<a href="https://kyzylorda-news.kz/">Kyzylorda-news.kz</a> Қазақстандық боксшы Қамшыбек Қоңқабаев кәсіби мансабын аяқтады. Бұл жөнінде ұлттық құраманың бас бапкері Қайрат Сәтжанов мәлімдеді, – деп хабарлайды <a href="https://kaz.inform.kz/news/kamshibek-konkabaev-kasbi-mansabin-ayaktadi-da49ff/">ҚазАқпарат.</a>Қамшыбек Қоңқабаев 1991 жылы Қызылорда қаласында дүниеге келген. Қамшыбек Қоңқабаев 1991 жылы 18 қараша күні Қызылорда қаласында дүниеге келген. Қазірге дейін Токио Олимпиадасының қола жүлдегер болса, әлем чемпионатында 2017, 2019 жылдарда екі мәрте күміс медаль иегері атанды. Сондай-ақ 2022 жылы Жазғы Азия ойындарының екінші орын алса, Азия чемпионатында төрт мәрте жүлдегер қатарынан көрінді. Ол Қазақстанның еңбек сіңірген спорт шебері. ел біріншілігінің чемпионы және жүлдегері.Одан бөлек Қамшыбек кәсіпқой бокста 6 жекпе-жек өткізді. Оның төртеуінде жеңіске жетіп, екі мәрте жеңілістің ащы дәмін татты.Еске салсақ, Қамшыбек Қоңқабаев соңғы жекпе-жегін Париж олимипиадасы аясында өткізіп, алғашқы жекпе-жегінде испаниялық Аюб Гадфа Дриссиден жеңіліп қалды.Фото: Қазақстан бокс федерациясы/Қазақпарат

Қамшыбек Қоңқабаев кәсіби мансабын аяқтады

<a href="https://kyzylorda-news.kz/">Kyzylorda-news.kz</a> Қызылорда қаласындағы «Мұз айдыны» спорт кешені 2013 жылдан бері спорттың түрлі бағыты бойынша спорт сүйер қауымға сапалы қызмет көрсетуде. Орталықта ойын залы, грек-рим күресі, көркем гимнастика, мұз алаңы, жаттықтырушы-оқытушылар бөлмесі, сонымен бірге спорттық билерге арналған хореографиялық сынып қарастырылған.Қызылорда облысының дене шынықтыру, спорт және туризм басқармасың баспасөз қызметінің хабарлауынша, қазіргі таңда грек-рим күресінде – 6 жаттықтырушы, 88 спортшы, грепплингте – 1 жаттықтырушы, 6 спортшы, панкратион спорт түрінде – 1 жаттықтырушы, 7 спортшы, қоян-қолтық ұрысында – 1 жаттықтырушы, 6 спортшы, көркем гимнастикада – 4 жаттықтырушы, 121 спортшы, баскетболда – 4 жаттықтырушы, 128 спортшы, волейболда – 4 жаттықтырушы, 132 спортшы, шорт-тректе – 2 жаттықтырушы, 46 бала, шайболы хоккейде – 2 жаттықтырушы, 76 бала, мәнерлеп сырғанауда – 1 жаттықтырушы, 31 бала қамтылған. Аталған спорттық үйірмелер спортшыларға ақысыз түрде қызмет көрсетеді.Спортшыларға көрсетілген үлкен мүмкіндіктердің арқасында Сыр саңлақтары жоғары жетістіктерге қол жеткізіп, аймақ абыройын әлемдік ареналарда қорғап жүр. Сонымен қатар, аталмыш спорт кешенінде мүмкіндігі шектеулі балалардың мұз алаңында еркін сырғанауына мүмкіндік қарастырылған. 2024 жылы «Мұз айдыны» спорт кешенінде 40 спорттық іс-шара өткізіліп, оған 5 610 спортшы қатысты.Бүгінде «Мұз айдыны» спорт кешенінің бірқатар аумағына күрделі жөндеу жұмыстары жүргізіліп, қайта жаңғыртылуда. Атап айтсақ, орталықтың қосалқы кіреберіс аумағы кеңейтіліп, соңғы үлгіде жабдықталды. Сонымен қатар, орталықтың шатыр бөлігі толықтай ауыстырылуда. Бұдан бөлек, жаппай сырғанауға арналған 300 дана коньки жаңартылып, қауіпсіздікті сақтау мақсатында 51 дана бейнебақылау камерасы орнатылды. Осы жылы ғимараттың сыртқы келбетіне заманауи түнгі жарық орнату жұмыстары қолға алынбақ.Фото: Сыр спорты

