Фото: myownconference.com<a href="https://kyzylorda-news.kz/">Kyzylorda-news.kz</a>«Сіз өмірден шаршадыңыз ба? Егер өміріңізде ешқандай қызық қалмаса, махаббатта жолыңыз болмаса, қарызға батып, ақша тапшылығынан құтыла алмай жүрсеңіз, маған бұрылып, мені тыңдаңыз. Ол үшін құны 500 мың теңге тұратын менің сабағыма қатысып, әрекет ет. Мен сені күтемін». Міне, ғаламторды ашып қалсаңыз осы сынды «Қалай байып кетуге болады?», «Қалай тұрмысқа шығуға болады?», «Қалай қарыздан құтылуға болады?», «Қалай жетістікке жетуге болады?» деген сансыз бейнероликтер мен әсерлі жазбалардан көз сүрінеді. Бұндай тренингтердің халыққа пайдасы бар ма? Қазіргі уақытта көпшілікті не мазалайды? Осы сұрақтар төңірегінде ізденіп көрдік...Құдды, болашақты білетін бақсы-балгерлер секілді. Кейде, көше бойында отырып, «жолыңды ашып беремін, жоғыңды тауып беремін» дейтін балгерлер елестейді маған. Әрине, барлығына бірдей топырақ шашудан аулақпыз. Тренерлердің ішінде білімді де білікті мамандар баршылық. Ол қарапайым халыққа қажет-ақ. Тек, арзан жолмен пайда тапқысы келетін, кейбір пысықайлардың әрекетін айтқым келеді. Жақсылықтың болғаны дұрыс қой. Тек екі күннің бірінде семинар мен тренингтер өткізетін коуч-тренерлер мен психологтардың таңды-таңға жалғап айтатын ақылынан құлағымыз сарсылды. Осы мақаланы жазу барысында әлеуметтік желіні ақтарып, мықты деген тренерлердің сабағына көз жүгіртуді жөн көрдім.Бәлкім, менің де өмірім өзгеріп, аяқ астынан байып кетермін. Шынымды айтсам, біршамасының парақшасына кіріп, сабақтарын тыңдадым. Айналып келгенде барлығының айтары біреу – тренингке қатыссаңыз адам танымастай өзгеріп, мол қаржыға кеңелесіз дегенге саяды. Ресейдің статистикалық деректеріне сүйенсек, мұндай семинарларға қалталы кәсіпкерлер емес, жұмыссыздар мен студенттер ғана қатысады екен. Яғни өмірден өз орнын іздеп жүрген азаматтар жалынды сөзге еріп, қалтасыңдағы соңғы тиынын санап беретіні сөзсіз.Міне, «аңқау елге арамза молда» деген осы болар... Жақында американдық Брайан Трейси есімді қария Алматыда семинар өткізді. Жұрттың барлығы жапатармағай билет сатып алып, соңында орын таппай, тұрып тұрды. Билет құны қанша деп ойлайсыз? Білмесеңіз, айтайық. Арзан билет – 100 мың теңге болса, қымбат билеттер – 1 миллион 400 мың теңгеден сатылды. Меніңше, ол семинардан адам байымайды, семинар өткізген адамның байлығына байлық қосылды. Дегенмен осыншама ақша төлеп қатысқан сабақтың маңыздылығы қаншалықты деген сұрақ маған маза бермеді. Содан әлеуметтік желіні ақтарып, YouTube парақшалырынан көрдім. Атағы жер жарып, жарнамасы менмұндалап тұрғанымен асып бара жатқан ештеңесі де жоқ. Тек, бизнеске қатысты афоризмдер мен сөз шешендігін ғана байқадым. Ал, нақты жүйелі жұмыс жүргізудің жолдарын немесе белгілі бір технологияны айтпайды. Кәдімгі жұрттың барлығы айтып жүрген «білім алыңыз», «ерінбеңіз, алдыңызға мақсат қойыңыз» дегендей сөздермен ғана шектеледі. Ақиқатын айтқанда, мұндай сөздер жауыр болды. Брайан Трейси, оны өзіміз де білеміз. Бізге ақыл емес, адал еңбекпен ақша табу керек. Одан бөлек қаншамасы келіп-кетіп жатыр. Сірә саусақпен санамалап шыға алмаспыз. Мұндай өмірді өзгертіп, бизнеспен айналысуға шақыратын тренерлер алғаш АҚШ елінде бастау алған екен. Үлкен-үлкен компания басшылары бизнес жүргізудің қыр-сырын жалпақ жұртқа таныстырып, өз құпияларымен бөлісе бастаған. Содан ел арасында бизнес-тренерлердің абыройы артып, көпшіліктің сұранысына ие бола бастаған. Кейіннен әлем елдеріне кеңінен тарап, жылдан-жылға тренингке қатысушылар саны күрт өскен. Өздеріңіз де білесіздер, 1990 жылдары жер жүзі алмағайып кезеңді басынан өткеріп, ел арасында жұмыссыздар саны артқан уақытта ТМД елінде Дейл Карнегидің кітаптары жаппай сатылып, үлкен сұранысқа ие бола бастаған. Себебі, ол маркетинг саласын жақсы меңгерген, көпшілікті өзіне қарата алатын сөзге шешен жан болған. Алайда оны «манипуляция шебері» деп атап кетіпті.Жә, өзге елдерде неміз бар. Өз еліміздегі жағдайға тоқталайықшы. Мұндай тренингтер мен тренерлердің бізге келгеніне көп бола қойған жоқ. Небәрі, 3-4 жылда ел арасында «мотивация», «визуализация», «гив», «тренинг» деген сөздерді жиі естіп қалатын болдық. Сайып келгенде, шешендік сыры атышулы тренерлердің барлығы да атақты ғұламалардың кітабынан оқыған – түйгендерін жанды бейнеде, қарапайым халыққа түсінікті әрі қызықты етіп жеткізе білуінде. Қарап отырып еріксіз күлкің келеді. Тұрмысқа шықпаған қыз «Қалай күйеуге шығудың жолдарын үйретемін» десе, баласы жоқ әйел «Балалы болудың техникасын меңгертемін», күйеуімен ажырасып кеткен келіншек «Бақытты болғыңыз келсе мен сізді күтемін» тәрізді «ертегілермен» ерінбей сабақ өткізіп отыр.Қазір елімізде тренинг өткізетін 200-ге жуық орталық бар екен. Бұл тіркелгені ғана, ал тіркелмегені қаншама. Ғаламтор желісінде еліміздегі барлық тренинг орталықтарын жинақтап отырған бір сайт бар. Бұл жерде тренинг орталықтар мен тренерлердің кестесі орналасқан. Таңдау еркіңіз — өзіңізде. Бұл сайтқа тіркелмегені қаншама? Оған шетелден келіп, тренинг өткізетіндерді қосуға болады.&nbsp;Ақылы болғанына қарамастан, сондай тренингтерге баратындар да күн сайын көбейіп отыр. Әрине, мұндай білікті мамандардың жиындарына бір-екі рет барып, ақылына ақыл қосып, тәжірибесіне тәжірибе қосып жататындар некен саяқ. Бір анығы, тренинг кәдімгідей өзекті мәселеге айналып үлгерді. Неліктен?Статистикаға сүйенсек, адам ақпараттың 70 пайызын ойын түрінде еркін қабылдайтындығы анықталған.&nbsp;Ал көру арқылы 25 пайыз, кітап оқу арқылы 10 пайыз, есту арқылы 5-ақ пайыз қабылдайды екен. Осы дерекке сүйенсек, оқытудың бір әдісі – тренингтерде берілетін ақпарат жеңіл қабылданатынға ұқсайды. Себебі мұнда дәріскер тек дәріс оқып қана қоймайды, сабақтың бір бөлігі жаттығу, ойын, тапсырмалар орындау түрінде өтеді.Осы орайда біз психолог Айда Айнақожаевамен әңгімелескен едік.<blockquote>– Өте өзекті тақырыпты қозғап отыр екенсіздер.&nbsp;Психолог ретінде, менің де жаныма батып жүр.Материалдық және әлеуметтік қиындықтардан ба, әлде басқа жағдай ма, қазір адамның күйзеліске ұшырауы жиілеп кетті. Әсіресе қыз-келіншектер арасында өте көп. Қай-қайсысымен сөйлессең де іші толған ашу, ыза. Содан келіп желіде әдемі сөйлеген тренингтер­ге алданып жатады. Бірақ нақты психологтың көмегіне жүгінетіндер саусақпен санарлық. Меніңше, тренингтердің бағыттары да сан алуан. Ең өтімдісі психологиялық кеңес, табыс табуға, бизнес бастауға бағытталған. Осындай қаптаған түрлі тренингтерге барған адамдардың ақпаратты қабылдауы мінезіне, темпераментіне де байланысты болып келеді. Бірі жеңіл қабылдаса, енді бірі тереңінен қабылдап, сол тренер сызып берген жолмен жүруге тырысады. Ал, оған оның өмірі мен отбасы сай келе ма онымен шаруасы жоқ. Содан көп отбасылар арасында түсініспеушілік туындап, ұрыс-керіс орын алады.</blockquote>Психологтың пікіріне сүйенсек, адам ең әуелі ішкі жан дүниесіне үңіліп, өзіндегі ішкі мәселелерді шешіп алғанда, психолог пен тренингті саналы түрде таңдап, қабылдай алады.&nbsp;«Мұндай ішкі жан дүниесі қалыпты адам тренингтерден алған әсерін ұзақ мерзімге жадында сақтайды. Дұрыс тренингке барған адамдарда бір серпіліс пайда болады, шабыттанады, сол әсермен біраз шаруалар тындыруы да мүмкін. Алайда тренингке дейін кездескен кедергілерге қайта кездескенде, «өткендегі тренингтің түк пайдасы жоқ» деп ойлайды. Әркімнің ақпарат қабылдауы әртүрлі, сондықтан да біреулер бір тренингтен кейін-ақ өміріне өзгерістер енгізіп жатады. Ал кейбіреулер бірнеше тренингке барса да, еш нәтиже бермеуі мүмкін. Сәнге айналған тренингтердің жетегінде жүргендердің біразы жауапкершілікті өзіне алуға дайын емес жандар», – дейді психолог маман.Осы тұста тәуелсіз заңгер Дәулет Тұрабаевтың ойын білген едік.<blockquote>– Бұл тақырып өте күрделі мәселе ғой.&nbsp;Мысалы, тігінді үйрету үшін тренинг жасап үйренгісі келген адамдарға тігінді үйрете алады. Ал, кондитерлік өнімдерді пісіруге арналған тренингтердің көпшілікке пайдасы бар. Үйренгісі келген қыз-келіншектерге торт пісіруді үйрете алады. Ал, енді тіркеліп және тіркелмей үйретіп жатқандар бар. Оған арнайы заң қарастырылмаған. Сіздің көтеріп отырған тақырыбыңызды тереңінен түсініп отырмын. Әлі “Сен екінші болма, бірінші бол!”, “Сенің қолыңнан бәрі келеді” дегендей тренингке қатысқан әйелдер отбасында екінші емес, бірінші болуға тырысып, ерінің алдына шығып кетеді. Соның салдарынан қаншама отбасының ойраны шығып, ерлі-зайыптылар екіге айырылып жатыр. Статистикаға көз жүгіртсек, дүние жүзінде ажырасудан 2 орынға шығып кеттік. Яғни, ажырасу 50 пайыздан асып кетті. Инстаграмдағы бәзбіреулердің өміріне қызығып, соларға еліктеп, еріне мойынсұнуды шетке ысырып қойып жатыр. Ол инстаграмдағы шынайы өмір емес екенін түсінбейді. Сонымен қатар арамызда интернеттен оңай ақша табудың жолын іздейтін адамдар көбейді. Бірақ оңай ақша болмайтынын ескеру керек. Курс заңға сәйкес па, жоқ па, соны зерттеу керек. Ешқандай лицензиясы жоқ курстардан аулақ болыңыздар. Ал егер, курс ақшасын алып, бірақ ешқандай сабақ өтпесе, құзырлы органдарға шағымдану керек, – дейді заңгер.</blockquote>Иа, салтымызға ғаламтор енбеген уақытта ұлға әкесі, қызға анасы, келінге енесі, әулетке ақсақал ақылын айтып, кереғар жағдайлар туындаса, жөнге салып отыратын.&nbsp;Ал, бүгінде осы заманауи блогерлер мен коуч-тренерлер айналысуда. Ал өмірін ертегідей жақсартқысы келетін жандар олардың әңгімелеріне үйіріле кетіп, айтқанын бұлжытпай орындап, еңбекпен тапқан ақшасын еріккендерге беріп жүр. Бұрын көп нәрсенің жауабын абыздар айтатын болса, қазір жетістікке жетіп жүргендер арасында өз өмірінен өнеге өретіндер көп.Осындай коуч-тренерлердің көшін танымал әлеу­меттік желіде Құралай ханым, Айнұр Тұрсынбаева, Мақпал Қаратай сынды коуч-тренерлердің сабақтарына мыңдаған адамдар қатысып, видио сабақтары жүз мыңдаған қаралым жинап жүр. Өз заманының ойшылы Әл-Фараби айтпақшы, «Дүниедегі ең оңай нәрсе – біреуге ақыл айту, ең қиын нәрсе – өзіңді-өзің түсіну». Сондықтан да он екі мүшеңіз сау, ақыл-есіңіз бүтін, сауатыңыз жетеді. Солай емес пе? Олай болса, өзіңізге қажетті деген кітап беттерін ақтарып ой түю, алға жоспар жұру қабілеті сізде де бар. Ақы төлеп өзгені тыңдамай, өз түйсігіңізді тыңдасаңыз, барлық сұраққа жауап табарыңыз сөзсіз.&nbsp; Әсел РЗАЕВА

