<a href="https://kyzylorda-news.kz/">Kyzylorda-news.kz</a>. Мәжіліс депутаты Аманжол Әлтаев Геральдикалық зерттеу орталығының атауын "Ұлттық рәмізтану орталығы" деп өзгертуді ұсынды, деп хабарлайды <a href="http://inbusiness.kz/">inbusiness.kz</a> сайты.<blockquote>"Рәміздеріміз бен мемлекеттік наградалардың атауын, элементтерін қайталайтын түсініксіз ұйымдардың мән-мағынасы жоқ орден-медальдары, жалған атақтары, жауыннан кейінгі саңырауқұлақтай қаптап кеткені шындық. Мұндай үрдіс ешкімге абырой әпермейді, керісінше адамды даңғойлыққа, жеңіл атаққұмарлыққа итермелейді. Арзан атаққа алданғандар мен жеңіл жолмен пайда тапқыш, атақ сатқыштар көбейіп барады. Тіпті жеке адамдардың тойларында да жалған атақтар мен құнсыз сөлкебайларды жыртыс таратқандай үлестіріп жататын келеңсіз көріністерге көңілің құлазиды", - деді депутат.&nbsp;</blockquote>Сөзінше, адамдар 50 мың теңгеге пысықай ұйымның атынан "Қазақстанның еңбек сіңірген қызметкері" медаліне, ал 100 мың теңгеге "Қазақстанның құрметті азаматы" атағына ие болып жүр.&nbsp;<blockquote>"Сан ғасырлық елдік тарихымызда "Ұлт ұстазы" деп халық ұсынған сәулелі сөзді қастерлеп Ахмет Байтұрсынұлына ғана қолданатын едік, қазір "Ұлт ұстазы" деген атақты бар болғаны 10 мың теңгеге сатып ала саласыз. Академик дегенде көз алдымызға Қаныш Сәтбаев секілді ғұлама ғалымдар елестеуші еді, қазір 200 мың теге беріп қаптаған түсініксіз академиялардың жалған академигі бола саласыз", - деп жалғастырды ол.</blockquote>Депутат мемлекеттік рәміздерді ретсіз қолданып, жалған атақтар сататындардың әрекетіне құқықтық тыйым қажеттігін баса айтты.<blockquote>"Аймақтар мен қалалардың таңбасын әлемдік стандарттар негізінде бірыңғай үлгіге икемдеп әзірлеу және бекіту тәртібін ретке келтірген жөн. Қазіргі Геральдикалық зерттеу орталығының атауын "Ұлттық рәмізтану орталығы" деп өзгерту мәселесі қарастырылсын. Рәміздерді ғылыми тұрғыда зерттеп, жүйелеу ісіне рәмізтанушылармен қатар, тарих, археология, этнография салаларының мамандарын да кеңінен тарту қажет. Мемлекеттік рәміздер арқылы қоғамда патриоттық сезімді орнықтыру үшін балабақшадан бастап, мектеп, колледж, ЖОО-да рәмізтану бойынша арнаулы тәрбиелік іс-шаралар жоспарлы түрде жүйелі өтуге тиіс. Мемлекеттік рәміздердің элементтерін, мемлекеттік наградалардың және атақтардың атауын қайталалайтын әрекеттерге құқықтық тосқауыл қою керек", - деді мәжілісмен өзінің депутаттық сауалында.</blockquote>