Мұз айдыны спорт кешені – мол мүмкіндік алаңы

<a href="https://kyzylorda-news.kz/">Kyzylorda-news.kz</a> &nbsp;Денсаулық сақтау министрлігі денсаулық сақтау және білім беру ұйымдарындағы тамақтану стандарттарына өзгерістер енгізетін бұйрық дайындады, деп хабарлайды<a href="https://baq.kz/auruhanalar-men-mektepterde-beriletin-tamaq-turi-ozgeretin-boldy-200005680/"> BAQ.KZ.</a>Құжат балаларды қауіпсіз, сапалы және теңгерімді тамақтанумен қамтамасыз ететін заманауи халықаралық талаптарды ескереді.Министрліктің мәліметінше, бұл түзетулердің негізгі артықшылығы – тұз, қант және майларды тұтынуды азайту, сондай-ақ көкөністер мен жемістерді тұтынуды арттыру.Көкөністер мен жемістер кальций, темір, фолий қышқылы және басқа да витаминдерге бай, олар балалардың денсаулығын қолдап, иммундық жүйесін нығайтады, – делінген құжатта.Министрлік атап өткендей, тұз бен қантты шамадан тыс тұтыну – семіздік, қант диабеті, жүрек-қан тамырлары және онкологиялық аурулар сияқты жұқпалы емес аурулардың пайда болуына негізгі себептердің бірі.Осы құжатты қабылдау балаларды тамақтандырудың қауіпсіздігін, сапасын және қолжетімділігін қамтамасыз етуге бағытталған, сондай-ақ білім беру мекемелеріндегі балалардың тамақтануын ұйымдастыруға бірыңғай талаптарды белгілеуді көздейді, – делінген негіздемеде.Сондай-ақ министрліктің мәлімдеуінше, енгізілген шаралар білім беру және тәрбиелеу ұйымдарындағы тамақтану стандарттарына бірізді тәсілдерді қамтамасыз етіп, асханалары жоқ шағын жинақты мектептерде тамақтануды ұйымдастыру форматын да қарастыруға мүмкіндік береді.Бұдан бөлек, бұл құжатты жүзеге асыру арқылы тамақтан улану мен жұқпалы аурулардың алдын алу механизмдерін енгізу жоспарлануда.Құжат 29 қаңтарға дейін «Ашық НҚА» сайтында көпшілік талқылауы үшін жарияланды.Фото: Нұрболат Нұржаубай&nbsp;

Ауруханалар мен мектептерде берілетін тамақ түрі өзгеретін болды

<a href="https://kyzylorda-news.kz/">Kyzylorda-news.kz</a> &nbsp; Синоптиктер келесі аптада қалың қар жауып, 20-35 градус аяз болатынын ескертті, деп хабарлайды&nbsp;<a href="https://egemen.kz/">Egemen.kz</a>.&nbsp;22 қаңтардан бастап түнде температура айтарлықтай төмендейді. Еліміздің батысында ауа температурасы 10-20 градус аяз болады, солтүстік батыс пен солтүстікте 20-30 градус аяз,&nbsp;орталық пен шығыста 25-35 градус, оңтүстікте 12-25 градусқа дейін аяз көтеріледі.&nbsp;Атлант мұхитынан келген ылғалға толы циклон Қазақстан аумағындағы ауа райына ықпал етеді. Циклонның ағынды бөліктері қар, бұрқасын әкеледі, еліміздің батысы мен оңтүстігінде, ал 20-21 қаңтарда солтүстік өңірлерде қар аралас жаңбыр жаууы ықтимал.Елімізде жел күшейіп, тұман түседі және көктайғақ болады.18 қаңтарда Түркістан облысында түнде қатты жауын-шашын түседі.20 қаңтарда Ұлытау, 21 қаңтарда Ақтөбе, Қостанай және Солтүстік Қазақстан облыстарында, 21-22 қаңтарда Ақмола облысында, 22 қаңтарда Павлодар, Қарағанды, Түркістан, Жамбыл және Абай облыстарында қалың қар жауады. 22-23 қаңтарда Шығыс Қазақстан, Алматы және Жетісу облыстарында қалың қар түседі.Фото: Нұрболат Нұржаубай

