Аралда тұз кәсіпшілігі қалай дамыды?

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Нұрлыбек Нәлібаев Татарстан Республикасына жұмыс сапары аясында Иннополис қаласына барды. Қала мэрі Дмитрий Вандюковпен және Иннополис университеті директорының орынбасары Искандер Бариевпен кездесіп, экономикалық аймақтың, заманауи білім ордасының жұмысымен танысты.Кездесуде ғылым мен IT технологияларды дамыту, жасанды интеллект пен робототехника саласындағы инновациялық аумақтар құру тәжірибесін бөлісу, осы бағытта ынтымақтастық орнату мәселесі талқыланды. Атап айтқанда, Сыр өңірі ІТ мамандарының, студенттердің тәжірибеден өтуі жайында келіссөз жүргізілді.Иннополис университетінде 1000-ға жуық ІТ саласының болашақ мамандары білім алуда. Жоғары оқу орны ақпараттық технологиялар және робототехника саласындағы білім беруге, зерттеулерге маманданған. Заманауи ЖОО-да барлық академиялық бағдарлама ағылшын тілінде жүргізіледі, ал мамандықтар ақпараттық технологиялармен тығыз байланысты. Ресейдегі 300-дей жетекші IT-компаниямен біріккен 17 зертханасы, 9 даму орталығы бар.Ресей Федерациясындағы ақпараттық және жоғары инновациялық технологияларды дамыту үшін құрылған қалашықта озық инновациялық шешімдер әзірленеді және коммерцияланады.АЭА-тың негізгі нысаны - технопарк кеңселері мен даму орталықтары бар заманауи, көп функционалды кешен. Мұнда IT компаниялардың дамуына барлық қолайлы жағдай жасалған, жаңа перспективалы жобалар да, ірі ресейлік және халықаралық IT-компаниялар да шоғырланған. АЭА алаңының жалпы аумағы - 311 гектар.Делегация Башир Рамеев атындағы ІТ-паркке арнайы барды. Парк базасында коворкинг, цифрлық кітапхана, балалар технопаркі, стартап хаб, киберпарк аренасы және т.б. бар.Жалпы жұмыс сапары барысында облыс әкімі серіктестік қатынастарды кеңейту арқылы әлеуметтік-экономикалық дамуға, ауыл шаруашылығын, сауда-саттық пен инвестицияны, кәсіпкерлік саласын ілгерілетуге жол ашылатынын атап өтті. Сондай-ақ, Нұрлыбек Нәлібаев көрсетілген қонақжайлыққа алғысын білдіріп, ынтымақтастық пен екіжақты байланысты кеңейту бағытындағы жұмыс жалғасатынын айтты.<img src="https://knadmin.beoblood.kz/uploads/448978470_768754115445835_4241591075217634685_n_886fb8f12e.jpg" alt="448978470_768754115445835_4241591075217634685_n.jpg"><img src="https://knadmin.beoblood.kz/uploads/448869141_768754135445833_6277169281182252300_n_77866592bc.jpg" alt="448869141_768754135445833_6277169281182252300_n.jpg">Фото: Қызылорда облысы әкімінің баспасөз қызметі

Аймақ басшысы Иннополис қаласында келіссөздер жүргізді

<a href="https://kyzylorda-news.kz/">Kyzylorda-news.kz</a> 23 маусым – Мемлекеттік қызметшілер күніне орай, аудандық мәдениет үйінде салатанатты шара өтті. Онда аудандағы бір топ мемлекеттік қызметшілер мен сала ардагерлері марпатталды. Мемлекеттік салада абыройлы еңбек еткендерді Шиелі ауданы әкімінің орынбасары Болатбек Ысмағұлов салтанатты түрде кәсіби мерекелерімен құттықтады.Бұл кәсіби мерекенің басты мақсаты – мемлекеттік қызметтің маңыздылығы мен қажеттілігін халыққа жеткізіп, мемлекеттік сектордың басқару әлеуетін күшейту және мемлекеттік қызметтің оң имиджін қалыптастыру болып табылады.&nbsp;– Бүгінгі мереке – мемлекеттік қызметте жүрген барша азаматқа ортақ. Әрине, бұл саланың қиындығы да, жауапкершілігі де мол. Соған қарамастан, біздің басты міндетіміз – ауданның дамуына өз үлесімізді қосу. Себебі, мемлекеттік қызметші дегеніміз – ел тірегі. Сондықтан біз қандай да бір шешім қабылдағанда оның арғы жағында мыңдаған адам тағдыры тұрғанын түсінуіміз қажет. Бұл – үлкен жауапкершілік және бізге артылып отырған сенім. Сондықтан мемлекеттік қызметте шыншыл адамдар жұмыс істеуі қажет. Сіз бен біз таза ниетті болсақ, қоғам да таза болады, – деді Шиелі ауданы әкімінің орынбасары Б.Ысмағұлов.Халқына қызмет етуде білімі мен тәжірибесіне сүйенген, адалдықты ту ететін таза жүректі, ар-намысты мінсіз азаматтар ғана мемлекеттік қызметші деген атқа лайықты. Сондықтан әрбір ұжымда ұтқырлық пен дара шыққан бірқатар мемлекеттік қызметші өңіріміздің әлеуметтік-экономикалық дамуына қосқан үлестері үшін марапатқа ие болды. Атап айтар болсақ, мемлекеттік қызмет саласының ардагері А.Нұртаев, Н.Беркімбаев, түрлі бөлімнің білікті мамандары М.Мұсабаев, А.Батаев, Г.Назарбаева, М.Әбжаппар, К.Пірімбетов, Ғ.Ерғазина, Ж.Данабеков облыс әкімінің Алғыс хатымен марапатталды. Сондай-ақ «Қызмет» Мемлекеттік, банк мекемелері және қоғамдық қызметкөрсету қызметкерлерінің Салалық кәсіподағының марапатын Сұлутөбе ауылдық округінің әкімі Қ.Маматов пен аудандық жұмыспен қамту және әлеуметтік бағдарламалар бөлімінің жұмыспен қамту және әкімшілік секторының меңгерушісі А.Қожаева иеленді. Ал ҚР Мемлекеттік қызмет істері агенттігінің Қызылорда облысы бойынша департамент басшысының Алғыс хаты зейнеткер Р.Қосжанова, Ш.Жұманова, А.Мыхановаға бұйырды. Салтанатты шарада ауданның оң имиджін қалыптастырып, нәтижелі жұмыс істеген 12 мемлекеттік қызметші аудан әкімінің алғыс хатымен марапатталды.&nbsp;Шара соңында Шиелі ауданы әкімінің орынбасары Б.Смағұлов Тәуелсіз еліміздің өркендеу жолында еңбек етіп жатқан барлық қызметкерлерге алғысын білдіріп, жұмысына сәттілік тіледі.