Депутат Аманжол Әлтаев: "Ұлт ұстазы" атағын 10 мың теңгеге сатып алады

<a href="https://kyzylorda-news.kz/">Kyzylorda-news.kz</a>. Денсаулық сақтау министрі Ақмарал Әлназарова осы салада өзінен бұрынғы экс-басшысының қайда екенін айтты деп хабарлайды Kyzylorda news ақпарат агенттігі Tengrinews.kz сайтына сілтеме жасап.Әлназарованың айтуынша, ол Ажар Ғинияттың келесі қызметі туралы әлі білмейді. Дегенмен, жаңа министр «бұл міндетті түрде денсаулық сақтау жүйесі болады» деп қосты.<blockquote>«Біз қазір құнды кадрларды тастай алмаймыз. Ажар Ғиниятқызының денсаулық сақтау жүйесіндегі әкімшілік жұмысында үлкен тәжірибесі бар, біз оның тәжірибесін міндетті түрде қолданамыз. Менің ойымша, жақын арада Ажар Ғиниятқызының қай салаға келетінін бірге білеміз. Нақты ұстанымы әлі белгісіз. Бірақ бұл денсаулық сақтау жүйесі болатыны сөзсіз, бізге оның тәжірибесі керек. Қазір демалыста, біз онымен күнде хабарласып тұрамыз», - деді Әлназарова.</blockquote>

Экс-министр Ажар Ғиният қайда кетті? Жаңа министр жауап берді.

<a href="https://kyzylorda-news.kz/">Kyzylorda-news.kz</a>. Қостанай облысында белгісіз адам мектеп оқушыларын өлтіремін деген хабарлама таратқан деп хабарлайды Kyzylorda news ақпарат агенттігі <a href="https://www.ng.kz/modules/news/article.php?storyid=51435">Ng.kz</a> сайтына сілтеме жасап.Полиция департаменті әлеуметтік желілерде жалған хабарлама тарату фактісі бойынша қылмыстық іс қозғады. Таратылған басылымда белгісіз біреу №3 гимназия бірінші болып «күнәлары үшін жауап береді», 15 ақпанда балалар мектепте оққа ұшады деп уәде береді. Одан кейін басқа мектептерде де жазаланады, «Қостанай тозақта жанады» деген жазбалар қалдырды.<blockquote>Жалған басылымның авторын анықтау бойынша тиісті шаралар жүргізілуде, - деп атап өтті Қостанай облысы полиция департаментінің баспасөз қызметі.&nbsp;</blockquote>Кеше Қарағандыда дәл осындай жалған хабарлама берген кәмелетке толмаған бала ұсталды. Полицейлер арандатушылыққа бой алдырмауды, хабарламаның таралуына жол бермеуді және тек ресми ақпаратқа сенуді сұрайды. Сондай-ақ департамент жалған ақпарат таратқаны үшін қылмыстық жауапкершілік бар екенін еске салды.Фото: freepik.com

Белгісіз адам 15 қаңтарда мектеп оқушыларын өлтіремін деген хабарлама таратты

<a href="https://kyzylorda-news.kz/">Kyzylorda-news.kz</a>. Ғылым және жоғары білім министрі Саясат Нұрбек жалған құжат пен диплом сатып алатындарға және оны сататындарға жаза қатаңдайтынынын жеткізді, деп хабарлайды El.kz&nbsp;ақпарат агенттігі.<blockquote>Қылмыстық кодекстің 385-бабына сәйкес, ресми құжаттарды, мөрлерді, қолтаңбаларды, лицензиялық құжаттарды қолдан жасағандар екі жылға дейін сотталады. Оны екінші рет қайталаған жағдайда, 4 жылға дейін бас бостандығынан айырылады. Сонымен қатар жалған дипломдарды біле тұра сатып алған және қолданған азаматтар 40 күнге дейін бас бостандығынан айырылады немесе 600 сағатқа дейін қоғамдық жұмыспен айналысуы мүмкін, - деді министр мәжіліс кулуарында.</blockquote>Министр жалған диплом жасаушыларды құрықтау үшін Ішкі істер министрлігі және құқық қорғау органдарымен арнайы жоспар бекіткенін айтты.<blockquote>Әр платформаларға қазір Ішкі істер министрлігі рейд жүргізіп жатыр. Осылайша заң бұзушыларды біз жазалауымыз керек. Біздің арнайы платформамызға 1991 жылдан бастап берілген бүкіл дипломды кіргізіп жатырмыз. Ол жұмыстар 2018 жылдан басталды. Қазір 3,5 млн диплом базада бар. Енді кез келген жұмыс беруші арнайы цифрлық қызмет арқылы дипломды тексереді. Әр дипломның жеке нөмірі және QR коды болады. Сол арқылы кез келген азамат сілтемеден өтіп, диплом жалған ба, жоқ па, соны тексере алады, - деді Саясат Нұрбек.</blockquote>Фото: Нұрболат Нұржаубай