Алдағы күндері -35 градусқа дейін аяз болады

<a href="https://kyzylorda-news.kz/">Kyzylorda-news.kz</a> &nbsp;Әлеуметтік желіде қазақстандықтар депозит шотындағы қаржысын ала алмай қалғанын айтып шағымданды. Олар қаражаттың қайдан келгенін дәлелдейтін құжаттарды көрсетуге мәжбүр болған. <a href="https://stan.kz/">Stan.kz</a> ақпарат агенттігі Қаржы нарығын реттеу және дамыту агенттігіне хабарласып, азаматтардың не себепті мұндай жағдайға ұшырауы мүмкін екенін, банктер қандай кезде ақшаның қайдан келгенін растайтын анықтаманы талап ететінін сұрап білді.&nbsp;Әлеуметтік желі қолданушысының бірі Сырым Гайсин ипотека арқылы пәтерін сатқан, оның ақшасы банк картасына түскен. Кейін ол қаражатын депозит шотына аударған. Біраз уақыттан соң Сырым өзіне жылжымайтын мүлік сатып алу үшін шоттағы ақшасын шешіп алмақ болған. Дегенмен банк одан қаржының қайдан келгенін растайтын құжатты,&nbsp;қайда жұмсалатынын&nbsp;сұраған. Ол мұндай шаралар мәселені қиындататынын, қажетсіз екенін жазған.&nbsp;Қашан және не үшін ақшаның шығу тегін растау қажет?Агенттіктің айтуынша, Қаржы мониторингі мен банктер шоттарға түсетін немесе шоттан алынатын ақшаның заңсыз мақсаттарда қолданылмауын қадағалауға міндетті. Сондықтан олар клиенттен&nbsp;жеке басын және ақшаның қайдан келгенін растайтын құжаттарды сұратуы мүмкін.&nbsp;Бұл – «Қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл туралы» заңды орындауға байланысты атқарылатын шара.&nbsp;Клиенттер оны ұсынуға міндетті.Бұл шара барлық жағдайда қолданылмайды. Клиент «төмен тәуекелді» санатқа жатса, құжаттарын тексермеуі мүмкін.&nbsp;Ал егер банк клиентті «жоғары тәуекелді» топқа жатқызса немесе ол лимиттен асып кететін сомадағы қаржыны шешіп алуға тырысса, банк оның құжаттарын&nbsp;тексеру үшін ақшаны шешіп алу сомасына шектеу қоя алады.&nbsp;Банк клиенттің тәуекел деңгейіне қарай құжатсыз шешіп алуға болатын сома мөлшерін өзі белгілейді. Әр банктің мұндай лимиттері өз ережелерінде көрсетілген.<blockquote>«Клиенттің қай тәуекел тобына жататыны оның қай елден болғанына, қандай қызметпен айналысатынына, банктің қандай қызметінін қолданатынына және тағы басқаға байланысты», – дейді агенттік.</blockquote>Қандай құжаттарды ұсыну&nbsp;қажет?Банктерде ақшаның шығу көзін растайтын құжаттардың тізімі болады. Құжаттардың ішінде жалақы, дивидендтер, пәтер, көлік құралын сатып алу-сату мәмілелері туралы анықтама болуы мүмкін. Банк нақты жағдайға байланысты тиісті құжаттарды сұратады.<blockquote>«Құжаттарды қарау мерзімі заңнамалық талаптар шеңберінде банктің ішкі ережесі бойынша белгіленеді», – дейді Қаржы нарығын реттеу және дамыту агенттігі.&nbsp;</blockquote>Клиент ақшаның қайдан келгенін растай алмаса, банк операцияны орындаудан бас тартуға құқылы. Бірақ бұл жағдайда шот бұғатталмайды — бұл тек заңды сақтау мақсатындағы сақтық шарасы.Талаптар мен тексерулер туралы ақпарат банктердің ресми сайттарында орналастырылады. Клиенттер депозит ашпай тұрып, осы шарттармен таныса алады.<blockquote>«Банктер заң аясында әрекет етеді және заңсыз операциялардың алдын алуға тырысады. Алайда, ірі сомаларда аударғанда құжаттар қажет болуы мүмкін екенін есте ұстаған жөн», – дейді Қаржы нарығын реттеу және дамыту агенттігінің баспасөз қызметі.&nbsp;</blockquote>Фото: Нұрболат Нұржаубай