Тренинг тіреу бола ма?

<a href="https://kyzylorda-news.kz/">Kyzylorda-news.kz</a> «Оның әкесі бар» деген сөздің өзі талайдың алдында баланың рухының асқақ екенін байқатады. Адам ешқашан әкеден өте тумайды, әкеге жете туады. Абай да Құнанбайға жете алмаған. Әке баланың алты жасына дейін оның бойына бар беретінін сіңіру керек. Әрі қарай бала қабілетіне сай өзі алып кетеді. Бекжан Әшірбаевтың «Бала академиялық білімді әкеден алу керек» деген сөзі көп мәселенің шешімін бір-ақ айтып тұр ғой», – деді әңгіме барысында елімізге белгілі теолог Бақтияр Оспанов. Болмысында өзгеге ұқсамайтын қазақылық, елжандылық пен ұлтжандылық қаймақ боп көрініп тұратын Бақтияр Есенгелдіұлымен әкелер күні қарсаңында сұхбат жасағанды жөн көрдік. Қоғамдағы әкенің рөлі мен маңызы, әке қандай болу керек тәрізді тақырыптарда ой өрбіттік.– Бақтияр Есенгелдіұлы, қоғамда жүрген көп жасқа ақыл сұрар ағасыз. Көп аға ізетті іні ретінде таниды. Осының бәрі әкенің тәрбиесі ме? – Мені әкем өте жақсы тәрбиеледі. Мені ғана емес, үйдің әрбір баласын осылай тәрбиеледі. Қажет кезінде ұлпадай мамық, керек кезінде қатал да болды. Оның қаталдығы ұрып-сабағанында емес, талабында еді. Өзі – істің адамы. Темірдей тәртіпті өзі де ұстанды, бізге де үйретті. Таңнан қара кешке дейін темір жолдағы жұмысын істеп келіп, үйге жеткенде де бейнеттеніп, есік алдында жұмыс істейді. Ауыл адамының бақшасы бар, мал-жаны бар, шөбі мен отыны бар – осының бәрін жұмыстан кейін атқаратын. Енді мұның бәрін көріп өскен біз жалқау болуға ұялдық.&nbsp; Ол – қара күштің иесі. Сол уақыттарда ауылдағы үлкен жиын-тойларда, Наурыз мерекесінде әкемнің әріптестерімен көп мекеме арқан тартуға шықпайтын. Біз әкем мен оның әріптестерінің қайратты екенін көріп, үлгі тұтып өстік. – Сөз басында айтып өттіңіз, қаталдығы талабында еді деп... Талаптары қандай еді? – Әкемнің біршама талабы бар. Біріншіден, жан-жануарларға жаның ашу керек. &nbsp;Малдың шөбі, суы дұрыс болу керек. Иттің итаяғы бос болмау керек. Міне, содан кейін барып, адамның жай-күйіне қарайтын. Сосын уайымшылдыққа салынбайды. Оның осы жақсы қасиетіне өзім ғашықпын десем де болады. Мен әкемнің осы қасиетін бойына сіңіргім келеді. Дүние қараң қалса да, таңертеңгі жұмысты таңертең істейді. Қандай мәселе болса да, ертең көрерміз деп, байсалды, салмақты кейіппен отыра береді. Уайымды сейілтетін, ертеңгі күнге үмітпен қарайтын қасиеті әкемнің Алатаудан да биік болмысын асқақтата түседі. Өтірік айтпау, уәдеде тұру деген қасиетті менің болмысымның осылай қалыптасуына ерекше ықпал етті. Біз ол кезде бала едік. Ауылға ара-тұра ГАИ келеді. Елдегі көліктердің қайсыбірінің құжаты түгел дейсіз. Көпшілігі ана жаққа, мына жаққа қашып бара жатқанда менің әкем ешқайда қашпай, мотоциклмен тоқтай қалатын. Құжаты болса да, болмаса да ол ГАИ қызметкерінен қашпайтын. Мен қасында отырамын. Сонда тәртіп сақшысы келіп «Аға, неге қашпадыңыз?» дегенде әкем «Менің үйім осында. Мен кімді алдаймын? Қасымда балам отыр» дейтін. Ешкімнен ешнәрсе сұрамайды. «Балам, тілемсек болма. Қолыңнан келсе бер, бірақ сұрама» деп жиі айтатын. Ер азамат алды-артын ойлап жүруі керегін айтады. Балыққа, аңға барғанда да қасынан қалдырмайтын. Ол асауларды бас білдіргенде өте талапшыл болды. Қол шығып, сынып жатқанда да іштей уайымдайды ғой, бірақ білдірмейді. Сүзеген бұқалардың мойнын қайыруды да үйретті. Әке дегеннің қайратты болу керегін көрсетті. Ол көп нәрсені сөзбен емес, іспен түсіндірді. Біз оған қарап бой түзедік. Қазақтың тұрмысымен біте қайнасқан мал сою деген ұғым біздің күнделікті дағдымыз еді. Ер баланың білуі керек қай нәрсе болса да әкем нықтап үйрететін. Өзінің мергендігіне дейін сіңірді. Сегіз қырлы, бір сырлы болуға бағыттады. Ауылдың мотоциклдерінің барлығын өзі істеді, тіпті газ педалін бір басқанда-ақ қандай ақау болып тұрғанын айтып беретін. – Әкеңізден әлі де үйренгіңіз кеп тұратын дағдылар бар ма? – Әрине, әкемнен әлі үйренерім көп. Мен де қазақтың үкілі домбырасының үніне елітіп, қоңыр үнді аспапты жаман шертпеймін. Бірақ әкемнің кез келген аспапты әп-сәтте меңгере кететін қабілетін өзіме сіңіре алмай жүрмін. Жаңадан бір аспап шықса, оны үйреніп алуына әрі кеткенде 2-3 сағат уақыт кетеді. Ал кітап оқығаны – өз алдына бөлек әңгіме. Таңертеңнен кешке дейін бір кітапты тауысып, оны бізбен талқылауды да ұмытпайды. Міне, әкемнің осы қасиеттерін өзіме сіңіргім келеді. Ауылға барғанда әлі күнге үйренуге талпынамын. Біздің спортқа қызығушылығымыз әкемізден дарыған екен. Оның Қарағанды дене шынықтыру техникумын бітіргенін кейін білдім. Тіпті арман қуып, бокс спортында сара жол қалыптастырғысы келген екен. Бірақ ұлдан жалғыз болған соң ауылға ат басын бұрып, туған жерге туын тіккен. Бізге оның жүріп өткен әрбір жолы сабақ, әрбір жолы – үлкен мектеп. Атамыз 90-ға келгенше атқа мінген, 80-нен асса да көкпар тартқан. Әкемнің әкесі де мықты болған, менің әкем де мықты, ал мен қандай әке боламын деген сұрақ әркез мені қамшылайды және сол үдеден шыққым келеді. Атам бір өзі бес гектар бақша ексе, біз бесеуміз жабылып бір гектар еге аламыз ба, еге алмаймыз ба? Оларды бейнет тәрбиеледі, өсірді. Мен оларды қай кезде де үлгі етемін. Әкем өзі қатарлы кісінің бәрін әкең деп тәрбиеледі. Сондағысы бір үйдің емес, бір елдің баласы болуымызға бағыттағаны ғой. Ауылға барғанда бала болып еркелеймін. Әлемде әкеден асқан биік жоқ. Қазір немерелеріне көп көңіл бөледі ғой. Кейде бала болып қызғанып та қаласың. Менің дәл ондай жақын болатыным: әкем мені қасынан бір елі қалдырмай тәрбиелегенінде. Аңға шықса да, малға шықса да, отынға барса да, шөпке барса да жанынан тастамайтын. Сол дағдының әрбірін балаларға сіңіруге тырысып келемін. Әкеден асып кетпеспіз, бірақ әкемдей бола алсам, ол менің өмірдегі ең үлкен жетістігім. – Аға, қоғамдағы әке рөліне тоқталсаңыз. Біз осы Алатаудан да биік тұлғаларды қаншалықты бағалап жүрміз? – Баланың әкеден алатын интеллектуалды қажеттілігінің 80 пайызы алты жасқа дейін берілу керек. Бізді қатты еркелеткен жоқ, қаталдық танытқан жоқ, әр нәрсені өз мөлшерімен қолданды. Көбіне жігер беретін сөздерді қолданды. Бүгінгі қоғамға қарап отырсам, әке витамині жетіспейді. Біз сол витамиинге тойып өстік. Бар кемшілік баланың әке сыйламауынан, әйелдің азаматын сыйламауынан басталды. Енді қоғам құлдырап, шіріген ағаштай құлайын деп тұр. Бірақ қосымша бір дәрі-дәрмекпен емдегендей боламыз, бірақ әкенің мәртебесін көтермейінше, елдің мәртебесі көтерілмейді.&nbsp; Мәселе мынада. Бала өмірге келгеннен бастап, әйелдердің тәрбиесінде. Балабақшада әйелдер, мектепте де солай. Колледж бен университетке келгенде де ұстаздардың басым көпшілігі – әйелдер. Біз осыдан кейін баладан қалай 100 пайыз еркекке лайық қабілет сұраймыз? Әскерге барғанда бала темірдей тәртіпке мойынсұна алмай қашқысы келіп тұрады, өзіне-өзі қол жұмсағысы келеді. Мәселені біз осылай тереңінен қарауымыз керек. Өмірде ең жанашыр адам – ол сенің әкең. Ана баланы өмірге әкеліп, мейірім-махаббатына бөлейді, ол – ананың табиғаты. Ал дос ретіндегі ең жанашырың – әкең. Ең жақын досыңмен күш сынасып, оның қолын қайырып жіберші, саған өкпелеп қалады. Соңғы үлгідегі тәуір көлікті алып жатқаныңда да ең жақын досың саған кеп «Ақшаны қайдан тауып жатсың ей» деп пендешілігін білдіріп қояды. Ал әкең мұндай жерде өтірік жеңіліп қалып, «Пай-пай, менің балам күшті боп кетіпті» деп арқаңнан қағып, қуанатын ол – жалғыз әке. &nbsp;Есейіп, ер жетіп қалған кезде отырыстарға, кештерге барар кезде әкеңнің киімін киіп қалсаң, әкең саған қарап жымиып, күлімсіреп отырады. Сол бір жылы көзқарастың арғы жағында сенің өскеніңе, әкеңнің ізінен еріп келе жатқанына деген қуаныш, бір марқаю бар. Әкенің жүрегінде сондай бір кеңдік пен сенің қуанышыңа балаша мәз болатын керемет қасиет бар.&nbsp; – Салиқалы сұхбатыңызға алғыс білдіреміз. Асқар тауыңыз аласармасын, аға!Әңгімелескен Дәулет ҚЫРДАН

