрбір индикатор бойынша тоқсандық және жылдық межені орындауы керек. Қала және әр ауданда жыл соңына дейін құны кемінде 300 млн теңгеден кем емес 1 инвестициялық жобаның жүзеге асырылуын қамтамасыз етсін. Жалпы І жартыжылдықтың қорытындысымен инвестицияның жылдық жоспарының 50%-ын орындау қажет», - деді Нұрлыбек Нәлібаев.</blockquote>Айта кетейік, биыл өңірдің туристік әлеуетін арттыру бағытында нақты шаралар қабылданды. Қазақстанның Қытайдағы туризм жылы жарияланып, наурыз айында Пекин қаласында атаулы жылдың ашылу салтанаты өтті. Осы шарада туристік операторлар мен туристердің «Байқоңыр» ғарыш айлағына қызығушылығы жоғары екені байқалды. «Байқоңыр» ғарыш айлағы аумағынан ыңғайлы туристік бағыттар таңдалып, ортақ туристік пакет әзірлеу келісілді. Жыл басынан бері «Байқоңыр» ғарыш айлағын тамашалауға 3 мыңға жуық турист келген.Сондай-ақ, сәуір айында Еуроодақ елшілері Сыр өңіріне арнайы келіп, облыстың инвестициялық мүмкіндіктерімен танысты. Экотуризм бағытымен Арал ауданындағы "Көкарал" бөгетіне, Кіші Арал теңізіне барып, ондағы сексеуіл егілген теңіз табанын тамашалады.Аймақтың туристік мүмкіндігін арттыру және ішкі туризмді дамыту үшін жаңа автовокзал пайдалануға берілді. Ал, сыртқы туризмді ілгерілетуге мүмкіндік беретін "Қорқыт ата әуежайының" жаңа терминалы қолданысқа дайын.Өңірде алғаш рет "Қызылорда - Анталья" бағытындағы халықаралық рейс ашылды. Тұрақты рейс Қызылорда мен Анталья арасына аптасына бір рет, сейсенбі күні қатынайды.ҚР Туризм және спорт министрлігінің бекіткен жоспар межесіне сәйкес, 2024 жылдың қаңтар-сәуір айларының қорытындысымен, туризм саласына салынған инвестиция көлемі 5,1 млрд теңгені құрап, жылдық жоспар 41,5 пайызға орындалды.Осы жылдың І тоқсанының қорытындысына қарағанда, ішкі туристер 25,3 мың, сыртқы туристер 595 адам болған.Ішкі туризмді дамытуда туристік маршруттар бойындағы туристік, мәдени-тарихи нысандардың инфрақұрылымын жақсарту маңызды. Осы ретте, "Қамбаш" көлі, "Жанкент" қалашығы мен Марал ишан кесенелерін қажетті инженерлік инфрақұрылыммен қамтамасыз етудің жоба-сметалық құжаттамасы әзірленіп, жобалар «Kazakh Tourism» ҰК АҚ жасақтаған тізімге қосылған.Еліміздің туризм саласын дамытудың 2023-2029 жылдарға арналған тұжырымдамасы аясында ТОП-20 басым жобалар тізіміне облыстан "Байқоңыр" кешені енгізілді.