Қазақстандық азамат депозитке салған ақшасын ала алмай қалған

<a href="https://kyzylorda-news.kz/">Kyzylorda-news.kz</a> &nbsp;Премьер-министрдің орынбасары – ұлттық экономика министрі Серік Жұманғарин экономиканың нақты секторын дамыту мәселелері бойынша кеңес өткізді, онда Қызылорда облысының инвестициялық дамуы қаралды.<a href="https://l.facebook.com/l.php?u=http%3A%2F%2FPrimeminister.kz%2F%3Ffbclid%3DIwZXh0bgNhZW0CMTAAAR3FvrbwlLDWEmqliymHwZmBm6Rwh4_eQJthvGSrdr-fxXrUcGXRuEY5Lf8_aem_uOGUjxgEnwS4fRkyXJrRrg&amp;h=AT2M7C0JcpSlvPldmeYa1TFsvY4vtelsw_NDGYlf91t2jdaNwsgmndK6Y4Q2yAA1Gqk8YzQj_bFthhDubvGA8E939O04-lDihwPHewR9IUg-c2eM85gpW7RwA1JZuQgJKGoX&amp;__tn__=-UK-R&amp;c%5b0%5d=AT0BjOsTCHk0V0qpyPmZAnB89CygZj94lthkpEtbriTc9ynH5jZEPn7zgg1XcPHOPTpRUizj_YJkGwTDz0bcTncZn8aM8Lt0unwXgz16SzTouue5ILDLRY7i6uw1iK8H7lu1yBENOry9_R_lYBy_Gdzz9W-vOJiOqQ2mIMmDsnJ9vJ22_01qLvArzExFGpT-Y4HgkLwKmCYVIPC6M7DSVrr-kds">Primeminister.kz.</a> хабарламасына сәйкес, былтыр жалпы құны 1,9 трлн теңгені құрайтын 86 инвестициялық жобаны іске асыру жөніндегі бес жылдық бағдарлама шеңберінде өңірде 411 жаңа жұмыс орнын ашқан 37 млрд теңгеге 21 жоба іске асырылды. Оның ішінде 6 жоба құрылыс материалдарын өндіру бойынша, 10 жоба агроөнеркәсіптік салада, 1 жоба көлік логистикасы саласында, қалғандары сауда және білім беру саласына қатысты. Ірі жобалардың қатарында Қорқыт ата әуежайының жаңа терминалы бар. 2025 жылы Қызылорда облысында мыңға жуық жұмыс орнын құрып, 30,8 млрд теңге өнім шығаруға мүмкіндік беретін 275,3 млрд теңгені құрайтын 24 жобаны іске қосу жоспарлануда. Ірі зауыттардың қатарында қуаты жылына 90 млн дана кірпіш шығару, түйе сүтінен жылына 392 тонна ұнтақ өндіру, жолаушылар вагондарын жөндеу, техникалық қызмет көрсету және салу жөніндегі жобаның бірінші кезеңі, қуаты 240 МВт болатын жаңа ЖЭО құрылысы бар.<blockquote>«Алдағы уақытта жалпы қуаты 141 МВт болатын 4 күн және 1 жел электр стансасының құрылысын жүзеге асыруды жоспарлап отырмыз. Облыстың электр энергиясына деген сұранысы тәулігіне 200 МВт-ты құрайды, өңірде жалпы қуаты 89 МВт болатын 9 күн электр стансасы жұмыс істейді. 