<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария ауданында «Кәмелетке толмағандар арасындағы құқық бұзушылықтарға жол бермеу, алдын алу мақсатында қабылданған шаралар туралы» аудандық білім бөлімі басшысының міндетін атқарушы Ж.Бегайдарова айтып берді.– Жанар Алмасқызы, аудандағы білім беру ұйымдарында оқушылар арасында құқық бұзушылықтың жалпы ахуалы қандай?– Сырдария ауданы бойынша білім беру ұйымдарында оқушылар арасында қылмыстылықтың және құқық бұзушылықтардың алдын алу, олардың құқықтарының сақталуы мен қорғалуын қамтамасыз ету бағытында бірлескен тәртіпте атқарылатын ведомствоаралық&nbsp; іс-шаралар жоспары бекітіліп, тиісті&nbsp;жұмыстар жүргізіліп келеді. 2023-2024 оқу жылында аудан бойынша 17 мектепте 8 193 оқушы білім алды.&nbsp; Есепті мерзімде мектеп оқушыларымен жасалған құқық бұзушылықтар бойынша профилактикалық есепке 2 жасөспірім&nbsp;№36 мектеп-лицей – 1, №210 орта мектеп – 1 ұрлық оқиғалары бойынша&nbsp;алынып отыр.Мектепішілік есепке 48 оқушы алынған. №36 мектеп-лицей – 17, №37 орта мектеп – 4, №126 орта мектеп – 3, №129 мектеп - 1, №210 орта мектеп –5 оқушы, №35 мектеп – 8, №42 мектеп-лицей – 10. Есепке алынған жасөспірімдердің барлығы педагогтер тарапынан тұрақты бақылауға алынды.Аудан бойынша өмірдің қиын жағдайында қалған отбасында тәрбиеленіп жатқан 18 оқушы бар.&nbsp;Оқуға себепсіз келмейтін, қолайсыз отбасындағы оқушылар тіркелмеген.&nbsp;Биылғы оқу жылында беймезгіл уақытта заңды өкілінсіз түнгі уақытта көшеде жүріп құқық бұзған 35 оқушы тіркеліп, заңды өкілдеріне әкімшілік шара көрілді.&nbsp;Мектепішілік есептегі балалармен сынып жетекшілері және педагог-психологтар арқылы жекелей жұмыстар жасалып, тәртібі мен сабақ үлгерімдері қатаң бақылауға алынды.– Алдын алу бағытында атқарылған жұмыстарға тоқталсаңыз?– Жалпы құқық бұзушылық пен қылмыстың &nbsp;алдын алу бойынша ағымдағы оқу жылы 350 дөңгелек үстел мен ата-аналар &nbsp;жиналысы, 400-ден аса тәрбие сағаты және жоғары сынып оқушылары арасында дебат ойындары ұйымдастырылды.Мектеп қабырғасында білім берумен қатар ұлттық тәрбиеге ден қойып, осы бағыттағы жұмыстарды күшейтуді қажет етеді. Олай дейтініміз, қазіргі таңда кәмелетке толмағандар арасындағы қылмыс пен құқық бұзу, электронды темекіге әуестік, топтық төбелес, әлімжеттік, буллинг, кибербуллинг, түнгі жүрістің белең алуы тәрбие жұмыстарының әлсіз тұстарын көрсетті.Осыған орай, мектептерде рухани-адамгершілік тәрбие беру, адамзаттық құндылықтарды дамытуда ата-ана, мектеп, оқушы үштік одағының жұмысы жолға қойлып, «Ата-аналар комитеті», «Әжелер мектебі», «Әкелер кеңесі», «Аналар Академиясы» жұмыстарын жүргізуде.&nbsp;Бүгінгі күнге дейін ата-әжелер, әке, аналардың қатысуымен&nbsp;300-ден аса шара өткізіліп, 2500 ден аса оқушы қамтылды.&nbsp;Білім бөлімі тарапынан оқушылардың сабақтағы және каникул күндерінде бос уақыттарын тиімді ұйымдастыру мақсатында іс-шаралар жоспары әзірленіп, шаралар өткізіліп келеді. Демалыс және мереке күндері оқушылардың қауіпсіздігін қамтамасыз ету бойынша мамыр айында «Тәртіптің тетігі – тәрбие» тақырыбында кеңейтілген мәжіліс өткізіліп, барлық білім беру ұйымдарында ата-аналар жиналыстары ұйымдастырылды.– Жасөспірімдермен жұмыс барысында полиция бөлімі қызметкерлерімен т.б. құзырлы органдармен бірге атқарылған іс-шаралар барысына тоқталсаңыз?– Аудандық полиция бөлімімен кәмелетке толмағандардың заңға мойынсұнушылық мінез-құлқын қалыптастыру мақсатында мектептерде әр айдың бірінші жұмасында «Құқық күні» ұйымдастырылып, оқушылармен түсіндірме жұмыстары жүргізілді. Сондай-ақ, құқықтық ағарту жұмыстары бойынша ай сайын 8-11 сынып оқушыларына учаскелік полиция қызметкерлері және сынып жетекшілерінің қатысуымен тақырыптық лекциялар оқытылды.Денсаулық сақтау, полиция және прокуратура өкілдерінің қатысуымен мектептерде &nbsp;құқық бұзушылықтың алдын алу бағытындағы профилактикалық шараларын ұйымдастыру, кәмелетке толмағандар арасында құқық бұзушылық және қылмыс, нашақорлықтың алдын алу, интернет қауіпсіздігі мен суицид, зорлық-зомбылық, ерте жүктіліктің алдын алу бағытында ақпараттық танымдық біліммен қамтамасыз ету шаралары жүргізілді.Түсіндірулер барысында бейнероликтер көрсетіліп, жадынамалар таратылды. Құқықтық түсіндіру шараларына 8-11 сыныптың 4300 оқушысы қатысты. Өткізілген шаралардың барлығы әлеуметтік желілер арқылы ақпараттандырылды. Құқық бұзушылықтың алдын алу мақсатында үкіметтік емес ұйымдармен де тығыз байланыста жұмыс жасалуда. 17 сәуір күні аудандық мәдениет үйінде «Баланың бас ұстазы-ата-ана» тақырыбында кеңейтілген аудандық ата-аналар жиналысы өтті. Іс-шараға «Сенімен Болашақ» Республикалық ата-аналар қоғамдық бірлестігінің Қызылорда облыстық филиалының директоры Шәкизат Қаратайұлы қатысып, ата-аналармен еркін пікір алмасып, түсіндіру шараларын жүргізді.Беймезгіл уақытта, компьютерлік клубтар мен көңіл көтеру орындарында жасөспірімдердің заңды өкілінсіз еріп жүруін болдырмау, құқық бұзушылық пен қылмыстылықтың алдын алу бойынша әр аптаның жұма, сенбі және мереке күндері бірлескен рейдтік іс-шаралар жүргізуде. Ағымдағы жылы 150-ден аса рейд ұйымдастырылып, оған 150 ата-ана, 450 педагог қатысты.Бала тәрбиесімен қатар олардың қауіпсіз ортада өмір сүруі – ерекше жауаптылықты қажет етеді. Осы орайда, барлық білім беру ұйымдарының қауіпсіздігі жолға қойылып, бейнебақылау жүйесімен 100% қамтылды.Аудандық прокуратураның бастамасымен білім беру ұйымдарында балалардың қауіпсіздігін қамтамасыз ету бойынша алынған сауалнама нәтижесінде оқушылар арасында электронды темекіге әуестік, бопсалау мен әлімжеттік және топтық төбелестің белгілері анықталды. Сауалнама нәтижесі бойынша тиісті шаралар қабылданып, түсіндіру жұмыстары жүргізілді.Оқушылардың бос уақытын тиімді ұйымдастыру мақсатында үйірмелер мен спорттық секциялар жұмысы жолға қойылған.Мектептер мен қосымша білім беру ұйымдарында домбыра, би, қобыз, ән, драма, көркемсөз, қол өнер, сурет т.б 156 үйірме жұмыс жасаса, оған 3968 бала мен жасөспірімдер қамтылған.Спорттық секциялар волейбол, баскетбол, футбол, теннис т.б&nbsp;141 болса, оған 3586 жасөспірім тартылған.Тұрмысы төмен отбасылардан шыққан 1660, мектепішілік есептегі 48 баланың бос уақыттарында әртүрлі спорттық, мәдени және басқа да шараларға тарту жұмыстары ұйымдастырылуда. Спорттық жарыстарды өткізуге, олардың спорттық нысандарға қол жетімділігіне еш кедергі жоқ, ақысыз негізде өткізіліп келеді.Алдағы уақытта да балалар мен жасөспірімдер арасындағы қылмыс пен құқық бұзушылықтың алдын алу, олардың құқықтарының сақталуы мен қорғалуын қамтамасыз ету бағытында &nbsp;тиісті органдармен бірлесе отырып, бекітілген жоспарға сәйкес әрі қарай жүргізіле беретін болады. Аталған мәселе білім бөлімінің қатаң бақылауына алынған.– Сұхбатыңызға рақмет!Сұхбаттасқан Бибісара ЖАНӘЛІ