Саясат Нұрбек: Жалған диплом сатып алғандарға жаза қатаңдатылады

<a href="https://kyzylorda-news.kz/">Kyzylorda-news.kz</a>. Алматыдағы жоғары оқу орындарының бірінде студент қыздардың жеке деректері тараған. Ғылым және жоғары білім министрі Саясат Нұрбек оқиғаға қатысты жауап берді, - деп хабарлайды Kyzylorda news ақпарат агенттігі <a href="https://tengrinews.kz/kazakhstan_news/spisok-studentkami-devstvennitsami-slili-vuze-almatyi-526335/">Tengrinews.kz</a> сайтына сілтеме жасап.<blockquote>WhatsApp желісіндегі 190 адамнан тұратын топ басшылар тобында студент қыздардың тізімі бар 4 құжатты тараған (1-ші курстан 4-ші курсқа дейін). Қызыл түспен белгіленгендер флюорографиядан өтуі керек адамдар. Студенттердің аты-жөні ғана емес, олардың ЖСН, ұялы телефон нөмірлері және медициналық деректері де жарияланған. Сондай-ақ олардың қайсысы вирго (гинекологиялық тілмен айтқанда - пәк), қайсысы қыз емес екендігі туралы жеке ақпараттар да жазылған. Құжаттар топтарға, факультеттерге және т.б. Бәлкім, оны бүкіл университет көрген шығар, - деп тиісті ақпарат Qumash Telegram арнасында пайда болды.</blockquote>Министр Саясат Нұрбек журналистерге оқиғадан хабардар екенін айтты.<blockquote>Жеке деректерді, әсіресе медициналық сипаттағы деректерді беру, әрине, заң бұзушылық болып табылады. Біз бұл мәселені бақылауға алдық, өйткені бұл жерде тікелей заң бұзушылық бар. Кінәлілер қолданыстағы заңнама бойынша жазаланады. Бұл туралы заң бар. Ең алдымен, әкімшілік құқық бұзушылық туралы айтып отырмыз. Жеке деректерге немқұрайлы қараған. Бұл мәселені қатаң реттеу керек, - деді Ғылым және жоғары білім министрі.</blockquote>Фото: Нұрболат Нұржаубай

Университетте қыздардың медициналық жеке деректері тарады

<a href="https://kyzylorda-news.kz/">Kyzylorda-news.kz</a>. Қызылорда облысында мал шаруашылығын дамытуға қаржы көп бөлінгенімен мал саны көбеймеген деп хабарлайды Kyzylorda news ақпарат агенттігі.&nbsp; &nbsp;- «Ауыл аманаты» жобасы аясында 647 жобаның құжаттары тапсырылып, несие комитетімен 3 млрд теңгеге 406 жоба қаржыландырылды, оның ішінде несиелер 33 кооператив және 373 жеке кәсіпкерге берілді. Жеңіп алғандардың 28-30 пайызы мал шаруашылығын қолға алғысы келгендер. Соңғы жылдарға сараптама жасасақ, облысымызда малдың санын көбейтуге қаржы бөлінгенімен нәтижесі аз болып тұр. Яғни көршісінен сатып алу фактілері анықталды. Кәсіпкер шартты түрде сатып алуы мүмкін. Бір қорадан бір қораға көшкен сияқты ғой. Сол себепті биылғы жобаларға талап қойдық. Асыл тұқымды малдарды басқа облыстардан алу керек. Алдын ала келісім-шарттарын көрсетіп, содан кейін ақша аударылады. Бұл мал санының көбеюіне, азық-түлік бағасының тұрақтандыруына және мал басын асылдандыруға өз нәтижесін береді деп сенеміз, - деді «AMANAT» партиясы Қызылорда облыстық филиалының төрағасы Наурызбай Байқадамов.