5 жоба іске қосылғанда өңіріміз толығымен жасыл энергетикаға көшеді», — деп атап өтті облыс әкімінің орынбасары Ардақ Зебешев.</blockquote>ҚР СІМ Инвестициялар комитеті қатысушыларға Ұлттық цифрлық инвестициялық платформаны яғни инвесторлардың, мемлекеттік органдардың және квазимемлекеттік сектордың өзара іс-қимылы үшін бірыңғай терезе мүмкіндіктерін таныстырды. Бүгінде платформа пулында 836 жоба бар, оның 246-сын осы жылы жүзеге асыру жоспарлануда.Кеңесте облыстағы екі ірі инвестициялық жобаны жүзеге асыруға қатысты түйткілді мәселелер талқыланды. Бұл «Шалқия» полиметалл кен орнының тиімділігін арттыру және кальцийлендірілген сода өндіретін зауыт салу.Атап айтқанда, тағамдық және өнеркәсіптік ас тұзын, полипропиленді қапшықтар шығаратын «Аралтұз» АҚ қазіргі таңда Қазақстандағы кальцийленген сода шығаратын алғашқы зауыт құрылысының жобасын іске асыруда. Шыны бөтелкелерді өндіруге қажетті бұл шикізат компоненті елімізде толығымен импортталады. Жоба айтарлықтай инвестицияларды қажет етеді, несиелік қаржыландыру мерзімдері мен шарттарын ұзарту бойынша мәселелер бар. Вице-премьер тиісті қаржы институттарына жобаны қолдау үшін барлық мүмкіндіктерді қарастыруды тапсырды.<blockquote>«Мемлекеттік органдар инвестициялық жобаларды жүзеге асырудағы кедергілерді жоюда бизнеске барынша көмек көрсетуі керек. 2025 жылға арналған 246 жобаның мақсаты – жақсы көрсеткіш, оған жету үшін мүмкіндігінше барлық кедергілерді жойып, уақытылы қаржыландыруды қамтамасыз ету керек. Ол үшін қысқа мерзім ішінде Инвестициялар комитеті Өнеркәсіп министрлігімен және әкімдіктермен бірге басым сала әрі жоғары қосылған құн қағидаты бойынша жобаларды градациялауды жүргізуі қажет. Сонымен қатар нәтижелерге сүйене отырып, оларды жүзеге асыруға қолдау білдіруі керек», — деп қорытындылады жиынды Серік Жұманғарин.</blockquote>Фото: облыс әкімдігі