Сырдарияда кәмелетке толмағандармен жұмыс тұрақты назарда

Фото pixabay<a href="https://kyzylorda-news.kz/">Kyzylorda-news.kz</a> Ешқашан өлмейтін, үнемі даму үстінде жүретін мамандықтардың бірі – денсаулық саласы. Медицинасы дамыған елдің болашағы жарқын болмақ. Халықтың денсаулығы жақсы болса, қоғам да алға қарай ілгерілей береді. Мемлекеттің басты байлығы адам десек, әрбіріміздің денсаулығымызды бақылайтын ақ халаттылардың қоғам алдындағы еңбегі еселі. Халықпен жұмыс істеу қызық әрі қиын. Оған жүктелетін жауапкершілік те көп. Осындай жауапкершілігі жоғары жұмысты абыроймен алып жүргендердің бірі – Нұржамал Әбдірайымова.Ол 1983 жылы Қызылорда қаласындағы медициналық колледжді бітірген соң қармақшылық жігітке тұрмысқа шығып, жолдамамен аудандық аурухананың физиотерапия бөлімшесінің мейіргері болып жұмысқа орналасады. 40 жыл бойы осы бір қызметтен табан тіремей еңбек етуде. Медицина саласында қырық жылға жуық үздіксіз еңбегі елеусіз қалмай, жақында өткен Қазақстан медицина қызметкерлері қоғамының ұйымдастыруымен өткізілген «Жыл үздігі – 2023» республикалық байқауына белсене қатысып, ұсынған жұмыстары үздік деп танылғаны үшін «Денсаулық сақтау ісінің үздігі» ордені мен дипломмен марапатталды.<blockquote>– Әрбір адамның өзіне тән ғұмыр жолы, еткен еңбегі мен жеткен жетістігі болады. Өткен жылы үздіктер байқауына құжаттарымды жинақтап өткізген болатынмын. Нәтижесінде үздік деп танылып, орден мен арнайы диплом алдым. Еңбегім ескерусіз емес. Бас­шылық тарапынан алған марапаттарым бар. Жалпы марапат төрінен көрінген әр адамның кеудесін қуаныш кернейтіні сөзсіз. Әрбірден соң бұл жақсы естелік болып қалады. Айналаң да сенімен бірге қуанып, жылы сөзін арнап жатады. Осы салада ұзақ жыл еңбек еттім. Зейнеткерлік демалысқа шығуыма да аз қалды. Қандай мамандық болса да өз қиыншылығы болады. Бастысы оны жақ­сы көруіңіз керек. Мен бұл жолда қателеспедім. Төзімділік пен шы­дам­дылық, бі­лік­тілік қашан да абырой биігіне жеткізеді, – дейді мейі­рімді медбике.</blockquote>Білікті, жан-жақты адам қашан да айналасындағылардың тілін та­уып, жылы шырай танытады, қолынан келген көмегін аянып қалмайды. Кейіпкеріміз де дәл сондай жанның бірі. Жұмыста да, үйде де ауызбіршілікті, бірлікті алдыңғы орынға қояды. Кейіпкеріміз өмірлік жарымен бірге шаттығы шалқыған шаңырақта қос бірдей азаматты аяқтандырып, бүгінде отба­сының берекесін ұйытып, немерелерін еркелетіп, жарының да қас-қабағын бағып отырған ардақты жан, аяулы әже.Түптеп келгенде біздің ең қымбат байлығымыз – өміріміз осы сала қызметкерлерінің кәсібилігіне тікелей байланысты. Сондықтан да бұл сала иелеріне үлкен жауапкершілік жүктеледі. Басы ауырып, балтыры сыздаған жанның жанына дауа, дертіне шипа бола алатын да осы сала қызметкерлері. Ал денсаулық сақтау саласында талай жыл тапжылмай тер төгіп, еңбегімен елдің ыстық ықыласына бөленіп, үздіктер қатарынан көрініп жүрген жандардың еңбек жолы көпке үлгі деуге болады. Себебі тіршілікке нәр беріп, қалтқысыз қызметін ұсынып, мейірімділік пен жылылықты жанына серік еткен, игілікті мамандық иесі атанған олар қашанда сый-құрметке лайық.Ақнұр САҒЫНТАЙ<img src="https://knadmin.beoblood.kz/uploads/89739ba2_401f_4d6b_afa0_698d44de621b_921786e984.jpg" alt="89739ba2-401f-4d6b-afa0-698d44de621b.jpg">

Нұржамал Әбдірайымова: Біліктілік қашан да абырой биігіне жеткізеді

Шиеліде мал шаруашылығы қарқынды дамуда

<a href="https://kyzylorda-news.kz/">Kyzylorda-news.kz</a> ҚР ҚМА Қызылорда облысы бойынша экономикалық тергеп тексеру департаментінде облыс әкімінің орынбасары &nbsp;Данияр Жаналиновтың төрағалығымен &nbsp;көлеңкелі экономикаға қарсы іс-қимыл мәселелері бойынша комиссияның бірінші отырысы өтті.Онда көлеңкелі экономика саласындағы қылмыстардың алдын алу шаралары және оның шешу жолдары, облыс халқын ауыз сумен қамтамасыз ету жөніндегі жобаларды іске асыру аясында бюджет қаражатының тиімді игерілуінің тәуекелдері әрі оны шешу жолдары мәселелері қаралды.Шараның басты мақсаты – көлеңкелі &nbsp;экономика деңгейіне әсер ететін проблемалық мәселелерді шығару, көлеңкелі экономиканың алдын алу, Мемлекет Басшысы мен Агенттік Төрағасы жүктеген міндеттерді шешу.<blockquote>− Мемлекет Басшысы Үкімет пен Қаржылық мониторинг агенттігінің алдына көлеңкелі экономиканың үлесін 2025 жылға қарай 15%-ға дейін төмендету бойынша стратегиялық міндет қойды. Оны іске асыру үшін Агенттік Көлеңкелі экономикаға қарсы іс – қимыл жөніндегі іс-шаралардың 2021-2023 жылдарға арналған кешенді жоспарын&nbsp;(бұдан әрі- Кешенді жоспар)&nbsp;әзірледі. Соның негізінде өңірде түрлі жұмыстар атқарылуда. Қазіргі таңда өңірлер мен салалар бөлінісінде көлеңкелі экономиканың болжамды көрсеткіштері Мемлекет Басшысының 2018 жылғы 15 ақпандағы №636 Жарлығымен бекітілген Қазақстанның 2025 жылға дейінгі ұлттық даму жоспарының Стратегиялық көрсеткіштер картасында көзделген.</blockquote>Тізбе көлеңкелі экономикаға қарсы іс-қимыл жөніндегі жұмыстағы прогресті көрсететін 10 көрсеткіштен тұрады және стратегиялық көрсеткішке қол жеткізген кезде әрбір мемлекеттік органның, сондай-ақ өңірдің үлесін айқындауға мүмкіндік береді, − дейді Қызылорда облысы бойынша экономикалық тергеп-тексеру департаменті басшысының міндетін атқарушысы Арман Джанадилов.Жиын соңында комиссия отырысына қатысушылар қылмыстық істердің алдын алуда, көлеңкелі экономиканың зардабын халыққа түсіндіруде бірігіп жұмыс жасауға келісті.&nbsp;<img src="https://knadmin.beoblood.kz/uploads/c06aab7f_e0b7_4a0e_8bba_f58c309e6bec_67a002497b.jpg" alt="c06aab7f-e0b7-4a0e-8bba-f58c309e6bec.jpg">