Шиеліде мемлекеттік қызметшілер марапатталды

<a href="https://kyzylorda-news.kz/">Kyzylorda-news.kz</a>&nbsp; Ара ұяларының санын 200-ден асырған Жосалылық омарташы мемлекеттен қолдау тауып, бүгінде кәсібін өрге дөңгелентуде.Сыр өңірі - ара өсіруге қолайлы аймақ. Мұнда олардың бал жинауына қажетті түрлі өсімдіктер бар. Сондықтан да соңғы жылдары өңірімізде омарташылар саны көбейіп, өнім сапасы артып келеді. Оған омарташылық кәсіпке алты жылдан бері машықтанған Жосалылық омарташы Майлыбаев Болат өзіндік үлесін қосуда.Алты жыл бұрын бірнеше ара ұясынан басталған кәсібі, бүгінде 200 омарта ұясын, әр ұяда 100 мыңнан аса араны құраса, оның өндірген бал өнімдерін Жосалыға ғана емес, сондай-ақ алыс жақын ауылдар мен қалаларға экспортталып отырған жайы бар.Бұл кәсіптің пайдасы ұшан-теңіз екеніне көзі жеткен ол өткен жылы «Байқоңыр» әлеуметтік-кәсіпкерлік корпорациясынан «Ауыл аманаты» жобасы аясында 4 млн теңге жеңілдетілген несие алып, омартасын дамыту үшін қажетті құрал-жабдықтары мен ұяларын сатып алған.Кәсіпті 500 ұямен шектеп қалмауды ұйғарған Болат Максимұлының айтуынша, алдағы уақытта омартаны ұлғайту үшін канадалық технологияны қолданбақ. Яғни, қазірде жеке-дара тұрған ара ұяларын төрт-төрттен біріктіріп, жүк тиегіш техникалармен тиеуге жеңіл болуы үшін түпқоймаларға орналастырады. Бұл өз кезегінде омартаны жаз маусымында жайлауға, қысқа қарай қыстауға көшіру үрдісін жеделдетіп әрі жеңілдете түспек. Атап айтсақ, уақыт пен жұмыс күші үнемделеді дейді кәсіпкер.Фото: syrboyi.kz

Қармақшылық тұрғын омарташылықтан мол табыс тауып отыр

<a href="https://kyzylorda-news.kz/">Kyzylorda-news.kz</a> Соңғы кездері Арал теңізінің тағдыры мен оны жағалай қонған елге алаңдаушылық білдіретін жобалар мен туындылар көптеп бой көрсете бастауда. Әрине, жалғыз Қазақстанға емес тұтас әлемге танымал теңіздің қазіргі жағдайы көпті толғандыратыны айқын. Десе де айтып қоя салу бөлек те, жанашырлықты іс жүзінде көрсету бөлек әңгіме. Мұны неге айтып отырмыз. Соңғы уақытта Алтай Айнабек есімді азаматтың жобасы аралдықтардың барлығына дерлік белгілі бола бастады. Бастысы жасанды жауын жауғызуды көздейтін бұл жобада үлкен үміт бар секілді сезіледі. Халықаралық климат өзгерту мекемесінің басшысы болып табылатын Алтайдың «бүгінде Аралға жауын жаудырам, сол арқылы Аралды толтырамын» деген үлкен мақсат жолындағы жұмыстары елдің көз алдында. Дәл қазіргі уақытта Арал қаласында осы мақсатын жүзегеу асыруды бастап кеткен азаматтың есімі әлеуметтік желі арқылы барша қазақстандықтарға белгілі бола бастады.«Ниетке найза бойламас» деген сөз бар ғой халқымызда. Әрине, сонау 2000 жылдардың бас кезінде теңізге деген жанашырлықтан дүниеге келген САРАТС жобасын жұртшылық жақсы біледі. Кіші теңізді сақтап қалу арқылы аралдықтарды ата кәсібімен қайта қауыштырған бұл жоба әлі күнге дейін өз нәтижесін беріп келеді. Сол секілді жасанды технология арқылы Аралды суға толтыру жобасы қылаң берді. Міне, осы сынды дүниелер бүгінде Аралға деген алаңдаушылық һәм оның халін әлемге таныту деп ұғына бастағандаймыз.Тағы бір тың туынды Арал теңізінің ауыр тағдырын баяндайтын «Остров возрождения» фильмі әлемдік прокатқа шығады деп күтілуде. Сонау советтік замандағы Арал теңізінің ауыр тағдырын бейнелейтін бұл туынды әлем назарын әлі де Аралға аударуды көздейді.&nbsp;«Эмми» жүлдесінің игері, шығысқазақстандық продюсер Надира Ахонова мен түрік режиссері Жиһан Жанның бірлескен туындысы 1942-1992 жылдардағы Аралдың проблемасын көтереді.Толықметражды фильмде Дулыға Ақмолда, Малика Байгубенова, Алексей Шемес, Сырым Қашқабаев сынды қазақстандық танымал актерлер басты рөлдерді сомдайды. Сондай-ақ жуық арада бұл туынды Индия, Түркия, Америка және Еуропа елдерінде көрсетілмек. 20-мауысымнан бастап көрерменге жол тартқан туындыны Қазақстан кинотеатрларынан көруге болады.Брюс Уиллис, Джеки Чан сияқты Голливуд жұлдыздарымен жұмыс істеген түрік продюсері Жиһан Жан «Қазақстан кинонарығының әлеуеті зор. Актерлері өте дарынды әрі жан-жақты» дейді.– Қазақстанда өткен мәртебелі өнер жобасына қазылар алқасының мүшесі ретінде қатыстым. Қазақстанда өте дарынды әрі талантты әртістер көп екеніне көзім жетті. Бұл мені ерекше қуантады. Қазақ елінің кино саласындағы әлеуеті өте жоғары. Менің ойымша қазақ кинолары болашақта әлемдік коинплатформаларында өзіндік орнын алатынына сенемін, – дейді түрік режиссері Жиһан Жан.Иә, уақыт өткен сайын қазақ киноиндустриясы дамып келе жатқанын көруге болады. Ал Арал мәселесі том-том кітапқа, сериалдарға сыймайтын үлкен әрі ауқымды дүние. Дегенмен 1942 және 1992 жылдар аралығындағы Аралдың ауыр тағдырын суреттейтін киноның болашақта әлемдік прокаттарға жол тартуы да бек мүмкін. Себебі, Арал әлем назарында. Бұл жөнінде шығыс қазақстандық продюсер:– Енді «Возрождения аралы» атты кинотуындыны 20-маусымнан бастап барлық кинотеатрлардан көруге болады. Киносүйер қауымды осы туындыны көруге шақырамыз. Біз, Жиһан бей екеуміз, атқарушы продюсер ретінде осы фильмді Түркия және Үндістан нарығына шығаруды жоспарлап отырмыз. 1942 жылдан 1992 жылға дейін биологиялық қаруларды возрождения аралында түрлі жануарларға қолданған. Бұл фильм сол туралы. Шынайы оқиға желісі негізінде түсірілген фильм тек Түркия мен Үндістанда ғана емес, алдағы уақытта Америка мен Еуропа елдеріне де шығады, – &nbsp;деді.Арал теңізінің кезіндегі халін суреттеу арқылы әлем жұртшылығының назарын бізге аударуды көздейтін туындыны біз де көпшілікке қарауды ұсынамыз. Қайткенмен, туған жер туралы, оның бір замандардағы ауыр тағдыры туралы баяндалатын туынды көпшілікке, әсіресе, Аралға алаңдаулы жұртқа жағады деген ниеттеміз.