Биыл Қызылордада кірпіш зауыты, ЖЭО және түйе сүті ұнтағын өндіретін зауыт іске қосылады

<a href="https://kyzylorda-news.kz/">Kyzylorda-news.kz</a> &nbsp;Су ресурстары және ирригация министрлігі Қызылорда облысына жаңадан су қоймасы мен каналдар салуды жоспарлап отыр, деп хабарлады <a href="https://kaz.inform.kz/news/kizilorda-oblisinda-zhanadan-su-koymasi-men-kanaldar-salinadi-5fef26/">Қазақпарат ақпараттық агенттігі</a>Министрліктің мәліметінше, бұдан бөлек, 2 су торабы мен 4 гидротехникалық құрылысқа реконструкция жасалады.Су ресурстары және ирригация министрі Нұржан Нұржігітов аймақтың су шаруашылығы өкілдерімен кездесті. Ведомство басшысы министрліктің негізгі бағыттар бойынша атқарған жұмысы туралы баяндады.Бүгінгі таңда, Қызылорда облысында жалпы ұзындығы 232 шақырымға жуық 5 каналда суды есепке алудың автоматтандырылған жүйесін орната отырып, су жинау станцияларын реконструкциялау жобасы іске асырылып жатыр. Оған қоса, ұзындығы 2600 шақырымнан асатын 16 магистральдық және шаруашылықаралық арналарды автоматтандыру үшін жобалау- сметалық құжаттама әзірленіп жатыр.Облыста су үнемдеу технологияларын енгізу бойынша да жұмыс жалғасып жатыр. Мәселен, өткен жылы Қызылорда облысының шаруалары су үнемдеу технологияларын енгізудің нәтижесінде 200 млн текше метрге жуық су үнемдеді.<blockquote>– Көршілес елдермен екі жақты және үш жақты келіссөздер мен қабылданған шешімдердің нәтижесінде 2024 жылы Шардара су қоймасына 15 млрд текше метрден астам су келді. Оның 4,8 млрд текше метрі суару кезеңінде, ал 10,3 млрд текше метрі вегетацияаралық кезеңде жиналды. Қаратерең су бекеті арқылы Солтүстік Аралға 2,6 млрд текше метр су жіберілді. Салыстырмалы түрде айтсақ, 2022 жылы Аралға бар болғаны 816 млн текше метр су жіберілген еді,- деді Су ресурстары және ирригация министрі Нұржан Нұржігітов.</blockquote>Фото: Су ресурстары және ирригация министрлігі

Қызылорда облысында жаңадан су қоймасы мен каналдар салынады

<a href="https://kyzylorda-news.kz/">Kyzylorda-news.kz</a> Табиғи монополияларды реттеу комитетінің департамент басшысы Әсел Буденеева Алматыда сумен жабдықтауға жаңа тарифтер енгізіліп жатқанын мәлімдеді. Бұл туралы Stan.kz ақпарат агенттігі хабарлайды.1 ақпаннан бастап:<ul style="list-style-type:disc;"><li>сумен жабдықтаудың орташа тарифі 135,24 теңге /м3 болады;</li><li>су айдауға 83,54 теңге /м3.</li><li>Халық үшін сумен жабдықтаудың базалық тарифі 91,96 теңге/м3 дейін, ал су айдауға – 83,54 теңге/м3-қа дейін өседі.</li></ul>Бұл ретте басқа тұтынушылар мен бюджеттік ұйымдар үшін де баға өзгерісі болады. Орташа чек:<ul style="list-style-type:disc;"><li>суық сумен жабдықтау бойынша тұрғын үй ауданы 32 м2 бір бөлмелі пәтерге – 156 теңгеге және кәріз үшін – 139 теңгеге (295 теңге);</li><li>суық сумен жабдықтау бойынша тұрғын үй ауданы 48 м2 екі бөлмелі пәтерге – 234 теңгеге және кәріз үшін – 208 теңгеге (450 теңге);</li><li>суық сумен жабдықтау бойынша тұрғын үйде ауданы 88 м2 үш бөлмелі пәтерге – 312 теңгеге және кәріз үшін – 278 теңгеге (600 теңге) өседі.</li></ul>Тарифтер "неғұрлым көп үнемдесеңіз, соғұрлым аз төлейсіз" қағидатымен тұтыну көлеміне байланысты өзгереді:<ul style="list-style-type:disc;"><li>бір адамға айына 3 м3-қа дейін – базалық тариф 91,96 теңге/м3;</li><li>3-тен 5 м3-қа дейін – 110,36 теңге/м3;</li><li>5-тен 10 м3-қа дейін – 137,94 теңге/м3;</li><li>10 м3 жоғары немесе есептеу аспаптары жоқ – 183,92 теңге/м3.</li></ul>Алынған қаражат ресурс үнемдеуші технологияларды енгізуге, жабдықтарды жаңғыртуға және желілерді жөндеуге бағытталады.Бұған дейін Алматыда есептегіштері жоқ тұрғындар үшін суды тұтынудың жаңа нормалары күшіне енген еді.Фото: Нұрболат Нұржаубай