Көлеңкелі экономиканың кедергісі көп

<a href="https://kyzylorda-news.kz/">Kyzylorda-news.kz</a> Қоғамның бейбіт тіршілік етуі әрқашан тәртіпке негізделеді. Белгілі бір қағидаға бағынған тәртіптік жүйе болмаса, ол мемлекеттің келешегі күмәнді болып, құлдырауы тез болады. Мұны адамдар ежелден-ақ жақсы түсінген. Сондықтан да әрқашан заң үстемдігін орнатудың жолдарын қарастырған. Жасыратыны жоқ, бізде бұған мойынсұнғысы келмейтін азаматтар да аз емес. Дегенмен құқық қорғау органдарының жүйелі жұмыстарының арқасында жыл сайынғы қылмыс көлемі айтарлықтай азайып келеді.&nbsp;Бұл туралы Арал ауданының прокуроры Мадияр Ертарғынұлы Бекпанов 2024 жылдың 5 айында аудан көлемінде құқық бұзушылық профилактикасы саласында атқарылған жұмыстар туралы бұқаралық ақпарат құралдары өкілдерімен өткізген баспасөз брифингінде жеткізді.Жалпы қылмыстарды төмендету мақсатында аудан көлемінде құзырлы және үкіметтік емес ұйымдардың өкілдерімен бірлесіп күнделікті рейдтік іс-шаралар ұйымдастырылуда. Білім беру ұйымдарында білім алушылар мен олардың ата-аналарына түсіндірме жұмыстары жүргізіліп, осы тектес түрлі шаралар өткізілген. Соның арқасында аталған мерзімде жалпы тіркелген қылмыстар алдыңғы жылмен салыстырғанда бір деңгейде қалыптасқан.&nbsp;Және аудандық прокуратураның бастамасымен қоғамдық кеңес, жергілікті атқарушы органдар мен аудандағы мейрамхана, тойхана, кафе меңгерушілері (жеке кәсіпкерлер) арасындағы өзара келісім орнату жөніндегі меморандум жасалып, мейрамхана және тойханалардың уақытын сағат 00:00-ге дейін, ал кафелер мен кешкі мезгілде ұйымдастырылатын шараларды сағат 01:00-ге дейін өткізу туралы шешім қабылданды.Әйтсе де ауданда алаяқтық қылмыстар белең алып тұр. Аудан прокурорының алаяқтықтан сақтану жолдары бойынша «Толқын» газетіне және аудандық прокуратура, әкімдік пен полиция бөлімінің «Facebook» ресми парақшаларында мақалалар мен видеороликтер үнемі шығып, жадынамалар таратылуда. Соның өзінде қылмыс саны 5-тен 9-ға өсім алған.Бұдан бөлек «Зорлық-зомбылықсыз отбасы» тақырыбында Арал аудандық ардагерлер кеңесі және аудандық әйелдер кеңесінің қатысуымен аудандық полиция бөлімінде әкімшілік құқық бұзушылықтар жасап, қорғау нұсқамалары тағайындалған азаматтармен кездесу өткізіп, тиісті түсіндірме жұмыстары жүргізілуде. Аудандық прокуратура және жергілікті атқару органдарымен бірлесіп әзірленген бейнеролик түсіріліп, әлеуметтік желілерде, Арал қаласында орналасқан LED-экрандарда жарияланып, қаланың негізгі көшелеріне билбордтар ілінген.Арнайы уақыт бөліп, профилактикалық есепте тұрған тұлғалардың мекенжайлары ұдайы араланып, оларға уақытылы түсіндірме жұмыстарын жүргізу де назардан тыс қалған емес. Ал сотқа дейінгі тергеп-тексеру барысында жүзеге асырылған қадағалаудың нәтижесінде азаматтардың конституциялық құқықтарының бұзылуы орын алмаған.Прокуратура қызметінің техникалық дамуы деңгейі де осал емес. «Цифрлы Қазақстан» мемлекеттік бағдарламасына сәйкес ауданда қылмыстық істердің 100% электронды форматта тергелуі қамтамасыз етілген. Цифрлы жолмен әлеуметтік-экономикалық салада атқарылған қадағалау жұмыстарының нәтижесінде ағымдағы жылдың 5 айында 17 тексеру жүргізіліп, тексеру қорытындысымен 32 ұсыну және 2 наразылық енгізілген. Олардың қаралу қорытындысымен 88 тұлғаға тәртіптік, 265 тұлғаға әкімшілік шаралар көрсетіліп, 13 млн. теңге әкімшілік айыппұл өндіріліп, 40 млн теңгенің мүлкі мемлекетке кері қайтарылған.Кәсіпкерлік бағыттағы іс-қимылдар бойынша жыл басынан бері 15 мыңнан астам кәсіпкерлердің және азаматтардың құқықтары қорғалды. Прокурордың ықпал ету актісімен 7 млн. теңге мемлекет бюджетіне өндірілсе, аудандық прокуратурамен жүргізілген талдау жұмыстарының нәтижесінде ауылдық клубтың бірінде мемлекет қаражаты жымқырылғаны анықталды.Аталған дерек бойынша ҚК-тің 189-бабының 2-бөлігі 3-тармағымен қылмыстық іс тіркеліп, айыптау үкімі шықты. Алдағы уақытта мемлекетке келген шығын өндірілетін болады.Кәсіпкерлердің құқықтарын қорғау бағытында да үнемі кездесулер ұйымдастырылуда. Сонымен қатар ауданда жүргізіліп жатқан инвестициялық жобаларға сүйемелдеудің арқасында бір инвесторға құқықтық қолдау көрсетіліп, инвестор тарапынан алғыс білдірілген. &nbsp;&nbsp;Сондай-ақ, атқарылған жұмыстардың нәтижесімен ауыл шаруашылық мақсатындағы пайдаланылмай жатырған құны 39 млн теңге болатын 6490 га жер учаскелері мемлекеттік жер қорына қайтарылды және аталған жерлер басқа шаруаларға табысталуда.&nbsp;Аудандық прокуратурамен алимент төлеуден қасақана жалтарған екі борышкерге қатысты ҚК-тің 139-бабымен қылмыстық істер тіркеліп, жүргізілген тергеп-тексеру нәтижесімен істер сотқа жолданып, үкім қабылданған. Бұдан бөлек, алимент төлемеген 8 борышкерге қатысты әкімшілік іс қозғалып, тиісті жауапкершілікке тартылған.Брифингтің соңын Мадияр Ертарғынұлы: «аудандық прокуратурамен аймағымызда заңдылықтың үстемділігін, азаматтардың конституциялық құқықтарының сақталуын және құқық бұзушылықпен күресуді қамтамасыз етуде жоғарғы қадағалауды жүзеге асыруға байланысты жұмыстар жалғасын табатын болады» деп қорытындылады.

Прокуратура: Бес айдағы белес

<a href="https://kyzylorda-news.kz/">Kyzylorda-news.kz</a> &nbsp;Қазір көпшілік жүкті әйел отбасымен бірге gender party жасайды. Бұл кезде отбасының өзі және жиналған жақындары мен достары құрсақтағы сәбидің жынысын біледі.Ислам діні тұрғысынан, мұндай кеш ұйымдастыру дұрыс па? Бұл сұраққа «<a href="https://www.muftyat.kz/kk/qa/otbasy/2021-12-14/38345-gender-party-otkizgen-durys-pa/">Muftyat.kz</a>«-ке Хасан Аманқұл жауап берді , — деп хабарлайды&nbsp;<a href="https://massaget.kz/">Massaget.kz</a>&nbsp;тілшісі.Ультрадыбыстық зерттеу нәтижесін, яғни баланың жынысы туралы мәліметті қолына алған әйел оны түрлі әдіспен білдіре алады. Жағымды жаңалық шардың түсі, тәтті торттың түсі немесе қорапқа жасырылған басқа да атрибут арқылы жеткізілуі мүмкін. Нарықта бұл кешті арнайы ұйымдастырып беретін қызмет түрлері де бар.<blockquote>«Құран Кәрімде: «Алла әрбір ұрғашы жыныстың не көтергенін, құрсақтардың нені кемітіп, нені арттыратынын, нені түсіріп (яғни түсік тастап немесе ай-күні толмай босанатынын), нені мерзімінен асырып жіберетінін толық біледі. Оның құзырында барлық нәрсе өлшеулі», – делінген («Рағыд» сүресі, 8-аят).Бүгінде құрсақтағы баланың&nbsp;жынысын ультрадыбыстық&nbsp;зерттеу арқылы анықтауға&nbsp;мүмкіндігіміз бар шығар. Бірақ&nbsp;алдағы уақытта оның дүниеге&nbsp;қалай келетінін, сосын қалай өмір сүретінін Алла Тағаладан&nbsp;басқа ешкім білмейді.Алла елшісі (оған Алланың салауаты мен сәлемі болсын): «Ғайып (құпия заттың) кілті бесеу. Оны Алладан басқа ешкім білмейді. Ертең не болатынын, әйелдің кімді босанатынын, жауын қашан жауатынын, кісі қай жерде өлетінін, Қиямет қашан болатынын Алладан басқа ешкім білмейді», – деген (Бұхари). Сондықтан алдын ала қуанып, тумаған балаға той жасау әбестік болып есептеледі», — деді Хасан Аманқұл.</blockquote>Дінтанушының айтуынша, екіншіден, шариғатымызда айтылмаған, дінімізде бұйырылмаған істі істеу арқылы бидғатқа (күнәға) жол ашады. Үшіншіден, босқа мал шашып пайдасыз жиын өткізсе, ысырап жасаған болады.Төртіншіден, дінсіз қоғамның әдетін ұстанып, соларға еліктеу адамды адасушылыққа алып барады. Бесіншіден, қазақтың ғұрып әдетінде аяғы ауыр келіншек барынша көз-тілден сақтанған және өзінің жағдайын жария етуді ұят санаған.Фото: eventbooking.ru