Бүгінгі қоғамға әке назары жетіспейді

<a href="https://kyzylorda-news.kz/">Kyzylorda-news.kz</a> Қазақ өнерінің қайнар бастауларының бірі – Шиеліде өнерге деген құрмет айрықша. Дана халқымыз «Өнер – ұлттың жаны» деп бекер айтпаса керек. Ал өркениетті ұлт тарихымен, өнерімен, әлемдік мәдениеттің алтын қорына қосқан үлесімен танылып, бағаланады.Өнер қонған ортада балаларды сиқырлы сұлу саз әлеміне бастайтын ғажайып мекен бар. Бұл жерде әуелеген жеті нотаның әдемі әуендері көңілдерге қуаныш пен шабыт, үміт пен сенім сыйлайды. Әрине, бұл – Шиелі өнер мектебі. 1968 жылдан бастан аудан өнерінің дамуына өлшеусіз үлес қосып, қаншама шәкірт тәрбиелеп, бүгінде үлкен өнер ордасына айналды. Ширек ғасырға жуық уақытта аталған өнер ордасы өз биігінен түскен емес. Міне, биыл Шиелі ауданының өнер мектебіне – 55 жыл. Атаулы датаға орай өнер орнының жас таланттары талантын паш етіп, көпшілікті тәнті етті.Тарихқа көз жүгіртсек, 1980-1990 жылдары дағдарыс уақыты кезеңінде Шиелінің орталығында бір уақытта бес мектеп жұмыс істеген. Кейін 1991-1992 жылдар аралығында Кеңес Одағы тарқаған соң, қаражаттың жетіспеушілігінен төрт мектеп жабылып, содан осы балалар музыка мектебі қалады. Уақыт өте келе, 2020 жылдан бастап аталған орын атауы «Шиелі өнер мектебі» деп өзгереді. Қазіргі уақытта мұнда 2022 жылдан бері Нариман Мизамбаев басшылық етіп келеді.– Мені шәкірттердің өнерге деген қызығушылығы, құрметі қуантады. Өнер мектебінің негізгі мақсаты – балалардың музыкалық сауатын ашу, қызығушылығын арттыру, аспаптарда ойнауға үйрету және ұлттық музыкалық аспаптарды кеңінен насихаттау. Не нәрсенің бастау бұлағы болады десек, мектептің алғашқы директорлары – Мейрамбек Аманбаев, Амангелді Әбілқасымов, Әлімхан Оспанов, Абай Алтынбеков ағайларымыздың еңбегі ерен. Ардақты азаматтардың салған сара жолымен кейін де қаншама өз ісіне берілген майталман маман мектеп мәртебесін биік белеске көтере білді. Ал шәкірттер өнер додаларында аршындай суырылып алға шығып, таланттарымен топ жарды, – дейді өнер мектебінің директоры.Сан таланттың басын тоғыстырған салтанатты шара барысында аудан әкімі Нұржан Ахатов мерекелік құттықтау сөз сөйлеп, өнер иелеріне толағай табыстар тіледі. Әрмен қарай 55 жылдық мерейтойға арналған «Ұлы өнердің бастау бұлағы» атты мәдени-тарихи жинақ кітабының тұсаукесер рәсімі өтті. Оған аудан әкімімен бірге қадірлі қонақтар Қорқыт ата атындағы Қызылорда университетінің профессоры, «Құрмет» орденінің иегері Кеулімжай Ботабаев, Қорқыт ата атындағы Қызылорда университеті, Педагогика және дәстүрлі өнер институтының директоры, «Мәдениет саласының үздігі» Нәку Мейірманов, аудандық әйелдер кеңесінің төрайымы Нәйла Палымбетова және білім саласының ардагер-ұстазы Абай Алтынбеков қатысты. Абай Абдоллаұлы сахна төріне шақырылып, жаңа кітаптың тұсауы кесілді. Бұл кітап руханият өріндегі тағы да бір құнды дүние болмақ.Кеш бұдан әрі өнер мектебінің 55 жылдығына арналған «Ұлы өнердің бастау бұлағы» атты мерекелік концертпен жалғасты. Залда отырған тыңдарман дәстүрлі әннен бастап, домбыраның, қобыздың, баянның, фортепианоның, үрмелі аспаптардың үнін тыңдап, тамсанып қарап отырды.Шынында, музыка саласын ансамбльсіз, оркестрсіз естестету мүмкін емес. Шиелі ауданы өнер мектебінің мұғалімдері өңірдің мәдени іс-шараларында белсене қызмет жасап келеді. Атап айтсақ, 1989 жылы Дүйсенбі Смайыловтың бастамасымен аудандық мәдениет үйінің жанынан құрылған «Жас дәурен» ән-би, «Нартай сазы» халық аспаптар ансамблінде өз өнерлерін көрсетуде. 2012 жылы өнер мектебінің жанынан құрылған «Сырлы саз» фольклорлық ансамблі де айтарлықтай біршама аудандық, облыстық, республикалық жетістіктерге жетіп, қазіргі таңда «Арман» мәдениет үйінің тұрақты ансамбліне айналып үлгерді.Тағы бір айта кететін жайт, мектеп мұғалімдерінен құралған оркестрдің атауы жайында. Оркестр мүшелерінің ұйғарымымен 2022 жылдан бастап жерлесіміз, күйші, композитор, ҚР еңбек сіңірген әртісі Қошқарбек Тасбергенов атындағы оркестр болып өзгертілді. Осы ретте аталған оркестр шарада халыққа тамаша өнерін паш етті.Айта кетейік, үлкен өнер ошағынан білім алған түлектер де концертке келіп, талай жылдан кейін алтын ұя мектебімен қайта қауышты. Тіпті сахнада өнер көрсетіп, елдің ықыласына бөленді.Осылайша, қаншама талантты баланың талабын шыңдай білген, қанатын қатайта түскен ауданның Шиелі өнер мектебінің мерекелік іс-шарасы жоғары дәрежеде қорытындыланды.