Н.Байқадамов: Шаруашылықты дамытуға есіл қаржы бөлінгенмен, мал санында өзгеріс жоқ

<a href="https://kyzylorda-news.kz/">Kyzylorda-news.kz</a>. Алматыдағы пансионаттардың бірінде жасөспірімді соққыға жыққан, деп хабарлайды EL.kz ақпарат агенттігі Almaty.tv-ға сілтеме жасап.«Заңсыз діни жоралғы өткізілді» деген күдікке ілінген Алматыдағы пансионаттардың бірінде тағы шу шықты. Бұл жолы мекеме қызметкері сонда тұратын 15 жастағы жасөспірімге қол көтеріп, соққыға жыққан. Салдарынан баланың миына зақым келіп, ол ауруханада жатыр.Ғимараттан қашып шығып, қар үстінде жалаң аяқ бас сауғалаған жасөспірімді біраз адам көрген.<blockquote>Баланың айтуынша, медреседе ұстаз ұрған. Миы шайқалған, көз айналасы қанталаған деген диогноз қойылды, – деді Балалар шұғыл жәрдем орталығы науқастарды қолдау және ішкі сараптама қызметінің басшысы Кұрметбек Тоқтар.</blockquote>Ауруханада жатқан бала оқиғаның мән-жайын бүге-шүгесіне дейін айтып берді. Оның оқиғаға дейін де мазасы болмаған. Бірақ мекеме қызметкерлері пысқырмапты. «Оқымау үшін ойлап тапқан сылтауың» деп жеткіншектің сөзіне сенбей, кикілжің шығарған. Биік қоршау, үлкен ғимарат ішінен шыққан осы шудан кейін полицейлер мән-жайды анықтауға кірісті.Фото: Нұрболат Нұржаубай

«Медреседе» оқыған баланы ұстазы аяусыз соққыға жыққан

<a href="https://kyzylorda-news.kz/">Kyzylorda-news.kz</a>. Алматыда жерасты өткелінде қызды зорламақ болған,&nbsp;деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі «<a href="https://www.31.kz/">31</a>» арнаға сілтеме жасап.Ақпаратты қалалық полиция департаментінде де растады.Әлеуметтік желілерде Ақкент шағын ауданында бойжеткенге шабуыл жасалғандығы туралы ақпарат пайда болды. Бет-аузын тұмшалаған адам 23 жастағы келіншекке ойына келгенін істеп кеткен. Оқиға болғалы бері үш күн өтсе де күдікті әлі ұсталмаған.Ақтотының айтуынша, белгісіз адам қоңырау шалу үшін одан телефон сұрайды. Ол өзінде телефон жоқ екенін айтып, үйіне тезірек жетіп алуды қалайды. Сондықтан жерасты өткеліне түсіп, шыға берген кезде жаңағы белгісіз адам мойынан қысып, оны талтырып тастаған.<blockquote>«Есімді жиған кезде айқайлайын десем, тамағымды қысып, «қазір айқайласаң, сені осы жерде өлтіріп, көміп кетемін»&nbsp; деді. Мен айқайладым, тағы да талдырып тастады», — дейді бойжеткен. Ол қазір далаға шығудан да қорқады.</blockquote>Белгісіз ер-адаммен арпалысып жүріп Ақтоты жерден тас тауып алады. Таспен қаскөйдің басынан ұрып, қашып кетеді. Үйіне әрең жеткен қыз көршілерінен көмек сұрайды. Тұрғындар жабылып іздегенімен, ер-адамды ешкімді таппаған, оқиға орнынан ізін суытып үлгерген.Белгілі болғандай, жерасты өткеліндегі камералардың ешбірі істемейді, анығырақ айтқанда, камералар тек онлайн жұмыс істеп, видеоны сақтамайды.&nbsp;Ал&nbsp;қалалық полиция департаменті күдіктіні анықтап, заң алдында жауапқа тартылатынына сендірді. Қазір олар сот медициналық сараптамасының қорытындысын күтіп отыр.Фото: Нұрболат Нұржаубай