Іштегі сәбидің жынысын жариялау — күнә

<a href="https://kyzylorda-news.kz/">Kyzylorda-news.kz</a> Сүт тағамдарының қай-қайсысын алсақ та, адам ағзасына, денсаулығына орасан пайдасы бар. «Ағы бардың бағы бар» деп халқымыз сүтті &nbsp;аса құрметтеген. Атақты ғалым Әбу-Әли ибн Синаның «Дәрігерлік ғылым қағидасында» сүттің &nbsp;емдік қасиеттері туралы айтылып, әсіресе, жасы үлкейген қарттарға өте пайдалы екені ерекше атаған. Иә, түрлі ауру-сырқауға да өзіндік емін көрсететін пайдалы асты өндіру бойынша Шиелі ауданы да қалыс қалып жатқан жоқ. Өңір &nbsp;халқының жағдайы жылдан-жылға қарқынды дамып, іргелі істер атқарылуда. &nbsp;Оның дәлелі &nbsp;ретінде соңғы уақытта Шиелі ауданынан ашылып жатқан кәсіпорынды айтуға болады. &nbsp;Солардың бірі – «Асылхан» сүт өнімдерін өндіретін шаруа қожалығы. Міне, бүгін сол туралы қысқаша мәлімет ұсынбақпыз.&nbsp;«Асылхан» шаруа қожалығы 2017 жылы бой көтеріп, мамыр айында іске қосылған болатын. Сүт өңдеу цехына бас аяғы 250 млн. теңге қаржы жұмсалған. Аталған мекеменің төрағасы Данияр Дүйсебаев «Наурыз-Дем» кредиттік серіктестігінен 41 млн. теңге несие алып, қалған қаражатты өз есебінен қарастырған. Бастапқыда 30 бас сиыр мен 2 бұқаны Солтүстік Қазақстаннан алдырып, төл басын көбейтіп отыр. Негізгі орын 100 бас сиырға арналғандықтан, алдағы уақытта көршілес Ресей елінен арнайы ірі қара малдарын алуда жоспарлап отырғанын тілге тиек етті. Жобалық қуаттылығы күніне 1 тонна сүтті құрайтын &nbsp;кәсіпорында бүгінде тәулігіне 200-250 л сүт, аптасына 50 кг қаймақ пен 150-200 кг ірімшік өндірілуде.&nbsp;Отыздан аса адамды жұмыспен қамтып отырған шаруа қожалығы 200 бас ірі қара малы бар бордақылау алаңын 48 млн теңгеге салған. Бүгінгі таңда мал сою пунктінде 45 бұзау мен 30 баспақ тұр. Шиелі ауданындағы шағын шаруа қожалықтардан сүт алып, өз өнімдерін өндіруге септігін тигізуде. Алдағы уақытта аудандағы барлық мекемелер, дүкендер мен балабақшаларды толығымен сүт өнімдерімен қамтамасыз ету жоспарланып отыр &nbsp;Қандай да бір жетістікке жету, жоқтан бар жасау асқан табандылық пен үлкен жауапкершілікті талап етеді. Сондықтан, кәсіпорын басшысы қай істе де мойымай, адал еңбек етуді мақсат еткен.&nbsp;Қазіргі таңда кәсіпкерлер мемлекет тарапынан әжептеуір қолдау тауып жатыр. «Өзімдікі ғана таңсық, өзгенікі – қаңсық» деп кері тартпай, ашық болу, басқалардың ең озық жетістіктерін қабылдай білу, бұл – табыстың кілті әрі ашық зерденің басты көрсеткіштерінің бірі, – деп «Болашаққа бағдар: рухани жаңғыру» мақаласында айтылғандай кез келген кәсіп түрін жүрексінбей, жатсынбай бастау керек. Әңгімемізге арқау болып отырған сүт және сүт өнімдерін өндіретін өнеркәсіп бүгінгісінен де зор пайда келтіріп, аудан атын әйгілеп жүре берсін демекпіз.Фариза Кенжешова

Данияр Дүйсебаев: Ағы бардың бағы бар

<a href="https://kyzylorda-news.kz/">Kyzylorda-news.kz</a> «Ауылына қарап, азаматын таны» деген түсінік кейінгі жылдары сәл өзгерді. Қазір ұғым «Кәсіпкеріңді көрсет, келешегіңді көрейін» дегенге ойысқандай. Қазалы ауданынан шалғайда жатқан Бозкөл елді мекені ертеден төрт түлігін түлетіп, бау-бақшасын жайқалтып, еңбекпен еленген жер. Ауылдың ажарын кіргізіп, берекесін арттырып отырған да сол атакәсіп.Бозкөл ауылдық округ әкімі Ақылбек Бөлебайдан ау-жайды сұрағынымызда, ауылдың абыройының артуына атсалысқан Аман сынды азаматтар барын айтты. нақтысын сұрап білдік. Қатарластарының көбі өмірден әлі өз орындарын алып үлгермесе де, біздің кейіпкеріміз құрбы-құрдастарының арасынан дараланып, ел сайлаған азаматқа айналып үлгерген.Сол топырақтың тумасы мектеп бітірген соң, өзгелер сынды бақытты басқа жақтан іздемей, туған жерінен тер төгіп, өрістетуді ұстаным етеді.<blockquote>«Әрекет түбі – берекет. Жұмыс жоқ, ақша жоқ. Мемлекеттік жүйе дұрыс емес деп, үйде жатып, қам жасамай жататын толқындастарыма таң қаламын. Жұмыс істеген, іздеген адам қайдан да табады. Қимылдаған құр қалмайды. Әр адамның өзін лайық бір іске бейімі болады. Соны дамытып, ізденісін арттырса, алынбайтын қамал болмайды», – дейді Аман Дәулетбаев.</blockquote>2016 жылы Дәулетбаевтар отбасы төрт түлік өсіру мақсатында 500 гектар жайылымдық-шабындық жер алып, «Тайкеткен» шаруа қожалығын құрады. Отбасылық істің бұйдасын ұстағандар сол уақыттан бері мал басын арттырып келеді. Төрт түлікті түлету тұрғындардың әл-ауқатын арттыру мәселесін түбегейлі шешпесе де, тіршілікті түгендеп, тұрмысты жандандыруға мүмкіндік береді<blockquote>«Бір істі бастауға бір іс түрткі болады. Мал баға жүріп, оларды күтіп-баптаудағы басқа қажеттілік жем-шөбін дайындау мәселесі алдымызда тұрды. Осы бағытқа көңіл бөлдік. Бұдан бөлек, отбасымыздың үрдісіне айаналған бақша егуді де, доғарған жоқпыз. Қазір табиғи таза өнімді тұтыну жайы басты мәселе болып жатыр ғой. Бұл тұста жергілікті, төл өнімді тұтынып отырған біздің тауарымызды сұраушылар қашан да болды», – дейді.</blockquote>Ұсыныс бар жерде сұраныс бар. Қажеттікті қанағаттандырамыз деп жүрген кәсіпкер 2001 жылы оңтайлы ұсынысқа ұшырасады. Аудан көлемінде жергілікті табиғи құрылыс материалын шетелдерге экспорттаумен айналысатын «Азия камыш» жауапкершілігі шектеулі серіктестігінің басшысы Венера Тайлақбаева Аман Қайруллаұлына бірігіп, жұмыс істеуге шақырады. Жастайынан жерден несібін терген жігіт ұзақ ойланбай, келісім береді. Сол күннен бастап, Аман бастаған ауылдағы бригада жігіттері тыңнан түрен салып, қамыс шабумен айналысады.<blockquote>«Пішен ору, қамыс шабу ауыл баласы үшін таңсық көрініс емес. Бірақ, халықаралық талапқа сай болу үшін оны дайындаудың өз қиындығы бар. Қамыс, әдетте қыста шабылады. Біздің жақтың ауа райының салқындығын өзіңіз білесіз. Қақаған қыстың мезгілінде техникаларды жұмыс қалпына келтіру аз күшті қажет етпейді. Шетелдік шабу құрылғысының қыр-сырына қанығып, оның бұзылған ақауын анықтау, дер кезінде қалыпқа келтіруде асқан қырағылық керек. Жауапты жұмысты өз орайына қарай уақытымен, межесімен орындасаң, ауылдан ұзамай-ақ, діттеген нәтижеге жете аласың», – дейді ол.</blockquote>Аманға артылар жүк тек, қамысты дайындау, барысын бақылау ғана емес, тұрақты – 2, маусымдық кездегі – 10 адамға дейінгі бригада ісін ұйымдастыру, ұйыстыру, жұмылдыруды талап етеді.Маусымына 5-6 камаз қамысты шекарадан асырып, тапсырыс берушілер талабынан көрініп жүрген жігіттер туралы Венера Тайлақбаева былай дейді:<blockquote>– Бозкөлде біздің еңбекқор бригадамыз бар. Оларды басшылық жасап отырған Аман Дәулетбаев жауапкершілігі зор, өз ісінің нағыз маманы. Қандай іс тапсырсаң да, меже мен үдеден шығуға бар мүмкіндігін салады. Сөзіне ісі сай мұндай жастар қатары көбейсе, барлық салада да жетістікке жетуге болады, – деген пікірімен бөлісіп. Ауылдастары жолдасы жұмыс болған жігітті үлгі етіп, жерлестеріне әрдайым көмек қолын созуға дайын тұратынын айтты.</blockquote>Алдағы жоспары туралы сұрағанымызда кәсіпкер:<blockquote>– Болашаққа жоспар көп. Осы берекелі кәсіптің көлемін ұлғайтып, елді қолжетімді, жергілікті өніммен қамтамасыз етіп, жаңа жұмыс көзін ашу, отандық мал шаруашылығының дамуына, ет өнімдері санының артуына үлес қосумен бірге, импорттық көрсеткішті азайтып, экспортқа шығаруға қор дайындау, – дейді бізбен қоштасарда. Өзіміз әңгімелескен аз уақытта жігерлі жанның жүрген жолын көріп, ерінбегенге еңбек басын иетінін ұғындық.</blockquote>Фото. sn.kzАлтын ҚОСБАРМАҚОВА