 Туризмді дамыту арқылы өңірдің экономикалық жағдайы жақсарады 

<a href="https://kyzylorda-news.kz/">Kyzylorda-news.kz</a> Әртүрлі бұрылыстар мен құбылыстардан тұратын адам өміріне араша болу&nbsp;– құрметті маман иелері – дәрігерлердің алдында тұрған үлкен жауапкершілік. Тынымсыз тірлікте кәсіби біліктілік пен үлкен шыдамдылық көрсетіп, халықтың алғаусыз алғысына бөленіп жүрген ақ халаттылардан құралған үлгілі ұжымдар біздің өңірде де жетерлік. Ендеше, айтулы мереке – Медицина қызметкерлері күнінің қарсаңында еңбектің адал жемісін көріп келе жатқан Шиелі ауданы орталығындағы "Мөлдір" дәріханасы жөнінде ой өрбітпекпіз. Бұл орын – басы ауырып, балтыры сыздап, жанына дауа іздеп келген әр тұрғынның маңдай тірейтін бірден-бір мекені, үмітінің шамшырағы.&nbsp;Расында, денсаулықтың кез келген адам үшін баға жетпес байлық екені сөзсіз. Сырқатқа салынып, тынымсыз бойың қысылғанда, тәніңе шипа берер ем іздеп аласұрасың. Сондайда ауырмайтын жол іздеген әр жан, әуелі, дәріхананың көмегіне жүгінеді. Бүгінде Шиелі ауданы тұрғындарына үзіліссіз әрі демалыссыз қызмет көрсетіп келе жатқан "Мөлдір" дәріханасын білмейтін адам кемде-кем. Орталықтың негізі сонау 1994 жылы қаланған. Содан бері мұнда сапалы әрі нәтижелі жұмыстар жалғасын тауып, дәрігерлері болса, ақ желеңін кір шалдырмай келеді.&nbsp;Білім мен тәжірибеге мейірімділікті ұштастыра білген ұжымға &nbsp;Нұрлыбек Мырзабеков басшылық етуде. Қазіргі таңда дәріханада 23 қызметкер жұмыс істейді. Мамандықтың асылын таңдаған олардың бәрі де&nbsp;–жоғары білімді, қазірге дейін жұдырықтай жұмыла тұрғындар игілігі үшін көптеген ауқымды іс атқарып жүр. Бұл бағыттың қыр-сырына қаныққан жоғары санатты дәрігерлер&nbsp;–&nbsp;дәрігер-терапевт Раиса Рашбаева мен дәрігер-гинеколог Күлзабида Ізбасханова&nbsp;–&nbsp;ісіне тиянақты, сауатты әрі білікті мамандардың қатарында, бүгінде жас буынға жол сілтеп, керек кеңеспен бөлісіп келеді.&nbsp;– "Мөлдір" дәріханасы аудан тұрғындары денсаулығының жақсаруына көп жылдан бері үлес қосуда. Ұжым өте үлкен, дәрігерлер үнемі ізденіс үстінде, тәжірибесін жетілдіріп отырады. Сондай жұмыстардың нәтижесінде түрлі аурудың алдын алып үлгердік. Осы тұста мекеме басшысы&nbsp;Нұрлыбек Аябекұлының&nbsp;еңбегі зор екенін айта кету керек. Халық сұранысына сәйкес сапалы қызмет көрсетуге, шет елден қажет дәрілер тасымалдауға септігін тигізіп отыр.&nbsp;Ақ халаттылардың кәсіби мерекесі қарсаңында мекеме қызметкерлеріне сәттілік тілегім келеді. Біз адам жанының арашасы ретінде ауданның денсаулық сақтау саласына әрі қарай еңбек сіңіре бермекпіз, – деді&nbsp;Шиелі ауданының "Құрметті азаматы", дәрігер-гинеколог К.Ізбасханова.Көпшілікке таныс орталық меншігінде 2 дәріхана жұмыс істейді. Ғимаратқа бойласаңыз, әуелі, сату залында ауырып, ем іздеп келген жандарды фармацевт мамандар мен консультанттар құшақ жая қарсы алады. Олар сізге қажет дәріні таңдауға жәрдем беріп, оның құрамымен, қолданылуымен таныстырады. Дәріханадан әртүрлі дәрілік препараттар мен дәрумендерден бастап, медициналық бұйымдарды, табиғи косметиканы да таба аласыз. Сондай-ақ дәрілік шөптер бойынша қызмет көрсетіліп, арнайы балалар бөлімі жұмыс істейді. Қажет етсеңіз, білмегеніңізді сұрап, дәрігерден кеңес алатын жеке сұхбаттасу орны да бар.&nbsp;Дәрілер мұнда&nbsp;келісімшарт бойынша қызмет атқаратын фирмаларға тапсырыс беру арқылы алынады әрі арнайы қоймада сақталады. Сол қоймадан дәріхана бөлімшелеріне тапсырылады. Мекеменің аға провизоры Гүлсім Дүйсенбаева бүгінде қордағы дәрінің жеткілікті деңгейде екенін тілге тиек етті. Бұдан бөлек дәріхананың сұраныс бойынша әртүрлі препаратқа тапсырыс беріп, халықты қажет өніммен қамтамасыз етіп отырғанын атап өту керек. Дәрі бағаларына келсек, тұтынушылар тарапы олардың қолжетімді әрі салыстырмалы түрде арзан екенін жиі айтады.