«Возрождения аралы» атты кино көрерменге жол тартты

<a href="https://kyzylorda-news.kz/">Kyzylorda-news.kz</a> &nbsp;Қазалы ауданының дене тәрбиесі, спорт және туризм бөлімінің мәліметіне сүйенсек, Қазалы ауданының географиялық тұрғыдан қолайлы орналасуы аудан көлемінде туризм саласының дамуына мүмкіндік береді.Аудан &nbsp;бойынша бес республикалық дәрежедегі, 60 жергілікті санат берілген және 22 алдын-ала есепке алынған ескерткіштер бар. Қазалы ауданымыздағы республикалық дәрежедегі ескерткіш санатындағы және туристік дестинация саналатын Өркендеу ауылдық округінде орналасқан «Оғыз» мемлекетінің астанасы болған көне «Жанкент» қалашығы бар. Бұл «Жанкент» қалашығын 2005 жылдан бері, археологиялық қазба жұмыстары жүргізіліп келеді. Ағымдағы жылдың мамыр айынан бастап, Қорқыт Ата атындағы Қызылорда университетінің «Археология және этнография» ғылыми орталығының экспедициялық тобы зерттеу жұмыстарын жүргізуде.Статистикалық мәліметтер бойынша 2024 жылдың қаңтар-наурыз айлары аралығында орналастыру орындарына келген келушілер саны – 1843 адамды құрап, көрсетілген қызмет көлемі – 8,8 миллион теңге болды. Жалпы, ауданымызда статистикалық базасында тіркелген орналастыру орындарының саны – 10 бірлік, ондағы бөлмелер саны – 94 болып саналады, бір уақыттағы толтырымдылығы – 215 төсек-орынды құрайды.Қазалы ауданы бойынша статистикалық деректерге сәйкес, қаңтар-мамыр айларында туризм саласына тартылған инвестиция көлемі есептілік бойынша – 226,2 миллион теңгені құрады.Туризм саласын ілгерілету мақсатында жаңа мемлекеттік қолдау шаралары туралы 2022 жылдың 1 қаңтарынан бастап, туризм саласын ілгерілету мақсатында мемлекеттік қолдау шаралары қолданысқа енгізілген болатын. Кәсіпкерлік субъектілерінің санитариялық-гигиеналық тораптарды (СГТ) күтіп-ұстауға арналған шығындарының бір бөлігін субсидиялау 83300 теңге болды.Кәсіпкерлік субъектілерінің санитариялық-гигиеналық тораптарды (СГТ) күтіп-ұстауға арналған шығындарының бір бөлігін субсидиялауға «Батыс Еуропа – Батыс Қытай» автокөлік дәлізінің бойында орналасқан «Мирас» кешенінің меңгерушісі К.Кенесбаева атынан құжаттары мен өтінімін тапсырып, 2024 жылға ай сайын субсидия алуға (83 300 теңге) қолдау тапты.«Батыс Еуропа – Батыс Қытай» автокөлік дәлізі бойындағы сервистік қызмет көрсету орындары да іске қосылған. Қазалы ауданы аумағынан өтетін «Батыс Еуропа – Батыс Қытай» автокөлік дәлізінің бойынан кәсіпкерлік қызмет көрсетуге белгіленген бес учаскеде бес нысан пайдалануға берілген. Барлық нысандар заманауи форматта, стандартқа сәйкес жұмыс істеуде. Атап айтқанда, «Арзан Сити – 1» қызмет көрсету кешені. «Арзан Сити 2»қызмет көрсету кешені. «Мирас»қызмет көрсету кешені. «Sinooil» жанар-жағар май бекеті. «TS Қызылорда мұнай өнімдері» жанар-жағар май бекеті.Сонымен қатар, аудан аумағынан өтетін «Самара-Шымкент» автотрассасының бойынан «Қашқан су» учаскесінде жеке кәсіпкер Б.Ерхатовтың көпсалалы қызмет көрсету «Baqyt» кешені қызмет көрсетеді. Қашқан су учаскесінде маусымдық кезең бойынша жазғы демалыс орны (шомылу, әуесқойлық балық аулау) мен мұз айдыны кіреді.

Қазалыда: туризм саласында ілгерілеушілік бар 

<a href="https://kyzylorda-news.kz/">Kyzylorda-news.kz</a> Қазгидромет ел аумағында 24 маусымда болатын қауіпті метеорологиялық құбылыстарға болжам жасады.Синоптиктердің мәліметінше, ҚР аумағының басым бөлігінде әлі де&nbsp;тұрақсыз ауа райы сақталуда, атмосфералық фронттардың өтуіне байланысты найзағай ойнап, жаңбыр жауады.&nbsp;<blockquote>«Күндіз еліміздін оңтүстік-шығысының таулы аумақтарында қатты жаңбыр жауады, сондай-ақ республика бойынша жел күшейеді, дауыл, бұршақ күтіледі.Күндіз Абай, Жетісу, Алматы, Жамбыл, Павлодар, Шығыс Қазақстан облыстарында, Қарағанды облысының оңтүстігінде қатты ыстық сақталады»,&nbsp;— деп жазды ведомстводан.</blockquote>Ақтөбе, Алматы облыстарында, Ұлытау облысының солтүстігінде, шығысында, Абай облысының солтүстігінде, Қарағанды облысының батысында, орталығында, Ақмола облысының батысында, Шығыс Қазақстан облысының оңтүстігінде, Маңғыстау облысының батысында, солтүстік-шығысында, Жетісу облысының солтүстігінде, шығысында, Павлодар облысының шығысында, орталығында, Атырау облысының батысында жоғары өрт қаупі сақталады, Батыс Қазақстан облысының шығысында жоғары өрт қаупі күтіледі.Атырау, Түркістан, Жамбыл, Қызылорда облысында, Алматы облысының солтүстік жартысында, Ұлытау облысында, Батыс Қазақстан облысының оңтүстігінде, Ақтөбе облысының батысында, оңтүстігінде, Қостанай, Қарағанды облыстарының оңтүстігінде және Абай облысында, Жетісу облысының шығысында, Маңғыстау облысының солтүстігінде, оңтүстік-шығысында, орталығында төтенше өрт қаупі сақталады.