Шиелідегі өнер мектебінде мерейлі күн

Құрбан айт – ғасырлар бойы халқымыздың қанына сіңген, ұлы дала төсіндегі ұлық мереке. Құрбан айттың негізгі шарттарының бірі құрбан шалу. Біздің халқымыз бұл мейрамды сан ғасырдан бері ерекше қадірлеп, айрықша атап өткен. Айтулы мейрамда ағайын-жұрт бір-біріне «Құрбан айт құтты болсын, айт қабыл болсын» айтып, жылы лебіздері мен ізгі тілектерін арнаған. Көрші мен туысқанға айттап бару, қадірлі қонаққа айттық беріп, үлкеннің алғысы мен батасын алу – сонау заманнан жалғасып келе жатқан мұсылмандық дәстүріміз. Қасиетті Құрбан айт қарсаңында Жаңақорған ауданының бас имамы Әбдіхалық қажы Махмұтұлы ағамызбен жүздесіп, алдағы ұлық мереке &nbsp;жөнінде әңгімелескен едік.– Бірінші кезекте барша жаңақорғандықтарды Қасиетті Құрбан айт мерекесімен құттықтаймын. Ұлық мейрамда Жаратқанның разылығы үшін мал шалынып, кең дастархан жайылып, бұқара шат-шадыман қуанышқа бөленетін күн. ҚМДБ мәлімдегендей, 2024 жылғы құрбан айттың бірінші күні 16 маусымға келетінін хабарлады. Бұл жексенбі демалыс күнімен тұспа-тұс келгендіктен, 17 маусымда қосымша демалыс болмайды. Бұл күннің ұлықтығы сол – адам баласы осы күні өз Жаратушысына барынша жақындауға мүмкіндік алады. Асылы «құрбан» сөзі араб тілінен аударғанда, «жақындау» мағынасын береді. Олай болса, құрбандық шалу ғана емес, Алланың рақым-мейіріміне қол жеткізудің бір жолы деп түсінген абзал.– &nbsp; Бұл мерекенің қандай ерекшеліктері бар?– Құрбан айт - барша мұсылман қауымын береке-бірлікке, ізгілікке, мейірімділікке насихаттайтын ұлық мереке.&nbsp; Ардақты Пайғамбарымыз (с.ғ.с.):&nbsp;«Құрбан айт күнін мереке тұтуға бұйыртқан. Бұл күнді Алла тұтас үмбет үшін мереке қылды»,&nbsp;- деген. Ұлық мереке – мұсылман адамдардың береке-бірлігінің ұйтқысы. Ағайын арасындағы туыстықты, өзара ынтымақты нығайтатын айрықша мереке. Сонымен қатар, бұл мерекенің ұлттар мен ұлыстардың басын қосып, береке-бірлікке шақырудағы орны ерекше. Сондықтан болар, Құрбан айт мемлекеттік мереке ретінде жарияланып, &nbsp; айттың алғашқы күні барлық Қазақстан халқы үшін демалыс күні. Құрбан айт – ғибадат мерекесі. Бұл күндері мұсылман қауымы Алла разылығы үшін құрбан шалып, сонау Ибраһим пайғамбардан бастау алатын ұлық ғибадатты жасайды.&nbsp;– Енді құрбандық тақырыбына ойыссақ. Шариғи шарттар бойынша құрбандық шалу кімге міндет?– Құрбандық шалу мұсылман, ақылды, балиғат жастағы және Құрбан айт уақытында жолаушы емес кісіге міндет. Сонымен қатар негізгі қажеттерден тыс нисап мөлшерінде қаржысы бар болуы тиіс. Нисап мөлшері – 85 грамм алтын немесе соның құнына тең келетін қаражат. Зекет ғибадаты секілді құрбандық шалу міндет болуы үшін нисап мөлшеріне жеткен малға бір жыл толу шарт емес. Байлық мөлшері қолында жоқ адамдарға құрбандық шалу міндет болмағанмен жағдайы келсе құрбандық шалуына рұқсат. Сондай-ақ, пенденің пендешілігі мен мәрттігі, сараңдығы мен жомарттығы да сыналады. Алла тағала Құранда: «Намаз оқы және құрбан шал», – десе, ардақты Алла Елшісі (с.а.с): «Кімде-кім мүмкіншілігі бола тұра құрбан шалмаса, біздің намаз оқитын жерлерімізге жақындамасын!» – деген. Құрбандыққа қой, ешкі, сиыр, түйе малының еркектері де, ұрғашылары да жарамды. Қой мен ешкі ең кемі бір жасар болуы қажет. Дегенмен, алты айлық қозы бір жасар қой секілді ірі, қоңды болса құрбандыққа жарамды. Ал ешкінің міндетті түрде бір жасқа толған болуы қажет. Сиыр екі жасқа, түйе бес жасқа толғанда құрбандыққа шалуға болады. Сондай-ақ, құрбандық малының дені сау, етті және дене мүшелері түгел болуы керек. Оның бойында құрбандық ретінде шалуға кедергі келтіретін кемшіліктер болмауы қажет. &nbsp;&nbsp;Жалпы, шариғат шарты бойынша құрбан шалу белгілі бір адамға уәжіп болу үшін оның мұсылман болуы, ақыл есінің дұрыс болуы, балиғат жасында болуы, Құрбан Айт кезінде жолаушы болмауы және нисап мөлшеріне (85 грамм алтын құнына) тең келетін байлығы болуы шарт. Жоғарғыдағыдай дәулеті жоқ адамдарға құрбандық шалу міндет емес. Алайда, шалып жатса, ол нәпіл ғибадат болып есептеледі. Ал, дәулетті адамдар құрбандық шалуға шамасы жоқ адамдардың атынан құрбан шалуы пайғамбарымыздан мұра болып қалған сүннет.&nbsp;– Көпшілік арасында ағайын-тус немесе көрші-қолаң бірігіп құрбан шалып &nbsp;жатады. Шариғат бұған не дейді? Жалпы туыстар бірігіп құрбан шалуға бола ма, және нені ескерген жөн?– Қой немесе ешкі іспетті ұсақ малды құрбандық ретінде тек бір адам ғана шала алады. Ал түйе немесе сиыр секілді ірі-қара малдарды бір кісіден жеті адамға дейін бірігіп немесе бір адам жеке өз атынан да соя алады. Құрбан шалуға біріккен кісілердің барлығының ниеті құрбандық құлшылығын өтеу мақсатында болуы керек. Егер осы адамдардың ішінен біреуі құрбандыққа тек ет алу ниетімен қосылса, барлығының да құрбандығы құрбандық ретінде саналмайды. Құрбандық шалған кезде мына жәйттарға назар аударған жөн. Ең бірінші, Құрбан шалынатын жердің таза болуына көңіл бөлуіміз керек. Малды соятын жерге ұрмай-соқпай апарып, оны құбылаға қаратып, сол жағымен жатқызылады. Сосын «Иә, Алла тағалам, Ибраһим мен Мұхаммед пайғамбарлардан қабыл алғаныңдай менің де құрбандығымды қабыл ала гөр!» деп, бата жасалады. Сосын «Аллаһу акбар!» және «Лә иләһа иллаллаһ» деп айтылып тұрады. Құрбан шалатын адам малды қинамай жұмсақ бауыздауға көңіл бөлуі керек. Малдың көзінше пышақты жалаңдатып қайрауға болмайды. Пышақ өткір болуы тиіс. Өйткені, Пайғамбарымыз (с.а.с): «Құрбан шалатын адам пышағын жақсылап қайрасын, малды қинамай жұмсақ бауыздасын», – деген хадисі бар. Міне, мұның өзі асыл дініміздің адам тұрмақ, малдың өзіне жәбір көрсетпеу керек екенін ұқтырып отырған жоқ па?! Малды құбылаға қарата жатқызғаннан кейін оң қолымен «Бисмилләәһи, Аллаһу әкбар» деп бауыздайды. Құрбандық малды басқа адамға бауыздатқан кісі мал бауыздалып жатқанда осы сөздерді айтып тұрғаны жөн.– Шалынған құрбандықтың етін тұрмысы тұралаған және әлеуметтік жағынан осал топтағы отбасыларына таратып жатады. Жалпы кімдерге таратқан абзал?– Құрбан айтта шалған құрбандықтың етін бай болсын, кедей болсын өзіне жеуіне болады. Бұл жайында Алла тағала Құран Кәрімде былай дейді: «Құрбанның етінен өздерің жеңдер әрі міскіндер мен кедейлерге жегізіңдер». Ал, әз пайғамбарымыз құрбандығының үштен бірін – отбасына, үштен бірін – кедей көршілеріне, қалған үштен бірін – садақа ретінде тарататын болған. Сондықтан құрбандыққа шалынған малдың етін үш бөлікке бөліп тарату – мұстахап (ұнамды іс). Бір бөлігі – туған-туыс, көршілеріне бай болса да сыйға тартылады, екінші бөлігі – кедей және мұқтаж адамдарға, үшінші бөлігі – өзінің отбасына, бала-шағасына тиесілі. Бірақ шалынған малдың етін түгелдей кедей-мұқтаждарға таратуға да болады. Егер құрбандық шалған адам аса дәулетті болмаса және жанұясында адам саны көп болса онда құрбандықтың етін түгелдей өзінің отбасына қалдыра алады.&nbsp;– Кейбір адамдар Арапа күні құрбандық шалып жатады. Осы дұрыс па?&nbsp;Шариғат шарты бойынша құрбан шалудың уақыты Құрбан Айттың алғашқы күні Айт намазынан басталып, айттың үшінші күнінің ақшам намазына дейін жалғасады. Сүйікті Пайғамбарымыз (с.ғ.с.) хадисінде:&nbsp;«Кімде- кім намаздан бұрын құрбандық&nbsp;шалса, қайтадан шалсын»,&nbsp;- деп Айт намаздан&nbsp;бұрын шалынған малдың құрбандыққа жатпайтынын&nbsp;қатаң ескерткен.&nbsp; &nbsp;Иә, дінімізде Арапа тауының алар орны ерекше. &nbsp;Дін тарихына көз жүгіртсек, &nbsp;жәннаттан қуылған Адам &nbsp;ата мен Хауа ана Арапа тауында кездескен екен. Жәбірейіл періште (ғ.с.) Алла тағаланың әмірімен Арапа тауына келіп, Ибраһим пайғамбар (ғ.с.)-ға &nbsp;қажылық жасаудың рәсімдерін көрсеткен деген деректер бар. &nbsp;Сондықтан арапа күніне құрмет көрсету, дұға жасау, ораза ұстау көркем амал болып табылады. &nbsp;Ал зульхиджа &nbsp;айының 9-ыншы &nbsp;жұлдызында қажылардың &nbsp;Арапаға келіп &nbsp;тұруы ұлы сапардың басты &nbsp;үш шарттарының бірі болып саналады. Өкінішке орай, биыл үлкен &nbsp;қажылыққа жол жабылып тұр. Болашақта қасиетті Мекке-Мәдинаға &nbsp;тезірек жол ашылуын тілеп, Жаратушы Иемізге дұға жасаймыз. Пайғамбарымыз хадисінде:&nbsp;«Арапа – өте құнды күн. Ол күні мейірім есіктері ашылады» десе, екінші бір &nbsp;хадис шарифінде: &nbsp;«Дұғаның қадірлісі – Арапа күні жасалған дұға»&nbsp;,- деп арапа күнінің қадір-қасиетін білдірген.– Ұлы &nbsp;мереке қарсаңындағы халыққа айтар тілегіңіз.– Құрбан Айт – Исламдағы қасиетті мереке. Сондықтан, бұл мерекеге ерекше құрмет көрсетіп, сауапты шараларды молынан жасауымыз керек. Еліміз қазіргі кезеңде ауыр күндерді бастан кешіруде. Көп адамдар көмекке зәру. Қолдан келгенше бір- бірімізге молынан көмек қолын ұсынуымыз &nbsp;керек. Әсіресе сырқат жандарға демеу болайық, ағайын!&nbsp; Бұл індет халқымыз үшін үлкен сынақ болып отыр. Дегенменде, сын сағатында халқымыз береке-бірліктің үлгісін көрсетіп, көптеген игілікті істерді атқаруда. Мәселен, семейлік жамағаттар 50- ден &nbsp;астам оттегімен &nbsp;дем алу аппаратына қаржы жинаса, Саржал ауылының &nbsp;тұрғындары бір тоннадан астам қымызды сырқат жандарға &nbsp;және дамылсыз еңбек етіп жүрген дәрігерлерге ұсынды. Айта берсек, бұндай мысалдар жеткілікті. Ауыр кезеңде халқына демеу болған &nbsp; азаматтармызға айтар алғысымыз мол! Алла тағала отбасыларына амандық, кәсіптеріне табыс нәсіп етсін!&nbsp; &nbsp;Мереке күндері ата-анаға, отбасымыздың мүшелеріне, туған-туыстарға сыйлық ұсыну мерекенің мерейін өсіреді. Сонымен қатар, сырқат жандарға көмек беру, көңілдерін сұрау өнегелі іс &nbsp;болып табылады. &nbsp;Алла ризашылығы үшін шалған құрбандықтарыңыз, жасаған амалдарыңыз &nbsp;қабыл болып, індеттің ауылы алыстап, &nbsp;еліміз аман, жұртымыз тыныш болсын!– Әңгімеңізге рахмет! Дін жолындағы сауапты қызметіңізге Алла Тағала мол игілік нәсіп етсін! Айта кететіні, Жаңақорған ауданында Айт намазы 17-маусым күні сағат 06-да оқылады.– Рахмет, сұхбатыңызға. Әсел РЗАЕВА