Жерасты өткелінде ер адам 23 жастағы қызға жәбір көрсеткен

<a href="https://kyzylorda-news.kz/">Kyzylorda-news.kz</a>. Оқиға Павлодар қаласындағы балаларды оңалту орталықтарының бірінде болған, деп хабарлайды <a href="http://inbusiness.kz/">inbusiness.kz</a>. &nbsp;Мұғалімнің бұл әрекеті видеоға түсіп, әлеуметтік желіде тарады. Кадрда&nbsp;тәрбиешінің түрлі жаттығулар кезінде баланың басынан және қолынан ұрғаны көрсетілген.Зардап шеккен тарап <a href="https://www.instagram.com/tipavlo.dar/?utm_source=ig_embed&amp;ig_rid=b080c6f0-ade5-428d-a4e5-23b8a4eeda64">Instagram желісіндегі пабликтердің бірінде</a> шағымын жариялады. Автордың жазуынша, ұлының қолында көгерген жерлерді байқаған ана тез арада мекеме әкімшілігіне хабарласып, бейнебақылау камераларындағы жазбаларды сұратты. Бұған тәрбиешінің қатысы бар екені сол кезде анықталды. Мұғалім жұмыстан шығарылды, бірақ баланың анасы оны заң талабына сәйкес жазалауды талап етіп отыр.Облыстық Полиция департаментінің баспасөз қызметі қажетті сараптамалар тағайындалып, сотқа дейінгі тергеу амалдары жүргізіліп жатқанын хабарлады. Басқарма басшылығы бұл істі ерекше бақылауға алды.Фото: Нұрболат Нұржаубай

Мүмкіндігі шектеулі балаға қол көтерген мұғалім жұмыстан босатылды

<a href="https://kyzylorda-news.kz/">Kyzylorda-news.kz</a>. Өткен жылдың қорытындысы бойынша «AMANAT» партиясы БАҚ өкілдеріне брифинг өткізді. Жалпы, партия Мемлекет басшысының қоғамдық тірегі ретінде оның барлық бастамалары мен саяси реформаларын толық қолдау жұмыстарын жүргізуде. Ең бастысы, партияның ең бірінші кезектегі міндеті - партияның халыққа берген Сайлауалды уәделерін орындау. Осыған орай, атқарылған іс-шараларды облыстық мәслихатының депутаты Наурызбай Байқадамов баяндады.<blockquote>&nbsp;«AMANAT» партиясының 2023-2027 жылдарға жоспарланған «Халықпен бірге!» - атты Сайлауалды бағдарламасы бар. Барлық өңірлерде бағдарламаны нақты жүзеге асырудың арнайы Жол картасы әзірленді. Жол картадағы шараларға нақты қаржы да қаралды. Өткен жылы Жол картасы бойынша 115 іс-шараның 95% орындалған, 4,2% орындалу сатысында. Сонымен бірге жыл қорытындысымен 1 шара орындалмады. Ол - «Байқоңыр қаласындағы сумен жабдықтау және су бұру жүйелерін қайта жаңғырту» жобасының мемлекеттік сатып алу конкурсы қорытындысына шағым келтіріліп, Сот процесі ұзаққа созылып, бөлінген қаржының игерілмеуіне байланысты, - деді ол.</blockquote>Бұдан бөлек, 2023 жылы аймақтық және аумақтық филиалдар бойынша Партиялық бақылау комиссияларының 86 отырысы өткізілді. Оның 17 отырысы аймақтық деңгейде, 69-ы аумақтық филиалдардың ұйымдастыруымен өтті. Партиялық бақылау бекеттер орнатылған 50 нысанға мониторинг жүргізілуде. 44-і пайдалануға беріліп, арнайы тақтайшалар ілінді.