Бүгін еліміздің басым бөлігінде найзағай ойнап, жаңбыр жауады

<a href="https://kyzylorda-news.kz/">Kyzylorda-news.kz</a> Орман – ұлан-байтақ жеріміздің алтын діңгегі әрі табиғи байлықтардың күрделі көзі. Біз тыныстап отырған ауаның тазалығын сақтайды. Топырақ беті, жерасты ағыстарын реттей отырып, су және жер ресурстарының сақталынуында маңызды рөл атқарады. Осы тұрғыда Шиелі ауданы ауыл шаруашылығымен қатар орман шаруашылығына да баса мән беріп келеді. Егер зер салып қарасақ, көп айтыла бермейтін орман шаруашылығының адам өмірі үшін рөлі зор. Осы орайда біз Шиелі орман және жануарлар дүниесін қорғау мемлекетттік мекемесінің директоры Жандос Жақсылықұлымен шаруашылық жайында арнайы тілдескен едік.869 272 ГЕКТАР ОРМАНДЫ АЛҚАПТЫ ҚҰРАЙДЫБүгінде бүкіл жаһан жұртын алаңдатып отырған экология мәселесінің оңалуына орман шаруашылығының маңызы, соның ішінде жасыл желекті қорғап жүрген орманшылардың еңбегі орасан зор. Шиелі орман және жануарлар дүниесін қорғау жөніндегі мемлекеттік мекемесіне қарасты орман қоры жерлерінің жалпы көлемі 107 9187 гектар құраса, оның 869 272 гектар орманды алқап. Ал мекеме 3 орманшылыққа бөлінген. Атап айтар болсақ, Жөлек, Шиелі, Қызылқұм. Бүгінде мекемеде штаттық кестеге сәйкес, 90 қызметкер орманды күзету, қорғау және өсімін молайту жұмыстарымен айналысады. Осындай атқарылған жұмыстардың нәтижесінде Шиелі орман шаруашылығында орманды күтіп-баптаудың сапасы артып, тұқымбақтар іске қосылды. Тұқымбақ бөлімінде 2024 жыл көктем айында мекемеге қарасты Жөлек орманшылығының жеріне 0,5 гектар жерге сеппе бөлімі және 0,5 гектар жерге мектеп (қаламша) бөлімі отырғызылды.&nbsp;Деректерге сүйенсек, Қызылорда облысы аумағының 7 миллион гектар жерін қамтыған жасыл желектің басым бөлігі – сексеуіл. Ал Шиеліде қалай? Сексеуіл тұқымдары қайда жиналып беріледі? Бұл жөнінде мекеме басшысы былай деп жауап берді.&nbsp;– Сексеуіл көшеті жалпы 2370 мың дана, оның 1750 мың данасы стандартқа ілінген. Мәселен, 2021 жылдың күз айында егілген сексеуіл тұқымынан 750 мың дана, 2022 жылдың күз айында егілген сексеуіл тұқымынан 1620 мың дана сексеуіл көшеті бар. Шығымдылығы 30 пайызды құрайды. 2023 жылдың қарашажелтоқсан айларында 20 гектар жерге сексеуіл тұқымбағы ұйымдастырылды әрі Арал теңізінің құрғаған ұлтанына 16945 килограмм қарабарақ, 705 килограмм сексеуіл тұқымдары жиналып берілді, – деді Ж.Әлиев.&nbsp;Біз өз кезегінде сексеуілді заңсыз кесетіндерге қандай тосқауыл қойылып жатқанын сұрадық. Мекеме басшысы аудан аумағында және мемлекеттік орман қоры учаскелерінде өсіп жатқан сексеуіл ағашының заңсыз кеcілуіне тосқауыл қою бағытында жүйелі жұмыстарды ұйымдастыру мақсатында арнайы мобильді 2 топ құрылғанын жеткізді.&nbsp;ОРМАНДА ӨРТ БОЛДЫӨздеріңізге мәлім, әлемде орман өрті белең алуда және бұл апат мамандарды да, халықты да алаңдатады. Ғаламтордағы ақпараттарға сүйеніп қарайтын болсақ, 2019-2020 жылдарда болған Аустралиядағы орман өрті барша елдің осы мәселеге назарын аудартты. Елімізде де жыл сайын орман өрті көбейгенін байқаймыз. Сәйкесінше, жылдан-жылға өрттен келтірілген шығын көлемі де ұлғайып жатыр. 2021 жылы 700-ден аса өрт орын алса, 2022 жылы оның саны 800-ге жетіп, 20 миллиард теңгеден астам шығын әкелді. Мәселен, 2023 жылы Абай облысындағы өртті бағамдап көрейікші. Осы жылдың мамыр айында Абай облысындағы 3 ауданда өрт болды. Ресей аумағынан шыққан өрт «Семей орманы» табиғи резерватына таралған. Бұл кезде өрт аумағы 3500 гектарға тең еді. Бірақ 6-10 м/с қатты желдің әсерінен өртті өшіру қиындады, жалын өршіп, сондай-ақ тығыз өсетін дақылдар мен тұзды жерлердің жануына қауіп төнеді деген. 8 маусымда орман резерватында еліміздің тарихындағы ең алпауыт өрт орын алды. 9 маусымда оның аумағы 60 мың гектарға дейін ұлғайып үлгерді. Сондай-ақ орман шаруашылығының 14 қызметкерімен байланыс үзілгені айтылды. Осыған байланысты Семей қаласында төтенше жағдай жарияланды. Еске салсақ, Мемлекет басшысы Қасым-Жомарт Тоқаев Вьетнамға сапарын кейінге қалдырып, Абай ауданындағы өрт аймағына ұшты. «Семей орманы» табиғи резерватында болған ірі өрт салдарынан орман шаруашылығының 14 қызметкері қаза тапты.&nbsp;Міне, осылай сараптай келе, 2010 жылдан бері болған дала өрттерінің біршамасы адами фактор мен қасақана әрекеттен болғанын көреміз. Осындай келеңсіз жағдайлардан кейін орман шаруашылығының мекемелері қарқынды жұмыс істеуге кірісті. Шиеліде орман өрті орын алған ба? Орман өртін болдырмау үшін қандай шаралар жүріп жатыр? Бұл сауалымызға біз мекеме басшысымен әңгіме өрбітіп, өтімді жауап алдық. Оның айтуынша, жалпы шаруашылықта тұқым даярлаудан басқа орманды өрт қауіпсіздігінен сақтау, санитарлық тазалау жұмыстары қарқынды жүруде. 2023 жылы аудан көлемінде шаруашылық жерлер мен мемлекеттік орманды алқаптарда өрт болдырмаудың дайындық жұмыстарын жүргізу жайлы іс-жоспары бекітіліп, ауылдық округтер мен елді мекендерге орман өрттерінің алдын алу мақсатында ескерту хат таратылды. Сонымен қатар мекеме қызметкерлері мен аудандық №13 өрт сөндіру бөлімімен бірлескен 2 өрт сөндіру тактикалық жаттығуы өтті.