Құрбан айт: құрбандық шалудың негізгі шарттары

<a href="https://kyzylorda-news.kz/">Kyzylorda-news.kz</a> Иә, жоспарға сай жұмыстар оң нәтижесін беру үшін елмен етене байланыс орнатудың маңызы зор. Осы мақсатта жуырда Шиелі ауданы әкімінің кент тұрғындарына есеп беру жиналысы өтті. Отырыста шежірелі өлкеде атқарылған жұмыстар легі таныстырылып, тұрғындардың сұрау-қалауы тыңдалды.Нұржан Сәбитұлы бүгінде ел Президентінің, Үкіметтің Сыр өңіріне деген жан-жақты қолдауымен аймағымызда ауқымды жобалардың жүзеге асып жатқанын айтты. Сондай-ақ аудан көлемінде атқарылған бірқатар жұмыстарды баяндады.Айта кетейік, биыл Шиелі ауданында баспана мәселесі шешімін тауып, тұрғын үй кезегінде тұрған көптеген отбасының арман-тілегі орындалды. Нәтижесінде, 142 отбасына үй кілті табысталып, баспанаға мұқтаж азаматтардың мәселесі шешілді. Бұдан бөлек «Ауыл – Ел бесігі» жобасы шеңберінде Республикалық бюджеттен жобалық құны 363,2 млн теңгені құрайтын Шиелі кентінде салынатын спорт комплексінің құрылысын бастауға 50,0 млн теңге, жобалық құны 460,6 млн теңгені құрайтын Бестам ауылында 150 орындық клубтың құрылысына 50,0 млн теңге бөлініп, құрылыс жұмыстары басталды.Шиелі кентіндегі О.Байымбетов, Б.Дүйсенов көшелеріндегі 50 үйдің инфрақұрылым құрылысына жергілікті бюджеттен 103,0 млн теңге бөлініп, ауызсу, жол, электр желілері тартылуда.Аталған аумақта халықтың әлеуметтік жағынан әлсіз топтарына арналған тұрғын үйлердің құрылыс жұмыстары жүргізілуде. Ерекше санаттағы азаматтарға аудан бойынша барлығы 123 тұрғын үй салынып, азаматтарға табысталатын болады. Кенттегі әлеуметтік нысандар мен тұрғын үйлерді орталықтандырылған кәріз жүйесімен қамтамасыз ету үшін аудандық бюджеттен 56 млн теңге қаржы бөлініп, жоба-сметалық құжаттары жасақталуда.Биыл кент ішінде бірқатар кешенді істер жоспары құрылып, үздіксіз жұмыстардың нәтижесінде жүзеге асырылып үлгерді. Аталған жұмыстар легін Шиелі кентінің әкімі Аманкелді Өмірәлі таныстырды. Кент әкімінің есебінше, жыл басында кент көшелерін, мөлтек аудандарын және теріскей бет көшелерді санитарлық тазалау мақсатында 90 млн теңге қаржы қаралған. Аталған жұмыстарды қамтамасыз ету үшін кент аумағы 3 аймаққа бөлініп, нәтижесінде, аудан орталығының басты көшелерінде 10 мыңға жуық жас өскін тал-дарақ бой көтерді. Сондай-ақ кент аумағында орналасқан тұрмыстық қатты қалдықтарды тастауға арналған орындардың, жәшіктердің ескіруіне байланысты 10 жерге тұрмыстық қатты қалдықтар тастауға арналған орын, 100 дана контейнер мен 10 дана үлкен көлемді жабық контейнер сатып алынып, жаңалау жұмыстары жалғасып жатыр.Елді мекендердегі көшелерді жарықтандыру бағдарламасы аясында кент көшелеріне жарық бағаналары, бұдан бөлек кенттегі 35 көшеге түнгі жарық бағандары орнатылуда. Өтпелі кезеңмен жоспарланған жұмыстардың жалпы құны 369 млн 500 мың теңгені құрайды. Аталған жұмыстар қаржыландыру көзіне сәйкес, 2024-2025 жылдар аралығында кезең-кезеңімен атқарылатын болады.Абаттандыру және көгалдандыру бағдарламасы аясында кенттегі бірнеше көшеге жаяу жүргіншілер жолы орнатылса, Тәуелсіздік көшесінің бойына аллея салу жоспарланған.Күн тәртібіндегі өзекті тақырыптардың бірі – жол мәселесі екені белгілі. «Ауыл – ел бесігі» жобасы аясында облыстық бюджет тарапынан күрделі жол жөндеу жұмыстарына 1 млрд 061 млн 289 мың теңге қаражат бөлінді. Қазірде кенттегі Тәуелсіздік көшесі күрделі жөндеу жұмыстарынан өтті.Сонымен қатар кенттің келбетін келістірер вокзал маңына тұғырлы сағат орнату, аудан әкімдігінің ауласына субұрқақ орнату жұмыстары жүргізілмек. Құрылыстардың мемлекеттік сатып алу жұмыстары аяқталды. Кеңес әскерлерінің Ауған жерінен шығарылғанына 35 жыл және Невада-Семей қозғалысының құрылғанына 35 жыл толуына орай белгі орнату, Н.Бекежанов көшесі бойында орналасқан қорымды қоршалау жұмыстары, кенттегі 4 жерге балалар ойын алаңы мен спорт алаңын орнату жобасы, «М.Шоқай» атындағы орталық алаңға ағымдағы жөндеу жүргізу жұмыстары жоспарланған. Бұған қоса кенттегі 10 көшеге гобо проекторлы жаяу жүргіншілер жолағын орналастыру ісі жуық арада бастау алмақ.Есепті шараға келген кент тұрғындары көкейдегі сауалдарын жолдап, толғандырып жүрген түйткілді мәселелерін ортаға салды. Атап айтқанда, жиында Перуза Жүсіп көшесіне жөндеу жұмыстарын жүргізу және Насыров көшесіне жарық трансформаторын орнату мәселесі көтерілді. Оған тиісті сала басшылары биыл Насыров және Пәрімбетов көшелеріне жаңадан трансформатор орнату жоспарланып отырғанын айтты. Ал Палмұханбетов көшесінің тұрғындары көшедегі арыққа аяқсу келмейтінін жеткізіп, қынжылыс танытты. Оған кент ардагері Қ.Бекіш пен Н.Мырзабеков керісінше пікір білдірді. Яғни қос ардагердің пікірінше, аяқсу жеткізу шешімін тапқан, күйіп тұрған мәселе жоқ. Тек тұрғындар есік алды ауласынан өтетін аяқсу арығын таза ұстаса болды. Себебі аяқсу арықтарының ортаңғы және төменгі ағысын бойлай отырған тұрғындар арықтың тазалығына мән бермейді. Соның әсерінен арықтың жоғары жағына су жиналып, төменге қарай тартпай, айналасына жайылып, тұрғындардың есік алды ауласына кіріп, үйлерінің іргетасына зиянын келтіретін жайт жиі орын алып жататын көрінеді. Бұл жердегі басты мәселе әр тұрғын өз есік алды ауласынан өтетін аяқсу арығының тазалығына мән беріп, күтіп ұстап отырса, судан мәселе болмайтынына көз жеткізілді. Сонымен қатар жиында осы шанхай бетте тұрған пошта ғимаратының әбден тозығы жетіп, сырт көзге келеңсіз көрініс беретіндігі сөз болды. Бұған байланысты аудан әкімдігі «Қазпошта» мекемесінің облыстық басшылығымен келісіп отырғанын, ол ғимаратқа биылдан қалмай күрделі жөндеу жұмыстары жүргізілетінін, осы мақсатта 9 млн теңгеден астам қаражат бөлінгенін сөз етті.Есепті жиында Әбдіқадіров көшесінің тұрғыны контейнер орнатса деген тілегін білдірді. Бұған тазалыққа жауапты мекеме басшылығы әр аптаның сейсенбі күні аталған аумақтағы қоқысты арнайы жүк көліктері бір рет алып кететінін айтты. Сонымен қатар тұрғындарды тазалық мекемесімен келісім-шартқа отыруға шақырды. Келісім-шарт қосымша құн салығын қоса есептегенде, адам басына – 165 теңге.Қаныш Сәтбаев көшесінің тұрғындары өздерінде осы тазалыққа байланысты әлеужеліде арнайы топ ашылғанын, ол топта қоқысты жинап алып кететін уақыт алдын ала хабарланып, әр апта сайын тұрақты түрде қоқысты алып кететінін, бұл бағыттағы атқарылып жатқан жұмыстардан ешқандай шетін мәселе туып жатпағанын жеткізді.Тұрғындардың тағы бір легі 3 мыңнан астам үй орналасқан Шанхай бөлікке дәрігерлік амбулатория салынса деген тілегін де қоса жеткізді.Нартай мен Шәкәрім көшелері түйісетін жерде Байсары арығындағы көпірдің жақтауын жасау, Оразов пен Шәкәрім көшелерінің қиылысындағы бағдаршамды жөндеу мәселесі де сөз болды. Жауапты сала басшылары «Қызылорда жолдары» мекемесі кент ішіндегі жолдарды жасап жатқанын, негізгі жұмыстар біткен соң көпір жақтауы да қосымша шешімін табатынын айтты.Еркін форматта өткен отырыста кент тұрғындары аудан әкіміне және кент әкімінің ағымдағы жылдары атқарған орасан зор жұмысына ерекше көңілдері толатынын білдіріп, алғыстарын айтып жатты. Сонымен қатар ұсыныстарын да бүгіп қалмады. Сондай ұсыныстың бірі – Қазыбек би мен Нұриман мешіті қиылысына жаңадан бағдаршам орнату, №47 мектептің ескі ғимараты жанындағы ойын алаңын жөндеуден өткізу. Аталған мәселелер шешімін табатыны айтылды. Осы орайда айта кету керек, аудан әкімі Шиелінің теріскей беті тұрғындарына өз ризашылығын білдірді. Жасап беріп, салып беріп жатқан нысандарға жанашырлықпен қарап, аллеялар, түнгі жарықшамдары, тротуарлар, ойын алаңдары, орындықтар, аялдамалар барлығы қаз-қалпында, бүлдіріп-сындырмай, күтіп ұстап, оны бақылап отырған тұрғындарға рақметін айтты. Тазалық мәселесінде де теріскейліктер мәдениеттіліктің үлгісін көрсетіп келеді деді.Жиын соңында Шиелі ауданының әкімі Нұржан Сәбитұлы жетістікке жетелейтін, ауданның дамуына серпіліс беретін жобалар мен киелі Шиелі жерінің өркендеуі жолындағы жасалатын жұмыстарға «Бір жағадан бас, бір жеңнен қол шығарып» атсалысуға шақырды.