Кәсіпкерлікке кең өріс

<a href="https://kyzylorda-news.kz/">Kyzylorda-news.kz</a> «Кімді қандай тақырып қызықтырады?» деп сауал тастады болашақ журналистерді бағыттаушы ұстаз.Облыстың түкпір-түкпірінен келіп, қаланың қызығына ене алмай, сырттай ғана тамашалап отырған «балмұздақтардың» көбі бұл сұраққа тосырқай қарады. Журналист боламын деген асқақ арман олардың қаламдарынан туған тырнақалды туындыларын газет беттерінде жарық көруіне әкелген. Олардың дені «Менің Отаным», «Менің отбасым», «Кім болғым келеді?» деген тәрізді шығармалардан бастау алатын. Тіпті, кейбірінің ақындық қабілетін сынап, бірлі-жарым шумақты шимайлаған. Олар әлі кәсіби журналистиканың не екенін де біле бермейтін. Олардың ойынша, журналист – теледидарда жарқырап отырған диктор ғана. Көпшілігі журналистика атты ауқымды саланың ішінде сан түрлі тарау барын да білмейтін. Барлығы десек те болғандай... Кенет алдыңғы партада отырған қара қыз «Маған детектив жазған ұнайды» деді тақылдап. Көпшілігі оның не екеніне де бойлаған жоқ. Бірақ әлгі пысық қыз детективтің не екенін, оны қалай жазатынын, тіпті өзінің де осы бағыттағы бірнеше әңгімесі бар екенін жеткізді. Ол уақытта сол бойжеткенге журналистикадан емес, сот саласынан нан бұйыратынын ешкім білмеген еді... Әңгіме жаңадан құрылған Қызылорда облысының мамандандырылған ауданаралық әкімшілік сотының бас маман-сот отырысының хатшысы қызметін абыроймен атқарып келе жатқан Айжан Ысқақова жайында.Оның бұл салада еңбек етіп келе жатқанына да он жылдан асып барады. Осы жылдар ішінде ол Қызылорда облыстық сотының республикалық, жергілікті бұқаралық ақпарат құралдарымен тығыз байланыс орнатуына, сот жұмысын көпшілікке насихаттауға айтарлықтай үлес қосып, баспасөз хатшысы қызметін атқарды. Осы бағытта өзін дәлелдеуге, білімін шыңдауға бар уақытын жұмсады.<blockquote>– Менің өмірде ұстаздарым көп. Өйткені айналамдағы жандардан үнемі бірнәрсе үйренгім келіп тұрады. Заманның көші деген бар, осы бір сәттерде тоқтауға, аялдауға болмайды. Өзіңді дамытуың керек, біліміңді жетілдіруің керек. Тәжірибеңді арттыра түспесең, сенен кейінгі озып кетеді. Ал өзіңді мықты санап, болдым, толдым деген күнің – өшкен күнің. Менің ұстанымымда іздену, білім алу, дамуыңды тоқтатпау – сені биікке шығаратын төте жол, – дейді Айжан Мұқтарқызы.</blockquote>Мектеп бітірген соң Қорқыт ата атындағы Қызылорда университетінің журналистика мамандығына қабылданды. Бірақ оның ішкі арманы мен мақсаты басқа еді... Бала күнінен заңгер болуды армандайтын. Дегенмен бала арманы маза бермеген ол 2020 жылы «Ақмешіт» гуманитарлық-техникалық институтын құқықтану мамандығы бойынша оқып, құқық бакалавры дәрежесін иеленді.<blockquote>– Әріптесіміздің ойға алған істі орындамай тынбайтынын, тынымсыз ізденіс нәтижеге жеткізетінін жұмыс барысында сан мәрте көріп жүрміз. Оның бойындағы адами асыл қасиеттерге қанықпыз. Кәсіби шеберлігін де әркез үздіктер қатарында байқатып жүр. Сот төрелігі дегенде көз алдымызға сот билігін жүзеге асыратын, сот актілерін шығаратын судьялар елестейтіні рас. Дегенмен оның сыртында көзге көріне бермейтін мамандардың орасан жұмысы барын жоққа шығара алмаймыз.</blockquote>Міне, Айжанның да осы қатардан көрініп жүргені қуантады. Алдына айқын мақсат қоя алады, ойлаған межелі мақсатына міндетті түрде жетеді. Біздің салада осындай мақсатшыл, мамандығын жоғары бағалайтын, шын жақсы көретін Айжан Мұқтарқызындай мамандар жұмыс істейтініне қуанамыз. Олар – біздің саланың жүрегі, – дейді әріптестері.Ол 22 жасында Қызылорда облыстық сотына іс тіркеуші болып жұмысқа орналасты. Қызметтің алғашқы күнінен бастап сот саласында жұмыс істеу жоғары жауапкершілікті қажет ететінін жақсы түсінді. Содан бері сырт көзге қарапайым әрі оңай болып көрінетін жұмыстың өзіндік қиындықтары мен сот процестерін ұйымдастыру, дайындау сатыларынан абыроймен өтуде. Біліктілігі мен кәсібилігінің арқасында судьяның уақытты тиімді пайлаланып, өнімді жұмыс істеуіне ықпал етіп келеді.Мақсаты биік Айжанның сот жүйесіндегі тындырымды еңбегі лайықты бағаланып, Судьялар одағы кеңесі хатшысының Алғыс хатымен, Қызылорда облыстық соты төрағасының, сот департаменті басшысының Құрмет грамотасымен, Алғыс хаттарымен марапатталды. Осы уақыт ішінде бірде-бір рет еңбек тәртібін бұзған емес. Айжан – жан-жақты. Өзін үнемі білікті маман, сүйікті жар, ұл-қыз өсіріп отырған ана ретінде көрсетіп келеді. Жаңашылдыққа жаны құмар Айжан білімін үздіксіз жетілдіріп отырған адам ғана биікке ұмтылады деп есептейді.<blockquote>– Жұмыс пен отбасылық өмірді қатар алып жүріп, екеуінен де биік шыңды бағындыру үшін, әрине, ең әуелі өмірлік жарыңның түсінгені маңызды. Екеуіміздің бір-бірімізді қолданудың нәтижесінде осындай биіктерді еңсеріп жүрмін. Адам тұлға ретінде өзін дамытуды тоқтатпау керек. Ал бұл ретте азаматыңның пікірі мен қолдауы қажет, – дейді білікті маман.</blockquote>Мемлекеттік қызмет саласында еңбек етіп, маңдай терін төгетін әрбір тұлға мінсіз болу керек. Өйткені ол – осы елдің айнасы. Әрбір ісі «қыздың жиған жүгіндей» болып, халықтың көңіл сарайынан орын алған Айжан осы талаптың биігін әлдеқашан бағындырған.Д.ҚЫРДАН