&nbsp;– Дәрі-дәрмекті үнемі&nbsp;осы жерден аламын. Маған дәріхананың қызмет көрсету желісі ұнайды, дәрілер де қолжетімді бағада. Халық үшін күндіз-түні жұмыс істеп жатқан мамандарға рақмет,&nbsp;– дейді&nbsp;дәріхананың тұрақты тұтынушысы Оразкүл Қантаева.Әрі қарай кеттік. Ғимараттың екінші қабатына көтерілсеңіз, арнайы медициналық орталыққа тап боласыз. Мұнда сізге өз ісіне сүйіспеншілікпен қарайтын, алдына барсаң, жылы лебізімен жаныңды жадырататын мейіргерлер қызмет көрсетеді. Шынында, аталған сала өз маманының күйзеліске төзімді, жүйкесінің мықты болуын талап етеді. Дәріхана мейіргерлерінің әрекетінен науқастардың сұранысына немқұрайлы қарамайтынын әрі барлығын бақылауда ұстап отыратынын байқадық.Медициналық орталықта ине егу бөлмесі, массаж бөлмесі, арнайы емдеу кабинеттері жұмыс істейді. Бұл жерде күніне шамамен 100 науқас ем қабылдайды. Орталық қызметкерлері қазіргі таңда адамдардың көбіне тұмау мен аллергияға қарсы ем-дом қабылдауға, өт шаю мен ине егуге жиі келетінін атап өтті.&nbsp;Иә, қай жерің ауырса, жаның сол жерде тұрады. Сырқаттан сауығу үшін қолыңнан келгеннің бәрін жасауға тырысасың. "Мөлдір" дәріханасы сондай сұраныстарға сәйкес халыққа бірнеше қызмет түрін ұсынып келеді. Мәселен, мұнда денедегі салқынды алуға арналған электрофорез процедурасы, жүрек соғысын бақылайтын ЭКГ (электрокардиограмма) аппараты, қан айналымды қалыпқа келтіріп, ауруды басып, ісікті қайтаратын парафин терапиясы бар. Сондай-ақ өңірде таптыра бермейтін лазер аппараты да осында жұмыс істейді. Лазермен емдеу кез келген адамның қанын тазалап, оны сұйылтуға және иммунитетті көтеруге жағдай жасайды. Бүгінде бұл жөнінде хабардар болған жандар лазер аппаратына арнайы келуді әдетке айналдырған. Ал қызметкерлер өз кезегінде бар көмегін науқастарға бағыттайды. Олардың жағдайын күнделікті бақылап, талдамалар алып, емдік шаралар қолданады. Салауатты өмірді де дәріптейтін – осы дәрігерлер.Мейіргерлердің осынау еңбегіне, шипалы алақандары мен мейірімді жүректеріне алғыс айтатындар көп. Медициналық орталық қызметін тұрақты пайдаланушы жанның пікіріне құлақ түріп едік.&nbsp;

Шиелідегі "Мөлдір" дәріханасына 30 жыл

Kyzylorda-news.kz. Облыс әкімі Нұрлыбек Нәлібаев медицина қызметкерлерін кәсіби мерекемен құттықтады. Мерекелік іс-шараға ҚР Денсаулық сақтау бірінші вице-министрі Тимур Сұлтанғазиев арнайы келіп қатысты.<blockquote>«Мемлекет басшысы Қасым-Жомарт Кемелұлы «Мемлекет медицина қызметкерлеріне жан-жақты қолдау көрсетіп, денсаулық сақтау саласын дамытуға баса назар аударады. Ұлт саулығы – Әділетті Қазақстанды құру жолындағы мемлекеттік саясатымыздың аса маңызды бағыты» деп айрықша атап өтті.&nbsp; Бүгінде аймақта халыққа сапалы медициналық қызмет көрсету, дәрігер мәртебесін арттыру үшін қажетті шаралардың барлығы жасалуда. Өткен жылмен салыстырғанда өңірде сәби өлімі 13%, қан айналым жүйесінің ауруынан болатын өлім-жітім 16,9%, қатерлі ісіктерден болатын өлім-жітім 4,7% төмендеді. Бұл – Президентіміз бен Үкімет тарапынан медицина саласына көрсетілген тұрақты қолдаудың жемісі. &nbsp;Ауру көрсеткішінің төмендеп, оң динамиканың қалыптасуы – халыққа қалтқысыз қызмет еткен ақ халатты абзал жандардың еңбегінің нәтижесі. Біз мұнымен тоқтап қалмай, ауылдық жердегі медициналық қызмет сапасын, әлеуетін көтеруге бар күш-жігерімізді жұмсаудамыз. Осы мақсатта тұрғындардың медициналық қызметке қолжетімділігін арттыру, денсаулық сақтау инфрақұрылымын одан әрі жетілдіру шаралары кешенді жүргізілуде», – деді Нұрлыбек Машбекұлы.