&nbsp;Айта кетейік, 2024 жылы мемлекеттік орман қоры учаскелерінде 1 орман өрті орын алды. Нақтырақ айтсақ, өрт шалған аумақ 3,7 гектар, табиғатқа келген залал 24882, 55 теңгені камтыды. Жыл басынан бері орманды қорғау жөнінде 18 рейд жүргізіліпті.&nbsp;– Ауыл тұрғындарының, қаладан келген қонақтардың далада заңсыз ағаш кесу, орман заңдылығын бұзу әрекеттері де азайды. Мәселен, қоқыстарды қадағалаусыз қалдыру, демалушылар, аң аулаушылар мен малшылардың жаққан оттарын сөндірмей кетулерінен дала өртінің шығуына себеп болатын жағдайларға ескерту жасалды. Жаздың соңы мен күз айларында дала өрттері көп орын алады. Оның басты себебі – адамдардың далалық жерде, орманды алқаптарда өрт қауіпсіздігін сақтамауынан болады. Жаққан оттарын толықтай өшірмейді, қураған шөпке шеккен темекі тұқылдарын тастай салады. Кейбір жағдайда тракторлардың мұржасынан шыққан ұшқын да өртке себеп болады, – дейді мекеме директоры.&nbsp;ЗАҢСЫЗ АҢ АУЛАҒАН 2 АДАМҒА ШАРА КӨРІЛДІШиелі ауданында маңызы бар 40 су айдыны орналасқан. 9 су айдыны табиғат пайдаланушыларға 10 жылға кәсіптік бағытта, 18 су айдыны 49 жылға тауарлы балық шаруашылығы бағытында бекітіліп берілген, 4 су айдыны резервте. Сонымен қатар резервтегі көлдер Ханқожа, Соркөл, Иіркөл, Құмкөл су айдындары бар. Мекеменің арнайы бұйрығымен резервтегі көлдер орман қызметкерлеріне бекітіліп, күзету, қорғау жұмыстары жүргізілуде.&nbsp;Расында, елімізде жан-жануарларға браконерлер жиі қиянат жасайды. Мәселен, балықты заңсыз тоқпен ұстау, жануарларды рұқсатсыз өлтіру фактілерін де қаншама жазып та, естіп те, айтып та жүрміз. Бұл жайлы арнайы мекеменің мамандарынан сұрап та көрдік. Олардың айтуынша, дамыған заманда екінің бірі аңшы, екінің бірі балықшы болып кетті. Мұның барлығына сала мамандары теріс көзқараста екенін жеткізді. Биыл ауданда жан-жануарларды заңсыз ұстау фактісі бойынша, аң аулаған екі адамға тиісті хаттама толтырылған. Бұл тақырып бойынша халыққа үнемі түсіндірме жұмыстары айтылып келеді.&nbsp;Тағы бір айта кететін жайт, облыс әкімінің бірінші орынбасары бекіткен 2024 жылдың 1 наурыз-31 мамыр аралығында балық шаруашылығы су айдындарына «Таза су айдындары» табиғатты қорғау акциясы жариялануына байланысты, резервтегі су айдындарының жағалауына «Таза су айдындары» және «Таза көлдер, өзендер және бұлақтар» атты іс-шара ұйымдастырылып, су айдындарының жағалауына тазалық жұмыстары жүргізілген. Алдағы уақытта аталған мекеме резервте тұрған аңшылық және балық шаруашылығындағы маңызы бар су айдындарына тексеріс жұмыстарын жүргізуді жоспарлап отыр.&nbsp;ШИЕЛІ АУДАНЫНДА 12 АҢШЫЛЫҚ АЛҚАП БАРӘмбеге аян, Шиелі ауданы – бір жағынан Қаратау, екінші жағынан Сырдария аралығындағы шөбі, суы мол, тірлікке өте қолайлы өңір. Тауды қарақұйрық, арқар, киік жайлаған. Дария жағасындағы қалың тоғай сан алуан аңға, құсқа толы. Шиеліде қарақұйрық аңы ғана «Қызыл кітапқа» енген. Қарақұйрық – сүтқоректілер класының қуысмүйізділер тұқымдасына жатады. Басқа тұяқты жануарлардан өзінің әсемдігімен және көркемдігімен бірден ерекшеленеді.&nbsp;Бүгінде Шиелі ауданында 12 аңшылық алқап бар. Оның төртеуі резервтік қорға кіреді. Қоса кеткен жөн болар, «Жануарлар дүниесін қорғау» бағдарламасы биотехникалық шаралар бойынша 300,3 мың теңге қаралып, мемлекеттік сатып алу веб-порталы арқылы баға ұсынысы жарияланды. Соның нәтижесінде техникалық ерекшелікте көрсетілген ақпан айында 119,1 мың теңгеге 100 кг жемді мекеме қызметкерлерімен Жөлек орманшылығының 68,69, орамдары жеріне жеткізді. Сала басшысы астық қалдықтарын жабайы аң-құстарға қосымша қоректендіру жұмыстары да қолға алынғанын тілге тиек етті.&nbsp;АЛДА АСҚАРАЛЫ МІНДЕТТЕР ТҰРМемлекет басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» атты Жолдауында айтылған маңызды міндеттердің бірі – экологиялық жағдайды жақсарту. Яғни еліміздегі бар орман алқаптарын кеңейту және елді мекендерді көгалдандыру – халықтың өмір сапасын жақсарту мақсатындағы экономикалық-әлеуметтік дамудың басым бағыты болады. Ал Шиелі орман және жануарлар дүниесін қорғау жөніндегі мемлекеттік мекемесі де бұл бағытта жақсы шараларды ұйымдастыруда. Алда атқарылатын міндеттер де жүйелі және ауқымды. Мәселен, 107 9187 гектар мемлекеттік орман қорын қорғау мен сақтау жұмыстарын жүргізу мен 1 гектар жерге мектеп(қаламша) бөлімі мен уақытша тұқымбақ ұйымдастыру және өртке қауіпті аумақтарда 108 шақырымға минералды белдеулерді күтіп-баптау жұмыстары жоспарланып отыр.&nbsp;Түйін: Аспанмен таласып өсіп тұрған қарағайлар мен көктеректер қаулаған орман-тоғай арасында серуен құрсаң, әр түп тал өткеннен сыр шертіп тұрғандай күйде қалдырады. Мәселен, Шиелі іргесіндегі Ақмаядағы «Адам ата ағашын» алып көрейікші. Қарасаңыз, көз тоймайды. Осындай жасыл желектердің жайқалуына басымдық берсек, айналамыз әсем баққа айналмас па еді?!&nbsp;Айнұр МАХСҰТҚЫЗЫ