Сот ісі жауапкершілікті талап етеді

<a href="https://kyzylorda-news.kz/">Kyzylorda-news.kz</a> «Ұлтқа қызмет ету – білімнен емес, мінезден» деген екен ұлт көшбасшысы Әлихан Бөкейханов. «Тірі болсам, қазаққа қызмет қылмай қоймаймын» деп, Алаштың ертеңі үшін батыл қадамдарға барған қазақ зиялысының ұстанымымен өмір сүретін мемлекеттік қызметшілер жетерлік. Мереке қарсаңында саладағы өзгерістер мен жаңашылдықтарды білу мақсатында ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиевпен сұхбаттасқан едік.– Ерлеген Жәрдемұлы, ең алдымен, кәсіби мерекелеріңіз құтты болсын. Өңірдегі азаматтардың мемлекеттік қызметке деген қызығушылығы қандай?– Құттықтауыңызға рахмет. Мемлекеттік қызмет – бұл барлық мемлекеттік басқаруды ұйымдастырудағы жетекші рөл атқаратын мемлекет жүйесінің ең маңызды тетіктерінің бірі. Мемлекетіміздің тыныштығы мен халқымыздың бейбіт өмірі бәрінен қымбат. Билікке деген сенім қазіргі қоғамның талаптарына сай қызмет ететін мемлекеттік қызметшіден басталады. Мемлекеттік қызметшінің қызметі – туған Отаны мен халқына адал еңбек етуімен бағаланады. Мемлекеттік қызметші ел сенімінен шыға білсе, одан жоғары мәртебе, одан артық бақыт жоқ деп есептеймін.Ал енді қызығушылыққа келсек, қазіргі таңда отандастарымыздың мемлекеттік қызметке ұмтылысы ерекше. Біз сол үшін қуаныштымыз. Оның үстіне, қазір мемлекеттік қызметке орналасуға көптеген кедергі жойылды. Тіпті, жаңа мүмкіндіктер де қарастырылды. Мәселен, жоғары оқу орнын мемлекеттік грант арқылы бітірген жас мамандар конкурстық іріктеусіз төменгі лауазымдарға тағайындалады. Мұндай мүмкіндік 2023 жылдан бастап жастарға заң шеңберінде берілді. Осыған дейін облыста 4 жас маман жұмысқа орналасты. Қызылорда қаласы, Талсуат ауылдық округі әкімінің аппаратына, Шиелі ауданы, Тұран ауылдық округі әкімі аппаратына, Қармақшы ауданының жұмыспен қамту және әлеуметтік бағдарламалар бөлімінің бас маманы лауазымына және Арал ауданы Жақсықылыш кентіне бас маман болып, конкурстық іріктеусіз тағайындалды. Бір айта кетерлігі, бұл мүмкіндікті диплом алғаннан кейін бір жыл ішінде пайдалануға мүмкіндік бар. Осы кезде аудандарға іссапар кезінде де жастармен, облыста жоғары оқу орындарының студенттерімен кездесіп, осы тақырыпта түсіндірме жұмыстарын жүргізіп келеміз. Жастарды қызметке тарту мақсатында биыл диплом алушы жастар үшін «Mansap Navigator 1.0» бос жұмыс орындары жәрмеңкесі ұйымдастырылды. Шараға 30-дан аса мемлекеттік және жекеменшік мекеме ұйымдарының өкілдері және 600-ге жуық студент түлек қатысты. Жұмыс берушілер тарапынан 200-ден астам бос жұмыс орны ұсынылды.– Өңірлік кадр резервіне іріктеу жұмыстары қалай жүзеге асып жатыр? Жобаға өңір тұрғындарының қатысу белсенділігі қаншалықты деңгейде?– Бүгінгі таңда өңірлік кадр резервіне іріктеудің соңғы кезеңіне келіп жеттік. Бұған дейін іріктеудің бірінші кезеңінде өңірлік кадрлық резервке 235 үміткердің құжаты қабылданды.Екінші кезең екі блокта өтті. Оның бірінші блогы – заңнаманы білуге арналған тестілеуге 226 үміткер тіркеліп, оның 220-сы тест тапсырды, 6 үміткер тестілеуден өтуден бас тартты. Екінші блок жеке қасиеттерді бағалауға арналған тестілеуге 115 үміткер жіберіліп, оның 114-і тіркелді, 1 адам бас тартты. Нәтижесінде 51 үміткер кадр резервінің келесі үшінші кезеңіне жіберілді. «Құзыреттерді бағалау» кезеңі осы жылдың 13-29 мамыр аралығында Астана қаласында Мемлекеттік басқару академиясының базасында өтті. Аталған 51 үміткердің басым бөлігін мемлекеттік қызметшілер, халыққа қызмет көрсету орталықтарының және жеке сектордың қызметкерлері мен мұғалімдер құрайды. Соңғы кезең осы жылдың 22-26 тамызы аралығында өтеді деп жоспарлануда. Өңірлік резервке аймақтан 25 адам алынады. Резервте тұру мерзімі 2 жылды құрайды.– Осы біз мемлекеттік қызметкерлердің ет пен сүйектен жаралған адам екенін ұмытып кеткен жоқпыз ба? Әдеп жөніндегі кеңеске қарап отырсақ, осындай ой келеді…– Соңғы жылдары Әдеп жөніндегі кеңес мемлекеттік қызметшілердің тәртіптік істерін қарауды азайтып, профилактикалық бағыттағы жұмыстарға көбірек көңіл бөлуде. Мысалы, 2022 жылы кеңесте 86 мәселе қаралған болса, оның 45-і, яғни 52 проценті тәртіптік істерді, ал 41-і профилактикалық бағыттағы мәселелерді құраған. Осындай жұмыстардың нәтижесінде тәртіптік теріс қылық жасау деректері азайды. Айталық, Әдеп жөніндегі кеңесте 2023 жылы 49 мәселе қаралса, оның 15-і, яғни, 30 проценті ғана тәртіптік іс болды, қалғаны профилактикалық бағыттағы жұмыстарға арналды. Сонымен бірге кеңес мүшелері мемлекеттік қызметшілердің де құқықтарының қорғалуына назар аударып келеді. Мәліметтерге тоқталсақ, 2022 жылы барлығы 45 тәртіптік іс қозғалған болса, оның 13-і бойынша қызметшілер тәртіптік жазаға тартылмады. Ал 2023 жылы 15 қызметшіге қатысты тәртіптік іс қаралған болса, оның 10-ы тоқтатылды. Биыл 12 тәртіптік іс қозғалса, оның 8-і тоқтатылды. Қалған 4 тәртіптік іс бойынша Кеңес мүшелерінің шешімімен лауазымды тұлғаларға тәртіптік жаза қолданылды. Мемлекеттік қызметке кір келтіретін тәртіптік теріс қылық жасағаны үшін Қызылорда қалалық білім бөлімінің басшысы лауазымынан босатылды. Қалалық тұрғын үй коммуналдық шаруашылығы бөлімі басшысының орынбасарына қызметіне толық сәйкес еместігі туралы ескерту берілді. Ал жеке азаматтарды қабылдау кезінде дөрекілік көрсетіп, Әдеп кодексінің нормаларын бұзғаны үшін қалалық тұрғын-үй инспекциясының басшысына ескерту жарияланды. Сонымен бірге Сырдария аудандық ауыл шаруашылығы және жер қатынастары бөлімі басшысына өзіне заңсыз сыйақы тағайындау дерегі бойынша қызметіне толық сәйкес еместігі туралы ескерту түрінде тәртіптік жаза қолданылды. Міне, жоғарыдағы сандық деректерге қарағанда біз тек оларды жазалаумен ғана емес, қорғаумен де айналысып жүргенімізді байқауға болады.– Заман да сәт сайын жаңарып, дамып келеді. Мемлекеттік қызметтегі азаматтардың біліктілігін арттырып, тәжірибесін қалыптастыруда қандай қадамдар бар?– Мемлекеттік қызметшілерді даярлау және қайта даярлау жұмыстары (тағайындалған кезден бастап 6 айдан кешіктірілмей) ҚР Президенті жанындағы Мемлекеттік басқару Академиясы мен оның аумақтық филиалдарында жүргізіледі. Ал біліктілігін арттыру курстарын (3 жылдан сиретпей) Академия мен оның филиалдарымен бірге, мемлекеттік орган қызметінің бейініне сәйкес келетін білім беру ұйымдары жүзеге асырады. Өткен кезеңде барлығы 123 (жоспар – 826 (14,9 процент) қызметшінің білімін жетілдіру ұйымдастырылды. Оның ішінде қайта даярлаудан – 25, біліктілігін арттырудан 98 мемлекеттік қызметші өтті.Мемлекеттік қызметке алғаш &nbsp;еет немесе оны тоқтатқаннан кейін алғаш &nbsp;еет келген 37 тұлғаға 3 ай сынақ мерзімі тағайындалды. Оның ішінде 36 тұлғаға тәлімгер бекітілді. Тағылымдамадан өтуі тиіс 23 қызметшінің 11-і өткен.– Кейінгі буынға қандай ақыл айтар едіңіз? Мемлекеттік қызметші қандай болуы керек? Әрине, барлығы жұмыстың алғашқы күнінен бастап-ақ бәрін білетін деңгейге жетпейді ғой…– Мемлекеттік қызметке алғаш қабылданған адам ҚР Мемлекеттік қызметі туралы және Сыбайлас жемқорлыққа қарсы іс-қимыл туралы заңнамасына сәйкес мемлекеттік қызметке кіру шарттарына сәйкестігі тұрғысынан ұлттық қауіпсіздік органдары жүргізетін арнаулы тексерудің оң нәтижесін алуы қажет.Мемлекеттік қызметке алғаш кіретін азаматтар үшін олардың атқаратын мемлекеттік лауазымдарға сәйкестігін тексеру мақсатында үш ай мерзімді құрайтын сынақ мерзімі белгіленеді. Мемлекеттік қызметке келген жастарға ел Президентінің мына сөзін айтқым келеді.«Мемлекеттік қызметші болу – еліміздің, халқымыздың жарқын болашағы үшін адал қызмет ету. Бұл – үлкен жауапкершілік. Бұл – үлкен парыз. Мемлекеттік басқару ісіне ойы ұшқыр, білімі озық, сана сезімі терең, нағыз отаншыл жастар келуі керек».– Сұхбатыңызға рахмет.Д.Қырдан