</blockquote>Салтанатты іс-шарада ҚР Денсаулық сақтау бірінші вице-министрі Тимур Сұлтанғазиев әріптестерін құттықтап, ізгі тілегін жеткізді. Бірқатар сала қызметкеріне Денсаулық сақтау министрлігі мен облыс әкімінің марапаттары табысталды.Мерекелік кеш концерттік бағдарламаға ұласты.Айта кетейік, биыл өңірдің медицина саласында ауқымды жобалар жүзеге асуда. Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында жалпы құны 11 млрд. теңгені құрайтын 27 нысан салынуда. Өткен жылы елді мекендерде 15 жаңа дәрігерлік амбулатория, 1 медициналық бекет пайдалануға берілді. Қалған 11 нысан жыл соңына дейін халық игілігіне табысталады.&nbsp; «Ауыл – ел бесігі» бағдарламасы шеңберінде Қызылорда қаласының Досан елді мекенінде медициналық бекет, Баймұрат батыр ауылында дәрігерлік амбулатория қолданысқа берілді. Көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Облыс орталығында 36 млрд. 400 млн теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы қарқынды жүруде.Осы кезге дейін жеке ғимараты болмаған &nbsp;облыстық Қан орталығы жақын күндері ел игілігіне табысталады. Ғимарат құрылысына республикалық бюджеттен 2 млрд. 900 млн. теңге қаржы бөлінді.Жергілікті бюджет есебінен 922 млн. теңгеге Жаңақорған ауданы, Төменарық ауылында дәрігерлік амбулаториясымен қоса 15 төсектік ауылдық аурухана салынуда. Шиелі ауданында 30 төсектік инфекциялық бөлімше құрылысы басталады. Таяуда Жаңақорған ауданындағы көпбейінді аудандық орталық аурухана базасында, жыл соңына дейін Арал ауданында «Қамқорлық» оңалту орталығы ашылады. Аймақ медицинасын дамытуға бюджеттен тыс ресурстар да тартылған. «Қазақстан халқына» қоғамдық қоры екі жылда өңірдің денсаулық сақтау саласына 2 млрд. теңгеден астам қаржы бағыттады. Бұл қаржыға облыстық балалар ауруханасы базасында «Қамқорлық» реабилитация орталығы ашылып, &nbsp;аса қымбат дәрі-дәрмек алынды. Қор облыстық онкология орталығын 1 млрд. 100 млн теңге тұратын онкологиялық скрининг жүргізуге арналған жылжымалы медициналық кешенмен қамтамасыз етті. Мұндай кешен республиканың 3 өңірінде ғана бар. Бүгінде &nbsp;жылжымалы кешен облыстың шалғай елді мекендерін аралап, 1300-ден астам тұрғын онколог кеңесін алды. Әрі қарай да аймақ тұрғындарына медициналық көмек беруді жалғастырады. Халыққа сапалы медициналық қызмет көрсету үшін мамандар біліктілігін арттыру назардан тыс қалған емес. Биыл 10 реаниматолог және 5 кардиолог маман Түркия еліндегі жетекші медициналық ұйым – «Мемориал» клиникасында білім жетілдірді.<img src="https://knadmin.beoblood.kz/uploads/FB_IMG_1718298604837_0eec016cea.jpg" alt="FB_IMG_1718298604837.jpg"><img src="https://knadmin.beoblood.kz/uploads/FB_IMG_1718298576151_c85b58040e.jpg" alt="FB_IMG_1718298576151.jpg"><img src="https://knadmin.beoblood.kz/uploads/FB_IMG_1718298615778_6382cfcc34.jpg" alt="FB_IMG_1718298615778.jpg"><img src="https://knadmin.beoblood.kz/uploads/FB_IMG_1718298595246_d236600e1c.jpg" alt="FB_IMG_1718298595246.jpg"><img src="https://knadmin.beoblood.kz/uploads/FB_IMG_1718298643733_b3b85baeaf.jpg" alt="FB_IMG_1718298643733.jpg"><img src="https://knadmin.beoblood.kz/uploads/FB_IMG_1718298613357_318ba30ee8.jpg" alt="FB_IMG_1718298613357.jpg"><img src="https://knadmin.beoblood.kz/uploads/FB_IMG_1718298567929_ac9e13b845.jpg" alt="FB_IMG_1718298567929.jpg"><img src="https://knadmin.beoblood.kz/uploads/FB_IMG_1718298597514_16af2d20d0.jpg" alt="FB_IMG_1718298597514.jpg">

Қазақстан және Қызылорда облысының жаңалықтары