Шиелі ауданының әкімі тұрғындармен жүздесті

<a href="https://kyzylorda-news.kz/">Kyzylorda-news.kz</a> &nbsp;Айдынды Аралдың Шөмішкөл бөлімшісінен түлеп ұшқан Анар Ибраймова медицина саласына еңбегі сінген дәрігер. Қарапайым отбасынан шыққан Анар Жаңабайқызы қай кезде де, биязы қалпынан таймайды. Саламатты өмір салтын ұстанатын дәрігер мектепті үздік бітіріп, ата-анасының мақтанышына айналған.Негізінен, Анар Жаңабайқызы Ақтөбе қаласындағы Марат Оспанов атындағы Батыс Қазақстан мемлекеттік университетінде «Педиатрия» мамандығы бойынша білімін жетілдірген. Сала маманы медцинаға келмес бұрын білім саласында аз ғана уақыт қызмет еткен. Ал өзінің сүйікті мамандығы бойынша Сырдария аудандық «Өкпе аурулар» ауруханасында рентгенолог дәрігер ретінде еңбек жолын бастаған. Өз кезегінде кәсіби біліктілігі жоғары маман 2008 жылдан бері фтизопедиатр болып қажырлық танытуда. Айта кетейік, Анар Жаңбайқызы жеңіл атлетикамен тұрақты түрде айналысады.&nbsp;<blockquote>– Өзім сүйікті қызметіме қызығамын. Балалармен жұмыс жасау асқан жауапкершілікті жүктейді. Балалар арасында туберкулез дертінің болдырмау үшін барымызды саламыз. Үнемі түсіндірме жұмысын жүргізіп, денсаулықты жақсартуға байланысты кешенді іс-шараларға иек артамыз. Дене қимылына көңіл бөлген адамның денсаулығы мықты болады. Жеңіл атлетиканың жүгіру спортымен ұдайы айналысамын, – деді дәрігер.</blockquote>

Балалар денсаулығын жақсыртуға көңіл бөлген жан

<a href="https://kyzylorda-news.kz/">Kyzylorda-news.k</a>z Ғасырлар қойнауынан тамыр тартқан, жер бетіндегі барлық мұсылман қауымы үшін қасиетті де ұлық мерекенің бірі – Құрбан айт мейрамы. Бұл күні әлемнің әр түкпірін мекендеген мұсылмандар Жаратушы иеміздің разылығы үшін құрбан шалып, шынайы ниеттеніп Алла Тағаланың мейірім-шапағатына бөленуге тырысады. Адамзат баласы осынау ізгі амал арқылы Раббысына жақындай түседі. Осы орайда Шиелі ауданының бас имамы Бақыт Ұлжаевпен сұхбаттасқан болатынбыз.–&nbsp;Бақыт Бахрамұлы, санаулы күннен кейін есігімізге енгелі тұрған Құрбан айт мерекесі құтты, қайырлы әрі беркелі болсын! Қалың оқырманға «Құрбан» және «айт» сөздерінің мағынасын түсіндіріп өтсеңіз.–&nbsp;Ассалаумағалейкум! Мейірімді, рақымды Алланың атымен бастаймын. Баршамызды қуанышқа бөлейтін берекелі, мұсылман қауымының ұлық мерекесі –&nbsp;Құрбан айтқа аман-есен жеткізген Аллаға сансыз шүкірлер мен мадақтар болсын.&nbsp;Құрбан сөзі «жақындау», «жақын болу», «Аллаға жақындауға себеп болған нәрсе» дегенді білдірсе, «айт» сөзі «мереке», «мейрам», «қуаныш» деген мағына береді. Адам баласы құрбан шалу арқылы Алланың өзіне берген шексіз нығметтеріне шүкір етеді. Бірде сахабалар Мұхаммед пайғамбарымызға (Алланың оған игілігі мен сәлемі болсын): «Уа, Алланың елшісі! Құрбандық деген не?» – деп сұрақ қойды. «Құрбандық – сендердің Ибраһим (ғ.с.) бабаларыңның сүннеті», – деді. Сахабалар: «Одан бізге қандай сауап бар?», – деп сұрады. Сонда Пайғамбарымыз (Алланың оған игілігі мен сәлемі болсын): «Әрбір тал қылшығы үшін сауап аласыңдар», – деді. «Қойдың жүнінен ше?», – дегенде: «Қойдың жүнінің әрбір тал қылшығына да сауап жазылады», – деп жауап қайырған болатын. Осы&nbsp;қасиетті мейрам күні Алланың әмірін шынайы ықыласпен орындап, Жаратушыны разы ету – әрбір иманды жанның арманы. Айт намазынан кейін әр адам өзінің шамасы жеткенше құрбан шалып, оны мұқтаждарға таратып, жәрдем беру арқылы қуанышқа кенеліп, мол сауап иеленеді. Биыл Құрбан айт мерекесі 16 маусымда басталып, 3 күн қатарынан жалғасады.–&nbsp;Осы қасиетті күнде қандай амалдар жасаған абзал?–&nbsp;Құрбан айттың мұсылман жамағатын, ұлыстар мен ұлттарды біріктірудегі, өзара бауырмалдықты арттырудағы рөлі орасан зор. Адамдар бір-біріне «Айт құтты болсын!» десіп, аман-саулық сұрасып, үйлеріне қонақтыққа барады. Бұл күні ерте тұрып, ғұсыл құйынып, хош иіс себініп, мешітте айт намазын оқу – сауапты іс. Құрбандық етінен дәм тату, Аллаға мадақ, Пайғамбарға (с.а.с.) салауат айту – сүннет амал. Құрбан айт мейрамымен қатар, исламдағы бес парыздың бірі – қажылық амалы да орындалады. Қажылық парызымды өтесем деген жандардың саны елімізде жыл санап арту үстінде. Отандастарымыз парыз амалын орындау үшін қасиетті Қағбаға жол тартты. Бұл күні қажылар түс ауғаннан кейін ертеңгі таң намазына дейінгі аралықта Арафат тауында бір мезет тұрақтап, Аллаға жалбарынып, дұға етеді. Арафа күні қажылыққа бармаған адамның ораза ұстап, нәпіл намаз оқып, Алладан дұға тілеуінің сауабы мол. Биыл Құрбан айт мерекесін аудан әкімдігімен бірлесе орталық алаңда кең көлемде атап өтуді жоспарлап отырмыз. Алла нәсіп етсе, 16 маусым, кешкі сағат 18:00-де арқан тартыс, қазақша күрес, гір тасын көтеру сынды бірқатар спорттық сайыстар ұйымдастырылып, демеушілердің атынан бағалы сыйлықтар берілетін болады. Барлық аудан тұрғындарын айтулы мейрам күніндегі іс-шараларға белсенді түрде қатысып, келіп тамашалауға шақырамыз.–&nbsp;Құрбан шалудың арнайы уақыты бар ма?–&nbsp;Құрбан шалудың уақыты құрбан айттың бірінші күні айт намазынан кейін басталып, айттың үшінші күні ақшам намазына аз уақыт қалғанға дейін жалғасады. Қандай да бір маңызды шариғи себепке байланысты құрбан айт намазына бара алмай, айт намазын оқымаған кісі намаз оқып болатындай уақыт өткеннен кейін құрбанын шала беруіне болады. Ал айт намазынан бұрын шалынған мал құрбандық болып есептелмейді. Құран Кәрімде Алла былай деп бұйырады: «Раббың үшін намаз оқы, құрбан шал» («Кәусар» сүресі 2-аят) Байқасаңыз, аталған аятта айт намазын оқу құрбан шалудан бірінші айтылуда. Сондықтан, алдымен, жамағатпен айт намазын оқып, содан соң құрбан шалынады.&nbsp;–&nbsp;Құрбандыққа қандай мал шалынады және қандай малды құрбандыққа шалуға болмайды?–&nbsp;Құрбандыққа тек қой, ешкі, сиыр және түйе малдарын шалуға болады. Құрбан ретінде шалынатын қой мен ешкі кем дегенде бір жасар, сиыр екі жасар, түйе бес жасар болуы керек. Алты-жеті айлық тоқты бір жасар қой сияқты семіз, етті болса, құрбанддыққа шалуға жарайды. Қой мен ешкінің еркегін, сиырдың ұрғашысын шалған абзалырақ. Тауық, қораз, қаз, үйрек сияқты құстар құрбан ретінде сойылмайды. Қой мен ешкіні тек қана бір адам құрбан ретінде шала алады. Ал сиыр немесе түйені, яғни ірі қараны бір кісінің жалғыз өзі үшін немесе жеті кісі бірігіп, ортақ етіп шалуларына болады. Құрбан малын ортақтасып шалған уақытта әрбір адам құрбан шалу ниетімен іске асыруы керек. Бір кісі құрбан үшін, ал екінші кісі тек етін алу ниетімен ортақтасса, шалынған мал барлық ортақтар үшін құрбан болып есептелмейді. Пайғамбарымыз (Алланың оған игілігі мен сәлемі болсын) құрбандыққа жарамайтын мал жайында былай дейді: «Соқырлығы анық белгілі соқыр, ауруы белгілі аурушаң, ақсақтығы белгілі болған ақсақ және жілігі көрінетіндей өте арық малдар құрбандыққа жарамайды». Демек, құрбанға шалынатын малдың бір көзі соқыр, сойылатын жерге жете алмайтындай дәрежеде әлсіз, құлағы немесе құйрығы тумысынан жоқ не басым бөлігі кесілген, тістерінің көбі түсіп қалған, бір мүйізі немесе екеуі де түбінен сынған болмауы керек.–&nbsp;Малды құрбандыққа шалу кезінде жасалатын арнайы дұғалар бар ма? Қандай жайттарды ескерген жөн?–&nbsp;Құрбан шалар кезде «Аллаһу әкбар, Аллаһу әкбар лә илаһа иллаллаһу, Аллаһу әкбар, Аллаһу әкбар уа лиллаһил-хамд» деп тәкбір айтып, «Бисмиллаһи, Аллаһу әкбар» деп бауыздау керек. Ең абзалы, құрбанды иесінің өзі бауыздағаны дұрыс. Құрбандыққа шалынған малдың етін үш бөлікке бөліп тарату – сауап. Бір бөлігі –туған туыс, көршілеріне, екінші бөлігі – кедей, мұқтаж адамдарға, үшінші бөлігі – өзінің бала-шағасына, отбасына беріледі. Ең бастысы, құрбандық ғибадатын шын ниет-ықыласпен орындау керек. Құрбандыққа шалынатын малды қинамау үшін өткір пышақ қолданған дұрыс. Малды сою үшін жерге жатқызғаннан кейін пышақты көз алдында жалақтатып, қайрау – әдепсіздік. Қинамай сою – сүннет амал. Пайғамбарымыз бір хадисінде: «Малды бауыздаған уақытта жақсылап бауыздаңдар. Кімде-кім мал сойса, пышағын жақсылап қайрасын және тезірек бауыздап, малды рахатына қауыштырсын», – деп айтқан. Айта кететін жайт, биыл Шиелі аудандық орталық мешітінің ауласында мал сою орны болмағандықтан, құрбандық малы шалынбайды. Арнайы мал сою орындарында немесе әркім өз үйінде сойып, етін орталық мешітке әкелсе, мұқтаж отбасыларға сол жерден тарататын боламыз.–&nbsp;Қасиетті Құрбан айт күні тырнақ алуға, кір жууға, үй жинауға болмайды деп жатады. Осы тұрғыда айта кетсеңіз.–&nbsp;Бұл күні тырнақ немесе кір жууға немесе басқа да жұмыстармен айналысуға болмайды деген нақты үкім жоқ. Дегенмен, бұл мұсылмандар үшін қасиетті мейрам күні болғандықтан, үйімізге туған-туыс жақындырымыз, бауырларымыз, достарымыз айттап келеді. Сол бір сәтте ыңғайсыз жағдай туындап қалмас үшін мейлінше қонақ күтуге дайындалып, ақ дастарқан жайып отырғанымыз дұрыс. Құрбан айт күні жақындарымызды зиярат етіп, ауырып жатқан бауырларымыздың көңілін сұрап, ренжіткен не болмаса ренжіген адамдарымыз болса, бірінші болып кешірім сұрап, береке-бірлікте болып татуласқанымыз өзіміз үшін де ақыретіміз үшін де қайырлы болмақ.–&nbsp;Сұхбатыңызға рақмет!Құрметті оқырман, қанағат пен шүкірді жадымызға салып қана қоймай, жүрегімізге мейірімділік пен қамқорлықты, қоғамдағы мұқтаж жандарға көмек қолын созуға бейімдейтін қасиетті Құрбан айт күні жасаған құлшылық, дұға-тілектерімізді, шалған құрбандарымызды Алла қабыл еткей!&nbsp;СұхбаттасқанМейіржан ИБРАГИМОВ