Жандос Жақсылықұлы: Орман қорғау – ортақ іс

<a href="https://kyzylorda-news.kz/">Kyzylorda-news.kz</a>&nbsp; &nbsp;Мектеп – парасат пен кемелдікке бастайтын қақпа. Мектеп – ертең мен бүгінді жалғайтын білім ошағы, сәулелі болашаққа апарар кеме. Қазалы қаласындағы №16 мектептің негізі 1860 жылы қаланған. Мектепті алғашқы рет – патшалық Ресейдің офицері А.Н.Алексеев және діндар (священник) Н.Ф. Евграфов 2 кластық орыс мектебі негізінде ашқан. «Төменгі» топ оқушыларын А.Н.Алексеев, «жоғарғы» топ оқушыларын діндар Н.Ф. Евграфов оқытқан. Мектепте 4 пән (чтение, грамматика, арифметика және дінге табыну (богославие) оқытылған. (Бұл дерек уезд бастығы Глобовтың Түркістан генерал-губернаторына жазған хатынан алынған). 19 ғасырдың аяғына таман бұл мектеп қалалық училищеге, кейін 2 кластық ремесло училищесіне айналған.Қазалы қаласындағы №16 А.М. Горький атындағы орта мектеп ғимараты 1912 жылы салынған. Мектепті Түркістан аймақтық оқу инспекциясының шешіміменен Ташкент қаласынан Қасымқожаев Сұлтанқожа басқарған құрылысшылар бригадасы келіп салған. Мектепті салуға қаржы түгелдей Қазалы қаласының тұрғындарының салығы есебінен жүзеге асқан. Мектеп 4 кластық орыс-түзем мектебі деп аталған. Мектептің алғашқы директоры болып, сол кездегі Қазалы уезіне белгілі педагог Иван Васильевич Иванов бекітілген. Мектеп көп кезеңге дейін “Иванов мектебі” деп &nbsp;аталып келген. Мектеп оқушылары негізінен 1921 жылға дейін 5 класс оқып, 6, 7 кластарды Қазалы станциясында бітіретін болған. 1938 жылы мектепке атақты орыс жазушысы Алексей Максимович Горький аты және орта мектеп дәрежесі берілген. Мектеп қабырғасында Шығыс жастарының ұйымдастырушысы Ғани Мұратбаев 1914-1918 жылдары оқыған. Мектептің алғашқы түлектердің бірі<blockquote>– Ұлы Отан соғысының батыры, батальон командирі майор Геннадий Фадеевич Шляпин, “Қазалының Алтынсарині” атанған Ленин орденінің иегері Мергенбаев Бердікен, Қазақ ССР ғылым Академиясының ғалымы, ауылшаруашылық ғылымдарының докторы Ерлепесов Мұхамеджан Ноғайұлы сынды есімі елге танымал тұлғалар шыққан.</blockquote>Мектептің 1972 жылғы түлегі, ауған соғысының ардагері генерал – майор Әлімжан Ерниязов, сонымен қатар, Лондон олимпиадасының қола жүлдегері Марина Вольнова, Азия чемпионы Абылайхан Жұбаназар осы мектептің мақтаныш түлектері. &nbsp; 2012 жылы желтоқсан айында типтік жобада салынған 300 орындық. Жаңа мектеп ғимараты пайдалануға берілді. Жаңа мектептің оқу блоктарында заманауи физика, робототехника, химия, технология кабинеттерімен, асхана, спорт зал, кітапхана, акт залы, дәрігер бөлімесі мен тіс кабинеті бар.&nbsp;2016 жылы қаңтар айынан бастап «Жалпы орта білім беру ұйымының» «Мектеп-лицей» статусына өзгерді. М. Горький атындағы №16 мектеп-лицейі оқу-ағарту ісін өркендету бағытында өзінің алдында тұрған жауапты міндеттерін айдағыдай орындап келеді. Атап айтсақ, 2018 жылы облыстық «Үздік ұжым» бағамымен марапатталды.&nbsp;2020-2021 оқу жылының қорытындысы мен білім алушыларға сапалы білім беру арқылы ұлт болашағын тәрбиелеу жолындағы нәтижелі еңбегі үшін мектеп ұжымы Алғыс пен марапатталды. 2021-2024 оқу жылдары аралығында – 8 "Алтын белгі", 8 "Үздік аттестат" иегерлері атанды. 2023-2024 оқу жылында – 93 педагогтің – 90-ны жоғары білімді, педагог-шебер – 1, педагог-зерттеуші – 24, педагог-сарапшы – 19, педагог-модератор<blockquote>– 28 білім береді. 2021-2024 оқу жылдары аралығында – 80-дей республикалық, халықаралық олимпиадалар мен ғылыми жоба жүлдегерлері шықты. Атап айтқанда, 7 оқушы республикалық пән олимпиадасының жүлдегері, 12 оқушы республикалық ғылыми жоба жүлдегері, 60 оқушы аудандық &nbsp;пән олимпиадасының жүлдегері, 36 оқушы аудандық ғылыми жоба жүлдегері, 500-ден астам түрлі білім сайыстарының жүлдегерлері атанды.</blockquote>Қазіргі таңда оқу-тәрбие ісі табысты ұйымдастырылып келеді. Сапалы білім беру мен әрбір оқушының қабілетін дамытуға жеке тұлға тәрбиелеуге бағатталған. &nbsp;

Қазалыда спорт саласында жетістікке жеткен түлектерді тәрбиелеген мектеп бар

<a href="https://kyzylorda-news.kz/">Kyzylorda-news.kz</a>&nbsp; Тіл жанашырлары «Қазақ тілі» қоғамы Қармақшы аудандық филиалы. Қармақшы аудандық Мәдениет және тілдерді дамыту бөлімі және Қармақшы аудандық кәсіпкерлік өнеркәсіп бөлімі өкілдерінен тұратын арнайы топ көрнекті ақпарат өнімдерінің «Қазақстан Республикасындағы тілдер туралы» Қазақстан Республикасы Заңы талабына сәйкестігіне кезекті рейд жасап, мониторинг жүргізді. Мониторинг Төретам кентінде орталық көшелерде орналасқан шағын және орта бизнес субьектілері қамтылды.Іс-шараның негізгі мақсаты тұрғындарға мемлекеттік тілдің қолданыс аясын кеңейту, тіл заңнамасы талаптарының сақталуы, сапалы қызмет көрсету, және көрнекті ақпарат мәтіндерде қателерді болдырмау болып табылды.Мониторинг барысында орын алған бұзушылықтарды жою бойынша ұсыным-хаттар табысталып, көрнекті ақпарат пен жарнама өнімдерін тіл заңнамасы талабына сәйкес рәсімдеу бойынша түсіндіру жұмыстары жүргізілді. Кейбір сауда орнының маңдайшадағы жазуы өшіп, түсіп қалған. Бұл бойынша меншік иелеріне хабарланды.Батыр бабамыз Б.Момышұлының «Тіл тазалығы үшін күрес – ешқашан толастамайтын мәңгілік күрес» деген сөзі қашанда әр қазақтың жадында тұруы тиіс. Тіл тазалығын, заңдылығын сақтау бойынша алдағы уақытта да жүргізіледі. Басталған іс өз нәтижесін берсін.&nbsp;Тілге құрмет жасау баршамыздың міндетіміз екенін ұмытпайық.&nbsp;