Мемлекеттік қызметке орналасу жеңілдеді

<a href="https://kyzylorda-news.kz/">Kyzylorda-news.kz</a> Жеке тұлғалар мен жеке кәсіпкерлердің салық төлеу процесін жеңілдету мақсатында «салық әмияны» сервисі іске қосылды. «Салық әмияны» - салық төлеушінің өтінішінсіз онлайн-режимде автоесеп жүргізу мүмкіндігі бар бірыңғай деректемелерден төлемдерді қабылдау және өңдеу жөніндегі сервис.Салық әмиянының механизмі бюджетке төлемдерді автоматты түрде таратуға мүмкіндік береді. Жеке тұлғалар мен жеке кәсіпкерлердің салық әмиянын толтыру арқылы салықтарды балама төлеу мүмкіндігі бар. Сервис салық төлеушіге бюджетпен оның ағымдағы және алдағы міндеттемелері туралы ақпарат береді. Салық әмиянынан түскен ақша уәкілетті органдардың декларацияларын, есептерін, мәліметтерін табыс ету кезінде салық міндеттемелері туындаған тиісті салықтарға автоматты түрде есептеледі.Esalyq Мемлекеттік кірістер комитеті порталының мобильді қосымшасындағы «салық әмиянының» сервисі App Store және Play Market-те жарияланған. Қызметке қол жеткізу үшін қажет. ЭЦҚ пайдалана отырып eSalyq қосымшасында тіркеу, мобильді азаматтар базасында тіркеу болған кезде esalyq қосымшасында sms-код бойынша тіркеу, ЖСН және пароль бойынша баптау, жылдам қол жеткізу коды және биометрия бойынша орнату. «Салықтық әмиян» сервисінің мүмкіндіктері баламалы салық төлемі, бюджетке төлемдерді автоматты түрде таратуды жүргізу, бюджетпен ағымдағы және алдағы жағдайлар туралы ақпарат беру, ақшалай қаражатты салыққа есептен шығару туралы хабарлама алу, төлемдер мен толықтырулар тарихын сақтау.Сервисті пайдалану ыңғайлылығы үшін іске асырылды: смс-пароль бойынша авторизацияны жеңілдету; Халық банкінің картасын байланыстыру және төлемді аудару арқылы салық төлеуді жеңілдету, Kaspi.kz, барлық қызметтердің төлем тарихын көрсету, ақпаратты өзектендіру уақытын 2 минутқа дейін қысқарту, салық салу объектілері бойынша деректерді қарау, БЖТ төлеу сервисі, салық әмиянының бірыңғай деректемелерінен қайтаруды жүргізу, «берешек туралы мәліметтер» сервисінде салықтар мен әлеуметтік төлемдерді төлеу, «артық төлемді басқару» сервисінде бюджеттен салықтарды есепке жатқызуға және қайтаруға өтінім беру, жылжымайтын мүлік және көлік құралдары бойынша деректерді түзету сервисі кіреді.