Бақыт Бахрамұлы: Құрбан айт – мейірім мерекесі

Аса қамқор, ерекше мейірімді Алланың атымен бастаймын! Барлық мақтау Аллаға тән! Оның Пайғамбары Мұхаммедке сала­уаттар мен сәлемдер болсын!Құрметті бауырлар! Кеше ғана қасиетті Рамазан айын аяқтап, Ораза айтты той­ла­ған едік. Көзді ашып-жұмғанша Құр­бан айт мерекесі де келіп жетті. Ұлық мерекеге аман-есен жеткізген Аллаға сансыз шүкірлер мен мадақтар болсын!Бұл күндері әлемнің әр бұрышынан Мекке мен Мәдинаға ағылған мұсылман үмбеті Ислам­ның бес тірегінің бірі болған қажылық парызын орындауда. Оның ішінде біздің де 5 мыңнан астам ­отандасымыз бар. Қағбаны тауап етіп, тәубе деп, құлшылық жасап жатқан барша мұсылманның дұға-тілегі мен қажылығы қабыл болғай.Алла Тағала кімге құрбан шалатын мүмкіндік берсе, яғни қолында қаражаты бар мұсылман баласы Жаратушы Жаб­бар Иесіне жақындау ниетімен Оның ра­қы­мынан үміт ете отырып, құр­бан шалуы міндет болып есептеледі. Себебі «құр­бан» сөзі «жақындау» деген мағы­наны біл­діреді. Демек пенде Алланың разы­лығын көздеп, Оның мейіріміне бөле­нуді шынайы қалап құрбан шалу арқылы Жарат­қанның жарылқауына бөленеді. Құр­бан шалудың шариғаттағы анық­тама­сы мынадай: Құдайға құлшылық ниеті­мен ереже-шарттарын ескере отырып, мал­ шалу.Кімнің бір қойды сатып алып, оны құрбандыққа шалуға шамасы жете­тінін Алла жақсы біледі. Құдай біздің ішкі ниетімізден де толық хабардар. Сондықтан құрбан шалудың негізгі мақсаты – адамды Аллаға жақындату. Тіпті құрбан шалуға шамасы келмеген адамдар бұл күндері мұқтаждарға садақасын беріп, Құдайдың мейірімінен үміт етеді. Құрбан айт күндері әр адам өзінің материалдық мүмкіндігі аясында құрбан шалып, жақсы істерге ұмтылатыны сондықтан.Құрбан шалу – Аллаға деген ықы­лас­­тың үлкен бел­гі­сі. Исламдағы бар­лық құл­­шылық­тың түпкі мәні мен мақсаты – пен­денің ықыласын арттыру, шынайы ниет­ті шыңдау. Өйткені қорасында қойы бар шаруа немесе қолында қаражаты бар адам малдың ең жақсысын, яғни семізін, ірі­сін Алла жолына арнап, құрбандыққа ша­ла­ды.Жаратушы Иеміз Құранда мұсыл­ман баласына ең жақсы көрген нәрсені садақа етуді, яғни Алла жолында жұм­сау­ды бұйырған. Бұл туралы қасиетті кіта­бымызда былай делінген: «Жақсы көрген нәрселеріңді Алла жолында жұмсамайынша жақсылыққа қол жеткізе алмайсыңдар. Не берсеңдер де Алла оны сөзсіз толық біледі» («Әли Имран» сүресі, 92-аят). Жомарт жан Алла үшін барын аямайды. Жақсы көретін дүниесінің ең жақсысынан құрбан шалып, садақа береді. Мұндай игі істі ыждағатпен орындаған адам міндетті түрде жақсылыққа кенеледі.Ислам тарихынан белгілі, Ибраһим пайғамбар (оған Алланың сәлемі болсын) қартайған шағында қаншама жыл күткен баласын құрбандыққа шалып жатқанын түсінде көреді. Бұл Раббысының әмірі екенін түсінген ол шынайы берілу, толық мойынсыну, Алланың нағыз досы екенін дәлелдеу ниетімен ауыр сынақ бола тұра үлкен құрбандық жасауға бел буады.Алланың сынағынан сүрінбей өткен Ибраһим пайғамбарға (оған Алланың сәлемі болсын) көктен көк қошқар түсі­ріледі. Құрбан шалу рәсімі осы сәт­тен бас­тап мұсылман үмбеті үшін сүннет амал болып қалды. «Құрбан шалу – Ибраһим бабаларыңның салып кеткен жолы. Құрбандыққа шалған мал­да­рыңның әрбір тал қылшығы үшін сауап аласыңдар» деген хадистің мәні осында жатыр.Адам баласы қажет кезде Алла жо­лын­да ең құнды нәрсесін қия білуі керек. Ибраһим пайғамбар (оған Алла­ның сәлемі болсын) үшін ең бағалы, ең құнды, ең сүйікті, жүрегімен жақсы көрген перзенті болса, соның өзін Алла үшін еш ойланбастан құрбандық ету­ге дайын болған еді. Алдында екі таң­дау тұрғанда еш қиналмастан Жарату­шы­сының разылығын таңдады. Біз бұдан Алланың разылығы ең жоғары құндылық екенін жіті түсінеміз.Шын мәнінде, Алла біздің мал-мүл­кімізге, бала-шағамызға, атақ-абы­ройы­мызға, мансабымызға мұқтаж емес. Қасиетті Құранда: «Ұмытпаңдар, олардың еті де, қаны да ешқашан Аллаға жетпейді. Оған жететін нәрсе – жүректеріңізге ұяла­ған тақуалықтарың (шынайы ниеттерің)» («Хаж» сүресі, 37-аят) делін­ген. Алла Тағала біздің шынайы ықы­ла­сымыздың дәрежесіне қарай мәрте­бемізді де жоғары көтереді. Өйткені тапқан табысының белгілі бір үлесін Алла жолына арнау үлкен жомарт­тық­ты қажет етеді. Бұл – сараң адам үшін ауыр амал. Тіпті Алла ондай адам­­дарға құрбандық жасау бақытын бұйыр­майды.Құрбан шалу рәсімінің жеке адамға тигі­зер пайдасына келер болсақ, ең әуелі пенде бұл арқылы Аллаға жақын­дай түседі, тақуалығын арттырады. Құрбан шалу амалы адамның Аллаға деген шүкірін көбейтеді. Жүре­гі­міздегі Аллаға деген махабатты оятып, ықыласымызды арттыра түседі. Соны­мен қатар дүниеге деген сүйіс­пен­­­ші­лігімізді азайтады. Жүректі дүние­құ­мар­лықтан тазартады. Жүректі кір шалса ол жерге иман ұяламайтыны белгілі.Шын мәнінде, Жаратушыға жақын­да­­та­тын амалдардың бірі – Алла жолында дүние жұмсау. Хақ Тағала жақ­сы­лық жолында шынайы ниетпен дүние жұмсаған адамның байлығына береке нәсіп етеді. Құранда: «Сендер игілік жолында не сарп етсеңдер де, Алла оның орнын толтырады. Ол ризық берушілердің ең қайырлысы» («Сәбә» сүресі, 39-аят) делінген.Құрбан шалудың қоғамға тигізер пайдасы да ұшан-теңіз. Сол үшін асыл дініміз жағдайы келген мұсылманға құрбан шалуды міндеттеген. Тіпті Пайғамбарымыз (оған Алланың сала­уаты мен сәлемі болсын): «Шамасы жете тұра құрбан шал­маған жан намаз оқитын орнымызға жақындаушы болмасын!» деп қатаң ес­керткен. Иә, байдың малында кедейдің ақысы бар. Қара суды қанағат тұтып жүрген жандар мейрам күндері ет жеп, мәз-мәйрам күй кешеді.Құрбан айт – бай мен кедейдің арасына мейірімділік сезімдерін сыйлайтын сәт. Расында айт – ағайын арасын жақын­дастыра түсетін, адамзат баласын имандылыққа ұйытып, қанағат пен тәубе­ге шақыратын ұлық мейрам. Бұл күн­дері барша мұсылман құрбан шалу­мен ғана емес, Ұлы Аллаға ұнамды әрбір ізгі амалы арқылы Раббысының разы­лы­ғына, рақымына жақындай түседі.Жаратушыға иман келтірген үмбет­тің әрбір ғибадаты, құлшы­лы­ғы, тір­шілігі Алла Тағалаға бой­сұну­шы­лық­­­қа негізделген. Хақ Тағала Құран Кәрім­­нің Әнғам сүресінде былай деп бұйырды: «Шын мәнінде, менің намазым да, құлшылығым да, тіршілігім де, өлімім де әлемдердің Раббысы Алла үшін деп айт». Сондықтан да мүміннің қуанышы, мерекесі де Жаратушымен бірге, Раббысының әмір-тыйымын орындау арқылы болады.Алла елшісі (оған Алланың салауаты мен сәлемі болсын) мұсылман үмбетін таныған адамға да, танымаған жанға да ас беруге, оған қайырымдылық жасауға үндеген. Құрбан айт ренжіскен кісілердің көңілін жібітеді. Құрбан айт қоғамда әлеуметтік мәселелерді шешуге оң ықпал етіп келеді. Қазақстан мұсылмандары діни басқармасы жыл сайын Құрбан айт мейрамы кезінде жомарт жандардың көмегінің арқасында мыңдаған тұрмыс жағдайы төмен отбасыларға, жетімдерге, қараусыз қалған қарттарға, жалғыз басты ана­ларға, жалпы көмекке мұқтаж жан­дарға құрбандық етін үлестіріп келеді. Имамдарымыз Құрбан айт күндері қоғамға қайырымдылық істерді дәріп­теуге барынша үлес қосуда.Осы ретте еліміздегі барша кәсіпкер азаматтарды Құрбан айттың құрметіне мал құнын қолдан көтермей, халықтың әлеуметтік жағдайын ескеріп, оңтайлы баға ұсынуға, жұрт күнде тұтынатын азық-түлікке мүмкіндігінше жеңілдік жасауға шақырамын. Құрбан айттың негізгі мәні мұсылмандар арасында өзара мейірімділік, жомарттық, қайырымдылық, қанағат сынды адам­гершілік құндылықтарды қалып­тас­тыру екенін естен шығармаған абзал. Алланың рақым нұры төгілетін айтта жұртымызға жақсылық жасап, көпшіліктің ризашылығына бөленейік.Алла Тағала еліміз бен жерімізге бере­­кесін жаудырып, шалған құрбан­­дық­тарымызды, берген садақа­ла­ры­мызды, айт күндері амалға асырған Аллаға ұнамды әрбір игі істерімізді қабыл еткей.Айттан айтқа аман-есен жете берейік. Әмин!&nbsp;Наурызбай қажы ТАҒАНҰЛЫ,Қазақстан мұсылмандары діни басқармасының төрағасы, Бас мүфти