Қармақшыда тіл жанашырлары рейд жүргізді

<a href="https://kyzylorda-news.kz/">Kyzylorda-news.kz</a>&nbsp; Интернет үстемдік құрып тұрған уақытқа қарамастан бүгінгі оқырман үшін ақпарат көзі, жаңалықтың тынысы болып отырған газеттің рөлі жоғары. Онда еңбек ететін ұжымның артында қаншама жұмыс жатқанын қарапайым оқырманның бірі білсе, бірі біле бермесе керек-ті.Иә, газет шығару тек тілшілердің ғана жұмысымен шектелмейді. Бір басылымның артында бірнеше сала мамандарының еселі еңбегі жатыр. Баспадан шыққан газеттің оқырман қолына дер кезінде жетуі – таратушыларға жүктелген міндет. Оқырман мен журналистер арасында алтын көпір орнатып, газеттің уақытылы жетуін қамтамасыз етіп жүрген қызметкерлердің еңбегін ескеру қажет.Жаңалықтың жаршысына айналған басылымнан қай саланың маманы болса да, өзіне керектіні табады. Сол себепті оқырманға газет дер кезінде қолына түсуі керек. Ол оңай дүние емес.&nbsp;Ауа-райының қолайсыздығына қарамай газет-журналдарды үйді-үйге жеткізуде таратушылардың жұмысы тіптен ерек.Газет таратудағы тиянақты маманның бірі қармақшылық – Гүлжанат Сәрсенбаева.&nbsp;Ол 1985 жылы мектепті бітірген соң медициналық училищеге оқуға түседі. Оны аяқтаған соң сол кездегі Ленинск қаласындағы госпитальда балалар хирургия бөлімінде медбике болып еңбек етеді. 1990 жылы Рүстембек есімді азаматқа тұрмысқа шығады. Жолдасы да осы салада еңбек етеді. Екеуінің Айсұлу, Ринат есімді ұл-қыздары бар. Бүгінде немере қызығын көріп отырған бақытты отбасылардың қатарында.2015 жылы медбикелік қызметінде қысқарту болып, жұмыссыз қалады. Араға бір жыл уақыт салып газетке таратушы болып жұмысқа қабылданады. Содан бері 8 жыл уақыт өтіпті. Осылайша Гүлжанат Ертілеуқызы тарату қызметінде тәжірибесі мол маманға айналады.Бір қарағанда, газетті таратып шығу оңай деп ойларсыз. Әсілі, қай жұмыстың да жеңілі жоқ. Өзіне тән қызығы мен қиындығы бар. Шынтуайынтында газет таратушының кезігер кедергісі көп. Жұмысы да қым-қуыт қамасқан қарбаласқа толы. Кейде иесіз иттер олардың жұмысына кері әсерін тигізеді. Сондай-ақ абоненттің газет салатын жәшігі жоқ болса да, соның салдарынан газеті желге ұшып, жерге түсіп қалса да газетті алмадым деп шағым айтатындар да кездеседі.Қаламгерлер мен оқырмандар арасына көпір орнатып, редакция жұмысының жандануына сүбелі үлес қосатын таратушылардың еңбегін ел елеп, бұқара бағасын бере жатар. Ал біз &nbsp;Г.Сәрсенбаеваның алғыс арқалап, ізгі тілектерді иеленіп жүрген, ырғақты тіршілігі көзге іліне бермейтін, жауапкершілігі мол, ісі тыңғылықты, көпке үлгі, таратушының еңбегіне тәнті болдық.«Өзі – бір күндік, сөзі – мың күндік» болатын газет түсінген адамға ақпараттың қайнар көзі және таусылмас құнды қазына. Сондай-ақ халықты сауаттандырып, көзін ашатын ақпарат құралы. Әсіресе, қазіргідей қазақы сөздің қаймағы бұзылып бара жатқан заманда газет оқу өте қажет-ақ. Өйткені, газет бар жерде сауаттылық әрі білім мен ғылым болады. Ал, ғылымы бар елдер міндетті түрде дамиды.