Қызылордада «Салық әмияны» сервисі іске қосылды

<a href="https://kyzylorda-news.kz/">Kyzylorda-news.kz</a> Қызылқұм ауылдық округінің әлеуметтік, ауылдың экономикалық дамуы және басқа да, мәселелері ауыл әкімі Оңталап Мүсілімнің жіті назарында. Мұнда 1207 адамнан құралған 216 отбасы негізінен мал шараушылығын жанына жақын тұтуда. Округ бойынша мал басы 1384 ірі қара, 3495 қой, 2680 ешкі, 785 жылқы және 128 түйені құрап отыр.Ветеринариялық пункт қызметкерлері тарапынан жоспарланған диагностикалық зерттеулер мен профилактикалық іс-шаралар тұрақты түрде жүргізіліп жатыр. Қазіргі кезде тұрғындар жеке мал шаруашылығынан бөлек, ауыл маңындағы су айдындарынан балық аулаумен шұғылданады.Қазалы ауданының «Кәукей» ауылы – ырыс пен берекесі келісті мекен. Округте №225 орта мектебі және № 146 негізгі мектебі, №27 "Бөбек" бөбекжай-балабақшасы, ауылдық дәрігерлік амбулатория, клуб, кітапхана, ауа райын зерттеу станциясы, почта байланыс бөлімшесі, ветеринариялық пункт, су бекеті жұмыс жасайды. Ауыл халқы кәсіпкерлікті де шыр айналдыруда. Оның ішінде, 3 шаруа қожалығы, 1 ауыл шаруашылығы кооперативі, 5 дүкен бар. Сонымен бірге, 8 жеке автобус аудан орталығына жолаушы тасымалдайды.Округ аумағында Жанқожа батыр атындағы шекара заставасы орналасқан. Кәукей ауылынан 170 шақырым жерде ұлт батыры Жанқожа бабаның қорымы бар. Бұрынғы өткен заманда осы аумақта әулие Қарабура, Бағыберген би, емші Жұбаныш Игісінұлы, сынықшы Омар секілді аты аңызға айналған адамдар өмір сүрген.Қызылқұм ауылдық округі әкімінің айтуынша, жыл басынан бері тұрмысы төмен және аз қамтылған 3 отбасыға мемлекеттік атаулы көмек тағайындалды. Ақылы қоғамдық жұмыспен 33 адам қамтамасыз етілді. Тұрақты жұмысқа 2 адам орналасса, 9 адам уақытша кәсіппен айналысуда. "Жасыл ел" бағдарламасы бойынша 18 жас мерзімдік жұмысқа қабылданды.<blockquote>– Жыл сайын мекеме-кәсіпорындар ұжымы, кәсіпкерлердің, жеке азаматтардың, сондай-ақ ауылда туып-өсіп, қазіргі кезде ауылымыздан тыс жерде өмір сүріп жатқан азаматтардың демеушілігімен қайырымдылық шаралары ұйымдастырылып жүр.</blockquote>Биыл 8 наурыз – Халықаралық әйелдер күні мерекесіне орай, 31 анаға 1985 жылғы туылған түлектердің демеушілігімен сый-сияпат көрсетілді. Сондай-ақ, 1997 жылғы туған қыз-жігіттердің демеуші болуымен ауылымыздағы 5 тыл ардагеріне сыйлықтар тарту етілді, – дейді Оңталап Мүсілім.Сонымен қатар, ауыл түлектерінің күшімен Орталық саябаққа "Ауылым – алтын бесігім" Кәукей белгісі және субұрқақ салынды. Аз қамтылған отбасыларға 1 маусым – балалар күніне орай 3 велосипед табысталды. Мектепке жол акциясы бойынша 5 балаға оқу құралдары мен мектеп формалары алып берілді.Жеке кәсіпкер Кемал Талғат ауыл тұрғыны, зейнеткер апаға азық-түлік алып берді. Демеушілердің көмегімен 3 отбасыға қыстық мал азығы түсіріліп берілді. Екі отбасыға қатты отыннан көмек берілді.Округ бойынша жолаушы тасымалдау саласында тұрғындарға 8 автобус қызмет көрсетеді. Кәукей – Әйтеке би кенті бағыты бойынша күніне 2 рет, Кәукей – Ажар бағытына аптасына 2 рет жолаушылар автобусы қатынап тұр. Сонымен қатар өткен жылдан бастап такси қызметімен айналысатын 4 кәсіпкер тұрғындарға қызмет етуде. "Кәукей-Бозкөл" автомобиль жолының жөндеу жұмыстары да реттелуде.Биыл округте 70 кәсіпкерлік субъектісі ресми тіркелді. Оның ішінде, 1 ауыл шаруашылығы кооперативі, 3 шаруа қожалығы, 3 жауапкершілігі шектеулі серіктестік, 63 жеке кәсіпкер бар.Екі жыл бұрын басталған 2021-2025 жылдарға арналған кәсіпкерлікті дамыту жөніндегі ұлттық жоба іске асырылуда. Игілікті жоба халықты жұмыспен қамтуды арттыру мақсатында шағын бизнесті дамыту, экономика салаларын әртараптандырудың драйвері – орта бизнеске сүйену, кәсіпкерлік субъектілері үшін тең жағдайлар – бәсекелестік кешенді дамытуға мұрындық болмақ. Осы ретте, ауыл тұрғындарының "Бастау Бизнес" жобасы шеңберінде оқуға қатысуын, жеке ісін ашуға, қысқа мерзім кәсіптік оқудан өтуіне, ауылда жаңа кәсіпкерлік субъектілерін құру бағытында тұрақты жұмыс атқарылады. Жалпы, 6 адам "Бастау Бизнес" жобасы шеңберінде оқуға қатысып, сертификаттарын алды.Көркейту-көгалдандыру жұмыстарына аудандық бюджеттен қомақты қаржы бөлініп отыр. Бұл қаржыға ауыл ішін көгалдандыру үшін аяқсу жіберіліп, жаңадан ағаш көшеттері егілді. Санитариялық тазалау жұмыстары жүргізілді. Сонымен қатар, ауыл ішін қоқыстан тазартуға да, бөлек ақша аударылды. Қоқыстар бей-берекетсіз шашылмас үшін арнайы қатты қалдықтарды бөлек жинайтын тағы да қосымша контейнерлер сатып алынды. Сондай-ақ, өткен жылы салынған "Орталық саябақ" ішіне ауыл түлектерінің ұйымдастыруымен субұрқақ салынды.Округте мекемелер мен жекелеген тұрғын үйлер CDMA жүйесі арқылы телефон пайдаланып отыр. Округ орталығы "Актив", "Билайн" және "Алтел/Теле2" ұялы байланыс желілерімен қамтамасыз етілген. Почта байланыс бөлімшесі газет-журнал, зейнетақы төлемдерін таратумен бірге әртүрлі төлемақылар қабылдайды. Сонымен бірге, почта салымдарын жеткізуді қамтамасыз етеді.Бүгінде №27 "Бөбек" бөбекжай-балабақшасында 50 бала тәрбиеленуде. "Қызылқұм" дәрігерлік амбулаториясында 1 дәрігер, 1 фельдшер, 7 мейіркеш тұрғындардың денсаулығына жауапты. Ажар ауылы тұрғындары үшін фельдшер бекітілген. "Жедел жәрдем" көлігімен қамтамасыз етілген. Емханада 7 төсектік күндізгі бөлім бар. Ай сайынғы балаларды егу жұмысы бекітілген кестеге сәйкес жүргізілуде. Ересектер арасында диспансерлік есепте 213 адам тұрады. Есепте тұрған науқастар босатылған тегін дәрімен қамтамасыз етіліп келеді. Бір жасқа дейінгі нәрестелер көрсеткішіне қарай тегін сүт тағаммен қамтылуда.1981 жылы салынған Ауылдық клуб үйі апаттық жағдайда тұрғандықтан 2019 жылдан бастап, ауылдық кітапханамен бірге бұрынғы ауылдық аурухананың бос тұрған ғимаратына уақытша орналасқан болатын. Аталған ғимарат тиісті талапқа сай болмағандықтан клуб үйінің қалыпты жұмыс жасауына өз қиындығын келтіріп келеді. Дегенмен, жоспардан таймай, әртүрлі іс-шара өткізілді. Мұндағы бес үйірмеге 60 оқушы қатысады.Наурыз айында жаңа клуб үйінің құрылысы басталды. Келесі жылы мамыр айында пайдалануға беріледі деп күтілуде. Құрылыс жұмыстарына ауылдағы жұмыссыз азаматтар да тартылуда. Қазіргі таңда құрылыста 4 азамат тер төгуде. Алдағы уақытта жаңа клубта мәдени-ағарту жұмыстары жандана түседі.Округ орталығы – Кәукей ауылы "Арал – Сарыбұлақ" топтық су құбырына қосылған, ауыл ішіндегі барлық үйге колонкалар тартылған. Ауылдағы әр отбасы өз үйіндегі колонка арқылы ауыз су пайдалануда. Ауыз суды тарату бекетінде 5 адам тұрақты судың тоқтаусыз берілуін қадағалайды.<blockquote>– Округ тұрғындары 1 подстанция, 6 трансформатор арқылы ауыл ішілік электр желісі арқылы тұрақты электр жарығымен қамтамасыз етілген. Алайда, электр трансформаторлары ескі, кейбір көшелерде әсіресе кешкі мезгілге қарай электр жарығы әлсіреп кетеді. Бұл жөнінде тиісті мекемелерге сұраныстар жіберіліп қойған, – дейді ауыл әкімі.</blockquote>Оңталап Мүсілім мемлекеттік бағдарламаларды жүзеге асыру, шағын кәсіпкерлікті дамыту арқылы жұмыссыздықтың деңгейін төмендету мақсатында нақты іс-шаралар қабылдауды қолға алмақ. Шағын кәсіпкерлікті дамытуға жағдай да жасау ойда бар. Кәукей ауылының 2 көшесіне орташа жөндеу жұмыстарын жүргізуді де діттеп отыр. Электр желісі трансформаторларын жаңартылса, нұр үстіне нұр болады деуде. Ауылдық округте балық шаруашылығын дамытуды жоспарлауда. Қызылқұм ауылдық округінің әкімі қамыс өңдеу шаруашылығы да, соңғы уақытта сұранысқа ие екендігін алға тартып, оны дамытуды көздеуде екен. Біздің тараптан, талапшыл ауыл әкіміне игі бастамаларға сәттілік тілеуден басқа шара жоқ.

Қазақстан және Қызылорда облысының жаңалықтары