Ізгі амал мен сауап іс

ҚР Премьер-Министрінің орынбасары Тамара Дүйсенова AMANAT партиясының қоғамдық қабылдауы алаңында азаматтарды онлайн қабылдады, деп хабарлайды Үкіметтің баспасөз қызметі.Жүздесу барысында Қызылорда тұрғыны Сәби Аңсат тарихи тұлғалар еңбегін жастар арасында дәріптеуге байланысты мәселе көтерді. Оның ішінде Темірбек Жүргенов туралы телехикая түсіру керектігін жеткізді. Бұл ретте Тамара Дүйсенова Мәдениет және ақпарат министрлігіне тиісті тапсырма беріп, орындалуын жеке бақылауына алатынын айтты.Астана тұрғыны адам ағзасына зиянды темекі, алкоголь өнімдері мен құрамында қанты бар сусындардың таралуына қарсы күрес шараларын күшейтуді сұрады. Мәселеге қатысты жауап алған вице-премьер бұл бағытта жүйелі жұмыс атқарылып жатқанын атап өтті. Сонымен қатар саламатты өмір салтын нығайтуға және насихаттауға бағытталған бірлескен шараларды қолдауға дайын екенін білдірді.Қабылдауға қатысқан бір топ азамат құқық қорғау қызметінің ардагерлері атынан өтініш айтты. Олар Алматыдағы ІІМ ауруханасы мен оның қарамағындағы «Қазақстан» шипажайының жұмысын қалыпқа келтіруді сұрады. Кездесу барысында бұл мәселемен Ішкі істер министрлігі мен мегаполис әкімдігі бірлесе шара қабылдап жатқаны туралы айтылды. Тамара Дүйсенова ведомство басшысының орынбасарына мәселе көтерген сала ардагерлерімен тікелей кездесіп, мәселені шешу барысы туралы тұрақты түрде құлағдар етіп отыруды тапсырды.Семей тұрғыны мүгедектігі бар баланы дәрі-дәрмек, арнайы тағаммен қамту мәселесін көтерсе, астаналық азамат «Болашақ» бағдарламасы арқылы білім алған түлектің жайын қозғады. Тамара Дүйсенова айтылған мәселелерді шешуге байланысты мүдделі мемлекеттік органдарға нақты тапсырма жүктеп, атқарылған шаралар туралы тікелей есеп беруін міндеттеді.Сондай-ақ 1 шілдеден бастап енгізілетін дәрілік заттарды таңбалау мен қозғалысын бақылау талабын енгізу мәселесі талқыланды. Вице-премьер аталған шара ең алдымен тұрғындар тұтынатын дәрі-дәрмектің сапалы әрі таза болуына бағытталғанына баса мән берді. Таңбалау мен бақылау айналымға контрафактілік өнімнің енуіне жол бермейтінін атап өтті.Сонымен қатар Тамара Дүйсенова тиісті таңбалар тек 1 шілдеден кейін өндірілген немесе елге әкелінген дәрілік заттарға қойылатынын жеткізді. Кездесу кезінде көтерілген мәселелер бойынша мүдделі мемлекеттік органдар, дәрі-дәрмек өндірушілері, тасымалдаушылар, дәріханалар өкілдерінің қатысуымен тұрақты түрде жүздесулер ұйымдастыру тапсырылды.

Қызылорда тұрғыны вице-премьерден Темірбек Жүргенов туралы телехикая түсіруді сұрады

Kyzylorda-news.kz. Қазгидромет жексенбі, 16 маусымға арналған жалпы ауа райы болжамын жариялады.Синоптиктердің болжамына сүйенсек, еліміздің басым бөлігінде жаңбыр жауып, найзағай ойнайды, алты облыста қатты ыстық болады.Қазақстан аумағының басым бөлігінде атмосфералық фронтальды бөліктер ықпал етеді. Найзағай ойнап, еліміздің шығысында нөсер жаңбыр, бұршақ жауады. Тек оңтүстігінде және республиканың орталығында антициклон ықпалымен ауа райы жауын-шашынсыз болады.Республика бойынша жел күшейеді.Күндіз Батыс Қазақстан, Атырау, Ақтөбе, Маңғыстау, Қостанай облыстарының кей жерлерінде, Қызылорда облысында күн қатты ысиды.Ұлытау, Жамбыл, Алматы облыстарында, Батыс Қазақстанда, Ақтөбенің орталығында, Маңғыстау жағалауында, Ақмоланың оңтүстік-батысында, Жетісудың солтүстігінде, Абай облысының орталығында, Қарағандының орталығында, батысында, Қостанайдың оңтүстігінде, Шығыс Қазақстан, Қызылорда облыстарының солтүстік-батысында, шығысында жоғары өрт қаупі сақталады.Атырау, Маңғыстау, Түркістан, Қызылорда облыстарында, Батыс Қазақстанның батысында, Ақтөбенің оңтүстігінде, батысында, шығысында, Жамбылдың оңтүстігінде, Алматының орталығында, Қостанайдың оңтүстігінде, Қарағандының оңтүстігінде, Жетісудың шығысында, Абай облысының оңтүстігінде, Ұлытау облысының орталығында төтенше өрт қаупі бар.

16 маусымға арналған ауа райы болжамы

Жолдың жайын жүрген білер

Kyzylorda-news.kz. Әке – отбасының тірегі, әрбір жанның үлгі тұтар тұлғасы, жанұяның қорғаны, құрмет пен берекенің бастауы.Қазақта әкені ерекше құрмет тұтып, жанұядағы рөлін айрықша қастерлеген. Осы бұзылмаған заңдылықтың арқасында бүгінде үлгілі отбасылардың саны едәуір артып келеді.Өткен жылы Қазақстан Республикасы Үкіметінің қаулысымен бекітілген «Мерекелік күндердің тізбесіне» маусым айының үшінші жексенбісі - «Әкелер күні» болып енгізілді. Бұл мерекені атап өтудегі басты мақсат – еліміздегі отбасылық құндылықтарды ілгерлету, отбасы институтын нығайту, әкелердің қоғамдағы рөлін айшықтау.Осыған сәйкес, Әкелер күні елімізде екінші рет атап өтілуде.&nbsp; Атаулы күнге орай, Сыр өңірінде «Әке – отбасы тірегі» атты облыстық әкелер форумы өтті. Форумға республикалық «Әкелер одағы» қоғамдық бірлестігінің төрағасы Айтмағанбет Мақсұтбек және аталған ұйымның Астана қаласындағы филиалының директоры, сондай-ақ ақын, жазушы, сценарист, Қазақ Ұлттық өнер университетінің аға оқытушысы, «Абай жолы», «Ахмет», «Ұлт ұстазы», «Міржақып», «Оян қазақ» сериалдарының сценарисі, «Дайағашшы» және өзге де кітаптардың авторы, «Ерең еңбегі үшін» төсбелгісінің иегері Ұларбек Нұрғалымұлы арнайы қонақ ретінде шақыртылды. Сонымен қатар, аталған шараға облыстың барлық аумағындағы үлгілі отбасылардың әкелері, көп балалы әкелер, аймақтық деңгейдегі «Мерейлі отбасы» конкурсының жеңімпаздары, қоғамға пайдалы қызметпен айналысқан еріктілер, қайырымдылық жасаушы меценеттар, зиялы қауым өкілдері, ардагерлер, ҮЕҰ және БАҚ өкілдері, білім, денсаулық, ішкі істер, әскери, төтенше жағдай саласында еңбек ететін және ардагер әкелер, яғни 140 ер азамат қатысты. &nbsp;Форумда облыс әкімінің орынбасары Шахмардан Байманов игі шараның ашылуында алғы сөз сөйлеп, қатысушыларды мерекесімен құттықтады. Облыс әкімдігімен отбасы құндылықтарын насихаттау, әкелер институтын қалыптастыру, анаға құрмет көрсету, балаларды рухани-мәдени тәрбиелеу, білімге ынталандыру бағытында атқарылып жатқан ауқымды жұмыстар туралы баяндады.&nbsp; Өз кезегінде форумға қатысушылар арнайы тақырыптар бойынша өз пікірлерін ортаға салып, баяндама жасады. Сондай-ақ, отбасы құндылықтарын насихаттау бағытындағы осындай іс-шараларды жиі ұйымдастырылуын керектігі туралы өз ұсыныстарын білдірді. Форум аясында осы жылы көктемде орын алған су тасқыны салдарын жоюға және елдімекендерді су басу қаупінен сақтап қалуға атсалысқан елжанды азаматтар, еңбек адамдары, отбасында ғылыми, спорттық, мәдени, шығармашылық жетістіктерге жеткен балаларды тәрбиелеп отырған әкелер, қайырымдылық және қоғамға пайдалы шаралармен айнылысып жүрген ерікті ер азаматтар облыс әкімінің «Алғыс хатымен» марапатталды және оларға бағалы сыйлықтар табысталды.&nbsp; Шара соңында форумға қатысушылар естелік фотоға түсіп, мерекелік көңіл-күйде тарқасты.<img src="https://knadmin.beoblood.kz/uploads/FB_IMG_1718453738893_26dd91c3ee.jpg" alt="FB_IMG_1718453738893.jpg"><img src="https://knadmin.beoblood.kz/uploads/FB_IMG_1718453744999_560b515658.jpg" alt="FB_IMG_1718453744999.jpg"><img src="https://knadmin.beoblood.kz/uploads/FB_IMG_1718453742670_0a6390ad82.jpg" alt="FB_IMG_1718453742670.jpg">

Қазақстан және Қызылорда облысының жаңалықтары