Суық су тарифтері ақпаннан бастап өзгереді

<a href="https://kyzylorda-news.kz/">Kyzylorda-news.kz</a> Қазақстанда биыл қыс ең жылы ауа райымен температура рекордын жаңартты. Синоптиктер тіпті қаңтарда сарышұнақ аяз (крещенские морозы) болмайтынын мәлімдеді. Ал экологтар мұның салдары су тасқыны мен құрғақшылыққа әкеп соғатынын ескертіп жатыр. Бұл туралы <a href="https://stan.kz/news-412509/">Stan.kz</a> ақпарат агенттігі “КТК” арнасына сілтеме жасап хабарлайды.&nbsp;Синоптиктердің мәліметінше, өткен айда көптеген аймақтарда ауа райы нормадан 1-6°C-қа асып кеткен. Бұл – кейінгі 47 жылдағы ең жылы қыс. Тіпті қыстың басында термометрлер -30°C-қа дейін төмендейтін елдің солтүстігінде де биыл ерекше жылы болып жатыр.<blockquote>“Облыс бойынша бір айдағы орташа ауа температурасы 8-9°C аяз болды. Бұл нормадан 4-6°C жоғары. 19 желтоқсанда Петропавл қаласында термометр бағанасы +1,3 градусқа дейін көтерілді. Осылайша, 1978 жылғы ауа температурасы күндіз +0,8°C болған кездегі рекорд жаңартылды”, – деді "Қазгидромет" РМК СҚО бойынша филиалының метеопрогноздар бөлімінің бастығы Гүлзат Ғазизова.</blockquote>Жылдың осы уақытында солтүстікте өзендердегі мұздың қалыңдығы әдетте кем дегенде 50 сантиметр болып келген. Ал Петропавлда қазір ол небәрі 15 сантиметр. Осыған байланысты қалада шомылдыру рәсімін өткізу әдеттегі орынды өзгертуге тура келді. Енді мерекелік рәсім жақын маңдағы ауылда өтеді. Гүлзат Ғазизова шомылдыру рәсімінде биыл Солтүстік Қазақстан облысының тұрғындары үйреніп қалған минус 30°C немесе одан төмен градус болмайтынын айтты.Ал экологтар мұндай өзгерістерді аномальды жаһандық климаттың өзгеруінің нәтижесі деп атайды. Мамандардың айтуынша, шамадан тыс көліктер мен құрылыстар, қозғалыстың бәрі атмосфераның салқындауына мүмкіндік бермей жатыр. Мұның салдары қорқынышты болуы мүмкін.<blockquote>“Бізде көліктер күндіз-түні қыздырылады. Мұның бәрі атмосфераға әсер етеді. Біріншіден жылы қыс салдарынан үлкен құрғақшылық болады. Екіншіден, жауын-шашын азаяды. Ал жауған жауын-шашын өте тез еріп, су тасқыны секілді залал келтіреді”, – деді эколог Тимур Елеусізов.</blockquote>Фото: Нұрболат Нұржаубай

Қазақстанда биыл қыс ең жылы ауа райымен температура рекордын жаңартты

<a href="https://kyzylorda-news.kz/">Kyzylorda-news.kz</a> Семейде оқушы қыздардың төбелесіне қатысты тексеріс басталды. Бұл туралы <a href="https://stan.kz/semeydegi-okushi-kizdardin-tobelesi-zhyrttin-zhagasin-y-412553/">Stan.kz </a>ақпарат агенттігі Информбюро бағдарламасына сілтеме жасап хабарлайды.Қаладағы базар маңында жиналып, төбелескен жасөспірімдердің ата-аналары жауапкершілікке тартылуы мүмкін. Қазір полиция оқиғаның мән-жайын анықтап жатыр.Көпшіліктің жағасын ұстатқан видео әлеуметтік желіде&nbsp;таралды.&nbsp;7-8 сыныптың қыздары топ болып жиналып, қатарластарын күшпен итеріп жібереді. Сосын жерге оңбай құлаған қызды мазақ қылады. Ары қарай екі оқушы сырт киімдерін шешіп, төбелесіп жатқанын көруге болады. Қалған қыздар видеоға түсіріп, жанжалды тамашалап тұр.Қалалық білім бөлімінің басшылығы қызлар арасындағы төбелес сабақтан тыс уақыттта болғанын айтады. Оған қатысқан оқушылар анықталып, ата-аналарымен бірге полицияға бөлімшесіне жеткізілген. &nbsp;<blockquote>“Семей қаласының "Жансая" базары маңында екі мектептің 7-8 сынып қыздары арасында орын алған жанжал туралы ақпарат әлеуметтік желіде шықты. Бұл оқиға сабақтан тыс уақытта орын алды. Қазіргі таңда тергеу амалдары жүргізілуде. Қатысушылар мен олардың заңды өкілері, содай-ақ білім бері мекемелерінің өкілдері тиісті құқық қорғау органдарына түсініктеме берді. Видеоны әлеуметтік желіде жариялаған оқушының заңды өкілдеріне ҚР қолданыстағы заңнамасына сәйкес айыппұл салды”, –&nbsp;дейді&nbsp;Семей қаласы білім бөлімінің міндетін атқарушысы Макия Әмірханова.</blockquote>