«AMANAT»: Жол картасы бойынша 115 іс-шараның 95% орындалған

<a href="https://kyzylorda-news.kz/">Kyzylorda-news.kz</a>. Қызылорда қаласында 9-сынып оқушысы көз жұмды. Бұл оқиғаға қатысты облыстық білім басқармасының басшысы Асқарбек Есжанов пікір білдірді, - деп хабарлайды <a href="https://massaget.kz/basty-zhaalytar-438/101241/">Massaget.kz</a>.Қайғылы жағдай қалаға іргелес Белкөл кентіндегі көпқабатты үйдің алдында 12 ақпанда түс ауа болған. №189 мектепте білім алған 9-сынып оқушысының өліміне 10-сынып оқушысы күдікті ретінде танылып отыр.<blockquote>"Балалар жеті сабақ аяқталған соң сағат 14.00-де мектептен шығып, үй-үйлеріне тараған. Қайғылы жағдай кенттегі көпқабатты тұрғын үйдің кіреберісінің алдында болған. Бейнекамераға түспеген. Оқиға орнында 4 бала болған, қасындағы 3 бала медициналық ұйымға көтеріп жеткізген. Алғашқы дәрігерлік көмек көрсету барысында бала үзіліп кеткен. "Пышақтап кетті" деген ақпарат жалған. Әкесі мәйітті қарау кезінде пышақ жарақаты болмағанын жеткізді. Ал күдікті жалғызбасты ананың баласы екені анықталды", - деді басқарма басшысы.</blockquote>Ал балалар оқитын мектептегі директор мен орынбасары жұмыстан шығарылған.<blockquote>"Тәрбие бағытындағы тапсырманы өз деңгейінде орындамағаны, атқарылған ауқымды жұмыстан нәтиже шығармағаны үшін мектеп директоры мен директордың тәрбие ісі жөніндегі орынбасарын орнынан босаттық. Өйткені ұстаздарға әр баламен жеке жұмыс істеу міндеті жүктелген. Бұл жағдай қатаң бақылауда, тиісті шаралар қабылданады", - деді Асқарбек Есжанов.</blockquote>Фото: Нұрболат Нұржаубай

"Пышақтап кетті" деген ақпарат жалған: Басқарма басшысы мән-жайды түсіндірді

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университетінде білім алатын студент шетелдік ЖОО-да тәжірибе жинақтап, бірден екі дипломға ие бола алады. Университетте BІС (Business incubation center) орталығы биыл наурыз айында ашылады.&nbsp;<blockquote>Орталықтың мақсаты – стартап жобаларды қолдау, жаңа бағдарламаларды енгізу, жастарды кәсіпкерлікке баулу. Орталық жанында робототехника, дрондарды құрастыру курстары ұйымдастырылады. Қазіргі таңда әлем бойынша құрылыс, геодезия, ауылшаруашылығы, медицина, төтенше жағдай қызметі, әскери қарулы күштер тағы басқа салаларда дрон кеңінен қолданылады. Қазақстанда бұл бағытты дамытуға үлкен сұраныс бар. Сондықтан осы сала бойынша мамандарды даярлау өте маңызды. Сапар барысында ұсынысымызды СеулТех университеті толығымен қолдады. Сондай-ақ Жасанды интеллект мектебі жанынан корей тілін үйрету курсы ашылады, дейді Оңтүстік Кореяға жұмыс сапарымен барған университеттің Әлеуметтік және тәрбие жұмыстары жөніндегі проректоры Жандос Базартай.</blockquote> &nbsp;

Қазақстан және Қызылорда облысының жаңалықтары