Тиянақты таратушы

<a href="https://kyzylorda-news.kz/">Kyzylorda-news.kz</a> Жалағаш ауданындағы индустриалды-аграрлық колледжі 7 жылдан бері жылыжай ісін жандандырып келеді.&nbsp;Бастапқыда қызанақ пен қияр өсіруді қолға алған колледж ұжымы соңғы 3 жылдан бері тек қияр егіп отыр. Себебі көкөністің екеуін бір аулада күтіп-баптау тиімсіз екен, бұған осындағы ұстаздар тәжірибе арқылы көз жеткізген.&nbsp;Кәсіптің бұл түрі айтарлықтай шығынды қажет етпейтін сыңайлы, мұндағы мұғалімдер қиярды тамшылатып сурау арқылы өсіріп отыр. Жылыжай ісіне жауапты маман Берік Жүсіпбеков алдағы уақытта басқа да өнімдерді күтіп-баптау жоспарда барын жасырмады.Колледж директоры Нұрхан Әбдіхалықов әріптесінің бұл сөзін жоққа шығармады. Яғни оқу орнына тиесілі жерлерді игеріп, оны аяқсумен қамтамасыз етсе, тағы да жылыжай ашып, көкөністің басқа да түрлерін өсіруді қолға алатынын жеткізді.&nbsp;– Біз өзіміз кәсіптік білімді жетік білетін мамандар дайындайтын болғандықтан мұндағы ұстаздар үнемі ізденіс үстінде жүреді. Бірінші кезекте әріптестерімнен осыны талап етемін. Нәтиже де жоқ емес, қазіргі таңда колледж ұжымы бәсекеге қабілетті, білікті мамандар дайындап келеді. Бұл жылыжайдың да жұмыс жасап тұрғанына жеті жыл болды. Содан бері тоқтатқан емеспіз. Оқу орнына тиесілі сыртта тағы жеріміз бар, алдағы уақытта оны да игеруге жұмыс жасаймыз. Егер аяқсу алып барсақ, сол жерде де тағы бір жылыжай ашу жоспарда бар. Онда құлпынай, бүлдірген өсіруді жоспарлап отырмыз. Қазіргі таңда біз зерттеу жұмыстарының арқасында бұл өнімдердің бізге жерсінетініне көз жеткіздік. Бұл жобаны алдағы жылдары қолға аламыз, – дейді колледж директоры Нұрхан Әбдіхалықов.Нұрекең бұл бір жағынан осындағы мамандық игеріп жатқан балалардың тәжірибе жинауына да айтарлықтай қолғабыс болғанын айтады. Мәселен, осыған дейін оқу орнында жеміс, көкөніс мамандығы бойынша 10 айлық крус болған. Бұл салада колледж қабырғасында білім алушылардың көп уақыты жылыжайда өтеді екен.&nbsp;– Негізінен кез келген көкөністің бір аулада тек бір ғана түрін өсірген дұрыс. Ал екі түрін бір аулада баптасаңыз, олардың толық пісіп-жетілуіне кері әсері болады. Мәселен, қияр мен қызанақты алайық, бұл екі өнімді бір аулада күтуге мүлде болмайды. Егер осындай қадамға барсаңыз, өнім міндетті түрде ауруға ұшырайды. Әсіресе мұндайда қызанақ бейім болып келеді. Оның түбі қарайып, сырты шіри бастайды. Ал өнім сапалы әрі толық пісіп-жетілуі үшін міндетті түрде бір аулада біреуін ғана баптаған абзал. Бірақ біз бастапқыда көкөністің бірнеше түрін осы жылыжайда баптадық. Себебі мұндағы балалар олардың қалай пісіп-жетілуін, күтімін толық білуі керек. Сондықтан олардың тәжірибе жинауы үшін осындай қадамға бардық. Бірақ негізінен екеуін бір жылыжайда ұстауға болмайтынын түсіндіреміз, – дейді Берік Жүсіпбеков.Колледж жанынан ашылған жылыжайдың ені 7, ұзындығы 27 метрді құрайды. Биыл мұнда қиярдың «Хойрат» сұрпы егілген. Колледж ұжымы бүгінде бірінші түйнекті сабағынан үзді. Жылыжайға көкөніс орналастыру жұмыстары сәуір айының аяғында қолға алынған. Жылыжай қыста көмірмен жылытылады.&nbsp;Бүгінгі білім беру жүйесінің басты мақсаты – бәсекеге қабілетті маман даярлау. Аудандағы Жалағаш индустриалды-аграрлық колледжі де осы мақсатта заман талабына сай жұмыс жасап, балалардан кәсіби маман шығаруда қажырлы еңбек етіп келеді. 60 жылдан астам тарихы бар оқу орнынан 25 мыңнан астам адам түрлі мамандық меңгерген. Бүгінде олар еліміздің ауыл шаруашылығы және басқа да салаларында серпін қалыптастыруға өз үлесін қосуда.Қазіргі таңда колледждің материалдық базасы нығайып, елдің экономикасын нығайтуға қажетті жаңадан мамандықтар ашылған. 450 орынға арнап салынған оқу орнында 186 студент ауыл шаруашылығын механикаландыру, дәнекерлеу, ғимараттар мен құрылыстарды салу және пайдалану, электр жабдықтары мен тамақтандыру ісін ұйымдастыру мамандықтары бойынша білім алуда. Былтыр 129 талапкер бұл оқу орнының студенті атанса, биыл 50-ге жуық студент оқуды тәмамдайды.Елімізде 2019 жыл «Жастар жылы» болып жариялануына байланысты колледж мемлекеттік «Жас маман» бағдарламасына қатысып, 2020 жылы облыс бойынша 9 колледждің ішінен мемлекеттік грант жеңіп алған. Бұл жоба аясында колледж еңбек нарығында сұранысқа ие болған екі мамандық бойынша 439 млн теңге қаржыға ауыл шаруашылығын механикаландыру және тамақтандыруды ұйымдастыру мамандығы бойынша қажетті құрал-жабдықтар сатып алған. Мәселен, ауыл шаруашалығын механикаландыруға қажетті мұнда «John Deere» тракторы бар.– Студенттер трактор тізгіндемес бұрын сабақ барысында осы техникаларды іс жүзінде айдап үйренеді. Бұл трактор 60 операцияны орындай алады. Яғни дән себу, жер жырту, тракторға өнім тиеу, соқаны тіркеу секілді қызметтер атқарады. Сонымен қатар экскаватор құрылғысы да бар. Ол жер қазып, тегістейді. Студенттерге тракторды қалай айдау керектігі, толық жұмыс жасау барысы үйретіледі. Осы жерден толық трактор айдауды меңгерген бала қоймада тұрған техниканы емін-еркін меңгереді, – дейді оқу орнының директоры.Мұнда бұдан бөлек айналмалы соқа, тыңайтқыш сепкіш, «Claas» комбайн, экскаватор, «Landini» тракторы сынды қажетті басқа да заманауи техникалар бар. Олар колледждің материалдық-техникалық базасын нығайтуда. Қазіргі таңда бұл техникалар жаңартылған білім бағдарламасына енгізіліп, күнделікті оқу-үйрену процесіне пайдаланылуда. Соның арқасында түлектердің жыл сайын 82 пайыздан астамы жұмыспен қамтылуда.Айта кетейік, оқу орны білім алушылардың ауданның ірі шаруа қожалықтарында тәжірибеден өтуіне барлық жағдай жасаған. Мұндағы жастар 2 ай іс жүзінде тәжірибе алмасу арқылы өздерін шыңдап, мамандығына машықтанады. Ал тамақтандыруды ұйымдастыру мамандығы бойынша көкөніс ұсақтағыш, ет турағыш, қамыр илеп, оны жайып кесетін арнайы құрылғылар оқу процесі кезінде қолданылып, студенттердің сапалы білім алып, білікті маман болып даярлануына пайдаланылады. Балалар виртуалды әлемді көру арқылы теория түрінде техника қауіпсіздігін үйренеді. Мұнан кейін арнайы тест арқылы сынақтан өтеді. Колледжде 23 пән кабинеті мен шеберхана қарастырылған.– Студенттердің сұранысына сай 50 орындық жатақханада 18 студент бар. Сондай-ақ барлық білім алушыға шәкіртақы тағайындалған. Бізде студенттерге ыстық тамақ қарастырылмаған, бірақ толық емес отбасылар мен көпбалалы отбасылардан шыққан жүзге жуық студентке 14 508 теңге беріледі. Кітапхана қорында арнайы 10 234 кітап бар. «Оқуға құштар колледж» жобасы аясында студенттердің қатысуымен түрлі шаралар, әдеби танымдық кештер өткізіліп тұрады.&nbsp;Coworkinq&nbsp;орталығы да керекті құрал-жабдықтармен қамтылды. Мұнда білім алушыларға сабақтан тыс уақытта кітап оқып, дойбы, шахмат сынды ойын ойнауға мүмкіндік қарастырылған, – дейді Нұрхан Боранбайұлы.Біліктілік пен жаңашылдықты басты назарда ұстайтын оқу орнында қырыққа жуық инженер-педагог сапалы білім беруде. Келешегі кемел білім ордасының алдағы уақытта да кәсіби білім иелерін шыңдайтыны анық.&nbsp;

Қазақстан және Қызылорда облысының жаңалықтары