Оқушы қыздардың төбелесі жұрттың жағасын ұстатты

<a href="https://kyzylorda-news.kz/">Kyzylorda-news.kz</a> Қазақстандық теннисші, 19 жастағы Сандуғаш Кенжебаева жұптық сында Анталия 2 (Түркия) ITF W15 турнирінің финалына шықты, – деп хабарлайды <a href="https://kaz.inform.kz/news/sandugash-kenzhebaeva-eknsh-ret-katarinan-turkiyadagi-turnirdn-finalina-shikti-877afc/">ҚазАқпарат.</a>Кенжебаева бір апта бұрын түркиялық Илай Йорикпен бірге осы жарыста жеңімпаз атанған еді.Бұл жолы чехиялық Элиска Тихачковамен жұптасқан Сандуғаш финалға барар жолда үш кездесуін сәтті өткізді. Соның ішінде ширек финалда жарыстың 1-ракеткалары, швейцариялық Мари Меттро – болгариялық Изабелла Шиникованы 7:6 (7:4), 1:6, 10:3 есебімен тізе бүктірді.С.Кенжебаева – Э.Тихачкова жартылай финалда қытайлықтар Уайжинг Цао – Ле Вай Люды жеңді – 6:2, 6:3.Тағы бір қазақстандық Асылжан Арыстанбекова ресейлік Дарья Шадчневамен бірге жартылай финалда германиялық Жоэль Лилли-Софи Стойр – бельгиялық Амели Ван Импеге жол берді – 7:5, 3:6, 9:11.Дәл осы жұппен Сандуғаш Кенжебаева мен Элиска Тихачкова чемпиондыққа таласады.Фото: Ғайсағали Сейтақ

Сандуғаш Кенжебаева екінші рет қатарынан Түркиядағы турнирдің финалына шықты

<a href="https://kyzylorda-news.kz/">Kyzylorda-news.kz</a> "Қайрат" футбол клубының шабуылшысы және Қазақстан жасөспірімдер құрамасының ойыншысы Дастан Сәтпаев футболдық карьерасын "Челси" сапында жалғастырады. Бұл туралы <a href="https://stan.kz/kazakstandik-futbolshi-kayrat-futbol-klubinin-oyinshisi-412524/">Stan.kz</a> ақпарат агенттігі metaratings.kz порталына сілтеме жасап хабарлайды.Лондондық "Челси" футбол клубы Дастан Сәтпаевты өз қатарларына қосу туралы нақты шешім қабылдады. Жақын арада алматылық клубпен лондондық команда келісімшартқа қол қояды.Трансферлік ауысым келесі аптада болады деп жоспарланған. Сәтпаевтың 18 жасқа толмауына байланысты келісімшарттың егжей-тегжейі әлі белгісіз.Бұған дейін футболдан Қазақстан U-19 құрамасының шабуылшысы 2024 жылдың желтоқсан айында лондондық "Челси" клубында қаралымнан өткен еді.Фото: kazfootball.kz

Қазақстан және Қызылорда облысының жаңалықтары